رواية لم اخلق لرجل سواك الفصل الرابع وخمسون 54 - بقلم ايزابيل

#بقلم إيـزابيـل
#الجزء الثالث والاربعين
#لم اخلق لرجل سواك
..
البارحه مجان عندي نت والمفروض البارت اطول وبي جزء جمانه هماتين بس شسوي انتو لحيتو ووعبالكم مراح انزل اليوم المفروض تكونون متعودين على الوقت مال التنزيل

لان اعيد واكررر عندي دراسه ومافرغ غير بالليل وهواي امور احذفهه من يومي لان مالحك تصورو حتى شعري مالحك امشطه ووانسى مرات لحد ما ماما تعيط بيه 😩😩

راح اكتبلكم هسه مال جمانه بارت ثاني وباجر انزله تمام
روح
..
رجفت بخوف ووجسمي ضل يرعش همست
:منو كلت؟

: مؤم..

بعده ممكمل غلقت الخط بوجه ووذبيت الموبايل على الكاونتر ووارجف مثل السعفه رجليه ماثابتت يتحركن من كد ما يهتزن وودموعي بطرف عيني..

دخل للمطبخ بيده الفحم يريد يعمر نركليه شافني عقد حواجبه وهو يروح للطباخ يخلي الفحم علي
:شبيج

ماكدر اجاوبه لساني ثكل شفايفي عبالك تجمدن انتبهلهي راح اوكع ذب منكاش الفحم ووركض عليه لزمني من زندي وجرني سندني على صدره..

باوع لدمعتي الي نزلت
: شبيج، بابا شبيج احجيي

هزيت راسي بمعنى ما اكدر شالني بثنين اديه ووداني للصاله خلاني على التخم وومن مجلبه بي عبالك طفل مجلب بلعبه ماريده يعوفني داحس بالخوف محاوطني ومحد غيره امأني..

لزمته من قميصه: لتعوفني

: بس اطفي الفحم

برطمت ووميلت راسي : قسور

تنهد وكرفص مقابيلي لزم اديه الي يرجفن وويمسح عليهن بطرف اصابيعه الابهام..

:باوعيني

جنت منزله راسي وعيوني بحضني ووابجي

قسور : حاجيني صاير شيء قبل شويه جنتي چنج ورده..

رفعت راسي علي : خايفه لتعوفني عليك، الله

كام ووكعد بصفي على التخم جر راسي ضمني جوه ايده
شعور مينوصف عبالك اريد الزك روحي بي بحيث ما اكوم منا القرن عاصره عيوني حيل ووضامه راسي بصدره هاهيه ماريد بعد اشوف اي شخص ماريد التقي بأي واحد اريد اكضي باقي عمري هيج..

لميت رجليه ووصعدتهن للتخم وخاتله بي

قسور
: بس فهميني عمري انتِ شكو منو وياج منو كال اعوفج..

مجاوبته

:احاجيج

:مابيه شيء بس خليني بحضنك احضني حيل داحس عضامي ثلجن من الخوف..

شالني من اكتافي صار نص جسمي بحضنه ووراسي على كتفه ورجليه على القنفه.

قسور : منين خايفه واني يمچ الهوى لو طخج اعدمه..

فتحت عيوني بعد ما جنت عاصرتهن بلعت ريكي يباوعلي الادق تفاصيلي وعبالك يريد يعرف شضامه ملامحي..

روح :توعدني

عقد حواجبه رجعت كلت
: اريدك مهمى صار تجذب الكل وتصدكني اني وحدي ماريد انكسر من بعد هل ثقه كلهه الي انطيتهه الك وبالمقابل انت زرعت بيه نفس الشيء..

حط ايده على شورابه
: هذني مو عليه اذا انحنى ضهرج وراسج واني اشم الهوى،،

ابتسمت ابتسامه خفيفه رغم كلامه بس بعدله داخلي يرعد

قسور : شنو مناسبه الكلام

ردت اغير الموضوع ووما احسسه بأي شيء حتى اني نفسي ماعرف من شنو خفت هو يعرف كلشي بيني وبين مؤمل بعد على شنو قابل شيكدر يسويلي واذا طلع من السجن..

ضحكت: بدون مناسبه ميصير اتأكد منك

خصم عيونه : من شنو تتأكدين روح

غلست ووباوعتله بذوبان : اني مشتاقتلك حيل

: روحي

:روح روحك

:احبج

ابتسمت بخجل ودنكت دفن راسه بركبتي ووشم عطري
همس يم اذني : شكد تشتاقيلي!

كلت : هوووووايه
ضحك ووباسني جوه اذني وانفاسه تتجول على ركبتي تتقشعر بدني..

كمت من حضنه بس اريد اتهرب : خل اكمل غسل المواعين

هز راسه بتنهيده مرافقه الابتسامته مشيت للمطبخ اسمعه صاح وهو يتمشى للغرفه :منتضرج مراح انام

باوعت للتلفون ووكف شعر جسمي من الرهبه شطلعه هذا يربي منين جاب رقمي خليته بعيد عليه وكمت غسل مواعين طولت لان كل شويه ماخذتلي صفنه،،

عبرت النص ساعه جريت الموبايل ووفتحت الشاشه ٦ مكالمات منه غمضت عيوني بقله صبر حضرت الرقم
ووطرحت زفير حاولت اهدي من روعي..

عفته مشمور ودخلت للغرفه متمدده على الجربايه ووايده على عيونه ملابسه العسكريه مطشره بالكاع لملمتهن ووذبيتهن بالغساله..

طلعت صعدت على الجربايه ونمت على نفس مخدته وولفيت ايدي على بطنه حس بيه فز قلص عيونه ووكال.
:اجيتي.
ابتسمت : مو كتلي متنام

تحرك ونام صفح وجرني خلاني بصفه
: انتضرتج وبعد ماكدرت نمت على نفسي جنت تعبان حيل.

طول ما هو يحجي ابتسامتي متفارك وجهي
: محتاج شيء،

رفع عيونه على شعري وونزلتهه على شفايفي ووهمس
: انتِ

: شبيه اني

: اريدج انتِ

: اني كلي الك

حط كف ايده على خدي وواصابيعه صارت خلف اذني
: اكيد الي مانخلقتي الغيري

دنكت بخجل نزل ووجهه المستواي وواخذ شفايفي بحنان غمضت عيوني رفع راسي حضنت ركبته ماهدني وجان متمسك بيه وبوجهي وشفايفي بقوه وعبالك ميريد يعوفني
..
نمت على ايده لليل ب ٨ كعد قبلي حسيت بي سحب ايده بهدوء ورجع راسي على المخده طلع البره حاولت ارجع انام بس مكدرت ضليت ل٨ ونص سبحت ووبدلت دشداشه كصيفه حدهه لركبي..

نشفت شعري بقه رطب ممشطته رشيت عطر وحمره خفيفه ووطلعت باوعت على الساعه مال الصاله ب ٩..
دورت علي بعيوني مالكيته..

اخاف راح الهم اهوووو فتحت شباك الي بين الصاله والحديقه وشفته كاعد يدخل وومقابيله على الطاوله ثنين كلاصات جاي ووالجكاير تارسه النضافه بحيث طالعه من عدهه...

ابتسمت بفرح يوم المنى الي ينساهم وبعد حتى ميذكرهم
رحت ليمى جان ضهره عليه مشيت على كيف وبحذر ووحاوطت ركبته ووخليت راسي على كتفه..

بسته بخده وابتعدت صرت كدامه من شافني ابتسم
: سيدي شبيك كاعد لوحدك وجكاير ووالامه محتركه من شنو ضايج

:ها هاي جديده مال سيدي

: هههههه سمعتهه بفلم البطله تكول للبطل سيدي وكلت اقلدهه

جرني من ايده ووكفني كدامه ووالجكاره بين شفايفه حاوط خصري : كولي حبيبي حياتي عمري احلى.

: ملكي بعد احلى

: اني ملكج ووانت روحي

:هههههههه يعني عرفت نقطه ضعك

عقد حواجبه وطلع الجكاره طفاهه
: اي؟

: اني نقطه ضعفك لان ماكو اغلى من الروح عند الانسان

رفع طرف حاجبه: وتريدينهه سلاح ترفعينه عليه مثلا

هزيت راسي ندك باب البيت باوع على ملابسي وواشرلي ادخل لجوه دخلت بقيت اباوع من الباب دخل الياس..

: قسور عمامي دزوني عليك كالو خل يجي

:شكوو

: كلشي ماكو مجتمعين وذكروك

: ها يلا اسبقني

طلع شطت بعصبيتي شبيهم ذول مينطونه مجال هو اليوم اجه عاد راح يستلمونه يربي صبرني والله كلبي راح يطك من القهر..

دخل تلكيته بالباب :حتروح

:اي طبعا

: اجي وياك

: اشش ممنوع

:ليش غير بيت جدي همه

: بابا مالي خلك وجع راس

: حباب والله اكعد بصفك وواسكت

: رووووح فوتي طلعي ملابسي ولا تلحين شعدج رايحه وهمه مأذينج بكلامهم وونظراتهم وانت تتعاركين ؟! لو تشترين الاذيه شرايه..

: وروح بابا ما اتعارك

خزرني صحت بعصبيه
:يعني تريدني اخليك تروح لوحدك ووقمررر هنااااك ووامهه الحيايه كلههه موجوده اذا عفتني مترجع تلكاني بالبيت والله

عاط بوجهي : هاي صار اكثر من مره تحجين هل كلمه جربي تعيديهه مره ثانيه وشوفييي وجهي الثاني

بلعت ريكي بعتب ووملامحي جمدت هزيت راسي بمعنى ماشي ودخلت للغرفه حتى ما طلعت اله ملابس وجانن منتضرني لحد ما دخل هو وشافني كاعده ووساكته اخذ ملابسه بنفسه..

لبس دشداشه نيلي وحط على اكتافه غتره بيجي وواكف مقابيلي يتعطر واني مشتعله شعل كمل وتقرب عليه ووكف كدامي واني كاعده على الجربايه جر ايده باسهه وكال : مو تزعلين علمود مصلحتج اني

جريت ايدي منه ودرت وجهي صفح تنهد ووكال : من ارجع اتفرغلج عود

خله وطلع يابه جمرت احتركت معقوله عافني ووماهتم ووراح علمودهم شسووي هسه شسوي اطبلهم اخنكهم وواحد واحد واخلص من شرهم شلون بيه..

بقيت افتر لوحدي بالبيت حتى عشه متعشيت اجاني الياس بيده صينه اكل تمن وعلي لحم كال هاي مسوين ثواب على روح جدي ووقسور ووداهه الج..

رجعتهه بيده على الرغم توسل وكال شلون ارجعهه على الاقل خليهه بالبيت.

روح : الياس ابوس ايدك اخذهه ورجعهه وتكول القسور رجعتهه روح ومقبلت تاخذهه..

هز راسه ووراح رديت الباب بدون ما اسده وودخلت للصاله..
رحت غسلت وجهي لان اشتعل نار ووطكع حمر انتشرن بي
هاي من انقهر حساسيه تنتشر بكل جسمي..

دك موبايلي رقم غريب عرفته هو رفضته ورجع خابر
جاوبت وعطت بعصبيه : شكوووو شكووو ماتبت انت من السحله شتريددد

: ههههههه شخبارج

:نجبببب حيووووان عوفنييي لا اكول القسور اخلي يرجعلك لنفس الخيسه وهل مره تحلم تطلع

: هههههه يابه مرجفني سياده النقيب

: اي طبعا مرجفك ليش هو انت هم حاسب نفسك رجال

: ااااه وين راحت ذيج الايام وكلامج تحبين نعيد وواشوفج رجولتي حتى اذا الكتروني بالي يريحج

:مؤمللل اخر مره اكولهه الك ابتعد عني وولتسمعني صوتك المعفن واذا ضليت لازك اتصرف تصرف ثاني لعبالك تخوف روح؟ لان انت اكثر واحد تعرفني اني شنو..

: اييي حيل اعرفج وكحه ونار وشرار بكلشي..

غمضت عيوني بقله صبر داقرف منه ومن كلامه درت وجهي والزمت خصري بتعب جان اشوف قمر وواكفه بالباب وصافنه عليه
..
فاديه
رخت اعصابي جريت ايدي منه وودمعتي ووكعت للارض..
بلع ريكه وويخزر بيه..

فاديه :هاهيه مشكور

دفعته وتمشيت للكنتور جريت الجنطه وواطلع بملابسي حتى ما عرفت شخذت وشخليت اي شيء يطلع مقابيلي احطه..

لحكني : وين رايحه،

حاجيته : الاهلي بما انو طلكتني بعد على شنو كاعده هنا

لزمني من عكسي ودارني علي
: ماكو هيج حجي ساعه عصبيه..

نترت : عصبيتيش؟ بالعكس جنت حيل مرتخي ومرتاح

بلل شفايفه وتنهد رجعت سديت الجنطه ووطلعت صايتي لبستهه ووخليت شال على راسي ووكفت كدام المرايه وهو
عبالك صنم واكف يباعلي..

مسحت وجهي وواتوسل بدموعي تبقى محبوسه بعيوني وماتفضحني اكثر..

شال سويجه وطلع كدامي وواني ورا اسحل بالجنطه ووكوه واكفه على رجليه الدنيا ضلمت بعيني ووراسي مفتر
اعصابي ترجف رجف..

طلعت امه عقدت حواجبهه : ها خير نشالله

حك لحيته ووندار عليه باوعلي بنظره خاطفه ورجع نضره الامه : راح اوديهه الاهلهه..ترتاح كم..

قاطعته وحجيت بحده واني ارص على سنوني
:خاله رهيب طلكني

هذا جانت اخر ما حجيته درت ووجهي وعبرته ووطلعت لبره الهث وعبالك قاطعه مسافات طويله....

لحكني ركض تجاهي فتح الباب صعدت بقت الجنطه بره هو دخلهه بالصندوك وورجع صعد
..
حرك السياره واني مكتفه اديه ووعيني صفح اباوع للشارع

طول الطريق يتنهد وويجر حسرات وكل شويه ضارب الستيرن وافز ووبسرعه يباوعلي يطمن وبقى على نفس حالته لحد ما عبرنه شارعين وكف السياره بنص الطريق
بقالهه مشتغله ونزل انتجه على البنيد وورث جكاره..

مابدر مني اي فعل رافع راسه وويدخن بهم وعيونه تسرد الف موقف كمل وورجع صعد

الطريق صار شطوله اريد نوصل ماكو مادري هو يمشي على كيف لو اني توقف الزمن والشعور يمي!؟

واخيرا ووكفهه كبال بابنه ردت انزل قفل الباب

فاديه : افتحهه

رهيب : اذا نزلتي بعد مالج رجعه

فاديه: ترا انت طلكتني!

: كتلج ساعه عصبيه

فاديه : افتح الباب

فتحهه نزلت سندت نفسي على السياره ووتمشيت للصندوق مالتهه اخذت الجنطه وورحت ناحيه بيتنه..

كل خطوه مني تعادل مليار سنه شكد ماجانت حركتي بطيئه وكل شويه ملتفته علي لبس نضارات الشمسيه وحركه راسه مستقيمه مادري اذا جان ديباوعلي لو لا..

دكيت الباب مفتحو ضليت ب الربع ساعه ادك وهو واكف لحد ما طلعت اختي رهف عقدت حواجبهه وتخصرت
:ها خير

هو بعدهه راح دخلت

رهف : شكو شو جايه محمله

فاديه : رهيب طلكني

رفعت حواجبهه الاثنين :جذابه

فاديه : وليش حتى اجذب

دفعتهه من كدامي همزين البيت محد جان بي اخواني طالعين فتت الغرفتي قفلتهه

دموعي جفت احساسي برد ومامهتمه حرب بكلبي عقلي صايره مجزره بي كاررررههه روحييي كارهته لان ماعرف شنو اريد بالضبط

تايههه تايههه بقيت بنفس مكاني اصفط بغراضي ندك البااب ودخلت رهف انتجت وايدهه على خصرهه..

رهف:شعجب طلكج؟ شصار بينكم

فاديه : شنو شصار تغشمين نفسج مثلاً

رهف :اها من اخر عركه! اي الحمدلله

غمضت عيوني ووتنهدت : اطلعي برا وعوفيني تعبانه

رهف : اوكي بس تعبانه من شنو؟ جانو يگربون عليج لو لان طلكج ترا تصيرين مطلقه احسن من ما تعيشين وي هيج واحد..

فاديه : يابه ابوس ايدج عوفيني لوحدي مو راح اطك

رهف : اي هاهيه اقفليههه الباب همين ودكي ولطمي
..
قفلت اللباب وراهه صدك لان مالي خلكهه فد مره..

للعصر سلمان اخوي اجه وواسمعه يعيط شنووو طلكت شهل حجييي وينج فاديييه اطلعييي

طلعت اله

:ها خويه كول

: شنو اطلكتي؟

: ايي صح

:شنوووو صحح ولج بكل عين صلفه تكوليهه تلمين ملابسج هسه ارجعج لبيت زوجج بلا هل كلام الماصخ

: ماصخ شنو خويه كتلك طلكني قابل بيدي

تقرب عليه لزمني من زندي:بيدج شنو بيدج بت النعال وي اكو نسوان تطلك ووتكعدلي هناااا وييين شني موده جديده هايييي ليش طلكج غير مسويه  عمله َ.

فاديه : مامسويه شيء هو ميريدني

في حين ما كملت كلامي اجاني راشدي سطرني سطرر
بهالاثناء دخل همام الي مادري شوكت راجع من بغداد.
شاف سلمان شلون مد ايده عليه تخبل جرني لوره ضهره وعاط بصوت جهوري : مديت ايدك عليه بأي حق

: خليني اربيهه هاي الادبسزززز..المالههه رداد

ندار عليه وواني واكفه ولا كأنو لا دمعه لا نظره حزن
ولا أسف ولا عتب حتى الراشدي محسبت بي!

فاديه : لان سمع رهيب طلكني

رفع طرف حاجبه : ليش طلكج!

: مادري

تنهد : فوتي للغرفه خويه فوتي

هزيت راسي وودنكت وهمه تمالخو بينهم همام يصيح اذا طلكهه ويعني شنووو موزين خلصنه منهم الزبايل احمد ربك اختك رجعتلك..

سلمان : لك شنيي اختييي رجعتلي هاي كسره وجوهنهه ماخخلت سالفه مصخمه ماحوتهه

همام :هي شعليهه عيب على شواربك تذب الصوج بيهه وتدري كلش زين شصاررر!

سلمان : همام اطلع منهه

همام : قسماً بذات االله اذا شفتك طاخهه محاجيهه انسى كلشي بينه واندمك على اليوم النخلقت بي.

:تهددنييي انت شنو ابن الايرانيييييه لك اطيح حضككك

وكفت على الباب ووارعش ووايدي على خدي راح يروح بيهه من وراي اريد اطلع بس متردده وخايفه تلوحني ضربه..

وومعدتي تغلي وراسي يفتر

سمعت صوت ضربه قويه وورهف صرخت يمه خوووووويه.. يتبع
..
🖤🖤🖤🖤🖤
ايزابيل