رواية لم اخلق لرجل سواك الفصل الثامن والعشرون 28 - بقلم ايزابيل

#بقلم إيـزابيـل
#الجزء الثالث والعشرين
#لم اخلق لرجل سواك

بنات لا تتعبوني وتتعبون نفسكم كم مره كايله البارت ينزل ب الليل هيج وقت ليش تضلون تسألون وتضلون تحجون انو ماراح انزل وماراح انزل

عموما قراءه ممتعه
..
جمانه

دكيت الباب بخوف هو جان مفتوح بس اني دكيته
ماجاني رد دفعته بطرف اصبعي وودخلت..

جان مدنك على الطاوله من سمع صوت رفع راسه.
وزمخ بيه : سمحتلج تدخلين؟

جمانه : ااا عبالي مدتسمع

ضحك بسخريه ورجع ضهره للكرسي
: خوش تبرير لا سمعت مو اطرم اني

كلت بكلبي شبي هذا منهد شسويت هسه اني.

جمانه: اسفه هسه اطلع

همام : بابا انتِ منو وضفج؟ شمكمله! شنو تحصيلج ووشكد عندج خبره بهل مجال،

اجيت اكله صفر باليد احصان بس بقيت امتمت

همام : بعدين اشوف سالفتج كولي رايده شيء

جمانه : هذول الموضفين يردون يدخلون يحاجوك؟

عقد حواجبه : ياموضفين

: الي طردتهم

: يسمونهم مفصولين اي شبيهم

ماعرف :

: دخليهم

هزيت راسي ب ماشي وطلعت صحتهم واجيت دخلو كلهم ووضلو يتوسلون بي يرجعهم للشغل ويردون سبب فصلهم..

همام : اولا اني مافصلتكم بطراً نصكم عدل عدهم عدم نشاط فـ استوجب تبديلهم يعني الصوج مو مني منكم انتم ووالبقيه مخلصيلي
اعداديه وكل واحد ماخذ مركز بكد راسه..

احنه شغلنه اداري وحاسبات وواستيراد وتصدير
يعني اذا ردت اوضف ف اوضف جماعه الاداره والاقتصاد والحاسبات او اي شخص عنده شهاده ضمن عملنه...

طبعا ما اتمنى اكطع برزقكم بس هذا الي المفروض يصير..

طلعو مخذولين بس بقه رجال جبير الشيب تارس شعره تقرب على ميز المدير وودنك راسه يبجي : دخيلك استاذ والله عندي عائله بركبتي وبنات وحتى ولد معين الي ماعندي بشاربك اني وين اروح ادور شغل ساعدني وسويهه خدمه وفضل الله يرضى عليك

تنهد وباوعلي : شوفي اذا اكو مكان شاغر ضمن شهادته ووخلي..

هزيت راسي ب اي راد يطلع الرجال صاح علي
: دقيقه حجي

ندار علي : أمرني

: اني محتاج سايق اذا تناسبك الوضيفه ف تكدر تبدي من اليووم ولا تخاف راتبك ضعف الي جنت تاخذه هنا..

هز راسه بفرح : راضي هاهيه

ابتسم على فرحه الرجال الجبير اشرلي بأيده رحت وكفت مقابيله فاصل بينه الميز فقط
كال: جمانه دقققي ذني بسرعه بعد نص ساعه الاجتماع وحضري نفسج تجين وياي.

بلعت ريكي ووكتله اوكي مدلي ايده الي بيهه الملفات خلاهه كبال وجهي سحبت ايدي من ورا ضهري بتوتر واخذتهه منه انتبه على رجفه اصابيعي بس غلس..

خليت ورجعت المكتبي راح اطلع ويا عزا بعيني
شورطني كولي مسيطره على وجع راسي..

ضليت اشتغل شويه
دخلت بنين ماتحملت كلت احجيلهه وشيصير يصير جانت جايبه وياها كوبين كهوه الي ووالهه
كعدت على الميز مقابيلي وخلت رجل على. رجل..

: بنين اريد احجيلج شيء

: احجي

: المدير

: اييي

: اخته تصير زوجه ابن ابن عم بابا

: ابن ابن عم ابوج؟

هزيت راسي

: اييي وشنو؟

: صارت مشاكل بينه وخايفه

عافت الكوب وجرت جفوف اديه لزمتهن
  : من شنو خايفه شبيج يمعوده انت اصلا لا تعرفينه ولا يعرفج اصلا ولا اقارب يادوب من بعيد والمشاكل انت شكو بيهه شعليج غلسي واهتمي بشغلج

: هو طرد الموضفين الي ماعدهم شهادات بكلوريوس اخاف اني هم يطردني

بنين : بهل حاله اني هم انطرد

: ماعرف حيل متوتره

اجت وحده دخلت للمكتب من دون لا احم ولا دستور كمزت وبنين نزلت بسرعه ولزمن الملفات خاف توصله تكله مدتشغل

:المدير يكول خل تجيب الملفات وتجي

هزيت راسي ب اي بنين كالت اني حرجع الشغلي وانت لا تخافين ومثل ما كتلج غلسي
...
اخذت الملفات وحضنتهن يم صدري دكيت الباب كال تفضل طرحت زفير وودخلت بدون ما يرفع راسه كال : تعالي

رحت وكف مقابيله جان يرفع راسه ويأشرلي اجي بصفه ورا المكتب بلعت ريكي ورحت خليت الملفات كدامه فتحهن..

يكلب بيهن
: شغلج حلو بس مو مال وحده متمرسه؟

كلت بسرعه : اي اني ما تمرست

: شنو

احرك بأديه واحجي
: اقصد يعني ماشتغللت بغير هل شركه..

هز راسه : اليوم اكو مواعيد؟

: لا بس الاجتماع مال استاذ احمد الي راح نعقد وي عمل

: ايي اعرفه هذا بس اقصد غيره

: لا ماكو

رفع راسه عليه واني جنت واكفه قريب علي صايره يم كتفه : تكدرين تروحين

جنت احسب الثواني ثانيه ثانيه بس اريد الوقت يخلص واروح طلعت اركض..

المفروض بعد ربع ساعه احنه نطلع كملت باقي شغلي وورحت للحمامات عدلت ملابسي وومكياجي وطلعت جان المحه وواكف ب قسم غرف الموضفين ايدي بجيوبه ويتمشى وويباوع عليهم..

شافني اتقرب عليه كال
: روحي جيبي اوراق الاجتماع تلكيهن بمكتبي ووالحكيني للسياره

هزيت راسي وطرت لمكتبه نفضت الميز نفض مالكيتهن فتحت الجرارات وولكيتهن جان اكو محبس اسود قريب عليهن شلته..

شذرته سوده ووبيهه خطوط بيض ووبالنص مرسوم ذئب بلون رصاصي ذئب يعوي..

بلعت ريكي شكله يخوف ذبيته ووطلعت اركض رحت لكراج الشركه شفته كاعد ليوره وبيده موبايله مدنك علي والرجال الي توضف قبل كم ساعه كاعد..
...
كعدت ب الصدر

كال جبتي الاوراق كتله اي استاذ جبتهن ووصلنه للمطعم الي راح يصير بي الاجتماع صاير ب المنصور ازدحام وصوت السيارات يخنك..

جنت اني سابقا مخابره وحاجزه ف رئساً دخلونه للكراج مال المطعم.. نزلت واعدل بملابسي وانكت بيهه مشى هو واني بصفه..

والرجال بقى بالسياره امشي وومتررده وخايفه اخاف احد يشوفنه ولو هو هذا شغلي وممسويه شيء غلط..

بس احساس بداخلي ذابحني
..
دخلنه للصاله مال الاجتماعات vip

جانو كلهم جايين واحنه شويه متأخرين اترأس الطاوله واني بصفه

ضليت ابلع بريكي من شفتهم مجنت متخيله هيج ب ٢٠ واحد وكلهم من الطبقه الراقيه..
وكم بنيه ثنين مدري تلاثه..

كاعده بصفه وواديه جوه الكرسي افرك بيهه..

فتح دكمه سترته السوده وبين قميصه الابيض
انتبه عليه دنك ووهمس : بيج شيء؟

جمانه : ها لا لا

ابتسم بوجهي الاول مره من شفته يسويهه الصبح اسلوبه جان حاد وياي وهسه اتغير فاجئني..

بدينه نحجي ب الشغل والعقد الي راح يصير بين شركتهم وشركتنه..

بنص الحديث واني مدنكه اكلب ب الاوراق
: كومي

رفعت عيني علي : ووين

: اشرحي الهم مميزات شركتنه ووقوااعدنه ووضوابطنه وونسبه نجاحهه والتعاملات السابقه اكيد اطلعتي عليهن ب الاوراق؟،

طلعت مني لا ارادياً
: لا عفيه اخجل والله

ضحك ودار وجهه صفح

رجع باوعلب : ماجاي نلعب احنه هذا شغلج وومجبَوره تسويينه كومي يلا.

بللت شفايفي بتوتر يمه اني مره وحده طلعت برفعه العلم ومن المدرسات والطالبات سويتهه على روحي نوب كدام ذول اعاتب حضي اعاتبك..

ماجان عندي خيار ثاني كمت احجي الكلمه تطلع مني ورا عشر ثواني سكوت ووكل ساع ادنك على الاوراق المحهه وواكمل..

مبين ضاج مني لان عاقد حواجبه وويهز برجله بتوتر قاطعني وكام على حيله عرفت هاي اشاره حتى اكعد كعدت..

وهو كمل همه حيل عجبهم شغلنه وجان اكو وحده لابسه رسمي بس ضيك حيل ووشعرهه لون جكليتي قصير لحد اذانهه لاحقا عرفت هاي بنت مدير الشركه الي دنتعاقد وياها..

هي كامت تحجي وي همام بخصوص الشغل وبنود العقد
لحد ما خلصو وصار وقت الغده.

بثواني نترست الطاوله اني ماحطيت ولا لكمه بحلكي من الي صار معدتي وجعتني..

خلين وكمت ناويه اروح للحمامات ممر طويل وبي على اليمنى حمامات النساء وعلى اليسره رجال.
..

غسلت رغم ماكلت شيء بس زفرت اديه وعدلت شالي ووطلعت باوعت للساعه تأخر الوقت....

بعدني واكفه ب الممر نفتح الباب وطلع همام من حمامات الرجال الستره بأيده دنكت وردت اسوي انسحاب تكتيكي.

جان يصيحني  غلست ومشيت  بس كال كلام صدمني : انتِ مفصوله
..
روح

جرني للسياره وخلاني ب الصدر ووطبك الباب امي ركضت صعدت ليوره..

جنت متوقعه راح يوديني يكتلني ف كعدت ووسكتتت ماردت اعترض اذا هو شايفني غلطانه ف الله موجود..

بس صعد كتله
:بشنو راح تكتلني؟ مسدس لو سجينه،

ماجاوبني لازم الستيرن بحيل وقوه وويباوع للشارع بغيض هيج ثواني ووكف السياره بباب بيتنه..

نتر بغضب :انزلي

ويباوع بالمرايه الامي حجيت بضيق
:ماما تعالي ساعديني انزل وياريت لو تشيلني لان ماكدر امشي وخاف ادوس على رجلي بالغلط..

قسور : انت اذا تنزلين تنكسر رجلج الثانيه

باوعتله بخوف : شنو قصدك؟

امي كالت : وين ماخذهه قسور

عاط :لا تدخلييين انت مو بعد ما وكع الفاس بالراس صرتيلي شاطره انزليي يلااا..

جان تبجي بسرعه : ابوس رجلك لا تكتلهه عمه قسور والله اخذهه وبعد ماتشوف ركعه وجهه والله الباب بعد متطلعه بس لا تسويلهه شيء..

قسور  كال بعدم اهتماام : ميخالف انزلي يلا

كرهتهه لدرجه مداتقبل وجوده بيه قهر راح يفجر كلبي وودمعتي بطرف عيني معقوله هيج يروح دمي هدر وبدون ذنب يخلص شبابي على ايد واحد همجي..

نزلت امي بس غصب عنهه جبرهه تعوفني وتروح ووتبجي ووتباوعلي من ورا الجامه واني دايره وجهي عليهه.

في حين ما نزلت طار بالسياره شهكت وكتله
:والانبياء والمرسلين كلهم مالي علاقه بجيته وولا عرفت بالي حيصير ولا اني دزيت علي بشنو تريد احلفلك وروح بابا وترابه قسور اسمعني حباب..

صوتي مبحوح وكوه يطلع وهو كلمه وحده ماحجه وريحني ضل ساكته لحد ما فقدت اعصابي علي كمت اضرب بالسياره وادفر بيهه واصرخ :افضحكك هسه اذا متنزلني اي سيطره نمر بيهه اتهمك خاطفني وتعرف مسويتهه قبل وما تصعب عنددددي..

اذبحح روحي حتى تصدك انزل ابوس رجليييك..
شتريد اسوي حتى تصدكك..

كال ببرود مخلوط بصوت حاد :
ماكو داعي تكليلي دريت بكلشي صار..

فورا ابتسامه نرسمت على محياي
: يعني عرفت اني مالي ذنب؟

: منو كال انتِ مالج ذنب! مؤمل كال هي الي دخلتني

: يعني لزمته واعترف مو!

باوع للشارع وهو يركز بالطريق والسيارات من الجامه الصفح : اي وويومين ويدخل السجن بتهمه سطو

: سطو بس اتوقع لازم يكون مرتكب جريمه او جنايه يله ينحكم..

: اشششش متعرفين شيء لتحجين

برغم كلشي صار بس اكو فرحه بداخلي اهم شيء عرف اني مو مذنبه ومالي علاقه بالي صار...

تنهدت : بالنهايه انت عرفت الحقيقه وكلشي رجع مثل مجان بس مكانتك الوحيده الي تغيرت بحياتي...

: ماكو شيء رجع لمكانه تبقين ادبسزز بنظري لحد ما الله ياخذ امانته هو دخل ووماسوالج شيء وواذاج بالضرب بس تبقبن انت الي مدخلته.

كمزت ودمي محروك : انت صدك تحجييي شهل تفكيييررر هذااا داكلككك مادري بي هو  اشم ايدي
قابل جنت عبالي اميي لوانتَ اصلا ماخطر على بالي ارجع التقي بي مره ثانيه..

تنهدت ووكتفت اديه
: يعني هسه انتِ شريفه عفيفه ووتتعلم منج البنات البراءه والنضافه.

ليوين تريد توصل :

تنهد ووطلع من جيبه موبايل شمره بحضني
: هذا موبايل مؤمل اثناء التعذيب وكع منه..

لغيت الرمز وفتحته ووريتني مافاتحه..

عقدت حواجبي وشغلته فورا صار الاستيديو بوجهي متروس ترس صوري والفيدوهات الجنت ادزههه اله بفساتين قصيره..

والملابس المغريه الي يشتريهن الي واصورله بيهه قشعر بدني والعبره خنكتني حتى ماكدرت احجي..

ضحك بسخريه وحجه
: المفروض هسه اني معلكج بحبل ووكل مكان رخصتي وشوفتي لليسوه والمايسوه احركه لحد ما يشفى غليلي بس ماسويت ولا راح اسوي لان معتبرج حالج حال بنات الملاهي س*** و** هي اصلا شغلههه جسمههه ف مو غريب عليهه هيج تصرفات..

نزلت دموعي عشره عشره

يحجي بأريحيه وعبالك ما هامه شي
: دائما جان صديقي يكلي اذا ردت تتزوج متعه اخذ وحده من الملاهي والنوادي خبره وتصيرلك خدامه بس تجيب الهه الي تريده ووتكثر فلوسهه

ماجنت ناوي ولا مفكر ب الموضوع بس انت صرتي كبالي ماعوفج..

جنت ساكته على كلامه وبس ابجي لحد ما وصل لهل نقطه نصقعت ونفجرت بوجههه
: صارليي ساعه ساكتلك واكول خلي يحجي عليه اذا هالشيء يعجبه مالي خلك اعاركك بس تجاوزت حدودك هواي شنو قصددك هاااا؟ صح سويت كل هذا اني بس جنت مراهقه وطايشه مالك حق تحاسبني على ماضي..

: انلصمييي لا اطشر سنونج بحلكج

: وووين ماخذني ووين

: تتصَورين اعوفج على حل شعرج

حرك كلبي حرك كمت اضرب بنفسي وعلى رجليه واناشغ: شقصددك شقصددك فدوه لا تضلمنييي كافي لعشتهه لا تسود حياتي..

وكفنه يم بيت صغير بحي شبهه قديم خفت حيل هو نزل ووقفل السياره عليه ودخل للبيت
بقيت مخليه ايدي جوه خدي ووصافنه واناشغ واكتافي تنرفع بهدوء...

شويه ورجف فتح باب السياره  ولزمني من ايدي ميلت راسي بتوسل ووجلبت بأيده
: عليك الله انسه كلشي ووعوفني ارجع لبيتنه حتى مو شرط تسامحني واكرهني ب..

قاطعني بزمخ ناصي : اني ماراح اذبحج انزلي

نزلت اعرج َوامشي على تك رجل وذابه حيلي علي قبل لا نوصل خلاني على الحايط وصار كدامي همس : احنه راح ندخل جوه وواعقد عليج حرف واحد رفض ما اسمع وومتتصَورين شسوي اذا سويتي غير الي كتلج علي..

روح : بس اني ماريد اتزوجك ماتجبرني ولا كوه هي

قسور: اي حقج ميصير ترتبطين بشخص واحد ينكطع الرزق

دفعته من صدره بقوه ووصرخت : احتررررم نفسسسسك كافي هنتني كلش هواي..

تنهد بنفاذ صبر جان يسايرني والي براسه اكبر من هيج : روح اني ماراح اسويلج اي شيء مجرد نعقد حتى تصيرين تحت حمايتي ووبذمتي لان مؤمل اول وتالي راح يطلع من السجن ومليار ب الميه يرجع يأذيج لان خليته يتمنى الموت ومايلكا كله علمودج..

مسحت دموعي ووعيوني : بس انت متحبني ووتكرهني اكيد زواجك بيه حتى تأذيني

: لو اريد أذيج من هسه اكتلج ببدال ما احملج اسمي ووسمعتي واخليج زوجتي وشريكتي وخاصا من بعد الي صار منطقتكم كامت تعلج بشرفج وسمعتج

: ماريد قسور لا تضغط عليه

خزرني بقوه وهمس بفحيح غاضب
:ماميت عليج بس كتلج علمودج

جرني بقوه من ايدي جان خلعهه دخلنه للبيت تلكانه شيخ جبير ب العمر ويا ثنين ولد كعدني على القنفه كلهم مستغربين شكلي ووقسور كعد كدامي جابولي شال وحطو على راسي..

خايفه واباوعله مقسي ملامحه ويباوعلي بصرامه
كالي الشيخ خوما مغصوبه جان يخزرني فورا...
وبالحضه ندم هزيت راسي ب لا..

بده يعقد ووقسورا كال نعم بسرعه البرق..

واني اريد الكلمه تطلع مني ماكو كلامه بعده براسي ساعه يكول علمودج واحميج وساعه يكلي بنت ملاهي ووساقطه..

صفنت ووفززني صوت الشيخ جان اهمس لا ارادياً : نعم

ماعرف اذا هذا تسهيل من رب العالمين رادهه تصير وصارت لو حضي الاغبر خلاني اكول نعم..

جان مستعجل ووكاعد على نار حتى يباركوله وهو يجاوب على الماشي لزم اصابيعي غمضت عيوني ووكلبي يدك بقوه جرني ورا ووساعدني اصعد السياره..
..

روح:رجعني لبيت امي

ضحك بسخريه :شتسوين؟ غير تكعدين يم زوجج.

خوفني بطريقه كلامه اجيت ابجي همست بضعف : وين ماخذني

: لكبرج
..
فاديه

الباب تفلش واني احس دخلت بدوامه فضيعه
بس ابجي واشهك ورهيب يهدي بيه ويحاول يسكتني..

لحد ما وكعت على ايده وبعد ماحسيت بشيء
صحيت واني بالمستشفى ومادري شصاير وشكو وشبيه

اسمع الدكتور فوك راسي ويحجي وياهم ويكلهم ضغطهه مرتفع جان موتهه ديربالكم عليهه وولتضغطون عليهه

كوه صبرت نفسي من فتحت عيوني شفت بس رهيب ووامه كاعدين وامه تخزر بيه وماراضيه.

اجه سألني شلون صرتي ماجاوبته لان بس انطق حرف ابجي ودموعي تفضحني فضلت السكوت..

سجلنه خروج وطلعنه صعدت ليوره ب السياره
راسي على الجامه ووافكر لو ما ملتقيه ب اسعد لو ما حابته لو ما مطاوعته جان صار الي صار لا؟

هواي مرات اشوف رهيب وي اسعد بس ولا مره فكرت بي او اجت عيني علي معقوله هيج القدر؟
يخوف لهل درجه..

عبالك اني انخلقت حتى اكون زوجه اله مو لغيره
حضنت بطني وعضيت شفايفي السفليه بألم
اجاني مغص
..
وصلنه للبيت بوجهي للغرفه حطيت راسي علي المخده ووحاولت انام ماكدرت رهيب بعد ما دخل..

كمت اخذت منوم يلا كدرت اغفه كعدت الصبح
لكيتهم متريكين ومكملين سويتلي لفه
ب المطبخ واكلتهه...

ووشربت شويه جاي ووبديت اشتغل حسب اوامرهن نضفت المطبخ ووالهول ووطلعت على الاستقبال كملت ورجعت للهول جان اشوف مرت ياسين ابن عم رهيب كاعده تكرز حب هي وجهالهه وتذب..

عطت بعصبيه : هاي شكووو مو هسه نضفت متعرفين تجيبلج ماعون وتذبين بي زبالتج

:هاي تحاجيني انت
: اي انت

فتحت عيونهه على وسعهه
: ولجج عار بربو****اني تحاجيني هيج على الاقل زبلت بس ماوصلت لزبالتج ووقذارتج انت الي ما ضل واحد مالعب عليج وتالي لو ما رهيب جان ضليتي من حضن لحضن.. اسم الله عليج جربتي ولد العم كلهم..

صدمتني هسه اني شحاجيتهه وكالت كل هل قوانه ماكدرت اتحمل عطت بيهه جان تهجم عليه وتملخني من شعري ووتجر بملابسيي..
واني اعيط ووهي تضرب وجهالهه تسودنو َ..

لحد ما جان اكو نفاضه مال جكاير هم يمكن زوجهه مدخن وماشايلتهه دفعتني ووتزحلكت ووكعت عليهه وونكسرت بيه وكزازهه تطشر بضهري.. يتبع
🖤🖤🖤🖤🖤
ايزابيل