رواية لم اخلق لرجل سواك الفصل الرابع عشر 14 - بقلم ايزابيل

#بقلم إيـزابيـل
#الجزء الثاني عشر
#لم اخلق لرجل سواك
..
باجر هم اكو بارت 🙊🙊
..
مشاعري بذيج الحضه تخربطت ماعرف شنو جانت تترجم بذيج الحضة خليت ايدي على صدري ووبلعت ريكي وهو يحجي وياها ومندمج ويكول الهه ماراح ابقى ببغداد اول وتالي رايح..

سديت الباب بهدوء حتى مايحس بيه ووطبكتهه
وونتجيت عليهه غمضت عيوني وطرحت زفير
مشيت للغرفه مالتي قفلت الباب وتمددت على الجربايه.

بقيت ١٠ دقايق على نفس الوضعيه عيوني ب السكف وواديه على بطني وافكر معقوله؟! لعد اشو قمر من اجت هنا ابد ما بين ان هو يحبهه ورايدهه!

بس هي جان مبين الحب بعيونهه اله ووملهوفه علي وتفرفح من يجي اسمه..

تنهدت وضليت العب بشعري كمت من مكاني وكفت ع الشباك مالكيته امم معقوله دخل لجوه؟
اي يمكن
..
رجعت نمت ووحلفت اوخر هالافكار من راسي شعليه اني يتزوجون يعرسون يخلفون..

ثاني يوم الضهر جنت واكفه اعزل بـ ملابسي واغني اغنيتي الي احبهه بصوتي والكل يحبهه بصوتي والوحيده الي تطلع مني بلحن حلو
من اول ماسمعتهه لحد هسه مامر اسبوع اذا ماغنيتهه...

عبالي تكملني واسمك تحملني بقلبك تخبيني من الدنيا تحميني وتمحي من سنيني كل لحضه عشتهه بلاك..

عبالي تجرحني لحتى تصالحني بلمسه حنونه بغمره مجنونه و..

قاطعني صوت يكول :الله عليج يا اليسا

نصدمت درت وجهي جان اشوفه قسور منتجي على الباب ومخلي اصابيعه الاربعه بجيب بنطرونه الامامي.. بلعت ريكي بخجل..

عدل وكفته واستقام وحجه : مره الكاج حفافه وميكب ارتست مره الكاج عاشقه ولهانه مره تنكلبيلي اليسا شنو انت بالضبط،

رفعت حواجبي الاثنين بمكر: حربايه

قسور : واحد يحجيهه هيج لو هيج صوتج حلو

ابتسمت ونزلت راسي رجعت باوعت علي : انت شلون دخلت

قسور : برأيج تصعب عليه!

ضحكت وباوعتله راح كعد على الجربايه وكال : عيديهه

عقدت حواجبي : شنو

قسور : على بالي حبيبي

خجلني ب طلبه واني وي نفسي مرات استحي اغنيهه بس ماحبيت ابين اله ف انطيته ضهري ووكفت اكمل تسفيط ملابسي بالكنتور وغنيتهه....

عبالي تكملني واسمك تحملني بقلبك تخبيني من الدنيا تحميني وتمحي من سنيني كل لحضه عشتهه بلاك..

عبالي تجرحني لحتى تصالحني بلمسه حنونه بغمره مجنونه و ما غمض عيوني اله انا وياك..

في حين ما كملت المقطع هذا سمعته كال
: خادم اني

ضحكت بصوت عالي ولتفتت علي
: على فكرة مداغني هل اغنيه لشخص معين لا بس لان احبهه بصوتي.. اضافا على هذا لتصير حيال وخاين

عقد حواجبه : شنو قصدج؟

رفعت طرف حاجبي : فهمت قصدي كولش زين

:لا وروحهه لحبوبتي نوريه

: مو انت قريبا حتصير زوج قمر واصلا قارين فاتحتكم فميصير تحاجيني هيج..

قسور : اولا جنت اشاقيج ليش تاخذين الموضوع بجديه انت بكد بنتي ثانيا منين سمعتي..

روح: شنو بكد بنتك عمري ١٩ بعين العدو

قسور : ماجاوبتتي ع نقطه الثانيه

حجيتهه وااني اطوي البلوز : اا البارحه جنت طالعه للحوش ب الصدفه وسمعتك..

المهم اريد اطلب منك طلب

قسور : أمري

كال هيج ووهو يرجع يكعد ع جربايه
:اريد ارجع للمدرسه

: هلكد مهتمه بدراستج

: ماريد ابقى بمستقبل مجهول عاى الاقل ارجع للمدرسه اخلي هدف كدامي وارسم مستقبلي

:ترجعين بس بشرط

هزيت راسي بأي : ماسمع عنج اله الخير

ابتسمت وحضنت اديه يم بعض : وعد وعد

تعالي هنا (كالهه وهو يربت على الدوشك بصفه)

رحت كعدت بصفه تنهد ونزل راسه ورجع رفعه
: حاب احجيلج شيء كلش مهم وجنت منتضر هاالحضه حتى اكوله الج

:خوفتني

بلع ريكه : تتذكرين من جنت اكلج امج هي سبب الي عشتي انت تتذكرين اول ماجيت هنا قبل كم شهر ووكتلج كل الي سمعتي عنه خطأ

خوفني كلامه وجان كلبي يدك معقوله راح يكلي؛ شيء عن امي موزين هزيت راسي واترقب كلامه جان يذب حسره طويله ويكول
..
جمانه

تعب خله جتافي ينهدمن ووجع فضيع يمزقني وواتوجع ووان بسكوت عاصره عيوني وشاده على بطني واناشغ معقوله راح اجيب واني توني شهر السابع..

زحفت اليم الباب ووضليت ادك بي واصيح
: راح امووووت الخاطر الله ساعدونيييي راح اجيببب عفيييه ابنييي راح يمووووت خادمه اصير جوه رجليكم بس انقذووو..

ووادك بثنين اديه ووابجي ووارفع بنفسي أجر بيده الباب احاول افتحه بس لا حياه لمن تنادي.

ماعرف شنو من جوه غركني وونكع ملابسي ووالهثه عندي تقره الف حسيت انو بعد ماكو امل وقررت اقره على روحي السلام.

انتجيت على الحايط وورجيت راسي علي بهدوء
واتنفس بصعوبه لحضه غير متوقعه وحبل نجاه بالنسبه الي نفتح الباب وراح ضلام الغرفه من دخل ضوه الصاله..
..
تقرب عليه بخطوات بطيئه بلعت ريكي ومساعدات نفسي اكوم كرفص مقابيلي وهمس
بصوت ناصي : بيج شيء

: داموت داموت

: احجي

برطمت وهمست : اني حامل ويمكن راح اجيب

تنهد ووكام وكف على حيله ووباوع عليه كم ثانيه طبعا ماجنت اشوف وجهه وومعاني الضوه صاير بضهره بس اعرفه من طوله لان كل مره هو يفوت عليه..

طبك الباب ورا ماكو صوت والصاله هدوء الضاهر كلهه نايمه بس هو موجود بقيت اتألم واصارع نفسي
َ...
فاديه

كاعده بـ الغرفه وصافنه ايدي على خدي دنيا الصبح اصلا اني مانيمه بقيت كاعده افكر وواتحسب على الصار بيه..

نفتح الباب بقوه نفجعت شفته همام بلعت ريكي
معقوله جاي يأذيني لان من يوم الي صار وهمه ذابين الوم بيه..

بلعت ريكي ووكفت على حيلي جان يكول
: حطي عباتج على راسج ووتعاي بسرعه ولا تخلين كائن من يكن يلمح طولج منتضرج ب الحديقه..

هزيت راسي ب اي من دون ماعرف شنو ووشكو ووشصاير لبست العبايه على دشداشتي ولزمتهه من يم ركبتي ووطلعت اركض شفته واكف ب الحديقه ووويشرب جكاره بس شافني مشه وواشرلي براسه الحكه..

اركض وورا وووهو يركض وواهمس
: وين ماخذني شكو..

ووكف بنص الشارع ولتاف عليه طفى الجكاره بين اصابيعه وكال: اريدج تفوتين على القابله ام احمد وتجيبينهه وتجين

وسعت عيوني : شكو شصاير

همام الدين : من دون كلام نفذي بسكوت يلا كدامي

ضليت افكر طول الوقت المن وشكو وليش هلكد مهتم وصلت للبيت هو بقى واكف ب الباب..

فتحت الي خطيه كايمه من فراشهه على صوتنه
تفاجأت من شافتني اني من يوم الي صار ولحد هالحضه ما طالعه ولا مفكره اطلع بس شسوي سحلني ويا مثل المطي..

ام احمد : ها بنيتي محتاجه شيء

حرت شكول الهه :اريدج تجين وياي

: ليش بيج شيء

: لا لا بس تعالي بسرعه محتاجينج بشغله

: يلا يلا بس اخلي العباه ع راسي

فتحت الباب ووطلعت هو واكف وقلق..
: جمانه راح تولد مو

عقد حواجبه : منين جمانه؟

: اقصد زوجه اسعد

: اها اسمهه جمانه اي هي

: انت ليش هلكد مهتم بيهه

: اني مامهتم بيهه واكرهه كرهه العمى ولو يرجع الموضوع الي اقتلهه هي وابنهه بس حرام ومالهه ذنب اساساً من البدايه ماجنت قابل على خطفهه واذيتهه..

دنكت راسي طلعت ام احمد وواخذناها ويانه للبيت اخواني جانو طالعين والبنات نايمين..

كال اخذيهه الهه دخيلهه وواني راح اطلع عندي شغل وواذا خلصت حاسبيهه وخل واحد من الولد يوصلهه ووديربالج عليهه من اخواتج..
ََ..
سويت كلشي أمرني بي تحت غصب بس لان ماريد اكسر كلمته وارفضله طلب
..
جمانه

اريد انام بس ماكدر من الألم رغم نعسانه وممغضه عيوني نفتح الباب ودخلت فاديه..
وياها مره جبيره..

ذبت عباتهه وواجت رفعتني من جتفي المره الجربايه راساً كعدت يم رجليه ووكالت الفاديه بهمه: روحي جبيبي مي حار بسرعه..

هزت راسهه بأي وطلعت تركض وواني بقيت وي المره تكشف عليه وتكول عزا عزا شصاير بيج

بجيت وشهكت : خاله فدوه والله راح اموت

جان تكول : لا يمه ماكدر ماكدر انت بعدج حتى شهرج ما داخلته تروحين تموتين بأيدي..

: ليش داتوجع ساعديني فدوه لا تعوفيني شتردين اسويلج بس لا تخليني اموت

: ما تموتين اسم الله عليج بنيتي  خل ياخذوج للمستشفى انتِ لازم عمليه..

عضيت شفتي السفليه بوجع دخلت فاديه وياها جدر المي الحار جان تكوم المره بسرعه ووتشيل عباتهه بأيدهه : فاديه تعاي وياي

وجرتهه على صفحه اسمعهه تهمس
: اذا ضلت الباجر تموت هي وابنهه المفروض بسرعه تدخلونهه عمليات واحتمال كلش جبير الطفل مايطلع صاحي.

تخبلت نجنيت ضليت اصيح واصرخ هنه تفاجأن المره طلعت بسرعه وفاديه شمرت جدر المي ووسدت الباب عليه وقفلته واني عقل مضل براسي راح اموت ماراح اشوف ابني..

بالساعتين اني ابجي ومفرفحه سكتت من سمعت عركتهم

جاييي اكلك البنيه تضر ماتنفع وهاي كدام عينك لا اجو ولا تنازلو عن صالح ولا حتى سألو عليهه :

: يخافون نأذيهم فـ منتضرين ننطيهم الامان

: تمام ضل بهذا رأيك وموقفك واني راح اتصرف بالي اشوفه مناسب..

: هماااااااام

بلعت ريكي الي ناشف بقلق تذكرت المي الي عافته فاديه هنا تقربت علي شفته رايحه حرورته  فرحت كمت اغرف بأيدي واشرب هيج احسه ثلج ينزل على كلبي رغم هو مابي اب بروده..
..
تقريباً مرت ساعه واني اصار الألم دنيا العصر واصاله تفتر بيهه بس النسوان اسمع حسهن..

شويه وونفتح الباب بكل هدوء دخل ويا كلوب..
عدلت كعدتي ونزلت ثوبي من يم رجليه.

مسح وجهه وكال : السلام عليكم

ماجاوبته جان اكو كرسي خشب كله وسخ وومليان طنون تراب جابه خلاه كدامي وطلع جفيه من جيبه بس نكت المقعد شويه وكعد علي.. جان يكول : اكيد تعرفيني او سامعه بأسمي اني همام الدين اا جبتج الج القابله الصبح..

باوعتله بحقد جان يكول
: شوفي خل ندخل بالمفيد اني قادر ان اطلعج منا وانقذ حياتج وحياه ابنج

لكن بشررررط ان سويتي خيرا على خير وان رفضتي راح تبقين هنا وتنتضرين رحمه الله تنزل عليج وتنقذج من الموت ياما تودعين الدنيا انت والي ببطنج..

زمخت علي : شتقصددد يعني؟

تنهد وومسح لحيته
..
روح

: احجي

كال : قبل ٢٠ سنه اني جان عمري ١١ سنه ١٢ سنه هيج شيء تقريبا عمي تزوج هنا من بنات بغداد وجابهه للبصره واجو بالبدايه عمامي ووحبوبتي اعترضو بس بعدين تقبلو وورحبو بيهه...

وتعايشت ويانه وواحنه حبيناها لفتره بسيطه بس بعدين بدت تتغير تسوي مشاكل وتحرض هذا على هذا..

ورا سنه من زواجهم جابتج ووبدت المشاكل تكثر متقبل احد يطخج وويوم الي احد من الجهال يقرب منج اعتبري البيت شال والامه احتركت ووالكره الارضيه نكلبت رأساً على عقب..

اني جنت اخذج ونختل جوه الدرج حتى بس العب وياج ووماتكضنه امج

ابتسمت : جنت جبير بعقل صغير

: اييي كيفتي انتِ

: هههههههههه على شنو

: بس ترديلج لزمه عليه

: كمل كمل

: وبيوم من الايام ابوج لكف امج تخونه بالموبايل
هنا محد سلمه من غضبه لا انت ولا امج لحد هسه اتذكر شلون شال القوري الي يفور وراد يركعه براس امج ووطفر عليج جان حركج..

تصلبت بصدمه من كلامه عبالك لكمه وكفت ببلعومي فكيت حلكي ووهو مستمر يحجي..

: بساعتهه ابوج نضرب جلطه وودخلناه مستشفى وامج انطردت من البيت وماقبلت تبقيج يمنى اخذتج رغم اصرارانا على بقائج وما طول ابوج هواي وتوفه..

كلامه حيل اذاني مانصدمت بأمي لان خانت ابوي لا لا صدمتني جانت بجذبهه كل هل سنين..

ماكدرت الزم نفسي نزلت راسي ووغطيت بوجهي وواشهك ووافرك بعيوني بتعب...

قسور : ماحجيت الج حتى تبجين لا بس لان ماردتج تبقين مثل العميه..

ماجوبته بس ابجي ولازمه كذلتي بعصبيه واعصر بيهه بقه كاعد يمي اسمع تنهيداته وومحاولته بقربه الي جان يريد يواسيني يمكن بس ميعرف شلون..

باوعتله يباوعلي بنظره تذوب الصخر نظره خلت عيوني يجفن ووكل شيء بيه يسكن قلقه ووواضحح ووخوفه مبين مثل عين الشمس..
همست : قسور عوفني لوحدي..

هز راسه ببطئ وكام وكف واني دنكت راسي للكاع وصل لنص الغرفه وورجع عليه همس : روح

رفعت عيوني بدون ماحرك راسي
: ديربالج على نفسج

كلامه عبالك ديودعني بس بوقتهه ماجنت بحاله اكدر اكعد اسولف واخذ وانطي ويا اسأله واستفسر
خليته يروح وويطبك الباب واني نهاريت بالصريخ اضرب على الدوشك بكل حيلي ومايبرد كلبي.

اعض بأصبيعي واعاتب ربي : ليش ياربي ليش بليتني بمثل هيج ام غضببب بسببه نحرمت من ابوي بسببه راح اضل كل عمري ادور على عطره وحضنه

مرت ساعتين
سمعت صوتهه ب الهول : روح ماما وينج تعالي جبت غده من بره خوما ااكلتي..

بلعت ريكي بغضب ووكفت على حيلي فتحت الباب شفته تخلي بالعلاليك على الكاونتر ووكفت بنص وعيطت : ارتاحيتييي مو ارتاح ضميررررج..

ندارت عليه بصدمه

كملت : من خنتيييي وولعبتييي من ورا ضهره هاهيه ارتاحيتييي وبردددد دمجججج بشنوووو قصرر وياج كولييي حتى اعذررررج احجيييي ميحبج ميريدج يضربج يأذيج موزين...

كولي اي اعذرررر ابوسهه الايدج بس خلييي يرتاح كلبييي جذبييي عليه مثل قبلللل..

حطمتينييي اذيتينييي سقلتينييي مثلج  واني صرت نسخه مصغره الج تمام هسه مو؟

كلشي بالنسبه الج مثل ماتردين واحسن وافضل
موتي ابوي وكمتي تتزوجين وتصاحبين ووتصادقين بكيفج وسويتينييي مثلج وربيتينيي بالطريقه الي تعجبج..

بقت تباوعلي بتعجب واني احس تهشمت وتهمشت كلي

َام روح : منو كلج

هزيت راسي بحيف : هو هذا الي هامج مو ياحيف والله كضيت عمري بحضن وحده خاينه مثلج..
شكد سويت اشياء مو حلوه بس ماوصلت لحقارتج لج انت زانييييييييييه..

بسبببج مات ابوي بسببج راااح والله ماسامحج ولا اريدددج مادامني اشتم الهوى..

اني اشهك وابجي وومحتركه حرك واضرب بنفسي وبرجليه بالكاع واصرخ وهي تحاول تلزمني وتهديني : بس اسمعيني صدكي مو هيج السالفه..

دفعهه بقوى : شنووووو المو هيج جذبج لو خيانتج اذا بأمي ماكدر اثثقق بمنو اثق بعد فهمينييي...

ماخليتي شيء ماجذبتي عليه بي واني وواني...

ماكدرت اكمل الهوى حسيته نقطع عني ووكعت للكاع ركبي ووجعي ايدي على صدري وواتنفس بسرعه كلت راح اموتت مابيهه مجال..

اجت ليمي كرفصت وولزمت وجهي بثنين اديهه
:شبيج يمه ضغطج هبط مو حاجيني روح..

ساكته وبس صافنه و عيوني تهل ووماكدر اوكف على رجليه وهي كتلت روحهه بالبجي وتصيح لا تموتيني بقهري..

دفعتهه وكفت على حيلي : لا تخافين ماموتج ولا اقهرج ابقي يم زوجج العزيز واني طالعه منا وبعد متشوفيني..

جنت ناويه اروح القسور طلعت اركض بشعري المهوس وتراكي النص وهي كامت تركض وراي وتسحل بيه ووتبوس بديه وتتوسل ابقى...

واني منطيتهه اذن الطرشه خليت ونزلت اركض على الدرج وهي تنعي وتبجي بالحوش وصلت لبيته سيارته ماكو..

طالع؟ دكيت الباب ماكو شفت مفتاح الشقه جوه الزرعه اخذته وفتحت دخلت كله اضلممم... اتمشى واهمس قسوررر وينك اني روح..

وصلت للهول فتحت الضوه تصوصي بلعت ريكي وين راح هذا لمحت شي مذبوب على ميز الطعام الصغير تمشيت صوره!! اخذتهه...

صوره رجال بيضه وسوده بعده توه شاب شورابه ونظرراته الحلو وابتسامته جذابات وشعره ثخين وومرجعه ليوره...

ابتسمت لا ارادياً كلبتهه مكتوب كلام يكول
_ هاي هديه مني لروح عمي اني رايح ديربالج على نفسج .. يتبع
🖤🖤🖤🖤🖤
ايزابيل