رواية لم اخلق لرجل سواك الفصل التاسع والعشرون 29 - بقلم ايزابيل

#بقلم إيـزابيـل
#الجزء الرابع والعشرين
# لم اخلق لرجل سواك

كانت عينيها اقرب باختراق قلبي كانها سهمٌ فولاذي اصبح قلبي كانه جزيره تحيط به المياه من جميع الجهات هكذا احاط حبها قلبي

شكرا للبنيه الي دزتلي هاي الخاطره هديه للبارت ❤️
..
روح

عاصفه رعدت بداخلي من كال هيج ولا ارادياً
شهكت: شنو قصدك!

ماجاوبني احس القهر صار بمعدتي بحيث بسرعه حطيت ايدي على حلكي ووكتله
: اوكف نفسي لعبت

وكف السياره بحركه سريعه نخضيت من سرعتهه فتحت الباب فورا وركضت على سطله الزبل الي على الرصيف اتقيئ ولازمه بطني..

ب العشر دقايق على نفس الحاله جان اكو محل تگان صغير ف رايح جايبلي منه بطل مي وومدليا اخذته بدون ما اباوع بوجهه غسلت ووشربت شويه لان رايح ريحني شويه..

رفعت راسي وواحاول اشتم الهوى.. اجه قريب عليه وكف وياي طول بطول
قسور :شبيج

برطمت وباوعتله اجيت ابجي بس افترت الدنيا بيه ووكعت على ايده نلوت رجلي ولو ما لازمني جان طحت للكاع..

سندني وويهمس بأذني بغضب
:شبيج لخاطر الله

عصرت عيوني ووضميت وجهي بصدره بسبب العالم الي تباوعلي بغرابه استحيت منهم..

عصر اكتافي حيل وتنهد :نروح للمستشفى

بعدني ممجاوبه قاطعتنه مره جبيره ووكفت كبالي وتباوعلي اني رئساً وخرت عنه بس بقه مجلب بيه خاف اوكع من جديد..

كالت : سلامتج يمه شبيج

: اتقيئت ودادوخ

:متزوجه

باوعت على قسور بخزره ونترت: اي

: اي چا جوز حامل

اتوقعتهه راح تكول هيج هسه راح يزيد الشك بداخله اكثر خرب حضي المصخم..

ضحك بسخريه : اي ليش لا

شنو قصده هذا لزمني من معصم ايدي ووجرني
احس الكاع تاخذ بيه يمنى ويسرى بس ماكدر احجي فتح باب السياره وصعدني..

مسحت وجهي بملل ووهمست بضعف
:وين ماخذني؟

: لبيت امج ال..

بعد ممكمل قاطعته: لتغلطططط انت مو كلت متروحين؟

: بس هاليومين بين ما ادبر بيت

: بيت المنو اريد اضل يم امي

: لتخليني ارتكب بيج جريمه عوفي عقلي بمكانه

تنهدت ونفخت بجزع شسويت بروحي اني شلون طاوعته ووكف السياره رجلي حيل اذتني لان ضغطت عليهه..

وحتى ما كلف نفسه يجي يساعدني بقيت اعرج لوحدي من وصلت للدرج ضليت واكفه بمكاني حايره شلون اصعد وهو يطبك ب السياره..

ضليت انتضره عقد حواجبه بضيق : ليش واكفه هنا

: منتضرتك تتفضل عليه

قلص عيونه

: شنو نسيت انت عوقتني؟

باوع لرجلي ووللدرج تأفأف وورفعني عن الارض وشالني بين ادي صرت قريبه علي ووجهي مقابيل وجهه اباوع لملامحه كلهه غضب وومابيهه ذره رحمه من بعد ذاك اليوم هاي ثاني مره اشوفه بهالعصبيه..

من وصلنه نزلني وودك باب البيت ثواني وفتحته امي من شافتني ركضت عليه حضنتني ووتنهدت براحه..

دفعهه قسور ودخل بحذائه ذب نفسه على التخم ووونام وايده على عيونه..

: وين اخذج وين جنتو؟

لزمت بأيدهه ودخلت اعرج همست
:يمه تزوجني

فتحت عيونهه بصدمه وضربت صدرهه
: طين وعزا براسج يارووووح شنووو اتزجتووو

من صرختهه فز ورفع راسه باوعلنه بتعب ورجع نام نزلت راسي جان تلزمني من زندي وتكرصني بقوه حسيت لحمه من ايدي نشلعت..

: ولج انت يمتى تبطلين ثووول ولج والله راح تموتيني قشمرج بسرعه واكل براسج حلاوه تدرين انت وديتي بنفسج للموت ولج مايرحمج مايرحمج اذا هو هيج وسكطج تسكط هسه صرتي مرته يشوفج نار جهنمم..

تلطم على خدهه وتحجي بهمس كلامهه سهم ونبت بصدري والندم اكلني شلون سويت هيج اني..

شهكت : يمه هو كال احميج

ضربتني على وجهي بعصبيه بكف ايدهه وصاحت بصوت عالي : دخللللل يحميج من روحه اول شيء بسيطططه ماسكت عبالج اسكت لا هسه يطلكج..

راحت علي تدفع بي وتصيح تكله اكعددد كوم شسوويت شلون قشمرت بنتي..

رفعه نفسه عن التخم ببرود ووفرك عيونه بأصابيعه السبابه والابهام..

: قشمرتهه شتردين هسه؟

: طلكههه

فر ايده وضحك بسخريه
: اطكلهه! وين تلكين واحد يتزوج وحده مثل بنتج؟! على الاقل اني شفقت عليهه ووسويتهه لله ترجعين تدمرين مستقبلهه ليش

نرفزني كلامه من مكاني صرخت
: احترم نفسك ما اجيت ووذبيت نفسي عليك انت الي كلت..

نفخ بعصبيه ووامي تصرخ طلكهه لا هسه افضحك فضحيه كدام الناس واروح اشتكي عليك وهي بنفسهه تقدم شكوى اني صوجي عفتهه تروح وياك..

كام على حيله واجه ليمي ووشالني تفاجأت ووصدمني فتح الباب بطرف رجله وطلع وامي تركض ورا تبجي وتصرخ..

: نزلني لا اذب روحي

: هيج وتسوينهه  وتريحيني وتريحين نفسج

: تكرهني ليش تزوجتني

: كافي تسألين هذا السؤال

نزلني يم السياره ووفتح الباب واشرلي براسه اصعد اباوع على امي روحه مفرفحه ونازله على الدرج تركض الدنيا شمس ووحاره ووهو حديد ف خطيه رجليهه احتركت..

دفعتهه ورحت عليهه صار بوجهي لزمني من ايدي ودفعني لجوه السياره عطت : حراااام عليك خل اروح اشوفهه شوف شصاررر بيهه كافي عذبتني والله عذبتني

قفل بيبان السياره ووبأستهزاء
: من يمتى نزلت عليج الحنيه كبل كم يوم تدعين عليهه..

رفعت شعري بثنين ادي بقله صبر اريد اعرف ليوين يريد يوصل من بدايه اليوم هو يسوي الي براسه وما هامه احد.
..
حاجيته وكتله وين راح نروح مجاوبني على نص الطريق فتح موبايله وخابر..

اني دايره ووجهي على الجامه واسمعه

:الوو ابو امير شلونك الحمدلله تمام اريد بيت مرتب اشتري او ايجار اي شيء جوه ايدك..

بس اريده بمنطقه معزوله ووقليل بيهه ناس ماريد هوسه.. هاهيه شويه واني يمك

صفنت شنو قصده معزوله وقليل بيهه ناس اكيد اله غايه بيهه بس كمل نترت
لمن تحجي ترا مو طرمه وما اسمعك لا اسمع كلش زين وضح شنو تقصد بمعزوله وبعيده عن الناس؟ هااا :

: انت منو يمج اني ماريد دوخه راس..

بلعت ريكي بقله صبر
..
شويه ووكفنه مقابيل محل عقار هو دخل نص ساعه ووطلع بيده مفاتيح عبالك شبح كاعد مقابيله حتى بالغلط ميباوعلي

دخلنه بمنطقه صغيره ووافرعهه ضيكه بس مرتبه ونضيفه ووطير الطاير مابيهه يادوب ب الفرع كم بيت.. وكم محل

طبك السياره كدام بيت بناءه حديث وومساحته متوسطه اشرلي بحاجبه انزل..
فتحت الباب ووانتجيت على السياره ووخليت رجليه بهدوء على الكاع..
..
فتح الباب ودخلني كدامه ووهو وراي..

بي حديقه بالبدايه بس كلهه تراب ووالثيل اصفررر وشجره وحده ومتكطعه.

اجاني اكتئاب لا ارادي صاله وهول ووغرفه وحده وومطبخ..

رحت كعدت على التخم ووهو ينزع بحذائه...

نزلت اكتافي بملل
: اني ليش داطاوعك بكلشي؟ شنو الي صار حتى انكلب ١٨٠ درجه وين ووديت روح! هاي مو اني ولا هاي تصرفاتي..

صح جنت كارهه امي بس متهون عليه اسوي بيهه هيج اخليهه تركض وواصعد وياك..

بثواني صرت زوجتك؟ جنت ممتقبله الفكره بهيج ضروف شصار حتى اوافق

بهل كم يوم حياتي نكلبت رئساً على عقب..

بسببك  انتَ

ماجاوبني طبعا البيت ما مأثث يادوب بس هذا التخم وومكسر اجه كعد بصفي ورجع راسه ليوره ووغمض عيونه..
..

كارهتهه كره العمى وضايجه منه لحد مو معقول
دك موبايله وهو جان نايم سحبته بهدوء من جيبه شفتهه قمر..

وقبل كم ساعه هم داكه بـالـ١٠ مكالمات،،،،

خليته صامت ووسويت نفس حركته تجيت راسي على التخم من ورا وونمت بثواني من التعب
..
مادري شكد ضليت نايمه بس كعدت لكيت نفسي نايمه على طول التخم ووجوا راسي مخده ومتغطيه..

اول مافتحت عيوني فركتهن بنعاس وبقيت كاعده بمكاني ماتحركت ولا بيه حيل اكوم اصلا..

باوعت على الساعه ب٧ بليل ميته من الجوع والبيت فارغ يصوصي،،،،،

وقسور ماعرف وين راح
..
رجلي كامت توجعني كد ما مشيت عليهه اليوم
بقيت اتصفن ووافكر.

معقوله الي شافه ب الجهاز هلكد غيره،،،

خليت ايدي على كصتي بتعب انتضرته لحد ما تعبت ورجعت نمت هالحجي صارت الساعه ١٠ بليل..
..
ثاني يوم الصبح كعدت من الصبح وهم مالكيته وخرت الغطى عني ووكمت الم بشعري ووامشي بالكوه..

لمحت ب المطبخ علاكه مجانت هنا البارحه رحت شفتهه بيهه اكل شكد ما جوعانه من دون وي اخذت صمونه ووخليتهه بحلكي..

بقيت اكل صمون ووعفت الجبن والبيض لحد ما شبعت جانت اكو مغسله موجوده بالمطبخ غسلت
..
وطلعت للحديقه الجو يجنن بقيت اخذ نفس وواطرحه بهدوء فتحت باب الشارع ومديت راسي هدوء ووالشارع اذا تنذب بي ابره ينسمع الصوت..

رجعت دخلت وطبكته
ميته من القهر على الي صار والندم الففف شورطني شنو الي غير افكاري بذيج الحضه..

بعدني مكتفه اديه وواتمشى جان ينفتح الباب وويدخل قسور..

مدلي بس راسه وونص من جسمه ووكال : ادخلي جوه

: شكوو

خزرني بمعنى لا تجادلين خليت وودخلت اجه لحككني سد الباب الي فاصل بين الحديقه والصاله..

ماتحَملت رحت على الشباك اباوع شفته هو وولد ينزلون اثاث تخم وكنتور ووجربايه ووطباخ..
وكاونتر صغير..وبعد كم شغله ماعرفتهن شنو لان بكارتونات.

كلهن دخلهن لل حديقه وراح الولد بقى بس قسور رفع ردان قميصه وورفع بنطرون ووضل يطبب ب الغراض  الصاله...

كملهن ووباوعلي : يلا اني طالع رتبيهن

زمخت : شنووو ارتبهن رجلي مكسوره يعني اني اكدر اشد كنتور لوحدي؟ مثلا!

تأفأف ب انزعاج وسواهن هوه من ال ٩ الصبح لل ٤ العصر هو يشتغل بيهن الغرفه والمطبخ وغراض الصاله..

لحد ما كمل غسل وواجه شعره ينكط مي ووفاتح قميصه باوعلي بنظره ثاقبه وكال : باجر رايح

: وين!

: للبصره

نترت : وتعوفني وحدي؟ شكووو جبتني هنا لعد ماخليتني يم امي!

فرك شعره بثنين ادي : كم يوم وارجع اجيب ملابسي وملابسج الي بقن هنا

رفعت حواجبي الاثنين : ورايح من بغداد للبصره علمود ملابس! مو عندك بالشقه الي يم امي؟

قسور : الاسبوع الجاي عندي دوام ١٠ ايام يلا ارجع

: يعني ابقى وحدي بمنطقه غريبه وبيت شكبره ب ١٥ يوم

ماجاوبني طلع موبايله ووبقى يكلب بي غمضت عيوني بقله صبر
..
وجودنه ووعدمه سوه هو مكابل الجهاز واني اتصفن ب الحيطان..

صار ووقت الغده وراح جاب من بره كلي تعالي اكلي كتله ماريد رحت للغرفه..

اثاثهه حلو وبسيط تمددت على الجربايه تعبت من النوم ووالصفنات
..
بقى ب الصاله واني بالغرفه وماطلعت لحد ثاني يوم الصبح مالكيته موجود راح للبصره؟ طلعت

اسمع صوت يم باب البيت توقعته هو فتحت الباب واحد وواكف ووبصفه كرسي لابس كله اسود ووبحزامه مسدس.

بلعت ريكي وهمست : منو حضرتك

لتفت عليه رجال غريب نخلست  جان يكول اني حمايه خلاني هنا استاذ قسور اخاف تحتاجين شيء بس دكي الباب..

الحسره ووصلت البلعومي طبكته حيل ووانتجيت علي راح اتخبل والله راح اتخبل مخليلي واحد يراقبني..

دموعي نزلت عشره عشره وواشهك بانفعال دخلت للبيت اصرخ وواشمر ب الغراض الله ينتقم منك حابسني هنااا..

ساجني ومخليني تحت رحمته فعلاا ماجذب من كال ماخذج الكبرج انفاسي تصاعدت ووصدري ضل يوجعني ووكعت للكاع رجلي عبالك نشلت ماكدر احركهه..

كمت ممسحت دموعي وطلعت اركض فتحت الباب جان يصير بوجهي كتله : ممكن توخر اريد اطلع

: ممنوع

زمخت :شنوو ممنوع انت هنا حتى تحميني مو تسجني

: اوامر الاستاذ هيج ماكدر اخليج تطلعين اي شيء تحتاجينه كولي واني اجيبه الج..

مثل ما توقعت هزيت راسي وورجعت الجوه....
حايره شسوي ووين اروح
..
مر يومين وهو على نفس الحطه حتى بليل يقفل البيت وياخذ المفتاح ويروح ب ٤ الفجر يرجع ب ٦ شوكت ينام شوكت يسبح شوكت ياكل مادري..

بدت روحي تنقبض ووكمت احس حيطان البيت راح تاكلني..

لا احد يدخل عليه ولا اني اروح الاحد.. موبايلي ماكو بقى هناك بس موبايل مؤمل وعند قسوور

وهذا الحارس المدري شسمه كل يوم وجاب علاكه مسواك وكله ينذب ب الثلاجه اطبخ الاكل وماكله

اخر شيء كمت ما اطبخ اتعشى واتغده بيض واجبان..

رجلي بدت تتحسن ووكمت امشي عليهه بكل راحه ووحتى فتحت الشاش الي لافينهه..

قرفت من ملابسي صار ب الاسبوع ما سابحه كلشي ماعندي لا ملابس وولا غسولات يادوب صابونه..

قررت اكتب ورقه للحارس وهو يجيبهن كتبت اله عطورات وومكياج ووغسولات وجهه وجسم وشامبو ووملابس..

انطيته الورقه ضل صافن كال منين اجيبهن..
رفعت طرف حاجبي :مشكلتك مو متخليني اطلع

: ههههه ولا يهمج راح استعين ب اختي

ماكو ثواني ضحك شويه ووبعدين كلب خلقته عليه ووقفل الباب وراح ماطول بسرعه اجه ويا كلشي كتله علي وزايد هم..
..
بنفس الثانيه دخلت سبحت احس نتعشت ورجعت حيويتي مدري هو يمكن كايل الاخته عروس لان مجهزتني جهاز كامل...

طبعا اني فلوس ماعندي ولا ربع بس هو يكول استاذ قسور مخلي يمي مبلغ ووموصي شريد يجيبلي..

كعدت اسفط ب المكياج وملابسي والحمد الله بذاك اليوم ماحسيت بملل مثل باقي الايام
...
مرن ١٠ ايام ضبط وهو ماكو تجيني المغربيه واني الوحدي ينعصر كلبي عصر ابجي ابجي وواسكت..

راحت ال ١٠ ايام ووصارن ٢٠ ضبط وراهه بيوم
هو اجه جنت ب الغرفه توني سابحه ودارش الشعري الي مبلل عطر..

ولابسه دشداشه ربع ردن قصيره سمعت صوت سياره دك كلبي بقوه اي من اسمع صوت قريب على باب البيت انتفض واكول واخيرا راح اشوف احد راح اطلع من وحدتي اجت امي جوز...

لحد ما يطلع محد وتخيب امالي بس اليوم صوت السياره كلش قريب عفت الي بيدي ووطلعت اباوع من الشباك شفته قسور نزل من سيارته ويحجي وي الحارس ولاحضته بالزي العسكري يعني من الدوام وجاي فورا البغداد..

فار دمي مفوله علي كلش وكلت بس يجي اريد اطلع ضيمي كله بي رحت للغرفه وخليت الباب مفتوح ومطلعه بس عيوني دخل نزع حذائه ووشمر المسدس على التخم ووالنطاق ويتلفت يمنى يسرى متوقع يشوفني..

وخرت من الباب ورجعت لميز المرايه انشف بشعري بس اديه كلهه ترجف..

جنت مطفيه الضوه وومضلمه الغرفه فتح الباب وودخل حتى ما شغل الكلوب بقى ضوه الصاله يدخل للغرفه..

ماباوعت علي بقى تركيزي على المرايه ووشعري
من شفته مابادر وواكف مثل الصنم يطلع بجكايره وويورثهه...

ذبيت المنشفه ولتفتت علي ووالدموع بعيوني..
: طلكني

عقد حواجبه : شنو؟

:اي طلكني اني مو سجينه ولا مذنبه حتى تحبسني هنا شهر اله شويه لوحدي اني ضاله اباوع ب الحيطان اجيت اتخبل من الوحده..

جر نفس من الجكاره ووبقى ساكت ويباوعلي نزلت دموعي درت وجهي ومسحتهن بقوه...

طفاهه بين اصابيعه وجان اكو سطل زباله يم ميز المرايه شمرهه بي وتقرب عليه..

: اني ما حابسج ولا ساجنج بس مخليج هنا لمصلحتج اذا رحتي يم امج ماراح ترتاحين

: والحاطه على الباب

: مثل ماكلت علمود حمايتج

غمضت عيوني بنفاذ صبر : مو جاهله انييي حتى تقشمرنييي بهل كلمتيين ادري كلش زيين مخلييني هنا وتزوجتني هم حتى ما طلع ولا التقي بمؤمل وتدري كلش زين هو مسجون يعني حتى اذا جانت الي نيه ف مستحيل عزلتني عن العالم الخارجي حتى خاف عبالك اسوي علاقات
بسس طكيييت كافييي تعبت ماتحمل كل هذا...

درت وانطيته ضهري وواشهك لزمني من زندي العاري جسمي جان بارد لان توني طالعه من الحمام وهو ايده نار جهنم..

جرني  بسرعه وقوه صرت قريبه علي يم صدره حط ايده جوه حنگي ورفع راسي..
: الامور الي مفسرتهه من كيفج ومصدكتهه شيليهه من عقلج.

عوفينه من هل موضوع

مسحت وجهي بهدوء مد ايده لجيب بنطرون ووطلع شريط حبوب...

كلت بسخريه : شنو هذا؟

: اشربي

: هو شنو؟

دنكت راسي علي واباوع يمنى يسرى لحد ما قريته وطلع مانع حمل،،،،،،
!!
..
جمانه

لتفتت علي صقعني من كال مفصوله..

همام :شنو يعني انت بس هالكلمه توكفج

ضليت صافنه مثل المطي واريد استوعب كلامه بس عقلي نشل معقوله فصلني..

همام : ردت اكلج باجر تعالي للشغل من وقت علمود نتفق على الدورات..

كال هيج وودار وجهه هذا صدك يحجي يقشمر عليه ويكلي مفصوله بس حتى اوكف وحاجي وبعدين يكول تعالي علمود دورات..

دورات شنو راح يخبلني عضيت شفايفي السفليه بملل ورحت نهو الاجتماع وكلمن رجع البيته.

وكفنه كدام السياره وطلبت منه ارجع لوحدي لان خلص الشغل.

همام : لا اصعدي نوصلج للبيت

:مايحتاج اني اصعد تكسي مشكور استاذ بس سؤال

هز راسه

: اني صدك نفصلت؟!

ابتسم ابتسامه جانبيه وفتح باب السياره صعد ثواني واختفت من كدامي بقيت واكفه بنص الشارع..

ولازمه الملفات بعصبيه اني ابد ما اتحمل هيج تعامل ليش ميكون صريح وبسيط وياي؟ ليش يتعبني

اجرت تكسي وبالطريق خابرني احمد كال اجيج كتله لا اني اخذت تكسي وراح اجي..

استفسر ليش ب البدايه كتله خلصنه الاجتماع من وقت ووطلعت فورا.. ماذكرت اله باقي التفاصيل

وصلت للبيت هلكانه تعبب سبحت وورحت اخذت
انس لعبت ويا شويه ونمنه سوه على الجربايه..

صار الموبايل كدامي كلت خل اجرب اتصل على روح مشتاقتلهه موت اتصلت بيهه ماكو خطهه مغلق كلت ليش ماروح لبيتهم واسأل..

ايي ليش لا اخلي احمد بعد شويه  يوديني بين ما  ارتاح

اخذتلي غفه ووكعدت سبحت ووبدلت وورحت كلت الاحمد اخذني الروح كال خلي ابوي اني عندي شغل..

الاول مره يرفضلي طلب بس هو فعلا عندي شغل
رحت كلت الباب جان كاعد ياكل كعك وجاي وي امي

كال ثواني بس تخلص الاخبار

كعدت على بايات الدرج انتضره ووبحضني انس
بدلت اله برموده كابوي ووقميص ابيض وبي قلم حبري وورفعتله شعره طلع يخبل..
..
واخيرا وبعد عناء طويل خلصت الاخبار ووخلينه ورحنه ووصلت لبيتهم بابا بقى منتضرني ب السياره واني صعدت دكيت الباب..

طلعت الي امهه شكلهه مبهذل ووعيونهه محاوطهه سواد : ااا السلام عليكم

: وعليكم السلام منو

: اني صديقه روح

رفعت حاجبهه : ها منو جمانه

هزيت راسي ببتسامه: اي اني جمانه اجيت اشوفهه موجوده؟

تنهدت : خاله روح تزوجت

توسعت عيوني : شنو يمتى

: قبل فتره وراحت وي زوجهه

: زين متعرفين عنوانهه؟

: لا بس تجي اخليهه تخابرج وتعالي شوفيهه

هزيت راسي ب احباط وكلت الهه شكرا حيل جنت متأمله اشوفهه تزوجت؟ منو ووشوكت! وشبسرعه

اشو لا عزمتني على حنه ولا على عرس..
..
رجعت لبابا وكال شو ماطولتي

: بابا متزوجه قبل فتره ورايحه

: ها وانت شعجب متدرين

: لا
..
ثاني يوم الصبح بدلت ملابسي ورحت خليت انس يم امي وطلعت للدوام وصلت للشركه تقريبا اني اول وحده طبقت كلامه من كالي تعالي من وكت

دكيت باب مكتبه أذنلي ادخل

جمانه : صباح الخير

: صباح النور جيبي فنجان كهوه وتعالي نحجي

هزيت راسي بأستغراب وورحت جبتله فنجان كهوه تقريب يم مكتبه خليتهه رفع راسه وكالي شكرا...

اشرلي بحاجبه اكعد على الكرسي..

كعدت

اخذ رشفه ووحجه بهدوء
: جمانه البارحه جنت فعلا ناوي افصلج؟ لان ببساطه هاي السياسه الي متتبعه وي الموضفين..
بس  لان انت مجتهده وتحبين شغلج ف راح تجي وحده تنطج دورات هنا بالشركه وراح تتعلمين كلشي.

بس راتبج ماراح يجيج اله لما تضبطين الشغل

بلعت ريكي ووهزيت راسي ب اي

همام : لا تتوقعين الخلافات الي بينه تأثر على عملنا الشغل شيء والمشاكل شيء ثاني...

صدمني من كال هيج هو نهائياً ماجاب ذاك الموضوع من بديت اشتغل ولهسه..

فتح جهازه وخابر حجى وي وحده اسمهه غزل يمكن وماعرف شنو كالت اله. بس كلي انتضري لتروحين..

بقيت مدنكه عيوني لحضني ووساكته
..
شويه وندك الباب ودخلت وحده لابسه تنوره..
نيلي ووقميص ماروني ووشعرهه لحد نهايه ضهره تطلع ٢٩ ٣٠

من شافهه كام ووكف خله ايده اليسره بجيبه وصافحهه ب اليمنى..

كمت وكفت اني هم سلمت عليهه..

همام : جمانه هاي ست غزل المشرفه على عملج راح تعلمج كم شغله اساسيه

ابتسمت وهزيت راسي ب اي كالت
: شلونج جمانه

: تمام

غزل: مبينه حبابه ومطيعه

همام: ومثابره

غزل : شنو رأيج نبدي

: اي عادي

: دليني على مكتبج

اخذتهه ورحت وهي طول الطريق تحجي اهم شيء عندَ السكرتيره الاتكيت والترتيب وضبط المواعيد..

كوني نبهه وذكيه واني اهز براسي واكلهه حاضر دخلت للمكتب ووهي كعدت بمكاني واني وَكفت فوك راسهه هواي تعلمت منهه واكو اخطأ جنت اسويهه بدون ما انتبهه بس هي نبهتني..

كلش استمتعت وياها حبابه ووتتفاهم كالت خل ناخذ استراحا وونطلت نتغده ووافقت اني رحنه اني وياها وبنين ويانه اجت للمطعم المقابيل..
بنين ضلت تسأل منو هاي واني اغمزلهه بمعنى بعدين اكلج..

تغدينه وهي عزمتنه على چاي كملنه كلشي ورجعنه
..
من انتهى الدوام وودعتني وانطتني ملف كالت اقري بي هواي شغلات تفيدج وتعلمج شكرتهه ورجعت للبيت لكيت اخواتي ضي وناي موجوده وديخابرن بأختي ايلول..

طفرت بنصهن واخذت الجهاز احجي وياها لمده ساعتين بدون ملل وبعد تعاركنه على الموبايل وواخذته ناي وواني دخلت لغرفتي..

كالعاده اخذت انس كعدت ويا شويه بس هالمره جنت شارده عنه بحضني هو وافكر بالي صار اليوم..

ليش هلكد اهتم؟
..
فاديه

َوكعت على ضهري وتطشر الكزاز بجسمي كمت من الالم بس اصررخ واصيح كلهه التمت رهيب جان طالع بوقتهه محد اجه وساعدني كلهه واكفه تباوع عبالك فيلم.

وهي لازمه بناتهه وخايفه واني تشعوطت تشعوط لحد ما شالتني زوجه رواد هي وام اسعد الي تتذمر وتحجي بكلبهه عليه..

رحنه المستشفى ووكبل دخلوني للطورائ كالو عمليه لازم لان اذا ماطلعنه الكزاز يتسمم جسمهه وهو ناعم ومنتشر بضهرهه..

بس ماقبلو يسولي اله يجي زوجي او ابوي يوقع على تعهد مدري شنو..

خابرو رهيب واني اموت واحيه كل ثانيه من الوجع..

وبس ابجي تعبت واني اصارع بهل حياه تعب واني اقاوم شنو سويت حتى اتحاسب هيج وادفع الثمن براحتي وسعادتي

وبقينه ب نص الساعه ننتضر رهيب يجي.. وقع وودخل للغرفه الي اني بيهه فتح الباب شافني اناشغ وواشهك..

كعد بصفي ووجر ايدي لزمهه
: شلون صار هيج..

سكتت وبس ابجي

تنهد وكال : انت راح تدخلين عمليه هسه اريدج تبريني الذمه ووتعرفين ان اني حيل نادم على الي صار حتى لو تعتبريني غلطان ف اني اسف ولو الاسف مايرجع شيء
...
جمانه

ثاني يوم كعدت كلي حماس وونشطه حيل..

كلش حابه الشغل وي غزل

لبست اكثر ملابس انيقه عندي وطلعت كبل بوجهي لمكتب همام حتى بدون ما ادك الباب فتحته. كبل وودخلت.

رفعت عيوني وونفجعت ب المنضر الكدامي كاعد على كرسي المعتاد وفاره صفح ووغزل واكفه مقابيله وومحاوطه ركبته بذراعهه.. يتبع
🖤🖤🖤🖤🖤
ايزابيل