رواية لو انك لم تعد ..... الفصل السادس عشر 16 - بقلم نورا ناصر

#لو_انك_لم_تعد ...16...
بقلمي نوره ...

انا مُرهقة ، مُرهقة من هذه الحياة ، مُرهقة من الوحدة ، مُرهقة من هذا الحطام الذي يوجد في قلبي'

امشي بدرب الضياع .. ضيعني كرم بحقده .. وضيعت روحي بطيشي وتفكيري الساذج .. ومااعرف شحيصير الي بعد .. حتى كليه ماداومت هالسنه الي ويايه يدرسون مرحله ثالثه واني ثانيه مخلصتها .. واني امشي تايهه ضايعه .. لاحضيت بحبي ولا تزوجت خطيبي
انحرمت من اختي وهي بعز شبابها .. ورجعت انحرمت من بنتها رويحتها بالدنيه

السبب بيه لو بكرم لو بالوكت هذا الي مانصفني ولاعدل وياي حكم عليه حكم القوي على الضعيف

مشيت هوايه واحس تعبت واباع للسيارات حتى فلوس مشايله .. اخذ تكسي وارجع .. وبيا وجه ارجع شراح تكول عني الناس .. خزيت اهلي كلها بسبب كرم ..

كعدت على الرصيف .. وسكتت .. لشويه اجه واحد
بيده كونيه وشعره ابيض مبين عليه متسول .. فرش الكونيه ونام على الرصيف ومخلي ايده تحت راسه

تمعنت بي اكثر هذا مو رجال هي امراه نحيله ولابسه دشداشه مخططه مال زلم وصخه حييل .. وشعرها اشيب و لحد اذانهه ... ركزت بيها اكثر عيونها زرك كلش حلو لونهم ..والتجاعيد تملي بشرتها وحيل مسمره من الشمس .. هستوه اندب حظي .. من شفتها باوعت للسما كلت الحمدلله ياربي على حالي من شاف مصيبة غيره تهون عليه مصيبته الله يعلم شلون جانت حلوه بشبابها .. وشسوه بيها هيج
هواي باوعتلها الا ان نطقت كالت روحي بيتكم روحي بيتكم .. انت حلوه هسه يجولج وي *** قصدها يغتصبوني .. كش جسمي خفت كالت شوفي حالتي ويوميه يجوني ..
شكد حيوانات اشافوا بيها ويغتصبوها .. درت وجهي عنها خليت ايديه على زنودي برد واني لابسه بس ستره وتنوره سوده . من خوفي الصبح بسرعه لبست وطلعت .. كالت كومي ولج كومي ماعدكم بيت روحي يله .. كتلها واني ابجي ماما معندي فلوس
ماعرف ليش كتلها ماما يمكن جنت خايفه وهالكلمه تعني الامان .. المهم طلعت.مني .. باوعتلها كعدت وطلعت من جيبها كارتونه مااعرف باكيت مال تايد او مسحوق غسيل فارغ من محتواه ومخليه بي فلوسها شالت فلوس وانطتني .. متت قهر عليها .. عيوني جرن دمع تقربت منها بستها على راسها .. دفعتني روحي روحي راح يصير مغرب يجون روحي
كتلها امشي ويايه .. ياامي هزت ايدها بمعنى لا
عفتها وكمت احس بعثت بيه الامل ..

صعدت سياره .. وصلت نزلت .. وصلت للعماره احس الناس تباوعلي والله يعلم شيكولون عليه ..
دكيت باب الشقه وانتظرت شوي .. رجعت دكيتها مره ثانيه هم ماكو .. ظل كلبي يلعب من الخوف يا ليش ميفتحون .. ادك ادك شنو معقوله عرفوا بيه جايه وميردوني .. مستحيل اهلي ميسووها .. انفتحت الشقه المقابيلنه .. جيرانه وهم زينه علاقتنه بيهم امي تروح الهم ويجونه وحتى رفل تروح الهم بس اني انعزاليه فمو هالكد وياهم المهم طلعت منها المره عمرها هيجي بالثلاثين هم عائله وحده كاعدين بيها
كالت ها رورو اجيتي تره اهلج مو بالشقه .. خفت كلش لاامي بيها شي كتلها لعد وينهم عفيه ام عبود شبيها امي .. لج لا مو امج .. اخوج رضا خطيه وكع من فوك السكله بالشغل .. يمه عزاا لطمت على وجهي يمه وكعت بالكاع كتلها خو مامات
لا اسم الله تعالي فوتي جوه ..
كومتني وفوتتني جوه نطتني مي وغسلت وجهي انهاريت من هبطه الهبطه .. يربي معندي غير هالاخوو
لاتحرمني منه بعد. ...يمه شحال امي هسه ..
كتلها فدوه اتصلي على رفل خلتكول وينهم نروح الهم عاد هي اتصلت بيهم اني ردت اطلع .. كالت اخابر رجلي هو طالع وماخذ الجهال ويا حتى اجي وياج بس انطي علم ..
كتلها خوش رحت كعدت على الدرج وابجي وادعي ياربي رضا مابي شي ...طلعت ام عبدالله قفلت شقتها ورحنا سوه للمستشفى بعد ماا سئلنه يلا حصلناهم بيا طابق .. رحت من بعيد اشوف خالي وابنه ووياهم كرم .. مشيت سريع وهجمت على كرم .. لزمته من قميصه من فوك والدكمه مفتوحه احس .. نبتت اضافري بصدره وي جرتي القميصه ..
ولك انت السبب انت وكعته اكيد هي وحده من تدابيرك .. كلها من وراك هو لازمني من معاصمي
وخالي وعلي سحبوني منه هو شال ايده يريد يضربني بعدوني عنه الطابق مجان بي ناس هوايه هو يكولي شبيج تخبلتي
خالي لازمني وعلي واني مااسكت واحجي واطلع كل غضبي بوجهه بس مو بصوت عالي بصوت مخنوك وي بجي انت قتلت ريم اي انت ماكو غيرك ظل يضحك تخبلتي .. والله مو صاحيه .. ويضحك سويتيني مجرم بعد طلعي بعد
المره ظلت صافنه .. وهو يستفزني كتله خالوا اليوم جاب عليه الشرطه لان اخذت بنت اختي اشوفها اله شهر حارمني منها .انتوا متدرون عنه بشي ذولاك عمامي گاطعين فد مره وانتوا هم متكولون يتامى محتاجين شي . خالي كال اهدي سكتي بعدين نشوف مشاكلكم
كتله خالو هو طلكني من خطيبي وهو فضحني وهسه احجي كل شي هنا وبعد مااسكت اجه الي بسرعه ولزمني من ايدي خالي حاول يبعده عني كله خالو بس احاجيها .. اني اكوله وخر كلي امج واكعه وحالتها بين الحياة والموت
دمشي شوفيها ولازمني .. من زندي حاضني حضن بقوه ويمشي بيه واني منهاره . واحس حتى دكات كلبي تعبانه . دخلنه بالمصعد .. دفعني بي وحصرني كال تخبلتي شنو تردين تفضحين روحج

ليش شبيك خايف .. هاا لااكشفك مو مو انفضحت كدام اياد. .. بعد مخايفه انفضح باي مكان

اياد زوجج جان ولازم يعرف ماضيج .. ليش بعدين بليلة الدخله ينصدم

حقير انت كرم حقير .. اتركني ولي يلا من كدامي اكرهك مااريد اشوفك حقيير كلب واضرب ع صدره
وهو يحاول يهدأني ...

وكف المصعد طلعنا منه اخذني من ايدي ويكود بيه مثل الطفل كلي اني راح اعقد وياج اتفاق . بس خلي نشوف النه مكان ...
اني سكتت بعد محجيت .بس بقلبي شنو هو الاتفاق وبالي يم امي ورضا . وكفنه اباحة المستشفى
وكفت صار كبالي هو كال تردين نروح غير مكان نحجي
اما امرك عجيب كرم الصبح جايب عليه الشرطه وهسه تعقد ويايه اتفاقات .. لو خفت لاافضحك كدامي خالي

ههه منين اخاف اني اخاف ولج اكدر افرها عليج فر واطلعج انت الخطأنه بس اني هسه مشفق عليج الصار الج موشويه تردين تسمعين هسه لو مو وكته

هه مااريد منك شفقه يلا عود سمعني .. شتريد ياابو الغيره والشهامه

امشي بالسياره نصعد ونحجي واذا تردين انروح للبيت عادي
امشي للسياره ..رحنا للسياره طبيت كدام وهو طب كعد يمي. .

. شنو رايج اتزوجج مجرد استر عليج
واصحح غلطتي وبعدها انت تختارين يااتزوج حبيبتي وانت تقبلين تبقين بس يم ملك لحتى تربيها لو اطلكج وكل واحد يروح بطريق

لاصدووك لك انعل ابوك لاابو حبيبتك ياسافل
خله ايده على حلكي واني انهاريت ادفع بي وهو يكول اسكتي ولج جريت ايده من حلكي و.. اشتم بي

ابويه ميت لتشتمينه .. كتله تف عليه على هالخلفه هي لك لو تبقى اخر رجال بالدنيا ولو انت مو رجال بس ميخالف نكولها .. يابه دطير اني مورخيصه عندك وتعاملني هيج افتهمت روح اتزوج حبيبتك واني راح اعيش حياتي وبطريقتي انت مالك دخل بيها
جيت اريد انزل من السياره ... لزمني وكال

هي ثالث مره اكولج خلي نتزوج وانت ترفضين شوفي الصار بيج كله من اخطائج .. انت وحده مغروره وعنيده وخشمج يابس اتحملي كل الي ديصير الج وعود ابقي بلا زواج

باع كرم الي يريد يتزوجني لازم يعرف كل شي عني
ويطبه طوب .. اني مظلومه انتزعت شرفي بغدر ونزلت من السياره ورجعت للمستشفى ادور على امي حصلتها رحت شفتها بحاله يرثى الها ومشكلين الها مغذي شافتني فرحت بيه حضنتها وابجي ميخالف يمه ميخالف وداعتج بعد هالعسر يسر ويجي يوم والله يفرجها علينا
رفل وحمودي موجودين بالغرفه كالت بعد يافرج رضا بعد ميمشي فقرات ضهره متكسره ورجله تلفانه واحتمال تنبتر ومنا هو عنده سكري
كتلها رفل صدك جذب تحجين هالحجي كدام امي
متعرفين تسكتين .. هزت ايدها وسكتت
بعدها شفنا رضا خالي كال روحوا مالها داعي بقائكم هنا .. حتى ماما طلعوها .. اخذنه علي بسيارته .. واني كلش مكتئبه احس صرت مجنونه موصاحيه
والاكثر كرم اريد اكله بأسناني .. وصلنه للبيت
نومت امي بمكانها سويت الها اكل .. مقبلت تاكل رفل بس تنفخ وضايجه ومطنكره محسيته ضايجه على رضا لا يمكن على الوضع الجديد الي وصل اله
يعني هسه هو عاجز ومراح يكدر يشتغل بعد ابد
هيج فهمتها واتمنى فهمي غلط الها ..
امي فرشت الها بالهول بعد وفاة ريم متقبل تنام بالغرفه تنقهر ..
طبيت للغرفه واني اغلي غلي من حجي كرم وافعاله
حتى لاسبحت ولابدلت ..
كبل خابرت روان سالتها على حبيبته .. كالت اكو وحده دوم تعلق اله ومن هالحجي اسمها هيج بالفيس يمكن هي ..
زين رايحه اشوفها .. طبيت على صفحته شفتها هي التكول عليها طبيت الها خاص .من غير حساب. كتلها انت حبيبة كرم كالت انت منو كتلها انت حبيبته درستوا بروسيا سوا
كالت غير اعرف منو انت كتلها اني حبيبته السابقه
كالت وهسه شتردين اي اني حبيبته
اريد احذرج منه تره هو مو امان وملعب اذاني
وصورني وفضحني وانتهك عذريتي
جذابه شون اصدكج عندج دليل
باعي ماعندي دليل بس الصور يم خطيبي السابق بس احصله ادزهن الج لان هو فضحني كدامه ومو بس اني لا حتى بنت خالتي الي هي بنت عمته هم لعب عليها وفضحها كدام اهلها .. سحلوها سحل اذا تردين نسوي محادثه جماعيه .. كالت ماشي انتظر

رحت لروان هي هسه انخطبت العلي وانطاهه تليفون
كتلها تريد نسوي محادثه جماعيه ..
كالت اخاف اني غرور من كرم ليروح ياذيني
لتخافين ميسوي شي وبعدين انت لازم ترديلي الدين
لان اني حاجيته وهو استثناج من كلشي ووكعت براسي
اي غرور واني هم سبق وان اذيتج وافشيت سرج
يلا لعد راح اسوي محادثه
سويت محادثه هي كالت النه خاف انتن ولد او اثنينجن واحد خل نحجي مكالمه ..
حاجيناهه مكالمه كتلها عيني احنه على مودج لان تدرين هو لعب علينه وفضحنا بالمستقبل اذا تزوجج وخلفتوا وصار عدج بنات هم يصير بيهم هيجي
شوفيني متدمره اني وطايح حظي
روان دزتلها سكرينات من محادثاته وحتى مقاطع

صوت تكول جانت حافظتهم برام داهيه هالروان
كلش طلعت .. البنيه كامت ترجف ومتعرف شنو تحجي .. يمكن انجلطت بليلتها بقى استاذ كرم وردة فعله شراح يسوي ..
يتبع