رواية لو انك لم تعد ..... الفصل التاسع 9 - بقلم نورا ناصر

#لو_انك_لم_تعد
التاسع
بقلمي نوره
اي متاكده كرم متاكده اصحى من اوهامك وكافي نوم .. يعني جايني بعد سنتين بعدما انخطبت جاي تريد اعوف خطيبي ..

يعني بعد كل الي سويتي .. تلاعبتي بيه  استغليتي مشاعري .. حملتيني ذنب اخويه بغلطه وي اختج
يعني ذنب اني برئ منه وترديني ارجلعلج بكل سهوله
ردتج انت ترجعين شكد انتظرتج بس ماكو فايده ومن شفتج راح تصيرين الغيري كلت لازم اتحرك وارجعها لان احبج وصادق بهالكلمه

وشمدريني مجاي تنتقم مني بسبب الي سويته بيك

لا وروح ابويه اريدج واحبج وممفكر ااذيج ابدا
لتعتقدين كل الناس مثلج وتدور انتقام

كثر الكلام وياك ميجيب نتيجه ابد كرم اعتذر منك اني صرت هسه مخطوبه وصعب افسخ خطبتي مااتحمل حجي الناس اتمنالك السعاده وياريت بعد ماتتصل بيه او راح اضطر اغير الرقم

لالا لتغيريه اطمئني وخلي من ناحية الرقم اتركي بعد مااتصل كل شي راجع الج

يعني بعد ماتتصل وتزعجني

اتوقع انت راح ترجعين تتصلين بيه اممم هيجي شي

سديته منه كعدت على الكع وانتجيت ع الكاونتر
جنت متاكده انه ديبجي ويحاجيني متت قهر ودموعي تجري تعبت حييل لااني الي اريد ارجعله ولااني الي اكدر اكرهه او انساه
بس مو مال افصخ خطبتي هسه ابدا لازم احاول انسى واتأقلم وي الوضع الجديد ومااخلي اياد يحس على شي بلي اني بي
اما تهديدات كرم فاني مطمئنه انه ميكدر يسويلي شي ابدا
مكنت مستعده ارجعله الي مريت بي بعد غيابه حسيت انه اني صرت قويه ومااخذتني رافه اتجاهه

كعدت شي ربع ساعه بالمطبخ حسيت الجو برد والمطبخ اصلا بارد مابي اي تدفئه واني من شويه سابحه ولابسه تراك صيفي بس رداناته طويله وشعري ممنشفته بالسشوار فقط بالخاولي

كمت على رجليه .. اروح وارجع بالمطبخ وفكري مشوش ومخربط بس كل الي ابالي استمر ويا اياد
ومااخلي كرم يأثر عليه بتهديداته اني مغلطت وماسويت شي يخلي يهددني مااعرف شنو الي في باله هو
رحت للغرفه ماما وريم نايمين سحبت البطانيه تغطيت بيها خليت راسي على المخده واتذكر حجي كرم بالذات من كال وروح ابويه احبج..احسها ترن باذني
متت  قهر عليه شسوي هسه  خليت ايدي على قلبي واناجي ربي يشيله من بالي وقلبي ويخلي بمكانه حب اياد لان هو زوجي هسه والمفروض الحب اله وحده بس احنه البشر منتحكم بقلبنه شي صعب

باليوم الثاني صحيت على صوت بجي احمد
كعدت جسمي مكسر واحس بالالم لاادري الم روحي ولاادري الم جسمي

باوعت سراير امي وريم مرتبه لعد بيش ساعه هسه
باوعت للساعه 10ونص حييل اني بالعاده احس على الصبح من يطلع شبيه اليوم كعدت ورجليه ممدوده ومغطيه بالبطانيه ومنتجيه على الجربايه ساعه صافنه مابيه اكوم جتي ريم كعدت يمي

صباح الخير يااحلى عروس
صباح النور حياتي ريموو

هي شنو ولج بالله هو هذا منظر عروس عيونج مورمه وكفشتج طافره ديلا كومي يلا
ههههه يعني شنو العروسه لازم معدله ومرتبه حتى وهي نايمه
لج شبيج بس لو اعرف شبيج رورو تره اعرفج كلش زين اني مومال تضمين عليه اعترفي ولاتشغليلي بالي عليج
ماكو ريم لتهتمين ريحي بالج ومنا وهيج راح اتحسن

جاوبيني بصراحه اكو واحد بقلبج قبل اياد

وصلت المرحله مااكدر اكذب عليها وضعفت امام ملحتها واني مااحب الالحاح كبل احجي وهذا الي صار ويايه من جانت روان تلح عليه وجاوبتها

كلت اي جان بقلبي شخص بس مو هسه من سنتين من جنت بالسادس  وتعاوفنا

گالت ليش تعاوفتوا .. گتلها خاني ...
واني وين جنت عن هذا كله

انت جنتي بالكوت ببيت عمتي رقيه تتذكرين
زين اعرفه اني هالمحبوب هذا
ها أأ لالا متعرفي واحد منا من السوگ ... 

وشذكرج بي هسه رورو هاا
البارحه اتصلي
كولي والله
لج اي والله
وهذا الي عكر مزاجج مو هسه ملگه غير وقت يتصل بي اله بحفلة خطوبتج لتهتمين حياتي تعالي الحضني
حضنتني ريم وتمسح على شعري  وصارت تحجي

اووف يعني انت مريتي بهذا كله واني بعيده عنج سوده عليه واني من تزوج زيد هواي واسيتيني

ريوم اني ماردت ازيد همج وادري بيج حساسه وبسرعه تتأثرين لذلك خبيت عليج

بهالاثناء فاتت امي هي شنو شون عروس هي مكفشه وعيونها حمره
ههه ادري ياماما عروس خو ما لعابه على طول مرتبه
ريم .. هههه مو لان انت اول عروس عدنه فنريدج مثاليه ومرتبه
الام .. هسه عادي بالله الكفشه عيونج شبيهن حمر
غرور .. ماكو ماما مابيه شي سلامتج حياتي هسه كايمه ابدل واغسل واتمكيج وكل شي
من صدك كمت كبل للحمام بدلت وغسلت وجهي
وطلعت اشوف امي محضره الي كلاص الحليب كالت هاج اشربي
كتلها ليش ماما اني متعوده على الجاي الصبح
ادري بيج مراح تتريكين لان كاعده متاخره وثانيا
انت عروس والحليب زين البشرتج منا وجاي اشربي حليب الصبح وبالليل
فديتج يااحلى ام ربي لايحرمني منج ..
اخذته منها شربته دافي ومفوره ويا  هيل كلش طيب
رحت اخذت التليفون فتحته واني كاعده بالمطبخ يمهم على الكرسي امي
غرور اتصلي بخطيبج يجي

شيسوي ماما
ياشيسوي بعد عيب عزمي على الغدا
شطابخين غدا انتم واعزمه
يابنيتي خير من الله سويت دولمه وريم سوت كبة حامض ورفل مشتهيه دجاج رضا البارحه جاب دجاج وسوته مشوي  وهالقاسمه الله واذا يريد يجيب امه هم خلي يجيبها
ريم .. وانت سوي كيكة الشوكولا طيبه تسويها
هاا ماادري هم فكره ماشي رايحه اخابره 
طلعت من المطبخ رحت للغرفه شفت امسجلي
دكيت رفعه
صباح الخير
صباح الورد والحب شونها عروستي
ههه زينه عروستك بخير
المزاج شونه بعده بنفسجي
لا صار وردي اليوم افتح
وشوكت يصير ابيض
ان شاءالله كل خير اكول اياد عندك شي
امريني عمري
لا يعني مشغول هسه
لا ممشغول بس عندي بحث دااشتغل عليه
ماما تكول تعال يمنه على الغدا انت وماما سحر ولو العزومه فايت وكتها
فديتها العمتي شون تفكر بيه ماشي تمام اروح اكول لامي واذا متجي اني اجي
اوك ..
باي ...
رحت للمطبخ بسرعه سويت الكيكه ودخلتها الفرن
وسويت صلصة الشوكولا  مالتها وطبيت للغرفه ابدل وارتب نفسي لبست فستان ماروني مخطط كلوش ومخصر
طبت ريم مثل المخروعه اجه اياد اجه اياد
امه ويا
لا
لعد شبيج
اطلعيله
اخلي ميكب واطلعله احاجيهه وداالبس التراجي
اجت ساعدتني بلبسها
كتلها شبيج قابل كاعد وحده
اي بس امي ورفل رضا راح يجيب شغلات للغدا
رفل متقصر هسه تذب ميانه ويا اسرع مني
هههه
بس كوليلي لبست ذهبها لو لا
هههه لبسته قبلج
اخذت خصله من شعري وسويته ضفيره لزك من بداية.كصتي  لوره اذني
والباقي بقيته مفتوح رشيت عطر
كتلها ريم انت ديري بالج على الكيكه واني رايحه اسلم على دودو
دودو ؟؟
ههه اي دودو
ملكيتي غير هالاسم
لا ملكيت
طيب بس لتكولين هالاسم كدامه ليشرد
هههه
طلعت سلمت على اياد وكعدت بصفه ظل يباوعلي من صدك اشوف بعيونه الحب والاعجاب
لشويه اجه رضا تلكته ريم اخذت منه الاغراض سلم على اياد وكعد شويه بعدهه بقوا ينسحبون واحد واحد حتى نبقى لوحدنا اخر شي كام رضا
بقينه الوحدنا اياد يباوعلي واني ابتسم اله بخجل
كال ..
شنو رايج نطلع العصر
وين ؟؟
بكيفج انت وين ميصير ..
اوك اكول الماما ..
رحت للمطبخ .. كلت الماما كالت روحي حبيبتي
وكفت اباوع للكيكه ريم دتسوي الزلاطه وكفت احاجيها بان متنسى الكيكه بالفرن كالت خوش
اباوع الزلاطتها شون مسويتها حلوه مقطعه اللملفوف او اللهانه شرائح بالطول رفيعه وفوكها مبشور الشمندر صاير لون بنفسجي كلش حلوه تشهي امم عاشت ايدج ريوم
اجه رضا غرور وين عايفه الولد كاعد وحده عيب روحي يمه
امي كالت يلا لتصير بيج ريحة طبخ عيب الولد شيكول
هههه هي شنو عليه ووكفتوا بصف نسيبكم هي من هسه عليه انتم
كال رضا يلا خيتي روحي فشله شيكول علينه
رايحه اخويه رايحه
خطيه اهلي فرحانين بي راح احاول شكد مااكدر ارفع راسهم ومااخيب ضنهم
رحت يمه وسولفنا وهو طول الوقت مبتسم اصلا هو كله هيج
تغدينا وخلصنا بعد الغدا قدمت اله الكيك .. عجبه وفرح من كتله اني سويته يكول معبالي تعرفين تطبخين اصلا ضحكت كتله كولشي اعرف اني
العصر طلعت ويا اول شي اخذني لسوك واشتريت ملابس وشغلات طالما جانت بنفسي ومكدر اشتريها
تعشينا بمطعم ورحت ويا للبيت سلمت على امه وشربنا وياهه عصير وتحلايه ورجعني للبيت
يوم ثاني اجه عليه بنفسه ورحت ويا للكليه 
الكل جان يباوع علينه وهواي اجوا باركوا النه

بعد مرور اسبوع
اسبوع واحد بس وتغير كل شي جنت اشوف اياد مثالي وعيشني مثل الملكه الي كال عنها كرم
كلي اعيشج ملكه بس حسيت نفسي ملكه وي اياد
لكن الملكه هم الها هموم يعني هم مو كامله حياتها
ومثاليه ..
كل يوميه المغرب يجي عليه نروح نتعشى باحد المطاعم .وكل يوميه مول وسوك والعزائم بيت اخوانه الاثنين
.  اهتم بيه اهتمام ابد مصاير ويحترمني
وميفرض رايه عليه ابد
وكل شوي يجي يطمئن عليه
وبالكليه كله نمشي سوه وايدي بيده
كل صديقاتي يحسدني علني
يهنيالج عليه لج هذا يموت عليج
الحسد
اخ الحسد الي حذرنا منه الرسول ..ص..
هذا كله رغم
مزاجيتي وطبعي الصعب المراس مشفت منه شي ضايقني غير ان قلبي مديتقبله واحس فرحتي ناقصه كلش
كل هذا بس باسبوع واحد
حفلة الخطوبه جانت الجمعه
الخميس بضبط
رحت للكليه اياد مااجه عليه واني استغربت منه
خلصت محاضرتين واتصلي كال اطلعيلي
شبي هذا شبي اليوم والله ماادري المهم طلعتله جان بالسياره صعدت ويا
هلاو
هله بيج
شلونك ؟!
مو كلش تمام
ليش خيرك
هسه تعرفين
اياد احجي اكو شي
هو مارد عليه وحرك السياره وطلع كلش خفت منه خفت لاصاير باهلي شي او باهله
بقيت طول الطريق اسئله وهو يسكتني
الى ان وصلنا لبيتهم توقعت ماما سحر بيها شي والا ليش ابيتهم
نزل من السياره ونزلت اني
فاجئني من سحبني من ايدي .. تعالي ويايه
فوتني بغرفه جوه مفروشه ..
شمرني على السرير بقيت مصدومه قفل الباب هذا شيسوي وشيريد لا ياالله شراح يسوي نزع الحزام
واتجه صوبي
لا اياد فدوه شتريد تسوي بيه انتظر للعرس مو هسه
شمرني ورفع تنورتي ادفعه يكولي خليني اكتشفج على حقيقتج تردين تورطيني مو
ولج شنو تلعبين عليه عبالج متنكشفين
جان كلش معصب اول مره هيج اشوفه
دفعته كوه مني بعد ماكطع نفسي وهو فوكي
حلفته بشرف امه يعوفني وصدك عافني وراح مناك لشويه
عيونه تجدح نار رجع  تقرب مني ولزمني من زندي وجعني كلش ايده ضخمه واني ايدي ناعمه بين اصابعه
كال .. ولج لاعبه شمبق لمبق وي ابن خالج وهسه جايتلي استر عليج هاا شنو سويتي عمليه لو ناويه تشكلين غشاء عبالج مااكشفج

هي شدتحجي حرام اذا فهمت منك كلمه وحده
تركني بدفع وراح طلع تليفونه فتحه وبحوش بي
وشمره عليه ..
وكع بصفي كال شوفي بصياح
تناوشت الفون واباوع شفت الماشافته عيني
على نفسي طول عمري
صور لطالما جنت انقرف منها واشمئز من اشوفها
هسه شفت صورتي اني وكرم بوضع مخل
الصوره الجانت بيدي اني نايمه على صدره وعاريه الي مبين لنهاية ضهري والباقي متغطي
صدر كرم عاري هم .. وايدي على صدره ولازمني من كف ايدي
اقلب بالصور واياد واكف على الشباك بنفس سريع ويضرب بايده ع الدولاب اليمه
باقي الصور كلهن يخزن منهم سلفي ومنهم عن بعد

كمت من السرير وبيدي الفون وارجف ودموعي نزلن  ..
اياد فدوه ماعندي علم بهالصور هي ابد والله
اي يمكن سويتيها ويا وبعدين نمتي وهو صورج
لا والله ابد مسويت ويا هيج شي ابد اعترف جنت احبه وعلاقه بس مو الهالدرجه ابد ابد عفيه تاكد
خاف الصور مفبركه
ولج هو بنفسه كلي وكال اذا تريد فديو ادزلك واثبتلك هي مالتي وسنين علاقه واخذت منها كل شي بس اني خلص مجنت محتاج الفيديو لان لعبت نفسي منج وبعد مااريدج
مستحييل مستحيييل مدداصدك ابد اياد صدكني صدكني
مااصدك اذني اصدك عيني الشافتج بهيج وضع وهسه يلا من غير مطرود انتهى كل شي بيني وبينك
مخادعه سافله
تناوشت جنطتي وطلعت اركض من البيت
وصلت للشارع احاول اسيطر على نفسي
مداكدر
تذكرت كل شي
قبل ايام كرم هددني ومااخذت تهديده على محمل الجد
قبلها هم هددني وكلي تركت بيج اثر ياترى هالاثر هذا عذريتي الاخذها اي هي والا ماكو غيرها
وصلت بذكرياتي باليوم الي نمت بيتهم اربع ساعات بدون مااحس شكد غبيه اني ضربت على كصتي
مافكرت شون نمت وشصار الي
تعبت من المشي كعدت على الرصيف واضرب بيدي عليه وين اروح لاهلي الي صرت عار عليهم وعلى نفسي وعلى مجتمع مايرحم لو اروح انتحر اي انتحر واخلص من نفسي صرت بلا شرف والبنيه اهم شي شرفها وبمجتمعنا اهم شي عذريتها حتى وان اخذ منها غصب
زين شون ماحسيت اني من اخذني يعني معقوله ماحسيت بشي ابد
زين مو يمكن مجرد صور ملتقطها الي لعد والفيديو الي كال عليه لاياد شنو قصته مددافهم
اي اجتني فكره بين  كل هالتفكير والعذاب 
اروح الكرم هو يجاوبني على كل هالاسئله ماكو غيره
كمت من الرصيف وكفت انتظر تكسي
اشرت لواحد صعدت ويا وكبل على بيت خالي اقابل كررم .....
يتبع
توقعاتكم 😊