الفصل 9 | من 17 فصل

رواية معشوقي كلي معاك معاك حتى الهلاك الفصل التاسع 9 - بقلم غير معروف

المشاهدات
18
كلمة
35,691
وقت القراءة
179 د
التقدم في الرواية 53%
حجم الخط: 18

كان ينتظرها .. تأكد إنها طالعه .. لإنو سأل الخدامه وقالت له شافتها طالعه .. بعد إنتظار 3 ساعات .. وصلت وتين للبيت .. دخلت وكان جالس ينتظرها .. شافته ولاتكلمت .. إهي حتى إذا ماتكلمت يطق ويهين ..
تركي واهو يوقف ويكتف إيدينه : ما شاء الله من وين مشرفه حضرتك ؟؟
وتين : من عند أمي .. أـنا قلت لك ..
تركي قرب ومن غير اي كلمه .. كففففف على وجهها .. وطاحت من قوته ..
قامت .. وناظرته من فوق لـ تحت وقالت بكل هدوء : الذبح في الميت حرام .. وعطته ظهرها تمشي ..
شدها من إيدها بـ قوهـ وتعدلت قباله من قوة الشدهـ قال بكل عصبيه : شـ قصدككك ؟؟
وتين : أقصد إنو حرام أتكلم مع واحد مثلك ..
جا لها الكف الثاني .. ودزها وطاحت على الرخام .. ومشى عنها واهو يقول : لسا ما جا لك عقابك ..
ضحكت من بين قهرها وإهي تقهرهـ بهـ الضحكه ..
كان ناوي يرجع يتوطى في بطنها اكثر .. لكن إتصل فيه أبوهـ ورد عليه واهو نازل من بيته لـ ببيت أهله ..

يوم الملكه .. الكل موجود عدأ عائلة زياد .. ماجا منهم إلا أبوهـ واهو وراكان وبس ..
زياد كان ماخذ على خاطرهـ .. وكان طالع مع راكان يتمشون .. راكان ماترك أخوهـ .. يعرف الموضوع مو سهل عليه ..
رااكان : زياد إنت عارف عشانها من بنات عماتي .. وتعرف خالاتي وأمي .. يعني لاتكبر الموضوع .. إللي يجي أهلاً وسهلاً وإللي مايجي مايشوف شر ..
زياد واهو متضايق : مهما كان هذي أمي وإلا خالاتي بـ حريقه ماهموني ..
راكان : وامي ماتسمع إلا لـ خالاتي .. بكرهـ راح تعرف إنها غلطت لما ماحضرت لك ..
زياد سكت .. صعب يتخيل يوم ملكته وأمه ماهي حاضرهـ .. راكان واصل حدهـ لكن ماحب يوضح لـ زياد عشان مايزيد اهو ..
راكان : زياد الليله ليلتك خلاص .. لا تقلبها نكد .. إنسى وخلاص ..
زياد ناظرهـ وقال : صادق .. ليش اقلبها نكد ..
راكان : لاحق على مشاكل أمي وخالاتي وقول راكان قال ..
زياد ضحك وقال : ربي يعين ..
رااكان : ويوفقك يارب ..
زياد تبسم لـ أخوهـ إللي يعني له كل شيء قال : آمين يارب ..
راكان : يلا عاد ترا حاجز لكم فـ مطعم رآقي الليله إنت والعروس ..
زياد ناظرهـ مصدوم قال : من جدك ؟؟
راكان : أجل إنت أخوي وأكيد بـ اريحك شوي ..
زياد : إنت الوحيد إللي من أهلي إللي مريحني من جد ..
راكان : نفس الشيء إنت ..
زياد ضحك وقال : ابو الجمله إللي تناسب الوضع ..
ضحك راكان ..
زياد : أحد يعرف عن الحجز ..؟؟
راكان ضحك وقال وقلبه ينطق قبله : أكيد وسن ..
ضحك زياد ..
راكان : إستانسوا الليله .. وهذي هديه متواضعه كـ بدايه يعني .. وإلا الهديه الدسمه ليلة الزواج إن شاء الله .. صح فيه شيء .. لا يكون مشتري الشبكه ؟؟
زياد : لا إنت قلت لا تجيب شيء ..
راكان : حلو .. الشبكه عند وسن مضبطها لكم .. ولا تخاف كل الأمور أوكي .. وراح تعجبك وغمز له ..
زيياد ناظر اخوهـ إللي مهما عمل له مستحيل يوفيه حقه قال واهو عارف كل شيء يقدمه لـ راكان صغير : الله يخليك لي ويوفقك ..
تبسم له راكان .. وقال : آجمعين يارب ..

حفلة الملكه كانت فـ بيت أبو راشد .. وفي حضور .. وإنزف زياد لها ولبسها الشبكه وكانوا كل عماته حوله .. لإنو هذي مو حركة أم .. تترك حفلة ملكة ولدها .. المفروض تكون أول الحضور وتشيل الحفله شيل .. ماحس إنو ناقصه شيء .. صحيح شيء بـ داخله يضايقه .. لكن راكان مفهمه .. يفصل مابين زوجته واهله .. لإنو إذا شبك مابينهم راح تصير حياته كلها مشاكل .. طبعاَ إذا صاروا أهله نفس أمه وخالاته .. واهو مشى على كلام راكان .. وسن حوله وكأنها أخته من جد .. وحريم العائله معاهـ ..
لبسها الشبكه واهو متخبل عليها .. جميله بـ معنى الكلمه .. والحيا ذابحها .. كانت لابسه أحمر ماسك على جسمها وظهرها مفتوح وعامله تسريحه .. إهي بجنبه ولا شيء .. طويل عريض .. أبيض .. ملامحه جذابه .. واضح الرجوله عليه .. واضح طبعه الهادي .. مسك إيدها وباسها بعد مالبسها ولبسته .. وقال : ألف مبروك ..
همست بـ صوت خفيف : يبارك فيك ..
بعد ماصوروا وإنتهوا .. خذاها للمطعم إللي حاجز له راكان فيه .. وكملوا العائله باقي الحفله واهم شايلين الرقص شيل .. إلا الحوامل إللي كل واحد بطنها قبالها .. ريم رقصت على خفيف وجلست .. خلود إستغربوها كلهم .. فعلاً رجعت خلود الأولى .. ترقص رقص فقدوهـ من قبل لاتتزوج .. وإللي واقف
بـ الرقص ومتحمسين .. وسن ' خلود ' وتين ' هنادي ' ريناد ' روزان وباقي حريم العائله .. الماسه فرحتها اليوم غير .. بنتها ديما عروس وخلود رجعت خلود الأولى وريناد مبسوطه بـ زواجها من بدر وريم حامل .. حمدت ربها على هـ النعم إللي فيها ..

الكل كان موجود بـ الإستراحه عدأ زياد إللي سهران مع زوجته .. وبدر ووسام لسا داخلين عليهم سوأ .. زمان ما أجتعموا كلهم سوا .. كانوا يجتمعون وفي منهم المهموم .. واليوم كلهم مرتاحين على الأخر .. وعايشين أفضل حياة ولا يدرون عن إللي مخبى لهم بهـ الدنيا .. طبعاً تركي ناسي إنو متزوج ..
وقف بدر سيارته ووسام بـ جنبه وكانوا الشباب عاملين جلسه بـ الحوش وسواليف وضحك .. شغل بدر الأغنيه ورفع لـ أعلى صووت بـ سيارته ونزل اهو ووسام .. وإبتدت أغينة " راشد الماجد ' السعوديه " ترج بـ المكان .. لما إبتدت .. إبتدوا يرقصون بـ جنب بعض واهم يمشون لـ جلسة الشباب .. الشبباب تحمسوا معاهم وصفقوا وإللي قام يرقص وإللي واهو جالس يرقص .. الإستراحه إنقلبت كلها رقص .. وفارس ييصورهم .. وصلوا للجلسه ووقفوا بـ النص يرقصون قبال بعض .. رقص رهيب رقص شباب صح .. طاقين لطم بـ الغتر ويرقصون .. وقف عزام إللي كان ينافس بـ الرقص ورقص معاهم .. وفواز وحاتم يرقصون واهم جالسين
بـ جنب بعض .. فيصل يرقص اهو وياسر برا الجلسه .. تركي ' خالد ' سعود ' حمد يرقصون لهم واهم جالسين .. وراكان يرقص جالس لكن رقص لـ وسام وبس .. ووسام مقرب منه ويرقص معاهـ .. رقصهم كلهم من قلب .. وكأنهم ماصدقوا سمعوا الأغنيه إللي تحمسهم عشان يرقصون .. على وشك نهاية الأغنيه كلهم جلسوا يصفقون بـ حماس مع الأغنيه تشجيع لـ بدر ووسام .. جلس عزام .. ولا بقى يرقص إلا بدر ووسام .. وتقابلوا إثنينهم واهم قريبين من بعض مرهـ وكملوا رقص والشباب يحمسونهم أكثر .. إنتهت الأغنيه .. وصفقوا لهم وصارخوا من قلب ..
بدر ووسام واهم يفسخون اللطمه : لا داعي .. لاداعي ...
ضحكوا عليهم ..
فواز : صراحه تغطون على البنات بـ الحماس إللي فيكم ..
بدر واهو يجلس ووسام بـ جنبه : اهم قاعدين يرقصون ذا الحين .. خلنا نرقص معاهم ..
وسام : من جد كل مُناسبه إلا يرقصون .. حتى إذا ماعندهم مُناسبه طقوها رقص ..
حاتم : منو ماسكك ارقص ليما تقول بس ..
وسام : يارجُل إحنا ورانا مشاغل ..
خالد : أجل لاتجلس لهم على رقصهم ..!!
وسام : خلنا ننبسط ..
حمد : لا يكون ناوي بعد ..
بدر : والله توقع في أي وقت ندخل عليكم مثل هـ الدخله ..
راكان : حياكم الله ..
جلسوا سواليف إلـى الساعه 3 وبعدها كل واحد تحرك لـ بيت أبو راشد ياخذ زوجته ..

دخل راكان عليها بـ الجناح واهو يغني بصوته الحلو .. :
ضخم ودلال وفنــــــو
لقطه جمالك لقطـــــه
وازخم كلك حالـــــــي
واموز وابو لقطــــــه
حسبت المحبه سهله
اـنا ورطت فيها ورطه
شـ اسمع معاكم لقطـه
ياليت وانا حاكــــم
وإلا معايا سلطـــه
شـ اتوجك تاج امحسن
وامضي بحولك شرطه
وازخم كب امعشله
وامكبر عنك حطــه
والليله ذانا عنـــدك
لقطه جمالك لقطـــــه

وقف قبالها وإهي تتبسم على حركاته إللي مايتركها .. إذا دخل إلا يغني لها أغنيه .. وهـ الأغنيه مافهمت شيء منها .. قال واهو ولهان : سوري قلبي أدري ولا كلمه مفهومه وإذا تبين أترجمها لك من عيوني ..
ضحكت على خفيف قالت : يكفي إنت غنيتها حتى إذا كلماتها مو حلوهـ ..
باس كل مكان في وجهها بكل ذوبان وإهي وجهها الوآن .. هذي حركاته على طوول ..
~_^

رجعت وسن مع راكان اليوم الثاني للرياض .. ومرت الأـيام حلوهـ على ابطالنا إلا إنو وتين الوحيدهـ إللي محتاسه بـ أمورها بسبب تركي المتخلف بـ نظرها .. ^_^

يوم الأربعاء وبعد ملكة زياد بـ اسبوع .. كان راكان طالع لـ مزرعة جدهـ إللي تبعد عن الرياض 250 كيلو .. تقريباً أقرب الشرقيه للمزرعه من الرياض للمزرعه .. واهو مخبر وسن إنو بيطلع من الصباح عشان يرجع المغرب .. عكس إللي طلبه جدهـ .. جدهـ طالب منه يطلع العصر عشان مايرجع إلا اليوم الثاني .. كله نحاسه فـ وسن بنت سُلطان وطلب من بناته .. جدهـ قاعد يعدل بـ المزرعه وارسل راكان يشوف كيف أمور التعديلات إللي صايرهـ بـ المزرعه ..
من طلع من عندها الصباح وإهي مو مرتاحه كلش .. مو قادرهـ تنام من جديد .. جلست تحوس بـ البيت .. تحس بـ الطفش .. وعلى الساعه 11 الصباح وإهي مارهـ من الصاله إللي فوق حست الكاميرا إللي تابعه لـ باب دخول الحريم للحوش تنفتح وعندها حركه .. قربت من الكاميرا إللي تصور كل إللي حول الباب من غير لا احد يعرف وشافته .. شافت إللي ماتمنت بـ عُمرها تشوفه .. الخوف دخلها على طوول واهو قاعد يحوس بـ المفاتيح يدور المفتاح إللي يفتح الباب حق الحريم عشان يدخل للبيت من غير الحرس يلاحظون .. لإنو باب دخول الحريم على طوول مقفل ولا ينفتح إلا وقت عزيمه كبيرهـ .. والحرس واقفين عند باب الدخول الرئيسي لإنو مفتوح على طوول .. شهقت من الخوف .. ودخلت لـ جناحها وقفلته وقفلت باب غرفتها عليها .. الخوف فيها .. ترجف منه .. جلست على سريرها وعيونها على الباب .. تنتظر اي وقت يدخل عليها .. خذت موبايلها وفكرت فـ منو تتصل .. راكان يبي له ساعتين .. أبوها بتخبصه واهو بـ الخبر ... فكرت .. مافي إلا حاتم .. دعت ربها يكون بـ الرياض ولا يكون طالع للخبر لإنو اليوم اربعاء .. دقت رقمه وإهي تحاول تكون طبيعيه عشان لاتخرعه ..
جا لها صوته : هلا والله ..
وسن : أهلين حُبي .. كيفك ؟؟
حاتم : بخير والحمدلله .. إنتي كيفك ؟؟
وسن : الحمدلله عال العال .. وين بـ الرياض وإلا الخبر؟؟
حاتم : مابعد حركت للخبر ..
وسن إرتاحت وقالت : طب .. آمم ..
حاتم : شـ فيك ؟؟ قولي !!
وسن : نايف أخو راكان ..
حاتم عقد حواجبه : شـ فيه ؟؟
وسن تتكلم وإهي تناظر الباب قالت : واقف عند مدخل الحريم حق البيت ويحاول يفتحه وراكان طالع لـ مزرعة جدهـ ..
هنا حاتم قام على طووول واهو واصل حدهـ قال : الـ .... متى وصل من الخارج ؟؟
وسن ماحبت تقول إنها كانت تعرف إنو هنا قالت : ما أدري ..
حاتم مشى أخر سرعه عندهـ واهو اساساً قريب من بيت وسن قال : وسن شوفي إذا قدر يفتح وإلا لا ..!
وسن فتحت باب غرفتها وباب الجناح كله .. وطلعت للصاله وناظرت من الكام وشافته حايسس مع مفاتيح كثير قالت بكل خوف : لآ .. وقف حاتم بعيد عنه شوي واهو يشوفه . . شعرهـ طولان إلى نص ظهرهـ .. شافه يحوس ومعاهـ أغراض .. تقدم له وبكل هدوء ولفه له فجأهـ وعطاهـ كففففففففففف بكل قوته .. رجع للجدار من قوة الكف ..
إنخرش لما شاف حاتم .. هذا مايكمل اي شيء بيسويه لها .. إلا يطلع شيء يخرب عليه .. كل هذا تجسس وعرفوا إني قاعد افتح الباب ..
مسكه من صدرهـ وقال واهو يهز فيه : شـ بغيت فـ البيت وإنت تعرف إنو أخوك طالع للمزرعه ..؟؟؟؟
خاف من عصبيته وكأنه ورقه يحرك فيها مارد على حاتم ..
شاف المفاتيح معاهـ وكاميرا بعد .. ناوي الأخو تصوير بعد .. جن جنون حاتم ولحق الكف الأول كف ثاني ومن قلب بعد .. ودزهـ على الجدار بـ أقوى شيء .. وشال المفتايح معاهـ والكاميرا ومسك نايف من ورا ومشاهـ معاهـ .. ودخله لسيارته وركب اهو .. وإتصل في وسن وقال : جهزي أغراضك يلا ..
وسن سمعت الكلام من غير نقاش ..
جهزت أغراضها وقالت لـ شريفه تجهز أغراضها بعد .. وخلال ربع ساعه وإهي راكبه مع يحيى وشريفه للخبر .. إهي بسيارتها مع يحيى .. وحاتم معاهـ نايف ..
إتصل في راكان وخبرهـ .. راكان وصل حدهـ وترك كل الشغل وحرك للخبر عشان يشوف موضوع أخوهـ الحقير .. من جد ماتوصل للدرجه هذي .. شـ يبي فيه .. ؟؟ ليه مايتركونه يتهنى في حياته .. دق على وسن يشوف اخبارها وحصلها ولا كأن بينهم شيء إلا بـ العكس مشتاقه له وتسولف عادي .. إرتاح للشيء هذا ..

حاتم إتصل في أبوهـ وقاله ينتظرهـ بـ المجلس .. أبوهـ إستغرب لكن مع هذا إنتظرهـ بـ المجلس ..
دخل حاتم ودز نايف على الرخام ..
أبوهـ إنهبل من المنظر قال : شـ صاير ؟؟؟؟؟؟؟؟؟؟؟
شـ جاب ناييف من الخارج ..؟؟ شـ جابه عند حاتم ؟؟ وحاتم ليش معصب كذا ؟؟
حاتم واهو واصل حدهـ واهو يـأشر عليه : هـ الحقير .. كان ناوي يدخل على وسن البيت بـ غياب راكان { كمل بـ نرفزهـ واهو يرفسه بـ رجله } وجايب عدته معاهـ .. الكاميرا عشان التصوير بعد .. وضربه بـ أقوى شيء .. { هذا ماينفع فيه شيء }
أبو خالد وكأن الدنيا تدور فيه .. ناوي يدخل عليها بعد .. قال : دخل عليها ؟؟؟؟
حاتم : لا الحمدلله لحقت على أخر شيء .. الحقير شكله سارق مفاتيح راكان ..
أبو خالد مابعد تكلم مع نايف قال : وين وسن ؟؟
حاتم : خليتها تجي معانا .. إهي على سيارتها مع يحيى وأـنا ماخذ هـ الواطي ..
جا له يمشي ابو خالد ومسكه من الأرض ووقفه وقال : ماعندك نخوهـ ..؟؟؟ هذي بنت عمك ماتستحي على وجهك .. !! حتى الواحد إللي فيه ذرة رجوله مايسويها مع الغريبه .. { تنرفز منه وعطاهـ الكف إللي علمه معنى بنت العم } طاح على الرخام وعند إرجول حاتم .. حاتم رماهـ عن إرجوله .. وقال : قدرك تحتها مو بجنبها ..
عصب وقال : أـنا شـ قايل لك .؟؟؟؟؟؟؟؟؟؟؟؟؟
نايف ساكت .. مايقدر يتكلم .. يحس خدهـ متخدر كله .. هذا إذا أسنانه ماهي طايحه ..
مسكه من جديد واهو يهز فيه وعطاهـ كف ثاني وفسخ العقال وجلس ضرب فيه .. واهو يقول : والله لو واصلني خبر عن أحد أولادي مسويها مع وحدهـ ما اعرفها
لـ يكون نفس نصيبك .. وهذاك يصارخ ويتألم .. طلعه من طورهـ .. مايفهم كلش .. أخرتها توصل فيه .. بـ يتعدى على بنت عمه .. زوجة أخوهـ .. !!! هذي كيف تدخل العقل .. أول مرهـ بـ حياته يتعامل بـ العقال مع أحد .. مابعمر إضطر للشيء هذا .. كل أولادهـ وأولاد إخوانه كانوا يسمعون الكلام إلا هذا إللي كأنه إبليس
بـ تصرفاته .. إلا يشوف إبليس أرحم منه .. مقتنع إنو الضرب يربي أوقات .. عشان كذا ماشاف نفسه إلا طايح طق في نايف بـ العقال .. لما تأكد إنو تأدب من جد بعد عنه وقال لـ حاتم : شوفهم يشيلونه ليما يجي لي جوازهـ ..
حاتم ومابعد برد إللي بخاطرهـ سواته شينه : إن شاء الله .. دخل أبوهـ داخل وإتصل حاتم في أحد الحرس يجون يرمونه في المزرعه ليما يجي جوازهـ في إيد أبوهـ .. وفعلاً ثواني إلا اهو مشيول للمزرعه ..
لما دخل حصل وسن جالسه بـ الصاله وواضح الخوف عليها من إللي صار مع نايف .. قامت وسلمت على أبوها .. حضنها له وقال بكل حنان : كيفك ياروح ابوك ؟؟
وسن : الحمدلله تمام ..
أبوها : الحمدلله ..
دخل راكان هـ الوقت وقال : السلام عليكم ..
ردوا السلام كلهم .. أمها وابوها ووسام ووليد وحاتم دخل لهم من المجلس .. إستغربوا الجمعه هذي ..
أبو خالد واهو يمشي : رااكان تعال معي ..
راكان واهو يلحق فيه : إن شاء الله عمي ..
دخل ورا عمه ..
وسام : شـ صاير ..
وسن كانت تناظر راكان واهو يمشي ورا عمه .. وبداخلها تقول " يُبه الله لايحرمني منك .. راكان ماله علاقه بـ المووضوع .. يارب تفهم هـ الشيء .. " خايفه أبوها يطين الدنيا مع عائلة عمها كلهم ..
أبو خالد واهو واقف : عاجبك تصرف أخوك ؟؟
راكان : اكيد لا .. ولو طايح بـ إيدي سنعته ..
أبو خالد : مايحتاج جا له نصيبه .. كيف وصلت له المفاتيح .؟؟
رااكان : أـنا مفاتيحي من أسبوعين ضايعه .. واتوقع إنو محصلها بـ سيارتي ..
ابو خالد : ما شاء الله وتعطيه بعد سيارتك ..
راكان : ياعمي الله يخليك .. مابعمر عطيتها غير زياد .. لكن مرهـ كنت مسكر على سيارة واحد من الشبباب وعطيت المفتاح لـ ناايف يطلعها ..
أبو خالد : وكم صار له هنا ؟؟
رااكان : 3 أـسابيع أتوقع ..
أبو خالد واهو يمشي : جوازهـ آبيه عندي الليله .. ووسن تجلس هنا لـ وقت ماتغير مفاتيح البيت كله .. الداخلي والخارجي .. وطلع .. ماينلام على إللي يسويه .. وراكان حمد ربه إنو السالفه ماكبرت بـ راس عمه .. طلع رااكان وراهـ ..
وشاف عمه يرقى الدرج .. جلس معاهم راكان بـ الصاله .. وواضح على " وسن ' راكان ' حاتم ' أبو خالد " إنو في موضوع كبير مرهـ .. ومنرفزهم وبقوهـ ..
جلسوا ساكتين شوي .. راكان بس يناظر وسن إللي عيونها على الطاوله إللي قبالها والهدوء ماليها كلها .. حتى ملامحها .. جوهرهـ قامت ورا زوجها ..
بقى وليد وحاتم وراكان ووسن ووسام ..
وليد جلس بـ جنب وسن .. قال واهو يحركها : وسن ..؟؟
حست فيه وحضنته من الجنب وقالت : هلا حبيبي ..
وليد : شـ فيه ؟؟
وسن عقدت حواجبها : مافي شيء .. أشتقت لك وجيت ..
وليد واهو فرحان : بتجلسين هنا ..؟؟
وسن وإهي تتبسم لـ فرحته : إيوا حبيبي بـ اجلس عندك ..
جلسته بـ حضنها ولمته لها وباسته ..
وليد : الجوري تعرف ؟؟
وسن ضحكت وقالت : لا ماتعرف ..
وليد : أـنا أقول لها ؟؟
وسن : إيوا قول لها ..
نزل من حضن وسن وراح للتليفون ودق رقم غرفة خالد .. حافظ الرقم .. لإنو خالد محفظه الرقم ..
ردت الجوري ومسكت سواليف معاهـ ونسى سالفة وسن ..
وسام يذبحه السكوت قال : إيوا .. شـ أخباركم بعد ..
راكان تبسم له ..لإنو يعرف وسام مايحب الهدوء قال : أخبارنا تسرك ..
حاتم تكلم : شـ قال لك ؟؟؟
راكان : أبد ... جواز نايفف وأغير تقفيلات البيبان كلها إللي داخل وإللي برا ..
{ ناظر وسن وقال بـ نبرهـ غريبه } راح تجلسين هنا ليما أنتهي من كل شيء ..
حاتم حاسس فـ راكان قال : ماتطول السالفه ترا ..
راكان : لا أـنا بـ أغير الباب كله ..
حاتم : إذا على كذا شهر قليل ..
راكان : هذا اهو .. صعب أتركها كذا ..
وسن ساكته .. حطت عينها بـ عينه لما قال إنها راح تطوول هنا ..
وسام مايدري شـ السالفه .. بس سمع إسم نايف .. شـ مسوي هذا بعد مايدري .. !!
وسام تنرفز وقال : شـ فيه ؟؟
إستئذنت من عندهم وطلعت لـ جناحها .. حاتم طلع لـ جناحه يرتاح شوي قبل صلاة العصر .. وراكان لحق فـ وسن .. يشوف شـ فيها ..
دخل عليها الجناح حصلها جالسه على الكنبه وتفكيرها مو حولها .. جلس بـ جنبها ومسك إيدها وباسها بكل رقه وقال : شـ فيك حياتي ؟؟

إضافة رد
وردة الشرق 06:56 PM 15-05-11
وسن ناظرته وعيونها مدمعه شوي وقالت : السالفه بتكبر بينك وبين أهلك والسبب أـنا .. وأـنا ما آبي أكون لك مصدر مشاكل مع اي أحد .. آبي أكون مصدر راحه لك على طوول ..
حضنها له وقال : ياحبيبتي .. مابعمرك كنتي مصدر مشاكل .. وصاحب المشاكل أهلي نفسهم .. إهم إللي مدخلين حالهم بكل شيء وإلا يسببون مشاكل .. تأكدي إنك مصدر راحه لي على طوول ولا يجي في بالك غير هـ الشيء .. ليش مو راضين لي أعيش متهني ما ادري ..!!! خلاص حياتي وأـنا أخترتها وبكيفي وما لـ أحد له تدخل فيني غيرك إنتي وبس .. { تغيرت نبرته } آبي أرتاح مع أهلي .. آبي أعيش كـ اي شاب مع أهله .. قامت من حضنه وناظرته .. متأثر من سالفة أهله .. مسكت إيدهـ بين إيدينها وباستها وضغطت عليها قالت : إنت بـ النسبه لي كل شيء .. وماحسستني ببعدي عن أهلي وإحنا بـ الرياض .. خلنا نعيش حياتنا ولا نفكر في مشاكل أهلنا لنا .. هذي حياتي أـنا وإنت .. إنت أـنا وأـنا إنت .. وإنت لي كل شيء بهـ الدنيا ...
قاطعها واهو يضمها له حييل .. وقال : آآآخخخ عليك وعلى كلامك .. وربي إنتي أمي وابوي وحبيبتي وزوجتي وصديقتي وإختي واخوي وجدي وجدتي وكل أهلي
{ كمل بـ هبل بعيد عن الجد } وإذا بغيتي خالتي منيرهـ بعد ..
ناظرته بنص عين ..
ضحك عليها من قلب ..
وسن : ما تكمل جميلك ..!
راكان واهو يضحك : أـحبك وربي أـحبك .. وإنتي بـ النسبه لي كل شيء بهـ الدنيا ماوقفت على أهلي وبس ... ولو يصير بيننا شيء لا قدر الله أـنا إللي بـ أروح فيها ..
حضنته اكثر وقالت : الله لايقوله .. وإن شاء الله حياتنا كلها وإحنا بجنب بعض سعادهـ فـ سعادهـ ..
باسها على راسها وقال من كل قلبه : إن شاء الله يارب ..

اليوم إللي بعدهـ ووقت جمعة العائله الكل موجود كـ المُعتاد وراكان ووسن من ضمنهم ..
بدر : والله ياوسن جابت راكان هنا كل اسبوع ..
ضحك فواز وقال : شـ يسوي .. ؟؟ أكيد بيجيبها وإلا بتصير له عقوبه ..
ناظرهم واهو يضحك وقال : سبحان الله .. يعني مسوين انفسكم أقويا على حريمكم ..؟؟
فواز : أتحدى تقدر تتكلم معاي ..
بدر : أجل بعد فيها ..!!
حمد يناظرهم ويضحك .. من جد خبول .. وإذا وقت الجد ضاعت علومهم ..
جا لهم عزام ..
رااكان : إيوا فواز كنت تقول إنو زوجتك ماتقدر تتتكلم معاك من قوة شخصيتك ؟؟
فواز توهق لإنو عزام يناظر فيه .. واكيد بتوصل السالفه لـ دارين ثم ويله ..
فواز : الله يهديك خرفت ياراكان .. !! هذا بدر إللي يقوله ..
هنا حمد وحاتم : ههههههههههههههههههههههههههههههههههههههههههههههه
راكاان واهو يضحك : اجل بدر ..!!
حاتم واهو يضحك : إذا مو قد الشيء هذا لا تقول وتورط حالك ..
فواز وقف وقال : لاتقولوني شيء أـنا ماقلته .. أـنا بـ أروح للمدام .. باي ..
راكان : ههههههههههههههههههه .. هذا إللي ماتقدر تتكلم معاك .. إلا بالع العافيه معاها .. { كمل واهو يناظر بدر } وإنت خلاص خلها تنام عند عمتي الماسه أسبوع بس ..
بدر : ها ؟؟
راكان : من قال ها سامع ..! أـنا أتصل فـ عمتي واقول عطيني ريناد وأقول بدر يقول خليك عند أهلك أسبوع وتراهـ يقول ماتقدر تتكلم بـ كلمه وحدهـ ..
بدر طلعت عيونه قال : لا تخرب بيتي بـ إيدينك ..
الشباب هنا : ههههههههههههههههههههههههههههههههههههه

على الساعه 5 الفجر .. حست الآلآم تزداد عليها .. مسكت إيد فارس وضغطت عليها .. ماصارت تنام بـ الليل .. قام على قو ضغطتها بـ سرعه وقال واهو يمسكها : حبيبتي شـ فيك ؟؟
أمل تتكلم بـ خفيف من قوة الألم : المستشفى .. خل نروح للمستشفى ..
قام على طوول ولبس وخذا عبايتها ولبسها العبايه واللثمه والشيله قال بكل خوف : أشيلك ؟؟
أمل تسكر عيونها من قوة الألم قالت : لا .. أقدر أمشي .. مشت معاهـ ليما وصل للسيارهـ وكانت على الباب على طوول .. ركبها بـ خفيف ومشى بـ سرعه للمستشفى .. وبطريقه إتصل في عمته العنود وردت وإهي نايمه : آلوو ..
فارس واهو متوتر أول مرهـ تصير معاهـ : عمه أمل بـ تولد ..
قامت جالسه على طوول قالت : وينكم ؟؟
قام ناصر على قومتها ..
فارس : قريب من المستشفى ..
العنود وإهي توقف : دقايق ونكون عندكم .. باي وقفلت ولفت لـ ناصر وقالت : أمل بـ تولد ..
قام على طوول وبدلوا وطلعوا للمستشفى ..
دخلوا عليه ..
أم سعود : ابوي كانت تتألم بـ قوهـ ؟
فارس واهو متوتر : إيوا .. أول مرهـ أشوفها كذا ..
جلست على الكرسي وإهي تبكي : ياقلبي عليك يابنتي .. الله يسهل عليك ويقومك بـ السلامه ..
أبو سعود وفارس : آمين ..
إنتظار 5 ساعات ونص .. وكل واحد على أعصابه .. اول مرهـ تطول .. طلعت لهم الممرضه وقالت : ألف مبروك ولد ..
ناظروا بعض مبسوطين ..
أم سعود بـ سرعه : وكيفها ؟؟
الممرضه : كل شيء تمام .. ودخلت للغرفه إللي طلعت منها ..
باركوا لـ بعض .. ودز فارس لكل عائلته يبشرهم واحد واحد .. وكانوا الكل صاحين لـ صلاة الجمعه وفرحوا عشانه ..
الجوري والخوف واضح عليها : يلا إنتهت أمل والحمدلله وباقي أـنا ..
حس خالد بـ خوفها .. لمها من خصرها وقال : صدقيني كل شيء سهل ... إهي بس بـ البدايه لكن بعد كذا خلاص ... تنسين كل شيء ..
تبسمت له .. إذا شافها خايفه يحسسها بـ الأمان .. وإذا متضايقه لو بـ إيدهـ وسع لها الكون كله .. وإذا زعلانه راضاهـ على طوول .. حست بـ راحه من كلامه ..
ضحك لها وقال : إيوا وبعدين تزعجيني .. خلودي نبي طفل .. نبي كتكوت جديد ..
طقت على كتفه ومشت عنه وإهي تقول : لاتكلمني خلاص ..
لحق فيها ومسكها وبما إنها ثقيله ما تقدر تتحرك بـ سرعه .. لفت له وقالت وإهي زعلانه : شـ بغيت ؟؟
خالد : اـفأ .. بدايتها شـ بغيت .. أجل لو تعرفين راح تمشين عني ..
ضحكت غصب وقالت وإهي تبوسه على خدهـ : ورببي أـحبك ..
تنفس بقوهـ وقال : لا شكلنا بنترك صلاة الجمعه والسبب إنتي ..
ضحكت وقالت : أقول قوم يلا ..
ضحك عليها وباسها وطلع من عندها ..

راكان واهو على السرير وفاتح عين ومقفل عين ويقرأ المسج ضحك وقال : أخسسسسسس عليه فارس .. ولد ورا الثاني ماعندهـ وقت .. ما شاء الله عليه ..
وسن صحت معاهـ وقالت : شـ فيه فارس ؟؟
راكان واهو يبوسها : جا له ولد ثاني ..
وسن تبسمت وقالت : ياحياتي .. الله يسعدهم ..
راكان : آجمعين يارب ..

مجتمعين بـ الإستراحه العصر كلهم ..
وسام : ياخي ماعندك وقت ولدك الأول ماصار له 9 شهور بهـ الدنيا ..
بدر : هههههههههههههه .. مو اقول أـنا عند فارس عقيم ..
ضحكوا عليه ..
فارس : يلا يـ المتزوجين من وقت .. شـ إللي يمنعكم لا زوجاتكم يحملون .. { ناظر فيهم } ها حمد ؟ يلا راكان .. وبدر .. ها تركي !!
رااكان : قالوا لك ماشفنا خير .. لا يابابا إحنا ناس بنعيش حياتنا .. نستانس لاحقين على المبزرهـ وإزعاجهم .. خلنا نصفي إمورنا سنه بـ القليل وبعدها نفكر بـ الشغل العدل وغمز له ..
ضحكوا ..
فارس : إيوا حمد ؟؟؟
حمد : راكان معاهـ حق .. أـنا بـ النسبه لي قبل سته شهور قدام مافي شيء ..
فارس : بدر ؟؟
بدر : والله حسب الأوضاع ..
فارس : تركي ؟؟
تركي : إنسى هـ الموضوع معاي ..
وسام : إسمع الناس إللي تفهم ..
ياسر : ذا الحين يجهزون للثالث ..
كلهم : ههههههههههههههههههههههههههههههههههه
فواز : عادي خلهم يجهزون .. إنت إللي تحمل وإلا أمل ..!!
عزام : صراحه أـنا كرهت الحمال من بعد إللي جا لي منه ..
ضحكوا عليه الشباب ..

البنات والحريم كانوا عند أمل .. إللي واضح عليها التعب شوي ..
هنادي : إيوا .. وشنو أسمه ؟؟
أمل : مابعد إخترنا ..
هنادي : الأول عبدالله والثاني عبادي والثالث عبدو والرابع عببيد ..
ضحكوا عليها الحريم ..
هنادي وإهي تفتح شنطتها : صح نسيت جايبه لك هديه ..
أمل : ياحياتي مافي داعي ..
وسن ووتين ماسكين ضحكهم ..
هنادي : إلا عاد هذي مهمه وتحتاجينها بعد إللي شفناهـ ..
أمل عقدت حواجبها : إيش ؟؟
هنادي : مانع حمل ..
هنا الكل إنفقع ضحك ..
لولوهـ : ياخذ بليسك ياهنادي هذا وقته ..!!
هنادي وإهي تضحك على شكل أمل : شـ اسوي .. نبيهم يمسكون نفسهم شوي ..
وتين : تُكفين أمل طلبتك ..
أمل : خير حياتي ..!
وتين : آبي أخذ عبادي اليوم اهو مُربيته عشان ترتاحي عند أمي ..
أمها : وتركي ؟؟
وتين مالت عليه بس قالت : عادي اهو ماعندهـ مانع { نصابه }
امل : خلاص أشوف فارس ..
وتين وإهي تبوسها : ياحياتي إنتي .. ترا بـ أخذهـ طول ما إنتي عند أمي وإذا بغيتي بعد لما ترجعين فـ بيتكم .. المهم يبقى عندي هـ الفترهـ أموت عليه .. وقت إللي أجي أجيبه معاي ..
أمل تشوف في وتين حُب الأطفال قالت : خلاص حياتي .. أتصل في مُربيته تجهز إهي وياهـ ..
وتين : ياقلبي إنتي .. عسى ربي يهنيكم ويسعدكم ..
كلهم : آمين ..
أم فارس : حبيبتي وسن ماطلعتوا للرياض ..؟؟
وسن : لا أـنا جالسه شهر على قلبكم ..
أم خالد إللي عرفت السالفه من زوجها قالت : إلا عسل على قلبي ..
وسن قامت وحضنت أمها وقالت : وربي إني بـ الرياض فاقدتك وفاقدهـ حضنك وريحتك ..
أم خالد تلمها اكثر قالت : واـنا أشوف الشرقيه كلها من غيرك وكأن مافيها حياة ..
أم سعود : لايكون حامل وصاير هـ الحُب بسبب الحمال ..؟
وسن : هههههههههههه .. لا ..
أم راشد : أجل ليش شهر .؟ كيف راكان يتركك ..؟؟
أم تركي بخوف : وسن قلبي لا يكون بينكم مشكله ..
ضحكت وقالت : ياقلبي إنتم .. الحمدلله وضعنا على أفضل حال ونحمدهـ ونشكرهـ .. لكن في بعض التعديلات بـ البيت وقلت أجلس عند أهلي لـ وقت ماينتهون .. وبعدين قلت مرهـ أشوف الجوري أول ماتولد .. ما أقدر أتحمل يوصلني خبر ولادتها من غير لا أشوفها ..
الجوري : ياغناتي إنتي .. وربي إنتي عسل .. ربي يسعدك ..
وسن : ويسهل عليك يارب ..
كلهم : آمين ..
تهاني : ما شاء الله اليوم الكلام الحلو بـ زيادهـ ..
وسن : هههههههههههههههههه .. بس بحضوري ..
وتين وإهي تحضنها من الجنب : كل شيء بـ حضورك حلو ..
وسن باستها على خدها ..
أم سعود : هاها .. ترا هذي ماهو تركي .. وإنتي { تناظر وسن } ترا هذي مو راكان ..
وتين وإهي تلم وسن أكثر قالت : يخسي تركي يجي بـ جنبهاا ..
وسن طقتها فـ بطنها ..
قالت الجوري ترقع : هههههههههههه .. حتى الغزل عندك ياوتين بـ هبال ودفاشه ..
وتين تضحك عشان خالتها أم تركي : هههههههههههههه .. شـ أسوي تركي معودني على كذا .. { ورفعت إيدينها } عسى الله يخليه لي ولـ كل عين ترجيه ..
كلهم ماتوقعوا وتين راح تحب تركي هـ الكثر قالوا : آمين ..
تبسمت لها خالتها غيوض بكل حُب .. راحت لها وتين وحضنتها .. مهما كان مالها ذنب بكل إللي صار .. تبقى خالتها ومثل أمها ..
خلود وإهي لسا داشه : هااااااااااااااااااااي ..
كلهم : هااااااااااياااااااااااااااااات ..
سملت على أمل وقالت : ألف مبروك ياقلبي .. وحمدلله على سلامتك ..
أمل تبسمت لها وقالت : يبارك فيك .. ويسلمك ربي .. وعقبالك ..
خلود وإهي تسلم على الموجودين سمعت جملة أمل وتبسمت وإهي فرحانه من داخلها .. لوتحمل داخلها ولد من حمد .. بتكون محظوظه كثير بهـ الدنيا .. وصلت لـ أمها وحضنتها ..
أم سعود : يـ الله من دلع البنات .. كأنك ماكنتي سهرانه عندنا أمس ..!!
خلود وإهي باقي حاضنه أمها : احبها شـ أسوي ..
وسلمت على خالتها العنود وكأنها تشكرها إنها جابت حمد .. ولمتها ..
أم سعود إستانست ..
خلود تبوس راسها كذا مرهـ وإهي حاضنتها وقالت : لو أبوس راسك إنتي وأمي
لـ أخر يوم بهـ الدنيا ما أوفيكم حقكم ..
أم راشد دمعت عيونها ..
ناظرتها أم سعود قالت : هاها .. بكت ..!
هنادي : خاله العنود .. خاله الماسه عندها الإحساس زايد والدموع زايدهـ ..
خلود تمسح دموعها ..
أم سعود : هاها بكت الثانيه ..
خلود : طالعه على أمي ..
أم فارس : خلود ليش ماتوفين خالتك العنود حقها .. ؟؟ أمك ومعروف لإنها أمك لكن خالتك العنود ..؟؟
خلود وإهي حُب الدنيا داخلها للشخص هذا قالت : لإنها أمي الثانيه .. لإنها أم حمد .. حبيبي ..
أم سعود وإهي عيونها دامعه .. خلود تحب حمد .. من وقت زواجهم ما أرتاحت
لـ حال ولدها إللي من سوء لـ أسوا .. وذا الحين واضح منهم إنو أوضاعهم مضبوطه والحمدلله .. قالت : عسى الله يهنيك إنتي وياهـ ..
خلود وإهي لامتها من جديد : آمين يارب .. { لفت لكل خالاتها } الشاهد ربي أشوفكم كلكم نفس أمي ..
وتين : ياحياتي حتى أـنا كبرتيني ..
ضحكت خلود وقالت : أسفه ياجدهـ ..
وتين : هههههههههههههههههههههههههههههههه
جلست معاهم وطلعت موبايلها ومسجت ..

كان جالس بين الشباب وداخله راحة الدنيا كلها .. بعد الهم والعذاب والحزن سبحان الله يغير من حال لـ حال .. يحس فرح الدنيا كله فيه .. من ضبطت أوضاعه مع خلود واهو يحمد ربه على طووول ..
خالد واهو يوقف : يلا شباب باي ..
وطلع من عندهم لإنو الجوري إتصلت فيه يجي لها عشان ترتاح فـ البيت ..
وصل مسج لـ حمد .. فتحه وكان من خلود وكاتبه " بداخلي شُكر كبير لـ خالتي لإنها سبب فـ وجودك بهـ الدنيا " تبسم غصب ورد لها " وأـنا أشكر هـ الدنيا لإنو خلود فيها .. إللي بداخلك لـ خالتك .. طيب أـنا مالي شيء !! "
تبسمت وإهي تقرأ ردهـ ومسجت له " إنت لك الروح والقلب والتفكير .. لو بـ أتكلم من ذا الحين لـ بكرهـ ما اتوقع يعبر عن رُبع إللي بداخلي لك "
وصل له المسج ..
وسام : ههههههههههههههه . . والله وإشتغلنا ياحمد ..
بدر : هههههههههههههههههههههههههههههههه
فتح المسج وقرأ ردها وإستانس وكتب لها " هـ الموضوع يبي له نقاش بـ البيت ... إللي اقوله ذا الحين .. عسى الله مايحرمني منك "
وصل لها المسج وإستانست أكثر .. وردت " أوكي .. البيت ينتظرنا .. ولا يحرمني منك يافرح عمري "
وصل له المسج وقام وقال : يلا شباب بـ الإذن .. وطلع من عندهم ..
بدر : ماشاء الله واحد إتصال والثاني مسج ..
راكان واهو يوقف ويكمل : والثالث إحساس ..
هنا صارخوا ..
فواز : لا يـ أبو الإحساس إنت ..
راكان ضحك وقال : والله احس فيها .. يلا باي .. ومشى ..
ضحكوا عليه ..
صوت له فواز : راكان ..
ناظرهـ وقال : شـ بغيت ؟؟
فواز : متى طالع للرياض .. ؟؟
راكان : على الفجر .. ليش؟ ؟
فواز : راح تجي الأسبوع الجاي إن شاء الله ؟؟
بدر : ليش اهو يقدر يترك وسن أسبوع بـ أكمله ...!!
راكان : جا لك الجواب ..
بدر : هذا إذا ما جا لك من نص الأسبوع ..
وسام : قصدك إذا مانقل شركة جدهـ هنا ..
بدر : تتوقع يقدر ينقلها ؟؟
وسام : لحظه { ناظر راكان وقال } شركة جدك تقدر تمشي ..؟
راكان : إيوا تقدر .. ترفع فستانها كذا { واهو يرفع ثوبه } وتمشي ..
ضحكوا عليه ..
ياسر : لا خلها تركض احلى ..
فواز : يـ الله على دخلاتكم ..
راكان : ليتها تمشي والله لـ أجيبها هنا ..
ضحكوا عليه ..
عزام : جربوا إللي عايشه وبعدين إضحكوا ..
بدر : جا لنا الموسوس الثاني ..
ضحكوا عليه ..
راكان : فواز بغيت شيء ..؟؟
فواز : خلاص .. راح أتصل فيك ..
راكان : أوكي .. وطلع من عندهم ..

بعد يومين طلعت أمل من المستشفى على بيت أبوها .. وخذت وتين عبدالله ولد فارس عندها وصار له يومين .. وتركي ولا حاسس .. لإنو عبدالله والمُربيه على طوول بـ جناح وتين .. أبو خالد وصل له جواز نايف وطلعه من المزرعه للخارج على طوول وأتحدى إذا يقدر يدخل اي مطار بـ السعوديه قبل لا يكون عند أبو خالد خبر ..

وتين كانت بـ جناحها وجالسه مع عبدالله بـ الأرض ومجمعه كل الألعاب حولهم وتلعب معاهـ وإهي تاركه شعرها مرفوع وواصل لـ أكتافها .. وضحك عبدالله وسواليفه شايله الجناح شيل .. وإهي تضحك عليه .. دق موبايلها وكانت وسن وردت وإهي متبسمه بقووهـ : هلاااااااااا والله ..
وسن تبسمت وقالت : أهلين حياتي .. كيفك ؟؟
وتين: الحمدلله بخير .. إنتي كيف أوضاعك ؟؟
وسن : ماشيه اموري الحمدلله .. وكيف عبادي ؟؟

إضافة رد
وردة الشرق 07:00 PM 15-05-11
وتين وإهي تناظرهـ وتضحك قالت : يجنن إسم الله عليه .. وسن من جد الأطفال أحلى شيء بهـ الدنيا ..
وسن تبسمت لـ حُبها للأطفال قالت : أوكي جيبي لك نونو صغنن ..
وتين ماتخيلت تجيب من تركي .. أساساً عندها هـ الشيء مستحيل .. بكرهـ يطلع متخلف نفس أبوهـ قالت : يجيب الله مطر ..
وسن ماحبت تسألها عن السالفه ليما يجلسون سوا قالت : شـ رآيك تجين لي ؟؟
وتين : مع إنو الحق لي ..!!
وسن ضحكت وقالت : تعالي المرهـ هذي ووعد اليوم إللي بعدهـ أـنا عندك ..
وتين سكتت شوي وقالت : ما أتوقع تركي يرضى ..!
وسن إستغربت قالت : ترا إنتي جايه لـ بيت خالك .. من متى هـ التعقد . . ؟؟
وتين : ما ادري .. لكن ما أعطيك كلمه أكيدهـ ..
وسن وإهي ناويه تجيبها وبرضا تركي قالت : أوكي لا تشيلي هم ..
وتين : راكاان موجود وإلا بـ الرياض ..؟
وسن بضيق : من 4 أـيام بـ الرياض ..
وتين حست فيها قالت : إن شاء الله ربي بيجمعكم قريب بس إنتي لاتضايقي حالك .. وإللي صار يمكن خيرهـ لكم في شيء إحنا مانعرف عنه ..
وسن : إن شاء الله .. أوكي حُبي أـنا بـ أنزل تحت .. بدك شيء ..؟؟
وتين : سلامتك قلبي ..
وسن : يسلمك غناتي .. بوسي لي عبادي ..
وتين وإهي تبوسه بقوهـ قاالت : وصلت ..
وسن : ههههههههههههههههه . . سمعتها خلاص .. وبوسي حالك ..
وتين وتبوس بـ صوت عالي قالت وإهي تضحك : وصلت ..
وسن : ههههههههههههههههه . . أوكي حياتي باي ..
وتين : بايات حبيبتي .. وقفلت وباست عبدالله بقوهـ وقالت : إنت أحلى شيء ..
كان واقف على باب الجناح ويناظر مصدوم .. ولد فارس وأمل من متى هنا ...؟؟ ووتين ماجابت سالفه لـ وسن عن إللي يصير ببينهم .. !! كانت عاقله بـ المكالمه .. إهي كذا على طوول مع وسن .. عنادها معاي بس وإلا في شيء .. !!
قال بصوته إللي أرعبهم لإنهم كانوا مندمجين يلعبون : من متى صار بيتنا حضانة أطفال ..؟؟؟؟
ناظرته ولفت تكمل لعب مع عبدالله وقالت : وعليكم السلام ..
تركي طنشها وقال : من متى؟؟
وتين : إسمع لا تسوي لي فيها .. أـنا جايبته من يومين معاي ... وآبي أجلسه معاي .. أستانس معاهـ بدل لا اقابلك ..
تركي واهو يمشي عنها قال : أفضل شيء سويتيه بـ حياتك عشان أرتاح أـنا بعد من مقابلك ..
حست إنو طلع .. رمت اللعبه بقوهـ من إيدها .. وراح عبدالله يحبي يجيبها .. حياتها ماعادت طايقتها ... إثنينهم يكرهون بعض .. وعلى كيفه يتأمر .. حلو إنو مامنعني عن عبدالله بعد .. دارت دموعها لاتنزل من القهر إللي داخلها .. تعوذت من الشيطان .. مابقى إلا تركي يطلعها من طورها .. قامت خذت عبادي ونزلوا تحت لـ بيت خالتها وعمها .. يمكن معاهم تنسى زوجها المتخلف .. وفعلاً هناك حصلت إللي فاقدته مع تركي .. الحُب لها والحنان وكأنها بنتهم .. وجت لهم هنادي وكملت الهبال من جد ..

" وسن حبيبي شـ أقول له بـ الضبط .؟؟؟ "
وسن وإهي متنرفزهـ : اي شيء .. بس أقنعه بـ طريقتك وتين تجي عنندي .. إنت مو صديقه وقريبين من بعض مرهـ .. خلاص آبي الشيء هذا ..
رااكان عارف إنو وراها شيء وإلا ماتنرفزت كذا قال : طيب شـ السالفه بـ الضبط ..؟؟
وسن ماتبي توضح له قبل لا تتأكد : حبيبي محتاجه لـ وتين تجي عندي وذا الحين ..
رااكان عارف راسها يابس قال : خلاص بـ اشوفه وارد لك خبر ..
وسن : أوكي .. وقفلت ..

خالد كان شايل الجوري ومركبها السيارهـ ومشى فيها للمستشفى على طوول وإهي تتألم أكثر .. شوي وينهبل ..
دخلوها للمستشفى .. وكل المستشفى يعرفها لإنها دكتورهـ عندهم .. وإللي راح تشرف على ولادتها صاحبتها .. شافف حوسة الممرضات والدكتورهـ وعرف إنها واصله حدها وبـ تولد .. مرت من بجنبه الدكتورهـ .. وقفها وإهي عارفته ..
قال : لو سمحتي دكتورهـ ..!!
وقفت وقالت وإهي تتبسم لـ خوفه على الجوري إللي تموت عليه : آمرني أستاذ خالد ..
خالد : تسلميين .. الجوري بتولد آبيها ماتحس بـ اي آلم وقت ولادتها ..
تبسمت له وقالت : لاتشيل هم .. إحنا عاملين حسابنا للشيء هذا .. إنت أدع إنو ربي يقومها بـ السلامه ..
خاالد : إن شاء الله .. ومشت من عندهـ .. للغرفه إللي فيها الجوري .. خايف عليها مرهـ .. ولا حب يخوف أمه وأمها معاهـ .. إتصل في حاتم وبس .. حاتم أخوهـ .. وقاله ..
حاتم واهو حاسس في أخوهـ : لا إن شاء الله راح تقوم بـ السلامه .. كلها ساعه
بـ الكثير إن شاء الله وشوف إذا ماطلعوا يباركون لك ..
خالد بخوف : إن شاء الله ياحاتم إن شاء الله ..
حاتم : يارجُل لا تخاف .. إترك لك طاقه عشان تدخل عليها بعد ماتققوم بـ السلامه ..
ضحك وقال : إن شاء الله ..
حاتم ضحك وقال : خبرت أحد ؟؟
خالد : لا ..
حاتم : إذا خبرت بتنخبص أكثر وخصوصاً مع الحريم .. خلك عايش خوفك بروحك لا يجي أحد يخوفك أكثر ..
ضحك خالد وقال : ما شاء الله مجرب ؟!!
حاتم ضحك وقال : لا من جد .. يعني الحريم بـ المستشفى .. سوا مثل
هـ الحالات وإلا حادث الله يكفينا الشر .. مايهدونك إلا يزيدونك توتر وخووف والواحد بمثل هـ المواقف مو ناقص ..
خالد : ههههههههههههههههه .. والله صادق ..
حاتم ضحك معاهـ ..

تركي واهو يرد على راكان : هلا ..
راكان : أهلين .. كيفك يـ راجل ؟؟؟
تركي : بخير والحمدلله .. إنت كيفك ؟؟
راكان : بخير ونعمه .. وينك فيه ؟؟
تركي : بـ البيت .. وبـ أطلع .. بغيت شيء ؟؟
راكان : حلو .. طيب طلبتك ..
تركي : لك إللي تبي ..
رااكان واهو يكذب : مدامتي محتاجه مدامتك شوي .. إذا ماعليك أمر نزلها عندها .. ترا مدامتي مالها غير مدامتك تفهم لها ..
تركي : شغل خدامات إهي .. مايفهم عليها إلا مدامتي ..
راكان عصب : أقووووووووووول ..
تركي ضحك وقال : أسف .. خلاص بـ انزلها عندها .. شـ بغيت بعد .. أمرني ..!
راكان يقال إنو زعلان عشان تكمل الخطه : مشكور ..
تركي ضحك وقال : يارجُل إضحك ..
راكان : أسف ماعندي وقت .. باي .. وقفل .. واهو متأكد إنو تركي راح ينزل وتين عند وسن ..
تركي ضحك وقال : أعرف كيف أخليك ترضى ياراكان .. ودخل لـ جناح وتين ولا حصلها .. وعرف إنها فـ بيت أهله .. نزل وحصلها .. جلس بـ جنبها وقال بكل حُب : حبيبتي إتجهزي بـ أنزلك عند مدامت راكان ..
وتين بـ خاطرها والله ماجاب راس تركي وراكان غيرك ياوسن قالت : أوكي حياتي وقامت وطبعت بوسه على خدهـ بكل رقه وشالت عبدالله وطلعت لـ بيتها ..
تخدر تركي بـ مكانها وخصوصاً هـ الحركه عند أمه أبوهـ وهنادي إللي جلست تصارخ وتصفق .. أبوهـ وأمه ضحكوا على خفيف .. صحى من هذا كله .. ولحق فيها فوق وكانت مقفله على حالها تلبس .. ريحة عطرها بـ خشمه .. وقف فـ جناحه وقبال المرآيه وناظر خدهـ عليه طبعت رووج خفيفه مو واضحه .. مسحها عشان لا يتفشل بـ الشباب .. ولبس وطلع .. وحصلها لابسه عباتها ولثمتها وعبدالله والمُربيه معاها .. ناظرها واهو ساكت ومشى وقال : يلا تعالي للسسيارهـ ..
ضحكت بينها وبين نفسها على الحركه وطلعت وراهـ ..

جلس حاتم يسولف معاهـ ومايجيب طاري مستشفى ولا ولادهـ عشان ينسى شوي ولا يخاف زود .. واضطر حاتم يسولف ويضحك يقول أخبارهـ إللي بـ الرياض .. ومر على مكالمتهم ساعه وخالد مندمج مع حاتم في سالفة مشروع ضخم لـ درجه إنو حاتم نسى سالفة ولادة الجوري ..
ماصحى من إتصال حاتم إلا والدكتورهـ واقفه فوق راسه وتقول : مبروك إستاذ خالد ولد .. هنا خالد صحى ووحاتم نفس الشيء .. صارخ حاتم بـ الموبايل : آلففففففف مبرووووووووووووووك ياخووووووووووووي ..
خالد طار من الوناسه وقال : وكيف الجوري ؟؟؟
الدكتورهـ : الحمدلله وضعها تمام .. وكل شيء طبيعي ومطمئن ..
خالد : الحمدلله يارب .. حاااااااتم ..
حاتم واهو يضحك : سمعت .. ألف مبروك ياخوي .. ويتربى بـ عزكم ..
خالد شوي ويطير قال : الله يبارك .. وعقبالك إن شاء الله ..
حاتم : هههههههههههههههه .. شوف كيف نتكلم عن مشروع إلا الدكتورهـ طالعه لك ..!
خالد : هههههههههههههههههههههههه .. من جد إللي يكلمك إنت بـ نفسك تنسيه كل شيء ..
حاتم : هههههههههههههههههههههههههههه .. هذا إللي كنت آبيه عشان مايوقف قلبك من الخوف عليها .. الحمدلله إنها قامت بـ السلامه .. وسلم عليها وبارك لها .. وإن شاء الله بـ أتصل فيها لما تكون أوكي ..
خالد : تسلم ياحاتم ..
حاتم : يسلمك .. أجل يلا رووح بشر ..
خالد : ههههه .. أكيد .. توصي شيء ؟؟؟
حاتم : سلامتك ..
خالد : ربي يسلمك .. مع السلامه ..
حاتم : مع السلامه ..
وقفل واهو فرحان لـ أخوهـ ..
أول شيء سواهـ إتصل في أبوهـ .. ورد : هلا خالد ..
خالد والفرحه واضحه بـ صوته : هلا أبوي .. شلونك ؟؟
أبو خالد تبسم لـ فرحة ولدهـ وقال : بخير يـ ابوي ..
خالد : أبشرك يُبه .. أول حفيد لك وصل للدنيا هذي بـ سلام ..
أبو خالد إللي قام من الوناسه وقال : الله يبشرك بـ الخير يـ أبوي .. وشلونها ذا الحين ..؟؟
خالد واهو متشقق من الوناسه : بخير وعافيه والحمدلله ..
أبو خالد : الحمدلله .. عسى مبروك يابوي .. ويتربي بـ عزكم إن شاء الله ..
خالد : وبعزك يـ أفضل أبو ..
ضحك أبو خالد وقال : الحمدلله يارب ..
خالد : إنت في البيت يُبه ؟؟
أبو خالد : لسا طالع منه ..
خالد : أجل أـنا بـ أبشر أمي .. توصيني بـ شيء قبل أقفل ..؟
أبو خالد والدنيا ماهي سايعته من هـ الخبر : سلامتك يـ أبوي ..
خالد : يسلمك .. مع السلامه ..
أبو خالد : بحفظه .. وقفل .. وإتصل في أمه إللي كانت جالسه عند أم سعد ووسن معاهم ..
ردت : هلا حبيبي ..
خالد : يُمه .. ياست الحبايب .. يـ أغلى مامر فهـ الدنيا .. شـ أبشرك فيه ..
أم خالد إللي متعودهـ على كلام ولدها إللي مثثل هذا قالت : خير أبوي إن شاء الله ..!
خالد واهو طاق الإبتسامه : حفيدك شرف للدنيا ..
أم خالد بكل فرح : صحيح حبيبي ؟
خالد واهو يضحك : إيوا يُمه .. الجوري ولدت والحمدلله ..
أم خالد : ألف مبروك حبيبي وحمدلله على سلامتها ..
خالد : ههههههههه .. الله يبارك فيك .. ويسلمك ربي ويخليك ..
أم خالد : ويحفظك إنت وزوجتك وولدكم وويوفقكم ..
خالد يموت في دعاوي أمه له قال : آمين يـ الغاليه .. بشري جدتي ووسن ..
أم خالد : هههههههههههه .. حبيبي إنت .. خلاص عرفوا من وناستي ..
خالد : هههههههههه .. أجل عطيني جدتي .. وخذا يكلم جدته وبعدها وسن إللي طايرهـ من الوناسه تموت على خالد والجوري .. وأخيراً شرف مولودهم .. وبعدها قفل وإتصل في أم الجوري وأبوها وبعدها إتصل في جدهـ إللي أستانس له أكثر .. وبعدها مسج للباقين .. وإنتشر الخبر بسرعه ..

وسام واهو يرقص بـ الإستراحه : أخيراً صرت عم والحمدلله ..
بدر : ههههههههههههههههههه عقبال ماتصير أبو ..
وسام واهو يرفع إيدينه : آمين يارب ..
وليد مستانس لإنو إللي فهمه في نونو راح يجي للبيت جديد .. والجوري إهي إللي جايبته ..

عند وسن بـ جناحها وبعد ماطلعت وتين من عندها وإهي مصدومه .. كل هذا فيها ولا تكلمت .. ليش ؟؟؟ ليش يصير لها كذا ..!! ليش ياتركي .. !!؟؟ إهي ماحقدت على تركي .. بـ العكس تشوفه ضحيه نفس وتين .. يعني إثننيهم مايتحاسبون على إللي يصير فيهم .. دق موبايلها وكان راكان ولا ردت .. رجع يدق مرهـ ثانيه ولا ردت .. دق المرهـ الثالثه وفتحت الخط : أهلين راكان ..
إستغرب صوتها .. إللي متوقعه تكون تصارخ عشان ولد أخوها قال بكل هدوء : شـ صاير ؟؟
وسن : ولا شيء ...
رااكان : وسن أـنا مو غبي عنك ..!!
وسن : بس أشتقت لك ..
راكان يعرف لو كانت من جد مشتاقه كان تكلمت من الأول .. مستحيل الشوق يوصلها لهـ الشيء .. قال : حبيبتي واـنا مشتاق لك أكثر .. قولي الله يخليك لي
شـ فيك ؟؟
وسن صوتها واضح متضايقه .. يكفي وتين بكت عندها ليما ألمها راسها .. قالت وإهي تداري بكاها : ولا شيء ..
عرف إنها تبكي قال واهو بينجن : وإللي خلقني لو ماتكلمتي لـ أجي لك من الرياض وذا الحين ..
عرفت إنو ممكن يسويها قالت : عادي مافي شيء .. ممكن اهو يهمني الشخص إللي أـنا متأثرهـ عشانه .. لكن راكان شيء يقهر .. يرفع الضغط ..! وبكت ..
راكان سكت شوي وقال : قولي كل إللي عندك ..
وسن وإهي تمسح دموعها : آمم .. كيف تشوف علاقة تركي ويا وتين ..!
راكان عقد حواجبه وقال : عادي ... الرجُل واضح عليه عايش حياته ..
وسن إنقهرت ..
قال : فيه شيء ؟؟؟؟
وسن مستحيل تقول إنو وتين مخبرتها بـ كل شيء قالت : الكلام إللي بـ اقوله لك مايوصل لـ احد حتى تركي ...!
راكان حس إنو الموضوع خطير قال : أكيد .. قولي ..
وسن قالت إنها كانت بـ الحمام ولما طلعت سمعت وتين من غير لا تحس كانت تكلم تركي وكانوا يتخانقون بـ الموبايل وفهمت إنو كل واحد نومه بـ روحه وإنو طاقها أكثر من مرهـ ....الخ ..
راكان : مستحيل ما اصدق ..
وسن : أكيد عشانه تركي صاحبك صح ؟؟
راكان : مو على كذا .. بس لو سواها ماهو رجال .. خير يمد إيدهـ عليها مهما كان إللي بينهم .. يعني اهو ماخذها من بيت أبوها مُعززهـ مُكرمه يقوم يذلها .. تركي غير النوع هذا ..
وسن : راكان أـنا سمعتها بـ نفسي ..
راكان : ولا واضح عليه شيء ..
وسن : أكيد ما راح يوضح عليه .. نفس وتين لما مو واضح عليها إنها عايشه
بـ الذل هذا كله ..
راكان : وسالفة نومة كل واحد بـ غرفه هذي بعد ماتدخل العقل ..
وسن : رااكان أـنا سامعه وتقول ماتدخل عقلك ..!!
راكان : صح ماتدخل العقل .. كم صار لهم متزوجين .؟؟
وسن : شهرين إلا كم يوم تقريباً ..
راكان : وبتقنعيني إنو طول هـ الشهرين كل واحد بـ غرفه ولا صار بينهم شيء .. ومثلاً صار هذا صحيح .. أجل ليش طالعين شهر عسل .. وسوأ بينهم مشاكل .. ترا شهر العسل الإثنين يكونون بروحهم وفي مكان واحد وصعب .. صعب وسن إللي قاعدهـ تقولينه ..!!
وسن : تقول إنت بجناحك وأـنا بجناحي شـ تبي فيني .. وبعدين قالت : يرحم والدينك خلنا على وضعنا هذا كل واحد بـ جناحه ينام ولا يدري عن الثاني ..
راكان : طيب عمتي العنود مالاحظت الشيء هذا .؟؟
وسن : كيف بـ تلاحظ ووتين ماتكلمت فـ شيء ..!
راكان : مو شرط تتكلم .. أكيد بتحس بتشوف على بنتها .. بتلاحظ ..
وسن : إحنا لما نجلس ونسولف كذا .. إهي تتكلم ولا كأن بينهم خِلاف .. كيف تبي عمتي تلاحظ ..!!
راكان : ما أدري صراحه ..!! لكن بـ أحاول اسحب الكلام من تركي وإذا تكلم عرفت أسنعه عدل ..
وسن : ما راح يتسنع غصب .. الولد كارهها ..
رااكان : وإهي ؟؟
وسن ماحبت تقول إنها كارهته قالت : ما ادري .. من بعد الزواج ماصرنا نتكلم نفس اول ..
رااكان : اليوم إيش ؟؟
وسن : الثلاثاء ..!!
رااكان : حلو بكرهـ الأربعاء لما اجي أشوف موضوعه ..
وسن : حُبي من غير لا يحس إنو عندك خبر ..
رااكان : بـ أسوي نفسي غبي ليما يعترف من نفسه ..
ضحكت وقالت بـ همس : أـحبك ..
رااكان : ويل حاااااااااالي ياناااااااااااااااااااااس منهم ..
وسن : ههههههههههههه .. وكملوا الليل سواليف بـ الموبايل ..

عزام واهو يسلم على عمته الماسه ..
قالت له : تفضل حبيبي ..
عزام قبل لا يدخل على ريم قال : عمه شمي معاي ريحه ..
هنا الماسه : هههههههههههههههههههههههههه
عزام : هههههههههههههههه .. شـ اسوي جننتني بنتك ..
الماسه : هههههههههههههههههههههه .. فترهـ وتعدي ..
عزام : ههههه وعلى ماتعدي إلا ثقتي بـ نفسي معدومه ..
الماسه : ههههههههههههههههههههههههههههههههههههههههه
دخل على ريم إللي مسكرهـ خشمها ..
عزام ناظرها .. مشتاق لها مووووت وإهي حارمته من الشوفه والصوت حتى ..
عزام : حياتي ما أشتقتي لي ..؟
ريم تحرك راسها بـ معنى لا .. وإهي واصله حدها بتستفرغ قالت : عزام إطلع .. مو طايقتك كلش ..
نطت عيونه .. قبل ريحته ذا الحين كله .. وطلع من عندها وقال لـ عمته ..
الماسه : هههههههه .. عادي أبوي .. لاتزعل .. ترا بعد الشهر الرابع خلاص ينتهي كل شيء ..
عزام : ومتى الشهر الرابع ينتهي ..؟؟
الماسه : هههههههههههههه .. خلاص على بداية شهر 12 تعال خذها ..
عزام يحسب وقال : حلو باقي أسبوع ..
الماسه : ما قلت لك هانت ...
عزام : الحمدلله .. سولف مع عمته شوي إلا عمه فهد جاي وجلسوا سواليف وبعدها بـ نص ساعه طلع من عندهم ..

مرت الأـيام حلوهـ وخفيفه عليهم .. تزوج زياد من ديما وطلع شهر عسل .. وطبعاً الزاوج كان بـ الخبر وعلى جدهـ نفس البقيه .. عزام خذا ريم إللي راجعه وإهي مشتاقه له إلا إنو أضطر يغير عطوراته لإنها كارهتها .. وتين ووتركي على نفس الحاله .. وراكان ماقدر ياخذ من تركي شيء .. إلا قاعد يسولف عند الشباب إنو الواحد عايش قصة عشق مع وتين .. وراكان شوي وينلحس مخه من كلام تركي ..

وبعد زواج زياد بـ اسبوعين .. كانت وسن باقي عند أهلها ... وراكان يجي كل أسبوع والثاني ..
كانت طالعه للمجمع وإتصل فيها راكان : وين الحلو ؟؟
وسن تبسمت وقالت : راجعه من المجمع ..
رااكان : حلو .. أوكي إذا فسختي عباتك إتصلي فيني ..
وسن : أوكي حياتي ..
رااكان : إنتبهي على نفسك .. باي ..
وسن : أوكي .. بايات ..
وصلت للبيت ودخلت لـ جناحها ودخلت لـ غرفة النوم وإهي متشوقه تتصل في راكان .. دخلت من الباب حق غرفة النوم وكان رااكان منخش وراهـ .. وإهي تمشي حضنها من ورا .. نطت من الخوف وصرخت : يُمـــــــــه ..
حط إيدهـ على فمها وقال : دوووبا أـنا ..
ضحكت من بين خرعتها ولفت له وقالت : عبيط من جد .. ليش ماقلت لي..؟؟
راكان واهو يضحك : عشان تخرب المفاجأهـ ..!

إضافة رد
وردة الشرق 08:31 AM 16-05-11
وسن : ماشفت سيارتك بـ البيت ..!!
رااكان : تركتها بـ الإستراحه .. { كمل واهو يناظرها } ماودك تسلمين ..
وسن ضحكت بـ خجل وحضنته .. حضنها أكثر وقال : ياعل حضني مايفقدك يوم ..
وسن : آمين يارب ..
باسها على خدها .. وعلى خدها الثاني ..
قالت وإهي خجلانه : لا والله شـ بقى ؟؟
رااكان واهو يغمز : باقي أشياء كثيرهـ ومهمه ..
ضحكت وإهي تمشي عنه ..
مسكها من إيدها وقال : لـ متى هـ الحيا فيك ؟؟؟
وسن : ليما يتعدل لسانك ..!
ضحك وقال : أجل بُعدك يتعدل ..
وسن : أجل بُعدك ينفسخ مني الحيا ...
رجع حضنها بقوهـ وقال هامس لها : أخر يوم لنا بـ السرير هذا من غير شر .. فهمت عليه وتلونت كلها .. ~_^

بـ الرياض عند خالات راكان ..
وضحى : ماقدرتي كلش ؟؟
منيرهـ : الوسخه ماتتركهم يرقون للدور الثاني إلا للتنظيف وبس وتكون إللي تابعه لها معهم وتناظرهم .. يعني تحت عينها .. وإلا نومهم كلهم تحت بـ غرفه خاصه فيهم .. وشريفه غرفتها فوق ..
هوازن : والله ماهي سهله ..
منيرهـ : تعرف تخطط .. أجل الخدامات تحت كلهم .. ولا يرقون فوق .. تقولي الخدامه مانسمع إلا صراخهم وضحكهم فوق ولا نعرف شـ عندهم ..
وضحى : بنت اللذين عارفه تدبر أمورها .. الدور إللي فوق لها وله عشان ياخذون راحتهم من غير الخدامات .. والدليل تقول صراخهم ..
منى بـ قهر : يمكن يتخانقون ..!
وضحى : يـ المهبوله هذا دليل على سعادتهم ... طاقينها لعب ووناسه وكأنهم بزارين .. أجل متزوجين يصارخون ويضحكون بـ أعلى صوت .. إلا عاارفه تجيبه عدل ..
منيرهـ : ماهيب سسهله أـنا قايله لكم ..
وضحى : ماتقدر تجيب لنا شيء منها . . تلقط شيء من هنا وإلا من هنا !!
منيرهـ بـ قهر : ماتقدر .. تقول حتى تنضيف جناحها تدخل معاهم شريفه ويكونون تحت عينها ولا ياخذون شيء .. صحيح يجمعون كل شيء إلا إنو شريفه بـ الأخير إهي إللي تاخذهـ ..
وضحى : ول عليها من بنت .. عقلها شغال ..
منيرهـ : ماتوثق في غيرها ...
هوازن : حلو . . عطيها مبلغ كبير وتشتغل معاك ضدها ..
منيرهـ : ماتعطي وجه خدامتها ..
منى : بعد إللي شفته فيها : مستحيل تكون خدامه إلا يمكن إخت وإلا أم ..
وضحى : إي والله .. طيب حاولي مرهـ ثانيه ..!
منيرهـ : أقول لك ثقيله .. ماتتكلم مع أحد .. تقولين شايفه نفسها .. مرهـ سألتها عن شيء والله إنها مناظرتني من فوق لـ تحت وماشيه عني من غير لا تتكلم ..
شهقوا كلهم ..
منيرهـ : ييبي لي اشتغل عدل ..
وضحى : من جد ..
منيرهـ : كل شيء تحت عين شريفه .. يبي لي أتفضى لها ..
وضحى : يلا شدي الهمه .. ترا بيمر عليهم وقت واهم متزوجين وإحنا ماسوينا شيء ..
هوازن : المصيبه على إللي بتجينا هنا ..!
منيرهـ : ماعليك منها .. هذي ماهي مثل بنت سلطان قويه .. هذي كلمه وتخرشها ..
وضحى : يعني أمرها هين .. خلينا في بنت سلطان .. الحظ واقف معاها إلى الحين ..
منيرهـ : خليني أفكر في شيء مضمون .. وسكتت تفكر بـ الحقد إللي داخلها لـ وسن .. . وربي يعين وسن على إللي بيجيها .. *_*

وسن وراكان صار لهم بـ الرياض أسبوع .. ومبسوطين بـ قُرب بعض .. ومختفين عن العالم .. عايشين حياتهم الإثنين وكأن ماحولهم أحد .. لا أهل ولا اصدقاء ولا شيء ..

كانت خلود جالسه تتابع التي في .. وحمد بـ الكنبه إللي قبالها وجالس على اللاب توب ..
خلود بنبرة حُب : حمد .. !!
رفع نظرهـ عن اللاب وقال بكل حنان : عونك حياتي ..
خلود تبسمت بـ حُب وإهي مترددهـ قالت : بـ اسألك شيء ..!
حمد سكر اللاب وقال : إسألي إللي تبين ..
خلود *****هـ قالت : يعني لما تشوف طفل صغير . . ماتحن وتشتاق لـ طفل ..
ناظرها متبسم واهو فاهم عليها وقال : ليه حياتي ؟؟
إرتاحت لـ إبتسامته وقالت بـ حُب أكبر : يعني من أشوف أولاد أمل الإثنين وولد الجوري وبنوتة مشاعل وولد خالي عبدالله أشتاق لـ طفل مثلهم .. ومن أشوف نفخة هديل وريم ودارين من جد أتوله على إني أمر بكل إللي يمرون فيه .. آبي أحس في إللي يحسون فيه .. { تكلمت بـ حماس أكثر والحب يشيلها } ولما أتأكد إنو الولد هذا منك إنت كل حماس هـ الدنيا فيني لإنو إنتَ أبوهـ .. { كملت وإهي تتبسم } حمد آبي شيء منك .. لما أشيله فيني ولما أولدهـ كل هـ الألم يهون لما يخطر ببالي إنك أبوهـ ..
كان يتبسم لها وإهي تتكلم وتاركها بـ كيفها تتكلم .. قام وجلس بـ جنبها وخذا إيدها بين إيدينه وكل ثانيه تُمر بينهم يكبر حُبها بقلبه قال بكل حنان : أـنا ما آبي أولادي إلا منك إنتي وبس .. إنتي كل شيء بـ النسبه لي .. صحيح أشتاق للأطفال .. لكن لاتنسين الوقت إللي مرينا فيه كنا بعيدين عن بعض .. إتركينا مـ أجلين سالفة الأولاد لـ بعد شهرين بـ الكثير .. آبي أعيش حياتي معاك .. آبي أتهنى فيك ومثل ما آبيك تتهنين فيني على روآق وبعيد عن الأطفال ... صحيح نعمه من ربي .. لكن إتركينا كذا شهرين على الأقل .. فيك تتحملين وإلا لا ..؟؟
تبسمت له .. تموت فيه شوي على إللي بداخلها .. قالت وإهي تشتاق له حتى واهو بـ جنبها : معاك أكيد بـ أتحمل .. المهم أبقى معاك ..
باس إيدها بكل رقه ..
سندت راسها على صدرهـ وباس راسها وقال بكل رقه واهو يمسح على خدها : أـحبك قليل عند إللي بـ داخلي لك ..
سكرت عيونها تستمتع بـ همسته ولمسته ودفى جسمه وأنفاسه ..
باسها بين عيونها وضاعوا فـ مشاعرهم ~_^ " ربي يهنيهم "

دخل لـ بيت عمه واهو ناوي يقابل عمه عشان موضوع مخبرهـ أبوهـ عشانه .. إتجه لـ مجلس الرياجيل .. وكان لسا بيدخل .. سمع صوت ضحكه عاليه .. وإللي تركه يوقف غصب ويسمع أكثر ونخوته وغيرته أشتغلت ..
هوازن : حبيبي وائل ما اقدر .. هههههههههه .. روح هوازن إنت .. لا إن شاء الله أتابع الفيلم أـنا وإنت على النت .. هههههههههههه .. الليله أكيد .. لا ومتأخر بعد .. هـ الأفلام ماتنفع إلا متأخر .. هههههههههههههههههههه .. تربيتك أكيد عشان كذا فاهمه فـ الشيء هذا .. ههههههههههههه .. وأئل وباست بوسه قويه مرهـ وخصصت مكان .. والمكان ترك حاتم شوي ويشيب شعر راسه من إللي سمعه .. شهـ الوقاحه !!! وقااااااااااااااااااااحه .. طلع من البيت مثل مادخل بـ هدوء .. لكن إللي داخله غييييييييييييييييييييييييييير .. وناوي له نيه .. وأبن أبوهـ إللي يعارضه ..!! إتصل في عمه وقاله إنو بـ المكتب .. خذا عنوان الشركه من عمه وتوجه على طوول للشركه .. وكل شياطين الدنيا تتطاير قدامه ..

عزام : هههههههههههههههههه .. مابغينا والله .. بس خليه يطلع والله لـ يشوف شغله ..
ريم : ههههههههههه .. حرام عليك ..
عزام : ههههههه .. إيوا ماعليه .. اهو إللي حرام عليه ..
ريم وإهي تمسح على صدرهـ : خلاص حبيبي فترهـ وإنتهت .. إنت لا تصير حقود ..
عزام : أصير حقود إذا عديت هـ اللحظه من غير شيء ..
ضحكت وقالت : فيك خير إسم الله عليك ..
ضحك وقال : تتحدين ..؟؟
ريم : من غير لا أتحدى عارفتك ..
عزام واهو يبوسها قال : وربي وربي وربي .. صعبه حياتي من غيرك ..
ريم وإهي تقوم : أعرف ..
عزام صفر وقال : يـ الواثق ..!
ريم ضحكت ..
عزام فسخ الكاب إللي عليه وقال : إنتي إللي جنيتي على حالك ..
ريم تلونت خدودها غصب .. ~_^

دخل على عمه وجلس بعد ماباس راسه ..
عمه : خير ياحاتم ؟؟
حاتم ويحاول يكون طبيعي : كل خير .. أـنا جايك ياعمي طالب إيد بنتك هوازن زوجه لي .. { شاف عمه مصدوم .. كمل ولا اهتم } أـنا ولد أخوك ومالها داعي هـ الشكليات يجي أبوي وما ادري إيه ,, إحنا عارفين بعض عدل .. { شدد على الجمله هذي } وأـنا مستحيل أحصل نفس بنتك ياعمي ..
عمه ساكت ..
حاتم واهو واثق قال : قلت شيء غلط ياعمي ؟؟
ومتأكد إنو بنت عمه ماهي مخطوبه ..
أبو راكان : لا يابوي .. أـنا بـ العكس ماعندي مانع ..
حاتم واهو يطلع شيك مجهزهـ من قبل لا ينزل من السيارهـ حطه على مكتب عمه وقال : الخميس الجاي الزواج ..
عمه واهو مابعد شاف الشيك : بس مايمدينا ياولدي ..! وأخوها في شهر العسل ..
حاتم واهو حاسم الموضوع خلاص : مالها داعي الطواله .. وإذا على أخوها الله يهنيه إللي يجي أهلاً وسهلاً وإللي مايجي مايشوف شر .. إلا إذا عندكم مانع .. فـ هذا شيء ثاني ..
عمه إرتبك واهو يشوف الشيك والمبلغ إللي فيه قال : أبد ماعندنا مانع كلنا ..
حاتم واهو يوقف : الخميس الجاي إن شاء الله بـ فندق المريديان بـ الخبر وطلع من عند عمه .. دخل واهو واثق من الموافقه وفعلاً حصل عليها .. مايدش في شيء إلا يحصل عليه ..
ركب سيارته .. أـنا لك يابنت العم .. منهو وائل هذا ؟؟؟؟ طيب .. إذا ماحصلتي أخوان ولا أبو يربيك !! أـنا ليش بهـ الدنيا .. وشنو فايدتي ولد عم ..!!! أجل وائل ياهوازن .. وكل هـ الحقارهـ .. !! يا ........ جلس يسب فيها واهو ناويها بـ شر .. تربيتها سهله بـ النسبه له .. مافي شيء يصعب علي يا ...... إنتي و ....... .. وجلس يحسب كم باقي يوم على زواجه منها .. قصدهـ على تربيته لها .. هذا إذا مادفنها ليلة زواجها .. كارهها من قبل بسبب حركاتها مع وسن .. وذا الحين عايفها ومستحيل يتقبلها كـ زوجه واهو سامع اللفاظها كذا .. !! تهني بـ وآئلك هذا الأسبوع هذا وبعد الأسبوع هذا تعرفين شـ معنى وائل من جد ..!! كرهـ أهل عمه كلهم .. مايدري بعد إللي شافه من بنتهم خلاص .. يحس إنهم ناس مايصلحون لـ مسؤوليه ولا لهم علاقه بـ شيء .. كيف كان شايل فكرة الزواج من راسه وفي موقف تغير كل شيء وصار يبي الزواج خلال أسبوع .. أساسا أقل من أسبوع .. لإنو يومهم يوم الأحد والزواج يوم الخميس .. ! كيف صار هذا ..!!!

بقى مصدوم يناظر الشيك .. هذا لو يسوي المستحيل مستحيل يحصل ربعه ..
دق على زوجته .. قالت : نعم ..
أبو راكان واهو مصدوم : مريم ..!
أم راكان من غير نفس : خير ؟؟
أبو راكان : حاتم خطب هوازن ..
مريم صارخت وقالت : المتخلف مستحيل ازوجه بنتي ..
أبوراكان عصب على إستعجالها قال : كتب لي شيك لو تبيعين أملاك أبوك على أملاكي أـنا مستحيل نغطي ربعه ..
إنصدمت عند هـ الخبر قالت : نعم ؟؟؟؟؟
أبو راكاان : زواجها من حاتم نعمه لنا .. إذا عشان التجهيز عطاني هـ المبلغ أجل إذا جابت له ولد شـ راح يعطيها ..!!
مريم وإهي مو مصدقه : تستهبل ؟
ابو راكان : هذا الشيك بـ يدي ..
أم راكان وكأن الدنيا ضحكت لها بسبب هـ الشيك قالت : ومتى صار هـ الكلام ؟؟
أبو راكان : توهـ طالع من عندي .. وابشرك شكله متولع .. يبي العرس الخميس الجاي ..
إستانست مريم اكثر .. الولد شكله طايح وبقوهـ .. مستحيل يشكون في أخلاقه لإنو متربي عدل .. ويحمدون ربهم إنو فكر في بنتهم .. قال أبو راكان : اليوم خلصي الموضوع مع بنتك ..
أم راكان إللي ضحكت وقالت : أعتبرهـ خالص ..
أبو راكان : اخاف ترفض !!
أم راكاان : ماعليك أـنا عطيتك كلمه خلاص ..
أبو راكان إستانس وقال : خلاص مع السلامه ..
أم راكان : مع السلامه .. وقفلت وطيران على غرفة هوازن إللي كانت لسا داشه من الحوش ..

دخل لـ جناحه واهو يضحك من قلب عليها ..
دشت وراهـ ومن غير لا يحس لإنو لسا مفسخ بلوزته وباقي البنطلون مافسخه .. كان ناوي يدش ياخذ شاور ..
كانت تاركه بينه وبينها مسافه عشان تهرب نادت بكل دلع : ركوووني ''
خق ولف واهو يقول : دنيت ركووونك هذا .. ماحس إلا بـ الموي البارد على وجهه .. شهق من المفاجأهـ إللي كانت بـ وجهه .. وراحت تركض وإهي تضحك .. جلس يضحك اهو يتوعد فيها قال واهو يصارخ : ما اكون راكان إذا ماتركتك تحمميني
بـ إيدينك ..
صارخت من كلامه وقالت : يجيب الله مطر ..
لحق فيها ونزلت من الدور الثاني .. واهو وراها .. طلعوا الخدامات على الصراخ إللي صاير وانصدموا من شكل راكان إللي من غير بلوزهـ والإندنوسيات ماصدقوا خبر .. يخزون فيه .. شريفه دخلتهم للمطبخ كل وحدهـ تكمل شغلها .. إنقهروا منها ..
طلعت من الباب على الحديقه وإهي تركض وتضحك عليه واهو يتوعد وبس ..
وسن خلاص تحس مافيها طاقه .. ركض وضحك .. لفت على الطاوله إللي كانوا يجلسون عليها .. بعدت عن الطاوله إلا حاتم بـ وجهها طقت فيه ومسكها من كتوفها يثبتها .. خاف لايكون صاير شيء .. لكن ضحك على شكلها إللي مبلل موي ووجهها إللي معبي آلوآن وكأنو بزر يتفنن بـ الألوآن في ورقه .. { راكان الله يعافيه محوس وجهها بـ الميك آب .. يقول بـ أعمل لك ميك آب لا صار ولا أستوى وإهي صدقت هياطه بـ الكلام وحاسه لها كأنه علبة ألوآن وبعدين لما شبع من الحوسه كت عليها كلها موي وهرب عشان يتحمم .. }
وسن إنخشت وراهـ لإنو راكان جاي لها ويقول : والله لو إنك بـ حضن سُلطان ..
ضحك على شكل راكان إللي من غير بلوزهـ قال : ماتسحتون كل واحد شـ كبرهـ ومتزوجين .. وتراكضون ورا بعض وشوف شكلك إنت طالع لي كذا ..
وسن لاحظت راكان وتلون وجهها .. رراكان ناظر حاله ولسا يتذكر إنو من غير بلوزهـ قال واهو يحرك حواجبه على فوق : إختك مفسختني ..
صرخت من قو الكلمه .. ناظرها حاتم واهو ماسك ضحكته .. نزلت نظرها للأرض ..
راكان : هههههههههههههههههههه .. ياحلو الحيا عليهم ..
حاتم : أجل قطعت عليكم ؟؟
رااكان : إيوا عاد لما وصلنا للحماس وإنت تجي وتقطع ..
وسن خلاااااص .. حاسه إنها بتختنق من الخجل .. سكرت اذانها بـ كفوفها وراسها بـ الأرض ..
راكان : ههههههههههههههههههههههههههههههههه ..
راح لها وضمها له .. جسمه من فوق عاري ..
بعدت عنه .. بعد ناوي !!
حاتم واهو يأشر قبال وجهها : مو ناوين تسلمون ؟؟
وسن تذكرت وسلمت عليه وقالت : سوري حبيبي ..
راكان إللي نط غلط : أكيد بـ وضعنا هذا راح تفقدين الذاكرهـ من قوة الـ ....
قاطعته وإهي تقول : راكاااااااااااااان خلااااااااااص .. تعرفه لو ماسكت راح يجيب الفضايح كلها ..
ضحك وقال : لحظه أشرح ..
وسن وإهي تمسك حاتم من إيدهـ وتمشيه معاها للحديقه : أشرح لـ حالك ..
ضحك ومشى وراها واهو ماسك كتوفها ويقول : يلا بسرعه .. أسررررررع ..
وكأنه طفل يلعب ..
حاتم بس يتبسم عليهم .. كيف هذا اخو هوازن .. !! يعني عشانه كان يكلم بنات خلق الله من قبل .. ربي بلاهـ في إخته .. ! أكيد ربي مرجعها له في إخته .. حمد ربه إنو مابعمرهـ لا اهو ولا خالد ولا وسام مشوا بهـ الطريق .. مهما كان عندهم إخت يخافون عليها .. وحاسبين حساب هـ الشيء ..
جلس معاها وجلس راكان ..
راكان : وكيفك ؟؟
حاتم ناظرهـ وقال : ماشيه أموري الحمدلله .. إنتم كيفكم ؟؟
وسن : أـنا بـ النسبه لي من شفتك وأـنا بـ أفضل حال ..
حط إيدهـ ورا كتفها وقال بـ حنان : الله يحفظك لي ..
وسن : ويحفظك ..
راكان وكأنه بزر : ياسلام . . وأـنا لـ منو يحفظني .. للجيران .؟؟ مثلاً ..!
ضحكت وسن وقالت : والله شيء راجع لك ..
راكان : وسيان .. ترا أـنا إللي جالس لك .. حتومك هذا من يجي تشوفين حالك علي .. شوفي ترا نص ساعه ويطلع من عندك ولا عندك إلا أـنا ..
حاتم : شُكراً تقليعه مُحترمه .. ومحدد الزيارهـ نص ساعه بعد ..
رااكان حاسس إنو حاتم فيه شيء قال واهو يطقه على إيدهـ : ولا تزعل ياولد العم لك ساعه إلا ربع ..
ضحك حاتم وقال : شُكراً ..
وسن : ماعليك منه .. إنت جاي لي أـنا وبس .. إترك عنك العذال ..
راكان طق على صدرهـ وكأنه حرمه قال : أـنا عذال ياوسخه ..!!
وسن طقت على صدرها وقالت : أـنا وسخه ياوسخ ..!!
رااكان واهو يتبسم إبتسامه عريضه : ولا تزعلين .. صرنا إثنينا وسخين ..
حاتم ضحك غصب .. هذا ماعندهـ شيء جدي .. كلش هبال .. من قبل ولما كانت وسن على ذمة غيرهـ كان ناوي يقلب الدنيا بسبب جديته .. للدرجه هذي الحُب مايخلي الواحد يتحكم بـ تصرفاته .. !! فكر .. لو تعرف ياولد عمي عن اختك
شـ ممكن تسوي .. بـ تجلس نفس جلستك هذي ..؟؟ وإلا بـ تقلب الدنيا ..
كان راكان يأشر لـ وسن بـ حركات تعرف معناها .. حفظتهم من كثر مايدرسها الشيء هذا .. ومن غير قصد ضحكت بـ خجل ..
إنتبه لهم حاتم لإنو كان يفكر ..
راكان : والله يـ ابو الشباب جاي لنا عشان تجلس سرحان .. ترا يمدحون مكان للسرحان بـ الرياض . . أكيد غلطان بـ العنوان ..
ضحك حاتم وقال : إلا دال المكان عدل ..
وسن : راكان إدخل إلبس شيء .. الجو بارد عليك ..
راكان : عادي أـنا قابل للبرد ..
وسن : هههههههههههههههههههه .. ما اقدر أـنا على هذا .. لا تعطي حالك عين بس ..
ضحك وقال واهو يقوم : بـ ادش اخذ شاور ..
وسن وإهي تتبسم له : نعيماً مقدماً ..
ضحك وقال : لو حاتم مو فيه كان صارت علوم ..
تلون وجهها . . مايستحي كلش ..
ضحك ودخل ..
حاتم ناظرها وقال : كيفه معاك ؟؟
وسن تبسمت لـ أخوها بـ إرتياح وقالت : الحمدلله مابعُمري حلمت بـ مثل
هـ السعادهـ ..
قال واهو متأكد من هذا الشيء من عيونها : وأهله ؟؟؟
وسن وكأن أحد نغص عليها قالت : صحيح يرمون كلام لكن ما اهتم لهم وعايشين حياتنا على أفضل حال بعيد عن كلامهم ..
حاتم : منهم بـ الضبط من أهله ؟؟
وسن : خالته منيرهـ ووضحى وبنت خالته وإخته هوازن ..
وكأن أحد جدد كرهه وقال : وامه ؟؟
وسن : من وقت لـ وقت .. يعني إذا صار تأثير خواتها عليها كبير إبتدت عاد . .
حاتم : ويسمع لهم ؟؟
وسن : مافي مثل راكان .. الله لايغير علينا ..
حاتم وكأنه إرتاح كثير قال : آمين يارب ..
وسن : شـ فيك .. ؟؟ مو على بعضك !!
حاتم سكت شوي وقال : خطبت ..!
وسن إللي طارت من الفرح قالت وإهي واقفه وتبوسه : الف مبروك حياتي وأخيراً ..!! يـ الله وناسه من جد .. ربي يسعدك ويوفقك ..
حاتم حزن على فرح إخته قال : لاتفرحين مو زواج كثر ماهو شيء ثاني ..
مافهمت عليه .. تعرف حاتم غامض لكن ماتوصل للزواج بـ الغموض هذا قالت : كيف مافهمت ؟؟
حاتم : ماراح تعرفين { كمل بـ طنازهـ } سعيدة الحظ !!
وسن وإهي تطق راسها : نسيت أسأل من فرحتي .. قالت ومنهي إللي أمها داعيه لها بـ ليلة القدر والكل راضي عليها ..
تبسم لـ حُب إخته له وقال واهو يعرف الموضوع صعب عليها : هوازن إخت راكان ..
إنصدمت ولا طلع منها إلا دمعه نزلت من القهر إللي حسته .. ماتوقعت الشيء هذا !! توقعت وحدهـ من برا .. لكن من اعداءها .. هذا إللي مو بـ الحسبان .. الشيء إللي خطر في بالها خُسران حاتم .. بـ تخسرهـ بعد زواجه من هوازن ..
جلس على الطاوله قبالها ومسح دموعها وقال : وبعدين ؟؟
إنهارت بكا .. يعرف كل شيء بينهم ويقوم يخطبها .. لو إهي متأكدهـ من حلاة أخلاقها كان إهي رشحتها .. لكن إهي متأكدهـ من وساختها ..
كان متأكد إنها صعب تتقبل الموضوع .. وخصوصاً إنو يعرف كل شيء عن حركات هوازن لـ وسن .. ماخذاها حُب .. خذاها عشان يأدبها ويرجعها لـ بيت أبوها ..
غطت وجهها بـ كفوفها تبكي .. حاتم .. حاتم يسويها وياخذ هوازن .. إهي ماتتحمل حركاتها مع راكان تنقهر لـ درجه إنها تتمنى الموت لما يقهرونها بـ راكان .. يجي حاتم ويكمل الشيء هذا !! كيف بتتحمل .. متعودهـ على قُرب حاتم منها .. على عطفه وحنانه وحُبه .. لكن لما يتزوج هـ الهوازن الزفته راح يختفي كله .. مالقت نفسها إلا إنها تغار عليه .. ليش ماتغار واهو حـــــــــاتم أخوهــــــــــــا .. لو ماخذ وحدهـ ثانيه أهون عليها إلا ممكن ترقص بعد ..
مسح على شعرها وقال : وسن حبيبتي ..
وسن من بين بكاها وإهي إيدينها على وجهها : إنت خلااص .. لا تقول حبيبتي .. إنت تعرف شـ نو سوو فيني .. ليش إهي بـ الذات ..؟؟ لييييييشش ؟؟ مابقى بنات .. ؟؟
حاتم : ليش شايفه عليها شيء ؟؟
وسن إنصدمت أكثر قالت : على إللي يعملونه فيني تبي أكبر منه شيء ..!!
حاتم مايتحمل دموعها .. قال : وسن حبيبتي ما أحد يغيرني عليك ..
وسن : الكل يتغير وقفت عليك لما تتزوجها .. ! وكملت بكا من قلب ..
كلامها أآلمه .. قال واهو يبعد إيدينها عن وجهها : ناظريني ..
بعدت إيدينها ودموعها تنزل .. مهما كان قلبها مايطاوعها تتعبه معاها ..
حاتم : زواجي منها لـ أسباب ..!
وسن وصوتها رايح من البكا : شنهي الأسبباب إللي تترك حاتم ولد سُلطان يتزوج عدوت إخته الوحيدهـ .؟؟
حاتم : ما راح تفهمين لو أتكلم ..!
وسن : جرب ..
حاتم قالها كل السالفه بعد ماخذا منها وعد ماتقول حق أحد حتى خالد .. إنصدمت .. ماتوقعت الشيء هذا .. كان يتكلم وكأنه هم على قلبه .. كان متضايق ..
بكت من بين كلامها وإهي تقول : شـ ذنبك فـ هذا كله .. شـ ذنبك تاخذها ياقلبي .. ؟؟
حاتم : أربيها وافهمها إسم عائلتنا ماهو لعبه تلعب فيه .. هذا إسم عائله وكلنا شايلينه .. والكلام يصير علينا كلنا .. والمُتضرر الوحيد البنات من هـ الكلام ..
وسن بكت على قلب أخوها إللي شايل هـ الهم قالت : عندها اخوان .. عندها ابو .. { تنرففزت وقالت بـ قهر وودموعها تنزل } إهم إللي مسؤولين عنها .. كلهم
فـ حريقه .. لكن إنت لاتدخل الشيء هذا حاتم .. ربي يعافيك حتومي .. { تتوسله }
حاتم واهو يمسك إيدينها : حياتي أـنا مادخلت الشيء هذا إلا أـنا واثق من إللي راح أسويه ..
وسن نزلت راسها على حضنه وجلست تبكي .. مهما كان تبي لـ أخوها حياة أفضل من كذا .. مو يجلس يبلي حاله بـ وحدهـ مثل هوازن ..
مسح على شعرها وقال بكل حنان : تثقين فـ أخوك حاتم ؟؟
رفعت راسها وقالت : أكيد .. ثقتي تنهز بـ الناس كلهم إلا حاتم ..
تبسم لها وقال : ثقي إنها مرحله وتعدي في حياتي .. وبكيفي أـنا ومثل ماخططت لها .. ولا راح تأثر علي بـ شيء ..
سكتت ومسحت دموعها وإهي تدعي ربها يصبرهـ ويعينه على إللي بيجيه ..
نزل من الطاوله ووقفت معاهـ .. باس جبينها وقال : أـنا طالع للخبر توصيني شيء قبل امشي ..؟؟
وسن : سلامتك حبيبي .. إنتبه بـ الطريق .. وطمني أول ماتوصل ..
حاتم : إن شاء الله .. راكان لا يحس فـ شيء ..
وسن : أكيد .. اهو ماله ذنب ..

إضافة رد
وردة الشرق 08:36 AM 16-05-11
تبسم لها وقال : إنتبهي على نفسك ليما تجين لنا يوم الأربعاء إن شاء الله ..
تبسمت وقالت : لو أقدر كان جيت معاك ..
ضحك وقال : يرحم والدينك ناويه تاخذين ذنبه .. { يقصد رااكان }
ضحكت ..
سلم عليها وطلع من عندها .. وإهي تحاتيه .. دخلت ورقت لـ جناحها .. حصلت راكان متمدد على السرير إستغربت ..
راكان : كان جلستي زود ..!!
وسن : أخوي عادي ..
راكان : أعرف إنو عادي .. شـ فيك ؟
وسن : ولا شيء ..
راكان : كل هـ الوجه إللي واضح عليه البكا ولا ششيء ..!
وسن ضحكت وقالت : تعرف حركات الاخوات .. عشان حاتم بيتزوج .. تعرف
شـ كثر متعلقه فيه .. خفت إنو يتغير بعد الزواج ..
راكان جلس على طوول وقال : حاتم بـ يتزوج ؟؟ ومنهي سعيدة الحظ ؟؟
وسن أكيد بتكون سعيدهـ قالت : حزر فزر ..!!
راكان : بنت سُلطان لا تفكين لي مخي .. قولي بسرعه ..!
وسن تضحك غصب عشان لايحس : إختك .. هوازن ..
راكان إنصدم .. هوازن ..؟؟ من جد محظوظه إذا فعلاً إهي قال : تستهبلين .؟؟
وسن أكيد مو مصدق نفسي أجل لو تتعرف السبب شـ راح تسوي قالت : والزواج الخميس ..
صدمه أكبر قال واهو مصدوم : اي خميس ؟؟
وسن وإهي تعد على أصابيعها : الإثنين ' الثلاثاء ' الأربعاء ' الخميس الزوااااااااااج ..
راكان : لا والله ؟؟
وسن : إي والله ..
راكان : بلا هبل وسن ..!!
وسن وإهي تجلس على السرير : وربي من جد .. إختك هوازن ويوم الخميس والكل موافق ..
سكت مو متوقع كلش ... حاتم لـ هوازن .. شيء لايُصدق .. سبحان الله ..

جالسين سوأ في مجلس أبو راشد .. جاي له زيارهـ واحد من اخوانه ونادا كل العائله على ضيافته ..
بعد ماطلع من عندهم أخو أبو راشد .. رايح لـ ببيته .. دخل حاتم عليهم واهم لسا كانوا مفكرين يطلعون لـ بيوتهم .. إستغربوا .. اليوم أحد شـ يجيبه ..؟؟
سلم عليهم واحد بعد الثاني .. وواضح الغموض عليه ..
جلسوا كلهم من جديد ..
بعد السؤال عن الحال والأحوال .. سألوا شـ عندك جاي ومن هـ الكلام .. قالهم أبد طفشت من الرياض وجيت .. وبعد دقايق تكلم حاتم : يُبه !!
إستغرب أبوهـ وقال : هلا ..
حاتم : خطبت ..!
؟؟؟؟؟؟؟؟؟؟؟؟؟؟؟؟؟
المجلس هدوء .. الكل إنصدم وصار يناظر الثاني ..
أبو خالد واهو يمسك أعصابه لا تفلت على ولدهـ قال : ما شاء الله ..
حاتم : هذا إللي صار ..
أبو خالد عصب : أـنا أبو بـ الإسم .؟؟ وإلا مامليت عينك ياحاتم .. ؟؟ مو يعني تركتك بـ الرياض بـ روحك تروح وتخطب بـ كيفك .. لا .. !! هذا مايمشي معاي ..
الكل سكت .. أبو خالد عصب ..
حاتم ولا كأنه مسوي شيء غلط : خطبت بنت عمي سعد ..
أبو خالد زاد نرفزهـ وقال : ما شاء الله حلو إنك عطيتني خبر بعد ..!! وإلا كان سويت الزواج ولا عطيتني خبر إلا بعد مايجي لك ولد .. !!
حاتم ماحب يرد على أبوهـ .. لإنو لو يعرف عن السالفه كان اهو من نفسه رباها من جديد .. قال : زواجي يوم الخميس ..
ناظرهـ أبوهـ بـ قوهـ وقال : اي خميس إن شاء الله !!
حاتم : إللي بعد 3 أـيام إن شاء الله ..
إنصدموا من جد ..
عصب زود قال : وبعد ياحاتم .. هذا وأـنا اشوفك رجال وطلعت ماتحسب لـ ابوك حساب ولا كأنه موجود بهـ الدنيا ..!! هذا إحترامي عندك ياولدي ..!
أبو سعد : يابوك تعوذ من الشيطان ..
أبو خالد : ماسمعته .. خاطب ومحدد وقت زواجه وبكيفه وأـنا أخر من يعلم .. !!
أبو سعد : وسع صدرك يابوي ..! ماطلع من العائله ..!
أبو خالد : لا ,, أجل كل واحد إذا على كلامك يُبه يسوي إللي يبيه وبكيفه ونقول أخر شييء ماطلع من العائله عادي سو إللي تبي .. !!
عرفوا إنو صعب أحد يكلمه ..
حاتم : يُبه هـ الموضوع ماصار إلا قبل 5 ساعات ..
أبو خالد : مشكور إنك ذكرت توصل لنا الخبر بعد 5 ساعات .. بعد قليل ..! لا تفتح لي الموضوع هذا مرهـ ثانيه ..
قام حاتم وباس راسه وقال : أـنا أسف وعارف إني غلطان لكن هذا إللي صار .. لك حق تزعل على إللي سويته .. لكن إعذرني .. وإنت الأساس في كل شيء .. وماعاش من يهمشك بهـ الدنيا .. والكل متأكد إنك تاج راسي وراس كل واحد
بهـ العائله .. أسف يُبه .. وباس راسه مرهـ ثانيه .. أـنا من غيرك ولا شيء
بهـ الدنيا ..
سكت شوي واهو يتعوذ من الشيطان بـ داخله .. مهما كان أحد أولادهـ إللي على طوول يفختر فيهم .. صحيح صدمه بـ إللي سواهـ .. لكن يبقى حاتم إللي يريحه في كل شيء .. قال : لو إنها وحدهـ من برا العائله كان عرفت اتصرف معاك عدل ..
{ ناظر الكل } والله وأـنا حلفت إللي يمشي على طريقة حاتم لـ يكون برا هـ العائله ولا يشيل إسم هـ العائله ... سكتوا كلهم ..
قام خالد وسلم على حاتم وبارك له .. لكن إللي يشوف حاتم مايقول هذا خاطب وجايه له الموافقه وزواجه بعد 3 أـيام .. أبو خالد شافهم يباركون له قام طالع من المجلس للبيت .. مهما كان مايقدر يتقبل الشيء هذا من واحد من أولادهـ ..
حاتم ناظرهـ واهو يطلع .. واضح إنو زعلان .. يُبه لو تعرف كان عذرتني ولا شيلتني هم زعلك ..
بدر يحاول يلطف الجو : يارجُل إنت عريس إفرح .. تبسم ..
فيصل : خاطري مرهـ أشوفك متبسم ..
فواز : على حلاته تدور بسمته بعد ..!
تركي : ها فواز إشتغلنا تغزل !!!
فواز ضحك وقال : هذا حاتم زين الشباب ..
حاتم ولا كأنه يسمع لهم ..
أبو سعد واهو يسأله : يـ ابوي خذيت الموافقه ؟
حاتم : كل شيء تم والحمدلله .. بس الملكه يوم الخميس إن شاء الله ..
أبو تركي : منهو إللي يقدر يرفض حاتم .. !!
وسام واهو يتبسم : شـ عليك طايحين تغزل فيك اليوم .. !
حاتم ناظرهـ وسكت ..
بدر : سبحان الله هذا إللي ما آبي أتزوج .. !! سبحان الله .. ويخطب ويحدد الزواج بعد 3 أـيام من الخطوبه .. كيف تجي هذي ..؟؟
حمد : حاتم من جد ماتدخل العقل ..!!
حاتم ناظرهم : دخلوها بـ الغصب ..
ياسر : من جد .. 3 أـيام .. 3 أـيام .. !!
عزام : حاتم ليش الإستعجال ..؟؟ كان أخرت على الأقل أسبوعين ..!
حاتم : وليش الطواله وكل شيء بـ إيدنا ..!!
أبو فارس : يابوي البنت مامداها تجهز نفسها ..
حاتم : مايبي لها تجهيز .. المجمعات بـ كل مكان .. يعني اهم على طول مطيحين
بـ المجمعات ليش .. عشان الفرفرهـ وبس ..!!
أبو راشد : بس من حقها تستعد نفسياً ..
حاتم وإللي بـ داخله صعب يتكلم فيه لـ أحد .. يكفيه وسن تفهمت وضعه وبس .. لإنو الموضوع يعني لها أكثر من اي شخص ثاني وبـ غموض : كلنا مستعدين نفسياً للزواج هذا .. قام وقال : بـ الإذن بـ أطلع أرتاح .. سلام .. وطلع من عندهم ..
بدر : هذا شكل واحد خاطب .!!!
أبو سعود : قسى عليه سُلطان الله يهديه ..!
عزام : من دخل واهو متنرفز ..
ياسر: هذا طبع حاتم غامض ونقول متنرفز ..
وسام : لا هذا مو طبع حاتم .. أكيد في شيء مضايقه ..
سعود : بس عشانه سوا الخطوبه من ورا خالي وشايل هم هـ الشيء صدقوني ..
فواز : إن شاء الله يكون هـ الشيء وبس ..
قاموا كل واحد لـ بيته .. لإنو عندهم دوامات اليوم الثاني ... وإنتشر خبر خطوبته بين الحريم .. وكلهم معارضين للخطوبه هذي .. هوازن .. !! صحيح يتمنون لها الخير لكن مع أحد غير حاتم .. حاتم ماتصلح له هوازن هذا كلام كل إللي يعرفون هوازن ..
أمه بلعت الموضوع غصب .. مهما كان أهم ماعليها حياة ولدها واهو إختار حياته واكيد متأكد من إللي سواهـ .. ودعت له بـ التوفيق .. باس راسها وطلع لـ جناحه وترك أمه بـ الصاله تناظرهـ واهو يمشي معطيها ظهرهـ .. وبـ داخلها " أخااف يصير طريقك من طريق عمك سعد .. وقتها ويل قلبي ياولدي .. " ..

وتين وإهي تكلم أمها ومعصبه : خير ياخذ هوازن .. ؟؟ يعني من قل البنات ..
أمها مقهورهـ اكثر منها .. قالت : إختارها الولد وخلاص .. شـ نسوي وزواجه الخميس ..
وتين : ياقهري يُمه .. اهو مايعرف عن إللي تسويه فـ وسن ..؟؟ إخته هذي ..!
أمها : ما ادري عنه .. بس صدمه من جد ..
وتين : وأكيد ماصدقت خبر بنت أبوها .. ! خذوا وسن عندهم وراح حاتم وكوشوا عليه .. منو بقى ..! ياقلبي عليك ياوسن أكيد مقهورهـ ..
أمها : أكيد ياقلبي عليها من جد .. ومع هذا يابنتي ماندري ربي شـ كاتب ..
وتين : والنعم بـ الله .. أـنا بـ أقفل يُمه بدك شيء ؟؟
أمها : سلامة عمرك حبيبتي ..
وتين : يسلمك قلبي .. باي ...
أمها : باي ..
دخل عليها تركي وقال : ما شاء الله مقهورهـ عشان حاتم !!؟؟
وتين عرفت الليله هذي مو معديه على خير قالت : شـ بغيت ..!
تركي : بعد النفسيه زفت .. ما شاء الله .. وليش مدام وتين ..؟
وتين : أتوقع سمعت المكالمه .. ويعني أكيد تعرف ليش النفسيه زفت .. أولاً بسببك وثانياً زواج حاتم ..
ماحست إلا بـ الكف على وجهها ... قال : ماتوقعتك بـ الدنائه هذي .. !! وبوجهي تقولينها ..!
وتين وإهي حاطه إيدها مكان الكف قالت : إنت مريض .. ويكوون بـ علمك حاتم أكبر من تفكيرك هذا .. ولا أفكر فيه ولا فيك ولا في غيرك .. لإنك كرهتني
بـ الرياجيل كلهم ..
ناظرها من فوق لـ تحت .. يكفي الليله هذي الكف إللي جا لها .. طلع من عندها ..

دخل لـ جناحه وتمدد على سريرهـ والمسجات توصل له مسج بعد الثاني ..
فتحهم وكانت من عماته وكلهم يعاتبونه لكن بـ أخر المسج داعين له بـ التوفيق مايهون عليهم يعيش تعيس .. كل عماته " العنود ' الماسه ' غيوض ' موضي .. خالته دارين " وكأنهم يذكرونه بـ إللي يسوونه لـ وسن .. وكل خوفهم يصير نفس عمه سعد .. رمى الموبايل على السرير .. شـ يتحمل ..!! كل شيء فوق طاقته .. هذا وأول يوم .. أجل بعد الزواج شـ رآح يصير .. !! اهو ماخذاها حُب وإلا ناوي زواج من جد .. ماخذها لـ سبب معين ودارس كل شيء قبل يخطي خطوهـ وحدهـ .. يكفي أبوهـ زعلان وأمه مو راضيه لكن تحاول توضح له إنها راضيه .. وعماته .. ووسن فوق هذا كله .. ياربي هونها علي .. مستحيل يتراجع عن قرارهـ حتى إذا أبوهـ تبرأ منه .. إللي في راسه إلا يسويه .. يربي بنت عمه ثم كل واحد بـ طريقه .. مستحيل يرجعها لـ بيت أهلها قبل لا يتأكد إنها متربيه من جد وإلا تجلس عندهـ طول العُمر ... ماعندهـ مانع يقضي عُمرهـ على تربيتها .. المهم تعرف إن الله حق ..

الجـزء >> 34 <<

" خلاص ياروح وائل لا تبكين .. منهو هذا حاتم إللي طالع لنا بعد !!؟ "
هوازن : وائل بكيفه كل شيء .. مغرور ' شايف حاله ' ولا معطي أحد وجه ..
وائل : أكرهـ الناس إللي مثل كذا .. وزاد كرهي لإنو بياخذك ..
هوازن زاد بكاها قالت : وائل أـنا ما آبي إلا أنت ..
وائل واهو نصاب مابعُمرهـ فكر فيها كـ زوجه .. لاتتعدى حدود الخويه قال : واـنا ما آبي غيرك ..
هوازن ويزداد حقدهـا : أكرهه واكرهـ عمي سلطان واكرهـ بنته وأكرهم كلهم ..
وائل : خلاص لاتبكين ..
هوازن : وائل الزواج يوم الخميس ..
وائل إنصدم قال : خير ..؟؟
هوازن : والله إتخيل .. وأهلي موافقين وبكل سرعه ..
وائل فـ خاطرهـ شنو هذا .. إللي حتى الأهل ما اعترضوا علىى كلامه قال : كبير ؟؟
هوازن : شـ عرفني عن الزفت ..!
وائل : أقصد يعني عُمرهـ تقريباً كم ..؟؟
هوازن : أتوقع قد أخوي زياد ..
وائل إنصدم : ويقدر يقنع الكل بـ قرارهـ .. !!؟ صراحه توقعته متزوج من قبل وإنتي الثانيه .. إذا قرارته ماتنرفض ..!
هوازن : هذا حاتم نفس أبوهـ إللي يبيه يوصل له ولا أحد يقدر يوقف بـ وجهه ..
كأنه خاف شوي .. لكن قال كيف بيعرف إني أكلمها .. خل أطقطق عليها .. ويصير بعد الزواج أقدر أقابلها ولا أحد يشك لإنها راح تكون متزوجه ووضعها عادي .. قال : بـ الرياض ؟؟
هوازن : ساكن بـ الرياض موقتاً ..
وائل : أـهآ .. وبطبعه قدر ينسيها حاتم بـ أنواع الحقارهـ بـ الكلام ..

بعد يومين .. حاتم شاف إنو أبوهـ مايتكلم معاهـ في شيء .. ولا حب الوضع بينهم يتأزم أكثر من كذا .. بعد صلاة العشاء وبعد مارجع أبوهـ من الشركه .. حصله جاالس بـ المكتب الكبير ويشتغل ..
دق الباب وسمح له بـ الدخول ..
وقف حاتم قبال طاولة أبوهـ وقال : يُبه لـ متى وإنت ماتكلمني ..!
أبوهـ ناظرهـ ورجع يناظر الورق وقال : مافي شيء ممكن نتكلم فيه ..!
حاتم حز بـ خاطرهـ قال : الله يـ يُبه ذا الحين ولدك حاتم ماصار بينكم مواضيع تتكلمون فيها !!
لاحظ من نبرته إنو خذا بـ خاطرهـ قال : حاتم ولدي سوا اهم موضوع ممكن يفرحني من وراي ولا فكر في إنو ممكن يصير بيننا شيء نتكلم فيه ..!!
حاتم تقدم له ووقف فوق راسه وقال : يُبه .. زواجي بكرهـ .. وما آبي أبدأ حياة جديدهـ من قبل لا تكون راضي علي .. { نصاب ماهمه توفيقه فـ حياته الجديدهـ لإنو ناهي الموضوع أكثر من همه رضى أبوهـ عليه }
أبوهـ واهو يشتغل : الله يوفقك ..
حاتم : لا يـ أبو خالد .. هذي إللي ماتعودتها منك .. تكون متجاهلني وتطلع دعوتك مو من قلب ..!
رفع نظرهـ له وقال بـ نبرة ضيق : إللي سويته كبير يـ أبوي !!
باس راس أبوهـ وإيدهـ وقال : صدقني كل شيء صار غصب ..
أبوهـ : شـ إللي يجبر حاتم ولد سُلطان يسوي شيء غصب عليه .. !! قولي واـنا أتصرف ..
حاتم ماحب يوضح لـ أبوهـ .. إللي فيه كافيه .. كيف يقوله بنت أخوك تخوننا كلنا .. تخون إسم عائلتنا وتشهر فيه قال : إنسى يُبه .. واـنا ماهمني بهـ الدنيا إلا رضاك ..
شايف ولدهـ متغير مرهـ .. واضح الهم عليه قال بكل حنان : أبوي قلي شـ فيك ..! لا تشيل الهم بـ روحك .. خلني على الأقل أشاركك فيه ..
حاتم حاول يبعد عن ضغط أبوهـ مابعمرهـ تكلم لـ أحد عن إللي مضايقه وإلا إللي بداخله سوأ مشاعر حُب وإلا هم شايله قال : كل أموري اعرف أمشيها عدل .. أضرب واعدل وأشيل وتمشي أموري .. لا تشيل همي الله يطولي بـ عمرك .. المهم إني بـ صحه وعافيه ..
قال بحنان الأبو : شـ تفيد الصحه يابوي إذا الواحد شايل هم ..!
حاتم بـ آلم يخفيه : يُبه طلبتك لا تضغط علي .. أـنا جايك طالب رضاك .. وياليتك يـ تاج راسي ماتردني .. !
أبوهـ قام له وقال واهو يحط إيدهـ على كتف حاتم : ماعاش من يردك ياولدي .. روح جعل التوفيق ممشاك ..
حاتم باس إيد أبوهـ وراسه وقال : عساك ذخر لنا دايم ..
أبو خالد : ويخليكم لنا إن شاء الله .. طلع من عندهـ حاتم واهو يناظر ولدهـ إللي تغير فجأهـ .. اهو يعرف إنو حاتم مستحيل يتكلم في شيء .. لكن يبي يعرف شـ فيه ولدهـ وكأنوا شايل هموم الدنيا بـ داخله ..

طلع من عند أبوهـ واهو مرتاح شوي .. قابل راكان ووسن إللي لسا واصلين .. سلم عليهم .. ووسن شايفه التغيير عليه .. واضح إللي فكرهـ مشغول بـ مصيبه .. الهم داخله .. بلعت غصتها بس عند راكان .. عشان لا يشك في شيء .. دخلوا وسلموا وجا لهم أبو خالد وسواليف إلـى وقت العشى ..

الله خلق لي نفسٍ تسمو على البـوح
ما هي بـِ لا ضاقت من الهـم باحـت
على كثر ما شفت ضيقات وجـروح
لا الوجه متغير ولا العيـن صاحـت
أبشـرك بشـارة الـروح للـروح
تبـي تطيحنـي الليالـي وطاحـت
هذا أـنا والوجـه باسـم ومشـروح
وجها ً بروقه لمعظم النـاس لاحـت

يوم الزواج .. كلهم موجودين .. طبعاً حاتم مايبي ينزف لها عند الحريم ..
في قاعة الرياجيل ..
خالد واهو يشوف أخوهـ إللي عريس وبـ ليلة زواجه .. وفكرهـ مو حولهم كلهم ولا في القاعه كلها .. واضح إنو يفكر في شيء كبير .. يسلمون عليه ويباركون ويرد عليهم لكن التفكير بعييييييييييد .. تمنى يعرف إللي فيه عشان يريحه على الأقل .. لكن صعب يعرف من حاتم ..
جا له وقال : شـ فيك ياخوي ؟؟
حاتم ناظرهـ وقال : مافيني شيء ..
خالد : هذا شكل عريس ؟؟
حاتم : عريس مثل اي عريس .. { ناظر أخوهـ وتبسم قال } لا تخاف علي .. مافيني إلا العافيه والحمدلله ..
خالد : والضيقه إللي واضحه عليك .. والهموم إللي فيك ..؟؟
حاتم : لاتخاف على أخوك .. وإذا فيني شيء أعرف أضبط أموري ..
تبسم خالد له لإنو يعرف مستحيل يتكلم لـ أحد ..

إنزفت هوازن وإهي تكفكف الدموع على وائل إللي ما صارت من نصيبه .. ومعاها خالاتتها وامها .. وإنقهروا لإنو ما إنزف ..
منيرهـ : متخلف ..
وتين كانت قريب منها قالت : ما متخلف غيرك .. وإحمدي ربك إنتي وبنت إختك إنو { شدتت على الجمله وكأنها تقول إعرفوا مستواكم } حاتم ولد سُلطان فكر فيها مجرد تفكير ..
كل إللي حول العروس سمع .. إنقهرت هوازن .. قالت والحقد واضح عليها : إلا يحمد ربه هو ..
وسن إنقهرت من زمان وإهي شايله عليهم وذا الحين تجي هذي تتكلم عن حاتم أغلى شخص على قلبها ...
سبقتها وتين عشان تبرد حرة وسن وقالت وإهي تضحك ضحكه قهرتهم من جد : هههههههههـآي .. ومنو يـ مدام هوازن طق باب أبوك وتقدم لك .. إعرفي منو إللي يحمد ربه .. حاتم الكل يتمنى منه إشارهـ .. ولا تفرحي .. صدقيني مجرد وقت عندهـ وراح ترجعين لـ بيت أهلك ..
كيف قالت كذذا ماتدري .. لكن من القهر إللي فيها منها ومن خالاتها ..
وضحى : لو بيرجعها لـ بيت أهلها كان مادفع لها كل هذا ولا إستعجل ..!!
وتين : ههههههههههههههههههه .. ياحرام .. وربي تحزنوني عليكم .. هذا حاتم ولد سُلطان .. إللي يبيه يسويه .. وبعدين إذا على القيمه .. ترا مجرد زكاة أمواله وراح يكتب لها أضعاف لما يرجعها لـ بيت أهلها .. وإذا على الإستعجال الولد يبي يطقطق بـ كيفه عليها وبسرعه ليما يطفش ويرجعها لكم وإهي مسنعه .. مو مثثل ذا الحين ..
إنقهروا ولا قدروا يردون .. الحريم مبسوطات على رد وتين .. عروس وخالاتها ولا يستحون .. مابعمرها صارت ..
كانت واقفه تلبس عباتها .. جت لها وتين وإلا تفهمها قدرها وتعرف إن الله حق .. وحق وسن مستحيل يضيع إذا وتين وراهـ .. قالت بـ طنازهـ : شتورهـ ( دلع شطورهـ ) لا تنسيي تصلي قبل لا تنامي واول ماتصحي ركعتين ركعتين .. شكر لله على النعمه إللي إنتي حصلتي عليها .. حتى بعد ماترجعي لـ بيت أهلك صلي شكر على أـيام كنتي عندهـ .. لإنو أكيد راح ياخذ فيك أجر وغير كذا بترجعين
لـ أهلك غير عن أول .. { تكلمت بـ دلع وإهي تمشي وتأشر بـ إيدها } أتمنى لك ليله سعيدهـ ويا حاتم .. تشآآآآآآو ..
إنفجرت هوازن بكا .. وإضطروا يرجعونها للغرفه ..
حاتم كان واقف برا .. جا له عمه وقال : البنت خايفه شوي .. بـ أخذها لـ بيتنا وإسبقنا إنت على جناحك وارح نجيبها لك ..
إنقهر .. حرمه اهو يجلس ينتظرها تنزف عليه قال : مو داخل لـ جناحي قبل لا تكون موجودهـ إهي فيه ..
شباب العائله كلهم موجودين عدأ راكان إللي داخل عند إخته .. يحاول يهدي فيها واهو نظراته تدور وسن بـ الغرفه .. لكن إللي موجودين بس خالاته وأمه وبنات خالته .. وسن ماكنت تعرف إنو راكان موجود .. وقريب من منى ..
أبو راكان : طيب خلاص ..
حاتم واهو يكتم غيضه .. شـ خوفه وإهي تكلم الـ ...... : معاكم نص ساعه ..
أبو راكان : لا ماتكفي ..
الشباب ساكتين ..
حاتم سكت شوي وقال بـ نبرة على إنو الموضوع إنتهى ولا في نقاش : ساعتين وتكون في الجناح وبعد ساعتين إذا ماحصلتها بـ الجناح رجعها معاك للرياض . .
{ مايبي يستعجل ويدخل عليها }
أبو راكان خاف وقال : خلاص خلال ساعتين تكون عندك ..
حاتم سكت ..
كمل واهو عارف إنو حاتم سيارته كشخه وجديدهـ قال : طيب عطني مفتاح سيارتك بـ اخذ البنت للبيت عليها ..
الشباب إنصدموا ..
حاتم واهو يعطي المفتاح لـ وسام : خذ طلع أوراقي إللي بـ السيارهـ وعط عمي المفتاح { ناظر عمه } ماتغلى عليك ياعمي .. ولد أخوك يهديها لك ..
أبو راكان إنبسط وراح مع وسام ..
والشباب يناظرون بعض ..
حمد واهو يقرب لـ حاتم : حاتم ترا البنت مالها ذنب ... { مايبيه يقسى عليها }
بدر : الحمدلله إني ماناسبته وإلا كان شلحني ..
سكتوا لإنو حاتم ماتكلم في شيء ..
خالد : حاتم خذ سيارتي ..
حاتم ناظر أخوهـ وقال : عساك سالم . . بس مرني الصباح أخذ وحدهـ من السيارات إللي بـ البيت لـ وقت ما أرووق واختار لي سيارهـ جديدهـ ..
خالد : إللي يريحك يـ أخوي ..

جت هنادي لـ وسن وإهي تركض وقال : وسن راكان موجود هنا ..
وسن ناظرت القاعه كلها بـ لهفه وقالت : ويـــن ؟؟
هنادي : شفته طالع مع منى بنت خالته من القاعه ووراهـ الجيش ..
وسن إختفى لون وجهها .. منى بنت خالته .. !! يدخل للقاعه ولا يعطيها خبر .. !! زوجه بـ الإسم يعني !!!
الجوري كانت تسمع كلام هنادي وقالت : وسن حبيبتي تلاقيه مشغول ويا إخته ..
وسن حركت راسه بـ معنى إيوا .. لكن إللي جواها شيء ثاني .. خذت موبايلها تتطمن على أحد حبايبها إللي مستحيل يتغيرون عليها ( إخوانها وأبوها وبس ) دقت على حاتم .. بالها مشغول عليه ..
كان واقف مع الشباب وصحى على دقة موبايله ناظرهـ ورد : هلا ..
وسن حست فيه وقالت : حبيبي كيفك ؟؟
حاتم : نحمد الله ..
وسن : باقي مادخلت ..!
حاتم بـ طنازهـ : المدام فيها خووف فـ خذوها لـ بيت أبوها عشان ترتاح شوي ..

إضافة رد
وردة الشرق 08:42 AM 16-05-11
وسن إنصدمت قالت : إيوا .. وبعدين ؟؟
حاتم : هذا اهو .. وبعد ساعتين راح يكونون بـ الجناح ..
وسن بـ نفس طنازته : لا حلو .. تنازلوا بعد ساعتين يعني .. !!
حاتم ضحك عليها وقال : شـ فيك ؟؟
وسن مقهورهـ : هذا كله منها ومن خالاتها .. إللي شفتها من شوي الخوف بعيد عنها ..
حاتم واهو عارف سالفتها : خليها تتدلع على كيفها .. ساعتين وتنسى إللي كانت متعودهـ عليه في بيت أبوها ..
سكتت ..
حاتم فهم عليها وقال : لا تخافين مافي وحدهـ تراجعني عن إللي أـنا مخطط فيه .. وبما إني عايفها تأكدي مافي شيء يخليني أتقبلها ..
وسن تبسمت وقالت : طب .. بما إنك جالس بـ روحك ولسا باقي على العروس ساعتين تعال إدخل عندنا .. وربي مابقى إلا العائله ..
أم سعود تصارخ عليها من بعيد : حتى وإحنا بـ القاعه راكان .. !
ضحك حاتم ..
ضحكت وسن وقالت : لا هذا حبيبي الأول ..
أم سعود من الصدمه إيدها على راسها قالت : ياكبرها .. خير حبيب أول .. !
وسن ضحكت وقالت : وبيدخل بعد ..
أم سعود شهقت ..
هنادي : ههههههههههههههههههههههههه أحسن خلينا نشوفه .. يمكن ينفع ..
ضحكوا عليها ..
وسن رجعت لـ حاتم : حبيبي خلنا نفلها الساعتين هذي .. لاحقين على الضيقه ..
حاتم سكت شوي وقال : خلاص قولي إنننا بـ ندخل ..
وسن طارت من الوناسه : كلكم ...؟؟
حاتم : إيوا ..
وسن صارخت من الوناسه ..
ضحك على إخته ..
بدر واهو يصارخ : ضـــــــــــــــــــــــــــــــحـــــــــــــــــ ــــــــــك ... أخيراً ..
وسام يرقص ..
ياسر : بـ الله منو إللي ضحكك ..؟
حاتم جا لهم يمشي لإنو كان يكلم بعيد عنهم .. قال : شباب مطلوبين داخل في قاعة الحريم ...
بدر إللي إنببسط اهو ووسام ووياسر ..
خالد واهو يمشي اول ويقول : مشتاق لجوريتي ..
ضحكوا على خالد ..
حمد : صعبه ندخل ..
حاتم : مابقى إلا عماتي والبنات .. يعني مافي أحد غريب ..
سعود : يارجُل خلنا ندخل عندهم ..
وسام : أما لو يسويها عمي سعد ويتصل في الهئيه وتطب علينا .. ياحلو اشكالنا ..
بدر : إتخيل بس وأـنا حاضن ريناد كذا { واهو يمثل } والله فلته للهئيه ..
ضحكوا عليهم .. ودخلوا كلهم لـ قاعة الحريم .. بعد ماتغطوا الغير محارم ..
البنات مبسوطات حبايبهم بيدخلون .. وسن توقعت راكان معاهم .. لكن قلبها يحاتي .. من إنزفت إخته واهو ما إتصل فيها .. بـ االعادهـ يتصل حتى إذا ماعندهـ شيء يجلس ساكت ..
أم سعود وام راششد وام تركي وأم سعد كاشفات .. لإنو الكل محارم لهم . .

راكان واهو عند خالاته وإخته وامه : هذي ماهي حاله .. !!
منيرهـ : شنهي إللي ماهي حاله .. !
رااكان : لا والله ولا تدرون بعد .. الولد جالس هناك وإنتم هنا ولا كأن العروس منكم ومعاكم .!
منيرهـ : خله ينتظر .. إختك خايفه مالاحظت عليها ..
راكان عصب وطلع للحوش .. هذيل ماينفع معاهم شيء .. فشلوهـ في أعمامه وولد عمه .. وإللي قاهرهـ أبوهـ ماتكلم لهم ..

وسن تناظرهم كل أولاد عائلتها دخلوا عدأ راكان . . تحطمت .. يعني كلام هنادي صحيح .. رايح مع بنت خالته وخالاته وإخته وأمه .. وصلت حدها .. مو كافي رافعين ضغطها بـ الرياض يجوون يرفعون ضغطها بـ زواج أخوها .. الغيرهـ ذبحتها .. وجلست بـ روحها على طاوله بعيدهـ عن الكل .. وموبايلها بـ إيدها .. ليش ما أتصل ؟؟!! الشك والغيرهـ بيذبحونها ..

جت له منى واهو واقف برا بـ الحوش وقالت بكل دلع : راكان ...
ماناظرها .. يكفي إسمه بـ فمها لما تدلعه يكرهـ الدلع كله ..
قربت منه وقالت بكل رقه : حرام هذي إختك .. ولا تزيدها عليها .. المفروض تكون واقف معاها مو تخوفها زود ..
ناظرها .. الإخت طالعه وكاشفه وبـ فستان الزواج ولا كأنو مو محرم لها .. قال :
شـ المطلوب أنسه منى ؟
منى إللي تشققت وقالت : قريب إن شاء الله مدام .. وأكيد منك غير ..
قرب منها وقال : المطلوب يامنى ..!
منى ذابت من قُربه وقالت وإهي تمسك إيدهـ بكل وقاحه وريحة عطرها قويه مرهـ : راكان حس فيني ..
سحب إيدهـ وقال بـ طنازهـ : إيوا . . وبعدين !!
منى وبكل وقاحه حطت إيدها على صدرهـ وقالت : اتحمل كل شيء منك وعشانك ..
راكان ناظرهـا واهو رافع حاجب من فوق لـ تحت .. إذا إهي جرئيه اهو أجرأ منها وإذا إهي وقحه ماعندهـ مانع يصير أوقح منها .. لكن همه الوحيد بهـ الدنيا وسن .. مستحيل يفكر يخونها ,, حتى إذا مايحب إللي بيخونها فيها .. ماهمه لا خالته ولا بنت خالته .. لإنو إهي إللي جايبته لـ نفسها .. عشان تعرف الحُب من جد ..
ذايبه وإهي تاركه إيدهـا على صدرهـ .. تمادت شوي وصارت تمسح ..
راكان نزل إيدها وقال واهو يمشي : خلاص تحملي إللي يجي لك ..
إنقهرت .. حتى هـ الشيء مافاد منها .. للدرجه هذي بارد .. مايحس .. إهي فهمت من أمها وخالاتها إنو منطقة الصدر عند الرجُل مكان إستثارهـ .. لكن إنبسطت لإنها كانت راسمه على إيدها بـ لون روجها وعشان كذا حطت إيدها على صدرهـ وطبع الروج من غير لايدري .. خليك يابنت سُلطان الليله تتهنين بـ حضن راكان إذا شفتي الروج ..

كانوا بـ القاعه والمطربه شايلتها شيل بـ الأغاني والحماس إللي فيها .. اعجبوها . . شباب كثير وكل واحد أوسم من الثاني .. البنات مجتمعين على طاوله وحدهـ وبجنب الحريم وتصفيق وتصفير وصراخ .. الشباب إنبسطوا ..
حاتم ولا واضح عليه الفرح .. جالس على كرسي ويناظرهم .. ماله خلق يتحرك .. يبي بس يشوف ..
بدر واهو يناظر ريناد ويرسل لها بوسه .. ريناد وجهها الوآن ..
طبعاً إللي كان يرقص وسام وياسر ووبدر .. والباقين يناظرون وساكتين .. يصعب عليهم يرقصون .. خير .!
العنود تحمست مع وسام وبدر ووياسر وقامت ترقص معاهم ..
الماسه نفس الشيء .. عاد كلش ولا الماسه .. الجمال والرزانه والدلع .. مع إنها
بـ تصير جدهـ إلا إنو إللي يشوف جمالها وآناقتها ودلعها يقول هذي لسا متزوجه ..
غيوض من أول وإهي تترقص بـ المسرح .. عادي ماعندهم مانع يرقصون عند الكل .. كل حريمهم جميلات وعليهم كشخه لكن الماسه وجوهرهـ غير .. ما أحد ينافسهم على كلام العنود ..
غيوض شعرها إلـى أكتافها ولونه أسود ..
الماسه شعرها قصير إلى فوق أكتافها بـ شوي ومدرج ولونه بني ..
العنود شعرها إلـى تحت أكتافها ولونه أسود ..
جوهرهـ شعرها إلـى نص ظهرها ومدرج ولونه بندقي ..
بدر إحتاس يرقص مع أمه وإلا خالته الماسه .. !
وسام مع الكل يرقص .. شوي عند غيوض وشوي عن الماسه وشوي عند العنود ..
ياسر يرقص عند أمه ..
مشت الماسه لـ حمد إللي كان جالس .. وخذت إيدهـ تبيه يرقص معاها .. لكن حمد رفض ... مستحيل يرقص عندهم .. وقف وباس راسها ومشى معاها للمسرح ووقف قريب منها وكان يحمسها وإهي ترقص .. خلود قلبها بيوقف من الذوبان .. حمد واقف عند أمها ..
وتين وهنادي يصارخون بـ أعلى صوت وكأنهم تابعين للمطربه : عاشوووووووا ..
إيوا .. حلووووووووووين .. وأنواع الصراخ والتصفير ..
تركي عارف صوت وتين وحاقد عليها ..
الجوري شافت وسن تناظر فيهم وتتبسم قامت لـ طاولة وسن إللي مبتعدهـ عنهم شوي .. وجلست عندها وإهي تقول : يعني عشان راكان مو في خلاص ماتجلسي قريب منهم ..!
ضحكت وسن وقالت : لقيت نفسي قريبه من هـ الطاوله وجلست فيها ..
الجوري وإهي تغمز : علينا ياحلوهـ ..!
وسن ضحكت ..
خالد شاف الجوري قامت لـ وسن وكان عارف وسن .. راح لهم وجلس معاهم وضحك وسواليف ..
إنتهت المطربه من الأغنيه الأولى ..
بدر واهو يناظرالكل .. وشاف خالد جالس مع وسن والجوري قال واهو يأشر عليهم : هذيلك ناس هآي .. ناس رآقيه .. شوفوا جالسين بروحهم وضحك وسواليف ..
ناظروا كلهم للمكان إللي يأشر عليه بدر وشافوا خالد والجوري ووسن ولا حاسين في أحد ..
العنود : والله هذيل مصفين مرهـ .. { وإهي تنادي على خالد } هيه أبو الشباب ..؟
ناظرها خالد وقال : نعم أم الشباب ..!
العنود : مكانك مع الشباب مو مع البنات ..!
خالد واهو يمسك إيد الجوري : وحدهـ زوجتي والثانيه إختي ..
العنود : زوجتك بـ البيت مو هنا ..
خالد : جوريتي حبيبتي مو إحنا عملنا زواجنا هنا ..!
الجوري وإهي الوآن ولا ردت ..
ضغط على إيدها وقالت : إيوا..
خالد واهو يناظر عمته قال : لو تشوفيننا متسدحين على الطاولات لاتتكلمين ..
هنا صارخوا عماته ..
خالد : شفتي الحماس إللي يعملونه .. !!
الجوري خلاص بتموت من الحيا ..
وسن ضحكت ..
صارخت وتين للمطربه : أطربينا .. !
الشباب ناظروا هذي على كيفها ..
إبتدت المطربه على طوول وكأنها محضرهـ للشيء هذا وبصوتها والعزف والطيران سوأ ..
الهوا شرقي وقلبي هاوي الشرقيه ..
كل العائله من صغيرهم لـ كبيرهم صراخ بـ أعلى شيء ..
ضحكت المطربه وإستانسوا فرقتها على الحماس . .
الهوا شرقي وقلبي هاوي الشرقيه ..
في هواها يطرب الخاطر وتجلى أحزاني
عن هوا المحبوب مالي يـ العواذل نيه ..
كيف اصدق في حبيبٍ خابرهـ يهواني
الكل تحمس .. البنات عشان الأولاد موجودين بقوا على كراسيهم ويصفقون للحريم والشباب ويصارخون ..
وسن تناظرهم شـ قد مبسوطين عدأ حاتم إللي جالس على كرسي الكوشه ويناظر واهو ساكت ..
وسن قامت من عند خالد والجوري ورقت للمسرح ومرت من بين إللي يترقصون .. وجلست بـ جنب حاتم وقالت وإهي ترفع صوتها عشان الصوت عالي : قوووووم إرقص معاااااااهم ..
ناظرها وتبسم لها وقال : شـ رآيك اسحب على الكل ..!
ضحكت وقالت : كيف ؟؟
حاتم : اطلع للرياض وإذا يبون الستر لـ بنتهم يجيبونها هناك ..
وسن ضحكت وقالت : وراك على طووول ..
ضحك ..
وسن : رااكان طالع معاهم ؟؟
حاتم : ما شفته .. ولا أدري وينه ..!
وسن سكتت .. وناظرتهم واهم يرقصون .. وإنتهت المطربه وإهي متحمسه للشباب أكثر ..
أم سعود وإهي تناظر وسن على الكوشه بـ جنب حاتم قالت : ماشبعتي بـ ليلة عرسك لاصقه لـ حاتم بعد ..!
وسن ناظرتها متفشله .. الأولاد موجودين ..
وسام : هههههههههههههههههه .. تنفع بدل بنت عمنا إللي ما ادري شـ اسمها ..
واهو يمشي لهم ويوقف وراهم وقال صورهـ واهو يتبسم ..
العنود : قومي عنه .. خليه يتخيلها بـ كيفه .. مو أحد بجنبه ..
وسن طنشتها .. عمتها تبي تحرجها وبس ..
لفت وإهي كأنها تدور أحد وقالت : شوفوا راكان وين يجي ياخذها ..
حاتم مسك إيدها وقال : ليت كل البنات نفس وسن ..
وسام واهو يصفق ..
بدر واهو يضحك قال : شـ عندهـ طلع تغزله في إخته ..!!
العنود : ههههههههههههههههه .. فصل عندهـ شيء ..
ضحكوا ..
خذوا صور لـ حاتم ووسسن ووسام ..
وسن وإهي تضحك : خووش صورهـ بـ عباتي ولثمتي ..
وسام : هههههههههههههههههههه .. من جد إللي ببيشوفك بيقول حمدلله والشكر متخلفه ..
وسن ناظرته ..
حاتم : يكفي أـنا فاهم الوضع ..
بدر : هههههههههههههههههههه .. لقط لقط ..
ياسر : هههههههههههههههههههههههههههههه
حاتم ناظر ساعته .. باقي على الوعد ثلث ساعه ..
تركي : كم بقى ؟؟؟
حاتم : ثلث ساعه بـ الضبط .. ولا راح أطلع لهم إلا لما أتأكد إنها موجودهـ ..
فيصل : أجل خلنا نقضيها على أخر أغنيتين ..
المطربه تناظرهم قالت : أختم !
فيصل : أخر أغنيتين ..
وسام : السعوديه يرحم والدينك ..
بدر : ليش إحنا وين ؟؟
وسام : لا أقصد الأغنيه ..
بدر : أـها .. ليش طلبتها طيب ..؟
وسام : فيني رقص ولا أرووق إلا على هـ الأغنيه .. { ناظرها وقال } بـ الله عليك السعوديه بـ شيء حامي .. حمااااااااااااااس ..
المطربه : إن شاء الله ..
غنت المطربه السعوديه وبعد ما أنتهت غنت يادار إللي شبكتها كلها سوأ من غير لا تفصل .. وجلست تمدح بـ العائله ... وفي العريس حاتم .. ومكست أسماء كل الشباب .. ومن جد الحماس يصير بـ أخر شيء .. كل الشباب يرقصون عدأ خالد إللي مايرتاح للرقص وحاتم إللي جالس على الكرسي ويناظرهم .. المفروض اهو إللي يرقص لإنها قامت تمدح فيه .. حاولوا فيه عماته وحاولت فيه أمه لكن مافي فايدهـ .. دخلت أسماء الحريم بـ الأغنيه .. العنود ' جوهرهـ ' غيوض ' الماسه ' موضي ' لولوهـ ' تهاني .. والجدهـ بكبرها رقصت بينهم وكلهم حولها محاوطينها ويرقصون معاها ..
حاتم في خاطرهـ .. رقصي مو على زواجي هذا .. رقصي بـ تشوفونه لما أخذ إللي في بالي .. " تركي ' فواز ' سعود ' فارس ' فيصل ' بدر ' حمد ' ياسر ' وسام "
البنات خقوا من جد .. الشباب يرقصون قبالهم .. كل وحدهـ تناظر زوجها وحبيبها .. دخلت وياهم هنادي وإهي ولا هامها أحد .. طبعاً وتين إللي محمستها ..
مثل مادخلوا بـ ترحيب وطق طيران من المطربه طلعوا بـ توديعه منها ومن فرقتها ..
عمه دق عليه .. وقال له حاتم : مايحتاج تجلسون عندها ..
فهم عمه وطلعهم كلهم ..
سلموا عليه الشباب وشوفوا أنواع النصائح .. وقبل لا يطلع من عندهم لف وقال : خالد ..!
خالد ناظرهـ وقال : هلا ..
حاتم : لاتنسى بكرهـ تجي لي ..
خالد : أوكي إذا صحيت إتصل فيني .. أعرف نومك ثقيل ..
تبسم لـ خالد واهو بـ داخله يقول ويني وين النوم وهذي عندي .. مستحيل أثق فيها وسواليفها كذا .. ! ومشى من عندهم للجناح ..

راكان إتصل في وسن تطلع له .. وطلعت له .. وطلعوا الباقين .. كل واحد لـ بيته ..
دخل عليها بـ هيبته المُعتادهـ .. شافته واهو يتجه لها .. جبر حاله يدخل عليها .. ناظرها بـ نظراته إللي على طوول تكون رجوليه قويه .. نزلت راسها من نظرته .. هذا شـ فيه .. !؟؟ يجنن لكن واضح من نظرته قوي ومتخلف .. وقف قريب منها .. من الخوف ماشافت حالها إلا واقفه وماتدري شـ السبب .. ! في خاطرهـ حرام عليك الفستان الأبيض ياحقيرهـ .. الدنيا تغلي بـ داخله على عمايلها .. واهو يتذكر ضحكها ووقاحتها مع حقيرها الثاني وكل كلمه ترن بـ إذنه وخصوصاً سالفة البوسه .. ومن غير ولا كلمه .. والتبريكه منه لها " كـففففففففف " من قللللللللللللللللللللب وكأنو هذا الدرس الأول بـ التربيه .. من قوة الكف طاحت كلها على الأرض .. ناظرها من فوق لـ تحت ودخل لـ غرفة النوم من غير اي كلمه .. بدل ملابسه ودخل للسرير وتركها تفسر مثل ماتبي سببب هـ الكف .. !!!!!
خدها تخدر من قوته .. القوهـ إللي بنظرته طلعها بـ الكف .. تحس كل قوة الكون فيه .. بقت طايحه في مكانها مصدومه وتبكي .. هذي أول ليله .. أجل بعدين إيش .. ! وين راح .. ! وليش كـــــــــــــــــذا .؟؟ ماتدري ..!!

دخلت لـ جناحها .. وفسخت عبااتها .. وبقت بـ فستانها الأسود .. ماسك على جمسها وتفصيلته خيال عليها .. دخلت لـ غرفة التبديل وخذت لها ملابس نوم لفت بـ تطلع تبدل وكان واقف وراها على طوول .. ناظرته وإهي ساكته ..
مسكها من إيدينها العاريه وقال بكل حُب : شـ فيك ؟؟
وسن وإهي ماتناظر عيونه قالت : ولا شيء ..
راكان : مو على ركونك ..!
تبسمت له وإهي تخفي إللي بداخلها وقالت وعيونها على صدرهـ : ولا شيء صدقنـ ...... إختفت ملامح وجهها .. وكملت وإهي تبلع الغصه .. صدقني ..
قربها له وعلى صدرهـ وإهي تحاول تكون طبيعيه لا تنفجر عندهـ .. ريحة عطر نسائي وعلى صدرك ..!! شـ أفهم من هذا !! طبعة روج وريحة عطر نسائيي ..! وكان طالع مع منى .؟؟؟؟؟؟!!!!!!!!!!!!!
إبتعدت عنه بكل هدوء وقالت : بـ ... بـ أطلع أبدل ..
ناظرها مستغرب وقال : خذي رآحتك ..
إستغربت بـ العادهـ يجلس لها عند هـ السوالف .. اليوم على غير عادته .. حتى
بـ السيارهـ ماتكلم في شيء .. شـ فيه ..؟؟ شـ إللي غيرهـ ؟؟ بعد كل إللي شفتيه وتسألين شـ إللي غيرهـ .. ! إصحي يامدام .. رجعت لـ درج ملابس النوم وخذت بيجاما نوم تريحها .. ودخلت للحمام تبدل وإهي أول مرهـ تبدل بـ الحمام .. طلعت خذت موبايلها ومسجت لـ وسام " طلبتك يـ أخوي .. تجي وتطلعني من جناحي من عند راكان .. متضايقه شوي ولا آبيه يلاحظ " نزلت الموبايل ومسحت الميك آب بكل هدوء واهو مستغرب وضعها .. دق باب الجناح وفتح ..
وسام واهو يتظاهر قال : رااكان ماعليش محتاج وسن .. ادري وقتي غلط لكن ما يحس فيني إلا إهي ..
راكان ناظر داخل الجناح ورجع يناظر وسام وبداخله يقول " شـ فيهم اليوم كلهم النفسيات زفت .. ! العريس ' خالد ' وسام ' وسن ' عمي شوي ' عمتي " !! خير .. شـ صاير . .؟ قال يستهبل : ضروري ضروري .. ! يعني مافي أمل إنك تأجلها لـ بكرهـ ..!
وسام إللي يدعي الجديه واهو يبي وسن تطلع بـ سرعه عشان يعرف شـ فيها قال : راكان أـنا مالي إلا توأمي ..
فهم راكان وقال : خلاص بـ أقول لها .. ودخل وقال : وسن وسام يبيك ..
وسن ماتكلمت وخذت موبايلها ومشت ..
مسكها من إيدها قبل لا تعدي من عندهـ وقال : مطوله ؟؟
وسن حركت أكتافها بـ معنى ما ادري .. ترك إيدها بكل هدوء واهو مايبي الشيء هذا .. وطلعت من عندهـ بكل هدوء .. وقفت عند الباب وسكر الباب وسام .. وقال بخوف واهو شايف ملامح إخته مختفيه .. ولا فيها شيء من السعادهـ : شـ فيك ؟؟
وسن هنا إنفجرت بكا وراسها على كتف وسام ..
إبتلش وشوي وينهبل وخذاها معاهـ لـ جناحه عشان راكان مايحس في شيء ..
راكان جلس على السرير واهو مقهور .. ! شـ فيها .. المعروف لما تتضايق من شيء .. أول شخص يعرف عن ضيقتها راكاان .. لكن ذا الحين ولا تكلمت في شيء .. ولا كأنه يعرفها ..!

وسام يهدي فيها .. وإهي تبكي .. داخلها قهر الدنيا كلها وغيرتها .. كيف يجي لك قلب تسوي كذا ياراكان .. ؟ كيف .. !! إنحاست الدنيا عندها .. هم أخوها إللي شايلته وهم زوجها إللي طلع لها جديد .. رفعت راسها عن حضن وسام وكان جالس على سريرهـ ومسحت دموعها بـ كفوفها بكل هدوء وإذا مسحت ينزل بدلها دمووووع ..
وسام واهو يمسح دموعها : ياقلبي إنتي .. شـ فيك ؟؟ والله لو راكان إللي ورا الموضوع لـ أكون ذابحه ..
وسن زاد بكاها وحركت راسها بـ معنى لا عشان مايتهور وسام ..
وسام بكل حنان : أجل شـ فيك .. قولي لي !!
وسن من بين بكاها : بس عشان حاتم تزوج ...
وسام : طيب تزوج .. الله يوفقه ..
وسن زاد بكاها ... وقالت : منت فاهمني .. ما أحد فاهمني ..
وسام : فهميييييييني طيب .!
وسن : أـنا أحبكم أكثر من اي شيء .. وصعب علي أشوف أحد منكم يتزوج .. صحيح أفرح .. لكن ما ادري في شيء ينغص علي ..! يمكن من كثر حُبي .. يصير أخاف زود .. ما أدري { وكملت بكا }
وسام وقلبه يتقطع عليها : ياروحي إنتي .. ثقي مُستحيل أحد فينا يتغير عليك .. إنتي إختنا الوحيدهـ .. إنتي كل شيء بـ النسبه لنا .. وربي مستحيل أحد يوصل
لـ مكانتك بـ قلوبنا لا زوجات ولا أولاد ولاغيرهـ ..
زادت بكا وإهي تتمسك في وسام بقوهـ .. وسام بكا معاها غصب .. قلبه مايتحمل يشوفها تبكي .. قال من بين بكاهـ : أتصل في خالد وحاتم .. ترا والله أسويها بس المهم ترتاحين ولا تعذبين حالك ..
بعدت عنه ومسحت دموعها وإهي تقول : لا خلاص .. وقامت ..
وسام مسكها وقال : وين ياقلبي ؟؟؟
وسن باقي فيها دموع وواضح إنها كانت منهارهـ بكا وبصوت رايح من البكا :
بـ اروح أـنام ..
وسام واهو يضغط على إيدها : أكيد ..!!
وسن حركت راسها بـ معنى إيوا ..
طلع معاها ليما دخلت في جناحها ..

دخل عليها تركي وقال : ليش كل هـ الصراخ بـ الزواج ولا كأن لك زوج .. ولا كأن إللي واقفين شباب ..
وتين ناظرته ووقفت .. أكيد ناوي كف قالت : زواج .. يعني تبيني أبكي مثلاً !!
شدها من شعرها من ورا وقال : تكلمي عدل ..
وتين وإهي تمسك إيدهـ قالت : شـ أسوي لك ..!
تركي يحرك فيها واهو شاد شعرها وكأنه يتهنى بـ الشيء هذا .. عطاها كف
بـ إيدهـ الثانيه وقال : تربي عدل وإذا في شباب صوتك لا يطلع .. ودزها على سريرها وطلع .. لمت حالها لـ حالها وسندت راسها على رُكبها وبكت .. مابعُمرهـا جربت البكا والدموع إلا من بعد زواجها .. هذا ظالم مايخاف ربه ..

إنتبه لـ دخولها على دقة موبايلها .. ناظرت الإسم وكانت زيزفون .. إستغربت لإنها ماشافتها بـ الزواج .. وردت وصوتها واضح فيه الصياح قالت : أهلين ..
كان يناظرها وواهو متمدد على السرير .. شكلها واضح إنها كانت تبكي .. والله
هـ العائله تفك المخ وبقووووهـ .. عليهم غموض يجيب للواحد حاله نفسيه ..
زيزفون إستغربت صوتها وقالت بـ خاطرها .. مو إنتي يازيزفون إللي تعبانه قاالت : أهلين وسن .. كيفك قلبي ؟
وسن سكرت عيونها وقالت تسألوني كيفي والخيانه كاشفتها بـ زوجي .. كيف بيكون حالي بعدها قالت : بخير .. إنتي كيفك ؟؟ وينك ماشفتك بـ الزواج ؟؟
زيزفون وإهي تحاول تكون طبيعيه : بخير حالي .. كنت تعبانه شوي ولا قدرت أجي ..
وسن : ألف سلامه ياقلبي ..
زيزفون تبسمت غصب وقالت : يسلمك ياحياتي .. حبيت أبارك لكم .. ألف مبروك زواجه وربي يوفقه ويسعدهـ ..
وسن بـ خاطرها وينك عنها ياحاتم قالت : يبارك فيك وعقبالك ..
زيزفون : أوكي حياتي ما اطول عليك . . بغيتي شيء قبل أقفل ؟؟
وسن : سلامتك قلبي ..
زيزفون : يسلمك .. باي ..
وسن : بايات ..
جلست على الكنبه وخذت اللاب وفتحته ..
ناظرها مستغرب : مو نايمه ؟؟
وسن .. شـ تبي فيني وإنت مقضي ليلتك وياها قالت : مافيني نوم ..

إضافة رد
وردة الشرق 08:44 AM 16-05-11
راكان ماحب يضغط عليها .. يعرفها إذا تنرفزت كذا ماتحب أحد يتدخل لها ففي شيء واهو مو ناقص مشاكل معاها بسبب نومه .. زاد قهرها ماحاول فيها .. أكيد كيف بيتحايل عليها واهو شبعان ومغنيته بنت خالته .. مابعُمرها ظنت في أحد ظن سوء .. لكن إهي متأكدهـ من الروج وعلى الصدر بـ الذات .. وريحة العطر النسائي .. شغلت أغنية " نوال ' متغير كلامك "

ليش متغير كلامك هذا مو طبعك معاي
أـنا احسك مو طبيعي أـنا احس فيك شيء غريب
أـنا أعرفك من عيونك وإنتَ تدري ياغلاي
خل كلامك ليَ واضح قببل لا شمسك تغيب

حيييل عذبني غموضك صارت أسرارك هواي
وصار همي بس أعرفك أـخاف لك غيري حبيب .. { عند هذا نزلت دموعها .. ماتتخيل راكان ممكن يخونها ويحب غيرها .. طيب ليش خذاها ؟؟ يعني كل كلامه كذب في كذب ..
أسألك ليش التهرب ياشقى قلبي وعناي
إنتَ بـ عيوني الأماني وأـنا عن عينك أغيب
كان مسكر عيونه واهو يسوي حاله مو مهتم ومنمدج بـ الأغنيه وفي باله كل شيء راح يوضح من كلمات الأغنيه .. لما سمع صوت لما شهقت من بكاها .. فتح عيونه وناظرها على طووول وقام من السرير وجلس بـ جبنها واهو يحط إيدهـ من وراها .. والأغنيه شغاله . .
كنت أقرب من حياتي كنت لـ جروحي دواي
صرت تسمعني أـنادي ياحبيبي وماتجيب
منهو غيرك في حياتي كان عايش في سماي
ودي أسمع منك إنتَ خلي جروحي تطيب
وبكل حنان قال : شـ فيك ياقلبي ..؟؟
وسن زاد بكاها ..
رااكان من النوع إللي ماعندهـ طولت بال لكن كل شيء عشان وسن يصير قال : حبيبي قولي ...!
قالت وإهي تحط راسها على صدرهـ ومن بين بكاها : ما آبيك لـ غيري .. إنتَ لي أـنا وبسسس ... وبسسس ياراكان ..
إستغرب شنو مناسبة هـ الكلام قال : ومنو قال إني لـ غيرك ... أـنا في هـ الدنيا لك إنتي وبس .. وغيرك مستحيل ..
وسن شددت على مسكتها فيه .. حضنها بـ قوهـ وقال : والله ماغيرك في خاطري .. والله ولا غيرك في دنيتي كلها .. صدقته على طووول ..
متاكدهـ حتى لو تشوفه بـ عيونها يخونها وجا لها وقال أـنا ماخنتك .. تصدقه وتكذب عيونها .. تحبه للجنون .. ومستحيل تتركه يبعد عنها .. لها وبسس .. اهو مظلوم ولا يعرف شيء عن الروج .. لو متكلمه معاهـ قالها السالفه كلها .. لكن إهي مستحيل تكشف له الشيء هذا ..

صحى وبعد ماخذا شاور لبس وحط له عطر وإتصل في خالد إللي إستغرب إتصاله واهو في عز نومه . .
خالد : الناس نايمين .. وإنت عريس مفروض تكون نايم بـ العسل ..
حاتم : هههههههه .. قوم بس يلا ..
خالد : حاتم .. ما صار لي نايم 3 ساعات .. شهـ النشاط إللي عليك اليوم ..
حاتم : ههههههههه .. إسم الله علي .. طول عمري نشيط .. المهم تجي لي وإلا أتصل في احد ثاني ..
خالد : إذا بتنطر علي ليما اخذ شاور واللبس واجي لك .. أوكي ..
حاتم فكر مستحيل يجلس معاها كل هـ الوقت بروحهم قال : لا خلاص كمل نومك ..
خالد حس إنو زعل قال : لا خلاص أجي لك ذا الحين ..
حاتم : لا والله ماتجي .. خلاص .. أـنا بـ اشوف سواق أمي وإلا أبوي وإلا اي سواق ..
خالد : حاتم بلا هبل ..!
حاتم : والله خلاص .. باي ..
خالد : باي .. وقفل واهو مستغرب ..
طلع للصاله بعد ما اتصل في سواق جدته إللي ماتستخدمه كثير وجا له .. شافها نايمه في نفس مكانها وبـ ملابسها .. ناظر فيها وإهي طايحه من عينه وعايفها .. وطلع .. حست فيه واهو طالع .. صحت وراحت للغرفه حصلتها فاضيه وريحة عطرهـ مزعجه بـ النسبه لها .. بدلت بسرعه .. وردت على الإتصال إللي وصل لها .. " هههههههههه .. نقول خلاص كل شيء إنتهى "
ضحكت وقالت : وائل .. خلاص .. وربي ما اتحمل كلامك إللي مثل كذا .. ضحك وبـ إتصاله هذا نساها كل شيء ..

دخل لـ بيت أبوهـ ورقى لـ جناحه .. خذذا بعض أغراضه وطلع بكل هدوء .. خذا سيارة وسن إللي هديه من أبوها .. جيب لكزس .. ركب فيه وكلم السايق وطلع .. وطلع وراهـ السايق ..
وتين جالسه ولا قدرت تنام .. الآلم بـ خدها قوي .. تحس حرارهـ مرهـ ..
إفترت في بيتهم .. وفي خاطرها والله لـ أطير النوم من عيونك ياتركي مثل ماطيرته مني .. خذت عبدالله إللي صاحي نشيط ودخلته لـ جناح تركي ودلته السرير ودخل الولد واهو مبسوط على الأخر .. ووقف حاله على السرير لإنو يحبي وبس .. وإذا صار أحد يمسكه يوقف معاهـ .. وانواع التحريك بـ إصبعه في وجه تركي .. تركي حس في احد .. والولد بـ إصبعه على عيون تركي وكأنه يبي يشوف شنو هذا ويسولف .. تركي طفش .. وتركي من النوع إللي إذا صحى صعب يرجع ينام .. عصب ونفخ على عبدالله الصغير واهو يقول : أهوووووووهـ .. وبعدين يعني ..
المسكين من الخوف فك إيدينه من السرير وطاح وجلس يبكي ..
قام تركي على صراخه ومسكه واهو متنرفز وطلع فيه واهو شايله من ملابسه من ورا .. ورماهـ على سرير وتين إللي مسويه حالها نايمه .. وعبادي يصيح .. قال بعصبيه : أـنا مافكيت نفسي من البزارين عشان تفتحين لي حضانه هنا .. خذيه ..
قامت وإهي تعدل شعرها يقال إنها نايمه لكن صحت من جد لما شافت شكل عبادي .. صارخت عليه وقالت : هيه إنت حسبالك هذا شايب نفسك .. ترا هذا طفل ..
مسكها من شعرها لإنو نومه تقطع .. : إسمعي .. والله لو اسمع لك صوت مايصير لك طيب ..
وتين وإهي مرجعه راسها على ورا من شدته قالت : شـ بيصير أكثر من إللي صار ..!
تركي واهو يشد أكثر : لسا باقي يامدام وإلا إنتي ناسيه ..
خافت من نبرته وخصوصاً واهو يقول مدام وكأنو يذكرها في شيء إهي ناسيته ..
شاف الصدمه على وجهها وضحك وقال : خليك عاقل افضل لك .. ودزها على مخدتها وطلع .. ناظرت مكانه .. وعبادي يصيح وراسها مصدع .. والخوف داخلها .. ماتدري شـ تسوي .. !!

دخل للجناح بكل هدوء .. ماحصلها بـ الصاله .. وقال أكيد بـ الغرفه .. ناظر بـ قوهـ لـ باب الغرفه واهو يسمع صوتها وواضح إنها ذايبه مرهـ .. لإنها قاعدهـ تطلع آهـآت .. واصوات متأكد من قوة تأثير الكلام إللي تسمعه منه .. دخل واهو جان جنونه .. شافته بـ حالته وطاح الموبايل منها .. مسكها طق وشد بـ الشعر .. مافاد معاهـ ماطلع إللي بـ خاطرهـ .. لف بـ الغرفه وشاف عقاله .. خذاهـ واستلمها من جد .. وإهي تصارخ .. لكن مافي مُجيب .. إهي تحت إيدين حاتم .. لما فضى إللي براسه بعد عنها وقال بكل عصبيه : يا ........ شيلي اغراضك يلاااااااااااااااا ..
قامت من صرخته وإهي مو قادرهـ تتحرك .. شالت أغراضها .. خذا موبايلها إللي طاح معاهـ . . ونزلوا واهو لو يشوف أحد بـ وجهه موته .. قال للسايق يمشي وراهـ وقالها : ماتشرفيني تركبين في سيارتي .. سيارتي ماتستقبل أمثالك يا ........ الكلام قوي عليها .. لكن من وائل عسل ... حرك للرياض وراهـ السايق ..

لما صحى أبوهـ إتصل فيه .. ورد : هلا ..
أبوهـ : وينك .؟؟
حاتم : بـ الطريق للرياض ..!
أبوهـ : ليش ما راح تطلع شهر عسل ..؟؟
حاتم : لاحقين على هـ الأشياء .. { وفي خاطرهـ .. ماتستاهل إلا جزمه في وجهها }
أبوهـ : إللي يريحك ..
حاتم : بغيت شيء يُبه ؟؟
أبوهـ : سلامتك .. بس بغيت أشوف وينك ..!
حاتم : يسلمك ..
أبوهـ : اجل مع السلامه ..
حاتم : مع السلامه ..
وصل للرياض وفي بيته .. ودخلها واهو يدزها بـ قوهـ لـ داخل .. والإخت جايبه لاب توبها بعد ..!! خذا الموبايل والغى شريحتها إللي بـ إسمها .. من متى يطلعون
بـ أسماء بنات .. ؟؟ عائله ماتفهم .. عندها أبو وإخوان ..
وكسر الجهاز بعد ماخذ أرقام وقحها .. مسك اللاب وفتحه قطعه قطعه .. واهو بكل شيء يشوفه يزيد وعيدهـ لها .. " قمة الدنائه .. قمة الحقارهـ " دخل فايرس للاب واحرقه كله . . وكسرهـ قبال عيوونها وإهي تبكي .. إييميلها فجرهـ .. عشان ماتحصل شيء توصل له . .
جاب إسم وائل كامل .. وخلال نص يوم واهو عندهـ عشان يتفاهم معاهـ عدل .. ماهو حاتم إذا تركه على كيفه ويلعب في بنت عمه .. !

عند زياد وديما ..
ديما : أخاف يتوقعون أـنا إللي مانعتك لانرجع لـ زواج إختك ..!
زياد بكل رقه : ياحياتي أـنا وإنتي واحد .. وبعدين هذي احلى أـيام عمرنا ... مانبي نلغيها عشان شيء مو ضروري .. إختي خذت حاتم وربي يوفقهم .. هذا المهم ...
ديما تبسمت وقالت : ويوفقنا ..
باسها على خدها وقال : آمين يارب ..

شاف حاتم وشكله واصل .. خاف ..
حاتم واهو يقرب له قال : إنت وائل .!!
وائل بـ خوف : إيه ...
حاتم بكل هدوء : وتراب ..
ناظرهـ بـ قوهـ ..
قال حاتم : مو عاجبك ..!
وائل : حسن اللفاظك ..
حاتم بكل هدوء : تبن .. تبي بعد أزيد ماعندي مانع ..
ناظرهـ وقال : إنت واحد مريض ..
حاتم : وليش دكتور وائل ..؟؟
وائل : لإنك متخلف ..
حاتم طنش كلامه ولا كأنو يتكلم : وين موبايلك ؟؟
وائل : ليش ؟؟
حاتم أشر للي واقفين عندهـ يفتشونه وطلعوا الموبايل .. فتحه وقعد يقرأ ويشوف البلاوي إللي فيه ..
طلع موبايله من جيبه وإتصل وقال من غير سلام حتى وكأنهم ينتظرون كلمه منه : هذا الرقم آبيه ينلغي .. ********** وقفل ..
وفعلاً أقل من خمس دقايق منلغي ... إنقهر وائل وقال : على كيفك ؟؟
حاتم ولا كأنو يسمع .. كسر الجهاز قباله وعطى القطع للي معاهـ ..
إنقهر زود ..
حاتم : وين جهازك ؟؟
وائل : ماعندي غيرهـ ..
حاتم : أعرف .. لكن أـنا أتكلم عن جهاز الكمبيوتر .. ولا تقول جهاز كبير وفي بيتكم لإنو مافي شيء يمنعني لا أدخل بيتكم واطلعه ..
وائل خاف أكثر قال : بـ سيارتي ..
نادا على سعد إللي يشتغل معاهـ وقال : جيبه من سيارته ..
طلع واهم جايبينه على سيارتين .. سيارة وائل وإللي يسوق فيه سعد والثانيه جايين فيه المساعدين له ..
عطاهـ اللاب وفتحه بكل سهوله .. وفتح فيه .. وحصل صور بنات ومقاطع رايحه فيها مرهـ و كثيرهـ .. مسح كل إللي فيه .. وفجر الإيميل حقه .. عشان مايوصل لـ بنت عمه وبنت عمه ماتوصل له .. وكسرهـ نفس للاب بنت عمه ..
خلاص ذا الحين إنتهى من التفتيش والتكسير .. وأتحدى يقدرون يوصلون لـ بعض ... لإنو الغى شرايحهم واتحدا إذا ترجعت لهم بما إنو اهو إللي داخل بـ الموضوع .. والإيميلات وفجرها ولا يقدرون يرجعونها .. قال بنبرهـ غريبه : وإبتدأ الجد يا ....... وائل ..
خاف من نبرته ونظراته القويه إللي تحولت فجأهـ .. وفعلاً إبتدأ الجد .. وطاح فيه طق وويتكلم بكل عصبيه وقهر : بنات الناس عندك لعبه ؟؟؟؟؟
ولا يسمع من وائل إلا صراخه وردهـ إللي يقول : إهي إللي جت لي .. أـنا مارحت لها ...
ولا يفيد ويا حاتم لإنو كل واحد بياخذ جزاهـ .. إبتعد عنه واهو يقول للي معاهـ كملوا .. وبعدين إطلعوا للخبر .. وطلع من عندهم .. وتركهم يكفرون فيه .. وقليل عليه وعلى أمثاله ..

مرت الأـيام والكل لاهي في دنيته .. حاتم يصبح ويمسي هوازن على طق وإهانات .. وكرهت حالها من جد .. لإنو منتبذها بـ البيت .. تنام بـ روحها ولا كأنها عايشه معاهـ .. تركي نفس الشيء ويا وتين .. لكن حاتم معاهـ حق في إللي يسويه ... وتركي ظاالم ..

في بيت راكان .. كانت وسن لسا طالعه من المطبخ .. جلست عند راكاان وإهي تقول : تعرف حبيبي ..!
راكاان ترك التي في وناظرها وقال : شنو حياتي ..!
وسن وإهي تناظر الصاله كلها قالت : الخدامه حياتي ..
راكان أستغرب قال : شـ فيها ؟؟
وسن : مو مرتاحه لها .. ما ادري كيف .. ! من تشوفني نظراتها غريبه وكأنها تخطط لـ شيء ..
رااكان واهو مستغرب أكثر قال : يعني شـ بتسوي مثلاً ..!
ووسن وإهي قلقانه : ما ادري ..! بس ما ارتحت لها إهي وإللي معاها ..
رااكان : يابعد عُمري إنتي .. إنتي صاحبة هـ البيت واهم يشتغلون عندك .. إذا ماعجبك شيء فيهم تكلمي لهم ..
وسن : مو على كذا .. اهم شغلهم أوكي .. ماسكين النظافه وتحت عيون شريفه .. لكن مو مرتاحه لـ نظراتهم ..
رااكان ضحك وقال : ما آلومهم .. إذا على النظرات .. أـنا من أشوفك واـنا زوجك أتخبل وينلحس مخي مو عاد إهي خدامه وتشوف هـ الجمال والآنقه والدلع ..
وسن وين واهو وين .. قالت : لا ركوني .. أـنا ما أقصد إنها تناظر بـ إعجاب .. إفهمني .. إهي تخطط لـ شيء واضح من نظراتها ..
راكان : طيب تبين أغيرها .. عادي ماعندي مانع .. المهم إنتي وراحتك ..
وسن سندت ظهرها للكنبه وقالت : لا حرام نقطع رزقها .. خلها لـ وقت ماتنتهي فترتها بعدها تروح ربي حافظها ..
تبسم لها .. قلبها طيب .. حتى على الخدامات .. مابعُمرها شافت حالها على أحد وإهي بنت سُلطان والعز كله عندها ..

سعود واهو ماسك إيد هديل : حبيبتي أخذك للمستشفى ..؟
هديل وإهي تتألم : لا .. كلها سالفة تعب مثانى وبس ..
سعود : طيب صعب أشوفك تعبانه كذا ولا اسوي ششيء ..!
هديل تبسمت له وجهها يتألم : حبيبي عادي .. كلها ساعه بـ الكثير وبعدها يخف .. نفس كل مرهـ .. والمستشفى مايقدر يسوي شيء .. لإني حامل وصعب أخذ دوا المثانى ..
جلس بـ جنبها واهو متأكد لو تعبت زود شالها للمستشفى حتى إذا ترفض ..

دق موبايل راكان .. ناظر رقم غريب .. رجع يدق مرهـ ثانيه ووسن تناظرهـ .. رد : نعم ..
صوت بنت وناعم مرهـ .. يعني الصوت متعوب عليه وبقوووووووهـ بـ نظر راكان : راكان !!
راكان واهو رافع حاجب بدينا بـ حركات إللي مال لـ أمها داعي قال : خير ..!
البنت : ماعرفتني .؟
راكان : للأسف ماحصلي الشرف ولا راح يحصلي ..
وسن تسمع صوت ناعم .. بنت وطريقة راكان بـ الكلام وتفاصيل وجهه تأكد إنها بنت ولا اهو طايقها او مو عارفها ..
البنت ضحكت بـ مياعه وقالت : أدري مو من قلبك ..!
راكان واهو خاطرهـ تطلع له عشان يتوطى في بنطها قال : أـنا إنسان صريح وإللي بـ قلبي على لساني .. يعني إفهمي ..
وسن قامت لـ جناحها من غير اي كلمه ..
ناظرها وإهي تمشي وتنرفز ,, عليها برود .. ! تعرف إنو يكلم بنت ليش ماتاخذ الموبايل من إيدهـ وتصارخ بوجه البنت وتتفاهم معاها .. اهو يبيها كذا . . تجننه
بـ الغيرهـ .. تنرفز على البنت وقال : خيييييييير !!
البنت إخترشت وقالت : أسفه مع السلامه .. وقفلت ..
ناظر الموبايل بعد ماخلت وسن تشك قفلت .. بنات مايستحون على وجيههم ..
كانت بـ جناحها تعمل حالها تسرح شعرها لكن تفكيرها لـ بعيد .. تفكر بـ إللي جالس برا ويكلم .. ولا حسب لها وجود .. رد وبكل جرأهـ .. وبما إنو عرف إنها بنت .. ليش ماقفل .. خلاص .. الغيرهـ بتاكلها يكفي بنت خالته .. !
دخل وراها .. وشافته من المرآيه واقف وراها على طوول ويناظرها ... اشغلت حالها بـ جمع شعرها كله .. وإهي ماصارت تناظر بـ المرآيه .. تحاول تخفي ملامحها عنه .. ماتبيه يعرف شـ فيها .. بعد ما أنتهت .. مشت .. ومسكها قبل لا تبعد عنه وجلسها معاهـ على الكنبه وقال : شـ فيك ..؟؟
وسن : ولا شيء ..
راكان : نصااابه ..
قالت بعد دقايق وإهي تناظر الأرض : صدقني مافي شيء ممكن أتكلم فيه ..
خاطرهـ يخنقها .. ماتغااااااااااار ؟؟ !! إلا أكيد تغار عليه .. لكن تكتم بـ داخلها واهو مايبيها كذا .. يبيها تكون صريحه معاهـ .. يبيها تسأله منو إللي إتصلت فيك .. راضي لو تقلعه برا البيت بسبب غيرتها .. المهم ماتترك شيء بداخلها وممكن يأثر عليها .. يعرفها ماتتحمل تكتم بـ داخلها ... ! والأصعب من هذا ماعندها احد من المُقربين لها بـ الرياض عشان تشكي له .. يعني وضعها كله محزنه ومعذبه ..
قال بكل حنان واهو يحس العذاب فيه اهو .. يحس شوي ويصارخ : حبيبتي .. إنتي شـ إللي غيرك ..؟؟
وسن بـ خاطرها .. تسألني .. ! يعني تبيني أقول إني أكتشفت موضوعك مع بنت خالتك !! عشان تسوي كل شيء قبالي ومن غير لا تحسب لي حساب .. ووقتها 'ويل قلبي ياراكان' .. ! شـ بيتحمل هـ القلب ..! خيانتك وإلا كلام خالاتك وأمك وإختك وتجريحهم .. خلني عايشه على وهم إنك تحبني ولا تفكر في غيري أفضل إني أنجرح وانغدر أكثر وإنت قاصدها وووقتها ما اقدر أتكلم ..
شاف سكوتها طول .. وعرف إنها مستحيل تتكلم .. هذا وضعها من كم أسبوع .. تتضايق ولا تتكلم له بـ اي شيء .. بس ساكته .. يعرف إنها تعذب حالها من الداخل .. خذاها بـ حضنه .. ونزلت دموعها .. ماتتصور هـ الحنان إللي لها ممكن يكون لـ غيرها ويخونها .. ! عرف إنها تبكي ولا حب يكلمها .. يتقطع قلبه على حالتها لكن إهي ما راح ترد عليه .. تركها تبكي ليما تطلع كل إللي بـ خاطرها .. أوقات الدموع أفضل رفيق .. !

بعد شهر .. ياسر واهو جالس عند أبوهـ وأمه ..
أمه : هههههههههههههههه .. ياحياتي ياياسر .. يعني خلاص بتتزوج ..؟
ياسر : يُمه من زمان وأـنا خاطب والكل تزوج .. خلاص بـ أشوف نفسي ..
أبو سعود واهو يضحك : خلاص يـ ابوي ... اليوم أكلم عمك صالح ونتفق على كل شيء ..
أم سعود : مانبيه قبل شهرين ..
ياسر : شهرين حلو ..
أم سعود : وعشان البنت تستعد على راحتها ..
أبو سعود : على خير إن شاء الله ..
وفعلاً بـ الليل إتصل في أبو تركي وحددوا الزواج بعد شهرين .. على الإنتهى من الدوامات الحكوميه .. يعني الجامعات والمدارس .. والملكه قبل الزواج بـ شهر ..
ياسر طاير من الوناسه .. وهنادي نفس الشيء ..

راكان واهو يشوف وسن لابسه عباتها قال : نمشي ..!
وسن : إيوا خلاص .. قام ودق موبايله وكانت أمه .. ناظر وسن وفهمت إنو واحد من أهله ..
وجلست .. يعني ليلهم طويل ..
رد : هلا ..
أمه : أبوي وينك ؟؟
رااكان : بـ البيت ..!
أمه : تعال كلنا مجتمعين في بيت جدك ونبيك ..
راكان : الحين صعب ..
أمه بدت تتنرفز : وش الصعب .. عشانها تخلي أمك إللي مشتاقه لك .. راكان من متى ماشفتك .. ! { نصابه أمس كان عندها }
قال : خلاص جاي .. لكن مو مطول ..
أمه : خلاص .. تعال ..
راكان : زياد فيه ..؟؟
أمه بكرهـ : مطلع علته يعشيها برا ..
راكان ماحب كلام أمه كلش ... اهو نفس الشيء كان ناوي يطلع مع وسن يتعشون برا .. قال : مع السلامه .. وقفل .. وناظر وسن وقال : تروحين معاي لـ بيت جدي ..؟
وسن كارهه مقابلهم .. يكفي الكلام إللي يقولونه قالت : لا نزلني في بيت جدي ..
راكان : أوكي .. ما راح أطول .. يعني العشى برا إن شاء الله ...
وسن : اوكي .. وطلعوا .. ونزلها في بيت جدها وإهي واصله حدها من هـ الأهل إللي بكل لحظه يطلعون .. ماتحس بـ الخصوصيه معاهـ .. كل شوي ناطين لهم .. تبي ترتاح معاهـ .. لكن بعيد إذا أمه وخالاته كذا ..

بـ الخبر الجمعه شـ حلاتها ..
تركي : مدامتك معاك ؟؟
حاتم واهو تاركها بـ البيت ومنبه عليها ماتطلع لـ أحد ومستحيل تسويها لإنو شاف تأثير التربيه الجديدهـ عليها هـ الفترهـ وقال : لا تاركها هناك ..
بدر : بـ أعرف .. ليش ضيعت على حالك شهر عسل ..!
حاتم : مالي مزاج أروح .. بعدين لاحقين عليه ..
حمد أشر لـ بدر عشان يسكت لإنو أخلاق حاتم زفت ..

كانت جالسه وتسولف مع جدتها وحالها مو عاجب جدتها .. دخلوا عليهم خالها طلال وزوجته .. سلمت عليهم ..
طلال واهو يتبسم لها : هلا والله بـ أحلى بنت بـ الدنيا ..
زوجته شموخ يقال إنها زعلت : لا والله وأـنا !
ضحكوا ..
قال واهو يبرر : إنتي غير .. إنتي أحلى وحدهـ بـ الدنيا مو بنت وبس ..
ضحكت ..
أمه : ها حبيبي طالعين ؟؟
طلال : إيوا يُمه .. نتعشى برا ..
أمه : طيب أولادكم راح يتعشون هنا وإلا برا ..؟
زوجته : لا عمه .. الأولاد طلعوا يتمشون شوي وأكيد بيتعشون برا ..
أمه : الله يحفظكم ..
كلهم : آمين ..
طلال : وسن تروحي معانا ..؟
وسن تبسمت لـ خالها : ربي يحففظك .. راكان راح يجي ..
طلال : كيفه راكان .. من بعد الزواج ماشفته ..!
وسن : تمام والحمدلله ..
طلال : وكيفه معاك ؟؟
وسن : عال العال والحمدلله ..
شموخ : ربي يوفقكم ويسعدكم ..
تبسمت لـ زوجة خالها بحُب : آجمعين يارب ..
طلال : يلا مشينا ..
شموخ طلعت معاهـ ..
وسن حست راكان تأخر .. وتحاول تسلي نفسها بـ شيء بس مافي .. وصل لها مسج وفتحته وكان من راكان " حياتي أـنا مضطر الغي العشى إللي برا لإني
بـ اتعشى في بيت جدي .. مرهـ ثانيه إن شاء الله " ناظرت المسج وإهي مصدومه .. أكيد مع خالاته وبنت خالته .. زاد قهرها وغيرتها .. جدتها شافت وجهها كل ماله في تغير .. قالت : حبيبتي وسن شـ فيك ..؟
وسن ناظرت جدته واخفت دموعها وقالت : ولا شيء يُمه ..

كان جالس ينتظر منها رد ولا ردت .. قام طالع للحوش يتصل فيها .. دق المرهـ الأولى والثانيه والثالثه ولا ردت خاف عليها .. رجع يدق ..
جدتها : حبيبتي ردي عليه .. حرام تتركينه كذا ..
وسن وإهي تداري صيحتها : ما أقدر أرد ..
جدتها : عطيني أرد ..
وسن عطت جدتها الموبايل وقالت : قولي إني بـ المطبخ .. بـ اي مكان المهم ما آبيه يسمع صوتي ..

إضافة رد
وردة الشرق 08:46 AM 16-05-11
جدتها فتحت الخط ..
إرتاح واهو يقول : آلو وسن حبيبتي ..
جدتها : هلا راكان ..
راكان إستغرب .. جدتها ... ليش ترد قال : السلام عليكم ..
جدتها وإهي فاتحه السبيكر : وعليكم السلام والرحمه ..
راكان : كيفكم يـ أم طلال ؟؟
جدتها : تمام والحمدلله ... إنت كيفك ؟؟
راكان : بخير ونعمه .. أم طلال وين وسن ؟؟
جدتها : في المطبخ مشغوله تفهم الخدامه على أكل جدها .. وإلا لو تعرف إنك متصل كان ردت ..
راكان ما ارتاح لـ هذا .. جت منى من وراهـ وإهي متاكدهـ إنو يكلم وسن قالت
بـ مياعه وصوت عالي : راكان حبيبي وين رحت وتركتني ..؟؟؟
أخر شيء يتوقعه راكان ..
الجدهـ إنصدمت .. وسن عارفه الصوت .. من الصدمه حطت كفوف إيدينها على شفايفها عشان لايطلع صوت بكاها ..
راكان واهو مرتبك : خلاص خاله .. قولي لها إني كلمت ..
جدتها بـ طنازهـ : إن شاء الله .. وقفلت من غير مع السلامه ..
ناظر منى بكل حقد وقال : شـ الوقاحه هذي ..؟؟
منى إرتبكت وقالت : حبيت أشوف وين رحت وتركتني ...!
راكان عصب وقال : متزوجك وناسيك أنسه منى ..؟ لما تطلعين لي بكل وقت الثاني وحبيبي وحبيبي .. والله العظيم لو ماتربيتي عدل لـ تشوفين سنعك عندي ولا همني لا امك ولا أبوك .. دزها من طريقه ودخل ..
وسن حاضنه جدتها وتبكي من قلب .. ومشددهـ بـ مسكتها وكأنها تعصر آلاممها معاها ..
جدتها تنزل دموعها على بنت بنتها قالت بحنان الأم : خلاص يـ أمي .. خلاص ياروحي .. لايهمك لا اهو ولا أهله ..
وسن وإهي تبكي وكلامها متقطع : صـ .. صعب يُمه .. صعب .. هذا زوجي .. هذا راكان حبيبي .. صعب اشوفه مع غيري .. وربي صعب ..
بكت جدتها زود وقالت : أمي أعرف صعب .. لكن قوي قلبك ..
وسن إنهارت أكثر وصوت بكاها قوي .. جدتها ضغطت عليها .. حرام تشيل الهم
بـ هـ العمر .. حقدت على راكان وأهله ..
إبتعدت عن حضن جدتها وقالت : يُمه ما آبي أحد يعرف بـ إللي صار ..
جدتها خاطرها تصحيها من حُب راكان قالت : أبوك لازم يعرف .. عشان يوقف راكان وأهله عند حدهم .. بنات الناس مو لعبه ..
وسن ووإهي تبكي : لا يُمه .. لاتزودينها علي .. أـنا أعرف أحل الموضوع ويا راكان . . يُمه تُكفين ..
حزنت على حالتها .. بنت سُلطان تترجى وعشان رااكان قالت : خلاص حبيبتي ..
وسن وإهي توقف بتروح لـ جناح خالتها دارين ترتاح فيه شوي ..
جدتها : وين حبيبتي ؟؟
وسن : بـ ارتاح شوي ..
جدتها : خلاص قلبي روحي لـ جناحي ..
وسن مشت وإهي تشيل هموم الدنيا بـ قلبها .. دخلت لـ جناح جدتها وجدها وإنهارت بكا .. جالس معاهم .. بيقضي الليل كله معاها .. تاركها بـ روحها .. كيف وكلهم موجودين .. لا يكووووووووون !! ماخطر في بالها إلا إنو متزوج بنت خالته
وبـ الخش .. ولا يعرف إلا أهله .. مسكت المخدهـ بقوهـ وبكت ليما نامت ..

جالس واهو يفكر .. أكيد جدتها خبرتها عن كلام منى .. مستحيل اي وحدهـ ترضى إنو بنت بنتها تعيش مع واحد خاين .. بس أـنا مو خاين ! واهم شـ عرفهم . . أكيد بيفهون من كلام منى هـ الشيء .. طلع من عندهم وخالاته وأمه ينادون عليه واهو ولا يسمع لهم .. عارف إنو هـ الحركات من تخطيطهم .. مايدري شـ يسوي .. إتصل في زياد إللي كان طالع ويا ديما ..
إستغرب زياد إتصال راكان . . وإستغرب أكثر صوته ..
زياد : عسى ماشر فيك شيء ؟
راكان واهو ياخذ نفس وقال : لا ..
زياد إستغرب قال : راكان متأكد ؟
راكان : زياد أكلمك وقت ثاني وقفل ..
زياد ناظر الموبايل . . فيه شيء ..
ديما : راكان ..!
زياد : إيوا ..
ديما : شـ يبي ؟؟
زياد : بيفك مخي هـ الولد .. صوته متغير .. ولا تكلم في شيء وقفل ..
ديما تحاول تهديه : إن شاء الله مافي إلا كل خير ..
زياد وفكرهـ مشغول في اخوهـ : إن شاء الله ..

جلس بـ سيارته يدور مايعرف وين يروح .. ساعه ونص .. ماحصل نفسه إلا قبال بيت جدانها .. دق على رقمها ونفس الشيء ردت جدتها .. شوي وينهبل قالها تقول لـ وسن تطلع ..
ثلث ساعه على ماصحت وسن ولبست وحاولت تهديها جدتها وإهي تلبس عباتها ولثمتها . . تلبس وإهي تبكي .. وماتدري كيف تلبس وفكرها مو معاها .. باستها جدتها وودعتها ودعت لها وقلبها متقطع عليها .. طلعت لـ راكان إللي من شافها واهو عارف من هئيتها فيها شيء ..
جلست بـ جنبه من غير لا تتكلم .. وصلوا للبيت ونزلوا .. رقت لـ جناحها وفسخت عباتها .. دخل وشاف شكلها وقال : كنتي تبكين ؟؟؟
وسن وإهي تبتعد عنه قالت : قصدك كنت نايمه ..
راكان واهو معصب : أـنا مو غبي .. قولي شـ فيك .. ؟
وسن بكت من تعصيبه عليها .. أكيد قاطعين عليه الجو ويا بنت الخاله ..
مسك راسه لا ينفجر من تصرفات هـ البنت ..! تغيرت فجأهـ ..
وسن وإهي تجلس على الكنبه وتلم إرجولها لها وتسند راسها عليها وتبكي ..
جا لها وجلس بـ جنبها واهو يحاول يبعد إيدينها .. يبيها تتكلم . . مافي فايدهـ ..
تنرفزت منه .. يكفي واضح عليه معصب رفعت راسها وقالت من بين دموعها : ليش رجعت .. كان جلست عندهم ليما طلعت إللي براسك ووقتها تتذكر إنو لك زوجه .. لو جلست أفضل من عصبيتك علي .. أـنا مو خدامه عند أبوك تعصب علي ..
كلامها قوي قال : يلعنها من روحه هناك .. إرتحتي الحين .. خلاص ..
ناظرته .. مايفهم عليها .. رجعت غطت وجهها وبكت ..
عصب زود وقال : شـ السالفه .. فهميني ..!
وسن : ما آبيك تفهم خلاص . . يكفي تفهم حالك وبس ..
قال واهو يوقف : وبعدين يعني اليوم هذا ما راح يعدي على خير ..!
ناظرته وقالت : إسأل حالك .. طالع من بيتهم معصب .. وجاي تحط حيلك فيني .. خلاص رووووح ما آبيك .. رووووووح لهم ..
هذي مو صاحيه .. قامت ودخلت بـ سريرها وإهي عاطيه مكانه ظهرها .. ولا بدلت ملابسها .. مايدري شـ يسوي فيها .. ! للدرجه هذي إهي صعبه عليه .. !
طلع من الجناح بعد ماسكر الباب وراهـ بقوهـ .. نطت من تسكيرته وبكت بـ قهر .. أكيد طلع زعلان وإهي ماتبيه يطلع زعلان عليها ..

خالد واهو ماسك ولدهـ ويلعب وياهـ ..
الجوري : هههههههههههههههه .. إتركه .. ترا ماتعرف له ..
خالد واهو يناظرهـ : أـنا ما اعرف له . .!! روحي إنتي وإتركيه عندي أسبوع بس وشوفي كيف بـ يكون ..
الجوري : هههههههههههه .. ارجع ما أحصل ولدي ..
خالد واهو يوقف ويشيله معاهـ قالت : وين ؟؟
خالد : بـ أطلع فيه للإستراحه ..
الجوري : لا والله ..!
خالد : إي والله .. ما أقدر اطلع من غيرهـ ..
الجوري ضحكت وقالت : بحفظ الله .. بس إنتبه له ..
خذاهـ معاهـ للإستراحه .. واهو لسا عُمرهـ 4 شهور ..

قامت تمشي وشوي وتطيح وتتماسك وتكمل طريقها لـ شنطتها .. فكتها .. وطاحت الأغراض إللي فيها ما اهتمت وخذت موبايلها ورجعت للسرير ودقت رقمه .. تحبه تمووووووووت عليه .. ولو يغلط مسامحته ..
دق الموبايل عندهـ ناظر رقمها وفز قلبه .. فتح الخط ولا تكلم ..
جا له صوتها الباكي وإهي تقول : لا تروووح .. إرجع ..
سكر عيونه .. قلبه إنعصر من العذاب إللي حسه بـ صوتها .. ماسمعت منه اي رد طلع صوت بكاها وقفلت الخط ..

دخل للإستراحه واهو شايل ولدهـ بسريرهـ الصغير ..
وسام : ياحي الله الأخو وولدهـ ..
ضحك خالد وجلس ..
بدر : كأن ما احد عندهـ ولد إلا اهو .. أزعجتنا بـ ولدك هذا ..!
خالد : هذا شيخكم كلكم ..
حاتم خذاهـ من سريرهـ وحطاهـ بـ حضنه .. واهو يناظر فيه .. شـ كثر حلو .. شايل من ابوهـ ملامح كثير .. وفي ملامح وإللي فهمه إنو يشبه أمه .. مرر أصابيعه على خدهـ ..
بدر : بما إنك مشتهي الأولاد هـ الكثر .. شد الهمه .. وجيب مثله ...
ياسر : لا حاتم على طول يجيب الافضل من الغير ..
ناظرهم أهو وين واهم وين .. !! صحيح يحب الأطفال وخاطرهـ بـ أطفال يشيلون أسمه .. لكن مستحيل تكون أمهم هوازن .. ماصار بينهم اي شيء ممكن يصير بين إثنين متزوجين .. ماقرب لها .. عايفها وتارك هـ الشيء لـ وقت محدد .. مخطط
لـ كل شيء .. حتى قُربها .. مايبي يخرب كل شيء بسبب شيء بنظرهـ تافه .. نزل راسه وباس جبين ولد خالد .. حمد كان بجنبه ويناظرهـ .. ويناظر ولد خالد .. من يشوفون الأطفال يحنون لهم .. لكن إللي ماخطر في باله تركي ..

دخل للجناح بكل هدوء وشاف الإضاءهـ خفيفه .. دخل لـ غرفة النوم وحصلها جالسه على السرير وتناظر موبايلها إللي بـ إيدها وواضح تفكر .. جلس بجنبها بكل هدوء .. حست فيه وناظرته وإهي متولهه عليه حيييييييييل قالت ودموعها ترجع
لـ عيونها : لاتروح وتتركني ..
مسك إيدها وضغط عليها وقال : لو رحت وتركتك تأكدي إني مو بهـ الدنيا ..
نزلت دموعها .. لـ كلامه .. تتمنى يومها قبل يومه .. وفي خاطرهـا " يلعنها من دنيا إذا بتفرق بيني وبين حبيب عُمري .. مافي شيء بهـ الدنيا يستاهل أزعل عليه عشانه االمهم إني أحبه واهو يبادلني نفس الشيء .. مهما كان يكذب علي .. ماتضمن عُمرهـ ولا تضمن عُمرها عشان تسبب مشكله بينهم بسبب بنت خالته .. المهم عليها علاقتها فيه وبس .. وإلا علاقته في الباقين في حريقه .. حطت راسها بـ حضنه .. باس راسها وصار يمسح على ظهرها .. حتى بقُربها تعذبه .. حتى وإهي تكتم بـ داخلها عشان ماتعذبه .. يتعذب اكثر من إنها تبوح له بـ إللي مضايقها ..

باقي على زواج ياسر وهنادي أسبوعين .. مرت الأـيام .. وكلها حلوهـ عليهم .. إلا وتين وتركي وحاتم وهوازن ..
ديما شايفه كثير من أم زياد وخالاته لكن ماتكلمت .. شافت وطفشت من كثر ماتطنش .. لـ درجه وصلت في أم راكان تفتش كل شيء يطلع من بيت ديما .. تترك خدامتها تفتح كل شيء يطلع .. ووصلت فيها تفتش الزبايل إللي تطلع من بيت زياد وديما .. ديما كل يوم تشوف الخدامه وإهي تنثر الأغراض قبال أم راكان واوقات يكونون عندها خواتها .. بس إللي مستغربته .. ماعادت تشوف هوازن .. غريبه .. يعني حاتم قادر يمنعها عن أهلها .. !! حست في كلام حول جناحها .. طلعت وشافت أم راكان واقفه وإهي معصبه والخدامه بجنبها ..
ديما : هلا خاله بغيتي شيء ؟؟
أم راكان : لا تقولين خاله .. أـنا ما اتشرف فيك . . ودزتها ودخلت لـ جناحها ..
ديما مصدومه من إللي تشوفه ..

عند سعود بـ المستشفى كان واقف ينتظر وجت له خالته غيوض وأبو تركي ..
غيوض : ها حبيبي كيفها اليوم ؟؟؟
سعود واهو خايف : خاله من أمس ماصحت . . مر عليها يوم بـ أكمله ..!
غيوض : عادي حبيبي لا تخاف هذي الولادهـ بـ العمليه تاخذ وقت وإهي مافاقت من التخدير ..
سعود : مو مرتاح بـ اروح أشوف الدكتورهـ وراح عنهم ..
طبعاً هديل ولدت عميله وجابت بنوته تزنن = تجنن .. وصار لها يوم ..
رجع لهم وحصل الجناح معبي وكل الأهل موجودين ..
غيوض : شـ قالت ؟؟
سعود : تقول الوضع عادي .. وكلها بـ الكثير ساعه وتصحى ..
أم سعود وإهي مبسوطه .. أول حفيدهـ لها قالت : المهم إنها قامت بـ السلامه يابوي ..
سعود : إي والله .. الحمدلله ..
جلسوا سواليف وفعلاً خلال ساعه صحت هديل وإهي حاسه بـ آلم وحاسه بـ دوخه شوي .. وصوتها مايطلع .. لكن وضعها عادي ..

إتصلت وإهي تبكي وكانت واقفه بـ الحوش وحلو إنو موبايلها معاها ..
زياد : هلا حبيبتي ..
ديما وإهي تصيح : زياد .. تعال شوف شـ صار ..!
زياد إنهبل وقام من الإستراحه وطلع واهو يقول : شـ فييييييييييييه ؟؟

بعد نص ساعه كانوا واقفين عند بيت راكان وإتصل في راكان .. طلع لهم .. وبعد شوي دخل وقال لـ وسن : ديما مع زياد .. خليها تجلس عندك ليما نرجع ...
وسن إستغربت قالت : شـ صاير ؟؟
راكاان : ديما تقول لك .. إحنا مستعجلين .. باي .. وطلع .. ودخلت ديما وإهي تبكي ..
وسن شوي وتصيح .. ماتدري شـ السالفه ... جلستها بـ الصاله وإهي منهارهـ بكا ..

راكان واهو معصب : هذا ماهو اسلوب .. إنتم ماتخافون الله ... وحلو الشله مجتمعه .. أـنا عارف إنو كل هذا من وراهم ..
أمه عصبت وقالت : إنت شـ دخلك خلك في بنت سلطان ..
راكان عصب وقال : إيه أـنا في بنت سُلطان وبس .. وتاج راسي بعد ..
منيرهـ : تخسي تكون تاج راسك ..
راكان : ماطلبت منك تحددين منو إللي بيكون تاج راسي .. خليك ياخاله في تربية بناتك .. يعني عشان زياد ماحب يبعد عنك تجازينه كذا ؟؟ ليش ماتحبين نعيش مبسوطين .. ؟؟ ليش إلا تخربون علينا .. ؟؟
أمه : إذا جاي بتدافع عنهم إطلع من البيت ..
راكان إنصدم : هذي منك يُمه ..!
زياد يهدي راكان : ياخوي أمي أكيد معصبه ولا تقصد ..
أمه : إلا أقصد .. ماهو قال إن بنت سُلطان تاج راسه .. خلاص يروح لها .. تكون له أم ..
راكان واصل حدهـ قال : حسبالكم بـ تذلوني بـ الكلام هذا ؟!! لا .. طول عمركم ماحبيتوا لنا الخير .. وقفت على زواجاتنا .. وذا الحين مالقيتوا إلا زوجة زياد عشانها محترمتكم عشان زياد وبس ..
وضحى عصبت قالت : راكان إحترم نفسك ...
راكان واهو يوجه الكلام لـ خالته : إللي يبي له يحترم حاله إنتم .. شوفوا نفسكم إلا تسببون مشاكل وأخرها تقليعة زوجة زياد من البيت .. شـ سوت لكم .. كل هذا غيرهـ .. ؟؟ شـ التصرف الهمجي ..؟؟ تصرف غبي .. { شدد } قلت لكم غير وسن ما آبي لو توقفين بنات الدنيا عندي .. فهمتي إنتي وياها وياها ..
منيرهـ : خلها تنفعك أجل .. زياد إللي ماهو مثلك .. { مالقت تجاوب من راكان }
راكان : ناففعتني ولا آبي غيرها .. وعسى ربي يخليها لي .. وإذا على زياد أخوي ونفسي .. غير ديما مايبي فهمتي .. { ناظر خالاته وقال } إذا في أحد وجودهـ بيننا غلط فـ اهو إنتم ..
إنقهروا ..
ماينلام إرتفع ضغطه منهم ..
أمه عصبت : راكاااااااااااااااااااااااااااااااان ..
راكان ناظرأمه ولا يبي يجرحها بـ الكلام قال : هذا إللي مفروض ينقال من أول .. وإذا إنتي بتسمعين لـ كلامهم وتتبعين خططهم إنسي إن لك ولد إسمه راكان .. { قال كذا لإنو عارف خالاته حقدوا عليه وأكيد بيحملون وسن الذنب وراح يشتغلون يخططوون عليها }
ناظرته وقالت : وأـنا مع خواتي ضد ولدي ..
إنصدم .. زياد ساكت .. ماتوقع الشيء هذا من أمه .. تتبرى من ولدها عشان خواتها وإهي متأكدهـ إنو المشاكل من خواتها ..
راكاان : شُكراً ..
أمه : العفو .. وإطلع برا بيتي ..
راكان : طالع من غير لا تقولين .. لكن تأكدي ما راح ينفعك إلا ولدك .. خوات مثل هذيل ما احد يرتجي من وراهم خير .. باس راسها وطلع ..
أمه مقويه قلبها لإنو خواتها معاها ..
زياد لحق فيه ..

وسن مصدومه من إللي تسمعه .. لموا أغراضها كلها ورموها بـ الشارع .. وطلعوها برا البيت وقفلوا الباب .. لييشششششش ؟؟ شـ التخلف هذا .. حمدت ربها إنها ماهي ساكنه عندهم .. وإلا كانوا حارقينها من أول يوم مو مقلعين أغراضها برا ..
مسج راكان لـ وسن تتغطى لإنو زياد بيدخل .. لبست لثمتها وعباتها لإنو لبسها مايصلح .. دخلوا عليهم إثنينهم ..
جلسوا معاهم وإهم ساكتين ..
راكان وتكلم بعد سكوت طويل : إنت وديما بتجلسون هنا ..
زياد : لا بناخذ لنا شقه ..
ناظرهـ بقوهـ وقال : شقه وأـنا موجود .. ليش أجل فاتح لي بيت ..
زياد : صعبه ..
وسن : ماهي صعبه .. وإذا كل هذا خجل .. في جناح كامل للضيوف بـ الدور هذا .. {تقصد الأول} .. وإحنا كلنا واحد ..
شـ كثر تريحه بـ كلامها .. ليش مايفهمون إنها غير خلق الله .. ناظرها بـ حُب .. مارفضت سكن أخوهـ عندهم .. بـ العكس مرحبه فيه وكأنه أخوها وأغلى ..
راكان : خذ زوجتك وإدخلو لـ جناحكم ريحوا شوي ..
قامت وسن قبلهم ونادت الخدامات يفتحونه ويجهزون فيه ضيافه لهم .. مهما كان هذا أخو راكان وهذي بنت عمتها ..
دخلوا للجناح .. ورقى راكان لـ جناحه ووسن كانت بـ المطبخ توصي على الخدامات يحضرون العشى ..

منيرهـ وإهي تزيد أم راكان : قلت لك ساحرته ..
وضحى : حسبي الله عليها .. كانها تاركته يتخلى عن أمه وعننا إحنا ..
أم راكان حقدت وبقوهـ ..
منى وإهي تبكي : يقول مايبي غيرها ..
منيرهـ عصبت وقالت : خلينا نطيرها اول وبعدين نجيبه لك ..
وضحى : منيرهـ الله يخليك إشتغلي .. خلاص مابقى لنا شيء ..
منيرهـ : كنت تاركه الشيء هذا للأخير .. لكن خلاص طفح الكيل .. وإهي ناويه وسن بـ نيه تطيرها من الدنيا كلها مو من حضن راكان وبس ..

طلعت وسن ورا راكان .. دخلت للجناح وحصلته جالس على الكنبه وساند راسه على كفوفه ومنزل راسه للأرض ..
جلست بـ جنبه وحطت إيدها على ظهرهـ ..
رفع راسه وناظرها .. وليته مارفع راسه .. شافت الضيقه واضحه بـ عيونه .. حبيبها يتعذب .. مهموم ..
قالت وإهي تمسك إيدهـ وتبوسها : ياعل الضيقه في صدري ولا فيك ..
قربها له وحضنها وقال : لا تقولين كذا ياروح راكان ..
وسن وإهي بـ حضنه قالت : إلا أقول وأتمنى .. ما آبيك تتعب من شيء ..
راكان لمها أكثر وكأنه يقول إنتي وبس إللي مريحتني بهـ الدنيا قال : إللي عندهـ مثل خالاتي وأمي التعب شيء طبيعي له ..
قالت وإهي دموعها بـ عيونها .. ليش يتعبونه .. ؟ ليش .. حرام عليهم .. هذا رااكان .. : وإللي يعرف قلب راكان عدل مستحيل يفكر يتعبه ..
ضحك غصب وقال : هذا لإنك تحبيني وبس ..
وسن تبسمت وقالت : ولا آبي غيرك حبيب راضيه فيك كلك .. لو يقولون هذا ظالم يقولون إللي يبون .. بس صورتك الحقيقيه معروفه عندي ..
بعدها عنه وقال واهو يحرك أصبعه على خدها : والله إنتي الشيء الوحيد إللي مريحني بهـ الدنيا ..
قالت وإهي تلعب بـ اصابيع إيدهـ الثانيه : شنو فايدتي بهـ الدنيا إلا إني أريح ركوني حبيبي ..
قربها له وقال واهو ناسي سالفة أمه وخالاته مع وسن : تحبيني ..؟
وسن سكرت عيونها وتوردت خدودها لإنها عارفه نهاية هـ السؤال قالت : مو أـحبك وبس إلا أـعشق تراب إرجولك . .
راكان صارخ وقال : ياهوووووووووووووووووهـ ..
ضحكت وإهي متلونه ..
راكان واهو ذايب ويمسح على شعرها : إنتي بـ النسبه لي كل شيء .. اسوي المستحيل عشانك إنتي وبس ..
وسن وإهي تحضنه قالت : يلوموني لما أذوب في هواك .. وباست صدرهـ ..
هنا راكان ماتحكم في نفسه أكثر من كذا .. ~_^

جت له وإهي كاشخه وكان يشتغل على اللاب ولا حس فيها ..
قالت بـ أسلوب حلو : حاتم ..!!
من غير لا يرفع نظرهـ عن اللاب قال : خير .؟؟
هوازن هذي بدايتها .. طيب ناظر شوي قالت وإهي تجلس قباله ورجل على رجل : شـ تسوي ..؟؟
ناظرها وفسخ نظارته إللي عليه وقال : ماسمعت ...!
هوازن تبلشت .. ماعجبه كلامها قالت : أقصد يعني .. ليش ماتجلس من غير شغل ..!
حاتم واهو مو معبرها : أـنا ماجيت للرياض لـ سواد عيونك .. جاي لـ شغل ..
هوازن عرفت مافي فايدهـ منه قامت وإهي تقول : طيب شـ رآيك في لبسي ..؟؟
ناظرها من فوق لـ تحت ... كانت لابسه فستان لـ فوق الركبه وحلو قال : وفري لبسك لـ حالك ... ولا تمشي معاي الأساليب هذي .. ولو توقفين قبالي مفسخه ماناظرت فيك ..
جرحها كلامه .. واهو صادق .. مو شايف فيها شيء يتقبله .. عايفها ..
قالت وإهي تسوي حالها مو مهتمه : هذا كلامكم بـ الأول .. لكن بعدين لا ..
إنصدم .. قام ومسك إيدها بـ قوهـ وقال : ماتوقعت لسانك يبقى وسخ للدرجه هذي .. إستحي على وجهك .. إللي متزوجين وصار لهم سنين يستحون على حالهم لايقولون هـ الكلام .. تجين إنتي وإحنا ما إحنا مثل كل خلق الله المتزوجين وتقولين كذا ..!! مسكها من شعرها وكمل : تأدبي .. وإللي تدورينه وتخططين له مستحيل تحصلينه برغبتك إنتي .. وقبل لا أقلعك لـ بيت ابوك بـ يوم أنهيت أموري معاك .. فاهمه .. ودزها ..
راحت تركض لـ جناحها .. رجع للاب واهو واصل حدهـ .. ماتستحي على وجهها .. مابقى إلا تقولها صريح " تعال معاي للسرير " بنات أخر زمن .. ماتوقعها بـ الوقاحه هذي حتى معاهـ ..

بعد يومين في بيت راكان : ديما الله يخليك .. لا تقولين كذا ..
ديما وإهي تبكي : زياد ما آبي أجلس هنا .. بـ اروح عند أمي وأبوي ..
زياد : طيب وليش ؟؟ إذا على السكن ناخذ لنا شقه وإلا اخذ بيت جديد ..
ديما : لا مو على السكن .. بـ العكس وسن وراكان ماقالوا شييء .. لكن من بعد ماعرفت إني حامل .. ما آبي أجلس هنا ..
زياد : أـنا ما آبيك تكونيين بعيدهـ عني ..
ديما : زياد بـ اروح لـ أمي وأببوي .. وإنت تجي للخبر زياد ما اقدر اتحمل العيشه بـ الرياض .. خلاص كرهتها بعد إللي صار ..
زياد سكت شوي وقال : ما اقدر أقوللك لا .. خلاص جهزي حالك ..
ديما : زياد وربي أـحبك .. بس أـنا ما اقدر اتحمل إللي صار ..
زياد واهو يبوس إيدها قال : عارف ياحياتي ومقدر .. ربي يعين .. وطلع من الجناح ..
بكت وإهي كارهه الساعه إللي سكنت فيها مع أمه ...

مرت الأسابيع .. وجت ديما عند أهلها وكل العائله عرفوا السالفه ..
والشباب مستغربين من هـ الأم والخالات ..
فواز : الخوف ذا الحين على وسن ..
وسام : تخسي إهي والثانيه يسوون شيء
بدر معصب لإنو ريناد تصيح على حال إختها قالل : قسم بـ الله ناس مُتخلفه ..
شـ دخلهم يعني . .! من جد حريم تافهات ..
حمد : خلاص يعني زياد ما راح يجتمع مع زوجته إلا كم مرهـ بـ الأسبوع ..؟؟
عزام : شفت كيف .. يتزوجون عشان يجتمعون يجي لهم شيء يحووس كل شيء ..

إضافة رد
وردة الشرق 08:48 AM 16-05-11
حمد : لا يضغط على حاله ويتعب .. يشوف نفسه إنو عندهـ إنتداب وظيفه
بـ الرياض ولا يفكر في سواليف الحريم بما إنو زوجته باقي له ..
حاتم إللي لسا يعرف بـ السالفه : حريم مالقوا رياجيل يوقفونهم عند حدهم ..
بدر : خلاص خذ حق بنت عمتك من زوجتك ..
حاتم واهو عارف إنو زوجته لها إيد بـ الموضوع وحسابها قريب ... سكت ولا تكلم ..
قطع تركي واهو يقول : خاطري أمسكهم واسنع فيهم ..
بدر : من جد تستلذ للشيء هذا .. يعني مثلاً لإنهم ماهم متربين فـ مجهودك بـ يكون أقوى واكبر وهذا أحلى ..
خالد : ناس فاضيه .. الحمدلله والشكر ..

يوم زواج ياسر وهنادي .. إنزف ياسر على هنادي إللي ولا كأنها عروس مستحيه .. وبعد ماطلعوا من القاعه وطلعوا الضيوف ولا بقى إلا العائله .. وتين طاقه صُحبه ويا المطربه والمطربه مبسوطه عليها .. جلست بـ المسرح وعلى الأرض وجابت وسن بـ جنبها .. والحريم والبنات جالسين قبالهم على الكراسي .. خذت المايك من المطربه وقالت وإهي تتكلم فيه : ترا بـ أغني ..
وسن : خذي راحتك حياتي ..
وتين تبوسها على خدها وقالت : مشكورهـ حياتي ..
إبتدوا يغنون ياغدار أـنا أحبك مالك حق تنساني ..
ماطولوا فيها .. لإنو كلماتها قويه ..
الماسه وإهي تشوفهم كيف جالسات على الأرض ومعاهم المايك ويغنون ويستهبلون : بـ الله عليكم إللي يشوفهم يقول ماتزوجوا ..
غيوض : ههههههههههه .. صدقتي إسم الله عليهم ..
أم سعود : ولا كأن الوحدهـ بيطوف على زواجها سنه ..
أم خالد : خليهم ينبسطون ..
أم فارس : الله لايغير عليهم ..
خلود وإهي تصارخ عليهم : نبي أغنيه عدله ..
وسسن وإهي تفكر وبعدين قالت لـ وتين ووتين حمستها ..
إبتدت وسن والمايك بين الثنتين لكن وسن إللي بتغني هـ الأغنيه .. قالت :
هـ الأغنيه لـ راكان ..
صارخوا ..
أم سعود وإهي تخليها تطول شوي قالت : منو ؟؟
وسن تلون وجهها قالت وتين : لا حووول ماتسمعون .. زوجها راكان ..
إستغرب رقم عمته العنود ورد .. وكانت ساكته ..

سر حُبي فيك غامض سر حُبي ما أنكشف
إيش إللي خلاني أعشق فيك والعشق تلف
إيش أوقعني فـ أشباكك وأـنا عيني تشوف
لاتعذبني وإلا سرت وتركت المُكان
لآ لك إذا مافيك معرووف
سكت وقام من عند الشباب واهو يسمع الصوت إللي يعشقه ..
وسن ماكانت تعرف إنو راكان يسمع لها ..
البنات صارخوا لما عرفوا إنها سر حُبي ..
كانوا شايلين القاعه بـ الحماس ويا هـ الأغنيه .. العزف وكل شيء . . والمطربه مبسوطه على الثنتين إللي جالسين .. وجلست بـ جنبهم ..
وتين بين كل مقطع والثاني تصارخ .. ماتتوب هـ البنت ..

سر حُبي فيك غامض سر حُبي ما أنكشف
إيش إللي خلاني أعشق فيك والعشقه تلف
إيش أوقعني فـ أشباكك وأـنا عيني تشوف
لاتعذبني وإلا سرت وتركت المُكان
لك إذا مافيك معرووف

إنتَ تُحفه صاغها الرحمــن من أحلى التُحف
إنتَ في الدنيا قضيه ماتحملها ملف
إنتَ تُحفه صاغها الرحمــن من أحلى التُحف
إنتَ في الدنيا قضيه ماتحملها ملف
إنتَ أغلــى إسم في قلبي خُماسي الحروف { تقصد راكان }
صارخوا .. قالت أم سعود وإهي تصارخ وتأشر بـ أصابيعها يعني الأغنيه الأساس رُباعي الحروف . . وسن تبسمت لها وكملت ..
لاتعذبني وإلا سرت وتركت المُكان
لآ لك إذا مافيك معرووف

لاتعذبني وإلا سرت وتركت المُكان
لك إذا مافيك معرووف
إنتَ صدفه صاغها الرب من أحلى الصُدف
إنتَ في الدنيا قضيه ماتحملها ملف
إيش أوقعني في أشباكك وأـنا عيني تشوف
لاتعذبني وإلا سرت وتركت المُكان
لك إذا مافيك معرووف

إنتَ صدفه جابها الرب من أحلى الصدف
إنتَ أحلى إسم في قلبي خُماسي الحروف ..
راكان أحلى إسم في قلبي خُماسي الحروف ..
صارخوا الكل .. حتى إللي يعزفون وإللي شغالين على الطيران صارخوا وصفقوا .. وإهي مبسوطه ..
وتين وإهي تصارخ بـ المايك : إيوووووووا ياوسن .. تسلمين على هـ الحُب ..
وسن ماسكه حالها لا تضحك على بنت عمتها ..
راكان رايح ملح .. وسن تغني وبـ إسمه ..
ركوني سر حُبي فيك غامض سر حُبي ما أنكشف
إيش إللي خلاني أعشق فيك والعشقه تلف
إيش أوقعني فـ أشباكك وأـنا عيني تشوف
لاتعذبني وإلا سرت وتركت المُكان
لك إذا مافيك معرووف
ختمتها بـ صوتها الحلو وإهي تقول : ربي يحفظ لي ركوني من كل شر ..
وتين بصوت وكأنها تغني : قولوا آمين ..
كلهم : آمين ..
صفقوا كلهم لها ..
رجعت العنود لـ راكان وقالت : شـ رآيك ..؟ ترا ماتعرف إنك سامعها ..
رااكان ذايب قال : ربي يحفظ لي الصوت وراعيته .. وينها إهي ماتعرف تغني كذا إلا عندكم ..
أم سعود : ههههههههههههههههههههههههههههههه .. أمسكها إذا شفتها ..
راكان ضحك وقال : لا توصين .. جلست تسولف معاهـ .. وأنواع التعليقات ..

وتين : يلا شـ تبون أغاني ..؟ مايطلبه الحضور ..
خلود وإهي تصارخ : اي أغنيه لكن حلوهـ ..
وسن تعرف خلود تحب أغاني نوال الكويتيه إبتدت بـ صوتها الحلو قبل العزف : من عيوني ' من عيوني ' من عيوني ..

وإشتغلوا فرقة المطربه بـ العزف ..
رااكان واهو يصارخ : ويل حااااااااااااااااااااالي ..
أم سعود : هههههههههههههههههههههههههههههههه ..
رااكان : عمه تُكفين خليه بـ اسمع ..
أم سعود تركته يسمع ..
خلود صارخت بـ وناسه .. نوال الكويتيه .. قاموا البنات يرقصون ..

من عيوني كل ماتامر عليه
غير قلبي وش تبي مني وجاك
قلبي إللي من عرفتك وإنتَ فيه
ماخذهـ مني قبل ماقول هاك
من عيوني كل ماتامر عليه
غير قلبي وش تبي مني وجاك
قلبي إللي من عرفتك وإنتَ فيه
ماخذهـ مني قبل ماقول هاك
ليه ماتامر واـنا ما اعطيك ليه..
منهو إللي لو طلبته ماعطاك
من عيوني ' من عيوني كل ماتامر عليه
من عيوني كل ماتامر عليه
غير قلبي وش تبي مني وجاك
قلبي إللي من عرفتك وإنتَ فيه
ماخذهـ مني قبل ماقول هاك

قالت والعزف والطيران عامله إزعاج : الحلوين إللي على الكراسي كلهم يرقصون ..
وتين وإهي تاخذ المايك : مافي أحد يجلس .. يلا ..
وسن : الجوري يلا ..
قاموا كلهم يرقصون ..
وتين تصارخ بـ المايك وتحمس

فدوتٍ لك كل عُمري لو تبيه
والعُمر وش قيمته لولا هواك
إنتَ تامر والرضا منك أشتريه
عاشقك همه بهـ الدنيا رضاك
فدوتٍ لك كل عُمري لو تبيه
والعُمر وش قيمته لولا هواك
إنتَ تامر والرضا منك أشتريه
وسن همها بهـ الدنيا رضاك .. وصارخت وتين ..
ضحك راكان ومن داخله طاير من الوناسه ..
ليه ماتامر واـنا ما اعطيك ليه..
منهو إللي لو طلبته ماعطاك
من عيوني كل ماتامر عليه
من عيوني ' من عيوني كل ماتامر عليه
غير قلبي وش تبي مني وجاك
قلبي إللي من عرفتك وإنتَ فيه
ماخذهـ مني قبل ماقول هاك
وتين تصارخ : ياهووووووهـ .. ياحلوين ..
وتين تكلم وسن : قومي خلينا نرقص ..
وسن قامت ومعاها المايك ووتين معاها ورقصوا وإهي تغني ..
وسن كانت تتمايل على خفيف ..

حلمي إللي عشت عُمري ارتجيه
إنتَ وإنتَ إللي حياتي في رجاك
إبتديت الحُب معاك وبـ أنتهيه
ماملا عيني ولا قلبي سواك
حلمي إللي عشت عُمري ارتجيه
إنتَ وإنتَ إللي حياتي في رجاك
إبتديت الحُب معاك وبـ أنتهيه
ماملا عيني ولا قلبي سواك
ليه ماتامر واـنا ما اعطيك ليه..
منهو إللي لو طلبته ماعطاك
من عيوني كل ماتامر عليه
من عيوني ' من عيوني كل ماتامر عليه
ماخذٍ قلبي قبل لا أقول هاك ..

عفيه على الحلوين ..
نزلت عند عماتها وأمها والببنات ..
قربت من طاولة الحريم وصارخوا البنات ..
رااكان مايدري شـ السالفه ..
وقفت عند طاولة الحريم ورقصت رقص مو طبيعي من جد ...

من تضم إيديك ياشوق بـ إيديه
وش عليه لو خسر روحه فداك
ليه ماتامر واـنا ما اعطيك ليه
منهو إللي لو طلبته ماعطاك
من تضم إيديك ياشوق بـ إيديه
وش عليه لو خسر روحه فداك
ليه ماتامر واـنا ما اعطيك ليه
منهو إللي لو طلبته ماعطاك

من عيوني كل ماتامر عليه
من عيوني ' من عيوني كل ماتامر عليه

ليه ماتامر واـنا ما اعطيك ليه
منهو إللي لو طلبته ماعطاك
من عيوني كل ماتامر عليه
غير قلبي وش تبي مني وجاك
قلبي إللي من عرفتك وإنتَ فيه
ماخذهـ مني قبل ماقول هاك
وإنتهت على كذا .. صفقوا لها وضحكت وقالت : أنفع فنانه ..!
وتين وإهي تبوسها على خدها بـ قوهـ وطلع صوت البوسه لـ راكان : إلا فنانه في كل شيء ربي يحفظك ..
صارخوا البنات ..
مشاعل : هيه ترا لها زوج ..
وتين : قولي قسم .. لسا أعرف ..
وسن وإهي تبوس وتين قالت : أـنا إنتهى دوري ..
وتين وإهي تاخذ المايك قالت : ماقصرتي وإهي تناظر الفرقه وفهموا عليها وإبتدت بـ حماسها :
ناويلك على نيه بس إنتَ أصبر شويه
إذا ماعلقك فيني وهواك يصير بـ إيديه
ناويلك على نيه ..
تحمسوا البنات ورقصوا .. راكان قال لـ عمته تعطيه وسن ..
وسن وإهي تاخذ موبايل عمتها ولا تعرف منو : آلووو ..
رااكان وإهو ذايب : فديت الآلو وصاحبتها يانااس ..
وسن إستغربت .. ليش يتصل على رقم عمتها ولا إتصل فيها قالت وإهي تتبسم : اهلين حياتي .. لا تضيع الموضوع وقول ليش ما اتصلت في رقمي ..؟
راكان : الله يسلمك عمتي كانت تسأل عن ياسر إذا طلع للمطار وإلا بعد وقلت
بـ المرهـ عطيني وسن أقولها تطلع { نصاب }
وسن : أـها . . طب إنت وين ؟؟
راكان يموت على كلامها قال : بـ السيارهـ يلا أطلعي .. ترا بـ نطلع للرياض على طوول ..
وسن : اوكي البس واطلع ..
راكان : أوكي باي ..
وسن : بايات .. وقفلت .. وعطت عمتها الموبايل وسلمت عليهم ..
وصلت لـ أمها قالت بـ خوف : حبيبتي ماجلستي معانا .. كلها أمس واليوم رحتي ..
وسن تبسمت لـ أمها وقالت : إن شاء الله راح أجي لكم إذا تفقعوا هذيل { وأشرت على دارين وريم } تقريباً باقي لهم نص شهر .. حضنت أمها ..
ورقت للمسرح وسلمت على المطربه والفرقه إللي صرحوا بـ إعجابهم فيها .. سولفت معاهم شوي وبعدها راحت لـ وتين تسلم عليها .. وتين مسكت معاها تغني أغنية وداع .. لـ وسن .. لإنهم راح يطلعوون على طوول للرياض .. ولا راح تشوفها إلا بعد فترهـ .. ماتدري ليش حاسه إنها بـ تفقدها .. كانت تداري دموعها لا تبكي وتحوس الدنيا .. وسن ماتبي تطلع من عندها .. او بـ الأصح ماتبي تروح للرياض ..

ماودي تترك إيدينك إيديني فرقى الحبايب يابعدي شين
ودعتك الله يانظر عيني في أـمانة إللي ماغفت عينه
مادوي تترك إيدينك إيديني فرقى الحبايب يابعدي شين
خلك معي لا تخليني دنياي بعدك ماهي بـزينه
فيني ياخلي مايكفيني الله يصبر قلبي ويعينه

وسن سكرت عيوونها تداري دموعها وإهي تتذكر إهداء إخوانها لها ليلة زواجها .. مشت ووتين تغني .. لبست ووتين باقي تغني من قلب .. جت لهم وارسلت بوسه لهم كلهم وطلعت وإهي تداري دموعها .. وتين نزلت دموعها .. وقطعت الاغنيه وكملتها المطربه ..

حاتم كان جالس بـ الصاله وسمع صوت الأستريوا عالي وكأن الأغنيه المقصود فيها اهو .. من كم أسبوع ملاحظ عليها العقل .. وتحاول تضبط الأمور معاهـ .. لكن صعب .. هذا حاتم .. مايجي بـ تخطيط من وحدهـ .. يجي من كيفه ومتى ماحب .. ولا ألف وحدهـ تغريه وتغيرهـ عن إللي بـ راسه ..

لاتقولوا ما أقدر أجيبه
لاتقولوا هذي صعيبه
أجيبه يعني اجيبه
لو كان تحت الحراسه

بـ احط عيني بـ عينه
يشوف زينه وشينه
والله لـ أسدد له دينه
مغرور ياقو باسه

بـ احط راسي بـ راسه
واذوقه مُر كاسه
جاهل بـ أمور الغرام
مايقدر أهله وناسه

وقف عند باب جناحها وإهي واقفه عند الإستريوا وتسمع للأغنيه قال : إيوا وبعدين ؟؟
ناظرته ونظراتها واضح عليها الإهتمام والحُب قالت بخجل فيها وكأنها بنت من جد : شـ فيه ؟؟
حاتم واهو رافع حاجب وذذابت البنت ولاحظ عليها إنو علومها ضاعت قال :
شـ فيه إنتي .. صوت الأغاني واصل لـ أخر الدنيا ..!
هوازن تناظرهـ بـ خقق .. طول عمرهـ كاشخ .. كان لابس جينز أسود وتي شيرت بيج واطرافه أسود وكاب أسود ماسكه بـ إيدهـ .. وشكله خقق .. اي بنت تشوفه مستحيل تغض النظر عنه ..
شافها طولت وإهي تناظر بـ وله قال : هوازن ..
هوازن وإهي بـ عالم ثاني : هممم ..
مايبيها تتعلق فيه .. مو حلو لها .. قال : وطي على الصوت .. أـنا قاعد أشتغل ..
هوازن : إن شاء الله ومن البهذله إللي فيها قفلته ولا وطت على الصوت .. مشى عنها .. وإهي تناظر مكانه ..

بعد أسبوع ..
منيرهـ : والله ما انسى شكله لما يجي لنا وإلا نجي لهم واهو جالس بـ جنبها وماسك إيدها ويبوس فيها كل شوي والثاني ..
وضحى : هي إللي تلصق فيه ..
منى : إلا راكان إللي يجي ويجلس بـ جنبها وإلا يناديها بـ جنبه ..
منيرهـ : ما راح تنجح خطتي .. عشان كذا بـ أغيرها ..
وضحى : كيفك .. سوي إللي يريحك ..

حاتم كان يكلم بـ الموبايل : هلا حبيبتي ..
وسن : حُبي كيفك ؟؟
حاتم : نحمد الله ..
وسن : متضايق !!
حاتم سكت شوي وقال: لاتشيلي في بالك ..
وسن : كيف ما اشيل وإنت مو حاتم الأول .. حاتم إنت خاش شيء بـ داخلك .. قولي .. تُكفى خفف عن إللي فيك عندي .. أـنا مستعدهـ أتحمل .. بس إنت تتكلم ..
تحس فيه على طوول قال : وسن قلبي ما آبي اشيلك شيء إنتي في غنى عنه .. وإذا على الضيقه تجي وتروح ... وبكذا الحياة ماشيه ..
وسن شوي وتصيح .. صعب تشوف احد إخوانها ممهموم ولا تعرف شـ فيه قالت : حاتم قولي ريحني الله يعافيك ..
حاتم سكرعيوونه وخذا نفس وقال : صدقيني واـنا اخوك مافي شيء كبير .. كلها أمور أعرف أعدلها .. لا تشغلين بالك إنتي .. كلها فترهـ وخلاص ..
وسن : يعني ماتبي تتكلم ..!
حاتم : وسن قلبي إفهميني ولا تزعلين .. صدقيني إذا ضاقت فيني مرهـ جيت لك وقلت لك ..
وسن : إن شاء الله ماتحتاج لـ أحد ..
حاتم : إن شاء الله .. إنتي كيفك ؟؟
وسن : تمام الحمدلله .. سولف معاها شوي وشاف هوازن جايه له .. وبعدها قفلت وسن ..
هوازن وإهي واقفه بعيد شوي عنه قالت : وسن !!
حاتم إستغرب وقال : إيوا ..
هوازن : كيفها ؟؟
حاتم إستغرب اكثر : بخير والحمدلله ..
هوازن : إن شاء الله دوم .. تبي أحط لك أكل ...!
حاتم واهو يوقف بيطلع قال : لا مالي نفس .. بـ الإذن ..
ناظرته .. مايجلس معاها .. ولا ياكل في البيت .. تبي تحس إنها زوجته من جد .. تبي تحس بوجودها في حياته .. لكن واضح إنو صعب وصعب مرهـ ..

عند وتين وتركي .. دخل واهو شايل شماغه بـ إيدهـ .. قالت إلا تطفرهـ : حرام عليك الشماغ ..
ناظرها بـ قوهـ وقرب لها وقال : خير ؟؟
وتين ولا كأنها خايفه : حرام عليك الشوارب واللحيه بعد .. إنت تنظم لـ حزب المُتخلفين مو الرياجيل ..
تركي : لا والله ..!!
وتين : حسبالك تخلفك هذا رجوله ..!! إصحى على حالك الرجوله شيء ثاني .. شيء أكبر من إنك تحسه ..
تركي واهو شايلها معاهـ لـ غرفته قال : ذا الحين تعرفين الرجوله يابنت العم .. صرخت .. طقت فيه ولا في فايدهـ .. وفي باله تتحمل نتيجة كلامها .. حقي
بـ أخذهـ منها .. تحمد ربها ساكت عن حقوقي كل هـ الشهور .. وفعلاً صار إللي ماتبيه وتين ..

حمد بشر الكل إنو خلود حامل .. الدنيا مو سايعته ابد .. فرحته أكبر من إنو يعبر عنها .. وخلود طايرهـ من الوناسه أكثر منه . . والماسه تبكي من الفرحه .. ريم حامل وبتولد وخلود حامل وديما حامل بس باقي ريناد إللي مابعد صار لها حمال ..

ابق قريبًا من جديدنا

تابعنا وما يفوتك جديد

اختر المنصة اللي تناسبك وتوصلك الفصول أول بأول.

انضم لقناتنا على تيليجرام الأسرع

إشعارات فورية بكل فصل جديد.
تابعنا على فيسبوك المجتمع

ترشيحات ومناقشات مع القرّاء.
السابق فهرس الرواية التالي

أكمل القراءة في التطبيق

تجربة قراءة أفضل مع إشعارات الفصول الجديدة والوضع الليلي المريح

متاح على Google Play


التعليقات (0)

جاري تحميل التعليقات...

روايات مشابهة

غلاف رواية شظايا شيطانية~للكاتبة صرخة المُشتاقه

شظايا شيطانية~للكاتبة صرخة المُشتاقه
غلاف رواية خطيئة خيال

خطيئة خيال
غلاف رواية رحيل الهواري

رحيل الهواري
غلاف رواية دموع السيف

دموع السيف
غلاف رواية حكاية عشبة خضراء

حكاية عشبة خضراء
غلاف رواية مملكة سفيد

مملكة سفيد