لم اخلق لرجل سواك الفصل السابع وستون 67 - بقلم ايزابيل

#بقلم إيـزابيـل
#البارت الثامن والاربعين
#لم اخلق لرجل سواك

الواتباد صاير ساحه حرب بنات وتلوموني من يطير واهسي وواكتب بالكوه..

لا اني حرفيا دتلعب نفسي من هيج شكول...

اني ماعترض على الي تكتب قصه بس مو تسمي نفسهه كاتبه..! وبعدين تطلع فضائيه ومتعدده الوجوه..

والله قشعر جسمي من هل تصرفات الواتباد صار اكثر شهره ووديلفي اشكال الوان..

راح كولشي حلو وبقى بس للزعاطيط يخوطن بي..

كارهه الوات كرهه فضييييع تدرون اني ناويه هاي اخر قصه وواختم..

بس منطيه وعد لبنيه وماخذه قصتهه ماكدر ابتعد عن الواتباد بدون ماا اكملهه..

النفاق البي واصل مرحله،،

الحمدلله مابقى شيء للقصه اختمهه واعوف هالعالم اقل شيء لسنه 😣😣

واحمد الله مره ثانيه انو اني بعيده عن هيج مستنقع ومو كثيره اختلاط بالكاتبات

النشر حيكون يومي باسثناء باجر احتراما لاول ايام محرم الحرام..

..
جمانه

سمعت حديثهم والصدمه بيه دكتور ميمون يريد مره من يمنه هو من موجود غيري..

تسارعت نبضات كلبي..! ابد مو وكته اهلي راح يشوفوهه خوش قسمه اني متأكده..

بلعت ريكي بهدوء قررت ارجع الغرفتي بأثناء الطريق سمعت اصواتهم تنصى ووابوي بهمس يكول : الله كريم

شنو قصده! تنهدت ودخلت باوعت على ابني
وقلقي زاد اذا سمعو اهله مستحيل يخلونه يمي..

مستحيل اوافق مستحيل شسوي بالزواج وابني بعيد عني،، اصلا بعدني صغيره ماريد اكرر الغلط مرتين

فارت اعصابي ووضجت رغم الامر مُحتم وماكو داعي افكر بس شغلني مادري ليش،،
..
طلعت اسوي عشه بعد محد حجه بالمووضوع بس اشوف امي وابوي يتناقشون بنظراتهم وواني اغلس وواحاول ابين العكس..

كعدت وياهم على الصينيه كالت امي

:يمه جمانه

بلعت اللكمه : ها

: اذا اجاج نصيب توافقين

نط بابا : ام احمد مو وكتهه

رباب : لا احنه جاي نسولف عادي

جمانه : لا ماما اوافق

رباب : ليش بنيتي بعدج صغيره والعمر كدامج تضيعين شبابج من ورا تجربه تافهه..

جمانه : موهيج بس تعرفين كلش زين شنو ردة فعل اهل انس اذا تزوجت اني ياخذو مني..

ابو احمد: ياهو الياخذه افضحهم فضيحه بس يتقربون يمج ويم ابنج اروح اشتكي عليهم بالمحاكم علمود سالفه خطفج..

جمانه : بابا ترا مو همه الخطفوني! وبعدين يصير الحق وياهم اذا تزوجت شنو تقشمرون عليه انتو

ابو احمد : حابسينج عدهم شهر مدري شكد وانخطفي بسببهم اروح اشتكي عليهم ابهذلهم بالمحاكم لا تحسبين الهم حساب اصلاً..

رباب :وقابل همه شمدريهم اذا تزوجتو

جمانه : يمه ما اجازف وواعوف ابني يتيهه تردين اضيعه بيدي مستحيل..

عفت العشه وكمت واني انفظ بثوبي

ابو احمد : اكعدي كملي اكلج بابا

جمانه :لا هاهيه شبعت

باوع على امي بعدم رضى جنت افهم نظراته عبالك ديكلهه ليش حجيتي وهي دتاكل
..
ثاني يوم العصر جنت احجي وي فاديه اكثر مخلوقه مرتاحه الهه هالفتره غياب روح اثر عليه اتصل عليهه مترد اضطر اخابر فاديه واضل افضفض وياها،،

سمعت صوت سلام وضحك قوي سديت الخط ووفتحت البرده مال المطبخ لمحت دكتور ميمون واكف مبدل وكاشخ ووريحته النضيفه واصله لهنا ووديتسالم ووي بابا وواخوي..
ويا ثنين معكلين وودخلو للاستقبال،،،

عرفت نيتهم طب ماما

: جمانه چايچ بسرعه

نترت :ذوله شكو جاييين

تقدمت عليه وخلت اصبعهه على حلكهه : اشش فضحتينه.

نفتح الباب مال المطبخ وودخل اخوي احمد ويا ناي اختي عباتهه على راسهه وشايله بنتهه هي مؤخراً صار عندهه بنيه..

احمد بس طببه ووطلع ذبت العبايه ونزلت بنتهه التزحف بالكاع..

ناي :ها شكو شو صوت بالاستقبال واحمد ماقبل افوت مناك يكول عدنه خطار والباب مفتوح!

رباب :خطابه على اختج

رفعت طرف حاجبهه : منو،!

: دكتور الي عالجنه عنده ابنهه

ناي : ها بيهه الخير بس شنو حتوافقين لوشنو!

زمخت بعصبيه :لا والله هي العازيه اوافق

ناي :ليش شناقصه الولد؟، بي شيء لو ما عاجبج

جمانه :ماناقصه بس ابني شلون ياخذونه مني

ناي :ها اي صحيح شلچ بالزواج خليج يم امي تساعدينهه تنضيف طبخ باجر عكبه تعجزين انت وياها..

جمانه : انجبي لتستهزئين

ناي: هههههههه نيشان الخطوبه اليوم جابولي..

جمانه : تابوت ناي اليوم جابولي

طكت اصبع :محبس من ذهب ووكلاده قدمولي

اجيت اركعهه بالكلاص بس طفرت وختلت ورا امي ووتضحك.غصب عني رحت سويت ألجاي وواجه احمد اخذه..

ساعه وطلعت خجلت ابقى يم بابا ماعرف ليش مو اول مره ووعادي يعني المووضوع طبيعي بس هيج مشاعر اجتاحتني لا ارادياً..

خليت ناي تستفسر منهم واني دخلت للغرفه كعدت انو
بدلت حفاضته جان موصخهه ووسبحته وعطرته ووطلعت يلعب وي بنت ناي..

شويه ودخلت سدت الباب ووذبت شالهه ع ركبتهه..
كعدت بصفي مفتحت موضوع هي البدت..

ناي : ترا بابا وماما موافقين..

فتحت عيوني بصدمه : شنو

: اي والله موافقين وكايلين للدكتور اصبر النه اسبوع نشوف رأي البنيه وننطيك الخبر الاكيد يكول بابا مقبل يشرب الجاي لا هو ولا الشيوخ الي ويا اله اخذو الموافقه مني يالله..

جمانه : شهالحجي هذا جمانه اني مستحيل اوافق ابني ماعوفه اروح اجازف بي اني شكو ممضطره..

ناي :وياج اني بس منو يكول حياخذو

: لج همه يردون بس حجه متعرفيهم انت

ناي :لتكليلهم ع زواجج وهو مو كل شهر يروح الهم انس خلي ياخذه بابا وليحجي بالمووضوع وهاهيه فضت راحت..

جمانه : اخاف والله اخاف اني مو مال مخاطره بهيج مواضيع..

ناي : براحتج اني انطيتج رأيي بس،،

هزيت راسي واني مدنكته بقت يمي شويه تحجيلي عنهه
وعن بنت رجلهه وبنتهه شلون متعبينهه
..
فاديه

من بعد ما حبسني ب الغرفه ووطلع ضليت اكل بنفسي اكل من القهر اروح وارجع تعبت كلش لحد ما تعبت ووكعدت..

بليل اجه جنت توني غافيه على نفسي من كد ما هلكت وبطني مغصتني..مغمضه عيوني وحسيت بلمساته تبعد خصلات شعري عن وجهي..

فزيت ووحطيت ايدي على بطني كله ريحه ادويه وومعقمات عكشت وجهي ورجعته ليوره.

همس : شبيج!

فاديه : ريحه الادويه لعببت نفسي..

تنهد وهز راسه وكام سبح وبدل ملابسه وكف يمشط على المرايه ويحجي:جوعانه

عطت بحركه واني اعدل نفسي وانتجي بضهري على الجربايه : يعني بشر عايفه من الصبح لليل شلون ميجاوع. حبستني هنا عبالك مجرم لو حيوان لو متهم عبالك مرتكبه خطيئه ودتعاقبني....

رهيب : اني سألت سؤال انت ليش لغيتي هلكد!

نزلت عيني عنه بمعنى مالي خلك ووكتفت اديه وغمضت عيوني طلع وشويه ورجع بيده صينيه وبيهه بوكس مال اكل بس ماعرفته شنو الريحه اخترقت خشمي..

حطهه بالكاع ووصاحني اجي جان غصبا ما على راسي المفروض انزل اكل ويا لان ميته من الجوع،،،

ربعت ووهو فتحته كنتاكي وبتيته ووببسي همين اجيت اخذ الببسي جان يجرهه من كدامي
: موزين على الطفل..

فاديه : شنو دكتور تغذيه انت لو دكتور أطفال؟!

رهيب : بلا لغوه

حط الاكل كدامي ووبعد الببسي من كدامي قهرني بتصرفه
بس عبرتهه اكلت واثناء الاكل سألته

فاديه : مريت على اهلي!

رهيب : اي فهمتهم كلشي واخوج كيف

فاديه : دتعيرني حضرتك!

رهيب : على شنو موزين اخوج يفرحلج

ذبيت الاكل من كدامي وهمست
: ضل استفز بيه

غسلت اديه بالحمام وطلعت شفته منتجي على الكومدي الي خله وومدد رجلي بالكاع ووبيده جكاره والصينيه بصفه دنكت شلتهه ووطلعتهه لبره هدوء ولا طير الطاير..
..
رجعت للغرفه لكيته نايم بقيت صافنه ماعرف شسوي؟
اتقبل حياتي لو اتمرد وواعوفه..

بس الموضوع كبر مو مال نتطلك لازم اتحمل لان هاهيه انتكب عليه رهيب ومالي غيره ومانخلقت لغيره قسمتي فرضتني علي.. ادري راح اعيش هوايه مأساه ومعاناة راح تجي ايام اكرهه نفسي بيهه..

واكرهه هم راح تجي ايام اكرهه الطفل الي ببطني بس لان حفيد هيج عائله..

بس ماكدر اسوي اكثر من هيج واني واكعه بنص هيج عائلتين

الصبح اني نايمه على الجربايه يمه بس مبعده نفسي
ب ٧ اسمع طكطكه عرفته حيروح للدوام كمت من دون
كلام غسلت وجهي ووطلعت لبره وهو يبدل حضرت اله الريوك وودخلته للغرفه لكيته يربط بحذائه..

ما اكل بس اخذ الكوب شربه مره وحده وهو واحد وطلع..
اتريكت بي اني لان جعت البارحه كلامه خلاني اهضم الاكل بسرعه..

ورجعت نمت ب ١٢ كعدت سبحت وطلعت محضرت غده ولاشيء هو اجه سبح وبيدن علاكه ضمهه ب الكنتور ماعرفتهه شنو اخذتله من غداهم ووتغده اني ماجنت جوعانه لان كعدت متأخره وتريكت متأخره..

صاحني يمه كاعد على الجربايه

رهيب : روحي جيبي العلاكه الي بالكنتور وتعاي

هزيت راسي انطيتهه اله ووكعدت بصفه فتحهه وطشرهه ادويه بكد شعر راسي حك طرف حاجبه

رهيب : باعيني زين ووانتبهي على كلامي الي راح اكوله

شال شريط : هذ يوميه قبل لا تنامين

وهذا ورا الاكل هذا الفوار من تحسين عندج حركه بالمعده لو تتأذين

وهذا تاخذينه للحاجه من تحسين دختي

هذا الفوار للعبان نفس

لتهملين اي شيء لان شيء يكمل شيء تعوفين شريط تتاذين وومتتستفادين من الثاني..

هاي مجموعه مفيده كلش ووتنطي فعاليه

عقدت حواجبي : لازم اروح دكتوره ووهي تكلي ششرب!

رهيب :اكيددد من توصيل بالاشهر النص اني اخذج يم دكتوره اعرفهه من يكون الطفل بمرحله النمو هسه بعده لحمه صغيره لازم نحاول نحافظ علي ونثبته..

هزيت راسي َومادري اذا اهتمامه راح يدوم او لا..،
...
جمانه

مر على الموضوع يومين الثالث جنت الصبح طالعه اني وماما جاي نشتري من مجمع بصفنه كم لبسه الانس..

هي شافته وعجبهه وكالت اله ناخذله َ

نزلت للطابق الجوه وورحت يم ملابس جانن قريب على الباب معلكات شفت واحد يبيع شعر بنات نصدمت معقوله بمنطقتنه صار هواي مشايفته واني احب هالسوالف.

ذبيت انس على امي
:خلي يمج اروح استري شعر بنات واجي..

: انتضري نخلص وونطلع نشتري

:لا ماما يروح

طلعت من جنطتهه الف وخلته بيدي مجنت ماخذه وياي فلوس طلعت انزل جان اكو بدايه المجمع درجايات...

ركضت عليهه وواصيح
:اوكففف عمووووو

ميسمعني لان السماعه صوتهه عالي نزلت اركض ورا دنيا صبح قريب ال ثمانيه والشارع فارغ دخل بالفرع الي بصف المجمع. ماكدر اصيح علي بصوت عالي لان ناس نايمه وصوت يوضح بهالهدوء..

واخيرا وكف هو اجه اليمي لان شافني الهث
: فحطتني عمو

:هههههه اعذريني ماسمعتج بنيتي

: عمو انطيني شعر بنات

هز راسه كاال بيش كتله بألف هو جان مسوي جياسه صغار ومخلي بيهن الشعر ثنين بربع صارن هواي خلاهن الي بعلاكه سوده جمعهن سوه وشلتهن.

تشكرته ورجعت بطريقي اثناء ما امشي ومستعجله سياره سوده عاليه طلعت كبالي رجعت لوره بخوف تقرب لحد ما صار مقابيلي وواني احاول اصير صفح وامشي لان الفرع ضيق وسيارته جبيره..

لحد ما نزل الجامه وشفته همام خزرني ووهمس
: اصعدي

بلعت ريكي:ها شتريد

نتر : داكول اصعدددددي

: اصيح والم الشارع عليك اذا متروح وتعوفني مناقصتك انيي

: تفضحين نفسج ما اتاثر اني هسه احرك السياره واروح.بس يطلع احد..

:حقيررر

خنزرت علي ووردت اركض وافلت بنفسي جان ينزل فتح الباب ندفعت بي على الحايط لان السياره كلش قريبه عليه.. لزمني من زندي وفرني من ورا فتح الباب الي بصفه ووكعدني ووسده بقوه..

رجع صعد عطت : شتريد مني امي هسه تجي ووانفضح والله..

ارجف من الخوف ووشفايفي جفن لساني نشل

همام : تردين تتزوجين مو

جمانه : لا لا منو كال

همام :والدكتور ميمون؟ شنو علاگه مثلاً

جمانه: اي صح بس رفضته واصلا على الاسبوع الجاي ارجعله الجَواب بالرفض رسمي، انت شمدريك شنو تراقبني

همام :خوش لعد مادام اكو وقت يعني عدنه مجال نعقد هسه وحرك السياره... يتبع