رواية لم اخلق لرجل سواك الفصل الثالث وثلاثون 33 - بقلم ايزابيل

#بقلم إيـزابيـل
#الجزء السادس والعشرين
#لم اخلق لرجل سواك
..
جمانه ووذولاك الناس 🌚🤣🤣

..
جمانه

من كالت امي هيج نصعقت ووكفت على حيلي
: صدك يمه شلون تسوين هيج

: اي شمسويه اني قابل وهاي ال ٥٠ قابل بايكتهه

ضربت رجلي بملل ب الكاع : شنو شمسويه يمه غير تكليلي

: يا هاي شبيج لج

نفخت بضجر ووعصرت الفلوس بأيدي ياربي هسه شيكول عليه متقصده اخذت منهن..

عزا بعد شلون راح اباوعله؟ زين معقوله ماحسبهن ليش مكلي خاف عرف ووغلس!
..
ثاني يوم جان اكو عطله حسيتهه سنه بس اريد يجي باجر وارجعله البقيه..بقيت طول اليوم بس اتصفن ووكل ساع ملطوخه بشيء..

وبيوم الدوام كعدت ب ٦ ونص وهو ب ٧ ونص الدوام بدلت شلون ماكان جنت حيل مستعجله وطلعت احمد نايم بس بابا يريد يطلع ف كتلي ووصلني وياك..

كال مو بعد وكت؟
كتله لا عدنه اجتماعات اليوم ويادوب اكعد ارتبهن

حتى ماتريكت ذبيت انس على امي وورحت
..
ووصلت للشركه بس الحارس موجود فتحلي الباب كتله المدير موجود كال لا بعد يعني اني اول وحده جايه حتى قبله..

صعدت لمكتبي عزلت الغراض الي علي ونضفته ورحت للمطبخ الي مسوينه ب الشركه بس معزول ب الطابق الثاني جبت ووصله وسطل مي ..
ورحت امسح الباب..

رفعت بنطروني ووذبيت الستره ووكفيت اردانات البدي..

الباب جان زجاجي ووكفت امسحه طبعا عدنه هنا عاملات بـ الشركه شغلهن ينضفن المكاتب..

بس اني شفت شويه تراب على الميز وتخبلت ماكدرت اتحمل ماعرف اشوف شيء وصخ ووما انضفه..

بمجرد ما اشوفه يلمع ترتاح نفسيتي بعدني دامسح ومندمجه جان يمر همام مدنك راسه على الموبايل ويمشي بس من وصلت لمكتبي رفعه ولتفتت ابتسم وكال : صباح الخير

اني واكفه من ورا الباب اباوعله عبالك تمثال..
اريد الكه طريقه افاتحه بيهه ب الموضوع.

جانت رجليه كلهه مي ونازعه حتى الحذاء..
شمرت الوصله فورا ب السطل ودنكت نزلت بنطروني ووطلعت اركض عبالك راح يطير..

وكفت مقابيله والمي معبيني رجليه اديه ووحتى وجهي من شمرت الوصله طفر عليه..

ابتسم : ليش تنضفين مو اكو موضفات خصيصاً لهل شيء..

كلت بخجل من عنده : هذا مو موضوعنه استاذ

جان يضحك ويضم موبايله بجيبه :هههههه شنو

: اقصد شيء اني اجيت علمود اكلك غير شيء

رفع طرف حاجبه : جمانه انت شكد عمرج؟

: راح اصير ١٨

جفصت بكل غباء هسه اكيد راح يروح يفتح ملفي ويشوف شهادتي..

عبالك جان ديسمع داخلي
: لا تخافين ترا قاري ال cv مالتج من زمان..

المهم شنو ردتي تكولين

: اني مو رجعت الك الاكراميه

هز راسه بأستغراب : اي نعم ليش؟

: جان اكو نقص ٥٠ الف واني ممنتبهه طبعا كلش اسفه والله مامنتبهه اهلي ماخذين من الفلوس بدون مايكلولي واني تخبلت من عرفت شوف حتى اجيت قبلك وتوقعت الكاك موجود..

رفع طرف حاجبه بغضب : وتشوفيني راكض ورا الفلوس؟ ٥٠ الف شنو قيمتهه شجاي تحجين جمانه

: لا استاذ بس هذا حقك انتضر اجيبهن.

كلت هيج وانطيته ضهري ورحت اركض شكد ما انتباهي جان علي وبي راحت رجلي ب المي ووتزحلكت وماسح غير وواكعه ب الكاع وورجليه وحده راحت يمنى والثانيه يسرى..

اني فورا صرخت ولزمت ضهري لان احس الوكعه صارت على العصعص..

ركض عليه واجه يساعدني لزمني من زندي ورفعني بهدوء ملامح وجهه مابين الي يريد ينفجر من الضحك ومابين الي يريد يطك من الغضب..

واني عافسه عيوني بألم هاي صار شكم مره اتفشل كدامه كمت واني اراقب حركاتي اخاف اوكع مر ثانيه وهو ساندني،،،

ملابسي كلهه تبللت ووبنطروني هم نزل ايده عني بهدوء ووحطهه بجيبه ويباوع التفاصيل وجهي الحزين

: جمانه اذا جبتي موضوع الفلوس مره ثانيه على السانج تنفصلين..

ماجاوبته ضاله بس ابلع بريكي من حسيت دموعي راح توكع فورا نزلت راسي جان قريب عليه لدرجه اشتميت عطره..

همام : ليش تبجين؟

رفعت راسي وناسيه الدموع الي على خدي
: مدابجي

همام : انت هيج تكولين؟

هزيت راسي وومسحت وجهي

همام : هههه هاهيه ماجاي تبجين

حاولت ابتسم بس الموقف الي طحت بي عاصرني عصر قبل ميروح طلع كلنس من من جيبه وخلاه بگف ايدي وراح..

تنهدت هسه شسوي اني كلت مادام محد موجود من الموضفين مسحت الكاع من المي وورجعت السطل والمي..

هسه بس كم دقيقه كلهم يجتمعون شلون اطلع شلون اكمل شغلي وبنطروني كله مي عبالك طفل مسويهه على روحه..

بدو يجون ووصار اكو كم واحد يفترون ب الشركه َوكل شويه واحد جاي مصبح علي واني كاعده على مكتبي ما كمت..

بعدني بمكاني وولمحته جاي ناحيتي وبيده جكاره اثناء مديمشي خلصت طفاهه ووذبهه ب سطل الزباله..

دخل للمكتب تنهد وكال : تعاي جمانه

: وين محتاج شي

: لا بس كومي

: ماكدر اكوم منتضره بنطروني ينشف

دار وجهه وضحك ورجع باوعلي ويستغفر
:شلون ينشف يعني اذا قصدج يبس ف بعد ساعتين زين اذا يبس وهنا ماكو شمس معتده
على الكرسي لو شنو؟

: لعد شسوي حتى ماكدر اتحرك الشركه كلهه موضفين..

: كومي وياي

رحت واخذت جنطتي
: امشي واني وراج يلا..

طلعت من المكتب ووسو مثل مكال بس ما فتنه ب الممرات الرئيسيه الي نتناقل بيناتهن لا طريق جديد فارغ وحتى اكو بيهن ضلمات هندس..

فتح موبايل واتصل : حجي جيبلي سيارتي يم باب الخلفي للشركه..

نزلنه درج ماكدرت اضل ساكته لتفتت علي
: وين رايحين

مخلي ادي بجيوبه وويحاجيني
: اوصلج لبيت اهلج..

بللت شفايفي بتوتر صحيح صارلي فتره زينه اعرفه بس ماكدر اثق وواصعد ويا..

وكف بمكاني على الدرج اني صرت على بايه نازله ووهو صاعده رفعت راسي علي : ماكدر اصعد

فسح الي مجال من جانبه واشرلي براسه ارجع
: ارجعي اكيف اني عندي شغل لازم يخلص اليوم

ضليت افكر اذا ارجع انفضح وواذا اروح اجازف تنهدت بوجع وورجعت انطيته ضهري وكملت الطريق..

وصلنه لباب بعد نهايه الدرج كال اتدني نزل هو بصفي على نفس البايه طخ كتفه بيه من كثر ما قريب نفسي الحار جان عالي حيل ووينسمع الدرج كله اضلم لميت اديه يم بعض وشبكتهن بقوه..

طلع المفتاح وخلاه ب الباب ووعافه لتفت عليه
طلع ادي من جيبه ومسح لحيته بهدوء احس اكو شيء يريد يحجي بس مدري شمانعه..

ابتعدت عنه حس بيه لان المكان هاددءء وصوت حذائي وهي تبتعد واضح صار ضهري على الحايط..

الدرج حيل ضيق واحنه واكفين على بايه وحده
اجيت احجي واكله شكو واكف احجي اذا عندك كلام بس طلع باكيت الجكاير ووسحب ووحده حطهه بحلكه ورثهه..

اخذ نفس شويه ورفع نفس الايد الي بيهه الجكاره مسح طرف حاجبه وباوع بعيوني
: ترا اني اذا اشتهي الجكاره كلشي اوقفه في سبيلهه

رمشت عيوني : هلكد تحبهه

: اي شيء احبه يصير من اولوياتي..

احس ريكي نشف سكتت دخانه خنكني.

غمض عيونه الثواني ورجع فتحهن وفورا كال
: شنو اسم عطرج

صدمني سؤاله : ااا ماعرفه

اجه يحجي بس اني تذكرت جايبته وياي لان ماطلعه من الجنطه دومه اخلي مرافقني كتله
:ثواني

وطلعته بي نص اخذ العلبه ووباوع الهه وقراهه
: رجلي وونسائي

رفع عينه عليه وكال : نصيحه بعد لتخلينه

: ليش مو حلو

شمر الجكاره وودعسهه بحذائه ماجاوبني بس لتفتت فتح الباب وقبل مينزل الدرج كال
: اعتبري ال ٥٠ وصلت
..
روح

من جهه فرحتي ماتنوصف وجهه خوفي مرات يغلبني ويخليني اضوج ويبين على وجهي.. وحتى دموعي تنزل..

اليوم الي هو الثاني بعد ما حللت نمت على ضهري وخليت ايدي على بطني يعني هسه اكو روح ثانيه بداخلي..

اكو نفس وواكو بشر بيه قشعر بدني غمضت عيوني ووابتسمت نمت صفح وحضنت المخده
بعد حملي احس كرهي القسور والي صار بده ينسي..

لان لو ما هو مجان حسيت ب هل شعور بس الحمدلله ماسمعت كلامه ووماشربت الحبوب..

عندي لهفه اله موطبيعيه هيج كلبي يدك بقوه معقوله راح يجي يوم وواحطه بحضني واكول هذا ابني..

اوف بس الله يعلم فرحتي اذا اجت هاي الحضه..

اني متأكده قسور اذا عرف هو هم راح يفرح ولو كان معارض..

كمت على حيلي عندي حماس لكلشي جان بوقتهه لليل وواني لهسه مامتعشيه وراح تعبر ال ١٢ سويت اكل وكعدت اكل واباوع تلفزيون..

كلت بس يجي قسور اكله اي ما اضم علي احسن شيء اخلي كدام الامر الواقع..

واني متأكده حيفرح ندك الباب مال الشارع عقدت حواجبي منو هذا؟ معقوله فاضل الحارس رايد شيء.

رحت الباب مفتوح ووفاضل يدك بي اها ميريد يدخل طلعت اله:كول

حط الموبايل بوجهي استغربت بس طلع قسور مخابره ويريد يحجي وياي لكفته من ايده ووطرت لجوه كعدت على القنفه..

روح : الوو

قسور : شلونج

ابتسمت: الحمدلله بخير

: لا مبين كلش بخير

رجعت راسي على التخم وغمضت عيوني
: فوك ماتتصور

: ياستار فرحتج هاي ماوراهه شيء خالي

تنهدت : اطمن

لمن جاوبني مجان صوته وواضح لان ذبذبات صوت ثاني بس ماعرف اذا رجال لو مره كتله
: وي منو كاعد

: وحدي ليش!

: مو سمعت صوت شخص ثاني

: نعسانه جوز روحي نامي يلا تصبحين على خير

حتى ما انطاني مجال اجاوبه غلط الخط اوي شبي هذا مو صوجه صوجي اني الي جاوبته ووكعدت احجي ويا وانطيته من وقتي ووضليت سهرانه والمفروض ما اسهر لان مو زين على صحه ابني..

رحت رجعت الموبايل وورجعت لجربايتي حاولت انام بس ماكدرت بس اتكلب وواتخيل شوكت يجي ابني ووقسور شلون راح تكون ردت فعله اذا عرف..
..
انتضرت جيته يوم ويوم جنت ناويه اكله ب اجازته هاي كعدت احسبله الايام ووفات موعد جيته ورا اسبوع يلا اجه..

حيل ضجت وونقهرت وونزعجت من تصرفه ولو مو جديد بس جنت متوقعته تغيررر
..
بيوَم الي اجه جنت نايمه وهو دخل للغرفه رفعت راسي وومقلصه عيوني وواكف كدام المرايه ينزع الساعه وويفك دكم القميص.

رجعت راسي للمخده ووغمضت عيوني
: لو مجاي احسن كلفت نفسك

جان يهمس : اشش المهم اجيت

ضحكت بسخريه ووجنت ناويه ارجع اكمل نومتي
غطيت نفسي اسمع حركته ب الغرفه سبح ووطلع..

ورجع للمرايه يمشط شعره بهالاثناء حاجاني
: كومي روح

: نعسانه عوفني

: دكومي لج

صرخت بنتر : اهووو شتريد

: اهووو بعينج احجي عدل

كمت على حيلي ووافرك بعيني : لعد شنو تكلي لج

: جوعان

رجعت ذبيت نفسي على الفراش
: تندل المطبخ وتندل الثلاجه

جان يجي اليوم دنك ووجر المخده من راسي اخترعت خرعه اجيت انجلط شهكت ورفعت راسي : قسور شبييك داكلك نعسانه

اشرلي براسه لبره معناهه على المطبخ ووسبقني البره استغفرت ووكمت غسلت ووجهي وولميت شعري القصير ب لاستيكه ووطلعت..
..
جان كاعد على التخم ووضهره صاير عليه المطبخ مفتوح على الصاله يعني اكدر اشوفه ويشوفني..

طبعا من صارت سالفه الحمل ووالهسه واني تلعب نفسي من الزفر والبيض ابد ما اتحمله ولا اكله
الصبح جنت اتريك بس جبن وهسه لو ما قسور يريد بيض وطماطه مجان جازفت..

حاولت اسيطر على نفسي ضليت مخليه ايدي على حلكي ووخشمي ووالثانيه اخبط بيهه.

لتفتت علي وكال : شبيج

هزيت راسي اقصد بيهه مابيه شيء بدون ما اشيل ايدي ضل يباوعلي ب استغراب..ورجع نظره للتلفزيون.

كملت الاكل ورحت خليته ب الكاع نزل ياكل واني جريت كرسي من الطاوله ووكعدت مقابيله بس بعيد عنه علمود ما اشتم الريحه.

كلي تعاي اكلي كتله ماريد

قسور : كملت الاوراق ولازم توقعيهن

: اوراق شنو

: حصتج بعتهه لعمامي واخذت الفلوس حولتهن الج ب البنك

: البستان والبيت؟

: اييي

:زين قسور اخاف اذا رحت اكعد يمهم يطردوني

: وانت شعندج رايحه؟!

:غير ووياك لو ناوي تضل ساجني لهنا

: دحجي عدل ساجنج شنو؟ كتلج قبل وراح اعيدهه هذا بيتج تضلين كاعده بي واني كل وقتي يمج؟ غيابه يكون بس بفتره دوامي يعني حتى لو اجيتي وياي للبصره نفس الشيء..

لو انت ماتحبين الهدوء تدورين على المشاكل.

: شنو قصدك يعني اني ام مشاكل!

: انت ساس المشاكل اصلا اني اخاف منج عليهم

استفزني كلامه حيل وكفت على حيلي
: شنو فاشختهم طاكتهم شمسويه لو انت بس تريد تسفزني ووتحرك كلبي بأي طريقه هسه صرت اني ام مشاكل ووتخاف عليهم مني مو؟

فرك وجهه : استغفر الله جاي تخليني احجي كوه

: ها لازم اكو بعد كلام احجي احجي تعودت ووداعتك مضل كلمه مسمومه مكلتهه عن شرفي وعن اهلي ووعني وعن كل حياتي انت ماخليت شيء بيه ماقذفته بلسانك بعد على شنو تستغفر

: روووووووح

عطت بقوه : ان شاء الله تمووت روح وتخلص منههه لان اضاهر كاعده على كلبك وومضايقتك حيل
..
عفته ورجعت الغرفتي جسمي كله يرجف وواشهك ب البجي كرهني بنفسيي كمت اكرهه كلشي بيه..

احس روحي انسانه تافهه وطايشه ووحقيره ووكحه ووخبيثه كل ذني يحسسني بيهن ودائما يكلي انت هيج وهيج..

لحد ما خلاني اصدك صح عندي بعض الطلعات بس مو للدرجه الي هو يوصفني بيهه..
..
ضليت ابجي وواناشع لحد ما نمت حتى ما كلف نفسه يجي وويصالحني.. حتى لو بنص حرف والله جان رضيت ونسيت كلامه بس هو لحد هل لحضه ممعتبرني شيء يستحق يبذل جهد علموده..

شيء سطحي وطفيفي بحياته مالي مكان بكلبه
شيء مو دائم ووقابل للزوال بأي لحضه..

مجرد انسانه او زوجه مشاركته مسكنه وهاهيه..
تعبت من المشاكل والمشاكل تعبت مني..

وين اروح اني منو الي غيره صح كلامه وتصرفاته واهماله بس يخاف عليه وهذا الشيء الوحيد الي باقيله بعيني وبكلبي..

كعدت ب٨ بليل وجهي بعده مورم من كد النوم عزا كل لهل وقت حتى ماكعدني..تحسرت بوجع ووطلعت اتمشى ب البيت فاررررغ وصينيه الريوك على السنك.

طالع وين راح؟ ياربي ليش ديحرك بروحي هيج مكافي الايام الفاتتت ماريحته ما اخذ حيفه مني

مسحت ووجهي وركبتي بقله صبر وودخلت سبحت ووطلعت للحديقه مشتغل بيهه بلوجكتر مضوي جزء وباقي جزء اضلم..

جنت لابسه تراك برموده والتيشيرت نص طالع جزء من بطني وويصير ردانه خيط رفيع..

لونه وردي فاتح وياي المنشفه ووالمشط كعدت على الكرسي بالجزء الاضلم ووامشط الجو حلو دافي رفعت راسي للسما النجوم تلمع..

مشطت شعري ووبقيت كاعده اباوع للسما وكل تنهيده اذبهه اطول من عمري..

امي اتمنى اعرف وين صفه الدهر بيهه ووشجاي تسوي وحدهه هم رجعت تدور عليه؟ لو ايست
اكيد تعرف ووجوز قسور منعهه تجي وهددهه اي كلشي يسوي في سبيل يخنكني..

نفتح الباب كمزت كلت عزا بس لا الحارس واني كاعده بلبسي هذا بس طلع الاستاذ تذكر عنده زوجه وواجه..

حطيت رجل على رجل ووالعب ب اسنان المشط..
اول شيء مانتبه الي لان ضلمه..

روح : يعني شتخسر لو جاي مصالحني ومطلعني وياك ولو هي هاي متنطلب ب السان بس شسوي اني اكولهه لان متطلع منك ولا راح تطلع..

تقرب عليه ووفتح لايت موبايله
: شتسوين هنا

: اختنكت احمد الله انو رحمت بحالي وخليت الي حديقه مرافقه السجني ولو ماكو الحديقه جان هسه اني ميته..

زفر بملل : شلون كاعده هنا بلبسج هذا اني لشوكت اضل انبهه

: والله عاد بيتي على كولتك وبكيفي..

خزرني ووضم موبايله بجيبه واجه ليمي جرني من زندي ووسحبني لجوه شمرني بقوه ب الهول
وواندر سد الباب

: ترا مو حيوووووان اني حتى تعاملني هيج

: حاجيتج وكتلج ادخلي بس انت ماتجين بالعيني واغاتي وبعدين شدعوا مكلفه نفسج ولابسه بجامه جان ذبيتيهه شنو بس الفوك والجوه شنو موقعه..

والله حتى البجامه طافره

لزمت اطراف شعري اعدل بيهه واحجي
: جسمي لو جسمك

: تافهه وسخفيه وبعدين اني مو اكثر من مره كايلج الوشم الي بجسمج امسحي..

نترت : ماسوي شيء حتى ارضيك خوش هاي اني بالوشم الي بجسمي ب شعري القصير ب لبسي الضيك والفضيحه مثل متوصفه انت يعجبك اهلا واسهلا ميعجبك ف هاي ضلت يمك بعد

وبعدين شنو جاي تحاسبني انت مو كلت مالج مكان بحياتي ف بصفتك شنو دتحاسبني؟

زوجي ترا عادي مو هذا زوج ماما مجان يحاسبهه ولا يحاجيهه لان لاهي تحبه ولا هو يحبهه بين قوسين حياتهم مصالح وتسليك..

واحنه هيج ليش متعب نفسك ومتعبني؟

اني حتى مشايفه منك شيء  اجازتك عشر ايام اسمع منك ياودب ١٠ كلمات واشوفك بس بليل
يعني حتى خاطر مالك عندي حتى اتغير علمودك

درت وجهي على الجهه الثانيه ووامسح بدموعي
شمر السويج على القنفه ووضحك بسخريه : يعني طلعت اني الغلطان..

عطت بحركه : اييي انت الغلطاااان انت حبستني هنا ب ٥ اشهر لا اشوف احد ولا احد يشوفني جان صار بيه اكتئاب وتوحد وفوك كل هذا غلط وكلام يسم البدن وايدك ترفعهه عليه..

شهكت ماسألت نفسك ليش كاعده وصابره بس لان مجبوره وومتحمله وساكته واحلم يجي يوم وتتغير وترجع مثل ماجنت قبل..

تخيل نفسك بمكاني لثواني بس وكلي شنو احساسك..

قسور : انت شايفه نفسج محبوسه بس لان جنتي على حل شعرج تسرحين وتمرحين بكيفج بس بالحقيقه اني مكعدج هنا لمصلحتج وموفرلج كلشي وواني ما اتجاوز بدون سبب انت تجبرني ليش هي سالفتج ينسكت عليهه..

اني اكلج حطي نفسج بمكاني؟ وشنو رده فعلج

ليش هي سهله من اشوف صورج تارسه موبايلات الولد وومو صور عاديه لا خزيييي وفضيحه..

زين بهل حاله شسويلج اني اكتلج اكون ضلمتج وضلمت نفسي دنيا واخره..

اضربج اعذبج اشوهج هذا وجع مؤقت وراح تنسينه باجر عكبه ف جاي تشوفيني كلشي ما سويتلج بس سحبت نفسي ونسيتج ووكرهتج وماكمت اطيقج..

تدرين انت بنظري هسه حالج حال وحده من الملاهي جايبهه هنا للونسه لا اكثر..

حتى زوجه مامعتبرج تصرفاتج ووعمايلج حسستني بنقص برجولتي بكياني بنفسي لان ماكدرت اضبج واربيج لان ماحسبتيلي حساب 
ولا صرت بعينج..

شهكت: كلشي صار قبل لا تجي انت

صرخ بقوه : لا تجذبييين لج اني اجيييت ووكاعد بصفج واتوسل بيج تجين وياي وانصح بيج واعلم ووانت كاضيتهه*** وي مؤمل لج الصوج مو منج الصوج مني اني كوا** وساقط لان ماعرفت انهيج من البدايه..

جاي احاسبب نفسيي روح ماجاي احاسببج يا ادبسززز وبعدج تحجين ب حيل صدر ووعينج الصلفه مانكسرت..

بلعت ريكي ودموعي ناشفه على ريكي عفته ورحت دخلت للكنتور ادور بغراضه طلعت مسدسه ثكيل كوه كدرت اشيله.. سمعت صوت شيء نكسر

طلعت لكيته كاسر الطاوله الكزاز وايده مليانه دم وشضايا جام

ووكفت كدامه ووعيوني ماشوف بيهه من الدموع
وجسمي كله يرجف لزمت قميصه ووجريته ليمي بهدوء وهمست بضعف ولساني بي رجف
: اذا الي خاطر يمك بس شويه اكتلني هسه ولتتردد..

حطيت المسدس بأيده وشلتهه خليته على بطني : اني متأكده ماكو شيء ينسيك الي صار غير موتي واني هم راح انسه واروح يم رب رحيم
هو ياخذ حقي اذا ماكتلتني انت هسه ف اني راح اموت نفسي لان مستحيييل اعيش وياك وانت هلكد شايل بكلبك عليه..

صدك وثق اذا ماموتني هسه ف راح يجي يوم تدخل تشوفني مودعه الدنيا..

اناشع وواحجي بصعوبه اخر كلمه كلتهه خلته يتخبل رسمي

: اضربني على الاقل اموت اني وابني
..
فاديه
حياتنه مثل ماهي دوم يسويلي مشاكل ووعرك اني وياهم رغم ماحجي واضل ساكته بس هنه يجن يشتكن وويكولن فاديه تعاركنه

واضل انكر بس محد يصدكني اليوم هم صارت عركه وكع ماعون مني ووراحت مرت ياسين ركض لام اسعد تكلهه تعاي شوفييي جنتنه النادره شسوت كسرت ماعون يسوه راسهه

وهي رجعت عليه ثوله غبيه كله علمود ماعون..
دخلت للغرفه اشهك ووابجي وواشمر ب الغرض
وبداخلي حركه قويه طلع رهيب من الحمام..

كال : شبيج

مسحت وجهي : مابيه

: تعاركتي وياهم مو

صحت :همه همه مو اني

تنهدت : وانت ليش فطيره متكدرين تردين مثلا

: هو اني هسه ساكته ووياكلني ويشربني لو ارد شسوين جوز يوزعن لحمي ثواب

ذب المنشفه واجه كعد بصفي على الجربايه بلحضه ما تعدت الثواني جرني من زندي وخله راسي على رجله.

ارتعش جسمي بصوره مو طبيعي وحراره صعدت عندي خفت بشكل ووصدري ضل يصعد وينزل..

خله ايده على شعري وويمسد علي بهدوء..

ارتاحيت الحركته وعبالك رخت اعصابي كلهه غمضت عيوني ونسيت اسعد ونسيت الي صار..
وحتى نسيت وجود رهيب كل الي عشتهه هل الي الحضات الي اخذني بيهه بحضني وويمسح على شعري..

مادري شلون بدون ماحس مديت ايدي على بنطرونه ووعصرته حيل بين اديه يمكن من التوتر حتى ماجنت حاسه على نفسي..

دنك راسه عليه وكعت على وجهي كن نقطه مي فززتني فتحت عيوني بسرعه حراره انفاسه ضربت بأذني وهو يهمس : حضري روحج نروح سفره بس اني وياج
...
جمانه

طلعنه سوه ووفتحلي باب السياره الخلفي ووكعدت بي وهو راح يسوق احس كلبي بالثانيه يدك الف مره توتر منه وومن تصرفاته الواثق منهه وعبالك راسمهه ومخططههه ودينفذهه..
لان كلشي يطلع منه اله معنى ومحسوب مو مثلي اخبط هذا بهذا..

صعدت وودنكت راسي على الجنطه وولازمتهه بكل قوه طلع اغنيه وويدندن وياها وويضرب باطراف اصابيعه على الستيرن..

باوعلي ب المرايه وكال : هذا ثمن ندارتج

شبه ابتسامه نرسمت على وجهي
: شفت التراب وماتحملت

ضحك وكال بعد مره ثانيه كولي للعامله واذا ما ادت واجبهه كوليلي كل واحد يعرف شغله شنو ماكو داعي تأدين وضيفتين..

: لا مو هيج بس حبيت ارتب المكتب مابيهه شيء يعني مجاي اخذ مكان احد ولا أدي وضيفه احد..

هز راسه وباوع بعيوني من المرايه وحجه
مثل ما كتلج

ماخليته يدخلني للفرع رغم هو يندل ذبني ببدايه المنطقه وقبل ما انزل سلمت علي ورحت
مشيت مسافه زينه ولتفتت جان اشوفه بعد واكفه عزا معقوله يباوعلي من امشي حتى رجليه
كوه تتحرك..

لازم اخذ حذري منه هو حسب ما يكولون ابو نسوان ووملعب وهذا الشيء اصلا مبين بعيونه
وكلامه وتصرفاته مال واحد خبره،،،،

دخلت للبيت تلكتني امي كالت بعدج ضايجه لان اخذت منج الخمسين

: ههههه لا عادي يمه بس اني رجعت الاكراميه للمدير ووجانت ناقصه

: يا وليش رجعتيهه

: الموضفين ضلو يحجون لان اني بعدني ممستلمه راحت باجر يله ابدي اخذ ف ميحقلي

: هااا وشعليهم همه

: هههههه يلا ميسون هنه داخلي اشوف انس

هزت راسهه ورجعت للمطبخ نزعت حذائي بالهول وودخلت اركض الانس روحي متلهفه علي شلته ووحضنته ووضميته لصدري ووشميته..

مسحت على شعره : حبيبي ماما اشتاقيتلي

ابتسم

: ياعمري فدوه لهل ابتسامه

جنت حيل متعلقه بي ووبحركاته يوميه اشوفه يكبر كدام عيني ويزداد تمسكي بي احسه قطعه من روحي.

دخلته سبحته وياي ووطلعته ب البرنص جبير عليه وضاع بي ضليت اضحك علي وهو هم خربان ضحك.

نشفته ومشطت اله ورضعته الممه مالته ونومته خطيه باب هو متكفل ب الحليب والحفاضات رغم
اهله كل فتره يدزوله مصرف لهل شغلات بس اني اصرفهن على ملابسه..
...
ثاني يوم كالعاده داومت تلكتني بنين
: ها حب شخبارج

: الحمدلله وانت

كتفت اديهه ووتمشي بصفي
: الي صار صدك

عقدت حواجبي : شنو الي صار

: اكو واحد من الموضفين شايفج البارحه طالعه وي المدير من الباب الخلفي واليوم الشركه كلهه تحجي بيج.. يتبع
🖤🖤🖤🖤🖤
ايزابيل