رواية لو انك لم تعد ..... الفصل الثالث 3 - بقلم نورا ناصر

قصص ليل وعشگ:
#لو_انك_لم_تعد 3
الجزء الثالث
بقلمي نوره. ....

غرور ..ريم صدفتيني .. ههه خليت ايدي على قلبي وتوترت ..واريد اطلع من المطبخ لزمتني من ايدي وكالت ..
وي منو دتلغين صار ساعه ..؟
غرور ..شبيج ريم وعفتهه ورحت كعدت بالهول
ريم .. كولي وي منو من شوكت تضمين عليه
غرور ... جنت كاعده ع القنفه اجتي كعدت بصفي واني ناطيتهه ظهري انداريت عليها
كتلها
وي كرم ابن خالي دااحجي ارتاحيتي
ريم ... شعندج وياا هذا بعد
غرور ... مجرد نحجي كلام عادي مبينه شي ..
ريم ..مو اني وي زيد بالبدايه جنه مجرد كلام عادي
بعدها تحول تحب ...
غرور ..لالا لتقارنيني ويه نفسج اني اختلف عنج
بهوايه.. ريم
ريم ... اي اني بسرعه سلمت نفسي اله مو
ومعرفت شون حتى انساه
قلبي كلب ابن كلب ومعرف يختار مو هذا قصدج تكولين ووبجيت
غرور .. لا حياتي موقصدي اجرحج صدگي
بس اخخ من لساني
ريم .. اي لسانج هذا ميستثني احد
غرور ..وانت متعرفين اله تبجين
مسحت دموعها وعد مني حبي .. بعد مااحاجي والله وعد ريوم
ريم ..المصلحتج هالشي والله اني ياعيون ريم انت
غرور .. اووف حياتي انت وقطعه من قلبي وقلب امي ..

الخاطر روح بابا لتزعلين مني وبوستهه بوسات
ريم .. ماازعل من روحي اني تدرين بيه ماازعل من احد
غرور ... ليش اني اي احد ....
ريم ... انت توام روحي انت قطعه من كبدي انت كليتي الوحيده وبدونها مااكدر اعيش
غرور .... ههههه فديت
بعدها ولاجل عيون ريم .... محجيت وي كرم
ولغيت الحساب ....
بس بداخلي اريد احاجي
فتحت حساب لخ وصرت اراقب منشوراته وصوره
احس ارتاح ...
مرت الايام وبده العام الدراسي
وصار موعد ريم تروح .. للكوت لبيت عمتي ..
تبقى يمهم لحد ميخلص الدوام
ودعتنه بالبجي .. اخويه وامي ودوها
بقينه اني ورفل بالبيت صار مكانهه فارغ اني بصعوبه تنزل دمعتي
بس اطنكر وزين منها رفل تتحملني خطيه
بكل الشقه اشوف مكان ريم محد يعوض مكانها
كل شويه اخابرها ونحجي
هي تبجي واني قلبي يتقطع عليها
ريم فدوه كافي تبجين قطعتي قلبي
ريم ...تعرفين انت الووحيده الي احجيلها عن مشاعري
غرور ..... وشحدج تحجين الغيري او متحجيلي
ريم ... من جنت ابغداد احس حالي احسن
احس اتنفس نفس الاوكسجين الي يتنفسه زيد
خلص هالشي مريحني
واحنه تحت سما وحده ..
وتجمعنا بغداد ...
بس تعبت هنا تعبانه
غرور ... حياتي وتاليها وي هالحب
فدوه فدوه انسي خلص تزووووج
هالكلب الحقير هو متونس وانت متعذبه
اتمنى اذبحه يربي برد قلبي شون يبرد قلبي شون
ريم ....مو المصيبه هو متزوج ...
لو لا جان ارحم الي
بكل لحظه افكر شنو هي يمه هي قريبه اله
يحاجيهه تداري يحجيلها الكلام الي جان يحجي
الي ....
غرور .. اذا تعبانه انت تحبين اجي يمج كم يوم
حياتي
ريم .. لا حبي انت هم عندج دوام
شدي حيلج هالسنه واقري زين حتى تنجحين
غرور ... تمام حياتي
ريم ..شفتيني شلون اتوجع ..
من منعتج من كرم .... مااريدج تتوجعين
غرور ....ريمه اني مو نفسج
اني اختلف عنج ... صدگي
ريم .... ان شاءالله حبي مو مثلي انت
غرور ...وسفه لهسه مناسيته لا ومشتاگتله بعد
ريم ..ياتره هو هم هيج
هم يشتاقلي هم امر على باله لحظه
غرور ... 😞

ريم ..هسه يلا ورانه دوامات يله انام
غرور .. ريمه كافي بجي عاد
ياريت يمج وامسح دموعج
ريم ..حياتي مدام حجيت الج خلص ارتاحيت يلا مواااه
غرور ... موااه حياتي ت ع خ
سديته منها واحس الوجع البيهه بيه بس بدون ماابجي
هنيالها تبجي يمكن ترتاح اني لا احس المها انتقل بيه بداخل روحي ... نمت
اليوم الثاني ..
كعدت الصبح مثل كل يوم دوامي صباحي ...
بدلت ملابسي لبست صدرية مدرسه .. نيلي وجواهه قميص ابيض برداناته نيلي ورفعته بالدكمه
وشال ابيض .. وحذاء رياضي .. سلمت على امي رفل نايمه كالت امي تريكي كتلها مااشتهي ..
طلعت اتمشى .. منطقتنه منطقه تجاريه ويمها اسواق
والمدرسه مسافة ربع ساعه مشي
اني اروح مشي الها ..
بالبدايه جانت امي توصلني .. لان منطقه جديده
ومنعرفها شنو ماشنو ..
بعدهه تعودت اروح وحدي
امي .. توصيني على خط وبنات اروح وياهم
بس اني لسه .. ماتأقلمت .. وي البنات
لان طبعي صعب
ومو بسهوله اتعود ...
بقيت على هالحاله ...
طلعت اتمشى والجو زين لاهو حار ولابارد
نهاية شهر 9
واني جاي اتمشى بصف المحلات ..
اباوع البعيد شفت واحد منتجي على سيارته
لابس بدي اسود ونضارات شمسيه ...
من شافني داامشي باتجاهه نزع النضارات وعدل وكفته ...
وصلت اله وكفت كباله وضحكت
هي شعندك هنا .. مو دوامك بالكليه مسائي
كرم .. اشتاقيت واجيت ...
غرور ... هه اي اكيد مشتاق للمنطقه ..والسوك
كرم ...مممم هيج تخليني ع الشحن
غرور ... هههه
فتح الي باب السياره
كرم .. اصعدي يلا ..
غرور ...وين ؟؟
كرم ..اوصلج للمدرسه ..
غرور .. صعدت وهو هم صعد ..
كرم. .. اشو مختفيه ماكو وينج ؟!....
°غرور ...هاا مو ماكو نت عدنا
°كرم ...امممم لتكذبين اصلا حسابج كله ماكو
°غرور ...كررررم شبيك نوب تطلعني مغروره نوب تطلعني كذابه تره ميصير مجابرتك تلاحكني اذا مغروره وكذابه
°كرم.....اعصابج شگلنه هسه وبعدين انت ليش متأثره بالكلام الي اطلعه عليج
°غرور...مو دتذمني شون مااتاثر ...
°كرم ...ميهم اني ابعثلج رصيد...واشتركي ع السيم
°غرور.... لا كرم مشكور اليوم راح يفعلوا
°كرم...ههه اشو اليوم 'شمعنى'
°غرور.... مراح تحرك سيارتك مو تأخرنا ..
°كرم...ماشي يلا
°غرور ... وصلني للمدرسه نزلت ومشى اليوم عادي
رجعت للبيت.. ارتاحيت شويه ونمت وكعدت العصر
اقرا ..واباوع للتليفون .وافكر بكرم
شويه اندكت الباب .. مره مرتين محد فتحه
طلعت من الغرفه ..
طليت امي بالمطبخ .. لاهيه
رضا لسه مااجه ...
رفل بغرفتها ..
خليت شال على راسي ... وفتحت الباب
يمه
كرم .. ناس تكول هلا تفضل .. انت تكولين يمه
شنو شفتيي كبالج جني
ام غرور .. هاا رورو منو اجه
هلا كرم هلا حبيب ادخل فوت
كرم ... هلا عمه اشونج بله عليج بنت حتى متكولي تفضل ..
ام غرور .. ليش يمه غرور .. مو حلوه منج عيب تفضل ابني تفضل ..
غرور ..راحت امي كبلنا تمشي وبينما هو ديفوت كال حلوه هي رورو
اليوم اني جاي اكنك يمكم وطب
اووو امي كل مره تكولي غرور اله كدامه تخربط ..
سديت الباب وطبيت يمهم بالهول
بقيت واكفه
كالت امي روحي جيبي .. شي يشربه يلا
رحت للمطبخ .. اسويله عصير ... سمعت رفل
طلعت سلمت على كرم ..
وجتي ورايه للمطبخ ..
رفل ..اكولج هذا منو ..
غرور ... ابن خالي
رفل .. اكولج هذا صاك ابن خالج
غرور .. جنت دايره ظهري الها باتجاه الكاونتر
درت عليها وشبي رضا
رفل ..مابي شي هيج مجرد داانطي راي
غرور .. انت تدرين المتزوجه حرام ... تكول حلو عن غير رجلها
رفل ..هي شلج بيهه كلت عليه صاك قابل رح اتزوجه
غرور ..مو اني اكول هيج علماء الدين مجبت هالشي من جيبي
رفل ..ضحكت .. وراحت كعدت يمهم ..
كملت العصير ووديته كعدت كباله ورفل يم امي ع صفحه ..
رفل تسولف ويا وتضحك .. واني اباوع الها .. وارفع تك حاجب هي تحرك شفايفها .. وتكول شكو
بعدها دك فونها ..وراحت
كرم متوتر ويباع الي
وشرب العصير كللله ..
امي كالت راح اصب جاي
بس كامت امي طبت للمطبخ
كرم ..اشوف عدكم نت طالعتلي الشبكه مالتكم
غرور ..اي وهسه شتريد
كرم ..مااريد بس راسليني
وجيت اثبت انه انت كذابه
غرور .. كرم اني ورايه دراسه وقرايه كووومه .. مااكدر على طول .. لازمه الفون واحجي
كرم ..مراح اخذ من وقتج هوايه ربع ساعه مو اكثر
ولج .. ماابيه اكعد من الصبح واجيج ..
غرور ...ههههه ماشي ..
جتي امي وقدمتله جاي شربه وطلع ويباع عليه
نضراته تحاجيني عبالك يكول من غير ميحجي خابري وتواصلي وهيج شي

اني بداخلي جنت اتلذذ بمطاردته الي
حسيت خلص هو تعلق بيه
شي يفرحني
يبرد قلبي ....
دخلت للغرفه وحبيت اشلع قلبه بعد .. واراوغ ويا
مرت العصريه والمغربيه بالليل ...
دزيت اله مسج .. وعفت الفون
قريت دروسي ونمت ... حتى مكلفت نفسي
ارجع اشوف مسجاته ...
يوم ثاني الصبح .. كالعاده بدلت وطلعت مشي للمدرسه مشفته ابد طول الطريق ...
اتلفت ماكو ...
خلصت دوام بطلعتي ... شفته اشرلي بخزر بوجهه تعاي
هه والله جيت برجلك للطريق يالحبيب
شوكت اصدمك ماادري
اووي فدوه مبين ضايج خلنروح نشوف شبي
وشعجب مأجه الصبح
عبرت الشارع ورحت يمه.. اقتربت منه مبين ضايج
ها كرم شونك
كرم .. ليش مارديتي البارحه على الرسائل بنتر
غرور ..كرم شبيك ليش تنتر بيه
من رخصتك اني رايحه للبيت
سحبني من ايدي وكال تعااي بنتر كتله
شبيك .. كدام العالم هيج تسحبني
كرم .. طبي بالسياره
غرور ... انت منو وتتحكم بيه
سحبني قوي وطببني بالسياره وطبك الباب حيييل
خرب شكد فشله هسه الطالبات كلهم يظلون يباوعون
اجه .دخل بالسياره
كرم ...تدرين ابويه مريض بالمستشفى واجيتج كبل
غرور ...صدك والله ليش شبي سلامته
كرم ... تعبان كلش والله
غرور .. ميشوف شر
وصلني للبيت گتله
كرم متنزل تكول لماما على ابوك
كرم .. كوليلها انت لازم ارجعله المستشفى
غرور ... ماشي طمني عليه عود
كرم ...هه شون اطمنج عليه وانت متكلفين نفسج
تفتحين مسجاتي ..
غرور. .. هه اليوم افتحهم ..
ماشي باي
كرم ..باي ...
غرور ...رحت للشقه
شفت امي بالهول دتتفرج تلفزيون ..
هلاو ماما شونج
الام .. هلا حبيبه شونج اليوم
غرور ... كعدت بصفها وخليت وحضنتها بايد وحده من اكتافها
ماما خالو ابو زيد ..تعبان بالمستشفى
الام .. ياء منو كلج
غرور .. كرم گلي قبل شوي شفته وكال
الام ... وين شفتي بالله
غرور... يمكن جاي للسوك .. وصدفه شفته

الام ..يجي اخوج ونروحله للمستشفى
غرور .. تمام ماما كايمه ابدل ملابسي

مرت الساعات
كملت دروسي
وفتحت الفون ورديت على مسجات كرم ...

رد عليه
اريد احجي وياج صوت افتحي
گتله مااكدر يمي ماما ... احب اشلع گلبه
والعب عليه
اريد اثبت النفسي اني مومثل ريم الوكعت فريسة زيد اخو وكسر قلبها
اني الازم اكسر قلبه
وابرد قلبي ....
كرم .. اممم ماادري ليش ممصدكج
غرور.. بقلبي طبك طوب هه
كتبتله اووووووو
كرم .. يلا اثبتيلي انت مو كذابه وسجلي صوت عمتي اسمعه
غرور .. طفرت من غرفتي ركض للمطبخ
امي دتعزله
فتحت مسجل الصوت بالفون
وكتلها ماما شوكت تنامين
الام ...اعزل المطبخ واسبح وانام حبيبه
غرور ...ععااا خررب ونوب البصمه وصلت بسرعه بسرعه اله
عبالك دتوكف ويا وتكشفله كذبي
كرم .. هههه روحي للغرفه وجاوبي
غرور ... اووو رحت للغرفه ...
دك جاوبته ..
ها كرم احجي اسمعك تريد شي
كرم .. مااريد شي بس مشتاقلج
غرور ... مو العصر شفتني
كرم .. اشتاقلج بكل لحظه وكل ثانيه
غرور .. اويلييي
كرم .. ها شگلتي
غرور ... دااكول ابوك قصدي خالو شونه شون صار ؟
كرم .. اممم ..الاطباء يكولون حالته ميؤؤس منها للاسف
غرور .. وانت هسه وين بالمستشفى؟ !
كرم .. لا رجعت زيد بقى يمه ...

غرور ... يلا كرم .. اريد اكمل دراستي رح ارسب من وراك ....
كرم ... ههه يلا ماشي روحي
غرور ...
سديته ونمت ..
باليوم الثاني امي راحت شافته ورجعت تبجي
كالت حالته تعبانه وعنده فشل كلوي ...
بهاليوم كرم ماشفته ولاخابرني ابد ..
رحت يوم ثاني للمدرسه داومت عادي ...
رجعت للبيت شفت امي تبجي .. ودتلبس جواريب سود ولابسه اسود
عرفت خالي مات
كالت امي رايحه للفاتحه اني ورضا خابرت عليه هسه يجي ورايه
كتلها تمام روحي ماما
رأسا اتصلت بريم
شونج حياتي شخبارج ...
ريم .. زينه يگلبي وانت شخبارج
غرور ... ريم خالو محمد مات
ريم ..لاعفيه لاتتكوليها
وانهارت بالبجي بالفون وتشهك
غرور ... ايبااااه هي شبيج كلبتيها مناحه اليسمعج خال حنون ويسال ويجي ويتعنى النه
ريم .. انت ليش هيج قاسيه ليييش متكوليلي
غرور ... لج بابا دبطليها هالحنيه شحصلتي من وراها
ريم.. اووف شحال زيد هسى
غرور .. عساااه الله يحرق قلبه مثل مااحرق قلبج
حيييل بي
ريم .. لج هي شنو دتتشمتين ..لج الموت مابي شماته
حرام عليج
مو هم يجي يوم وتفقدين عزيز
غرور .. حبي صح كلامج ممم
ريم .. اني راح اجي ع مود اروح للفاتحه زحمه
غرور ... شوف هي حتى لو يفشخوج ويرموج هم
ترحين تعزيهم والله عليج قلب
ريم ...لج غرور .. هذا خالنه والضفر ميطلع من اللحم
غرور. ... اي ماشي عود ...

بعدهه وصلت ريم هي وعمتي ...
وباتوا يمنا .. ويوم ثاني رحنه للفاتحه ..
طبينه لبيتهم .. كلش مرتب وجبير .. خالي تاجر واهل مرته كلهم تجار وحالتهم تمام ..... °
تشكلنه اني وريم وبعد بنات ... ولزمنه الشغل
اثناء .. الشغل بقينه اني وريم .. نشتغل وحدنه
بالمطبخ ... وباقي البنات طلعن يكملن شغل البره
دنشتغل اني وريم سمعت صوت ...
شونج ريم
ريم ... بتوتر هلاو زيد شونك انت ؟!
زيد ...حمدلله عاش من شافج والله
ريم .. تسلم البقيه بحياتك
زيد .... حياتج الباقيه ...
غرور .. طول ماهو يحاجيهه هي متوتره ومدنكه
متعرف ترفع راسها لو تدنك
غرور ... اي والله خطيه خالو الله يرحمه
بس للاسف راح تتأجل خطوبة ريم
زيد .. ليش ريم رح تنخطب
غرور ..اي وشناقصها متنخطب الف واحد يتمناهه
زيد .. هه على كيفج ست غرور ..بعده لسانج طوييل
غرور .. واني كلت شي يدل على انه لساني طوييل
بهلاثناء اجت شهد زوجته .. احس اني بمكان ريم
واحس شنو بداخلها وشديصير .. شصارر بيه
بوقتها كلش انقهرت وريم مدنجه وسوت نفسها
ملتهيه بشي طلع زيد وي مرته
دارت عليه شبيج تخبلتي ليش هيج تكولين
منين جبتي هالحجي هذا ...
كتلها مشفتي وجهه صار يذب الوان هه انقهر
ريم .. وبعدين اذا طش الخبر وسألوا
شصار من خطوبة ريم شراح نكول الهم ...
غرور .. نكول الهم ماصارت قسمه ..
ريم .. انت مخبله شوكت تعقلين ماتكوليلي
غرور .. اني طالعه بالحديقه جاو ومديت الها لساني
طلعت من المطبخ رحت للحديقه
يولي الحقير
بس من نضراته بين عليه يحبها .. اووف لعد ليش اخذ هي الجكمه شهد ممتوالمين هفف
هذا منو من بعيد ياعيوني
خلي نروح نمثل شوي
رحت اله شافني ... اجه الي .....
صرنا قريبين من بعض..
باوعت بعيونه صايرات حمر
يمكن من الكد البجي على ابو ..
كتله بقيه بحياتك

كرم ...حياتج الباقيه ...
غرور ...كعدنا ع صبه شويه عاليه محاوطه الحديقه
بالفي .. كعد قريب مني ...
كرم ...خسرته غرور راح مني خلص بعد مااشوفه
غرور ... حاسه بيك كرم واني قبلك خسرت ابويه
واني بنيه حالتي اتعس من حالتك بعد
اندار عليه كله .. ولزم ايدي ارتبكت صارت عيونه بعيون بعض
ايده دافيه كلش
كرم .. اني اصير الج كل شي حتى اب
غرور اني محتاجلج هسه
انيييي احبج .... 💘
غرور ...
من لزم ايدي حسيت بشي داخلي اله
غير الانتقام ... معقوله اني

معقوله اني احبه .. لالا مستحيل احس بصراع داخل نفسي ..اني بشنو ورطت روحي مجرد لعبه هي غرور لتفكرين حتى
لازال الصراع بداخلي
اني مو مثل ريم ولاراح اكون مثلها واستسلم للحب بسهوله
وان حبيته وان احبني .. وراد يتزوجني عكس اخو
ابد مراح اوافق راح اكون سبب جرح ثاني لريم
راح تتقرب العائله وريم راح تتأذى
لازم اعيد حساباتي وافكر زين شون حتخلص منه ...
يتبع 😊توقعاتكم