رواية لو انك لم تعد ..... الفصل العشرون 20 - بقلم نورا ناصر

#لو_انك_لم_تعد .........النهايه .........

بقلمي نوره البارت جريئ شويه ..

سلاااام اني كرم ماعرفتكم عليه بالبدايه بس هسه راح اعرفكم
اني جنت احب روان بنت عمتي .. بقينه تقريبا شهرين ومجانت نيتي وياهه لعب لا ابد موطبعي العب على اي بنيه بس جنت طالب وادرس وكتلها بعد مااخلص دراسه اخطبج او بالعطله اشو هي مصار شهرين وخانتني محاجيه صديقي وهواي ناطيته مجال للعلم هو ميعرفها بنت عمتي بس كلي تعال شوف هي البنت طبتلي خاص وبدت تزحف االي وتريد علاقه اني انصدمت بيها ليش هيج تسويه واي واحد ثاني جان هم ينصدم وخاصة اني جان قصدي شريف وياهه. . كلش انقهرت وماسكتت الها شنو واني اسكت طرطور رحت گلت لامها عليها وصار الي صار .. بعد بقت تصاحبني من غير حسابات وكل مره اكشفها ..
اما غرور اخ غرور .. كلش عجبتني وحبيتها وتعلقت بيها .. حسيتها ملكي الي .. بفد يوم اجت روان كلتلي تره غرور تلعب عليك وهيج سالفتها تره متحبك .. اني ماصدكتها وكتلها جيبيلي سكرينات .. دزتلي سكرينات وهم ماصدكتها قررت احاجيهه بالموضوع واكوللهه اريد اخطبج وبالفعل حاجيته وارتبكت كالت مااريد خطوبه هسه حجيت وياهه كتلهه الي تردي يصير اذا تردين هسه بس خطوبه وبعدها نتزوج علما تكملين دراسه او اذا تردين نتزوج وتكملين هم عادي بكيفج ماقبلت بكل الوسائل اجيتها مقبلت وكررت اعرض عليها الموضوع اكثر من مره وهي قافله ومتقبل ..
تاكدت بعدها حجي روان صحيح وغرور مسويتني لعبه بيديها .. لحتى تنتقم مني بذنب اني ممسوي
بقيت اغلي بداخلي منها ورغم كل هذا احبهه.. وجنت ناوي اسافر اكمل ماجستير بروسيا ومجنت اضمنها تبقى الي قررت اجيبها للبيت صح السويته خطأ بس اني احس انجرحت كرامتي منها
جبتها للبيت ونومناهه وخدرناهه حتى متحس شلتهه وصعدتها فوك الغرفتي .. وصحت الشهد هي تنزعها ملابسها ع النص واني مشفت منها شي ولاباوعت الهه ابد صورناهه وبس بستها ع ركبتها وسويت اثر
مرت الايام واني اقنعها خلي نتزوج متقبل الى ان بيوم رادت تنهي كل شي وتحججت بشغلات واعترفت وكالت اني مااحبك اني ردت انتقم اذتني بوقتها ليش اني احب من كل قلبي وهيج اتجازه يابخيانه يابلعب
تركتها على راحتها وانتظرتها اشهر ترجعلي تسلم عليه ماكو وهي عايشه حياتها اراقبها على الفيس فرحانه ولامهتمه بكل مكان تضحك وتسولف بكل الكروبات واني محروك حرك وهي متونسه سافرت اني وبديت ادرس .. وتعرفت على وئام .. جانت مجرد صداقه ... بس اشوف نضرات الحب بعيونها
اجاني خبر بانه غرور انخطبت بعد مرور سنتين واني انتظرها .. وهي ولاكانما راحت انخطبت ملحكت اخابرها قبل الخطوبه خابرتها بيوم الحفله مال الخطبه اتوسلها وابجي ماردت شي ردتها هي وبس وادري بيها تحبني بس تكابر عرفت تحبني من وكع منها دفتر زغير مليان بي اسمي
ردت افهمها لانه اني وهي مالنه دخل بزيد وريم احنه وحد .. وحبنا اقوه هي مافهمت عليه وكلتلي انساني
رجعت حاولت وياهه تترك خطيبها مقبلت خوفتها هددتها ماكو متمسكه بي
اني من قهري ردت انطيها درس .. شوفت الصور الخطيبها .. وهو عادي خطيبها وشايفها جسمها بالحفله وبدلتها جانت كلش مفتوحه فعادي مثل الصور واني جنت يمها الفرق الوحيد هذا جان بين الحفله والصور الي طكتهن شهد الها بالحفله ودزتهم الي ..
ورغم كل هذا ولاتنازلت ولاكالت تزوجني واستر علي وبقت مغروره وشايله خشمها موتتني قهر
جنت اخوفها واكول الها اني تركت بيج اثر حتى تحس وهي ولاحست ..
وكل هذا والحب الي بداخلي الها يكبر وي كبر عنادها
وئام هي الي اعترفت الي بالحب وكالت احبك بس اني احب غرور مااعرف ليش الي نحبه يكابر علينه ويهملنه والي منحبه يحبنه ويوكف ويانه
صارت حادثة ريم ورجعت للعراق .. شفت غرور شلون متاذيه راسها وايدها .. تمنيت الاذى بيه اني ولاهي وبقت هي مكابره
شكد تمنيتها تجي تكعد يمي وتنطيني مجال ابد ولاحاولت ..
ومن اشتكيت عليها دست على روحي ومن تركتها بالشارع رجعت ادور عليها ملكيتها ورجعت خطبتها »
وحاجيتها وهم مقبلت وظلت تغلط
ورغم كل الي سويته محد وكف مثلي وياهم بس ماعيرته ابد وسويت هالشي مو بس الخاطرها وانما الرحمه الموجوده بداخلي . وصلة الرحم .. وبالنهايه كلشي الها يهون حاولت ابعد ملك عنها بس لحتى تصير ادميه وتتعامل ويايه صح هي لا اخذتنه بلسانها وبالنهايه راحت مشت بطريق اعوج وخلتني اسمع عنها اشكال حجي وكل هذا ماتخليت عنها
نرجع لليله الي ردت اقضيها وياههه جنت ناوي ابلغ وئام عن زواجي بغرور بس بسرعه صار حملها وتعبت
اجلتها لبعد ولادتها وبس ولدت وبعدهه بالنفاس شفتها نايمه .. صعدت يم غرور مجنت اريد اتقرب الها بس اريد اعرف تريدني لو لا كتلها اريدج تثبتيلي شي وبعدها اطلق سراحج
غرور .. شنو ماافتهمت عليك شتريد بالضبط
كرم .. اهدي وخل نكعد نحجي ..
غرور .. احجي عود اسمع ...
كرم .. خلينه نعيش هاليله سوه وباجر وين ترحين اوديج
غرور .. خلص تطلع من حياتي مو ؟؟
كرم الهالدرجه تكرهيني ؟!وبازعه روحج مني
غرور . اي واكثر. ....
كرم .. طيب وهذا شنو وطلعتلهه الدفتر الي مليان اسمي ..
غرور .. بساعة عصبيه اخذته منه باوعتله وضحكت
شككته وشمرته عليه گتله وانت مصدك والله ياالله
كرم .. شكد قاسيه الخاطر الله دتعاااي سحبتها من ايدهه شمرتها ع الجربايه .. صرت فوكها تعبتيني ولاتحسين بيه ابد الليله انت الي وباجر وين تروحين روحي .. اخذتها وكمل كل شي

غرور .... قاومته مكدرت عليه بس بداخلي اريده واحبه حسيت هو حبيبي وزوجي من صدك وكل العداوه الي ابينه تلاشت من اني ويا بس لسه اكابر وادفعه بلحظه اجت عيني بعينه الي تريد تاكلني بنضراته ردت اضعف واحضنه وهو لازم ايديه بس غمضتهم مااريد اضعف اكثر حسيت بالم فضيع مكدرت اتحمله كام وكمل كل شي واكتشفت بانه اني عذراء وهو ملازمني والصور مجرد وهم كلشي مجرد وهم حياتي العشتهه كله وهم باوعتله اني شنو كرم
شنو حياتي ؟؟
اني مو حياتك لك انت ملازمني من قبل مو
لا اول مره هي
لك ليش هجمت عليه هو كاعد ع الجربايه خرمشته بصدره لزم ايديه ويكول اصبري اشرح الج كل شي
مددني على السرير ومدد عليه قرب وجهه لوجهي بس اسمعيني ولج احبج والله كلشي صار لان احبج تعبتيني مستعد اسوي اي شي انت تطلبي بس فدوه خليج يمي والي
طلكني وعوفني
خلص يجرالج بس اهدي لزمتها من وجهه دفعتني

*غرور ...لتلزمني ياحقير لاتلزمني ولك دمرتني كمت منهاره راسا لبست ملابسي كتله يله هسه اروح لاهلي شوفلي واحد يوديني ملك تبجي ولامهتمه الها
صوتي عله وادفع بي واضربه هو لابس بس برمودا وصدره عاري شبعته خراميش شكد ميحاول يهديني ماكو اكوله ليش تخاف لتعرف زوجتك بالشي الصار

*نجبي اني اصلا اريدها تعرف واني موخايف ولاعبالج اخاف بس انت راح تتخبلين اهدي والطفله اخترعت

*على صوتنه الكل اجه .. شهد وام زيد كالت تخبلتوا واخذت ملك تسكتها شهد بس صافنه وحتى وئام اجت
انصدمت صدمة عمرها كالتله انت شدتسوي هنا يمها وهي شنو الي دااشوفه

*كرم .. وئام غرور تصير مرتي. . والعائله كلها تعرف
شدتكول هاا
نزلي جوه بعدين نتفاهم
اي اصلا نازله اني وعايفه البيت كله انت شون هيج تخدعني ونزلت
ام زيد .. روح المرتك كرم روح الهه يله
كرم .. بعدين ماما هسه مو وكتهه
ام زيد ..بعدين انت غرور شبيج شنو هالهوسه بنص الليل هاا
غرور .. اني كاعده بالكاع كرم كاعد يمي وام زيد واكفه بيدها ملوكه ومغفيه ع كتفها
كتلها محد يحس بيه انتم كلكم متحسون بيه ابد حرام عليكم كافي كافي ولكم بشر اني بشر
كرم. . يوم اخذي ملوك وروحي يم وئام يلا شهد مصار شي اتركونه وحدنه
غرور .. انت هم اطلع وياهم اريد ابقى وحدي
كرم .. احاجيج واطلع
غرور .. طلعوا كلهم واني وكفت ادفع بي اطلع مااشتهيك مااحبك والله اكرهك لزمني يريد يحضني ادفع بي
كرم .. راح اطلع بس اريدج تعرفين شي كله هذا سويته لان احبج
غرور .. ابجي واحجي ولك دمرتني
كرم .. ماكو احد يسوي السويتي انت ولا احد يسوي الي سويته الج اني لو واحد غيرج يذبحج ولج صرت اشك بيج مو بنت باعتبار انت متوهمه اني سويت بيج شي صار عندج عادي
باعي اعرف كلامي يجرحج هذا بس لازم تتقبلي مني ولج طلعتي وي واحد غريب شتريدين اسويلج
غرور .. يباوعلي ومركز على عيوني وكعت بالكاع ابجي مدري عليمن على كل شي اجه يريد يكعد يمي كلي بيج شي كتله روح اني مابيه شي اصلا ميصير بيه شي لان ماعندي حظ لو عندي حظ اني هسه بمكان ريم بالكبر
دنكت باسني على راسي وطلع ..
كعدت ابجي ومااعرف شنو احساسي كل الي بداخلي يشير الي مااكرها بس ضايجه منه لان خدعني
نمت وصبحت الصبح مثل المشلوله احس حراره تطلع من جسمي فتحت عيوني وهو بصفي متمدد ويسوي الي كمادات احاول ادفعه مااكدر قواي منهكه .. خل ايده على كصتي كال ليش هيج تسوين بيه يابعد عمري وكعن دموعي وهو يمسحهم بقيت على طول اليوم هيج .. وهو يجيب الي العصاير والاكل ويهتم بيه
بعد ماتحسنت حالتي فتحت عيوني شفته يمي متمدد .. فتح عيونه عليه شونج حياتي شون صرتي
وخر عني .. كتله ..
ميخالف مقبوله منج راح اطلع اتركج ترتاحين
قبل ليطلع كتله اريد التليفون اخابر اهلي
يجرالج صار تردين شي بعد
بس اطلع ومااريد اشوفك
ممم
انطاني الفون خابرت على امي دك جاوبت
شلونج ماما
هلا بنيتي شونج انت والله ميته على شوفتج وعن قريب راح نرجع لبغداد
ليش ماما فاجئتيني شتسوون جايين
حبيبتي من فتره ندور بيت مو انطونه حقنه عمامج
وهو حقكم يجيبلكم بيت
حبيبتي كرم شاف النه بيت وماقصر
واكيد التكمله من كرم وهي من شوكت تدورن بيت واني ماادري
من فتره حبيبه
ليش مكتولي كرم كللكم لتكولولهها
لا مو هيج ييمه بس احنه نريد نستقر اخوج معاجبته الوضعيه صح عمتج ممقصره وحتى كالت الرضا ازوجك وحده ممن البنات بس هو رفض كال مااريد اظلمها ويايه ..
اوك من تجون اجي وياكم حتى ملك ويايه
ليش خير مو كرم كال فتره وزواجكم يصير رسمي وكدام مرته واهلها ويصدق زواجكم بالمحكمه

بس اني مااريد ماما مااريد اريد اتطلك منه واعيش حياتي
صخام صخمج ياحياة هي وره عملتج السوده اكعدي وسكتي مدام كرم ممقصر وياج وسترج
قابل اني شنو حتى يسترني هاا ليش ماتردوني

ولج غرور لاتشوفين خوالج ساكتيلج لان كرم مسكتهم اكسبي للولد ولزمي بيتج وهاليتيمه هي البركبتج انت مافكرتي بيها بس بنفسج

يلا ماما عود من تجون الله كريم .. يلا سلميني على رضا وعمتي والبنات ..

نزلت جوه ادور كرم وجان الوقت عصريه .. شفت زيد وشهد بالصاله ولازمين ابنهم يلعبونه
زيد صحته احسن وفرحان بابنه هوايه ومهتم اكثر من ملك لانها متعلقه بيه اني اكثر شي وماتريد احد
باوعتلهم والحيره بعيوني وبيدي تليفون وكرم
افتهملي زيد كال شبيج غرور مضيعه شي
كتله لا بس اريد كرم انطي تليفونه ..
كال بالحديقه تلكي كتله شكرا طلعت بالحديقه شفته هو وملك حبيبتي هسه صارت تمشي وكبرانه شافتني تاشر عليه ماما ماما اخخ كلش تقهرني من تكولي ماما اتمنى تكولها لامها مو بس اليه ..
اللتفتلي كرم على صوتها جان ديشوفها عصافير على الشجره اجه يمي كال ها شون صرتي
معليك وانطيته التليفون
ردت اروح وسويت نفسي ممهتمه الملك حتى وهي تحاجيني ..
اريد اطب للبيت اللتفتت اله كتله انت كلت لاهلي يجون هنا لو انت كلتلهم ميكولولي حينتقلون
كرم .. اكول غرور انت ليش دومج ظالمتني ومتكبره عليه من سنين واكولج انطيني فرصه اعيشج اميره لابل ملكه ..
غرور .. مااريد منك شي كرم مااريد .. ملك جلبت بملابسي وخرتها كتلها ملوكه ابقي يم عمو مالي خلك

بعدها وئام ماكو بالبيت ماادري يمكن زعلانه يم اهلها
مبقى شي لدوام الكليه قررت اسجل هالسنه وابلش اداوم بس خاف ميقبل كرم
اني معاملتي اله كلش صارت احاجي بنتر وخزر صار يتجنبني رغم احبه واريده يجي يمي بس اريد انطي درس انه اني مورخيصه يمه
بالفتره الاخير تركت كل شغل البيت بيد شهد وام زيد وماانزل الا ماندر شفت نفسي عليهم وملك هم شمرتها عليهم
نزلت جوه ادور عليه لكيته بالصاله نازع سترته وفاتح دكمة قميصه ومخلي رجلي ع الطاوله مبين عليه مهموم باوعتله باوعلي بشغف بعدها دار وجهه بقيت واكفه ومخصره ايديه رجع باوعلي تردين شي ببرود
كتله اي
اسمعج ؟!
اريد اداوم اقصدد ارجع اكمل الكليه
اوك ماشي زين تسوين اقصد براحتج
اني وكفت كباله مثل المعاجبني هو يحاجيني كم كلمه ويدور وجه مدري شنو الي مبقيني يمه كال بعد اكو شي
كتله اي واريد ازور ريم
كاله هم اوكي شوكت
شفته تعبان كتله هسه باوعلي مستغرب سويت نفسي اطك بالعلج وباوع داير مداير المكان كال يله جهزي نفسج ..
رحت لام زيد كتلهه راح اروح لقبر ريم واخذ ملوكه كالت روحي غسلت ملوكه وبدلتهه واني هم بدلت ورحت للسياره كعدت وره اجه ماحجه ودانه للقبر نزلت يمه وكل مره ازورها وكانها ميته البا رحه
احاجيهه ولج مااكدر انساج يااختي
لوتمر سنين وعمر موتني فراكج وماكادره اتحمل مشتاقتلج حنيت الج ولسوالفنا وطلعاتنا وكل شي جنه نسوي سوه
اوف مدري شكد كعدنا يم القبر الدموع تنشف عليها ومابيوم لحظه غابت عن بالي بكل شي اتذكرها
رجعنا للبيت طول الطريق جنت مطنكره وكرم هم ميحجي بس ملك تباع من الجامه وتاشر وتحجي وكرم ويجاوبها ..
رجعنا للبيت باليوم الثاني رحت ويا وسجلت بالكليه وبعدها جتي ام زيد كالت هاج هي فلوس حتى تشترين بيها تجهيزات ملابس للكليه وكافي اسود ذبي راح يصير للمرحومه سنه ونص والاسود ميرجع الحزن حزن القلب والروح مو اللبس ..
رحت وياهه للسوك وجهزت ملابس وواكسسوارات وغيرها وبدربنه رحنا للصالون هم رتبت رسمة حواجبي وتنضيف البشره وغيرها وهي طول فترة انتظارنا بالصالون تحاجيني كرم يحبج عاملي زين ومن هالحجي اني بس اهز براسي اي و اي
بعدهه بفتره داومت بالكليه جان يوميه هو يوصلني واكعد وره اغثه وطول الطريق ساكتين اني ويا بعدها
تفاجئت برجعة وئام للبيت بس كرم ضايج ومهموم من نضراته احسه ضايج مني ومعاملتي اله ماادري تعب مني
ا اجوا اهلي واستقروا ببيت قريب على بيت كرم
وحضرت ملابسي وردت اروح الهم اني وملك بس محد قبل اخذهه لازيد ولاامه يمكن نوع من عقاب الي لان راح اترك البيت واعوف كرم والكل صار يعرف شكد يحبني حتى علاقتي القديمه بي عرفوهه المهم بقيت ملك يمهم رغم تعلقي بيها بس بالفتره الاخيره انجبر اتركها عمود الكليه
وداني لبيت اهلي بيتهم زغير بي غرفتين نوم وحديقه زغيره
مرت الايام بقيت يمهم كرم يوميه يجي يوصلني للكليه وميكطع وبالجمعه والسبت يجيب ملك يمي جنت اعرف هالشي غصبا على اهله ديسوي من مخابرات امه الي تكولي هم طلعتي وتردين ملك تطلع وياج
اني اغلس اهم شي ملك يمي ولسه تحبنا
رضا صارت حالته احسن يكدر يروح للحمام وحده وينزل من الكرسي للارض وحده جان كرم هوايه مهتم بي .. بالاسبوع مره ياخذه يسوي علاج طبيعي
بفد يوم اجه النه خالي وراها مباشرة اجه كرم جايب ملك كعدنا سوه بالصاله خالي كال اشو كلما اجي انت هنا كتله خالو اني اريد اطلك احسن هو هسه متزوج خلي يعيش حياته وي زوجته بلا مااني ادخل بينهم
اشو خالي عاط بيه كدامهم سمعي ترجعين وي رجلج افتهمتي لو لا وهذا الحجي مااسمعه موزين اعتبرج ادميه وتزوجج انت شنو نسيتي شسويتي لو لا اريد اكوم عاط مره لخ اكعدي اني دااحاجيج
كرم .. خالو الشغله بينه واني احلهه مالها داعي هالكلام كله ..
غرور .. رحت للمطبخ طنكرت من حجي خالي ثواني وشفت كرم جاي ورايه كلي لتضوجين اني كتلج من قبل التردي يجرالج .. كتله انت نحشت خالي عليه مو
شبيج غرور راح تبقين ظالمتني
تستاهل الظلم السويته بيه موشويه
باعي اذا ع الطلاق اطلكج بس خلي احل بلوة وئام وتدللون وبعدها اولي وابد متشوفيني ابد

طلع من يمي وراح لبيتهم بقت ملك يمنه ماان طلع خالي عاطوا بيه رضا وامي انت شنو وهيج تحجين نسيتي سوايتج مو زين منه كرم تزوجج كتلهم لتعيروني بي بالله خوش رضا كال اذا طلكتي منه ماكو كليه
عفتهم ورحت لغرفتي بليلتها شفت ريم بالحلم اول مره اشوفها
جن احنه بشقتنا القديمه وبغرفتنا وكل وحده على سريرهه وهي دتسولف ويايه تكولي متردي كرم اخذه ويايه
فزيت مرعوبه ميته خوف رحت للحمام حالتي حاله ونفسي تلعب
بعدها اريد اروح للكليه طلعت بره ماكو كرم ادوره ماكو مااجه عليه شفت سايق رجال كبير شويه كال اني السايق اوديج للكليه كرم دزاني الج كتله خوش ودخلت بالسياره ضجت كلش مو كرم الي راح يوديني وبعد هم زعل يمكن
المهم حالتي كلش استائت .. روحي ماطايقتهه
حاجيت صديقاتي كتلهم هيج وهيج كالوا خاف حامل
اني انصدمت يمه شون حامل واحنه حتى عقد محكمه معاقدين وشون اطلك
رحت حللت وطلعت صدك حامل بين فرحه وبين حزن ماادري شسوي
رجعت للبيت ومكلت لاحد على الحمل بس كرم اختفى وماظل يجي ابد ابد حتى التليفون جان يسئل هسه ماكو
عفته على راحته استمر الدوام بالكليه بفد يوم شفت اياد وويا وحده يتمشون اني شايفتها هي معيده ويانه بنيه حلوه ومرتبه سئلت كالوا خطيبته ابتسمت اله من بعيد وفرحت اله هالانسان الي هوايه ساعدني وراح ابقى مديونتله .. يستاهل كل خير وماجان من نصيبي كل شي بالقسمه
رجعت للبيت دك تليفوني رفعته شفت روان تخابرني رديت عليها ماسلمت كلتلي اكولج صدك كرم مكتول كتلهه شنو يمه ابو ابني لامستحيل كالت شنو انت حامل مو تودين تطلكين كتلها شنو كرم مات وظليت الطم وتذكرت حلم ريم لاياالله مااريد اخسره والله احبه اجت امي كالت شبيج كتلها خابرت على امه كالت الها تعارك ويا اخوان وئام لان الحقيره بايكه منه فلوس بيهن بال15مليون مو فلوسه فلوس البيت
عرفت بعدها كرم بالمستشفى وحالته تعبانه
ظليت ابجي بجي مصاير تعجبوا عليه كالوا مومتردي ضحكت كتلهم احبه بس اكابر
اخذوني المستشفى اشوفه دخلت عليه شمسوين بي ماذينه هوايه راسه ورجلينه وايدينه
نزلت عليه بوسته من راسه بحركه كلها الم بسبب وجع جسمه بوسني من خدي اخذت ايده خليتها على بطني كتله اني حامل فرح كال حتعوفيني كتله احبك كال غرور يراد اغير اسمج ضحكنا ورجعنا البعض وللحكايه بقيه ...