رواية لم اخلق لرجل سواك الفصل الثاني وثلاثون 32 - بقلم ايزابيل

هلاو هذا هديه لهواي اسباب اولاً الاربعاء المفروض موعد البارت القادم واني مراح اكدر انزل.
ثانيا حمامه (اختي) رادت بارت هديه وماحبيت اردهه😂😂

وبالمناسبه ترا حيرتوني اكتب على جمانه هواي تكلولي ليش احداث رروح قليله اكتب على روح هوايه تلوموني وتكولون احداث جمانه شويه

..
صرخ بوجهي : اطلعييي برررررره

خلسني وونصدمت من رده فعله نزلت بهدوء وواسحب بملابسه وواعدل بشعري عفته ووطلعت ب الصاله بالصدفه مريت من يم المرايه باوعت الوجهي..

عيوني مورمه وورموشي متبلله شفتي السفليه مجروحه ووالاثر مبين بوضوح..

تنهدت ورحت للمطبخ غسلت وجهي ورحت كعدت على التخم لميت رجليه لصدري وحطيت راسي عليهن نزل شعري غطى وجهي..

غمضت عيوني ووتسللت الاحداث لمخيلتي بهدوء كل ما اتذكر الدقايق المرت قبل شويه..
تصيبني رجفه...

ماله صوت صار تقريبا ربع ساعه من طلعت من الغرفه قررت ارجع ادخل وشيصير خل يصير..

كمت من مكاني وتمشيت بهدوء فتحت الباب ومديت راسي شفته كاعد على الكرسي ويدخن..والدخان مالي الغرفه بحيث صايره تخنك وعباره عن خيوط رماديه تتطاير ب الجو..

تحمحمت ودخلت رفع راسه باوعلي وورجع لتهه ب الجكاره كل ما اوصل للجربايه يخفق كلبي خايفه من الي راح اشوفه بحيث كمت اسحل بروحي سحل ثكلت رجليه..

ركزت بنظري على الفرشه ووشفت بقعه دم..
عبالك مي بارد وونزل على كلبي ارتاحيت ووابتسمت لا ارادياً..

جان يباوعلي ويأشر عليهه بأصبعه
: الي يحدد شرف المره اخلاقهه ووتصرفاتهه لا تفرحين هواي..

كتفت اديه : لعد ليش جنت مصر تعرف اذا اني بنيه لو لا!

ماجاوبني ملتهي يطفي جكاره ويشغل الثانيه..
مريت من يمه ووامشي الاول مره بثقه ووفرح وسعاده غامرتني..

ولو اني كارهه نفسي وومشمئزه لان كم نقطه حمره هي الي خلته يسكت..

بس بنفس الوقت فرحانه لان كسرت عينه..
وغروره وثقته الزياده.. فتحت باب الكنتور ووطلعت تراك صيفي برموده..

ودخلت للحمام فتحت الدوش ووكفت جوا ورفعت راسي كل لحضه لمضت بعيني لمساته على كل جزء بجسمي ووقربه ووانفاسه..

بعدني اتذكرهن ووياريتني ماتذكرهن لا ميستاهل  ولو خطف يخطف ببالي..

سبحت ووطلعت شغلت الشسوار ووانشف بشعري
واباوعله حايره وماعرف شبي احسه تعبان ومهوم ووشايل جبل مشاكل رغم كلهه بسيطه وهو مكبر المووضوع..

غيرت الفراش وورتبت الغرفه وونظراته تلحكني
عفته ووطلعت للصاله تمددت على التخم وتغطيت..

افكر ووافكر مادري احط الحق ويا لان ببساطه الي شافه خلاه يفقد عقله لو الومه بسبب همجيته وعدم تفهمه حرت ومداعرف شسوي

لحد ما غلبني النعاس وونمت..كعدت المغرب البيت هادء ويصوصي بس صوت الصراصر..

افرك بعيني ووافتر دخلت للمطبخ باوعت للكاونتر النفاضه مليانه كطوف جكاير بحيث طايح منهه ع كاونتر ووكوبين كهوه ووكوب جاي..

عقدت حواجبي معقوله هو اي قابل منو
الجني الازرك تنهدت حتى ماطلع من الغرفه..

تمشيت فتحت الباب ودخلت مالكيته موجود...
عزا راح للبصره؟ طلعت اركض مثل المفجوعه دكيت الباب طلعلي الحارس..

كتله : قسور وين

: طلع قبل شويه

: متعرف وين راح

: للبصره

تنهدت بحسره عافني من جديد طبكت الباب وودخلت للبيت كلي حسره والف اه متجمعه بيه

كعدت بالكاع وسندت ضهري للحايط المفروض دوامه بعد هي اجازته ١٠ ايام ودوامه ١٠ ايام..

يعني هم يبقى هناك شهر

ذبيت تنهيده طويله شتحمل بعد باوعت على الجربايه مذبوب قميصه العسكري جريته..

خليته على رجليه وولزمته حجيت وكأنو داعاتب قسور

: جنت طفله مغروره انفه والي ببالهه تسوي حتى لو جام حرام ووبي قله شأن الهه مجان يهمني شيء غير احب واطلع واتونس واتباها ب الفلوس كدام صديقاتي..

وفجأه ومن دون سابق انذار طلعت كدامي جنت اشوفك جاي حتى تفرض نفسك عليه او تتسلط ووتمشي كلامك..

مجنت احبك ولا احب احجي وياك

لحد ما كمت اشوفك الانسان الي اله فضل عليه..
لو ما انت ماجان عفت مؤمل ووعرفت اخطائي حتى لو بالقوه بس لو ما انت اني ما تركت هالعاده السيئه..

محد غيرك لنت اله وولا خضعت لغيرك

كلت ماكو غيرك استند علي فقدت ابوي من جنت صغيره بس صار عندي اب واخ وصديق وهسه زوج بهذا عمري كلت راح يعوضني عن كلشي...

بعد تصرفاتك وياي ورزانه عقلك وكلامك كلت مستحيل اكو شخص مثله بدون ما احس تعلقت بشخصيتك الي جنت اشوفهه مثاليه..

ليش تضهرلي حقيقتك ليش ماضليت محافض على الصوره الرسمتهه الي؟

تنهدت وذبيت القميص بس خلص ضعفت ووبجيت بما فيه الكفايه خلي يجي وراح احط حد لهل مهزله..

اذا يريدني صدك ف لازم يقدرني وويصوني واذا مصر يتعامل بهيج اسلوب ف راح اخلي ياكل اصابيعه ندم..

يعني شنو على اساس مجان يعرف بعلاقتي ب مؤمل صور شيء طبيعي ادزهن اله لان جنت غبيه لعد شيريد ادزله فيدوهات تلاوه..

مسحت ووجهي ووكمت شلت قميصه وودخلت شغلت الغساله ووذبيته هو وملابسي..

ووفتحت الكنتور عزلت ملابسه هو جايب وي كم قطعه ووغسلت الغرفه بمي ووزاهي بعدين مسحتهه ونشفتهه نزلت البرادت مال البيت كلهه وكلت اغسلهه من جبناها ولهسه ممغسوله..

بعد ما شطفت البيت كله مي ووزاهي وومعطر وبعدين نشفته غسلت البردات ووصعدت على السطح شريتهن ونزلت نضفت الثلاجه..

بحيث من ٧ لحد ال ١٠ اني بس اشتغل اخر خطوه سويتهه بخرت البيت لحد ما صارت ريحته تنعش..

رتاحيت كلش سويت عشه ووتعشيت

ووب ١٢ تقريبا رحت للحارس دكيت الباب علي فتحه متفاجئ : ها محتاجه شيء

: اريدك تروح للاسواق
: بهل وقت

: اي اريد شاميه ووببسي وككو على ذوقك

ابتسم وكال ماشي بقيت انتضره ب الحديقه جابهن واجه
فتحت التلفزيون على فيلم ووطفيت اضويه الصاله ووتمددت اباوع..

خلص ب ٢ ضبط نعست ومابيه حيل اكوم ادخل للغرفه نمت بمكاني للصبح الحارس جان مموجود وواستغربت..

شويه واجه كتله : ها وين جنت

ماده راسي من الباب واحاجي
: رحت ووديت اختي للصالون

: شنو عندك اخت وعرست

هز راسه

باوعتله بحماس : تاخذني لعرسهه؟

نكلبت ملامحه : ها اي بس اخاف الاستاذ ميقبل

: لا شنو غير انت وياي ووبعدين بيتكم قريب منا مو

هز راسه

: لعد حدخل ابدل يلا

هز راسه ويبتسم على تصرفاتي دخلت مثل المفجوعه على الكنتور الله صار شكد مطالعه وشايفه الشارع..

لبست بنطرون كابوي ووبدي اصفر ووبي كتابه اسود ربع ردن

ووشسورت شعري ووصل لنهايه ركبتي شويه طولان ووخليت مكياج خفيف ونطلقت.. من طلعت وشافني نصدم..

باوعتلي بتعجب : شبيك ترا اني مو محجبه

هز راسه وواشرلي بمعنى امشي مشيت ووهو وراي حيل ضايقني احاول اصير بصفه بس ماكو لاطش  وراي.. حسيت روحي شخصيه مهمه

وصلنه بيتهم كلش قريب دخلت هوسه ووهلاهل
يسألوني منين واكول جوارينكم شكد ما المنطقه فارغين حتى الحاضرين ينعدن على الاصابع..

حيل تونست لكيت بنات بعمري ووخالطتهن وحبيت لمتهن تذكرت جمانه وكعداتنه سوه ََ..

واكلت كيك ووركصت وورجعت للبيت تعبانه
..
هالمره مر شهر وو١٠ ايام يلا بحيث ايست كلشش كلت هاهيه بعد مايجي جوز حتى نساني عودت نفسي واقلمتهه على الوضع..

اكثر من مره البنات الي تعرفت عليهن يجني العصريه نضحك ونسولف وواسوي حلويات وناكل
وحتى علمتهن على الركص شافني بالعرس ووتخبلن ولحن اعلمهن..
..

بيوم الي اجه جانت ضهريه ووحاره ووصيف لبيت شورت يغطي نص الفخذ وويا تيشيرت وي الورك اخذته كامل يعني مو اني رهمت..

وشعري مفتوح طبعا وحده من البنات جانت تعرف تكص وخليتهه تكصه الي ورجعته قصير..

واكفه اطبخ جنت شاويه ربع دجاجه على كدي ومسويه شويه تمن احمر ووداثرم زلاطه..

سمعت صوته  يكول روح فورا ووكفت السجينه ووعصرتهه بأيدي صحت : انييي هنااا

دخل للمطبخ هالمره لابس مدني يعني مار عليهم اي عيني كحل عيونه بقمر يلا اجه..

مدري شخربطت بوقتهه بس اجت الفكره على بالي شعوطت بيده السويج انتجه على باب المطبخ ووكال : شدتسوين..

: داركص على ساجده عبيد

: شبيج

نرفزني حيل لتفتت علي وبيدي السجينه
: شنََوووو شبييه اخذت التريده ووعرفت الي ببالك تعوفني وتروح ليشش ٤٠ يوم معقوله ماخطرت على بالك ماكلت ماتت عاشت نجلطت صار بيهه شيء ادري بيك متحبني بس على الاقل جان احترمت العلاقه الي بينه..

ولو المفروض اتعود صار شهرين ونص على نفس القوانه..

قسور : كل يوم جنت اخابر واسأل عليج

ضحكت :هههههه  مفضل على رااسي اساسا ماتسأل عليه انت تطمن اخاف اعوف البيت واطلع..

لتتفتت وورجعت اثرم ووكعت من عيني دمعه على الطماطه شمرت السجينه بعصبيه ومسحت ووجهي حسيت بي يجي خلفي..

حضن خصري بثنين ادي وجرني علي صار ضهري ملاصق الصدره قرب راسه يم اذني ووهمس : روح الكم يوم الي اجيهن هنا ماريد اسمع لغوتج 

لزمت اديه ووبعدتهن : شنو كم يوم؟ قسور اني تعبت

نفخ بضجر : شتردين

: بالبدايه اريد اعرف شنو الي بكلبك عليه

هز راسه ورفه حواجبه : ماكو شيء

: شلون يعني

: يعني كلبي لا يشيلج حب ولا يشيلج كرهه..

بلعت ريكي ووصفنت كتفت اديه تقرب عليه  دنك راسه
لزم خصلات شعري ووخلاهن خلف اذني
: انت زوجه الي وبس لا اكثر ولا اقل خلي يكون زواج تقليدي مبني على الرسميه وهاهيه..

وخرت ايده : وتالي

: التالي تكعدين هنا وتسكتين وتتعودين على الوضع لان خلص هاي حياتج تقبليهه..انسي كلشي صار ونبدي صفحه جديده..

ضحكت بسخريه : ههه نبدي صفحه جديده اكعد هنا مثل السجينه او الحيوان المربوط تجيني بس من تصعد غريزتك زوجه للفراش فقط مو هيج تحب؟ هذا الي تريدني اتأقلم ويا!

: منو كال سجينه لا عادي اطلعي بس وي فاضل الحارس مو ذاك اليوم رايحه للعرس؟ واكو بنات يجنج لهنا بعد شنو..

: ماشاء الله توصلك الاخبار حاره ومكسبه..

: شنو الي تردينه مني احبج؟ كلبي بعد مستحيل يفكر بيج مثل ما فتحتي بابه سديتي بأيدج وبالنسبه التواجدي ف عندي دوام ومجبور اروح للبصره موشرط اكعد يمج لليل ونهار.

تنهدت : لا هاهيه ماريد شيء

كلت بداخلي مدام بده ينسه موضوع مؤمل فخليني هادئه ويا هالفتره بين ما ارجعه مثل قبل شويه شويه..

اذا هو يعتبرني غلطانه ف راح اسوي العليه واحاول ابين اله ندمي بأي طريقه..

نطيته ضهري وواستمريت اغسل ب الخضروات واثرمهه راح كعد ب الصاله ووجان عدنه نركيله ب السطح راح نزلهه وعمرهه ووكعد على التخم خلاهه بصفه وويشرب..

كملت الاكل وورحت ربعت ب الكاع ووصحت من ممكاني : قسور تاكل!

عاف القمجي وونزل ربع مقابيلي ووبده ياكل..
لمن شفته ماردني اجاني شعور وحافز كلش حلو

مستحيل اكون هيج او اعيش هيج عيشه مثل ما حبيتني راح ترجع تحبني من جديد وواول خطوه لازم اعوف هالبيت وواوصل للبصره حتى اكون قريبه علي..

: قسور

رفع عينه عليه

: ليش متخليني اروح للبصره،

جر نفس ووزفره : لتسألين هيج سؤال

: ليش! غير اعرف السبب اني اريد اكون قريبه عليك

: كتلج لا تسألين هيج سؤال لان مو وكته..

هزيت راسي ب تمام خلصت اكل قبله ووكمت للحمام اغسل شويه ولحكني دخل صار وراي بالضبط حاوطني بأدي الاثنين ووبعد چفوف اديه وواخذ الصابون مني وغسل بقيت محبوسه بين ووبين المغسله..

خلص ووجر المنشفه نشف ادي ودار ضهره ووطلع ذبيت حسره طويله ووطلعت لميت المواعين وغسلتهن ووصفطتهن...

اكو شيء ببالي خايفه اسوي ويصير وويصب غضبه عليه عليهه..

ماريد اشرب حبوب منع حمل اريد يصير عندي طفل منه بس خاف يكون هو الضحيه بعدين..

خايفه اخطي هيج خطوه اني متأكده  راح يرجع كلشي مثل قبل راح يرجع يهتملي يحبني ووجوز حتى يتعلق ب الطفل..

بس خايفه تنكلب العبه ضدي ووبعدين ميتقبله بوكتهه راح اورط نفسي وواورط طفل ماله ذنب..

بلعت ريكي وولازمه الوصله بين اديه واعصر بيهه حسمت امري ووكلت اذا اضل هيج خايفه ماراح اسوي اي شيء..

وبعدين حتى لو اجه طفل هو راح يكون سند اليه
لزمت وجهي بثنين اديه وونفخت بملل..

طلعت جان كاعد يشرب نركيله ووكفت كدامه اخذتهه من ايده عقد حواجبه: شبيج؟

كعدت على رجلي ووحاوطت ركبته بأديه
: اريد اسألك سؤال

حاوط خصري ووجرني علي اكثر
: اسئلي

: حصتي وين صارت؟

: ماناسيهه كم يوم كلشي يكون كامل..

: سؤال ثاني

: اي ماراح نخلص اليوم

: لا بس حبيت اسألك سامحتني لو..

قاطعني وهو يكول: سدي هذا الموضوع اعتبري مصار

نزلت اديه على ياخه قميصه
: تدري اني خايفه من هدوئك..

ابتسم بجمود  وكال : عوفي الخوف اني حيل تعبان

طفرت من مكاني : احضرلك الغرفه تنام

هز راسه ب اي مشيت للغرفه عدلت الفراش ووكفت على المرايه رشيت عطر الشعري دخل

اجه ووكف بصفي على الميز ووفتح الجرار طلع الحبوب كتله : ليش متريد اطفال

: لان ببساطه ماحبهم وماريد هسه

ابتسمت وهزيت راسي واكو خوف بداخلي لا والله مو بس خوف كلبي يرجف حطيتهه جوه لساني ووبس لتفتت طلعتهه ووشمرتهه
..
تعامله وياي هالمره جان احسن يعاملني بهدوء ومضايج
..
ضل علي طول اجازته وراح وورجعت لنفس الوحده هالمره ماطول بس خلص دوامه اجه..
جان ملهوف عليه مادري اذا يمثل او صدك بس دخل للصاله وكمت من مكاني كتله شلونك جرني
ووباسني ووحضني وويشتم بعطري..

كالعاده ماشربت حبوب ولا قربت الهن اصلا وهو متوقع اشربهن
..
مرن خمس اشهر ضبط على زواجنه مرات يتأخر يمي ومرات لا من ثاني يوم يروح..

اول ما غابت الدوره عني شكيت ب الموضوع ووخليته يروح وواخذت الحارس ورحت للصيدليه على اساس اشتري علاج الي بس جبت تحليل منزلي وطلع توقعي صح اكو حمل
..
يتبع

جوز باجر التكمله جمانه وفااديه بس تفاعلو😘😘

🖤🖤🖤🖤🖤
ايزابيل