رواية معشوقي كلي معاك معاك حتى الهلاك الفصل الخامس عشر 15 - بقلم غير معروف

وسن الكلام يعذبها .. إهي ناقصه بعد زيادهـ .. ماتدري كيف وصل لها الموبايل .. وفي خاطرها .. إلا هذا تعذيب لي اـنا .. تحبه ولا تقدر تتحكم في حالها إذا شافته ..
الجوري وإهي تغير الموضوع : طيب العروس كيف كانت ؟؟
زيزفون تبي تسمع شيء عن هـ الهوازن ..
أم خالد : وضعها عادي .. لكن إنزفوا مبكر ..!
أم سعود : إيوا خلصوا بسرعه ..
أم فارس : بس ما شاء الله عريسها واضح الطيبه والتسامح من وجهه ..
أم خالد : الله يوفقهم ولا يخسرهم ..
كلهم : آمين ..

دخل عليهم ومزاجه متعكر { كيف مايتعكر واهو متصل في بنت خالته ومشرشح فيها ليما قالت يارب العافيه .. عطاها كلام يعرفها قدرها عدل .. } .. سلم وجلس ..
وسام : صلاة الفجر وعديناها .. ! الظهر وبلعناها .. ! تأخر عن الجمعه ...!!!!!
راكان : ما وصلت إلا متأخر وكنت تعبان وراحت علي نومه { نصاب }
بدر : هذا عذرك على طوول .. راحت علي نومه .. أـنا ما ادري شـ إللي يسهرك .. ؟؟ { إسم الله عليه .. يتميلح عند الرياجيل .. يقال إنو مايسهر !! }
ياسر : السهر شيء أساسي ..
حمد : أبو الدخله ..!!
فواز : ههههههههههههههه .. من جد .. شكله مانام كويس قام يلخبط ..
عزام : ههههههههههههههههههههههههه
ياسر ناظرهم وسكت .. ماله خلق .. النوم فيه .. طول الليل سهران ويا هنادي لعب وضحك ..
أبو طلال كان معاهم .. لإنو أخو أبو سعد من الرضاعه .. وعلى طوول جمعاتهم سوأ من استقر بـ الخبر .. كانوا جالسين الرياجيل يسولفون والشباب سواليفهم بـ روحهم ..
تركي : زياد ما جا صح ؟؟
راكان : يحرك العصر من الرياض ..
بدر بيرفع ضغطه : ما شاء الله عليه .. وإنت شـ رجعك بدري ؟؟
رااكان : والله مزاج .. كيفي .. حلو إني أجي لـ بيتي مو بيتك ..!
الشباب ناظروهـ أخلاقه زفت ..
وسام وبدر وعزام وفواز : هههههههههههههههههههههههههههههههه
كانوا البزارين يلعبون قريب من مجلس الرياجيل .. وبـ الدور دخلوا كلهم للرياجيل .. أنواع الوناسه واهم يدخلون واحد بعد الثاني من الباب " عبدالله ' عبدالعزيز ' بسام ' سُلطان ' ليان ' غلا ' سديم ' باسل ' أسرار ' رائد ' ريان ' سُلطان ' تركي ' جنا " طبعاً مقرن لسا صغير .. أيـاد وأديـم نفس الشيء .. والجازي لسا تجلس .. يعني إللي دخلوا كلهم يمشون ..
الشباب قاموا يصفقون لهم وكل واحد ينادي على إللي يخصه ..
الرياجيل ناظروا الشباب وناظروا للباب شافوا الجيش إللي دخل عليهم فجأهـ وكلهم : ما شاء الله .. لا إله إلا الله .. الله يحفظهم .. الله يصلحهم ..
وسام : لا إله إلا الله .. شنو هذا إللي داهمنا ..
ياسر : هههههههههههههه .. من جد مداهمه وقويه بعد ..
أبو خالد : وين البنات عنهم ؟؟
بدر : ياحلاتهم .. شوف شـ حلو دخلتهم علينا كذا .. واهو يجلس شلته معاهـ قال : إن شاء الله تجلسون معاي وبـ نفس المكان ..
الشباب : ههههههههههههههههههههههههههههه
جلسوا يحوسون ويلعبون في المجلس ..
أبو خالد واهو يشوف القهوجين : لا يحترقون من القهوهـ والشاهي .. بعدوهم ..
القهوجين وقفوا حول الطاوله إللي شايله القهوهـ والشاي عشان لايقربون لها الأطفال ..
فواز إتصل في دارين .. : هلا دارين ..
دارين : اهلين حبيبي ..
فواز تبسم قال : مردود عليها .. المهم .. تعالوا شيلوا المبزرهـ إللي دخلوا علينا ..
دارين ضحكت وقالت : أوكي .. وقفلت ..
ثواني إلا المُربيات داخلات .. كل وحدهـ تدور إللي مسؤوله عنه ..
بدر : ما شاء الله .. والله إن مُربياتنا أكثر مننا ..
الشباب : هههههههههههههههههههههههههههههه
تركي عاند ومسكت معاهـ مايبي يطلع ..
والمُربيه عجزت فيه .. لإنو تمدد علىى الرخام ..
كلهم طلعوا عدأ تركي ..
بدر واهو يروح له ويضحك وجلس بـ جنبه وقال : بابا تروكي .. يلا روح معاهم .. في أللعاب جوا ...
تركي عاند زود .. يشوف الرياجيل وبيجلس معاهم .. عشان يحوس بـ كيفه . .
قام تركي الصغير من الرخام .. وجلس يتمشى في المجلس ... لحقت فيه المُربيه وشالته .. جلس يصارخ بقوهـ ويبكي من قلب .. ويطق المُربيه ..
خذاهـ بدر عشان لاتتعذب معاهـ المُربيه .. واهو يبكي مع أبوهـ ..
بدر : ليش كذا ..؟؟ لا تطقها عيب ..!
عصب زود واهو يشد غترت أبوهـ ..
ابو خالد : نزله ..
نزله بدر .. والشباب مصدومين من تصرفه .. مرهـ عصبي ..
جلس على الرخام واهو يبكي من قلب .. إذا إنقهر جلس يبكي كذا ..
بدر وصل حدهـ .. إتصل في ريناد ..
قالت : بدوري .. تروكي ما اقدر عليه .. إذا إنت يـ أبوهـ طقك عند الرياجيل أـنا
شـ راح يسوي فيني ..!!
بدر : جيبي أحد ياخذهـ ..
رريناد : أوكي .. وقفلت ..
الحريم لما عرفوا جلسوا يضحكون ..
جت لهم أم تركي واهو متعود عليها كثير .. عكس سُلطان وجنا إللي متعودين على الباقين .. اهو بس على غيوض ..
قالت وإهي تجلس بـ جنبه : تركي حبيبي يلا .. تروح معاي للألعاب .. !! يلا كلهم بيروحون .. بنروح معاهم يلا .. قبل لا يتركونا ..
أبو خالد واهو يقال إنهم من جد بيروحون : بتروحون للألعاب ..؟؟
غيوض : إيوا بنروح كلنا ..
بدر واهو يوقف : خلاص أـنا بـ أروح للسياررهـ وإللي مايجي بروح عنه .. !
شاف أبوهـ يوقف ..
أم تركي : يلا معاي تعال ..
قام معاها .. والشباب ماسكين ضحكتهم عشان لاتخرب الخطه كلها ..
سوت له هوووووووبا .. ومشت وإهي تقول : ويله إللي يجي معانا ..
بدر : حتى أـنا ..!
غيوض وإهي تضحك : حتى إنت ..
وطلعت من عندهم واهو معاها ...
الشباب والرياجيل : ههههههههههههههههههههههههههههههههههه
ابو خالد : عليه نفسيه ..!
بدر : هذا ولا شيء مع إللي بـ البيت .. على طوول يحووس .. ولا يدخل مكان إللي يقلبه كله .. عشان كذا على طوول مسكرين المطبخ ولا نحط عندهـ شيء حار ..
أبو تركي : إنتبه عليه يـ أبوي ..
أبو خالد : صغير ولا يدري شـ إللي يضرهـ من إللي ينفعه ..
بدر : الله يعين .. ويهديه ..
الشباب : ههههههههههههههههههههههههههههههههههههه
بدر : وأـنا صادق .. ماينقرب مرهـ ..
وسام : والله إنو عنيف ..
بدر : عشان كذا ما آبيه يجلس بـ المجلس عند الرياجيل .. يحوسهم كلهم ..
راكان : ههههههههههههههه .. الله لا يبلانا بس ..
بدر : أخيراً ضحكت .. لو عارفين دخلنا تركي من زمااااااااان ..
راكان واهو يضحك : لا يرحم والدينك .. فكنا من عُنفه ..
الشباب : ههههههههههههههههههههههههههههههههه
طبعاً تركي الصغير شاف البزارين وإنشغل معاهم واهو يكفخ فيهم ويلعب ويحوس .. والقوي اهو إللي يطقه .. وتشابك اهو وسُلطان ولد خالد .. وشوفوا أنواع الصراخ والطق .. والمُربيات مو قادرات يفرقون فيهم .. سمعوا الحريم والبنات الصراخ وراحوا لهم على طوول ... ريناد وإهي تفك إيد تركي من شعر سُلطان ولد خالد .. والجوري تبعد سُلطان عنه واهو يخدش تركي من وجهه ومشوهـ وجهه عدل ..
الجوري طقت إيد سُلطان وقالت : عيب .. ليش كذا ..
ريناد نفس الشيء طقت إيد تركي .. وإثنينهم بكوا ..
وتين خذت تركي سمي حبيب القلب .. وأم خالد شالت ولد ولدها .. واهو يبكي معاها ..
أم خالد : الجوري وسخه .. خلاص حبيبي .. إنت ليش تطق تركي ..؟؟
سُلطان يبكي ويأشر على تركي ولا يقدر يتكلم ..
تركي واصل حدهـ بعدته وتين عنهم في الصاله الثانيه عشان مايشوفون بعض .. وإهي تتحايل فيه ليما سكت .. وجلست تلعب معاهـ ..
باقي الجيش جالسين يتفرجون ولا يقدرون يدخلون بـ الخناقه ..
ريناد : يـ الله منه .. فشلني في الكل ..
الحريم : ههههههههههههههههههههههههههههههه
الجوري وإهي تضحك : عادي متعودين على بعض .. بلا تفشلت بلا هم .. بزارين هذا حالهم على طوول .. بكرهـ يكبرون ويعقلون .. إحنا أكيد لما كنا بـ عُمرهم نتخانق .. هذا إذا مااكان أكثر منهم ..
كلهم : هههههههههههههههههههههههههههههههههه { عاد الجوري طفولتها غيـــــــــر .. النعومه إللي عليها ذا الحين عكس لما كانت صغيــرهـ .. ربي يحفظها لـِنا كُلنـا وبـ الذات خلودي .. ^_^ .. }

البنات سحبوا على الشباب والعصر بيطلعون يتمشون سوأ مع الحريم .. والشباب يدبرون نفسهم ..
بدر : هههههههههههههههه .. والله ما اكون بدر إذا مارحنا لهم ..
حاتم : هذي مافيها كلام .. لكن اهم حابين يتمشون سوأ ..
حمد واهو يضحك : ترا هذي أتوقع إنها لعانه فينا ..
خالد : أـنا زوجتي تبيني أروح معاها ..
تركي : إنت كل مرهـ الحظ مطلعك .. ما شاء الله ..
فارس إتصل في امه وتفاهم معاها .. رجع للشباب قال : كلنا نطلع سوأ .. وطبعاً الحريم والبنات بيتمشون .. وإحنا في مدينة الآلعاب ويا المبزرهـ وبعدين يجون لنا ..
حاتم واهو يضحك : وإللي ماعندهـ بزارين ؟؟
فارس : ههههههههههههههه .. مع زوجته يلعب ..
بدر : أجل تركنا البزارين ..
الشباب : ههههههههههههههههههههههههه
طلعوا العصر كلهم سوأ .. شوفوا انواع الهبال والدجه .. كلهم سوأ وإزعاج وزحمه من جد .. طلعه ماتتفوت .. وسن تاركه إيـاد وأديـم عند جدتها مع شريفه والمُربيات وخلود تاركه مقرن والجوري تاركه الجازي .. والباقين طالعين ..
شباب ' بنات ' حريم ' أطفــــــــــال ..
وسام : ههههههههههههههههههههههههههههههههههههههه
بدر واهو يضحك : ياخذ بليسك .. والله إنك وسخ ..
وسام : هههههههههههههههههههههههههه ..
ياسر واهو يضحك : بـ الله شوف شكل البزارين المساكين ..
كانوا خالد والجوري راكبين اللعبه ويا سُلطان ولدهم .. ومعاهم وليد وحاتم راكب مع وليد عشان لايخاف .. وفارس مع عبدالله وعبدالعزيز ومعاهم أمل .. وفيصل معاهـ ليان .. وعزام معاهـ سديم . . وفواز معاهـ باسل .. وأنواع صراخ المبزرهـ على ضحك الكبار على صراخ أمل والجوري من غير لايقصدون .. والشباب إللي برا والبنات أنواع الضحك على أشكالهم .. طبعاً وليد وسُلطان ماصارخوا .. إلا مبسوطين يضحكون على قوة اللعبه ..
إنتهت اللعبه ونزلوا واهم يتدنوخون ..
بدر : ياخذ بليسك .. حلو إني ماركبت شلتي وإلا كان سنعنا روكي ..
الشباب : هههههههههههههههههههههههههههههههههههههههه
وسام : ههههههههههههههه .. تعالوا القطار هذا يمدحونه .. والكل يركب فيه ..
ناظروا بعض ... اهو سريع مرهـ ويدخل ويطلع في أماكن مرهـ صعبه ..
وسن : أـنا معاك ..
وسام : كفووووووووووو ..
مسك إيدها ومشوا ياخذون لهم مكان .. ومرت على مكان راكان إللي قريب منهم مرهـ وجالس ومعاهـ تركي وحمد وفواز وعزام والجهه الثانيه البقيه .. يعني يسمعون سواليف بعض ويستهبلون ..
وسن وإهي تحط له الشنطه قالت : ماعليش إتركها عندك ..
ناظرها وقال واهو أول مرهـ يصير بينهم كلام بعد الظهر لما كانوا في بيتهم : ليش وين رايحه ؟؟
وسام : بـ أخطفها .. نيهاهاهاها ..
ضحكوا .. وإهي ناظرت وسام .. نسى إنو كلمة خطف توترتها مرهـ ..
شاف عيونها وقال واهو متندم : أسف حياتي ..
الشباب لسا يستوعبون ..
رااكان : جد وين ؟؟
وسن وإهي تناظرهـ وتضبط صوتها : راح نلعب بـ القطار ..
راكان :لا والله !!
وسام : تبي تروح معانا حياك .. ترا إللي شغال بـ لعبة القطار معرفه .. ولا تخاف
بـ ادخلك واسطه ..
كلهم : هههههههههههههههههههههههههههههههههههههههههههههه
راكان واهو يضحك : ومع منو بتجلسين .؟؟
وسن : وسام ..
راكان ناظر وسام قال : ويلك لو صار فيها شيء ..
وسام : إذا إبتدت اللعبه إنت إستقبلها جايتك طايرهـ ..
كلهم : هههههههههههههههههههههههههههههههههههههههههه
راكان واهو يطق كفه قال : جا لك الكلام ..
وسام : أـمان إن شاء الله ..
وسن : يلا باي ..
راكان : يابعد عُمري على الباي .. الله يحفظك وين ماتروحين ..
فواز : يـ الأخو ترااها في لعبه مو رايحه حرب ..
تركي وحمد وعزام : ههههههههههههههههههههههههههههههههههههههههههههه

بدر يناظر ريناد قال : نركب ..!
ريناد وإهي تضحك : والشله ؟؟
بدر : عادي ناخذهم معانا وإللي مامعهم بزارين يمسك لنا ..
الشباب : هههههههههههههههههههههههههههه
وتين : بـ اروح مع وسن ..
حاتم : وليد معاي ..
وليد مسك إيد حاتم ومشوا ..
إللي واقف عند هـ اللعبه يعرف وسام .. لإنو كثير جا له ووسام على طوول يكون علاقه .. وكان سعودي .. جا له وسام واهو يضحك ومعاهـ وسن .. قال : معاك هـ المرهـ ..
ضحك وقال : حياكم ..
كان يناظر عيون وسن إللي مرتفعه عنها الشيله .. وشكله وسيم اهو .. وسن شافته عادي .. نظراته عاديه ..
خذا الكرت منهم ووراهـ الشله كلها ..
" وتين وعبدالله الصغير ' هنادي وياسر ' فيصل ومشاعل ' حاتم ووليد ' بدر وريناد ' روزان وراشد ' عبدالرحمن وبسام ' ديما وأسرار ' سعود وغلا ' شهد وعهد "
كل إثنين بـ جنب بعض ..
وسام : أـنا ووسن الأول ..
بدر : لا تُكفى ترا إحنا في أول إبتدائي منو ياخذ المكان الأول ..
كلهم : ههههههههههههههههههههههههههههههههههه
وسام ووسن الأول وبعدهم وتين وعبدالله وبعدين هنادي وياسر وبعدين حاتم ووليد وبعدين فيصل ومشاعل وبعدين روزان وراشد وبعدين عبدالرحمن وبسام وبعدين ديما وأسرار وبعدين بدر وريناد وبعدين شهد وعهد وأخر شيء سعود وغلا ..
وسام واهو يتكلم معاهم : هيه ويله إللي يصارخ ..
هنادي : ماطلبت شيء ..
كلهم : ههههههههههههههههههههههههههههههه
كانوا باقي الشباب والبنات يناظرونهم ..
وسن ركبت ومعاها وسام ..
شيك إللي مسؤول عن هـ اللعبه عليهم .. ورجع عند وسن ووسام ..
وسام واهو يناظر إللي وراهـ كلهم قال : لحظه ..
بدر : هاها .. إخلص علينا ..
وسام : وتين ماعليه ترجعين ورا شوي وشهد وعهد يجوون بـ مكانك ..
وتين : ليش ؟؟
وسام : بسس لإنهم صغار ولا آبيهم يجلسون بـ الأخير ..
وتين : اوكي وإهي توقف وتاخذ معاها عبادي
بدر وياسر صارخوا ..
بدر : أخس عليه يضبط أوضاعه من ذا الحين .. الشرع محلل أربع ..
ياسر : وخطيبته موجودهـ ولا اهتم ..
بدر يزيد : قلبي عليك ياروزان ..
ريناد طقته ..
بدر : آي .. واهو يناظرها وغمز قال : عشانها إختك وبس ..
كلهم : ههههههههههههههههههههههههههههه
بدر : روزان إسمعي كلامه .. ولا تفوتينها له ..
روزان كانت تناظر وسام ..
لف وسام لها وناظرها ورجع يناظر بدر قال : بنات عمي أتركهم كذا ورا وإهم صغار مستحيل .. { ناظر شهد وعهد قال } تعالوا وراي أـنا ووسن ..
قاموا ثنتينهم لبى قلوبهم وجسلوا وراهـ على طوول اهو ووسن .. تبسم لهم ..
بدر : لا ' لا ' لا .. خيانه عيني عينك .. وفيها توزيع إبتسامات بعد ..!
ضحكوا كلهم ..
وسام ناظر روزان وقال : حبيبي لا يهمك .. إنتي تعرفين شهد وعهد خواتي وشهد وعهد يعرفون الشيء هذا ..
بدر : لا تصرف بس ..
كلهم : ههههههههههههههههههههههههههههههههههه
وسام طنشه وقال : نبدأ افضل من كلام بعض الناس ..
بدر واهو يضحك : أكيد بـ تهرب ..
ناظر المسؤول عن اللعبه وسن قال : سموا بـ الله .. بعد ماشيك على الكل ..
وسن ناظرته مستغربه ..
وسام واهو يضحك : لا يكون داخلين حرب ..
ضحك وقال : تقدر تقول ..
وسام واهو يستهبل ويقال إنو خاف وبينزل : ترا أنزل ..
ضحك من قلب وقال : تنزل نجيب أحد غيرك ..
وسام ناظر راكان وصارخ عليه قال : يقول إذا نزلت أجيب واحد ثاني معاها .. أنزل وإلا لا ..؟؟
راكان ناظرهـ .. ما اعجبه إللي واقف لهم .. ويسولف ويضحك بعد .. وإهي ولا عليها قال : خلك جالس لا أجي أثبتك من جد عشان لا تتحرك ..
وسام : ههههههههههههه .. من جد وناسه عشان ما أطلع من عندهم ..
المسؤول ضحك ..
قال : يلا ترا راح نبدأ ..
وسام واهو يضحك ويشيك على تثبيت وسن ..
المسؤول واهو يناظر وسن قال : فيه شيء ؟؟
وسام : لا بس لإنها أمانه وأـخاف عليها ...
ضحك وقال : من حقك .. واهو يناظرها ..
وسن ناظرته بـ عدم تصديق .. خير شـ عندهـ .. !
قال : مثل ماقلت .. سموا بـ الله ..
وسن ووسام : بسم الله ..
وسام : نكملها وإلا لا ..؟؟
إضافة رد
وردة الشرق 09:16 AM 14-06-11
المسؤول : هههههههههههههههههههههههههه
راكان واهو يتكلم : ليش واقفين .. حركوا ..
وسام ضحك وقال : يلا ترا تحمست ..
مشى من عندهم المسؤول وإبتدا يشغل اللعبه ..
إبتدا القطار يمشي على خفيف وبعدين مرهـ سريـــع .. ويطلع وينزل ويدخل لـ أماكن غريبه ..
وسام يصارخ من الهبال الزايد ويناظر الشباب ويأشر لهم ..
الشباب إللي تحت يناظرونه ويضحكون على حركاته وكأنوا بزر ..
الشله إللي وراهـ أنواع الصراخ ..
صار إذا تحرك القطار لـ مكان ثاني لف يناظر روزان ويأشر لها .. { عليه حركات }
البنات الشيلات إرتفعت مرهـ .. وصارت أنظار كل إللي بـ الألعااب عليهم ..
وليد اهو الوحيد إللي يضحك .. وإلا باقي البزارين يصارخون ..
وسن وإهي تصارخ لـ وسام عشان يسمعها : مو كأنها طولت ..؟؟
وسام صارخ قال بـ عباطه : اعرف إنك تحبين راكان . .
ناظرته واهو جلس يضحك .. جلس يصارخ بقوهـ واهو يقول لـ راكان : هيه ترا وسن تحبك ..
الشباب يضحكون عليه ..
وسن سكرت فمه ..
وسام واهو يصارخ : بـ تقتلني ..
ضحكت وسن وبعدت إيدها عنه ..
إذا وصلوا للمسؤول عن اللعبه وسام إلا يطق كف لـ كف واهو يضحك على خبال
هـ الولد ..
إنتهت اللعبه ونزلوا كلهم عدا وسن إللي جالسه تخانق وسام .. ووسام يضحك ..
قالت : خلاص مو راكبه معاك مرهـ ثانيه ..
ضحك وقال : أـفأ توأمي ..!!
وسن : ماتفشلني كذا ..! شوف الكل عرف اسمي ..
ناظر للمسؤول قال : دورهـ ثانيه لي أـنا وإهي وبسسسسسسس ..
المسؤول ماصدق خبر ورجع يعيد التشغيل من جديد ووسن مصدومه من هـ الوسام ..
وسام : إهدأ مني لك ..
وسن : أغنيه وأـنا ما ادري !!
وسام : هههههههههههههههههههههههههههه
راكان : هيه وسام .. خير ..!
وسام ضحك وقال : إختي وكيفي .. يلا بااااااي والقطار يمشي على خفيف ليما إبتدا يسرع من جد ..
وسن ماتناظر ناحية راكان ..
وسام ميت ضحك على شكل راكان ..
بدر واهو يجلس : الله ياخذ بليس وسام .. إذني ما اسمع فيها !
الشباب : هههههههههههههههههههههههههههههههه
فواز : اللعبه تمشي في مكانها مالها خص في إذنك ..
بدر واهو يأشر على ريناد : إسأل هذي .. أول مرهـ أعرف إنو صراخها حاد للدرجه هذي ..
كلهم : هههههههههههههههههههههههه
ريناد متفشله ..
هنادي : إللي ماصارخت وسن .. ! ووسام يصارخ بدالها ..
كلهم : ههههههههههههههههههههههههههه
طبعاً ياسر يصاارخ مع هنادي .. بس مشاركه لها ..
إنتهت اللعبه لـ وسن ووسام .. وطلعوا من أماكنهم .. كان وسام يساعد وسن .. ونزل الأخو واهو تاركها .. وسن ناظرته وقالت : ماعليه وسام ..
ناظرها وتذكر وضحك واهو يرجع ..
وسن تشوفه ماد إيدهـ لها قالت : ما آبي خلاص ..
المسؤول كان مبسوط عليهم ..
وسام : شـ رآيك ناخذ لفه ثالثه .. ؟؟
وسن : معاك لا ..
وسام : أـفأ ..
وسن : بلا أـفـأ !!
وسام ضحك واهو يصافح المسؤول قال : ممكن نرجع مرهـ ثالثه .. ماندري على حسب المزاج ..
ضحك وقال : حياكم في اي وقت ..
ضحك له ونزلوا إثنيننهم ..
رااكان واهو يمشي لهم : لا كان جلست بعد ..
وسام : والله بغيت .. تجي راكان نلعب ..
راكان : لا .. هـ اللعبه ما آبيها ..
وسام : أـفأ ..
راكان نزل الشيله على شوي من عيون وسن .. ناظرته وسكتت .. كان واقف قبالها
بدر واهو يجي له : ثاني مرهـ بنات مافي ..!
راكان وقف بـ جنب وسن مرهـ مقرب منها .. تسارعت نبضات قلبها .. تذوب من قُربه .. وخصوصاً إنو بينهم سالفه من الظهر ..
وسام ضحك وقال : إللي بـ جنبي أشك إنها موجودهـ .. لدرجه إني أناظر مكانها احسبها طارت لـ راكان من سرع القطار ..
مسك إيدها .. ولا تكلمت له .. تعرف على حركاته هذي راح تنسى السالفه لكن بُعدهـ تنساها .. كان يمسح عليها بـ كل رقه .. { أنواع الذوبان .. ^_^ .. وهـ '' بس }
بدر : والله هذي إللي بجنبك لكن إللي بجنبي لا .. صدقني إللتهاب بـ الإذن عندي ..
وسام ووسن وراكان : ههههههههههههههههههههههههههههههه ...
كملوا لعب ووناسه ..
وقبل العشاء كل واحد راح لـ بيته يبدل ملابسه عشان الجمعه عند أبو سعود .. وعلى الساعه 2 كل واحد طلع لـ بيته ..

في بيت رااكان وبعد مابدلت ملابسها تمددت في مكانها دخل واهو لسا مقفل من هوازن يتطمن عليها .. مسج لها على العشاء وإتصلت فيه قبل خمس دقايق ..
بدل ملابسه وجلس على السرير .. وإهي متمددهـ على بطنها وماسكه مخدهـ صغيرهـ تحت صدرها ..
قال : بـ تنامين ؟؟
وسن : تقدر تقول ..!
راكان : وإللي مافيه نوم ..!
وسن : يحاول ينام وبعدين راح ينام ..
راكان : وإللي متأكد إنو مستحيل ينام طالما حاله كذا ..!
وسن ماتبيه يتكلم كذا عشان لاتحن من جد وتنسى .. قالت : والحال شـ فيه ؟؟
راكان واهو يمسح على ظهرها العاري : وسن حبيبي إجلسي نتكلم ..
وسن من لامست إيدهـ جسمها العاري وإهي طايعه له .. جلست وإهي تغطى إرجولها قالت : إيوا .. وهذي جلسه .. شو فيه ؟؟
راكان ناظرها وقال : عندك موضوع المسج عادي ؟؟
وسن : ماهو عادي . . لكن شـ أسوي .. طفشت . . يعني طلعنا من أمها ودشينا فيها إهي .. ! شـ أسوي ..؟!!! ماهو ماتدش العقل .. سالفة إنو موبايلك معاها .. !! كيف وصل لها ؟؟ الله أعلم . .
ناظرها وقال : تشكين !!!!
وسن : يعني واصل لي مسج من رقمك ومن عدوتي إللي تبيك .. شـ اسوي . . اكذب كل شيء متأكد لي وابقى على ثقتي .. الثقه شيء والسالفه إللي صارت شيء ثاني .. أـنا ما أدري شـ إللي يدور في بالك .. !! يلا اتركنا بـ الثقه وقولي كيف وصل لها الموبايل وتفتح فيه وكيف عرفت إسمي أساساً .. !
راكان : من طلعنا هوازن وزوجها لـ غرفة القاعه عشان يتصورون أـنا نسيت الموبايل عندهم وإهي خذته وتفرجت ومسجت لك ولا حصلته إلا بعد ما أتصلت في ميعاد تدورهـ لي وكانت تقول حصلته متروك بـ الغرفه ..
وسن سكتت شوي ناظرته قالت : مقهورهـ ..
مسح على صدرها وقال : سلامتك يادنيتي من القهر .. !
وسن وعيونها تدمع : خذت موبايلك تتفرج فيه وشافتك وكانت قريبه منك ..
سند راسها على صدرهـ وقال : شـ الكلام .. !! خذت الموبايل صح .. لكن ماعطيته لها .. يعني ماخذته من وراي .. وخليها تشوفه .. شـ راح تستفيد ..!؟؟
وسن : تشوف كل شيء يخصك .. ! ما أدري بـ الضبط !!! وبكت ..
قال واهو يلمها له أكثر : أـنا كلي معاك ولك إنتي وبس .. من راسي لـ اصبع إرجولي .. كلي لك .. داخلي وخارجي كلي لك .. وبعدين أول مرهـ تشوفني من بعد إللي صار كله .. والله مايحلى في عيوني غيرك .. ولا أشوف غيرك والقلب مايشيل غيرك إنتي من هـ الدنيا كلها .. وإللي خلقني وخلقك .. { تعرفه لما يحلف يكون صادق .. لإنو مايحلف إلا على شيء مرهـ .. ولا يحلف إلا على شيء يخص علاقتهم .. مابعُمرها سمعت راكان يحلف .. }
مسح دموعها .. بعدت عنه وإهي تقول : آبيك معاي على طوول .. طول العمر وإنت معاي ولي أـنا وبس ..
تبسم لها بـ حُب وقال : وهذا إللي أـنا ما آبي غيرهـ .. قربت منه وباست صدرهـ ..
ناظرها واهو دايخ منها كلها .. تبسمت له وخدودها متلونه .. ووووو .. ~_^

اليوم الثاني كان الغدأ عند فواز .. وعلى المغرب طلعوا الشباب والبنات والحريم على الكورنيش .. وكانت طلعتهم مرهـ وناسه ..
كانوا البنات بـ جنب بعض وبجنبهم الحريم وبجنب الحريم الشباب .. وكانت جلستهم مرهـ كبيرهـ ولا خذوا أحد من الأطفال .. كلهم عند الجدهـ والمُربيات وشريفه معاهم .. يعني كأنهم موجودين معاهم ..
بدر : آخخخخخ '' لو إني جايب شلتي .. كان حاسوكم من جد ..
أم سعود : يرحم والدينك إنت وشلتك تقول مطرب وفرقته ..
كلهم : ههههههههههههههههههههههههههههههههههههههههههه
ريناد : إحنا كذا ..!!!
أم سعود : هههههههههههههههههههه .. الحق ماينزعل منه ..
بدر : ياحياتي لا تاخذين بـ كلام العواذل .. ماعليك منهم .. غيراانه منهم لإنها تعرف تجمع أولادها كلهم أتحدى احد فيهم يجيب نفسهم شله مرهـ وحدهـ ..
سعود : أقول لا تتحدا ..!
بدر : لو فيك خير كان سويتها من الأول ..
وسام : إترك الأول .. خله يتشيطر ذا الحين ..
بدر : من جد تقول كأنو صار عقيم . . وقف على بنت وحدهـ ..!
كلهم : هههههههههههههههههههههههههههههههه
ياسر : بدر لاتمتحن قُدراتي .!
بدر : هههههههههههههههههههه .. فيك خير سوها ..
ياسر : هههههههههه .. يكفي حمد .. صف لنا إثنين ما شاء الله ..
بدر : مو من أول شيء .. ولا شله !! يعني قُدراتكم معروفه ياشلة أم سعود ..
أم راشد : هههههههههههههههههههه .. كأنو إسم طقاقه ..
كلهم : هههههههههههههههههههههههههههههههههههههههه
أم سعود : أجل أـنا وعيالي شلة أم سعود .!!
كلهم : ههههههههههههههههههههههههههههه
بدر : الحق ماينزعل منه ..
ريناد : ههههه .. حلوهـ .. وحدهـ بـ وحدهـ والبادي أظلم .. !
بدر واهو يتبسم لـ ريناد : ياروحي إنتي .. المهم إنها اعجبتك ..
أم سعود : هههههههههههههههههههههههههه .. ماعليه ..
وسن ووتين وخلود بـ جنب بعض .. وسن بـ النص .. بين خلود ووتين .. والجوري
بـ جنب خلود ..
أم سعود : لا تفرح فيهم .. ماجبتهم شطارهـ ..
بدر : أعرف .. لكن جبت 3 ..
أم سعود : إذا نفس راكان تكلم ..
راكان : عاد إحنا حاله خاصه ..
ام تركي وإهي تضحك : خاصه وبقووووووووهـ ..
أم سعود : هذا اهو إللي صح .. يحق له يشوف حاله علينا .. { تقصد راكان }
خالد : أقول لا تحمسونه زود .. !
راكان ضحك وقال : ترا نصف لكم البقيه خلال 9 شهور ..
كلهم : هههههههههههههههههههههه
وسن ناظرته .. واهو يضحك على شكلها .. مصدومه المسكينه .. غمز لها غمزهـ لها معنى .. وتعرف القصد .. وتين وخلود والجوري : ههههههههههههههههههههههههههه
الشباب ناظروهم مستغربين .. !!!!
وسن وجهها الوآن ..
شافوا راكان يناظر وسن ويضحك .. عرفوا إنو مسوي شيء وسخ ..
زياد : إنت ماتتوب ؟؟
راكان واهو يضحك : أحد يعيش في الجنه ويفكر يطلع عنها ..؟!!!!
بدر واهو يتنهد ويناظر ريناد : لا واالله ..
كلهم : ههههههههههههههههههههههههههههههه
ريناد ووسن وجيههم آلوآن ..
كانوا ماخذين وياهم مشروبات غازيه وبسكويتات { جمع بسكويت } وتشبسات .. كل واحد خذا له وكل واحد فيهم إختار لـ زوجته .. طبعاً الأغراض مابين حاتم وراكان ..
حاتم خذا له 2 تويكس و2 بيبسي ..
راكان : أتوقع إنت واحد ..!
حاتم : لـ نصفي الأخر ...
ضحك راكان وقال : ليش سبقتني ...؟
حاتم ضحك وقال : مادريت رااكان . . أسف ..
ضحك رااكان وكان جايب ميرندا فراوله مخصوص لـ وسن .. وحبه وحدهـ بس .. خذا له 2 سنيكرس واهو ميرندا برتقال ..
حاتم عطى زيزفون البيبسي والتويكس ..
راكان وصله لـ وسن ..
قالت : ثانكيو ..
راكان : ولكمو ياحياتي ..
أم سعود : وإحنا منو يعطينا ؟؟
راكان : دبروا حالكم ..!
أم راشد : الله يذكر فهد بـ الخير ...
كلهم : هههههههههههههههههههههههههههههههههههه
أم راشد : أـنا صادقه ..
راشد : يُمه أـنا أعطيك ..
أمه : ياعُمري إنت .. الله لا يخليني منك ..
تبسم لها راشد بـ هدوء وعطاها ..
أم سعود : واـنا ..؟؟
ياسر : عاد لو جايبه واحد أصغر من وتين كان خدمك ..
كلهم : هههههههههههههههههههههههههههههههههههههههههههههه
كل واحد عطا زوجته ..
خاالد لسا جالس لإنو جا له إتصال وقام عنهم ...
سعود : يلا خذ وعط زوجتك .. نفس البقيه ..
خالد يناظرهم كلهم .. قال : أمي ..!
أم خالد : ياحياتي إنت .. بـ أخذ ..
أم سعود : ياقلبي عليك .. كل واحد منهم عطى زوجته وسحب على أمه ..
خالد واهو ياخذ تويكس وسبرايت ويعطي أمه قال : مافيني خير إذا ماعطيت أمي ..
الشباب ناظروهـ ..
بدر : لا بـ الله اهو الولد البار ..
حاتم : متأكد إنو خالد أول شيء يعطي أمي ..
ياسر : ياحظي ليش ماعطيتها إنت ..!
حاتم : لإنو خالد مايرضى أحد يعطي امي غيرهـ ..
خالد : صح ..
أم خالد : الله يحفظك حبيبي ..
خالد تبسم لها وقال : ويحفظك يـ ست الحبايب ..
خذا له 2 سفن و2 تويكس وعطى الجوري واحد واهو واحد .. { مايحبون البيبسي ^_^ فديتهم .. }
وصلوا باقي الأغراض للحريم .. والحريم حاقدات .. وراشد عطا أمه وعبدالرحمن عطا أمه .. ولا بقى إلا تهاني وام سعود وام تركي وام فارس ..
أم فارس : ههههههههههههههههههههه .. مالت علينا .. هذي أخرت أولادنا ..
الشباب عاملينها لعانه فيهم .. *_*
خلود : عشان تعرفون مافي مثل البنات ..
أم سعود : مالت بس .. وينهم بناتي ..؟؟
أمل وإهي تضحك قالت : الأغراض صارت عندكم ..
وتين : يُمه لو طايفه علي خذيت لك ..
تركي : بدر خذ لـ أمي وباقي خالاتي ..
بدر وواهو يناظرهـ : ياسلام .. !! وليش مو إنت ؟؟
تركي : إنت أقرب للحريم مني ..
بدر واهو يضحك : خلاص نبدل الأماكن ..
رااكان : ودك تجي هنا .. لكن بُعدك ..
بدر : مكاني أحلى ..
راكان : هههههههههههه .. صدقت ..
وسام يغريه : بدر ويلك على إللي نشوفه .. !
بدر ناظرهم .. لإنهم قبال البنات .. وراكان نظراته لـ وسن من وقت لـ وقت .. وكأنهم مابعد تزوجوا .. وسام مبسوط .. روزان قباله .. ويناظر مثل مايبي ..
حاتم يسأل وليد : وليدي شـ تبي ؟؟
وليد يناظر المشروبات قال : حمضيات ..
هنادي : رجاااااااال إسم الله عليك ..
أم سعود : رجال عشانه يبي حمضيات .. ! أجل إنتي إيش ؟؟ على طوول غاطسه بـ الحمضيات .!
هنادي : ههههههههههههه .. كل الأنوثه ..
بدر : بعيد عنك ..
كلهم : هههههههههههههههههههه
ياسر : خير بدر ..!! الأنوثه كلها في هنادي وبس ..
رااكان : هههههههههههههه ,,
ياسر ناظرهـ ..
وسام : هههههههههههههههههههههههههه ..
ياسر : ليش تضحكون ؟؟
راكان : بس لإنك أكيد راح تشوف زوجتك كل الأنوثه فيها ..
وسام : يعني بعيد مثل ماقال بدر ..
هنادي ناظرتهم وقالت : ما اقدر على أنوثة زوجاتكم .. مقطعتهم الإنوثه ..
راكان واهو يتبسم : أكيد . . إسم الله عليها ..
وسن تكلم هنادي : هيه إنتي شـ خصني أـنا ؟؟
هنادي : زوجك يتحمل ..!
وسن من غير لا تقصد : كلامك مع أخوك مو مع زوجي ..
البنات والحريم والشباب : ههههههههههههههههههههههههههههه
راكان و اهو يعطيها بوسه : ربي يحفظهم لي يانااااااااااااااااس ..
وسن تندمت إنها تكلمت .. هذا مايستحي عند أحد ..
وسام : يـ الأخو ترا إذني ماتتحمل صراخك ..
راكان : ترا عادي تعيش بـ إذن وحدهـ .. { أبو الدشه .. ^_^ }
بدر : هههههههههههههههههههههههههه .. وناسه .. وسام مايسمع إلا في وحدهـ ..
ياسر : ههههههههههههههههههههههههه
وسام : شباب رقمي إنفصل .. !!
بدر : ههههههههههههههههه . . أحسن ..
حاتم : غريب .. بـ العادهـ تندفع الفاتورهـ على طوول قبل لا ينفصل ..
وسام : الناس حذروا ونسيت لا أقول ..
راكان : عيد الخدمه ..
وسام : يعني مافي إلا لما ترجعون للعمل ؟؟
إضافة رد
وردة الشرق 09:19 AM 14-06-11
حاتم : لا ماله خص .. إتصل في أبوي .. وإلا أدفع من حسابك ..
ياسر : عشان خالي يفصل رقبتته عن جسدهـ .. ليش يدفع من حسابه وفي مبالغ مخصصه للفواتير ..
وسام : بـ أعيد الخدمه ..
بدر واهو متحمس : بـ الله خلني أـنا أتصل فيهم ..
وسام واهو يضحك قال : خذ ..
بدر إتصل فيهم وفتح السبيكر ..
رد المسؤول : السلام عليكم .. معاك خالد ......
بدر : وعليكم السلام .. كيفك خالد ؟؟ { يمون الولد ^_^ }
المسؤول خالد : الحمدلله .. أمرني اخوي ..
بدر : الله يسلمك .. هذا الرقم بـ أعيد خدمته ..
المسؤول خالد : الإسم ورقم البطاقه ..
بدر : وسام سُلطان فارس الـ (ـــ) { كلم وسام } هيه إنت كم رقم بطاقتك ..؟؟
المسؤول خالد وكأنوا عرفهم من إسم العائله قال : مو لك وإنت إللي تتصل تطلب ...!!
بدر : يارجُل الولد مشغول يذاكر .. هذا إحنا جالسين على راسه عشان لا يتهرب من الدراسسه و أخر سنه له بـ الجامعه .. { نصاب } فـ حبينا إحنا نعيد الخدمه له .. أـنا واهو واحد .. بدر ماسك ضحكته ..
المسؤول ضحك وقال : بس مايصير ..!
بدر : طيب أـنا اخوهـ .. واهو معاي بـ نفس الجلسه .. حلوهـ هذي .. يعني لو بـ أكون سارقه كان ماعرفت رقم البطاقه .. وسام تكلم ..
وسام : ههههههههههههههههههه ..
راكان واهو يضحك : لا ترا يعرف إنو هذا وسام ..
كلهم : هههههههههههههههههههههههههههههههه
المسؤول ضحك وقال : أوكي رقم البطاقه ..
بدر : كفوووووو .. ورمى وسام عليه البطاقه وقاله الرقم ..
المسؤول : ثواني ويكون مشتغل إن شاء الله ..
بدر : تسلم ماتقصر ..
المسؤول : واجبنا .. اي اوامر ثانيه .. !!
بدر تبسم وقال : سير علي ..
الشباب : ههههههههههههههههههههههههههه
المسؤول ضحك ..
بدر : شوكرآن شوكرآن ..
المسؤول واهو يضحك : العفو أخوي ..
بدر : تشاوووووو ..
المسؤول ضحك : مع السلامه ..
واهو يرمي الموبايل على وسام قال : يلا أول مسج لي ..
وسام واهو يضحك : بعيد عنك ..
بدر : نذل . . ترا أتصل فيه واقول كنت سارقه ولسا أخاف من ربي واعترف ..
رااكان : ههههههههههههههههههههههههههههههه
بدر واهو يضحك : وسام كم فاتورتك ؟؟
وسام : 1700 ...
بدر يقال إنو يخانقه .. واهو أكثر من فاتورة وسام : ما شاء الله .. خير .. ؟؟ فـ إيش إن شاء الله ؟؟ والله لو إنك تكلم خارج السعوديه ..
أم فارس : عندك .. ليش 1700 ؟؟
خلود : كيفه .. يكلم إللي يبي ..
أم سعود تبي ترفع ضغطه : بس مو كل هـ القيمه ..
وتين : يُمه كم فاتورتك ؟؟
أم سعود ناظرتها ..
الشباب والحريم : ههههههههههههههههههههه
أم سعود : إيوا ماعليه .. صافه معاهـ ..!
وتين : مع الحق ..
أم سعود : مردك لي ياوتين ..
تركي : إن شاء الله ماتحتاج لـ أحد ..
وسام : هههههههههههه .. كملها .. طالما تركي موجود ..
تركي : صادق ..
أم سعود : ماتطول ..
وتين بتنرفز أمها : الله لايتركني احتاج لـ غير تركي ..
تركي راح فيها ..
حمد يناظرهـ قال : يـ الأخو ترفق .. ترا إحنا موجودين ..
راكان : ههههههههههههههههههههههههههه . . لو ماحذرته كان صارت علوم ..
تركي وحمد : ههههههههههههههههههههههههههههههههههههه
أم راشد : هههههههههههههههههههه .. والله البنات زوجناهم وسحبوا علينا .. وكل وحدهـ كأنوا زوجها صار أمها مو إحنا ..
بدر : حلاتها كذا .. مايشوفون غيرنا .. ويناظر ريناد ويحرك حواجبه على فووق ..
أم سعود : قوووووم بـ ...
قاطعوها وسام وبدر بـ نفس اللحظه واهم يغنون : قوووم درجني وامش قدامي ..
لا تخاف من أهلي والأعمامي ..
وسام يكمل : لا تخافون من أهلكم وأمهاتكم ..
أم تركي : أبو الطرب إللي عليكم ..
راكان واهو يناظر وسن : حلاتها هـ الأغنيه .. ودي أقابل ماجد المهندس واشكرهـ عليها ..
وسن وجهها الوآن .. لإنو جالس لها من بعد الرقص إللي شافه منها وعلى هـ الأغنيه .. إلا كل يوم ترقص له وغير كذا بـ ملابس زواج ..
راكان يكمل : وبـ النيلي شيءءءءءء ثااااااااااااااااااااااااااااااااااااااااااااااااا اني ..
الشباب يعرفون إنو يقصد وسن لإنو يناظرها .. لكن مايدرون شـ سالفة النيلي ..
بدر : ليش الأحمر مايضبط ؟؟
راكان : بلاك ماتعرف سر النيلي ..!!
الحريم : هههههههههههههههههههههههههههههههههههههههههههههههههه ه
أم فارس : مشاعل صحيح أخوك خطب ؟؟
أم سعود مستغربه : من قال ؟؟
وسام وبدر يغنون : من قال لك إني فـ البُعد مرتاح ..
بدر بروحه : كذاب أخذ مني العلوم الأكيدهـ ..
ياسر : مهموم وطول الوقت والحال ياصاح ..
فيصل : رجاءاً مدامتي بـ تتكلم ولا كلمه إنت واهو ..
بدر ناظرهـ قال : قويه ..!!
وسام : تسكتنا عشان مدامتك .. !!
ياسر : خلاص مافي رياجيل ..
فيصل : لا حوووووووووول ..
الشباب : هههههههههههههههههههههههههههههههههه
أم سعود : إيوا .. صحيح خطب ؟؟
مشاعل : أمس صارت الخطوبه ..
كلهم : ما شاء الله ..
حاتم : أـنا خبري من شهر واهو بيخطب ..!
مشاعل : كانوا ينتظرون أخو العروس يجي من الخارج ..
خالد : ما شاء الله ..
أم خالد : عاد بدور أمس مبسوطه وعلى الأخر ..
أم سعود : ياقلبي عليها .. ولدها الكبير أكيد .. طيب منو بنته ؟
أم خالد : هههههههههههههه .. إتخيلي .. الأبو صاحب عبدالكريم .. والأم ويا بدور
بـ التوجيه .. والبنت كانت تدرس روضه مع مشعل ..
راكان : أخسسسسسسسس عليه .. أثاريه يخطط من اهو بـ الروضه .. والله ماهو سهل ..
بدر : من جد ينخاف منه ..
راكان : لا يكون مفشلنا في البنت من كانوا بـ الروضه ...
كلهم : هههههههههههههههههههههههههههههههههههههههههههههه
مشاعل : حرام عليكم .. اهو مو متذكر شكلها أساساً ..
راكان ناظرها وقال : عليييييييييينا . .!! هذا كلام شباب .. وبـ حق إذا مو حافظ شكلها وكل يوم واهو يتخيلها .. الأخو عايش أحلامه من اهو بـ الروضه .. والله الحُب إللي صح ..
الشباب : ههههههههههههههههههههههههههههههههه
بدر : راكان سؤال صريح ؟؟
راكان : إسأل ..
بدر : إنت كنت حافظ شكل وسن .. وتتخيله وإلا كلام شباب بس ..
كلهم : هههههههههههههههههههه
وسن ماتبي أحد يسأله عن شيء يخصهم لإنو يجيب العيد وبقوووووهـ ولا يهتم في أحد ..
راكان واهو يناظر وسن ويتبسم : آخخخ '' على هذيك الأـيام .. كنت أتعذب .. صورتها حافظها .. والله ياصارت بلاوي مِتلتله .. ومرت علي ليالي ..
وسام يغني : أـحبك وأسهر أـيام وليالي ..
أناجي الليل في غيابك لـ حالي ..
وأقول اليوم يرجع لي حبيبي ..
ويروح اليوم وماترجع ياغالي ..
راكان : يلعن شكلك كيف عرفت إني كنت أسمعها ..!
كلهم : ههههههههههههههههههههههههههههه
راكان يناظرها ويضحك قال : والله يـ الجو حااااااااار ..
الشباب : هههههههههههههههههههههههههههههههههه
وسن مالها وجه كلش ..
البنات وجيههم آلوآن .. هذا جريء مرهـ ..
الحريم يسولفون بـ روحهم .. { طبعاً الحريم إذا إندمجوا بـ السواليف صعب يناظرون غيرهم } وطبعاً لهم سواليفهم الخاصه . . ^_^
وسام : تصدقون .. عشان وسن توأم معاي .. جا لها توأم ..
راكان : معصي ..
وسام : تتحدى ..!
راكان : أتحدى ..! مو شرط إذا إهي جاي لها توأم يصير إلا تجيب توأم . .
حاتم : صح مو شرط ..
وسام : أـنا فرحان ...
راكان : هههههههههههههههههههههههههههههه .. يابابا هذي قُدرات خاصه ..
الشباب : هههههههههههههههههههههههههه
ياسر : صح كيف يصير توأم ..؟
راكان : تبي تعرف ؟؟
ياسر : أكيد .. عشان بعدين نجيب لنا إثنين حلوين ..
راكان يتفلسف بـ وساخه : إسمع .. هذا الله يطول بـ عُمرك .. المتزوجين يمسكون نفسهم سنه كاااااامله .. وبعدين يبدون لـ يوم واحد طول الوقت ..
البنات كل وحدهـ تناظر الثانيه ويتجاهلون نظرات الشباب .. وكل وحدهـ إيدها على عيونها وتتكلم مع الثانيه . .
الشباب : هههههههههههههههههههههههههههههههههههههههه
راكان واهو يضحك : صح وسن ؟؟
وسن ماتناظرهـ كلش .. البنات وجيههم الوآن ..
فواز : هههههههههههههههههه .. ياخذ بليسك .. من جد وسخ ..
خالد واهو يضحك : وسخ وبقووووووهـ ..
راكان : حرام عليكم ماخذ شاور اليوم .. صح وسن ؟؟
وسن ماهي قادرهـ تتحمل هـ الإحراج .. مايستحي كلش .. وكلش عشان يحرجها زود .. يموت عليها إذا إستحت ..
بدر واهو يضحك وعاجبته السالفه : يعني إنت ماسك نفسك سنه كامله .. كيف ..؟ أقنعني ..!
راكان : هههههههههههههههههههههه .. أـنا ماسك نفسي 29 سنه .. وإنفجرت بعدها ..
كلهم : هههههههههههههههههههههههههههه
حمد : هههههههههههههههه .. والله إنك جريء .. راع شعور إللي جالسين ..
راكان : هههههههههههههههههههههههههههههههههه .. عادي كلهم متزوجات وكل وحدهـ منهم جايبه لها طفل .. يعني الوضع أمان .. كل وحدهـ عارفه ومجربه ..
أم سعود : شنو إللي ماسك نفسك 29 سنه ..
راكان : هههههههههههههههههههه .. مالقطتي إلا هذي ..!
أم سعود : هههههههههههههههه .. إذني ماسمعت إلا هذا ..!
راكان : هذا الله يسلمك التوأم . . يسألون كيف يجوون .. قلت الواحد يمسك نفسه سنه كامله بعدين يبدأ ..
أم سعود : ههههههههههههههههههههههههههههههه .. وإنت مسويها وغمزت له ..
البنات هذا الشيء إللي مايبونه .. أم سعود تدخل بـ السالفه ..
حمد : ههههههههههههههههههههه .. سفر الخارج مسكه غصب ..
فارس : هههههههههههههه .. لو موجودين كان ماقدر ..
راكان : هههههههههههههههههه .. { تنهد } إي والله لو موجودين ماصبرنا ..
سكرت عيونها .. مافيها تتحمل ..
خلود تساسرها : مايستحي كلش ..
وسن : هذا من لا شيء ..
خلود : إيوا .. شوفي كلام إللي عندي بعد شوي ..
وسن ضحكت وقالت : المُدرس لهم راكان . .
خلود ضحكت ضحكتها المُعتادهـ ..
ناظرها حمد على طوول .. سكتت غصب وتبسم لها ..
وسام : يارجُل بلا حركات من بعيد لـ بعيد ..!
راكان : تكلمني ..؟
وسام : لا الله يسلمك .. أكلم حمد ..
حمد ناظره وقال : شـ فيه ؟
وسام : بلا نظرات من بعيد لـ بعيد .. تراها زوجتك ومنها ولدين بعد ..
بدر : يعني المفروض تاخذها بـ الأحضان ..
حمد : إذا خذيت زوجتك أـنا خذيت زوجتي ..
راكان : تتحدى ؟؟
حمد : يرحم والدينك . . أعرفك تسويها .. أـنا آبي بدر ..
بدر : ودي .. لكن المدام ترفض عندكم ..
حمد : أوكي أـنا قلت لك .. وإنت إللي رفضت ..
وسام : آخخ .. يـ القهر .. والله لو اأـنا كان سويتها من زمان . .
حاتم : الحمدلله مو إنت ..
راكان : هههههههههههههه .. ياخي .. ما أدري شـ فيهم .. يـ إنهم يستحون ..
حاتم : قصدك نراعي شعورهم ..
راكان : والله يفرحون أكثر منك ..
البنات ناظروهـ .. خير يتكلم كذا ..!
حاتم : شيء بيني وبينها وما في أحد غيرنا ممكن يفرح .. لكن عند الكل نوو ..
راكان : ماعليه ..
هنادي : إنت تتكلم عنا وكأنك متأكد ..!
رااكان : لإني متأكد ..
هنادي : لا مو متأكد ..
ياسر : خلاص هنادي قاالت مو متأكد يعني مو متأكد ..
قاموا الجوري وخالد يتمشون لـ وقت العشاء عشان يرجعون للبيت ..
زياد : ديما يلا ...
ديما وقفت ..
راكان واهو يناظر زياد إللي واقف : وين ؟؟
وسام : شـ رآيك تروح معاهم ..
راكان : ههههههههههههههههههههههه .. جد وين ؟؟
زياد : بـ نروح نشوف صغارنا لا يكون تركي ناهيهم ..
كلهم : ههههههههههههههههههههههه
بدر : لا الدنيا أـمان .. تركي نايم .. واهو نومه ثقيل عسى الله يحفظه ..
زياد : حتى وإذا نايم .. بـ نروح لهم ..
ياسر : ههههههههههههه .. قول وراكم شيء ..
زياد : نطلع للمجمع عندك شيء .. ! { نصاب ^_^ }
ياسر : خلاص إحنا وراكم ..
تركي : ههههههههههههههه .. الولد بيخش وإنت لاصق له ..
كلهم : ههههههههههههههههههههههههههه
زياد : لا أخش ولا شيء .. من جد بنطلع للمجمع .. أخذ لـ أسرار ورائد كم شغله .. باي .. { مشت عليهم .. ^_^ }
كلهم : باي ..
كملوا البقيه سواليف وبعدين كل واحد لـ بيته لـ بعد صلاة العشاء عشان يجتمعون ..

الجـزء >> 44 << { قلبي يتقطع وأـنا أكتب في .. :'( }

تبغى الصدق أـنا خلاص ' خلاص
منك عسى مالي خلاص
سلمت لك كلي
وش لي معك قلي
أفراح ووصال وهنا
وإلا شقى خلي
كل الحكـايــه
>> أشتـــــــــ ' لك ' ــــــــقت <<
ما آبي أكون إلا معاك ' معاك
في ][ هامشك ][ أو في ][ سماك ][
ماعاد يعنيني .. الشـوـوـوـوـق مضنيني
اللحق على قلبي دخيل الله .. ' حـــــ ' فيني ' ـــــس ' ..

*-----*-----*

يادُنيا ليه تشقيني وإـيامك تبكيني
وعن ناسي وأـحبابي يادنيـا تبعديــني
كـل مانورت شمعه في دربي هلت الدمعه
أتبسم وفـ قلـبي أـنا ويلات الكــون مجتمعـه
غريبه وحالتي صعبه وأحس إنو الأمل كذبــه
أخاف تضييع إـيامي ما بين الجرح و الغربــــه

بعد أسبوع .. دخل حمد للإستراحه ومعاهـ راشد ..
وسام : يـ أهلين بـ إللي وصل ..
حمد تبسم له وراشد نفس الشيء ..
قاموا يسلمون على راشد ..
حاتم : حي الله راشد ..
راشد : يحيك ..
حمد : المفروض يجلسون معانا بـ الإستراحه . . راشد وعبد الرحمن ..
حاتم : مايحتاج اهم المفروض يجون من نفسهم ..
حمد يناظر راشد قال : سمعت ..
راشد : إن شاء الله ..
حمد يبي راشد وعبدالرحمن يجالسونهم لإنهم صاروا كبار خلاص .. وخايف على راشد لإنو ماعندهـ إخوان .. اهو الولد الوحيد عند خالته .. ويبي يكون قريب منه عشان يعرف كل شيء يخصه ولا ينحرف الولد في هـ العُمر .. راشد أقرب شخص له حمد .. لإنو اهو إللي يطلع معاهـ أوقات إذا كان فاضي .. وعلى طوول يجلس معاهـ ويسأله ويسولف .. يعني حمد مهتم في راشد .. { كيف مايهتم واهو أخو خلود .. ^_^ }
وسام : كل شيء موجود هنا ..
حمد ناظره واهو يتبسم قال : ترا في بلايستيشن ..
راشد : صحيح ؟؟
حمد : إيوا .. والحريف الوحيد في لعب الكورهـ حاتم ..
حاتم : تلعب معاي ..؟؟
راشد : يلا ..
حمد : شوف ترا حاتم ما احد يقدر يغلبه ..
راشد : إذا ماغلبته فـ أـنا أقل من مستواهـ بـ شوي ..
رااكان : ياهوووووووووهـ عليهم .. ترا حاتم ماعندهـ خوات إلا وحدهـ .. ولـ حُسن حظي أـنا خذيتها ..
راشد ضحك وقال : خلاص أجل بنتك ..
راكان : أبو التلصق إللي من ذا الحين .. ياناس ترا بنتي إلـى الأن متقدم لها 6 .. نشوف ليما تكبر ونفكر ..
حمد : 6 .. !!
راكان : إيوا .. هذا من غير إللي يفكر من وراانا ..
وسام : أـكيد عشاني خالها ..
راكان : البنت ينطلب نسب أهلها وأخوانها مو خوالها .. { من جميع النواحي تنطلب }
حمد : ههههههههههههههههههههههههههههههه ..
راكان : هههههههههههههههههههه
وسام : يعني إنت طالب نسب أبوي وإحنا ..!
رااكان : أـنا طالب وسن بـ إللي معاها ..
حمد : ههههههههههههههههههههههههه ..
تركي : هههههههههههههههه .. هذا رايح فيها واهو عندهـ 2 ..
حمد : هههههههههههه .. من جد ..
راكان : يحق لي .. { يشوف وسام يتصل قال } هاها .. على روزان ..!
راشد ناظر مايدري شـ السالفه ..
وسام يتكلم بـ صوت خفيف : ياخذ بليسك فضايح ..
كلهم : هههههههههههههههههههههههههههههههههههههههههههههه
رااكان : هههههههههههههههههههههههههه . . وسام منو تكلم ..؟
وسام تبسم غصب قال : عبدالرحمن .. أقول له يجي ..
راكان : ما شاء الله ..
وسام ناظرهـ ..
راكان : ههههههههههههههههههههههههههههههه
وفعلاً إتصل في عبدالرحمن وجا لهم ..
بعد ربع ساعه دخل عليهم فواز وعزام ..
فواز : ما شاء الله راشد هنا ..!!
راشد وقف يسلم على عمه وزوج إخته ..
عزام : أهلاً أهلاً في راشد ..
راشد تبسم وقال : هلا فيك ..
كلهم : كيفك ؟؟
راشد : بخير الحمدلله .. كيفكم إنتم ؟؟
فواز وعزام : الحمدلله .. تمام ..
جلس يكمل لعب مع حاتم .. وجلسوا اهم يسولفون وبـ الأخير حاتم إللي فاز عليه ..

الحريم مجتمعين مع البنات في بيت حمد ..

إضافة رد
وردة الشرق 09:22 AM 14-06-11
أم سعود : شنو ؟؟
هنادي : أم سعود ..
أم سعود : هاها .. شـ عندك .. ؟؟ وبعد من غير خالتي .!
هنادي : إحمدي ربك ..
أم سعود نطت عيونها قالت : على إيش ؟؟
هنادي : إني زوجة ولدك ..
أم سعود : معاك شهرين .. إذا ماحملتي زوجت ولدي وحدهـ ثانيه ..
هنادي : ههههههههههههههههه .. إذا قدرتي ..
أم سعود طقت صدرها وقالت : بعد تتحدين ؟؟
الحريم والبنات : ههههههههههههههههههههههههههههه
هنادي : أتحدى ونص .. شوفي ترا حياتك متوقفه علينا ..
أم سعود : لا والله في إيش ؟ الله يخلي لي اولادي ..
هنادي : ههههههههههههههههههههه .. واحد لي والثاني لـ أختي وووحدهـ من بناتك
لـ أخوي .. يعني دبري نفسك .. عائلة صالح مكوشه على أولادك وبناتك ..
كلهم : هههههههههههههههههههههههههههههههههه
أم سعود : الله يخلي لي حمد .. { وتناظر خلود }
خلود : أسفين خالتي .. إحنا ناس مو فاضين وبعدين أـنا مع بنت خالتي ..
أم سعود ناظرتهم وناظرت أمل ..
أمل : يُمه متأسفه .. تعرفين حوسة الأطفال يعني لسا بـ البدايه لكن مشغولين مرهـ ..
أم سعود : بعععععععععععععد ..!
وتين : يُمه أـنا ما اقدر .. لإننا بنعيش حياتنا بعيد عنكم ..
ناظرتها ..
هنادي : ههههههههههههههههههههه .. ماقلت لك .. مالك إلا ناصرك ..
الحريم : ههههههههههههههههههههههههههههههههههههه
ام سعود وإهي تضحك : طيب ياهنادي .. إذا مازوجت ياسر عليك وعلى إختك ..
هديل إنهبلت قالت : أـنا شـ دخلني ..؟؟
أم سعود : هههههههههههههه . . إختك ..
هديل : ما اعرفها ولا تعرفني ..
كلهم : هههههههههههههههههههههههههههههه
هنادي صارخت : تتبرين مني يانذله عشان زوج لا راح ولا جا ...
أم سعود رشت عليها الموي إللي معاها قالت : سعود لا راح ولا جا ياحمارهـ ..
كلهم : ههههههههههههههههههههههههههههههههه
هنادي : لا يكون نتكلم عن يسوري واـنا ما ادري ..
هديل : مالت عليك إنتي ويسورك هذا ..
أم سعود رشت الموي الباقي على هديل قالت : هيه تراهـ ولدي بعد ..
وكل وحدهـ ترش عليها موي تصارخ ..
خلود : ههههههههههههههههههههههههههههههههههههه .. والله وناسه .. أـنا وحمد برا ..
أم سعود وإهي تضحك وتاخذ موي إختها الماسه وترشها على خلود .. وخلود صارخت من برودتها ..
أم سعود : ههههههههههههههههههههههههههههه .. عشان أعرف زوجات أولادي ..
كلهم : ههههههههههههههههههههههههههههههههههههههههههههههههه
أم سعود : أجل مافي أحد يبيني ..!
هنادي وإهي تاخذ الرشه الثانيه من خالتها قالت : ههههههههههههههه .. مردودهـ يـ العنود ..
العنود : ههههههههههههههههههههههههههه
الماسه : فيك خير قربي لها ...
هنادي كان معاها علبة موي ماشربت منها إلا شوي .. وكانت مفتوحه وبسرعه رشتها على أم سعود والماسه بـ جنبها .. أم سعود والماسه شهقوا ..
كلهم : ههههههههههههههههههههههههههههههههههههههههههههه
أم سعود وإهي تضحك : والله لـ أردها يـ بنت غيوض ..
هنادي : هههههههههههههههههههههههه .. إذا قدرتي ..
أم سعود : ههههههههههههههه .. أـنا حالفه لو بعد سنتين ..
هنادي : بعد سنتين إنتي فيه ؟
كلهم : ههههههههههههههههههههههههههههههههههههه
أم سعود ناطه عيونها يقال إنها مصدومه ..
هنادي : يمكن نكون نذكرك بعد .. يمكن مو أكيد ..
أم سعود : هههههههههههههههههههههه .. ماعليه .. بس مزوجه ياسر مزوجته .. وحدهـ دلع ونعومه وأنوثه .. مو مسترجله .. كأنو متزوج واحد من أصحابه ..
كلهم : هههههههههههههههههههههههههههههههههههههههههههههههههه هههههههههههه
هنادي : بلاك ماتعرفين ميزة الوحدهـ إللي كذا ..!
أم سعود وكأنو السالفه أعجبتها : شنو يـ أمي ؟؟
هنادي : هههههههههههههههههههههه .. . لسا صرت يـ أمي .. ماعليه .. شيء خاص ..
الماسه : أـنا أقول شـ مصبر ولد إختي على هذي .. أثاريه الميزهـ إللي تقولينها ..
هنادي : وبقووووووووهـ ..
الحريم تحمسوا ..
هنادي : ههههههههههههههههههههه .. تحلمون تعرفون ..
كملوا لعب ووناسه ..

على الليل .. دخل تركي بيته وحصل وتين تلعب مع تركي الصغير ..
قال : هذا عندنا ؟؟
وتين ضحكت وقالت : جبته معاي ..
تركي : إزعااااااااااااااج هذا .. قلق ..
وتين : حرام عليك .. إللي يفهمه مايزعجه ..
تبسم لها وتقدم وشاله .. منها .. وقال : تركي كيفك ؟
تركي : بخير ..
تركي : بـ العادهـ عبادي ..!
وتين تبسمت له ووقفت قريب منه قالت : أحبه ..
ناظرها وقال : صحيح ..!
تلونت خدودها وقالت : أحبه لإنو أسمه تركي ..
خققققق .. إنهبل ..
حتى سميه تحبه ..
قرب منها واهو شايل تركي وقال بنبرهـ تجننننننن : طيب تركي المقصود من هذا كله عندك .. ليش تناظرين الصغير .. ؟؟
ذابت وقالت : وإذا المقصود مشغول وإلا برا .. شـ أسوي ..؟؟
نزل تركي على السرير وقرب منها مرهـ ومسكها من خصرها وجسمها يلامس جسمه قال : شـ فيه ؟؟
تبسمت وقالت : مشتاقه .. !!
قرب وجهه منها وقال : ليش ما اتصلتي ..؟
تبسمت وقالت : عرفت إنك راح تجي ..
باسها بـ كل ذوبان وقال : هذا كيف نصرفه ..؟؟
ناظرته وكان مشغول يحوس بـ الغرفه .. تبسمت وقالت : المُربيه موجودهـ ..
غمز لها : رايح أوديه لها وجاي ..
شاله من عندهم واهو يحوس .. وتركه يكمل حوسه في باقي البيت .. مع مُربيته ..
واهو دخل لـ وتين .. ~_^

بعد سنه .. كبروا الأطفال .. والحياة ماشيه على أفضل حال .. زيزفون حامل بـ نهاية الثامن .. ديما حامل بـ الشهر السادس .. هديل حامل بـ الشهر السابع .. ودارين وريم
بـ الشهر الرابع .. وتين وهنادي مابعد فكروا مع أزواجهم بـ الأطفال .. عايشين حياتهم من غير أطفال ..
عند رااكان ووسن .. كانوا إيـاد وأديـم أول ماصحوا في غرفة أمهم وأبوهم .. رقوا على السرير بكل صعوبه . . { ياحياتي عليهم نسخه من بعض .. مافي فرق كلش .. وذا الحين يمشون .. مرهـ يجننوووووون . . ربي يحفظهم .. }
دخلوا مابين أبوهم وأمهم غصب ...
إيـاد كان متمدد على أمه .. وهذي حركته على طوول إذا جا لها وكانت نايمه إلا يتمدد فوقها .. أديـم متمددهـ على السرير وبـ جنب أمها وراسها على صدر أمها ..
راكان حس في حركتهم ..
صحت وإهي تتبسم لهم .. يهبلووووون ..
راكان : لا هذيل يبي لهم تفاهم ..؟؟
ضحكت وقالت : ليش ؟؟
راكان : دلع .. المفروض أـنا إللي ابدأ فيك اليوم مو اهم ..
ضحكت وقالت : حلاتهم ..
ناظرهم وقال : ثاني مرهـ مقفل الباب والمفتاح معاي عشان بعد صلاة الفجر ماتفتحينه لهم إذا صحوا ..
ضحكت وقالت : ليش كل هذا ؟؟
رااكان : من تشوفينهم خلاص ... أـنا على جنب ..
ضحكت وقالت بدلع : أموت عليك ياغيوووور ..
ناظرها وقال : ترا أسوي شيء قبالهم ..
ضحكت وإهي تتمسك في غطاها بقوهـ ..
ضحك وقال : حسبالك بـ تقدرين .. !!
شال أديـم وإيـاد وطلعم لـ مُربياتهم وقال لـ شريفه : أكليهم ..
شريفه : كلوا من نص ساعه ..
رااكان : أوكي .. خليهم حولك ..
شريفه : إن شاء الله ..
دخل للجناح واهو ناويها من جد .. تمسكها بـ الغطا مايمنعه عنها .. ~_^

بعد أسبوع .. عارفين إنو مصيبته الكبيرهـ وسن .. إهي إللي راح تتعبه أكثر .. أمها سمعت وإنهارت عليه .. لكن تحملت عشانه .. الشباب الرياجيل إنصدموا لكن تماسكوا عشانه ..
كان جامعهم كلهم عندهـ .. عشان الحريم والبنات يعرفون .. ومحرص على الشباب يتماسكون .. كان قايل لـ راكان يجيبها بـ جناحها عشان لا تنهار عند الكل ..
جالسه وتسولف مع راكان لكن من كم يوم وإهي تحس في شيء .. او بـ الأصح حلمت حلم يخوف ولا خبرت أحد ..
راكان وواضح عليه الهم .. ويحاول قد مايقدر يكون طبيعي ..
قامت للمرآيه تشوف شعرها إللي حاسه راكان لها .. عشان يشغل نفسه ولا تسأله عن شيء .. رجعت له وجلست وإهي تحط راسها على كتفه وحطت إيدها الثانيه على صدرهـ المفتوح لها .. ومسك إيدها الثانيه قال : شـ فيك ؟؟
وسن : ولا شيء ..
راكان : مو صحيح ..!
تبسمت وإهي تقول : أـحبك تدري ..
تبسم واهو يبوس إيدها قال : وأـنا آـموت فيك .. تأكدي مستحيل اتخلى عنك .. بـ أبقى معاك على طوول ..
تبسمت وإهي تقول : مع إنو وضعنا يريح والحمدلله .. إلا إنو في شيء ..
راكان إنعصر قلبه .. يادنيتي لو تعرفين إللي بيصير شـ رآح تسوين ..! قال : هذي وساوس ..
وسن : إن شاء الله مجرد وساوس ..
باس راسها واهو يداري حزنه ..
دق باب الجناح .. رفعت راسها عن كتفه .. وقام اهو فتح الباب .. وكان أبو خالد .. ناظرهـ راكان وعرف إنو ذا الحين بتنقلب الدنيا عندهم ..
قال : هنا ؟؟
رااكان بحزن : إيوا ..
أبو خالد سكت شوي ..
راكان : عمي بـ أنزل تحت لـ وقت ماتنتهي ..
أبو خالد : إنزل وتعال لها بعد شوي إنت وأخوانها ..
رااكان حرك راسه بـ الموافقه واهو متعذب عشان عمه ..
طلع من عندهم ونزل للمجلس والحريم والبنات بـ الصاله ولا ناظرهم وكمل طريقه ..
دخل أبو خالد للغرفه وتفاجأت فيه وإهي توقف وتسلم عليه ..
دخل راكان للمجلس وكانوا أولاد أبو خالد كل واحد نظرهـ للأرض ووجهه يحكي إللي فيه .. المجلس مرهـ هادي .. شيء لا يُصدق إللي عرفوهـ . . بدر وياسر إللي من قبل الإستهبال على طوول معاهم .. ذا الحين كل الحزن ..
جلس ..
حاتم رفع نظرهـ وقال : عرفت ؟؟
راكان : ذا الحين بـ تعرف ويقول عمي بعد شوي نطلع لها كلنا ..
حركوا راسهم بـ الموافقه .. أبو سعد يمسح دموعه .. أبو تركي نفس الشيء .. فواز شوي ويصيح .. مستحيل هذا ..

عند وسن واهو يضحك ويسولف ..
وسن : آمم .. ادخل على طوول بـ السالفه ..
أبو خالد : اي سالفه ؟؟
وسن وإهي تناظرهـ : مو على وسن يـ ابو خالد ..
ضحك واهو يداري إللي بداخله من آلم وعذاب ..
سكت ثواني وقال : حبيبة أبوك ..
ناظرته وقالت : آمرني ..
أبوخالد .. صعب عليه يتكلم معاها بـ الشيء هذا .. .أصعب شخص إهي .. إهي إللي ما راح تتقبل .. قال : إسمعيني للأخير ..
وسن ناظرته وحركت راسها بـ الموافقه ..
أبو خالد : الواحد ماياخذ في هـ الدنيا إلا المكتوب له صح ..؟؟
وسن : أكيد ..
أبوخالد : وإللي على الإنسان لما يُبتلى في شيء يحمد ربه ويحتسب الأجر .. ولا يضعف ..
وسن وإهي خايفه .. والحلم يرجع لها .. : إيوا ..
أبو خالد مسك إيدها وقال : ربي له حكمه في كل شيء .. الحمدلله عشنا بهـ الدنيا وشفتكم كبار وزوجتكم وفرحت بـ شوفة أحفادي بهـ الدنيا ..
وسن وإهي تناظرهـ وكأن بدأ الخوف يعميها كلها على أبوها وبصوت يرجف : شـ فيه ؟؟
أبو خالد سكت ثواني وقال : أـنا مسافر للخارج سنتين و3 شهور ..
إنصدمت قالت : طيب ليش ؟؟؟؟؟؟؟؟
أبو خالد : عندي فترة علاج هناك ..
إنصدمــــــــــــــــــت .. لكن حاولت تكون مثبته أكثر ولا تستعجل : بس إنت مافيك شيء الحمدلله .. شـ علاجه هذا ؟؟
أبو خالد : بابا المرض داخلي .. أـنا عندي سرطان .. وإكتشفوهـ المستشفى إللي هنا .. وعلاجي بـ الخارج ... لكن ياباابا الواحد مايدري ربي شـ كاتب له .. أـنا ما ادري إذا
بـ أرجع بعد هذا وإلا لا .. !
ناظرته مو مصدقه قالت : مستحيل ..
ابوها : أستغفر الله .. مافي شيء مستحيل على الله .. وهذا مكتوب لي من أـنا ما طلعت على هـ الدنيا .. إللي علينا نتقبله ونحمد الله في كل حال .. { مايدري يضمد جروحها وإلا جروحه ومصايبه }
دمعت عيونها .. يعني بتفقد أبوها .. ! سكت عنها .. وإهي مابعد أستوعبت كُلياً إللي إنقال لها ..
راكان بـ المجلس قلقان .. جالس على ناااااااااااار .. قام وقال : تروحون ؟؟
قاموا معاهـ إخوانها .. ودخلوا للبيت ..
كان ماسك إيدها ويناظرها .. عارف إنها ما استوعبت لسا ..
الكلام يتردد بـ داخلها .. مايدري إذا بيرجع وإلا لا ..! سرطاااان هذا .. مو لعب .. ! مو حروق وجروح .. ممكن نهايته قريبه .. وممكن لا .. لكن إللي فيه سرطان .. إصحي ياوسن .. ! سرطااااااااااااان .. الخبيث ..
شهقت من بين هذا .. وسندت راسها على إرجول أبوها وإهي تبكي بصوت عالي وتصارخ .. : لااااااااااا .. إلا إنت .. ليته أـنـــــــــــــــــــــا .. ولا إنـــــــــت ..
مسح على راسها وكلامها يعذبه ..
الحريم سمعوا الصراخ وفزو على طوول .. جوهرهـ لما سمعت صوت بنتها وإهي تبكي بصوت مسموع .. إنهبلوا الحريم والبنات .. اليوم جوهرهـ ماتتكلم كلش وغير كذا واضح عليها الحزن والدموع بـ عيونها .. إجتمعوا الحريم والبنات عليها ..
راكان وحاتم وخالد ووسام كانوا عند جناحها سمعوا صرختها وكلامها ..
وسام وقف وسند حاله على الجدار واهو يبكي من قلب ..
دخلوا عليهم وكان راسها في حضن ابوها وتبكي من قلب ..
تمسكت فيه وإهي تقول : إنت قلت ما راح تتركني ليش تجي تقولي إنك مريض .. وإحتمال ماترجع .. لييييييييييش ؟؟ وين كلامك لي .. ؟؟ ما آبيك تروح .. كلش ولا إنت .. جلس حاتم على الأرض وعيونه تدمع : وسن كافي .. خلاص أبوي إللي فيه يكفيه ..
رفعت راسها وإهي تقول : واـنا من عندي ؟ اهو إللي بس بهـ الدنيا .. اهو كل شيء .. ليتني مارجعت لما إنخطفت .. ليت بقيت هناك ولا أدري عنه .. ليتني طلعت من هـ الدنيا قبل أسمع هـ الخبر ..
أبوها واهو يداري دموعه : لاياروح أبوك لا تقولين كذا .. عندك أولاد يبونك ..
وسن وإهي تقاطعه : ما آبيــــــــــــهم .. ما آبيهم .. آبيك إنت وبس .. والله ما آبي إلا إنت .. آآهـ '' ليته أـنا .. ليته أـنا ..
أبوها واهو يلف وجهها له : لا تقولين كذا .. تبين تعذبيني زود ..؟؟
ناظرته ودموعها تنزل وصوت بكاها واصل لـ أخر مكان بـ البيت .. حضنته .. واهو لمها له أكثر ..
قالت من بين صوت بكاها : إنت غير .. وربي إنت غير .. ليش كذا .. ليش ياربي .. ؟
أبوها وتنزل دموعه وكان يستغفر ربه .. دخلوا إيـاد وأديـم عليهم .. ووقفوا عند إرجول أمهم إللي حاضنه أبوها وتبكي من قلب ..
شاف أبو خالد شكلهم وتقطع قلبه ..
أبوها : شوفي يابابا جاين لك من نفسهم ..
وإهي بـ حضن أبوها : ما آبيهم ..
أبوها : لا تقولين كذا .. مثل ما إنتي تبيني .. اهم أكيد يبونك .. يابابا إحمدي الله على كل حال ..
وسن ماتتكلم لكن صوت بكاها يكفي .. حاولوا فيها ماقدروا .. مافي أمل إنها تسكت ..
بعدها حاتم عن حضن أبوهـ واهو يقول : أستغفري الله ..
وسن مافي كلام ..
قام أبوها واهو متعذب زود .. الكل يهوووووووووووووون عندها ..
كانت واقفه وإهي تبكي من قلب . . تقدم لها راكان ومسك إيدينها وقال بصوت متعذب : خلاص وربي تعب هذا ..
حضنته وإهي تصيح .. حاوطها بـ إيدينه واهو تنزل دموعه .. على عمه وعلى حال زوجته ..
طلع أبو خالد وحصل وسام واقف واهو يبكي .. مشاهـ معاهـ واهو يحضنه من الجنب .. ممكن خالد وحاتم بعد الضغط على حالهم وبقوهـ يتحملون لكن وسام ووسن معروف مستحيل يقدرون ..
لفوا البنات عليهم جلالات عشان وسام إللي يبكي مع أبوهـ والكل قلبه طايح .. خبصه مابعدها خبصه .. كان ساند راسه على كتف أبوهـ ويبكي .. وقف ابو خالد عند خواته وزوجته إللي كانت تناظرهـ وعيونها تحكي كل إللي داخلها .. والبنات وباقي الحريم إللي مو محرم بـ الصاله الثانيه ..
أم سعود وإهي خايفه : عسى ماشر ؟؟
أبو خالد : ماشر إن شاء الله ..
أم راشد : شـ فيه وسام ..؟؟ ووسن ليش تبكي فوق ؟؟
وسام واهو يبكي : عمه أبوي ..
ناظروا أبوهـ شـ فيه ... مافيه شيء ..
أم تركي بقوهـ : شـ فيه ؟؟
وسام : خلااص ..
أبو خالد ناظرهـ .. هذا كيف يوصل لهم الخبر ..
أم خالد سندت راسها على طرف الكنبه وإهي تبكي ..
ناظرها .. منو يهدي ومنو يخلي .. زوجته هنا ومنهارهـ وبنته فوق وحالها العالم فيه الله .. وولدهـ إللي على كتفه ..
أم سعود وضغطها واصل أخرهـ : شـ فيـــــــــــــــــــه ؟؟
أبو سعد إللي لسا داخل عشان يشوف شـ صار .. قال : إللي كتبه الله له .. ونزلت دمعته ..
أم راشد بخوف : شنو ؟؟
أبو سعد وصوته يتغير ودموعه تنزل : سرطان وبيطلع يتعالج .. وإن شاء الله يتشافى ..
شهقوا كلهم مرهـ وحدهـ .. السالفه قويه على أبو خالد .. وخصوصاً لما يعرف ردات الفعل لهم .. لكن مع هذا متحمل ليما يكون بـ روحه ..
أصوات البكا طلعت من كل وحدهـ .. وتين لفت للجوري وإهي تحضنها ويبكون الثنتين سوأ .. الكل بهـ البيت الصالتين والدور إللي فوق يبكون ..
وسام مشى وسند راسه على إرجول أمه واهو يبكي ..
طلع أبو خالد من عندهم .. ماقدر يتحمل أكثر للمجلس وجلس واهو يقول : كيف يهدون ذا الحين ؟؟