رواية لـم تسمعني الفصل الحادي عشر 11 - بقلم الكـاتبه: ‏ࢪنــ♥⑅⃝𝄞ـو♥︎𝑅𝑒𝑛𝑜

كاتبه رنا حسن.....
الانستا 1[ keraz.2003 ]
الانستا2{ anoo._.2003 }

~~~~~~~~~~~~~~~~~~~~~~~~~~~~~~~~
وحلاته اليعشگ ومايبرد بعشگه 🥀
حلاته ويه الولف يتگاسم الشهگه🥀
~~~~~~~~~~~~~~~~~~~~~~~~~~~~~~~~

كمال رفع جهازه يتصل شويه وندك لباب باوعلي بتوسل وشفايفه ترجف كال

ر ركضييي فتحححي لباببب

هديل :من خوفي ركضت وفتحت لباب بدون ماكول منو
باوعت شفتهة شاهين ابن عم كمال

شاهين :كمال وين

هديل :اشرتلهة علا غرفتي
دخل يركض واني همات وره
دخلت باوعت كمال وشاهين شالو فارس وطلعو
صعدو بل سياره وأمه خطيه مفرفحه عليه
تكسر الخاطر

ام كمال:يممه سوده عليه بيه ولا بيك

كمال :يمه طبي جوه اني اخابركم

ام كمال:يمه احلفك بغلاتي عندك اخذني
وروح ابوي اموت اذا ماتاخذني

كمال : استغفرالله العظيم البسي عباتج
ونتي هديل ويانا بسرعه ماكدر اعوفج وحدج بسرررعه

هديل :دخلت اركض لبست شالي ول عبايه
لان داخلين مستشفى مو مال جبه
سحبت تليفوني من جربايه وطلعت صعدنا بل سياره وطول طريق عمه تبجي وتدعي خطيه كسرت كلبي وكمال ماعرف شبيه عين عليه وعين علا فارس

لحد ما وصلنا احس كلبي صار شكبره
نزلت اني وعمتي وهمه أخذو فارس ماعرف لويش
حيل نقهرت عليه رغم هوة تصرفاته وياي
مو حلوه بس يضل اخو كمال
لمهم دخلو ودخل دكتور ضلينا منتضرين شويه
وطلع دكتور

كال
دكتور : الحمدلله علا سلامته مابي شي خطير
بس بيه تيفو وصعد عنده ضغط هسه انطيتهة
ابره وشكلتله مغذي بس يصير احسن يطلع
وستمرو علا لعلاج الي كتبته الكم ونشالله عدكم
العافيه

كمال :الله يخليك دكتور ماقصرت

هديل :راح دكتور ضلينا منتضرين
شويه عمتي خطيه وجهة صار اصفر من لخوف
وكمال يكسر الخاطر
شويه وطلعت ممرضه

كالت صحه ويريد كمال

كمال :مشكورا خويه هسه ادخل

يمه لايضل بالج هسه راح ادخل اشوفه ونطلعهة
هزت راسها بمعنه اي عفتهة ودخلت لفارس
مجرد شفتهة علا سرير كلبي نخمش ماتحمل اشوفهه يتاذه
فارس مو مجرد اخويه زغير لا احسه اخوي وابني
وكلشي اخاف عليه أكثر من روحي
تقربت يمه وهوة فتح عيونه علا كيف وكال

فارس :احم كمال

كمال :عيوني وكلبي انت ياخويه كم مره كتلك
لاتكعد بل شمس هسه احسلك بهل وجع

فارس :اوووف ياخويه اوووف

كمال :صار عندي خوف علا فارس مو طبيعي
تصرفاته نضراته وبس مهموم

احم فارس انت ثق بيه وتعتبرني مثل ابوك
لو شنو اني بل نسبه الك

فارس :شهل حجي خويه اكيد أخويه وابويه انت
شلون تحجي بهاي طريقه وتكول تثق لو لا
تره ماحبيتهة منك غير تربيت علا ايدك شلون ماثق

كمال :عفيه مثل ماكلت تربيت علا ايدي يعني
اعرفك إذا بيك شي او مهمون احجيلي ياخويه
شنو الي متعبك كول إذا افلوس اصيرلك فلوس
واذا يوجعك شي اوديك لخارج لعراق بس
ماتنوجع كول شنو لمتعبك

فارس :دنكت خجلان من كلام كمال هوة يعتبرني
كلشي اله بس اني واحد حقير حاط عيني علا
زوجته زين والله مو بيدي هاذا شي اني احبها
واذا اشوفه وياها اتمنه احرك لبيت كله وحرك روحي ماسيطر علا نفسي ماريد اخسر اخويه
وكلبي مايرضه يقتنع بغيرها وضليت مثل
سمجه مزوهره بكلشي اخخ ياهديل اخخ
قاطع صفنتي وهوة يكول

كمال :ولك عليت كلبي احجي شبيك لاتخوفني مسوي مصيبه وخايف منهة

فارس :لا خويه مامسوي شي بس لوجع بكلبي وبروحي اريد ارتاح ماعرف شلون

كمال :ولك لاتخبلني شبيه كلبك عساهة بكلبي
وبروحي أتريد ناخذك للدكتور

فارس :لا لا مو مال دكتور فهمتني غلط نزلت راسي وحجيت واني لغصه بكلبي صارت
كمال اني احب وحده

كمال :فتحت عيوني علا وسعهن ونصدمت من
فارس الي جان يكول لو اموت ماحب وهسه
صاير جنه طفل يتراجف علا بنيه

احم اضاهر وأكع فرد مره

فارس :ههه والله مو بس وكعتني لا والله
حركت شيب الخلفوني

كمال :فارس طول ماهوة يحجي عيونه تلمع واول مره اشوفه هيج ف ماتحملت كتلها

نروح ليوم نخطبهة بس حجيت هيج باوعلي بصدمه وكال

فارس :لالا شتخطبهة مانكدر

كمال :ليش اكو شي ثاني

فارس :ماكدر اخطبهة لئن زوجت

كمال :صدمتني من كال ازوجت وعيونه مليانه
دموع

فارس يعني ضحكت عليك خلتك تحبهة وزوجت
لو شنو احجيلي

فارس :لا خويه أصلن ماتعرف اني احبها
وقبل لاعترف ازوجت مالحكت عليها ولحد الان
ماتعرف بس اني ماكدر. اطلعهة من راسي
ياخي احس بروحي صرت مدمن بيها
ماكدر اتخيل عيونهة تباوع لغيري ولا شخص
يتقربلهة غيري ياخي امووت والله امووت
لو بيدي احبسهة بقفص حته صوتها ماريد
واحد يسمعه
جاي اموت واني افكر خاف يبوسهة خاف يضربهة
خاف تحبهة وماكدر اعيش وياها
جاي اموت والله جاي اموت

كمال :نكسر كلبي علا فارس وهوة يحجي
دمعتهة بطرف عينه ويحجي عليهة اول مره اشوف
فارس هيج يحب حيل متاذي وماعرف شسوي وشلون اساعده وهوة مامنتبه علا روحهة ضل يحجي عليها وكل شويه توكع دمعته ويمسحهة
ماتحملت اشوف اخويه هيج مكسور

اشش بويه اشش زلمه طول وهيبه
ولكل يخاف منك شمالك كمت تتراجف علا
بنيه اشوو كوم خلي نطلع والله كريم نشوف شلون
تصفه
كومتها شويه شويه وهوة ساند نفسه عليه
طلعنه شفت هديل الي شيبت كلبي ماعرف شلون
ارتاح وخليها ترتاح وياي كل مأكول تحسنت علاقتنا تطلع سالفه ثانيه حته ماعندي مجال
نكعد سوه ونسولف وشوف شمحتاجه شبيهة مهمومه

ام كمال:سوده عليه يا يمه يافارس يبست كلبي
عليك كم احجي وكول بس ماتسمع لكلام

فارس :اجتني امي كل عاده داست عليه دوسه ونص رزايل وخوف بنفس الوقت

هههه اعصابج ام زوز (اسم امهم زهره )

ام كمال:يععع تضحك عليه واني كلبي مفرفح عليك

فارس : الله يطيح حضي إذا اضحك عليج

كمال :دعوف حضك هوة من الأساس طايح حضك

فارس :هههه اروح فدوه زهرتي اني وحضي وعشيرتي شعندي غيرها

هديل : اكثر شي حلو بكمال وفارس انو شما يصير
وجكد مايتاذون مايحجون آلامهم ولا يكولون تعبانين يخافون علا امهم وخاصه كمال
حيل متعلق بأمه وأخو ويخاف عليهم من لهوة
ومرات انقهر وتمنه يكون عندي أهل هيج يحبوني
بس بل حقيقه اهلي ميحبون بس لفلوس
ولحد الان احس غصه بكلبي كل ماذكر
أبويه وهوة يكول لكمال اشتريها وخلصني منها

لئن ابويه ميحب البنات وامي جابتله ثنين بنات
اني واختي توم
ومن عرف بينه تخبل راد يموتنا بس امي توسلت قاطع تفكيري كمال وهوة يكول

كمال :شبيج بويه هديتي

هديل :دنكت راسي وبجيت ماعرف كل ماذكر
أبويه شلون جان يعاملنا وشلون باعني ماتحمل
كمال يحجي واني بل اناشغ وابجي

كمال :ولجج بسسس باعيلي لاتخبلييني
شكوو بيج شي يوجعج شيي
بنيتي هدوشتي اشو باوعيلي
رفعت راسها بيدي ضلت تباوع بعيوني
وكميت الحزن الي بيها اوووف تمنيتهة بكلبي

يابع ضلوعي ضلع ضلع يبت كلبي منوو
وياج احجيلي بويه لاسكتين يوجعج شي

هديل :حجيت واني ابجي مثل طفل وناشغ ومسح دموعي بردان العبايه

ك كمال لويش أبويه ميحبني يعني
لويش ماعندي أهل يخافون عليه وسند نفسي عليهم يعني أبويه كل همه لفلوس وامي وامي
صار كم سنه ولا مره ذكرتني وتصلت عليه
كالت خلي اشوف بنتي ميته عايشه
لايجون عليه ولا يخلوني اروح يمهم
زين اني شنو ذنبي من كد مابجيت ماكدرت احجي
اباوع الام كمال تبجي علا بجيتي وفارس صافن بوجي ومقهور عليه
وكمال اووف ياكمال ياريت كل ناس مثل حنيته

كمال :اشش بويه اشش منو. يكول ماعندج ابو
واني شنو اني ابوج فهمتي

انتي بنيتي وحبيبتي ونفس الي يصعد وينزل
شهل حجي هاذا اني ابوج وامج وخوج وختج وصديقج وحبيبج وأبو جهالج وكلشي بعد ماريد
تحجين هيج ولا اريد عيونج الي ساحله كلبي سحل يبجن فهمتي يالله بنيتي الحلوه

هديل :هواي اذوني اهلي بس دائمن