رواية لو انك لم تعد ..... الفصل الخامس 5 - بقلم نورا ناصر

#لو_انك_لم_تعد 5
البارت الخامس
كعدت عيوني مغوشه كدامي شخص بس مااميزه
جسمي عبالك مخدر كله ومنمل والنعاس كاتلني
توضحت الصوره كدامي كرم واني متمدده
مقابيله على القنفه
مااتذكر شنو صار اخر مره مدااستوعب
شي ابد
فركت عيوني شفت كرم يمي كاعد جوه بالكاع
بصف القنفه الي اني عليها ..اباع للساعه 4العصر حييل شكد نمت اني من 12ونص للاربعه ..

كرم .. شبيج شصارلج ها ليش هيج نمتي رأسآ ..
غرور .. باوعت النفسي .. رجلي مكشفه غطيتها
اني شصارلي ليش هيج دااحس مخدره اني ..
احس كل قوه ماكو بجسمي
كرم .. انت غطيتي بنوم عميق هه شاربه شي انت
غرور ... لزمته من ياخة قميصه ولك كرم شسويتلي
•••

حوط كل جسمي بأيديه  وسحبني من القنفه للكاع
وكعت بحظنه .. حضني قوي وهمس بأذني
ماسويتلج شي لتظلين تتخيلين .. وترتكبين عليه
ظل يباوعلي واني هم خليت عيوني بعيونه
بنضرات كلها خوف ...
دفعته وكمت منه .. عدلت شالي وملابسي
گتله يلا وديني البيت ..

•••
كام اشرلي براسه .. يلا بدون ميحجي ..
صعد للسياره ..
اني كوه امشي احس بثقل بجسمي
صعدت اني
باوعتله ميباوع الي .. حركها بسرعه وطلعنه
طول الطريق محجينه شي .. ولايباوع الي
يسوق مثل المجنون ..
واني كاعده بمكاني خايفه ولااعرف شبيه وشلون نمت كل هالوقت .تذكرت اخر مره اني بحضنه وهو ضربني بس بعدها . ولااعرف شصار الي اني
وشبي هو
معقوله روان گالت اله
لامستحيل تكول اله
هي شنو مصلحتها ..
وبعدين واذا كلتله جان كلي بس هو شبي هيج يتصرف اووف اووف
نوب كل شويه يفوت بطسه
واباوعله بخزر
وصلنه
وكف السياره
وصلت قريب للعماره بنزلتي  باوعتله بخزر
وهو بس يباوع للطريق
رگعت الباب حييل شبي هذا اليوم .. متخبل كلش
وصلت للشقه طبيت متوتره امي ورفل كاعدات بالهول ...
سلمت عليهم
ردوا عليه
اول مره بحياتي مااروح للمدرسه واطلع وي واحد عمري ممسويتها بس ويا كرم
رفل ..لج حمودي كبر مراح تشيلي تلعبي
غرور .. لابعد خلي يكبر  يمشي يلا
رفل .. هههه اوك براحتج
غرور .. رايحه للغرفه
ابدل ملابسي
الام .. ماتردين غدا
غرور .. ماما اخذ دوش واكل ..
رحت للحمام نزعت القميص .. باوعت للمرايه
شفت اثر .. بنهاية رقبتي .. قريب الصدري هيج حمار على بنفسجي تلمسته شنو هي اني وين متعوره مااتذكر تعورت هنا ..
وحتى اثار اصابعه على وجهي من ضربني
اني عمري ماانضربت ابد لا بابا ضربني ولا امي ولا اي احد
لازم احذره انه بعد ميضربني
ليتعود على هالشي
شوكت اخلص شوكت اتملص منه
كملت شاور وطلعت للغرفه ومر اليوم عادي
ومافكرت اخذ الفون واتصل بكرم ابدا غلست عنه

تمددت  واباوع للسكف واحس بتأنيب الضمير
من جانب ريم ومن جانب كرم ..
شون وكعت اني يربي شون راح اتخلص من هالمصيبه
كل شويه واني اباوع للفون خجلانه احاجي ريم
واني وعدتهه وحلفت الها اعوف كرم
ومن جهه كرم حبيته حيل وماكو فد سبيل اخلص منه ابد
وضميري يأنبني عليه لان تلاعبت بي وهو يحبني ولو ما يحبني ماطلب يتزوجني
استعديت للنوم ..
بس وحدي بالغرفه امي بالهول تتفرج تلفزيون بالعاده هي تسهر اني ورايه دوام .. انام على وكت ..
دك الفون .. باوعت قلبي رجف اوف كرم
مااگدر مااجاوبه .. جاوبت
الو
-شونج حبي
-من الله زينه
-دومج .. خمو زعلانه عليه ..
- اممم
- غرور اني احبج حييل احبج واسف علي صار اليوم
- سكتت وتنهدت بحسره مسموعه بعدها كتله شنو الي صار ..
- لان ضربتج وبعدين
ليش. هالحسره هاا انت متحبيني ؟!
- احبك والله احبك (قلبي وجعني 💘)
- اممم وتحلفين هم
- تره ممجبوره احلف كذب .. اني صادقه ...
- اوك لعد خلي نتزوج
- مو هسه كرم فدوه أجل الموضوع ..
- تمام تعرفين شي
-لا شنو حبيبي
- اليوم غفيتي بحضني
- صدك بس لسه مددااستوعب شصارلي
- حضنج دافي رورو احبج
- صدك زين هم حضنت وحده قبلي هم حبيت
- اي بس مجان هيج حظنها دافي مثل حظنج
- منو هي اعرفها اني ؟!
- امم مو ضروري تعرفيها ..
- يعني اعرفها ؟!اني مو هيج
- غرور نامي هسه باجر اجي اشوفج ..
- اوك ..
سد يته خليت التليفون على قلبي وعصرته
خليت راسي بين رجليه .. وتحسرت
ماادري شأسوي
ابالي اتصل بريم واكول الهااا اني احب كرم وهو يحبني ويريد نتزوج ..
خابرتها ..
- الو ريمه شونج حياتي وروحي
- هلا قلبي انت شونج
- شنو صوتج شبي
- مااكو شفت زيد منزل شعر على الفيس وانقهرت
حسيته يقصدني ..
- اووو شسوين داخله على صفحته
- كلما اشتاقله افوت الصفحته واتندم لان اتعذب اكثر بعد
- اووو انت شون وياج ولج دمرتي نفسج ودتدمريني وياج بدون متدرين
صيحت عليها وكمت وكفت على رجليه
هي شهكت بالبجي
- هي شبيج غرور .. اني شون دمرتج بعد ها دااحجيلج عن .. احاسيسي علي داامر بي والي دااعاني هيج تحاجيني
- اسسفه حياتي سامحيني مو قصدي تره
شويه عليه ضغط بسبب المدرسه والامتحانات

تدرين نصف السنه على الابواب وشوي متوتره
-شتقصدين بان اني دمرتج ..
-حبي ريمه اقصد انه اني هم مثلج جاي ااعاني المعاناتج جاي احس بيج
- اوك رورو راح انام لان تعبت تصبحين على. خير
- وانت بالف خير حياتي ..
وهي ريم سدت نفسي .. ردت اعترف الها نوب ردت عليه بالبجي .. من خرب. حظي شكد يخرب اكثر بعد
اه كرم اه .. شسويت بنفسي
نمت والحسره اكلت روحي على كرم وريم
كعدت يوم ثاني ..  .. بدلت وطلعت للمدرسه فتت للمكتبه اخذت كم
غرض محتاجته .. جان الولد معنده .. خرده طلع الولد الي يشتغل بالمكتبه يخرد  من غير محل ..
طلعت بره انتظره .. اجه
هو مبين عمره ببداية العشرينات ..
انطاني الفلوس اخذتهم منه .. گال انت تداومين بهي المدرسه الي براس الشارع
-اي هنا اداوم اني
- اها اختي هم تداوم بيها
- اي تمام ..
- اسمها غدير بصف الخامس
- اهاا لا اني بصف السادس
كتله واني مبتسمه .. شفت كرم مقابيلي انصدمت يباوع الي ومخنزر ويتمشى باتجاهي .. قريب عليه
هزيت راسي للولد وعفته ورحت يم كرم ..
- منو هذا الي دتلغين ويا ساعه
- هي شبيك كرم شدعوه ساعه اشتريت منه ومعنده خرد وديخردلي
- امشي ويايه
-كرم وين دوكف شبيك ..
لزم ايديه قوي .. واخذني المكان وره المحلات ومبي احد ..
- شنو دتنسقين
- هي شبيك شنو داانسق
- لعد شون تگوليله .... اني بالسادس
- انت افتهمت غلط مجرد كلام عادي لاتظل تتحجج ورفعت صوتي عليه .. 
ثواني معدوده وضربني على وجهي
گتله كرم شبيك هي ثاني مره تعنفني مااسمحلك ومو من حقك .. وعفته وانهزمت منه سمعته يكول ورايه تعالي تعالي رحت امشي وعثرت بس ماوكعت شايله جنطة المدرسه ع كفتي ومجموعة كتب بايدي وكع مني شي بس مااعرف شنو هو بالضبط ..لان بس اريد افلت ..
رحت امشي سريع بمحاذاة المحلات واللتفت ورايه الدوام صباحي ..  وناس بالشارع تروح لدواماتهه ..
احس ضيعته وصلت المدرسه خليت ايدي على قلبي
تنهدت .. لزمت خدي مكان ضربته
مو كف عبالك كرك
عبالك ثقبه الخدي ثقب
حمدت الله ضيعته
فتت للمدرسه وخلص اليوم رجعت للبيت
اكتشفت دفتري ضايع
دفتر زغير .. بحجم كف الايد لونه وردي من اضوج من نفسي اكتب بي شخابيط
بللفتره الاخير هواي كتبت بي اسم كرم كرم كرم
فوك الالف مره مليته للدفتر باسمه ومليته قلوب مكسوره وعين تبجي وقلب طاكه سهم
بس لا وكع بالشارع حريمه  احبه هالدفتر
مر الوقت وابد
مافتحت الفون واعرف هسه مراسلني بس مااريده اريد ابتعد عنه ..
يوم ثاني حاولت اغير موعد طلعتي حتى مااشوفه ..
طلعت من الشقه وعبرت الشارع بالجهه الثانيه ..
واباوع للجهه الي يوكف بيها كرم .. شفته منتجي على بنيد سيارته .. ويتمطى
ويباوع على المكان الي بالعاده امشي بي .. ضحكت ومشيت بين الناس ووصلت للمدرسه
وعلى هالمنوال كل يوميه الا ان خلص الاسبوع
وجتي النه ريم واللتهيت وياهه
تسألني ليش مغلق الفون .. گتلها .. يلهيني واريد اقرأ الدروس
كاالت افتحي بس نسولف باليوم مره وسدي
كتلها اوك
خلصت اجازتها .. وراحت يوم السبت .. الظهر
بعدها العصر
امي ورفل طلعوا للسوك ورضا نايم بغرفته
اندكت الباب .. فتحتها
تفاجئت واكف كدامي ومبتسم ..
كرم شجابك متكولي
-جيت اشوفج
-رايحه اكعد رضا يكعد يمك .. بينما اريد اروح
هو طبك الباب بأيد وبايد الثانيه لزمني من معصم ايدي ..
كرم وخر عفيه .. خله ايده على حلكي وحضني من ظهري لحد خصري بايد الثانيه وطببني بالمطبخ
الي صاير بصف باب الخروج مالة الشقه ..
ويحجي بأذني همس
- جاي على مودج شفت امج وزوجة رضا على الدرج امج رادت ترجع كتلها راح اكعد شويه واكوم لان جاي للسوك جان عندي شغل ودخت اشرب جاي يمكم واطلع  وكالو رضا نايم خلي غرور اتكعده
گتلها ماشي ..
- صرت اسوي صوت امم امم وهو مخلي ايده على حلكي وخرها تنفست وكتله يلا عوفني
بعده حاضني عافني وحصرني بين الكاونتر وبينه هو
- ليش هيج حارمتني منج طول هالفتره
- ليش تضربني .ودكيت على صدره هي ثاني مره تمد ايدك عليه .. مااتحملتك
- اسف بس اغار عليج ليش تحاجينه هذا
- هو سالني عن اخته كلتله مو ويانه اني بالسادس
- مهما ميكون متجاوبي هذا غريب ممعلميج اهلج متحاجين الغربه
- هي خلصنا منها وذيج المره ليش تضربني ابيتكم حتى سطرتني ..
- ذيج المره جنت ضايج من شغله ..
- واني شنو ذنبي
- ذنبج اني احبج
- ابتسمت اله .. بوسني من خدي
وخر حتاكله اكل
- مشتهي كيمر
- عدنه بالثلاجه هسه اصبلك
ضربني ع خدي ع الخفيف وبعد هم باسني
- ولج من هذا اريد
- ضحكت كتله ليكعد رضا ولو هو نومه ثقيل بس حظي واعرفه ..
- ماشي .. هاج هي العلبه هديه مني الج شفتها وعجبتني وتمنيتج تلبسيها ..
- اخخ قلبي وجعني كلش .. يربي شسوي
كتله ماشي وطلع سديت وراه الباب .. وعصرت العلبه بيدي حدما وجعتني استاهل الالم اني فتحتها لكيتها كلاده ذهب زغيره وكلش نازكه على شكل قلب زغير

اوووف متت قهر بوقتها انعصرت روحي وجع
متت قهر عليه يربي والله مااكدر اخذله مااكدر تعبت
احبه ويحبني ليش منكدر ننجمع اخخ مااكدر ازيد قهر ريم اني استاهل القهر هذا الي جنيته من اعمالي بس القهر والتفكير
بعدها راسلتني روان
-شونج روره

- زينه .. وانت ...
- تمام بخير ..

- شونج وي كرم منهيتيهه للعبه ..
- لا لسه مدداكدر اخلص منه ولج تعبت مااعرف شون اتركه
- اهاا خاف حبيتي
- ماردت .. اكوللها اي حبيته .. او ابين الها اني ضعيفه
كتلها لا شحب منه بس مااريد مشاكل ويا
كالت ها عاد سولفنا شويه وسديته منها
الاسبوع كله جان دوام مخربط لان امتحانات نفس السنه ع الاسبوع الوراه ...
بلشت الامتحانات واروح اداوم وبالعاده .. نطلع على وقت من الامتحان
اول يوم اجه عليه وصعدت ويا
ابتسمت وكعدت يمه لزم ايدي
- حلوه الهديه
- تجنن كرم ذوقك كلش حلو
- طبعا ذوقي حلو متشوفين اختاريتج
- اخ غصيت وكلبي رجف يربي راح اموت من القهر عليه
وصلني للبيت
واستمرت الايام هيجي ..
كرم يجي عليه ونبقى بالسياره نسولف وبعدها انزل اروح للبيت
استمرينه هيج الحد قبل اخر يوم .. بالامتحان
كملت قرائت كتاب الاقتصاد جان اخر يوم مخلينه النا
ورحت فتشت الفون لكيت طلب مراسله من حساب غريب ..
فتحته لكيت .كومه . سكرينات
شفت بيها محادثات . بين كرم ووحده وحجي مينلبس عليه هدوم ومكالمات بينهم كام وصوت وكلشييي .. انتفضت وانتفضت روحي نوب تاريخ المكالمات كله الامس وتواريخ قريبه خلال علاقتي ويا ...
من صدك انقهرت ومن جهه هي الفرصه الحقيقيه الي لازم اعوفه بيها وانهي كل هالصراع والحرب النفسيه
لان كلش تعبت
باليوم الثاني قررت اواجهه خلص والي يصير خلي يصير
•••••••
اسفه ع التاخير ☺😊توقعاتكم احبابي