رواية لمْ تكُنْ خطيئَتُنا الفصل الرابع عشر 14 - بقلم نورا ناصر

#لم_تكن_خطيئتنا
بارت 12

نورا ناصر.

اجاني صوته "سميه اهدئي "
فتحت عيوني عرفت صوته
ظليت اصيح بوجهه واضرب على صدره

رضوان يا حقير شسويت بيه ولك اجيت امووت هيج تخووفني.

مستمر يگلي اهدئي وانه فاقدة
ماتعرف تصيحلي بهدوء مو هيج تخوفنيي

: ردت احجي وياج بس سمدريني هيج تخافين طالعه بالليل ستتوقعين؟ 

دفعته لزمني
:ارييد احجي وياج كتلج

: اللهم طولج ياروح احجي دكتور احجي طلعها للحجايه مو روحي طلعت.

: عندج علاقة وي امان كوليلي حتى احترم قرار قلبج وابتعد عنج.

صدمني هذا شيحجي يا علاقه شيهذرم هذا
كتله اوووف ياريت تبتعد عني وتخلصني

بعصبيه احجي كتلج.

رضوان لاتعصب عليه بلله.

احجي لعد

وانت شون اكتشفت هذا الاكتشاف العظيم دكتور رضوان.
ااشرت بكف  ايدي بالهوا و بسخريه

من نزلتي من فوك وراج بكم دقيقة نزل امان استغربت صعدت فوك ماكو احد بس انتم الاثنين دخل الشك بيه وخاصة اكو عدكم لقاء مسبق.

اريد احجي سكتني سحبني قوي
الي بصفه احنه واكفين قطعة ارض فارغه بين بيتين.
سحبني قوي
اكله شبيك يسكتني لازمني وخطف بيه
الارض كلها اشواك ونباتات انفتح حزام البشت
الشال تخربص.
صرنه بظهر البيت الي جنه واكفين يمه
ضربته على كتفه بقبضة ايدي
گتله وعمى شبيك؟

هووص لاتجاوزين ولاتخليني افقد اعصابي وياج ماسفتي الولد جايين من ذاك الطريق اذا سافونا سراح يكولون عليج؟

: رفعت اصبعي السبابه بغضب
لا تعصب عليه احذرك خووش ماراح يكولون وبعدين انت ابن عمتي قابل واكفه وي غريب ومنين يعرفوني بهالظلمة؟ ؟

: يبووي لسان لو بي كي سي! !

حجيت بقلبي والله لو كايل رساسه جان طكيتها ضحكه خليت هالبيوت كلها تسمعها ومنا انه ضحكتي فضيحه.
اباوعله يباوعلي ومامسيطر على نظراته
تذكرت البشت مفتوح وبدلتي طالعه مخصره على جسمي لفيت روحي وعدلت شالي توترت خجلت.

كتله شوفلنه هذول ماولو خلي نفوت شنو راح نبقى هنا للصبح.

طل كال تعدوا اوصلج؟
: خلي اخابر صفا اشوفها وين
خابرتها كالت ولج انه رجعت ابيت عمي
ماكدرت اسبها كدام رضوان كتلها خوش يصير خير
سديته وباوعتله خلي نرجع لبيت عمي

: سون ترجعين والامه انكلبت يم بابهم مابقى واحد مااجه للحنه.

طبعا اذا صارت حنه بالمنطقه الزين و الشين يلتمون
كتله وديني لحنة ايناس وصفا بعدين تجي.

مشينه الطريق هدوء وظلام دامس طلع تليفونه يضوي بي
انه شويه هدأت وبالي صفى باوعتله  كتله  انت شون تفكر والله ماادري يا رضوان يعني تتوقع من لقائين بس اسوي علاقة وي امان.

: لا مو هيج توقعت تلتقون بالكلية لان كلتيلي حجينه

: هي كلمتين حجيناهم وبعدين امان مو خاطب بنت عمك؟

: ما خاطبها بعدهم  مجرد كلام وبين الاهل يعني زواج مصلحه او حتى يصير تقارب بين العائلتين اكثر هيج شي !

: وشمدريك امان مايحبها

: عيني لو يحبها جان تزوجها من زمان ماناقصة سي هو خريج  ويستغل بسركة طيران باربيل
بس انه اعرف فرح مو ذوقه ولا اله رغبه بيها.

: هه وشلون صاير ذوقه بلله خايف عليه يباوعلي انه الزرگه ؟ويعوف الشگرة بنت عمه انت ماادري شون تفكر شون صرت دكتور ماادري.

باوعلي مبتسم ومرت نسمة هوا بارده البشت بلا حزام لان وكع هناك لفيت روحي خجلت من نظراته يربي ماكو مشاعر

كال بعد زفير بارد ويتبعه بخار
انت مو زرگه انت بسرتج بلون العسل وهو مو على الجمال تره على قوة السخصيه.

اباوعله مخنزرة كملت مشيتي وسكتت.
كمل كلامه ..
انه خفت لا يخلي عينه عليج وخاصة اذا عرف انه رايدج خاف ينتقم مني بيج ماراح اتحمل والله.

:باوعتله بنظرة خاطفه كتله  ليش ينتقم منك.

قربنا نوصل الموضوع طويل بعدين احجيلجيا انه وامان عداوات تدرين حتى طبرة حاجبه انه سببها.

باوعتله باستغراب تذكرت بيبيتي من تكول جانوا واحد يدمم الثاني.
كتلني الفضول اريد اعرف شكو؟ بس مابينت اله فضولي

وصلنه لبيت عمي كتله مشكور بدون مااباوع اله
دخلت سلمت على الكل بس بنات
دزيت رساله لصفا كتلها تعاي وي ابوي انه ابيت عمي
ظلت تغلط عليه عرفت ضاجت لازم تمسح المكياج هسه.

شفت لي مكان وكعدت اباوع البنات يركصن وصوت الدي جي يصدح.

كصيت جم صورة وي ايناس ورحت رجعت لمكاني.
اثناء حفلة الحنه يسئلون عن امي يحرجني سؤالهم بس اتصنع القوه واجاوبهم والي احسها تحجي باستهزاء اردهه بكلام قووي اخليها تنسى عدها لسان. صح انه ماراضيه عن امي وسوالفها واحجي عليها كدامها بس كدام الناس ماانطي بيها ابد.
خلصت الحفلة رجعت للبيت صفا وابوي موجودين.

دخلت للغرفة شفت صفا گالبه الخلقه
وتأفأف
وكفت على ميز المرايه جاي انزع التراجي
كتلها رقيه وين
:ظلت هناك يم بيبيتي.
: وانت شبيج بوزج شبر. ؟
: والله كرهت الدنيا كلها واحد حرام يمارس حريته هسه شمسويه انه.
:لاتصيحين واحجي عدل شبيج منو وياج؟
ابوي صيح عليج ع المكياج؟
:لااع خليني انام وسكتي عني.

تمددت ع الجربايه وغطت روحها وهي تبجي.
رحت تقربت منها
وخرت البطانيه ربتت على شعرها كتلها كولي شبيج والله مااذيج بكلامي بس اشكيلي مااكدر اشوفج هيج.
كامت وشمرت نفسها عليه حضنتها وتبجي
شبيج شدعوه يمعوده مو هيج على كيفج ويه روحج.
: ماادري بس احس كرهت اسلام  خانكني انه اريد اعيش بحريه والله ماينجرع
بس بداخلي اكو شي اله ينبض بحبه ماادري احتاريت.

: صفا مو كل شي نريده لازم يصير.

: مو وكتها مواعضج سميه.

: انت عقليها  يعني تريدي ولازم تمشي بكيفج هم مايصير ،انت تعرفين امنا شنو لازم نتجنب كل شي يسيئ النا وبالنسبه لاسلام لاتخلينه ينظرلج غير نظره .

: مايهمني  شنو يفكر ومايهمني ابررله واثبت اله شنو انه؟
الي  اريده اللبس براحتي واعيش حياتي وطز بالمجتمع شمسويه هسه انه قابل بلا ملابس طالعه اشو حجابي على راسي ولبسي محتشم.

: عوفينه من المجتمع انه من االبدايه كتلج هذه العلاقه خطأ كتلج لو ما كتلج؟ !

: كلتيلي.

: لعد شكو استمريتي ويا كل هالسنين ليش انطيتي امل.

: ما جنت اعرف راح توصل المواصيل الهالحال.

: باعي شغلة تفيدج اذا تحبينه تتغيرين من اجله

: مااريد اتغير
وخرت من حضنها مسحت دموعي،
ماكتيلي انت شون جيتي وحدج بالظلام.

: رضوان وصلني.

: ممم حلوووو خوش توصيلة.

: نجبي هو اجه وصلني ماجبرته ولا كتله تعال.

: اي هالايام توصيلات ومراسلات متطوريين.

: راسلته لان امه محملتني ذنب طلعته من بيتهم وردت ابلغه هالشي .

: شعليه اكوم احضر ملابسي الباجر.

سميه.
كامت صفا رجعت كملت تغيير ملابسي غسلت ونضف اسناني ورجعت تمددت  مغطيه راسي بس عيوني مفتوحه وافكر بكل الي صار بهالمغربيه الي رحنه بيها لبيت عمي.
تذكرت امان ، بكل لقاء يزيد اعجابي بي جذبني كلش
على بالي كلام رضوان من گلي انه سبب طبرة حاجبه ياشرير يارضوان بس هم زين سواها اله لان زايدته حلا وسامه ورجولة.
ابتسمت رضوان گلي يحجيلي كل شي كتلني الفضول بس تعبانه ونعسانه صوت الدي جي سطرني ودوخني خلي انام.

الصبح داومنه
من رجعنه حتى ماارتاحينه شفت صفا تنتظرني كبل رحنه لبيت عمي.
هوسه وكومه ناس باقيين يمهم ع الغدا
مخلصيين غدا وجاي يعزلون
عمه زينب صبت النا غدا وياها هي ما متغديه
اكل المناسبات يصير طيب كلش
تغدينه وكمنه وياهم نعزل راح يجوون المعازيم.

بالمطبخ جاي ننضف الكاونتر انا وصفا
المطبخ جبير كلش حار وبارد
اشواق كاعده ع الكرسي ومخليه رجل على رجل

اشواق:  والله يازينب قصرتوا لو مسوين العرس بالقاعه احسن شهالهووسه !

زينب : والله يا خيتي هذي ترتيبات اخوج هو راد هيج والا القاعه ماتغلى علينه بس هو ماعجبه.

امل: والله ياعمه حتى لو نسوي العرس بالقاعه اول وتالي راح نسوي غدا الصبح وتصير هوسه.

اشواق:  اي ان شاءالله اني ولدي بالقاعه وحتى بناتي.

... صفا دغتني وهمست بأذني هيييه يعني عرسج راح يصير بالقاعه الله شكد حلو.

باوعتلها وخزرتها همست لاتسمعج وثول.

امل:  اووو هسه وره العرس راح يطيح حظنا بتنضيف البيت والبيت جبير كلش،

امير:  البركة برقيه خوش تنضف خلو كل شي عليها والله ماخذهه الواهس بالتنضيف مابقى مكان مانضفته حتى النضيف.

سميه: شكد ضوجني كلامه باوعتله كتله انت شتسوي هنا بين النسوان.

رد عليه ها سميه النفسيه شبيج كاعد على كلبج؟

: اسم الله على كلبي منك ياامير يااحقير.

دخل عمي وكانه سمع كل شي  كال ها شو يتناگرون المهندسيين خوش صنف.

اباوع لاشواق تباوعلي بنظرات تكبر
صديتهه بنظرات قويه وشموخ
كتله ماكو شي عمو.

صار وقت نبدل
لبست فستان سمائي بي وردات ذهبيه طويل وفضفاض من جوه
الكعب ذهبي بلون الوردات.

صفا .. فستان  بينصل ذهبي.

وتقاليد الاعراس العراقيه نفسها
يرحون على العروسه ياخذوها
بعد العشا زفوهم للفندق.
صاحت علينه امل كالت تعالن بسيارتنه مؤيد يكول

مؤيد ابن عمي سليمان الجبير وامل مرته عدهم بنيه وولد.
ماعرف حسيت من خلال نبرتها اكو ان بالموضوع.

سيارته ستاركس.
صعدنه انه وصفا ورقيه وامل وجهالهه
اشرتلي امل كلتلي كعدي هنا بصف الجامه وره مكان السايق
كعدت وهي كعدت يمي.
استغربت ليش ماكعدت يم مؤيد.

ثواني وصعد رضوان!
استغربت ليش ماصعد بسيارته؟

اول مادخل للسياره باوعلي
ودنك شكل تليفون
تحركت السياره واشتغلت اغنية

اصعب حب لم تلاقي الي انت تحبو مبيحبكش.
وله تحس مهما عيونك تنطق قلبو مبيحسكش

تبدأ تضعف يمكن يعطف
تبدا توهم يبدا يخطف فجاه تحس ان الي انت وقعت بحبه ميستهلكش.

عرفت يردوني اسمع هالاغنيه غصب.
وصلني احساسه عن طريق سماعي للاغنيه
صعبه يحبني ومااحبه باختصار صعب الحب من طرف واحد حسيت بي. 
ومااكدر اسكت لان اذا اسكت حيكول استسلمت.

مديت راسي: كتلهم هي هاي هم اغنيه مخلينهه النا ادري هو عرس لو فاتحه شهالكآبه.

باوعلي رضوان بقوه  وبعيونه نظرات نطقت كلمات الاغنيه كلها وزادت عليها جملة انت بلا احساس سميه

استمريت انظر اله بنظرات كلها قوه واصرار ورفض!

اجاني صوت من مؤيد يكول لازم الاغنيه مستچ

قبل ليكمل مؤيد رضوان طخه على زنده حتى يسكت.
رضوان منتجي كله ومبين على هيئته اليأس.

شغل غير اغنيه ..
وصلنه للفندق زفينه العرسان

وبطريق الرجعه رضوان ماصعد ويانه
راقبته راح لسيارته الي جان يسوق بيها امير.

نزلنه مؤيد يم بيتنه حسب رغبتنه.

دخلنه للبيت
تباوعلي صفا وبعيونهه حجي.
رفعت حاجبي كتلها ادري شنو تردين تكولين.

: الاغنيه تجنن كلها احساس بس شنسوي للماعدهم احساس ههها.

: هي انت عندج احساس بشنو فادج ...عابت.

بدلنه ورتبنه البيت
الحلو ابويه يغسل ملابسه بنفسه
بس صفا ضربتهم اوتي.

رحت للفراش تمددت
اخذت تليفوني
شفت مسج من رضوان
فتحته
اسف سميه خاف سببتلج احراج.

تحسرت دزيتله: انت جاي اتعب نفسك ما جاي اتعبني
: تدرين هي الكم يوم الي شفتج بيها استنزفت هواي من مشاعري.
بس بقيت فاتحة المحادثة.
اباوع على مسجاته
كتب:  كل مره اقرر اعوف حبج ارجع احبج اكثر.

هم ماجاوبته خايفه لااجاوبه واجرحه ماعندي غيرها.

سكتت وهو هم.
شفت نشط منذ دقيقة عرفت سده.

نمت.
يوم ثاني والمصادف جمعه.
معزومين على غدا
بيت عمي
بدلنه ورحنه
جابوا العرسان من الفندق
استقبلوهم بالهلاهل والجكليت

من نزل وعد من يم ايناس
صعدنا فوك باركنالها
كعدت صفا تمكيجها
وهي خبرة بالمكياج
ايناس مو هالكد
خليتهن ونزلت
جاي انزل من الدرج شفت رضوان  ورجوان واكفين يم باب الصاله جاي يسولفون.
رجوان ظهرها عليه رضوان مقابيلي.
رضوان من شافني انزل
شرد بنظراته عليه وتركها تسولف.
حست بي رجوان اندارت عليه  وظلت تباوعلي بحقد
باوعتلها ورفعت حواجبي حركت راسي بمعنى شكو؟ ؟

دارت وجهه ومعاجبهه عود
دخلت للمطبخ بقيت شويه ودخل امير لازم رقيه دفعها عليه
كال هاج اخذي هي اختج المسودنه فشلتنه.

انه مثل شي وانفجر بيه نسيت انه ابيتهم ونسيت كل الموجودين بالمطبخ.

بصياح گتله احترم نفسك شنو مسودنه.

: جاوبني بصياح اي مسودنه ماخذها الواهس بالتنضيف،وغرگت مناضل ابن خالي بالماي.

: يمكن ماتدري ماشافته وبالغلط شمرت الماي عليه.

: والله الي اعرفه هي خرسه مو عميه بس اظاهر طلعت فاقده الحواس كلها.

: والله انت الي بلا احساس.

: شبيج على كيفج عيني انه ماجاي احجي عليج  وهي اصلا ماتسمع ولاتدري جاي احجي عليها شحارگ دمج انت.

: شنو مايحترگ دمي مو اختي بس انت والله ماعندك احترام للمشاعر ابد.

: اسكتين لا اكفخج كفخه انسيج حتى اسمج.

ماادري منين طلع رضوان وسحبه گله عيب امير شنو هالحجي يلله امشي منانه.

صحت عليه گتله عليمن توخره خلي يكفخني حتى اشوفه الامهات شجابت.

امير:  هه ضحكتيني الامهات موو؟ ؟

عرفته يقصد على امي
كتله يا فاشل يا جبان
ظل يصيح دخل ابوي وعمي وزينب وتدخلوا
باوعت شفت امان يباوعلي متعجب
حجيت بداخلي ياا هذا يباوعلي واني متخليه عن انوثتي وجاي اتعارك.
يلله خلي يعرف بنت خاله وخبالاتها خاف ماشايف خبالات بس بنوتات كيوت.
من دخل ابوي وانه اريد اطلع اشواق خلت ايدها على كتف ابوي كلتله بسخريه:  عاشت ايدك خويه على هالتربيه

رجعت باوعتلها كتله والله يادكتورة انه مجاوبتج من قبل على هالموضوع
قصدي من كتلها خلي التربيه لبناتج.
امان جان واكف بباب المطبخ الي يطلع ع الحديقه
سحبت رقيه ويايه باوعتله بنظرة انتصار وطلعت
ضربت كلام الكل عرض الحايط
مجنت منتبهه شنو يحجون ولا شنو راح ياخذون عليه نظرة.
العجبني ابوي مارزلني كدامهم.

شفت صفا كبالي كتلها هاج رقيه كليلهه لا تروح يم الزلم مناك.

صعدت فوك لغرفة امل خليت رقية يمي حبستها
وكلما ماتريد تطلع اخزرها ومااخليهه.

امل:  ولج رقيه شامره المي الوصخ مال المسح على مناضل وهو شلون كاشخ خطيه.

سميه:  هههه وهذا وين يناضل شهالاسم؟ ؟

امل:  ههههه مايناظل بمكان موضف بالنفط.

اجت صفا سالت رقيه ع الحادث.
كالت الها هذا الولد يباوعلي من يوم الحنه الصبح لحد اليوم طلعت اذب الماي الي مسحت بي الدرج وهو صار كدامي خوفني بنظراته سبحته بالماي الوصخ.

سميه : حل يستاهل شكو عينه زايغه ويبصبص.

امل:  ولج هو هم سألني عليها كلي منو هي وشبيهه؟
حجيتله عنها مناضل متزوج وعنده اطفال اثنين زوجته زعلانه صارلها 4اشهر وحارمته حتى من اطفاله ماتقبل يشوفهم كلما يروح يطردونه.

سميه:  يا ليش هيج تسوي؟

:شرطها تكعد يم اهلها ماتريد اهله وهو هالواحد عند امه هو واخته  وابو شهيد ومايقبل يعوف امه واخته ارمله.
وهسه صارت محاكم بيناتهم وراح يطلكون.

: يتطلكون وعدهم اثنين اطفال شنو ذنبهم خطية.

: ولج هو يحبها ومدللها دلال امه مايعجبها العجب نضيفه بشكل يعني وهواسيه بالتنضيف وذيج اسم عليها تكعد ساعه 12.
صارت مشاكل عزلها وحدهه فوك بس هم ماتطبخ ولاتسوي شي وهو ياكل ويا اهله هو وجهاله
بعدها راحت لاهلها زيارة اعتياديه وماقبلت ترجع كلتله تريدني تعال يمي هنا ماارجع يم اهلك.

سميه:  ماارتاحيت اله مناضل هذا يسال على رقيه خاف عنده غايه
الدنيا ماتنحزر والناس،صايره وحوش.
وكت الغدا طلعت تغدينه والعصر رجعنه
طول 3 ايام الحنه والعرس والصبحيه
مشفت امان يختلط وي احد
وصلني احساسه بغرابه يمكن يحس نفسه غريب لان هواي صارله بعيد ومن ترك رضوان البيت يلله رجع.

مرت كم يوم واحنه بالغرفه اجتي رقيه تنفسها سريع ومتوتره
سالتها صفا شبيج
كالت جنت انضف الطارمه والي يم الباب رشيته
وشايفه مناضل.

سميه:  صفا سأليها شنو سوا من شافها وشنو هي سوت؟

صفا:  تكول ضاحك الها وهي هم ضحكتله.

: يبوووو ولج صفا كليلهه هذا الشي عيب وبعد لاتطلع ولا تنسئ تخلي الحجاب على راسها.

خفت على رقيه هذا شعنده جاي
قبل لااطلع للجامعه مية مره اوصي بيبيتي واكول الصفا توصي رقيه ماتطلع
وعلى ما اارجع كلبي نار عليها.

بيوم جان جمعه
كاعدين العصر بالهول

سوتنه صفا نسكافييه وكاعدين نشرب
دخلت علينه عمه زينب
سميه:  يممه عمه خرعتينه لااحم ولادستور

زينب:  ولج بابكم خرطييي بس واحد يكله هيج بصبعه ينفتح

سلمت على بيبيتي وكعدت تشرب ويانه نسكافيه
سالت على ابوي گلنالهه طالع
كالت تدرون عليمن جاييه انه
سميه:  انت دائما تجيين عمه فديتج دائما توطوطين علينه
زينب:  اي اوطوط مو انه وطواط لا ماحزرتي ام لسان انه جايه وجايبه وياي عريس لوحده منجن.

سميه:  ياستار.

زينب:  ولج شبيج اكو واحد يكول هيج علمود عريس.

: مايصير نذكر الله.

صفا: المن العريس عمه

بيبي:  اي صدك ام مؤيد المن صلوات.

زينب .حضنت رقيه من اكتافها وكالت .. لرقرق الحلوه اجاهه شون عريس ورده مثلها.

سميه:  كلنا تفاجئنا بس انه قلبي نغزني عرفته ابن اخوها.

يتبع. 
اسفه تاخرت البارت طويل.