رواية لو انك لم تعد ..... الفصل الرابع والعشرون 24 - بقلم نورا ناصر

#لو_انك_لم_تعد
بقلمي نوره ....

بلحظتها الكل تفاجأ .. كرم عصب ضرب الطبله  وكع منها  كل شي ع الكاع
زيد وامه ماصدكوني وشهد ظلت تصرخ جذب جذابه تتبلى علينا
كتلهم لعد منو صورني اللتفت الخالتي خاله انت الي صورتيني لو انت زيد هااا واللتفتت الكرم كتله لو منو كرم جبت واحد من بره صورني وياك لزمني من ايدي لشنو تردين توصلين ليش سويتي هيج هاا
تقرب زيد من كرم ولزمه من ياخته كله انت ليش تورط زوجتي وياك هاا وهي بنت عمتك شون تصورها هيج كرم دفعه خالتي صارت بيناتهم زيد راح الشهد لزمها من شعرها كفشهه تكفش وكع الشال وظل يضربها كدامي ضرب مصاير وهي تكوله معلي اني كرم هو كلي
خالتي بقت تهديهم اجه يمي كرم لزمني من ايدي صعدني فوك ..واني امشي ع الدرج ميته خوف ولازمه بطني ودي الطم روحي شسويت اني شحجاني هسه .. ع طول الدرج وهو يدردم عليه ..
دخلنه للغرفه شمرني ع الجربايه كعدت ولازمه بطني رفع ايده ضربني درت وجهي اجت الضربه ع رگبتي
اكعد كرم لاتضربني هذا حقي وشهد لازم توكف عد حدها
انت شنو ماتنسين شي صار وراح لازم تفتحي مره ثانيه ارتاحيتي من شعللتي ارتاحيتي
غصبا عني كرم تاذيت اني هوايه مداتحمل اعيش هنا
كرم ..مو كتلج بس تولدين اخذج ونولي منا .. بشنو قصرت وياج هيج تاذيني بس انت حاقده الانتقام  يسري بدمج وكلبج اسود واليوم اثبتيلي هذاالشي لا وهوايه متحسفه ع اياد كلش متحسفه واني عبالي تحبيني
رفعت ايدي اريد اضربها اباوعلها لازمه بطنها مكدرت رحت للباب باقوه حركه عندي فتحته وطلعت كلش قهرتني كلش اذتني مدااتحمل بعد ........

غرور .. عافني ونزل شعور يضوج احس انتصرت ع شهد بس كرم اذيته اسمع صايح جوه زيد وكرم وخالتي تفكهم بقيت حتى خفت انزل او حتى مالي خلك اي شي .حتى ملك مادري عنها . صار هدوء مااعرف شصار بس سمعت سيارة حركت. .. تندمت ع السويته بس هذا الازم يصير استفزني زيد من كال شهد تربيها وهو ميعرف شهد شنو واني ماامنها عدها هذا الشي الوحيد الصح الصار وبعدها ماعرف شراح يصير راح يسامحني كرم لو لا مااعرف تعبت مرت الساعات عليه عمر تعبت وكرم مااجه للمغرب اني نزلت جوه البيت هدوء بس ملوك تفتر ويمها خالتي بالهول ووجهه ثكيل عليه . حسيت ع نفسي وماحاجيتهه اخذت ملك وكلتها بعد گليبي جوعانه كلش غسلتهه و بدلتها وبداخلي قهر قهر مينوصف احس حراره بداخلي بركان ..
احس اني بكابوس ومدااصحى منه بعد ماكملت ملوكه خليتها بحضني وابجي اعتقد هي تعودت ع هالمنظر وتباوعلي اتذكرت ريم من جانت تبجي بسرعه صرت مثلها اني
نامت ملوكه واني بقيت الوب حتى بطني وجعتني ولكمه محاطه بحلكي من الضهر .. تمر الساعات وكرم ماكو اجه زيد قبله وهو لا.. نزلت اشوف خالتي نايمه شون يربي اصحيهه .. صعدت فوك اتصل عليه مايشيله ابد
بعد ماايست غفيت كعدت الصبح اتمنيت افتح عيوني والكاه يمي اسمع صوته اشتم عطره بس ماكو هو
واني انزل اسمع عمتي تحجي بالتليفون تكوللها ياام شهد السوته بنتج ميتسوه صح ابني وياهه بس هي هم لازم ماتطيعه خو ماراح يكص ركبتها وبعدين ماتسكت عنها اربع وعشرين ساعه ملاشيتها وزيد تصرفه وردت فعله طبيعيه وان شاءالله جم يوم ترجع الامور طبيعيه ...
من كلامها عرفت شهد يم اهلهه .. رحت صبحت على خالتي ردت عليه كتلها خاله ماخابرج كرم كالت اي خابرني
شكال خاله ؟
مكال شي بس كال هو بخير
لعد شوكت يرجع للبيت
والله ماادري شوكت .. ماكال ...لا
هف مشه الوكت بين الشغل وبين ملك ومتطلباتها واني روحي تريد تطلع
ادكله ميرد عليه ابد .. تعبت رحت خابرت امي حاجيتها شويه ارتاحيت .. مر كل اليوم وكرم ماكو بس زيد موجود
يوم ثاني مالي نفس اروح للكليه . كوه داومت لو ماالامتحانات فلا اداوم
مر اسبوع كامل وكرم مااجه ومايرد عليه متت قهر
امسجله شتريد اسوي حتى ارضيك اني اسفه غلطت بحقك بس والله جنت مستهدفه شهد بس لان ماريد زيد يامن بيها ع ملوكه ..
ماكو ميجاوبني ولابحرف....
كوه انام كوه اكعد ميته قهر من روحي ..
جنه نايمين الصبح .. سمعت صوت بالغرفه شفته كرم فتحت عيوني اكثر ركزت مخلي جنطه ع الارض وديطلع ملابس من الكنتور ويخلي بيها .كمت كوه من الفراش بثكل . رحت اله كرم شونك اني اسفه كرم
وخري من وجهي  بالله
كرم شدتسوي الخاطر الله الخاطر ابنك انت وين رايح
مااريد اشوفج بعد
تره مصار شي ماذبحوك ولاكصبوك شدعواك هيج وهذا الشي المفروض يصير حتى يعرف زيد شنو هي شهد الواثق منها ع بته
انت مراح ترتاحين ولايهدا بالج اله اذا تدمرين كلشي
الحقد يمشي بدمج اني طالع وخلص كلشي بينا مات

اني اطلع الملابس من الجنطه وهو يخلي ولاادري بي وين رايح ولاتشفعلي كلمات الاسف والاعتذار ...
طلع وعافني ولاباوع بوجهي ولا مشتهيني طلعت وراه كوه شفته نزل من الدرج امه واكفه بالباب بوسته وبوسها من راسها وطلع كعدت ع درج احس كل قوه مابيه احس روحي انتزعت مني بطلعته كلها مني ومن تصرفاتي شافتني خالتي باوعتلي وعيونها مدمعه واني عيوني شلال دمع يصب منهم .. باوعتني بنضرة حزن وطبت الغرفته احس مخنوكه ريتي ماعاد يطبلها هوا وبس ووياه هم وقهر
ليش هيج سويت بي .. اني
رحت للغرفه ارتاح عود ارتاح بس شرتاح ماكو راحه راحت ويا كرم
اخذت نفس ونزلت رحت الخالتي كاعده بالهول وهادئه بس عيونها حمره
كوه نطقت وحاجيتها لان اشوفها ضايجه مني بسبب السويته كتلها خاله ماكلج وين راح
كال راح وقع عقد شغل بغير محافضه
يعني بعد ميجي .. ؟
ماادري غرور ماادري ليش ماصالحتي
خاله حاولت كومه ويا ماكو ميقبل حاقد عليه
الله يهدي ويرجعه النا ..
يعني سواها ووقع ع العقد وراح حتى ماادري شنو بي العقد وشكد ووين وخالتي تقطر الحجي تقطر
تعبت كلش
كل شويه اسئل خالتي .. ها خاله وصل
اي وصل
وشونه بخير
اي زين
بعد ماسئلتها سال عني او لا
وكالعاده اتصله ميجاوبني
مرت الايام عليه عمر بدونه روح وانتزعت مني
بيوم اجت شهد للبيت ... اني مااطيقها هي السبب بكل شي دزيت رساله الكرم كتله راح اروح لبيت اهلي ماجاوب حاجيت خالتي وكدام زيد كتلها رام اروح لبيت اهلي كالت روحي تعجبت من صاحني زيد كلي ام ريم .. قهرتني كلمة ريم بلسانه تذكرت من اسمعه يصيح الريم نفس النبره
اللتفتت عليه كتله نعم ..
اخذي ملك وياج هي مسؤؤليتج هسه بس بحاله وحده اخذها منج
وهي ؟؟
اذا انفصلتي عن كرم ..
بقيت صافنه ليش انفصل ياربي ليش هيج يحجي كتله ان شاءالله ورحت ..
صعدت للغرفه ابجي بحركه ضاكت عليه الدنيا الوسيعه وصارت كبر شأريد اتحمل اكثر لملمت اغراضي واغراض ملك وخابرت امي تجي عليه
كتلها كرم زعلان مني بسبب شغله بس مكتلهه شنو
ورحت عدهم
مرت الاشهر بسرعه وكرم لاحس منه ولاخبر تعبت هالكد مااتصل بي .. وميجاوبني
اخابر خالتي اسالها عليه تكول زين ويخابرني ومرات تجي تنطيني فلوس مصرف الي ..
بفد يوم فتحت التليفون شفت مسج من شهد كاتبتلي مغثه .. مو مسج شوفي تره من حجيتي انت الخسرتي رجلج عافج ومشموره ابيت اهلج بينما اني يم رجلي ها وتره كرم بين فتره وفتره ديجي يشوف ابنه علي ويروح وموبعيده يرجع وئام اله وانت ابقي عود
الحقيره خنگتني خنگ لو ميته ولاسامعه كلامها
بعدها توقفت اخابر كرم واسال عنه يم خالتي لهيت بروحي ثكل كل جسمي بسبب الحمل

وصلت الشهري .. بهالفتره خلص الدوام وعطلنا
ومرت ايام واسابيع وماسئلت ع كرم بالعكس حقدت عليه اكثر لان كلش طوخها ويايه ..
بهالفتره رضا قنع يتزوج بنت عمتي ..
وحددوا المكان بالكوت يتزوجون .. اني ردتها فرصه اطلع من همي كلش ضايجه وهلكانه تعب وقهر
امي كالت خاف تجيبين علينه بالطريق كتلها يايمه شسالفه قابل مجلب بشعره اني بروح طاكه اريد اغير جو  اريد انسى جبال  هموم ولو ذره
عمامي هم  الي   متكفلين بعرس جيهان ورضا   عمامي يردون يصير صلح ورضا بينهم وبينا احنه العائلتين لذلك صار بالكوت ..
الله هداهم
وصلنا للكوت  واني احس  انفاسي مكطوعه تعبت كلش بقينه ابيت عمتي  بعد 5ايام العرس عمامي جانوا جايين لبيت عمتي اني دخت  اخذت الي غرفه محد بيها وكعدت 
بيومها خابرتني رفل كالت صدك راح يتزوج رضا كتلها اي كالت اني تطلكت اريد ارجعله حتى لو ع شرك وكلشي مااريد بس ابقى يمه ويم ابني كتلها مالج فرصه ثانيه انت ضيعتي وتركتي بوقت جان احوج الج من غيرج جنتي زوجته وشريكة حياته واتخليتي عنه مااعتقد هو يريدج بعد وسديته منها
جنت احاسبها ع الشي السوته واني مو احسن منها هم ضيعت رجلي وكعدت افكر يمكن كرم كرهني ونساني
وهسه يرجع وئام لزمت بطني وابجي وملك يمي متمدده ونايمه تعبانه من الطريق ..
حسيت بوجع قوي ابطني .. نوب يروح ويرجع بقيت مااكدر اطلع بره حتى استحي الالم زاد عليه مااتحملت  كمت اصيح لامي ... لحكيني ماما راح اموت وجع بطني موتني ..
ولج خاف راح تجيبين
ماادري ماما وديني المستشفى فدوه مااتحمل
انت جايبه كلشي وياج
اي جبت ويايه عقد الزواج وجنسيتي وهم ملابس الطفله كلها ..
رايحه اشوف احد يوديج للمستشفى طلعت امي اجت يمي عمتي وبعد بنتهه حضرولي اغراضي كلها اني كاعده واتالم .. اباوع الملك احس راح اموت عبالي راح اموت لان الالم يموت ماتوقعته هيج .. حتى اختنكت غمضت عيوني دعيت ربي يرجعني الخاطر ملك ..
حضررلي سياره .. اجت امي اخذتني قبل لااطلع كتلهم ديروا بالكم ع ملك
كلت لامي ابقي يمها ماما عمتي ويايه
لا مااعوفج مااكدر
وصلت المستشفى وعلما طلعت ريم اله روحي طالعه اني كله على بالي كرم ولك لو تحس بلي حسيته من الم جان تسامحني
طلعت من صالة الولاده حتى مااطايقه الدنيا كلها امي اخذت ريم الزغيرونه وتبوس بيها وتبجي .. يمه ريم اختج صارت ام واسمت بتها باسمج درت وجهي ابجي ياريت ريم يمي هسه ياريت ليش حرمتني منها يازمن ليش
تكولي امي رضعيها جوعانه
ماما ماالي خلك لو ميته احسلي ..
ليش هيج تكولين ولج ليش
يمه 4اشهر صارلي مايسأل عني
مرده الج ويرجعلج وهسه بس نخابره نكوله صارت عندك بنيه يجي يركض
اللتفتت لامي يمه والله اذا احد گله اله اخذها وبعد ماتشوفوني ابد
النسوان كله انتبهت عليه عمتي كالت اسكتي صوتج
امي .. ميخالف التردي يصير تدللين .. منحجي
طلعنا للبيت .. واني حالتي حاله كل شويه يتصورلي كرم يمي ويكولي حمدلله ع سلامه ويبوسني
لو احس بريم يمي وماخذتها مني وتكولي تشبهج بس لاتطلع مخبله مثلج
اني بين هذا وذاك احس روحي صرت مخبله يحاجوني مااحجي
طبينه للبيت شفت ملك عند رضا زين مامستغربه شوفتها امي لريم الزغيره كلتلها هي سمية امج شوفيها وطكت بالبجي رضا هم يبجي واني ماوكعت دمعه مني بس احس سجاجين بروحي تملخني تلفلفت بالبطانيه اريد افوت بغيبوبه ومااكعد منها بعد واغيب عن هالعالم
كوه قنعت واخذت الطفله ارضعها كارهه روحي كلش اباوعلها وهي ترضع شنو ذنبها احملها ذنب ابوها اني ممصدكه صرت ام بس احس نفسي صرت ام من قبل ام لملك
جتي يمي تكولي منو هي كتلها اختج باستها وتلعب بيها ..
كل شويه انبههم ميكولون لبيت خالتي اني ولدت مااريد كرم يعرف ميستاهل
مرت ايام وهو ميعرف اني ولدت .. خابرتني خالتي مجاوبتها اني انطيتهه  لامي جاوبتها كلتلها كلنا زينين ها اي عرس رضا الخميس بحيل الله ..
سدته منها
بعدهه للعصر
.. اجه رضا للغرفه كال راح يجوون
منو هم ؟!
اولهم كرم كال راح يجي
اني گلبي صار طبل لاادري فرحانه لادري ضايجه
كتله شيسوون
جا غير عزمتهم لعرسي
ليش عزمت كرم
هو خابرني يسال وكتله تعال للعرس هم زحمه
خو مكتله اني ولدت
لا ولج جكمه واذا جبتي والله خبصتينه اليكلك بس انت جايبه
اووووو
وجعوووو
وطلع
صار يوم الخميس متواعدين الصبح يجوون واني محتاره خاف كرم يطلب يشوفني شون راح اتصرف الي 5ايام من ولدت . امي سبحت الطفله وبدلتها واني هم سبحت وبدلت
وخليتها يمي .. شويه وطب رضا تعاي رجلج يريدج شنووو مااريد اشوفه
كومي لاتدلعين وبسج زعل اعقلي غرور انت مو جاهله
مااريد اشوفه وديله بنته بس ..
اوو شكد زعطوطه ولاتكبرين
اخذ ريمه وطلع ..
يتبع
والله ادري قصير بس مدالحك اكتب والله 😭
مبقه شي وتنختم فدوه اتحملوني
احبكم 😘😘😘😘😘