رواية لو انك لم تعد ..... الفصل الرابع 4 - بقلم نورا ناصر

#لو_انك_لم_تعد 4
الجزء الرابع .......
بقلمي نوره ...
بعد صراع وي نفسي .. وي  لمسة ايده الدافيه .
سحبتها منه .. بين عليه التوتر
من الطبيعي كل بنيه يبين عليها الارتباك
بهالحاله بس اني مجنت مرتبكه من اعترافه الي بالحب
جنت مرتبكه من نفسي. اني .. واحساسي اتجاهه
واخيرا وبعد ثواني احسها سنوات مو ثواني
گتله كرم اني طابه جوه ...
كرم ... اعرف حرجتج
بس مااعرف اني .. مشاعري جياشه بهاليومين
اسف غرور ....
غرور ...
مخلي ايده على ركبته .. خليت ايدي عليها ..
وكتله غير مره نحجي اني فايته جوه
فتت جوه كل شعور مخربط بيه
متوتره خايفه مااعرف شأسوي ...
فتت من الباب للبيت  يصير  ممر لجوه الدرج
قريب للمكان الي كنت كاعده بي يم كرم
اول مافتت صارت روان گبالي باوعتلها وابتسمت
وتعديتها صاحتني
غرور ... هاا روان اكو شي تره مو وكتها تعبانه
روان .. شنو الي بينج وبين كرم
غرور ... وانت شكووووو
روان ..  ههه ماكو بس توها ريم سالتني عنج
رايحه اكول الريم جنتي يم كرم
غرور ... خررب مال هسه اعضهاااا اشلع وصلة لحمه منها شعليها هي
گتلها تعاي
لتكولين الريم عفيه ...
روان ... تره شفته لازم ايدج وگلج احببج تره شفت
وسمعت كل شي ...
غرور ... اوووووووه شبيها هي عصبتني كلللششش
گتلهاا باعي هو يحبني اي بس اني لا
روان ... وليش مستمره ويا لعد وتلغين ويا هم
غرور ..! مجرد لعبه
روان .. لعبة شنو
غرور .. باعي روان .. اني اثق بيج بنت خالتي وصديقتي هم
راح اكولج شي بس يبقى سر وخاصة ريم مااريدها تعرفه ...
روان .. اي تدللين سرج ابير ...
غرور .. زيد كسر قلب ريم
واني اريد اكسر قلب كرم
روان ..تفاهه كرم ماله ذنب ليش هيج تسوين بي
مو يمكن هو عكس زيد ويحبج
غرور ... اريد يرتاح قلبي
لان داتعذب على عذاب ريمه تعبت كلش وبعدين هو رجل .. ميهمه
روان .. امم اني رايحه
غرور .. لزمتها واكدت عليها متحجي /. شي لاحد
&&&&&&&&&
مشى اليوم عادي ...
رجعنا للبيت
طبيت للحمام سبحت. وبدلت ملابسي السود
طلعت امي وعمتي بالهول متمددات
رحت للغرفه ريم متمدده و  صافنه بالسكف ..
سحبت المنشف من شعري نشفته ورحت نشرته
رجعت هم صافنه .. رحت يمها
ومررت كف ايدي على وجها بالهوا
رمشت وباوعتلي
گتلها محاجه اسأل .. بشنو دتفكرين
ريم ...لج ضعفان ولحيته كلش طولانه
غرور ... اي ممرتاح .... وي شهوده .. الجكمه
ريم ..لج مو فاتحة ابو طبعا يضعف ويتغير
غرور ... ولج خلال يومين يتغير الهالدرجه ممعقوله
هي يمكن ممرتاح وياهه ابد
اكولج زين اكو فرصه بعد يتزوجج مشفتي نضراته
ريم .. نجبي غرور .. متزوج
مااريد اهدم بيته مو اني هيج افكر ..
غرور .. بس مصار عدهم اطفال من سنه
توقعي كل شي
ريم ... غرور شهالتفكير هذا
غرور ...لشويه جتي رفل وگالت ولكم الم ببطني وظهري راح اموت
ريم .. لج خاف عدج ولاده

رفل ..ماادري ماادري راح اموت لحكني
ريم ... رايحه اصيح لماما
غرور .. عفيه رفل وخري عني لج اخاف فدوه
رفل ... لج هو اني راح اجيب لو انت اه يمه راح اموت
غرور ... يماااي طلعت من الغرفه رحت للمطبخ
يمه هي شون راح تجيب عزاااا
واطلط عليهم .. لبسوا عبيهم .. وطلعوا وهي وياهم وتتلوه
جتي ريم شبيج شكو ختلتي .. ؟!؟
غرور .. لج اخاف
ريم .. هي راح تجيب لو انت
غرور .. لااسم عليه يمه يمه
ريم .. ههههههههه
غرور .. بقيت ارجف خطيه شحيصير بيها ..
بقوا ساعات واحنه ننتظرهم وكل شويه نتصل بيهم
الا ان كالوا جابت الولد منتظريه .. وسمو احمد على اسم ابويه ..
بعدها رجعوا للبيت ... وطببوهم بغرفتها ورضا فرحان طاير فرح بسلامتهم وابنهم
اني بوست رضا وهنيته
وبقيت واكفه بباب الغرفه واباع الهم ..
رضا .. لج فوتي شبيج ..
غرور ... فتت للغرفه وبوست رفل وكتلها حمدلله على السلامه .. ريم شكد تحب الاطفال خالته بحضنها ..
ريم .. تعالي شوفي حمودي ..
غرور .. رحت طليت عليه وهو بحظنها
ريم .. تردي تشيلينه بحظنج
غرور .. لج لا خااف ااذي
ريم ... ههه شراح تسويله قابل راح تضربي
غرور ... ههه لا خليني اباعله من بعيد ..

مشى اليوم عادي ...
ويوم ثاني هو بالاصل ثالث يوم فاتحة خالي
اني وامي رحنه
ريم وعمتي بقن يم رفل ..
بس امي مكدرت متروح عزاا اخوها ..
وصلنه البيتهم وتشكلت اشتغل
اطل من الشباج اباوع .. شفت كرم .. بس مرحت اله
اني اصلا طول بالي مو يمي يمه وافكر شون
حتخلص منه
شون اتخلى عن مشاعري اتجاهه
احس تعلقت بي ..
بس اني وعدت ريم ابتعد عنه .. ومأحاجي
واعرف ريم شكد حساسه
يعني راح اتسبب بأذيتها ... وافتح جرحها القديم من جديد
الي لسه مانشف ...
اباع الفوني تجيني مسجات من كرم
اطلعيلي بره اشوفج
اني ماارحت اله .. وغلست مارديت
استمريت اشتغل ويا البنات ...
صاحتني شهد كالت غرور تعالي فوك يمي شويه محتاجتج بشغله
كتله شنو هي
بس نجيب شغلات للناس من فوك
غرور .. ماشي لحظه اغسل ايدي
غسلت ونشفتها وصعدت وياهه فوك
كالت تعاي بهاي الغرفه ..
فوتي قبلي ..
فتت اني .. صار بوجهي كرم رأسآ ابتسمت اله واللتفتت على شهد .. گالت معليه اني هو گلي
وطبكت الباب وراحت ..
رجعت درت الكرم
لابس قميص اسود وفاتح الدكم لنص صدره مبين
وشعره مبعثر .. ومشكل رداناته
والغرفه شبه ظلمه بس ضوه الشباك من خلف الستائر
الاضويه الكهربائيه مطفيه
كتله شونك واني مبتسمه ..
اتقدملي خطوات بدون ميحجي ..
لزم ايديه اني رجف قلبي وتوترت حييل
كرم .. من شفتج صرت زين
غرور ... صرت اعظ بشفتي السفليه وسكتت وبس اباوع بعيونه .. وكلش خجلت منه واحساسي اتجاهه يختلف
كلشي تغير من اول مره ... ردته لعبه وانتقام هسه
لا احبه واريده ميعوفني
واتمنيت اكولهه اله ..
صرت اشوفه احلى شخص بالدنيا ..
كرم .. ليش مأجيتي بره مو دزيتلج مسج
غرور .. سحبت ايديه منه ودنجت گتله مو دااشتغل جوه ..
كرم .. زين فكرتي بالموضوع البارحه حجينه بي
غرور ... ياموضوع {احجي واني متوتره}
تقرب مني صار قريب الي ودنك عليه لان هو اطول مني بهوايه
كال .. موضوع حبنا مو كتلج البارحه احبج
غرور. ... ماادري شصارلي بلحظتها وبدون وعي ومسيطرت على نفسي رفعت راسي اله  باوعت لعيونه وگتله واني هم احبك
بس مجنت قاصدتها اللعب عليه .. لا جنت قاصدتها من كل روحي وقلبي
بين حزن وتعب وتوتر وخوف وندم  وتفكير باختي المجروحه كلتها اله
مشفت اله كرم .. نزل على شفايفي وجرهن بشفايفه وباسني
دفعته بأيديه دفعه منهكه احس ماعندي قوه لاي شي بعد
احس ذبت يمه
ابتعدت عنه
گتله كرم شبيك موفاتحة ابوك وكتها هسه
وبعدين مومعناهه كتلك احبك مسموح الك كل شي
كرم .. لج ادري فاتحة ابوي
سابه اني لاعنه
دتشوفيني ارگص ..
غرور .. كرم اني نازله الجوه
سحبني من ايدي الحضنه وباسني على راسي كال كعدي يمي حبيبي فدوه
غرور .. ماعندك شغل جوه
كرم .. شغل الدنيا كله اكنسله على مود اكعد يمج
ولج شفايفج حلوه يرادلها حيل ولازم اشد حيلي
غرور ..لك كرم عوفني فدوه غير مره خليني انزل يلا عيني
راح كعد على السرير وكال
.. اووف روحي يلا ...

نزلت جوه متوتره كلش شفت شهد كاعده جوه
باوعتلها غمزتلي
خنزرت الها
شفت امي كاعده يم النسوان بالعزاا
رحت يمها گتلها ماما خلي نروح للبيت
الام .. شنروح ولج شبيج بعده صبح هسه العصر
نروح ..
غرور .. مو هسه رفل خطيه لازم نبقى يمها
الام .. دنجبي غرور ولي من يمي مالي خلك دلعج
هسه يلا روحي اشتغلي وي البنات
العصر نرجع
غرور .. اوو
كمت من يم امي .. صار كبالي الدرج نزل كرم
باوعتله مشافني هو جانت بنت خالته واكفه
يم الدرج حاجته وتلزمه من ايده
وتلغي ويا
يبوو اريد انفجر غرت منها عبالك اريد اكلها اباوع من جهه ثانيه روان وشون تباع الكرم
نضراتها غريبه معقوله تحبه
معقوله تكوله الي كلته الها
هو هم باوع الها وخله ايده بجيبه وطلع من البيت
جتي روان الي وكالت
هاا شنو الاخبار
گتلها ياااخبار
روان .. شفتج صعدتي يم كرم فوك
غرور .. شنو تراقبيني انت
روان .. لا على شنو بس شوكت تنتهي لعبتج
غرور .. ميخصج
عفتها ورحت ... شبيها هي
كعدت وحدي بمكان مابي احد
وافكر ..
جنت اريد اتخلص منه هو
هسه اريد اتخلص من حبه بداخلي
شون يربي شسويت بنفسي اني
كل شويه اطب اباوع للدرج اتمنى اصعد يمه ونكعد وماافاركه وافكر بلمساته وبوسته وعيونه  وكل شي
بي
خلص اليوم ورجعنه
ومرت الايام ورجعت ريم .. للكوت .. 
جان كرم يحاجيني كل يوم ..
راسلتني فد مره روان
ها شونج شوكت تنتهي لعبتج .. وي كرم
جاوبتها
شوكت ميعجبني راح انهيها ..
واني صدك متوتره وخايفه شوكت راح اعوف كرم
وادعي ربي يتركني هو لان مدداكدر اتركه من وحدي
حبيته يربي شسوي ..
بفد يوم اجاني كرم واني اريد اروح للمدرسه ودوامي
ظهري ..
اشرلي صعدت ويا
كتله شونك واني مبتسمه
بس هو مخنزر ومااعرف شبي گال زيين بثگل
ولزم ايدي حييل حييل حتى توجعت
كتله اخخ كرم وجعتني
كرم .. غير احبج شسوي ..
وانت تحبيني مووو رورو
غرور .. شبيك اليوم متغير
كرم .. مابيه شي هي اني طبيعي
المهم بعد متطلع سنوية ابويه اخطبج ونتزوج ماشي تعبت وانت بعيده عني ....
غرور .. لا مستحييل
كرم .. ليش يابه مستحييل ..
غرور .. اني اريد اكمل دراستي .. وبعدها عود
هي شون ورطه
كرم ..عادي واذا مخطوبه وتدرسين او متزوجه هواي هيج وبعدين اني كدامج هم جاي اادرس
غرور .. بس هيج حيأثر على مستواي ..
كرم .. تمام مستواج موووو ؟!
غرور .. حرك السياره وصار يسوق سريع كلش
تعده المدرسه وطلع على طريق ثاني
كرم وين موديني مو تعدينه المدرسه منزلتني
انت كلش مو طبيعي اليوم
كرم. ... بالعكس اني كوولش طبيعي
غرور ... لعد وين موديني ... ؟
كرم .. لبيتنه نكعد شويه وارجعج
غرور ... علما نوصل .

علما نوصل لبيتكم مبتدي  الدوام واني عندي امتحان
كرم .. طزز بالامتحان
غرور .. شبيك كرم رجعني شسوي رايحه البيتكم اني
حسيته هدأ وسحب ايدي وباسها 
كرم .. حبيبي انت ماالج ثقه بيه
نروح لبيتنه نكعد شويه نسولف وارجعج
غرور .. اني شون اروح وياك واستحي من اهلك
كرم .. امي هيج وقت ماخذه الدوا مالتها ونايمه
وزيد مموجود
فقط شهد ..
واظن مااخذه عليهه انت
غرور ... سكتت شحجي .. وصلنه للبيت
دخل ودخلت وراه لازم ايدي
وكل شويه يعصرها
دخلنا صارت بوجهي شهد سلمت عليها
وكعدت بالصاله .. باوعت للساعه 12:30
كرم راح دخل جوه بقيت وحدي كاعده
بالصاله ..
جتي شهد قدمت الي عصير وحلويات
وراهه اجه
كرم .. يلا اشربي شبيج ماعطشتي ..
غرور .. شربت العصير واكلت الحلويات ..
راحت شهد بقينه بس اني وكرم سولفنه احس نضراته غريبه ويايه اليوم
كل شوي يلزم ايدي يعصرهه قوي
نزل عليه وباسني قوي كلش جر شفايفي بعنف
دفعته حييل شبيك كرم تخبلت شسويت بيه
ضربني راشدي قوي حيل اذاني
كمت على رجليه وكفت واحس دايخه واريد اوكع
صرت احجي بثقل شبيك كرم ليش تضربني
كام هو اخذني الحظنه .. كال اسف حبيبتي وكعدني وبقى حاضني .. واني شويه عن شويه احس نعست كلش راسي يم صدره .. مااكدر اكوم وابعده عني
وهو حاضني ويعصر بزندي
احس جسمي مخدر
بعدها ماحسيت بأي شي ابد
....
يتبع