رواية لمْ تكُنْ خطيئَتُنا الفصل الخامس عشر 15 - بقلم نورا ناصر

#لم_تكن_خطيئتنا
الفصل 13
نورا ناصر.

سميه: قلبي نغزني باوعت على رقيه مامفتهمه شي من الموضوع بس تضحك وحاسه بحنان عمه زينب من حاضنتها.
انه صح مو قريبه الها وماافهم الها هوايه بس احسها روحي من الدنيا وخايفه عليها لان حالتها خاصه والدنيا صايره غابة وحوش وذيابه والناس ماترحم.

سمعت صوت من بيبيتي
كالت:  اي صلوات على النبي شوفن اصغر منجن وراح تعرس وانتن ظالات.

سميه:  والله يا بيبي الي يسمعج اعمارنا ب30 و40
ومعنسات وكاعدات على كلبج اشو بعدنه كليه مامخلصين.

زينب: حجت ام لسان شيخلصنا من لسانها لاتخافين ماتعنسين اذا كلش كلش اخطبج لامير.

: هله انوبه عليه امير هالاملح حتى تصير بالسجاجيين انه ويا .

زينب:  شوف الادبسز شون تحجي على ابني كدامي! !

بيبي:  اسب التين واهله گاعدين ماتستحي.

سميه:  هذا تين اسود لا والله التين طعمه حلو كولي راس بصل ثوم فلفل حار اصلا حرامات اشبهه بنعمة الله هالمتعجرف.

زينب:  ييمه منج انت فلك اسود بس اريد اعرف منو الي راح يبتلي بيج اقصد  يصير من نصيبج.

سميه:  اي والله عمه انه هم اريد اعرف
اي صدك ما گلتي منو الي خطب رقية؟

: مناضل ابن اخوي.

باوعت لصفا كتلهه كولي لرقيه جاييلها عريس.
اشرتلها وعرفت خلت اصبعها على شفايفها مثل الطفله ودنگت راسها مبتسمه وخجلانه.

رفعت راسها وتاشر لصفا
ضحكت صفا كالت تسألني منو اعرفه لو لا.

: اي تعرفه گليلهه هذا الي سبحتي بالماي الوصخ ينتظرج تسبحينه من ذاك اليوم الهاليوم مو قابل يسبح اله يريد رقيه تجلفه.

كرصتني عمه زينب بفخذي ولج شبي ابن اخوي قابل وصخ.

يجوز شافته رقيه وصخ وشمرت علي سطل الماي حتى تسبحه
رقيه عدهه جهاز استشعار بالوصاخه الي تعرفه وصخ گبل تسبحه.

صفا: ههههه وماتسبحه اله بالماي الوصخ.

سميه:  بعد للضرورة احكام ماجان بيدهه اله سطل الماي الوصخ
المهم عمه هو طلك مرته مو؟

: لا بعده واصلين للطلاك.

: اي عود من يطلك خلي يجي يخطب مو هسه.

بيبي:  وانت شعليج اختج وصلت قسمتها لو تغاررين؟

: مااغار من خواتي انه يا بيبي بس لازم يطلك خاف يرجعها وهالشي مايصير.

: انت ماعليج خلي تمشي خطيه زين منه خطبها منو يريد وحده خرسه.

: بيبي شبيج ماتگليلي واذا خرسه بس ماناقصها شي
وحلوه وبعدين هيه مو بايدهه هالشي من الله.

: اووو انت شيخلصنه من اللسانج الله يعينه الي راح يبتلي بيج.

: هو وينه بس خلي يجي هسه وبعدين لكل حادث حديث.

صفا:  اي عمه مناضل شكد عمره؟

: حبيبتي عمره 30 سنه.

سميه:  حييل شايب هذا وخطيه رقيه توه يلله 18سنه عمرها.

زينب:  ولج شمشيبه بعده شاب.

بيبي:  هي بالعه مسجل اليوم ماتسكت يمه زنوبه من يجي ايوب انه اگلله

: اي عمه ان شاءالله واهم شي رقيه توافق حتى يجون امه واخته هم كلهم شايفينهه بعرس وعد بس بعد الاصول لازم يجون ويتفقون وياكم.

خلت عبايتها على راسها وگامت: انه اروح عاشت ايدج صفاوي على النسكافييه كلش طيبه.

بيبي:  هاا وين بعد وكت.

: لا عمه تدرين بعد يجونه خطار يتباركون لايناس مايصير ماموجوده انه هم عيب لازم استقبلهم.

بيبي:  هاا يلله الله وياج.

سميه …
من كالت يجون يتفقون على كل شي
حسيت بهاليوم شكد محتاجين امنا تحضرهه وتطلعها يمهم وتتفق وياهم على شغلات بيهه مصلحتها
انقهرت وبيبيتي مبين عليها تريد بس تزوجها.
كلت لصفا كليلهه بلله هيه موافقة عليه؟
حاجتها وكالت اي موافقة
زين كليلهه عنده اطفال.
تكول ميخالف انه هم اجيبله اطفال
ركعت كصتي هاي واصله مرحله.

بالليل من اجه ابوي كلتله بيبي
كال اهم شي هيه شنو تكول موافقه؟
بيبيتي كالت اي موافقه زوجهه يمه مدام جايتها قسمه.

ايوب:  الولد اعرف عز المعرفه خوش ولد.

سميه:  يابه متزوج وعنده اثنين اطفال.

بيبي: مو كلولج يابنيه يريد يطلك شبيج انت مرته هناك حتى جهالهه مسجلتهم مدارس هناك.

سميه:  خلي يطلك كلش ويجي يخطب عليمن مستعجل.

ايوب:  كومي سميه لاتلغين ناوشيني التليفون خلي اخابر عمج سليمان وافتهم منه.

انطيته التليفون اتصل على عمو سليمان
وطبعا اراء عمو سليمان مو مجرد اراء وانما اوامر
كونه كبير العائله.
ولان مناضل يصير ابن اختهه المرته فأكيد هسه
راح يسوي ولااكو احسن منه.

بالليل اتصلنا بأمي وانطيتها علم بخطبة رقيه
نبرتها جانت الفرح والحزن والصدمه
يمكن فرح لان اجتلهه قسمه وحزن لان هيه بعيده عنها. !
: ولج ماما سميه منو هذا ووافقوا عليه لولا.

: والله ياامي مدام من طرف عمو سليمان اكيد يوافقون.

: زين هو شلونه الولد خو ما مهتلف خطيه اختج ولج يمه سميه خو ماراح تنظلم هالمسكينه.

: لا يمه ماتنظلم وانه اختها.

: احجيلي عنه الولد شلونه مالونه.

صفا:  ماما يصير ابن اخو عمه زينب تكول عمره 30 سنه.

سميه:  شبيج تنبصين مو انه جاي احجي وياها.

صفا:  هم تليفوني وهم ماتخليني احجي حاجزتها بس الج!
اماليد:  وينجن بنات منو منهم ابن اخو زينب.

صفا:  ماما  اسمه مناضل عمره 30 ماادري ابن منو.

سميه:  اي متزوج وعنده جهال اثنين

صفا:  مرته زعلانه وتريد تتطلك اهللهه بغير محافظة

سميه:  اهووو هم حجت.

اماليد:  هي شبيجن ولج سميه خاف تكمل الخطوبه وتصير القسمه ديري بالج لاتنظلم اختج كون مهر زين غرفة نوم زينه حفلة مهر خليسوولهه والله ياريت انه اولفهه.

سميه:  اي طبعا شحدهم يحطون من قدرها حالها حال اي وحده وانه هم اخابر عمه زينب واحاجيها.

اماليد:  اي عفيه بنيتي مااوصيج بعد خطيه اختج بعد عيني رقيه راح تصير عروسه بعيد عن عني من عمت عيني الي ماتشوفج عروسه.

ساد الصمت والهدوء وصار الدمع يتكلم
عن  ندم جاء متأخراً   ..

يوم ثاني  السبت اتفقوا يجون عود يشوفوها
العصر.
رحنه للغرفه نحضرهاا اختاريت الها فستان ماروني
كلوش شعرها مفتوح وعليه بوند بلون الفستان
رادت مكياج مقبلت كتلها خلي يشوفوها ع الطبيعه احسن.

كعدنه ننتظرهم
اباوعلها مثل الكاعده على نار وكل شوي تسال صفا هم راح يجي وياهم هو؟ 
كسرت خاطري ممصدگه
دعيت الها بقلبي وروحي
اسعدها ياالله رقيه برعايتك
لاتخلي يظلمها ...
من اجو انه وصفا طبينه جوه لان هو جان وياهم واحنه استحينا نكعد بوجوده

طلعوا واحنا ماعرفنا على شنو اتفقوا
دخلت اريد اسأل بيبيتي سمعت ابوي يسألها عن اخته تفاجأت !! اول مره اسمعه يسأل على مره
دخل الشك القلبي!
طلع ابوي رحت لبيبيتي

: على شنو اتفقتوا خو ما حطيتوا من قدرها.

:  خلي تمشي قسمتها لاتصيرين عظم بالبلعوم.

اووو بيبي اروح اخابر عمه زينب احسن انت ماتنطين نشدة.

: انت الله مسلطج عليه يمته تعرسين وارتاح منج.

:يوم السعيد وعيد اعرس وافكج مني.

دخلت للغرفه خابرت عمه زينب
كتلها عمه رقيه حالها حال البنات مااريد احد يحط من قدرها جيف هي ماتحجي وتعرفين وضعنا احنا بلا ام  تاخذ حقنا وابوي مايهتم الهاي السوالف وبيبي عدها اهم شي تمشي قسمتها وهي خطيه تحب تشتري وتهتم بنفسها فهمتي عليه عمه؟

: ولج ام لسان تره مناضل واهله ناس شبعانيين
هو موضف راتبه الحمدلله واخته معلمه وامه عدها راتب الشهيد وانه معتبرتها مثل بنتي هم مااقبل عليها اطمئني كل شي هي تطلبه حاضر انت تدرين شكد احبكم.

: اي عمه واحنه هم نحبج.

: طلع گلبج طيب ام لسان!

: ههههه اي عمه جا شعبالج.

مرت كم يوم وصارت رقية من نصيب مناضل
الفرح جان واضح بعينها
اتفقوا على كل شيء
عمه زينب واخته تكفلوا بكل الترتيبات
ااخته 
حسب ماسمعت عن اخته الي اسمها فاطمة
ارمله من سبع سنوات وماعدها اطفال
اجو العصر هيه وعمه زينب اخذوا رقيه
حتى تختار بدله للحفله
بقيت اباوعلههم وهم بالطارمه

ابوي كال الهم انه اوصلكم للسوك
وعيونه جانت على فاطمه

حسيت بانزعاج وضجت
رحت لصفا بالغرفه
جانت تبرد اضافرها
كعدت يمها
: صفا ابوج وكع ومحد كاله اسم الله.

لطمت على صدرها وكامت من على السرير ولج وينه هسه ووين وكع

جريتها من هدومها ورجعتها على السرير

: ولج وكع بالحب شبييج!

: يبوو والله تخلسين الواحد خلس. اي خلي يوكع شترين منه.

: ايي يجيبلنه مرة ابو هنانه مااريد اووووه

: ولج شاب ومن  حقه

:خليت رجل على رجل كلت اي شاب ومحد طفا  
باوعتلها اكلج صفا انه اريد امي تجي للحفله

باوعتلي مصدومه تخبلتي ؟

: امها ومن حقها تجي تشوفها وهيه عروسه.

: ابوي يطيح حظنا والله يعلكنا بالبنكه

: ابوج واكع وبعد ماراح يهتم لاي شي منا وجاي
وانه راح اكله بس خلي يجي بالليل.

: ماتخافين والله يطيح حظج 

: على شنو اخاف شمسويه انه ؟

: جرئتج الزايده هي راح تعم عليج !

: ماتعم ولا شي  بس يجي اكله

بالليل اجه ابوي
شفته كاعد وحده بالهول
وكفت بعيد شويه عنه
خاف يركعني بطفاية الجكاير
تجرأت ونطقت
كتله :  يابه خلي امي تجي لحفلة رقية
بقيت انتظر رده
باوعلي بنظرة بارده كلش حسيت مايهمه هذا الموضوع بعد 
طال الصمت وهو مانطق
عفته ودخلت للغرفه
صفا ورقيه جاي يحجن
كتلها صفا ابوي قبل تجي امي
: جذابه كتيله ؟شنو كال ؟
: اي كتله وسكت اصلا طاكهه صفنه.
: يعني هو افتهم شنو كتيله لو باله بغير مكان
: السكوت علامة الرضا يااختي وبعدين وين باله شتقصدين ؟
: هه يمكن يم حمات اختج
: يسويهه الحظ
: ولج سمعت منو يجي يخطبها ترفض 
: بس لا مضمومه لابوج ولج.
: شكووو بيها
: دروحيي شكوو بيها بعد تجينه مرة ابو تطيح حظنا
: مبين عليها حبابه
: بعدين تتفرعن علينه دطيري خل اخابر امي.
:شراح تكليلهه ابوي معجب ؟
: نجبي راح اكللهه تعاي للحفله ابوي قبل.

خابرتها فرحت كلش ومفرفحه عليها
بيوم الحفله اجت اخته وعمه زينب ودوها للصالون.

احنه بقينا بالبيت
الظهر بدلنه وكاعدين نخلي مكياج بالغرفه
دخلن هجران ورجوان
امل وايناس وانترست الغرفه

هجران : شكد اكره الهوسه  يربي الحفلات ماترهم اله بالقاعات مو ابيت هالكدوته والله اهل بابا اعراسهم وحفلاتهم كلها بالقاعه.

سميه : حبيبتي مدام ماعاجبج شكو اجيتي !

: شبيج سميه عود احنا ابيتكم وهيج تحجين علينه ؟

: لا حبيبتي منين اجاه بيتنا هذا البيت امج الها حصه بي.
ضاجت وماكدرت ترد خلت وطلعت وتبعتها اختها طلعت وراها

امل : والله عليج سوالف سميه فشلتيها ولج.
سميه : والله شهالتعجرف
باوعت لصفا تعاي خطيلي الايلاينر يلله 

كملت كل شي طلعت من الغرفه صارت بوجهي اشواق وبناتها
اشواق بكامل اناقتها المعهوده
تباوعلي بشراسة وحقد يمكن بنتها كلتلها شحجيت
يوو طز ظليت امشي بدلع
اباوع لنفسي بالمرايه حلو الايلاينر عليه صفا خطته باحترافيه
رقيه بعدها ماجايبيها من الصالون.
ظلوا يجون المعازيم من باب المطبخ
لان الباب الثاني يمه الزلم يفوتون منه للديوانيه.

دخلت للمطبخ  صفا اجت وراي
الولد هم طابين وطالعين
مخليه شال على راسي بس خصلات طالعه من شعري طليت من باب المطبخ ع الطارمه
شفت رضوان واكف يخابر
ومناك بغير مكان
شفت  امان واكف يم امير واسلام
بقيت واكفه ومركزة عليه ماخذ الاناقه من امه
البنات يفوتن اسلام وامير يباوعون على شكو بنيه تمر
بس هو لو تفوت من يمه هيفاء وهبي مايباوعلها
شنو انت ماتگوولي؟ 
صارت نظرات بيناتنه
عيونه تهد حيل ثكلي من كد الجاذبيه البيها
داعبني الهوا وطير خصلات شعري الطالعه من الشال واحس نظراته عليه
صرفت نظري عنه بابتسامه طلعت غصب عني  بس هاللحظات حسيتها عمر ونظراته ماكدرت افسرها.

دخلت امي وبيبيتي الي هيه امها
فرحنا كلش حضناها انه وصفا ودموعها تهل
صار سنتين ماشايفينها
بيبيتي تعبانه خطيه مره كبيره وعدهه زياده بالوزن اذا بقت واكفه تتعب.
جريت الها الكرسي جان بصف باب المطبخ
تريد تكعد وصفا جابت الماي الهم
بهاللحظه طلعت اشواق
صاحت هذن شجابهن هنا !
بيبيتي ماكملت كعدتها كامت
الكل مستغرب ويباوعلها
ايدي على قلبي
يربي شراح تسوي هايه تخبلت
اجت يمي لزمتني من عكسي بقوه حسيت من خلال ضغطها على ايدي بمدى حقدها عليه وكرهها الي
باوعتلي ونفثت حقدها بوجهي
هي سوالفج مووو انت ؟
انت كلتيلهن يجن
وتصيح
بيبتي توجه كلامها لامي يلله يمه ماالنا مكان هنا
نفضت ايدي من اشواق
كلي ارجف
يربي القوة اريدها منك قويني
صرت مقابيل امي الي لازمه بيبي من ايدها وتريد تطلع.
كتلها ماتطلعون والله يمه مو بكيفها.
!!!
يتبع
توقعاتكم 😭شراح يصير بعد بهالحفله المشؤؤمه
مسكينه يارقرق

ادعولها بنات حتى لو بقلبكم مو اله بتعليق 💔