رواية لم اخلق لرجل سواك الفصل الثامن وثلاثون 38 - بقلم ايزابيل

#بقلم إيـزابيـل
#الجزء الثلاثين
#لم اخلق لرجل سواك

ملاحضه اخاف ناسين مو همام الي كتل اسعد وهو مجان راضي على العشاير وراد كلشي يمشي قانونياً..

اذا تتذكرون ابو الوشم ابنه عمه لهمام هو الي قتله

النشر يومي

%2BK%2BdPY6%2Beb12YBcInWRwfud88RucV%2B2L%2BOiJ5WC884u1%2FRHHU26i7XXSUnV%2Fk%2Fo29va5znhT
متابعه لهاي القصه اسمه حطام الليالي
..
روح

كاعده الم ب الملابس مربعه ب الكاع ووكل شويه ارفع نفسي اجر من التعلاكه وواسفط ب الجنطه..

رايحين للبصره البارحه قسور سمعته يحجي وي عمتي وكال الهه كلنه نروح ماكو انتو تروحون واني ابقى هنا..

وسألته وكال اي حضري نفسج نطلع الفجر هو ميحجي وياي ولا يتوجد ب المكان الي اني بي اصلا من طلع من السجن صار اسبوع تقريبا مشايفته غير مرتين..
..
سمعت صوتهم ب الصاله وواسمي ندرج بين حديثهم عفت الجنطه وكلي لهفه لمعرفه كلامهم..

كمت على كيفي ووتمشيت للباب ووكفت خلفه ووطلعت اذني بس..

ذبذبات صوته وهو يسأل عني تسللت بهدوء لمسمعي

: وين روح

: نايمه يمكن مالهه صوت
:بعد احسن شتجيب كعدتهه غير البلاوي

عمتي هدى كالت اله
: خطيه سوت هيج من قهرهه غير

قسور : عمه لا تدافعين الهه ترا ماراح يتغير موقفي

هدى : والله وداعتك عندي اني ماراضيه عليهه وورزلتهه ذيج الرزاله مسحت الكاع بيهه صح هي ووكحه ومتنكدر والي ببالهه تسوي بس لان بعدهه طفله وجامحه من البدايه ينراد الهه الزلمه الي يعرف شلون يروضهه مو انت تترعد ووهي ترعد..

اكيد ماراح تتفاهمون هيج لازم واحد منكم يلين ويسايس الثاني..

ضحك بسخريه
: لو بعد الف سنه ماراح تطلع منهه.

هدى: لك غير مطيح حضهه انت..

زفر بغضب : عمي حضري ملابسج لا نتأخر الفجر نطلع

كال هيج ووكام طلع اوي ميته عليك اني على اساس
..
تنهدت بنفاذ صبر وومسحت وجهي بتعب ووماعرف شنو المضموم الي شلون راح يخلص العمر

تعبت حيل تعبت واحس روحي مشتته وومخنوكه حيل وماطايقه نفسي خلكي بكد حبايه التمن صاير..

اريد ابجي من كد الضوجه كعدت على الجربايه ودنكت راسي بقيت ب الساعه اني بس صافنه ووفكره تجيبني ووالثانيه تاخذني
..
لليل جان المفروض اطلع اسوي عشه ف رتبت الغرفه وكمت داروح للمطبخ جان اشوف عمتي واكفه على الطباخ،

:عمه اني جنت ناويه اسووي ليش ماكلتي الي

جان تباوع عليه وتخزرني
: انت بيضه متعرفين تطكين

مازعجني كلامهه صح اني كلشي ماعرف اسوي وحتى لو سويت ف اخربه

سمعت صوت باب البيت ينفتح طلعت راسي من المطبخ شفته دخل ووكعد على القنفه وبيده الجهاز..

تمشيت ببطىء وذبيت نفسي بقوه على الكرسي المقابيله انتبه ورفع طرف عينه عليه..

حجيت واني ارجع ضهري ليوره
: مدافهم ليش تضوج من الحق والعداله؟ لمن اخذت مني اعز شيء على كلبي ووخليتني اخسره
من المنصف انو ارجعلك ولو ربع الألم الي شفته منك

قسور : كلشي من ايدج انت الي تجيبين الاذيه النفسج

رفعت حاجبي : تذب الصوج بيه لان ماعندك سبب مقنع تواجهني بي وتبرر افعالك..

تنهد ووراد يحجي قاطعتنه عمتي وهي تخلي صينيه الاكل كدامنه على الطاوله...

: اني مو جوعانه راح ادخل نام كعدوني قبل منروح بساعه

قسور : اكو اوامر ثانيه

جان عمتي تخزره وتحاجيني
: هاهيه روحي عمه

استغفرت وودخلت للغرفه سديت الباب وونمت
ورا كم دقيقه كمت اسمع حركته ب الغرفه وكل شويه قاطع عليه نومتي..

لحد ما رن موبايله واخذه وطلع لبره اسمعه يحجي بتوتر وتعجب ويصيح لا صدددك شوكت ويمتى...

ماهتمت حضنت المخده باديه الاثنين ووكملت نومتي
..
رجع دخل وقلقني من جديد اريد انام ماكدر مدري شبي يحوس فوك راسي..

لحد ما اجه كعد بصفي حسيت بي يطخ ضهري
قرب نفسه عليه وهمس يم اذني
:روح اكعدي

تمتمت بتعب: هاا

: كومي اسمعيني

وولزمني من كتفي يرفع بيه نترت اديه ووصحت بنعاس : هاي شبيك عوفنيي اهووو وخر

: لج بابا امج ب المستشفى

صقعني بكلامه فزيت بسرعه وونداريت علي
: شنو شبيهه امي تقصد امي اني لو منو..

طرح نفس وونزل راسه : اي امج يلا كومي اوديج الهه

روح : شنوو شبيهه وين هييي شكوو

: بالمستشفى مريضه منتضرج بره بدلي بسرعه

خربطني وراح معدتي وجعتني ومغص مو طبيعي
ووريكي نشف كمت ووادور بعيني يمنى يسرى ماعرف شسوي ووين اروح..

لحد ما دخلت عمتي عيونهه حمررره دم وخشمهه همين عبالك وحده شابعه بجي كلبي حس صاير شيء اكبر من ما كالي قسور..

: شكو عمه حاجيني

: ماكو شيء امشي بدلي بسرعه قسور منتضرنه

: يعني امي مابيهه شيء؟ ومنو خابر قسور ووكله

مسحت وجهه وتباوعلي بقهر
: لا مابيهه شيء بس واكعه ومتخربطه صديقته الي وياهه ب الصالون خابرتنه

: اها خاله سوسن اي عرفتهه عفيه عمه خوما دتجذبون عليه انت ليش تبجين اذا هي مابيهه شيء

: لا حبيبتي شبيهه قابل ديلا فضيهه شكد ثكيله ياروح

ابلع بريكي وممرتاحه للوضعيه غسلت ووجهي ووبدلت قميص ابو الياخه ووبنطرون وطلعت..
عمه تلبس بجواريبهه ووعباتهه فوك راسهه..

قسور منتجي على الحايط وومكتف ادي بس انتبهه الي عدل وكفته وواشرلي بمعنى الحكه

اجتي عمتي لزمتني من ايدي واخذتني تمشيني حيل استغربت هذول شبيهم برغم جنت متشوقه اشوف امي ووحيل مشتاقه الهه بس تصرفاتهم وترتني..
..
صعدنه ب السياره وطول الوقت هو يباوعلي ب المرايه واحاول ابعد نظراتي عنه وافسر تصرفاته..

لحد ما وصلنه لباب المستشفى ونزلت بكلبي الهفه وروحي ترجف على شوفتهه لحد هسه اتذكر شلون طلعت ورا تركض حافي وحركت الشمس رجليهه..

جانو يمشون واني وراهم فجأه ووكف بمكانه وولتفت عليه تقربت اني جان يلزمني من كف ايدي ووجرني بقوه صرت بصفه..

ماكدرت احجي شيء منا حماسي لشوفه امي وومنا الصدمه لصمتني
..
دخلنه ووسأل على الغرفه ورحنه كل ما اتقرب تتسارع نبضاتي اكثر كمت اسرع بخطواتي واحاول اسبقهم بس ضاغط على كف ايدي بين اصابيعه بصلابه

قبل مادخل ووكفني بمكاني وصار مقابيلي تنهد
وحجه : روح اريدج قويه

عقدت حواجبي : شنو

قسور : كلشي صار وراح يصير مكتوب وانت لا اول ولا اخر الناس تعيشينه صح صعبه وخاصا عليج
بس هذا واقع وو..

نزلت دمعتي بسرعه ووكلبي نغزني
: امي ماتت مو؟

صارت عمتي بضهري لزمت اكتافي وسندتني..

جريت ايدي منه ووعطت بحركه : امييي ماتتت مو ماتتت

مجاوبني دفعته ووركضت على الغرفه شفت امي متمدده وومغطيهه ب ابيض..

فقدت ماعرفت شسوي كلشي بيه سكت ركضو ووراي لتفتت علي ووصحت : تباوعلي وتكول مابيهه شيء وجبتني مناك لهناك وتكلي مجرد وكعه بسيطه ليشش ليشش جنت تدري بيه ب المستشفى ومريضه من زمان اكيد وماكتلي ولحد هل لحضه انت ساكت..

بجيت بحركه نلوت ركبتي ووكعت للكاع ضليت اهز بنفسي بهدوء وواصرخ ب العياط ماعندي غير البجي..

اجت عمتي اليمي
: كولي يالله عمه هذا قدر ونصيب ووقسور مابيده شيء اجلهه واجه يلا صيري حبابه وكومي ودعيهه وواهديلهه الفاتحه

شهكت و لزمت ايدهه خليت كصتي عليهه
: عمه اني بعد منو الي بقيت وحيده صح جانت امي بس بالاسم بس بوجدهه احس عندي شيء استند علي..

مسحت وجهي ودموعي ترست باطن ايدهه
:دكولي يالله بنيتي انت مو وحيده كلنه وياج قسور ابوج وامج واخوج ووزوجج صح صارت بينكم مشاكل بس بالنهايه محد يسندج من توكعين غيره..

عفتهه ورحت على امي واني كاعده زحفت بنفسي للجربايه ووكفت على ركبي ووخرت الغطى اباوع الوجهه مسحوب منه الون شفايفهه زرك..

دفنت وجهي بكتفهه وانهاريت
..
عافوني ومحد ادخل لحد ما فحطت اجه كومني ووصاح على الدكتور دخل ويا كم ممرض رجعو غطو امي وويسحبون بيهه..

لتفتت علي وواناشغ : وين مودينهه
: للثلاجه بين ما نكمل الاجرائات

نزلت ادي عني وركضت عليهه اول ماحركت رجلي رجع لزمني ووحاوطني بذراعه ضليت ادفع بنفسي وواصيح اريد اروح الهه واشوفهه الاخر مره بس ماخلاني..

لحد ما حسيت هبطت كلشي عندي وواختل توازني رجليه ماشلاتني كمت اتطوطح

بس جان لازمني بكل احكام من حس عليه راح اوكع رفعني بين ادين وومددني على الجربايه الي شالو امي منهه ََ
ََ
..
تنزل دموعي بهدوء ووصدري ينرفع اثر شهكاتي القويه احسهه تجرح ببلعومي..

صاح عمتي كال الهه ابقي يمهه شويه واجي لتخلينهه تكوم..

اجت ليمي لزمتني من ايدي وهو خله وطلع ثواني وورجع بيده كلاص مي كامت عمتي سوتله مجال ووكف فوكاي..

ووحط ايده جوه راسي رفعني وهمس : اشربي

هزيت راسي بمعنى ماريد

: شويه بس لخاطر روح ابوج وامج

عصرت عيوني بألم بكلامه رش الملح على جروحي خلاه حافه الكلاص بين شفايفي ووشربت...

وكع مني على القمص وتبللت رئساً عاف الكلاص وورجع راسي على المخده ومسحه الي.

عبالك واحد ضاربي ابره مخدر كلشي ماكدر اسوي حتى اديه عجزت احركهه ثواني معدوده ووبديت اخفه وقسور مايزال كاعد بصفي..

لتفت علي وواحاول اخلي عيوني مفتوحه
: شخليت الي بالكلاص..

قسور : اشش نامي يلا

برطمت وونزلت دموعي : لتاخذهه واني نايمه اريد اشوفهه الاخر مره..

غمض عيوني بأديه واسمعه يكول تمام..
..
كعدت راسي صاير ثكيل هيج عبالك طابوكه..
اهمس بألم كلام غريب واعفس بوجهي..

رئساً عيني صارت على الساعه ب ٤ الفجر عمتي نايمه كبالي على الكرسي..

همست : عمه

فزت بسرعه وورفعت راسه عليه
: ها عمه كولي حبيبتي شتردين

: قسور وين خوما دفن امي؟

تنهدت : لا والله ياعمه بعد جاي يكمل الاجرائات وهسه راح نطلع ندفنهه..

بلعت ريكي : بس اني وياج وهوه مو!

هزت راسهه

روح : زين خلي نوديهه للبيت ونسوي الهه فاتحه على الاقل يشيعونهه اهل المنطقه

: لا عمه قسور مايقبل يكول بين احسن وبعدين نسوي الهه ب البصره فاتحه هناك..

روح : ليش ميقبل اريد احجي ويا صيحي

: لا عوفيي انت ضلي نايمه اني رايحه احاجي انت ابقي بمكانج

هزيت راسي بأي ليش ميقبل؟ حتى من هاي تنحرم رجعت تمددت وكلت ما تهاجم عقلي فكره انو امي فارقتني انهدم من جوه.. وكلبي يتحطم..

يمكن هو جاي لان بس طلعت شايفته بوجهه ندارت عليه ووسدت الباب عبالهه هيج ماسمع بس العكس اني سمعت حديثهم كله رغم همسهم..

هدى : روح تسألني تكول ليش ماتسوي فاتحه بمنطقتهم ويشيعوهه الجيران وحتى اني ماعرف ليش رافض مادري شكول الهه..خطيه خلي تسويلهه لا نوب عبالهه متقصد انت..

قسور : عمه ماسمعتي الدكتور شكال من فحصهه؟ صحتهه حيل متراجعه وكلبهه نبضاته بطيئه يعني احتمال تصير عندهه سكته قلبيه اسوي الهه فاتحه واخليهه بنص صريخ النسوان مخبل اني.

خلي تنسى شويه ووبالاربعينيهه نسويلهه ب البصره..
..
حيل ضجت مو بكيفه ماعوف بغداد اذا ما اسويلهه فاتحه دخلو شافوني ضايجه وعاقده حواجبي..
ودموعي لازكه على خدودي ووشفايفي..

قسور : يلا روح راح نروح ندفن المرحومه

وكفت واحاول اوازن وكفتي
: خلي اول شيء نمررررهه على البيت ونسوي الهه فاتحه بعدين نروح ندفن..

رفع طرف حاجبه : ماكو فاتحه ينراد الهه ب ٥ ملايين هاي اذا بسيطه وماكو جوه ايدي هيج مبلغ لازم اروح للبصره اجيب وواجي شيضل ب الجثه؟

روح : لا ندفن وونسوي الفاتحه وماريد منك اي شيء تجيب الي من فلوسي الي بالبنك وواني اتكفل..

قسور : بعد مامخلصين اجراءت البنك ف ماتكدرين تسحبين هسه..

صحت بحركه كلب
: طززززز بيه خلي اموت خلي انلجط بس مانخليهه بدون فاتحه.

كعدت على الجربايه واعيط واضرب على رجليه
حاول يهديني ويفهمني ووهمس بأذني كلام كلش هواي لحد ما اقتنعت
..
اخذتني عمتي غسلت الي وانطلقنه للنجف..
حسب علمي انو من النجف نروح للبصره ووقسور راح يخابر فاضل يجيب كل ملابسنه الي ببغداد وغراضنه..

لان عنده نسخه من المفتاح
..
واككفه بص عمتي وولازمتهه اعصر بأيده ووابجي بسكوت ينمر كلبي من اشوفهم يذبون التراب على جثتههه..
وجهي تجمد وواقتحن شكد ما عصرت بي..

زادت نغزات كلبي عفتهه وحطيت ايدي علي وصحت : اخ كلبييي اااه عمه..

التفتت عليه وكعت بحضنهه قسور عافهم واجه عليه ملابسه كلهه تراب مكبره وومن حفر تدمر
كعدتني ب الكاع ووتسمي عليه وتمسح على وجهي..

فتحت ازرار قميصي الاولى ووتهفيلي ووقسور كاعد كدامي يحجب رؤيا الناس الي..

حطت ايدههه على الدكمه الثالثه جان يلزم ايدهه ويهمس بخزره: عمه نزعيهه بعد

هدى : البنيه مختنكه وانت بطران چا ووخر عنهه خل تتنفس

استغفر وكام راح جابلي مي رشو على وجهي شويه

انتهت مراسم الدفن واني بيه الف اه ضليت حابستهه وحرت شلون اطلقهه..

ب الرجعه خلوني وحدي ب الكشن الوره نومتني عمه ووغطتني بعباتهه..

قسور : وانت شلون تضلين مفرعه

هدى : راح انزل الشيله على اجتافي ووهو احنه ب السياره اهم شيء روح ماتبرد لان نكعانه ووخاف يلوحهه الهوى وتتمرض..

قسور : يلا اصعدي وجهه نظر مقنعه
..
الطريق شطوله واني اريد انام بس ماكدرت مغمضه عيوني وهاهيه
..
وصلنه ورغم تعبي خايفه من رده فعلهن لمن يعرفون بزواجنه..

خطيه عمتي معافتني وحتى من وصلنه لازمتني وتتجيلي

هو يمشي كدامنه وكل شويه وولتفتت شافني اخاف واكعه بس من تأكد عمتي لازمتني وومعايفتني اطمن..

حتى مالي واهس انصدم بتغيره
..
دخلنه لجوه صارت بوجهي بيبيتي تلف بشيلتهه ويمهه عمي حسين لمن شافونه نصدمو..

رادو يحجون جان يخلي اصبعه على شفايفه ويهمس : اشش روح تعبانه

ولتفت على عمتي : وديهه لغرفتي
..
صعدنه وواسمع حسهم العالي وهمه يستفسرون منه شجابه ووشبيهه ويجاوبهم اطراف جواب لا اكثر مجاب طاري زواجنه ولا همع سألو..

وصلنه للغرفه دنيا الصبح وكلهه نايمه..

هدى : نامي حبوبه وواني راح أكد على قسور مايصعد حتى تنامين براحتج

مسحت وجهي بضيق: منعسانه عمه اذا مابيهه زحمه اريد دشداشه سوده

هدى : ياعيني بعدج صغيره على الاسود

ميلت راسي بترجي كلت ميخالف ادللي
.َ.
وراحت جابتهه واجتي دخلت للحمام نزعت ملابسي بيه تراب ووشعري املح ورموشي..

فتحت الدوش ودخلت جوا لمده ثواني بس بللت جسمي ولبست الدشداشه شكبراتهه مالتهه..
..
تمددتت على الجربايه وحاضنه روحي وارجف المي ثلج ووسبحت بي اصابيعي مطككه ومن حطيتهن جوه المي ضلن يحركني.
..
نفتح الباب وودخل بملابسي بحذائه ندار من الجهه الثانيه ووذب روحه على الجربايه ولف ذراعه على بطني ووجرني صار ضهري بصدره..
غمضت عيوني وطاحت دمعتي..

همس : اني وياج وماعوفج روحي انتي

نفتح الباب من قبل شخص من الحماس جان قلعه صوت بنيه ويكول: صحيح اجيت قسور

دخلت قمر رادت تكمل كلامهه وونكلب وجهه اصفر من شافتنه
..
فاديه

وصلت للبيت همام ابد محاجاني ولا كلي شنو السبب وليش هيج سوه خله وطلع دخلت مذهوله..

لزمتني اختي رهف وحضنتني بشوق ووباستني. حيل..

لزمت اديهه: رهف صاير شيء

رهف : ليش؟

فاديه : اشو همام اجه سحبني من نص البيت بدون ميحجي اي شيء..

رهف : مادري امشي نصعد اريد احجي وياج

صعدنه لفوك ووكعدنه نحجي تكلي شلونهه علاقتج ويا كلت الهه لحد هسه اني ممخليته يتقرب مني مو بس لان اكرهه لا مداتقبل..

رهف : ليش تكرهين ابن عمه الي اذاج مو هو ولو حقج

فاديه : رهف راح اكلج شيء بس يبقى بيناتنه

هزت راسههه بحماس : وعد

جنت خايفه ومتردده بس تشجعت وحجيت لان احس من الكبت راح يطك كلبي،،،

فاديه : رهيب جان موجود بيوم الحادث

رفعت طرف حاجبهه بحده : شلون يعني

فاديه : يعني هو الي ساق السياره الخطفتني

وجهه كام ينطي الوان ووتغيرت ملامحهه ببهوت ووخوف وصدمه : عزا بعينج فاديه؟ وليش هسه يلا حجيت..

نزلت دموعي: لج اني انتهت حياتي من ذاك اليوم وعايشه حياتي كلهه بغضب ووممشينهه بمزاجهم هم الي رأي واكدر احجي بضنج..

رهف : وشلون كادره تتحملين وجوده؟

حطيت اديه على ركبتي : مخنوكه راح اموت

جرت راسي حطته على صدرهه وتمسد على شعري : حبي تكدرين تسوين كلشي تكدرين ترجعين الحياتج الطبيعيه حتى لو بنسبه بسيطه بس حاولي

رفعت راسي ووامسح بدموعي : شلون؟

رهف : انت غبيه؟ يعني هو هيج مسوي بيج وضاله ساكته لج لو اني منج انتقم منه اشد انتقام اطلع غضبي وناري وحركه دمي بي..

فاديه : بس حسب مافهمت هو مجان يدري

ضحكت بسخريه : ههههههه ليش شتردين يكلج متفق وي ابن عمي عليج! ليمتى تضلين فطيره؟ يحضي

فاديه : وشسوي شتنصحيني

رهف : اول شيء انت شنو موقفج تجاهه

فاديه : كل ما اشوفه انمر مرد وكرهي اله يزيد بكل ليله اضعاف اضعاف حتى لو جان ممسوي شيء بس فكره انو هو كاعد وويباوعلي وويشوفني شلون اتعذب جوه ايد ابن عمه وضل ساكت تاكل راسي..

رهف : مثل ماكتلج انتقمي منه حطمي ووشوفي نفس العذاب لج هاي فرصه لتعوضيهه محد كدر ياخذ حقج انت اخذي بأيدج..

تنهدت : مجاي افهم عليج

رهف : شنو اكثر شيء يكسر وويحطم رجوله الرجل سوي..

عقدت حواجبي

رهف : اخذلي ووهمي بشيء ووكليله انت مو كدهه وماريدك واني اريد الرجال الي يستاهلني جاي تفهمين عليه.

هزيت راسي بضياع..
..
جمانه

نصدمت لمن شفته وواكف يحاسب على سبحه ووبشت رجالي بلعت ريكي ودخلت بالمحل يم عمتي وواكلهه يلا استعجلي تأخرنه وهي تكلي شبيج دنطي عطوه..

بالنص ساعه هي بس تختار ب البنطرون شلتني شل المحل جان بابه زجاج كل شويه ملتفته واباوع بعيوني القلقه..

لحد ما صارت عيني بعينه وخرت بسرعه ووكلبي يدك.. سحبت عمتي ووطلعنه من المحل وهو عيونه عليهه..

اجر بيهه وهي تتذمر
: هاي شبيج ماخليتينه نشتري شيء للولد صدك تحجين

جمانه : بابا يضل باله عليه نرجع من وقت احسن
..

وصلنه للبيت كعدت هي بسطت ب الهول وولتمن عليهه النسوان تشووفهن بهدوم انس ومقابله تكول اشتريتهن عالسريع من ورا امه بهذلتني اخذتهه وياي شلعان كلب..

واني ساكته اكول يلا ميخالف انس بحضني وصافنه على الحايط اتذكر بنظراته،،،

لحد ما سمعت عيطه زرت اذنيي
:ولج انتبهييي راح يحترك الولد

باوعت عمتي مادلتي كوب جاي ووانس يريد يخمطه من ايدههه

جمانه :ااا ماريد ماريد عمه ماحب الجاي..

: شبيج انت اليوم مدولغه

جمانه : تعبانه راح انام عينكم على انس منعسان خلي يلعب وي الجهال..

اسمعهه تدردم عليه ماهتمت دخلت للغرفه بدلت ونمت تغطيت ووغمضت عيوني وضليت اعيد ب الموقف وعبالك اريد ارجع افوت بي..

اريد اخترق التخيل وواجول بداخله اريد اعيش الحضه من جديد كل شويه ارجع واعيد ووارتب افكاري وواتذكر كل خطوه وفعل وحركه
..
لحد ما تعبت ووفعلا نمت المغربيه كعدت هوسه وكلهه مجتمعه غسلت وطلعت ارتب بشالي على راسي شفت بابا كاعد بنصهم ومنطلق..

لمحني اشرلي بأيده اجي رحت كعدت بصف باسني براسي ومسح علي ووهمس
: شبيج بابا تعبانه؟

: اا لا شكو ليش!؟

: ام اسعد تكول اليوم مدري شبيهه

: ههه لا ماكو شيء بس انس تعبني بس اركض وورا..

ام اسعد نطت من مكانهه
: ياريت صدك شو مكضيتهه نوم وصفنات وَعايفتهه خطيه خلف الله على بنات البيت ياهو التشوفه وركضت ورا..

بلعت ريكي بخجل تصيح بكل صوت كمت شلته من حضنهه وخليته بنصنه اني وبابا...

بابا : حضري نفسج باجر نطلع ان شاء الله

هزيت راسي ب ماشي
..
ثاني يوم طلعنه الفجر ووصلنه البغداد الصبح هلكت هلكت من كعدت السياره تكسرت كبل دخلت سبحت اني وانس وونمنه على المكيف..
..

للعصر امي كعدتني : يمه شمالج كاضيتهه نوم وين جنتي قابل..

تمغطت : ونبي تعبانه عوفيني

: دكعدي وكعدي ابنج حضرت الكم كيك

كيفت من سمعت ب الكيك اعشقه

كلت واني خاصمه عيني : ب الككو

: بصوص الككو هم

: ههههههه جايتج

طلعنه للحديقه هي مسويه عصير وكيك ووفواكه وفارشه ب الحديقه ومخليتهن..

اخوي احمد يشرب نركيله ووجهاله يلعبون او شجره يفترون حولهه وواحد ورا الثاني من شافهم انس زحف بنصهم وويلعب وياهم...

خفت يوكع بس امي كالت عوفي يتعلم يمشي لعد شلون يتقوه غير هيج
..
ثاني يوم جان المفروض اداوم ووفعلا داومت همام مجاي بعده ورا اسبوعين يلا اجه..

بوقتهه جنت لابسه تنوره طويله كبس كلوش سوده جان بدايه شته ووبارده..

وولبست بدي احمر بس مو فاقع هادئ كلش ووفوكا جاكيت طويل يوصل لركبتي اسود...

اول ما وصلت للمكتب دزلي وحده يكول خلت تجي وياهه ملفات شغل الاشهر الفات.. اريد اراجع نشاط الموضفين..

اخذتهن ورحت دكيت الباب صاح تفضل البوت الي لابسته بس كعب ناصي مع هذا يطلع صوت كلش قوي

هدوئه ووصوت الكعب وفنجان القهوه الي بأيده الي تزينهه ساعه رسميه فضيه وسترته الشتائيه بلون البني الغامق.

كل ذني تفاصيل ركزت عليهن في سبيل اشرد وماتصير عيني بعينه..

جمانه : صباح الخير استاذ

همام : صباح الخيرات شلونج

جمانه: الحمدالله بخير

مد ايده وورحت انطيته الملفات ضليت واكفن لحد ما هوى اذنلي اكعد..

كعدت وخليت ضهري بأستقامه ووكفوف اديه لميتهن بنص تنورتي...

همام: جمانه اكو نقص بتعداد الموضفين؟

جمانه : لا شلون اني كل اسبوع اسوي الهم جرد واساميهم كامله..

: اكو واحد نقص حسب العدد المكتوب

: دقيقه

وكمت افترت وَكف بصفه خلف المكتب دنكت صار راسه قريب على ركبتي.. التوتر شتتني كلامي كوه طلع. وواحس روحي جاي تطير مني..

قلق على رجفه على رهبه ووكل ذني خلني اخمل.. لحد ما انتبهت الاسم هو مخلي اصبعه علي مديت اضفري الطويل طخ بأصبعه وواني أشر على الاسم

: استاذ هياته

: اها اوكي مشكوره

وكف ووتراجعت للخالف : راح اطلع محتاج شيء؟

: تفضلي

ورجع اشرلي على مكاني الجنت كاعده بي.. زفرت الزفير بهدوء ورحت كعدت..

خلي رجل لى رجل وورجه ضهره للكرسي
: اول شيء لازم تعرفينه عني علاقاتي السابقه كلهه وهميه ومن خيال الموضفين غزل جانت علاقه سطحيه وهي تعرفه وونهيتهه بكيفي بعد ماشفت ماكدر اكمل انسانه مااهواهه كلبي.

اجيت احجي رفع ايده: لتقاطعيني

: والاهم اني ابن سلطان وواخو سلمان ووالبقيه وواخو البنات من جهه الاب فقط..

امي جانت الثانيه ايرانيه وبزمن الحرب والأسر تزوجهه ابوي ووجابهه للعراق..

انصدمت : بس اني شعليه استاذ

همام : لا ضروري تعرفين وواهم من الضروره هم لان ناوي اتقدم الج.. يتبع

🖤🖤🖤🖤🖤
ايزابيل