رواية معاناتي بسبب يتيم الفصل الرابع 4 - بقلم Renad.m

الجزء الرابع

مساء الخير متابعيني الاعزاء اتمنه لكم قراه ممتعه

البارت الرابع

🌺معاناتي بسبب يتيم 🌺

🌹 للكاتبه رونق🌹

صبح الصبح كعدت ع مي نذب ع وجهي

بت خالي الخبيثه طلعت تريد تكعدني

كعدت مرعوبه وصرخت كمت اركض

وراه والكل يضحك علينه

كوت كعدت ماشبعت نوم نمت متاخره

غسلت لكيت ماما مسويتلي ريوك

كعدت تريكت

وبدلت اتفقنه منو يروح وياي

صارت الساعه ب 10 رحنه لصالون اني

وخالتي وبنت خالتي واختي. ورحنه

هوست الصالون هواي بنات قبلي

ضليت كاعده انتضر لمن يجي سراي

اباوع البنات شلون قبل المكياج وشلون

بعد تصير شكل ثاني بنيه خطيه بعده

طفله ضليت صافنه وشلون فرحانه

ومكيفه تعجبت عليه لمن سمعت

ام صالون كلتبه شكد عمرج كلتله 14

سنه كالتله امج ماعده خبره وزوجتج

كالتله امي شعليه اني اريد ازوج واحبه

ويحبني كال الي بالصالون ضلن صافنات

عليه وع لسانه كالتله منين عرفتي وحبيتي

كالتله شافني بزواج ابن عمي وهو

صديق ابن عمي كالتله شكد عمره كالتله

31عزه كله صافنه عليه ولبنيه مكيفه

طلع ضابط

كالتله الله يسعدكم

كل البنات مبينه الفرحه ع وجوهم

وكلمن تحجي ع خطيبه وفتره

الخطوبه وين طلعت وشجابله

ابتعدت عنهن خفت وحده تسالني

وانحرج الكل فرحان

اله اني حاسه ضوجه فول

من الهوسه موبايلي يدك مادري بي

شفته طلعت هدئ سالتني شوكت

اطلع من الصالون حته يجون

كتله بعدني ماواصلني السره فد شوي

وتبلش بيه كالت يله اروح ابدل

ضجت من الانتضار ودوخه وكله

تسولف وراه وصلني السره

سلمت نفسي لام الصالون وسالتني

لون بدلتي حته تسوي لمكياج بلونه

بدت بيه سالتني ع التسريحه

والمكياج البنيه مجربينه ذوقه حلوه

كلتله ع ذوقج

تعبت حيل كملت  ولبست البدله

واخذت صور يمه

من خلصت يله شفت نفسي الصراحه

تعجبت ع نفسي صدك طلعر غير شكل

فرحت بنفسي شكل ثاني طلعت

خابرنه ع اخويه اجه اخذنه

رحنه لتصوير اخذت صور

وراه  رحنه  للقاعه

لكيت قليل مو هواي جاين لان بعد وقت

بس اهلي وخالتي وعماتي

وراه بد الناس تجي واجو اهل ليث

شفت الفرحه بعيونهم جاي وياهم

صفاوي  حبيبي شكد مشتاقتله بس السافل

كام يبجي من عندي معرفني لان المكياج

يكلب الشكل حته الجكمه تطلع ملكه جمال 😂😂

بدت تجمع الناس واجن صديقاتي

وبدت الحفله جان يوم كلش حلو رغم

جنت ضايجه نسيت ضوجتي. تونست

وي صديقاتي وبنات عمي وبنات خالتي

وخالاتي يوم حلو وبدلت اكثر من بدله

وتصوير فيديو واخذت هواي صور وجو

القاعه فدشي بس تمنيت هو يجي بس

ماجه نقهرت حيل كلت يله هو

بالخطوبه مااجه ولاشفته اريده

هسه يجي

عادي كلت يجوز مشغول

البنات مكيفات هدئ اجت بوستني

كالت وج طالعه جمال اخذنه صور

واجت فرح ويركصن كوموني اركص

يبوووو استحي كوه كومني وصديقاتي

والكل ع الواهس كام وياي

حته ام ليث ركصت خطيه فرحانه

كلش صار المغرب وبدت الناس تروح

وراه ترخصو اهل ليث وراحو مرو

باهلي اخذو ملابسي وراحو وراه بدت

الناس تنسحب. ماقبلو البنات ابدل كالو

روحي هناك بالبيت نكمل الحفله شكد

ركصن وهنه بعهدهن ماشابعات خرب

اني ميته تعب والبدله ضايقتني وهنه

متونسات. لخاطرهم بقيت اجه اخوي

اخذنه وصلنه للبيت

استحيت ادخل كدام اخواني

بالبدله اصرو اله يشوفوني خليت شال

ع جسمي شافني اخوي الجبير حضني

بساع بجيت اجه الثاني ثنينهم حضنوني

واجت ماما وكمنه نبجي كلنه نقهرت كلش

كوه سكتنه ضجت حيل مامتعوده افارك

اهلي شايله هم شلون راح ابتعد عنهم

لا وفوكاه اروح عد ناس ماعرفهم

وراه رحت بدلت وتعشينه ولبست نفنوف

قصير ونفس تسريحتي والمكياج نفسه

بس سويتله تعديلات وسوينه حنه ثانيه

ودك وركص تقريب ل 2 كامت تحجي

ماما وعماتي كالن عيفن لبنيه وراه كعده

من لصبح سبحت ورحت اريد انام ماكدر

صدك مخنوكه ماعرف شبيه المفروض

لبنيه هيج يوم تكون فرحانه اني عكس

يمكن لان ليث ماعرفته ولاتعرفت عليه

خايفه كلش من شنو ماعرف وراه كمت

حضرت جنطتي الي اخذه للفندق هيه

كامله بس خفت خاف ناقصه

المهم كوه نمت كعدت لصبح بالكوه مشبعانه

نوم تريكت وبدلت ورحنه لصالون لازم من

وقت اكمل لان ورانه طريق بعيد

رحت لصالون ونفس هوسه لبارحه

صارت وقت الصلا صليت وراحت خالتي

جابتلي غده كوه وكلتني كالت خاف تتخربطين

وراه اجه دوري سلمت نفسي لام الصالون اني

مغمضه بس بغير عالم عالم خوف

قلقل تعب تفكير انو شخص ماعرفه

حته محاول يتصل ولاحاول يجي

معقوله مامقتنع بيه ليشزوح

اذا مامقتنع قابل هو بنيه

وينجبر وع شنو ينجبر جنت خايفه

كلش ومامرتاحه ابد دمعتي بطرف عيني

ماحس اله ام الصالون

قطعت سلسله افكاري كلتلي كومي

البسي البدله

كمت بدلت وصدك شكلي تحفه شفت

نفسي بالمرايه كلت واو.

وراه اجه اخوي اخذنه لكيت ابن خالي

واكف بالباب سمعت بس صوته لان مغطه

وجهي دخلت للبيت سلم عليه كال مبروك

عليج واتمنه يطلع يستاهلج. واتمنالج كل الخير

وامانه شوكت ماتحتاجيني لاتترددين

دخلت هوسه وكله موجوده اقاربنه ومشغلات

ديجي الصراحه راسي ماذيني مشبعانه نوم

ورحت لصالون دوخه.

واجيت هنا الصوت يدك براسي والكل

فرحان بس اني احس غصه بداخلي دور

شفت امي شارده تحاول تتهرب مني

تخاف تبجي كدامي

متت قهر بالزايد

الكل فرحان وكل شوي تجي وحده

تسلم عليه والي تنطيني واجب

وره شوي كالو اجو اهل العريس احس

جسمي كله يرجف متت خوف ع ضوجه

راح افارك اهلي دخل ليث جنت مدنكه

حته شكله ماشفته دخلو اخواني وسلمو

وبدلنه لحلقات لمحته طالع كلش حلو

بالاصل هو شكله حلو وشخصيه لايكله

القاط جان لابس قاط اسود

وراه اجتي امي مقابيلي ماتحملنه ثنينه

بجينه

واخواني سلمو عليه بجيت وحضنتهم

صعب فراكهم متت قهر

واجه صفاوي لابس قاط مثل قاط ابوه

يخبل طالع صاك هذا شبيه صفاوي وحته

نفس عمره بالضبط ويجوز هو

لاتستغربون 😂😂

دخل ابو ليث سلم ع اخواني وطلعوني 4

دخل ابو ليث سلم ع اخواني وطلعوني

اني اريدلي حجه ع البجي بس كامو

يحجون عليه لايتخرب مكياجج وراج

تصوير كوه سكتت وراه صعدت بالسياره

جان هو يسوق واني بالصدر بس الهدوء

سيد الموقف راحت امي وياي وخالتي

مخلي اغنيه بس ناصي لصوت

واسمع خابصينالدنيا بالهورنات

وصلنه اذن الاذان ورحنه للمصور

اخذنه صور المصوره تعلمنه لقاطات بس

احسه كوه عليه لبنيه تكله ابتسم لو هيج

لقطه سوي احس كوه عليه

اني متت قهر بالزايد لان كام شلون

ماجان يسوي ولبنيه حست بي كملنه وراه

طلعنه للفندق ودعونه ورجعو للبيت حته

ماما وخالتي وياهم.

اني كوه نزلت من السياره احس

رجليه كوه تشيلني صعدنه للغرفه

دخل كبلي دخلت وراه جانت الغرفه

فد شي فندق راقي غرفه عرسان

والجو حلو ورد احمر ع الجربايه بس

هدوء ولانفس وراه كعد بس يشرب

جكاير وساكتب الصراحه ستغربت كلت

هذا شبي وراه

كال راح انزل اجيب عشا

بدلي علما اجيب عشا

نزل اني ضليت محتاره شالبس استحي

البس السيت الابيض

بالاخير قررت البسه همزين الروب

الفوكاه جان مستوره

وره شوي اجه جايب عشا خلاه ع

الكومدي ودخل بدل بالحمام

وصلينه وراه كال تعاي تعشي بكلبي

كلت هذا بطران ياعشا ماشتهي كلشي

كتله ماشتهي من اجوع اكل تعشا هوه

بس ماكل

هواي احسه مو ع بعضه كاعد ع الجربايه

ولازم موبايله وساكت واني هم ساكته بين

الخايفه والمستحيه لان صعبه ع اي

بنيه اول ليله بزواجه ع الرغم اكو اتصلات

بينهم وطلعه شحال اني 3 مرات بس

شفته خلال الخطوبه وكله ع الصامت

حته صوته ماذكره صعبه عليه كلش

لو يطيح بايدي البس دشداشه من

المستحه يبوووو يمكن اصعب موقف

مر بحياتي لو انذبح قطره دم ماينلكه بيه

تمنيت ارجع اهلي واكلهم بطلت مازوج

وهو ع نفس كعدته ماتحرك ولاحجه

وري شوي كال عندي موضوع وياج

واتمنه ماتفهميني غلط كتله تفضل

ياترى شنو الموضوع الي راده بي

وبخصوص مصطفى لو غيري شي

انتضرو ع الباررت الجاي تعرفون

ييتبع

يُتبع...
معاناتي بسبب يتيم