رواية لم اخلق لرجل سواك الفصل الخامس وأربعون 45 - بقلم ايزابيل

#بقلم إيـزابيـل
#الجزء الخامس والثلاثين
#لم اخلق لرجل سواك
..
حبيباتي كلت الكم اسماء موغريبه عراقيه بحته ووانتو ممخلين اسم اجنبي مكايلي🤣🤣

المهم الاسم جان من اختيار نورا ناصر نونه مقصرت فديتهه😍😍

جان عاجبني اسم خطاب بس اكو ناس معجبهم🤪🤪
..
جمانه

هيج كلبي فرفح علي رجليه ماحس بيهه وواديه ترجف مثل السعفه اريد احجي اسأله شكو شصاير ماكو الكلام ميطلع مني َ.

الحد ما هو حجه
:زاحف ووصاعد على الدرج ووامي جانت ملتهيه عنه ووعاثر من خامس بايه وواكع ليوره ووراسه تأذه ب الوكعه...

راحت روحي راسي افتر ووكف السياره بسرعه ووفتح التبريد ويحجي بلهفه : شبيج خويه شبيج مابي ان شاء الله مابي شيء.

صدري مخنوك ووالنفس انكطع رجع ليوره الكشنات الخلفيه جر بطل المي ووشربني ودموعي عشره عشره..
..
حجيت بصعوبه : وودينه للمستشفى احمد اريد اشوفه راح اموت..

: صار صار بس على كيفج

رجعت راسي ليوره وابجي بصمت سوه الطريق طلقه نزلت اركض رجليه من السرعه يردن يطيرن ووهو يركض وراي دخلت للمستشفى اتلفت يمنى يسرى..

لزمني من زندي ووجرني كال
: جمانه خويه على كيفج

صحت :شنو على كيفي احمد ابني وين اريد اشوفه

: مو كتلج ب العنايه المشدده ميخلون احد يدخله

: الدكتور وينه دليني علي

كال بتعب :جمانه

عطت بحركه : ابنيييي ابنييي وينه داكلك اريد اشوفه احمد راح انجلطط بي شي اكبر ومتريدني ادري احجي

: لا يابه مو كتلج ميخلون

: امشي اخذني للدكتور

تنهد ووزفر لزمني من ايدي وويجر بيه وواني الف دكاتي اريد اوصل اريد اشوفه اريد اريح بالي ووراسي من الانفجار الي بي ..

الدكتور جان وواكف ووين ناس يحجي صاحه احمد كال ثواني متحملت ركضت علي ووداهمتهم..

جمانه : دكتور عفيه ابني الله يوفقك خل اشوفه

ضل فاتح عيونه عشره : انت امه

بلعت ريكي ووهزيت راسي بأي باوع الاحمد بخزره مادري شنو الي ضوجه يمكن لان شافني صغيره ووعباله متزوجه غصب لو شيء..

اتحسر ووكال : ميصير تدخلين ابنج تحت وضع حرج

نشغت : ابوس ايدك ثواني بس اريح كلبي عفيه الله يوفقكك

هز راسه وكال ١٠ دقايق لا تطولين هزيت راسي ببتسامه
وواروح يمنى يسرى

:ووين وين اروح منين الغرفه..

صاح على دكتور ثاني ووكله تعال ووكف وي الجماعه الي جان ديحاجيهم وواشرلي بحاجبه معناهاا الحكيني...

هزيت راسي ب لهفه ومشيت وواحمد ورانه طبعا احمد يندل بس ماعرف ليش ضل ساكت يمكن متقصد ميردني اروح وواشوفه...

وصلنه لكيت امي وومره احمد كاعدين مقابيل الغرفه ووجوهم حمر دم من البجي وومتتفسرر ركضت عليه امي بصرخه َولهفه : يمه جمانه...

شهكت : ماما ابني امنته عندج ماما شلون تغفلين عنه..

الدكتور وواكف يباوع ومكتف ادي امي جرتني ووحضنتني صار حنگي على كتفهه ووصوتي الطفولي يصرخ بقهر..

اسمع يستغفر نداريت علي وومسحت وجهي ووهمست بضعف : اطبله

هز راسه بأي ووكال : كل ما تتآخرين كل ما يتأثر هو

هزيت راسي وودخلت علي ابلل شفايفي بخوف وواهمس
: ربي دخيلك عيني ووكفني على طولي ربي مستنده عليك لا تخذلني..

راسه ملفلف بشاش ابيض وبي دم وومصلخ بطرك الحفاضه ووجسمه مزلغ بحلضه طلعت روحي من جسدي ورجعت وونشغت بقوه ووصوت عالي وولطمت على صدري ووصحت
: حبيبييي يمه ابنيييي سوده بوجهي شصايرررر بيييك

ذبيت روحي يمه على الجربايه لزمت ايده وواضرب براسي
ع دوشك ووانحب وومحنيه ضهري كله بسببي اني مهلمه وماصلح اكون ام حقيره فكرت بنفسي ومافكرت بيه....

رفعت عيني المتروسه دموع علي وواتلمس بوجهه نايمه مثل الملائكه وومغمض عيونه بهدوء..

وكفت على ركبي وودنكت ابوس بخدوده يمنى ويسرى بسرعه ولهفه ولازم وجهه بديه صدري احسه متكسر..

: يابعد امك من عمري على عمرك ياروح روحي

اريد اشيله وواحطه بكلبي اريد اغلفه بروحي اريد الله يحط معجزه بيدي كون بس امسح على جسمه المليان ندبات وشخوط ينمحن وويطيبن ويكون على حيله..

يناغني وويضحك ذيج ضحكته الي تملي الدنيا عليه..
اوووف يايابه عضيت شفتي السفليه ب وجع مداكدر اعبر عن ألمي والبيه شلون افصح عنه..

ندك الباب عليه ماهتميت كعدت ب الكاع بتعب ووحطيت راسي بصفه على الجربايه وراسي قريب منه..

غمضت عيوني وضل الدمع معلك برمشي أبي ان ينزل..
نفتح الباب وودخل احد مابيه حيل احجي ولا اكوم هبط ضغطي يمكن صوفرت اذني ووكامت توشوش...

دنك عليه وهمس
: اختي بلا زحمه ميصير تبقين اكثر من هيج

عبالك سكرانه ماكدر احجي شفايفي ثكال
:هااا ابني عوفني يم ابني

اتنهد فتحت عيوني ببطيئ نزلت الدمعه هو مكرفص عليه
وهو واكف وومايل راسه ليمي نصقعت من شفته الدكتور..
رأساً نزيت ورجعت ليوره ولملمت ملابسي..

استقام بوكته ووكال بضجر
: اني مو نبهتج ميصير تطولين

نزلت شفتي العلويه بشكل عكسي ليجوه عبالك ردت ابرطم ثبتت اديه بالكاع وحاولت اكوم فورا افترت الدنيا بيه..
مدلي ايده وفتح عيونه بصدمه : ايددج

نفضحت كف ايدي بقوه وخليته ورا ضهري ووسندت نفسي بنفسي ووكفت نفتح الباب وودخلو اهلي جان يفتر وويعيط بيهم..

دكتور :انيييي مو نبهتتت محد يدخل

تقد اخويه احمد : دكتور اعذرني بس ردت اطمن على اختي..

مشيت بتعب لحد احد وواني ماده ايدي بمعنى ساعدني تلكني بسرعه وحضني من اكتافي.

:اخي افهمني هذا يأثر على صحه الطفل مطاب بجيبي شيء اني..

احمد : هاهيه اعذرنهه طالعين
..
طلعنه كعدنه على المسطبات البره ووروحي لايبه اباوعله من الجامه وواعضعض بأصابيعي.. امي انتبهت الي.

: شبيج يمه شفايفج زرك فدنوب

:من قهري يمه من قهري شلكيتيني متونسه

:لا وجهج اصفر فهين خاف هبط ضغطج

: ماعرف اصلا اني دخت قبل شويه

لزمتني من عكسي وكومتني : امشينه نقيس ضغطج

: ماعوف انس يمه طبني مرض

:لج نجبي ووكافي كتلتيهه الروحج تفاولين على الولد شو كومي بكيفج اني

اخذتني سحل وواني عيني على ابني سوده بوجهي ياماما
رحنه ندور على دكتوره ممرضه تفحص..

لكينه ممرضه بيدهه طبله مال ولاده ووتركض صحنه عليهه

امي :عفيه بلكي تقيسين ضغطهه

:حجيه مستعجله عندي شغل ب الردهه على ايدج اليمنى غرفه دكتور ميمون دخليله..

هزت راسهه مجنت اعرف هو نفسه دكتور انس لان ماعرف اسمه اني خاويه اجر برجليه جر وصلنه لغرفته الباب مفتوح على النص وهو منتجي على مكتبه ووذاب الاب كوت وعلى اذنه موبايله..

: خرب لشتك قسور ههههههه ماعندك جيه لبغداد ها يلا براحتك..

تحمحمت امي رفع نظره علينه ووهمس بالموبايل
: يلا يلا ولي بعدين احاجيك

ووتقدم علينه : تفضلو الطفل بي شيء

حجت امي بكسره وهي تدفعني لجهتهه من ايدي
: لا والله دكتور امه مدري شبيهه..

حك طرف حاجبه: ها اي صح شفتهه تخربطت

اشرلي اكعد على السدديه رحت عاليه شيطفرني هسه هو بيه حيل اني هو جان يطلع ب ادواته من الجرار من انتبه
كال : اسندي اديج عليهه واصعدي..

بلعت ريكي ووهزيت راسي سويت مثل مكال وكدرت اكعد..
جر كرسي وكعد مقابيلي رفع الكرسي صار اطول مني بهواي..

حط السماعه بذنه وقربهه على كلبي جان قريب عليه لدرجه اسمع صوت انفاسه مدنك عليه ووعيني صايره مباشره على اذنه ووشعره وونص من لحيته..

كمل ورفع وجهه قاس ضغطي كلي رفعي ملابسج ووشكلهه
بعدهه عرف الضغط هابط عندي سجل الامي حبوب كالهه جيبي من الصيدليه الي بصف المستشفى ترا كلش هابط..

هي خطيه طلعت تركض ملهوفه ضليت مدنكه وهو كاعد مقابيلي كال : شنو اسمج؟

:جومانه
مدري شلون طلعت مني من ورا الضغط حتى حلكي نعوج

ابتسم :جومانه شكد عمرج

: ١٨ البارحه دخلت

:اها

مبين ضايج ويتنهد كلت
: دكتور صح اني قاصر بس ممجبوره على الزواج قسمه وصارت

كال بسخريه : وشلون قسمه داشوف ابو يركض منا ومنا

تحسرت : ابو متوفي

رفع حواجبه بتعجب:اسف
اردفت : لا عادي

دخلت امي بيدهه العلاج ومرعوبه : يمه الولد كعد وويصرخ من رجلي دخيلك دكتور الحكنه
.. َ
روح
ََََََ..
مشاكل عمامي دتزيد يوم بعد يوم رضى ابو قسور كل يوم العصر ياخذ قسور وويطلع واني اعرف كلش زين..

يحشي براسه ويكله تزوج ووتزوج بس اتمنى من الله مايتأثر كمت ادللله ووادلعله وواحير شسوي باجازته اسد المركز وواكابله اريد املي يومه ماريد يفكر ولو تفكير بسيط يحط فوك راسي مره..

اجازه راح بقيت لوحدي يمهم ووطول غثوني فد مغثه مو طبيعيه بيومهه راجعه من الشغل تعبانه ومداشوف طريقي..

الياس ويايه لابسه بدي نص ووبنطرون كالعاده اسود مر عمو رضى يمشي ووادي بجيب دشداشته....

انطه فلوس الياس وكله روح للسوك جيب هيج وهيج جاي يسون غده اني مابيه حيل َ.

الياس : وروح

: تكمل وياي امشي انت اطفر بسرعه

راح وضليت امشي بصف عمي مر واحد بسيارته من الجهه اليمنى الي اني بيهه طلع راسه من الجامه ووصاح
: موووو ركبه ووزنودد مراييييه

فكيت عيوني بتعجب ووشهكت لتفت علي حتى مالحكت اشوفه فلت بالسياره خجلت حيل من عمي وواستحيت وهو صعد الدم الراسه ضل يغلط وويتفل عليهه وجرني من ايدي سحل وينعل بيه وويغلط
: انعل اهل اهلج رتاحيتي من جبتيلنه الحجايه اني ادرييي بهاي المصايب مو ادري ونبهته بس هو مثل المطي عايفج على حل شعرج..

نترت ايدي : عموووو شبيك شنو طلي ابنك بطولك احترمه صدك جذب بيدي اني قابل كلت الهم تعالو تحرشو..

جان يضربني على حلكي نشكت شفتي بسنوني وذبت دم
: لسانج ادبسزززز حقج معلمتج امج على الك*** شتطلعين شيخ معمم اذا انت شعرج ووجسمج طالع ولبسج هذا شترديهم يصلون عليج..

سكتتت ودموعي بعيني وهو حتى على نفسه ضل يغلط عرفته راح يسويله سالفه ويألف ويحجي القسور مرديتله كلت اسكته بطريقتي وواعرف بعدين شلون اتصرف وي هيح نماذج

مسحت الدم : عمو اسفه مو قصدي اصيح ب الشارع اني اصلا مقرره اتحجب ان شاء الله بس يرجع قسور بس اريد منك طلب

لتخابره وولتكوله هو راح يجي تعبان اليوم لا تزيدهه علي..

نتر :وانت شمدريج راح اخابره

بلعت ريكي : لا هيج بس عبالي حتخابره كلت ماكو داعي تضوجه..

كلت خاف يخابره وويجيب ويجي من يمه وذاك يصدكه قابل يكذب ابو وصلنه للبيت جانو عمو حسين واكف ابو قمر راح ليمه وكف يحجي وواشوفه يخزرني..

اني الك بسيطه تضربني بالشارع مو دخلت للجوه صارت قمر بوجهي كاعده على التخم وتتصفح بموبايلهه.

رفعت عينهه عليه ووهمست : اجت العاقر

ووكفت بمكاني ودرت عليهه : شنوووو

: ايي عاقر راح يصير الكم شكد ووانتو طفل واحد مثل النسوان ماحبلتي..

عطت : وانت شكو لج لتدخلين زوجي حضرتج وتحاسبيني

قمر : ههههه لا بس داكلج يالعاقر اول وتالي الطفل الي عجزتي تجيبينه مني اني

كلت ببرود ووسخريه : ان شاء الله من قرايه الفاتحه للحباله الله يساعدج على هل خيال الواسع..
َ..
عفتهم تدردم وودخلت لغرفتي ذبيت الجنطه بتعب على
الجربايه ووفركت وَجهي دك موبايلي قسور جاوبته والبجيه بيه َ.

: ها حبيبي شلونج

: وين انت

: ساعه وواكون فوك راسج

:تعبانه عفيه تعال اريدك يمي

: افا منو متعبج شكووو

: لا بس اشتاقيتلك وتعودت على وجودك

حسيت بصوته الهادئ يضحك ويكول بحب
:جايج جايج روحي انتِ

سديته منه ووكمت باوعت لنفسي ب المرايه همزين شفتي منفوخه من جهه وحده وومجروحه يعني مبينه مضروبه
..
بدلت تراك مستور ووكفت اعدل بشعري شويه وسمعت صوته وكفه ابو يحجي ويا نخمش كلبي بس لا راح يسبقني ويكوله
..
بس الحمدالله سأله شلونك شخبارك وهاهيه دخلل للغرفه طار كلبي واحساسي بدخلته ووطوله اجه عليه عبالك متحلف بعدني محاجيه لف ايده على خصري ووسحبني
ووسد الباب من ورا ببسطاله..

دنك ديبوسني جان نصدم بمنظر شفايفي خليت اديه على
صدره وودفعته بهدوء : الحمدلله على السلامه..

كال ووعيونه دايخه بمنظري
: الله يسلمج هاي شكو

: لا ماكو جرح بسيط

خزرني : روح

روح : انت تعبان ادخل اسبح ووبعدين نتفاهم

ذب البيريه على الجربايه واسلاحه همين
:متعبان احجي

روح : مو اني ماريد تصير مشاكل ليش تجبرني احجي

جان يعيط بيه : لا يابه هاي منو المتحب المشاكل ماعرفتج دحجي احجي

روح : ابوك ضربني

توسعت عيونه بصدمه : شنووو روح لا تجذبين

: والله مداجذب جنه راجعين وهو وصلني للبيت ومر واحد تحرش نهد عليه فد هديه ووضربني كدام الناس يعني اني شدخلني فوك ما يوكف وياي يصير ضدي.

ووالله فشلني وخجلني كدام الرايح والجاي هم سكتت ومحاجيته وكتله عمو هاي اخر مره اطلع هيج بعد راح اتحجب وماسكت ضل حتى يلومك وويغلط عليك..

: ليش انت شجنتي لابسه

: بدي عادي نص ردن

زفر بغضب ووجهه نعكد وحواجبه نطبكت
: شكالج

: منو

: الي تحرش

: مكال حتى ماتذكر شكد ما الموضوع تافههه

لزمني من زندي وهزني بقوه
يمتى لحكتي تنسين دحجي لا متتصورين شيطلع مني

نترت ايدي : ردتك عون طلت فرعون كتلك ماكال شيء بس اديج مرايه

كتله هيج لو تخبل ضل يفرك براسه وويروح وويجي
وويغلط ويفشر :مرايه التتفلش براسك يا ابن ال*** مو شارع ملهى اويلي الله شسوي احطلج حراسسس سيطره اوكفهه الججججججج

: لا هي هاي الناقصه شبيك انت ليش مكبر المووضوع اخر وحده اول وحده ببدال ماتروح تحاسب ابوك على هل ضربه
تحاسبني اني..

مسح كصته بتعب ووذب حسره طويله
: روح بعد ماكو روحه للمركز بغيابي من ارجع اني اوديج ووارجعج بيدي وخل اشوف ياابن حرام يطخج اله ارجعه ببطن الخلفه..

عافني وووطلع اسمعه يتصايح ووي ابو ويكله تمد ايدك على مرتي واني موصيك عليهه ليش يابه ليش..

وهو يكله صلفه ومتستحي تصيح عليه بنص الشارع..

متحملت حيفضحني خليت وطلعت..

قسور: تصيح عليك ليش

رضى : لا حجيت عليهه من حركه كلبي چا هسه صار عيب واحد يغار على عرضه

قسور : يابه اولاً ميصير تضربهه بالشارع وبنص العالم ثانيا ًروح اعرفهه متتجاوز على الاكبر منهه وخاصا انت..

الخاطر الانبياء ترا البيه كافيني روح بعد لا توصل يمهه يابه وماريد احد يطخهه اي واحد بيكم اعتبروهه ماموجوده..

عاط عمو : ولك ابني اكلك صيحت عليه بالشارع بدون ما تخجل وحاطه عينهه بعيني صلفه وكحه ادبسزززز حتى غلط غلطت.

من حركه دمي صحت
: انت ليشش تجذب شوكت عطت خابصني غيره وعرض وانت دتجذب وتألف على عرضك.

في حين ما كملت الجمله حسيت براشدي فر راسي ١٨٠ درجه.. يتبع