رواية لم اخلق لرجل سواك الفصل الثالث وخمسون 53 - بقلم ايزابيل

#بقلم إيـزابيـل
#الفصل الثاني والاربعين
#لم اخلق لرجل سواك
ََ...
شم تاني انا الخسران صحباني شم تاني شمتاني هم الاذوني شمتاني لمن عفتني هم التشمتو بيه ولا رفلك جفن تمر عليه انا الرفعت بالسما لوين وانت الطيحتني وانا بلا منيه شمتاني انا الخسران حته صحباني.بقلم:الظل♾
...
البارحه المقطع الي مفهمتو مال روح الياس جان يكول الهه عمامي ديحاولون يقنعون بقسور وهي انتضرته يروح للدوام وهدت
.
جمانه
بلعت ريكي هذا شديسوي ردت ارجع، ليوره طخت رجلي بسطل الزبل طلع صوت اندار عليه جانت اكو بيده جكاره بس ممشغلهه..

وجهه نسحب لونه حط ايده الثانيه بجيب بنطرونه وطلع من مكانه : محتاجه شيء!

: لا اني اسفه ترا بالغلط قاطعتك جنت طالعه من الصيدليه وسمعت صوت عبالي بزون لو شيء..

ضحك : اني اجي اشرب جكاره هنا لان بالمستشفى جوه ممنوع

هزيت راسي ووملامحي تكول اله شلي دخل اني ماطلبت تبرير ليش هلكد توتر عفته ودرت سمعت صوت حسرته الطويله
..
رجعنه للبيت واني شكد ما احاول اتلافه الموقف الي صار بس يبقى ينخر بعقلي اكول ممهتمه ووارجع واتسأل شكو هلكد ارتعب مني،!

انس ضايع ويتزعل وويتذمر يريد يبقى بالمستشفى
يكول اريد عموو يقصد ميمون..

جمانه : لك ماما حبيبي ميصير نبقى بالمستشفى باجر هم نروح ووتشوفه لعمو

:ما ما

تنهدت : تعال ناكل اني وياك؟ كيك

برطم حطيت اديه جوه جناحه وورفعته
: اوووي فديت الزعلان وليدي الحلو الذكي الشاطر شتريد اخلي خالو احمد يشتريلك من الاسواق ككو وحلويات هواي لو تاكل من الكيك مالتي..

نفر مني ويريد ينزل نزلته لان خفت يوكع طلع يمشي بصعوبه وويريد يختل علمود يزعل براحته..

ابتسمت وطلعت ورا ادور ماكو لكيته ضام نفسه ورا باب المطبخ ربطت اديه خلف ضهري ووتمشيت بهدوء البيت جان فارغ ماما نايمه وبابا طالع واحمد بالاسواق مالته الي تبعد كم فرع عنه،،،

كرفصت يم الباب ووفتحته بهدوء جان يبجي من شافني ضم وجهه بين اي بسرعه ميلت راسي بتعب
:نروح لعمو بس بشرط

فتح عيونه على وسعهن ووضحكته شكت حلكه
: تجي ناكل وتنام شويه وونروح علمود ترتاح وماتتعب اتفقنه..

ومديتله اصبعي الصغير شبك اصبعه باصبعي ووبفرح
: أفقنه ( اتفقنه)

شلته كعدت على ميز الطعام وسويتله بسكت ووجاي اكل ووبعدهه ممه شرب راح يصير عمره سنتين ماناويه افطمه لحد ما هو يذبهه..

نومته ووجنت ناويه اخلي لليل واكعده بلكي ينسى..
كلت مادامه نايم افوت اسبح وواطلع اخذت تراك وردي ووبناتي ماطولت اخاف يفز انس لو شيء..

وكفت على ميز المرايه اباوع علي ووانشف شعري ندك الباب رحت فتحته بابا واحمد طبعا لحد هسه همه ميحاجوني..

ابتسمت ووهمست : السلام عليكم

رد احمد بصوت ناصي يادوب سمعته : وعليكم السلام،،
..
دخل احمد تمدد على قنفه الهول وخطيه كد ما تعبان حتى حذائه ما نزعهه وبابا دخل للمطبخ يشرب مي حتى ما كلي لو صخرني...

كعدت نص ركبه يم رجل احمد وورفعتهه بهدوء ردت انزعه الحذاء فز رفع راسه تنهد رمشت بعيوني
: اا بس انزعهه الك لان مراح تنام مرتاح

ابتسم بتعب ووكام كعد على حيله وفتحلي حضنه..
يابه بهل لحضه مي بارد وونزل على كلبي فز كلشي بيه
ركضت علي شلون الحمامه الي لكتهه طيرهه من بعد ضياع
ضميت روحي جوه جناحه ووراسي على صدره..

لف اديه على ركبتي ووباسني بشعري دموعي نزلت شهكت

احمد : يابعد اخوج كافي ماريد اشوف دموعج

باوعتله بدموعي :والله ما اتحمل تعاملكم ووياي هيج..

لزم خدودي بثنين ادي : احنه غير علمود تتوبين وتتعلمين مصلحتج والله اني هم الوب عليج ماكدر اشوفج هيج وما اطيب خاطرج.

ولا متعلم اضل ماحاجيج كل ساع اريد اغلط وواصيح جمانه صبيلي اكل لو جمانه جيبي ملابسي من الحبل كوه لازم روحي.

: يابعد روحي تأمر وتدلل

دخل بابا شمر كلاص المي على الميز ذب حسره طويله وراح كعد مقابيل قنفه احمد واني ماازال بحضنه ووابجي وواشهك..

اباوع ببراءه وتوسل البابا وواكله صيحني صيحني واحضني.. اترقب الكلمات من شفايفه على نار...

وكأن شيء يلسع بكلبي ويكلي ماراح تخبين ابواج هذا اول وتالي يحاجيج..

كال وواني انتقض كلشي بيه

: مثل ماكال اخوج احمد احنه مو بطرانين ولا نكرهج ردنه نسويلج جره اذن والج مو اله علمود تعرفين مصلحتج وتعرفين شوكت توكنين صادقه ويانه وشوكت تجذبين اني مقدر كلشي مريتي بي بس ذولاك انجاس حقراء ميستاهلون تضمضمين عمايلهم..

كمت من اخوي وواتمشى بهدوء هو شافني متردده ودمعتي بمدمع عيني واكفه على شعره اشرلي براسه بمعنى تعالي..

كمزت بحيل ووفرحه ووسعه صدر مستحيل تتكررر انشرح داخلي وواللسعاده غمرتني لدرجه حلكي شكل على الضحكه..

حطني بحضنه وويمسد على شعري الرطب

: اني ابقه ابوج بس بل مقابل  اريدج بنيتي الي اعرفهه

:واني بنتك الي ربيتهه اليوم وباجر وعكبه ومستحيل تشوف اي تصرف خطأ مني بعد

نزلت ماما من الدرج نعسانه ووتتثاوب من شافتنه ابتسمت
:ها خير ان شاء الله

ابتعدت عنه ووكعدت بصفه
: كل الخير ان شاء الله ام احمد

تباوعلنه ووعيونهه تضچ فرح طبعا ماما صح هم زعلانه مني وضايجه فدنوب واصلا كارهتني بس جانت تتمنى بابا يرجع يحاجيني مثل قبل وواحسن..

عيوني سولفت الهه الف سالفه وبرررت الهه واترجتهه تحن عليه مثلهم بس محجت ولا شيء اكتفت بالابتسامه..

طلعت حذاء احمد البره واسمعهم يحجون

بابا: والله هالبت اخذت نص من حيلي خايف عليهه ووكل ما انام تجيني اشكال الوان تخيلات شسولهه من انخطفت اذوهه عذوبهه ضربوهه اكيد مارحمو بحالهه وضال اتگله بناري..

احمد:لو اكو شيء جان حجت لا تشيل هم

: يابويه چا ما حجت من اولهه هسه تجي تحجيلك وبعد ماخوفنهه ووشافت رده فعلنه تكول لا اكيد.

بلعت ريكي وواحس بفخر يوصل للسما اشكر الله على هيج اهل يخافون  ومحافضين عليه هيبتي وفخري بيهم ماتنوصف..

دخلت سكتو همه : اصبلكم غده؟

احمد : ياريت ام انوس نريد من ايدج الحلوه

ابتسمت : اي عيوني الك وبابا احسب حسابك؟

هز راسه دخلت للمطبخ حميت مرگه الدجاج ووتمن برياني اسمع صوت انس كعد وويبجي راحت روحي عفت الاكل وركضت علي شفته كاعد بحضن احمد بس شافني طفر عليه..

كال بشهكه : الوح : نروح

خزرته ضربني على جتفي

بابا : وين يريد يروح؟

جمانه : بابا الدكتور يلاعبه ويشاقي وهو تعلق بي هسه يلكي خل نروح العمو..

رفع راسه ووصرخ ببجيه
:اگورررر (دكتور)

ضحكنه كلنه

: تعال جدو تعال هسه اني اخذك

حطيته يم بابا ورحت كمت الاكل جبته الاهم شويه التهه وي بابا وونسه كملو الاكل وبابا كال حضري انس اخذه ونطلع نفتر بالحديقه اله هنا..

رحت سبحته ووهو عباله رايحين الميمون ميكف لبسته ومشطت شعره الاشقر وطلعنه اني ويا جان بابا واكف بالحوش وومبدل دشداشته البيضه وبيده السبحه وملتمه علي جهال احمد..

جمانه : هاي شنو بابا حتاخذ الجهال كلهم

: اي احمد وصاني يكول يغارون من انس

طفر من حضني  شهكت جان تكسر ضرب بنت احمد وعاط
: بس اني لوح اگور ( بس اني اروح للدكتور)

متنه من الضحك علي مبرطم وومراضي شاله بابا وطلعو دخلت اتنهد براحه ورا روحتهم بشويه اجتني بنين دخلنه لغرفتي امي مقبلت على جيتهه لان تدري تشتغل بشركه همام..ضلت تخوزر بيهه..

اخذتهه ودخلت الغرفتي قفلت الباب وكعدنه بالكاع ربعت كدامي..

بنين : شونج جوجو

: الحمدلله بخير انت شلونج

: الحمدالله هالاسبوع الشركه مسدوده

: ها ليش

: ديسوون صيانه بيهه ف سدهه

: واني شعليه

: اريد اكولج شيء بس خايفه من رده فعلج

عقدت حواجبي :كولي

: استاذ همام دزني

فكيت حواجبي بصدمه: شكوووو

: كال اريد احاجيهه كلمتين بس مو اكثر وما اعترض على اي رده فعل منهه

همست بغضب :شنووو ميفهم مو اكله ماريد احجي وياك غصب كوه!

بنين : دسمعي منه هالمره حتى بعد ما يتصل

رفعت راسي ليفوك ووطرحت نفس :ياربي صبرني على هل بلوه بنين  اذا اهلي يدرون يموتوني امي هسه مدتحاجيني من ورا مامستعده اخسرهم علموده.

: اخر مره

باوعت الهه ببرود طلعت موبايلهه وخابرته متفقه ووياه؟
خبلتني ليش هيج تسوي مو تدري بكلشي جاي يصير،،،

اخذت التلفون منهه على اعصابي رن رن واني ارجف اخاف امي تسمع اديه اباوع الهن مثل السعفه يختضن...

شويه وواجاني صوته الخشن ممزوج بهدوء
: الوو

صفنت : شتريد مني!

: اريدج انتِ

: بس اني ماريدك

: جذابه

: ليش حتى اجذب؟

: ادري بيج متحبين تبينين ضعفج عكسي اني كاتل نفسي عليج ووانت ولا يمج

ضحكت بسخريه : استاذ الحب مو ضعف!؟ حتى لو الك معزه بكلبي فمستحيل ننجمع اله بحاله وحده افضلك على اهلي وهذا شيء مايصير ولا افكر بي ولا حتى اتخيل

همام: اعوضج عن كلشي والله ياجمانه اذا طاوعتيني اخليلج الگمر باليسره والشمس باليمنى..

من عصبيتي عطت
: اطاوعك على شنوووو محد يكدر يسد فراغ اهلي ماكو شخص يكدر يعوضني عنهم ووهذا اخر كلام الي وياك شوف حياتك وولا تدمرهه علمودي..

صوته اختنك وكوه يحجي
:ماراح اعوفج مستعد احارب الكره الارضيه كلهه علمودج..

:انت راح تأذيني

:ورا كل اذيه راحه
: هذااا مو حب هاي رغبه يا استاذ انت حاط بالك وياي وتريد تحصلني باي طريقه لان اليحب ميتخبل هيج مثلك.

:لا اني مجنون بيج ومستحيل تكونين رغبه حتى لو رغبه ف رغبه ابديه تعرفين شنو يعني ابدييه..

تنهدت بملل الدموع نحبست بعيوني احسه صدك يحبني بس شبيدي اذا اقدارنه ماتريد تنجمع شلون يريدني احارب راحتي على جحيمي..

بعده يحجي واني سديته بوجهه طفرت من مكاني على الفراش دفنت وجهي ودموعي غركت المخده كامت عليه بنين : يا جمانه شبيج شكالج لج

شهكت :عوفيني بنين حبابه

:شلون اعوفج شكول الامج هسه اذا سألتني عليج

:كولي الهه نايمه تعبانه بس روحي عفيه اريد ابقى وحدي

: هاهيه براحتج ارجعلج غير وقت
..
عافتني وراحت هموم جبال على كلبي كلامه يكسرني ويحزني لان احس نفسي سبب بدمار شخص اييي دمار
لان اعرف شنو يعني خذلان وجع مشاعر..

نمت على وجهي حتى مادري شوكت جابو انس ومنو نوومه وشصار بس كعدت الصبح ثاني يوم راسي يوجعنييي وميته من الجوع غسلت ووگبل سويت الي لفه جبن اكلتهه وركضت الماما اكعدهه راح يروح علينه موعد الدكتور.

فزت بسرعه خطيه ونزلت كالت بدلي الانس بين ما اسويلي لكمه دخلت للغرفه وبيدي الفه اكل كعدت انس كتله
اكعد حنروح العمو وهو فز مكيف جهزنه نفسنه ووطلعنه
وصلنه على الساعه ١١ محتاجينه نروح لميمون احنه ندلينه غرفه دكتور العلاج الطبيعي..

استقبلنه ورحب بينه كال شتشربون مطلبنه شيء هو ملتهي يلاعب انس ويسويله مساج وهو يباوع بزوايه.

لحد ما مكدر يتحمل همس
: اين عمو ( وين عمو)

عقد حواجبه  امي كالت اله
: قصده على دكتور ميمون

ضحك :ها ههههههه ميمون شتسوي بي خيولي اني موجود احسن منه

برطم : ما

امي : وينه هو

:والله مشغول عنده اليوم تلث عمليات

انس ملخ نفسه، ويشيلهه ويركعهه بالكاع خبلني شبي هذا عصبت علي وعطت بي : لك ماما شبيك اسكت ترا من نرجع للبيت اعاقبك..

الدكتور :ههههه يابه لتخوفينه ترا يأثر علي عوفي تدلل هسه اخابرلك ميمون وونشوف خلص لو بعده

خابره وفتح سبيكر

الدكتور : ها ميمون

:ها ضلع

:وين انت

: توني طالع من العمليه

:دتعال بوجهك عليه

:يمعود اريد ارتاح بعد نص ساعه هم لازم ادخل لغرفه العمليات

:دتعال شبيك اكو نفر ميت عليك

: لا يابه بس لا...
راد يكمل مخلاه

: اششش لك لتجفص تعال يلا

وسده فورا نزلت رراسي لحضني هذا شراد يحجي،، مااما تباوعلي ووالدكتور فشل شويه وواندك الباب دخل بملابس العمليات ولابس كمامه ووكفوف بيض كلهه دم لعبت نفسي هو هم من شافنه سلم من بعيد وونزعهن..

ابتسم : السلام عليكم

ردت علي امي راح انتجه على السديه بجفوف ادي ودنك على انس : ها انو شلونك

رفع راسه انس وورجليه مسلمهه للدكتور
: عموو

: حبيبي كمل يلا حتى نلعب

هز راسه فرحان وومكيف خلصو ووشاله كال الامي رايح اشتريله وواجي امي مقبلت متأمن حقههه بس انس مجلب بي ميعوفه ووهو حس بينه اني روحي ويا وكفت على حيلي
وهمست : لا اني هسه اشتريله تعال انس

ميمون :يابه ماراح اخطفه شبيكم ههههه

امي : ههههه لا حشاك دكتور بس شنسوي هاي تخاف علي من كلشي..

اشرلي بعيونه : تعاي وياي الاسواق بصف المستشفى

نصدمت ووامي اصفر وجهه متعرف شتكول واني هم نلصمت
بلعت ريكهه وكالت : يلا روحي وي الدكتور اشتريله على السريع وتعاي تأخريه،،

هزيت راسي ووخجلانه هو مشه كدامي ووشايل انس على كتفه وواني وراهم يضحك ويا ويسولف ومنلطق الحقير انس..

طلعنه من المستشفى ووكفنه على الرصيف منتضرين الشارع يفرغ سيارات اني ورا ضهره اباوع الانس الي على كتفه..

وابتسم لتفت عليه ورافع حواجبه خطوط كصته مبينه
والشمس عاكسه علي مقلص عيونه : اعبري ويانه.

هزيت راسي عبرو واني ضليت اقدم رجل وأخر الثانيه السيارات سريعه ووهم وصلو لنص الشارع.

واني مثل الهبله ساعه اتقدم ساعه ارجع ليوره مدلي ايده يريد يسحبني نفضتهه وخليتهه ورا ضهري ووركضت...

مشيت بصفه باوعلي بغضب
: صدك تحجين غير تعبرين وي عبرتنه

: اا دكتور اني اخاف من الشارع

: جان كلتي

سكتت دخلنه الاسواق وابني الحيوان فلشني مخله شيء مشتراه والدكتور مايرفضله طلب العاب وحلويات وطوبه

وكفنه يم الككو اخر شيء وانس يختار من الاصناف من كلشي جاب وحده.

حط ايده بجيوب بنطرونه وباوعلي
: شكد صارله زوجج متوفي!

:سنتين وشويه

:ها يعني ما شاف ابو انس

: اي وميعرفه

: خطيه

دنكت راسي : كلتي عمرج ١٩

:١٨

فتح عيونه : اوف يعني ١٦ وتزوجتي؟

بلعت ريكي ووهزيت راسي رفع تك حاجبه بأنزعاج
: زوجج شكد جان عمره؟

: ٢٧ سنه

بلل شفايفه السفليه ويهز براسه
: جمانه

رفعت عيني علي صارت عيني بعينه رمش وبلع ريكه
سكت واني هم ماعرفت احجي ضل الصمت ماخذ حيز مني

تنهد : جمانه شلون دتربين ابنج لوحدج؟

رفعت اكتافي : عادي العب ويا اسكته اشربه

:هههههه التربيه اكبر من هيج

: اكدر انطي الي اني تربيت علي واعلمه الصح من الخطأ هواي اتعب ويا واكول اني ببدال ما ابني مستقبلي داربلي ابن واحد نذل بس.

من انتبهت على نفسي جفصت سكتت وودرت وجهي هو ضل مستغرب رحت سحبت انس من كتفه وشلته هو مقبل شاله عني وراح حاسب انس قطه باكثر من ١٠

واحنه دنطلع من الماركت كال
: مستعده تتدخلين احد بحياتج بهيج وقت!
..
روح
..
دفعت الباب وودخلت صار بوجهي الياس دفعته دمي فاير ووجهي مقتحن صرخت
: حراااام عليكم والله حراااام مبقالي بس هو ليش تفترون علي شمسويتلكم مأذيت احددد وجنت محترمه نفسي وياكم عوفوليا ماعندي غيره..

طلعت قمر ووامهه وام قسور يركضن دموعي على خدي ونار بصدري

ام قسور : اششش ولج يمصخمه فضحتينه شكووو هاده مثل المخابيل شبيج..

روح : عمه انت ِ فدوه اروحلج حسي بيه والله ماعندي غير ابنج محد معترف بيه هنا غيره هو اهلي وهو سندي وبيتي ليش واكفه وياهن عليه ششفتي مني.

خزرتني : انجبيي لج مثل العلج ولزكتي بي واحد مثل قسور يريدله المتربايله المؤدبه العدههه شهاده مو مثلج حافيه من كلشي..

باوعت القمر : انت عديمه الكرامه ال***احترمي نفسج ووابتعدي كاتله روحج شكو نقرضت الزلم ماكو واحد يجي ياخذج وويخلصنه منجج..

سوت نفسهه مضلومه ابتعدت وضمت روحهه بضهر امهه كتلتني عليهه هجمت عليهه اريد اضربهه اكطع شعرهه امخلهه اي شي يجي بأيدي ماقصر بس لزمني الياس من زندي ووسحبني..

واني اغلي وواعيط :اذا ماصرتي أدميه اكسرررر راسسسج تعرفييين شنووو يعني اكسرره واني روح على سن ورمح محد يوكف بوجهي..

طلعت عمتي فاكه عيونهه وتلطم على خدهه وكفت كدامي : وچ يمه اششش اتخزينه

سكتت والهث

:الياس اخذهه للبيت اني راح البس عباتي والحكم

هز راسه ووسحبني وواني اتبرغث وواحاول اطلع نفسي من ايده وهو يشحط بيه طلعنه للبستان خازرني ويهمس
:والله اذا طلعتي صوت ياروح ادفنج هنا.

روح :عوفني الياس خل اسويهه تشريب هاي الادبسزز عديمه الكرامه ام عكاريش

ضحك وكال :شنو

عطت :عوفنييي بلا عوفنيييي

صم حلكي بأيده ووفتح باب البيت شمرني وودخل سده
:ولج شبيج خزيتينه هو هيج

:اي هيج هيج وانعل سلفه سلفاهه على شنو كاتله نفسهه على اخوك اريد افتهم ششافت بي..

فتحت باب الصاله وودخلت ذبيت روحي على القنفه
هو لحكني ويضحك

: هههههههه انت ششفتي بي

كتفت اديه بضجر : والله انت كول الصدك اخوك مال واحد يكتل روحه علي شايف روحه وعگره،،،

الياس :الي عنده مثلج زين وما يتخبل مو بس يصير عگره..

استغفرت يدافع الاخو دخلت عمتي عباتهه على راسهه
:ولج انت تردين تفضحين روحج تجيبين المصايب النفسج ما تخافين..

روح :من شنووو اخاف عمه شبيج تردين اسكت الام عكاريش

عمه : اذا وصلن القسور الحجي مو راح يرجع عليج

روح : خلي يوصلن اني اريد اتعارك ويا اصلا متمنيه هيج يوم المنى الي اتعارك ويا واطلع كل قهري بي.

ذبت عباتهه وكعدت على قنقه فحطانه
: الله اكبر عليج كضيتي عمرج كله تتعاركين يمه يمه، الله يساعده عليج زين وما مجلوط..

عفتهم وكمت ذبيت البشت وودخلت للغرفه قفلت الباب.

هدى :ها ام خبالات ما اوصيج اقفلي الباب عليج ومن يجي الباشا تزعلي براسه وهو مكرود حاير بشغله ووشلون يرضيج وانت ماتقدرين..

بقت هي يمه والياس راح لشويه ودكت الباب عليه شافتني دافنه راسي بالمخده اجت نامت بصفي صار وجهه بوجهي..

نامت على ضهرهه ووعينهه بالسكف
:تصرفاتج هاي تخلي ينفر منج لازم تخلينه يكتفي بيج ولو يحجون براسه منا لباجر، الصبح مايخضع الكلامهم ويحطج كباله انت بهاي عمايلج تخلي غصب عنج وعلمود يكسر خشمج يتزوجهه وعاد خوش راح تستريحين بوكتهه..

دمعت : ميسويهه

: لا يسويهه لج امي اني جاي احجيلج عن تجربه الرجال لو حط شيء براسه ميكوف بوجهه لا الزاد والملح ولا العشره ولا حتى لحضاته الحلوه وياج

بلعت ريكي :يعني شنو؟

: يعني ياغبيه ببدال ما تضيعين ووقتج بهيج تفاهات وتعاركين ووتمالخين وتتمالخين لا اتعلمي الطبخ النداره السنع ومن يجي خلي يتخبل بيج كون تملين يومه حتى مايفكر وولا تفكير بغيرج..

روح : وليش اني اسوي هيج؟! اصرف وابذل جهد علمود رجال

:بس مو اي رجال قسور يستاهل تحافضين علي وتخلينه دايم الج..

بقيت افكر بكلامهه وواودي وواجيب بقيت يمي لليل كلت الهه قسور عكب باجر راح يجي اريدج تعلميني كم اكلهه يحبهه َ.

هي فرحت كالت راح اسويلج كم شغله واضمهه ب المجمده من يجي طلعيهه وحميهه اله هالعشر ايام وكليله اني طبخته عمتي علمتني ومن يروح اني اجي اعلمج على كلشي

ابتسمت وهزيت راسي

هدى : يلا اني اروح، باجر اجيج من الصبح
: لا حبابه ابقي يمي والله اضوج

هدى : تعاي انت يمي ماكدر اعوف غرفتي

: يا عمه لو تنكص رجلي ماروح، لهناك ووندز على الياس هماتين نشوف فيلم ويا

اضطرت بالاخير توافق خابرت الياس كتله تعال نشوف فيلم ومر على الاسوق وياك جيب جباسه وككو وواندومي ووشاميه..

كال مشغول مدري شنو بس قنعته اختارينه فيلم اني وعمتي وجان رعب هو اجه ومن كلنه اله رعب سوه نفسه مسيطر.

حضرت الاندومي وقسمتهه بتلث مواعين ووباقي الحلويات همين كعدنه نشوف ووبدايه الفيلم الياس يتبلعم وعمتي تذب بسامير بهمس :رجال ولك انت رجال

الياس : شبيج بالنبي كرهتيني بالفيلم كايم كايم شوفنه انتن

روح : اي الشرده الزينه لا تطلع بالبستان بهالليل لا تخترع

صفن بكلامي
: نجبي ولج

وكام يريد يطلع احنه مطفين الاضويه فتح باب البيت وطلع ماطول كم ثانيه رجع..

الياس : راح انام يمكم اليوم

هدى : ليش شكو

الياس : مو شلون اعوفجن وحدجن واانتن نسووان تخافن شيء عاد اني يمجن..

هدى : ها كفو كفو بعد عمتك

ابتسمت ووضحكت بهدوء ضلمه وماشافني جان ضاج.
..
هو نام بالصاله واني وعمتي بغرفتي ثاني يوم كعدته عمتي من الصبح وراحو للسوك تسوكو وواجو اني حضرت الريوك بين مايجون.

تريكنه ووبلشنه نشتغل اني وعمتي نضفنه ووكعدنه نطبخ اول شيء لفتلي جدر دولمه على ضلوع ووصينيه كبه وحده مال تكلاه والثانيه مركه ووبورك ووعجنتلي عجينه كباب طاوه خطيه هواي تعبت للعصر راحت
..
اليوم جان المفروض نزله قسور كعدت الصبح خابرته..

روح : الووو

قسور :هلا حبيبي

روح : شوكت تجي!

قسور : شبيج؟

:شبيه

:تحجين من ورا خشمج

تنهدت : لا عادي

: دحجي لا تجذبين

: من رحت ولهسه انت ممتصل عليه!

: وداعتج مشغول من رحت ولهسه ماانام بس ساعتين واكعد على الشغل

:اممم المهم يلا ترجع بالسلامه

ذب حسره : تمام اني العصر اجي

:اوكي احضرلك غده!

: اي ماراح اتغده بالمركز

: تمام

غلقت الخط ووكمت على حيلي اول شيء نضفت الغرفه وفرشت نزله جديده وعطرتهه ووطلعت نضفت باقي البيت
وودخلت سبحت لبست دشداشه فصالهه مصري كلهه ليرات ووفتحه لنص الرجل..

كويت شعري وعفته مفتوح مكياج فاتح بس طوخت الحمره قبل جيته بساعه حطيت جدر الدولمه على النار..

وسويت الزلاطه وخليتهه بالثلاجه
..
كملت الدولمه ووصبيت منهه ماعون العمتي وورتبت الهه صينيه اتصلت بالياس اجه اخذهه. انطيتهه اله من ورا الباب لان الد شداشه فضيحه وخليت على صدري واكتافي شال.ووخلص الطريق كل شويه مخليله ووحده بحلكه ووعود اني اوصي بي..

دامسح ميز المطبخ ندك الباب عرفته اجه باوعت من زرف الباب بي ثقب صغير جنطه يم رجال وولابس عسكري بدلته السوده بيهه تراب من يم ايده..

فتحت الباب دنك شال الجنطه وودخل طالعه لحيته شويه ووعيونه حمر وشعره مبهذل طفرت حضنته وولفيت ايدي على ركبته احتضن خصري بأيد وحده وورفعني بهدوء اشتم شعري ووغمض عيونه سحب نفس بقوه..

نزلني بحذر وورجعت رجليه لامست الارض حطيت اديه على اكتافه وابتسمت : الحمدلله على السلامه..

يباوع الوجهي وويعض شفايفه
: لج الـ١٠ ايام تغيرررر ووتحليج اكثرر

:اي ههههه انت هم متغير

: اي صاير قرد مو

:ههههههههه داشوف التعب محليك

قلص عيونه بمكر رفعت طرف حاجبي
: محضرتلك اكل تاكل اصابعك ورا يلا فوت اسبح بين ما احضره..

هز راسه وابتعد عني نزع بسطاله بالباب ودخل شلت الجنطه ولحكته للغرفه بين ما هو يطلع ملابس من الكنتور فتحت الجنطه وذبيت الملابس الوصخه بالغساله
..
رحت للمطبخ كلبت الدولمه بالصينيه بس نمردت نصهه ماعرف حيل نقهرت خليتهه بالنص وومواعين الزلاطه ووزعتهن على الطاوله..

طلع ينشف بشعره كعد على الكرسي واني ارتب بالمواعين
..
رفع عينه عليه ويباوع لشفايفي

قسور : روح

روح :ها

جاوبته بدون ما اباوع

قسور : شفت الياس بالطريق كال مرتك صايره شيف

ضحكت :اي انطيته من الدولمه

قسور : وطلعتي بهذا اللبس!!؟

باوعتله :لا طبعاً حبيبي شلون اطلعله هيج حطيت شال على راسي وصدري وانطيته اله من ورا الباب..

هز راسه

روح : انتضر اجيب الخبز والبن

ركضت للمطبخ اجيبهن لتفت علي شفت عيونه تصعد ووتنزل على جسمي ابتسمت وفتحت عيوني بمعنى داشوفك غمزلي بطرف عين..

ضحكت ورجعت كعدت كدامه تنهد
قسور : لمنو اباوع هسه

روح : للدولمه طبعا

اكل شويه : متأكده انت طبختيهه

روح : اي عمتي علمتني

اكل هواي وَممصدك اني مسويتهه يكول هذا الطعم اضوكه بس من ايد عمتي يمكن عرف بس غلس لو مراد يفشلني..
المهم راح غسل وفتح التلفزيون واني انقل بالمواعين للمطبخ.

موبايلي جان مذبوب على السنك دك رقم غرريب غسلت وورحت فتحت خط

: الوووو

ماكو جواب : منووو

: اني مؤمل.. يتبع