لم اخلق لرجل سواك الفصل السادس وستون 66 - بقلم ايزابيل

#بقلم إيـزابيـل
#الفصل السابع والاربعين
#لم اخلق لرجل سواك
..
روح
..
ارجف مثل السعفه ووبلعومي تجرح من كثر ما صرخت نهد حيلي مابيه بعد استلسمت اله طلعنه وويقودني مثل البهيمه لموتي ومنصه خلاصي اي اعتبرهه نقطه خلاص بكد ما هي مخيفه ووراعبتني.

بس راح اخلص منهم ومن همجيتهم واروح يم رب رحيم...
..
فتح باب السياره ووشمرني بقوه طلعو عمامي ورا صعد وخله باب جهته مفتوح همه يباوعون علي
مد نفسه للجكمجه طلع المسدس ووسحب اقسام
عيوني كمت ماشوف بيهه كد ما بجيت ماقاهرني غيره ليش هيج يسوي ششاف عليه ماضن سويت شيء غلط بعد الي صار علمود يصدكهم بسرعه
وويعامنلي بهالحقاره..

خلاه بصفه ووداس بانزين بسرعه ثواني ووطلعنه طريق البستان كد ما جان سريع
مشينه مسافه زينه طلعت من صمتي..

روح :اسمعني ابوس ايدك والله قابله اكتلني وواني مسلمتك نفسي ماراح اعترض بس خل الطفل يطلع بسلامه وواولد ووراهه اخذ روحي
لا تكتله وياي ماله ذنب..

قسور : اشش صوتج ما اسمعه

شهكت وودنكت راسي القهر راح يموتني حسبي االله ونعم الوكيل بيكم..رفعت عيني علي حجيت بصوت متضخم

:اني روح شنو نسيتني؟! موجنت تكلي انت امانتي ووروحي تقبل تشوف روحك هيج مذلوله لا تخليني اموت وواني كارهتك.

يهون عليك تشوفني مذبوحه ودمي ساگي الكاع!
هاي لان يتيمه هيج تلعبون بيه براحتكم وواحد يشكك ملابسي عليه وواحد يدوس ببطني وعلى راسي وسندي وزوجي يحط المسدس براسي.

لك اني مالي غيرك والله مالي غيرك ووتدري كلش زين شكد احبك وومامستعده ابدلك بالعالم كله اروح اصادق من ورا ضهرك وانطي صوري هم؟

على الاقل حتى لو ماجنت انت احد الاسباب الي تمنعني معقوله هلكد چسره اني ووماخاف!وادري كلش زين اذا. عرفت شنو راح تسوي بيه..

قسور والله اني مضلومه وروح بابا الماشافته عيني ومستعده احلفلك على القرأن..

ساكت ووعيونه اشوفهه مكسوره وحمررر دم..
باوعلي ووشاف دموعي شلون تنزل على وجناتي بهدوء وتعبر فوك شخوط ووجهي والجروح الجديده ووتحركني...

بلع ريكه وواطلق تنهيده مد كف ايده ووحضن ووجهي ايده الثانيه لازمه الستيرن..

مسح خدي ووطبطب علي رجع انتبهه على الطريق..

مسحت جفوني بقوه انتبهت للطريق اول مره اشوفه! اكيد ماخذني بمكان معزل علمود يقتلني وويدفني..

صدري ضل يصعد وينزل بلهثه وورجليه ترجف كلبي وجعني وورجليه عبالك نشلت ماكدر احركهه..

لا فعلا بحلضتهه ضنيت نشلت لان ماجاي اكدر احركهه احساس ابد مو حلو من رايح للموت برجليك رهبه ووقشعريه وونبضات سريعه..
ورجفه..

يعني بعد كم ثانيه اني راح اصير ذكرئ في الاذهان فقط لان حتى كبر ماراح يسويلي يعني اندفن بقاع الكاع..

يلا تهون راح اشوف اهلي بس! شالفايده اني جنت محتاجتهم بالدنيا هاي جنت محتاجه وكفتهم ودفاعهم ووازامط ووافتخر واحتمي بيهم..

شيصير لو ابوي موجود ماجان هسه جرني من ايدي وخلاني وررا ضهره ووسكتهم وولصمهم على حلكهم ماجان كال هاي قطعه وجزء مني هاي روح من روحي..

بس لا اعتراض على حكمك ياربي اكيد يمك مكتوبلي حياه احلا ولهذا السبب ردتني هناك..
اكيد شفتني شكد تعذبت هنا..

همست بصوت متحجرش ناصي يرجف ومتردد
: الطلقه خليهه براسي ماريد ابني يتأذه..

ووكف السياره بسرعه من كلت هيج بلع ريكه بصعوبه ووشفت تفاحه ادم شلون صعدت وونزلت
مسح وجهه المليان عرك ووفتح الباب وونزل..

هيمه صحراء كلشي ماكو منطقه مفتحه لابيت لا محل ولا حتى زرع بيهه قاحله.. مرعبه وجافه

تمشى كدام السياره والموبايل بأذنه، ويحجي بهمه..

باوعت على السياره عندي فرصه اشرد عندي فرصه ابقى واعيش..

بس المنو! على الاقل هناك اكو من ينتضرني..

نص ساعه تقريبا وسياره حمره سبورت ووكفت مقابيل قسور..

تزلل كياني تطشرت اشلائي دماغي قفل راسي نفر عيوني تهل دموع معقوله جايب وواحد على مود يكتلني!

نزل ولد لبسه سبورت نظارات على عيونه تسالمو ووقسور يحجي ويا وهو يهز براسه...

ندار عليه وتقدم تجاهي فتح باب سيارته وكعد ندار عليه جر اديه لزمهن بقوه يرجفن مثل السعفه لا والله عبالك منتولات..

ضغط على اصابيعي بقوه وهمس
: اشش اهدي..

بجيت : حوبتي ماراح تضيع صدگني وراح تطلع بيك وبأهلك بس اوصيك كل ما تمر بهل منطقه تذكر اكو روح مضلومه تفتر بيهه..

جر راسي وحضني بقوه تفاجأت دموعي الى على خدي حسيت بيهه تبلل قميصه العسكري..
همس بأذني : حتى لو جان الي نيه اگتلج الي موصيني عليج يوكف كدامي..

مسد على شعري: اريدج قويه وواسمعيني زين

وخرت عنه

قسور : هذا الولد صديقي عايش ب السليمانيه هو ووامه وزوجته راح تروحين يمهم الفتره معينه وومن يصير الوقت المناسب ارجعج..

روح : شنو ياوقت مافهمت قصدك!

قسور : عمامي ماراح يسكتون عنج اذا ما يشوفونج مذبوحه وواني ما اكدر انفذ رغبتهم وبنفس الوقت ماكدر ارفض..

راح اكول الهم كتلتهه اسكتهم بين ما يهدء الوقت وبعدين يصير خير..

نترت بخوف: قسور انت راح تموتني على قيد الحياه منين طلعت بهالفكره..

قسور: ممنوع تعترضين دريبالج على نفسج وعلى الطفل ولو اني ما اكدر أمن عليكم وي هذا لان علاقتنه موقويه كلش بس اعرفه من زمان ووكفلي وكفات ماتنعد مجبور اخليج تروحين ويا لان ماعندي غيره..

لو بيدي اوديج البغداد بس راح يعرفون مكانج لان دائما ينزلون لهناك...

روح : لتعوفني اخاف والله

قسور :من يكول ماعوفج بس اهم شيء نأمن حياتج هسه.. انزلي الولد مستعجل..

فتحت الباب ونزلت رجليه يطكن ببعض جنت لابسه داشداشه ووفكوهه بشت بيجي وولافه الشال شلون ماكان..

قسور : انتضري تعالي يمي..

تقربت لزم ايدي واخذني ليغاد بعد كم متر عن الولد جر شالي من شعري نصدمت..

كتله شحسوي بي.. جان اكو بلوكه راح كعد عليهه ورفع بنطرونه صاح على الولد صديقه اسمه اركان كله عندك سجين موس!

دخل السيارته الولد جاب موس واجه اني مدنكه و اعصر بملابسي وخايفه..

رفعت طرف عيني شفته شخط رجله من الخلف شهكت بصدمه بسرعه بس نزل الدم خله الشال عليه..

شنو قصدج بهاي الحركه يريد ياخذ الهم الشال والدم دليل حتى يصدكو..
دخت وواحتاريت رغم جان المفروض يتألم بس ماشفت اي ملامح اهتمام للموضوع نزل بنطرونه. وكام..

صار كدامه الشال بيده وعاصره حط كف ايده على راسي من الخلف وجره باسني بكصتي وهمس : ديربالج عل روحي

دمعت عيوني حضنت ركبته وخليت كصتي على كصته وواشهك وفحطانه موقف ما انحسد علي..

بعدني عنه ووربت على جتفي بمعنى ما اوصيج جرني ورا..

اركان جان منتجي على السياره ومدنك شاف خطواتنه تجاهه عدل وكفته...

ضل قسور يوصي عليه وويحلف بي والولد ينطي وعود وويحلف ويصيح بعيوني بس هو ما مطمن..

فتحلي الباب الخلفي كعدني لزمت ايده دنك عليه للكشن جوه
روح: لا تطول عليه

ابتسم بتعب ومجامله وهز راسه
..
تحركت السياره واني داخلي يرعد مافاركت الجامه ضليت اباوع لقسور مجتف ادي خلف ضهره وويباوع النه

شنو الي صار بهل يوم ووصلنه لهل مواصيل..
جان المفروض من البدايه اطلع خارج البصره ووما اكابلهم واكعد بس اني غبيه وفطيره...

خطيه الولد ابد ما قصر كل شويه وكال جوعانه اذا نعسانه نامي لا تتقيدين وواني اكله تسلم متقصر...

هوايه نعسانه بس استحي انام كدامه والطريق طول مو مال ساعه وساعتين وواصبر

اخر شيء تعبت كلش غفيت على نفسي هالحجي جان صاير الليل وووالهدوء ووضلام والهوى يلعب بشعري واني منتجيه على الجامه...

بارده حيل والهوى عبالك يخترق جسدي،،،
حضنت نفسي ولفيت اديه على بطني دفيت شويه..

فتحت عيوني بنعاس صار كدامي الگمر،،
رجعت غمضت وتنهدت المفروض هو بهيج وقت
كاعد يغنيلي يأگمر عندي حبيبه.. غارت الحوريه منهه
..
الحمدالله على كل حال اذا هذا المقسوملي فأني قابله بقسمتك ربي بس عيني ووصبرني وقويني انطيني أمل لباجر اريد ذيج الطمأنينه تنزرع بكلبي وتكلي المستقبل الحلو منتضرج
..
طلعنه البصره على نص الطريق الفجريه تقريبا ً وكف السياره نزل لمطعم الهوى مجررررش ووفجريه صوت الاذان عالي كامت سنوني تطكطك..

رجع دك على جامه مالتي فتحتهه وباوعلي بنعاس طلع جايبلي اكل تشكرت منه واخذتهه..
جايبلي لفه صاج خليتهه قريب على شفايفي حاره حيل دفتني..
...
اكلتهه ونزلت لحمام المطعم غسلت وعدلت ملابسي ورجعت لكيته يشرب جاي بصف السياره
..
صعدت اني وانتضرته يخلص وويجي ورجعنه انطلقنه هلكت من الطريق رجليه ماكمت احس بيهن

خابر قسور بنص الطريق على اركان واسمع يحاجي يكله انطينياهه..

ندار وبيده التلفون اخذته منه حطيته على اذني يحجي بهمس

قسور: روح وياي

: الوو

: شلونج

سكتت و تنهدت

: خوما زعجج اركان بشيء
: لا

: يلا توصلون بالسلامه

بس اطمن عليه وغلق الخط
..
ووصلنه للسليمانيه ووانتبهت على هذا الشيء من شفت ناس لابسه الزي الكوردي ولا اني مطفيه حتى ما ادري وين رحنه وين اجينه،،،

رفعت راسي للسما وهمست
: اوَكف وياي بحياتي ومحنتي الجديده يارب
..
جمانه

حضرنه نفسنه اني وبابا ووانس وانطلقنه للعماره علمود اهل اسعد يشوفون انس..

بابا جام حيل عصبي طول الرحله ومراضي على روحتنه كوه جابني بس علمود ما ياخذوه من عندي..

وصلنه لهناك تعبانين كلش دخلت بغرفه ام اسعد ووابوي كالعاده راح يم الزلم.

مصدكت من دخلت عليهه اني وانس كامت النه ووشالته من ايدي وتبوس وتحضن

ام اسعد : حبوبه يابعد كلبي شصاير بيك ضعفان وليدي خوما فاطمته..

هزيت راسي بـ لا ماحاجتني اي شيء بخصوص المووضوع كلت الهه :اكول من دخلت سمعت صوت صياح بالغرفه الفوك..

: اي هاي رهيب جاب مرته ومكضينهه عرك،،

رفعت طرف حاجبه فاديه،! استغليت الفرصه وكمت من مكاني كلت الهه شويه واجيج خلي انس يمج..

هزت راسهه خليت ووطلعت حتى بملابسي بعدني ممبدله تلكتني ام رهيب خنزرت بوجهي..عفتهه وصعدت صار بوجهي رهيب صاير نار تخطاني وونزل حتى مباوع ولا شافني.

باب الغرفه مفتوحه تقربت بهدوء ودخلت شفتهه كاعده على الجربايه وغراض ميز المرايه مطشره ببعثره ووهي تلهث بعصبيه وعاقده حواجبهه بغضب..

رفعت راسهه من حست بيه تفاجات وكفت على حيلهه..دخلت بخجل وهمست : هلاو

مسحت وجههه : اا هلا فوتي تفضلي..

دخلت كعدت بصفهه على الجربايه

جمانه : عرفتيني مو?

فاديه : ههههه اي عرفتج جمانه من يتيهج عيونج عنوانج..

ابتسمت

جمانه : شلونج

فاديه: الحمدلله

جان حديثه كلش بارد هي بدت تطرق المواضيع ووذكرت اسعد تكلي والله العضيم اني من عرفت بي تزوج سحبت نفسي منه بس هوضل للازك.

ماجنت ناويه ادمر حياتج وحياتي ولا الي نيه بهيج شيء...

ساكته اني ومحجيت شيء

فاديه : وشوفيني هسه دافع ثمن غلط اني مارتكبته نجبرت اعيش وي رهيب واتقبله واحمل منه واكعد يمه غصب بس لان ابنه ببطني..

جمانه: رهيب خوش ولد ليش هلكد حياتكم صعبه..

تنهدت : اني ماريده ماجاي اكدر اعيش ويا يذكرني بأبن عمه..

جمانه : الي صار صار الوقت كفيل ينسيج

: الله كريم

مجابت طاري همام يمكن تدري اتضايق هوايه حجينه موضوع يجر مووضوع لمن جنه نحجي مكالمه مانجذبنه هيج البعض من قابلتهه احس فتحت الهه كلبي بدون تقيدد وبدون خوف...

بقيت يمههه لليل حتى ضحكنه سوه ووحجتلي عن ايامهه قبل لتتتعرف ع اسعد واني حجيت الهه شلون تزوجته..
..
اخر شي بليل نزلت يم انس لكيته نايم يم ام اسعد دحست نفسي بصفه ولثاني يوم ب٦..
نزلت عليه فاديه كعدتني.

ميته نعاس كالت نزلت اسوي ريوم الرهيب وتلكاني ابوج كال كعديهه خنروح..

جمانه : ماشي يلا هسه كايمه..

سحبت نفسي من الفراش بهدوء غسلت ضلمه تلمست المكان تلمس بدلت ووجريت انس من الفراش ابوي رادنه نطلع هيج وقت حتى محد يجلب بينه متأكده.

خطيه نايم حطيته على جتفي لكيته كاعد بالكاع يتريك هو وورهيب وفاديه فوك راسهم.

تقربت : صباح الخير

فاديه ابتسمت وباوعت الي : صباح النور

: اكعدي تريكي بابا

: لا ما اشتهي حكعد انس

: لا لا عوفي بنومته يكملهه بالسياره اني ماعندي شيء كمت..
َ..
كمل ريوك وغسل وودعنه رهيب وفاديه وطلعنه..
اول موصلت البغداد ذبيت ملابسي ونمت وانس كعد لان شبع نوم بالسياره طلع يلعب وي جهال احمد..

للعصر كعدت سبحت ووبدلت ملابسي ميته من الجوع ناويه ااروح اكل تمشيت للمطبخ فتحت الجدوره امي مسويه باميا وتمن..

صبيتلي ماعون ووانتجيت على الكاونتر اكل.

سمعت حديث اهلي بالصاله وجذبني من بينهم كلام احمد وهو يكول : يابه دكتور ميمون اجه بغيابكم هوو وشيوخ طلبو مره منه... يتبع