الجزء الثالث
مساء الخير متابعيني الاعزاء اتمنه لكم قراه ممتعه
البارت الثالث
🌺معاناتي بسبب يتيم 🌺
🌹 للكاتبه رونق🌹
تعويض عن البارت القصير ولحد يكول
البارت قصيره تره 🔪💣
صادف يوم ثلاثاء وكالت ماما
الجمعه يجون
ماعرف شنو سبب فرحتي فرحانه
كلش ويشهد الله لامفكره بزواج
ولابالي يم زواج الطفل اخذ عقلي
كاسري خاطري كلش واعدت
نفسي اكونله ام واربي احسن تربيه
واحبه كانو ابني من صدك
نجي هنا اعرفكم عائله ليث
متكونه من ابوه وامه
ابوه موضف بالمصرف
وامه ربت بيت جانت موضفه وتاركه الوضيفه لاسباب صحيه
عدهم بنات 2 وحده ويام تعرفوه
الي هيه صديقتي هدئ كليه سنه ثانيه
وعدهم بنيه اسمه فرح السنه خامس اعدادي
وعدهم ولد اسمه غيث موضف بالمستشفئ
وليث عمره 27 ضابط بالجوازات
شخصيته حلوه كلش شكله حلو
تحسه هيبه طول وشخصيه حلم
كل بنيه بس والله عندي عادي
ولابالي لان اخر همي الشكل ندور
شكل متعرف داخل الشخص شنو
بطبعي مافكر بالحلا ابد
هاي المعلومات الي كدرت
احصل عليه من اهله ومن هدئ
والي عرفته عائله سبورتيه طبعهم
حلو ميقيدون المره
صار يوم الجمعه واجو اهله واتفقو
ع النيشان واتفقو ع المشيه بحكم
احنه شايفين بعض اختصرو هواي
شغلات قررو الجمعه الجايه المشيه
واني جنت فرحانه بصفاوي وماودي
يروح وياهم هو هم تعلق بيه كلش
وكام يعرفني جنت محضرتله ملاعيب
وحلويات هو فرحان وابوس بي
خلال هاي الفتره اني عندي اتصال
وي هدئ جانت كلش فرحانه تكلي
شوكت تجين يمنه مامصدكه راح
تصيرين مره اخوي اني اضحك عليه
قبل المشيه اجني النسوان امه وخالاته
وعمته واخواته جابو النيشان ونطوني
فلوس جانت كلش كافيه عليه وزياده
وكالت امه امانه اي شي تحتاحي بس
كولي فدوتج كل الفلوس كلتله امي
تسلمين ام ليوثي اريدج سالمه واتفقو
ع الزواح الضاهر مستعحلين كالتله امي
متوازين كالتله احسن اذا تطول الخطوبه
موحلوه تصير
اني رحت بغرفتي اخذت توفي واجت
وراي هدئ لان استحيت اضل يمهم
ضلينه نسولف اني هدئ ع الدوام
واجت فرح ندجنه بالسوالف
جان جايبهم ابوه دخل بالاستقبال
وي اخواني
خلصنه اتفاق وقررو الجمعه المشيه
صادف جيتهم يوم الاثنين وره الضهر
جلبنه بيهم ع العشا ابد ماقبلو حلف
كال عندي شغله مهمه وعلمودكم
اجلته اترخصو وطلعو
وراه اهلي انطو خبر لعمامي وخوالي
لليل اتصل عليه ابن خالي بس شنو
احسه صاير اعصاب متخبل يكلي شلون
توافقين ع واحد مزوج وعنده طفل
واني اتوسل بيج ورافضتني اكيد
عندج علاقه بي وله ماكو وحده توافق
بواحد مزوج وعنده طفل
اني صدك نقهرات من كلامه كتله عيب
هذا الكلام تعرفني كلش زين شنو اني
وماعندي هيج شغلات كال تره مبينه
واضحه بس العتب مو عليج ع اخوانج
المنطيج مجال وبكيفج تقررين
كتله عيب هذا الحجي لااعرفه ولايعرفني
ورح ابوي لاجل الطفل. وافقت لان يتيم
كال ولج والله شاريج ليش بعتيني
برخيص ماكلج غير الله يسعدج اتمنالج
السعاده بحياتج من كل كلبي وراح وراه
نقهرت عليه خطيه بس والله ماحبه
ومامفكره بي غير اخ حاسبته مثل امير
وسامر لان كول الوقت عدنه
صفنت بيني وبين نفسي كلت صدك اني
عفت الدنيا كله وافقت ع ليث حته
ماحاجيه وياه ولااعرف عنه اي مجرد
عمره ومهنته
كلت سبحان الله هذا الطفل مقسوم اني
اربي،والقسمه سكتتنه كلنه متاكده من
اهلي لو غير ليث مينطوني يكولون بعدج
طفله بنضرهم اني طفله رغم كملت كليه
لان اني اصغر وحده بالبيت والكل يحبني
اجه يوم الجمعه واحت مشيه ضخمه جدا
رغم همه نطونه خبر انو ننصب جادر ناسهم
هواي واخواني هم هواي عزمو ناس مشيه
كلش كلش ضخمه صوره اليه تعجبت بيه
همه ناس معروفين
بده الكلام من اقاربنه شلون تاخذله واحد
مزوج وعنده طفل متعاجزين من خبزته
تعرفون الناس مترحم تكيف تلكاله حديث
تتسله بي احنه ماهتمينه
وراه بدينه نجهز لان كالو بعد شهر ع
الزواج بديت اني وماما ومره اخوي
لو اختي نطلع اكمل احتاجاتي
ولو اني من لبس معايزه كلشي عندي
مكياج هم عندي رغم ماحب اخلي
بس هيج احب اشتري وذهب اهلي
ممقصرين ماما من صغري مشتريتلي
ذهب لحد هذا عمري اشتري مخليت
شي بنفسي ماشتريته وضفت اشتريت
ملابس للبيت مستوره وردن لان اخوه
بالبيت لازم اخذ حذر
وشتريت ملابس نوم اشتريت مكياج
مخليت شي بنفسي وع الاكثر اشتري
ع الفيس توصيل لان تعبت من الطلعه
وره بشكم يوم حددو موعد المهر.
وصار الاتفاق انو نروح لكربله نعقد
لان همه كالو افضل ماكلنه شي عادي
جنت خايفه ومتوتره كلش لان شخص
ماعرفه ابد رحنه لكربله وصار العقد بس
شفته جامد كلش كوه كال مبروك وره
شويه اختفه راح يزور عادي اني ملتهيه
وي صوفي دخلونه نتغده بالمطعم اني
ماكلت شي التهيت بصفاوي اوكل بي
وجنت ماشتهي رغم مامتريكه بس
ضجت من وضعه عبالك مجبور
ماكلت ضلو يحجون عليه ام ليث
سوتلي لفه كالت خليه بجنطتج شوي
بعد تجوعين استحيت واخذته
كملنه فترينه بالسوك بس لاحضت ليث
ضايج وماله خلك غلست كلت يجوز
عنده شي ومغثوث
التهيت ومشت الايام اني بستمرار
اطلع لسوك وتواصل وي هدئ
وفرح وامه دوم نحجي وتوفي
يوميه احاجي
وره حددو العقد بالمحكه رحنه اني
وياه وماما كوه تطلع الحجايه منه
ويحجي من وره خشمه غلست
وماحجيت كملنه العقد ورجعنه
بس متت قهر ولامعبرني شنو من بشر
هذا محسسني مغصوب عليه
مشت الايام عاديه بين سوك ومولات
وتعب حته كبل ارجع انام بدون تفكير
ماحس اله قرب وقت زواجي بعد اسبوع
لزواجي جنت احجي وي هدئ وسمعت
صوت ليث
يحجي يمه وكالت بعدين اخابرج
وراه صفنت وي نفسي كلت ليث
من يوم الي عقدنه لسه ماشفته اجه
ولااتصل ولا فديوم سال عليه كلت
مايجي عادي طريق طويل وعنده
دوام زين
ليش ميتصل ضليت صافنه ليش هيج
صدك ضجت ونقهرت
نمت وكعدت وراه بديت احضر
لزواج بيت تاجير بدلات وحجز
صالون وحجز قاعه للحنه
رحت اني واختي ومرت اخوي ناجر البدلات اختاريت للحنه بدلتين
رحت اني واختي ومرت اخوي ناجر البدلات اختاريت للحنه بدلتين
وبدله العرس هاي
حجزت صالون كملت رجعت للبيت
حجزت صالون كملت رجعت للبيت
تعبانه نمت بدون غدا
دك موبايلي كعدت طلعت هدئ كالت
جاينكم بالطريق اني طفرت رحت
كتلهم طلع عدهم خبر بس اني مادري
شويه وصلو اجه وياهم ليث تعجبت
اول مره يجي كالولي ادخلي دزيلهم
عصاير الصراحه استحيت كلش كامو
يحجون عليه دخلت كلش مستحيه
لابسه عباتي سلمت ونطيتهم عصير
وصلت يمه هو مدنك ولاعبالك واحد
يمه ماهتميت ردت اطلع خالتي ام ليث
كالت تعاي عروستنه وين شارده مشفناج
خجلت كلش كعدت ومدنكه مارفعت
راسي جايبين وياهم مليون نطوهن
لامي كالوله احتياجات الصالون والحنه
والزفه والقاعه امي مقبلت لان همه
مقصرو وياي ابد بعد اصرو ناخذهم
بس اني يمه متت بس اريد اطفر كوه
فلتت جلبنه بيهم يبقون ماقبل ليث
ابد كال منريد نجربكم بس والله عندي
شغله ماكدر اتاخر بس ندمج وي اخواني
خالتي كالت ان شاء الله احنه نجي ع
الحنه كتله اوك
قبل الحنه يوم رحت لصالون شعري
كلش طويل صبغته هيج لون
وحفيت وجهي وسويت تنضيف لوجهي
وحفيت وجهي وسويت تنضيف لوجهي
شفت روحي بالمرايه تعجبت عبالك مو
اني ماما بسرعه صلت ع النبي
رجعت للبيت كله نصدمت بيه جانو بنات
خالاتي وبنات عمي وبنات عمتي ولمته
تخبل ويدكن ويركصن
وماخلوني انام كوه ماما كامت تحجي
كالت وراج باجر روحه لصالون نامو ماكدرت
انام من الخوف والقلق ماعرف يجوز يطلع
يحبه وحده وميريدني يجوز
ميريد يزوج صليت كل شوي افكر بشي
كلت شبيه استعجلت حته ماكو مجال
لخطوبه شهر واحد كمل كلشي ولاشايفته
ولاكاعده وياه خفت من المستقبل
صعبه شخص متعرفه راح تنجمع وياه
فد غرفه بس يله لاجل اربي يتيم اتحمل
اني مامزوجه علمود الاب علمود الطفل
شاسويله اهم الطفل اكون وياه زينه هذا يكفي
كوه نمت لان جنت قلقله وتفكير تعبني
ماعرف شنو مضموملي وشنو راح تكون
حياتي الجديده من بعد تفكير… ..
يُتبع...
معاناتي بسبب يتيم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!