رواية لم اخلق لرجل سواك الفصل الخامس وخمسون 55 - بقلم ايزابيل

#بقلم إيـزابيـل
#الفصل الرابع والاربعين
#لم اخلق لرجل سواك

البارت الثاني الفجر
..
جمانه

فهيت من كال هيج بلعت ريكي : مستحيل اني قررت اعيش الابني ماريد اكرر الغلط مرتين..

: اها

هزيت راسي بأي ووسبقته لكيت امي واكفتلي على الشارع ودعت الدكتور واجرنه تكسي اني وياها ووصعدنه..

وصلنه للبيت خاويه من التعب ومن لغوه انس..
مكيف بالحلويات والالعاب ويلعب بيهن ويصيح من عمو

بابا علاقتي بي رجعت مثل قبل واحسن وواحمد همين بس ماما بعدهه شايله بخاطرهه عليه..
مرت الايام وماما بدت ترجعلي حبهه وحنانهه واول ابتسامه جانت بالمطبخ وواني اكول انس مثلج مياكل اي شيء مزاجي بوقتهه ابتسمت بوجهي واني الدنيا كلهه ما ساعتني ََ
..
العصريه تقريباً كاعده بالمطبخ دخلت امي بيدهه موبايلهه جانت تخابر اختي ايلول كالت
: جمانه كومي سوي چرك

عقدت حواجبي : شنو!

: البارحه من اخذت انس كاعدين نحجي وهمه يحجون على بنات هل وكت المايعرفن يطبخن الدكتور يكول مخلصهه دليفري مرتي بيضه ماتعرف تطك

قاطعتهه: منو دكتور ميمون!

: لا دكتور احمد الي يعالج انس

: اي!

: اي جبناهه سوالف واني كلت الهم من صغري ١٣ سنه وواركب حتى اكل الفواتح والاعراس ومحد يحلكني علمت حتى بناتي النداره والسنع..

ضحكت : ههههه وين ماما يادوب كل اسبوع اطلعلي بأكله ما محتركه

:بس انت شاطره بالمعجنات، كالو نضوك يلا نحكم عود شقه بس اني وعدتهم يضوكون من اكلنه..

:وليش اني خو انت سوي

:وشتردين اخذله جدر مركه وتمن غير شيء خفيف ومحد يعرف للمعجنات غيرج..

كلبت عيوني بملل :بعد شويه اسويهن تعبانه..

رفعت حاجبهه : لتخزيني جمانه وباجر تجين وياي ابنج طيح حضي وواني مره رجليه مگرمه كوه امشي عليهن بين حيل اركض ورا،،،

هزيت راسي ووكعدت اسألهه شحجت وي ايلول وشخبارهه
..
فاديه

طلعت على صوت الي خطف كلبي ووجان اشوف همام مدمي
سلمان ووسلمان كاض راسه وويصرخ ووكع للكاع..

فاديه نخبصت ووتلطم على وجههه وتصيح راح يموت اخويه راح يموت عساها بحضج وبختج يفاديه..

باوعت الهمام بترجي وودموعي بعيني تقدمت يمه لزمت ايده الي مليانه دم من سلمان :اطلع من البيت فدوه ماريدك تتأذه

صرخ بيه :اطلع من البيييت شنووو

:مراح يسكت هذا وانت تدري بي شنو حباب همام لخاطري فدوه روح يم صديقك يم ولد عمامي اي احد ابوس ايدك

بعدني عن طريقه وصعد الغرفته والله اذا صار شيء مستحيل اسامح نفسي
..
اخذو للمستشفى وورهف حطت عباتهه فوك راسهه وركضت وراهم.ووتلهث ووتناشغ

قلقت حيل نوب ماعندي احد اسأله وواخاف اخابر عليهم للمستشفى واطمن همام منزل بعد،،،

تذكرت الجروح الي براسه ووبخده ووركضت للصيدليه الي عدنه طلعت شاش ومعقم ووقطن ووصعدت اله قافل الغرفه ضليت ادك مجاوب..

همست : اني فاديه افتح

:روحي خويه روحي

: ترا ماراح اروح اذا ما تفتح ووانزل ادور نسخه المفتاح مو صعبه..

اسمعه ذب حسره طويله ووفتح الباب طبيت شاف الي بإيدي وتمشى كعد على الجربايه رحت بصفه محجه ولا اعترض ولا بدر منه اي شي..

واني امسح بدم كصته شفت اكو صوره وسط حجمهه جوه المخده عقدت حواجبي بستغراب ووسألت : هاي المن؟!

: الهه
:منو

: الشالعه كلبي

نصدمت من كلامه شنو قصده ذبيت القطن ووسحبتهه بهدوء وونصدمت من شفت صاحبه الصوره..

فاديه : هاي مو...؟ زوجه اسعد السابقه

هز راسه

فاديه : منيلك صورتهه!

همام : سحبتهه من الملف الي قدمت بي عالشغل وكبرتهه

فاديه : وشتسوي بيهه

باوعلي ببرود ضليت مثل المصكوعه حتى ماعرف شحجي
منين عرفهه ياشغل قاطع صمتنه بكلامه الذهلني

همام : هي تشتغل وياي بفرع الشركه الي بببغداد ووحبيتهه شفتهه وعيوني قفلت عليهه..

بلعت ريكي : همام شجاي تحجي؟ تعرف هاي منو!

جاوبني بعصبيه ونتره : اي اي اعرف

فاديه : مستحيل انت الي تفكر بي مستحيل اهلهه وواهلنه عمامهه وعمامه تتصور شيسوون اذا عرفو لك بيناتنه دم احنه وبعديييين نسيت زوجهه شسووووه همام تخبللللت

خزرني : اشش ميهمني هي مامسؤليه عن تصرفات زوجهه وونضلمت حالهه حالج

نفخت بغصب لا اله الا الله من كل عقله شلون هيج يفكر معقوله هيج الحب يعمي الواحد..

بعدني بالصدمه وماجاي اكدر اطلع منهه عاط بيه
: اطلعي ووسدي الباب

هزيت راسي ووبالي شارد مو يمه
..
دخلت الغرفتي وواحاول استوعب بس ماكو كلشي بيه قفل زين هي شنو هم تحبه؟! حتخبل بهالاثنااء سمعت صوت زلم وصوت رهف بيناتهم مديت راسي من بابا الغرفه شويه..

ولد عمي لازمين سلمان الي راسه ملفوف وعينه كوه فاتحهه
مددو على التخم وورهف  يمه  بصف رجله ووتفرجله  ووتبجي،،،

تنهدت وسديته انتبهت الموبايلي الي على الكومدي..
سحبته واصلني مسج رهيب خفق كلبي فتحته
ماسحه! رفعت طرف حاجبي شنو قصده بهل حركه..

ندك باب الغرفه بقوه نرعب رحت فتحته طلعت رهف دفعتني من كتفي وودخلت عيونهه حمررر ودموع على وجهه حواجبهه مطبوكه بقساوه َ.

لزمتني من طرف ملابسي: شفتيي هذا اخوج الي تدافعيله وتحبينه
جان كتل سلمان هسه..

فاديه : هو تجاوز

لزمتني من فكي بكل حقد : وللللج شنوووو هو تجاوز نوب بعدهه تلومه وواكفه وي ذاك قليل الاصل

صحت بوجهه : ذاك قليل الاصل هو نفسه اخووووج حرام عليج خلي الله بين عيونج شسوه هو غير دافعلي انتِ اصلا ترديلج حجه حتى تحجين علي كلكم تكرهو بس لان هو احس منكم..

تخبلت من كلت الهه هيج جرتني من شعري  وضربتني راشدي خدي ندار اني ماعرف شبيه نحلانه وومابيه حيل حتى ارفع ايدي كوه ادفع بيهه..

اخر شيء من سبيتهه دفعتني على الباب دخلت اليده ببطني شهكت بوجع وواحس مصاريني تكطعت..

رهف :مره ثانيه اشك حلكج اذا حاجيتني هيج يا ادبسزز

دفعتني عن طريقهه وطلعت بجيت بقهر عود هاي الحنينه
وهيج زوركتني مثل ماجان يكول ابوي الله يرحمه..

اكتافي نازله وواسحل بروحي سحل دخلت الحمام غسلت وجهي وورفعت ثوبي باوعت على بطني بمكان الضربه صاير ازرك تحسبت عليهه من كل كلبي التافهه هاي،،،
..
همام بعد ما طلع من غرفته بس للضروره صار اغلب يومه بالغرفه مالته يطلع الصبح للشغل يرجع العصر يصعد وويوصيني اصعدله الاكل

سلمان يومين وكام من الفراش وولا كأنو مفشوخ ميباوع بوجهه همام واذا صادف والتقو وواحد يخزر الثاني،،

بيوم كالعاده داصعد الغده الهمام قبل ما اطلع صاحني..
: تعاي فاديه

جان كاعد على الصينيه وياكل تمن ومركه باميا سويتهه اله لان يحبهه..

فاديه :ها محتاج شيء!

عاف الخاشوكه وباوعي ب تنهيده : اريدج تخابرين جمانه

عقدت حاجبي :ها!

همام: اي خابريهه

فاديه : همام رجاء  تدري اني لحد هسه ممستوعبه الموضووع شلون الك نفس وحبيتهه ايي اني وياك انو مالهه ذنب بس تدري لمن جنت ببيت عيالي وتجي هي حتى ما اطلع وولا التقي بيهه شكلهه ماشايفته لان يذكرني بزوجهه..

مالي علاقه بيك تحبهه متحبهه بس لتدخلني

همام: الخاطر اخوج

تنفست بغضب :شتريد مني

همام:مبايلج وياج؟

هزيت راسي

همام:اريدج تخابريهه من رقمج لان هي حاضرتني اريدج تحجيلي ووتكولين الهه همام يحبج وميته عليج وواني ماعندي مشكله وياج اخاف هي عبالهه انت او اهلي يكرهونهه..

وكولي الهه همام ناوي اذا قبلتي بي يشتريلج بيت ويكعدج بأي منطقه يعججبج

:وليش متحاجيهه آنتَ

:ماتسمع مني

: الله كريم

: فاديه

: يابه كتلك اي اخابرهه

: كعدي هسه وحاجيهه اريد اسمع صوتهه

اختنكت والدموع نحبست بعيني ديطلب مني شيء يقتلني على البطيئ جنت حيل ضايجه منه بس ماكدر احجي...
كعدت بصفه ووهو ردلي رقمهه وكلبي يدك بقوه...

رن رن رن مجاوبت دزيت الهه رساله جاوبي اني بنيه حسب ما هو طلب مني ورجعت دكيت جاوبت
..
جمانه

العصريه ورا ماطلعت امي من المطبخ دك موبايلي رقم غريب كلت اهو هذا همام لطش شبي مارديت وصلني مسج يكول اني بنيه..

استغربت اخذت الجهاز ووصعدت للسطح رغم عصر بس الشمس تصكع بالراس حطيت طابوكه ووكعدت عليهه بصف التانكي...

جمانه : الووو منو ويايه؟

فاديه : ااا اني فاديه

عقدت حواجبي : منو فاديه

بعدين اتذكرت اني سامعه هالاسم ركزت زين؟ هاي اخت همام! الي جان يحبهه اسعد واعتدى عليههه.

هي نفسهه زوجه رهيب
هي نفسهه سبب الدم والثار الي بين العائلتين..

اني شايفته مره وحده من نخطفت وبعد ماشفتهه.

جمانه : اي تفضلي

فاديه: جمانه اني ادري اخوي يحبج

تنهدت : زين تدرين اني ماحب اخوج؟!

فاديه : ليش متحبينه شناقصه؟

همست : منو يمج؟

فاديه : ااا وحدي

جمانه : فاديه شنو ليش متحبينه! اصلا شلون الي عين احبه ووافكر بي انت تدرين شيصير لو تزوجنه تنكلب قوانين الكره الارضيه..

علاقتنه اشبه بالعلاقه المحرمه بالنسبه للمجتمع شدتحجين انت وحتى لوووو احبه شيفيد؟ بس أذني نفسه..

اني ما انكر اخوج شخصيه ووراقي ووالف بنيه غيري تتمنى بس اني ماكدر حتى اتمنى..

فاديه : بس متدرين اخويه شكد متدمر عليج وحتى كال اذا تقبل بيه ماكعدهه وي اهلي اخاف تصير الهه مشاكل لو شي..

جمانه : وعلى شنو وعدته بشيء وخذلته المفروض يكون متقبل الواقع؟ وواني اسفه اذا اذيه اخوج بس ترا ماكتله تعال حبني وحتى بالشغل جنت احاول ابتعد عنه قدر المستطاع لان افهم نظراته..

فاديه : وانت شبيج تتهجمين ووتدافعين النفسج

جمانه : مداتهجم داحجي واقعع لان اخوج تعبنييي

شفت اتصال من روح كلت الهه بعدين نحجي صار عندي شغل قفلته ورجعت دكيت علي روح

جمانه : هلاو

روح : هلاوين متتصورين شكد مشتاقه الصوتج

جمانه :واني همين بس انت مختفيه وماكو

روح : شحجي ياجمانه اطلع من سالفه اطب بالثانيه واني تعبت والله تعبت حتى عيوني ملن من البجي..

محد جاي يحس بيه جمانه اقرب شخص الي ميفهمني اكله لتخليني ابجي وانقهر وواكول لو عندي اهل مصار بيه هيج..

وهو يحجي شيء وويسوي شي يقهرر بيههه ويكوول انت الي تزعلين من ابسط شيء

جمانه : خوفتيني كلامج غامض قسور مسويلج شيء!

ذبت حسره طويله: كولي شنو الي ما سواه عوفج مني انت شلونج

جمانه : تمام بخير بس ملتيهه بأنس ووعلاجه..

روح :صحيح شلون صار

جمانه : احسن ووديمشي زين الحمدلله،،

روح : باعي بلكي اجي البغداد ووامر عليج اريد اشتري بضاعه للمحل

جمانه : خوش روح صوتج ما عاجبني ليش متحجيلي

روح :قسور هنا ماريده يسمع جمانه خايفه  لج حتى اللكمه ماكدر ابلعهه ووكلبي مشتعل نار

مؤمل طلع من السجن ووديخابرني منين جاب رقمي ماعرف اسأله يكلي ماتصعب عليه يمكن ماخذ رقمي من وحده من صديقاتي الي ببغداد رجعت اتواصل وياهن..

ووعرفن رقمي وهو يعرفهن ويدري بيهن صديقاتي

جمانه : عزا بعينج روح كولي لقسور لتسكتين

روح : لج شكلته راح احضره ووانجب ماريد يكبر الموضوع وروح بابا خايفه ووجسمي كله يرجف وخاصا اذا باوع بعيوني احسه يدري بسالفه ووساكت..

جمانه : عليمن خايفه غير هو الي مخابرج شعليج انت قابل

روح :شوكت الله ياخذه هالك** ويخلصني منه بس خل يفكر يسوي شيء والله اشك، حلكه وحلك اهلهه الماعرفو يربون لو مكبرين الهم جلب مبلل احسن..
..
بقيت اهدي بيهه وهي حتى كامت تبجي بعدين راحت وواني نزلت جان صاير المغرب ويأذن امي بالهول تصلي..

شافتني اشرتلي بأصبع ايدهه السبابه ابقى رحت كعدت على القنفه مقابيلهه وجريت الريمونت شغلت التلفزيون طلع صوت عالي..

جان تصييح
:الله اااااااكبر

فزيت وونصيته
..
خلصت وكامت تنزع المحرم وتحاجيني
:يمة اني شكتلج من العصر وهسه راح يصير الليل

: اي يوم بس اشوف هذا البرنامج كلش احبه.

جان برنامج مال ازياء اختي ناي كالتي الي علي هي تصمم فتحب هيج شغلات وتباوعلهن فمنشفته اني هم عجبني وتابعته..

: دكومي وولج اتوسل بيج اني ام راس شايفه روحج علينه ندري بيج تعرفين تطبخين..

ضحكت : هههههههه خلف الله عليج لا صدك جذب تدللين انت والدكتور هسه كايمه اسوي..

يمكن جفصت من كلت هيج لان رفعت حواجبهه بعدم رضى ونزلت تلم السجاده طفرت للمطبخ علمود اضيع السالفه
..
طلعت المقادير وكلشي ووبديت اسوي العجينه..
خليتهه تختمر كعد انس اخذته بدلت اله وومشطت شعره وواخذ العابه وصعد يلعب وي جهال احمد..

بالاثناء كمل العجين رحت فرشته على صينيه نضيفه ووقطعته على شكل جرك دائري وااكو مستطيل رشيت عليهه سمسم وحبه سوده..

بقه من العجين حشيته  نص جبن ونص لحم مثروم صار فطاير..

دهنتهن بصفار البيض وودخلتهن للفرن
..
بقيت يمهن بالمطبخ كاعده على كرسي ومكابلتهن اخاف يحتركن واهفي بايدي من الحر...

حضرت حافضه مال اكل ووسط ووبس طلعن ريحتهن جابت التايهه كد ما طيبات ماتحملت اخذت ووحده وضكتهه..

صح جنت اسويهن طيبات ويخبلن بس الاول مره تضبط وياي لهل درجه لذيذه من فوك مكسبه ووهشه من جوه ووعجينتهه قطنيه.. الطعم متناسق ويجنن

دخلت ماما على الريحه وضاكتهن وتعجبت كالت شمسويتلهه هالمره..

جمانه : ههههههه والله ممسويه نفس المواد بكل مره..

: شو طالعه اطيب

جمانه :ههههههه شمدريني يلا خل اضمهه بالحافضه حتى تبقى محافضه على حرارتهه
..
ثاني يوم الصبح بدلت لبست بنطرون ابيض ووقميص اسود شويه عريض مو جبير بس راهي گصير لحد الكمر ووبي ياخه..

وولفيت شال جرجيت اسود وومكياج خفيف يادوب مسكارا وحمره وكنسيلر خفيت بي تعب السهر مال انس
..
وانو لبسته برموده كابوي ووقميص زيتوني وورفعت شعره وثبته بسبري..

كيف وماما ضحكتهه شكت حلكهه من شافته..
لبست نضاراتي السوده ووطلعت اجرنه تكسي..
وصلنه بالموعد وما تأخرنه
..
دخلنه على دكتور احمد كام سلم علينه ماما سألته على دكتور ميمون كال الهه اليوم اجازه..

: يا وعود اني جايبه اله چرك ووفطاير شوف شلون حظ..

احمد :  ههههههه يابه شنو هالقصه العضيمه اني اوصلهه اله وبعدين ليش حجيه ليش اني مال حصه َ.

: لا شلون انت اهم شيء
: هههههههههه

جانت ماما مقسمتهن على.. حافضتين انطت ووحده لدكتور احمد وووحده لميمون
..
رجعنه للبيت هلكانين تعب حتى مامرينه تغدينع لان تأخرنه بالمستشفى كبل للبيت بدلت ملابسي وطلعت اكل من البارحه حميته وواكلنه..

ذبيت انس على ماما ودخلتي لغرفتي رجليه يونن عليه وراسي مصدع لان البارحه تأخرت اشوي بيهن وواليوم كعدت من الصبح
..
نمت على وجهي مادريت بالدنيا طشت رشت،،،
كعدت بليل لكيت انس لاعب لعب بأمي حتى ما نايمه من ورا اخذته اني عشيته وشربته ممه وهم مقبل ينام ضليت سهرانه اني ويا..

اصلا ماكو نعاس فتحت اله كارتون ووسهرنه علي..
متمددين بالغرفه مطفيه الاضويه ووبس اصوات الكرتون عاليه وهو مفهي على الرسوم والحركات الي بي..

ثاني يوم هم جان عدنه مراجعه بس ماما خابرت الدكتور كالت اله العصر نجي وهو هيج للعصر رحنه..

لبست فستان مشمشي طوله تسعين وحذاء فلات بيجي ونسقنه اني ووانوس
..
دخلنه للمستشفى العصر هوسه وولخه ووصريخ وكض اخوك لا يطيح دكتور احمد بعده مجاي والمساعد مالته كال غرفته مقفوله همين

فضلينه بالممر منتضرينه جان اكو واحد واكف منطينه ضهره ومدنك ووادي على ركبه يحاجي وحده عجوز... لمن التفت طلع دكتور ميمون..

شافنه ابتسم ووتقرب علينه وهو ينزع الكفوف..

ميمون : ها هلا والله

ماما : هلا بيك دكتور

ميمون : يابه شنو هاي ماتوقعت هيج طبخج طيب عمي ياشيف الي يحلكج..

ماما : ههههههه لا مو اني جمانه هي السوته ووخطيه تعب علي..

جان متخصر وورافع حواجبه خطوط كصته مبينه باوعلي ببتسامه: عاشت ايدج طعمهه ماينسي

رديتله الابتسامه : بالعافيه

بهل لحضه اجه دكتور احمد وهو يمشي حاجانه
: اسف على التاخير خليتكم تنتضرون..

: لا عادي دكتور هم احنه ماصار هواي من اجينه

فتح باب الغرفه ووامي دخلت انس جلب بميمون يكله ريد بوسك ( اريد ابوسك)

تقرب ووكف مقابيلي لان انس بأيدي دنك علي  ووانطا خده باسه ضحكت وهو يرفع نفسه صار وجههه بوجهي همس : تقبلين بيه وتشبعيني چرك ... يتبع

🖤🖤🖤🖤🖤
ايزابيل