تحميل رواية «معاقة لكن اعشقها....» PDF

معاقة لكن أعشقها

الحلقة التاسعة

أتمنى تعجبكم

Enjoy

في مكان تاني بعيدا عن العزا والاء ومالك

في إيطاليا 🇮🇹 وخاصة في مطار روما

أحمد: اهلا اهلا أستاذ معتز قصدي أستاذ أدهم 😲

أدهم﴿معتز﴾: أزيك يا أبو حميد مكنش هاين عليك تسأل علي أخوك ولا الفلوس زغللت عنيك وخليتك تنسي أقرب الناس

أحمد: لا بس مشاغل الدنيا أنت عارف

أدهم﴿معتز﴾: مشاغل الدنيا تنسيك أخوك برضوا المهم قول لي أنت عرفت إزاي إن جاسر و مالك عرفوا وهيخطفوني

أحمد: أنا صحيح بعيد عنك بس عارف ومراقب كل حاجة

فلاش باك

أحمد بعد ما خلص وصلة ضربه لنرمين بتاعت كل يوم

تليفونه بيرن

أحمد بعصبيه: ألو

جاك: أحمد باشا مالك كشف أستاذ معتز وعرف إن خطيبته بتخونه ودلوقتي جاسر بعت ناس علشان تخطفه

أحمد بعصبية😡:ومستني ايه ما تخلهومش يخدوه لو حصله حاجه هقتلك سامعني هقتلك

جاك: إطمن يا باشا

جاك راح جاب رجالته وكان رجالة جاسر وصلوا طبعا واخدوا معتز بس رجالة جاك اتهجموا عليهم وضربوهم وخدوا معتز وهربوا

بعد قليل

جاك: الو كله تمام يا باشا معتز باشا معانا دلوقتي

أحمد: تمام تحجزلوا أول طيارة لروما

جاك: أوامرك يا باشا

باك

أدهم﴿معتز﴾: اممم ماشي كتر خيرك بس انا مش هقعد هنا كتييير انا لازم أرجع لازم أجيب حقنا لازم اخد بطاري من صقر المنشاوي وابنه مش هسيبهم يعيشوا مرتاحين

أحمد: ومين قال لك إن احنا هنسيبهم بس الأول لازم نفكر هنعمل ايه بهدوء بدل أفكارك الغبية اللي كانت هتودينا في داهية

أدهم: ماشي

♡♡♡♡♡♡♡♡♡♡♡♡♡♡♡♡

عند الاء ومالك

بعد شوية الاء فاقت وافتكرت اللي حصل افتكرت مالك والوصية وباباها

قامت وبدأت تصرخ وتكسر كل حاجة مروة وأنس وزياد ومالك دخلوا عندها وشافوا الاوضة مقلوبة رأسا علي عقب

مالك بزعيق: ايه ده انتي اتجننتي

الاء: ملكش دعوة بيا ملكش دعوة مفهوم انت تعرفني منين اصلا أرجوك أبعد عني خالو قول له يبعد عني وملوش دعوة بيا انا ولا زياد أنت ملكش علاقة بينا ولا تخصنا أطلع بره

وطلعت بره أوضتها وشافت كريم وسحبت منه المسدس وحطته علي دماغها

الاء: أطلع بره وإلا هموت نفسي أنا عمري ما هقبل أنك تبقي واصي علينا فاهمني برااااا هعد من 1 ل 3 الاقيك اختفيت

مالك كان واقف ثابت والاء بتعد وعند الرقم تلاتة الاء كانت هتضرب فعلا بس مالك مسك إيديها ورفع المسدس لفوق والطلقة جت في السقف

مالك أخد المسدس من الاء وضربها بالقلم والاء وقعت علي الارض من أثر الضربة وكمان لأن جسمها ضعيف فوقعت بسهولة

أنس: مالك ايه اللي أنت عملته ده

ومروة جريت علي الاء اللي واقعة علي الارض

مالك: ياريت محدش يتدخل انا عارف بعمل ايه واضح إن الأستاذة اتجننت وأنا عارف هرجعها لعقلها ازاي مالك نزل في مستوي الاء اللي لسه قاعدة علي الارض بتعيط

مالك:  أبوكي وصاني عليكي وانا هنفذ وصيته ومسمعش كلمة تاني والهبل ده لو اتكرر تاني هتشوفي وش مش هيعجبك وبنبرة عالية في ظرف دقيقه تلبسي و تكوني جاهزة

الاء: رجعت لورا بخوف انا مش عايزة اروح معاك في حتة

مالك بتوعد: مش هتيجي بمذاجك يبقي غصب عنك

الاء بدموع منهارة: قلت لاء خالو قول له مش عايزة اروح في حتة

أنس: مالك سيبها وهي هتهدي وهتبقي كويسة

مالك بغضب وعصبية: عمرها ما هتهدي ولا هتبقي كويسة طول ما هي في الحالة دي وانا عارف هخرجها منها ازاي

مالك بزعيق: يلا

الاء قامت ولبست ونزلت مع مالك وركبوا العربية

♡♡♡♡♡♡♡♡♡♡♡♡♡♡♡♡♡♡♡

في مكتب جاسر في مركز المخابرات

الباب بيخبط

جاسر: أدخل

سامح صاحب جاسر: فينك يا معلم اللواء عاصم قالب عليك الدنيا

جاسر: ايه بتكلم جد ليه هو ايه اللي حصل

سامح: مش عارف بس شكلك عامل مصيبة

جاسر: مصيبة ليه ده انا حتي غلبان وبشتغل اهو في حالي

سامح: لا يا شيخ بأمارة الظباط الجداد اللي كنت بتدربهم وطحنتهم فاكر

جاسر: اه دول اصل كنت مضايق شوية فما لقيتش حد أفرغ غضبي فيه فلقيتهم قدامي فقلت حلال عليهم

سامح:امممم مضايق شوية وبالنسبة إن كل ما نجيب لسعاتك سكرتيرة تطردها

جاسر: كلهم وحشين مش بيعجبوني كلهم مدهونين بويه﴿بوهيه﴾ وانا عايز واحدة طبيعية مش جايبة جركن بويه ﴿بوهيه﴾دهنالي بيه وشها

سامح: وبالنسبة للظابط اللي اتطردتوا امبارح

جاسر: أصل لقيته واد تافه كده جاي بيقولي انا هقبض امتي مش لما أقبض أنا الأول

سامح: ده انت ما سبتش حد ما طردتوش حتي بتاع القهوة ناقص تطردني أنا كمان

جاسر: مين اللي قال لك أنك مش مطرود يا سيادة الرائد

سامح: انا رايح للواء عاصم ثانية والاقيك ورايا عندنا اجتماع  سامح وهو طالع

سامح:غبي

جاسر:طول عمري يا سمسم

⛔stop⛔

الجزء الأول من الحلقة التاسعة خلص اتمني ان يكون نال إعجابكم انتظروا الجزء الثاني بكرة إن شاء الله 🌹🌹🥰🥰🥰🥰🥰

تفتكروا مالك هياخد الاء فين 🤔

يا تري ايه الطار اللي بين أحمد وأدهم وصقر ومالك🤔

دي أسئلة الحلقة شاركوني برأيكم

ما تنسوش تشاركوني بتعليقاتكم لأنها بتسعدني جدا جدا وكمان ما تنسوش تصوتوا للحلقة 🥰🥰🌹

مع السلامة تصبحوا علي ألف خير 👋🏻🌹🥰🥰🥰🌹

بقلم: Alaa Mohamed 🥰🥰🌹❤🌹

معاقة لكن اعشقها🥰🌹

الحلقة التاسعة الجزء الثاني🥰🌹

اتمني تعحبكم🧡🍂

Enjoy🧡🍂

الاء ومالك وصلوا لمكان شبه الصحراء وبعيد شوية كان في بحر

مالك: اتفضلي انزلي

الاء بإستغراب: هو إحنا رايحين فين

مالك: أنتي اللي هتروحي

الاء: هروح فين

مالك: شايفة البحر اللي هناك ده عايزك تروحي عنده وتصرخي بأعلي صوتك وتطلعي كل حزن كل غضب جواكي تشتكي لربنا بس بصوت عالي وتقولي كل حاجة كل اللي نفسك فيه علشان لما ترجعي مش هقبل الهبل اللي عملتيه النهاردة عايزك تبقي إنسانة قوية ما تنسيش إن عندك أخ لازم تهتمي بيه وثانوية عامة هتحدد مستقبلك ومسابقة لمواهبتك منتظراكي

الاء: لاء انا مش عايزة حاجة انا مش عايزة ثانوية عامة ولا مسابقة انا عايزاك تسبني في حالي تسبني مع ذكريات بابا لو عملت كل ده هنساه وهيزعل مني وانا مش هقدر ازعله لازم يبقي مرتاح في تربته

مالك: أنتي غبية فاكرة باللي انتي بتعمليه ده هيرتاح ولا عمره هيدوق الراحة طول ما انتي بتعملي كده فوقي بقي انا هسيبك دلوقتي وهرجع كمان شوية وياريت تعملي اللي قولته وإلا هخليكي تعمليه بس بطريقتي

مالك ركب العربيه ومقدرش يمشي طبعا خاف ليحصلها حاجة فوقف بعيد شوية يراقبها هتعمل ايه

الاء بصت للبحر واتمشت لحد عنده وأول ما وصلت قعدت علي الشاطئ بتفكر

الاء في نفسها وهي بتبص للسماء: اااااه يا ربي أنا بتعذب يارب أنا مش قد البلاء ده أرجوك أغثني يا الله ما ليش حد غيرك انا وأخويا أرجوك قويني أديني القدرة علشان أقدر اواجه اللي جاي أنت عارف إن ماما مش مهتمية بينا ومش هتهتم انا مليش حد غيرك دلوقتي كن معي يارب العالمين انا عارفة إنك هتساعدني زي كل مرة صح انا واثقة فيك يارب انت قلت يارب ﴿أَنَا عِنْدَ ظَنِّ عَبْدِي بِي، وَأَنَا مَعهُ إِذَا ذَكَرَني، فَإن ذَكرَني في نَفْسهِ، ذَكَرْتُهُ في نَفسي، وإنْ ذَكَرَني في ملإٍ، ذكَرتُهُ في ملإٍ خَيْرٍ منْهُمْ﴾

﴿حديث نبوي﴾ يارب انا واثقة فيك يارب انت عمرك ما هتخذلني وهتستجيب لدعائي صح انا واثقة من كده وفي لحظة واحدة وقفت تصرخ علشان تطلع كل الغضب والحزن اللي جواها هي اتحملت كتييير بس هي واثقة إن ربنا هيقف معاها زي كل مرة

الاء: يااااااااااااارب ياااااااارب كن معي يااااارب

♡♡♡♡♡♡♡♡♡♡♡♡♡♡♡♡

في مبني المخابرات بمكتب سيادة اللواء عاصم جاسر وسامح وهما داخلين

جاسر وسامح:صباح الخير يا فندم

عاصم: صباح النور اتفضلوا

سامح: حضرتك طلبتنا خير

جاسر :وده سؤال تسأله برضوا يا سامح لسيادة اللواء أكيد عايزنا في مهمة جديدة

عاصم: تعجبني طول عمرك لماح يا جاسر

جاسر: تربية سعادتك يا باشا

عاصم: اسمعوا بقي المهمة الجديدة جالنا خبر إن في شحنة أدوية فاسدة هتيجي من إيطاليا الشهر اللي جاي والناس اللي هتصدر الشحنة بيشتغلوا في كل حاجة تخطر علي بالكم سلاح ومخدرات وتجارة أعضاء وهيدخلوا شحنة كبيرة من الأدوية الفاسدة لمصر وبعض الدول العربية ومهمتكوا إنكم هتسافروا إيطاليا وتحاولوا تجيبوا أي معلومة عن الناس دي لازم يتم القبض عليهم قبل معاد الشحنة دول مش هيموتوا بلد بحالها دول هيتسببوا في موت نصف الوطن العربي لو الشحنة دخلت مصر في ناس هتصدرها لدول عربية وده هيسبب موت ناس كتيير سامعني لازم يتم القبض عليهم قبل ما الشحنة توصل

جاسر: بس سيادتك

عاصم قاطعه: عارف يا جاسر أنك مش بتحب تاخد مهمات في إيطاليا بس لو عايز تنجح في شغلك لازم تفصل حياتك الشخصية عن الشغل سامعني والمهمة دي كبيرة وانت عارف كنت بعت اي حد تاني بس مش هينفع لأن المهمة دي كبيرة ولازم تنجح مفيش اختيار وانت الأختيار المناسب انا بثق فيك متخليش حياتك الشخصية تأثر علي شغلك

جاسر: اوامرك

♡♡♡♡♡♡♡♡♡♡♡♡♡♡♡♡

الاء بعد ما اجهدت وتعبت من الصراخ قعدت علي الارض تعيط بدموع منهارة

مالك جه وقعد جمبها

مالك: عايزة تعرفي ايه علاقتي بباكي صح الاء مردتش عليه بس هو كمل انا هقولك في يوم كنت بتمشي علي البحر وكنت مضايق جدا جدا كان نفسي في حد اشكيله همي اقول له علي الوجع والجروح اللي جوايا وفجأة وانا ماشي خبطت في بباكي وطلبت منه يسمعني يسمع وجعي وهو مرفضش ابدا وسمعني ونصحني وفضلت كل لما أكون مضايق او مهموم اروح اشكيله اعتبرني زي ابنه كان بيخفف عني حاجات كتيييير اوي انا اعرف بباكي من خمس سنين قبل ما يبقي ليا أسم ومكانة قبل ما أبقي مالك صقر المنشاوي بتاع النهاردة اللي الناس كلها بتحترمه وتقدره وبتعمله ألف حساب تقدري تقولي انه هو اللي عمل الإنسان اللي واقف قدامك ده قبل ما اعرفه كنت إنسان فاشل ضايع ملوش لازمه الناس كلها بتهينه ومش بتحترمه هو اللي خلي الناس تحترمني وتقدرني وتعملي حساب خلاني راجل بجد وهو كان بيحبني اوي شايفة الكوخ اللي هناك ده

الاء بصت علي الكوخ اللي مالك بيشاور عليه وكان عبارة عن كوخ مبني من خشب وهزت رأسها بمعني ايوه

مالك: الكوخ ده كنا بنتجمع فيه انا ووالدك يوم واحد في الأسبوع كنا بنيجي هنا ونتكلم واشكيله همي وينصحني وكان بيحكيلي عنك وعن زياد كان بيقول لي قد ايه انتي هادية وذكية وشاطرة في دراستك وقد ايه بتحبي أخوكي زياد وكان بيقولي انه كان عارف إن نهال بتعاملك وحش بس انتي كنتي بتستحملي علشان مش تزعليه وكان بيحكيلي قد ايه زياد مشاغب وبيتعبك بس انتي بتستحمليه وانا كنت بحكيله عني وعن اختي نرمين وعن ياسمين وصقر باشا وماما كريمة وكنت كل صفقة في الشغل كنت بحتار اوافق عليها ولا لا كنت بروح عنده واقول له وهو دايما بيختار الاختيار الصحيح وينصحني النصيحة المناسبة وعمر نصيحته ما خيبت الله يرحمه

الاء كانت مع كل كلمة بتسمعها كانت بتنزل معاها بحر من الدموع

الاء: أمين يارب

مالك: أظن كفاية كده يلا بينا علشان محدش يقلق علينا

مالك والاء ركبوا العربية ومالك وصل الاء لحد بيتها ومشي

الاء وصلت البيت وأول ما دخلت مروة حضنتها جامد

مروة: الاء انتي كويسة

الاء هزت رأسها بمعني ايوه

مروة: طيب تعالي تعالي اقعدي

الاء: انا عايزة انام

مروة: طيب يا حبيبتي ادخلي نامي وانا هعمل اكل واصحيكي

الاء وهي رايحة اوضتها بصت علي أوضة زياد ودخلت عنده لقيته نايم والدموع علي خده مسحت دموعه وباسته من رأسه وغيرت هدومها ونامت جمبه واخدته في حضنها علشان يحس بالأمان هو كمان اتعرض لصدمات مش اقل منها في حاجة وناموا ودموعهم علي خدهم وخايفيين من القادم

⛔stop⛔

خلصت حلقة النهاردة اتمني تكون نالت إعجابكم 🥰🌹

يا تري ايه الأمر الشخصي اللي يخص جاسر في إيطاليا وليه مش بياخد مهمات في إيطاليا 🤔

يا تري ايه القادم من حياة الاء يا تري الدنيا هتفأجاها بإيه تاني 🤔

ويا تري هتتقبل مالك مع الوقت 🤔

دي أسئلة حلقة النهاردة شاركوني برأيكم 🥰🌹

ما تنسوش تصوتوا☆ للحلقة يا حلوين 🥰🧡🍂🍂🍂🍂🍂🍂🍂🍂🍂

مع السلامة 👋🏻🥰🌹❤❤❤

بقلم: Alaa Mohamed🥰🥰🥰🌹🌹🌹

معاقة لكن أعشقها💙🌿

الحلقة العاشرة 💙🌿

أتمني تعجبكم💙🌿

🌿💙Enjoy💙🌿

في الصباح بعد أسبوعين عدي علي كل أبطالنا العزاء خلص مالك طبعا بيجي كل يوم يطمن عليهم وساعات بيطمن عليهم من التليفون من أنس لما بيكون مشغول الاء مش راحت المدرسة من ساعة وفاة والدها ولا هي ولا زياد

مروة دخلت علشان تصحي الاء وزياد كانوا لسه نايمين

مروة: الاء زياد اصحوا يلا علشان تفطروا يلا

الاء: لا يا خالتو انا مليش نفس

زياد: ولا أنا طالما لولو مش هتاكل أنا كمان مش هاكل

الاء: لا يا حبيبي روح كل انا مليش نفس لازم ألبس علشان فريدة مستناني علشان مش اتأخر علي المدرسة

مروة بفرحة: أخيرا هتروحي المدرسة ايوه كده يا حبيبتي لازم تفوقي لمستقبلك كده محمود هيبقي مرتاح وهو شايفك بتهتمي بحياتك ومستقبلك يا روحي

الاء وزياد: ربنا يرحمه

مروة: أمين يارب🤲🏻

الاء: طيب يا خالتو انا هروح ألبس بسرعة علشان ما اتأخرش علي فريدة وأنت يا أستاذ زياد تفطر وتلبس وتروح المدرسة كفايا غياب

زياد: حاضر

الاء: خالتو هي ماما ما سألتش علينا

مروة : الصراحة يا حبيبتي مامتك سافرت عند أهلنا في البلد قالت إن أعصابها متوترة وعايزة تروح تقعد هناك شوية وكام يوم وهتيجي

الاء بيأس: امممم ماشي يا خالتو يلا انا هروح ألبس

الاء لبست ونزلت علشان تعدي علي فريدة علشان يروحوا المدرسة بس أول ما نزلت شافت عربية مالك بس مشيت وعملت نفسها مش أخدت بالها

مالك وهو ماشي جمب الاء بعربيته: الااااء

الاء: أفندم

مالك: أركبي هوصلك المدرسة

الاء: لا شكرا حضرتك

مالك: قلت أركبي

الاء: قلت لاء هروح لوحدي

مالك: هتركبي بمذاجك ولا غصب عنك

الاء: ولا ده ولا ده

مالك وقف العربية ونزل ومسك ايدها وشدها وركبها العربية وقفل الباب علشان ما تنزلش ولف علشان يركب

مالك: انا محدش يقول لي لاء😎

الاء بصتله بضيق وطلعت تليفونها تتصل بفريدة

الاء: الو ايوه يا فريدة

فريدة: ايوه يا الاء اتأخرتي ليه

الاء : أسفة كنت هعدي عليكي بس في ناس الله يسامحهم قطعوا طريقي وهيوصلوني غصب

فريدة بمكر: الناس دول اللي هما مالك صح

الاء :اممم روحي انتي ونبقي نتقابل في المدرسة

فريدة: أوك سلام

الاء قفلت

الاء وهي بتوجه كلامها لمالك: لو سمحت ياريت اللي حصل الأسبوعين اللي فاتوا مش يتكرر تاني

مالك: امممم اللي هو ايه

الاء: أولا أنك تأمرني أعمل حاجة انا مش عايزاها ثانيا ممنوع إنك تمد إيدك عليا أنا مش صغيرة والقلم اللي اخدته مش هنساه ثالثا ممنوع تمسك إيدي تاني أو تشلني ياريت تلتزم الحدود اللي بينا انا محترماك بس علشان وصية بابا غير كده كنت هقتلك

مالك: اممم ماشي بس هو سيادتك بتحترمي الحدود دي اولا انتي عليتي صوتك عليا أكتر من مرة وانا سكت كتيير ياريت زي ما انا هحترم الحدود اللي بينا تحترميها كمان اه وحاجة كمان من النهاردة مش هتروحي المدرسة لوحدك تاني انا هاجي أوصلك وهروحك أو هبعتلك السواق

الاء: بس أنا مش بروح لوحدي بروح مع فريدة

مالك: ولا حتي فريدة هي كلمة واحدة انا اللي هوصلك او هبعتلك السواق ولو كلامي ما اتنفذش هتشوفي وش مش هيعجبك

الاء: والكلام ده عليا لوحدي

مالك: بعت لزياد سواق كنت هبعتلك بس عارف دماغك ناشفة قلت اجي اقول لك بطريقتي

الاء: انت ليه بتمشي كلامك عليا انا حرة اعمل اللي انا عايزاه

مالك طلع مسدسه ووجه ناحيتها : كلمة تاني هتلاقي رصاصة في نفوخك

الاء: 😝

مالك: كان في واحدة قاعدة هنا من شوية بتديني درس في الأخلاق فينها مش شايفها

الاء: انا حرة

مالك: اتفضلي انزلي وحذاري تمشي قبل ما اجي او ابعتلك حد

الاء بهمس: همشي

مالك: بتقولي حاجة

الاء: بقول هستني حضرتك بس ياريت متتأخرش

الاء نزلت وقابلت فريدة علي الباب ودخلوا المدرسة

♡♡♡♡♡♡♡♡♡♡♡♡♡♡♡♡♡♡♡

مالك وصل الاء وراح الشركة

في مكتب مالك الباب بيخبط

مالك: أدخل

إيمان: أستاذ مالك في ناس مستنية حضرتك برا

مالك: مين

إيمان: بيقولوا إنهم تبع أستاذ محمود

مالك: خليهم يدخلوا

إيمان طلعت برا علشان تناديهم

إيمان: اتفضلوا مالك بيه في انتظاركم

مالك: اهلا اتفضلوا

وائل: احنا اخوات محمود قابلنا حضرتك في العزا

مالك: اه اهلا وسهلا خير

عادل: احنا عايزين الوصية بتاعت محمود اللي سبهالك

مالك: ليه خير حضرتكم شفتوها قبل كده

وائل: ايوه بس انت قلت إن الاء وزياد أنت واصي عليهم يعني قلت جزء منها لكن باقي الوصية لسه محدش يعرفه

مالك: وده يخصكم في ايه

عادل: إلا يخصنا احنا عايزين الوصية كلها مش يمكن مخبي حاجة كده ولا كده انت هتبقي واصي علي عيالنا وعايزين نطمن عليهم ما مش كل حد يجي يقول انا واصي علي الاء وزياد نديهم له لازم محامي يشوفها ويأكد انها صحيحة

مالك: امممم بصوا بقي انا مبحبش اللف والدوران انتوا عايزين تعرفوا الورث قد ايه صح مش عايزين تطمنوا عن الاء وزياد زي ما بتقولوا

وائل: ما أسمح لكش محمود أخونا وعمرنا ما نفكر فيه كده ابدا

مالك قاعد بتكبر: امممم بجد بأمارة لما كان عايش كنتوا بتتخانقوا معاه علي الأرض والبيت اللي ملكه ولا كلامي غلط عمتا انا كنت هاجي وهجيب المحامي علشان نفتح بقيت الوصية ونقرأها كاملة بس كنت مستني الأمور تهدي بس خلاص بكرة إن شاء الله هنفتحها علشان كل واحد يحط جزمة في بوقه اتفضلوا مع السلامة وقتكم خلص

عادل ووائل مشيوا وكانوا متعصبين جدا وعرفوا إن مالك مش سهل

♡♡♡♡♡♡♡♡♡♡♡♡♡♡♡♡♡♡♡

الجرس رن جه معاد الخروج الاء ما شفتش عربية مالك ولا هو فحمدت ربنا واستغلت الفرصة وجريت وهي بتجري خبطت فحد

الاء: اوه معلش أسفة

......:..........

♡♡♡♡♡♡♡♡♡♡♡♡♡♡♡♡♡♡♡

في إيطاليا 🇮🇹

جاسر كان ماسك صورة في إيده وبيبصلها وبيتأمل الصورة وجه سامح قطع تفكيره

سامح: جاسر

جاسر: ايه في اخبار جديدة

سامح: ايوه جات لنا معلومات إنهم هيجتمعوا مع الناس اللي هتصدر البضاعة مصر هيجتمعوا النهاردة في الNight club ﴿نادي ليلي﴾أظن دي فرصتنا

جاسر : أكيد

في المساء

جاسر وسامح لبسوا لبس كلاسيك وراحوا الNight club

جاسر وسامح كان بيراقبوا كل المكان

وبعد شوية دخل ناس ومعاهم حراسة وقعدوا علي طربيزة

سامح وجاسر بحكم شغلهم بيعرفوا يقرأو حركات الشفايف ويعرفوا هما بيقولوا ايه

أحمد: اهلا فاليريو ﴿اسم إيطالي﴾

فاليريو: اهلا أين زعيمك

أحمد: إنه مشغول قليلا إن ابنته مريضة

فاليريو: وصل له تحياتي

أحمد: بالتأكيد أعرفك إنه أخي أدهم

فاليريو: تشرفت بمعرفتك

أدهم أبتسم وسلم فقط

أحمد: أعتذر إنه لا يجيد الإيطالية

فاليريو: أجل تفضلوا

فاليريو: إن شحنة الأدوية سوف تصل في المعاد المقرر بعد أسبوعين هل قمتم بتجهيز أموالي

أحمد: نعم ستصل إليك دفعة الأسبوع القادم ودفعة وقت التسليم

فاليريو: حسنا سنتقابل الأسبوع القادم إذن

أحمد: بالتأكيد

فاليريو: إلي اللقاء أراك لاحقا

بعد ما مشي فاليريو

سامح: جاسر لازم نوصل المعلومات مصر

جاسر:........

سامح: جاسر

جاسر: اممم ايوه في ايه

سامح: أنت اللي في ايه مالك

جاسر: مش عارف بس حاسس إن اللي أسمهم أحمد وأدهم دول شفتهم قبل كده

سامح: شفتهم فين يعني

جاسر: مش عارف بس ليه لما كنا بندرس المعلومات عن العصابة مجاش أي ذكر ل اللي اسمه أدهم ده

سامح: مش عارف ممكن كان مسافر ولسه جاي بدليل إن فاليريو ميعرفهوش

جاسر: مفيش حاجه اسمها ممكن احنا لازم نجمع معلومات عن أدهم وأحمد في أقرب وقت شكلهم وراهم قصة كبيرة لازم اعرفها

سامح: أكيد هنعرف

♡♡♡♡♡♡♡♡♡♡♡♡♡♡♡♡♡♡♡

إيمان سكرتيرة مالك خلصت شغل ونزلت علشان تشوف عربية توصلها

إيمان كانت بتعدي الشارع وفي نفس الوقت كانت بتحط المفاتيح بتاعتها في الشنطة وفي اعتقادها إن الشارع ما فيهوش حد في نفس الوقت كان في واحد راكب عربية وماشي بسرعة هائلة ومعلي المزيكا 🚗

وفي لحظة واحدة إيمان طارت في الهوا ووقعت علي الأرض 😱😱

⛔stop⛔

بعتذر الحلقة خلصت عارفة قصيرة بس أسفة ما لحقتش أكتب تاني أعذروني إن شاء الله المرة الجاية هتبقي طويلة زي ما أنتم عايزين يا حلوين 💙🌿

تفتكروا الاء خبطت في مين 🤔

تفتكروا اللي خبط إيمان هينقذها ولا 🤔

تفتكروا جاسر هيعمل ايه لما يعرف حقيقة أحمد وأدهم وصورة مين اللي كان ماسكها🤔

توقعاتكم بليييز

شاركوني برأيكم سواء تشجيع أو نقد

ايه رأيكم في حلقة النهاردة حلوة ولا لا🤔

عايزة اعرف رأيكم وشكرا علي تعليقاتكم العسل بجد بتسعدني جدا جدا 🥰💙🌿

حاجة كمان ممكن تصوتوا للحلقة ☆ فضلا ليس أمرا لو سمحتوا🥰🌿💙

شكرا ليكم أحبائي 💙🌿

معاقة لكن اعشقها 💙🌿

بقلم: Alaa Mohamed 💙🌿

معاقة لكن أعشقها💛🌻

الحلقة الحادية عشر💛🌻

أتمني تعجبكم💛🌻

🌻💛Enjoy💛🌻

إيمان سكرتيرة مالك خلصت شغل ونزلت علشان تشوف عربية توصلها

إيمان كانت بتعدي الشارع وفي نفس الوقت كانت بتحط المفاتيح بتاعتها في الشنطة وفي اعتقادها إن الشارع ما فيهوش حد في نفس الوقت كان في واحد راكب عربية وماشي بسرعة هائلة ومعلي المزيكا 🚗

وفي لحظة واحدة إيمان طارت في الهوا ووقعت 😱😱

والراجل اللي كان ماشي بالعربية أول ما خبطها بص وراه ولقاها مرمية علي الأرض وبتنزف راح مشي بسرعة بالعربية قبل ما حد يشوفه وسابها مرمية في الشارع بتموت😡

بعد شوية جت عربية شافت إيمان مرمية علي الأرض نزل الراجل اللي في العربية وجري عندها علشان يشوفها

أدم وهو بيضربها علي وشها بخفة بيحاول يفوقها:يا أنسة

أدم وهو بيشوف نبضها: الحمد لله لسه عايشة لازم اخدها المستشفي

أدم شال إيمان من علي الأرض وركبها العربية وراح المستشفي بسرعة

في المستشفي

أدم دخل المستشفي

أدم بنبرة عالية : حد يجيب سرير بسرعة

الممرضة: حاضر يا دكتور أدم

﴿أدم دكتور جراحة عنده 30 سنة هو أكبر أخواته عنده أخته جنة وفي كلية صيدلة في سنة تانية وأخوه محمد في اولي ثانوي أدم عايش مع والده ووالدته وأخواته﴾

أدم: علقوا لها محلول بسرعة قعبال ما اغير هدومي وشوفي معاها اي رقم او عنوان و اتصلي بأهلها بسرعة

الممرضة: حاضر يا دكتور

الممرضة فتحت شنطة إيمان واتصلت بأخوها حسام

حسام وصل المستشفي وقابل دكتور أدم

حسام: دكتور انا اخو البنت اللي جوا هي حصلها ايه

أدم: اتفضل اقعد وانا فهمك

حسام قعد وبيستمع لأدم بانتباه

أدم: انا دكتور ادم الصراحة انا كنت ماشي بعربيتي علي الطريق ولقيت أخت حضرتك مرمية علي الأرض من الواضح إن في حد ضربها بالعربية ومشي والضربة كانت جمدة وده أدي إلي نزيف في المخ وكسور في جسمها ولازم نعملها عمليه فورا

حسام: اعمل اللازم يا دكتور وانا تحت أمرك في أي تكاليف

أدم :ماشي توكلنا علي الله

♡♡♡♡♡♡♡♡♡♡♡♡♡♡♡♡♡♡♡

في المساء

الاء قاعدة في أوضاتها وبتعيط

مروة:خلاص يا حبيبتي أهدي

الاء بدموع منهارة:أهدي ازاي بس يا خالتو بعد لما هزقني قدام صحابي والمدرسين مين سمح له يعمل كده

مروة:أهدي طيب وأحكيلي ايه اللي حصل

الاء فلاش باك

الاء وهي بتجري قبل ما مالك يجي ويشوفها خبطت في حد

الاء:اوه أسفة معلش

حسن:ولا يهمك بس أنتي بتجري كده ليه

الاء:معلش عن إذنك لازم امشي

حسن استني تحبي أوصلك

الاء:لا شكرا

حسن مسك إيدها :استني بس

وقبل ما الاء ترد اخد بوكس في وشه 👊

حسن وقع علي الأرض والاء اتخضت

مالك وهو مستمر في ضربه :أنت ازاي تتجرأ تمسك إيدها

حسن:وانت مالك

مالك لكمه بوكس في وشه : انا هوريك انا مالي ازاي 👊👊👊👊👊👊👊👊👊

حسن بعد ما خلاص عضمه اتكسر تقريبا

حسن:كح كح خلاص مش قادر أرجوك سبني

الاء بدموع:أرجوك سيبه يمشي هيموت في إيدك

مالك سابه ومسك إيد الاء بعنف

مالك:ياريت مسمعش صوتك انا قلت ايه ها قلت ايه مش انا قلتلك لو خرجتي من المدرسة قبل ما اجي مش هيحصل كويس قلت ولا ما قلتش

الاء:انا حرة اعمل اللي انا عايزاه ياريت ملكش دعوة بيا

مالك:لا ليا دعوة ولو كلامي ما اتنفذش وعد هتشوفي وش مش هيعجبك اتفضلي قدامي علي العريية يلاااا

الاء:لا مش هتفضل وهروح لوحدي واللي عندك اعمله

مالك خلاص جاب اخره 😡

الاء وهي جاية تمشي مالك شدها من إيدها ورفعها علي كتفه

الاء لسه متنحة من الصدمة وبدموع

الاء :ممكن تنزلني لو سمحت مش هعمل كده تاني وعد 🥺 صحابي هيقولوا ايه والمدرسين بيتفرجوا علينا ارجوك نزلني

مالك:مفكرتيش ليه في كده قبل ما تتحديني

مالك ركبها العربية ومشيوا ووصلها البيت ومشي

باك

الاء بعياط:شفتي يا خالتو حرجني قدام صحابي والمدرسين خلي سمعتي زي الزفت

مروة:خلاص يا حبيبتي أهدي أنا هكلم خالك واخليه يكلمه إنه ما يعاملكيش كده تاني خلاص

زياد:ايوه يا خالتو انا مش فاهم ازاي يعمل كده انا كنت فاكره طيب

الاء بسخرية:طيب😒 انت اللي طيب خلاص روحوا دلوقتي عايزة انام ومحدش يصحيني الصبح مش هروح المدرسة

مروة :علي راحتك يا حبيبتي تصبحي علي خير

الاء:وأنتي من أهله

♡♡♡♡♡♡♡♡♡♡♡♡♡♡♡♡♡♡♡

في المستشفي

إيمان دخلت أوضة العمليات وحسام أخوها مستنيها بره واتصل بوالده ووالدته علشان يجوا

سماح وإبراهيم والده ووالدته وهما جايين جري

سماح بدموع:حسام ايه يا بني ايه اللي حصل لأختك مالها

حسام:ما تخافيش يا أمي تعالي اقعدي وانا هحكيلك

سماح وإبراهيم قعدوا وبيستمعوا لحسام بانتباه

حسام: إيمان وهي مروحة في عربية خبطتها وعملت حادثة وفي دكتور من المستشفي جابها هنا وهي دلوقتي في العمليات

إبراهيم:اااه يا بنتي يارب نجيها يارب دي قلبها أبيض وعمرها ما اتمنت الشر لحد يارب نجيها يارب

حسام :أهدي يا حج إن شاء الله هتقوم وتبقي كويسة

سماح :اتصل يا ابني بأخوك حسن شوفه فين

حسام:اتصلت بيه بس تليفونه مقفول تلاقيه مشغول وتليفونه فصل

بعد شوية دكتور أدم طلع من أوضة العمليات

حسام وسماح وإبراهيم جريوا عليه

إبراهيم والد إيمان:قول لي يا دكتور ايه اخبار إيمان انا والدها

أدم : الحمد لله الأنسة إيمان كويسة قدرنا نوقف النزيف اللي حصل في المخ بس

حسام:بس بس ايه يا دكتور

أدم:للأسف الحادثة اللي اتعرضت لها أستاذة إيمان سببت لها كسور في رجلها وركبتها وللأسف لأننا ما عالجنهاش في الوقت المناسب فأثر جدا علي المفاصل وحركتها وده للأسف سبب لها عجز وإعاقة في رجلها

سماح:يعني ايه بنتي مش هتمشي علي رجلها تاني يا دكتور

أدم:احنا هنعمل اللي علينا والباقي علي ربنا ادعولها

سماح :اه يا بنتي يارب قومها بالسلامة وتقدر تمشي علي رجلها يارب

♡♡♡♡♡♡♡♡♡♡♡♡♡♡♡♡♡♡♡

أنس بيكلم مالك في التليفون

مالك:الو

أنس:ايوه يا مالك تقدر تقول لي ايه اللي أنت عملته النهاردة ده

مالك باستفهام:عملت ايه

أنس:مالك مش عليه انا فاهمك كويس ليه عملت كده مع الاء

مالك:اااه هي شكت لكم

أنس:وما تشكيش ليه مش احنا اهلها مالك انت احرجتها قدام صحابها والمدرسين يقولوا عليها ايه دلوقتي لما يسألوها مين ده تقدر تقول لي ها

مالك:ما يخصنيش عايزني كنت اعمل ايه يعني وانا شايف واحد ماسك إيدها في نص الشارع ها انت لو مكاني مش كنت هتعمل كده

أنس:لا ما كنتش هعمل كده في حاجة اسمها عقل كنت هفكر بيه مش أنت بتفكر بإيدك غبي

مالك :لم لسانك إنت عارف لو أنت قصادي كنت دفنتك مكانك بعد الكلمة دي

أنس:يارب الصبر من عندك علي البني أدم ده عمتا كنت هقولك الاء مش رايحة المدرسة بكرة ما تعديش عليها وبعد كده مش هتوديها تاني حتي لو رايحة انا هوديها بعد كده ولو مسافر مروة هتوديها خلاص

مالك بعصبية:يعني ايه مش رايحة قول لها الساعة سبعة الصبح تكون جاهزة وإلا هيكون ليا معاها تصرف تاني

أنس:يا دي النيلة يا أبني أهدي ده احنا أهلها ومش بنعاملها كده مش عارف كان فين عقل محمود لما كتبك واصي عليهم وبعدين هتروح ازاي يعني ولما تشوف صحابها والمدرسين ويسألوها عليك تقولهم ايه أختي مثلا

مالك 😡:قسما عظما هاجي أدبحك قولها تجهز بكرة ومفيش حاجة اسمها أنت توديها أنا الواصي عليها وهوديها وهجبها وقول لها لو كلامي ما اتنفذش هتشوف وشي التاني

أنس:هو بعد اللي حصل ده كله ولسه ما شافتهوش مالك هي نقطة في أخر السطر سيبها تريح يومين وبعدين ربنا يسهل سلام

مالك رمي التليفون ونام علي السرير

مالك وهو بيفكر في اللي حصل النهاردة وبيكلم نفسه:ااااه يا ربي انا ازاي عملت كده وليه اصلا ما عادي يعني وبعدين انا واصي بس يعني ما ليش اتحكم فيها بالشكل ده طب انا ليه اضايقت كده لما شفته ماسك إيدها ليه طب انا ليه عملت كده علشان واصي عليها ولا في حاجة تانية لا مالك اهدي كده وأرجع لعقلك إنت لازم تتصرف بعقل وبعدين كان فين إحساسك وقلبك وهي بتترجاك من امتي وانت كده بتتصرف بجنان لا انا لازم أرجع لعقلي

مالك نفض الأفكار دي من دماغه ونام نوم عميق

♡♡♡♡♡♡♡♡♡♡♡♡♡♡♡♡♡♡♡

في المستشفي إيمان خرجت من أوضة العمليات

أدم:الحمد لله الأنسة إيمان بقت كويسة بس للأسف ما عرفناش نعمل حاجة للعجز اللي حصل في رجلها

إبراهيم:ايه الكلام ده يا دكتور

سماح: ااااااه يا بنتي ده انتي لسه في عز شبابك هتستحملي ازاي بس

حسام:طب مافيش حل يا دكتور

أدم:للأسف لاء الحل عند ربنا أدعولها

اه صح نسيت كنت عايزة اقول لكم ياريت لو سمحتم لما تصحي محدش يقول لها أبدا إن رجلها حصلها حاجة قولوا لها إن فيها كسر مش أكتر علشان لو قلتوا لها ممكن جدا حالتها النفسية تتأثر وده هيأثر علي العلاج فياريت لو تأجلوا الموضوع ده لحد ما تخف

حسام:ماشي يا دكتور شكرا لحضرتك لو حضرتك مكنتش أنقذتها ما حدش يعرف كان حصلها ايه أكتر من كده شكرا ليك

أدم:العفو ده واجبي

♡♡♡♡♡♡♡♡♡♡♡♡♡♡♡♡♡♡♡

في إيطاليا

جاسر مصدوم :لا لا مش ممكن

سامح:في ايه يا جاسر أنت تعرفها

جاسر:أنت متأكد إن دي مراته

سامح:ايوه متأكد

جاسر :لا لا مستحيل أنت عارف دي مين دي نرمين صقر المنشاوي أخت مالك

سامح:بنت رجل الأعمال صقر المنشاوي بس ازاي دي اسمها يمني سليم ازاي يعني هتبقي نرمين ممكن واحدة شبهها ولا حاجة

جاسر:لا أنا متأكد إحساسي عمره ما هيكدب أكيد غير لها أسمها

سامح:شغلنا ما فيش حاجة فيه اسمها أحساس يا إما أدلة واقعية أو لاء

جاسر:عندك حق انا لازم يبقي عندي دليل

سامح:انا طالع أوضتي تصبح علي خير

جاسر:وأنت من أهله

بعد ما سامح طلع جاسر مسك موبايله وأتصل بمالك

مالك بنعاس: الو

جاسر:الو ايوه يا مالك

مالك:ايوه يا زفت في حد يكلم حد دلوقتي

جاسر:مالك اسمعني بس

مالك حس انا في حاجة لأن جاسر بيتكلم بنبرة جادة: في ايه

جاسر:هي نرمين بعتتلك صور قبل كده لولادها

مالك:ايوه معايا صورهم نرمين كانت بعتتهم لي قبل كده

جاسر:ابعتهم لي بسرعة لو سمحت

مالك:ماشي بس في ايه

جاسر:هبقي اقولك بعدين ابعتهم بسرعة

جاسر قفل ومالك بعتله الصور وأول لما شافهم اتصدم

واتصل بكريم مساعد مالك

كريم:الو

جاسر:الو ايوه يا كريم كنت عايزك في خدمة

كريم:تحت أمرك

جاسر:فاكر الواد اللي اسمه معتز

كريم:ايوه فاكره ماله

جاسر:عايزك تجبلي صورة ليه بس من غير ما مالك يعرف

كريم:أوامرك بكرة الصبح الصورة هتكون عندك

جاسر قفل التليفون

جاسر وهو ماسك صورة نرمين: يا تري انتي عايشة ازاي دلوقتي يا تري شكلك اتغير ولا لسه زي ما أنتي اااااه خمس سنين وانا بتعذب كل يوم قلبي بيتعذب ويتوجع في بعدك عمر عيني ما شافت واحدة في جمالك ورقتك وقلبي عمره ما دق غير ليكي وعشانك من بعد ما رحتي وقلبي مات بيدق بس لكن هو ميت بعد ما سبتيه انا عايش من غير روح اخدتي روحي وقلبي ومشيتي قلت هنساكي بس ما اقدرتش أرجعيلي أرجوكي ارجعيلي يا جميلتي .

⛔Stop⛔

انا بقول نختم البارت بالكلام الحلو ده يا جاسر 💞

الحلقة خلصت اتمني تكون نالت إعجابكم 😊

تفتكروا نرمين لما تعرف اللي حصلها هتتقبل الموضوع ولا لا 🤔😢

تفتكروا مالك من حقه إنه يتحكم في الاء بالشكل ده 🤔

تفتكروا ايه اللي هيحصل بعد كده في حياة أبطالنا 🤔

شاركوني برأيكم يا حلوين 💛🌻

وشكرا جدا جدا علي تعليقاتكم العسل بجد بتسعدني جدا جدا اتمني تكتبوا لي تعليقاتكم عالطول يا حلوين ما تتخيلوش تعليقاتكم بتشجعني قد ايه شكرا ليكم 💛🌻

ما تنسوش التصويت للحلقة ☆ فضلا ليس أمر 😊💛🌻

مع السلامة أراكم الحلقة القادمة👋🏻💛🌻

معاقة لكن اعشقها💛🌻

بقلم:Alaa Mohamed 💛🌻

أسفة جدا جدا متابعيني الأعزاء بجد أسفة كنت مشغولة جدا جدا اليومين اللي فاتوا كان عندي مسابقة القاء بحضرلها وحاجات تانية كتيير أسفة بعتذر أحبائي فما لحقت أكتب حاجة بعتذر أحبائي إن شاء الله هفاجئ حضرتكم بكرة ببارت طويل جدا جدا تعويضا عن غيابي اتفقنا بعتذر مرة تانية 😊🍀🍀🍀🍀🌹🌹🌹🌹🌹🌹🌼🌼🌼🌼🌼🌼🌼🌼🌼🌼🌼⚘⚘⚘⚘⚘⚘⚘⚘⚘تفتكروا ممكن يحصل معايا في المسابقة زي اللي حصل مع الاء 😂😂😂😂لا بهزر اوعوا تتخيلوا 😂😂😂بس تفتكروا 🤔😂سلام أحبائي أدعولي أكسب في المسابقة وأنجح وأجيب درجات حلوة في الامتحان أدعولي فضلا وليس أمرا 😥

اه صح ايه رأيكم في الغلاف الجديد حلو ولا لا 

عارفين صور مين اللي علي الغلاف 🤔هسيبكوا تخمنوا اوك مع اني عارفة ان معلوم للجميع وسهل التخمين علي أي حد بس قولولي برضوا اوك مستنية تعليقاتكم ☺😊

مع السلامة يا حلوين 👋😊

أسفة أسفة بعتذر أحبائي علي التأخير بس عندي مسابقة القاء بحضر لها حاليا فمعنديش وقت كفاية أني أكتب حاجة أسفة بعتذر بس بجد مشغولة جدا جدا الفترة دي أتمني تعذروني 😢

💝معاقة لكن اعشقها💝

💝الحلقة الحادية عشر 💝

💝اتمني تعجبكم 💝

💝Enjoy 💝

في الصباح

في المستشفي

دكتور أدم دخل غرفة إيمان علشان يشوف حالتها ويطمن عليها

وبعد ما خلص كشف فضل قاعد يتأمل براءتها وجمالها

أدم في نفسه:انتي طلعتيلي منين يا تري ليه القدر حطك في طريقي ايه هدفه يا تري انتي قوية وهتستحملي الصدمة لما تعرفي بس ملامحك بتقول أنك مش هتستحملي وهتضعفي وهتنهاري بس انا مستحيل أسمح لكده مستحيل أنتي هتبقي قوية ماشي وانا هفضل معاكي لحد ما تقدري تستوعبي كده يا تري ليه قلبي بيدق بعنف💓 كده أول ما بشوفك ليه

إيمان ابتدت تفوق وبصت حاوليها

إيمان:ايه ده انا فين

أدم قام وقف بسرعة:حمد الله علي السلامة يا أنسة إيمان

إيمان:انا فين

أدم:حضرتك في المستشفي

إيمان:ليه هو ايه اللي حصل انا اخر حاجة فاكراها إني كنت بعدي الشارع وبحط المفاتيح في الشنطة وبعدين محستش بحاجة

أدم :حضرتك عملتي حادثة علي الطريق ونقلناكي المستشفي

إيمان بدموع:ايه حادثة

أدم:ما تخافيش أنتي كويسة الحمد لله

إيمان:طب فين عايلتي أكيد لسه مايعرفوش حد أتصل بيهم

أدم بابتسامة:عيلة حضرتك كانت كلها هنا امبارح وراحوا يجيبولك حاجات وأخو حضرتك برا حاليا

إيمان براحة:طب ممكن تناديه من فضلك

أدم:اه أكيد حاضر

أدم طلع ونادي علي حسام

وحسام فرح جدا ودخل لأخته بسرعة

حسام بابتسامة:حمد الله علي السلامة كده تشغلي بالي عليكي انا وماما وبابا نعمل ايه لو كان حصلك حاجة دلوقتي

إيمان:عادي كنتم هترتاحوا مني ومن صداعي

حسام:اوعي تقولي كده لو حصلك حاجة كنت هناكف مع مين يعني مين اللي هشكيله همومي لما أكون مهموم مين مين اللي هشكيله وجعي مين مش بيخليني اتفرج علي الماتش علشان يتفرج علي السنافر مين بيزعل مني لما ادخل البيت من غير شوكولاتة مين هيكويلي هدومي مين هيروق أوضتي مين هيعمل كل ده قوليلي

إيمان بغضب كالأطفال:يعني بتحبني علشان مصلحتك

حسام:انا مين قال كده انا برئ يا باشا

إيمان:برئ😒ماشي يا عم البرئ ماما وبابا فين وهطلع امتي من هنا انا زهقت

حسام:زهقتي من يوم

إيمان:أنت عارفني بكره المستشفيات بكرهااااا

حسام:خلاص عرفنا عمتا لسه الدكتور ما قال علي خروج لما يقول تبقي تخرجي

إيمان:لسه هستني الدكتور و بعدين انا كويسة اهو

حسام:كويسة فين ده انتي متجبسة من اولك لأخرك

إيمان:مليش دعوة عايزة أخرج

وفي اللحظة دي دخل والد ووالدة إيمان

سماح:إيمان حبيبتي أنتي كويسة في حاجة بتوجعك ورجلك ..

حسام اتكلم قبل ما سماح تغلط وتقول لإيمان حاجة:ما هي يا ماما كويسة قدامك وبقت زي القرد

سماح:أسكت يا واد أنت اللي قرد بنتي وردة وزي الفل

إيمان طلعت لحسام لسانها :😝

وحسام ردها لها:😝

إبراهيم:ولا العيال الصغيرة

إيمان وسماح وحسام وإبراهيم:😂

إيمان:قولوا لي امال فين الواد حسن ما شفتهوش يعني

حسام اتكلم بسرعة قبل ما حد يرد علشان خايف لإيمان تعرف انه مش باين من امبارح و تزعل و تتعب أكتر :عنده شغل يا حبيبتي هيخلصه ويجي عالطول

إيمان بغضب طفولي :يعني ايه عنده شغل شغله اهم من اخته بعني

إبراهيم:معلش يا حبيبتي انتي عارفة المدير عندهم حازم شوية

حسام في الوقت ده جاء له مكالمة

حسام:عن إذنكم عندي مكالمة ضروري

حسام طلع بره علشان يرد علي التليفون ومحدش يسمعه

حسام:ايوه يا زفت أنت فين بتصل بيك مش بترد ليه أختك عملت حادثة وحضرتك ولا علي بالك

حسن:حسام انا في المستشفي

حسام:ايه اكيد عكست بنات تاني وحد ضربك صح

حسن:انا مش اضربت انا اتفرمت

حسام:انت مش ناوي تبطل العادة الزبالة دي بقي حرام عليك بنات الناس مش لعبة وده أخرتها كل مرة تعمل كده وفي الاخر أهلها بيعرفوا وبيضربوك تقدر تقول لي بقي هتفضل لحد امتي كده ده غير كدبك علي ماما وبابا وبتقول لهم اللي انت شغال وشغلك صعب وأنت عاطل

حسن:انا اتصلت بيك علشان تيجي تلحقني مش علشان تهزأني وبعدين انا عارف مصلحتي فين

حسام:مصلحتك اللي هي ايه بالظبط تقدر تقولي لي مصلحتك في معاكسة البنات ومضايقتهم صح مصلحتك مع صحابك الفاشليين اللي هيضيعوك دول مصلحتك عمتا لينا كلام تاني بعدين متنيل في اي مستشفي

حسن:مستشفي.........

حسام:ماشي مسافة السكة

♡♡♡♡♡♡♡♡♡♡♡♡♡♡♡♡♡♡♡

في إيطاليا

جاسر وسامح قاعدين بيفطروا في صمت ليقطع جاسر هذا الصمت

جاسر:لقيته

سامح باستغراب:هو ايه

جاسر:الدليل مش كنت عايز دليل إن يمني هي نفسها ياسمين صقر المنشاوي

سامح:اممم ويا تري جبت الدليل بقي

جاسر طلع موبايله وجاب صور أسر وأيه وعرضهم علي سامح وسامح اتصدم اول ما شافهم

جاسر:ايه اتصدمت ليه مش دول صور اسر وايه ولاد يمني وأحمد قصدي نرمين وأحمد

سامح:جبتهم منين دول أنت بتجسس عليا ولا ايه

جاسر:لا سمح الله انا جبت الصور دي من مصر من مالك صقر المنشاوي أخو نرمين صقر المنشاوي مش دي صور برضوا ولاد يمني وأحمد اللي انت جبتهم وخبيتهم عليا صح ولا ايه

سامح:انا أسف يا جاسر أنت عارف دي الأوامر

جاسر بضيق:عارف عارف

جاسر:انا عايزة اتواصل مع نرمين بأي طريقة لازم اعرف هي مجبرة علي الوضع ده ولا برضاها عايز أعرف هي قبل ما تتجوزه كانت عارفة انه مساعد أكبر زعيمة عصابة ولا لا لازم اتواصل معاها سامعني

سامح:انت بتقول ايه لا مش هينفع وبعدين دي مش مهمتنا الأساسية

جاسر:لو مش هتساعدني عند ألف حد يساعدني

سامح:خلاص هساعدك بس ياريت ما تعملش أي حركات متهورة لازم نفكر بهدوء ما تخليش قلبك يسيطر علي عقلك فاهمني

جاسر:اممم

وقام جاسر من علي السفرة وطلع اوضته

جاسر دخل الأوضة وألقي نفسه علي السرير وترك لأحزانه وأفكاره العنان

♡♡♡♡♡♡♡♡♡♡♡♡♡♡♡♡♡♡♡

في مكان أخر في إيطاليا

عند نرمين وأحمد

نرمين بعياط ورجاء لأحمد:أرجوك خلاص مش هيتكرر تاني

أحمد بغضب:مش انا قولت قبل كده إن ممنوع تتكلمي مع أي حد من أهلك أو الجيران قلت ولا ما قولتش ها

نرمين: أيه كانت سخنة والحرارة مش راضية تنزل من أول امبارح وقلتلك كذا مرة وأنت ولا هنا ما لقيت حل غير أني أشوف حد يساعدني

أحمد:وحتي لو بتموت ما تطلبيش المساعدة من حد فاهمة ولا مش فاهمة أخر مرة هنبه عليكي وعقابا ليكي مش هجيب لها دكتور عالجيها أنتي بقي

وقفل الباب وراه وخرج

نرمين بعياط ودموع منهارة:ااااه يارب يارب ساعدني يارب يارب حد يجي ينقذنا من هنا اه يا جاسر يارتني سمعت كلامك ما كانش هيبقي ده حالي دلوقتي

فلاش باك

نرمين وجاسر قاعدين مع بعض في كافيه

نرمين:ايوه يا جاسر طلبت تقابلني ليه

جاسر:الصراحة عايزة أكلمك في موضوع مهم

نرمين:اممم ايه هو

جاسر:نرمين انا بحبك

نرمين اتصدمت وقامت وقفت:ايه الكلام ده يا جاسر انا بعتبرك اخويا تقوم تعمل كده ومالك صاحبك وأخوك مش أنت طول عمرك بتقول عليه كده بالكلمة دي أنت نهيت كل العلاقات اللي بينا وبعدين انا بحب أحمد وأنت عارف وأحمد جاي بكرة علشان يطلب إيدي من بابا ومالك

جاسر:ايه نرمين أرجوكي بلاش أحمد أحمد بيلعب بيكي صدقيني وهيخلي حياتك كلها عذاب

نرمين:لا مستحيل أحمد بيحبني أنت بتقول كده علشان غيران منه بس

جاسر:غيران ماشي يا أستاذة نرمين انا حبيت أنصحك بس

بس هيجي يوم والأيام هتثبتلك إن كلامي صح وهترجعي تترجيني إني أسامحك وحبي اللي انتي رفضتيه هيجي يوم وتتمني ربعه ومش هطوليه عن إذنك

باك

نرمين:كان معاك حق ياريتني سمعت كلامك ياريتني كنت قبلت حبك ليا ياريت الزمن يرجع يارب أرجوك أمنحني فرصة تانية يارب أرفع عني غضبك وبلائك يارب خمس سنين يارب خمس سنين وانا بتعذب وبنهار كل يوم أرجوك يارب ساعدني وأمنحني فرصة أخيرة أرجوك يارب

نرمين سمعت صوت أيه بتعيط قامت بسرعة وراحت أوضتها وحملت ايه بين إيديها

نرمين:ايه يا روحي لا متعيطيش خلاص يا حبيبتي هتبقي كويسة إن شاء الله ربنا هو الحارس وهيحميكي من كل شر يا روحي بس احنا لازم نثق في ربنا أكيد هو اللي هيحميكي وهينقذنا من هنا إن شاء الله

ايه بطلت عياط وضحكت لنرمين

نرمين:حبيبة أمها ديه اللي ضحكتها بتنور يومي يا ناس

♡♡♡♡♡♡♡♡♡♡♡♡♡♡♡♡♡♡♡ عند الاء

الاء:خالتو انا رايحة الدرس عايزة حاجة

مروة:عايزة سلامتك يا حبيبتي

الاء:ماشي سلام

الاء فتحت الباب علشان تروح الدرس بس قبلت مالك في وشها

مالك:واضح أني جيت في وقت غير مناسب

الاء:حضرتك كل أوقاتك مش مناسبة عن إذنك

مالك:رايحة فين

الاء:ما يخصكش

مالك:رايحة فين مش هعيد سؤالي تاني

الاء:وانا قلت مش يخصك

مالك:خلاص مفيش خروج غير لما أعرف

الاء دبدبت برجلها علي الأرض وقالت بغضب طفولي:رايحة الدرس عندك مانع

مالك:اه عندي

الاء:نعععععععععم

مالك دخل وقعد بتكبر وحط رجل علي رجل:أولا صوتك ما يعلاش ثانيا الدرس اللي انتي رايحه ده مش في ولاد وكل واحد هيقعد يبصلك شوية وبعدين ايه اللي انتي لبساه ده

الاء بسخرية:ما له لبسي

مالك في نفسه:حلو أوي

مالك:ضيق أوي روحي غيريه

الاء:لاء مش هغيره وهخرج كده عن إذنك

مالك:انا لحد دلوقتي محترمك لكن كلامي ما يتسمعش هيكون عندي تصرف تاني وأظن عرفاه

الاء:ممكن اعرف ايه مشكلة حضرتك معايا ليه بتعاملني كده حضرتك واصي علينا بس

بس مالكش حق أنك تتحكم فيا بالشكل ده ممكن أفهم ليه بتعمل كده

مالك في نفسه:أجاوبك ازاي وانا نفسي مش عارف الإجابة

مالك:انا واصي عليكي يعني من واجبي أحميكم من كل حاجة تتعرضوا لها

الاء:أنت بتسمي دي حماية

مالك:ايوه إذا كان عاجبك وبعدين ما ينفعش تروحي النهاردة علشان المحامي جاي علشان نفتح الوصية

الاء:ايه

مالك:زي ما سمعتي أعمامك جايين النهاردة علشان نفتح الوصية ياريت تكوني حاضرة

الاء سابته ومشيت و متجهة لأوضتها

مالك:أستاذة الاء

الاء بغضب:أفندم

مالك بأبتسامة:كوباية قهوة لو سمحتي

الاء بصتله بغضب ومشيت

بعد قليل

مالك:اهلا وسهلا أستاذ علاء اتفضل أعرفكم أستاذ علاء المحامي بتاعي

وائل:ونعرف منين بقي مش يمكن مديله رشوة علشان يثبت صحة الوصية

مالك:والله دي حاجة ترجعلكم تصدقوا ما تصدقوش أنتم أحرار أتفضل اقرأ الوصية يا أستاذ علاء

علاء:احم بسم الله الرحمن الرحيم الحمد لله نحمده حمدا كثيرا طيبا مباركا فيه ونصلي ونسلم علي سيدنا محمد وعلي اله وصحبه أجمعين اما بعد انا محمود عبد الهادي أكتب إليكم هذه الوصية و انا بكامل قواي العقلية لو أنتوا شفتوا الوصية دي يبقي انا أكيد ميت دلوقتي أولا الاء وزياد ممنوع تنزل منكم أي دمعة يا حبايبي انا معاكم دايما ومالك هيبقي واصي عليكم انتوا أكيد مش تعرفوه وممكن تكرهوه في الأول بس وعد هتحبوه جدا جدا بعدين انا واثق فيه ده زيكم بالنسبة لي أبني واحدة واحدة هتتعرفوا عليه انا كتبت لك يا الاء انتي وزياد الأرض والبيت اللي في البلد بس لحد ما تكملوا السن القانوني مكتوبين بإسم مالك وبعدين مالك هيحولهم بإسمك مالك يا أبني انا واثق فيك أنك هتحمي ولادي أرجوك ما تخون الثقة دي وربنا يوفقك يارب وما تنساش أنك لازم أنت والاء وزياد ما تفترقوا خلي بالك منهم انا واثق إني عملت راجل راجل بجد هيحافظ علي ولادي ويحميهم

اتمنالك التوفيق يا أبني وخليك واثق أني راضي عنك وراضي عنك يا الاء انتي وزياد لازم تبقوا حاجة كبيرة وتشرفوني كده ربنا يحميكم ويحفظكم من كل شر يارب وختامي بالسلام عليكم ورحمة الله وبركاته

عادل:ايه ده أنت كذاب الوصية دي كذب ازاي محمود يعني يكتب لك الأرض والبيت واحنا ولا حاجة أنت مين يعني أنت كداب

مالك وقف بتكبر:والله تصدق ما تصدق دي حاجة ترجعلك دي الوصية وممكن تاخد منها نسخة لو عايز وتروح عند أي محامي تاني وهو اللي هيثبتلك صحتها غير كده معنديش

وائل:احنا مش هنسكت هنرفع عليك قضية وهناخد حقنا وهتشوف

مالك:😂😂بجد ترفع قضية علي مالك صقر المنشاوي ما أنصحكش علشان هتخسرها من أول جالسة

مرات وائل وهي بتوجه كلامها ل الاء:ما تفتكريش إن الأملاك دي هنخليكي تتهني بيها يوم لا علي أخر الزمن واحدة معوقة زيك عايزة تاكل حقنا

مالك بنبرة عالية:ياريت تلتزمي حدودك احنا محترمنكم علشان أنتوا ضيوفنا بس كلمة تاني ومش هقدر الأحترام ده

عادل: خليك في حالك ووجه كلامه ل الاء لو مش هنعرف ناخد حقنا بالقانون هناخده بالقوة سامعة

الاء بنبرة شبه عالية:ده حقي وحق زياد ومش هسمح لحد ياخد تعب بابا وفلوسه

عادل بغضب:وكمان بتعلي صوتك علينا

ومد إيديه وكان هيضربها بالقلم بس مالك منعه قبل ما يعمل كده

مالك:خلال ثانية واحدة لو ما طلعتوش برا هخلي الحرس يطلعوكم بس بطريقتهم

بعد ما مالك قال كده خافوا ومشيوا بسرعة هما عارفين مين مالك صقر المنشاوي ويقدر يعمل ايه

بعد ما مشيوا الاء طلعت البلكونة وقعدت في الأرض وضمت رجلها وتركت دموعها تنطلق بحرية

مالك دخل وراها:ممكن أفهم بتعيطي ليه محدش هيقدر يعملكم حاجة انا هنا

الاء:بابا واحشني أوي

مالك بأبتسامة:تحبي تروحي له

الاء هزت رأسها بمعني ايوه

مالك:طيب روحي أجهزي

الاء راحت جهزت نفسها ومالك اخدها هي وزياد وراحوا قرأوا الفاتحة لمحمود وهما طالعين

مالك وقف قصادهم وحط إيد ورا ضهره ومد لهم إيده التانية زي وقفة الأمراء:احم احم أستاذة الاء أستاذ زياد بعد إذنكم ممكن تمنحوني الشرف وتخرجوا معايا

الاء وزياد بصوا لبعض وهما بيفكروا 🤔

مالك:معنديش وقت للتفكير الصراحة

زياد مد إيده لمالك:انا عن نفسي موافق

مالك:قشطة يا زيزو طب وبالنسبة لأنسة الاء تفتكر هتوافق ولا شكلنا هنخرج من غيرها

زياد:أظن هنخرج من غيرها

الاء بغضب طفولي:كده يا زياد عايز تخرج من غيري

زياد:لا أكيد بهزر وانا أقدر

مالك:جبان قالت لك كلمتين غيرت رأيك عالطول كده

زياد:ممكن توافقي تخرجي معانا هننبسط اوي

الاء:اممممم ماشي موافقة بس ده علشانك أنت بس لأحسن في ناس تانية ممكن تفتكر أنه علشانها

مالك:😂😂الكلام ده عليا انا صح بس عادي مش هتفرق معايا المهم أنك هتخرجي معانا

وركبوا العربية وخرجوا وقضوا وقت جميل مع بعض 😊

⛔Stop⛔

خلصت الحلقة أتمني تكون نالت إعجابكم وطويلة اهي تعويضا عن غيابي الفترة اللي فاتت اتمني تعذروني أحبائي احتمال النشر الفترة القادمة يبقي يومين في الأسبوع احتمال مش أكيد علي حسب الوقت اللي عندي اتفقنا 😊وهكتبلكم في التعليقات موعد النشر قبل ما انزلها علشان تنتظروها إن شاء الله😊

ايه رأيكم في حلقة النهاردة حلوة ولا لا 🤔

تفتكروا أعمام الاء وزياد ممكن ينفذوا تهديداتهم فعلا 🤔

تفتكروا ايه الخطة اللي ممكن يعملها جاسر وسامح لإنقاذ نرمين وولادها 🤔

يا تري ايه هي توقعاتكم في اللي جاي 🤔

شاركوني برأيكم يا حلوين

وشكرا جدا جدا للتعليقات الجميلة اللي بتبعتوها لي بجد بتسعدني جدا جدا أتمني تقولوا لي تعليقاتكم كده عالطول لأنها بجد بتسعدني أوي أوي شكرا ليكم ونستقبل أول و أجمل وأحلي تعليق ونقول ألو 😂😂😂

مع السلامة أراكم الحلقة القادمة أحبائي 👋💝

💝معاقة لكن أعشقها💝

💝بقلم:Alaa Mohamed💝

معاقة لكن أعشقها

الحلقة الثالثة عشر

أتمني تعجبكم

Enjoy

في الصباح

في شركة صقر المنشاوي

مالك في المكتب وبيدور علي أوراق مهم

مالك:إيمان

طلع بره المكتب مش لاقيها

مالك:كريم

كريم:أفندم يا باشا

مالك:إيمان فين لسه مجاتش اتصلي بيها

كريم:الصراحة يا مالك بيه الآنسة إيمان عملت حادثة وهي حاليا في المستشفي

مالك:ايه ومبلغتنيش ليه

كريم:انا حاولت كتيير اقول لسعادتك بس حضرتك بتبقي مشغول وبتقولي مش فاضي

مالك افتكر إن كريم كان بيحاول يقول له علي موضوع بس هو دايما كان بيقول له مش وقته

مالك:امتي وازاي حصل الكلام ده

كريم:أول امبارح سعادتك

مالك:وهي عاملة ايه دلوقتي

كريم:حصلها نزيف في المخ وعملت عملية وقامت بالسلامة بس

مالك:بس ايه

كريم:الدكتور قال للأسف الخبطة عملتلها كسور داخلية في رجلها واحتمال ما تقدرش تمشي تاني

مالك:ايه مفيش حاجة اسمها كده تتعرض علي أكبر دكتور في البلد فاهم ولو محتاجة تسافر بره تسافر إيمان لازم تخف سامعني

كريم:أوامرك يا باشا

&&&&&&&&&&&&&&&&&&&&&&&&&

عند أعمام الاء وزياد

وائل:البت دي مش لازم نسكتلها جايب لنا واحد تتحامي فيه تلاقيها هي اللي جايباه ومزورين الوصية سوا علشان ياكلوا حقنا

عادل:أكيد بس انا مش هسكت أنا هوريها تاكل حقنا ازاي

وائل:هتعمل ايه

عادل:هقولك..................................

&&&&&&&&&&&&&&&&&&&&&&&&&

في إيطاليا

جاسر وهو داخل من باب البيت

جاسر:لقيتها

سامح باستفهام:هي ايه

جاسر:الخطة اللي هتوصلنا لنرمين

سامح:اشجيني بأفكارك اللي هتوصلنا مصر أموات

جاسر:أسمع يا برنس...........................

سامح:ايه الأفكار الجامدة دي

جاسر:طول عمري أفكاري جامدة يا سمسم بس أنت اللي مكنتش بتاخد بالك

سامح:بلاش سمسم دي لأحسن أقلب عليك

جاسر:ماشي يا سمسم

سامح:جااااسر

جاسر:أسف سكت اه صح كنت عايزة اقولك علي معلومة كده عرفتها من فترة بس كنت ما أجلها لحد ما اتأكد

سامح:اممممم ما هي المصايب مش بتيجي غير ورا بعض قول

جاسر:فاكر الواد اللي جه مع أحمد اللي أحمد قال أنه أخوه ده

سامح:ماله

جاسر:فاكر لما قولتلك إن خطيبة مالك كانت متفقة مع واحد اسمه معتز علشان ياخدوا فلوس مالك ويهربوا

سامح:ربنا ينتقم منهم بس مش فاهم ايه علاقتهم بأحمد وأخوه

جاسر:ايه الغباوة دي ده انا طول عمري بقول عليك نبيه وبتفهمها وهي طايرة

سامح:ما هو م القر ده بقيت غبي الحمد لله قول وخلصني

جاسر:اسمع يا سيدي رجالة مالك لما كانوا بيجيبوا معتز علشان يعلموه الأدب في المخزن بتاع مالك في رجالة اتهجمت عليهم وضربوهم وخدوا معتز وهربوا

سامح:وبعدين لخص

جاسر: جايلك في الكلام اهو انا لما شوفت اللي أسمه أدهم ده حسيت أني شوفته قبل كده فبعت لحد في مصر يبعتلي صور معتز والنتيجة

سامح:طلعت مطابقة وإن أحمد أكيد هو اللي عرف إن مالك عرف الحقيقة و باعت رجالته علشان يخطفوه فبعت رجالة تنقذ أخوه من مالك و حجزلوا طيارة علشان يهربه ومالك ميعرفش طريقه

جاسر:الله ينور عليك

سامح:أنت عارف معني الكلام ده ايه

جاسر بتكبر:عارف طبعا إن أحمد وأدهم او معتز أيا كان أسمه في حاجة بينهم وبين مالك

سامح:أو صقر بيه نفسه

جاسر:احتمال

سامح:جاسر انا وافقت أساعدك بس ياريت الموضوع ده مش ينسيك مهمتنا الأساسية

جاسر😏:الموضوع ده هو أساس مهمتنا الأساسية اصلا احنا بس أول ما نوصل لنرمين المهمة كلها هتخلص

سامح:ربنا يستر

&&&&&&&&&&&&&&&&&&&&&&&&&

في المستشفي

دكتور أدم وهو داخل أوضة إيمان علشان يطمن عليها

أدم بأبتسامة:مساء الخير

إيمان بإبتسامة:مساء النور

أدم:عاملة ايه النهاردة أحسن من الأول ولا لسه في حاجة بتوجعك

إيمان:انا الحمد لله كويسة بس مش عارفة رجلي وجعاني أوي مش قادرة حركها

أدم:ده شئ طبيعي علشان الكسور اللي في رجلك

إيمان:ربنا يسامحه اللي كان السبب لو أشوفه كنت خنقته بإيدي

حسام:ما تخافيش هياخد حسابه أكيد اتقبض عليه امبارح

إيمان:بجد الحمد لله كنت عارفة إن ربنا هياخد لي حقي

والدة إيمان سماح:ربنا ينتقم منه ويقعد علي كرسي زي ما قعدك يارب

إيمان:ايه يقعد علي كرسي دي يا ماما وقعدني علي كرسي ازاي ولا يعني علشان رجلي لا ما تخافيش ده كله كسر بسيط يخف وهقوم اجري لكم زي الحصان ما تستعجليش

سماح بدموع:عارفة يا حبيبتي

إيمان:بتعيطي ليه بس ما تخافيش هبقي كويسة إن شاء الله

سماح:إن شاء الله

حسام مسح دمعة كانت خلاص هتنزل من عينه بحرية:ايه يا جماعة قلبناها نكد ليه كده لا انا مش بتاع الكلام ده انا أحب الفرفشة بلاش تنكدوا علينا كفاية النكد اللي قضيناه الكام يوم بسبب الأنسة

إيمان بغضب طفولي:انا سبب في نكدكم ماشي اطلع بره بقي وياريت متجيش هنا تاني مش عايزة أشوفك

حسام:انا قلت أنسة انتي أنسة

إيمان:امال انا ايه

حسام:أنتي طفلة يا حبيبتي أنتي أكبر طفلة في الوجود

أدم حس بضيق لما لقي حسام بيقولها كده مش عارف ليه فقرر إنه ينسحب بسرعة قبل ما حد ياخد باله

أدم:طيب عن أذنكم ألف سلامة عليكي يا أنسة إيمان

إيمان:الله يسلمك يا دكتور

أدم خرج وأول ما خرج اتنفس بحرية كأنه كان غرقان وقطع النفس وحد أنقذه وخلاه يرجع ياخده تاني بحرية

أدم في نفسه:ليه ليه بحس الإحساس ده أول ما تكلمني قلبي يدق وأول ما أخوها دلعها حسيت إن حد بيخنقني وكاتم علي نفسي مع إنه أخوها مش حد غريب اااااه ياربي ياريت تديني إشارة إشارة واحدة بس تبين لي سبب اللي انا فيه ده

الممرضة:دكتور أدم

أدم:.........

الممرضة:دكتور أدم ثم قالت بنبرة سدشبه عاية قليلا يا دكتور

أدم:ايه في ايه حد يخض حد كده

الممرضة:انا بقالي ساعة بنادي علي حضرتك وحضرتك مش بترد فضطريت أني أعمل كده بعتذر

أدم:اخلصي عايزة ايه

الممرضة:في واحد تعبان جدا ودكتورة لبني مش موجودة فممكن حضرتك تشوفه

أدم:ماشي روحي وانا جاي

&&&&&&&&&&&&&&&&&&&&&&&&&

الاء:خالتو انا هنزل أجيب حاجة من السوبر ماركت وجاية بسرعة

مروة:ماشي يا حبيبتي متتأخريش

الاء:حاضر

الاء نزلت علشان تشتري حاجة من السوبر ماركت وهي طالعة قابلت توفيق أبن عمها

الاء:توفيق اذيك

توفيق:وليكي عين تقولي لي أذيك لعد ما أخدتي حقي وحق أبويا وأخواتي وعمي وولاده ليكي عين

الاء:ياريت تحترم رابط القرابة اللي بينا

توفيق بسخرية:قرابة وأنتي كنتي أحترمتي القرابة دي أحترمتيها لما أكلتي حقنا أحترمتيها لما جبتي واحد يهنا ويقلل من قيمتنا ويهددنا أحترمتيها ها فين القرابة دي القرابة دي أنتي قطعتيها من ساعة موت والدك كأنك ما كنتي مصدقة انه مات علشان تأكلي حقنا وتهنينا في بيتنا بس احنا مش هنسكت علشان مش احنا اللي يتاكل حقنا مش احنا اللي نسكت علي الإهانة وفاجأة من غير سابق إنذار لقت حد بيشدها ويدخلها جوا عربية وخدرها

&&&&&&&&&&&&&&&&&&&&&&&&&

وبعد ساعة

مروة بخوف:يارب استر يارب يارتني ما كنت نزلتها اعمل ايه دلوقتي اه هتصل بأنس وهو هيعرف يتصرف أكيد

مروة جابت التليفون واتصلت بأنس ومش بيرد

مروة:يا ربي يا أنس رد بقي طب هعمل ايه دلوقتي اتصل بمالك لاء لاء بس مش قدامي غيره هتصل بيه وخلاص

مروة اتصلت بمالك

مروة:الو أكلم أستاذ مالك

كريم:عنده أجتماع حاليا

مروة:معلش لازم اكلمه ضروري انا خالة الاء وزياد ولازم اكلمه في موضوع ضروي ممكن تديله التليفون بسرعة لو سمحت

كريم حس إن فيه حاجة ضروري ومهمة جدا من صوتها وقلقها

كريم قرب من أذن مالك :مالك باشا أستاذة مروة علي التليفون وعايزة تكلمك وبتقول الموضوع ضروري

مالك شعر بخوف: امم طيب هات التليفون

كريم:اتفضل

مالك:عن إذنكم عندي مكالمة ضروري اعذروني خمس دقايق

مالك:الو

مروة بدموع:مالك الحقني الاء نزلت بقي لها ساعة ولسه مش رجعت

مالك بنبرة عالية تجعل كل من بالاجتماع ينظرون إليه:ايه الكلام ده هو انا مش هنبه عليها قبل كده ما تنزلش غير ما تقولي

مروة:هي قالت لي نازلة السوبر ماركت اللي علي أول الشارع لقيتها اتأخرت قلت يمكن راحت لفريدة شوية بس دلوقتي بتصل بيها تليفونها مقفول

مالك:ماشي سلام دلوقتي انا هتصرف

مالك:معلش يا جماعة الأجتماع هيتأجل لظروف طارئة اعذروني

وطلع مالك من غرفة الأجتماع

مالك وهو متجه لعربيته بيوجه كلامه لكريم:هو انا مش قلت إنه يتم تعيين حراسة عند البيت

كريم:حصل سيادتك

مالك:امال ايه فين البهايم اللي عينتهم قسما عظما لو حد لمس منها شعرة لأدفعكم التمن غالي

مالك ركب العربية وراح بسرعة علي بيت مروة

امام بيت مروة

مالك بعصبية:تقدروا تفهموني انتوا شغلتكم ايه هنا عمتا حسابي معاكم بعدين

مالك بنبرة شبه عالية:كريم

كريم:أفندم يا باشا

مالك:في ظرف عشر دقايق تسجيلات الكاميرات بتاعة السوبر ماركت تكون قدامي

كريم:اوامرك

بعد عشر دقائق كريم جاب تسجيلات الكاميرا لأخر ساعتين

مالك جاب اللابتوب وشغل التسجيلات وشاف فعلا إن الاء دخلت السوبر ماركت وبعد ما قابلت واحد ووقفت معاه وبعد شوبة جت عربية واخدتها في اللحظة دي مالك كان دمه بيغلي

مالك:مين اللي كانت واقفة معاه ده

مروة بصدمة:ده توفيق أبن عمها

مالك:أبن عمها يبقي هما اللي قرروا يلعبوا مع مالك صقر المنشاوي ووعد نهايتهم هتبقي علي إيدي

⛔Stop⛔

أسفة لأني اتأخرت بس انتوا عارفين كنت مشغولة الفترة اللي فاتت المسابقة وتوتر النتيجة بعتذر اتمني تكون الحلقة عاجبتكم مع السلامة اسفة مش قادرة اقول الكلام الحلو بتاع كل حلقة ده لأني مخنوقة شوية ومضايقة جدا بجد مستنية تعليقاتكم الحلوة لعلها تسعدني قليلا اتمني تكونوا استمتعتوا مع السلامة أحبائي😥

إن شاء الله النشر هيبقي السبت والأثنين والخميس بإذن الله

معاقة لكن أعشقها

بقلم:Alaa Mohamed

معاقة لكن أعشقها💚🌿

الحلقة الرابعة💚🌿

اتمني أن تنال إعجابكم💚🌿

🌿💚Enjoy

مالك جاب اللابتوب وشغل التسجيلات وشاف فعلا إن الاء دخلت السوبر ماركت وبعدين قابلت واحد ووقفت معاه وبعد شوية جت عربية واخدتها في اللحظة دي مالك كان دمه بيغلي

مالك بعصبية:مين اللي كانت واقفة معاه ده

مروة بصدمة:ده توفيق أبن عمها

مالك:أبن عمها يبقي هما اللي قرروا يلعبوا مع مالك صقر المنشاوي ووعد نهايتهم هتبقي علي إيدي

مالك تليفونه بيرن هو مش كان عايز يرد علي حد بس قلبه قال له انه لازم يرد اخده بعصبية

مالك:الو

الاء بعياط:أستاذ مالك الحقني

مالك:الااااء

وائل:لو عايزها سليمة تسمع وتنفذ اللي هقول عليه ولو فكرت تعمل نفسك عبقري هترجعلك جثة تحت رجليك

مالك بعصبية:قسما عظما لو لمست منها شعرة لأدفنك

وائل:تؤ تؤ أسمع بس يا مالك بيه كده وأهدي علشان نعرف نتكلم بعد شوية هيجي المحامي بتاعي هتروح الشهر العقاري وتنقل الأملاك بإسمي وتبعتهم مع المحامي وأول ما يوصلوا هبعتلك الأمورة معززة مكرمة علي البيت

مالك قفل التليفون بعصبية

مالك:كرررريم

كريم:أفندم يا باشا

مالك:الكلام اللي هقوله دلوقتي ده يتنفذ بالحرف الواحد فاهمني

كريم:اوامرك

●●●●●●●●●●●●●●●●●●●●●●●

في إيطاليا

جاسر:جابوها ولا لسه

سامح بابتسامة فخر:في الطريق

بعد قليل

نعمة:سيبوني انا ما عملتش حاجة ربنا يرضي عنك يا بيه سيبني انا ست كبيرة وفي حالي

جاسر:ما تخافيش يا حجة احنا هنقولك حاجة بس وهتروحي عالطول

نعمة بدموع:ايه ده هو أنت مصري

جاسر بإبتسامة:ايوه

نعمة:طب أنت عايز مني ايه الله يرضي عنك سيبني أروح

سامح:احنا هنتكلم معاكي كلمتين وهنروحك متقلقيش

جاسر:في واحدة ساكنة جمبك في العمارة اسمها يمني (نرمين) تعرفيها

نعمة:ايوه ده العمارة كلها عارفاها من صريخها كل يوم جوزها بيضربها وهي بتصرخ وبستنجد علشان يسبها وهو بيعذبها أكتر ده مرة كانت بتسأل عن دواء علشان بنتها كان عندها سخنية راح ضربها ربنا ينتقم منه بس أنت بتسأل ليه

جاسر مع كل كلمة كان بيسمعها منها كان بيبقي فيه سكاكين باردة بتقطع في قلبه طفلته حبيبته صغيرته اللي كبرت قدام عينيه بتصرخ بتتعذب بتستنجد ومفيش حد يساعدها مفيش حد يطمنها مفيش حد يحسسها بالأمان اه يا حبيبتي وعد هاجي اخلصك من الحيوان ده أرجوكي استحملي لحد ما اجي

سامح:علشان عايزين مساعدتك

نعمة بتساؤل:مساعدتي في ايه

سامح:عايزينك تساعدينا نوصل ليمني (نرمين) و ننقذها من إيد المتوحش ده

نعمة:ازاي

سامح:..............................................

نعمة:ايه لاء لاء مقدرش ده جوزها ممكن يموتني لو عرف اللي بتطلبه ده صعب أوي

جاسر بترجي:أرجوكي ساعدينا هي لو كانت بنتك كنتي هتسبيه يعمل فيها كده مش بتصعب عليكي لما بتسمعيها بتصرخ وبتستنجد أرجوكي ساعديها وخدي اللي انتي عايزاه أي فلوس انتي محتجاها أي مبلغ اطلبي و انا هدفعهولك

نعمة:لا يا ابني انا مش عايزة فلوس خلاص انا هساعدكم بس ممكن طلب

سامح:أكيد اتفضلي

نعمة بدموع:انا عايزة أرجع مصر نفسي أعيش أخر أيامي هناك

جاسر مسك إيدها ونزل لمستواها:وعد أول ما نخلص مهمتنا هرجعك معانا مصر

نعمة:ربنا يحفظك يا أبني وإن شاء الله تخلصوا مهمتكم علي خير وترجعوا منصورين بإذن الله

جاسر:إن شاء الله

●●●●●●●●●●●●●●●●●●●●●●●

في المستشفي

داخل أوضة إيمان

إيمان واخدة مسكن ونايمة وسماح وإبراهيم قاعدين جمبها

سماح والدة إيمان:يا عيني عليكي يا بنتي يا تري لما تعرفي اللي حصلك هتعملي ايه بس

إبراهيم والد إيمان:ما تخافيش يا أم إيمان بنتك قوية إن شاء الله هتستحمل

سماح:بنتنا يا إبراهيم بنتنا هتقعد علي كرسي بعجل طول حياتها

إبراهيم:ادعيلها أنتي بس ربنا يشفيها ربنا وحده هو اللي في إيده العلاج مفيش حاجة بعيد عن ربنا

سماح:يارب أشفيها يارب

إبراهيم:يلا تعالي نطلع نقعد بره شوية وسبيها تنام شوية يا عالم لسه الأيام مخبيه لها ايه

سماح بحزن:عندك حق

بعد ما طلعوا إيمان فتحت عينها هي مش كانت نايمة وسمعت كل كلمة قالوها

إيمان:يعني ايه قصدهم أني مش همشي علي رجلي تاني يعني أنا خلاص بقيت عاجزة اه يا ربي يا رب اللي انا فيه ده يكون حلم مش أكتر يارب يكون حلم لاء لاء مستحيل مش هقدر مش هقدر يارب أشوف الناس بتبصلي نظرة شفقة مش هقدر يارب لو ده ما كانش حلم خدني يارب انا عايزة أموت الموت أحسنلي من أني أشوف حد بيبصلي بشفقة يارب أرجوك لو ما كانش حلم خدني يارب مش هقدر أعيش وانا عاجزة وحد يبصلي بشفقة يارب

أدم دخل الأوضة لقي إيمان صحيت

أدم:صباح الخير

إيمان ابتسمت ابتسامة صغيرة من ورا قلبها وما ردتش

أدم:أتمني تكوني أحسن النهاردة

إيمان بسخرية:أحسن أنا من بعد النهاردة عمري ما هكون أحسن

أدم بحزن:ليه بتقولي كده

إيمان بدموع:دكتور أدم قولي بصراحة انا رجلي فيها ايه انا مش هقدر امشي عليها تاني صح

أدم بصدمة وخوف من ردة فعلها: ايه مين اللي قالك كده

إيمان:لو سمحت قولي بصراحة

أدم بحزن:للأسف احنا عملنا جهدنا بس مفيش حاجة بعيد عن ربنا و انا كلمت أكبر دكاترة في مصر علشانك وإن شاء الله هتخفي و تقومي بالسلامة مفيش حاجة بعيد عن ربنا أرجوكي تبقي قوية علشان تخفي وتتعالجي اوعي تتضعفي علشان لو ضعفتي ده هيأثر علي علاجك لو سمحتي

إيمان بدموع:انا خلاص بقيت عاجزة

أدم:لاء متقوليش كده انتي مش عاجزة وانا هكون جمبك ومش هسيبك لحد ما تخفي و عيلتك كمان هيدعموكي صدقيني أرجوكي تبقي قوية وما تستلميش

إيمان:انا عايزة أخرج من هنا

أدم:مش هينفع دلوقتي علشان أنتي لسه تعبانة

إيمان: أنا عايزة أخرج دلوقتي مش قادرة اقعد هنا أرجوك اكتبلي علي خروج

أدم:بس لسه عندك جروح لازم تبقي عندنا شوية لحد ما نطمن عليكي

إيمان بدموع وإصرار:لو سمحت عايزة أخرج مش هقدر أقعد أكتر من كده هنا

أدم:طيب خلاص هخليهم يكتبولك ورق الخروج و إن شاء الله الصبح تخرجي اهم حاجة ما تبقيش زعلانة عن إذنك

و خرج أدم من الغرفة و هو مضايق وراح مكتبه وقعد علي الكرسي وبدأ الحوار بين عقله وقلبه

قلبه❤:مستعجلة علي الخروج ليه مش فاهم

عقله🧠:و أنت مالك دي مجرد مريضة عادية مهتم بيها ليه لدرجادي عادي ما أنت عالجت مرضي كتييير اشمعنا مهتم بيها سيبها تخرج وأنت مالك

أدم لعقله🧠:عندك حق

قلبه❤:لاء غلط مش عنده حق أنت مش عايزها تخرج علشان أنت بتحبها وعايزها قريبة منك عالطول وعايز كل يوم الصبح تشوفها وتملي عينك منها ومن ضحكتها ومن عيونها بس مش عايز تعترف أنت لازم تساندها وتدعمها وخصوصا بعد ما عرفت موضوع رجلها هتسيبها تنهار يعني وتضعف

أدم لقلبه❤:صح أنا لازم اساعدها وأقف جمبها مستحيل أسبها تنهار هي محتاجه لي

عقله🧠:هتحتاجلك ليه أهلها جمبها

قلبه❤:بس أنت لازم تفضل جمبها و تساعدها لحد ما تخف لازم تساعدها هي هتحتاجك هتحتاج الحب هتحتاج حد يطمنها ويحميها أنت لازم تكسب قلبها لازم تخفف عنها

أدم بعصبية😡:بببببس اسكتوا انا عارف هعمل ايه مش عايز اسمع صوت انا اخدت القرار خلاص انا بحب إيمان وهفضل جمبها ومستحيل اسبها وهي كمان هتحبني برضاها أو غصب عنها

●●●●●●●●●●●●●●●●●●●●●●●

عند الاء محبوسة في أوضة ضلمة مش فيها غير نور من شباك صغير

الاء بدموع:يارب انقذني يارب و احميني يارب من كل شر يارب مالك يقدر يوصلي قبل ما يعملوا فيا حاجة صحيح انا بكرهه بس هعمل ايه مفيش حل غيره

وفاجأة بابا الأوضة اتفتح و دخل عمر ابن عادل عم الاء

عمر بمكر وهو بيقرب من الاء:اهلا اهلا وأخيرا جيتي ده انا مستنيكي من بدري أوي

(عمر ابن عادل عم الاء وهو أكبر منها بسنتين )

الاء:لو سمحت ابعد عني

عمر:ليه بس و هو اللي اسمه مالك ده أحسن مني في ايه يعني جايبه واحد غريب بينا وبتقولي واصي عليكي ويحميكي وانا هنا انتي صحيح معوقة بس جمالك حاجة كده جنان

الاء بخوف بتحاول تداريه:لو سمحت ما تتجاوزش حدودك

عمر بمكر و هو بيقرب من الاء:و أنتي لسه شفتي تجاوز حدود

في اللحظة دي دخل توفيق

توفيق:في حاجة يا عمر

عمر بتوتر:لاء مافيش

توفيق:امال ايه اللي جابك هنا

عمر:كنت جاي اسألها لو عايزة حاجة

توفيق:لاء مش عايزة ولو عايزة انا هجيب لها ياريت مالكش دعوة بيها وياريت مش أشوفك هنا تاني

عمر طلع و هو مضايق و مخنوق علشان توفيق قطع عليه اللي كان هيعمله👿

توفيق ل الاء:انا جاي اقولك تجهزي نفسك أول ما المحامي يجيب الورق اللي هيبقي في الأملاك بعد ما طبعا هتكون اتكتبت بإسمنا و كل واحد اخد حقه المأذون هيجي علشان نتجوز جهزي نفسك يا عروستي

توفيق خرج و قفل الأوضة علي الاء

وأول ما خرج الاء بدأت تنهار حست خلاص روحها بتتطلع

الاء بدموع منهارة:اه يا ربي ارحمني يارب و انقذني من هنا يارب يارب مالك يجي يارب ماااااااااااالك أرجوك تعالي أنت قلت هتحميني فين وعدك انت مش قلت أنك هتحمينا أرجوك تعالي خدني من هنا مالك أرجوك تعالي يارب يارب احميني يارب يارب مالك يجي يارب

الاء فضلت تعيط و تدعي لحد ما دماغها صدعت ونامت

⛔Stop⛔

خلصت حلقة النهاردة اتمني تكون نالت إعجابكم 😊

يا تري ايه الخطة اللي جاسر و سامح هيعملوها ونعمة هتساعدهم ازاي و في ايه🤔

يا تري مالك هيقدر ينقذ الاء🤔

يا تري إيمان بعد ما عرفت اللي حصل في رجلها هتعيش حياتها ازاي بعد كده وايه اللي هيحصل 🤔

يا تري ايه توقعاتكم🤔

شاركوني برأيكم وتعليقاتكم الجميلة ولو في أي حد عنده أي نقد للحلقة خاصة والرواية عمتا اهلا وسهلا بيه ده شئ يسعدني جدا ان حد يقدملي نصيحة شكرا ليكم وشاركوني برأيكم عايزة أشوف تعليقاتكم سواء نقد او تشجيع 😊

و شكرا شكرا جدا للناس اللي دعت لي لما كنت مخنوقة المرة اللي فاتت بجد شكرا أحبائي بحبكم جدا جدا أنتم عايلتي التانية بجد عيلتي اللي بتدعمني و تشجعني شكرا أحبائي شكرا عائلتي الثانية ❤❤❤❤❤❤❤❤❤❤❤❤❤❤❤🧡🧡💛💛💚💚💙💜🤎🤎🤍

مواعيد النشر بإذن الله السبت والأثنين والخميس💚🌿

ممكن تصوتوا ☆للحلقة فضلا وليس امرا😊

مع السلامة أحبائي💚🌿

معاقة لكن أعشقها💚🌿

بقلم:Alaa Mohamed💚🌿

معاقة لكن أعشقها 💝

الحلقة الخامسة عشر 💝

أتمني أن تنال إعجابكم 💝

Enjoy 💝

في المستشفي

سماح والدة إيمان: أهدي يا حبيبتي ما تعمليش في نفسك كده

إيمان بدموع منهارة: انا بقيت عاجزة بقيت عاجزة يا ماما حلمك أنك تشوفيني عروسة خلاص اتحطم وبقي رماد

إبراهيم والد إيمان : ليه بتقولي كده بس يا حبيبتي إن شاء الله هتتجوزي و تبقي عروسة زي القمر

إيمان: أتجوز وابقي عروسة ازاي وانا خلاص بقيت عاجزة يا بابا بقيت عاجزة تقدر تقولي مين هيرضي يتجوز واحدة عاجزة تقدر تقولي

إبراهيم بدموع ضم إيمان لحضنه:ليه بتقولي كده بس ده أنتي ألف واحد يتمناكي يا حبيبتي

حسام بزعيق😡:أنتي مش عاجزة ولا حاجة قريب أوي هتعملي العملية و هترجعي زي الأول بلاش هبل

أدم جه بسرعة أول ما الممرضة بلغته بحالة نرمين و انهيارها

أدم:لو سمحتم اطلعوا بره مينفعش كده...كده حالتها هتسوء اطلعوا بره من فضلكم

بعد ما طلعوا بره

أدم:لو سمحتي ممكن تهدي وإلا هضطر أديكي منوم أهدي

إيمان هديت شوية

أدم:ممكن نتكلم شويه

إيمان:انا مش عايزة حد يتكلم معايا انا عايزة أموت مش عايزة أعيش مش عايزة أشوف نظرة الشفقة اللي في عيون الناس تجاهي ولا عايزة أشوف حد بيعايرني ويقولي يا عاجزة ولا يا مشلولة ولا يا معاقة مش هقدر مش هقدر أنا عايزة أموت يارب خدني و ريحني من العذاب ده يارب

أدم: أنتي لازم تبقي قوية و تتغلبي علي المصاعب اللي هتواجهك مش لازم تبقي ضعيفة لازم تواجهي الحياة كل واحد فينا بتقابله مصاعب يومية في حياته القوي بس هو اللي هيقدر يتغلب عليها و يعيش حياته سعيد اما الضعيف اللي مش هيقدر يواجه مشاكله المشاكل دي ممكن تزيد وتسبب له اكتئاب و هيعيش بقيت عمره خايف،حزين و وحيد أنا هديكي منوم دلوقتي نامي و أهدي و بلاش تفكري بسلبية كوني إيجابية و خدي الموضوع ده إنه اختبار من ربنا ليكي علشان يشوف قوة صبرك و إيمانك بيه

أدم إيداها المنوم و أول ما اتأكد انها نامت طلع من الأوضة أدم أول ما طلع قابل أهل إيمان

إبراهيم:طمني يا دكتور إيمان بنتي مالها

أدم بأسف:للأسف مضطرين نلجأ للحل اللي مش كنا عايزين نلجأ له بس للأسف مفيش غيره

حسام بإستفهام:اللي هو ايه

أدم:الطب النفسي

سماح بصدمة:ايه يعني بنتي بقت مجنونة خلاص يا دكتور

أدم بتوضيح:مش معني إن الشخص يروح عند دكتور نفسي يبقي هو مجنون كلنا مرضي نفسيين بس بمراحل إيمان محتاجه دكتور نفسي يشخص حالتها علشان نعرف نعالجها بطريقة صحيحة و تقدر تتعدي المرحلة دي انا كلمت دكتور زميلي و قالي إنه هيتابع حالتها بنفسه ما تقلقوش

حسام:كتر خيرك يا دكتور تعبناك معانا

أدم:مفيش و لا تعب و لا حاجة عن إذنكم

سماح بدموع بتدعي ربنا:يارب يارب بنتي تقوم بالسلامة يارب

◇◇◇◇◇◇◇◇◇◇◇◇◇◇◇◇◇◇◇◇

في إيطاليا

في بيت الحجة نعمة

سامح:احنا أسفين جدا يا حجة جينا و عملنا لك إزعاج

نعمة:إزعاج ايه يا أبني ما تقولش كده ده انتم منورين البيت

جاسر بأبتسامة:ده بنورك يا أمي

وفجأة وهما قاعدين سمعوا صوت بيصرخ من الشقة اللي جمبهم

جاسر قام مفزوع من الصوت:نرمين

نعمة:حسبي الله ونعم الوكيل فيه اهو كل يوم من ده

جاسر:و الله لأدفنه بإيدي

وكان لسه هيقوم يخرج و هو مندفع لبيت نرمين سامح مسكه بسرعة

سامح:لاء أهدي كده هياخد جزاءه بس في الوقت المناسب أهدي علشان الخطة ما تفشلش

جاسر سمع كلام سامح و قعد يفكر بهدوء علشان ما يعملش حاجة يندم عليها بعد كده

سامح قعد جمبه:أهدي علشان تعرف تتصرف وعد مني ليك هنجيب حقها وندمه علي كل يوم كان بيعمل فيها كده

جاسر بتوعد لأحمد:وعد أول ما أمسكه هخليه يتمني الموت و ما يطلوش

و بعد شوية سمعه صوت الباب اللي بيخص شقة أحمد ونرمين اتفتح واتقفل أول ما سمعوا صوت الباب عرفوا إنه أحمد هو اللي خرج لأن نرمين مش بتخرج يبقي مفيش غيره أكيد

سامح بأبتسامة:يلا دي فرصتنا

جاسر اومأ برأسه بمعني نعم إنها الفرصة

راحوا علي المطبخ ونطوا من شباك مطبخ الحجه نعمة إلي شباك المطبخ الخاص بنرمين

دخلوا بكل هدوء و حاولوا إنهم ما يظهروش في الكاميرات قبل ما يعطلوها سامح طلع الجهاز اللي معاه وعطل الكاميرات اللي بداخل المطبخ وجاسر مسك كوباية ورماها علي الأرض علشان نرمين تسمع وتيجي بسرعة تشوف اللي وقع علشان طبعا هما ميقدروش يخرجوا علشان هما كانوا محددين الكاميرات اللي بداخل المطبخ بس من خلال نافذة شباك المطبخ الذي يخص نعمة لكن باقي البيت لاء

نرمين كانت واقعة علي الأرض من الضرب كالعادة وهي بدموع منهارة وأول ما سمعت صوت حاجة اتكسرت في المطبخ قامت وهي بتقاوم الوجع اللي في جسمها علشان تشوف لأحسن يكون حد من الولاد حصله حاجة

وأول ما وصلت المطبخ شافت الكوباية مكسورة علي الأرض وفجأة لقت حد بيكتم بوقها م

نرمين برعب:امممممم امممم

جاسر وهو لسه كاتم بوقها علشان مش تصرخ:بس بس أهدي

و شال إيده من علي بوقها

نرمين وهي بتحاول تاخد نفسها:أنت مين سيبني

جاسر:هسيبك بس أهدي وأسمعي

نرمين أومأت برأسها بمعني ماشي و جاسر لفها ليه بهدوء نرمين أول ما شافته حلت الصدمة علي وجهها

نرمين بصدمة وبفرح مخالط دموع:أنت أنت جااا جا

جاسر بإبتسامة:ايوه انا جاسر

نرمين مدت إيدها لوجه جاسر لكي تتأكد من وجوده:جاسر أنت جاسر أنت هنا صح انا مش بحلم أنت هنا قول لي اللي أنت هنا وده مش حلم

جاسر مسك إيدها اللي علي وجه:ايوه انا هنا مش بتحلمي انا جيت ربنا بعتلي ليكي علشان أنقذك من إيد المتوحش ده

نرمين ضمت جاسر لحضنها جامد

نرمين بدموع:أرجوك أوعي تسبني انا تعبت أوي

جاسر ضمها أكتر بتملك:عمري ما هسيبك

نرمين بدموع:يارتني كنت سمعت كلامك و ما تجوزتهوش ياريتني

جاسر:مفيش فايدة من الكلام ده دلوقتي

نرمين بدموع:جاسر انا بتعذب كل يوم كل يوم من خمس سنين بشوف كل ألوان و أشكال العذاب كل يوم حاجة شكل

جاسر:بس بس أهدي إن شاء الله كل العذاب ده هتخلصي منه قريب

نرمين بفرحة:بجد امتي

جاسر وهو بيمسح لها دموعها:قريب قريب أوي

سامح :هو الجو الرومانسي ده هيخلص امتي علشان عندنا شغل

جاسر بصله بغضب:بس يا بارد

وبعد شوية من الكلام الكتيير اللي نرمين كانت بتحكيه لجاسر كأنها ما صدقت تلاقي حد تقوله ايوه ايوه انا اللي اتوجعت سنين انا اللي كنت بشوف العذاب ألوان انا اللي تخليت عن الحب وقولت له امشي روح مش عايزاك انا اللي رحت للنار اللي حرقتني سنين وسنين انا اللي قلت للعذاب اهلا بيك انا اللي تخليت عن السعادة والحب والحياة ايوه انا انا الغبية اللي اتخدعت بنظرة واحدة من شخص كاذب خدع قلبي و موته في اليوم الف مرة انا اللي اتخدعت بكلمة حب مذيفة انا الموجوعة انا المخدوعة انا الندمانة أنا اللي سبت ااجنة ورحت النار برجليا

مع دل كلمة مع كل حرف جاسر قلبه كان بينزف كان بيتقطع من الوجع حبيبته وصغيرته كانت بتشوف العذاب ده كله كان بيندم وبيعاتب نفسه مع كل كلمة مع كل حرف انه ما منعهاش بالقوة واخدها خطفها حتي لو بالغصب علي الأقل ما كانتش هتتعذب العذاب ده كله ما كانتش هتتألم

بأختصار هما الأتنين نفسهم يرجع الزمن يرجع الوقت علشان يختاروا الصح يرجعوا اللي كان كلنا نفسنا يرجع الزمن كلنا بنقول لو كنت اخترت ده لو كنت عملت ده ما كانش هيحصل اللي حصل كل إنسان غلط غلطة وندم عليها بيقول ياريت ياريت يرجع الزمن علشان أصلح الغلط ده علشان ارجع اللي انا عملته واصلحه بس للأسف عزيزي القارئ عمر الزمن ما هيرجع إلا بإرادة الخالق عز وجل فاختر قراراتك بحرص و تفكير عميق لكي لا يأتي يوما ما وتقول ياريت لو يرجع الزمن ياريت لو كنت عملت كذا ياربت لو اخترت ده أختر قرارتك بحرص نرجع بقي للرواية

سامح:جاسر يلا بسرعة أحمد وصل

جاسر:يلا سلام مؤقتا وعد هاجي لك تاني

نرمين:ماشي سلام بس أرجوك خلي بالك من نفسك

جاسر أومأ لها برأسه وأبتسم ثم ذهب هو وسامح كما جاءوا من طريق النافذة

◇◇◇◇◇◇◇◇◇◇◇◇◇◇◇◇◇◇◇◇

في المخزن القديم

شعبان المحامي:ااه خلاص مش قادر أرجوك يا مالك بيه سيبني انا معرفش حاجة معرفش

كريم:مالك بيه العيال اللي كانوا بيراقبوا سعادتك وصلوا

مالك😈:دخلهم علشان حابب أرحب بيهم ترحيب خاص

كريم دخلهم بس طبعا كانوا مضروبين وما فيهم حتة سليمة 🤕

واحد منهم:مالك باشا أحنا أسفين مستعدين نعيش جزم تحت رجليك بس أرجوك سبنا نمشي

مالك:ههههههه لا بجد و ما فكرتوش ليه في كده قبل ما تفكروا أنكم تلعبوا مع مالك صقر المنشاوي بس عمتا خلاص أنا هسامحكم

هما:بجد

مالك:بس عندي شرط

واحد منهم:اللي انت عايزه احنا تحت أمرك يا مالك بيه

مالك: الاء فين

كلهم بصوا لبعض و سكتوا

مالك:أظن انا سألت سؤال وعايز إجابته

هما:🤐🤐🤐🤐

مالك:امم طيب انتوا اللي اخترتوا لو الذوق مفيش منه فايدة عندي طريقة تانية وعد هتعجبكم

مالك قام وقلع الجاكت وشمر القميص

وفي ثانية واحدة كانوا هما التلاتة واقعين علي الأرض من أثر ضربة مالك 👊💪

مالك:ها تحبوا نكمل كده ولا هتقولوا بالذوق

واحد منهم:لاء خلاص خلاص هنقول الاء في ...........

مالك:تمام أوي

كريم قول للرجالة تربطهم لحد ما نيجي نشوف هنعمل معاهم ايه

كريم شاور للرجالة علشان تربطهم وذهب هو ومالك وبعض البودي جارد الخاصين بمالك إلي المكان الذي تتواجد به الاء

⛔Stop⛔

حلقة النهاردة خلصت اتمني تكون نالت إعجابكم 💝

شاركوني بتعليقاتكم عايزة أعرف رأيكم سواء نقد أو تشجيع 💝

النشر بإذن الله السبت والأثنين والخميس💝

ياريت ما تنسوش تصوتوا للحلقة فضلا وليس أمرا أحبائي 💝

معاقة لكن أعشقها💝

بقلم:Alaa Mohamed💝

معاقة لكن أعشقها🌹

الحلقة السادسة عشر 🌹

أتمني أن تنال إعجابكم🌹

🌹Enjoy

وصل مالك ورجالته علي المكان الذي تتواجد به الاء

مالك يوجه الكلام لرجالته:انا هنط من علي السور علشان أنقذ الاء وأنتم خليكم جاهزين عند الإشارة

كريم:أوامرك

مالك نط من علي السور بمنتهي السلاسة والرشاقة

ودخل البيت بكل هدوء وطلع الدور اللي فوق كان في غرفة في أخر الممر وكانت مقفولة بحرص وكمان كان خارج منها صوت بكاء أول ما سمعه قلبه دق بعنف راح بسرعة وحاول يفتح الباب وفتحه ودخل وأول ما دخل كانت الصدمة 😲

💐💐💐💐💐💐Alaa💐💐💐💐💐💐

عند مروة التليفون بيرن جريت بسرعة علشان تشوف لو في أخبار جديدة عن الاء

مروة بلهفة:الو

فريدة:الو ايوه يا طنط انا فريدة صاحبة الاء انا بكلمها علي تليفونها مش بترد ممكن أكلمها

مروة بحزن ودموع:اهلا ازيك يا فريدة الاء مش هتعرف ترد عليكي حاليا علشان هي مش موجودة

فريدة:مالك يا طنط بتعيطي ليه هي الاء حصلها حاجة

مروة بدموع منهارة:الاء اتخطفت يا فريدة

فريدة بصدمة و عدم استيعاب:لاء مستحيل ازاي ايه اللي حصل مين اللي خطفها و خطفها ليه

مروة بحزن:أعمامها خاطفوها علشان الورث حسبي الله ونعم الوكيل فيهم

فريدة بدموع: طب وهنعمل ايه احنا هنسيبهم يخدوها مننا كده يعني

مروة:لا يا حبيبتي إن شاء الله هترجع لنا مالك قالي إنه هيرجعها بإذن الله

فريدة:إن شاء الله يا طنط انا هقفل دلوقتي وأول ما تعرفي حاجة بلغيني لو سمحتي

مروة بحزن:ماشي سلام يا حبببتي

مروة قفلت مع فريدة

مروة بدموع ورجاء لربنا:يارب يا حبيبتي ترجعي بالسلامة يارب رجعها لنا بالسلامة يارب

🌸🌸🌸🌸🌸🌸Alaa🌸🌸🌸🌸🌸🌸

في إيطاليا

سامح:مهمتنا خلاص قربت

جاسر اومأ له براسه بمعني نعم

جاسر:سامح أرجوك لو حصلي حاجة تخلي بالك من نرمين والولاد وتوصلهم لمالك مصر من غير ما حاجة تحصلهم

سامح:ليه بتقول كده أنت اللي هترجعهم لمالك بنفسك و هترجع حبك و تبدأ حياتك من أول و جديد

جاسر ابتسم بسخرية:حبي و حياتي اللي هما فين دول مستحيل طبعا مستحيل حاجة ترجع انا صحيح كان نفسي أشوفها وكنت بتمني المحها بس مش حب ابدا مستحيل قلبي يرجع يدق لها من تاني و حتي لو ده حصل انا همنعه مستحيل أرجع ضعيف تاني مستحيل اسمح لحد يهني و يجرحني من تاني مستحيل

سامح:لا بجد مش حب مش عليا يا حبيبي ده انا سمسم أنت مش كنت شايف لهفتك عليها شوقك ليها ومشفتش أنت حضنتها بتملك ازاي كأنها ملكك كأنك عايز تخبيها من العالم كله

جاسر بإنكار:لاء مش كده ممكن بس علشان احسسها بالأمان اللي بقالها سنين ما شافتهوش بس مش أكتر من كده

سامح:أنت هتجنني صح لو أنت مش بتحبها ليه عايز تحميها ليه بتخاف عليها ليه ها

جاسر:انا عايز احميها علشان هي زي أختي وهي كمان بتعتبرني زي أخوها لكن غير كده لاء ممكن زمان كان فيه حب بس من طرف واحد هي اللي قررت من سنين إن احنا نبقي أخوات وانا هحققلها رغبتها و علاقتنا مش هتتعدي حدود الأخوة

سامح:هتفضل طول عمرك غبي انا غلطان أني بتكلم مع واحد زيك 😒

قولي صح أنت جبت سيرة لمالك عن أخته أو أحمد او كده

جاسر:لاء طبعا مالك مجنون ما ضمنش لو عرف ممكن يعمل ايه ده لو عرف ممكن يجي يهد الدنيا والخطة تفشل

سامح ضحك بسخرية:😂😂😂ده علي أساس أنك أنت اللي عاقل ده أنت أول ما سمعته بيضربها كنت هتبوظ لنا الخطة لولايا لو مكنتش منعتك كنت هتودينا في داهية

سامح بغرور😇 مش عارف انا لو ما كنتش موجود في العالم ده كنتوا هتعملوا ايه من غيري

جاسر 😒:كنا هنعيش عادي زي بقيت الناس اللي خلقهم ربنا أنت بس اللي شايف نفسك علينا

سامح😂:لا بجد شوفوا مين اللي بيتكلم جاسر باشا اللي بيقول كده اللي موقف جهاز المخابرات كلها علي رجل وكل يوم يطردله اتنين تلاتة كأنها هواية عنده

جاسر:خليك في حالك انا اعمل اللي علي مذاجي😝

سامح:😂😂😂هموت و اعرف مين المتخلف اللي عينك في المخابرات

جاسر😒:نفس المتخلف اللي عينك

وفضلوا يضحكوا ويتكلموا ويهزروا كمحاولة منهم في نسيان الخوف من القادم من حياتهم

💮💮💮💮💮💮Alaa💮💮💮💮💮💮

في المستشفي

حسام أخو إيمان واقف خارج غرفة إيمان و يتحدث في الهاتف

حسام:أنت فين يا زفت مش ناوي تيجي تشوف أختك اللي مرمية في المستشفي

حسن:مش هينفع أصلي سافرت

حسام:سافرت امتي و ليه ما قولتليش

حسن:أصل في واحد صاحبي جابلي شغل في فندق واضطريت اسافر

حسام:شغل ايه اللي يمنعك تيجي تشوف أختك وما جتش ليه تشوفها قبل ما تسافر

حسن:ايوه صح كنت جيت علشان أمك تشوف اللي في وشي و تفرج عليا أمة لا إله إلا الله

حسام:ما أنت لو بعدت عن الطريق اللي أنت ماشي فيه ده عمر ما هيحصلك كده بس اقول ايه ربنا يهديك

حسن بخنقة:سلام دلوقتي علشان عندي شغل

حسن قفل مع حسام

شادي صاحب حسن:ايه يا معلم أخوك سمعك كلمتين برضوا من بتوع كل مرة

حسن:ايوه مش فاهم ليه مش عايزني أعيش كل واحد حر في حياته إيمان سابوها تدخل الكلية اللي نفسها فيها وسابوها تشتغل في الشركة اللي اخترتها وحسام دخل كلية هندسة وبقي مهندس كبيير وانا مركون علي الرف مفيش حد بيهتم بيا مفيش حد مهتم انا عايز ايه مفيش حد مهتم انا قد ايه موجوع وبتألم وكل يوم بتعذب مفيش حد مرة فكر يسألني مالك محدش فكر يشوفني موجوع و قال يهون عليا كلهم دايما يلوموني ويوجعوني ويكسروني عمر ما حد فيهم فكر ياخد بإيدي لبر الأمان كل واحد همه نفسه وبس

شادي:ايه يا عم النكد ده نكدت عليا ربنا يسامحك أمسك دي

حسن باستفسار :ايه ده

شادي:ده صنف جديد لسه نازل السوق هيخليك تطير كده وتنسي أي حاجة وجعاك هيخلي مزاجك عالي أوي

حسن خدها منه

حسن:قولي يا شادي أنت ليه بتشرب البتاع ده عايز تنسي ايه مع إن أبوك غني و أنت معاك فلوس تعيشك طول العمر مبسوط

شادي:بيتهيأ لك مش كل حاجة الفلوس في حاجات تانية في حياتنا أهم من الفلوس مليون مرة

حسن:ازاي يعني

شادي:انا صحيح معايا فلوس الدنيا بس انا مش عايز فلوس انا عايز عيلة نفسي أعيش في جو هادي وجميل مع عيلة هادية مش أم وأب كل يوم بخناقة جديدة أم همها بس لبسها و شكلها وصحابها و منظرها قدام الناس وأخر حاجة تهمها ولادها وأب أهم حاجة مصلحته و شغله ولاده تعبانين مش تعبانين بيروحوا فين بيعملوا ايه ده أخر همه في الحياة

حسن:انا بس اللي نكدي واضح إن أنت كمان شايل ومعبي يا صاحبي

شادي:معبي بس انا لو فضلت اقول اللي جوايا من هنا لحد بكرة عمري ما الوجع اللي جوايا هيخلص ولا عمري هرتاح

حسن:ما تيجي نتغير

شادي:😂😂😂نتغير انت اتسطلت ولا ايه

حسن:انا بتكلم بجد علي فكرة

شادي:احنا لو اتغيرنا هنتوجع أوي

حسن:نتوجع بس المهم إن احنا نتغير ونرجع لحياتنا الطبيعية و نحاول نغير حياتنا ونشتغل وننجح لازم نثبت للناس اللي قالت علينا فاشلة ومش نافعيين في حاجة اللي احنا أقوي منهم واتغيرنا ونجحنا في حياتنا

شادي:عندك حق احنا لازم نتغير بس ازاي اوعي يكون اللي في بالي

حسن:ايوه هو مش قدامنا غيره هنروح المصحة ده الحل الوحيد ومفيش غيره علشان نرجع نقف علي رجلينا

شادي بأبتسامة:عندك حق

حسن مد له يده:بكرة هنروح المصحة اتفقنا

شادي مسك إيده وقال بكل حماس:اتفقنا

🏵🏵🏵🏵🏵🏵Alaa🏵🏵🏵🏵🏵🏵

مالك فتح الباب ودخل وأول ما دخل كانت الصدمة

توفيق:ايه يا مالك باشا اتأخرت أوي بقالي كتيير مستنيك

الاء:مالك

مالك بص ل الاء بصدمة من منظرها الاء كانت واقفة علي كرسي ومتعلق في رقبتها حبل

مالك برعب:الاء

توفيق:تؤ تؤ اهدي يا مالك باشا بلاش تهور لو حاولت تتهور الأمورة دي هتبقي في عداد الأموات

مالك:ايه المطلوب

توفيق:احبك وانت فاهمني كده اولا لازم تخلي رجالتك تسيب المحامي ورجالتنا اللي أنت خطفتهم أنا كنت متوقعك أذكي من كده بس للأسف طلعت غبي خطفت المحامي واتهجمت عليه ده غير الناس اللي كانوا بيراقبوك برضوا عملت معاهم نفس الحركة بس اللي أنت مش عملت حسابه أني حطيت ناس تانية يراقبوا الناس اللي المفروض يراقبوك شوفت بقي أني أذكي منك

مالك:عندك حق انا طلعت غبي بس مش أغبي منك

توفيق بخوف بيحاول يداريه:يعني ايه

مالك:عايزك تعد من واحد لتلاتة كده وبعديها هتعرف انا قصدي ايه يلا عد يا توفيق

توفيق :لو فاكر نفسك بتستغل وقت تبقي غبي

مالك:ابدا الصراحة انا معنديش وقت علشان أضيعه معاك يلا عد ايه شكلك مش عايز تعد خلاص أعد انا ولا يهمك واحد......... اتنين .......تلاتة

وفي لحظة واحدة مالك ضرب توفيق علي رأسه جابه علي الأرض وفقد الوعي

بس من أثر الضربة الكرسي اللي الاء كانت واقفة عليه وقع بس مالك مسكها بسرعة قبل ما الحبل يشتد وتتخنق وتموت ورفعها وفك الحبل من علي راقبتها وشالها بين إيديه وطبعا هي كانت مغمي عليها من الصدمة هي خلاص كان في اعتقادها إنها هتموت فاستسلمت للموت

مالك نزل بعد ما رجالته رشوا البيت بمواد منومة بتخلي أي حد يشمها ينام في ظرف دقيقة مالك لبس المسك علشان مش يشم الريحة ولبس واحد كمان ل الاء خوفا منه إنها تتأذي بسبب الريحة

كريم:مالك باشا العربية جاهزة

مالك:تمام انا هاخد الاء المستشفي وطبعا أنت عارف هتعمل ايه

كريم بأبتسامة ثقة:طبعا

مالك راح العربية نيم الاء ورا وركب وساق بأقصي سرعة

⛔Stop⛔

خلصت الحلقة اتمني تكون نالت إعجابكم 🌹

في حد سألني سؤال الحلقة اللي فاتت وحابه اجاوب عليه علشان الناس كلها تبقي عارفة

السؤال هو ليه مالك خطف المحامي ليه مش راقبه مثلا

الإجابه هي مالك لو كان مثلا ما خطفش المحامي كده وكان راقبه مثلا كان المحامي هيجي وكان مالك هيضطر يكتب له الورق اللي فيه الأملاك وكان ممكن المحامي بكل سهولة يهرب وهما يخطفوا الاء وتمشي بعيد عنه وميعرفش يوصلها وكده ما استفدش حاجة اداهم الورق وعليه الاء هدية هتقولولي طب ليه ما هو ممكن كان يضحك عليه ويكتبله ورق مزور صح معاكم حق بس هو ميقدرش يعمل خطوة زي دي هو ما يضمنش ممكن يعملوا ايه في الاء لو عرفوا إن الورق مزور هو ابدا ميقدرش يضحي بيها اتمني تكون الإجابة وصلت

ولو حابين أوضح أي حاجة تاني أو حابين تسألوا علي حاجة ده شئ يسعدني جدا جدا أتشرف بأسئلتكم الجميلة دي وبالنسبة لموضوع مالك والمحامي هوضحه أكتر من كده في أحداث الحلقات القادمة إن شاء الله

وبالنسبة للناس اللي بتقولي الحلقات صغيره وكده أنتوا عارفين انا الحلقة الواحدة بس بتاخد معايا يوم كامل كتابة أنا بكتب مية سيناريو وأكتب حاجة وأرجع اقرأ الفصل الاقي حاجات لاء مش نافعة أروح مسحاها وأعيد الكتابة أنتوا متعرفوش انا بتعب قد ايه علشان تطلع الرواية بالأبداع ده

ده غير الحاجات التانية اللي بعملها الشعر والألقاء والرواية وغيره وأسفة مش بلحق أرد علي التعليقات كلها بس مشغولة جدا جدا والله اتمني تعذروني و شكرا جدا جدا علي تعليقاتكم الجميلة دي بجد بتسعدني أوي اوي ولو في حد عنده سؤال او نقطة عايزني أوضحها يقول وأكيد انا هوضح كل حاجة

شاركوني برأيكم 🌹

ما تنسوش التصويت للحلقة فضلا وليس أمرا🥺

مع السلامة أحبائي أراكم الحلقة القادمة 🌹

معاقة لكن أعشقها 🌹

بقلم:Alaa Mohamed🌹