رواية لـم تسمعني الفصل الثاني عشر 12 - بقلم الكـاتبه: ‏ࢪنــ♥⑅⃝𝄞ـو♥︎𝑅𝑒𝑛𝑜

قرائةة ممتعةة.

كاتبه رنا حسن.....
الانستا 1[ keraz.2003 ]
الانستا2{ anoo._.2003 }

«»«»«»«»«»«»«»«»«»«»«»«»«»«»«»«»«»
شماتي موشمات شمات اخوتي
وامي ويه ناس تدعي على موتي
«»«»«»«»«»«»«»«»«»«»«»«»«»«»«»«»«»

كمال :اشش بويه اشش منو. يكول ماعندج ابو
واني شنو اني ابوج فهمتي

انتي بنيتي وحبيبتي ونفس الي يصعد وينزل
شهل حجي هاذا اني ابوج وامج وخوج وختج وصديقج وحبيبج وأبو جهالج وكلشي بعد ماريد
تحجين هيج ولا اريد عيونج الي ساحله كلبي سحل يبجن فهمتي يالله بنيتي الحلوه

هديل :هواي اذوني اهلي بس دائمن
كمال يحاول يعوضني وميحسسني انو اني بدون اهل صار الي كلشي

المهم رجعنا ومرت ايام عاديه وفارس بده يتحسن
وبيوم من الايام ضهر اجه فارس وكمال من شغل
وبديت اني وعمه نحضر غده خلصنا وبديت انقل الاكل لل صاله وكل مادخل فارس يباوع عليه حيل
حيل بديت اضوج من نضراته
حته كمال انتبه خله وكام صار يساعدني اني انطي الاكل وهوة يأخذه للصاله لحد ماخلصنا
لزم ايدي ودخل باوع لفارس عينه علا ادينا
وعيونه حمر
كعدت بين عمتي وكمال

وياريت ماكعدت ميخلوني امد ايدي عمه سويلي لفه وكمال من جهة ثانيه يسولي لفه

هديل :كمال عفيه كافي وربي شبعت

كمال :اشش بويه اكلي وسكتي

:-ضليت اكل علا اعصابي لحد ماخلصنا
حسيت نفسي راح اتقيئ

كمت بسرعه من يمهم غسلت
ورحت اعزل لماعين
عمتي ماقبلت بس اني حلفتهة تروح تكعد
كوه بالف ياعلي يالله قتنعت شويه وحسيت شخص ورايه درت وجي وفززيت من شفته فارس

فارس :بلا أمر عليج تكدرين صبيلي جاي

هديل :بلعت ريكي وهزيت راسي ب معنه اي
رحت خليت القوري علا نار ورجعت اكمل غسل لماعين بين ميخدر وطول لوكت عينه عليه حته ماعرفت اشتغل
بس فار جاي رحت صبيتله وديته يمه ومديت ايدي حته يأخذه اشو هاذا ضل يباوع بعيوني صافن

هديل :احم جاي راح يبرد
مد أيده خذاء مني وكال

فارس :اوووف ياوجع كلبي

هديل :كال هيج وراح خلاني بصدمه بس ارمش بعيوني شنو يعني وجع كلبي اني شكو شبي هاذا تخبل
الحمدلله اي والله عفته ورحت كملت شغلي ودخلت لغرفتي سبحت وهستوني طلعت ودخل كمال
بس شافني كال

كمال :تعالي بويه اني امشطج

هديل :طبعن ماكلت لا لئن شعري طويل ويضوجني من امشط
كعدت

وهوة كعد ورايه ينشف بشعري وكل شويه
يتقرب يمه ويبس غصلات شعري غصله غصله

كمال :اخخ يا جمرت كلبي
فوك ضيمي انتي عليتي كلبي وناس حاطه عينهة
عليج
وين اضمج فهميني ولج انتي هديتي الي وبس
ولج شلون ارتاح واكو غيري يفكر بيج ولج
حته نوم ماكدر انام اريد أطلعه من جوه الكاع
واخذ روحه بيدي

هديل :طول ماكمال يحجي اني ساكته
لان ماعرف شنو احجي بخصوص هاذا. موضوع
سالفه دوخ لمهم ضل بل نص ساعه يمشطلي شويه وحجيت

احم كمال

كمال :ها بنيتي

هديل :لاتعوفني وصدكهم وداعت ابني ماكو
غيرك بكلبي وعساني بل مووت إذ بعدني مامكمله
وسد حلكي وكال

كمال : اشش بويه اشش دير بالج تدعين علا روحج فهمتي واذا تاذيتي معناها اني تاذيت ديري بالج تدعين

هديل:هزيت راسي ب معنه اي ضل يضفر بشعري
لحد ماخلص شلع كلبي

كمت من يمه لبست ملابس خفيفه حته انام
تمددت علا جربايه شويه
واجه يمي تمدد ضل يلعب بجهازه واني همات ضليت أباوع بل ستوديو علا صورنا وذكرياتنا بيتنا الي حركو الله لايوفقه الي حركه
اني ماضجت علا لفلوس أو شي بس هاذا لبيت احبه اول بيت نعيش بيه اول بيت يكبر بيه حبنا اول بيت بكل زاويه النا ذكريات وبكل بروده حركو كلشي ضليت ابجي ومادري بروحي شويه ونتبهلي كمال اجاني خايف عباله بيه شي

كمال :شبييج بنيتي ليش تبجين
سحبت جهاز من ايدهة عبالي همات راسلوهة
بس نصدمت من شفتهة داخله علا لستوديو
وتباوع علا صورنا وتبجي ومالومهة حقهة اني
محترك كلبي عليه أكثر بعد
سحبتهة لحضني ومسح بدموعها
اشش بويه تموتيني بدموعج بسج بجي بس ارتاح شويه اني ارجع اسوي مثل قبل بس خلي الكه
الي حركه وسهله كلشي يجرالج

هديل :هزيت راسي واني ابجي وكل شويه أضم وجي بصدره أكثر حيل حيل مشتاقتله أحسه أبويه
قبل لايكون زوجي وحبيبي
ضل يسولف وياي حته يضحكني شويه وندك لباب بقوه كمت مخروعه وهوة همات ركض سحبني من ايدي ودخلني للحمام كال لبسي بسرعه واني ماكلت لا لبست بسرعه ولباب كل شويه يندك أكثر
ردت اطلع وماحسيت غير دفعني للحمام وكال ولا صوت خاف سمعين صوت او شي دير بالج طلعين صوت ولا تفتحين لباب عافني وراح قفله خلاني اشيل روحي وركعهة بل كاع
رحت وكفت وره لباب حته اسمع شويه وفتح لباب
ومسمعت غير بس يسب ويغلط

كمال :الله يطيح حضككك يا خايسسس

انننت ازمااال اكوووو واحددد هيييبج يدددك
لبابببب

فارس :والله مو صوجك صووج الي تكول عليه زماال جايبلك بشاره

كمال :من أنعل*****لابوو ******
هاي جايبلي بشاره وكسرت لباب بيدك إذا
جيبلي مصيبه شسوي تكسره فووك راسي

فارس :اهووو اروح انام احسلي

كمال :كال هيج ومشه من حركت كلبي جريته من قميصه ودفعته للغرفه وهوة ماسيطر علا وكفته
بسرعه وكع

فارس :صدككك جذذب كمالل شبييك
هوووة هييج الي يدفع متخاف ينكسر عضم بيه

كمال :ههههه اني شعليه انت فاهي مابيك خير توكف عدل مثل زلم

فارس : استغفرالله العظيم ادور اني فاهي
دشوف روحك جنك ثور

كمال :عفته يدردم ورحت فتحت باب لحمام
شفت هديل كاعده بل زاويه بس شافتني اجتني تركض حضنتني

هاي شبييج ام دميعه علا كلشي تبجيين اشو باوعيلي

هديل :رفعت راسي من خوفي ماعرفت شنو اسوي
بسرعه سحبته وبست خده واشم شويه ونتبهت فارس وره كمال عينه عليه ويخزرني بتعدت وكلت

احم كمال شكو صاير

كمال:يابويه حالي حالج منتضر لفاهي يحجي

فارس :اول شي اني مو فاهي سمعت ثاني شي
لكيت الي يهدد مرتك هوة نفسه حرك بيتك وخرب حياتكم

هديل :ضليت مصدومه من كلام فارس وكمال شويه يباوع عليه وشويه علا فارس اخر شي ركض لفارس لزمه من ياخته وكال

كمال :احجججيي منووو هااااذا ك*****

فارس : ابن عم هديل وابن ______

كمال :فاررس احجي لاتخبلني هاذا شذكره بهديل
وشعده وياهة وهوة حته صار كم سنه ماشايفهة

فارس :ياخويه ماعرف حالي حالك مصدوم بس اني خليت مراقبين علا بيتك وشفته اجه بنص اليل
راح لبيتكم لكاء فارغ ضليت امشي وراء لحد ماوصل لبيتنا هاذا يراقب بينه ف
ضليت اراقب بيه لحد مالزمته كسرته تكسر اخر شي اعترف كال اني سويت كلشي واني احب هديل

هديل :حجه هيج وتحسر وهوة يباوعلي حسيته
اكو لعبه بل موضوع بس ماعرف شلون احجي وكول المن اخر شي فززني صوت كمال وهوه يحجي

كمال :الييييوم اششرررب من دمممممه

هديل :كال هيج وركض اخذ سلاحه وراح
فارس باوع عليه وكال هاهيا مابقه شي ويحلالي جو عافني وراح هوة هاذا همات مخبل
ضليت ابجي وملخ بروحي عمه اجتي حجيت آلهة سالفه ضلت تلطم نخاف كمال يتهور ويكتلهة

ضليت بس افتر شويه وتصل تليفون عمتي ركضت شلته من الكاع وهيه خطيه حته ماتكدر تكوم من
الهبطه
بس شفته فارس فتحت خط بسرعه وفتحت سبيكر

هديل :الوووو فارسس كممال وين

فارس :رااح اخوويه راحح كله من وراجج
كتل لولد كتله

هديل :كال هيج وسد الخط نصدمت إلى درجه ماكدرت استوعب كلامه اجتي عمه دك وتلطم
وتصيح

ام كمال:يمممه سوووده عليي ولللك يممه
ليششش ضيععت روووحك

هديل :ضلت بس تبجي واني حسيت نفس ضاك عندي اريد اجر نفس ماكو هيه بس شافتني اجتني
تركض

ام كمال:يممه صخاام بوجي جرري نفسس ولجج يممه هدييل ركضت جبت مي من ثلاجه غسلت وجهة بيه اريد بس جر نفس ماكوو تخبلت ضليت املخ بروحي من جهة ابني ضيع نفسه وضيع مرته وابنه وياء ومن جهة هديل انتهت بيدي

ولج يممه تنفسسي

هديل :اريد بس اجر نفسس ماكوو ضليت املخ بروحي اختنكت اريد اتنفسس وماكو بلساني غير اسم كمال شويه وغوشت عيوني بعد ماحسيت بشي اغمه عليه

ام كمال:يمه صخاام بوجي دخييلك ياعلي دخيلك ياعلي
تخبلت من شفت هديل وكعت بيدي لا ايد ولا رجل
من حركت كلبي بسرعه اتصلت علا فارس اول مارد

فارس :ها يمه

ام كمال :بدموع ولك يمه الحكلي مرت اخووك
راح تمووت ماتتنفس

فارس :جاااااي. جاااااي حاولي تكعدينهة يمنه كعديهة

ام كمال:كال هيج وسد الخط كعدت ابجي وملخ بروحي راحو ولد راحو وهاي لمسكينه ماكو ماتتنفس

فارس :حسيت نفس نكطع عليه من سمعت بهديل ماتتنفس تخبلت عفت كمال بمركز الشركه ويه شاهين وركضت هوة تخبل من سمع هديل واكعه
يريد بس يطلع مايخلونه
كوه كوه قنعهم شاهين لئن شرطي صديق شاهين روح بروح كوه عافه كال بس يشوفها ويرجع
دز ويانا ثنين حراسه خاف يشرد

كمال :بس سمعت هديل ماتتنفس خفت اخسرهة
تخبلت ماعرف شسوي اريد بس اشوفهة
ماتخيل حياتي بدونها هيه بنيتي وحبيبتي ونفس الي يصعد وينزل

ركضت اني وفارس الي متخبل مثلي الي يشوف بروده وتصرفاته ويه هديل مايصدك ويكول نفسه
الي خايف مثلي عليهة

ركضت صعدنا بسياره شاهين وجاي نروح للبيت
وتصلت امي

رد عليها فارس وقبل لايحجي سحبت جهاز منهة

كمال :هاا يممه هدييل كعددت

ام كمال:يمممه سووده عليه ليش ولك ليش حركت كلبي وضيعت روحك وضيعت هل مسكينه وياك

كمال :يمه اروحلج فدوه إذا انتو مكاني اسوون أكثر مني ماتعرفين اسوه لو باقي علا سوالفه قديمه جان بس ضربته بس هوة سوه اسوء منهة
هسه عوفيني منه
بشريني بهديل يمه امووت إذا صار بيه شي

ام كمال:ولك يمه ماكو لبنيه انتهت ماتتنفس طلعت بشارع أصيح التمت ناس علينا شالوها وخذوهة للمستشفى بل ______ الحك شوفهة ودعيلهة
سووده بوججي يايمه بعدكم مامتهنين

كمال :سمعت هيج لو تخبلت ضليت بس أصيح علا شاهين اريد بس اوصل ماكو اخر شي ضليت أصيح أريده ينزل بس حته اسوق ماكو ضليت اضرب بل كرسي الي كدامي ساعه اضرب علا راسي اريد بس اشوفهة حسيت بنفسي اني جاي امووت مو هيه
لحد ماوصلت حسيت روحي طلعت
نزلت اركض وفارس ورايه
دخلت سألتهم علا لغرفه ودلوني عليهة ضليت اركض بكد ماعندي قوه
لحد ماوصلت بس شفت امي بل كاع تبجي ركضت اول ماشافتني كامت حضنتني وتبجي

ام كمال:ليششش ولك يمممه ليششش
ولكك راحح تمووت بنيتك راح تمووت

كمال :يمممه احلفج بداعتي لاتحجين هيجج
عساني انعمي ولا اشوفهة متاذيه عسا ينكطع نفسي ولا تتاذه يممه ماتموووت ماتموووت

هااي بنيتي وتربيتي ماتعوووفتي

كعدت وخليت ادي علا راسي مخنوك ودنيا طالعه من عيني كلشي اكرهة بدونها كلشي امي ملخت روحهة تملخ ولا يوم اعتبرت هديل جنتهة جانت تكول هيه بنتي أكثر منكم
وفارس حاله مو احسن من حالي كعد بل كاع عيونه حمرر

شويه وطلع دكتوررر وياريت ماطالع
رحت اركض
بشررر دكتوور فددوه اروحلك

دكتور :مع الاسف

يتبععع

'''''''''''''''''''''''''''''''''''''''''''''''''''''''''''''''''
وكولو لبارت مو طويل نشالله بارت جاي أطول
وبيه احداث اقوه وتمنى يعجبكم ولاتنسوون تصويت ⭐⭐⭐⭐⭐ وتفاعلكم ويه لقصه
كل ما زاد تفاعل اطول لبارت أكثر
ومتابعه للحساب حته توصلكم الاشعارك اسرع

sally2003sally
""""""""""""""""""""""""""""""""""""