كاتبه رنا حسن.....
الانستا 1[ keraz.2003 ]
الانستا2{ anoo._.2003 }
﴿-------------------------------------------------------﴾
هلي وداعت بختكم روحي متعوبه
هلي شيب العلي مو كد مواليدي
هلي جمر جكاير جاس جلد ايدي
هلي الضيم العلي يريد كلبين
هلي وناس ودنيا علي
هلي يلوموني بَوجع ڪلبي هلي ﭑلما حّسو بـ تعبي
هلي شما يبطئ بيه اليل لحد ينشد شبيه
إنه وحزني نكظي اليل مثل
دموع فصليه
﴿-------------------------------------------------------﴾
شويه وطلع دكتوررر وياريت ماطالع
رحت اركض
بشررر دكتوور فددوه اروحلك
دكتور :مع الاسف صار عدهة اسقاط
كمال : خليت ايدي علا راسي وكلت لا تكولها لا
دكتور :الله يعوضكم بعد لعمر كدامكم
ولازم تنتبهون للمريضه أكثر
كمال :كال هيج وراح عضيت اصبعي ندم
لان عفتهة ورحت لهاذا ل*****
لو باقي يمهة ماصار كل هاذا
ام كمال:كافي يمه لاتقهر بروحك لحيات كدامكم
وربي يعوضكم مو زين عليك اخ منك يمه اخ
ليش ولك ضيعت روحك وضيعت مريتك وياك ليش
كمال :ماكدرت احجي شي خليت راسي بحضن امي ودموعي خذلتني ونزلت القهر اكل كلبي اكل
ماكدرت احافض عليهم
هسه شلون اباوع بوجهة وكول بسببي مات شلون
مرت كم ساعه وضابط كل شويه يجي هوة وشاهين يردوني اروح بس كوه قنعته بس اشوفهة اخر مره شويه وطلع دكتور كال
دكتور : لحمدلله علا سلامتهة
مريتك كعدت وماكو بلسانهة غير اسمك
كمال :الله يحفضك دكتور يعني عادي ادخل هسه اشوفهة
دكتور :اي تفضل بس لأطول ماريد حالتهة تتعب أكثر وحاولو لاضغطون عليها لأن نفسيتهة تعبانه حيل
كمال :تمام دكتور لاتوصي حريص بعيوني
عفته وفتحت باب لغرفه جانت نايمه مثل طفل
وجهة كله برائه احس براحه وامان وهدوء بين ملامحه سدين الباب علا كيف وتقربت يمهة كعدت ولزمت ايدهة علا كيف ضليت ابوس باطنهن وبوس بصابيعها اصبع اصبع شويه وكعدت جانت تحاول تركز وتشوف روحه وين اخر شي وكعت عيونها عليه نخمش كلبي واني اشوف دموع تجمعت بعيونها وكالت
هديل :م ما ما ت
كمال :نزلت راسي ضليت ابو بيدهة وكلت
الله يعوضنه بنيتي الله يعوضنه
هديل :كال الله يعوضنهة لو حسيت سجينه بكلبي صارت يعني تعب وصبر هل سنين راح بلحصه مات
كم كمال فدوه كول لا فدوه احجي كول ما مات
كمال :اشش بويه اشش هاذا كاتبه الله الحمدلله علا كل حال لازم نصبر ورب العالمين يعوضنه يجوز هاذا افضل حل اله يجوز ربج ماراد اجيبين
وتكونين مسوله عن طفل واني بعيد عنكم
هديل :فتحت عيوني بصدمه من كال بعيد عنكم
شنو يعني بعيد عنكم لويش وين رايح انت وعايفني
كمال :بنيتي هاذا ******اشتكه عليه لأن ضربته
ولازم اتحاكم ويجوز ادخل سجن لهاذا سبب رب العالمين اخذه من يمنه لأن ميريد يتعذب ويانه
حجيت هيج لو تورطت ضلت تصيح وتملخ بروحه
هديل :لا لااا متعووووووفني فهمممت متتتعوففني
ماعندي غيرك لاتعوفني كلكم راح تعوفوني والله اموت كمال اموت ماكدر اعيش بدونك حرام عليك ليش مافكرت بيه ليش يعني هسه شنو ستفاديت
ضليت بس أصيح وحجي اتهسترت ملخت نفسي
احس نار بكلبي بصفحه ابني الي راح وبصفحه
حبيب قلبي كمال وينه وين سجن
واني مالي غيره والله تاذه بدونه اموتت
كمال :ضلت بس تبجي وتملخ بنفسها كطعت كلبي عليه مخليهة علا كلبي بس حته تهدء اخر شي دخل دكتور انطاهة منوم يالله ستكتت شويه ونامت
ضليت أباوع عليه وتحسر ربع ساعه ابجي ونار بكلبي شلون راح ابتعد عنها شلون يمر يومي وماشم ريحتهة شلون ياربي شلون الك بيها أرادا
يالله ضليت مركز علا ملامحها اريد احفضهن اريد اشبع منهن تقربت يمهة ضليت ابوس بوجهة
اصعد علا شعرهة اشم ريحته بعمق بل اخير ماتحملت خليت راسي بركبتهة سحبت نفس قوي
وندك لباب رحت فتحت صار كبالي شاهين سلم عليه وسأل علا هديل وخله أيده علا جتفي وكال
شاهين :ياحزام ضهري ياخويه هاهيا لازم نروح
ودع امك ومرتك وتعال وياي وربك يحلها
كمال :نخمش كلبي بكلامه يعني هاهيا
دنكت راسي وتحسرت وحجيت بخنكهة
روح واني جاي وراك بس أودع بنيتي
شاهين :الله يصبر كلبك وكلبه. ياخويه
عسا مايتهنة كل شخص فرقكم
كمال :كال هيج وعافني وراح
سديت الباب وره ورحت حضنت هديل
ضليت ابوس بيهة لحد ماكعدت ضليت صافن بعيونه لو اضل لعمر كله. ماملهن
احم بنيتي لازم اروح
هديل :لزمت أيده وحجيت بجي لاتروح لاتعوفني
كمال :وداعت عيونج الي ساحله كلبي سحل مجبور بنيتي صيرين قويه وتحملي ونتضرييني فهمتي لاطلعين من لبيت عينج علا امي يابعد
ضلوعي ضلع ضلع انتي
هديل :ضليت بس ابجي مابيدي شي
مجبورين نتفارك سحبته لحضني ضليت ابوس بيه وهوة همات بادلني لبوسه اخر شي كال
كمال :راح اروح بنيتي
{استودعتج برحمان الي يحفضج الي }
هديل :ياعيون گلبي واني همات
{استودعتك بل رحمان الي يحفضك الي }
كمال :احبج هديتي
هديل :احبك كمالي
باسني براسي وعيونا مليانه دموع
واني متت من لبجي شنو معنه حياتي بدونه
محد الي غيره محد يحميني غيره راح اضل بيدهم
راح ياذوني ويذلوني اوووف ياوجع كلبي اوووف
عافني وراح وخذ روحي وياء هاهيا بعد ماشوفه
لو شنو ضليت املخ بروحي وابجي دخلت عمتي حالها مو احسن من حالتي اكيد هاذا ابنها وعزيز
كلبه مو سهله عليهة خطيه كابلتني وضلت تملخ بروحه وتكول
ام كمال:سووده علييه يايمه انت هييج يصير بيك انت ابو كلب الطيب ولحنين عساها بحضهم
وبختهم
هديل :اباوع عليه نكسر كلبي عليه شلون طلعت صدرها رب العالمين وتدعي وتكول
ام كمال:ربي بجاه محمد وال محمد رايده ابني
منك يا سيدي ويامولاي ماعندي غيرك ونت تعرف
ابني ماياذي اي مخلوق يارب ابني بحفضك ورعايتك
هديل :بس كملت دعاء ركضت عليه ضلت تبوس بيه وشمشم بريحتي وتكول
ام كمال:اخخخ يارييحتك يايمه اخخخ
هديل :خطيه ضلت يمي هواي اخر شي اجه دكتور مال لازم ترتاح
عافتني وطلعت بقيت شويه صافنه بل سكف
ودموعي ينزلون علا خدي وركبتي
شلون راح لو صدك ينسجن كم سنه اني شلون اعيش وين اروح خليت ايدي علا بطني وبجيت بل زايد ماتحملت خسارتين بنفس الوقت
والله كسرتي جبيره والله خلصت ليل كله ابجي
وغصه بكلبي وليل شطوله مايخلص
ماعرف اجكد مر وقت وغفيت شويه
وكعدت علا صوت عمه تحجي بسرعه فتحت عيوني عبالي كمال
بس نخمش كلبي من شفته فارس نزلت عيني وحجيت بخنكه
كمالي وين
فارس :اوووف ياخويه اوووف
كمال حاجزينه حالين وسبوع جاي محكمته
وحتمال جبير ينسجن اخويه لأن لولد ميقبل
يتنازل عن دعوه ابن *****
هديل :أثناء مايحجي نزلت دموعي ماعرف شسوي مابيدي شي غير ابجي علا حضي وعليه
كمال وينه وين سجن
واذا دخل يدمر ويدمرنا اني ماعيش بدونه والله ماعيش وعمتي من شافتني اجتي تمسح علا راسي
وكالت
ام كمال:والله معا الصابرين
الله كريم بنيتي رب العالمين مايعوف عبد من
عباده مضلوم ونشالله هوة ليحميلي ويحفضلي وليدي خلي بالج وصبرج طويل يالله شدي حيلج حته نرجع للبيت ويحلهة لحلال بلكي يتنازل
لولد لازم نكون أقوياء لخاطر كمال يالله بنيتي شدي حيلج وكومي تريكي مو زين عليج فقدتي هواي دم ولبارحه طالعه من عمليتج كومي يمه كومي لاشلعين كلبي أكثر كومي حبيبتي
هديل :طول ماعمتي تحجي دموعهة ماوكفت تحجي وتمسح بيهن تريد اتحمل وقوي نفسي بس
وهيه بنفسها متقوي روحه صعب ابنهة قطعه من كلبه وروحهة واني ماردت اتعبهة أكثر عدلت كعدتي وجابتلي صينيه مليانه اكل
اكليت شويه لأن نفسي مسدوده
وهيه خطيه ماجبرتني ولا ضغطت عليه
اكلت شويه ويايه وشالت صينيه
شويه ورجعت يمي كالت
ام كمال:يالله يمه الدكتور كال لازم ترتاح بل بيت
سوينه ورقت خروج عينيني حته اسندج ونطلع بل بيت تأخذين راحتج وكدر اداريج وهتم بيج
هديل: صدك سندت نفسي عليه كملنه كلشي طلعت شفت سياره كمال فرحت عبالي هوة ولحد ماوصلت ضليت ادوره بعيوني ماكو درت وجي علا صوت فارس وهوة يكول
فارس :كمال محجوز وهاي سيارته بقت عندي لأن سيارتي بل تصليح وكلشي يخص كمال اني راح اكون مسول عليه
هديل :كال اخر كلمه وقلص عيونه
بلعت ريكي وهزيت راسي ودخلت للسياره بدون
ماحجي اي شي عمتي وياي خطيه تحاول تصبرني
واصلهة هيه تريد واحد يصبرهة
الحمدلله وصلنا للبيت وكفت كبال لباب وحجيت بكلبي اووووف ياكمالي شلون اعيش بيت مابي
صوتك وريحتك فتحت لباب ومن كد تعب دخلت بسرعه للحمام تعبانه كعدت جوه دوش بس ابجي
دموعي ولمي ينزل سويه ضليت بل نص ساعه ابجي لحد ماندك لباب كمت خايفه وحجيت بهمس منوو ؟
ام كمال:هاي اني يمه شمالج صالج ساعتين خوفتيني عليج
هديل :حجيت بخنكه مابيه حيل البس مابيه حجيته وبجيت بصوت يرجف من وجع كلبي وقهري علا ابجي وزوجي وحياتي الي دمرت ابجي هلا حضي لأن لاعندي أهل بيهم خير ولا شخص غير كمال بس هوة ولحكوني عليه
ام كمال:سوده عليه يايمه شبيدي لو اكدر
انطي نص عمري بس يطلع ولج حالي حالج يهديل محروك كلبي علا وليدي بس مابيدنا شي غير ندعيله ولج يمه فتحي لباب خلي اشوفج تكدرين تلبسين لو ادخل البسج ولج لاتستحين مني اني امج ولج
هديل :حجيت ولغصه بكلبي صارت
لا هسه راح البس وطلع بس انتي مشطيلي شعري
كل مره كمالي يمشطلي هسه ماعندي غيرج
ام كمال:حاضر يمه من عيوني
والله مكسور خاطري علا هل بت خطيه ماتهنت بحياتهة لا من أهل يسألون ولا من شي لمسكينه طرك روحه جان بس كمال الي معوضهة عنهم وهسه الله لايوفقهم الي فرق بينهم وماكول
بس حسبي الله ونعم الوكيل عليهم لأن حركو
كلب هل بت ليتيمه وحركو كلبي. علا ولدي
هديل :كمت لبست كوه وتعب مسيطر علا كلبي وروحي وجسمي لفيت شعري وطلعت
بس شافتني ضلت صافنه بوجي شويه وحجت
ام كمال:ولج يمه كافي بجي مو حته عيونج ورمن
ولج صلي ودعيله ميفيد لبجي سوده عليه يايمه
سحبته وخليتهة علا كلبي وهيه نفجرت بل بجي وتحجي مثل طفل وتناشغ
هديل : عم عمه ماعندي غيره هوة اهلي والله
اموت اذا يمر يومي وماشوفه اختنك ولج عمه
كلبي مايتحمل كسرتين
خسرت ابني الي منتضرته صالي سنين وهسه زوجي وحب حياتي وابويه وكلشي هوة
خسرتهم بنفس ليوم ليش شنو سويت بحياتي حته
اتعاقب بهاي طريقه ليش امي ماتت وعافتني
وابويه من. ماتت امي راد يموتني ويخلص مني
ومن شردت طلع بطريقي كمال ونقذني منهم وخطبني حته ماموت ومن هذاك ليوم لهاذا ليوم أبويه تبره مني ولا عندي اخ ولا اخت هيه بس اخت وحده وكتلوهة بحجت يغسلون شرفهم لأن حبت وخطبهة علا سنه الله ورسوله
ومن صغري لحد ما كبرت وكلبي عايش علا لوعات
شتحمل بعد وهاذا زوجي الي اعتبره اهلي وكلشي
بعيد عني وابني ماات ولجج يمنه ماات ضليت املخ بنفسي بدون وعي فقدت اخر شي
حضنتني بقوه وضلت تبوس براسي وتهدي بيه وأقره ايات علا راسي لحد ماشويه هديت سحبتني من ايدي علا كيف ودخلتني للغرفه
كعدت ورايه شلون مايكعد كمال لان هيه كل مره شوفه من يكعد ويمشطني لهاذا سبب كعدت مثل كعدته حته احس بوجوده
لمهم خلتلي زيت شعر جابه كمال حته اهتم بشعري أكثر يريده يطول لحد رجليه
ضلت تمشط بشعري بهدوء وحنيه ضلت تنصح وتصبرني
شويه وخلصت مدتلي ايدهة
لزمتهة وكمت وياها كعدتني علا جربايه وباستني
وكالت
ام كمال:نامي شويه رتاحيلج وكعدي
حته نتغده
هديل :هزيت راسي وحطيت راسي علا مخدت كمال بيها ريحته وتغطيت سحبت تليفوني من شحن وشغلت
اغنيه حاتم العراقي ودعتك
ودعتك اني بليل غصلن عليه ودعاتك اني بليل غصبن عليه عيني لعمه ولا شوف عيني لعمه ولا شوف عيني لعمه ولاشوف ذيج لمسيه ودعتك ودعتك اني بليل غصبن عليه ودعت اني بليل غصبن عليه عيني لعمه ولاشوف عيني لعمه ولاشوف ذيج لمسيه ودعتك رديت انا شرديت بسكون اعرف لبيت ياريت مارديت رديت انا شرديت بس كون اعرف لبيت ياريت لو ماجيت ماضنيتي يافلان ماضنيتي يافلان ماضنيتي يافلان تلحك علينه ودعتك اني بليل غصبن عليهة ودعتك اني بليل غصبن عليهة عيني لعمه ولاشوف عيني لعمه ولاشوف وعيني لعمه ولاشوف ذيج لمسيه ودعتك
موسيقى وندمجت وياها
ودعتك ودعتك ورديت وايدي علا خدي وحشه درب ياهواي شيريدني وحدي ودعتك ورديت وايدي علا خدي وحشه ياهواي شيريدني وحدي وين اني ادورك وين وين اني ادورك وين رديت انا بجرحين رديت انا بجرحين
اكثر مقطع كسرني من كال رديت انا بجرحين صدك جرحين
واني ادري مني الراح واني ادري مني الراح شيرده اليه ودعتك ودعتك اني بليل غصبن عليه عليه ودعتك اني بليل غصبن عليه عيني لعمه ولاشوف عيني لعمه ولاشوف عيني لعمه ولاشوف ذيج لمسيه
موسيقى
ودعتك ورديت وعيوني تجري وكل ماتصير غروب وايدي علا كلبي ودعتك ورديت وعيوني تجري كل مايصير غروب ايدي علا كلبي كل كتر مني يصيح كل كتر مني يصيح خايف كليبي يطيح خايف كليبي يطيح حته الالي بدنياي حته الالي بدنياي حته الالي بدنياي صارو عليه
هنايا بهاذا مقطع اذكرت اهلي من تبرو مني وصارو ضدي
ودعتك اني بليل غصبن عليه عيني لعمه ولاشوف عيني لعمه ولاشوف ذيج لمسيه ودعتك 💔😔
ضليت اسمع بل موسيقى شويه وغفيت وياريت ماغفين تحلمت ابشع حلم ممكن اتحلمه بحياتي
تحلمت عندي طفله بل حلم شايلتهة وصاعده فوك عماره حايره شلون انزل اباوع جوه لعماره موجود كمال رافع أيده يكلي جيتي واني اخاف عليه وعلا طفله شويه وحسيت حركه وره ضهري اول مادرت وجي شفته واحد ملثم لازم سلاح عليه
وكال إذا رحتي اخلي جيله براسج حاولت
اتحرك ليوره وضرب طلقه بل جوو وصوت طفله
تصرخ باوعت جوه شفت كمال بل ارض مليان دم
وفارس فوك رأسه بس يباوع علينه ماسوه شي
رجعت باوعت للولد الي ملثم وضرب طلقه ثانيه
وطفله جانت تصرخ بس ضرب سكتت باوعت شفتهة طفله رأسها مليان دم وأيدي وملابسي انترست ضليت ابجي اريد أصيح ماكدر صوتي ميطلع اخر شي فزيت علا دكت باب قويه كمت واني الهث وابجي فتحته بدون مالبس شال أو شي
اول مافتحته شفته فارس وعمه فارس اجاني يركض راد يلزمني لأن امبين عليه خايف بس اني جنت خايفه أكثر منه بسرعه رجعت ليوره ماسيطرت علا روحي بسرعه وكعت علا ضهري وفرفحت روحي من لوجع كلت بدون وعي مااتت طفل وكمال ماتت .......
يتبع......
﴿-------------------------------------------------------﴾
طبعن صالي فتره تاركه لقصه عذروني لأن حيل مريضه وتعبانه نفسيتي بس راح احاول اعوضكم
ولبارت 2200كلمه اتمنى تصويت ومشاركاتكم ⭐⭐⭐⭐⭐ وتفاعلكم بلبارتات حته اكملهن لأن ماكو تفاعل بيه هواي ونشالله بارتات جايه اقوه أحداثه +شنو تتوقعون حيصير بيهم 💔
وطبعن اني اكتب بهاذة لبارت وبجيت ماتحملت
+اكو بنات جاي يقرن بل قصه بدون ميصوتن وكو بنات يصوتن بس ميتابعن لويش يعني دادة كل ماتتفاعلون ويايه اتفاعل وكل ماتصعد أكثر أكول لبارت عيوني انتو سكراتي مشاركه من يمكم 💙
وغلسو علا بارت نزلته بدون ماراجع قدرو تعبي
﴿-------------------------------------------------------﴾
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!