الجزء الثاني
مساء الخير متابعيني الاعزاء اتمنه لكم قراه ممتعه
البارت الثاني
🌺معاناتي بسبب يتيم 🌺
🌹 للكاتبه رونق🌹
كالت ام ليث تريد تجي باجر
ضليت صافنه شعده ام ليث
كالت امي يردون يخطبونج
ضليت صافنه 😮 المن يخطبوني
كالت لابو مصطفئ
ليث 😱
بس ماعرف حسيت بفرحه موطبيعي
من ذكرت الطفل يمه فدوه
كلت وافق لخاطر الطفل كلت اني
لاجل مصطفى اتحمل كلشي اربي
يتيم هم الي عد الله وهم اعوض
الطفل عن حنان امه ماعرف حسيته
قطعه من كلبي
ماما كالت لاتجيبين طاري لسالفه
منا ونسده كلت لامي ماما اني
موافقه امي ضلت صافنه كالت
تحجين صدك انتي تاخذيلج واحد
ميته زوجته وعنده طفل وناس
لانعرفهم ولايعرفونه كالت
لاتتسرعين وسدي الموضوع
اني قفلت كتله ماما اني موافقه
عليه امي بس تباوعلي تكلي
ماما شنو صار لعقلج شي شبيج
تخبلتي كتله لا ماما مابيه شي
وبكامل قواي العقليه
كالت ماما لاتسرعين هذا زواج
مولعبه وعنده طفل منو يكول
تتحملين مسوليه طفل مو ابنج وج
شكد اجتج ناس وانتي تصيحين
مازوج شنو فر راسج هسه الي يسمع
يكول ميته ع الزواج كيفتي بساع كلتي
موافقه
كتله ماما فدوه وافقي والله اني
ماعندي مانع لخاطر الطفل شبيج
ماما والله حبيته الطفل وراح اتاقلم
وياهم اهم شي اقنعي اخواني اني
الكل بالبيت يعرف علاقتي بالطفل قويه
امي احسه ابد ماقتنعت كعدت
تحجي وياي وتحاول تخليني اغير
رائي اني ابد اني قافله. نسوان
اخوي علاقتي قويه بيهن وافقني
كالن اذا خوش ولد وافقي كتلهن
مايهمني هو والله اهم شي الطفل
ماميته عليه
اجو اخواني بليل امي فتحت
الموضوع وياهم ثنينهم رفضو
امي ضلت تحجي وياهم وتقنعهم
اخوي الجبير قفل مايقبل كال متوازين
ننطيه لواحد مزوج وعنده طفل
سدو الموضوع اخوي الزغير بالبدايه
ماقبل وضل يحجي صدك نقهرت
والله عبالكم ميته ع الزواج اخر همي
جان الزواج. بس الطفل اول ماشفته
حسيته من مسوليتي
بيومه ضلت امي تقنع بيه وتحجي عليه تكلي
ماما اتركي هذا الموضوع والله رايده
مصلحتج حته اخوانج ميقبلون الزواج مولعبه عشره عمر
ماما ايست مني شافتني مقتنعه ثاني
يوم امي حاجيه وي اخواني ومقنعتهم
الجبيره ماقابل متردد و الزغير مقتنع
اخواني بحبوني كلش مايردون
اذيتي اهم شي عدهم سعادتي
الضاهر امي كايلتهم البنيه موافقه وهيه مقتنعه
وره الغده كاعدين. اهلي يشربون
جاي اني بغرفتي جنت ضايجه لان اخوي
مقبل شوي وسمعت سامر صاحلي
رحت يمهم كال راح اصعد لغرفتي تعالي
وراي
يمه اني هنا وكف كلبي ماعرف شنو
صار بيه حسيت عنده شي يكوله برغم
علاقتي قويه بي بس ماعرف ليش خفت
موقصه خوف بس ارتباك صعبه بنيه
توكف كبال اخون وتكله اريد ازوج
او موافقه ع الزواج
صعدت وراه كلي اكعدي شبيج
وجهج مايتفسر كتله مبيه شي كعدت
سامر ..جان يكلي شنو رايج بيت
ام ليث وبالاخص ليث موافقه
عليه وتدرين هو زوجته متوفيه وعنده طفل
اني سكتت ماعرف شاجاوبه بس
بساعته لو يذبحني ميلكه قطره دوم بيه
سامر ..كال شبيج سكتي احجي
انتي رايدته هم سكتت
كال شبيج ريومه احجي حياتي شنو
الي رايدته اذا كنتي مقتنعه ماوكف
بطريق سعادتج
لان انتي مو صغيره واعيه وتفتهمين وتعرفين مصلحتج
هسه اريد اسمع جوابج
ريام ... كتله والله مامفكره بالزواج
ولابالي الزواج لا ب ليث ولابغيره وتعرفني
كلش زين هواي رفضت
بس اني لخاطر اليتيم وافقت
ماعرف حسيته خطيه صعب الواحد
ينحرم من ابوه لو امه شفته بنفسي
من توفه بابا مجنت صغيره وكلكم
وكفتو وياي وتاذيت
شحال هذا طفل وفاقد امه شعور
صعب كلش ومتعرف بيمن يوكع
من مرة ابو اشكال الي متخاف الله
وتاذي طفل وابو اول وتالي لازم يتزوج
يشهد الله لهذا السبب اني وافقت
وانت برايك اذا تشوف هذا الشي
مو مناسب معندي اعتراض
صفن بوجهي وكال
سامر .... يمه فدوه لكلبج وج انتي
شنو تعرفين قليل الي يفكر مثلج واني
اشجعج مدامج مقتنعه وقنعتيني
اني وياج وموافق. واي شي تحتاجي بس امري
كمت بست راسه وكتله محتاجه سلامتك
سامر احسه برغم صغر سنه 28 احسه
ابو اليه حنين لدرجه موطبيعيه
عوضني حنيت ابوي محسسني باليتم ابد
طلعت من الغرفه فرحانه كلش الكل
عرف الجواب من ابتسامتي انو سامر
وافق ارتاحيت
طلع سامر وحجه وي امير كله باجر
لازم واحد بينه يروح يسال عليهم
صح همه خوش ناس وعدنه علاقه
بيهم بس لازم واحد يسال ويتاكد
صدك اني ارتاحيت كلش ماما تكلي
اليشوفج يكول راح تاخذين الي تحبينه وهيج فرحانه
كتله اي والله صدك راح اصير يم
الي احبه ماما ضلت صافنه تكلي ولج
لايكون عندج علاقه بي وتحبينه وهيج
ذبحتي نفسج عليه
اني ضليت صافنه تكتله ماما شنو
هل الحجي تعرفيني كلش زين شنو
اني وتعرفين ماضم عليج شي
تكلي لعد شنو تفسير كلامك تصيرين
يم التحبي
كتله اي اصير يم مصطفى مو حبيبي
انتي تفكيرج شيطاني يمعوده ياحب
يابطيخ حب صفاوي عندي يعادل
ميت رجال
كامت تضحك امي تكلي لاتخبلتي
علني موطبيعيه انتي وج شبيج
وضلينه نضحك
للعصر خابرت ام ليث كالتله
مارديتو خبر. كتالتله نطينه مجال يومين
ضلن يسولفن فتحت لامي سبيكر
حته اسمع الحديث ماحب يفوتني
حدث 😂 ماما متسولفلي كلشي
ام ليث.ضلت تحجي تكله والله
ندلله والي تريده يصير اني كلبي
رتاحله والله وحسيته تخاف ع هذا
اليتيم وان شاء الله اصيرله ام ثانيه
واداريه والتامر بي احنه نفذ
ميغله عليه شي كالتله ماما والله
هيه وافقت لاحل الطفل ولاتفكر
بالزواج ولاتريد تزوج بس ماعرف
شلون قتنعت
تكول علمود صفاوي
ام ليث .. الله بعثكم النه وتعارفنه
بيه صالح جمعتنه الحمد لله والشكر
من نجمعنه وشفت هل الوجوه الطيبه
وننتضر ردكم حته نتوكل
ماما كلتله الله كريم يومين واردلكم خبر
ثاني يوم اخواني راحو سالو عليهم
والكل مدح بيهم واقتنعو.
اهلي وكالو انطو
خبر لاهل لولد احنه موافقين
ثاني يوم من لصبح اتصلت ام ليث
تسال ماما كلتله موافقين وباي وقت
تجون هله بيكم وشويه وسدت ماما الفون
كالتله بيه الخير انشاء الله ماتخسرون
وبنيتكم بعيونه منقصر وياه حاله حال
بناتي يشهد الله صادف يوم
ثلاثاء
اتفقو يوم الجمعه يجون ام ليث
يُتبع...
معاناتي بسبب يتيم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!