رواية لم اخلق لرجل سواك الفصل السادس وأربعون 46 - بقلم ايزابيل

#بقلم إيـزابيـل
البارت السادس والثلاثين
#لم اخلق لرجل سواك
..
بنات اسم ميمون حيبقه لان تتخربطون اذا غيرته واذا محبيتو بعدين بشخصيته تحبو متابعه ممتعه

قبل كولشي تابعو هاي لقصه

حساب الكاتبه TepaPeha

انا ماارجع لواحد نسى كلمة شلونك بس هي فتره وتعدي وداعت عيونك كلبي مرتاح من البجي بس هذا كله حجي لمن اتذكرك دمعي مايوكع على الارض يوكع على متونك انا ماارجع لواحد نسى كلمة شلونك

هذا الشعر الجميل من متابعه للقصه😘😍😍
حبيبي تسلم ايدج الحلوه يامبدعه واستمري
وواتحفينه اكثر😘
..
فاديه

دخلت للبيت لاكني اخوي رفع تك حاجب
: ها خويه

عبالك جايته مصيبه مو اخته بسرعه اتضايق

: خويه الناس تسلم تتسالم ووبعدين تسأل

ضحك ويحاول يخفي ملامح الموقف المخجل الي وكعته بي
: ههه هههه شلونج

تنهدت :الحمدلله بس اجيت اشوفكم وواروح

: اها خوش يلا يلا تفضلي

هزيت راسي هو هذا الي تكلي رهف تطلكي وتعاي اكعدي يمه بقيت اتنهد وواجر حسرات دخلت للجوه لكيت رهف منزله البرادت وكاعده بالكاع تطلعهن من الحلقات..

فاديه : السلام عليكم

ردت من ورا خشمهه بدون مترفع راسهه وتباوعلي حتى
:هلا

كعدت كدامهه : رهف ووالقرآن موبيدي يعني اني جنت امثل الحب علي ومن يجي يريدني ابعده حتى مراح يصدك وويثق وبعدين هي اول وواخر مره قابل هيج بسرعه راح احمل..

نترت : مو سالفه حمل ماريدج تحبينه وتتعلقين بي، اكيد راح تصيرلج مشاعر تجاهه وهذا مو من صالحنه..

تنهدت : رهف شلون تريدني احبه وواني كل ما اباوعله اتذكر الي صار

خزرتني ووخلت ووكامت كالت داخله انام كملي بمكاني..

ذبيت حذائي ووشالي وربعت وجريت البردات والسچه اطلع الحلقات بهدوء وصافنه واتذكر الي صار البارحه ووشلون اني دالعب علي  َ..

البرده جان لونهه فاتح وويبين كلشي صافنه بيهه وشفت نقطه مي ماعرف دمع ووكعت عليهه دائريه وشويه شويه بدت تتوسع عقدت حواجبي وولزمت خدي غركان بالدموع..
..
نزلت راسي بحضني وودفنته بقماش البرده ووواشهك ووصدري بداخله صوت يصرخ ووعبالك يريد يتحرر مني ومن هم وويخلص..

مادري شكد ضليت ابجي بس بعد ماحسيت عيوني تحركن ووتوجعني كمت للحمام بصفي جان دخلت كذلتي متهوسه وومخربطه ووعيوني دمم وووذبلانه ووحتى رمش واكع وي الدموع خاتل بخدي..

غسلت وطلعت كملت البردات ووذبيتهن ب الغساله وصعدت لرهف شفتهه رايحه بسابع نومه كعدت على طرف جربايتهه.

وندهتهه : رهف رهف

: مممم

: اكعدي داحاجيج

رفعت راسهه برعب وومقلصه عيونهه : شكووو!

: شسمه يعني بعد ما اطلك شلون

تأفأفت وومسحت راسهه : شبيج، حبي شنو الشلون،؟ صارلج ايام تحومين على السالفه ولا ماكدر وخطيه وهو ماله ذنب وغصب عني نام ووياي ووين اروح ووشسوي اذا تردين تبقين يمه ممجبوره تنفذين كلمي وولي شعليه بيج..

فرركت اديه بضعف : لا بس قصدي اخواني هنا يتضايقون من وجودي

: غير اخوانج وواهلج كاعده ببيت ابوج شنو يتضايقون

: بس سلمان اصلا ميخليني اجي ويضوج اذا وصلت لهنا

:معليج منه عوفي عليه بس خليني انطمر مو والله عقلي نشك نصين

: مو على اساس نحجي

تكتفت بملل : شنحجي عندج شيء

عرفتهه متريدني اضل يمهه ويمكن حتى جاي تتحجج بالنوم حتى متشوفني خليت ووطلعت كلت الهه لا نامي اخذي راحتج
..
ضليت افتر ب البيت اخواني كلهم طالعين خابرت همام كال ابقي لباجر اني جاي من بغداد اريد اشوفج...

كتله ماشي اخابر رهيب وواشوف خابرته..

فاديه :هلاو

رهيب : هلاوين عيني

: وين انتِ

:، ليش

: ااا لا هيج بس حبيت اسأل

اتنهد بفرح : ضلي اهتمي بيه،

كلت بفهوه : ها

: هههه احب اهتمامج المفاجئ

ابتسمت بخجل جان يكول
: فديت، الابتسامه، والسنون الحلوات

ضحكت : شمدريك، دابتسم

: ادري كلش زين

: مكتلي انت وين لو دتتهرب

: لا ووداعتج ب الصيدليه

: شتسوي!؟

: لج داشتغل قابل شسوي

: بس بعدك ممتخرج؟

:ههههه اي عادي تدريب هذا وومن اتخرج يثبتوني بالشغل

: اها فهمت

: اييي شنو الي يسمعج مايكول خريجه كليه

: ههههه لا مافهم بالاقسام الطبيه

: تمام روحي محتاجه شيء

صقعني من كال روحي بقيت فاكه عيوني وعاجزه ارد علي اتمتم : شسمه ردت ابات يم اهلي لان اخوي باجر يجي واريد اشوفه

: براحتج بس باجر بليل اجيج

: اوكي
..
سديت الخط منه وردت بس اهرب بتفكيري صوت جهال اخوتي موتني مجاي اكدر اركز رحت فتتت للحمام وقفلت الباب ووكعدت خلفه ووضميت الموبايل لصدري...

وبقيت اتذكر كل حجايه وكل تنهيده طلعت منه..

شردت من نفسي وومداعرف اطلع من هل دوامه تمنيت ابقى هيج لنهايه عمري ابقى افكر واسترجع..

مو بيدي وولا بارادتي بس لان الموضوع ديفرحني ويريحني

واحنه كانسان بطبيعه الحال ندور الي يريحنه فكرياً وجسدياً
...
دكو الباب عليه زفرت بغضب ووكمت على حيلي طلعت مرت اخوي ضميت الموبايل خلفي ووعقدت حواجبي
بضيق: يعني غير اني بالحمام شكو هيج فلشتي

: اريد اسبح الولد ابو يريد يطلعه خابرني هسه كال حضرو نفسكم شلون نضل منتضرين حضرتج

هزيت ايدي باوعت على التلفون بنص عين وودخلت
ََ..
اسمعهه كطعت ابنهه ميريد يسبح وهي موتته كعدت رهف ووكيفت من شافتني باقيه كالت راح تخلصين منه اليوم
..
بقت طول الليل تحجي براسي ووهيج سوي ووهيج سوي ولا تضيعين الفرصه ثاني يوم اجه همام ووجان جايبلي ويا من بغداد فساتين واحد مال حفلات والثاني مال محجبات ووتراكات وحلويات من بغداد..

: صدك تحجي ليش مكلف روحك

ابتسم ووجر راسي باسني : شمكلف مايغلي عليج شيء

فرحني لدرجه ردت اطير رهف نكلب ووجهه وتنتر بي تكله شنو احنه مو اخواتك چا بس فاديه.

حط اديه بجيوبه ووكالهه ببرود ووثقه
: صيرو مثل فاديه ووادللو
..
اجاني رهيب وطلعت شاف العلاليك بيدي انصدم
:هاي شكو

: همام جابهن الي هديه من بغداد

: اها الله يخلي الج

باوعتله ببتسامه وود رجعنه للبيت هو كال طالع للصيدليه واتاخر اذا تردين انت نامي وصدك مانتضرته نمت حسيت علي من دخل ببدل وواحه حشك نفسه بيه وودفن راسه بشعري وواسمع من يذب نفس طويل بعد ما يسحب عطر شعري ووايده تتمشى بهدوء على جسمي..

قشعر بدني من لمساته عصرت عيوني ووصدري يصعد وينزل جسمي دافي ووادي بارده وواصابيعه ترسم خطوط عشوائيه على منحنيات جسمي
..
روح

ملخ داخلي من ضربني كداهم ماوجعني خدي شكد ما وجعني كلبي بقيت صافنه علي ووهو عيونه مجمره وويباوع بداخل عيوني المليانه دموع.

زفر بتنهيده : اعتذري

بلعت ريكي ووهمست بصلابه : ما غلطانه حتى اعتذر

فرك وجهه بتعب وولزمني من معصم ايدي سحبني بقوه ليمه شهكت وورفعت راسي علي همس قريب على اذني
: اعتذري لا اطلع روحج بيدي..

برطمت شلون يحاجيني هيج وعلمود منو علمود ابو النذل
حجيت بصوت مهزوز : اااسفه

جريت ايدي بغضب ووباوعتله بنظره عتب نظره حجت كلشي عجزت اكوله دخلت للغرفه ووانتجيت على الميز
التقط انفاسي وودموعي تنزل.

شفتهه الشماته بعيونهم الحقراء الكلاب اسمعه يحجي وي ابو وويبوس بأيده وويكلهه امسحهه بوجهي زعطوطه وومتعرف تحجي..
..
دخل وولاف ايده من وره سد الباب اني جنت على ميز المرايه امسح بوجهي بكلنس مرطب..

وواحاول اوخر اثر اصابيعه تقرب عليه وولزمني من زندي ووسحبني نترت نفسي بعصبيه ووصرخت
: بله عوفني رجاءً ووابتعد تريد تكمل راشدياتك هنا على راحتك..

اردف بتعب : اااخ وولج والله مرمرتي كلبي شوكت راح تريحن نفسج ووتريحيني من هل مشاكل يمتى اشوف عقلجج جبير ووتفكيرج اكبر..

تجاهلته وواستمريت امسح بخدي ببغضب توكع الدمعه منا امسحهه منا ووكف خلفي وحضني ووقيدني بقوه بقيت ارفس بي وواضرب ببطنه بعكس ايدي وواعيط ووابجي
: ابتعد عني ابتعددد شنو متفهم ماريد اي شيء منك..

ماعافني لحد ما هدأت لاف ايده على بطني بقوه ووضهري بصدره حط راسه يم كتفي وهمس يم اذني..

قسور : فوك ما انت غلطانه بحقي ووبحق ابوي كاعد امثل دور الغلطان واريد نتفاهم اسمعيني شويه..

شهكت : مغلطانه بحق اي احد

قسور :ها چا ووالجذاب الي تصيحين على ابوي بيهه..

روح : من حركه كلبي انت ماشفت شلون يريد ياكلني،! ووعيونه تخوزر بيه..

: من دون سبب!

: ممسويه شيء استحق هالمعامله علي؟ شبيك انت يعني الي صار ببيدي واني كتله حتحجب بس هو يكرهني ومتقصد يسوي مشكله..

قسور : اريدج تحترمين اهلي حتى يحبوج ويقدروج ميهموني البقيه عسى ما تصير مكافش بينكم بس اهلي خط احمر اذا كرهوج تعرفين شيصير..

باوعت علي بالامرايه : شيصير

صفن بيه ووسكت خنزرت: شيصير

ابتسم ووتقرب باسني بعضمه اذني
:مايصير شيء

دفعته وونترت :ماحاجيك وخر عني مناسيه الضربه

عفته وورحت نمت بالفراش ووغطيت جسمي من الطول للطول بقه يتنهد ويذب حسرات احسه راح ينفجر عليه
لان لحد هسه هو يساير بيه..

يخاف تصير عداوه بيني وبين امه لو ابوه وويوكع بين نارين
اني اريد يصير هالشيء علمود يبتعد عنهم ونطلع ببيت وحد باسرع وقت بعد لا نشوفهم ولا يشوفونه كطيعه..
..
اخذ ملابسه وودخل للحمام سبح وووطلع تمدد بصفي تحركت من مكاني عدلت نومتي شويه.

تنهيداته زرفت اذني بس مهتميت كل ما اتذكر مااتذكر شلون ضربني اموت الف موته...

تذكرت هو اصلا ما متغدي علي اساس يجي وناكل سوه..
وخرت الغطه عن وجهي وكلت من ورا خشمي
: جوعان

مجاوبني كمت على حيلي وولتفت
: داحاجيك جوعان..

باوعن عليه بعد ماجان صافن بالحايط وهمس
: شبعتيني مشكوره

ووسحب باكيت جكايره ووكام طلع نفخت نوب هو ابو الراهي اوي شعليه يجوع يطلع ياكل برا شكو حاركه دمي..
..
يوم كامل اني ما احجي ويا ولا هو يحجي وياي ووماشفته حتى بليل نام بالصاله الصبح تقريبا فزيت لمن شفته دخل للغرفه بدل ملابسه وطلع حتى بدون ما يباوعلي

ندك الباب بصوت ناصي معقوله رجع بس ليش يدك الباب
صحت بملل فوت..

بعدني مربعه على الجربايه ووبحضني الغطى متجمع دخلت عمتي هدى حطت ايدهه على خصرهه وميلت راسهه ووبعتب: ها ام المشاكل

روح : شكو عمه انت همين انت همين

هدى : اي طبعا جايه اريد اكسر راسج قسور ما فوخ كلبي بالراشدي..

رفعت طرف حاجبي : شنو تايهه الكم وتكفخون بيه..

تقرب كعدت بصفي على الجربايه ووكرصتني بقوه من زندي : لج انت شنو ماتتوبين ذاك اليوم هم تعاركتو من ورا قمر لمن يكلج على شيء كدام اهلهه سوي بدون ما تراددين لان هو وياج مو عليج وويدور مصلحتج ووكاعد يدافع الج بحيل صدر رغم تعبان وجاي من الشغل الامه محتركه براسه بس من شكيتيله يا ام السانين ما غلس وعاف الموضوع ووسكت الابو..

بس وين انت تردين قسور القديم الحابسج بقفص ومسويج جاريه..

فركت ايدي بوجع : ضربني كدامهم

هدى : شتردين عيني يصفك الج ووانت تسبين باابو طلعي الافكار هاي من راسج بابا انت زوجج رجل شرقيي ..

شنو تردين يكلج يلا حبيبتي ولا يهمج هسه طالع اطرد ابوي من البيت هو ووغراضه ووزوجته ووابنه اهم شيء البرنسيسه مالتي متتضايق..

دمعت عيني : ليش هيج تكولين؟ حتى انت صرتي وياهم ضدي هو هاي اليتيمه تضل مكفخه بيد اليسوه والمايسوه اني لوو ابوي عايش هم خله اخو يمد ايده عليه..

اوف يابابا اوف والله شكت كلبي نصين،،،،

هدى : احمد الله يرحمه لو عايش جان مدافع الج بكد ما دافع الج قسور جاي تشوفينه صار الج الحبيب والزوج والاب والاخ ليش متحترمين نفسج وتصيرين ادميه..

لج انت منو الج شو بس هو تخسرينه ليش؟ وين تولين! ها

مسحت وجهي بغرور : الحمدلله ماناقصه شيء اكدر من باجر اطلع اشتري بيت وواكعد لوحدي وواشتغل بشغلي همين..

: ومنو يرحمج وانت وحيده

: هسه شتردين عمه شسوي

شافتني اريد ابجي جرت راسه وحطته على فخذهه ووضلت تمسح على شعري وتحجي : كلشي بالتفاهم كلشي بالتفاهم يا امي ياضوه عيوني انتِ ببدال ما تتزعلين براسه اكعدي وواحجي ويا كليله ماريدك تعاملني بالهطريقه وخاصا كددام اهلك لان بعد ما يصيرلي قدر ووقيمه..

واني متأكده ضربج من حركه كلبه غلطتي على ابو كدامه شتتوقعين يصفك الج..

اكسبي ووچ والله ماعندج غيره ولا تلكين مثله،،،

يحبج وويخاف عليج ويشمج مثل الهوى..

بطلي غرور وانفه ووصلافه ووانت راح تعيشين احلى عيشه..

صفنت بكلامهه ضليت ساكته دنكت باست راسي ووهمست
: يلا غسلي وتعاي نتريك سوه

عفست ووجهي بضوجه : ما اشتهي

:لا دكومي حبوبه صيري اجتماعيه لتنعزلين اتعرفي عليهم اتقربي منهم تألفي وياهم..

دنكت عيني على اضافيري :ميقبل

: منو

: قسور مانعني اختلط بيهم يكول ادري بيج متنجرعين مابيه حيل مشاكل..

كالت بتسأل : وتنقهرين من كلامه!

بخيبه : طبعاً شايفني چلبه امشي واعضض بالناس

: لا حشاج بس انت مفتهمه غلط هو يخاف منهم عليج
..

روح : ماشي اسبقيني بس اغسل

هدى: يلا براحتج

خلت وطلعت كمت غسلت ولميت شعري بقراصه ووطلعت
اتلفتت مره عمو حسين كاعده وبنت عمو دريد هم كاعده
دتقره،، ابتسمت ووهمست
: صباح الخير

رفعت عينهه بنت عمو عليه وردتلي الابتسامه ووصبحت
اله ام قمر مره عمو حسين عبالك مشايفتني كبالههه....

عفتهه اصلا ماباوعت عليهه تولي دخلت للمطبخ لكيت عمتي هدى محضره اشكال انواع ابتسمت
: عمه ليش تعبتي نفسج

: موعلمودج لتكيفين اني جوعانه

صفكت اديه بقوه وضحكت : هههههه علينه علينه هدهد

ابتسمت: دكعدي اكعدي يلا
..

كعدي ووهي مقابيلي سألت وين قسور كلت الهه ماعرف هو طلع من الصبح ولهسه ماكو..

هدى :عفيه كلب ووماقلقتي علي

اخذت الزيتونه وحجيت واني اخليهه بحكلي
: شنو طفل

قلصت عيونهه بضيق اجت قمر

: ها جاي تتريكون

هدى : اي تعاي ويانه

قمر : اي والله مامتريكه بعدني ومابيه حيل اسوي

كلبت عيوني بملل وحطيت رجل على رجل وواكل زيتون
وواشرب جاي كعدي مقابيلي وولزمت القوري صبتلهه كلاص
وبدت تشرب.

والله موتشرب تشفط شفط ووطلع صوت كلت بانزعاج
: ايع هاي شبيج دشربي عدل شهل صوت احترمي المقابل..

خزرتني عمتي

قمر : حرام تكولين ايع

باوعتلهه بنظرات مستهزءه
: الايع عليج مو على الاكل

قمر : اشرب بكيفي شنو تتحكين بيه انت

وكفت على حيلي ونكتت اديه بهدوء
: ماعندج ذوق عام ماعتب عليج عمه اني راح اخابر قسور وانتضره يجي ونتغده سوه ماشتهي..

قمر شعوطت عيونهه صارت بكصتهه حتى الجاي بطلت تشربه خليت وطلعت توني داخابره جان المحه من الشباك الي يطل على البستان وواكف ومتخصر ووايده الثانيه يمسح بيهه على كصته ووبصفه وواحد يأشرله على البستان ووالكاع وهيج َ.
..
تفاجئت وبنفس الوقت كلبي طار جايب المهندس اكيددد
عضيت شفايفي السفليه ببتسامه...

ضل تقريبا ب النص ساعه يخططون ويصممون وهيج،،
لحد ما اتصافحو ووراح الولد بقى قسور وواكف وادي بجيبه يباوع على المكان كلت اطلع بما انو مداشوف اثر للفلاح..
..
خليت وورحت اركض وصلت اليمه جنت رافعه شعري ووصاير ذيل صغير تكول ذيل فاره حتى استحي اكول ذيل حصان..

كتفت اديه ووامشي بهدوء جان وواكف بكل شموخ وويمثل عليه الكبرياء حتى مباوعلي بنظره وواديه بجيوب بنطرونه الگتان..

رفعت عيني وواباوع الطوله الشمس عاكسه علي مبينه حديه ملامحه ووطبكه حاجبه..

همست : البارحه ضليت بلا اكل وومكعدتني الصبح اسويلك ريوك ليش!

فك ملامحه ووتحوولت بثانيه الي هادئه لتفت عليه ووبلع ريكه بينت تفاحه ادم : على اساس مثلا ماجنتي كاعده؟

: اي بس ماكتلي

اجا تلفون عافني والتفت طلع يخابر استغفرت وودخلت.
بقيت انتضره مماكو لليل ووما اجه قبل لا ادخل انام شفته هم بلبستان بيده خريطه وويباوع على المكان طلعت

وصلت ليمه
زميت شفايفي وباوعت بمكر
: ترا المفروض اني اضوج وازعل براسك

زفر ومجاوبني ابتسمت عرفت هاي الطريقه مراح تجيب فايده وويا تمشيت بميلان ووكفت مقابيله لا ارادياً صار نظره عليه تقربت عليه وولزمت دكمه من قميصه
ودنكت العب بيهه : اذا تشوفني غلطانه بحق ابوك فأني اسفه ووصح هو عمو ووجبير وواله تقدير وواحترام المفروض ما انفعل هيج..

لزمني من زندي بعصبيه فلتت ايدي منه لا ارادياً ونزيت بصدمه قربني علي لدرجه اله شويه كصتي تنطخ بكصته
: من شوكت هذا الحجي لج انت شكد شيطانه وماكره.. تمشين الناس بمزاجج شنو

ضحكت : وادري بيك هاي اكثر صفه تحبهه بيه،،.

رفع طرف حاجبه : لا والله

ضوجني دفعته من صدره بهدوء :ترا مللتني مو زين دارضيك

ربط ادي خلف ضهره : غصبا ما عليج..

ضوجني كلامه تخطيته وضليت امشي بالبستان بتعدت شويه وصرت ب الجزء المعزل من البستان بعيد عن الانظار ..

حسيت بي يحلكني يمشي وراي وويحجي زفر نفس بنفاذ صبر
: توعديني تصيرين عاقله

استمريت امشي وواجاوبه
: اي والله بس انت لتمد ايدك عليه لا كدامهم وولا وراهم

: تنكسرر ان شاء الله الايد التنرفع عليج شسوي  انت تغثين وتجبريني..

قطعت ورقه خضره من الشجره وودنكت اثرم بيهه باضافيري : ممم حتبنيلنه بيت؟

قسور : اي راح ابني القلعه مالتج اميرتي

درت علي ووالابتسامه شاكه حلكي : صحيح المشاكل تقرب بين الاثنين؟،

مشى تجاهي لزمني من خصري ووسند ضهري على جذع النخله ووهو كدامي..

ايده محاوط بيهه خصري ووالثانيه ساند بيهه نفسه على الجذع بصفي : كلش تقرب بينهم فوك ماتتصورين..

برطمت بزعل : انت حقير

: بس مو احقر منج

قبل جنت اسمع الامثال تضرب بأجتماع الماء والنار وشون مراح يتوافقون ووواحد يطفي الثاني بس احنه ثنينه نيران متوهجهه نحرك بعض.

جان اكو مثل السقيفه من سعف معزوله كلش مال كعده مسوينهه ووموكفه بأعواد طويله وضخمه تشبه اعواد الكصب..

ووبيهه ديوان احمر بس كله تراب  ومعليك كلوب صغير خافت ماحس غير دفعني بهدوء ووكعت على الديوان راسي صار على التگيه توسعت عيوني..
شفت ذب حذائه ووتمدد بصفي صار نص جسمه يمي ووالنص الثاني على الحصيره المفروشه جوه الديوان...

روح : قسور شدتسوي لا واحد يجي

لزم خدي بأيده : اشش

بلعت ريكي ونزلت عيوني بخجل

همس : روحي
اردفت بنفس صوته الناصي : ها

قسور : تحبيني مثل ما اني احبج؟

باوعت بعيونه : احبك بكد شوقي الابويه احبك بكد لهفتي لعيونه الانحرمت منهه اعشقك اكثر من انفاس ابني الي جنت احس بيهه..

قسور : عاجبج يصير عندج طفل؟

روح : ماريد طفل انت ماراضي بي بوقتهه ماراح تحبه ووماريده يعيش هيج عيشه كاعد يم ابو ومحاس بوجوده.

تنهد وباسني ببخدي ونزل على ركبتي دفن راسه بيهه لحيته الي بدت تبين بوجهه نغزتني جنت خايفه ووارجف لا احد يشوفنه...

بس ما سمع مني جان ملهوف الي وواحس بي نحل وعيونه ذبلت وهو يباوعلي بكل تفاصيلي..

جنت صادته واتوسل بي يبتعد
: قسور عفيه لا احد يجي اذا تتقرب اكوم والله

جرني الحضنه اكثر : لا خليني خدران بيج وبشووفتج.

رغم منعته بس ماسمع مني كل شويه ووباسني وورجليه تتمشى على رجليه بهدوء وويهمس بأذني
: خرب شكد ناعم جسمج لو جارتني للغرفه شكو لحكتيني للبستان..

ابتسمت

قسور : شنو رأيج ندخل

: لا خلينه المنضر حلو

صك على سنونه :مو اكول شيطانه

هههههه ابتعد ونام على ضهره باوع على الگمر ووهمس بصوت يادوب اني سمعته..

ياگمر عندي حبيبه احلى من كل البنات
من طبع دجله وفاهه موعد ووشاطي جفنهه
غارت الحوريه منهه.
بيهه اشكال الدلال ياكمر يابو الليالي وودع النجمه ووتعال..

الدمعه صارت بعيني هسمت بضعف
: لتعوفني ترا مالي غيرك لا تيتمني من جديد..

قسور : اششش شهل حجي اني يمج لاخر نفس بعمري

:خايفه يأثرون عليك ووتتزوج قمر

قسور : شسوي بقمر وعندي وحده الحوريه تغار منهه..

ابتسمت والدموع بعيني : غنيلياهه مره ثاني عجبتني بصوتك..

قسور : اييي لان بيهه غزل عجبتج..

ضحكت ووتوني داحجي جان اشوف خيال اسود طويل خطف كلبي... يتبع