رواية لو انك لم تعد ..... الفصل الحادي والعشرون 21 - بقلم نورا ناصر

#لو_انك_لم_تعد .. 21بارت
بقلمي نوره ..

بعد ما طلع كرم من المستشفى .. جان اكو رضوض بايده اليسرى وجروح بوجهه ..
اني رحت ويا للبيت بدخلتي تفاجئوا  شهد وام زيد بس اني مااهتميت الهم جانت ملك ويا ماما
صعدنه فوك الغرفتنا الي جانت غرفته وكعدت بيها اني .. عدلت اله السرير ..  وتمدد .. كعدت يمه ولزمت ايده ها شونك اليوم ..
بخير مدام انت يمي
ابتسمت كتله ان شاءالله ابقى يمك دوم حبيبي بس بگلبي اريد اعاتبه ع السواه بيه بعد اريد احجي بس شفت حالته متسمح ومتاذي والسوته بي وئام مو شويه
شبيج صافنه
مابيه شي بس ممصدكه الوكت كله هيج مر بهالسرعه لزمني من ايدي وكفني كال تعالي مددي يمي مددت يمه وخليت راسي على صدره كال اخ رفعت راسي كتله ها اذيتك كلي ميخالف كلشي منج احبه غير موضع راسي وكال هنا ميوجعني
اسالج سؤال جاوبيني بصراحه
اكيد ماكو غير الصراحه منا وهيج بحياتنا كافي الشفناه والمر علينه والجره
كرم ..
اوكي لعد .. رفعت راسها وصارت تباوعلي واباوعلها احجي الصراحه انت تحبيني لو لا وشوكت حبيتيني خليهه جلسة صراحه هي
غرور ..
يمكن ولامره حجينه بالموضوع اني جنت اضوج منك ومن كل شخص بعائلتكم بسبب الصار وي ريم من وره زيد وامك سويت وياك علاقه بدافع الانتقام حتى ارضي نفسي بكل دمعه بكل حسره بكل الم وشكوى من ريم جنت اموت من وراها اني بصمت
انت اجيتلي على طبق من ذهب وتعلقت بيه وحسستني بحبك بس الشي المتوقعته يصير  هو وگعت بحبك جنت دائما اكول الريم اني مو مثلج اني اقوه منج ماااوكع بسهوله بس وكعت وصار الي صار سكتت تذكرت ريم ودمعت عيوني هو يباوعلي وصافن وجانت هي المره الاولى الي اعترفله بيها بحبي من صدك كال كملي ومسح دمعاتي الوكعن كتله بس ارتاح واكمل حجي كمت من يمه رحت للثلاجه ام زيد محضره الغرفه قبل لنجي وهو بالتليفون كايل الها تحضر الغرفه الفوك المهم  شربت كلاص مي ونفسي تلعب بداية نساة وكلش متاذيه وتذكرت ريم وهاجت جروحي ريم جرحي المايندمل ولايبره ويبقى مفتوك العمر كله وينلجم باقل ذكرى باقل كلمه
بقيت واكفه كباله وهو يباوعلي كال
يله تعاي نكمل حجي
كدامنه ايام هوايه ونحجي بيها
خلي نحجي هسه مدام بعدهه السالفه حاره بعدين تبرد ومتسوه نحجي بيها
رحت يمه .. كعدت كتله شتريد تعرف بعد
شون انطاج كلبج ودستي ع مشاعرج ومشاعري وتركتيني
كلما اشوف ريم تتعذب اصير قاسيه اكثر
كلبج صخر جلمود ماحن عليه ولابيوم ولابلحظه واني اتعذب وانتظرج تحنين وماحنيتي سافرت وافكر بيج اكثر من دراستي
اني تعاقبت كرم تعاقبت السويته صار بمهب الريح راحت من ايديه ريم والسويته كله على مودها
امانه غرور ريم جانت تعرف بخطتج عليه
لا والله وروحها لو تدري مترضى عليه
الله يرحمها
امين ...
يلا حبيبتي بس اصير احسن .. نسوي عرس بسيط شنو رايج ..
هههه اني حامل هسه ونسوي عرس
ميخالف بعده زغيروني ميهم والعائله كلها تعرف ضروف زواجنا ..
كرم ليش فضحتني ليش كلت الخالي ع السويته اني
ولج مكتله والله هذا سعد الشافج كلي عليج كتله مااعرفها رايح كايل العمي واني من يمي هدأته ميتصرف وياج غير تصرف وكتله اتزوجها واتستر ع الموضوع
لعد ليش تزوجت وئام ..؟
جنت مواعدهه ومحاجي اخوها بالموضوع جان ويانه بروسيا ويعرف بيناتنه اتفاق زواج الشغله صارت بموافقته ولو انت ناطيتي مجال شويه جان ماانزوجتها واعتذرت
شون انطيك مجال بعد السويته بيه
علينه بالجديد حبيبي ومسحت على شعرها
خليته نام غطيته وطلعت من الغرفه صارت بوجهي غرفة زيد شفت يدة الباب تحركت .. تمنيت تطلع ريم بس طلعت شهد كلش هالفتره صايره حساسه بسبب الحمل واتاثر الكل شي وخاصة ريم مدتروح من بالي
طلعت شهد كالت .. هي ملك تريد ابوها وهو تعبان يريد ينام واخوها هم وهي تبجي .. كتلها جيبيها منو جابهه اخذتها منها كالت امج  جابته
وينها امي
جوه كاعده
اوكي .. نزلت جوه وابوس بملك .. وهي تضحك
شفت امي بالصاله وي ام زيد .. رحت هاا ماما اشو اجيتي
اي يمه جيت اشوف كرم وجبت ملك ويايه
لعد رضا بقه لوحده
لا عمتج رقيه اجت اليوم الصبح خليتها يمه شونه رجلج هسه
شويه تعبان ويتالم .. شعجب جتي عمتي رقيه
خطيه تكول اجت تباركلنا على البيت وتشوفنه وتكول راح نرفع قضيه على عمامج علمود حصتنا ينطونياهه ..
اي وشكتيلهه اكيد كتيلهه لا هم والله يولون ماانريد مشاكل
اي يمه الصراحه كتلها هيج
اووو ماما احنه لشوكت نبقى هيج ونسامح الكل وصايرين مصكعه للرايح والجاي هزت روحها ام زيد وعدلت كعدتها بينما نزلت شهد من فوك امي كالت هسه مووكته هالحجي اكدر اشوفه كرم لو اروح اجي غير وكت
ام زيد .. لا خيه وين ترحين ابقي غداج عدنا اليوم
لا والله حماتي هناك وحدهه فشله جايه من درب بعيد غرور .. امشي شوفي ماما اخذت امي وصعدت طبينه بالغرفه كرم استوه غافي صحيته كرم كرم امي تريد تشوفك كعد سلم عليها وبوسته وسلمت عليه كلتله اني

اني اروح مااوصيج ديري بالج عليه بنيتي
كرم .. سمعتي رورو كالت ديري بالج عليه
واني هسه مدايره بال عليك
هههه شويه بعد يراد ويغمزلي ويضحك واني مطنكره والدنيا كلها كارهتها من وره النساة
وصلت امي للباب وكتلها بس يصير الي مجال اجي اشوف عمتي رقيه كالت خوش بوست ملك وراحت بيت اهلي نفس المنطقه قريب تروح مشي امي
دخلت للبيت نزلت ملك من ايدي وسويت الها ممه وصعدت فوك ملك  منعسه وتريد تنام دخلت بالغرفه .كرم كاعد ولازم موبايله . خليتها بفراشها وانطيتها الممه .. ورحت يمه تريد شي
تعاي يمي حبيبي
رحت يمه خليت راسي على كتفه واحس خجلانه صار هواي بعاد عن بعض
شبيج
ماكو شي
صايره حلوه
ههه صدوك ع النساة ولعبان النفس اصير حلوه
بكل الاحوال انت حلوه ولج ممصدك انت واخيرا الي
اني الك من البدايه
مستعجل اريد اطيب
هههه يله طيب وقرب شفته الشفتي واني العب بشعره  يمه ذبت نسيت كل الم الحمل يربي من صدك فرحانه بي واريده .  وخر شفته وباسني من خدي
ريحتج ترد الروح اليه
اباوعله مبتسمه .. يلا حبيبي نام انت واني رايحه جوه اشتغل وياهم
لج اكعدي هم يشتغلون
مو هاي شهد البومه تعصب وتشمر بالحجي
اولا عيب تكولين عليها بومه ثانيا لتهتمين الها واني مااحب المشاكل من هسه اكولج
اني هم مااحب المشاكل بس اكرها مااحبها
لج لتصيرين هيج حقوده
من عن حقوده بس هي حقيره اولا صورتني وياك وثانيا اخذت مكان ريم مرتين وهالشي يوجعني
كام خربط شعري كال ولج كافي نبدي صفحه جديده
رفعت راسي اباوعله يباوعلي بنهم عبالك يريد ياكلني كتله شبيك كال احبج ومدااشبع منج وممصدك انت ويايه هسه بس ليش احسج بارده ويايه
لا متوهم حبيبي تعبانه والله
كتله شصار وي وئام وشوصلك الهاي الحاله
بده يسولف .. باعي اني .. رجعت للبيت ملكيتهه لاهي ولا سامر (ابني) سالت عليها امي وشهد كالو مندري عنها كعدنا الصبح ملكيناهه رحت اريد ابدل ملابسي واروح لبيت اهلها بعد اتصالات وقلق ماكو متجاوب لاهي ولااهلهه
انمدت ايدي المكان الفلوس وكانه قلبي حاس
مشفتهن بمكانهن .. بدلت ورحت الهم للبيت دخلت هي ماكو بس طلعوا اخوانها بالطرمه سالتهم عليها كالو ماتريدك عصبت كلش كتلهم لعد اكو فلوس بالكنتور اريد اسئلها عليهم رد عليه اخوها شتقصد قصدك اختنا باكتهن روح شوف خاف زوجتك المتزوجها بالسر باكتهم اني مااتحملت ابد ضربته قوي على وجهه بوكس ظل الدم ينفر اخو الثاني هم ضربني واللتمو عليه اخوانها تلاثه واحد طلع من البيت جتي وئام تصرخ عوفوا اني اخذت الفلوس اريد اذي مثل ماااذاني
بعدها تخربطت وصار عندي رضوض نقلوني للمستشفى وهذا حالي ..
تحبها لوئام
احبج انت
تحبها ؟!
احب غرور ..
لزمته من وجهه بثنين ايديه واكوله جاوب جاوب
انت حبي الوحيد ماحبيت غيرج ولابكثرج
كذاب كذاب حبيت روان قبلي
انتهى حبي الها بخيانتها الي بينما انت رغم كل السويتي حبج بقى بگلبي ويدوس عليه بافعالج وماكدرت اكرهج ولاذره
شمرت نفسي عليه غركت بحضنه .. متناسيه المه والمي حضنته بقوه بلحظتها مااحس بغير تانيب الضمير على افعالي ليش اني ماحسيت بي وبحبه الي ومن جان يتوسل بيه ارجعيلي ارجعيلي غروري طغه عليه وماضعفت ولا مره ولجأت اله وبنفس اللحظه حسيت بالوجع السويت عمود ريم كله صار بمهب الريح بموتها وبين كل هذا الاحساس بالحب حلو

.. مرت الايام البيت يوميه خطار يجون يتحمدون اله السلامه وبين الشغل والدوام بالكليه ماتركته هي فرصتي الوحيده وبين نساتي موتتني كلش

وبعد مرت الايام وهو مصمم نسوي حفله وبالفعل عزمنا اهلنا ولبست فستان ابيض كصيف لحد الركبه والباقي مثل الحوريه مفتوح ورحت صالون وسويت تسريحه رفعت كل شعري واحتفلنا بالبيت اثناء الحفله ملك لابسه بدله تول ومدنفشه تله اباوعلها شون تفر بيها ومتعجبه من زمان ماحضرت حفلات وتذكرت ريم واجاني احساس بوجود ريم ويانه وفرحانه النه دمعت عيوني ودنكت احس تخربطت مكدرت اتحمل كرم بصفي قرب راسي الي شبيج هزيت راسي ماكو شي
لااكو احجي
شويه تعبت كرم
كومي نصعد يله
مدنكه واحاجي ودموعي تصب دمع كتله عيب منهم وهم لسه فرحانين ومتونسين ديركصون ع اغاني الدي جي ..
ميخالف كلشي ولاتعبج ..
مسحت دموعي وكومني ترخص منهم وحاجه امه واجه اخذني وصعدنه فوك
اول مافتنه للغرفه رحت للميز درت وجهي ومخليه ايديه ع الميز

وابجي بصمت .. اجه دارني عليه واني مدنكه وابجي رفع وجهي بايده من حنكي
لا رورو فدوه مو هالليله تنهارين عفيه نريد نفرح
خليت راسي ع صدره كتله ماادري حسيتها ويه الموجودين وفرحانه الي
حبي اني اعرف مراح اعوضج عنها ولااكدر انسيج اياهه بس راح احاول
حضني وصار يسكت بيه ويشاقيني ويضحكني كدرت اتجاوب ويا واضحك وماردت اضوج بضوجتي
كلي يلا اريدج ولج
كمت بدلت ملابسي ورحت يمه  وجو الرومانسي شموع ونفاخ وزينه واضويه ملونه وحركات رومانسيه وصار هدوء جوه يمكن الكل راحو

اندكت الباب دكه خفيفه ومو منتظمه
كرم
اهوووو منو جاي هسه .
كايمه افتح اني
لاابقي اني افتحه
. كمت فتحت الباب لكيت ملك واكفه يم الباب وامي يم الدرج كالت تريد غرور خبصتني رورورو
كتلها يله شرفي فوتي
دخلت هي وبدلته وحلكهه كله حمره متلف وشعرها مكفش
غرور .. ضحكت على كرم شون ضاج خزرني وكعد على الجربايه كال يله نوميهه
كمت اخذتها اللعبها اريدهه تنام ماكو
طكت روحه كرم كل شويه اباوعله واضحك
ضحكي ضحكي واني مسموط جد جدي
هههههه شسويلهه طفله يربي
وديهه يم امي لو شهد ولج هي ماتريد تنام تره تعبت غرور ميصير هيج
متشوف امك جابتهه وشهد تره متريدها
لتكولين هيج غرور
درت وجهي اهزهزها ماكو متنام كرم شمر النفاخ الي ع جربايه برجله وخله مخده على راسه ونام وهي تضحك عليه
نص ساعه يلا نامت .. خليتها بفراشها ورحتله
اكعده كوم كرم يلا حبيبي كوم ماكو ميكعد
ادري بي ضاج دفرته دفره عاط اخخخ .. كعد عيونه حمر ويخزر
للحكايه بقيه
اكمل لو مليتو 😅
مابي احداث هالبارت بس البارت الجاي
كشف المستور 😶فضيحة شهد وكرم وتصويرهم الغرور هل ياترى راحد تبقى سر للابد ام لا تابعوا يوميات كرم وغرور