رواية لم اخلق لرجل سواك الفصل السابع وثلاثون 37 - بقلم ايزابيل

#بقلم إيـزابيـل
#الجزء التاسع والعشرين
#لم اخلق لرجل سواك
..
هلو بنات ماكدرت اعوفكم بدون بارت اني سفرتي ب ٢ بليل ووكلت اكعد اكتب حتى لو شويه
المهم ان شاء الله اذا كدرت بايام السفره هم انزل

اهم شي ترضون 😢🙏

بالمناسبه اعشششق تفاعلكم

واريد تتركولي رأيكم ب القصه،
..
كنت اود ان اضيئه لكنه احرقتني

روح : نزلت راسي ماعرف ليش بهالحضه ماكدرت اخلي عيني بعينه وهمه ياخذو على الرغم من كلشي بس من سمع كلام الضابط وعرف منو مقدم البلاغ ماحجه..

عمتي زلغت نفسهه تزلغ ب الطم والصريخ طلعو من البيت وهي ركضت ورا بدشداشتهه طلعت وكفت ورا الباب وواباوع..

قبل ما يدخل سياره الشرطه باوعلي بنظره لحد هالثانيه اني عاجزه افسرهه؟ نظره خله بيهه كل مشاعره الممفهومه بوقتهه..

كرهه
ندم
حقد
، عطف
!!! اخذو وعمتي بقت بنص الشارع تصيح وتصرخ ووتضرب براسهه بلعت ريكي بوجع ورحت ليمهه دنكت وواشيل بيهه: عمه كومي الناس تباوع علينه..

جان تندار عليه وتخزرني خفت حيل وجهه مايبشر بخير دفعتني حيل اجيت اوكع على الرصيف دخلت لجوه ووطبكت الباب واسمعهه قفلته..

حطيت ايدي على كصتي بهم ودموعي نزلت..
الناس تباوع عليه بأستغراب ويتهامسون بيناتهم
فاضل صافن عليه..

خرج من سكوته ووكال
: يعني؟ رحتي اشتكيتي علي!

صحت : انت اكثر واحد جنت شاهد على الي يصير بيه وشلون جنت اتعذب جوه ايده ومايحرم بحالي جان يوصلك صوت صريخ من الألم! هو ماسكت اني ليش اسكت ها هو ماتندم اني شكو اتندم ماقدرني فما مجبوره اقدره..

مشيت عنه بغضب وورحت كعدت ب الحديقه ربعت ب الثيل وموجات التراب تلطخ بيه تصبغني صبغ..

باوعت على اصبع رجلي الجبير صاير ازرك ومورم..

معقوله جنت اتألم وماحس؟ الله يساعد عقلي
تنهدت عمتي مافتحت الباب بقيت كاعده ب الحديقه..

ب ٥ الساعات وكل شويه يعصف بيه الغبار
لحد ما كمت احس اديه ورجليه جفن
..
فتحته بليل ملامحهه مو مثل او مره بس حزينه
اجت ليمي جرتني من زندي ووكفتني على حيلي

: ليششش هيج شسويتي

: حقج ماتدرين شلون اذاني ووتعبني خلاني اشتهي الموت وما الكاه

: ادري بكلشي صارلج واني وياج وكتلج عوفي وامشي تطلكي ابتعدي اهجري عذاب الضمير كلش كافي...

بس مو تشتكين علي والله اليعلم شكم سنه سجن

همست بتردد : لا ماتوصل للسنه

جان تجيبني براشدي نشمرت ليم الشجره

: باجر من الصبح تروحين تسحبين الدعوه وحرف واحد ماسمع منج،

صحت بغضب وملل: ما اسبحهه وشتسوين سوي خليي يتوجع شويه مثل ما انا توجعت..

لطمت على خذهه
ولج روح لا تفضحينه شيكول للعالم مرتي سجنتني..

تنهدت : عمه ماسحبهه وشتردين تسوين سوي

عفتهه ودخلت لجوه كلبي يغلي بقهر تدري بكلشي وبعدهه واكفه ويا

طبيت الغرفته باوعت على ملابسه مطشره على الجربايه، وعطره على. الميز

بللت شفايفي وومسحت وجهي رحت بكل غضب
شلتهه ووفتحت باب الكنتور ذبيتهن ووقفلته ووكفت على الباب وورفعت راسي ليفَوك استغفر واستعوذ..

شويه وندك الباب عرفتهه هي رحت فتحته دموعههه بعينهه جرتني من ايدي واخذتني للجربايه..

كعدتني وهي بصفي

هدى : عمه حبيبتي انت فكري بعقلج وعوفي الغباء تدرين قسور؟ اهم شيء عنده شغله ومكانته ووكرامته واذا متعرفين ف احتمال كلش جبير يسحبون منه الرتبه وينسجن..

تدرين شيسوي اذا طلع؟ يكرهج بنفسج ينتقم منج اشد انتقام..

حركت حواجبي بسخريه :
بعد الي شفته منه شيسوي خل يسوي ميهمني..

: ليش مصره؟ على الاذيه

: اني اريد حقي وهذا ابسط شيء اسوي حتى استرجع باقي كرامتي

: ووكرامتج تسترجعيهه بغير طرق مو بهيج خطوه غبيه.

ميلت راسي : عمه رجاءً لا تضغطين عليه

هزت راسهه وصفكت اديهه بقوه ووغمتني
: امداج ياثوله ابقى هيج جيبي مشاكل وحطيهه فوك راسج

عافتني ووطلعت بقيت افكر بكلامهه لا روح لاتضعفين لا تسمعين كلامهه هي تركض ورا مصلحه ابن اخوهه
..
ماكدرت انام الليل كله حاولت بس عيني ماغمضت اول ماطلع الصبح كمت سبحت وطلعت اغفي..

الساعه ب ٩ تقريبا ادور على عمتي ماكو حيل قلقت بهل اثناء نفتح الباب وودخلت..

ذبت عباتهه ب الكاع ووجهه مكلوب اصفر
: وين جنتي

: رحت القسور

ماحبيت اسألهه عنه عفتهه وسويت نفسي ممهتمه دخلت للمطبخ جبت اكلاص مي ووطلعت للصاله..

تتلوى ببهم ووتحجي
: ويلج منه والله ليسود عمرج وويصخم ووجهج حتى حجي مايقبل يحجي ووجهه مايتفسر من العصبيه..

تمشيت بسخريه ووكلبت ملامحي بأستهزاء
: حيللل ويا

خزرتني ووحجت بحده
: الزمي لسانج لا اكصه
..
كمت من يمهه سويت ريوك وتريكت هي ماجت وياي

روح: شوكت نروح للبصره جان تكول اذا مايطلع قسَور ماخطي خطوه..

تكول المحامي كلي بعد اسبوعين المحكمه واحتمال ينسجن من ٥ اشهر الى سنه..

صفنت على الجبن اسبوعين؟! زفرت ووفركت عيوني بنعاس
غسلت المواعين وكلت الهه اسويلج ريوك الحمدلله استسلمت وكالت اي يمكن جاعت..

طكيت الههه بيض عيون ووجبن خليتهه كدامهه.

همست : الله يعينه عليج اذا بيض متعرفين تطكين

: عمه ترا سمعت؟

: امشي ولي من خلقتي امشي

هزيت ايدي بعدم رضى واني دامر للترك صارت بوجهي مرايه رجعت ليوره شويه لحد ما كدرت اشوف بطني..

خليت ايدي عليهه

: جنت حيل متحمسه اشوفك والله حسيت بيك ووانت بين احشائي دفيت اعضائي بوجودك بس هسه فارغه اني وبيه برود عجيب..

ابوك اذاني واذك جان المفروض اسويله جرة اذن
والحمد لله كدرت ووراح يجي يوم اسوي الاكبر واتطلك واخلص..
...
تحسرت وومشيت للترك طلعت ادوات التنضيف ونضفت البيت لمعته كله وعمتي تمشي وتذب بسامير..
..
مرن يومين وواجه الثالث وهي تتوسل واني اصدهه وارفض خطيه مره حتى باست كصتي وتترجاني تكلي مثل ابني وازيد واعز اذا يصيرله شيء اموت اني...

كتفت اديه روح: شيصيرله يعني قابل صغير زعطوط هذا المثل ابنج راح يدخل ٣١ ووتصرفاته مال مراهقين..

كمل الاسبوع ووكعدت من الصبح بدلت بنطرون وقميص ووخليت مكياج ووكشخت على اخر حبايه..

ورحت للمركز دخلت لنفس الضابط من شافني كام فورا : ياهلاً واسهلاً

: صباح الخير

: صباح النور تفضلي

كعدت على الكرسي كال شتحبين تشربين

: ماريد شيء تسلم مستعجله شويه

: أمري.

: اريد اسحب الدعوه

رفع طرف حاجبه : ليش؟

: السبب. خاص بيه سيدي

: احد أثر عليج؟ ترا المجرم لازم ياخذ حقه ويتعاقب وله يتطاول بالزايد وصدكي اني راح احرص على ان اقل شيء ينسجن سنتين

كلت بأصرار وملل : مثل ماكتلك قبل شويه

هز راسه وكال براحتج وانطاني ورقه وقعت عليهه  كال باجر يطلع..

رجعت للبيت اباوع للباب فاضل لحد هسه ماكو هو، بالعاده ييجي ب ٤ الفجر،؟

اكيد صاير شي خليت ودخلت للبيت همزين عمتي ما كاعده مسحت المكياج ونزعت ملابسي وونمت، للضهر كعدتني هي مطنكره عليه بس تريدني اكوم، اكل.

مسحت وجهي وحجيت واني اثاوب
:لتخافين، ترا لباجر، يطلع..

فتحت عيونهه بصدمه : شلون؟

كمت من الجربايه وتمشيت للمرايه اعدل بأطراف شعري القصير: اني سحبن الدعوه

جان، تطفر عليه وتحضني وتبوسني بخدودي
: يمه، فدوه لبنيتي الشاطره العاقله ادري بيج، انت ماتطلعين هيج، طلعات

ابتسمت الهه مجامله بس اني بالحقيقه حيل ضايجه منهه لان رغم كلشي جانت تدافعله
..
هي منتضره باجر ساعه ساعه واني ماريده يجي لان خايفه، من، رده فعله واجه صباح ثاني يوم

اني داصبغ اضافيري مربعه على الجربايه نفتح الباب وودخل

رغم جسمي اهتز برجفه بس بقيت صامده وماتحركت منزله راسي على اضافيري..

باوعلي بصفنه طَويله بعدين تنهد وراح للكنتور طلع برموده وقميص ودخل يسبح...
بس. اختفه رفعت راسي وواطلقت انفاسي. المحبوسه بوجوده..

طلع واني جنت حانيه ضهري وومكرفصه اصبغ اضافير رجلي ووهذا الجبير منظره كلش بشع مورم َوالاضفر منفوخ..

كال بنفاذ صبر َوواضح: يعني بتصرفج هذا حسستيني ب غلطي لو شنو؟

ماجاوبته رجع كال
: من احجي وياج ارفعي راسج، والغي مثل الاوادم

بانشغال مصطنع
: انتضر اكمل اضافر رجليه وانت روح نشف شعرك لان نكعت الغرفه

رغم مدنكه بس عيوني علي طلع ادي من برموده بتعب ووتقدم علي جر علبه الصبغ مني ووركعتهه ب الكاع تطشرت على. الكاشي..

زمخت: تخبلت شبيك..

لزم اصابيع اديه بثنين ادي ورجعهن ليوره بقوه
نكلبت على الدوشك شهكت وورفعت راسي لزمني من حنگي ورجعني ووتقرب يمي صار ووجهه الغاضب مقابيل ووجهي الخايف..

قسَور : جاوبيني شنو قصدج بحركتج السخيفه

روح : ماقصدي شيء غير ان اشوفك العدالة والحق شلون تصير اشوفك انو اذا انت تستقوي عليه بعضلاتك ف اني بألف طريق اكدر اندمك وواحسسك بنفس الي اني حسيته َواكثرر.

بس ردت اذكرك منو روح خاف نسيتهه

شال ايده

قسور : وبسجن اسبوع واحد خليتيني احس مثلا.؟

رفعت طرف حاجبي بمكر : انت شتكول؟

قسور :اني اكول اتمنى يبقى عقلي براسي وما يتحيون بوقتهه محد يخلصج، مني.

روح : كلشي اله ثمن! يوم لك ويوم عليك قبل ماتشوفني الشخص الثاني طلكني

قسور: تحلمين تاخذين شيء مني يريحج ويهديلج بال عسى ما اخليج العمر كله معلكه ما اطلك..

روح كلبت، عيوني بغرور:  عادي لان بالحالتين انت مموجود بحياتي يعني اكدر اسوي الي يعجبني واني على ذمتك، تدري ليش؟

ضل ساكت ويباوعلي جان قريب كلش رفعت راسي من الدوشك ووهَمست يم اذنه بصوت ناعس
: لان تدري كلش زين شكدر اسوي والاسبوع اكدر اخلي للأبد..

قسور : اذا بيج خير وصدك بنت ابوج، عيديهه

ضحكت : لا هاهيه مادام ضمنت قسور بعد ميتجرء يطخ شعره مني ف اعيدهه يمتى ماراد مزاجي هههههه،

ضربني راشدي احس شلع راسي من مكانه ركبتي ندارت صفح.
يحجي ويهز براسه
قسور : انت صلفه وادبسزز لو اكسرج تكسر ميفيد بيج عرفتج شنو تردين بالضبط وادللي

رفع نفسه وصار واكف مقابيلي

روح: اكثر من، الضرب شتكدر تسوي مثلا! تتزوج حبيبي اخطبلك بيدي. الثلاثه إذا تحب وقمر من ضمنهن. ماخليهه بنفسك..

قسور: هذا تفكيرج انتِ هنه شلهن دخل وواعاقبج بيهن؟

نزل نفسه لمستواي وخله اصبعه جوه ركبتي بكم سانتي متر وويأشر بي عليه : الذنب تتحملينه انتِ بس مادامج مو ادميه

زفرت بقهر ودرت وجهي عنه شنو قصده ولشنو مخطط دار وجهه وطلع
..
جمانه،

صار النه اليوم الثالث ووام اسعد متقبل تخلينه نروح

رهيب يلوب على زوجته ويريد.يروح الهم بس يكول متأكد همام ماينطيهه الي اصلا على اساس مخابره وكايله خليهه ترتاح، ١٠ ايام واجيبهه الك..

بيوم ام اسعد كالت امشي للسوك نشتري الانس كم قطعه

: لا عمه عنده انس

: اريد اخذهن اله، ذكره مني قابل دافعه من جيبج

سكتت وطاوعتهه كمت بدلت الي واله ياريت مارايحه بهذا اليوم ياريتني حابسته بقفص صدري ومانعتهه تاخذه

شلته بين ايدي ووطلعنه نتمشى محد من ألولد قبل يوصلنه وابوي نايم تغده ونام ولحد. هسه ماكعذ.

اخذنه تكسي من الشارع العام ووذبتنه بباب السوك، دخلنه هي تتمشى على كيفهه واني طافره روحي ماحب هوسه، السوك،..

وماشاء الله معاميلهه واصحابهه هواي ياهو التشوفه السلام عليكم شلونك شخبارك،..
وتوكف ويا ساعه كامله

يستذكرون اجداد اجدادهم وأخير بدينه نشوف محلات ملابس

توني رافعه راسه وواصرخ بسبب وكاحه انس
وصارت عيني بعينه... يتبع