رواية لو انك لم تعد ..... الفصل الثاني 2 - بقلم نورا ناصر

#لو_انك_لم_تعد 2
الجزء الثاني ...
بقلمي نوره Nora Naser

جبرته يوكف السياره ونزلت .. وهو هم نزل

كرم .. يامخبله وين رايحه شگتلج حتى هيج تسوين

غرور ..نرفزتني بس لكلكلكلكلك
كرم ..اصعدي يلا بنتر
غرور ..صعدت وره وسديت الباب
طل عليه من الجامه .. قبل ليحجي كتله يلا وديني للبيت وانت ساكت ..
كرم ..سايق بيت الخلفوج وتتامرين عليه
غرور .. محد گلك تتبرع توصلني (بدلع )
بقى واكف
ومتخصر ويتأفأف
طليت عليه من الجامه وكتله .. يلا توصلني لو اخابر اخويه ..يأجرلي تكسي ..
كرم .. كومي نزلي كعدي كدام
غرور .. ما لو توصلني واني كاعده هنا لو انزل اشوفلي تكسي ..
كرم .. نزلي حتى ترجعين لاهلج باجر الصبح وحامل هم
غرور ..سكتت ودرت وجهي
راح طب بالسياره وركع الباب حييل وحركها ومشى سريع .. خوفني صار گلبي طبل من كثر الدك نوب عبالك راح يدعمنه يبووو
وصلنه للعماره قبل لاانزل گتله شكرا عود
هو مجاوبني .. 
نزلت امشي سريع مسافه بين العماره وسيارته
اجه ورايه وصار قبلي واكف مقابيلي ونضراته تاكلني اكل مو بس يباوع
كرم ... تعاي اوصلج اسلمج بيد اهلج ..
غرور .. خليت ايدي على صدره دفعته ..
روح .. ميحتاج ...لزم ايدي قبل لااوخرها منه
گتله عوف ايديه .. لتزلمني وسحبتهم منه
كرم .. ليش بس انت تلزميني
غرور ..درت عنه .. ومشيت قبله خجلت صدك اني لزمته .. امشي وهو ورايه والطريق شبه اظلم وصلنه للعماره .. اصعد الدرج وهو ورايه ..
وصلنه الباب شقتنه دكيت الباب وكفت وهو مقابيلي
گتله يلا عاد .. وصلت روح
كرم .. اني .. اسلمج لاهلج واروح
غرور .. ليش اشايفني زغيره لو راح انهزم مثلا لو اتصرف تصرف غلط تقرب مني اني جنت منتكيه على الباب عدلت وكفتي  صار يهمس الي

كرم ..شبيج انت ليش هيج هجوميه ومتتحاجين
شكد مغروره
غرور ..مو مغروره بس احسن البنيه هيج تتصرف وخاصة وي الولد ..
كرم .. بس اني مو غريب اني ابن خالج
غرور .. صفنت بوجهه وبقلبي اكول مو جان اخوك هم ابن خال اختي اشو كسر قلبها .. وتركها
تمنيت احجي هالحجي مباشرة اله بس مااكدر اصرح بأسم اختي انفتحت الباب طلعت ماما
فتت اني .. بقى هو واكف يم امي .. اسمعها تشكر منه وتكوله اتفضل هو يكول الها لا عمه اريد اروح
طبيت لغرفتنا اني وريم
شفت ريم متمدده على السرير ووجهه على الحايط
صحت ريمو ريمو گالت هاا بصوت مبحوح عرفت شبيهه
نزعت شالي والعبايه ورحت يمها ع السرير
لزمتها من كتفها دااحاول اخفف عنها
گتلها ..ريمه مسحتي مكياجج
لج يالله امسحي حتى لاتصيرين عجوز ع وكت هي مترد
عدلت نفسي
تنهدت گتلهه لجحتي اليوم مو
هي شهگة بجي درتهه عليه .. شفت دموعها عشر عشر
صرت امسحتهم بايدي ونزلت على راسها ابوسها ..
رفعت راسي كتلها كافي مراح تنسي عاد طلعي من قلبج
ريم .. ليش اكدر ومسويتها
ولج هو قميص وانزعه ولج هذا قلبي
غرور .. يعني ماادري شون تحبي لسه وهو تركج على كولتج مثل قميص ونزعج وراح
ريم ..ياريته مثل ماراح اخذ ويا كل شي يخصه
ولج حب 3سنوات نسيتي
شكد جنت احبه
غرور .. كل شي اتذكر من جنتي انت الوحيده الي تجين البغداد  ويا ماما لبيت جدي حتى تشوفي
ريم ..وهو من جان يجيني للكوت حتى اشوفه
والليل كله ماانامه مثل الحراميه نطلع بالحديقه نسولف
ليالي بحالهه جنه نحجي نسهر للصبح بالتليفون نزعل نتراضه. نتغازل الهدايا الجابهه الي والرسائل شون انسى
غرور .. اوف شكد مشتاقه البيتنه والحديقه وايامنه هناك بالكوت وي بابا ولمتنه شكد محتاجه هالايام
ريم ..موبكدي
  بالنهاية، أنا مجرد شخص مجرد من روحه.
فتح عينه في يوم لأجل لا شيء.
غرور .. لااسم الله حياتي شيلي حبه من قلبج وخلي بمكانه حب الله وانت ترتاحين
ريم ..والنعم بالله
رور انت تكولين هيج ممجربه الحب ولاحاسه بألمه ووجعه .. وان شاءالله تجربي بس متجربين الوجع ولاالفراق ولاالخيانه
غرور ..اني بعد حالتج هي مااريد احب اريد اتزوج زواج عادي تقليدي وعود بالخطوبه احبه او بعد الزواج ميهم
بهالاثناء .. دكت الباب رفل زوجة اخويه وطبت
رفل .. هاا كاعدات .. اخوجن نام واني مجايني نوم
غرور ... هه كاعدات تعاي كعدي
ريم .. يلا رفل شوكت تولدين قبل لااروح للكوت اداوم بالكليه
رفل ..مبقى غير شهرين ويطلع راح نشتاقلج والله
غرور.. اووي ليطلع .. يضوجنه وكح ..
ريم .. لج لا اموت ع الاطفال شكد احبهم
رفل .. ريمه خلي غرور تروح مكانج تداوم خلي نرتاح منهه
غرور .. اشبعه كتل اذا طلع ههه ولج اني وين اتحملهن بنات عمتي رقيه اعاركهن معارك هي ريم تتحمل كولشي
لو منج اروح للقسم الداخلي
رفل ...يمه منج انت منو يتحملج الله يعين الياخذج
غرور ... ههه اي والله اشبعه كتل
ريم ... لا اني احبهن بنات عمتي رقيه وهن هم يحبني غرور ..اني محد يحبني ههه
من وره لساني السليط
رفل ..اي عبالك مدفع ويشمر صواريخ ع الناس ههه
غرور ..احسن البشر مو مال احترام

اخذتنا السوالف الحد مااجت امي تريد تنام طلعت رفل وبقينه احنه
شقتنا .. غرفتين نوم على كد حالنا ..
بدلت ملابسي .. وغسلت وجهي .. ورحت اتمدد حتى انام غمضت عيوني اجت عيون كرم ونضراته جن اشوفها ..
كمت فركت عيوني ..جتي ريم يمي
كالت بهمس لان امي نايمه ومشغله موسيقى الشخير
ريم ..غرور اني هم مشتاقه البيتنا هناك
اني فقدت اغلى اثنين على قلبي
بابا وزيد
.. حضنتها بوستها ومسحت دمعتها
ريم حساسه كلش عكسي بسرعه تنزل دمعتها
راحت لسريرها
باوعتلها قلبي يتگطع عليها
معقوله الحب هيجي دمرها
اني اذا حبيت وهم عافني وتزوج ولااحزن مثلهه
مااتصور امر بلي مرت بي
مستحيل
لااني مو مثلها حمدلله
ونامت واني هم نمت
للصبح ..كعدت جانت العطله الصيفيه اني نجحت للسادس ادبي ..
اما ريم مرحله ثانيه كلية اداره واقتصاد جامعة واسط
بعد انتقالنا البغداد .. هي حتروح لبيت عمتي تبقى يمهم لحد متخلص وتتخرج .. وتجي النا بالعطل
غسلت وجهي وتريكنا كلنا سوه  .اني وريم و. رفل الي  نعتبرها اختنا الثالثه ..اما امي تتريك وي رضا من الصبح يكعد يروح يشتغل اعمال حره .. عماله وكذا
كملنه كم شغله الشقه زغيره واحنه 4نسوان نكدر نخلص شغلنه بسرعه ...
لزمت التليفون فرفرت كل البرامج
عدنا كروب على المسنجر النه لكل بنات  العائله .
صبحت عليهم ردت روان سلمت عليهه وهي سلمت
تالي گالت ..
غرور سمعت البارحه كرم وصلج للبيت وحدج

رديت عليها .. اي وشنو يعني وهو شنو كرم واذا وصلني ..
روان ..ههه مكلنه شي على كيفج داده
غرور .. ☺
لشويه ودزتلي مسج ع الخاص
روان .. لج غرور على كيفج .. وبعدين شهد ويانه بالكروب .. وكولشي تروح تكول اله ..
غرور .. شهد منو ؟؟
روان .. زوجة زيد شبيج
غرور .. هاا طز بيهه وبزيد وكرم
وياهم ع الواهس واذا كالتله
روان ..لج انت شنو محد سالم من لسانج
غرور .. ههه لا عذريني هالعائله بالذات تسويلي حساسيه فاضل اعاطس شتائم ههه
بقينه نحجي شويه .. ..
خلص اليوم عادي ومرت كم يوم ..
بفد ليله .. شفت جايني طلب مراسله فتحت عرفته كرم لان صورته واسمه .. حذفت الطلب ونمت ..
يوم الثاني شفت مسج من شهد كاتبتلي
هلاو شونج غرور ..كرم يكول ردي ع طلب المراسله

كتلها لاعيني ماارد هيج كليله
كالت شبيج ردي على السلام بالاول موسلمت عليج
كتلها ..مو دنسلم بالكرووب شنو كل شوي سلام
شهد ..تره السلام على الرسول مو بس عليج
غرور ..وانت ماسلمتي .. سلام الرسول كلتي هلاو
شهد. .هي شبيج عيني اشو تاكلين الواحد اكل بلسانج
غرور..سكتت عنها موبيدي اكره هالعائله .. ههه
شويه ورجعت دزت مسج كالت تره كرم حيغلق صفحتج اذا متردين
كتلها كوليله طووز ماارد عليه اشايفني
عفت الفون ..
ومرت فتره فتحت فوني
من صدك حسابي واكف .. شكد حاولت ارجعه مكدرت
الحقير سواهه من صدك ووكفه ..
سويتلي صفحه .. جديده واني اسويهه اسبه واشتمه
كملتها واني اتأفأف
ريم شبيج
كتلها ماكو
منو يشوفني شبيج
اعيط ماكو شبيكم
واول ما فتحتهه مسجتله .. هو
كتبتله شنو هاي رجوله مثلا منك هالتصرف تغلق صفحتي هي كوه مااريد احاجيك
شنو شفت نفسك عليه لان وصلتني
بذيج الليله ...
كرم .. هههه اكولج هذا لسانج اطوول من فستانج الاسود بنفس الليله التحجين عنها
غرور .. عاا دخنت من الغضب ..
گتله مو عيب خالني ابالك من ذيج الليله لهسه
كرم ... موبيدي باقيه ابالي انت
غرور .. وهسه شتريد مني
كرم .. مجرد اريد احجي وياج لااكثر ...
غرور .. اني مااحجي وي ولد
كرم .. بس اني مو اي ولد اني ابن خالج
غرور .. اووو هم كال ابن 👡
گتله... بعد اكثر ..منهم انت
كرم ... انت هواي متأثره باسمج

غرور ...هه شتقصد تقصد اني مغرورره

كرم .. اي حييل مغروره
غرور ... لعد شجابرك تحاجي وحده مغروره
كرم ...اريد افرك خشمج اليابس
غرور ... هه انت تفركه خاب طيييير
وهو ديكتب حضرته .. عبالك سديت الباب ع صبعه
بعدهه بشوي فتحت الحظر وعفته
مرت ايام وليالي .. وهو يراسلني
مرات اغلس واللبسه ومرات  ارد ونتعارك اني ويا ومرات نسولف
كلام عادي ..
بمرور الايام حسيته تعلق بيه .. حييل ميكدر
ميبعثلي مسج باليوم واذا ماارد
يخبصني خبص .. وينج ماوينج ..
مااعرف حبيت اتلاعب بي
او ارد الاعتبار لاختي بسبب اخو
صح هو مااله ذنب بس لحتى يرتاح قلبي لان كل مره اتوجع .. من اشوف دموع ريم وشهگاتها .. بسبب زيد اخو كرم
بس استمرت حجاياتي عاديه ويا
بس تطور....كلامنا الى اتصالات
بفد يوم .. جنه نحجي اني ويا بمكالمه بالليل
اروح بالمطبخ. ... احاجي لان مااكدر بالغرفه
ولا كلت الريم على علاقتي بكرم ابدا
سديته منه وطلعت شفت كبالي ريم يم باب المطبخ
واكيد سمعت حجينه .. واكفه ومخنزره عليه ..
يتبع ...