رواية لو انك لم تعد ..... الفصل السابع عشر 17 - بقلم نورا ناصر

#لو_انك_لم_تعد .....قبل الاخير .....
بقلمي نوره ......

بعد ما سديته منها ارتاحيت شويه ونسيت جزء من همي وظليت اضحك وسط كل هالحطام الي محاوطني
بعدها يله رحت بدلت ملابسي وغسلت ورحت لامي
كتلها متاكلين شويه
لابنيتي شون اكل واخوج هناك يون من الالم .... ميخالف ماما هو هسه هم يريدج تاكلين ميقبلها عليج هو هم
خليها للصبح بنيتي هسه مااريد
يلا براحتج ماما راح اجيب فراش وانام يمج
بعد كلبي بنيتي شعندي غيرج بعد ماعندي غيرج بت
ماما حبيبتي ماراح اخيب ضنج اني ومراح اتركج ابد بوست ايدهه .. ورحت جبت فراش فرشته يمهه ونمت واباوعلها ودموعها تنزل من مقلتها متت قهر بوستها على راسها .. ولزمت ايدها كالت والعبره خانكتها شصار وياج اليوم
بس كتبت تعهد مااقرب الملك
ميخالف يمه فتره ويسمحون الج تشوفيها
الله كريم ماما .. نامت امي من التعب واني بقيت سهرانه شون حتگضه وشيخلصهه ويايه
كعدت الصبح .. شفت امي كاعده قبلي .. مسويه الجاي والريوك .. محضرته
ها ماما صباح الخير ..
صباح النور بنيتي ..
اشو كاعده وكت اي غير ترتاحين ياامي ميصير هيج
ياراحه هي ابوج واختج بالكبر واخوج هناك مكسر
بعد ماكو راحه اله الحكهم يلا ..

ماما فدوه ليش تحجين هالحجي لعد اني منو اليه والله اضيع بعدج كلش اختنكت

يابنيتي تعبت والله ماجاي اتحمل اكثر ليش الله مااخذني اني قبل ريم شون تموت قبلي واني ابقه عايشه

قضاء وقدر شنسوي مابيدنه نغير شي
اخخ .. اني اريد اروح اشوف رضا
اي ماما اجي وياج ...
كعدنا نتريك .. وخلصنا ... بدلت ملابسي عود
نروح للمستشفى اندكت الباب فتحتها شفت كرم بيده علاليك ..
ظل يباوعني . كتله نعم شتريد .. دفعني وكال احم
وطب يم الباب ..ماما صاحت منو .. صاح اني عمه
اجته ..
هلا ابني هلا كرم تفضل شونه رضا بقيت ويا البارحه
اي عمه بقيت ويا لتخافين الله كريم
يعني يعيش ..
ان شاءالله يعيش .. عمه لتخافين اني مراح اترككم
كثر الله خيرك وليدي الله يرزقك المن تعبت نفسك

امي اخذت العلاليك منه بعد ماهو انطاهه الهه وطلع فلوس حط بيدها .. كتله تعال شنو هي اشو رجعهن يله احنه مانجدي منكم ..

عيب غرور عيب يمه شهالحجي تره كرم مو غريب
وديسوي واجبه عيب استحي

لعد هو مااستحه .. من جاب الشرطه عليه
وحرمني من بنت اختي ..

من رخصتج عمه بس احجي وياهه على انفراد
لا متحجي ويايه على انفراد احجي كدام امي
سحبني وطببني المطبخ يمكن امي بقت صافنه
هو كلش جريئ وعادي عنده كلشي
سد الباب واجه يمي وكال .. باعي غرور تره السويتي البارحه ميهمني . اصلا كلها وئام متهمني هي خسرتني الف وحده تتمناني كتله شكد مغرور لا مومغرور واثق من نفسي بس انت الحقد والكره والقسوه عاميه قلبج
لعد ليش ردت تتزوجها ومسميهه حبيبتك
شفتها بنت ادبها سابق جمالها ومثقفه ردت ارتبط بيها واستقر .. بس هي صدكتكم انتوا وخسرتني
وهسه احترمي نفسج لتشوفيني ساكت الج

عفته وطلعت وطلع ورايه امي كاعده ع القنفه
كللها عمه اني اوصلكم للمستشفى ..

لاعيني مشكور احنه نروح ميحتاج
غرور يمه شبيج الولد اجه وهو يوصلنا خلينا نروح ويا
مااروح وياا اني اجي وراكم عود روحي ويا انت
بطلي طلعات لوحدج غرور افتهمتي
ومنا خلاك الوصي عليه انت
اي يمه حجيه صح الدنيا ماتتامن وهو قصده يخاف عليج
ها عمه خلصتي نمشي
اي عيني خلصت يلا
طلعت امي قبله اجه يمي همس باذني .. منا وهيج اني خوش راح اضبج .. خزررته
طلع ..
مرت هيج الايام .. يوميه يودي امي للمستشفى ويجيبها وتكول يوديها تشوف ملك واني عطشانه على شوفتها الي اسبوع مشايفتها
اما رفل فظلت متروح الرضا وكله تنفخ وضايجه بس ضوجتهه مو على رضا هي ضاجت من الوضع
جان رضا كلما يحصل ينطيها الها نص والنص الثاني للبيت وامي عدها تقاعد ابويه هم فهي ايست من رضا ضاجت كلش ..
بيوم اجه اخذها وطلعوا هو وامي ..
خليت تليفوني على الطاوله ورحت اسوي كم شغله
جيت لكيته بيد حمودي واكف يم باب غرفتهم ..
كتله انطيني تليفوني .. ضحك وكال ماا
لك انطينيا ميقبل دخل الغرفتهم .. طبيت وراه شفت رفل دتلملم ملابسهه ..
ها وين ام حمودي خير مسافرين
اي راح يجي عليه اخويه واروح ويا
ليش يابه صاير ابيت اهلج شي ؟؟
لااسم الله بس اني تعبت هنا واريد اروح لاهلي اشوف حياتي
صدك جذب منج ولج تعوفين رضا يعني من جان صاحي ويشتغل ليل نهار حتى يكت عليج فلوس
تردي من وكع اتركي
والله هيه حياتي واني حره بيها مالج دخل انت
طلعت من يمها متولين هي الدنيا تاخذ بس الزين
والعار امثالج الي تنسى العشره والطيب ومتوكف ويا رجلها تعيش احسن عيشه هي دنيانه مابيه عدل
للاسف ..
صفكت ايدي وكعدت بغرفتي وعلى الدنيا السلام
سمعت حجي معناهه اجه اخوها واخذها وراح
بقيت بحسره على حمودي لان ماخذته الحضني وبوسته وبقيت اتحسر على رضا اذا عرف تركته الي يحبها ويموت عليها شنو راح يسوي وهسه امي هم تجي والله يعلم شيصير بيها اذا عرفت
لو اختنك و اتحسر على ملك الي انحرمت منها لو على ريم لو على شرفي كلشي صار حسره عليه كلشي خسرت مبقالي غير امي ورضا المكسور والله يعلم بحاله
جتي امي وعرفت الموضوع ومااطولها عليكم تعودت امي واني تعودت كعدت تبجي على احمد مو عليها جان متعلق بيها هوايه حبيبي وحيل يحبهه
..

مرت الايام على هالشاكله .. كرم قايم بواجبنه ورضا ميتحرك ويحتاج اله عمليه لحتى بس يكدر يكعد
ومن قهر القهر الروح ماعادت تتحمل .. هموم
احس صرنا عاله على كرم
احس اكو شي دفين بيه اله بس حتى كدام نفسي مااكدر اعترف بي بعد السواه بيه
وصرت احس الي ديسوي شفقه منه مو واجب وعمل انساني وصلة رحم .
ردت انهض بروحي واعتمد على روحي
عزة نفسي وكبريائي ميسمحولي اعتمد على كرم بعد كل الي سواه بيه ..

قررت اطلع ادور شغل .. وفعلا طلعت وحدي ادور حتى امي جانت يم رضا بالمستشفى ومن ترجع تروح المللك ياالله شكد مشتاقه الها هالبنت بكد مامشتاقه لامها ..

رحت للصالونات دكيت باب كذا صالون كلت الهم اريد شغل كالوا ماكو معدنه شغل .. رحت للروضات والمدارس الاهليه الابتدائيه هو العنده شهاده ميعينو بعد مو اني ممخلصتها وهي كل يوميه وي طلعت امي اطلع ادور ..

بيوم قررت اروح لعيادات الاطباء .. ودخلت لكذا عياده اسئلهم متردون وحده تكتب تطبب مراجعين زين اني لااعرف اضرب ابره ولااعرف للدوه ولااي شي منو يقبل بيه طلعت من اخر عياده بعد ماائيست بس بقت رحمة الله جبيره
بطلعتي صاحني واحد. انت التردين شغل اللتفتت اله اي شكو اتقرب مني رجال اربعيني هيج شي
كتله نعم كال اني عندي الج شغل

شنو من شغل
هسه انت مو تردين شغل تعالي قابليني باجر هنا بنفس المكان واني اكولج على شغله
اي غير اعرف شنو هي
باجر تجين وتعرفين
اي بس مو اي شغل اني اشتغله اريد شغل شريف
ضحك كال اي شريف قابل شراح اشغلج رقاصه وهم ضحك كتله يلا باجر اجي وعفته ورجعت للبيت
....
وافكر شراح ينطيني من شغل هذا كلش خايفه خاف يستغلني لااني اول مره استفسر منه واعرف نوع الشغل بعدين يله اوافق وبعدين هو مكان عام يعني ميكدر يسوي الي شي ..
...

يوم ثاني مااكدر ماكول لامي خاف اتاخر كعدت الصبح شفتها بالمطبخ خطيه رغم الانكسارات والقهر والمرض وشوفة ضناهه مكسر ولخ ميته اشوفها تكعد من الصبح تصلي وتسوي احلى جاي بالهيل
صبحت عليها وبوستها من ايديها الله لايحرمني منج يمه .. وهي هم بوستني وكالت ولامنج شبقالي غيرج ماما اني لكيت شغل وراح اشتغل.
شغليش يمه ؟!
صديقتي لكتلي شغل وراح اشتغل وياهه
انت بس. ليظل بالج واني مو زغيره اعرف مصلحتي وهاا هم لتكولين الكرم ماشي ..
زين حبيبتي الله يوفقج ويفتحها بوجهج يبعد عمري انت ..
فدوه الله ليحرمني من دعائج ..

وبعدها جهزت نفسي وطلعت قبل الموعد مااعرف ليش متلهفه ..
انتظرت هوايه واخيرا اجه وهو يضحك
شونج
زينه
مستعده للشغل
عجيب غير اعرفه شنو ؟؟ضحك كال شسمج
كتله بتذمر غرووور
عاشت الاسامي
ليش هي الاسامي تموت ؟
هههه ودمج خفيف
اللهم صبرج ياروح
هههه اعصابج غرور .. باعي اني اريدج توصليلي بضاعه لفلان مكان وراح انطيج على كل توصيله 200دولار واجور النقل عليه ..
اني بقيت فاكه حلكي هوايه زين شنو هي البضاعه
لاالبضاعه تبقى سر بينه ..
ماشي ..
وهسه امشي ورايه واخذي تكسي لهذا العنوان دونته الج بالكرت اوكي
ماشي ..
وانطيني رقمج حتى نبقى على تواصل ..
انطيته رقمي وتبعته .. اخذت تكسي مثل ماكلي وصلنه للمكان الي كال عليه خابرني كال وين وصلتي كتله اي
نزلي من السياره وامشي وبيدج الفون
ماشي نزلت من السياره ومشيت ولفت لوفه هو جان واكف بيها المنطقه هادئه كلش ونائيه واني افكر هذا شنو شغله بالضبط
انطاني علاكه سوده مو كلش جبيره يعني تفوت بجنطتي اني من صدك غبيه بوقتها جنت غبيه فكرت بالفلوس ومافكرت بشنو البضاعه شافني لقمه سهله اله وادور شغل اغراني بالفلوس باوعت مشفت منين طلع ومنين طب انطاني عنوان كال ودي اله وهناك اخابرج انطيج تفاصيل وهاج هي ورقه ومن توصلين لهناك ينطوج الباقي اخذتها وفرحانه اول مره الزم ورقه بيدي عمري كله اخذ مصرفي من امي اكثر من عشرة الاف دينار ملازمه بيدي
المهم رحت للمكان الكال عليه وسلمت البضاعه واستلمت الفلوس ورجعت للبيت واستمرت الايام واني كرم بعاد عن بعض ماعرف ليش الزمن مفرقنا
هي الشغله تدوخ كلش بس الفلوس حلوه
مره من المرات شفت بطريقي اياد تفاجئت مردت احاجي وردت امشي بطريقي وكانه مااعرفه بس هو صاحلي وسلم عليه وكال غرور اني سمعت بلي صار الكم مااصارت الي فرصه احاجيج واوكف وياج
كتله ميحتاج
اذا محتاجه شي كولي رقمي موجود يمج خابريني اني بالخدمه
ان شاءالله وعفته ومشيت ..
اباوع لايده اثناء الحديث ماكو حلقه معقوله لسه ماتزوج ..
معليه سلمت البضاعه ورجعت وتمر الايام
الرجل عرفته اسمه ابو امجد ظل يخابرني واخذني الحديث ويا كتله على حالتنا ومن هالحجي حسيته تعاطف ويايه
باجر عندي شغله وياج بس المغرب اريد اعرفج على عائلتي
بقلبي ليش يريد هيج
كال اللبسي تشيكي لتجين جنج ارمله
ضحكت كتله ماشي
باليوم الثاني ..

باليوم الثاني اشتريت ملابس ستره سوده لماعه وقميص اسود ستن وبنطرون اسود .. وحذاء كعب احمر وي جنطه حمره والشال احمر .. وخليت مكياج ورتبت نفسي .. وكلت لامي عندي شغل امي ظلت تلح لتطلعين الدنيا مو امان .. اني كتلها ضروري اروح واالا انفصل من الشغل .. كوه قبلت اروح ولاول مره اصعد وي ابو امجد بسيارته .. جنت متردده بس اني وثقت بي مشفت منه اذيه
اخذني وجان وقت مغربيه ويضحك ويسولف ويايه ويجاملني حسيت نفسي حره بدون اي قيود
الا ان وصلنه لبيت حلو وجبير وبمنطقه هادئه .. نزلت .. عبالي يعرفني على عائلته اشو البيت مليان بنات وشباب ورجال كبار بالعمر .. ولاوحده مستوره بس اني لابسه شال استغربت هو عافني وراح ..
اللتهه وي الناس اشو ذول يشربون وماادري شحالهم كلش تضايقت انوب انتبهت على واحد يقدم الهم المشروبات هوايه مركز بيه شسالفته مدري. .
البيت هوسه واني احس احتريت ماادري دخت والكعب سمطني سمط ..
رحت اشوفلي مكان ارتاح بي .. شفت الي مكان قريب الدرج رحت وكفت ونزعت حذائي بي .. شويه اريح اصابعي
اجه نفس الولد .. جان يكولي تشربين شي
باوعت الوجهه كتله لا ودرت وجهي
وين شايفج اني
نعم اني مشايفتك هسه شتريد
شيصيرلج كرم ؟
يمه قلبي وكفت عدل وعدلت حذائي كتله ميصير الي شي
اني شايفتج ذيج الفتره هواي ترحين البيتهم اني جيرانهم بنفس المنطقه
كتله ميخصك ويله وخر منا ..
اكيد ميخصني بس تره مكانج مو هنا تره تتاذين
افلتي منهم ذول عصابات
وراح خوفني ويحجي همس طب للمطبخ اكو فتحه من بين المطبخ والمكان الي اني بي شفته طلع تليفونه ويخابر متت خوف هذا شيقصد لو ديخابر كرم عليه زين اني شجابني هنا وشون وثقت بابو امجد يربي
بقيت واكفه .. شي نص ساعه تصرفاتهم حييل غريبه ابد معجبتني وكانه بيت دعاره
لشويه اجه واحد مبين سكران .. كال تعالي سحبني من ايدي كتله وين كال دتعالي ولزمني من قميصي وفتح اول دكمتين خرطهم وكعن صرت اتستر بشالي ودفعته وكع بالكاع ..
الولد الي يعرف كرم شافني كلي تعالي اطلعج من غير باب رحت ويا .. وطلعت بره مشيت خطوتين احس سياره وكفت ورايه .. اللتفت .. شفته كرم نزل منها
تملكني الخوف لاادري انهزم لاادري اروح ياا جمدت وتجمد الدم بعروكي
اجه بتجاهي ياساقطه ياادب سز ولج خزيتينه كتله كرم بس افهمني فدوه اخذني من الشارع دفر وكتل وطببني بالسياره وانواع الشتائم عليه واني ساكته
الى ان وصلنه لبيتهم واني مااعرف شنو راح يصير الي نزلني من السياره من راسي لازمني وعيوني كلها دمووع .. و من الضرب مالته ورمن
طبينه للبيت زيد وامه بالصاله وملوكه يمهم ..
من شافوني كامو
ام زيد .. شكو شبيها هي كول شبيهه
كرم ..هي الساقطه راح احبسها فوك محد يفتح الها اذا انهزمت اكتلها واحرك البيت .. حرك
اخذني يسحل بيه سحل على طول الدرج
وشتم وتفل وكل شي احس تكسرت تكسر
وطببني الغرفته وشمرني على الكاع انفتحت سترتي وقميصي بين مكطع الدكم
ولج انت عار ولج ذولي يتاجرون بالمخدرات شجابج وياهم ولج هذا صديقي شافج كتله لاامااعرفها ولج هذول لياليهم حمره شدخلج بينهم
والله كرم اول افوت يمهم والله لاتظلمني فدوه لاتظلمني ..
راح فتح المجر وطلع مسدس متت خوف منه
اجه خلاه براسي كال اني انتهت سلطتي عليج لهنا وبس عليه بامج وباخوج هم تحت رعايتي اما انت راح اسلمج لعمامج يقتلوج ويخلصون من عارج
نزلت على رجلينه ابوسهم فدوه كرم لاتفضحني فدوه بس هالمره انطيني فرصه فدوه
ضربني قوي على وجهي وطلع بره وقفل الباب
وللحكايه بقيه