رواية لم اخلق لرجل سواك الفصل الحادي وأربعون 41 - بقلم ايزابيل

#بقلم إيـزابيـل
#الجزء الواحد والثلاثين
# لم اخلق لرجل سواك

حابه نغير غلاف القصه لو نبقي نفسه!
..
روح

رجعت غمضت عيوني ووعصرتهن بهدوء خليت ايدي على ادي الي ملفوفه على بطني ووشلتهن بهدوء قمر نسحب فورا بخجل ووسدت الباب ووراهه كام ووهو يعدل بقميصه وولحكهه..

اسمعه يصيح عليهه يم الباب وهي تكله ماجنت ادري بيهه هنا ووالله..

ووزمخ بيهه صوت من يمي خفت هي ماسكتت كالت بصوت واضح، عود تسمعني

قمر :دخل تستحي هي إلادبسزز نايمه بحضنك وومامهتهه جاي عليه اني شكوو وهسه رايحه اكول لبيبيتي ووماسكت ووالقرأن شهل سفاله هاي تردون اطلعو برا البيت ووسوو اليعجبكم بس مو بنص بيت جدي..

رغم الي اني بي وتعبي بس كلامهه ضحكني استغفرالله ياربي..

حركه كلبي لمن تحجي عليه وتكول سافله الغبيه شلت رجليه من الفراش ونزلتهن...

اسحل برجليه سحل كلشي بيه متكسر فتحت باب الغرفه شفتهم واكفين كبال الباب انصدم قسور من شافني عباله نايمه..

روح : احترمي نفسج حرام عليج تحجين ووتقذفين اعراض من دون متعرفين السالفه..

وهي تهز بنفسهه بمكر ووصلافه
: سالفتيش عيني اشو ولا عبالك نايمه بحضن الرجال ووماخذه راحتج ووماهامج لا سمعه ولا شرف..

قسور : لججج انت هي من يمتى لسانج هذا صاير اطول منج كافي ملاسن وانكلعي ماريد اشوف خلقتج

رفعت طرف حاجبهه: اي راح اروح اني بس تدري وين

كلامهه خبله عيونه نكلب عرفته ماراح يرحمهه ووكفت بيناتهم ووحطيت ايدي على صدره ووهمست بتعب : كافي قسور خل ندخل كافي..

قسور: لج تهددني هاي الادبسززز ابقي بمكانج اذا انت مره وطالعه من ضهر ابوج اذا ما ذبيتج من المحجر.

قمر : لتذبني ولا اذبك يا ابن عمي روح ادخل وياهه للغررفه وريح نفسك..

ناويه اسكت قسور بس اني الي اشتعلت بيه النار لتفتت ووصرخت بعصبيه  : لج بابا زوجته انيي
احجي عدل وكافي كلان تبن.

نزلت دمعتي بسرعه نار تجوي بخدي عفتهم يتعاركون ودخلت للغرفه هي منفعله كلش وتكله عفتني علمودهه مووو بشنو احسن مني لو انتم تحبون المشلتحه البربوك الي تفركم فر..

صرت الراشدي اذاني قبلهه بس الي صدمني اكثر
شبيهه تخبلت فدنوب؟ هو بينهم قرايه فاتحه ووتدري هو ميحبهه! معقوله اكو شي رسمي..

لزمت راسي بوجع مابيه حيل هم ثاني العياط مله البيت ووعمتي وقسور وبيبيتي وعمامي صوتهم كام يوشوش بأذني كد ما عالي..
..
كاعده ب الغرفه ومالي حيل اطلع واواجهم جسمي كله كام يرجف ووسنوني يطكن ببعض..

اضطريت اكون لان مامعقوله كل هالعرك لان درو متزوجني
..
خليت شعري خلف اذني وتمشيت ووكفت على المحجر..

عمي حسين ابو قمر يحجي
: عمي والله مارايد تاخذ بنتي لان غيرك الف واحد يتمناها بس مو معناها تجيبنه هيج ووحده شلون انطاك كلبك تدخل بنت وحده ساقطه وخاينه لبيتنه..

ترا الوكت يدور وواذا ماطلعت مثل امهه ازين شاربي..

قسور : لا توعد عمي لان اني ادري بيك كد كلمتك ف باجر عكبه مع احترامي الك راح تبقى بس لحيه..

صاح ابو علي الي هو عمي رضى
: قسوووور ماكافي عملتك السوده ترادد بوجهه عمك بكل صلافه اخذهه واطلع برا طولك ماشوفه..

جان يخلي ادي بجيوب بنطرونه ويرفع اكتافه بكل راحه : والله لا طفل اني ولا الملهي بحلكي وولا مراهق ووناهبلي وحده ووباليكم بيهه رجال الشيب تارس راسي وواعرف الصح من الخطأ مابيهه شي تزوجت بنت عمي الف رحمه لروحه على سنه الله ورسوله..

ووالمايدري خل يدري روح زوجتيي وواتشرف بيهه ووان شاء الله تطلع اربعينيه عمتي ونسوي العرس حتى كلهه يكون عندهه علم..

جان وواكف يدافعلي بكل حيل صدر جنت حيل ضايجه منه لان منعني اشوف امي بس بعد وكفته هاي عبالك مي بارد ثلج ووتسرسح على كلبي.

نزلت على الدرج ابجي وواشهك مثل الطفل مهضومه من كلامهه لتاف عليه وواني ماشيه اله وواهتف بأسمه..

ذبيت نفسي بحضنه وودفنت راسي بصدره..
ماستحيت ولا خجلت ردت اثبت الهم شيء بس ماعرفه شنو؟

يمكن اكللهم  غصبا ما على راسكم تزوجني وكسر خشومكم..

همست عمتي ام قمر
: هاك هاك شوف الصلافه عمي نسوان ماتستحي هي هاي اليتشرف بيهه تهي بهي..

لزم ووجهي بثنين ادي وررفعه صارت عيوني الغركانه بالدموع نظراتي الي تستجدي العطف بعيونه الصلبه بنظراته الثاقبه.

قسور :  ليش نزلتي ماريدج تسمعين كلامهم ووتتأذين وانت تدرين الدكتور شكال.

همست بكلمات ماسمعهه غيري وغيره
: لتعوفني بنصهم

ابتسم ويحاول يطمني وعبالك ديكلي بملامح متروسه  ثقه اني يمج لزمني من اكتافي ووحضني بقوه ووخلاني جوه ايده...

قسور : راح احجي هل كلمتين واصعد  اولا ماريد الموضوع ياخذ اكبر من حجمه روح مرتي ومن هذا البيت غصبا ما على اليرضى والمايرضى..

ثانياً كاعد ببيتي ووكاعي وهي كاعده ببيت زوجهه اي واحد منكم يتعرض الهه ميشوف مني خير..

ثالثاً ياويله الي يسمعهه حجي بخصوص امهه او من ذني البسامير الي يذبنهن اهل الاختصاص..
اي شيء يصير الكلبهه بسبب كلامكم تتحملون كامل المسؤليه..

وعمامي انتو على راسي ماوكف بوجهك بس اخذو الموضوع طبيعي احسن ما تتزين حتى الحايه..

وسحبني خلفه صعدنه الدرج واني كل شويه ملتفته عليهم نظراتهم تريد تفترس قسور
بودهم ينقضون علي..
..
دخلني للغرفه ولتفت يسد الباب مسحت وجهي
: قسور شنو الغيرك..

تنهد وورفع وجهه باوعلي بطرف عينه
: كلشي تغيرر بس خليج مثل ما انتِ

روح : شنو قصدك؟

قسور : اريد روح هاي ماريد روح القديمه

تقربت علي : بس اني اريد قسورر القديم اريد قسور الي ميأذيني ميوجعني يسندني يقويني يحفزني راجح فاهم وواعي.

انتَ منتبه انو كلشي صار بيه بسببك انت من جروح خارجه ووداخليه؟!

شلون تريدني ابقى وياك حسب مرامك

جر جفوف اديه وولزمهن
: اني اقتنعت ان انت قسمتي ومستقبلي ووتقبلتج حاولي انت هم تتقبلين..

روح : اني مقتنعه انو مانخلقت غيرك لان كل الي حبوني وورادوني ماصارت ولا توفقت وياهم وومؤمل خير دليل..

شكد حبني بس؟ مو هو الرجال الي مكتوبلي..

اني اعتراف انو دارت الدنيا ووكفت عندك ووطلعت انت نصيبي..

بس! كلشي سويته ماكدر اتقبله
..

تنهد وومسح ووجهه خله ايده على زندي ووكال
: انت تعبانه هسه روحي نامي ووالوقت كفيل بأن يحل كلشي..

غمضت عيوني ووبفركتهن بأصابعي رجعت تمددت على ضهري ووعيني ب السكف...

كل ما اتذكر امي لا ارادياً يهلن دموعي
..
للعصر اني اتكلب ب الفراش وبين الفاصله والواعيه قسور مو هنا وماعرف وين باقيه لوحدي ب الغرفه..

دخلت عليه عمتي هدى ذب شالهه رفعت نفسي عن الجربايه..

جان تنطيني اشاره بعيونهه معناهه ابقي نايمه بس استحيت لحد ما هي وصلت ليمي كعدت خلفي ووجرت راسي خلته على فخذهه.

زفرت نفس براحه تمسح على شعري وتتلمس بكصتي : ولج مريضه مصخنه شلون ماحسيتي على نفسج..

برطمت : عفيه  عمه ماريد عطف

هدى: شنو مافهمت

: عمه انت متحبيني ووتكرهيني بسبب الي سويته ليش هسه دتعطفين عليه وتعامليني هيج هم انت وهم قسور ماريد اعيش هيج حلم وويجي يوم وواكعد منه راح اتدمر ب الزايد..

هدى : ياعيون عمتج شنو ماحبج شعندي غيرج وانت بنت الغالي وروحه صح اني ماراضيه على تصرفاتج لان مو مال مره رزنه بس مو اكرهج شعندي غيرج معتبرتج بنتي ووالله واعز..

روح : زين قسور انت ماشفتي شلون يتعامل ويايه ووهو لمن جنه ببغداد متحلف الي على السويته بي كال اندمج اشو هسه نكلب الف ب الميه..

عمه والله خايفه

هدى : عليش تخافين صح هو جان عصبي عليج بس بعد الي صار نسى كلشي اكيد شاف كسرتج ووحزنج ووكال ما اجي اصير اني والزمن عليهه..

نزلت باستني بكصتي

روح : يعني نسى وماراح يأذيني!

هدى : اكيد مو بسهوله بس صدكي مدام يحبج هاهيه اعتبري الموضوع نسد..

تنهدت براحه بقت يمي شويه تواسي بيه وتكلي اني امج وواني اختج وصديقتج اي شيء، تحسي زاعجج تعالي اشتكيلي حتى لو من قسور..
..

فجأه ومن دون سابق انذار حسيت عندي سند..
كدرت اشعر بأن اني مو لوحدي مو غريبه بنص هالعالم..

وخاصا قسور بلحضه كدرت اكول علي فعلا زوج ووشريك عمر،،،

يعني جان المفروض اتعب كل هل التعب واتدمر علمود يحس بيه؟!

ضحكت بسخريه لعد شلون حياه هاي راح اكملهه ويا،،،

هدى : شنو رأيج ننزل اني وياج بالبستان

روح : لا عمه حيل بردانه اريد اتغطى ووابقى ب الفراش

هدى : تتكسرين هيج ويزيد المرض،،

دخل قسور رفعنه عينه ثنينه

: مساء الخير

هدى: مساء النور امشي بوجهك للصيدليه جيب علاج صخونه ووافلاونزه واذا ابره شراب افضل

قسور : المنو

جان تبتسم ووتباوع عليه
: روحك مريضه،،

انصدم من كالت اله هيج اني لا ازال بحضنهه اجه عليه نصه نفسه ووحط ايده على كصتي وونزلهه على ركبتي وويتحسس بيهه..

جان تضربه على ايده

هدى : هو الي يقيس الحراره من الركبه..

قسور : اي چا شلون

هدى : دمشي جيب العلاج ولا تتحارش ترا اخذهه واروح لغرفتي..

لتفتت صفح وابتسمت بتعب

قسور : هههههه لا متسوينهه، روح شتحسين

درت علي : جسمي مكسر وومشتعل نار،،

قسور : اي لان تسبحين وومتنشفين اكثر من مره منتبه الج ثواني اعبر لهاي الصيدليه عمه لا تعوفينهه وحدهه..

هدى: ايي بس روح مو شلعت كلبي..
..
جاب العلاج شربته لليل صرت احسن

مرت الايام مثل بعض معتكفه ب الغرفه قسور عنده اجازه ١٠ ايام ف مكابلني وكاعد..

عمامي ميحجون ويا ولا اي واحد ب البيت وهو ما مهتم يكول عساهم عاد شلون حجايات هنه..

ماعدى ابو راح باس ايده وواعتذر وواخذني اله بسته وسلمت علي بس كالب خلقته وما احترمنه ولا قدرنه..

قسور يكول سويت العليه بعد هو وضميره
..
صار وقت التحاقه ووكالي تروحين تنامين يم عمتي بغرفتهه ماتبقين ووحدج استغربت تصرفه..

وبليله قبل الاتحاق بليل نزلت يمهه وسألتهه كالت سامع قمر ووامهه يتحلفن بيج وومتخبل عليهن وواجه ووصاني ماعوفج الوحدج..
..
بقيت يم عمتي وهي توصي بيه ماطلع ولا اختلط بيهن وكال اذا تضوجين كولي الي نروح اني وياج بالبستان..

نكابل الخضار والاشجار احسن من مال نكابل خلقهن..

واني اضحك بلحضتهه كلت الهه
: بس عمه قمر حقهه جانت بانيه احلام على قسور وفجأه لكته صاير لغيرهه

: ايي كلش بانيه احلام هي اصلا اول ماقرو الفاتحه ماجانت راضيه بس بعدين حله بعينهه مدري شنو وولزكت فد لزكه..

روح : زين اكولج عمه عندي سؤال قسور مره كال جنت احب وحده ومصارت هيج شيء..

: اوو هاي ايام المراهقه شعليج بيهه. اهم شيء هسه هو لمنو

ووغمزتلي ابتسمت

عمتي حيل طلعتني من الجو الي جنت بي شويه شويه بده يرجع نشاطي ووحيلي لحد ما استقر ووضعي
...
بيوم رجعته جنت لابسته دشداشه سوده عمتي جابتهن بس كلش عريضه جايبه اكبر من قياسي بقياسين وماكدرت اردهن بيدهه كلت شعندي البسهن ب الغرفه هم يبردن

بغرفه عمتي ارفع بشعري بلاستيكه شويه طولان سمعت صوته،،

عفت البيدي ووطلعت مديت راسي مانتبه الي ووحتى استغربت انو ماسأل عني،،

طلعت تمشيت ليمه وحجيت
: الحمد لله على السلامة اصبلك غده

رفع راسه بمعنى لا وجهه ميتفسر اكيد صاير شيء تمدد على التخم ووخله ادي جوه راسه.

باوعت لعمتي بلون باهت تقربت وهمست بأذني
: اشش اكيد تعبان
..
هزيت راسي ووصعدت للغرفه رتبتههه ووشغلت السبلت ووعدلت الفرشه وونزلت صحته يصعد ينام فوك بالبدايه ماقبل بس من شاف قمر تفتر ب الهول خله ووصعد
..
جبت غراضي الي بغرفه عمتي وصعدت رجعتهن ب الكنتور..

ادري بي منايم ومنتضرته يحاجيني او على الاقل يسأل على اخباري بس مانطق ولا حرف وبس ينافخ وعبالك كارهه روحه..

كلت اكيد تعبان لان شغل ووبذل مجهود فوك طاقته اكيد يهلك
..
مر اليوم بسلام وواجه ثاني يوم الصبح كعدت لكيته وواكف ينشف على ميز المرايه ولابس قميصه وبعده مفتوح ما مدكمه..

فركت عيوني ووهمست : صباح الخير

مجاوبني وطلع وهو يسد قميصه اخر ماسمعته طبكت الباب القويه..

هذا شبي تخبل؟ هسه اني بيا حال واكعد افسر تقلباته..

اعوذ بالله
..
نزلت كاعد بالكاع يتريك وي عمتي وويحجون بصوت ناصي من شافوني سكتو كعدت بنصهم.

روح: صباح الخير عمه

هدى :  صباح النور والسرور حبيبتي،،

اكلت بدون شهيه اجه يغسل سويتله مجال ووصرت بضهره..

همست: ببدال ما تعاملني هيج واجهني ليش هل تجاهل..

لتفت عليه ووببرود :يا تعامل؟ زعجتج بشيء

ابتسمت بسخريه :لا سلامتك

تنهدت وونداريت طلعت كعدت على التخم ووهو خابر صديقه وكله نلتقي ب الكوفي دنك اخذ السويج والجكاير من الكاع ووطلع،،
..
ليش هيج يلعب بمشاعري حرام علي يعليني وويوكعني بنفس الحضه..

مليت منه وحيل تعبت ووحتى مايحاجيني..

شافتني عمتي كالت : شبيج

تنهدت : مابيه بس تذكرت امي..

رفعت طرف حاجبهه ووكامت شالت الصينيه..
وودتهه للمطبخ وورجعت تتمشى كدامي متجهه للغرفه بدون ما تلتفت صاحت علي وكالت الحكيني
..
رحت وراهه اول ما دخلت جرتني وطبكت الباب

هدى : ادري بيج متضايقه من قسور بس ابد لا تعتبين علي

روح : هو اني اعرف شصاير حتى اعتب علي

كالت بأنزعاج
: بالدوام ياهو الي يشوفه يكول هذا الضابط الي مرته اشتكت علي
..
فاديه

كلام رهف يرن بكلبي وراسي من جهه الي حجته على الجرح ووفعلا اذا همه ماكدرو ياخذون حقي ف اني اكدر..

ومن جهه رهيب مجاي اشوف منه اي اذيه ووحتى هو كال مالي دخل

بس معقوله يطلع جذاب؟ اي اصلا الجذب يمشي بدم هاي العائله قررت احجي وي اخوي سلمان اليوم وواخلي يرجعني..

واكفه على الميز ارش عطر دخلت رهف نتجت على الحايط وكتفت اديهه : مثل ما كتلج مو؟

زفرت نفس بعدم حيله ووميلت راسي
:رهف خايفه

تقرب علي ووحطت اديهه على اديه
: شكتلج اني

فاديه: الخوف ماراح يجيب فائده وانت كدهه

رفعت طرف حاجبهه بمكر وابتسامه ثقه
: طبعا كدهه بنت امي واعرفج

فاديه: اخاف همام يزعل اذا عرف كاسره كلمته ووراجعه

رهف : معليج عوفي همام عليه

طبعا رهف ووهمام ابد مو صلح هي تكرهه لان امه ايرانيه ونزلت ضره على امي تموت منه متطيقه ََ...

واصلا كلهم جانو يكرهونه كرهه العمى بس هو كسر خشومهم وووصل للي هو بي وثبت الهم نفسه..

رغم مجاملات وواحبك وواخوي ووعضيدي انت كل هذني يسمعونهه اله كدامه بس بضهره يحجون علي..

ويحسدونه على نجاحه رغم همه ماناقصين لا فلوس ولا املاك.. خطيه جان كل فتره من يرجع من بغداد يوكع مريض لحد ما استقر بالفرع الاول مال شركته الي بالبصره..

تحسن شويه وهسه رجع لبغداد يكول لازم عيني على الاثنين..
..
بعدني احجي وي رهف سمعت صوت سلمان يصيحني..

رهف : شكو انزلي شوفي شيريد راح انتضرج هنا عندي كم كلمه وياج،،

فاديه : تمام

جان الشال على ركبتي ووفاتحه شعري نزلت على الدرج لازم المحجر وواحجي : ها خويه صحتني..

بس لتفتت عيني صارت بعينه استغربت كاعد ومدنك ووشابك اصابعه بس من سمع صوتي رفع راسه..

ووكفت بمكاني مثل المتكهرب حطيت الشال على راسي مدري شجاني استغربت منه..

سلمان : تعاي بويه تعاي رجلج اجاج

راح كعد كدام رهيب ووسبحته بأيده كعدت بصفه..

رهيب : الله بالخير

ماجاوبت اني بس ابلع بريكي فاجئني حيل،،

سلمان : كومي سوي النه كهوه ولو اتعبج
فاديه : لا تأمر خويه
..
ركضت للمطبخ نزعت الشال وواهفي على وجهي
انتجيت على السنك ووغسلت جبت الدله ترستهه مي وكهوه حتى ما انتبهت شكد حطيت كم خاشوكه ووماهتميت اذا راح تطلع خفيفه لو ثكليه المهم الهي نفسي..

حطيتهه على النار وواخوط بيهه وافكر شويه ووسمعت صوت خطوات رفعت عيني جان اشوفه متوجهه للمطبخ...

عزا شكو جاي

دخل ورفع عينه عليه نزلت وجهي على الطباخ وكلبي يلهث نزع سترته الحبريه ووبقى بقميصه الاسود شمرهه على الكرسي.

ووكل هاي حركاته وهو مثبت نظره عليه مشال عينه ولا ثانيه گف ردانه وكف على المغسله.

فاديه : ااا جان رحت للحمام الي بالصاله..

سد البوري : اني ماجيت اغسل

ووعصر ادي ووذب باقي المي بعيد عن ملابسه حتى لا يتبللن

فاديه: ها شلون يعني

تقرب عليه ماكو بينه غير كم انش مد ايده ووطفه الطباخ..

رهيب : اريد نحجي على انفراد

فاديه : بخصوص شنو نحجي

رهيب : اخوج كال اخذهه وروح مادام انت زوجهه وتريدهه مالهه كعده هنا بس اريد اسمع جوابج انتِ بعدج متضايقه مني! ومن الي صار اذا حابه تبقين كم يوم لبين ما ترتاح كلش عادي..

فاديه : وهذا الموضوع يحتاج نكون على انفراد

رهيب : طبعا ماريد اخوج يأثر عليج

تنهدت ووالدموع بعيوني : رهيب انت ليش هيج دتعاملني شكو مصر عليه مصار النه ٥ اشهر سوه ووهلكد تعلقت بيه لا تنسى ترا اني اخذ شرفي ابن عمك وكدام صديقه..

نزلت دمعتي ممسحتهه ببطن ايدي تنهد ووطلع باكيت الجكاير دنك يسحب وحده وكال..

رهيب : هو مو عطف ولا شفقه بس دائما المضلوم يجذب الانظار واني ادري بيج مظلومه ووتحتاجين احد يسندج مو يكسرج..

وواني جنت شاهد على الي صار بيج صح كرهت قربج ب البدايه لان ماتقبلت الفكره بس هسه تغيرت الموازين..

ضليت ساكته ووبس امسح بوجهي ورث الجكاره
رهيب : هسه شنو تروحين لو لا؟

هزيت راسي ب اي

رهيب: تمام منتضرج

طلع ونسه الستره مالته استحيت اخذهه اله كلت بلكي يتذكرهه ويرجع عليهه
..
طلعت انطيتهم الكهوه وصعدت الفوك تلكتني رهف ها شكو وشصار سمعت صوته جوه..

حجيت الهه كلشي حتى على سالفه المطبخ كالت عفيه عليج خلي يعطف عليج لحد ما يبدي يتعلق بيج وويحبج..

فاديه : رهف حرام كسر الخواطر

رهف: نجبي چا كسر الخواطر من يمهم حرام ومن يمنه حلال
..
رحت ويا اول مادخلنه الوجوه كلهه عليه ثكيله
دخلت للغرفه بدلت ملابسي وهو اشوف حط كرسي ووصعد فوك الكنتور نزل اوراق هواي وياهن ملازم وكتب..

عقدت حواجبي : شنو هاي؟

جاوبني وهو ينضف التراب عنهن
: ملازمي ووكتبي باجر عندي دوام

فاديه : ليش انت تداوم؟!

ندار ووابتسم : اي صيدله مرحله اخيره بس اهليه

فاديه : اها بس عمرك جبير المفروض متخرج؟

رهيب : اي صح بس كل صف جنت ارسب بي سنتين

فاديه : هههههههه مبين من الاهليه شكد طلعت؟

رهيب : ٨٩

فاديه : كلش زين بعد ليش ترسب؟

راح كعد على الجربايه وورفع راسه عليه
: شوفي اني جنت احب المدرسه حيل ب الابتدائيه وبدايه المتوسطه درجاتي كلهه مفوله بس ب العداديه تعرفت على شله وكضيتهه دور ثاني  ووسبعينات ووسنه ثانيه وتركت وورجعت هملت الدراسه و طار واهسي..

بس من وصلت للسادس شديت حيلي وعدت سنتين يلا طلعت هيج معدل.. والحمدلله رجعت ب الكليه هملت

فاديه : ههههههههه تتحمد على شنو

زفر نفس ببتسامه
: اكتفشت حياه الدراسه مضيعه ووقت

فاديه : اول مره اشوف صيدلاني ميحب المدرسه

رهيب : يمعوده من كل عقلج صيدلاني الله وكيلج بس اتخرج افتح چمبر ابيع بي ترب ووسبح وعلج مر ترديني اكتل العالم  

فاديه : ههههههههههه قويه زين اكلك

: كولي

: عادي اروح وياك باجر

رهيب : اي عادي بس تكعدين من الصبح

ابتسامتي شكت حلكي طفرت بفرح
: اكيد اكيد

: تمام متفقين
..
ثاني يوم بدلت ورحت ويا طول الوقت وويا ولازم ايدي ماعافني عرفني على اصدقائه وعكس ما حجالي محترمين وومثقفين.. ووكعدنه ب النادي
وهو بس يضحك بيه بحيث خانكه ضحكتي حتى محد يسمع..

مادخل بس كم محاضره علمودي وومارجعنه للبيت طلعنه للمطعم لان ماقبل ناكل ب الكليه يكول اكلهم مو طيب تغدينه ووبقينه لليل..
رجعنه للبيت كلهه تباوع علينه ومفتحين عيونهم عشره..

بس حطيت راسي على المخده تذكرت اسعد ووشلون جان يخابرني وويوعدني ب الزواج

ووجنت مخططه المستقبل بعيد ويا  ووكلت مستحيل اتزوج غيره

بس شكلي ما نخلقت لرجال غير رهيب
..
جمانه

صدمني لمن كال هيج ضليت لا اخذ ولا انطي..

خجل على صدمه على ضوجه ماعرف شنو اوصف احساس بهل لحضات بس كل الي اعرفه انو نثولت بهذا اليوم..

بلعت ريكي ووكفت على حيلي جاوبته وواني منصيه راسي : مرخصتك

ووعفته ووطلعت كبل للمكتب ممخنوكه ووماكدر اتنفس رجليه يرجفن..

مستحيل مستحيل مستحيل شلون يطلب هيج طلب لو تنكلب الدنيا رئساً على عقب ميصير.

حتى لو القدر والنصيب والحظ كلهه توحدت ماراح يصير هيج شيء.

ولا ب الاحلام عرك ووجهي ووجنت مخليه مكياج نعدمت رحت للحمامات نزعت شالي غسلت ووجهي ووفركته حيل ب الصابون بقه بس اثر الكحل جوه..

لحد ما هديت رجعت لفيت شعري ووطلعت رجعت المكتبي طلبه فزز شيء بداخلي جان رافض النهوض ايي نهض ووحسيت بي يتغلغل بكلبي.

شعور الارتباك والرجفه نهضن بداخلي هذن الشعورين الي ميجن غير لمن يكون الموقف كدام شخص مهم وواله مكانه بداخلك..

يجن لمن يتعلق المووضوع بشيء انت تحبه..
تريد تستقبله او تخسره..

حطيت ايدي على كلبي ووامشي بهدوء صارت بوجهي بنين..

بنين : هلاو جمانه

حاولت ابتسم حتى ماحسسهه بشيء
: هلو حبي

بنين : اكو شيء؟ مزعوجه

جمانه : لا ليش!

بنين : اشوو وجهج

بعدهه دتحجي جان يقاطعنه دخوله مر من عدنه خطف ادي بجيوب بنطرون الكلاسك وونظراته ليكدام واحنه واكفين صفح..

همام : جمانه حضري نفسج بعد عشر دقايق نطلع للاجتماع عشر دقايق ها!
..

بنين : روحي يلا ترا اذا تأخرتي تتحاسبين

جمانه : معليج بي عوفي حاجيني شبي وجهي؟

بنين: مبي بالعكس اليوم طالعه تخبلين..

ضحكت بخجل ووعفتهه ورجعت للمكتب عزلته وورتبت الاوراق مرت خمس دقايق..

نزعت الحذاء لا بوت ووعالي ورمن رجليه وصايرات حمر فركتهن شويه

وونزعت الكوت ووعدلت القميص ورجعت لبسته وونكتته.

باوعت على الساعه بعد دقيقتين..طلعت وناويه اروحله صار بوجهي عمو ابراهيم المستشار مالته

جمانه : شلونك عمو

ابراهيم : هلا والله انت شلونج بنيتي

جمانه : الحمدالله بخير محتاج شيء؟

ابراهيم : والله اريد اصعد للطابق الثالث عندي اوراق اريد استنسخهه بس جهاز الاستنساخ مالتي عطلان اريد اصعد العمار يسويهه الي..

جمانه : انطينياهن عمو اني اسويهن

ابراهيم : لا تسلمين روحي بشغلج

جمانه : شنو السالفه دنطيني ماطول روح واني اجيبهن الك للمكتب
..
اخذتهن ووركضت للمصعد جان توه صاعد ووبي موضفين يبو لازم انتضر هيج راح اتأخر

ركضت على الدرج ضليت اركض لحد ما هلكت رجليه باوعت على الوقت عبر الموعد
٣٠ ثانيه..
..
ووصلت لعمار الهث ووفحطانه انتجيت على المكتب مالته

عمار : ها ياستار

جمانه : استنسخ ذول بسرعه عفيه مستعجله

هز راسه : ادللي

اخذهن من ايدي وواني كعدت على الكرسي شربت مي ووباوعت صارت دقيقه لا هاهيه نطردت..

لحد ما كمل استنساخ وكعد يستفسر مني على شغلي وونزلت درج ال ٣ طوابق وديتهن ال عمو ابراهيم وورجعت لكراج الشركه.

تأخرت خمس دقايق
..
وكف يم السياره فحطانه ووايدي على كلبي ووامشي بتعب جان يحركهه وويطلع الكراج ويروح..

حتى بدون مينزل الجامه المضلله ويحاجيني
ضليت فاتحه حلكي بصدمه وصدري يصعد ووينزل..

الدمعه نحصرت بعيني من الفشله لا اصلا نزلت لتفتت دارجع جان يرجع يطب ب الكراج وويوكف كدامي..

غمضت عيوني ووتنهدت فتحت الصدر ووكعدت بي

همام: تأخرتي ٥ دقايق وو١٠ ثواني

جمانه : ااا استاذ ووالله

همام:اششش حرك حجي
..
مشت السياره بارده ثلج وهدوء بقيت افرك ب اديه ووخدودي

بنص الطريق سألني
:ووين اوراق الاجتماع

عبالك بلوكه ووضربني بيهه على راسي مي حار وونصب عليه بقيت متجمده بمكاني..

جمانه : عزا نسيتهن بمكتب عمار

همام : لا والله خوش سكرتيره نشيطه شبيج انت اليوم مضروبه ثول؟!

عضيت شفايفي السفليه بخجل يباوعلي ب المرايه بخزره..

همام:
ارجع حجي ارجع وخابريهم الغي الاجتماع اليوم

حيل فشلانه ووحتى استحي اخلي عيني بعينه حرت شلون اتهرب منه فعلا اني غلطانه..

وغلطانه هوايه هم اكو واحد يجي الاجتماع بدون الاوراق كبر لفني وووخلص المجتمع مني..

هسه هو بكلبه يكول لو ادري ماكايل الهه اريد اطلبج صابهه عمى..

رجعنه للشركه ووهو نزل حتى بدون ما يحجي ولا كلمه فاجأني بروده اتوقعته راح يعصب عليه
..
نزلت من السياره ووبقيت وواكفه بالكراج ووهو دخل لتفتت عليه ووحجه وهو يرفع اصبعه
: انت ِ معاقبه

ودار ضهره كمل طريقه، معاقبه! يعني شيسوي..

غمضت عيوني بملل ووصحت واني اضرب رجلي ب الكاع : اووووف اوووووف

الموضفين الي ب الكراج والحراس الي على باب الشركه صافنين عليه..

كلت مستحيل ادخل راح ابقى كاعده هنا وواخابر احمد يجي ياخذني..

بقيت كاعده حوالي ب الربع ساعه ووطلعت موبايلي وواتصلت علي

جمانه : الوو احمد

: هلا حبيبتي

جمانه : عمري انت متكدر تجي تاخذني؟

: ليش خلص داومكم
: لا بعد نص ساعه بس اني خلصت شغلي

: اوكي جايج اني قريب من الشركه

: تمام

رحت كعدت على الرصيف وودنكت راسي وضليت صافنه..

شبيه اني ليش هيج تدهورت من بعد كلامه ليش حسسته حجيه اثر بيه

المفروض ابين طبيعيه وواخلي الموضوع يمشي ولا كأنو

هو ليش طلبني؟ عجبته لو حبني! لو اله غايه ثانيه؛

اريد اعرف او اتمنى اعرف شنو الي براسه لان غموضه راح يكتلني..

لمن خطوفني اهلهه جان حيل حباب ووبسيط
بس هسه متغيرر

تنهدت مصعبه حياتي من ايدي باجت راح اقدم استقالتي ووخلص شلي بوجع الراس هذا..

شفت احمد دخل بسيارته ووكفت على حيلي انفض بملابسي من ورا.

رفعت راسي ونصدمت ب همام يطلع من الشركه فورا بالي صار يم احمد.. يتبع
🖤🖤🖤🖤🖤
ايزابيل