رواية لو انك لم تعد ..... الفصل الثامن 8 - بقلم نورا ناصر

#لو_انك_ام_تعد البارت الثامن 8
كرم اكيد هذا انت احب اكلك عيش حياتك
وانساني اذا بعدني على بالك

ريم تدك الباب تكول لج يلا مصارت
هسه حبيبتي ثواني

محتاجه شي اساعدج لا بس لحظه

رجع كرم حجه
مااريد اعطلج بس ماردت تفوتني هالمناسبه وابارك الج بيها
تدرين طالعه كلش حلوه لايك الج الوردي لطالما حبيته هالون عليج
تتذكرين من اجيتكم مره للبيت ولابسه كلبيه وردي
متت عليج بلحظتها وردتج
هه صح   حضيت بيج اني بس  جنت اتمنى هاليوم الي
بالنهايه هي قسمه
واني ع وعدي باقي
ياوعد
بعدين حتعرفين
جنت متاكده انه ديبجي من صوت انفاس خشمه
اني شسويت يربي كسرت قلبه وجرحته
لو يرجع الزمن
مداا افهم كلامه ابد شيحجي وشيخربط
واني واكفه مذهوله بالحمام والتليفون على اذني وريم كل شويه تدك الباب لج يلا وينج بعدها اسمع اجت ام اياد تكوللها ها شبيها البدله خما مو قياسها
اخر كلمه سمعتها من كرم قبل لااسده
....خذلتيني ...
سديته
واني ارجف نزعت البدله ولبست الخ
جانت بنفسجي البدله مرصعه بكرستال بنفسجي غامق من الوره طويله ومن الكدام قصيره ومدنفشه
حتى الحذاء مرهمته الي وياهه بنفسجي غامق كعب
رجفت ايدي وقبلها قلبي صار طبل عركت احس صخنت
وكتها ياكرم
صرت اللبس وافكر بكلامه عزا يكول شايفني
شوون ومنو ديبعثله صور
فتحت الباب متوتره ريم سوتلي البدله من وره شكلتها الي من يم ضهري
جتي وحده وي ام اياد غيرت الي لون الحمره والاكسسوار مال شعري
كالت ام اياد اني احب اللون البنفسجي وجبت كيكه بنفسجيه وحبيت تصير بلون بدلتج
اني بس اباوع واهز براسي
 راحت قبلنا طلعنا امشي اني وريم واباوع منا ومنا متوتره حييل ومطنكره ومديت البوز شبر  ريم تحجي باذني مااسمعها
شفت روان واني داامشي بين الطاولات الي على جنب الممر المؤدي للكوشه
خمطت منها التليفون كتلها المن تدزين
غرور شبيج صاير شي فشلتينه  ريم كالت
كتلها ماكو حسيت على نفسي والناس تباوعلي احس
رجعت الها التليفون
واستمريت امشي ..
الى ان وصلت للكوشه كعدت اياد ماكو طالع
اجتي امه جانت لابسه فستان تركوازي غامق
مفتوح الاكتاف وتمتد منه قطعه شيفون مغطيه زنودها من كل جانب  ومسويه تسريحه الشعرها
اياد معنده خوات فقط اخوان
كعدت يمي ام اياد كالت زينه البدله عليج لو ممرتاحه بيها اني اباوعلها بس ممنتبهه لشي دافكر منو ديصور ويبعثله
كتلها بخجل اي عمه زينه
كالت كوليلي ماما عمه شنو بعصبيه وكامت
اووو الي خلكج اني
لشويه اجه اياد يضحك من بعيد
واني محموسه حمس شسوه بيه كرم شكول عليك
وترني
كعد يمي اياد .. لزم ايدي
شبيج ترجفين
اني داارجف
لعد اني هه تكومين نركص
كمت ويا نركص واني ارجف ومتوتره واباوع على الكل منو الي هسه ديبعث اله صور
اياد انتبه الي وعلى توتري كال
شبيج
مابيه
متاكده
تعبت شويه من الكعب والدوخه
ههه شويه واخذج ونروح لمكان هادئ  

شكد كرهت هالحفله ونصايح ام اياد  الي وكلشي تريده بكيفها
غير لمسات اياد كلما يلزمني احس كرم ديباوعلي
جو الحفله الصاخب وترني كلش صرت اعد الدقائق لحتى تخلص
الكل يركص وحوالينا
وكفت عن الرقص لزمني اياد من زندي همس باذني
شبيج حبي
ماكو تعبت
اوك امشي ارتاحي هناك
اخذني المكان نرتاح بي بعيد عن الناس ووصاهم جابو الي عصير هو صار يشربني واني اباوع اله مااكدر اضحك احس نفسي منهاره وحتى الابتسامه مدتطلع ..
يلا اضحكي مو وكتها تضوجين
ضحكت كوه عليه
كافي اياد مااريد عصير
براحتج حياتي
راح خله العصير على الطاوله واني واكفه ع صفحه اجه يمي يعدل بشعري ابتسمت ابتسامه
لو اعرف شبيج
لتهتم اني مزاجيه وادوخ بسرعه بالحفلات
ميهم حبيبي لعد حفلة عرسنا منعزم ناس هوايه
لا ليش سوي اليعجبك هسه شويه وارتاح ارجع زينه
تدرين طالعه كلش حلوه
ضحكت مره ثانيه دنك باسني على كتفي ولزمني من حنكي
شكد حلوه هي الشامه الجوه شفتج
وترني اكثر
بس اباوعله وساكته حضني من خصري ويبوس برگبتي صرت اتنفس سريع غمضت عيوني شفت عيون كرم تمنيت اني ميته
عبالك ديشوفني بكل مكان
وتذكرته من بوسني حسيت روحي تنعصر وتنقط الم
وهو مخلي شفايفه على رقبتي دفعته خفيف
وجريت نفس كتله يلا نروح ينتظرونه
يلا صرتي احسن
اي اي احسن ولزمت راسي وطلعت قبله
شفت امي مدمعه عيونها وتمسح بيهم رحت الها ركض شكد محتاجه حضنها بهاللحظه التعيسه شمرت نفسي عليها  
وكانه احد انطاني الضوء الاخضر لحتى ابجي
حضنتها حييل وانهاريت بجي
ليش هالدموع
 تمنيت ابويه موجود فعلا تمنيت كل جروحي نفتحت
تمنيت
احجيلها عن احباطي واشكيلها
اجت ريم حضنتنا وتسكت بيه ولج شبيج كافي خطيبج ينتظرج مسحت دموعي ورحت اله لزمني من كف ايدي وصعدنا كعدنا بالكوشه
اجه يهمس باذني اسف ضوجتج هناك بس مكدرت اللزم نفسي منج
باوعتله مبتسمه ونصيت ميته ومقهوره ومتالمه
احس الوقت وگف اريده يمشي ماكو
طلع اياد اشرت الروان
جتي
تعاي
بعثتي لكرم صوري مو ؟
ليش شنو اتصل بيج
لو انت لو شهد وحده منجن وظليت اباوع عالناس البقاعه
سبق وان حذرتج منه كرم مو سهل تره مدام خلاج اباله خلص راح يأذيج متعرفين شسوه بيه طيح حضي وخله امي تكطعني ضرب لان بدون قصد حاجيت صديقه بدون مااعرف هو صديقه
جنت اجربه الصديقتي لان هو حبيبها. ...،

باوعتلها مصدومه خزرتها

يلا اجه خطيبج اكوم اني

كامت اجه اياد واستمرت الحفله ..كمنا لبسنا الحلقات وقطعنا الكيك وكلته ووكلني وعود يشاقيني يوخر الشوكه بعيد عن حلكي كلما اريد اكل من ايده

الكل يضحك واضحك وياهم بس ميعرفون بداخلي براكين اريد ارجع للبيت افجرها
وزعوا الاكل واكلوا الناس
تقربلي اياد كال حتى نتعشا سوه ابيتنه ماشي
اوووو واني شوكت اخلص اتعس عروسه هي  اني
هزيت راسي اله بمعنى اي
واخيرا خلصت الحفله كأنها اخذت من عمري سنين

بطلعتنا من القاعه لحتى نروح نطك صور شفت رضا اخويه بباب القاعه
اجه
ههه فدوه لاختي العنونه صارت عروسه الف مبروك رورو
حضنته ابجي وبوسته باسني على راسي وحضنته مره ثانيه
عيني على الشارع .... لمحت سياره كانها سيارة كرم
اي هي نفسها النيلي الي اسمها لكزس

عفت حضن صرت اباوع لبعيد .. يربي شون مراح اخلص من هالليله .... ناوي على موتي هالكرم
ولج رورو حفلتج هي مو عرسج هالكد تبجين
ابتسمتله والدموع بعيني
كالت ريم خلي العرسج بعد دموع خزني ميصير هيج
اخذني اياد وصعدنا بالسياره
كوليلي رورو هي دموع الفرح موو
خليت ايدي على حلگي ودنجت مدري اكمل بجي مدري اجاوبه مدد ايده على اكتافي وضمني الصدره رفع راسي وبوسني على كصتي
حركت السياره
ورحنا سوينا جلسة تصوير
بعدها
صعدنا بالسياره وامه ويانه  واخذني البيتهم فتح الي باب السياره نزلت لزمني من ايدي عبالك راح اطير
واني كلش مزعوجه اللتفتت على الشارع احس كرم موجود بنفس المكان الي اني بي
سحبني اياد فزيت من صفنتي للشارع
دخلت ويا للبيت
بيتهم حلو وفخم
طببني بالصاله وسد الباب وراه وطب
اياد اني مااكدر اتاخر هنا تعرف انت بعد
اكيد حبيبي بس نتعشى اوديج لبيتكم وعد
تعالي نكعد بس كوليلي شبيج ضايجه
ماكو مضايجه بس اتمنيت ابويه ويانه بهالمناسبه

اني اصير الج اب واخ وزوج وحبيب وصديق وكل شي وان شاءالله مااخذلج

اوف تذكرت كرم من گلي اصيرلج اب بعزا ابو
غصبت بعبرتي گتله ان شاءالله واتصنعت الابتسامه

اريد اعرف ليش ايدج ترجف

هه لان اني متعوده عليك كأستاذ

بوس ايدي
ثواني اندكت الباب ..
دخل ووياه صينية خلاها على الطاوله
شال عنها الغطا واجه يمي كال يلا العشا ومد ايده الي
خليت ايدي بايده وكمت سحب الي الكرسي كعدت عليه
راح هو كعد
العشا مشاوي منوعه ومقبلات
ماالي نفس اكل كوه الخاطره ماله ذنب اياد  ويحبني
راح احاول اسعده واقدره واخلص اله على گد مااگدر

طول فترة العشار يوكلني هو
كافي اياد انتخمت
هههه انتخمتي لو بس تردين ترحين لبيتكم
لا من صدك انتخمت
يلا كافي اخر لقمه
اكلتها وابتسمت
كمنا غسلنا
واخذني الغرفته .. وكفت بالباب وهو طب قبلي خفت منه اقترب مني ليش متفوتين
ماحبيت اخجله فتت سد الباب ورايه باوعتله ظل يباوعلي ويضحك شبيج خمو راح اكلج اني زوجج راح للصوب الثاني من الميز
اباوع للغرفه حيل حلوه
لونها ماروني وفخمه
شغل اغنيه
وفتح اضواء ملونه بالغرفه ..
واجه يمي اخذني اله من خصري
وصرنا نرقص سلو
حسيت بالملل والضجر اريد اروح هسه قبل بعدين حسيت بالكره اتجاهه لان مللت
الحلو بي بارد ميعصب
عكس كرم تماما لو كرم هيج اعامله لا جان ورم وجهي من الضرب
خبل واعرفه
گتله يلا اياد شوكت نروح
ها مليتي
تعبت اياد تعبت اليوم جان كلش متعب بالنسبه الي
تمام .. اليوم مقبوله بس بس الجمعه التجي انت الي من الصبح لليل تمام
هزيت راسي بابتسامه
وبقلبي اگول
بس وديني للبيت هسه دخيل الله
نزلنا البيت جان هدوء بس امه الباقين اخوته اثنين طلعوا من القاعه يتونسون
اما ابو فهو  مقيم بالخارج من زمان ومنفصل عن امه واله حياته الخاصه هناك
نزلنا من الدرج صارت بوجهي امه .. كالت
تعالي غرور .. رحت وراهه
كعدنا ع التخم بالهول اياد بقى واكف بصف التخم الكاعده عليه وبيده مفاتيح سيارته

باعي غرور . تره اياد ازغر ولدي واعزهم الي لان هو الوحيد الي بقى ويايه ورفض يتزوج بيت وحده
الي اريده منج تديرين بالج عليه وتنفذيله رغباته

اني باوعت لاياد غمزلي ويضحك باوعتلها صار تدللين
اي بس صار تدللين وبعد ؟

وبعد ؟؟
دنج عليه اياد لزمني من اكتافي وكال كوليلها صار ماما
هزيت راسي ممقتنعه صار ماما

بوستها وبوسها كرم وطلعنا

الجو بره حلو طلعت رفعت راسي اباوع للسما والنجوم جريت نفس
اجه من ورايه اياد لزمني من كتفي كال
يلا حبيبتي

فتح الي الباب ودخلت للسياره
طب حرك ومشينه ابالي اسأله على امه
گتله اياد اسئلك ومتزعل

بقلمي نوره
لاحبيبي عليش الزعل .
اسألك عن امك اقصد ماما خما عصبيه
ضحك گال

ههه لا موعصبيه طيبه بالعكس بعدين راح تتعودين عليها
بس تره هي حقها تدرين ليش

وليش ؟
شفتي البيت شكبره اخواني بس خطبوا قررو يستقلون ببيوت وحدهم من اول يوم

اهاا خطيه

وصلنا للشقه
تلكوني اهلي كلهم دمعت عيني عبالك جنت متزوجه وجيت الهم
باركوا النا مره ثانيه كعد اياد شويه وكام راح ..

طبيت للغرفه بدلت ملابسي  
مسحت الميك اب اباع العيوني شون مورمه من البجي
طبت ريم
هاا حبي اساعدج
افتحيلي العقد سمطني ..
تمام ياروحي تدللين
شبيج رور اليوم حفلتج لازم تفرحين ليش هيج مطنكره
انداريت عليها مكدرت الزم نفسي ابد حضنتها وبجيت شبيج حياتي بس گولي شبيج
ماكو ريومه مابيه شي بس دخت وتعبت وانت تدرين اكره الهوسى
ميخالف ياروحي بس هي مو اي هوسه هي حفلة خطوبتج يوم  من العمر
مجاوبتها واستمريت ابجي رفعت راسي بأيدها وكالت شبيج متحبي انت
موهيج
لعد شكو ؟اكو احد بقلبج غيره
تعبانه ريم تعبانه وبس اباوعلها وكعت دموعها كعدنا على السرير وتحاضنه ونبجي
حسيتها تبجي مو بس عليه لا على زيد احساسي جان هيج يگولي ..
اعرفها من تبجي عليه اما اني ابجي على حالي وحال كرم
اتمنيت بلحظتها امي ماعدها اخ الي هو ابو زيد
حتى لانصير بهالحال الي احنا بي بسبب اولاده

دخلت علينا امي .. خير شبيجن عزاا خوما عزا ليش هيج تبجن هاا
ماكو ماما بس راح اشتاق
الكم
كعدت امي يمنا ع السرير كالت
يا صلي على محمد بنيتي غرور انت اليوم عروسه المفروض تفرحين ياعمري وبعدين وينج وين العرس لسه من كم ساعه خلصت حفلة المهر اشو كافي كومي بدلي وغسلي ونامي وانت ترتاحين

كمت بستها على راسها اخذت ملابسي وخاولي ورحت للحمام
فتحت المي الدافي عليه وابجي ابجي ودموعي تنزل وي المي ... طلعت الكل تعبانين وراح يغفون
نشفت شعري وكعدت على السرير مالتي اباوع العلبة الذهب على الميز ولامهتمه الها ابد .. كمشت الفون
جان مقفول من اللحظه الي اتصل بيها كرم
فتحته .. ثواني وصل اليه مسج .. ليش نزعتي الورديه جانت احلى .. خرب حظي لو اعرف منو بعث اله الصور مباشرة .. اباع لامي ممدده على سريرها ومخليه ايديها اثنينهم جوه راسها ونايمه صفح
هي عادتها من تنام .. ريم ممده ووجهه للحايط
اخذت تليفوني ورحت للمطبخ سديت الباب بعدما تاكدت الكل بالغرف .. دكيت عليه دك

رفعه كال الوووو توقعت اتصال منج
كرم شنو تريد مني بعد كالهسنتين مااتصلت ولاحاولت جاي هسه

ولج الي سويتي بيه مو شي سهل جرحتيني هنتيني دستي على كرامتي ورغم كل هذا تواصلت وياج

كرم انت خنتني شتريد مني اسوي مثلا ارجعلك وابوس راسك لو شنو بالضبط

لا غرور انت سويتي الي تردي انتقمتي مني اني بدون ذنب .. صرت ضحيه الج متتوقعين الي مريت بي هذا كله بسببج تعبت وتمرضت وتاذيت هوايه وانت تحبين وتعشگين وتنخطبين ومافكرتي بيه

كرم لتحجي عن شي انت متعرفه عفيه مابيني وبينك نصيب اترك هالموضوع فدوه واتركني وبعد لاتتصل

ليش اختاريتي ليش فضلتي عليه هو بشنو احسن مني هاا .. حبيتي غرور موو ؟؟

كرم عفيه كافي انتهينا خلص اني صرت على ذمة رجال ثاني شجابك بهالوقت

عندج فرصه وحده بس وحده اتركي الهذا وارجعيلي اانطيني فرصه اعيشج ملكه اسعدج احبج ولج بعدج ضاك النفس بيه وبقى بس على كد الحسره لج حسي بيه ماحبيت بنيه بكد ماحبيتج

شنوو تقصد عندي فرصه دتهددني لو شنو بالضبط

اذا استمريتي ويا قسما بالله اندمج متتصورين شضاملج اني فكري زين واتركي حتى ليصير شي موزين شگلتييي ؟؟؟؟

شيريد يصير بالله مابيني وبينك شي اصحى يالله
كرم وانساني وعيش حياتك وخليني اعيش حياتي

متأكده مابيني وبينج شي ؟؟؟؟؟

يتبع ....