رواية لم اخلق لرجل سواك الفصل الثاني وأربعون 42 - بقلم ايزابيل

#بقلم إيـزابيـل
#الجزء الثاني والثلاثين
# لم اخلق لرجل سواك

بنات ولله بموعد التنزيل اعتبرو البارت نازل عسى ما ب ٣ الفجر
..
جمانه

انتفض كلشي بيه بخوف ووروحي صارت عبالك غركانه ببحر وومجلبه بگشايه..

ركضت بأخر ذره قوه عندي للسياره ووكفت مقابيل الجامه مال الصدر..

ووهو يمشي تجاهه للكراج كلبي يدك بقوه و رجليه كوه واكفه عليهه اذا لتفت احمد وشاف
همام انتهييي..

نزل الجامه ووومد راسه عليه :متصعدين؟

بللت شفايفي بتوتر ووصدري يصعد ووينزل
: ااا بعد وكت ليش تأخرت

عقد حواجبه ووطكهه ضحكه : شنووو ههههههه

حكيت راسي بغباء وواتئتئ : ماكو ماكو

لتفتت شفته يركب بسيارته تنهدت براحه
: يلا حصعد

فتحت الباب ووصعدت فتح المسجل ووتحركت السياره تجيت راسي على الجامه و حطيت ايدي على صدري..
..
بعده يرجف وويدك بس صار نبضه اهدء من قبل صفنت ووعدت كل الي صار كدامي و احاول ارتب المواقف،،

لحد ما حسيت راسي راح يطك

لو شايفه احد شجان صار! اخسر ثقه اهلي بيه وومحبتهم وورضاهم شنو الجابرني اني..

مابيهه مجال لازم باجر اقدم استقالتي
..
سمع تنهيداتي وكال بتسأل
:شبيج؟

جمانه: مابيه بس تعبانه من الشغل

احمد  : من ايدج مامجبوره تكملين

سكتت ووعصرت اديه بضوجه الاكتئاب وواصل ووياي لحد لا يطاق نفسي مخنوك ماعرف شريد ب الضبط.

احس حياتي ملخبطه وومهوسه ووعايشه بلا هدف؟ شعور كلش موجع من ما تفهم نفسك..

وصلنه للبيت هو راح يركن السياره دخلت امشي بملل واشمر ب الغراض تلكتني امي

: ها الله يساعدج

: هلا يمه

:: شلونج؟

: تعبانه حيل

: يا شبيج! احد محاجيج صاير شيء

برطمت ووذبيت نفسي بحضنهه وواشهك وهي تخبلت شبيج حاجيني يمه جمانه

واني ماكو بس اناشغ وحاضنتهه

جمانه : احسس ضايعه يمه مجاي اعرف نفسي تعبت والله

مسحت على راسي
: اسم الله بعد كلبي يحفضج الرحمن ليش تحجين هيج روحي غسلي ووارتاحي ووتعاي تغدي وومابيج شيء مثل الورد ابتعدي عن هالافكار المسممومه

وخرت راسي عن كتفهه ودنكت امسح بدموعي..
واهز براسه ومشيت للغرفه بخذلان..

باوعت على ابني نايم مثل الملاك نزعت الحذاء وتمددت بصفه خليت راسي يم راسه وولفيت كف ايدي على خدوده الاصغار..

دموعي برمشي اخاف ارمش وتوكع علي بقيت حابستهه شكد ما اكدر لحد ما وكعت على شعره
ووبللت خصلاته البنيه..

بسته بكصته ووشميته رتاحيت كمت عنه بدلت ووطلعت لكيتهه صابه غده ومجتمعين كلهم؟

ربعت بصف واحد من جهال احمد.

بابا انتبهلي وسأل : ليش عيونج حمر

رفعت وجهي علي بعد ماجنت مدنكه على الماعون : مابيه بس فركتهن هوايه

باوع على امي عبالك ينتضر الجواب منهه

رباب : خطيه اجت تعبانه وواني سألتهه وماحجت

جمانه : ههههه شبيكم الحمدالله قابل شبيه شو انتو فوك راسي ووابني يمي بعد شريد من الدنيا

ابتسم بابا بعدم رضى لان جان حاس بيه شي
..
جبرت نفسي اكل بشراهه رغم نفسي مسدوده بس حتى لا يحسون عليه.

خلصت ووساعدت مره احمد ننقل المواعين للسنك
هي كالت روحي ارتاحي اذا تردين اني راح اغسلهم مادام ابني الصغير نايم.

كلش حبابه هالابنيه وواحبهه ووطيبه ووخلوقه عكس اهلهه دخلت للغرفه محتاره وواباوع ب الحيطان مستحيل ابقى هيج..

لازم الكه حل النفسب وومدام اني عقلي صاير متاهه فماكدر افكر بأي شيء

لازم استشير احد اكبر مني شخص يتفهمني وويعرف البيه..

كلت اخابر روح اي مأكو غيرهه جبت موبايلي..
دورت ب الارقام مالكيت رقمهه حيل نقهرت مدري وي رايح..

رحت السجل المكالمات وجنت اتذكر التاريخ الي اخر مره خابرتني بي ولكيت الرقم محافضته بجهازي وولا مسجله علي
...
رن رن ماجاوبت رجعت خابرت وهم ماكو اوف ووين راحت هاي ياربي معقوله صار الهه شيء..
اي طبعا اذا هي متزوجه قسور ابن عمهه وهو يعرف بكل سوالفهه اكيد هسه منتقم منهه اشد انتقام..
ََ..
رن الجهاز بايدي وطلعت هي طار كلبي ووتسارعت نبضاته مشتاقه الصوتهه بكد
رحمه الله..

جمانه : الوو

اجاني صوت رجال : منوو

تلبكت لمن سمعته صوت رجال وخفت احجي..
بلعت ريكي : ااا اني

سمعت صوت روح يمه تكله منو هاي؟ الي تحاجيهه..

وهو كلهه ماعرف نطيت بسرعه
: اني جمانه

قسور: منو جمانه؟!

هي صاحت بسرعه : يااا هاي جمانه انطينياها بسرعه

انطاها الجهاز
  روح  : الووو جمانه

جمانه :هلاو حبيبتي شلونج

روح: الحمدلله بخير مشتاقه الج حيللل متصدكين شكد

جمانه : والله اني اكثر بس هواي صارت ضروف منعتني عنج

روح : ياعمري والله ادري بيج واني هم حيل نشغلت  شكو ماكو شخبارج

جمانه: لج هو اني اتصلت اريدج تعرفين اخباري المزفته

روح:انتضري خل اطلع برا راح اسده وارجع اتصل

جمانه : اوكي
..
شويه وورجعت اتصلت عليه نمت على الجربايه ووسحبت الغطى برجليه ووتغطيت

روح : اي وياج احجي

جمانه : ماعرف منين ابدي
: لهل درجه الموضوع قوي

: فوك ممتصورين روح

: لعد اسمعلج يلا

حجيت الهه كلشي ب التفصيل ورا ماكمت ضلت
ساكته وومانطقت ولا حرف

:اشو سكتي

روح : جمانه انت وين موكعه نفسج؟!
برطمت بحزن: شفتي شلون

: اولا هذا مبين يحبج او معجب من تصرفاته ثانيا اذا عرفو اهلج او اهل ابنج حتصير كارثه واصلا جوز يتهمونج بعلاقه ويا حتى قبل موت زوجج قدمي استقاله ب اسرع ووقت وحاولي تنسين الموضوع وومتحجين الاي احد..

جمانه : هو هيج عوفنه مني انت هسه شخبارج

روح : تمام مفكره افتح مركز

: مركز شنو؟ صالون

: اي بما انو عندي الفلوس وعندي الخبره مفكره افتح مركز جبير ووبي كل الاقسام وواطوره وواكبره الله طموح هذا

: هههه ان شاء الله ياعمري انت شاطره ليش لا

روح: يارب جمانه لازم اشوفج اني عندي جيه البغداد ف امر عليج

: صدك والله منتضرتج قبل لا تجين بس كليلي عفيه

: طبعا احفضي هذا الرقم عندج بعد اخابرج منه

: تمام مال زوجج؟

: اي مره خابرتج منه

: اي عبالي رقمج يلا حبي اخذي راحتج :
..
سديت الخط منهه ووفكرت بكلامهه منطقي حيل..ثاني يوم الدوام بدلت ووطلعت للشركه..

اول ما وصلت شفت بين كاعده وبيدهه لفه ووكوب جاي تمشيت ليمهه..

جمانه : صباح الخير

: صباح النور ميته ميته برد
: ههههه اني همين على فكره لتنتضريني ماراح اطول بالشركه شغله ربع ساعه وطالعه

عقدت حواجبهه وقضمت شويه من الفه ووبلعتهه بسرعه: ها خير؟ حتبطلين

غمضت عيوني ووهزيت راسي ب معنى ايي تفاجئت وكفت على حيلهه :ليش شنو السبب ممرتاحه ب الشغل

: اي هيج شيء يلا كملي ريوكج
..
صعدت للمكتب وودنكت علي واني واكفه جريت وورقه ووكتبت بيهه استقالتي وواخذتهه لهمام حتى يوقعهه،

دكيت الباب صاح تفضلي جمانه! استغربت شمدري اني اي صح سكرتيره بس اكو غيري يدخلون علي دائماً..

زفرت نفس ووعدلت وكفتي ب استقامه سلمت علي ووكفت مقابيله. مدنك على كيبورد الحاسبه ويطكطك بي..

همام : كم اجتماع عدنه اليوم؟ ووين بالشركه لو بغير مكان رتبتي جدول الاعمال !

شافني ساكته انصدم ررفع عينه عليه وضل يباوع الكم ثانيه رجع ضهره للكرسي براحه وعدل الساعه الي بأيده..

همام : مريضه اليوم؟ مو اي اكيد الجو يطبك البلاعيم بس احجي ب الاشاره افتهم ترا شغلج ميسمحلج تبقين ساكته..

ياربي شكد عنده ثقه تقدمت بهدوء وودنكت على الميز خليت الاستقاله مقابيله بصف الاب..

رفع طرف حاجبه بحده وسحب نفس،

همام: من شروط الشركه الاستقاله متجي بدون سبب شنو الي مضايقج احجي..

دنكت راسي : انتَ

همام :فهمت تفضلي استريحي

واشر على الكرسي كعدت وطبكت رجليه وحده ب الثانيه بتوتر

همام : اني كتلج سابقا الي بينه تنسينه! احنه داخل مدار الشكل منعرض بعض ولا بينه اي شيء واسف اذا ضايقتج البارحه بطلبي بس حباً بيج استعجلت ووادري الوقت مو مناسب..

صدمني من كال حباً بيج

همام : بالتالي المشاعر مو بأيدنه عموماً اي شيء تردينه اني حاضر اغير قاطع شغلج؟ وضيفتج مكانتج..

رفعت راسي علي وكلت ببرود
: اريد ابطل

ضحك : هههه تبطلين

هزيت راسي تنهدت ووحط ادي على الطاوله ووسحب الكرسي بجسمه قربه على الميز،،،

همام : استقالتج مرفوضه

..
روح
ضجت لمن عمتي كالت هيج بس ما تندمت جان يستاهل الي صار بي لان الي عشته اني بسببه مو قليل..

روح : وشنو المفروض اسوي اني!

هدى : لا تسوين شيء بس لا تكلبين خلقتج علي

رفعت طرف حاجبي وكتفت اديه يعني هسه هو ضايج من السجن لو  لان مرته سجنته..

نفخت بملل كل ما اكول هاهيه نحلت يطلع طريق اعوج صفح خليت وورحت للهول..

جانت قمر موجوده كاعده على القنفه وومخليه رجل على رجل.. وتضحك

روح زمخت : اكو شيء يضحك؟ ضحكينه وياج

قمر : داضحك عليج عمري

روح : ها لازم قرد كدامج؟

باوعت على اضافرهه وحجت بخبث : ياريتج قرد انت زمال حبي..

نرفزتني حيل رفعت ايدي بوجهه وعطت
: احترمي نفسج لج مو تشوفيني سكتتتلج هل يومين لا عمري منا وجاي اذا بيج خير احجي كلمه زايده كدامي واشوفج منو الزمال..

قمر : خوفتيني هههه، والله انت زمال لانج غبيه وماتفتهمين عبالج تزوجج على سواد عيونج؟ مثلا

عقدت حواجبي : شدتحسين حبيبتي شنو ماكو غير قسور رجال بهالدنيا وهيج انت  حاركه كلبج شكو حبي شكو هي كلهه قرايه فاتحه..

قمر : لا طبعا هو مو اخر ولا اول وواني الف من يتمناني بس...

حجيت بنتره : بس شنو؟ لان تزوجني الي بالذات ضجتي مو لعد حبيبتي خلي اضوجج اكثر قسووور يحبنيي يحبنييي يعني ما اتزوجني على سواد عيوني على كولتج

خزرتهه ومشيت من يمهه ضلت تشيل بروحهه وتركعهه ب الكاع وتصيح بقهر اله شويه جان نجلطت..
..
بعدهه رجعت لغرفتي وماطلعت ابد ضليت انتضره ما اجه وماتغديت ولا تعشيت كلت يجي وواوصي يجيب الي من بره لان ماريد انزل وواشوفهم لو اجتمع ووياهم على فد سفره،،،

بس ما اجه ضجت حيل تقريباً ب ١ ونص كمت فتحت البرده وجان اشوفه كاعد ب الحديقه وويشررب نركيله...

بلعت ريكي بغضب هذا صدك يحجي؟ ليش هيج يسوي ديعاقبني لو شنو فار دمي نزلت بوجهي علي
..
صاير ضهره عليه رافع راسه ليفوك ووينفث الدخان كتفت اديه ومشيت بخطوات هادئه،،

روح : من يمتى هنا؟

لتفت عليه باوع ورجع نظره
: ب ٩ رجعت

رحت قابلته وربعت ب الكاع هو كاعد على كرسي
: وهسه ب الوحده يعني حتى ما كلفت نفسك تنطيني خبر انو انت موجود ..

قسور : ليش محتاجه شيء

حجيت بغضب وقسوه وضوجه واضحه وواني ارص على سنوني : بسبب اهلك اني نحرمت من الاكل مماكله اي شيء من الصبح ولهسه بس لان ماريد انزل يمهم واتعارك..

عدل كعدته : اي جان كلتي العمتي تجيبلج اكل للغرفه..

روح : اي مو تشتغل عندي عمتي

قسور: لج بابا جان سويتي النفسج انت شلون باقيه بلا اكل خبله وراح تخبليني وياج..

قلصت عيوني وهمست بيني وبين نفسي
: ميحتاج اخبلك انت اصلا كل شويه وطاك فيزك عليه..

قسور : شنو؟

روح : تدري بيه اني ماعرف اطبخ وواذا طبخت اخربه شريد اسوي مثلا..

نفخ، بضيق ووكف على حيله :ررايح اجيبلج اكل لتدخلين جوه..

روح : وين اكو مطاعم هسه

قسور : لا اكو واحد اعرفه يتأخر

نهضت بسرعه واني اعدل بملابسي
: اروح وياك.

قسور : ووين انلصمي واكعدي بمكانج

ميلت راسي وواني اتوسل بطفوليه
: حباب حباب ضايجه مختنكه راح اموت اذا ماطلعتني اشتم اوكسجين ماطول وواودع..

قسور : لا تحاولين ترا عيونج مابيهه كل براءه.

تقربت يمي ووهمست بجديه : لعد شبيه..

دنك ووقرب راسه عليه صار خشمه قريب على خشمي اله شويه ويطخ بيه : بيهه خبث وومكر

صفنت لكم ثانيه وابتعدت عنه وواني اعدل شعري بغرور : تدري اني اموت على شيء اسمه خبث هيج يجري بدمي الحقاره والخبث ف فديتنييي

ضحك بسخريه

روح : انتضرني البس شيء فوك ملابسي وواجيك بروح بابا لا تروح ووتعوفني..
..
صعدت اركض ووالدرج سويته شبختين اخاف يعوفني ويروح وويسويهه لبست بشت فوك ملابسي وونزلت..

اركض بكل ما عندي طاقه الي يشوفني يكول رايحه تشارك بحرب البسوس  حتى النعال طفر مني ووضطريت ارجع اعدله
..
ملكيته موجوده بلحضه وحده هبط الضغط والسكر ووكلشي يهبط هبط توسعت عيوني بصدمه معقوله عافني وراح َ

دمعتي طفرت لمحته من بعيد موكف السياره كبال الباب عبالك اجاني الفرج كمت طريقي ركض لحد ما وصلت الهث صعدت ب الصدر واتنفس بصعوبه..

قسور : ليش تلهثين

روح : غير رحت وواجيت ركض اخاف تعوفني..

ابتسم بأستهزاء وودار الاستيرن بس تحركنه ووبده الهوى يعلى فتحت الجامه ووطلعت راسي
..
غمضت عيوني وخليت الهوى يلعب بشعري..
لحضه من العمر ولا ممكن انساها..

اجتمعت بيه كل المشاعر بساعتهه حرت احزن على وفاه امي لو اتذكر سالفه قسور وواضوج لو افرح لان قطعت اطول مشوار بحياتي من الألم والحزن..

افكر ب مستقبلي ووطموحي لو ابجي على ابني الي لحد هسه مناسيته..

بس اجه طاري بطني ووجعتني دخلت رراسي ووحطيت ايدي على بطني ووهمست بوجع : ااخ

قسور : شبيج؟ مو كتلج سدي الجامه ووادخلي ترا الهوى يشيل كلشي الحجار والطابوك ووهسه تتأذين....

تنهدت بقله صبر : ماله علاقه الهوى كلبي الي يوجعني..

لتاف عليه : وشبي كلبج بنص هالليل..

باوعتله صفح بعدم رضى
: انت ليش  كلشي عندك ماله اهميه كميه برودك مو طبيعيه مرات احسك عايش بلا مشاعرررر متهتم،،،

تنهد : روح شبيج قبل شويه عبالك عصفور اجيتي تطيرين من الفرح..

روح : عادي اني انسانه عايشه على مشاعري ووتذكرت الي صار بيه وبأبني ووصار عندي ووجع ببطني مو طبيعي..

قسور : اكيد من الجوع

استفزني حيل عطت
: الله يساعدددك على نفسك شلون عايش انت شلون عايش..

ودرت ووجهي بعصبيه مستحيل نكعد كم ثانيه مثل الاوادم لازم نتعارك
...
وكفنه كبال المطعم 

قسور : شتحبين اجيبلج

نترت : ماريد

قسور : ههههههه ليش تصيرين حقيره اني شحجيت هسه..

حطيت ايدي على خدي وعكسي على نهايه الجامه متجيته..

روح : ماريد بس شاورما لحم ووفنكر ووببسي وياك،،

قسور : احمد الله ماتردين چا اذا تردين شلون

روح : تستحسف بيه مو

قسور : كافي لج واكفتلي على كلمه يلا راح اقفل السياره وانزل..
..
نزل ضليت اباوع ووايدي على خدي حرت افسر مزاجه ساعه يبين الي انو هو مضايج وساعه مطايقني..

راح احجي ويا بصراحه جابلي الاكل وواجه خليته بحضني واني افتح بي كتله..

روح :ترا عادي تكدر تحجي ووياي بكل صراحا

قسور : نعم!

روح: اقصد تكدر تكلي انت ضايج مني

قسور : وليش حتى اضووج،

طلعت بتيتايه ووخليتهه بين شفايفي
: عمتي حجتلي كلشي

: اشش لتحجين بهذا الموضوع نهائي

: يعني مزعلان؟

: بالبدايه اي بس بعدين لا

: وشنو الاختلف

قسور :  موقفي

روح : يعني شلون

قسور : يعني الي يحجي عليه ولو بطرف لسانه اوكله تبن ووافرك حلكه فرك..

مدام شغلي ماراح يتأثر وكتب الشكر والتقدير مستمره ووالترقيات هم فماراح يأثرون عليه.

ابتسمت : يعني يغغارون من نجاحك وويحجون عليك. َ

غمزلي بطرف عينه :هيج شيء

روح : قسور عندي طلب

اني مو فلوسي موجوده وبقت كم شغله بخصوص المعامله وويتم كلشي،

: اي صح

اريدك تكملهن ب اسرع ووقت وواسحب المبلغ

: شتسوين بي؟!

: اريد افتح مركز واطور نفسي ووشغلي

باوع عليه ووابتسم: اني فخور بيج ومتأكد راح توصلين للي تردي وواكثر..

كلامه حمسني عدلت كعدتي ووانداريت علي
: يعني شتكول اتوفق ووانجح

: هواي متفائل لان انت شاطره وومساندج بكلشي اذا تحبين من باجر نروح ندور على محل وتشترينه مو ايجار..

من الفرحه ماعرفت شسوي ضليت اكمز وواصفك ووهو يضحك علي..

روح : مجاي اصدك احلف يعني انت قابل وومشجعني توقعتك راح ترفض..

قسور : لا لا ووليش حتى ارفض اذا شيء يفيدج ويسعدج ووينسيج وولو شويه من الي صار اني واكف وياج وبكل خطوه بضهرج..

السعاده غمرتني من لهفته نسيت الاكل الي بحضني ووطفرت عليه حضنته ووبسته بخده ووكل الببسي ووالفه جوه الكشن..

رجعت المكاني بفشله..

قسور : ههههههه يلا مشيهه سولفيلي شنو افكارج..

ابتسمت : عندي كلش هواي افكار بحيث عقلي راح يطك..

اول شيء لازم نشتري محل يكون موقعه زين ووعلى شارع مفتوح وولوحه اعلان جبيره  باسم المركز..

ويكون تصميمه بناتي وحلو ووالغراض اريد اروح لبغداد واتسوكهه لان هناك اعرف ووكاله تبيعع مكياج اصلي

قسور :هاهيه

كل شويه اباوعله وابتسم ووممصدكه هيج بين يوم ووليله صار فارس احلامي الي يحققلي طموحاتي ويسندني وويكون الي عگازه...

قبل كم سنه جنت ادور رجال عنده فلوس ومال ووجمال ووحلم البنات

ماجان همي الكه رجال يكملني يحفزني يحميني يوعيني

من اصفن مامصدكه خلصت من ذيج الايام عبالك كابوس وخانكني
..
رجعنه للبيت قسور بدل ووتمدد على الجربايه اني دخلت سبحت لان وكع عليه اكل وبدلت..

وكفت كدام المرايه امشط بشعري منتجي على الجربايه وومخلي ادي جوه راسه.

باوعلي وكال ببتسامه
: الميكب ارتست روح..

درت علي وانتجيت على الميز
: هههههههه لتستهزء

: لا منو كال

:لعد كول ماكيرا روح احلا..

كام من الجربايه : هي كل ماكيرا هيج حلوه.

هزيت راسي ب اي وورجعت شعري لوره ضهري بثقه

لزم خدي بكف ايده ودنك باسني بنهايه ركبتي..
توترت حيل لزم ايده وونزلتهه عني.. جريته
: تعال احجيلك شلون ناويه اسوي المحل واطوره..

سحبته للجربايه تمدد ووادنه نمت بصفه شال راسي وخلاه على كتفي..

روح : اريده يكون فد شيء حيل راقي يعني الزبون من يفوت اله يتعجب بشغل المحل قبل شغلي.

اسمه راح يكون مركز "بيلا"

هي شخصيه من شخصيات ديزني ملكه يعني واسم معناها يعني الجمال او الجميله..

او اريل هذا هم حوريه بديزني..

شوف وونسوي الديكور على الشخصيه..

دتفهمني مو

جنت احجي ومندمجه رفعت عيني علي جان اشوفه صافن عليه..

لزم خصله من خصلات شعري ووهمس قريب على اذني : انت هم حوريه وملكه ليش ما انسمي على اسمج

ضحكت بخجل : لا داحجي صدك

: واني هم

قلصت عيوني بستغراب وولزمت ياخه قميصه
: منين اجتك كل هل رومانسيه ولا عرفتك..

شال ايدي الي لازمه بيهه ياخته ووباس اصابيعي
: هنيالهه الي راح تشتغلينهه بهل ادين..

حيل صدمني بحيث حرف وواحد ماكدرت احجي
رفعت راسي ووضحكت بقوه..
..
ضليت احجيله على افكاري لحد ما شفته نعس قررت اني هم انام بقى راسي على كتفه غفيت وواني بحضنه كعدت ثاني يوم شفته؛ كاعد ب الكاع فارش جرجف ومخلي علي سلاحه مفصخه وينضف بي.

رفعت راسي وفركت عيوني
: صباح الخير

: صباح النور

: بيش الساعه

: ١٢ ونص

هواي نمت كمت على السريع غسلت ورجعت للغرفه ووجهي ينكط مي..

روح : يلا قسور نروح

: ووين؟

: علمود المحل!

: ايي العصر خابرت صديقي ابو العقار وكال تعالو ب٥..

كعدت على الكرسي ب احباط
: صدك! شيصبرني لل٥

: ههههه انزلي تغدي

: ماريد انت اكلت

: اي اكلت وانت هسه هم راح تنزلين تاكلين ورجلج فَوك راسج

: لا ماشتهي
: دمشي لج لا تضوجيني..

نفخت ببتسامه وطلعت صارت بوجهي عمتي هدى تلكتني : ايي عيني اليوم الوجه مورد خير ان شاء الله..

لزمتهه من ايدههه
:خل ننزل نتغده واحجيلج شصار
..
نزلنه اني وياها

روح: عمه شنو رأيج نتغده ب البستان

هدى : لا حبوبه الفلاح هنا والعمال اذا شافن واحد يذبحنه

روح :شدعوه هسه ادز قسور يشوفهم اذا موجودين صدك لو لا..

جان يمر من يمنه الياس اخو قسور..

صحتله

روح : الياس تعال

ايد بجيب بجامته وويمشي مدنك مستعجل من صحتله ندار علينه..

روح : الفلاح هنا؟ صحيح

عقد حواجبه : لا هسه شفت قمر طلعت..

روح : شوفي الحيه طالعه قبلنه هسه مراح ناخذ راحتنه.

الياس يضحك ووعمتي خزرتني

هدى : الحكيني وواني اجيب  صينيه الاكل واجي

هزيت راسي ووانفخ بضيق خليت ورحت اتمشى
لكيت شجره كلت اكعد جواهه..

شافتني قمر ووعرفت وين متوجهه جان تركض ووتكعد جواهه ووتسوي نفسهه تشلع ثيل. َ

وصلت اليمهه
روح : ترا شفتج شكد زعطوطه

قمر : منو يمج
روح: يعني شنو قصدج بهل سوالف تضايقيني،

قمر : بابا شكو امشي وولي من خلقتي..

دنكت عليهه ووجريت خصله من شعرتهه
: وولت روحج وكومي منا يله ََ

نهضت بعصبيه وولزمتي من فتحته الثوب ووجرتني ضليت اطوطح بأيدهه.

قمر : خليني كافيه الشر ومامخليتج براسي ترا اندمج ووالله.

روح : اذا كافيه الشر ووهيج لعد اذا تصعد الحقاره شلون خليهه الج قله نخل وشجر شنو..

وودفعتهه ووكعت على ضهرهه رحت ليغاد بس مقابيلهه شويه واجت عمتي بيده الصينيه كلهه
مقالي بتيته فلافل بيذنجان ووطماطه وقوري جاي ووخبز ريحته وصلت الي..

حطتههه ووكعدت لزمت القوري وواصب..

روح : عمه اني راح افتح صالون ووالعصر  نروخ نشتري المحل..

هدى : خل تطلع اربعين امج روح ليش مستعجله هسه يشرنج على حبل.

رفعت ايدي ووأشر بيهه
: هلووووو منو هاي الي تشرني على الحبل ما جايبتهه امهه الي تطخنيي..

هدى: يمه منج يمه چا منو الذيج المره كطعنهه تكطعََ

ابتسمت ووقربت راسي وهمست الهه
: عمه حبي بذاك الوقت جنت محتاجه عطف قسور لان سويت سوايه زعلته عليه ف خليتهن يكتلني علمود مصلحتي اني .

مو لان ماعرف اضرب لو اعض لو املخ..

هدى: ههههههههه الله يعين قسور عليج..

روح : اني الي الله يعيني

هدى : ام السان اكلي..

كرصتهه من خدودهه الي صايره حمر من الشمس :  اوف شكد احبج..

حرامات ماعندج ابن شخصيه وحلو جان اتزوجته

هدى :چا والمسكين..

روح : هو المسكين ليش تزوجته غير لان لكيت بي ذني الصفتين ..

هدى : فلك على هل لبك هذا واني اكول شفر عقله قسور الرزن الثكيل حب ووحده اصغر منه بمدري شكم سنه  طلعتي فارته على البطانه كله مو بس عقله بلسانج هذا ََ..

روح :ها ها عمه ترا ماقبل هنه ١١ سنه.
..
سكتت بس تباوعلي بنظرات تموتني ضحك..

خلصنه اكل وودخلنه جوه
..
للعصر رحنه لصديق قسور ابو العقار شفنه المحل يجنن والحمدالله لا عل ضرائب ولا اي شيء ولا معامالات ولا دوخه..

قسور ماقبل اني ادفع الفلوس من يمي كال مالاتج خليهن ب البنك وواعتبري هذا هديه مني..

حرجني كدام الرجال وماكدرت ارده كال الاسبوع الجاي نحول السند ب اسمج وويتم كلشي..

اريده كلشي يصير بسرعه ملهوفه ووروحي فرحانه حيل اتفقنه وي واحد يعرف ب الديكوات..

وقسور كله الاسبوع الجاي تبدي تشتغل.

انطيته افكاري ووكتله على شخصيه الحوريه اريل ووالديكور مستوحاه منهه..

وكالعاده قسور اتكفل بكلشي

اني كاعده ب السياره ووالرجال ووقسور وواكفين يميي جابه من محله واجه للسياره لان جنت تعبانه وماكدر انزل..
..

الرجال : واذا تحبين اسويلج طبعات ب اسمج.. على الحيطان..

: لا لا اوفر

قسور : يعني تكدر تطبع اسماء؟

: اي طبعا عندي طابعه فوريه

لزمه من ايده ووكاله امشي للمحل..

محل الرجال جان مقابيلنه كال ابقي هنا شويه وارجعلج
..
استغربت شراح يسوي معقوله يغير ب الاتفاق ب النص ساعه همه ماكو حيل قلقت اجيت انزل ورا.. لو ما خوفي من رده فعله..

لمحته من بعيد جاي ووبيده علاكه سوده صعد وحرك السياره.

عقدت حواجبي : شنو هاي!

قسور : هاي ب افتتاح المحل تشوفيهه

روح : تتشاقه مو تدرين بيه فضوليه..

قسور: اش انسيهه اصبري كم اسبوع وتصير الج

بقيت الح علي يكلي شنو هاي بس ماكو لحد ما أيست
..
جمانه

همام : استقالتج مرفوضه

جمانه: ليش استاذ؟

بلل شفايفه وبلع ريكه احسه يريد يدبر اله جذبه لو عذر..

همام : جمانه انت تدرين كلش زين كونج سكرتيره. اذا نرفضت استقالتج ف لازم تكملين ب الشغل ووعقد الشغل يكول سنتين التزام..

جمانه : ماكو هيج حجي استاذ! ماقريت هيج بندب العقد..

فتح المجر ووطلع ورقه القلم جر قلم حبر ازرق وكعد يكتب ماطول كم ثانيه ووقدمهه الي تناولتهه من ايده ََ

ضايفه ب المربع الابيض الي يصير اخر شيء بالورقه.. بند اخير انو اذا نرفضت استقاله الموضف يبقى يمارس سنتين على الاقل..

هزيت راسي بغضب وكفت على حيلي
: اني اليوم ماراح اكدر اداوم اعذرني..

وخليت ووطلعت نفسي تلعب واحس الكون ضاق بيه صايره اخاف من كلشي اي والله دارجف هسه اذا استمريت ويا شلون.

سنتين لا هنا ولا هنا لازم الكه طريقه تخليني اطلع روحي من هل كارثه.. رجعت للبيت هلكانه
واتمنى بس انعزل..

ماريد اشوف اي احد طبعا اخذت تكسي وولمن ووصلت جانو ابوي وواحمد ب الشغل امي نصقعت لمن شافتني..

وسألتني شلون رجعتي كلت الهه اخذت تكسي..
تخربطت ماكدرت اتحمل ابقى..

بقت تدك وتلطم شلون  تسوين هيج بعدج صغيره  شلون تأمنين على روحج بنص التكسيات.
وتهدد يجي ابوج وواكله حتى من الشركه ابطلج

لحد ماصحت : يمه شبييييج داكللج تخربطططت مو صغيره اني خوش مو صغيره..

امي : شبيج تخربطتي مو طلعتي متريكه

ماجاوبتهه دخلت غرفتي ووركعت الباب بقيت ابجي وواشهك وماطايقه حتى ابني ما طايقته..

وصدك ااجه ابوي وكالت اله سويت روحي نايمه بس ماحجه هلكد لان. كلتله متخربطه...
..
انتضرت جيت روح على احر من الجمر مرن تلث ايام واني ممداومه وويسألوني..

وواجاوب بأنو المدير شافني تخربطت كلي اخذي تلث ايام استراحا

العصر واكفه اسوي كيكه الانس يحب ياكلهه من يجوع ميحب جاي بخبز..

اسويله كيكه ساده عاديه وواضمهه اله كل ما يجوع اوكله ندك الباب راحت مره احمد فتحته ووشويه وودخلت وياها بنيه خلفهه مانتبهت عليهه َ.

بس شفت شعرهه عرفتهه روح شهكت شهكه يمكن ووصلت لسابع جار عفت البيدي وركضت ذبيت نفسي بحضنهه َ..

ووشديتهه عليه بكل قوه واضحك وهي هم تضحك كل شويه ابتعد عنهه اباوع بوجهه وارجع احضنهه
..
اخذتهه للاستقبال ووعفت امي تكمل الكيك..
كعدنه ووحده مقابيل الثانيه ونباوع البعض بنظرات اشتياق...

اريد ابدي احجي بس ماعرف منين.. جنت حيل محتاجه جيتهه لان ضايجه ومخنوكه

جمانه : داسوي كيك يكمل وواجيب
روح: لج ماعندي وقت ووالله قسور منتضرني ب الباب..

جمانه : حبابه باتي عندي اليوم اقنعي فدوه

روح : لا مايقبل ووالله..

جمانه : معليج اخلي امي تطلع تحاجي..

روح : اتمنى بس خاف مايقبل وويفشلج..

جمانه : معليج شويه ونطلع اله اني وامي..
..
بقينه نحجي بمواضيع عامه واتفقنه نعوف الدسمه لليل ماما تباوع عليهه وتشوف لبسهه..
جانت جايه ببنطرون اسود ووبدي ربع ردن اسود

وتهمس الي زوجهه ضابط وهيج مخليهه على حل شعرهه اني ادري الضباط حيل متشددين.

واغلس حتى ما تنتبه روح

دك الهه هورن كالت لازم اروح..

جمانه : معليج هسه نطلع اني وماما..

راحت امي لبست عباتهه وواني هم حطيت الشال على راسي ووروح ويانه جان كاعد ب السياره راكنهه بصف باب بيتنه وولابس نظارات..

من انتبه علينه نزل ونزعهن خلاهن بقميصه..

امي : السلام عليكم وليدي

: وعليكم السلام حجيه

امي : يمه ماتخلي البنيه اليوم يمنه خطيه جايه على صديقتهه صار ب السنه مامتشاوفات خل تبات الليله عدنه.

جان يباوع الروح فورا

قسور : ليش مو شافتهه بعد علي شنو تبات..

امي : ترا روح قبل لا تتزوجهه وتعرفهه انت احنه نعرفهه يعني مثل بتنه وواعز قابل تخاف عليهه اكثر منه..

همست بأذنهه: ماما ابن عمهه شلون نعرفهه قبله مثلا..

روح : خليني اليوم ابات وباجر اطلع وي جمانه اتسوك المكياج ووتعال عليه..

خزرهه بسرعه تدخلت اني..

جمانه : حباب حباب ماعندي اخوان والله واحد ومتزوج ومرته صديقه روح اعتبرههه بايته ببيت اختك.

كوه قنعناه منين ما نجي يطلع النه راح بس هي راحت ويا حجو على شنو ماعرف انطاهه فلوس يمكن وورجعت دخلنه للبيت نكمز..

لحد هسه مامستوعبه كل شويه وواحضن بيهه وواواكعه الهه بوس تكلي قسور ماباسني بكدج..

امي كعدت دك استفسارات بروح شوكت تزوجتو ماعندك اطفال لحد ما ختمتهه ذاك الرجال مبين الله يحفضه الج..

خطيه وكعتهه صفح
ََ..
لليل دزينه على كرزات وحب ووبوشار ووصعدنه للسطح  انطيتهه  بجامه مني ولبستهه فرشنه فراشات ووكعدنه نناكل وندردش..

انس خليته يم امي اخذنه راحتنه.. الليل اضلم حيل والكمر طالع وبس صوت اماعينه ووطك الحب بسنونه ينسمع..

جمانه : وبعد كل الي سواه بيج وتحبينه..

روح : والله جنت اكرهه واريد انهي زواجنه بأسرع وقت بس نكلب فد كلبه متصدكين شكد مدللني وواكف ووياي.. خاصا بوفاه امي

اني اكول نسه سالفه مؤمل ورجع طبيعي وياي..

جمانه : الله يهدي اهم شيء يبقى هيج

طلع الفجر وواحنه على نفس الكعده والسولف.

حجيت الهه على همام كالت الي ابقي اشتغلي ب الشركه ووعاندي وواتأخري لحد ما يفصلج

ب ٤ جعنه ووكلت الهه روح ابقي هنا انزل اجيب اكل وواجي
َ..
البيت اضلم ووكله نايمه امشي علي اطرراف اصابيعي جبت شكو شيء ب الثلاجه وووصعدت ََ

اهمس روح روح ماكو اريدهه تجي تاخذ المواعين مني لان هواي ووراح يوكعن وصلت للمكان الي احنه كاعدين جان اشوفهه متمدهه ووتشيرتهه مبلل وعبالك ميته.. يتبع
🖤🖤🖤🖤🖤