رواية معشوقي كلي معاك معاك حتى الهلاك الفصل الثامن

حاتم ميت ضحك ..
وسن وإهي تكلم حاتم : حُبي كيفهم باقي العائله ..؟؟
حاتم : أبد كلهم تمام التمام والحمدلله .. بدر لسا غاطس بـ شهر العسل .. وتركي بعد ماتملك واهو ......
قاطعوهـ إثنينهم : تملك ؟؟؟؟؟؟؟؟؟؟
حاتم ناظرهم قال : إيوا .. صح إنتم مادريتوا .. ! إتخيلوا تملك على وتين ..
إنصدموا وبـ نفس الصدمه تكلموا بـ قوهـ : وتييييييييين ؟؟
حاتم ناظرهم : إسم الله علي .. هذا تركي مو أـنا ..
وسن : مستحيل !!
رااكان : شايفنا معاريس قلت استهبل عليهم ..
حاتم : والله ما استهبل .. هذا إللي صار .. تملك قبل أسبوعين .. وزواجه بـ عيد الفطر ..
الصدمه زادت ..
وسن : حاتم ماتدخل العقل .. تركي ووتين مايركبون كلش ..
راكان واهو يعكس الكلام : عادي حياتي الزواج يركبهم غصب ..
هنا حاتم إنفقع ضحك وراكان طق كفه بـ كف حاتم ..
وسن ناظرته ووجهها الوآن قالت : إنت لاتتكلم بهـ الموضوع بـ الذات ..
راكان : هههههههههههههههههههههه .. امووووووووت على إللي يستحوون ..
حاتم : ههههههههههههههههههههههههههه .. ماسلمت من وساختك يعني .. !!
راكان : ههههههههههههههه .. لا الدروس شغاله ..
حاتم واهو يضحك : إذا على كذا شهر بـ الكثير وتتكلم بكل طلاقه نفسك ..
راكان واهو يناظرها بـ نظرات تعرف معناها : وهذا إللي آبيه ..
لفت عنه .. وقالت : حتومي صحيح وتين وتركي ..!!
راكان : ياليل قالنا لك يركبون غصب وغمز لها ..
حاتم يضحك .. كتمت ضحكتها عشان لا يتمادا بـ الكلام هذا عند الكل ..
حاتم : إيوا ياقلب حتومي ..
راكان : وكيف وضعه تركي ..؟؟
حاتم : إللي واضح لنا عادي .. لكن ماتكلم عن إللي داخله ..
وسن : كيف وتين رضت ؟؟
حاتم : خطب الأربعاء وتملك الجمعه ..
راكان صفر وقال : والله تركي ماعندهـ وقت كلش .. { قال واهو يناظر وسن } مالت علينا سنين وإحنا ننطر ..
ناظرته وقالت بكل روآقه : على الأقل نطرك نولك كل حلوووو وكل خيييير ..
راكان تنهد وقال : في هذي صدقتي ..
حاتم : يـ الأخو ترا أـنا موجود يعني لاتنسى نفسك ..
ضحك راكان وقال : لاتخاف ماخذ إحتياطي ..
حاتم : إيوا وكيفكم إنتم ؟؟
وسن : عال العال والحمدلله ..
حاتم : دوم يارب .. وإنت ؟
راكان واهو يناظر وسن ويأشر : إذا هذي معاي تأكد إني بـ افضل حال ..
وسن ناظرت العصير إللي قبالها ماتحب تحط عينها بـ عينه إذا كان يتكلم بـ جد ..
حاتم : عسى الله يهنيكم ..
كلهم : آمين ..
راكان : إيوا .. وإنت شـ عندك سنه هنا ؟؟
حاتم : في مشروع ولا طاح بـ المشروع غيري ..
راكان : يلا تكون قريب مننا على الأقل .. صحيح وين تسكن ؟؟؟
حاتم : فـ بيتي الجديد ..
راكان : اشوووى .. خفت تكون فـ شقه وابتلش فيك يقال إني ولد عمك ولازم أكون كريم واسكنك عندي وأـنا ماني فاضي لك ..
ضحكوا من قلب ..
حاتم : مشكور ما بعد إحتجنا لك ..
راكان : الحمدلله ..
حاتم : صح ترا شريفه ويحيى عندي ..
راكان : يارجُل إتركهم عندك وإذا إحتجنا لهم إتصلنا فيهم يجون وبعدين يرجعون لك ..
حاتم : لا والله .. أـخاف مضيع مكتب الإستقدام ..!!
راكان : لا الله يسلمك .. بس إحنا لسا متزوجين وتعرف إلا ناخذ راحتنا وإنت عزوبي فـ خلهم عندك ..
حاتم : عزوبي يعني اللعب معاهم وإلا شـ السالفه ..!
راكان : تلعب ترقص عادي سامحين لك .. وترا في 3 خدامات راح يجوون بكرهـ فـ راح أنزلهم عندك ..
حاتم : خلاص ولا يهمك .. أهم شيء تجلس مبسوط إنت ..
وسن : أـجل أـنا بـ أروح مع حاتم ..
حاتم : ياقلبي أـنا اساساً جاي أخذك عشان شريفه ويحيى ..
راكان : أجل خلهم يجوون هنا ..
ضحكوا عليه .. طلعهم حاتم على حسابه يتعشوون ..

عند ريناد لسا مقفله من أمها وكان بدر راجع من تحت .. قامت له وقالت وإهي تتبسم : أمي تسلم عليك ..
تبسم لها واهو يقربها له مرهـ وجسمه يلامس جسمها قال : الله يسلمها ..
نزلت عيونها للأرض ..
رفع وجهها وقال بـ نبرهـ حلوهـ : خلينا من أمي وأمك وجدانا كلهم .. خلينا فيك إنتي وبس ..
تلونت خدودها قالت بـ حيا : شـ فيني ؟؟
بدر واهو يقربها قال بـ همس : ما أشتقتي لي ؟؟
ريناد بخجل : أشتقت لك ..
بدر : يارووح بدر إنتي .. وباسها بكل هدوء على خدها ~_^

على نهاية الأسبوع عمل راكان حفله .. بـ قاعه كبيرهـ بـ الرياض لـ وسن عشانها شرفت الرياض .. وكانت قمه بـ الروعهه .. وهذا إللي قهر خالاته زود .. ومرت الأـيام والكل عايش حياته ومبسوط عدأ حمد وخلود إللي كل واحد شايل همه ..
قبل رمضان بيومين إتفقوا العائله يفطرون كل يوم سوأ عدأ يوم الخميس كل واحد فـ بيته ومع أهله .. وهـ الشيء ريح حمد لإنو راح يكون مع الرياجيل يفطر عكس لما يكون فـ بيته اهو بـ روحه وخلود بـ روحها .. وتين أمها وأمل يجهزون لها وإلا إهي ماطقت اي إهتمام .. وشوقها لـ وسن يزداد وخصوصاً إنها من زمان ماشافتها .. الجوري خذت إجازهـ من العمل ترضايه لـ خالد .. وسن وراكان عايشين حياتهم على افضل مايكون .. لكن في أوقات إلا منيرهـ تنغص عليهم شوي .. ومع هذا راكان مايعرف ووسن تسكت عشان ماتسبب مشاكل .. إهي ماتروح لهم .. لكن في اوقات اهم يجوون زيارهـ لـ راكان .. ومن الحرهـ إللي يعيشونها لإنو راكان مدلع وسن أخر دلع .. عندهم ومن وراهم .. وسن فهمت السالفه من وتين إنها مجبورهـ من أمها على تركي .. وفكرت كيف تركي يحبها كل هذا ويتكلم معاها بـ الطريقه هذي .. ما أقتنعت كلش ومع هذا ماقالت لـ وتين عشان لاتزيد حقد على تركي .. ريم صارت حامل وبـ الشهر الاول .. وعزام ماهو عاجبه .. يبي يستانس الولد أكثر .. دارين نفس الشيء حامل .. وفواز طاير من الوناسه أخيراً وبعد هـ العمر راح يصير أبو .. الكل فرحان للدفعه الجديدهـ إللي راح تشرف العائله ..
أمل والجوري باقي لهم شهرين ويولدون .. طبعاً الجوري بعد مابرز بطنها طالع شكلها عذااااااااااب .. مشاعل باقي لها 3 شهور .. العائله كلها متشوقه وبقوهـ ..
زواج تركي ووتين 4 عيد ..

نص رمضان كانت وتين لسا راجعه من المجمع .. حصلت نور الممجلس مشتغل دخلت بعد مافسخت لثمتها وشافت تركي جالس بـ روحه قالت : إنت !!
ناظرها وقال : لا تفرحين ماجيت أدورك ..
وتين : لا ما أقدر .. بـ أنتحر ترا ..
تركي : أـنا مقدر وضعك .. لما تقابلين واحد حاب يستر عليك وماخذك غصب ..
وتين إنقهرت قالت : لا تحلم إنك تمشيني على كيفك ..
قال بـ قوهـ : غصب عليك تسمعين كلامي ..
وتين ضحكت بقوهـ قالت : بُعدك ..
ضحكتها قهرته .. قام لها وقرب منها وإهي كأنو ولاهامها ..
ريحة عطرهـ قويه .. حست أنفاسه قريبه ناظرت .. قبالها على طول قال : ترا ماسمعت ..
وتين توترت لكن ماحبت توضح قالت : حسبالك بـ تخوفني ..!!
تركي : لا إنتي ماينفع لك إلا الأسلوب الثاني ..
دخل سعود قال واهو يصفر : الأحبه مجتمعه ..
وتين قالت إلا تقلبها عليه وبكل دلع : تركي حبيبي شـ حاب تشرب ..
ناظرها .. عارف لعبتها لكن مو أذكا منه قال : ياحياتي جاي أشوفك واجلس معاك وبس ..
وتين إلا ترفع ضغطه قربت وبكل جرأهـ وباست خدهـ وقالت : شوي وراجعه .. وطلعت واهو مصدوم .. تايه .. شـ سوت هذي .. بوسه وقبال أخوها بعد .. خير .. شـ ناويه عليه تجننه .. !!
سعود ضحك وقال : أبو الشباب إمسك نفسك ..
صحى على سعود وضحك لـ سعود وجلس وإنسحب بعد خمس دقايق بـ الضبط .. عشان لاتعتبر حالها نجحت بـ إللي سوته .. بُعدها الشيء هذا ..

عند بدر وريناد كانوا جالسين يتابعون التي في .. ريناد راسها على كتف بدر ..
ريناد وإهي ترفع نظرها لـ بدر ..
ناظرها وتبسم قال : شـ عندك .. ؟
ريناد تفشلت لإنها مكشوفه له مرهـ قالت بحيا : ولا شيء ..
بدر باس خدها وقال : قولي ياحياتي .. شـ إللي بـ خاطرك ؟؟
ريناد : آمم .. كيف تجهيزات تركي للزواج ؟؟
بدر : تمام .. ليش ؟؟
ريناد : ما ادري كيف بـ الضبط .. لكن اهو متقبل وتين ؟؟
بدر : أكيد وإلا مافكر فيها ...
ريناد : كل يوم يعدي ويقرب موعد زواجهم أخاف حيل ..
بدر عقد حواجبه : ليش الخوف ؟؟
ريناد : أحسهم مو متفاهمين كلش .. حتى إذا شكلهم عندنا أوكي ..
بدر : حياتي إنتي .. ربي يوفقهم كلهم .. خلينا فـ حالنا .. شـ علينا من الإثنين وتين وتركي .. يعني ضاقت المواضيع نتكلم فيهم ..
ضحكت ..
بدر : ياعلني فدا هـ الضحكه يانااااااااااااااااااااس ..
ريناد وإهي منزله إيدها على صدرهـ وتلعب بـ التي شيرت إللي لابسه : بدر ..
بدر واهو حاضنها له : لبيه يابعد من قام عن الأرض وقعد فيها ..
تمووووووت عليه أكثر إذا رد عليها كذا قالت بدلع مع حيا : أـنا اسعد وحدهـ
بـ الدنيا ..
لمها له أكثر وقال : واـنا سعادتي تضاعف سعادتك لإنك مُلكي أـنا .. وطبع بوسه على شفايفها .. وإبتدأ المشوار .. ~_^

وسن وإهي تجي وتروح فـ مكتب راكان .. عرف إنها تبي تتكلم فـ شيء ولا تبي تقطع عليه شغله لإنو يشتغل على أوراق واللاب .. جدهـ صاير يثقل عليه بـ العمل .. وكله عشان مايفضى حق وسن .. مو كافي مايطلع من الشركه إلا متأخر حيل .. وفوق هذا العمل لاحقه بـ البيت .. نزل الأوراق إللي بـ إيدينه وقال بـ خاطرها " يلعنه من عمل كذذا .. العمر مرهـ .. وجدي يبي يحرمني من سعادتي فـ عُمري هذا " قام ودخل لـ غرفته وحصلها بـ غرفة الجلوس .. جلس بـ جنبها وباس إيدها واهو عارف مقصر معاها .. والسبب جدهـ فـ هذا كله .. ويعرف جدهـ مايرفض
لـ خالاته كلمه وكل هذا من تحت تخطيط خالاته .. كرهـ تفكيرهم وتخلفهم .. قال بكل رقه : آسف ..
ناظرته وقالت بكل رقه : حبيبي مو زعلانه وربي ..
حضن راسها لـ صدرهـ واهو يتسأل .. كيف خالاته مايشوفون كل هـ الطيبه إللي فيها وكل هـ البرأهـ .. قال : شـ إللي بـ خاطرك ياروحي ..
محتاجه حضنه .. هذي حالته من رجعوا .. عمل هنا وبـ الشركه متأخر .. وإهي ماتكلمت فـ شيء .. ولا وضحت له .. سكتت ولا تكلمت ..
مسح على خدها وحمد ربه إنو خالاته وجدهـ مالهم تدخل بـ نومهم وإلا كان من زمان خططهم شغاله .. قال بكل حنان : تكلمي ..
وسن : فين راح يكون عيدنا ..؟؟
فهم عليها ولا يبي يوعدها لإنو ممكن جدهـ يعرف وجدهـ وقتها ماعندهـ مانع يشغل الشركه يوم العيد عشان راكان يشتغل فيها ولا يرتاح مع زوجته عند أهلها .. من رجعوا من السفر ماشافت أهلها .. ولاتكلمت فـ شيء قال : حُبي .. ما اوعدك .. لكن أشوف أموري ..
قامت وقالت بسرعه تخاف عليه من خنايق جدهـ لإنها مرهـ سمعت بـ الصدفه يتكلم معاهـ بخناق : إذا ماتقدر خلاص ..
ضحك وقال : كلها كم يوم واعرف .. لا تخافين إن شاء الله خير .. { كمل } يلا إتجهزي .. راح نطلع نتمشى .. زمان ماطلعنا ..
وسن : مو كأننا قبل أمس طالعين ..
راكان : أعرف .. بس آبي على طوول نطلع ..
وسن : طب .. أوراقك انهيتها ..؟؟
راكان : طُززززز .. فيها .. إللي بيقبل فيني يقبل واـنا اشتغل بـ الشركه مو
بـ البيت ..
ضحكت وباسته على خدهـ وقالت : أـحبك ..
ذاااااااااااب وقال : أقول نكنسل الطلعه ونتركها بـ الغرفه أفضل ..
ضحكت وقالت : وعد إذا رجعنا عملت لك أحلى طلعه بـ الغرفه ..
ضحك وقال : أوكي يلا ..
نزلت وخبرت شريفه إنها راح تطلع .. وكان بـ المطبخ الطباخه والمنظفات .. إهي ماترتاح للمنظفات .. ماتدري شـ السبب .. بعد ماطلعت .. رقت شريفه لـ جناح وسن وراكان ونظفته وعدلته وقفلته .. لإنو وسن ماتوثق فـ غير شريفه وإهي محل ثقه ..

خلود عايشه بـ الإسم وبس .. وحمد نفس الشيء .. من بعد ملكة وتين ووتركي ماشافوا بعض .. كل واحد بـ جناحه .. وحتى لما يصير كل خميس والكل يتفطر
فـ بيته .. اهو يتفطر بـ أحد المطاعم وإهي بـ البيت بـ روحها ..

بعد يومين .. زياد كان عند راكان ووسن يفطر .. وكانت وسن جالسه معاهم .. وبعد الفطور بـ وقت تكلم زياد : وسن ..!
وسن تحترم زياد بـ شكل مو طبيعي تشوفه نفس أخوانها قالت : هلا ..
رااكان : خير شـ تبي بـ زوجتي .؟؟
زياد : ياخي إنت جالس يعني شـ آبي فيها ..
راكان : تكلم بسرعه ..!!
زياد : آبي أتزوج وآبيك ترشحين لي وحدهـ من بنات عائلتي ..
وسن هنا قالت : عزة الله قلعوني خالاتك من الرياض بـ كبرها ..
هنا راكان وزياد إنفقعوا ضحك ..
وسن : وربي أتكلم من جد .. إهم ماتقبلوا زواجي من راكان تجي ذا الحين على سالفة خطوبتك ومن عائلتنا وأـنا إللي مرشحتها .. خوش والله ..
راكان واهو يضحك : وعفشك وراك مرمي ..
تكلمت بـ جد : كل شيء جايز ..
شاف الضيق بـ عيونها والخوف حضنها من الجنب وقرب وجهه لها وقال بصوت واطي : تأكدي أـنا وراك على طوول ولا همني اهل ..
ماتبي تكدر خاطر راكان معاها ..
زياد واهو يناظر التي في : يـاهووهـ ترا أـنا موجود ..
رااكان واهو ينزل إيدهـ من وسن قال : والله إنك نشبه نفس حاتم ..
ضحك زياد ..
وسن : زياد منو مفكر فيه بـ الضبط .؟؟
زياد سكت شوي وقال : من بنات عمتي الماسه ..
وسن : مافي إلا ديما .. لإنو روزان صغيرهـ وإهي اساساً لـ وسام .. وباقي البنات مافي إلا هنادي وإهي لـ ياسر .. وبكذا إنتهوا بنات عائلتنا إلا من الصغار ..
راكان : ما شاء الله عليهم كبروا البنات ..
وسن : اكيد وإلا كان ماصرت عندك ..
زياد : ديما ماغيرها ..

إضافة رد
وردة الشرق 06:31 PM 15-05-11
وسن : زياد أمك وخالاتك لايعرفون إني ورا الموضوع ..
زياد : إرتاحي ما أحد بيعرف .. بس إنتي شوفي رآيها ..
وسن : مستحيل ترفض واحد مثلك .. إنت بس تكلم مع الرياجيل وخلاص ..
زياد : الله يوفقك ويسعدك ..
وسن : آجمعين يارب .. إنت واحد من أخواني ..
رااكان : إنت .. شـ قالوا لك زوجتي خطابه .؟؟
زياد : ياليل كأن ما تزوج غيرهـ ..
ضحكت وسن ..
قام زياد من عندهم .. وقفوا معاهـ ..
راكان : وين .. ؟
زياد : كثر خيركم .. بـ أطلع للإستراحه ..
طلع معاهـ راكان بعد ماسلم زياد على وسن ..
راكان واهو واقف عند سيارة زياد : زياد لا أحد يعرف إنها متكلمه بـ موضوعك ..
زياد : لاتخاف .. وواضح إنها عارفه كل شيء ..
راكان : أـنا ما ادري شـ يصير من وراي .. واضح إنو عندها شيء ولا تكلمت ..
زياد : مستحيل تتكلم عن أهلك ..
راكان : حتى وإذا أهلي غلطوا عليها .. يعني الحق معاها ..
زياد واهو يغمز له : والله شكللك رايح ملح ..
رااكان ضحك وقال : تجرب بكرهـ ..
زياد تبسم له وقال : إن شاء الله .. يلا سلام .. ومشى من عندهـ ودخل راكان
لـ وسن ..
وسن وإهي تشوف راكان : ركوني تصدق أبوي طلق رهف ..
راكان : لا .. متى ؟؟
وسن : ما ادري بـ الضبط .. لكن لما سألت امي اليوم عنها قالت إنو مطلقها من زمان ..
راكان واهو يجلس ويجلسها معاهـ : يلا .. خلي عمتي تتهنى فيه بـ روحها ..

طلع حاتم من تاريخ 25 من رمضان للخبر بعد ماسلم على وسن وراكان ..
يوم 28 كان الفطور عند أبو خالد .. الكل مجتمع .. كل البنات والحريم موجودين عدأ وسن إللي من تزوجت ماشافوها .. مشتاقين لها مووت .. أمل والجوري ومشاعل حركتهم بطئيه مرهـ عشانهم فـ أشهرهم الأخيرهـ .. دارين وهديل وريم بـ اشهرههم الأولى وعادي وضعهم ..
هنادي وإهي تنط من مكان لـ مكان ولا كأنها كبيرهـ ..
أم سعود : صدعتي راسي .. بـ أعرف ليش ماتجلسين فـ مكان .. فيك شيء ؟؟
هنادي وإهي تضحك : ههههههههههههههه .. بس عشان أحر الحوامل إني أتحرك وبكل حريه ..
ضحكت جوهرهـ وقالت : يـ الله على اللعانه إللي عليك ..
الجوري : من جد .. يلا خليك بكرهـ تتزوجي وتحملي وإحنا إللي ننط وإنتي الجالسه ..
هنادي : حتى وإذا أحمل مستحيل أجلس نفسكم .. { ناظرت خلود وقالت } خلود ليش ماكملتي الحزب ..؟
خلود تبسمت مجامله وقالت : ليش العجله .. العُمر قدامنا { ليش العجله ..!! اـنا حصلته عشان اقول ليش العجله .. ؟؟ يارب إرحمني .. يارب صبرني }
وسن نزلت وقالت : مو نازل ؟؟
راكان : حياتي أكمل مكالمة زياد وانزل ..
سكرت الباب ودخلت .. مشتاقه لكل مكان .. مشتاقه للكل .. شوقها بيجنننها .. تسابق خطواتها ..
شافوا الباب ينفتح وانظارهم عليه ولا يعرفون منو .. طل وجهها من ورا الباب .. وجهها إللي أشتاقوا له .. فقدوهـ حيييييييييل .. كلهم صارخوا بـ أعلى صووت .. المفاجأهـ كبيرهـ عليهم .. من قوة الصوت صحى عبدالله ولد أمل يبكي وولد تهاني بكى .. الكل يصارخ وقاموا لها يتسابقون كلهم .. الصغير والكبير ..
وقفت مكانها وإهي تضحك وعيونها مدمعه .. إشتاقت للجمعه هذي .. أشتاقت لهم كثييييييييييييير .. ويكفي صراخهم إللي حسسها بـ أهميتها وتراكضهم لها ..
سلموا عليها وحدهـ ورا الثانيه .. الحوامل إللي من شوي جالسات ولافيهم حيل .. نطوا لها .. وصلت عند أمها وحضنتها .. شـ قد مشتاقه لـ حضن أمها .. لـ ريحة أمها .. أمها : حبيبتي إنتي .. أشتقت لك ياروحي ..
وسن وإهي تضحك من بكى خفيف : أـنا إللي أشتقت لكم مووت ..
صوت الصرااخ وصل للرياجيل ..
سُلطان عصب : شوف شفيهم ..!
قام حاتم واصل حدهـ .. كل إللي بـ الملجس عصبوا ..
دخل واهو معصب وينادي على أمه ..
عند راكان كان موقف سيارته عند الباب إللي دخلت منه وسن وسمع الصراخ وضحك ..
زياد : شـ الأصوات ؟؟
راكان : حبيبتي دخلت عليهم ومن المفاجأهـ الصراخ شال الخبر شيل ..
زياد : ههههههههههههههههههه ... أجل الحق فيها .. سلام ..
وقفل ..
طلعت وسن لـ حاتم وقالت : حبيبي شـ فيك ؟؟
حاتم من الفرحه صرخ من جد : وسسسسسسسسسسسسن ..
وسن ضحكت ولمته ..
بدر واهو بـ المجلس : أخوك إنهبل قام يصارخ مع الحريم ..
ضحكوا عليه ..
جا لهم صوته : السلااااااام عليكم ..
ناظروا .. وصارخ وسام واهو ينط له : راكاااااااااااااااااااااااااااااااااان ..
قام ابو خالد فرحاااااااااااااااااااااااااااااان .. أكيد صارخوا عشان وسن دخلت عليهم ..
سلموا عليه .. وطلع ابو خالد وأخوانها للحريم عشان يسلمون على وسن .. مشتاقين لها مووووووووت ..
سلمت عليهم .. ودخلت بـ المجلس عند عمانها وجدها وخالها عزام .. وباقي الشباب .. سلمت عليهم كلهم .. ووصلت عند تركي أخر واحد وبجنبه راكان .. صافحت تركي .. راكان : ترا واجب التسليم علي ..
ضحكوا .. وتلون وجهها ... وقفت تسولف معاهم شوي وبعدها دخلت للحريم ..
بدر طاق الميانه : شـ عليه أبو خالد .. مبسوط .. بنته عندهـ ..
أبو خالد ضحك وقال : دخلتها تسوى الدنيا ومافيها . .
عند الحريم فسخت عباتها وجلست معاهم .. وشوفواا الاسئله لها ..
وسن : لحظه .. شوي شوي ..
جالسه بين أمها وجدتها ..
جدتها : أمي كيفك ؟؟
وسن وإهي ماسكه إيد جدتها : بخير وعافيه ياجدهـ والحمدلله ..
جدتها : الحمدلله .. وكيف راكان معاك .؟؟
وسن يخفق قلبها من يجي طاريه ضحكت عيونها وناسه وقالت : الحمدلله ياجدهـ مبسوطين ..
كلهم : الحمدلله ..
هنادي وإهي تغمز : ماراح تنضمين لـ حزب { واشرت على إللي جالسات بـ جنب بعض .. الجوري ' أمل ' مشاعل ' دارين ' هديل ' ريم }
وسن صارخت وقالت : وآآآآآآآآآآي .. دارين وهديل وريم حوامل ؟؟
أم سعود : ياقدمك ..
وسن : ما صرت اعرف عن أخباركم ... ياحياتي .. ربي يسهل عليكم .. كم باقي لكم ..؟؟
الماسه وإهي تضحك : الجوري وأمل بعد شهرين .. مشاعل 3 شهور .. دارين وهديل وريم لسا بـ البدايه ..
وسن : ياحياتي .. ربي يسهل عليكم ..
أم سعود وإهي تتبسم وتغمز : ها .. وكيف الزواج ؟؟
وسن تلونت خدودها وقالت : تمام ..
أم سعود وإهي تغمز : وإللي بينك وبين راكان ؟
وسن : عادي صداقه برئيه ..
هنا إنفجروا ضحك ..
الماسه : اجل سلمي لنا على صداقتكم البرئيه ..
وسن وإهي تضحك : إن شاء الله ..
حاولوا ياخذون منها سواليف ماقدروا ..
وسن كل شوي والثاني عيونها تجي على وتين إللي متغيرهـ مرهـ .. ووتين بس تناظر وسن .. تبي تقوم من عندهم عشان تجلس مع وتين بروحها لكن صعب الكل فرحان فيها ..
قالت وإهي تلقي نظرهـ على الكل : ياحياتي أشتقت لكم .. بصراحه ... فيه ناس متغيرين وفي ناس لا ..
جوهرهـ : قصدك البنات ؟؟
وسن : الزواج مغير بعض البنات والحمال مغير بعضهم .. ناظرت خلود .. مرهـ متغيرهـ وواضح الحزن عليها .. شكل مو وتين إللي يبي لها جلسه بـ روحها ..
وسن وإهي تضحك للجوري : ياحياتي .. وربي تجننين ومشتاقه لك ولـ عبطك ونحاستك ..
ضحكوا عليهم ..
وسن : وين عبدالله الصغير ووين ولد عمي الجديد ..؟؟
أم سعود وإهي تضحك : حلوهـ ولد عمي الجديد ..
وسن وإهي تضحك : ماعرفت إسمه لسا ..
تهاني وإهي تعطيها له : بسام ..
وسن وإهي تشيله بـ إيدينها : ياحياتي .. ما شاء الله عليه يجنن .. ربي يحفظه لكم ..
وشافت عبدالله إللي صاير له 7 شهور .. ومحلو اكثر ..
أمها : حبيبتي كيفها جدتك وجدك ؟؟
وسن : كلهم تمام .. كنت عندهم من يومين ..
مر الوقت بـ سرعه ..
أبو سعد : وكيف أبوك ؟؟
راكان : بخير ونعمه ياجدي ..
أبو سعد : ماعندهـ نيه يجي .؟؟
راكان : إلا بيجي إن شاء الله لـ زواج تركي ..
فارس : شـ عندهـ الولد متغير ؟؟
راكان : تكلمني ؟
فواز : لا مانقدر .. وثقيل بعد ...!!!
راكان : تكلموني ..
عزام : يارجُل إتركه .. مصدق حاله .. حسباله إلـى الأن معرس ..
ضحكوا عليه ..
راكان : شـ تبون بـ الضبط ؟؟
بدر واهو يغمز : وكيف أوضاعك ذا الحين ؟؟
راكان ضحك وقال : نفس أوضاعك ذا الحين ..
بدر : عاد اـنا غير ..
راكان : وأـنا غير ..
بدر : ياليل ما احد ياخذ منك ..!!
رااكان : إسأل سؤال صريح وأجاوب إجابه صريحه وبقوووووهـ ..
بدر : تعرف إني ما اقدر أطرح سؤال صريح بهـ المجلس .. خلها بـ الإستراحه ..
راكان : مشغول اليوم ..
سعود : مانقدر إحنا على المشغولين ..
ضحك راكان .. وأذن لـ صلاة العشاء وقاموا كلهم للجامع ..

على الساعه 2 طلع الكل لـ بيته .. وبقوا عائلة ابو خالد فـ بيتهم .. وسن راحت
لـ راكان للمجلس عشانه تعبان وإلا ينام .. وحصلت عندهـ حاتم ..
وسن : مابعد نمت ؟
راكان : هذاني بـ أـنام ..
وسن : طب بـ ترتاح هنا ؟؟
رااكان : أجل اروح للإستراحه ..!
وسن : تعال غرفتي اريح لك ..
راكان : ياحلو وجهي رآٌقي فوق ..
حاتم : عادي ..
راكان : لا ..
وسن : طيب غرفة الضيوف ..!
راكان : وسن الله يخليك لي بـ أـنام هنا ..
وسن : أوكي .. تغطى عدل ..
راكان : إن شاء الله ..
وسن : ما راح تصحى للسحور ؟؟
راكان : ما اتوقع ..
وسن : أوكي حياتي نوم العوافي ..
تبسم لها : يعافيك ياقلبي ..
وطلعت من عندهم .. طلع حاتم للإستراحه .. ووسام نفس الشيء .. ووليد نايم .. وجوهرهـ وسُلطان بـ جناحهم يريحون شوي قبل وقت السحور ..
خذت وسن شاور وطلعت وإهي عليها ملابس الحمام .. جلست على السرير .. ماتدري كيف بتنام من غير راكان .. متعودهـ عليه كثير .. مشت للشباك ووقفت عندهـ ناظرت الحديقه .. أشتاقت لكل شيء بهـ البيت .. ماحست بـ حالها إلا إهي
بـ حضن راكان .. قال بكل همس : ماقدرت أـنام من غيرك ..
تبسمت بـ خجل وإهي بحضنه .. ماحست فيه لما دخل ومنو قاله طريق الجناح .. قالت : كنت أفكر كيف أقدر أـنام من غيرك ..
طول واهو حاط شفايفه على رقبتها يبوسها قال : محتاجه سحور ..؟؟
وسن ذوبتها حركته وفهمت عليه عضت على شفتها إللي تحت وهمست : أعشقك .. ~_^

وتين بـ غرفتها تفكر .. بكرهـ الفطور عندهم .. ومستحيل تترك وسن تطلع من عندها ليما يتكلمون بكل شيء .. تحس حالها بـ تنفجر من الضغط إللي عليها ..

الجوري : أحلى مفاجأهـ وربي ..
خالد واهو يتبسم لها : ماتوقعنا كلش ..
الجوري : ياغناتي تجنن إسم الله عليها ..
خالد : وربي يحفظ لي بعض الناس ..
ضحكت وقالت : ويخلي لي حبايب قلببي ..
خالد واهو يقربها له : ومنهم ؟؟
الجوري وإهي تتبسم وتناظر فوق : منو غيرهم إللي مجننيني ..!
خالد : إيوا .. منهم ؟؟
الجوري ضحكت وقالت : حبيب عُمري خلوووووودي ..
خالد واهو يضمها بقوهـ : ياروووح خلودي إنتي ..
ضحكت وإهي بين أحضانه ..

على وقت السحور دق باب جناحها وكان صوت حاتم ..
راكان واهو يقوم من السرير بعد ماقامت من حضنه : هذا حاتم أـنا اعرف له ..
ضحكت لإنها ما تقدر تطلع له ..
فتح الباب بعد مالبس ملابسه قال : خير ؟؟
حاتم ناظر بـ إستغراب وقال : خير إنت ؟؟ أتوقع إنك كنت نايم بـ المجلس ..!!
راكان : ماقدرت أـنام وجيت هنا ..
حاتم فهم على شكله وضحك قال : شوف وسن إذا تبي تاكل تجي .. كلنا تحت ..
راكان : حبيبتي شبعانه والحمدلله ..
حاتم واهو يمشي : أجل عوافي .. ونزل ..
راكان يناظر هـ الحاتم الغريب وسكر الباب ورجع لـ وسن وحصلها بـ الحمام تاخذ شاور ..

ليلة العيد الكل فرحان .. تحس نفسيتها بـ افضل حال . . قبل إلا ينكدون عليها خالات راكان .. وبعد 4 أـيام زواج تركي ووتين ..

فجر العيد ..
عند بدر وريناد .. بدر واهو يحضن ريناد من ورا قال : كل عاام وإنتي فـ حضني واقول لك إن شاء الله تكوني بخير ..
لفت له وباسته بوسه دلع وقالت : كل عام وأـنا اللف أبوسك واقول إنتَ هنا { وأشرت على قلبها }
حضنها واهو يضحك ويقول : وآآآآآآو منك ومن كلامك إللي أحلى منه مافي ..
ضحكت .. باسها على خدها وبعدها واهو يناظرها : شنو هـ الحلاوهـ .؟؟
ريناد : حلوهـ عشانك ..
بدر : حُبي شوي شوي .. ترا كذا مانطلع لهم ..
ضحكت وقالت : عاد كلش ولا يوم العيد ..
ضحك لها ..

فـ جناح وسن كانت واقفه تشوف شكلها بـ المرآيه ولأخر مرهـ .. بعد ماضبطت حالها ولبست تيور للركبه لوننه أحمر مُغري فيه من فوق تطريز بـ الأبيض .. وبدي أحمر فيه كتابه بـ الأبيض وقماش خفيف مرهـ ماسك بـ أكمام البدي لونه مدمودج الأبيض بـ الأحمر نازل على أكتافها .. وبلاشر أحمر خفيف وروج أحمر عاطيها منظر وكحل من برا العين وتحت بس ومسكرهـ ومنزله خصل من قذلتها على عيونها وشعرها عامله فيه تلفيف رهيب .. وجزمه أبيض كعب ..
صحى واهو يناظر فيها قال : ما اقدر على هـ الحلاة ..!
ضحكت ولفت له وقالت : أكيد حلوهـ لإني حبيبة راكان ..
رااكان : ويييييييييييييييل حااااااااااااال راكان يانااااااااااااااااااااااس ..
ضحكت ..
قام ودخل للحمام على طوول خذا شاور سريع وخلال 5 دقايق طالع نشف وقرب لها قال : أحلى عيد بـ حياتي .. وأول عيد أحس فيه إني عايش ..
وسن حضنته وقالت : حبيبي إنت ..
رااكان : كل عام وإنتي بخير وصحه وعافيه ومعاي وحبيبتي وكل شيء بـ النسبه لي ..
باسته على خدهـ وقالت : وإنتَ كل حياتي .. يلا حياتي بدل ملابسك عشان ننزل ..
راكان ناظرها وقال : كل مرهـ أشوفك فيها أذكر ربي لا احسد حالي عليك ..
وسن وإهي إيدينها ورا رقبته وجهها قريب من وجهه وإيدينه على خصرها قالت : كل مرهـ أشوف دخلتك علي أتأكد إني خذيت أفضل رجُل بـ الدنيا ..
رااكان واهو يتكلم بـ ضحكه خفيفه : ياهوووووووووهـ .. ياناااااااااااس .. بـ الهون علينا .. مانقدر ترا ..
ضحكت وبعدت عنه وقالت : يلا حياتي ..
تنهد وقال واهو يمشي : مشكلتي أهواك ..
غنت بـ صوتها إللي يموت عليه : مشكلتي آهوآهـ وحُبه مجنني
والمشكله عن هوايا ماهو داري ..
صفر وطلع وقال : ترا أعلمك ذا الحين كيف ماني عارف بـ هواك ..
ضحكت وقالت : خلاص مو مغنيه ...
ضحك وقال : ماقلت كذا .. لكن لا تستفزيني ..
وسن : أستفزك ؟؟
راكاان واهو يلبس ملابسه : إيوا .. بـ الوقت إللي صعب تجلسين تغنين وتقولين كلام معسول .. وأـنا كذا ما اتحمل .. وإنتي أدرى ..
ضحكت وقالت : خلاص كل شيء بـ الوقت المناسب ..
رااكان ضحك وقال : كل الوقت لك .. لكن لما يكون ضيق نفس ذا الحين لا ..
وسن وإهي تشوفه يلبس غترته .. وسكرت ازاريره وتلعب بـ إيدها على صدرهـ .. رراكان : ها .. شـ قلنا ؟؟
وسن ضحكت وعضت على شفتها ..
راكان : ياليل حتى هـ الحركه لاتسوينها ..
ضحكت وإهي تحط له عطر : خلاص مو مسويه شيء ولا متكلمه فـ شيء .. عشان لا أستفزك ..
ضحك ونزلوا للي تحت .. وقد طافت عليهم الإثنين صلاة العيد ..

فواز واهو يشوف دارين كاشخه وخالصه قرب منها بعد ماسلم عليها وحط إيدهـ على بطنها وقال : متى بس يطلع ..؟؟
ضحكت وقالت : ليش ؟؟
فواز : عشان افرح فيكم ..
دارين : ياقلبي ..
فواز : يادنيتي إنتي .. سمعت إنو عمي وعمتي راح يحضرون زواج تركي !!
دارين : اـنا سمعت نفسك ..
فواز : من بعد الزواج ماشفتهم ..
دارين : أـنا مشتاقه لهم موووت ..

إضافة رد
وردة الشرق 06:32 PM 15-05-11
فواز واهو يقربها له : ما اغنيتك عن غيابهم ..
دارين وإهي تتبسم له : وجودك بـ جنبي يغنيني عن الدنيا كلها ..
فواز : شـ رآيك مانروح لـ بيت سُلطان ؟؟
دارين فهمت عليه قالت : فواز لااااااااا ..
فواز : كنت أستهبل ..
ضحكت وإهي تمشي معاهـ عشان تلبس عباتها ويطلعون لـ بيت سُلطان ..

كل الوجـوهـ اللي تزاحم | تجيني |
هي وينهـا ؟
مـاكن بـ القلب مجلاس !

صرت الوحيد بين × جرحي و , بيني ×

بين أربعة جدران للصمت ( حراس ) !

هُم وينهم ـأحباب قلبي وويني ؟

تعبت أكابر كـل مـابي من الياس .. }

حمد بعد ماصلى الفجر جلس بـ البيت لـ وقت صلاة العيد .. كان جالس على سريرهـ وراسه منزله للأرض .. الكل فرحان بهـ العيد .. بـ العادهـ يكون من ضمن هـ الكل .. لكن هـ العيد غير ..!! لإنو جروحه وعذابه وهمه حواجز بينه وبين الفرح والرآحه مثل الباقين .. الكل يعايدون بعض .. شلون يفرح ويحضر العيد مع الناس وقلبه ماذاق الفرح .. قلبه ماحصل إللي يبيه وأرتاح .. دق باب جناحه .. إستغرب .. منو ممكن يجي له ذا الحين .. فز قلبه لما حس خلود .. بس هذا صوت وحدهـ من الخدامات .. قام بسرعه وفتح الباب ..
الخدامه وإهي خايفه : م .. مدام خلود تعبان ..
من سمع خلود طلع على طول لـ جناحها .. حصلها فـ سريرها وتصيح وواضح التعب عليها .. ناظر هذي مريضه .. !! قال بكل خوف واهو يجلس على السرير وياخذ راسها بـ حضنه وبكل خوف : خلود حبيبي شـ فيك ؟؟
خلود بس تبكي وتأن من الآلم .. بداخلها وإهي تنزف أكثر وأكثر .. شـ أقول ؟
غير أحبك
ثم أحبك
لو عذابي يزيد !

إفهمني .. مستعدهـ أجلس وآموت بين إيدينك بس تفهمني وتحس فيني .. تحلم
بـ حضنه من زمان وجا الوقت إللي راسها بـ حضنه ويكلمها بكل خووف .. تمنت لو مريضه من زمان .. رفعت عيونها بكل تعب له .. نزل عيونه وناظرها كيف تناظرهـ .. كيف العذاب واضح عليها والتعب هالكها .. وآنينها يزيدهـ هم وعذاب .. مايبي هـ النظرهـ منها .. مايبي نظرة التعب والهم والعذاب .. يتحمل نظرات الإحتقار والقوهـ .. لكن هـ النظرات لا .. طلع من طورهـ واهو يشوفها كذا .. وكأنها إبتدت تغيب عن الوعي ونظراتها معلقه فيه .. وكأنها تناجيه .. تبي شيء .. شاف الخدامات واقفات .. صرخ فيهم بـ أقوى شيء : شـ فيه ؟ تكلموا ..؟؟
ناظرته وحدهـ وإهي ترجف أشرت على مكان خلود ناظر مكانها إنصدم .. البنت تنزف .. لفها بـ الغطى كلها وشالها بـ سيارته واهو بثوبه بس من غير غترهـ وحلو إنو مفتاح سيارته بـ جيبه .. ترك الموبايل .. المهم عندهـ يلحق المستشفى قبل لا يصير لها شيء ..

يوم العيد الأول كانوا كلهم فـ بيت أبو خالد لإنو أبو سعد وأم سعد فيه وشيء طبيعي يكون الأول بكل شيء .. الكل فرحان .. كلهم موجودين .. ومو ناقصهم شيء ..
أم راشد : ياربي منهم اتصل فيهم .. حمد مايرد وخلود مغلق ..!!!!
أم خالد : يمكن راحت عليهم نومه ..
أم سعود : إتركيهم بس وغمز لها ..
ضحكت عليها الماسه وقالت : مو مطمنه كلش ..
ريم : يُمه يمكن من جد راحت عليهم نومه .. لاتحاتي .. لما يصحون راح يجوون ..
سكتت .. ودخلت عليهم وسن ..
سلموا عليها ..
أم سعود : أخسسسس وش هـ الكشخه .؟؟
ضحكت وقالت : طالعه على عمتي ..
أم سعود : ياقلبي في هذي صدقتي ..
غيوض : شوفوا الحرمه .. كيف صدقت حالها ..
الماسه : أـنا أدري .. ! وكأن مافي أحد يكشخ غيرها ..!!
الجوري : كلكم تكشخون ولا في وحدهـ منكم ماتكشخ ..
أم خالد : سمعتوا .. حلتها لكم الجوري ..
أم سعود : ههههههههههههههههههه .. بس قولي اـنا غير ..
الجوري ضحكت وقالت : لا من جد كلكم سوا ..
هنادي : البنت ماتبي مشاكل وإنتي قولي أـنا غير ..
ضحكوا عليها ..
وسن : عماتي تطلعون لـ راكان وإلا يدش يسلم ..؟؟
أم سعود : أـنا مافيني حيل أقوم ..
أم فارس : إتركي هـ العجوز ..
أم سعود نطت عيونها من الصدمه قالت : أـنا عجوز يـ العجوز ..
أم فارس ضحكت وقالت : بس أـنا ماقلت مافيني حيل أقوم ..
أم سعود وإهي توقف : والله لو تبين أرقص رقصت لك بعد مو طلعه لـ راكان وبس ..
وسن : خلاص ياحُبي إطلعوا سلموا عليه وبعدين تعالي إرقصي وراويهم كيف إنك بعدك بنت ..
أم سعود وإهي تمشي عنهم قالت : ذا الحين نشوف منو العجوز ..
سلموا على راكان وسولفوا معاهـ شوي وبعد كذا رجعوا عشان العنود ترقص .. وفعلاً رقصت رقص وكأنها بعدها بنت نفس ماقالت لهم ..

ويـن بـ لـقـى زمـــان ارتـاح فـيــه ..؟
ضـايــق ٍ فـي الـتـعـب ][ مــابـي احــد ][ ..

صار له ينتظر بهـ المكان نص ساعه .. حالها مو طبيعي .. تنزف ..!! شـ سبب النزف .. اهو ناقص تفكير .. تجي سالفتها هذي تفك مخه من جد .. حاسس حاله بيشييب من كثر مايحوس ويفكر .. حاسس بيوقف قلبه بـ آي وقت .. مرر إيدهـ على شعرهـ بكل توتر وخوف .. يصير لها شيء !! وين يروح وقتها ..!؟؟ مايبي غيرها .. يبيها إهي وتكون متعافيه .. مستعد يذل نفسه عشان بس تبقى بخير ومعاهـ .. خلااااااااااااااااااااااص مافيه صبـــــــر أكثر من كذاااااا .. نظراتها له باقي يشوفها .. عذابها .. شاف الدكتورهـ طالعه .. راح لها وإهي تمشي له قالت : إنت شـ تصير لها ؟؟؟
حمد بسرعه : زوجها ..!!
الدكتورهـ : زوجتك نزفت كثير وغير كذا عندها فقر دم حاد .. إضطرينا ننقل لها دم .. ووقفنا النزيف .. لكن إلا تجلس تحت ملاحظتنا على الأقل 3 أـيام ..
حمد خاف : طيب .. شـ سبب النزف ؟؟
الدكتورهـ : كانت تاخذ حبووب منع الدورهـ بـ الشهر إللي طاف أتوقع وهذا أثر عليها لإنها ماتتحملها .. فـ شيء طبيعي نزفت أكثر .. وهذا مايسبب اي خطر عليها لاتخاف ..
حمد : وكيف وضعها ذا الحين ..؟؟
الدكتورهـ : الحمدلله وضعها مستقر ولا في خووف .. لكن زوجتك محتاجه غذايه أكثر .. واضح عليها ماتاكل كلش ..
حرك راسه لها واهو يفكر فيها .. قبل لا تمشي قالت : تقدر تدخل عليها إذا حاب ومشت ..
حمد ربه إنها بخير .. كيف بيخبر العاائله ذا الحين .. !! فكر .. ماحصل إلا إنو يقول فقر دم وبس .. صعب يقول لهم نزيف وما ادري إيه ..
دخل عليها بعد مانقلوها للجناح الخاص فيها .. حصلها متمددهـ والمغذي فيها والدم .. وفاتحه عيونها وواضح التعب عليها .. ناظرته لما دخل .. بدون غترهـ .. ثوب وبس .. تعشقه .. ناظرها واهو يقرب للسرير قال : حمدلله على السلامه ..
قالت بهمس من التعب : يسلمك ..
حمد حاقد .. خير مهمله نفسها قال : يعني إلا تغيرين عن حريم خلق الله وتاخذين الحبوب من غير اي أستشارة طبيب عشان ماتفطرين بـ رمضان .. !!
وجهها تلون .. إهي ناقصه .. الدكتورهـ فاضحتها عندهـ .. هذي الدكتورهـ حسبالها حالهم حال المتزوجين يعرفون كل شيء عن بعض .. ماناظرته وسكتت ..
حمد : شـ راح تستتفيدين .. وخير وإذا افطرتي ؟؟ كل الحريم يفطرون ويقضون .. وقفت عليك .. !! كلها كم يوم وإنتهى الموضوع .. إلا تضرين نفسك يعني ..؟ وهذا إللي جنيتيه منها نومه بـ المستشفى 3 أـيام ..
ناظرته مصدومه ..
حمد : بدل هـ النظرات فهمي حالك .. !! { تكلم والضيق يزداد عليه واهو يعدد على أصابيعه } تغذيه زفت .. فقر دم .. نزيف .. شـ أسوي يعني ..؟؟ من قل الأكل إللي عندنا بـ البيت عشان تغذيتك زفت .. !! { كمل واهو يرفع راسه فوق وبعدين نزله } شـ أسوي بس .. من وين أحصلها أـنا .. ؟؟
خلود وإهي تضغط على حالها : ما .. مايجي لي نفس أكل ..
حمد ناظرها وقال واهو واصل حدهـ : صحححححححححح .. من كثر ماتفكرينن ..! من كثر ما إنتي مهمومه ومتعذبه .. مايجي لك نفسسسس ..!
خلود وإهي تبكي : لا تتعبني أكثر ..
حمد تنرفز قال : صح نسيت أـنا الوحيد إللي بهـ الدنيا يتعبك .. أـنا الوحيد إللي معذبك .. ياشيخه رووحي .. { تكلم بـ هم واضح عليه } شـ اقول أـنا إذا إنتي تعبانه !! شـ اسوي بـ نفسي عشان أرتاح من هـ العيشه والهم .. !!
تكلمت .. هذا مو فاهمها : إنت إللي جبته لـ نفسك !
حمد ناظرها .. هذي مهما سوا معاها مستحيل تشوفه كويس . . هذي حسبالها اهو إللي خلاها تنزف وإلا اهو إللي تعبها كل هـ التعب قال وكلمتها جارحته على هـ الصبح : أـنا غبي .. وإللي علي أرجعك لـ بيت أهلك نفس ماخذيتك ..
ناظرته مصدومه .. قال : لا تنصدمين .. إرتاحي بـ أقول العيب مني أـنا .. حتى لو أضطر أكذب واقول إنو مافيني أولاد { كمل بـ طنازهـ } مع إني مابعد جربت إذا فيني أولاد وإلا لا .. المهم ترجعين بحاله كويسه لـ أهلك .. هذا إللي علي اسويه تطلعين من المستشفى لـ بيتي .. تتغذين عدل وبعدها لـ بيت أبوك بكل هدوء .. وطلع من عندها واهو يمشي بممرات المستشفى ويرفع راسه لـ فوق يداري دموعه .. ركب سيارته وجلس فيها ..
خلود إنهارت مكانها .. إهي ناقصه تعب يجي يزيدها .. ويعايدها بهـ الكلام .. متى بيفهم عليها .. ؟؟ متى بيحس فيها .. ؟؟

أبو سعوود : حمد وين ؟؟
سعود : ما ادري ..!! مايرد على رقمه ..!!
أبو خالد : طيب إتصلوا في خلود ..
إتصل أبو راشد فيها وكان مغلق ..
أبو سعد : هو صلى معانا الفجر ..؟
أبو خالد : إيه كان موجود ..
بدر يساسر فيصل : إلا يُلقي نظرهـ على كل العائله إذا موجودهـ للصلاه وإلا لا ..
فيصل ضحك وقال : ترا بتجي لك محاضرهـ إذا سمعك ..
ياسر : عادي يمكن عندهم شغل وإلا راحت عليهم نومه ...
أبو خالد : شـ نومته يوم العيد ..؟؟
الشباب كل واحد يتصل من عندهـ ..
الحريم طاقاتها رقص على موضي الشمراني ..

متمدد على سريرهـ ويسمع للأغنيه ..

آسمحيلي يـ الغرام العافي يـ الوجه السموح
إن لزمت الصمت أو حتى لبست الأقنعه
أعترفلك مابقى من عالي الهمه سفــــوح
إنحدر كلي كما طفلٍ تحدر مدمعــه

آهـ ' ياجود الحزن وياي وفي الفرحه شحوح
ضايع بـ همومي الغبراء بـ وسط المعمعه
أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه

آهـ ' آهـ ' آهـ '

أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه
مختلط في عبرتي حبر الشقى ودم الجــروح
ومستوي في نظرتي غرب الوجود ومطلعه
عودي المبري بقى به من بقايا الوقــت روح
وفصل خامس حايرٍ بين الفصول الأربعــه

وراس مالي ذكريات وحلم وآمال وطمـــوح
لا صديق ولا رفيق ولا طريقٍ أتبعــــه
سامحيني دام عُذري واضحٍ كل الوضــوح
وآسمحيلي بـ الرحيل بلا تذاكر وأمتعه

مايقدر يقابل احد .. واضح عليه كل شيء .. اليوم وانكشف كل شيء .. وبخاطرهـ ليتك تلاقين الراحه بعيد عني .. وليتني أقدر أنسى كل شيء .. ليتني .. يحس حاله مخنوق مايقدر يطلع أي كلمه ..

ضيـق صـدر '' وجـرح قلـب
ودمـع عـين '' ونشـف ريـق
هـذا كـل اللـي جنيـت
وما قـدرت أجـني ' حنـانـه ..
مسح عيونه .. 9 شهور معاها وكل واحد بـ حاله .. وكل واحد بـ همه وعذابه .. 9 شهور ويصبر حاله غصب .. ولافي يتحمل أكثر .. 9 شهور وكل ثانيه تمر فيها جروحه تنزف أكثر .. 9 شهور ماذاق الهنا بـ نومه .. 9 شهور ما أرتاح .. لا نهار ولا ليل .. غنى بـ صوته العذب .. وكأنه يتكلم عن حاله ..

وراس مالي ذكريات وحلم وآمال وطمـــوح
لا صديق ولا رفيق ولا طريقٍ أتبعــــه
سامحيني دام عُذري واضحٍ كل الوضــوح
وآسمحيلي بـ الرحيل بلا تذاكر وأمتعه
مع كل كلمه تزيد دموعه .. هذا فُراق ماهو شيء سهل .. شيء أكبر من إنو يتحمله .. اضعف من إنو يتحمل فُراق حُبه الوحيد .. كان في أمل من قبل . . لكن ذا الحين الفُراق الحل الوحيد .. ولا أمل ولا طموح ولا شيء يخفف عليه ..
أشتكي لـ وسادتي دنياي وأسمعها تنــوح
كنها بعضي وبعضي وينه ومنه معه
الخسران الوحيد بهـ الفُراق حمد وبس ... متى ربح حتى يخسر .. !!؟
جلس وناظر موبايله يأشر .. رفعه وناظر الإسم .. سعود .. مارد .. مايبي أحد يسمعه بهـ الصوت .. قفل سعود وناظر 50 إتصال .. وفتحها وكلها من عائلته .. أكيد يتسألون ليش مارحنا لهم ..!! يبي يدق على أحد ويخبرهـ عن خلود عشان يخبر الكل .. وأكيد بيلاحظون الصوت .. فكر .. مافي إلا حاتم ممكن يسكت على الموضوع .. دق رقمه ..

كانوا جالسين ويسولفون على الفطور .. وحمد مابعد جا .. بقوا له فطور اهو وخلود .. دق موبايل حاتم ورد : هلا ..
حمد : كيفكم ؟؟
حاتم تأكد إنو فيه شيء قام عنهم وقال : بـ الإذن ..
بدر : وين .. لسا مافطرت ..
وسام : خله .. تلاقي الحبيبه متصله ..
ياسر بصدمه : حاتم يحب ..؟؟
وسام : لا ..
ياسر : إنت تقول !!
وسام : وإذا قلت يعني راح يكون صحيح ..
حاتم بعد ماطلع من غرفة الطعام الخاصه بـ الرياجيل : حمد شـ فيك ؟؟
حمد مايبي أحد يزيد عليه قال : حاتم إتصلت فيك تخبر أمي الماسه وعمي فهد إنو خلود تعبانه شوي وبـ المستشفى ..
حاتم خاف واضح صوت حمد مايطمن قال : شـ فيها ؟؟
حمد : لا تخاف بس فقر دم .. واـنا تعبان شوي .. { سكت شوي وكمل } حاتم مالي خلق اشوف أحد .. آبيك تدبر هذي بـ معرفتك ..
حاتم حس فيه وقال : الموضوع عندي لا تشيل هم ..
حمد : تسلم ..
حاتم : طيب إنت بخير أكيد ؟
حمد : شـ بيكون فيني .. !! حاتم بنااام .. تبي شيء ؟؟
حاتم : نوم العوافي ..
حمد فـ خاطرهـ بعيد عني قال : يعافيك .. ولا تخافون ترا بـ أقفل رقمي ..
حاتم : خلاص ..
حمد : باي ..
حاتم : باي ..
دخل عليهم وقال واهو واقف : حمد يسلم عليكم ..
ناظروهـ كلهم وسكتوا .. من شوي إزعاجهم وسواليفهم وضحكهم ..
أبو سعود : وينه فيه ؟؟
حاتم : رآح يوقف مع واحد من أخوياهـ .. أبوهـ متوفي ولا حب يتركه بـ ورحه .. وبعدين .. خلود تعبت عليه شوي وإهي ذا الحين بـ المستشفى .. { كمل واهو يشوف الصدمه عليهم } لاتخافون بس عشان فقر الدم إللي عندها وإهي مافيها إلا العافيه .. وقالي أقول لكم .. عشان تروحون تزورونها ..
أبو خالد : لا حوول .. وإهي كيفها ؟؟
حاتم : لا بخير الحمدلله .. يقول بس فقر دم .. وتعرف رمضان يلعب دور أوقات .. { صرف الموضوعين بكيفه }
أبو راشد قام وإتصل فـ الماسه وقالها تطلع .. وراحوا لـ بنتهم ..
أبو سعد : الله يكون بـ عون خويه .. ومتى صار هذا ..؟
حاتم واهو يتكلم بـ كيفه : أبد .. خويه إتصل فـ حمد ويبيه يوقف معاهـ .. وحمد الله يحفظه ماقصر ..
أبو سعود : ماقصر .. هذا حمد بـ الواجب على طوول ..
حاتم إنشغل باله على حمد .. واضح إنو في موضوع كبير وكبير مرهـ ..

عند خلود بـ المستشفى وصلوا لها أمها وأبوها .. وجلسوا عندها ..
أمها : وين حمد ؟؟
خلود الإسم هذا من ينذكر عندها ماتدري تفرح وإلا تحزن .. تفرح لإنها تحبه وإلا تحزن لإنها بـ تفارقه قالت : من شوي كان هنا ..
أبو راشد : أبو واحد من اصحابه متوفي وحب يوقف مع خويه ..
خلود بـ خاطرها " وأـنا منو يوقف معاي فـ همي وحزني .. حمد حنانك وطيبتك للناس كلها .. لكن لما يوقف الموضوع علي توقف بكل تجبر وتزيد همي وعذابي .. مني وإلا منك إنت هـ الشيء !! الغلط أـنا وإلا إنت ..؟؟ مستعدهـ أدوس على كرامتي بس تبقى معاي ,, وتنسى كل إللي قلته .. وينك بس تعال .. تعاااال وربي محتاجتك .. تعاااااال واوقف قبالي بكل رجوله .. تعااااااال ولا تتكلم بس أشوفك .. " نزلت دمعتها ومسحتها على طوول .. ماتبي أمها وابوها يحسوون فـ شيء ..

الساعه 2 الظهر كانوا كلهم فـ بيت أبو تركي .. الغدأ عندهـ .. الماسه لسا جايه من عند خلود ... لإنها نامت وقالوا راح يرجعون لها العصر .. سعود دخل للحريم عشان أمه تبيه .. جلس وسولف معاها شوي .. وكانوا البنات كلهم موجودات عدأ خلود طبعاً ..
سعود وقف وقال : هديل يلا نمشي ..!
أم سعود : لحووول .. وين ..؟؟
سعود ناظرها وقال : للبيت ..
هديل قامت تاخذ عباتها ..
أم راشد : تو الناس ..!
سعود : والله عندكم تو الناس ..
أم سعود : طيب إترك هديل ..
سعود : لا ..
أم سعود : شـ تبي فيها ؟؟
أم راشد : صح شـ تبي فيها ؟
سعود ناظرهم وقال : شـ عليكم .. زوجتي وآبيها .. بعد فيها شـ تبي فيها ..
جت هديل وكانت لابسه عباتها ولثمتها منزلتها لـ تحت .. قال : يلا مشينا ومسك إيدها ..
أم سعود : قِطع ماصدقت ينادينها ..
أم راشد : وكأنها تدورها من زمان ..
سعود ضحك عليهم .. هديل وجهها الوآن ..
البنات أنواع الخجل ..
أم سعود : أبوي سعود تاخذني معاك ..!
أم راشد : العنود أـنا من زمان مازرتكم .. بـ آجي معاك ..
سعود ضحك من قلب وقال : كل وحدهـ ولها زوج يشيلها معاهـ .. باي .. وطلعوا..
ام سعود : مالت علينا ما احد يبينا ..
أم راشد : مالك إلا ناصر وأـنا فهد ..
ضحكوا عليهم البنات ..
أم سعود : شوفي النذلات وكأنهم ماصدقوا خبر ..
وسن وإهي تضحك : أجل تبين تحشرين نفسك بين زوج وزوجته .. شـ تبين فيهم ؟
أم سعود ضحكت وقالت : آبي أعرف شـ يبي فيها ..!!
وسن : صدقيني إنك عارفه ومتأكدهـ شـ يبي فيها ..
أم راشد ضحكت وطقت رجل إختها وقالت : وسن من قبل لسانها طوويل
بهـ الأمور وذا الحين منو بيمسكها بعد ماجربت ..
ضحكوا الحريم ..
وتين وإهي تغطي وجهها : يـ الله ماعندكم تشفير كلش ..!!
ضحكوا ..
أم سعود : كلها يومين ومجربه إن شاء الله ..
وتين تقرفت وقالت بصوت خفيف : الله لايقوله ..
تكلمت معاها وسن بـ صوت خفيف عشان لا أحد يسمع : صدقيني إذا حب مستحيل تمنعينه حتى إذا إنتي كارهه . .
وتين : مستحيل .. وكل شيء بيصير له حدود ..
وسن : بكرهـ تشوفين ..
أم سعود : شـ تقولون ؟؟
وسن : أبد أقولها عن ليلة زواجي ..
أم سعود إنبسطت قالت : حبيبتي وسن قولي لنا ..
وسن : شـ أقول ؟
أم سعود : إللي قلتيه لـ وتين عن ليلة زواجك .. شـ صار ..؟؟
وسن : يعني إنتي صدقتي ممكن أتكلم فـ الشيء هذا ..
هنادي : هههههههههههههههههههههههههههه ... لقطي لقطي خاله ..
كلهم : ههههههههههههههههههههههههههههههههههه
أم سعود : طيب ياوسينوهـ ..
وسن : هههههههههههههههههههههههه .. حلوهـ وسينوهـ هذي ..

إضافة رد
وردة الشرق 06:37 PM 15-05-11
دق موبايلها ..

قدر عمري وأـنا والله رضيتك
تذوبني أـحبك ' أـحبك من لسانك
أـنا فـ القلب ياقلبي نسيتك
وفوق الناس أـنا عليت شانك
أـنا لا ضاقت الدنيا ولقيتك
يهون الكل ياروحي عشانك .. 'إحترت أسميك' يتصل
تلونت خدودها لإنها مسجت له مسج واكيد أثر عليه وإتصل فيها .. وردت والكل يصارخ : آلوو ..
راكان : فديت الآآآلوووو .. أـنا أنتظرك بـ السيارهـ ..
وسن : ليش ؟
راكان : وسن إطلعي قبل أدخل واشيلك من عندهم ..
قامت وقالت : ثواني بس حُبي .. وقفلت .. طلعت من عندهم والحريم يتسألون .. لبست عباتها ورجعت لهم وقالت : نتقابل بـ الليل إن شاء الله .. باااااااااااااي .. وطلعت ..
حصلته واقف مع تركي .. وفاتح الباب لها .. ركبت .. وسكر الباب لها وركب مكانه وباس إيدها وقال : أشتقت لك .. من بعد صلاة الظهر ماشفتك ..
وسن وإهي تضحك : إنت كذا حالتك صعبه .. يبي لك صورهـ من صوري تكون على طوول معاك عشان كل ما أشتقت تناظرهـا ..
ضحك وقال : الصورهـ ماتغني عن الأصل .. وغمز لها ..
تلونت خدودها من تحت اللثمه وقالت بكل برأهـ : الجو حااار ..
ضحك من قلب وقال : والله أـنا إللي جوي حاااار وضغط على إيدها .. شافها تبعد نظرها عنه .. يعني خجلانه واهو محذرها من الشيء هذا .. فتح شباكه وقال يتكلم مع تركي : يـ الأخو ..!
تركي ناظرهـ وقال : هلا ..
راكان : ماعندكم غرفه زود كذا وإلا كذا ؟؟
تركي مافهم بـ الأول قال : ليش ؟
راكان : صعب علينا نتحمل ليما نوصل البيت ..
بدر كان لسا طالع ورا تركي ..
تركي هنا فهم وإنفقع ضحك .. وسن وجهها الوآن..
بدر واهو يضحك : السيارهـ يمدحونها وغمز له ..
وسن خلاااااااص ..
راكان وتركي : ههههههههههههههههههههههههههههههههههههههههههههههه
راكان واهو يضحك : والله شكلك مجرب ..
بدر واهو يضحك : ماعندي مانع فـ اي مكان ..
راكان واهو يضحك : يارجُل على طوول تعجبني ..
تركي : أكيد عشانه من طختك ..
راكان ضحك وقال : لا والله لإنو كلامه من قلبه على طوول ..
بدر : ياحياتي .. ترا تحمسني أكثر وادخل على الحريم ..
هنا ضحكوا من قلب ووسن ماسكه نفسها غصب .. وراكان دواهـ عندها ..
راكان واهو يناظر وسن قال للشباب : لو ماشي من شوي ولا عطيتكم وجه كان انهينا أمورنا ..
بدر وتركي : هههههههههههههههههههههههههههههه
راكان ضحك وقال : باي ..
بدر وتركي : باي ..
مشى من عندهم واهو يضحك على وسن إللي واضح عليها الخجل ..
تركي يشوفه واهو يطلع من الحوش كله ..
بدر : شكله مبسوط معاها ..
تركي : شلون ماينبسط وهذي حلمه من كان صغير .. ربي يسعدهـ أكثر ..
بدر : الجميع يارب ..
ودخلوا للرياجيل ..

مرت اليومين خفيفه عليهم .. وحمد ماشافوهـ وحسبالهم إنو عند صاحبه من جد .. وكل ما إتصلوا فيه .. مغلق وإلا مايرد .. وقدروا وضعه .. اكيد صاحبه متأثر كثير ..
اليوم الثالث .. دخل للمستشفى وتوجه لـ غرفة الدكتورهـ وقالت إنها كاتبه لها خروج .. انهى الأوراق وطلع لـ جناحها وحصل العائله عندها .. دخل وتفاجأ من وجودهم وبخاطرهـ " أـنا ناقص " سلم عليهم ..
وقال : خلود بسرعه جهزي حالك عشان تطلعين لإنو عندي مشوار ضروري ..
{ كان بيطلع وتراجع وكمل } أـنا طالع أنهي الأوراق .. وطلع قبل لا يسمع من أحد كلمه .. واهو كذااااب ناهي الأوراق وخالص .. بس ماييببي يجلس مع أحد .. جت لها الممرضه وشالت المغذي .. ونزلت من السرير ولبست عباتها .. خمس دقايق إلا حمد داخل وقال : يلا نطلع .. ومشى قبلها ..
أم راشد تناظر أم سعود .. وكل وحدهـ تتسأل بـ نظراتها ..
خلود مشت بسرعه عشان تلحق فيه .. قبل لا تجي أمها وإلا وحدهـ من خالاتها وتسألها وإهي ماتدري شـ السالفه .. ركبت معاهـ .. والسيارهـ هدوء يقتل .. كان سي دي سعد الفهد شغال بـ السيارهـ وكانت الأغنيه بـ النص ..
الحمد لله نية الغدر بانت
أشكرك يـ الجاحد على أغلى هديه
وابشر بـ صبري وعزةٍ ماتهاوت
ونفسي بـ رغم الجرح ماهي دنيه ..
خلود الكلمات مثل السكاكين بـ داخلها .. صرخت فيه وقالت : إذا في غدار وخاين وجاحد وشكاك فـ اهو إنت ..
ناظرها بـ طرف عينه وقال : أتوقع لو بـ أكتب شيء { كمل بـ إحتقار } وفيك إنتي .. فـ بكتب شيء أقوى من كذا .. { كيف تفكر هذي .. حسبالها الأغنيه إهدأ لها .. والله حاله } سكتت لإنو كلمات الأغنيه تتكمل .. وإهي مقهورهـ منه .. مايفهم عليها ..
دخلوا للحوش ووقف السيارهـ ونزلت ودخلت على طوول لـ جناحها ..
ناظر تصرفاتها وحرك راسه بـ عدم رضى ورقى للدورالثاني .. دخل عليها وكانت جالسه على الكنبه .. شافته ..
حمد من غير مقدمات : هذا دواك .. { ونزله على الطاوله } وبكل حزهـ أـنا إللي
بـ اجي اعطيك إياهـ ..
عصبت وقالت : بزر عندك ؟؟
حمد : والله بعد تصرفاتك إللي شفتها أتأكد إنو مافي عقل تفكيرين فيه ..
كلامه قوي عليها قالت : ما آبي منك شيء .. بس إطلع ..
حمد : ماسألتك إذا تبين شيء وإلا لا .. وكلها ليما ينتهي دواك وعلى بيت أهلك نفس ماطلعتي من عندهم ترجعين لهم .. { كمل واهو يشوف الصدمه تأثر عليها }
بـ اشوف حياتي من غير لا احد ينكد علينا .. وطلع من عندها ..
بكت وتكلمت بصوت عالي من بين بكاها : ما آبي أحد منكم .. إن شاء الله اموت وارتاح .. وعشان ترتاح إنت مني .. ويرتاح الكل ..
كان واقف برا جناحها ويسمع كلامها القوي .. سكر عيونه ورجع راسه لـ ورا وسندهـ على الجدار .. تدعي على حالها بـ الموت .. إن شاء الله أـنا قبلك .. دخل
لـ جناحه .. يلملم جروحه .. يهدي عذابه .. يشيل هم فوق هم ..

يوم 4 من شهر 10 زواج وتين وتركي .. ولا كأنها عروس ومهتمه .. جالسه
بـ كشختها وتقلب بـ موبايلها بكل برود .. إنزفت وإنزف تركي عليها .. ونظراتهم لـ بعض كأنهم عشاق مو يكرهون بعض .. بس هذا عند الناس .. طلعوا لـ جناحهم . . دخلوا .. فسخت عباتها وجلست رجل على رجل .. ناظرها من فوق لـ تحت وتبسم بـ طنازهـ وقال : حرام عليك الفستان الأبيض ..
وقفت بكل برود وقالت بنفس نبرته : لا تتوقع بـ اسكت لك .. حرام عليك الشوارب إللي تفاخر فيها ..
كلمتها قويه عليه كونه رجُل .. ماوعت إلا الكف على وجهها .. تكلم بكل عصبيه : إنتي ذا الحين على ذمتي .. واسوي فيك إللي آبي .. يعني لسانك إللي طلعتي فيه من بيت أبوك .. تأكدي إنو بيتعدل ..
إيدها كانت على خدها .. كفه قوي .. عُمرها مانطقت يجي لها قالت بكل برود عكس إللي داخلها : تأكد بـ تندم على حركتك هذي .. ومرت من عندهـ للغرفه ..
مسكها من إيدها بـ قوهـ ولفها بسرعه وكأنها ورقه تتحرك بسرعه من قوة الهوا .. قال : وإللي خلقني ما احد يمنعني عن إللي بـ اسويه فيك .. وبلا حركات بزارين لإنها ماتمشي معاي ودزها ..
ناظرته من فوق لـ تحت ودخلت للغرفه .. جلس شوي يخفف عصبيته .. مر عليه ربع ساعه دخل وحصلها مبدله ملابسها ولابسه بيجاما نوم ناعمه مرهـ .. وإهي ولا إهتمت فيه .. تبكي من داخلها .. لكن بُعدهـ تطلع ضعفها عندهـ .. بدل ملابسه وتمدد على السرير .. شافها بـ تطلع من الغرفه وقفها صوته القوي : ويييييييين ؟؟
مالفت له وقالت : بنام بـ الصاله ..
تركي : إنثبري هنا وعلى السرير ..
لفت بقوهـ وقالت : خييييييييير .. ؟؟؟ ترا ماسمعت !!
تركي : عادي أجي واسمعك عدل .. نامي على السرير وإرتاحي لو إنتي أخر وحدهـ بـ الكون مافكرت فيك ..
رفعت حاجب وإهي تعاند أكثر قالت : ولو إنت أخر رجُل وتتمنى الشيء هذا مني ماعطيتك ..
ناظرها وقال : اوكي نشوف .. { وصرخ } تعاااااااااااااااالي ..
جت له تمشي وتمددت على طرف السرير وشوي وتطيح .. ماهي مرتاحه في هذا .. جلست ودروت لها مخدهـ صغيرهـ وحصلت على السرير .. خذت مخدتين صغيرهـ .. وحدهـ حطتها بين ركبها " تكون بين إرجولها " والثانيه على صدرها ..
كان متمدد على ظهرهـ .. أول مرهـ أحد يشاركه نومه بـ السرير .. بـ العادهـ بـ الإستراحه يكون اهو والشباب بجنب بعض عادي .. لكن بنت أول مرهـ .. ريحة عطرها تجنن .. شافها تحط المخدهـ بين ركبها قال : خير إن شاء الله ..؟؟
وتين مستحيل تنام مع أحد بـ سرير واحد عدأ وسن .. ماتتخيل مع تركي .. وإهي فعلاً ذا الحين بجنب تركي .. وريحة عطرهـ بتذبحها زود قالت : مضيع شيء ؟
تركي : شـ إللي تسوينه ؟؟
وتين : ما اعرف أـنام إلا مسويه كذا عندك مانع ..
حركتها جننته .. هذي كيف تبيني أتحمل بعد هذا .. ! لف عنها وقال : إنثبري وبلا إزعاج وحركه مالها داعي ..
وتين : ما أعرف أـنام ومعاي أحد بـ السرير ..
تركي يضغط على حاله : إسم الله عليك .. إخلصي وبس نامي ..
وتين : ياربي ما أعرف .. ما اذكر إني نمت مع أحد بـ سرير واحد .. { إهي على إنها تكلم حالها } إلا نمت مرهـ مع ....
جلس تركي على طوول وقال : منو ؟؟؟
وتين : في بيت خالي سُلطان ..
تركي وصل حدهـ : خير إن شاء الله .. ومع منو إن شاء الله ..
وتين : ياربي مع وسن ..
تركي : إنثبري لا اسكر فمك غصب ..
وتين سكتت .. واهو تغطى كله وحاول ينام لكن يعرف حاله النوم بعيد عنه ..
وتين تكلمت : هيه إنت ريحة عطرك تقرفني ..
تركي من تحت الغطا .. هذي ماهي ناويه تعديها على خير : ما احد قال لك تنفسيها .. سكتت .. واهو سكت .. وإهي تفكر راحت فـ سابع نومه .. حس إنها نامت .. رفع الغطا عنه وشافها نايمه .. ناظرها ولف عنها ونام اهو وفي باله الف فكرهـ وفكرهـ .. ونام بعد الأفكار إللي اتعبته ..

اليوم الثاني على الساعه 10 كان حمد عند خلود ويشوفها وإهي تاخذ دواها .. وإهي متنرفزهـ من حركاته .. مايتكلم .. بس يوقف يشوفها لما تاخذهـ ثم يطلع من غير كلام .. وبرودهـ ذبحها .. ناظرت الأدويه مابقى فيها كثير .. يعني بـ الكثير يومين وتكون فـ بيت أهلها .. نزلت دموعها .. ناظرها لما خذت الدوا الأخير وشاف دموعها وتجاهل دموعها واهو يتعذب وطلع من عندها بكل هدوء نفس مادخل طلع .. كمل طريقه طالع من البيت للشركه ..

صحى تركي وكانت وتين ماهي موجودهـ بـ جنبه .. ناظر الغرفه ماهي فيه .. ! هذي وين .. أـنا ناقص جنونها بعد ..؟
دخل للحمام خذا له شاور وطلع يلبس وحط له عطر وكثير .. بس لعانه فيها لإنها ماتحب ريحته ..
حصلها جالسه بـ الصاله تتابع التي في ولا كأنها عروس .. البنت لابسه بنطلون جينز وبدي أبيض وشعرها جامعته على فوق .. ومكشخه وجهها نفس كل مرهـ .. ناظرته من فوق لـ تحت ورجعت تناظر التي في ..
تركي من غير نفس : هيه إنتي .. جالسه .. قومي جهزي أغراضك ورانا سفر ..
وتين أكرهـ شيء عليها كلمته لها هيه إنتي قالت وإهي تتأفف : ومنو قال بـ أسافر معاك ..
تركي هنا ضحك وقال : ماهو على كيفك .. إنتي جالسه وأـنا الرجُل المعرس مسافر بروحي .. إسمعي لو مو جدي إللي حالف أطلع شهر عسل وإلا مافكرت .. أساساً لولا الله ثم جدي كان خذيتك من بيت أهلك كذا .. من غير زواج ..
قامت وإهي تتخصر بـ إيدها : وليش إن شاء الله .. ناقصه إيد وإلا رجل ..!!
تركي إلا يكرهها فيه قال : الله يسلمك الزواج للبنات البنات صح .. مو إنتي ..
ناظرته بـ حقد قالت : أساساً إنت ميت علي ..
تركي هنا إنفقع ضحك عكس إللي داخله من قهر .. مايرضى أحد يقول إنو ميت عليها .. قال واهو يكمل ضحكه : قلو البنات لما أموت عليك ..{ كمل بـ صراخ } يلااا .. شيلي أغراضك ..
مرت من عندهـ وإهي مسكرهـ خشمها من ريحة عطرهـ .. أساساً ريحة عطرهـ قويه وتجنن لكن إهي إلا ترفع ضغطه ..
طنش حركتها وجلس على التي في ..
دخلت وإهي مقهورهـ .. من أمس بـ اللييل واهو يهين فيها على كيفه .. ويكفي الكف إللي على خدها .. مسكت خدها .. ظالم .. حقير .. دمعت عيونها لكن مسرع ماقوت حالها .. ولسا قدامك المشوار طويل ياتركي .. شالت أغراضها بـ سرعه وطلعت وإهي لابسه عباتها ولثمتها ..
تركي : ما شاء الله شهـ السرعه ..؟؟
وتين : إخلص علي ..
تركي قرب لها وقال : إنسي إنك بـ الخارج تتمشين .. وإلا تحلمين إني أطلعك من الفندق ..
وتين ضحكت عشان تقهرهـ وقالت : وإنسى إني أقابل وجهك هناك .. يعني من ذا الحين خذ إحتياطك غرفتين ..
تركي واهو يمشي من عندها : ريحتي كثير .. ودخل للغرفه ..
إنقهرت منه ..

ديما : يُمه ما آبي ..
الماسه : ليش يُمه ؟؟
ديما : إنتي تعرفين خالاته وأمه ..!
الماسه : شوفي وسن هذي إهي خذت راكان والحمدلله عايشين مبسوطين .. إنتي
شـ عليك من خالاته وأمه إذا إنتم متفاهمين .. والولد شـ حلاته .. ونفس راكان .. وتارك بنات خالاته وجاي لك إنتي مخصوص .. يعني خالاته وأمه مالهم تأثير عليه ..
ديما : ما ادري ..
أمها : شلون ماتدرين ..!!
ديما : اهو مافي شيء .. والنعم فيه .. لكن أخاف من أمه وخالاته ..
أمها : لا تشيلين هم أمه وخالاته ..
ديما : بكيفك ..
أمها وإهي تتبسم : يعني موافقه ؟؟
ديما تبسمت لـ أمها وقالت : إللي تبينه ..
أمها باستها على خدها وقالت : ألف مبروك يُمه .. وربي يوفقك ..
ديما بخجل : يبارك فيك ..

باركوا لـ زياد إللي مبسوط عشان ديما وافقت .. وحددوا الملكه بعد أسبوعين .. على مايجهزون .. والزواج بـ عيد الأضحى ..

عزام جالس بـ الإستراحه بروحه ..
دخلوا الشباب كلهم مرهـ وحدهـ بعد صلاة الظهر ..
بدر واهو يجلس : شـ عندهـ مطيح هنا أبو الشباب .؟؟
عزام : حاتم بـ اللعب معاك ..
حاتم أول ماجلس على البلايستيشن وأكيد يعلب كورهـ .. قال : يلا خذ ورمىى الإيد له ..
عزام خذاها ..
فواز : عزام يلعب كورهـ ومع حاتم ..
ياسر : يارجُل إعترف من ذا الحين إنك مو قد حاتم ..
عزام : اعرف .. لكن بـ اضيع وقت ..
حاتم ضحك وقال : إذا بتضيع وقت ضيعه فـ بيتك مو مع حاتم ..
عزام : البيت ما اقدر ادخله ..
سكتوا من جديته بـ الموضوع ..
خالد : ليش ..؟؟
عزام : المدام وإهي حامل مسكت علي ... ماهي طايقه شيء مني ..
كلهم : هههههههههههههههههههههههههههههههههههههههههههههههههه هه
بدر : حلووووووووووووهـ .. ههههههههههههههههههههههههههههههههههه
عزام : تضحكون ..!! وربي أتكلم من جد .. بـ الأول شوي .. لكن ذا الحين إزداد ..
حاتم واهو ماسك ضحكته : وتاركها بـ روحها ..
عزام : أكيد لا .. عندها عمي فهد وعمتي الماسه .. { تكلم بـ إستهبال شوي } هههه .. مكست علي وعلى وحدهـ من خدامات عمي ..
هنا الشباب : هههههههههههههههههههههههههههههههههههههههههههههههههه ه
راكان : ياحلو شكلك وإهي مسكرهـ خشمها وتقول عزام إبعد ,, ريحتك معفنه ..
الشباب : ههههههههههههههههههههههه
عزام : وربي هذا إللي صاير ..
حاتم : طيب خلها تروح فـ بيت أهلها لـ وقت ماتنتهي من هذا وخلاص ..
عزام : أهلها عندها عشان ياخذونها ..
بدر ووسام وياسر ماهم قادرين يمسكون نفسهم : ههههههههههههههههههههههههههههه
عزام : إضحكوا .. وتجربون بعدين .. { تكلم بقهر } أـنا قايل لها مانبي ذا الحين .. لكن إهي الله يخليها لي .. خلوهـ يطلع ويشووف شغله عدل .. من ذا الحين تحكم ..
الشباب : هههههههههههههههههههههههههههههههههههههه
حاتم : فترهـ وتعدي .. خلاص عاد ..
حمد : يارجُل إحمد ربك إنها بـ عافيه ..
عزام : من جد الحمدلله ..
فواز : يابعد عُمري يابنت إختي .. هذي إللي ترفع الراس صح .. اعجبتني صراحه ..
عزام : إيوا .. إنت محصل دارين مامنها خوف ...
فواز : إسم الله علينا لاتحط عيونك علينا .. ثم تمسك مع إختك عاد إهي على الريحه ..
ضحكوا ..
عزام يرفع إيدينه ويدعي : ياربي من ضحك علي تبليه ..
خالد واهو يضحك : إحنا خلصنا من هـ السوالف ولا صار شيء ..
فارس : أـنا نفس الشيء ..
سعود : الحمدلله الشر برا وبعيد ..
فيصل : خلصنا ..
بدر : إحنا دلع مو وععع قرف وما ادري إيه ..
رااكان : إحنا لسا بكير علينا نيهاهاهاهاها ..
ضحكوا عليه ..

ديما وإهي جالسه مع وسن ..
وسن : ياعُمري إنتي .. زياد غير .. وبعدين لاتخافين منهم ..
ديما : ما ادري ..
وسن : تدرين ..!
ديما : إيش ..
وسن : بـ اقول حق راكان يقول حق زياد يكلمك ..
ديما : لا أخاف ..
وسن : إجلسي بس .. كلها اسبوعين ومالكه عليه .. ودقت على راكان على طوول وديما تترجى فيها ..
راكان دق رقمه عندهم وكان منزله على الأرض شاف إسمها وتبسم ورد : هلا واللله .. وقسم بـ الله أشتقت لك ..
وسن تلونت خدودها وقالت : وأـنا أكثر ..
راكان واهو يتمدد قال بنبرهـ خقق : صحيح ..!!
وسن بدلع : إيوا ..
راكان : فديت الإيووووا هذي إللي من فمك كأنها أحبك ..
الشباب يناظرونه .. بدر خاق مع رااكان ..
وراكان ولا كأن أحد عندهـ ..
حاتم واهو يلعب وعارف إنها وسن : يـ الأخو .. ترا إختي ماهي فيلم يطقطقون عليه الشباب بـ السمع .. تبي تكلمها برا .. { أموت على غيرته }
اخوان وسن صعب عليهم يسمعون أحد يكلم إختهم بـ الأسلوب هذا .. حتى إذا زوجها .. إهم مابعد تأقلموا مع سالفة زواجها .. وراكان من النوع إللي جرأته قويه .. ولا يراعي شعور أحد .. ومع هذا يضغطون على حالهم .. يبون واحد نفسهم .. مشاعرهـ تكون له ولها وبس .. ماتطلع للي برا والكل يعرف عنها .. وسام ساكت وخالد نفس الشيء .. صحيح زوجها ويحق له يسوي إللي يبي .. لكن اهم مايبون قبال الكل وسواليف قويه ولا كأن أحد موجود .. صعب عليهم يتقبلون .. { عندهم الغيرهـ بـ جنون }
راكان ناظرهـ وقال : ياليل إحنا مانفتك منك لا قبل الزواج ولا بعدهـ .. يارجُل زوجتي ..
حاتم : ماقلنا شيء زوجتك صح .. لكن كل شيء وله خصوصيه ..
وسن تسمع النقاش إللي بينهم ..
خالد جا له تليفون وطلع ..
حمد يسمع لـ كلام راكان مع وسن .. ويتسأل بـ خاطرهـ .. لو علاقته بـ خلود أفضل من كذا .. ممكن يكون بينهم كلام مثل هذا !! .. ممكن يتكلم نفس راكان بـ جرأهـ ..!
راكان : خلاص بـ أطلع بلا نظراتك هذي ..
فواز : راكان ترا حاتم معاهـ حق ..
رااكان : حق فـ إيش ؟؟
عزام : أجل اشوفك تكلم إختي وبكل حريه وعند الشباب معصي ..
رااكان ماهو عاجبه الكلام وطلع من عندهم عشان ياخذون راحتهم بـ الكلام ..
وسن : سوري إتصلت فيك وإنت عندهم ..
رااكاان واهو متضايق شوي : ماعليك متخلفين ..
وسن سكتت ,, ماتوقعت الشيء هذا من راكان ..
رااكان : شـ فيك ..؟
وسن : ما ارضى تقول على إخواني متخلفين ..
رااكان عارف إنها تموت على إخوانها قال : سوري ياعمري .. بس من جد تنرفزت منهم ..
وسن : وإذا .. إخواني ماتعودوا على جرأتك ..
رااكان : اكثر ناس متعودين إهم الشباب إللي عندي ..
وسن : إيوا بـ الإستهبال مو الجد .. يعني صعب عليهم يشوفوونك تكلمي كذا وعند الشباب .. بـ الله عليك حاتم .. سبق وحاسبك لما نكون إحنا سوأ من غير الشباب ليش تتكلم مع وسن كذا ..؟؟!
رااكان : لا ..
وسن : حُبي إهم بس عشان الشباب موجودين ..
رااكان : طيب إتركينا من هذيل كلهم .. وينك إنتي ؟؟
وسن : بـ البيت ..
رااكان واهو يتبسم بـ وناسه : حلو ..
وسن ضحكت وقالت : لا تجي ... لإنو ديما عندي ..
راكان : ياقلبي عادي .. ديما زوجة إخوي .. يعني عادي بكرهـ تتعود علي ..
وسن ضحكت وقالت : بُعدك ..
راكان : وسن بلا ضحكتك هذي واـنا بعيد عنك ..
وسن مسكت نفسها لإنها تعرف إذا وصل حدهـ وحتى إذا عندها أحد مستحيل يسمع كلامها وبيجي لها غصب قالت بـ رقه : حبيبي ..!
راكان ذاب وقال : دنيته كلها ..
وسن تبسمت وقالت : آممم ''
رااكان : شـ فيها دنيتي مترددهـ ..!
وسن ماتدري كيف تتكلم قالت : بـ أتكلم بـ صراحه ..
راكان : عيوني .. قولي كل إللي عندك ..
وسن : زياد ..!
راكان عقد حواجبه قال : شـ فيه ؟؟
وسن : نفسك يعني بـ مثل هـ الأمور ؟؟
رااكان مافهم عليها قال : اي أمور ؟؟
وسن : يعني إللي قبل الزواج ..؟؟
رااكان راح فكرهـ بعيد توقع سواليف البنات قال : وسن شـ قصدك ؟؟
وسن : أقصد يعني نفسك لما كنت تكلمني من قبل ..!!
رااكان إللي فهم وقال : عادي .. ليش ؟؟
وسن : ديما حدها خايفه ..
راكان : من إيش ؟؟

إضافة رد
وردة الشرق 06:39 PM 15-05-11
وسن سكتت ..
راكان : حُبي .. تكلمي عادي ..
وسن : يعني .. تعرف خالاتك مخوفين بنات العائله من الكلام إللي يقولوهـ لي .. وعشان هيك إهي خايفه .. إنهم ...
رااكان فهم وقال : حياتي .. عادي إذا بـ تستقبل إتصال من زياد وإلا لا ..؟؟
وسن وإهي مبسوطه : يسلم لي إللي فكر .. أـنا اقول من زمان أـنا وإنت روحنا وحدهـ وكل يوم أتأكد من الشيء هذا ..
ضحك من قلب وقال : شوي شوي علينا .. لانتهور وندخل عليك وديما عندك ..
ضحكت وقالت : خلاص حُبي .. هذا إللي كنت بـ اقوله لك ..
راكان : اوكي بـ اشوف زياد وارجع لك ..
وسن : اوكي حُبي .. باي ..
راكان : بايات ..
وقفل وإتصل فـ زياد إللي ماصدق خبر وطلب رقمها .. وقال راكان لـ وسن تدز رقم ديما لـ زياد ودزته له .. وبعد عشر دقايق إتصل فيها .. ^_^

روزان وإهي تشوف أمها وابوها داخلين للبيت ومعاهم ريم وأغراضها تشيلها الخدامه وشكلها تعبانه .. خاففت وقالت وعيونها مدمعه : شـ فيها ؟
أمها : حبيبتي لا تخافي .. تعبانه عشان الحمال وبس ..
سلمت عليها ريم .. وطلعت لـ غرفتها تنام ..
إتصل عزام فـ عمته الماسه وقالت له إنها نامت .. وقفل واهو مرتاح إنها نامت .. من قبل ماكانت ترتاح بـ النومه فـ بيتهم ..

دخل حمد لـ بيته .. ودخل لـ جناح خلود .. شافها متممدهـ ووجها شاحب .. واضح التعب عليها .. ومايدري إذا تعب جسدي وإلا نفسي .. " ليت الراحه بـ إيدي وربي ما أبخل فيها عليك يانظر عيني " دق الباب واهو واقف عليه .. مايبي ينطق إسمها .. يتعذب مع كل حرف يطلعه ..
فتحت عيونها وجلست على حيلها .. ماعاد فيها رووح .. خذت دواها وفتحت الموي إللي بجنبها وخذت دواها ورجعت الموي مكانه .. وقف ناظرها شوي .. مايهون عليه يشوفها تتعذب .. يبي يعرف شنو إللي معذبها .. حتى إذا حُبها لـ شخص ثاني مستعد يجمعها فيه .. متأكد إنو وقتها راح يموت .. لكن المهم عندهـ إهي ترتاح من إللي عايشته .. مجرب وعايش عذاب إللي يحب من طرف واحد .. ولا يبيها تتعذب نفس عذابه .. ممكن يتحمل .. لكن إهي مافيها تتحمل .. حست بـ وجودهـ وإهي تناظر للمكان إللي قبالها .. حس فيها بتتكلم واهو مايبي الشيء هذا .. مشى .. نادت عليه بصوت مخنوق تعبان : حـ .. حمـــد .. حمد .. مارد عليها ..

أقسم بـ من خلقني و خلقك ..
تجاهلي .. لوجودك
يقتلني !

كمل طريقه وإللي بداخله كله ينبض آلم وهم .. بداخله يقول " عونك ياروح حمد .. لكن مايبي يتعذب أكثر ويعذبها معاهـ .. بكرهـ وتصير فـ بيت أهلها .. وترتاح منه .. واهو يكمل عذابه بروحه .. تعود .. يكون شايل لـ كل شيء بـ روحه .. عذابه ' همه ' جروحه ' حُبه ' تحطيمه ' إنكسارهـ .. كلها اهو إللي يشيلها ولا احد عرف عنها .. بيكمل حياته بـ الإسم بعدها .. إسم إنو عايش بهـ الدنيا .. مافيه روح بعدها .. القلب ينبض له جروح وهم وعذاب .. "

طبعاً راكان قاله إنها خايفه ولازم يضبط أمورهـ . .
دق موبايل ديما وكان رقم غريب ناظرته وإهي خايفه وقالت : وسن منو ؟؟
وسن وإهي تضحك وتقوم من عندها : ردي بس .. بلا دلع .. وطلعت من عندها ..
ديما تناظر الموبايل يدق بـ إيدها ردت على أخر شيء وبصوت خايف على خجلان : آلوو ..
زياد خفق قلبه من صوتها قال : السلام عليكم ''
ديما ذابت على رزانته ردت بـ نفس الخجل : وعليكم السلام ..
زياد : كيفك ؟؟
ديما : تمام .. { سكتت ثواني وتكلمت } وإنت ؟
زياد إنبسط إنها سألت عنه قال : دوم يارب .. أـنا تمام والحمدلله ..
ديما سكتت ماتدري شـ تقول .. تقول دوم .. وإلا يسلمو ..
زياد مايعرف كيف يبدأ .. وتحسب على إبليس راكان بينه وبين نفسه .. أقول له .. شـ اقول .. يقول بيطلع الكلام معاك .. حسباله متمرس نفسه ويا البنات .. طيب ياراكان .. !! قال لما طول السكوت بـ رقه : خايفه ؟؟
ديما سكتت ..
زياد بحنان : تكلمي عادي ..
ديما إنهبلت على حنانه قالت بـ تردد : إيوا ..
زياد سكت ثواني وقال : آبي تكوني صريحه معاي .. مثل ما أـنا صريح معاك .. من إيش ؟؟
ديما إبتلشت ماتدري شـ تقول ..
زياد عارف إنها صعب تتكلم من غير الحاح .. قال : إحنا كلها إن شاء الله أسبوع وكم يوم بـ الكثير إن شاء الله وتكوني زوجتي .. تكلمي ولا تخافي من شيء ..
ديما وجهها الوآن قالت والخجل بيموتها : مـ.. من كل شيء ..
زياد : كل شيء .. حددي .. ديما
قلبها نبض بقوهـ .. شـ حلاة إسمها من نطقه ..
زياد يكمل : تكلمي ياروحي .. أـنا آبي الصراحه منك ..
ديما هذا ناوي عليها اليوم .. إهي بس من إسمها بـ فمه خقت مو عاد يقول ياروحي .. قالت وإهي تستجمع قوتها : خايفه لإنو بـ ابعد عن أمي وأبوي .. وبـ أروح للرياض .. ولا في احد أعرفه هناك من أهلي ..
شوي وينهبل . . من الإتصال كله ماسمع منها جمله كامله .. وذا الحين تكلمت بـ كل هذا .. ياروح زياد إنتي .. قال بـ رقه : وأـنا ؟؟
تلونت كلها .. ووقفت قبال التكيييف مع إنو الغرفه ثلج .. لكن كلمته حسستها
بـ الحر .. ماتكلمت ..
زياد كمل : أـنا وين بـ اكون من هذا كله ..؟
قالت بخجل على صوت واطي : إنت غير ..
داخله ماهو قلب .. صار دق طبوووول .. ما آلومك ياراكان لما تذوب ولا تحس
بـ إللي حولك .. قال بـ صوت يذوب : إنتي كل شيء بـ حياتي .. وأـنا كل شيء بـ حياتك .. وإذا على أهلك .. تأكدي إي وقت تحبين تروحين لهم مو مانعك أبد .. وإذا خوفك من السكن بـ الرياض .. أـنا اتوقع إنو خالاتيي الله يهديهم عاملين رُعب لكم كلكم ..
ماقدرت تمسك حالها وضحكت ..
سمع ضحكتها وذاب اكثر وضحك وقال : دوم هـ الضحكه ..
ديما بخجل : يسلمو ..
زياد ياربي على الناس الذوق كمل : لا تخافي من خالاتي بما إني معاك .. تأكدي مستحيل يصير لك شيء منهم وأـنا معاك بـ إذن الله ..
تبسمت بـ خجل وسكتت ..
زياد : باقي الخوف فيك ..؟
ديما بـ نفس وضعها : شوي ..
زياد : ما آبي الخوف يكون فيك واـنا موجود ..
ديما سكتت ..
زياد مايبي يطول معاها من الأول قال : أـنا بـ اقفل .. تبين شيء ؟؟
ديما كأنها تضايقت قالت : سلامتك ..
زياد : ربي يسلمك .. عادي أتصل من وقت لـ وقت ..؟؟
ديما هذا إللي تبيه قالت بـ خجل : عادي ..
زياد ذايب واهو ماشافها .. قال : أوكي حياتي إنتبهي لـ نفسك ..
ديما : أوكي ..
زياد : باي ...
ديما : باي .. وقفلت وخذت نفس .. المكالمه موترتها مرهـ .. يجنن .. تذكر شلكه من فترهـ شافته ومو مثبته ملامحه عدل ..
زياد قفل واهو واصل حدهـ .. وإتصل فـ راكان ..
راكان رد واهو يضحك : هههههههههه .. كيف الأوضاع ؟؟
زياد طلع تنهيدهـ : ياخذ بليسك بلشتني .. تقول السواليف تجي .. جلست ساكت ولا جت ..
راكان : ههههههههههههههههههههههههههههههههههههههههههه .. حلوهـ تجي .. خير تجلس ساكت .. حسبالك السالفه تجي تمشي ... إبدأ موضوع وبعدها تنفتح مواضيع أخرى ..
زياد : لا ياشيخ .. وليش ماقلت لي كذا من الأول .. مو ساكت فشلتني فـ البنت ..
راكان : ههههههههههههههههههههههههههههههههههههه .. أجل ماطلعت علي ..
زياد : يرحم والدينك إنت مافي بنت بـ السعوديه ماكلمتك .. إنت مشهووووووور وبقوووهـ .. تبيني أجي أـنا إللي مابعمر كلمت بنات بـ جنبك يـ المتمرس ..
راكان : ههههههههههههههههههههههههههههههههه .. حرام عليك .. في بنات ماطقطقت عليهم ..
زياد : وناوي بعد ؟؟
راكان : يرحم والدينك إللي عندي مغنيتني عن الدنيا بـ كبرها ..
زياد : إيوا خلك كذا ..
راكان ضحك وقال : ها .. شـ صار ؟؟ بشر .. إن شاء الله سدحتهم ؟؟
زياد : ياخي عليك اللفاظ ما ادري شـ تبي ..!! ماتعرف تختار شيء يعني يليق في وضعنا ورآقي .. { كمل بـ صراخ } قالوا لك متصل في وحدهـ اواعدها بـ الليل ..!!
ضحك راكان من قلب وقال : يارجُل هذي اللفاظي .. وبعدين ولا تزعل .. إن شاء الله سيحتها ..!
زياد : يعني أبد مافي فايدهـ .. من حلاة الأولى عشان تطين بـ الثانيه ..
ضحك عليه ..
زياد ضحك وقال : تمام .. كل شيء تمام ..
رااكان : الحمدلله .. طيب واعدتها ..؟؟
زياد نطت عيونه قال : خير .. ؟؟ تراها بنت عمتي .. ومستحيل اسويها معاها ومع غيرها ..
راكان : ههههههههههههههههههههههههههه .. يـ الخبل .. أقصد يعني إنك بـ تتصل فيها وقت ثاني ..
زياد : ياخي فهمني الفاظك وش تقصد فيها وأقول لك .. مو ترميها ولا أعرف عنها شيء ..
ضحك راكان ..
زياد : إيوا .. لكن ما راح أتصل فيها يومياً .. إهي كلها اسبوع وكم يوم وتصير زوجتي ..
راكان : ههههههههههههههه .. إذا قدرت لك إللي تبي يـ اخوي ..
زياد : ليييييش ؟
راكان : أبد ما راح تشوف نفسك الليله إلا وإنت متصل فيها .. ووقتها تذكرني ..
ضحك زياد .. ممكن يصير كذا .. وسولف شوي مع أخوهـ إللي يعكس بـ الكلام
بـ كيفه .. وقفلوا ..

الجــزء >> 32 <<

رجعوا وسن وراكان للرياض لإنو دوام راكان إبتدا وجدهـ مو تاركه ..

عند أم راكان .. كانت مجتمعه مع خواتها عند أهلها ..
منيرهـ وإهي حمقانه : شـ سالفتهم عيالك .. يعني العيب من بناتي ..
أم راكان : أـنا إللي قاهرني مادريت عنهم . .
وضحى : إذا من جد يبي رضاك .. خليه يسكنها معاك وفوق ..
أم راكان : هو عندهـ شقته فوق بيتي ..
منيرهـ : راكان وتزوج وبلعناها عشانك .. ويجي زياد يكمل .. هذا إللي مايُحتمل ..
هوازن : خاله إنتي من إللي يهمك أكثر زياد وإلا راكان ؟؟
منيرهـ : أكيد راكان .. لكن مهما كان إثنينهم عيال إختي ..
ميعاد : أدعوا لهم بـ التوفيق وبسسسس ..
وضحى : تكفين إسكتي عنا .. يـ إنك تجلسين وتسولفين معانا يـ إنك تسكتين ..
ميعاد وإهي توقف : أطلع لـ غرفتي بدل الجلسه معاكم والذنوب إللي تاخذونها ..
منيرهـ : شـ اسوي .. الحين بدل ما أفكر أقلع وحدهـ تدخل لنا ثانيه ..
وضحى : بنت الماسوهـ مامنها خووف ... الخوف من بنت سُلطان إللي كلامها أوامر .. هذا هو تارك العيد معانا ورايح يعيد عند أهلها .. وإتصال ماذكرنا إلا ثاني يوم ..
منيرهـ : ماهي بسيطه .. لكن ببدأ من الحين .. خلاص ما اقدر اتحمل ..
أم راكان : شـ بتسوين ..؟؟
منيرهـ : بعدين تعرفين ..
أم راكان : كوني حذرهـ .. ترا سُلطان وراها ..
وضحى ضحكت وقالت : لا تخافين على منيرهـ .. أتحدأ أحد يشك إنها ورا الموضوع ..
ضحكت أم راكان .. مهما كان .. أولادها ماتبيهم إلا عندها ... إهم صحيح ماسوو شيء يزعلها .. لكن أفكار خواتها خلتها تحقد على وسن إللي ماسووت لهم شيء على ديما إللي مابعد شرفت الرياض ..

على الساعه 9 بـ الليل .. كانوا بـ الإستراحه .. حمد ' وسام ' ياسر ' بدر ' حاتم .. الجلسه هاديه على غير العادهـ .. بدر وياسر ووسام يمسجون .. كل واحد لـ حبيبته .. ولا أحد عارف عن الثاني ..
حاتم جالس يقلب بـ موبايله ويغني بـ صوته الحلو .. والكلمات إللي تركتهم غصب يناظرونه ويسمعون له ..

أحتياجي لك سبب خوفي عليك
اتعبوني حيل وأتعبت السهر
كل هذا بُعد بس الله يهديك
لا تهل ولا تلوح ولا تمر
إنت مافكرت بـ إللي يحتريك
كيف يسلى عنك والحظه دهر
إنت بس إكذب علي وقلي آبيك
لا اعزم النجمات واهديلك قمر
آآهـ '' منك { واهو يأشر على قلبه وكمل بـ احلى صوت يسمعونه } .. و آهـ '' من هذي وذيك
خطوتي ودروبها شوك وجمر
كل ماجيت انتهي منك أبتديك
وين ماصديت لك وجهه وخبر
يـ المفارق وش بقى غير ارتجيك
دام باقي للرجا فيني عُمر
عاندتي عبرتـ(ن) عذرا تبيك
كيف ابجحدها وإهي ذنب وعذر
أعترف لك سالت البارح عليك
دمعةٍ في مفرق دروب السفر
وأعترف لك مالك بعُمري شريك
حتى أـنا مالي نصيب بهـ العُمر

ماحس على نفسه إلا يصفقون له ..
ناظرهم وقال واهو رافع حاجب : خير ؟؟
بدر : يـ الله على الإحسساس إللي عندك ..
وسام : عذااااااااااااااااااااااااب ..
حاتم : اـنا ؟
ياسر : إيوا إنت .. وليش يعني .. كل هـ الأغنيه ولا عندك إحساس ..!!
حاتم : عادي أغني .. وبعدين مو يعني إلا تكون كلماتها فيني ..
وسام : يـ الله منك ياحاتم .. لـ متى تخش وتضحك علينا .. قول وصرح لنا إنك تحب .. لكن منهي ..؟؟ منهي هذي إللي صاير بينكم كل هذا ؟؟
حاتم على طبيعته : ولا أحد .. أغنيه واعجبتني وغنيتها بيني وبين نفسي ..
حمد واهو غارق بـ كلماتها : عذااب من جدد ..
حاتم : أوكي يـ أبو عذاب سمعنا إنت شيء ..
حمد سكت شوي .. شـ اسمعكم .. كل أغاني الحزن والهم والعذاب ولاشيء عند إللي بـ داخلي .. مالقى نفسه إلا يغني هـ الكلمات .. وكأنه يحكي سالفته ..

شوفي غيري حتى لو قلبي يبيك
شوفي غيري أـنا ما أنفع معاك
إنتَ تلقى من يحب ويشتريك
وأـنا بـ القى من ينسيني غلاك
ياحرام الوقت ضيعته عليك
ياخساره القلب بـ إحساسه شراك
إنسى إني بـ يوم أـنا فكرت فيك
آآآآهـ ''
ذاك أول كنت أـنا أموت بـ هواك
خلني أنسى كل شييء حبيته فيك
آآآآهـ ''
وأنسى بعدك طيبتي وابدي جفاك
ياحسافة وقت ضيعته عليك
ياخسارهـ القلب بـ إحساسه شراك
ياخسارهـ القلب بـ إحساسه شراك

تأثر كثير بـ الكلمات وكأنها حالته من جد .. اداءه كان من قلب .. وإنعجبوا
بـ صوته والكلمات .. صفقوا له ..
واضح عليه العذاب بعد هـ الأغنيه .. " بكرهـ وراح تروح لـ أهلها .. وبيجلس كذا .. من غير خلود للأبد .. ردد بـ داخله .. كلمات الأغنيه من جديد وكأنه يستنزف جروحه من جديد وبكل قوهـ .. " ما كان حولهم .. إنشغل تفكيرهـ بـ عذابه إللي عايشه .. حاتم لف للشباب عشان لا يضغطون عليه زود وينفضح عندهـم .. حس فيه تعذب زود .. قال لـ بدر : يلا بدل التشرطات أطربنا إنت ..!
بدر : سوري .. صوتي مايسمعه إلا ريناد ..
وسام : مالت عليك وعليها ...
بدر وقف وقال : ومن قال .. يلا شبباب .. وراي مدام تأخرت عليها .. باي ..
إنشلغوا وسام وياسر بـ المسجات ..
وحاتم من وقت لـ وقت يناظر إللي جالس قباله مهموم .. مايبي يسأله عن شيء بما إنو ماتكلم من نفسه ..
وسام واهو يكتب بـ موبايله : حاتم متى راح تطلع للرياض ؟؟
حاتم : بكرهـ إن شاء الله .. بغيت شيء ؟؟
وسام : بس اسأل .. مابقى إلا أـنا فـ البيت ووليد ... وسن راحت وإنت بتروح ..
حاتم : صدقت يـ إللي تجلس بـ البيت .. كلش مطيح بـ الإستراحه .. وبعدين لاتهمل الدراسه .. تراها الجامعه وجامعة البترول والمعادن .. يعني ماهي لعب الثانوي ..
وسام : وربي عارف .. وكل الدكاترهـ عسل معاي ..
ياسر : اكيد بيشوفون شكلك بيكونون عسل معاك ..
حاتم : ههههههههههههههههههههههههههههه
وسام : ليش إن شاء الله .. بنت وأـنا ما ادري ..
ياسر : أقصد جمالك الذباح .. صراحه اتسأل كيف هـ الجمال على ولد .. ؟؟ سبحان الله .. ليش ماطلعت نفس حاتم صحيح إذا شفت بشرته وشفايفه قلت نسونجي ..
حاتم ناظرهـ ..
كمل بسرعه : بس يوضح عليه رجُل بـ معنى الكلمه .. ما أدري احس فيكم شيء
يـ أولاد خالي سُلطان .. عندكم الجمال بـ زيادهـ .. خالد حاتم وسام وليد و ...{ كان بيقول وسن .. من شافها بـ الفيلم لكن مسك نفسه غصب بعد ماشاف نظرات حاتم } كل واحد فيكم ما ادري كيف أشرح لك ..
حاتم : شكراً وصل كلامك ..
ياسر : إلعن أبو طيحت الوجه ..
وسام : ههههههههههههههههههههههه .. شوف حاتم لا تسولف عندهـ عن جمال عائلتنا .. ما ادري أحس يشتغل عندهـ غيرة الرجُل ..
ياسر: مايحتاج إهي شغاله على طوول ..
ضحك وسام ..
حاتم واهو يوقف : باي شباب .. وطلع ..
ياسر : ياخي إخوك هذا ما ادري كيف .. صصصصصصصصصعب مرهـ ..
وسام : هههههههههههههههه .. إلا أصعب من الصعب ..
ضحك ياسر ..

اليوم الثاني .. مشى رايح لـ جناحها .. سمع صوت الأغاني طالعه لـ برا ..
كأنه عرف الموسيقى .. ماخطر فـ باله إلا ..

جُملة أوجاعي على همي تصيح
لاتزيد الجرح فيني ،,
لو سمحت ..

خلود يرحم والدينك لا تزيديني أكثر واتراجع عن إللي راح اسويه ... ! خلود طالبك حسي فيني لو لحظه وحدهـ ..!! خلود ما آبـي غيرك بهـ الدنيا .. وإللي راح أسويه صعب علي .. الكل بيتحمل وينسى مع الوقت .. لكن أـنا لآ .. مستحيل أقدر أنسى .. ! عمرك يانظر عيني سمعتي أحد ينسى روحه .. !! تنهد من قلب واهو يمرر اصابيعه بـ شعرهـ .. مهما عمل مستحيل تحس فيه .. خلاص بيبدأ النهايه إللي من الأساس تكون من زمان .. دق باب الجناح ماحصل رد .. فتحه بكل هدوء .. الغرفه جوها حزين .. من الموسيقى والكلمات .. دخل لـ غرفة النوم وحصلها لامه حالها بـ السرير وإهي متمددهـ وحاضنه لها مخدهـ صغيرهـ وكل حزن الدنيا بـ وجهها .. شوي وينهبل منها .. شـ إللي يحزنها وإهي راح تروح لـ بيت أهلها ..
ناظرته لابس بنطلون جينز أسود وتي شيرت أسود .. وطالع على شكله خيال .. شعرهـ مرفوع على ورا .. ناظرته .. خلاص بما إنو جا لها ذا الحين .. أكيد أخر مرهـ تشوفه فيه .. حرام تنحرم منه .. حرام مايحس فيها ..
قال واهو حلو يطلع الكلام منه من إللي بداخله من عذاب : جهزتي حالك ؟؟
نبرته خفق لها قلبها .. تعشقه .. وليش نبرتك حزينه ياحبيب عمري .. ماردت عليه .. وكأن حزنها يزداد .. كيف بتتحمل العيشه بدونه .. كيف يجي له قلب ويقول لها روحي ..؟! كيف يتمشى ولا كأن بيفارق أحد ..
ناظرها .. يبي ينهي بـ شيء حلو .. بس إهي ما راح تعطيه فرصه ..
عرفت من نظرته إنو هـ اللحظه لحظة فُراق ..

الفُراق .. تشعر فيه إن الصدر ضاق
تنتهي بـ أخر طريق ,,
وماتلاقي لك ملاذ
ويبدأ فيك الإختناق ..
اهو ناقص عذاب وحزن .. تزيد الأغنيه والموسيقى .. عامله لها إعادهـ أكثر من مرهـ .. وإلا يمكن ناسخه الأغنيه بـ السي دي كله .. يناظرها وتناظرهـ .. أخر شيء لهم فـ بعض .. مالهم إلا هـ النظرات .. الهم واضح عليه .. مرر إيدهـ على رقبته من ورا ويبعد نظرهـ عنها بـ الغرفه .. تسحبت من السرير ونزلت .. وكانت لابسه بنطلون جينز وبدي أسود .. وشعرها تاركته على أكتافه نازل .. إثنينهم قبال بعض .. بينهم مسافه مو طويله .. تبادل النظرات .. ماهي قادرهـ تتحمل .. واهو نفس الشيء تكلمت وإهي تبلع غصتها وصوتها مخنوق : خ ... خلاص !!
حمد بعد نظرهـ عنها مايقدر يتحمل يشوف هـ العذاب مايقدر يجلسها عندهـ وإهي تتعذب بسبب وجودها عندهـ قال واهو يخفي خنقته : هذا إللي ممكن يصير من أول ..
حركت راسها بـ معنى لا .. ماتقدر تتكلم قالت وواضح إنها واصله حدها بـ البكا : نفترق بـ شيء حلو ..
ناظرها وكأنه فهم عليها .. ولا يبي يصدق حاله قال واهو منزل نظرهـ وبقل حيله قال : مثل !
خلود تتكلم بـ صعوبه : م ... ممكن آلمك ..!
سكر عيونه وكأنه يتمنى هـ الشيء من زماااااااااااااااااااااااااااااااااااان .. يبي أحد يلمه .. يبي احد يحضن صدرهـ لـ صدرهـ .. يبي حضن دافي .. خلود تدور نفس الشيء عندهـ .. وبداخله " ليه تعذبيني زود .!! أـنا ناقصني شقى وعذااااااب .. ما أقدر أقول لك لا .. إذا هذي رغبتك .. " فتح عيونه وتقدم لها خطوتين وفتح إيدينه لها .. تكلم وصوته مخنوق : حضني ينتظرك ..
تقدمت له ولمته .. واهو لمها أكثر .. وكأن الإثنين ماصدقوا يحصلون حضن بعض .. يبي يحس فيها أكثر .. لمها له أكثر وأكثر .. واهو تارك خشمه عند رقبتها ويتنفسها أكثر .. نزلت دموعها .. تحس مشاعرها جليد من إللي يصير بينهم .. ومحتاجه حضنه الدافي وأخيراً حصلته لكن بعدهـ الشيء الأقسى .. بعدهـ .. الفُراق الأبدي .. نزلت دموعها ولاقدرت تتحكم في حالها وطلع صوت بكاها ..
كتير بـِ نعشق ولا بـ نطول ..
وكتير بـِ نعشق ولا بـ نقول ..
ومافيش حكايا بـ تستمر زي
مابدأت ليه على طووول
كلمات الأغنيه إللي ماليه الغرفه .. ليه حظها بـ الفُراق .. تبيه .. تبيه .. تبيه .. مسح على ظهرها وإهي فـ حضنه وكأنه يمسح همومها .. دموعه نزلت .. محتاج لها .. يبيها .. ولا صار حضنها إلا وقت الفُراق .. كيف بيتحمل الدنيا بعد كذا ..؟ باس رقبتها بكل رقه .. حست فيه .. شعلل مشاعرها .. حُبها له إللي بكل لحظه يزداد .. متمتع بـ ريحتها .. وإهي ماتبي تفارق حضنه مثل ما اهو حضنها له .. زاد بكاها .. مع إزدياد بكاها زاد عذابه .. بعدها عنه وقال واهو يرفع راسه لـ فوق يداري دموعه إللي تاركها لـ وقت ماتطلع من البيت ويكون بـ روحه .. قال بصوت مخنوق : هذا نصيبنا ..
بكت زود وعطته ظهرها وقالت وإهي منهارهـ : إنت ماتفهم علي .. ماتحس فيني ..
سكت .. هذي حالتها ماتفهم علي ماتحس فيني ..
لفت له وصرخت بـ أعلى صوت ودموعها تنزل : إفهمني وريحني .. وربي أـحبك .. ولا آبي أعيش من غيرك .. إفهم علي وبكت زود ..
مايدري إهي من جدها ولا لا .. !! قلبه نبض زود من كلمتها أحبك ولا آبي أعيش من غيرك .. سكت عنها وإهي منهارهـ .. شـ يسوي لو بيحضنها زود ما راح يخفف عليها ..
ردت صارخت وقالت : أـنا خلاص دست على كرامتي .. إنت بـ الأول دمرتني .. شككتني فـ حالي .. وذا الحين مايهم .. آبيك إنت وبس .. إنت وبسسسس ..
تكلم واهو يكتم كل شيء بـ داخله : شـ سويت لك بـ الضبط ؟؟؟؟؟؟
خلود وإهي تناظرهـ وتبكي : ترسل شباب يتصلون فيني ويشوفون إذا أـنا حقت شباب وإلا لا ..!!
إنصدم قال : أـناااااااااااااا ؟؟
خلود ويزيد بكاها : إيوا إنت .. والله لو جاي لي وسألني من نفسك هـ السؤال ارحم لي مليون مرهـ من إنك تشكك فيني وترسل لي ناس تشوفني إذا من هـ النوع وإلا لا ..
شوي وينجن قال بـ عصبيه : مستحييييييييييل .. أـنا ماسويت كذا .. ومستحيل أسويها لك وإلا لـ غيرك .. أـنا مو مريض أفكر كذا ... أـنا تقدمت لك وإنتي بنت خالتي ولا أشكك فيك ولا في غيرك ..
خلود وإهي تطق رجها بـ إيدها : لا تكذب علي .. خلاص أـنا راضيه أعيش معاك حتى إذا إنت شاكك فيني .. { تكلمت بـ ضعف ودموعها تنزل } كل إللي إتصلوا يقولوا إنو حمد دازنا لك .. ل .. ليش سويت كذا ..؟؟
حمد وصل حدهـ قال : أـنا عارف نفسي ولا عمري سويتها .. { تكلم بـ عصبيه } عندك الأرقام ؟؟
خلود وإهي منهارهـ قالت : أرقامهم عندي .. مسجلتهم بـ إسم إختبار 1 وإختبار 2 وإختبار 3 .. سكر عيونه .. هذي ماهي مصدقته كلش .. خذا موبايلها وفتحه وناظر الأرقام .. قال وعذابه يزداد : اخوياي أكبر من كذا .. هذيل ناااااس ما اعرفففهم كلش ..
خلود بقوهـ : شـ عرفهم فيني وفيك ...؟؟
حمد يناظر الأرقام ويمسك راسه : وأـنا شـ عرفني ..!
مالقى حاله إلا مطلع موبايله وداق الرقم ..
جا له صوت حاتم : هلا حمد ,,
حمد طلع من عند خلود عشان ماتسمعه قال وواضح إنو موضوعه كبير : طالبك
يـ أخوي ..!
حاتم إللي فز على طوول وقال : طلبك جاك يـ أخوك ..
حمد : كفو ماتقصر .. سكت حاتم عشان يتكلم من حاله .. كمل : عندي ارقام موبايلات آبي أعرف منهم وآبيهم لو من أخر الدنيا ..
حاتم : لك إللي تبيه .. ارسل الأرقام وخلال عشر دقايق والأسماء عندك بـ الكامل .. وإذا على طلعتهم .. أجيبهم لك ولا تشيل هم ..
حمد قال لـ حاتم السالفه إلللي عصب من قلب ..
حاتم واهو جدي : تبي تتفاهم معاهم وإلا أجيبهم لك مكفنين ..؟؟
حمد : يرحم والدينك آبيهم بـ صحتهم عشان أعرف كل شيء منهم ..
حاتم : ولا يهمك .. إنت بس إنتظرني عشر دقايق ..
حمد : ماتقصر ..
حاتم : إحنا إخوان ..
حمد : هذا إللي متأكد منه وإلا كان مادقيت من أول ماعرفت الموضوع ..
حاتم : باي ..
حمد : باي ..
خلود لما طلع من عندها بكت أكثر وإهي تغطي حالها بـ غطاها .. وريحة عطرهـ تنتشر لها أكثر .. قربت كفوفها من خشمها وشمتها بـ قوهـ .. مررت أصابيعها مكان بوسته .. تتعذب ولا حاسس .. ليتني أتهنى معاك ..

إضافة رد
وردة الشرق 06:41 PM 15-05-11
جلس بـ جناحه لـ وقت مايجيب حاتم الأسماء .. منو إللي يبي يسوي فينا كذا ..؟؟ ماله اعدأ كلش .. وإهي مايتوقع سالفة أعدأ البنات للشباب .. هذي سُمعه .. ناويهم بـ شر كل إللي حاولوا يخربون بينهم .. تتعذب كل هذا وعشان هـ السبب ولا تكلمت .. !! داخله نيران تشتعل .. يبي الـ عشر دقايق تمر بسرعه ..

عند تركي ووتين بـ ماليزيا .. يطلع يدخل وبكيفه لكن إهي ممنوعه ..
وتين وإهي تشوفه داخل تأففت ..
تركي طنش عشان تحترق من جد .. يعرف كيف يلعب بـ أعصابها ..
وتين تأففت من جديد ولا أحد عطاها وجه ..
رجعت قالت : تركي ..
تركي كأنه تشأم وقال : رجاءاً لا تنطيق إسمي كذا .. ترا والله اتحمله من الخلق كلهم ولا أتحمله منك ..
وتين : طيب إسمع .. طفش بـ أطلع .. بس جالسه هنا بين أربع جدران ..
تركي : وهذا المطلوب تجلسين بين أربع جدران وبعدين إللي علي لك اربيك واوكلك وبس .. ولاتنسين بيننا كلام من قبل لا نجي هنا إنو طلعه مافي .. { وشدد } وأذكر إننا إتفقنا على إني ما أشوف وجهك إللي ينحس يومي كله .. ودخل لـ غرفته ..
إنقهرت منه .. هذا مو أدمي كلش .. إذا بتجلس أكثر بتموت .. إهي متعودهـ
بـ اليوم الواحد بـ الكثير طلعتين وإلا 3 طلعات .. وذا الحين ولا شيء ..

وسن وإهي مسكرهـ على حالها باب جناحهم وراكان وراهـ ..
راكان : وسن إفتحي ..
وسن : هههه .. أفتح عشان تعضني .. لآ ..
راكان من ورا الباب خاق : فديت الـ لآ هذي ..
ضحكت وقالت : ركوني لاتحاول ..
راكان : وسن إفتحي .. بس بوسه مافي عضه ..
وسن وإهي تضحك : إيوا صدقت .. نفس كل مرهـ . . تفشلت بـ الناس .. ولبسي كله الصدر والرقبه والإيدين خالعين وإنت ماتعض إلا بهـ الأماكن .. وربي الناس يناظرون ويتسألون ..
راكان ضحك وقال : لسا باقي المص ..
وسن تلونت خدودها وقالت : رااكاااااااااااااااان ..
راكان : دنيته كلها ..
وسن ضحكت وقالت : حبيبي إنت .. خلاص .. آبي أشوفك ..
راكان إللي ذاب وقال : وسن إفتحي ولا تستفزيني أكثر من كذا ..
وسن ضحكت وقالت : بُعدك حبيبي ..
جت له الخدامه وحست إنو صوته إختفى .. نادت عليه مارد .. وخافت يكون منخش عشان تفتح وبس .. رجع وقال : وسن خالتي منيرهـ موجودهـ ..
وسن إللي ما أستعدت كلش لـ مقابله لـ منيرهـ .. لكن راكان موجود وإهي إذا راكان موجود ماتتكلم .. قالت : لا تستهبل علي عشان أطلع وبس ..
راكان : أـفأ يعني صرت كذاب على طوول ..
وسن ضحكت وقالت : إسأل حالك ..
راكان : صحيح أكذب لكن مو على طووول ..
وسن ضحكت وقالت : رحم الله إمرءٍ عرف قدر نفسه ..
رااكان : إنتي لو فيك خير طلعتي مو تتضحكين وتتكلمين من ورا الباب .. يلا عاد خالتي تحت ..
وسن خذت موبايلها وإتصلت في شريفه إللي أكدت لها كلام راكان ..
ضبطت حالها وإهي كاشخه على الأخر .. وهذا إللي ماترك راكان يتحمل ويبوس .. وكانت لابسه فوشي بـ أبيض مدموجه فـ بعض .. تيور إلـى الركبه واسع من الخصر وكعب والصدر مفتوح شوي وإيدين عاريه .. شعرها رافعته على فوق .. ويكفي قلوسها الفوشي إللي تارك لـ وجهها أكثر نظارهـ .. ناظرت شكلها بـ المرآيه بـ رضى وفتحت الباب وطلعت .. مامداها تتعدى الباب إلا راكان بايسها على خدها .. تفاجأت من جد .. وضحكت وإهي حاطه إيدها على خصرها وتهزهـ من غير قصد : لا والله .. يعني تارك خالتك تحت وجالس لي عند الباب كأنك بزر ينطر أمه ..
ذااااااااااااااااب من جد وشالها واهو مشعلل ويقول : خالتي تنتظر شـ علي منها .. ما أحد قالها تجي من غير تليفون ..!! الناس مالهم خصوصيات ..؟ ونزلها على السرير .. { كمل واهو يقرب لها وإهي ذايبه فـ قُربه } الواحد بياخذ رآحته وبكيفه ومع زوجته إللي مغريته من جد ~_^

إتصل حاتم فـ حمد وعطاهـ أسماء الـ 3 وكل شيء عرفه عنهم وقال : بكرهـ على الصباح عندك ..
حمد : حاتم بتكون وين إنت ؟؟
حاتم : هذاني بـ الطريق للخبر .. مستحيل أتركك تقابلهم بـ روحك ..
حمد : خلاص إن شاء الله ليما بكرهـ بيننا إتصال ..
حاتم : على خير إن شاء الله .. باي ..
حمد : باي .. مامر على خلود كلش .. طلع لـ مجمع الراشد يتمشى شوي ليما يطفش وبعدها بيرجع .. يبي لما يقابل خلود يكون عارف كل شيء .. كلها كم ساعه واعرف السالفه ياخلود ..

منيرهـ بـ صالة الضيوف تنطر ومقهورهـ من جد .. ماصار لهم صوت .. هذيل الخدامات بس ضيافه رايحه وضيافه جايه وكأنهم يسكتونها بـ الشيء هذا ..
بعد إنتظار دام ساعه وربع نزل لها راكان واهو يتبسم وكأنه طفل يخفي شيء .. قال : يـاهلا بـ إللي زارنا ..
خالته : كل هذا وينك ؟؟
رااكان : أبد الله يسلمك تعرفين خصوصيات المتزوجين ..
إنقهرت وسسكتت يعني شي خاص ..
رااكان : إيوا .. وكيف الأولاد ؟
منيرهـ : كلهم بخير .. وينك ماعدت تنشاف ؟؟
رااكان : ماعدنا نفس أول .. ذا الحين إنشغلنا أكثر ..
منيرهـ : وينها بنت سلطان ؟؟
راكان وكأنه يقول إبلعي سالفة زواجي : زوجتي وسن ذا الحين بتجي .. {على
هـ الطاري نزلت وسن من الدرج وكأنها بـ زفتها بتألقها إللي بكل لحظه غير }.. كأن في شيء يشدهـ للدرج .. ناظر وشافها تنزل بكل ثقه وجمال .. كانت لابسه فستان أبيض مورد بـ تفاحي .. وميك آب زهري فاتح يجنن على شكلها وقذلتها منزلتها على عيونها وشعرها لامه شوي منه والباقي تاركته .. ريحة عطرها سبقتها .. تبسم لها واهو خاق من جديد .. ردت الإبتسامه وكملت مشيها لهم .. غمز لها .. وكتمت ضحكتها .. رقت لمدخل الصاله
قال راكان واهو يشوفها تمشي : هلا وغلا .. تعالي ياروحي ..
تبسمت له .. منيرهـ إنقهرت ..
قالت وسن : أهلين .. شـ الزيارهـ الحلوهـ ..
منيرهـ وقفت لها .. وإهي حاقدهـ .. هذي كل ماشافتها جمالها يزداد .. وراكان طاير فيها .. قالت : هلا فيك .. شلونك ؟؟
وسن بعد ماسلمت وجلست بـ كنبه قبال منيرهـ .. لإنو راكان جالس بـ الكنبه إللي بجنب خالته .. وحطت رجل على رجل وقالت : عال العال والحمدلله .. إنتم كيفكم ؟؟
منيرهـ : بخير والحمدلله .. راكان بس يناظر فيها .. من شوي شكل وذا الحين شكل .. بتهبل فيه هذي ..
منيرهـ تتكلم لـ راكان وبس : ما شاء الله هذا بيتك ؟؟
رااكان : ووسن ..
منيرهـ ترقع : إيوا إنت وإهي واحد أكيد ..
وسن : مافي شك فهـ الشيء ..
باسها من بين شفايفه .. وتلونت خدودها ..
ضحك وقال : وين خالتي وضحى وميعاد .. يعني الشله ؟
منيرهـ : وضحى في ببيتها وميعاد عند جدك ..
راكان : أهـا .. يعني ماراح يجوون ؟
منيرهـ : ما ادري عنهم ..
وسن شالت التليفون إللي بجنبها وإتصلت فـ المطبخ يكملون الضيافه .. ثواني إلا الخدامه جايه وتمشي العربه معاها ..
راكاان واهو يقرب العربه منه : بعدي والله .. كأنك عارفه إني جوعان ..
وسن بتنهبل على تصرفه .. خير .. على الأقل ينطر ليما ينزلون على الطاوله .. واهو على طول خذا العربه ..
منيرهـ وكأنها حصلت شيء : ويلي عنك ياوليدي .. اجل ماتغديت .. ياقلبي علييك مالقيت من يغديك !
وسن كأنها لمست إللي تبيه منيرهـ .. وسكتت ..
راكان : حبيبتي مايطاوعها قلبها تتركني من غير غدأ .. اساساً ليت كل الحريم مثلها .. ياعلني فداها ..
منيرهـ إنقهرت زود ..
وسن تبسمت له بحُب ..
فهمت من نظراته يبيها بـ جنبه .. قامت وجلست بـ جنبه .. ووكلته إهي بـ إيدها ..
راكان واهو يناظر خالته : وتقولين ما عندي احد يغديني ..!
سكتت خالته ..
بعد ما إنتهت باس إيدها وقال : يحفظ لي الإيدين وصاحبتها ..
وسن بهمس : ويحفظ لي إللي يبوسها ..
دق التليفون وشالته وسن وكانوا الخدامات طالباتها بـ المطبخ .. إستئذنت وراحت لهم ..
جلس راكان يسولف مع خالته ..
رجعت وسن بعد خمس دقايق وجلست بـ مكانها .. قامت منيرهـ وقاموا معاها .. وسن : وين بتروحين ؟؟ قاعدين يحضرون العشى ..!
منيرهـ : تتعشى عندكم العافيه .. بروح لـ بيتي ..
وسن : عاوديها مرهـ ثانيه ..
منيرهـ : إن شاء الله ..
كانت ناويه تمشي معاها للباب .. لكن لما سمعتها تقول لـ راكان : راكان تعال آبيك ..
وقفت مكانها وطلع راكان مع خالته ..
رقت لـ جناحها . . هذي حركات خالاته .. خذت موبايلها وتممددت على بطنها على السرير وإتصلت فـ وتين إللي ماصدقت أحد يتصل فيها ..
وتين بـ لهفه لـ وسن : هلا والله بـ غلاي ..
وسن كانت متضايقه شوي .. منيرهـ كل ماشافتها إلا تسمها بـ الكلام حتى إذا من تحت لـ تحت .. قالت : هلا وغلا فيك وأكثر ..
وتين بوزت وقالت : شـ فيه الحلو ؟؟
وسن : مشتاقه لك وبس ..
وتين : ياحياتي .. وربي أـنا مشتاقه لك أكثر.. لكن خُبري الشوق مايسوي كذا ..!
وسن : منيرهـ كانت زايرتنا ..
وتين : قِطععععععععععع .. منيروهـ .. شـ تبي بعد ..؟؟
وسن : بيت ولد إختها .. شيء طبيعي تزورهـ ..
وتين : لا يكون قالت شيء من تخلفها المُعتاد ..
وسن : لا ..
حست فـ راكان جاي قالت : وتين حُبي أكلمك وقت ثاني ..
وتين : أوكي عيوني .. باي ..
وسن : بايات ..
دخل راكان الغرفه وصفر واهو يشوفها متمددهـ على بطنها قال : شـ عندهم الحلوين ؟؟
وسن جلست على طوول لإنها إذا بقت على تمددها ما راح يتركها بـ حالها قالت وإهي تمشي لـ برا الغرفه : كنت أتصل فـ وتين ..
ناظرها .. يبيها تسأله عن خالته .. لكن واضح إنها تسوي نفسها مو مهتمه .. قال واهو يجلس بـ جنبها : تدرين ..
وسن : إيش ؟؟
راكان : كل مرهـ أحبك أكثر ..
وسن تبسمت وقالت : ولا شيء عند حُبي لك ..
راكان : تحدي الدعوى ؟؟
وسن : إللي تبي ..
راكان : نشوف ياوسن ..
وسن ضحكت وقالت : من بدايتها وسن حافف ..
ضحك واهو يقرب راسها لـ صدرهـ : ياشيخه أـحبك ..
تبسمت ولمعت عيونها بـ دمع قالت : هذي كلمة أخواني على طوول ..
راكان : إللي إهي ..؟
وسن : ياشيخه أـحبك ..
راكان ضحك وقال : يامنيرهـ أـحبك ..
وسن بعدت عنه وقالت : لا تكلمني ...
ناظرها وقال : أـفأ زعلتي .. هذا وبيننا تحدي ..!!
وسن : فهم حالك ..! بـ الأول وسن حاف وبعدين يامنيرهـ أحبك .. وقامت عنه ..
لحق فيها وقال : لاتزعلين .. ترا ما اقدر على زعلك ..
وسن واصله حدها : كلمة أحبك ماتنقال إلا لـ شخص واحد بهـ الدنيا .. يعني إنت ملزوم ماتقولها إلا لـ شخص .. أـنا ملزومه ما اقولها إلا لـ شخص .. مو كل واحد تقول له أحبك ..
راكان : الكلمه إللي قلتها من شوي تقليد .. الأصل بس لك .. وغمزلها ..
وسن طنقرت زود وقالت : بعد فيها أصلي وتقليد .. وتقول بعد لـ منو هـ التقليد ..
راكان : ياليل أـنا وين طحت فيه .. وربي أستهبل .. وفي الإسم وربي أستهبل .. إنتي تعرفين مافي غيرك بـ الدنيا كلها ..
وسن : أـحبك والكلام الحلو بس حق وسن ..
راكان : من غير ماتقولين .. أكيد بس حق وسن ..
ناظرته ومشت عنه .. مسكها قبل لا تبعد وقال بصوت رآيق : زعلان ؟
وسن لفت وجهها عنه ..
راكان لف وجهها له وقال بـ نفس الصوت : أسف ياحلو .. وغمزلها ..
ناظرته وطنشته ..
دق موبايله بـ جيبه .. وكانت خالته وضحى .. ناظر إسمها وتأفف .. يعني اهم عارفين إنو فـ بيته وبيرتاح .. ليش هـ الحركات .. !!

صباح اليوم الثاني إستئذن حمد من خاله وسمح له يطلع وحرك للمزرعه .. حاتم موجود هناك من قبل .. وعلى الساعه 11 وصل للمزرعه وقالوا له الحرس إنو حاتم جالس ينتظرهـ .. دخل لـ حاتم وسلم عليه ..
حاتم : تدخل لهم ذا الحين ؟؟
حمد : موجودين هنا ؟
حاتم : من الفجر والشباب موصلينهم لي هنا وإتصلوا فيني وقلت يتركونهم
بـ الغرفه إللي بجنب غرفة الحرس ويقفلون عليهم .. وهذا إهم موجودين ..
حمد : مشينا ..
مشوا من فيلا الشباب لـ غرف الحرس .. وفتح لهم مصعب الباب ودخلوا .. الشباب كانوا جالسين لكن الخوف مسيطر عليهم .. الطريقه إللي وصلوا فيها للمزرعه هذي طريقة ناس واصله وينخاف منها وبقوهـ .. وقفوا لما شافوا حاتم ووحمد .. واضح عليهم أولاد عز ..
حمد واهو يناظر أشكالهم .. رجع يناظر حاتم .. حاتم واضح الجبروت عليه ..
حاتم يبي حمد يبتدي ..
حمد : ما شاء الله .. إنتم الـ 3 ..!! إنتم أحمد ومحمد ومشعل .!.!!
أحمد الوحيد إللي يرد : إيوا ... إيش تبي فينا ..؟؟
حمد : تعرفون احد إسمه حمد الـ (ــ)
بعلوا العافيه .. إهم لايكون عند هـ العائله .. إللي فهموهـ من قبل إنهم واصلين مرهـ ..
قال أحمد : إيوا .. نعرفه ..
حمد : ما شاء الله .. شـ تعرفون عنه ؟
أحمد واهو يتكلم ولا يعرف إنو إللي قباله حمد : كل خير ..
حاتم بنبرة أرعبتهم من جد : الخير بتعرفه إنت وياهـ وياهـ ذا الحين .. إذا ماتكلمتوا وإعترفتوا إللي وصلكم لـ زوجته ..!!
ناظروا بعض والخوف يزداد .. طاحوا بين إيدين هـ العائله ..
حاتم بقوهـ : تكلممممم ..
أحمد ناظرهـ واهو يحرك راسه بـ معنى إيوا ...

راكان كان يكلم وسن بـ الموبايل الساعه 12 الظهر ..
وسن : طيب منو إللي راح يجي ؟؟
راكان : جدي وأبوي واخوي زياد ..
وسن : بس 3 وإنت 4 .. طب حتومي مو جاي ..
راكان توهق وقال : لا .. حاتم أكيد عندهـ عمل ..
وسن : أوكي .. كل شيء راح يكون مرتب إن شاء الله .. حق 4 أشخاص ..
راكان : إيوا ..
وسن : اوكي ..
راكاان : طيب بدك شيء ؟
وسن : سلامتك ..
راكان : يسلمك .. ترا الغدأ متأخر .. إنتي جهزي الضيافه إللي قبل الأكل وبعدهـ وإلا المطعم راح يوصل الغدأ ..
وسن : قالوا لك ما أعرف ..!!
رااكان : لا إسم الله عليك ..
وسن : أوكي طير لـ شغلك ..
راكاان : أوكي ... وويلك لو طرتي على السرير ..
وسن ضحكت وقالت : كأنك حاسس فيني ..
رااكان ضحك وقال : ويلك ..
وسن : ههههههههههه .. خلاص .. يلا .. سيــــــا ..
رااكان : ههههههههه .. سيـــــات ..
ضحكت على هباله وقفلت .. ونزلت عشان تفهم الخدم يرتبون كل شيء ..

حمد واصل حدهـ نفس حاتم ..
حمد واهو يسب ويشتم فيهم بـ اقوى الألفاظ ..
حاتم بـ عصبيه : وبـ أي حق تتكلم وبكيفك إنت والـ .... إللي معاك ..!!
أحمد بخوف : هدا إللي صار . .
حاتم عارف لو بيجلس معاهم شوي بيقتلهم بـ إيدينه .. نادا على مصعب وقال : شوفوا شغلكم .. ورجعوهم مكان ماجو منه ..
مصعب : تأمر .. وطلعوا من عندهم ..
حمد يمشي وتفكيرهـ مو معاهـ قال : ذبحهم حلال ..
حاتم حط إيدهـ على كتفه وقال : هونها وتهون .. وكل هذي سواليف مالها أساس .. خلاص هذا إهم ياخذون جزاهم .. وإنت عاد ضبط أمورك مع خلود بعد إللي عرفته ووضح لها كل شيء ..
حمد وقف وناظر حاتم وقال : ما راح تصدق ..
حاتم : صدقني بـ بتصدقك .. إنت مهما كان زوجها ..
حمد : أقول لك مابعمر صار بيننا ساعه حلوهـ .. تقول بـ تصدقك وإإنت زوجها ..
حاتم واهو يغمز له : يارجُل يعني بـ افهمك أـنا .. تكلم معاها بـ كل صراحه .. والباقي عاد إنت تعرفه ..
تبسم حمد من بين آلامه وقال واهو ينزل إيدهـ على كتف حاتم : عز الله إنك أخو ينشد فيه الظهر ..
حاتم تبسم له وقال : شـ فايدة الأخو إذا ماوقف مع أخوهـ على طووول وبـ اي وقت ..
ضحك حمد وقال : والله إنو إللي بتاخذك داعيه لها أمها وكل حظ الدنيا لها ..
تبسم حاتم وقال واهو يناظرهـ بـ نص عين : جا لنا كلام جدي .. هاها .. شناوي بعد ..!!
ضحك حمد وقال واهو يناظرالساعه : ما كأننا تأخرنا ..!!
حاتم ضحك وقال : إلا تأخرتوا وبقوهـ وغمز له ..
ضحك حمد وقال : أجل نتقابل بـ الإستراحه ..
حاتم : بعد كل هذا ناوي تجي للإستراحه ..
ضحك حمد وقال : نسيت طيب ..
حاتم : ماهو أـنا هنا عشان أذكرك .. أـنا طالع للرياض ذا الحين أشوفك على خير .. وطمني ..
تبسم حمد وقاال : توصل بـ السلامه .. وإن شاء الله كل الأخبار تبشر ..
حاتم واهو يسلم عليه : إن شاء الله .. سلام ..
حمد : سلام ..
وكل واحد ركب لـ سيارته طالعين من المزرعه .. حمد طاالع لـ بيته .. وحاتم طالع للرياض ..

على الساعه 2 دخل راكاان على وسن وكانت واقفه تشرف على الخدامات ومعاها شريفه إللي فاهمه كل شيء ..
وسن شافته .. تبسم لها وقال : حطي زيادهـ واحد ..!
وسن عقدت حواجبها وقالت : مو إنتم 4 .. أـنا عامله حساب 4 اشخاص ..
رااكان : لا في شخص زاد ..
وسن وإهي بتتكلم للخدامات يعملوا زيادهـ لـ شخص قالت : منو ؟؟
رااكان وكأنه يتكلم عادي قال : نايف ..
قالت وإهي تطلع لها علبة موي لها : نايف منو ؟؟
راكان : أخوي ..
ناظرته بقوهـ ومشت بـ تطلع من المطبخ .. هذا مو إتفاقهم كلش .. مسكها من إيدها وقال : وين ؟؟
وسن وإهي تتكلم بهدوء : هذا مو إتفاقنا ياولد العم ..!!
رااكان : حلوهـ هذي ..!
وسن وقفت وقالت : شـ تبي ؟؟
راكان : وحق نايف ..!
وسن شوي وتصيح هذا مايفهم قالت : أخوك هذا مستحيل أتكلف فـ شيء له .. سامعني ..
ضغط على إيدها بـ قسوهـ وقال : واتركه كذا ..؟؟
وسن وإهي تفك إيدها من إيدهـ : جا لك كلامي .. وطلعت من عندهـ .. نادا عليها ولا ردت ..
سمعته يقول لـ شريفه تجهز حق نايف ..
رجعت للمطبخ وقالت : شريفه تابعه لي أـنا .. وإللي ما آبيه مستحيل تسويه .. شوف خداماتك خلهم يجهزون لـ أخوك .. { تكلمت مع شريفه } شريفه إطلعي
لـ غرفتك إرتاحي ..
شريفه تشوف وسن مثل بنتها وسمعت الكلام ولاناقشت وطلعت من المطبخ بكل هدوء .. لإنو صحيح إهي تابعه لـ وسن وبسسسسسسسسسسسس ..
راكان إنصدم وعصب .. خذا الأغراض من الخدامات وطلع للمجلس ..

حمد خذا نفس ورقى للدور الثاني .. ذا الحين بيحسم كل شيء .. بيقول إللي عندهـ وبيسوي المستحيل عشان تجلس معاهـ وينسون إللي راح .. وإن شاء الله توافق ..
حصل باب جناحها مفتوح .. دخل وسبقته ريحة عطرهـ .. إللي تركت خلود تلف للباب على طول .. مشتاقه له .. تبي تعرف شـ نهاية هـ الوضع .. قال واهو يناظرها بنظرات يمتنى تبقى على طوول : ممكن تجين معاي ..
حركت راسها بكل خووف وبمعنى وين .. تخاف لـ بيت أهلها ..
قال : لـ غرفة الجلوس .. بـ اتكلم معاك بكل رواق ..
نبرته خلتها ترتاح شوي .. قامت معاهـ وإهي لابسه بيجاما نوم زهري فاتح .. وشعرها لامته كله وواصل لـ رقبتها ..
جلس على الكنبه وشافها جايه له .. قال : تعالي بـ جنبي ..
ناظرته ماهي مصدقه ..
رجع نادا عليها مرهـ ثانيه : تعالي بـ جنبي ومد إيدهـ لها ..
مسكت إيدهـ وجلست بـ جنبه بكل هدوء وكل واحد مشاعرهـ فـ إزدياد من قُرب حبيبه .. بقى ماسك كف إيدها ويمسح عليه بـ أصبعه ..
قال بكل هدوء : بتصدقيني لو أحلف لك إني ما كنت أعرف عن سالفة الإتصالات إللي كانت تجي لك وإنها من طرفي ..!!
خلود ذايبه بـ قُربه ومسكت إيدهـ حركت راسها بـ معنى إيوا .. متأكدهـ إنو مستحيل يكذب عليها .. تبي حالهم ينعدل ووبس ..
حمد خذا نفس وقال : تعرفين وحدهـ إسمها مرام الـ (ــ)
خافت وقالت بـ همس : صاحبتي .. ليش؟؟
حمد : إهي إللي ورا الموضوع كله ..
صدمه لها كبيرهـ .. سكتت ثواني وقالت : مستحيل ..!!
حمد : شـ المستحيل ..!! هذي توقعي يجي منها اي شيء .. أـنا جبت الشباب إللي كانوا يتصلون فيك وكنت جالس معاهم قبل لا أجي لك .. وإعترفوا بكل شيء .. شكلك كنتي توثقين فيها وبقوهـ .. عشان كذا كانت تعرف كل شيء عنك وكأنها وحدهـ من العائله وعايشه معانا ..
سكتت شوي على ماتستوعب ونزلت دموعها قالت بصوت مخنوق وصدمتها كبيرهـ إنها ظلمت حمد ومصدقه صاحبتها إللي ماحبتها كلش : يـ .. يعني كنت ظالمتك .. !!
قال بصوت حنون : مو مهم هـ الكلام ذا الحين .. مسك إيدها الثانيه بين إيدينه وضغط عليهم ..
خلود بداخلها ماقدرت .. حنانه أكبر منها كلها .. تشوف حالها صغيرهـ عندهـ .. نزلت راسها على حضنه وبكت
إضافة رد
وردة الشرق 06:42 PM 15-05-11
نزل راسه على ظهرها وباسها وقال بـ نفس حنانه : خلاص ياروحي .. كل شيء إنتهى .. رفع راسه .. ومسح على ظهرها ..
رفعت راسها وناظرت وجهه .. وقالت : أـنا ما آبي غيرك أحد .. ومسكت على إيدينه بقوهـ ..
حمد هذا إللي يتمناهـ من زمان .. والله وتحقق مناهـ .. قال وقلبه طاير من الوناسه بدأ يرجع يعيش : وأـنا ماتمنيت غيرك أحد .. وباس إيدينها ..
باست إيدينه ..
مسح دموعها وقال واهو يتبسم لها بحُب : خلاص .. مانبي دموع .. طفشنا هم وعذاب ودموع وسهر ..
ضحكت من بين دموعها ..
قال واهو يتنهد ويمرر إيدهـ على خدها : وربي ملينا .. خلاص ماعاد فيني أتحمل ..
ضحكت وقاالت وإهي صوتها مبحوح من البكا .. تبي تريح قلبها من العذاب إللي فيه وبكل خجل من إللي بتسأله وإهي ماتناظرهـ : ت ... تحبني ؟!!!
تبسم واهو يحوس بـ شعرها وقال : من بدايتها طمع ..!
ضحكت وقالت وإهي خجلانه : مو كذا ..
ضحك من قلب وأول مرهـ تسمع ضحكته إللي خفق لها قلبها وبقوهـ .. جنااااااان كله .. ضحكته كلامه كله على بعضه جنان .. قال : حبيبتي إنتي .. قومي معاي ..
وخذاها بـ إيدها وقال : هـ الجناح بـ أشيله بـ المرهـ .. ضحكت وقالت : إتركه آمكن نحتاجه بعدين ..
ناظرها بـ نص عين وقال : بعد كل إللي مرينا فيه .. ناويه بعد !
ضحكت .. حضنها له من الجنب وخذاها معاهـ لـ جناحه .. اهو ماخذ من خاله أستئذان اليوم كله .. يعني بيقضيه ويا خلود وبـ جناحه إثنينهم وبس .. بيروي ضماهـ طول هـ الشهور .. ~_^

وصل مسج من حمد لـ حاتم وكان كاتب " أبشرك الأوضاع السياسيه إنحلت .. وهذا إحنا عرسان ولـ أول مرهـ .. :d "
ضحك حاتم من قلب ومسج له " هههههه .. ربي يسعدكم " تبسم حمد لما قرأ مسج حاتم .. هـ الولد طول عمرهـ غير عن البقيه .. غير عن الكل ..

كانت وسن بـ جناحها .. جالسه على الكرسي وتفكيرها مشغول .. كيف يقدر يدخله فـ بيتنا بعد إللي صار .. قطع عليها قهرها وتفكيرها راكاان لما دخل معصب حدهـ وقال : ما شاء الله ..
وقفت وناظرته وقالت وإهي رافعه حاجب : على إيش ؟؟
قرب لها ومسكها من إيدها وقال : ليش تطنشيني وتمشين والمطبخ معبي خدامات ..؟؟؟ لييييييييش ..؟
إنهبلت .. هذا يصرخ عليها ... مابعمر أحد سواها .. يجي اهو وبكل سهوله وعشان أخوهـ الواطي ويصرخ عليها ويمسكها هـ المسكه ..
شدت إيدها غصب منه وإهي مصدومه قالت : وليش إنت تدخله فـ بيتنا ؟؟؟؟
راكان تنرفز زود .. أكرهـ شيء عليه .. أحد يراددهـ قال : أتوقع بيتي يامدام ..!
إنصدمت أكثر قالت وإهي ناويه هـ اليوم مايعدي على خير : وين بيتك لما شرط أبوي عليك إنو أخوك هذا مايدش البيت ووافقت .. وين .. ؟؟ ليش مارفضت ..؟؟
ناظرها من فوق لـ تحت وقال : ما شاء الله وبعد تذكريني بـ الشروط ....
قاطعته : إسمع .. إذا مو قد شروطك وبتذلني بـ أخوك هذا .. !! { شددت } بيت أبوي مفتوح لي .. ومثل ماطلعت منه مُعززهـ أرجع له مُعززهـ { حركت إصبعها بحركة وحدهـ ماهمها أحد } ولا هامني أحد .. ومشت عنه لـ برا الغرفه ..
إنهبل .. هذي شـ تقول .. ؟؟ ناويه طلاق يعني .. !! تجي عليها .. بما إنها قالت بيت أبوي مفتوح لي .. أـنا شـ دخلني فـ نايف الزفت .. هذا كله من جدي .. !!

نزلت تحت وطلعت للحديقه .. ماتبي تشوفه .. ولا تبي تسمع منه شيء .. دق موبايلها عندهـ ..

تمضي الليالي الليالي والزمن فينا يدووور
ويبقى الشعور بداخلي نفس الشعور
ياخوي ياعزوتي ياضحكتي وابكاي
يامن ع فزعتي يمينه فـ يمناي .. عرف إنو واحد من إخوانها .. ياخذ بليسهم مسرع حسوا فيها .. ! عزة الله إنهم فزعه ويمينهم بـ يمناها إذا كانوا حاسين فيها .. عز الله رحت ولا شيء يارااكان .. تذكر .. كان نايف يحرص على راكان لا أحد من عمانه وأولادهم يعرف إنو موجود بـ السعوديه .. إستغرب .. ليش ؟

دخل بدر لـ بيته وكانت ريناد بـ الحمام .. تمدد على السرير بعد مافسخ ثوبه وغترته .. طلعت وحصلته وقالت : كسووول إصحى ..
تبسم لها وقال : الغدأ جاهز ؟؟
ريناد وإهي تبوسه على خدهـ : من زمااان جاهز .. ليش تأخرت ..؟؟
بدر واهو يجلس : أبد الله يسلمك .. مريت على واحد من أصحابي وجيتك ..
ريناد : أـهأ ..
بدر واهو يمسك إيدها : بما إنك مشتاقه كل هذا وخايفه علي .. ليش ما أتصلتي .؟؟
ريناد تبسمت وقالت : خفت يكون عندك ضغط عمل ..
بدر : إنتي اي وقت تتصلين من غير لا تقولين خفت ..
ضحكت وقامت وقالت : يلا إلبس وتعال عشان تتغدأ ..
ضحك وقال : يلا حياتي جاي ذا الحين ..
لبس بيجاما نوم وطلع يتغدأ ..
بدر واهو يجلس بمكانه : وكيف تجهيزات ملكة ديما ؟؟
ريناد : كل شيء أوكي .. بس محتاسين ويا ريم ..
بدر ضحك وقال : كل ما اذكر مُعانات عزام أضحك من جد ..
ريناد : ههههههههه ... والله مايستاهل .. إتخيل ترفض لا تقابله .. من بس يقرب من باب مدخل البيت تقول عزام جا .. نقول لا ,, وتقول إلا ريحته وصلت .. وفعلاً ثواني إلا إهو يدق الجرس ..
بدر : ههههههههههههههههههههه .. أجل طلع معفن .. !! ههههههههههههه ..
ريناد : هههههههههههههههه .. إهي بس عشان ريحة عطرهـ ..
بدر : ههههههههههههههههههههههههههه .. وربي نكته هـ العزام ..
ضحكت ريناد .. لإنو من جد سالفتهم تضحك ..

كانت بـ الحديقه وساندهـ راسها على إيدينها على الطاوله .. شبه نايمه على الطاوله .. وعيونها مدمعه .. ليش كذا ياراكان .. ؟؟ لسا أعرفك وإلا هذا طبعك إذا عصببت ..؟؟ ناظرت إيدينها مكان ضغطت إيدهـ .. واضح على إيدها مكان قوة إيدهـ وصاير مكانها أحمــــــــر .. تألمها .. تحس الآلم وصل للعظم .. ماغلطت عليك .. ولافكرت بـ عُمري أغلط عليك .. بس ليش تغلط إنت علي .. ليش ؟؟ مع إنو الحق معاي ولا تكلمت بـ شيء يضرك ..! كل كلامي عن أخوك .. حست من جد إنها وحيدهـ بـ الرياض ..
كان يناظرها من الشباك .. كيف ساندهـ راسها على الطاوله .. ماحب يروح لها .. مهما كان إهي غلطت فـ حقي .. تجاهلها وطلع من البيت كله .. سمعت صوت سيارته ولا لفت له ولا تحركت حركه وحدهـ .. ماطاوعك قلبك تجي تتحايل علي .. ! تطيب خاطري بـ كلمه .. سمعت صوت سيارته تبعد ليما طلع من البيت كله للشارع ..

مشاعل كانت تكلم : إنتي روعه صراحه ..
فيصل واهو داخل للغرفه : والله ماغيرك الروعه ..
ضحكت وقفلت من صاحبتها ..
فيصل : منو ؟
مشاعل : صاحبتي ..
فيصل : شـ رآيك نطلع لـ بيت أبوي .. بما إنو اليوم جمعتهم !
مشاعل : أوكي .. بس ثواني اللبس ..
فيصل واهو يوقفها : شـ حلاتك كذا ..
مشاعل : فيصلوهـ إبعد عني .. مو وقتك كلش ..
ضحك وقال : خلاص هذاني بعدت عنك إنتي ونفخت بطنك هذي ..
مشاعل : إيوا .. قول إللي تبي كلها شهر وكم يوم إن شاء الله ثم وقتها تتمنى لحظه وحدهـ ..
فيصل ضحك وقال : قومي بـ السلامه وشوفي شـ رآح اسوي لك وغمز لها ..
تلونت خدودها وضحكت ومشت عنه ..
ناظرها يموت فيها ..

رقت لـ جناحها .. قابلتها شريفه بـ الدرج وقالت : وسن حبيبي راح أجيب لك غدأ .. عارفه إنها ماتغدت ..
وسن : مالي نفس ..
شريفه : أكل خفيف وحلو ..
حركت راسها وسن بـ الموافقه وكملت طريقها لـ جناحها .. ناظرتها شريفه وإهي تمشي .. مايستاهلها ..
دخلت وخذت موبايلها وشافت إتصالات من وسام وأمها .. تبسمت حتى وإهي بعيد يحسوون فيها ..
دقت رقم حاتم .. وجا لها صوته إللي من تسمعه تحس بـ الأمان قال بـ نبرهـ خاصه لـ وسن : هلا والله ..
وسن : أهلين حتومي .. كيفك حُببي ؟؟
حاتم : تمام التمام .. إنتي كيفك ؟؟
وسن : تمام والحمدلله ..
حاتم : شـ فيه صوتك ؟؟
وسن : ولا شيء حياتي .. بسألك ..
حاتم : إسألي ياروحي ..
وسن : راح تطلع للخبر ؟؟
حاتم إستغرب قال : لسا واصل منها ..
وسن ضاقت فيها قالت : أـهأ ..
حاتم : ليش ؟؟
وسن : بس اسأل .. توقعت تطلع ..
حاتم : إرتاحي كلهم بخير .. وكلها أسبوع ويومين وتصير ملكة زياد هناك ..
وسن : على خير إن شاء الله .. ليش ماتجي لي ؟؟
حاتم : حياتي اليوم ما اقدر كلش .. خليها يوم ثاني أجي لك على رواق لإني آبي أحاكيك بـ موضوع ..
وسن : شنو ..؟؟
حاتم : لا مايصير تليفون .. إذا شفتك قلت لك ..
وسن : على خير حُبي ..
حاتم : إن شاء الله .. وكيف راكان ؟؟
وسن ماتبي احد يسألها عنه قالت : بخير والحمدلله .. أوكي عيوني بدك شيء قبل أقفل ؟؟
حاتم : سلامتك وإنتبهي لـ حالك ..
وسن : ربي يسلمك .. إنت نفس الشيء .. باي ..
حاتم : أوكي .. بايات ..
جت لها شريفه بـ الأكل .. ناظرته وخذت لها كم لقمه .. وإتصلت فـ شريفه تجهز أغراضها ..

الساعه 6 بـ الخبر .. كان حمد لسا طالع من الحمام ماخذ ششاور .. حصل خلود باقي على السسرير ونايمه .. رايحه بـ سابع نومه .. تمدد بجنبها على بطنه ومرر أصابيعه على خدها بكل رقه ..
حست فيه .. فتحت عيونها وتبسمت له وقالت : خيانه ..!
حمد بوز قال : ليش ؟
خلود : تصحى قبلي وتاخذ شاور بعد قبلي !!
حمد واهو يغمز لها : ولا تزعلين نعيد كل شيء عشان مايصير خيانه ..
خلود تلون وجهها كله قالت : لا إنت ماخذ شاور خلاص .. خل نطلع ..
حمد واهو يمسكها : لا ياروحي .. عادي أخذ شاور ثاني مافي مانع ..
خلود غطت حالها بـ الغطى .. ضحك ودخل معاها بـ الغطى وإهي وجهها الوآن ~_^

تفكر .. مشتاقه لـ أهلها .. حنين لهم داخلها .. حاسه بـ الغربه وإهي مع زوجها ..
دخل راكان لـ جناحه وحصلها واقفه قبال الشباك تناظر للحديقه .. وواضح إنو فكرها مشغول .. وقف وراها .. كشختها تذبح .. عاطيته ظهرها .. فستانها للركبه ولونه بيج وشعرها جامعته على فوق كله .. إيدينها عاريه .. وظهرها شوي مفتوح .. تقدم ومسك إيدينها العاريه .. فاقت من سرحانها .. وعرفت إنو اهو بعدت إيدينه بكل هدوء ومشت من عندهـ .. مسك إيدها قالت وإهي تخفي دموعها : ناوي تألمني أكثر !!!!
تيبس مكانه من كلامها .. قال : وسن ...
قاطعته بـ نفس زفت : إللي تبيه منك وسن تتركها وحدها ..
راكان ناظرها وإهي عاطيته ظهرها قال : هذا مو حل ..!
وسن : وهذا عندي الحل .. { لفت له وقالت بكل قوهـ } بـ أروح عند أبوي وأمي .. أـنا ماخشيت عليك إني بـ اروح لـ أبوي وامي .. اتوقع فهمك يكفيك ..
ناظرها مصدوم .. تقصدهـ بـ الخش .. يعني قصدها خاش سالفة نايف عنها ليما جا لها للمطبخ .. قال : وسن إنتي كبيرهـ وعاقل .. تعوذي من الشيطان ..
وسن وإهي تلف عنه : من شوي وعشان أخوك ما اشوف كنت كبيرهـ وعاقل .. آبي أروح لـ امي وأبوي ..
رااكان واهو يحاول فيها : كيف تقدرين تقولين كذا ..؟؟
وسن لفت له وقالت : وكيف إنت تقدر تسوي كذا { وأشرت على إيدها } كيف تقدر تصارخ علي .. وين التفاهم إللي زاعجني فيه .. ؟؟؟؟؟؟
إنصدم من إللي يشوفه .. هذا مكان إيدهـ .. سب نفسه .. كيف سوا فيها كذا .. كلامها قوي مرهـ .. اهو على طوول بس يقول أهم شيء نكون متفاهمين .. ومن أول سالفه صارت لهم وبسبب أخوهـ نسى كل كلامه .. قال : كنت معصب وقدري ..
وسن : خلاص واـنا ذا الحين معصبه وقدر وضعي ..
رااكان عصب وقال : كل شيء اسويه واقوله إلا تردينه لي ..
وسن بعد ناوي أكثر ياراكان قالت : أـنا أمشي على " كما تُدين تُدان " وجرب إللي اـنا جربته ..
راكان واصل حدهـ .. هذي راسها يابس وبقووووووووهـ قال : يعني ؟؟
وسن : أروح بيت أمي وأبوي ..
راكان سكت شوي وقال : لـ متى ؟؟
حركت كتوفها بـ معنى ما ادري .. يعني ولا شيء هامها ..
راكان عارف مستحيل تلين معاهـ بسرعه .. يبي يتركها بـ كيفها شوي .. تسوي إللي يريحها قال : تجهزي .. لكن تأكدي ما راح تطولين عندهم ..
وسن ناظرته رافعه حاجب قالت : أـنا بروح مع يحيى وشريفه .. وإذا على الجلسه عندهم .. أـنا إللي أقرر اطول وإلا لا .. وترا أـنا رايحه لـ بيت أبوي .. ولو إنت شارط إني ما أدخل بيت أبوي .. سويت إللي تبيه ..
طلعت وتركته .. نغزهـ قويه ياراكان .. يعني إنت مو قد كلامك .. أـنا البنت أمشي على الكلمه إللي أقولها على طوول .. هذي ماهي صاحيه كلش .. غير وسن إللي يعرفها .. سب فـ نفسه لإنو اهو إللي جابه لـ نفسه وإلا كيف يمسكها بـ القوهـ هذي .. وكيف يتكلم معاهـا بـ الأسلوب هذذا .. !! اهو يعرف وسن .. لو متكلم معاها
بـ هدوء وطريقه حلوهـ إقنتعت وإنتهى المووضوع ..
دخلت شريفه له وخذت شنطة وسن وطلعت .. ناظرها وإهي داخله للغرفه وتلبس عباتها على فستانها .. لفت شيلتها ولبست لثمتها ورفعت الشيله على راسها عشان تغطي عيونها .. نزلت اللثمه لـ تحت وخذت شنطتها الصغيرهـ وموبايلها وطلعت من عندهـ ولا كأنه موجود .. كانت تكابر بـ شكل فضيع .. تبيه يجي يسلم عليها .. لكن ماصار الشيء هذا .. طلع وراها وشافها لما فتح لها يحيى الباب وركبت وسكرهـ .. نادا على يحيى وقال : لا تسرع وإذا صار شيء إتصل فيني ..
يحيى : وسن ماطلبت مني الشيء هذا .. عشان كذا ما اقدر أسويه ..
ناظرهـ مصدوم .. هذا بعد تابع لها قال : أـنا زوجها ..!!
يحيى : أعرف .. لكن إهي ماقالت .. وإذا صار شيء من وراها أـنا إللي أتحمل كل شيء ..
راكان : خلاص فهمت عليك ..
مشى يحيى .. ودخل لـ سيارته وحرك من بيت راكان لـ بيت أبو خالد بـ الخبر .. ولا أحد يعرف .. كان يمشي بكل هدوء .. هذا إللي متعودهـ عليه وسن .. وشريفه بـ جنبها .. يناظر فيها وإهي ولا كأنها تشوف أحد .. لكن من داخلها تصيح .. واقف على الباب وعيونها تتبع سيارتها .. ليما إختفت طالعه من الحوش .. وطاالعه من الرياض كلها للخبر .. قهر الدنيا بـ داخله .. كانت تناظر للشارع .. إهي محتاجه تبعد عنه .. لإنها تعرف حالها لو جلست معاهـ راح تكبر السالفه لإنو راسها يابس ومستحيل بـ سرعه ترضى .. وإذا كبرت السالفه بـ راسها راح تضطر إنها تنفصل عنه .. لإنو كرامتها فوق كل شيء .. وهذا الشيء إللي ماتبيه .. تبي تكون باقي العُمر معاهـ .. عشان كذا راحت لـ بيت أبوها .. تبي تجلس فيه كم يوم .. تعدل وضعها .. تبي ترتاح شوي .. عشان ترجع لـ راكان وإهي ناسيه السالفه .. عشان لا تأثر على علاقتهم بعدين .. بداخلها تقول .. " سامحني ركوني هذا عشان لا نخسر بعض على طووول " كان وسام يتصل فيها ولا ترد عليه عشان لايتأكد من صوتها ..

وتين وإهي تترجا تركي : تُكفى نرجع ..
ناظرها من فوق لـ تحت وقال : شـ اقول لهم إذا قالوا ليش راجعين .. طبعاً أـنا ما اقدر افضحك ..
وتين تحملت وقالت : قول طفشنا .. ولا نبي شهر عسسل هناك .. نرتاح بينكم أكثر ..
تركي : أشوف ..{ نصاب اهو ميت على الرجعه .. }
وتين : تركي تُكفى ..
تركي يبي يذلها أكثر : كم مرهـ قلت لا تنطقين إسمي بـ لسانك ..
وتين : خلاص ما راح اقوله ..
تركي : أوكي جهزي اغراضك ..
وتين نطت .. لإنو الوعيد عندها إذا رجعت .. تقدر تفكر بـ كيفها وعلى روآق مو جالسه بـ روحها وكأنها مجنونه ..

وصلت لـ بيت أبوها .. ومن دخلت للحوش وعيونها غرقانه .. مسكت حالها ومسحت دموعها قبل لا تنزل ويلاحظون عليها .. فتح لها يحيى الباب ونزلت .. دخلت من المدخل .. وكأنها عارفه إنهم جالسين على العشى .. دخلت على طوول لـ غرفة الطعام .. وحصلتهم جالسين ويسولفون .. وكـ العادهـ أبوها يسولف لهم .. قالت وإهي مشتاقه للجمعه هذي : أـنا جييييييييييييييت .. وإهي تتبسم وتخفي ورا إبتسامتها ألف شيء ..
ناظروا أبوها وأمها ووسام ووليد واهم متفاجئين من جد .. قاموا كلهم ..
أبوها والفرحه واضحه من عيونه : ياروح ابوك .. ياحلو هـ الجيه ..
ضحكت وسلمت عليه وخذاها بـ احضانه ..
امها نفس الشيء ..
وسام واهو يطق إيدها أول ققال : قلبي كان يقولي ..
ضحكت وقالت : إحساسك على طوول فـ محله ..
ضحك وحضنها ..
سلمت على وليد إللي مبسوط عشانها جت لهم ..
جلسوا كلهم على الأكل ..
ابوها : وين راكان ؟؟
وسن كأنها عادي : بـ الرياض ..
أبوها : أجل منو جابك ؟؟
وسن : جيت ويا يحيى وشريفه ..
إنصدموا ..
أبوها : كيف كل هـ المسافه ومعاهم ..؟
وسن : عادي يُبه ..
سكت أبوها مايبي يعصب عليها .. وشغل رااكان بيجي له ..
أم خالد : يُمه تعشي ..
وسن وإهي مفتوحه نفسها للأكل : تصدقين جوعانه ..
أبوها ضحك وقال : وليش ماكليتي شيء بـ الطريق ..
وسن : ماتغديت إلا متأخر ولا يخطر فـ بالي اكل شيء ..
وسام : اجل كُلي كل هذا ..
وليد واهو يضحك : يـ ربي بعدين تصير دووووووووووووووووووبا ..
ضحكوا عليه ..
وسن : جدي وجدتي وينهم ؟؟
أم خالد : طالعين لـ عزيمه ..
وسن : ياربي منهم مابعمرهم تعشوا بـ البيت ..
أبو خالد ضحك وقال : خليهم على كيفهم ..

راكان جالس بـ الإستراحه على حار وبارد .. مايدري عنها .. ولا يبي يتصل لإنو جرب حظه ولا ردت عليه .. على الساعه 11 وصل له مسج وفتحه على طوول وكان من وسن كاتبه فيه " وصلت من نص ساعه .. هذا إذا يهمك تعرف ! "
ناظر .. هذي من جد زعلانه .. قفلت أخلاقه .. دق عليها وحصله مغلق وقفلت الأخلاق زوود .. جا له تركي صديقه وقال : ياخي سيارتك مسكرهـ على سيارتي .. كيف أطلع ..
ناظرهـ راكان ماله خلق قال واهو يرمي المفتاح على نايف : خذ وسع له الطريق ..
خذا نايف المفتاح وركب سيارة راكان ولـ أول مرهـ رااكان يعطي سيارته لـ نايف .. حصل تعليقه بـ إسم وسن .. وشد إنتباهه شيء كان مرمي فـ مكان الراكب إللي بجنبه وخذاهـ بسرعه من قبل لا يفكر .. وخشه فـ جيبه .. وبعد السيارهـ ونزل وعطى لـ راكان المفتاح وطلع من الإستراحه يخطط على كيفه .. ياترى شـ ناوي عليه بعد !!!!!

رقى أبوها لـ جناحه .. وماحب يكلمها اليوم فـ شيء .. وقال بكرهـ لي كلام معاها .. شك سُلطان وجوهرهـ فـ جيتها فجأهـ .. وخصوصاً إنو بكرهـ أربعاء .. ليش ما انتظرت .. ؟؟ سألوا شريفه ولا عطتهم لا حق ولا باطل .. لإنو وسن محذرتها ماتقول شيء .. وقالت إنها بس اشتاقت لكم ..

فتحت موبايلها بعد نص ساعه .. وحصلت منه كم إتصال وبعدها داز مسج .. مقطع أغنيه ..

أـنا تعبان تُكفى حس فيني
أـمانه لاتعلق قلبي وياك
إذا ناوي تضيع لي سنيني
أـنا ضايع فيك وبلياك
دعيت الله بحبك يبتليني
لـ أخر نفس فيني أـنا أهواك
تبيني للنهايه أو ماتبيني
أـنا دنياي بايعها لـ دنياك

قلبها خفق بقوهـ .. ومع هذا حست بـ جرحها يزداد .. سجلت أغنيه من صوتها ..
زياد : رااكان بـ الله عليك عطني موبايلك ..
راكان واخلاقه زفت : ليش ؟؟
زياد : رقمي مفصول وآبي استقبل وسائط على رقمك ..
راكاان واهو يدزهـ له : شوف يمكن يوصل لي مسج ..
زياد : أـنا وسائط ..
رااكان : أوكي ..
دقايق إلا واصل على رقم راكان مسج وسائط مقطع صوت .. فتح المسج زياد ما إنتبه للإسم ..
إنتشر الصوت ..
تذكر وشلون كنا والزمن كيف كان
يوم لا غبت عنك ما أسمع إلا ونينك
ناظر راكان بـ قوهـ .. هـ الصوت يعرفه .. زياد قفل المسج ..
كان في الإستراحه شباب من أصحابهم .. رمى زياد الموبايل على راكان .. وقال : الله يعافيك حط رمز على موبايلك ..
واحد من إللي جالسين ماكان يعرف إنو صوت زوجة راكان : يرحم والدينك ارسله لي ..
راكان واهو يوقف : بُعدك .. وطلع من عندهم ..
دخل لـ سيارته وفتح المسج وسمع الأغنيه ..

تذكر وشلون كنا والزمن كيف كان
يوم لا غبت عنك ما أسمع إلا ونينك
أشعر بخوف ما أدري كنت أحس بـ أمان
يكفي إن جيت يمك طار فيني حنينك
أشـ كثر كنت وافي وأقرب الناس خان
بس أثق فيك حتى لو عيوني تدينك
زان عُمري فـ قُربك يعني الوقت زان
حتى جرد القصايد ربعت في إيدينك
طول عمري وأـنا لاوي ذراع الهوان
شفت يومك في عيني منهو يقدر يهينك
ما أذكر إني نسيتك وأذكرك من زمان
واذكر إني ضحيه بين قلبي وبينك
تدري وش جابني لك لا تقول الحنان
جيت أباشيل قلبٍ طاح قدام عينك
جيت أباشيل قلبٍ طاح قدام عينك

شوي ويصارخ .. وعايدهـ المقطع الأخير بعد ..!!!! تماسك شوي .. مايبي يخرب كل شيء بسبب تعصيبه .. حاول يرتاح شوي عشان يعرف شـ يرد عليها .. صوتها يتردد بـ مسمعه .. شـ كثر يذوبه ويعذبه زوود .. شاف إنو لو يتركها يومين وبعدها يمسج راح تكون إرتاحت شوي .. شغل سيارته وحرك للبيت .. البيت إللي فضى عليه ..
ماهي قادرهـ تنام بعيد عن حضنه .. تتقلب يمين وشمال ماعاد فيها .. أخر شيء جلست وخذت اللاب وفتحته وفتحت إيميها .. تتمنى تحصل أحد يقرأ ولا يسمع صوتها .. تبي تنسى شوي .. حصلت روزان من كل إللي عندها .. شوي إلا حاتم داش .. ماكانت اون لاين .. ناظرت إيميل راكان عندها أوف لاين .. مادش .. كانت تتمنى يكون أون لاين حتى إذا إهي ماتدش معاهـ المهم تحصله أون لاين .. ترتاح أكثر ..
راكان متمدد على سريرهم ولا فيه نوووم كلش .. ناظر مكانها خالي .. قبل كان راسها على طوول على صدرهـ .. وذا الحين شـ مسويه بلياهـ مايدري ..!!

اليوم الثاني .. وسن ولا جلست على الفطور معاهم .. مشوا الموضوع عادي .. أمها راحت للدوام .. وإهي ساحبه على الجامعه وبـ كيفها .. ولا فكرت أساساً فيها .. على الساعه 11 دقت باب الجناح شريفه ولا حصلت رد .. رجعت دقت وجا لها صوت وسن وإهي باقي نايمه : إيووا ..
شريفه : وسن الساعه 11 .. يلا عشان تفطرين ..
وسن : أوكي .. شوي ونازله ..
شريفه : اوكي .. ونزلت ..
مسكت المخدهـ الصغيرهـ وحضنتها بـ قوهـ .. مشتاقه له موووووت .. ماتعرف تكمل يوم من غيرهـ .. تبيه .. قامت ودخلت للحمام وخذت لها شاور .. ولبست لها بنطلون جينز وبدي وضبطت شعرها وجهها وحطت عطر وجلست علىى سريرها .. ناظرت موبايلها مافي شيء من راكان .. تركته ونزلت تحت ..
قابلتها شريفه وقالت : الأكل بـ غرفة الطعام ..
وسن : اسلم على جدي وجدتي واجي أفطر ..
دخلت عليهم وشافتهم جالسين ويسولففون وسن : السلاااااااام علييييييييكم ..
ناظروها : وعليكم السلام والرحمه .. هلا أمي .. هلا وغلا ..
باست راس كل واحد وجلست شوي تسولف معاهم وطلعت تفطر ..

بعد صلاة العشاء .. دخل أبو خالد على وسن بـ جناحها .. قامت وباست راس أبوها وجلسوا ..
أبو خالد : راكان بيجي ؟؟
وسن إبتلشت قالت : لا يُبه .. راكان عندهـ ضغط عمل مرهـ ..
أبو خالد : صاير بينكم شيء ؟؟
وسن : أعوذ بـ الله .. الله لايقوله .. الحمدلله امورنا عاال العال ..
أبو خالد مو مصدقها : إن شاء الله دوم عال العال ..
وسن : حتومي ماجا ؟؟
أبو خالد : على وصول ذا الحين ..
وسن : إن شاء الله .. سولف معاها شوي وطلع ..

حمد واهو جاي للبيت من بعد ماطلع من الشركه .. شافته راقي للدور الثاني تبسمت له وإهي لابسه فستان موف بـ سماي وتشكيلته حلوهـ .. وشعرها مسيحته على أكتافها .. وحاطه ميك آب حلو ..

ضمني حبيبي ..
وكسر ضلوعي ..
ضلع .. ضلع ..!!
ياحلو كسر الظلوع .. وضمّها ..!!

ضمني موت وحياة ..!!
عطني أنفاسكـ عطر ..
وتمتم بحرفين شوق ..
وأنت ذوقكـ بالهوى من جدّ ذوق ..

ودي أشرب ..

إضافة رد
وردة الشرق 06:44 PM 15-05-11
الظما يجرح لهاتي ..
وسال دمي من شفاتي ..!!
يا غناتي ..
مابقى بالكاس صبر ..
ولا بقى بالقلب ما يقوى عليه ..
لمني ..
شمني ..
انتفض مثلي وله ..
خلني أحس إن الهوى يحفر عروقكـ ..
خلني أذوق الموت في لحظة أذوقكـ ..!!
حركـ شفاهكـ شوي .. خلني أكتب قصيدة ..
قل كلامكـ ..
وإن قضى حكيكـ أبي تكفى تعيدهـ ..!!

وخل أقولكـ شي ..!!
يمكن إنه عند غيري شي عادي ..
بس في قلبي كبير ..!!
ويمكن إنه عند غيري بس كذبة ..
بس أنا عندي حقيقة ..
تدري وش هو ..؟؟
وربي اللي كوّن الكون الكبير ..
إن غلاكـ اكبر شوي ..
وإنكـ بـ قلبي شمال ..
وإنكـ بـ عقلي خيال ..
وإنكـ بـ دمي دلال ..
وإنكـ بـ نبضة وريدي كل شي ..!!
وإنكـ حروفي بـ قصيدي ..
وإنكـ الضحكة بـ عيدي ..!!
وإنكـ أحلى من سنيني ..
وإنكـ أقرب من شراييني لقلبي ..
وإنكـ إحساسي وشعوري ..
وإنكـ الناس بـ عيوني ..
وإن سواليفكـ مطر ..
وإن العرق بكفكـ عطر ..
وإني أقهر فيكـ شمس الصباح ..
وأغيض القمر ..!!

تبسم لها ورمى غترته وعقاله وضمها من قلب .. وكأنه كل يوم إلا يروي الضمى إللي كان فيه .. فهم منها تبي حضنه .. وفعلاً هذا إللي تبيه .. همس لها واهو يبوس إذنها : أـحبك ..
خلود ذابت فـ مشاعرها قالت بـ نفس الهمس : أـتنفس هواك ..
هنا عاد ضاعت علوم حمد من جد .. ~_^

يوم الخميس كانت الجمعه في بيت أبو راشد .. كلهم موجودين .. وتفاجأوا من وجود وسن ..
الجوري وإهي تحضنها : ياغناتي .. حمدلله على السلامه ..
وسن : لا والله .. ترا صار لي يومين هنا ..
الجوري : بذمه ؟؟
وسن : وربي .. وإنتي خبر خير ..
الجوري وإهي ترجع تحضنها بـ خفيف عشان بطنها إللي صاير كبير مرهـ عشانها على وشك : وربي لسا أعرف .. على العموم نورت الشرقيه كلها .. وكيف راكان ..؟؟
وسن وإهي تضحك : يسلم عليك ..
الجوري ضحكت وقالت : أجل سلمي عليه ..
وسن : إي يجيب الله مطر ..
الجوري : ما أقدر على إللي يغارون ..
وسن ضحكت ..
دخلت عليهم وتين إللي تفاجأوا من جد ..
أم سعود بعد ماسلموا على وتين : وأـنا أقول وسن كيف تترك راكان وتجي أثاريه عشان وتين ..
وسن وكأنها جت لها فرصه قالت : أكيد .. بـ أعرف إنو وتين تجي للخبر وبعد شهر العسل ولا أجي لها مخصوص ..
وتين إللي ماتدري شـ السالفه حضنت وسن وقالت بهمس : شـ السالفه ؟؟
وسن وإهي تضحك : أقول لك إذا صرنا بروحنا ..
وتين تضحك تصرف قالت : اوكي ..
جلسوا كلهم وضحك وسواليف ..
أم خالد : وتين الخارج مايعجبها وترجع لنا .؟؟
وتين : أشتقت لكم شـ أسوي ..
وسن : صح شوق الأهل مو كويس ..
هنادي : شيييييييييييييين ..
وسن : إيوا .. شييييييييييييييييييييين ..
وتين تناظر البنات قالت : والله ماتغيرتوا !!
وسن : لا مابعد إنفقعوا ..
أمل والجوري ومشاعل نطت عيونهم .. قالت الجوري : فقعه بـ عين العدو ..
وسن : آمين يارب ..
الجوري : إسمعوا العبط ..!
وسن : صادقه .. الفقعه يعني الولادهـ .. وإنتم مابعد إنفقعتوا يعني مابعد ولدتوا ..
أمل : الفقعه شيء ثاني وغمزت لها ..
وسن ضحكت وإلا تحرج أمل قالت : وضحي أكثر ..
امل ولا هامها : الفقعه إهي إللي تصير بـ الأول .. الحمال مايصير إذا ما إنفقعتي ..
فهموا عليها وضحكوا كلهم ..
وسن وإهي تضحك : والله أـنا بـ النسبه لي الفقعه إهي فقعة الولادهـ ..
هديل : أمل كلامها صح ..
وسن : الجوري شـ رآيك ؟؟
الجوري وإهي تسكر وجهها بـ إيدينها : ما ادري ..
هنادي : مالت عليكم .. كل وحدهـ تتكلم وبكل جرأهـ والجوري إللي على وشك فقعه خجلانه ..
أم سعود : هاها ياهنادي ما أعجبتك وإلا عاجبتك .؟؟
هنادي : ماهي حرمه سنعه ..
أم راشد : قيمت هنادي الجوري ..
أمل : كلامي الصح ..
وسن : لحظه نسمع .. ريناد ؟؟
ريناد ووجهها الوآن .. لو بدر يسمع مثل هـ المووضوع كان مايصدق خبر قالت : ما ادري .. كلهم فقعات ..
ضحكوا عليها ..
وسن وإهي تضحك : الفقعه ... فقعة الولادهـ وبس ..
وتين : ياليل .. كلهم فقعات وخلاص ..
أم سعود : إيوا وصلنا خير .. وتين ..؟؟
وتين : شـ فيني ؟؟
أم سعود : شـ رآيك بـ الفقعه ..؟؟
وتين تبي تضحك بس خجلانه لا يفهمون غلط قالت : أؤؤؤؤ .. رهيبه مرهـ ..
ضحكوا عليها ..
وتين : أـنا صادقه .. وسن شـ رآيك ؟؟
وسن : كل شيء عاجبك عاجبني ..
أم سعود : هههههههههههه .. قولي إنو راكان عاجبك ..
وسن وإهي تحط إيدها على قلبها : وآآآآي من راكان إلا مجنني ..
ضحكوا عليها ..
وتين وإهي تساسرها : شوي شوي لا يصير لك شيء من يجيبون إسم راكان ..
وسن تبسمت وقالت : أحبهـ شـ أسوي ..
وتين ضحكت وسكتت ..
أم سعود : ما شاء الله وسن وين الجامعه ؟؟
وسن وإهي تطق راسها قالت : تصدقين ناسيتها ..
ناظروا الحريم بعض وبعدها ضحكوا ..
أم خالد : حبيبتي الله يحفظ راكان إللي منسيك ..
وسن : في هذي صدقتي ياروحي إنتي .. وبعدين عمه شوفي بنتك إللي تاركه جامعتها وطالعه شهر عسل ..!
أم سعود تناظر وتين : وين جامعتك إنتي بعد ؟؟
وتين وإهي يقال إنها ذايبه : جامعتي تركي ..
أم راشد : ههههههههههههههههههههههههههههه .. إيش .؟؟
وتين وكأنها فهمت قصد خالاتها قالت : جامعتي .. معتي .. الحرف إللي قبل الأخير ت .. تركي ..
الحريم إللي فهموا ضحك الماسه وطقوها ضحك ..
ريناد : ياربي مايخجلون ..!!
ريم وإهي تضحك : عادي .. ليش يخجلون إذا كلنا عارفين الشيء هذا ..
دارين وإهي تضحك : ريناد أحسها مابعد تزوجت ..
ريناد تلونت خدودها وقالت : ويلي لو يسمع بدر ..
دارين وريم : هههههههههههههههههههههههههههههههههههههه

كلموا سهرتهم ضحك ووناسه ..
هذا الجو إللي فاقدته وسن بـ الرياض على كبرها .. عندها جمعة عائلتها أهم من اي شيء ثاني .. يكفي معاهم الواحد ينسى همه ..

خلود غايبه إهي وحمد .. الشباب لسا يعيشون أـيام شهر العسل .. ولا أحد يلوم خلود إذا حمد حبيبها .. ولا أحد يلوم حمد إذا خلود حبيبته .. بـ إختصار لا أحد يلومهم إثنينهم .. ^_^

أم راكان وإهي ماسكه ولدها زياد ..
زياد : طيب والمطلوب ؟؟
أم راكان وإهي تعمل حالها تبكي : تسكن عندي ... لاتصير نفسك اخوك إللي ما اشوفه إلا قليل ..
زياد : وين بـ الضبط ؟؟
أم راكان : عندي فـ بيتي ..
زياد : أـنا شقتي فوق بيتكم .. واي وقت حياك يُمه .. إنتي الداخله وإحنا الطالعين ..
تبسمت لـ ولدها .. باس راسها وقام من عندها ..

تركي يسأل حاتم : راكان موجود ؟؟
حاتم : لا ..
تركي : مو يقولون وسن موجودهـ ..!!
حاتم : إيوا بس وسن بتجلس هنا لـ وقت ملكة زياد ..
تركي : أـها .. والله مشتاق له الدووب ..
حاتم : لا تستعجل كلها 5 أـيام وتشوفه عندك هذا إذا مو أقل ..
بدر : هذا وجهي إذا مو يوم وإلا يومين بـ الكثير ويترقص هنا .. لاتنسون زوجته هنا .. يعني أكيد صعب عليه يجلس من غيرها ..

بعد يومين على الساعه 10 بـ الليل كانت وتين لسا جايه لـ وسن ووسن كانت تاخذ شاور ..
وتين تناظر رقم تركي إللي يدق عليها وردت : نعم ؟؟
تركي : وينك ؟؟
وتين : عند وسن ..
تركي : تعالي للبيت ..
وتين : ليش إن شاء الله ..؟؟
تركي : أبد الله يسلمك بس بـ أنام معاك ..
وتين ضحكت بـ طنازهـ وقالت : ما كأن كل واحد مننا بـ غرفه ينام ولا يدري عن الثاني ..
تركي : تبين نغير ترا ماعندي مانع ..
وتين : الله لايقول .. خلنا كذا .. أـنا بـ غرفتي أـنام وإنت بـ غرفتك تنام ..
تركي : طيب تعالي للبيت .. قبل لا أجيك ..
وتين : طيب .. وقفلت بـ وجهه ..
طلعت وسن وسلمت عليها ..
وسن وإهي تتبسم : سوري حُبي كنت أخذ شاور ..
وتين : لا عادي .. أـنا بـ اطلع للبيت ذا الحين .. راح اتصل فيك ..
وسن وإهي مستغربه : اوكي حياتي .. الله وياك ..
لبست وتين وطلعت من عند وسن .. ووسن جلست على السرير .. تفكر بـ إللي سمعته صحيح وإلا لا ..!! فكرت لو إهي وراكان فـ بيت واحد وكل واحد منهم
بـ غرفه كيف بيكون وضعهم ..!!!
وصل لها مسج فتحته وكان من راكان .. سمعت الأغنيه بكل إنصات ..

أحبه والأمل باني في قلبي من غلاهـ صروح
حبيبي لو يمر طيفه يبدد ماضي احزاني
أحبه حُب لو يدري عن إللي فـ خافقي من بوح
نسى كل الزعل وأرخص حياته دون حرماني

تحملت الخطأ منه وإذا اخطى بعد مسموح
حبيبي ماعليه أزعل إذا اخطى وخطاني
تذكرته وأـنا ناسي ونسيته والوفاء مجروح
غريبه حالتي والله وهو ذكراهـ نسياني

ردت له بـ أغنيه ..

الله يسامح زمانٍ فيك ذكرني
من بعد ماكنت ناسي يابعد ناسي
كل مادعيت بهواك الله يصبرني
ترجع لـ قلب نسى وتوقض إحساسي

وش حال قلبك بعد فرقاي خبرني
مرتاح وإلا شكى من شوق ويقاسي
لا تولهت شفت الوقت يجبرني
أبعد وأصبر فؤادي واتركك ناسي

ياهل ترى تذكر أـيامي وتذكرني
ياهل ترى مثل ما إنت تحلف براسي
وإلا تعودت تنساني وتهجرني
والوقت عيا يرقق قلبك القاسي

بـ خاطرهـ .. هذي يعني ماتعرفني وإلا تستهبل ..
رد لها ..

في ذمتك ماهز قلبك غيابي
ما أشتقت لـ أـيـامي وذيك التعاليل
شف جرحك إللي من عذابك صفالي
شف دمعي إللي من غيابك هماليل
سعادتي شوفك وبُعدك عذابي
دخيل جرحك مابقى للصبر حيل
وش ينفعك من لوعتي وإغترابي
إلا السهر ياصاحبي والغرابيل
تعال خذني من عذابي إللي جاني
خذني من الحرمان والجرح والويل
إفزع لي قلبٍ من عنا الوقت بابي
وش فايدة كلٍ يرد المواصيل

ووصل لها مسج ثاني كاتب فيه " لاتتعبيني أكثر من تعبي هذا ..!! قاعد أكتب وأـنا مقهور من تصرفك ..! قهري إللي بداخلي أكبر من إني اضبط حالي ولا تنزل دموعي .. وسن .. إللي بيننا حرام تضيعينه .. "
أثر فيها المسج وبقوهـ .. لكن ماردت .. مسج لها " أسـف .. لو تبين أعيد فيها من ذا الحين لـ بكرهـ ماعندي مانع .. صحيح غلطت .. لكن أـنا كنت معصب .. وهذاني أعيد .. أسف يادنيتي كلها .. والله محتاجك .. حسي فيني .. خبري قلبك حنون .. حني علي لو شوي .. "
قلبها مايطاوعها .. تموت عليه .. والأـيام إللي كانت بعيدهـ عنه عرفت مكانته من جد .. عرفت إنها ماتقدر على بُعدهـ ..
رااكان جالس ينتظر رد منها .. مافي أمل .. كان متمدد على سريرهـ وحاضن مخدتها .. ويفكر في حالهم .. كانوا شـ حلاتهم ليما طلع لهم نايف .. تأكد إنو مستحيل يعيش من غيرها .. ومستحيل يتركها على كيفها وإختيارها إذا بغت البعُد .. يرخص الدنيا عشانها إهي وبس .. وصل له مسج .. وفتحه وكان صوتي ..
هـ المرهـ صوت " تركي العلي ' ياصوته "

ياصوته الدافي الحنون وينك أـنا مشتاق لك
ياصوته أـعشقك بـ جنون ياصوت والله فاقدك
ياصوته أـنا أـموت فيك أـحتاج لك واوله عليك
يـ أغلى من في هـ الوجود آـبيك أـنا والله آـبيك
الشوق في قلبي كبير يـ الحب الأول والأخير
أحلى كلامي سيرتك وأن سولفوا عنك أغير

ماصدق .. من قبل يعرف الأغنيه لكن شكك الولد ..!! رجع سمع مرهـ ثانيه .. ودق رقمها واهو ولهاااااااااااااااااااااااان حييييييل ..
بعد مادزت له الأغنيه خذت ريموت الأستيريوا وتمددت على سريرها وشغلته .. وابحرت بـ أحلامها وذكرياتها مع راكان .. تحبه قليل تشوفها قليل على إللي بداخلها له .. أمتلى جناحها بـ صوت " ريان ' أحلى غرام " وإهي تعشق اداء هـ الفنان .. وخص هـ الأغنيه .. دق موبايلها بـ نغمته .. نبض قلبها بقوهـ .. وفرحت وكأنوا أول مرهـ يدق عليها ..
فتحت الخط ..
جا له صوت الأغنيه .. البنت عايشه جوو .. وينه عنها ..؟ كانت على طوول تعيشه جوو لما كانت عندهـ .. وذا الحين حاسس بـ فقدتها من جد ..
فهم من سكوتها إنها إهداء له .. ماتكلم يسمع الأغنيه .. تحس إنو قاعد يسمع نبض قلبها .. واهو نفس الشيء ..
يـ إللي بـ حُبه ياناس غايب مابيسأل عني
كلمة حُب وإحساس سرق لي قلبي
ياناس ماتلوموني وعن غدرهـ ماتحكوني
لو تزعل مني عيوني صرخة قلبي بتقول
أـنا مش قادر إنسى غيابك إنسى أحلى غرام
أـنا بيعز علي بعادك مهما طالوا الأـيام
دمعاتي بتشهد على فراقك وعيوني ما بـ تنام
أـنا من دونك عُمري دايب وفراقك والله حرام

بـ مقطع الموسيقى قال بـ نبرهـ ذوبت وسن : أذوب فيك ..
مشاعرها شعللت .. تموووووت فيه وفي كلامه وفي صوته ونبرته ..
ماردت وسكت يسمع للأغنيه لإنها مستحيل ترد قبل لاتنتهي الأغنيه ..

ياليل غفيوا نجومك إتركني لـ حالي سهران
لو تشكي لا ما بلومك بـ أعرف ناطر حيران
إتركني بـ عذابي أـنا من غيروا مافي هنى
هو حبيبي أـنا مهما حنيني يطوووووول
أـنا مش قادر إنسى غيابك إنسى أحلى غرام
أـنا بيعز علي بعادك مهما طالو الأـيام
دمعاتي بتشهد على فراقك وعيوني ما بـ تنام
أـنا من دونك عُمري دايب وفراقك والله حرام

إختارت رقم أغنيية حكيوا عينيك وإبتدت الموسيقى لإنها تروقها غصب هـ الأغنيه ..
راكان وكأنه عرف الأغنيه قال : اليوم سوق ريان ماشي ..
تبسمت مايترك كلامه ..
كمل : حلو هـ الأغنيه إهدأ مني لك .. إنتي مو أفضل مني .. إنتي تهدين وأـنا لا ..! إسمعيها عدل .. طالعه من القلب للقلب ..
ضحكت بـ خفيف .. تبسم لـ ضحكتها إللي على خفيف وقال : ياعلني فدا هـ الضحكه ..
سكت لإنو الأغنيه إبتدت ..

حكيوا عينيك سحرك ناداني
واخدني ليك حُبي وحناني
إنتَ الأمان وكل الحنان
حياتي إنتَ وأحلى زماني

قال : إسمعي .. حياتي إنتَ واحلى زماني ..
تبسمت ولا ردت ..

ياما ياما الليل يطول
وإنتَ بـ بالي على طوول
بـ خيالي بـ شوفك جايي
بـ عيونك أحلى حكايا
ياعيوني لا ماتنامي
ظلي ظلي سهرانا

رااكان واهو يغني : ياما ياما ... صادق هـ الريان ..
قالت وإهي تعرف مستحيل يسكت وبكل همس : آووش '' نسمع الأغنيه ..
راكان إللي تبسم وقال : تامرين أمر .. لو تبين أغني معاهـ مستعد أسوي فررقه بعد ..
تعرفه إلا يحول كل شيء لـ سالفه طويله ..

أحكيني أحكيني بـ جنون
بـ حب الشوق المجنون
بـ حبك أكتر من حالي
غالي على قلبي غالي
يازينة هـ الليالي
عُمري بـ قربك هناني

رااكان : الحمدلله إنتهى .. مابغى ..
سكتت ..
راكاان رجع لـ جديته : حبيبي أسف ..
وسن بكل هدوء : وين أصرفها الآسف هذي ؟؟
رااكان بـ هبال : عاد عمي وأخوانك يعرفون أفضل البنوك .. وبعدين على كثر فلوسك ماتعرفين أفضل بنك تصرفين فيه .. ؟!!
تتكلم بـ جد واهو يستهبل .. ماردت عليه .. مايترك حركاته ..
كمل واهو عارف إنو ضغطها أرتفع : إسألي { وقلد صوتها } بابا وإلا خلودي وإلا حتومي ..
قالت : خلصت طنازهـ ..!!
راكان : اـنا اطنز ..!! مستحيييييييييييييييييييل .. { رجع لـ جديته } من جد أسف ..
وسن بكل صراحه : إللي قهرني بـ الموضوع ليش خشيت علي ؟؟؟؟
راكان : والله ماكنت أعرف إنو جاي .. اساساً تفاجأت لما دخل بعدهم ..
وسن تعرف إنو يكذب اوقات ويألف قصص من مزاجه ... لكن متأكدهـ إذا سالفه تخصهم إثنينهم مستحيل يكذب عليها .. ماعرفت شـ ترد فيه ..
رااكان : عذرتيني ؟؟
وسن بـ نفس هدوءها : يبي لي وقت على ما انسى السالفه .. لاتنسى إسم أخوك من ينذكر عندي يوترني مو عاد حاضر للغدأ من غير لا اعرف .. إنت تعرف شـ كثر إللي صار بيني وبينه خوفني .. ماعدت أثق فـ احد من عائلتك .. لإنو أتوقع بيجي شيء أكبر من هذا كله ..
راكان يحاول يهديها : لا إن شاء الله ما راح يصير شيء .. خلاص كل مُخططاتهم عرفناها .. ولا بقى عندهم شيء .. وإذا أـنا وإنتي واثقين في إنو كل شيء منهم عشان تخريب مابيننا يعني ماله داعي الخوف .. لإنهم ما راح يحصلون الشيء هذا ..
وسن سكتت لإنو إحساسها يقول لسا وراك المشوار طويل مع نايف وخالاته ..
راكان بـ نبرهـ تذوب : أـحبك ..
سكرت عيونها .. مشتاقه للكلمه هذي منه .. قالت وإهي بنفس نبرته : أـعشقك ..
سكت شوي .. مهما كان مشاعرهـ لها اكبر من إنو يتحملها تكون بعيدهـ عنه ..
وسن : وينك ؟
راكان : آآخخخ '' بـ البيت ..
وسن تلونت خدودها قالت : بكرا عندك دوام ؟؟
رااكان : أكيد ..
وسن : طب .. متى صحيت اليوم ؟؟
راكان : ليش أـنا قدرت أـنام عشان اصحى ..!! كل شيء حولي فاقدك .. كل شيء فيني يبيك .. مستحيل أقدر أعيش وإنتي بعيدهـ عني .. كل شيء مشتاق لك ..
زادت نبضات قلبها لـ نبرة الصدق إللي يتكلم فيها ..
كمل واهو واضح متأثر : حاسه بـ إللي امر فيه ..؟؟
وسن وصوتها متأثر شوي : كل شيء تمر فيه أكيد أكون عايشته نفسك ..
راكان وواضح على صوته التعب : وينك ؟؟
وسن سكرت عيونها وقالت بهمس : موجودهـ لك على طووول ..
راكان : أكيد ؟؟
وسن : تشك في مشاعر وسن ؟؟
راكان تنهد وقال : أشك بـ حُب الناس كلها إلا إنتي الشيء إللي واثق منه ..
وسن : حبيبي وربي أـحبك ..
راكان : واـنا أـموت عليك ..

عند أمل كانت جالسه مابعد نامت .. صحى فارس وشافها جالسه وسرحانه خاف وقال : فيك شيء حُبي ؟؟
أمل ناظرته وتبسمت وقالت : لا حبيبي .. بس ماجا لي نوم ..
فارس واهو يقوم من السرير ويروح لها : تحسين فـ شيء .؟؟
أمل وإهي خايفه من كلامه قالت : لا لسا .. باقي أسبوع على موعد ولادتي ..
فارس : أكيد ماتحسين بـ آلم ..؟
أمل : فارس يرحم والدينك لا تخرعني ..
فارس واهو يقومها معاهـ .. : شـ رآيك نطلع للحديقه .. !
أمل : لا حبيبي إنت نام بكرهـ عندك دوام ..
فارس : ماعليك من دوامي .. قومي معاي وبس ..
أمل قامت معاهـ ماتمشي إلا خفيف .. إهي تعرف حالها قبل ولادتها بـ أسبوع ماتقدر تنام بـ الليل .. لإنها مجربه بـ عبدالله ...

إضافة رد
وردة الشرق 06:46 PM 15-05-11

إضافة رد
وردة الشرق 06:49 PM 15-05-11
راكان : طيب .. لايكون لابسه فستان ؟؟
وسن ضحكت وقالت : نووو ..
رااكان : أجل ؟؟
وسن : بيجاما نوم عادي ..
رااكان : طيب قومي بدلي ..
وسن : خير .. ترا إنت بـ الرياض وأـنا بـ الخبر ..!!
راكان : أعرف .. بس قومي بدلي ..
وسن ماعرفت شـ يبي قالت : شـ البس غير بيجاما نوم ..لإني بـ أـنام فيها ..!!!!
راكان : آبي أتخيلك بـ لبسك .. تذكرينه إللي يعجبني كثير ..
وسن : كل لبسي يعجبك .. كل مالبست شيء قلت الله أحلى من إللي قبل ..
راكان ضحك وقال : لإنو ذوقك رآقي ياحلو إنتَ ..
ضحكت وقالت : شنو طيب ؟؟
رااكان واهو يفكر : اي شيء من ملابس النوم ..
وسن فهمت عليه وتلون وجهها .. حلو إنو مو عندها قالت : إيوا .. ولا تقول صوري ودزي الصورهـ .. ترا أعرف حركاتك ..
رااكان ضحك وقال : ياروحي لا .. بس إلبسيه وبعدها بـ اسولف معاك ..
وسن وإهي تنزل من السرير وتدخل غرفة التبديل وتفتح درج الخاص بـ ملابس النوم قالت : وكيف اللبس وإنت تكلمني ..؟؟
راكان : عادي ..!
وسن : إيد ماسكه فيها الموبايل .. يعني قفل ..!
راكان : نووووووو .. مستحيل أقفل .. إفتحي السبيكر وخليني أسولف معاك وإنتي تلبسين ..
وسن بخجل : حلو إنك مو موجود وإلا كان ...
راكان ضحك وقال : إلا ليتني عندك هـ اللحظه ..
وسن : راكاااااااااااانوووووووهـ ..
ضحك وقال : يلا بدلي بـ سرعه ..
ضحكت لإنها متعودهـ على حركات رااكان إللي مثل كذا وأكبر بعد ...

عند أمل وفارس كانوا جالسين بـ الحديقه ويسولفون ...
أمل : يسألون .. إذا إخترنا أسماء وإلا بعد ..!
فارس واهو يمسح على بطنها بـ إيدهـ : قولي الأول عبدالله والثاني ناصر ..
ضحكت وقالت : ياحلاتك ونمسك على أسماء العاائله ..
فارس ضحك وقال : حُبي ..
أمل : هلا حياتي ..
فارس : حاسه بـ شيء ؟؟
أمل : والله لا .. بس هذي أوقات عاديه تُمر على الحامل نهاية حملها ..
فارس : ما ادري .. خايف عليك ..
أمل ضحكت وقالت : الله لايحرمني منك ..
فارس واهو يبوس إيدها : ولا منك ياقلبي ..

وسن : هههههههههههههههه .. وربي عبيط ..
راكان : هههههههههههههههههههههههههههه .. كيفي ..
وسن وإهي تناظر الساعه صار لها تتكلم معاهـ ساعتين ونص قالت : حلو .. مو كأن عندك دوام .. وإلا ناوي تاخذ خناقه محترمه من جدك ؟؟
راكان ضحك وقال : عاد جدي حتى وأـنا أجي مبكر إلا خناقه مو عاد إذا سحبتها نومه ..
وسن : هههههههههههههههه .. ياحياتي .. عاد اهم حسبالهم أـنا السبب بـ التأخير ..
راكان : إلا متأكدين لإنو جدي إذا سألني قبال الكل .. شـ سبب تأخرك ياراكان ؟؟ قلت الله يسلمك المدام الصباح كانت متكشخه ومضبطه وضعها وصعب أطلع من قبل لا أخذ منها شيء .. وسن مصدومه قالت : أـنا إللي أأخرك يعني ؟؟
راكان ماسك ضحكته قال : لحظه بـ أكمل ..
وسن : بعد ؟؟
رااكان : ماجينا للمهم .. والموظفين يناظرون بعض ويتضاحكون .. طبعاً إللي عندهـ زوجه ونفس حالتي أكيد بيعذرني .. لكن أـنا متأكد مافي مثلك إنتي .. كشخه على الصباح وكشخه على الظهر وكشخه على العصر وكشخه على المغرب وكشخه على العشاء وكشخه مابعد العشى وكشخة ماقبل النوم .. يعني إحسبيها كم مرهـ .. صراحه ماعاد فيني حيل .. وجدي عاد قام يخانق .. شـ رآيك تجيبها معاك للمكتب بعد .. ! قلت والله ودي .. لكن أخاف تاخذ نسخه على المفتاح وتطب علينا فجأهـ ..
تلونت كلها ..
وسن : هذا قلته لـ جدك عند الموظفين ؟
رااكان : وطافك بعد .. أبوي موجود وزياد والكل ..
وسن وإهي متفشله من جد .. قالت : ياربي فشله .. ماتخجل يعني ..؟
راكان وشوي وينفجر من الضحك : الرجُل ما يخجل من شيء .. تبين أقول حق عممي والشباب عادي أقول ..
وسن : لااااااااااااا .. يرحم والدينك .. وبعدين أـنا طول عمري أكشخ .. يعني موعليك وبس .. وبعدين إمسك نفسك مرهـ ثانيه ..
ضحك من قلب وقال : من جدك أقول كذا .. !!
وسن : صحيح راكان .. قلت كذا وإلا لا ؟؟
راكان : مجنون أـنا أقول كذا ..! ياروحي هـ الشيء بيني وبينك وبسسسسسس ..
وسن تبسمت بـ إرتياح وقالت : طيحت قلبي ...
راكان ضحك وقال : فديت القلب وصاحبته يانااااااااااااس ..
وسن ضحكت وقالت : يلا .. روح نام ..
راكان : حُبي بسألك .. عندك أغنية عباس مانت فاهم ..؟؟
وسن وإهي تمشي للإستريوا وخذت السي دي وشغلته وقالت : إيوا هذاني شغلتها ..
رااكان : إيوا إسمعيها على ما ارجع لك .. حبيبي ثواني وارجع أكلمك ..
وسن : أوكي حُبي ..
وقفل ..

عند الجوري وخالد .. هذي حالتها من كم يوم ... ببس تمثل النوم على خالد .. لإنو إذا صحى وحصلها صاحيه بيجلس معاها .. هذي مُعانات الحوامل على أخر شيء .. ماتحس بـ الراحه بـ النوم .. تحس بـ ضغط عليها كبير مرهـ .. تتمنى تولد
بـ أقرب وقت عشان ترتاح ..

دخل للجناح وريحتها تنعشه كله .. وتزيدهـ حماس .. قفل الباب وراهـ بكل هدوء ..
كانت واقفه عند الإستيريوا وتسمع المقطع الأخير من أغنية مانت فاهم ..

لك أـنا خطوهـ واوصل للجنون
بك ترا العاقل على عقله يلام
بك أـنا بـ أفخر على العالم واكون
أسعد إللي حب واجملهم كلام

ماصحت من أفكارها إلا واهو حاضنها من ورا .. ماتوقعت كلش ..! لكن إللي أكد لها أنفاسه وريحة عطرهـ وحرارة جسمه .. لفت له وناظرته .. مشتاقه له مووووووت .. تارك شعر لحيته طالع شوي وعاطيه منظر شيء .. عيونه تناظر عيونها وعيونها نفس الشيء .. قرب وجهه منها وصار ملامس لـ وجهها وقال بكل همس : أشتقت لك ..
إيدينها من ورا رقبته ومبسوطه بـ إللي تشوفه ..
تبسمت وقالت : كيف دخلت للبيت ؟؟
راكان : إتصلت فـ وسام وفتح لي .. ونسيت إني تارك صدري مفتوح .. قال ما شاء الله جاي وناوي من البدايه .. !!
تلونت كلها .. وناظرت فعلاً صدرهـ مفتوح .. ماسكر الأزارير ..
يموت فيها قليل .. 5 أـيام أشتاق لها حد الجنون ماقدر يتحمل بُعدها .. عرف وين تناظر وتبسم لها .. باس كل مكان بـ وجهها بـ كل رقه .. ترك خشمه يلامس خشمها قال بنفس نبرته : ماقدرت أتحمل لـ بكرهـ ..
قربت راسها من صدرهـ وباسته بكل هدوء .. وهنا إثنينهم صاروا بـ أحضان بعض ~_^

الجـزء >> 33 <<

العنود وإهي تكلم وتين بعد الغدأ ..
وتين : ما ادري ..
العنود : تركي عندك ؟؟
وتين إبتلشت قالت : بـ الحمام يُمه { نصابه }
العنود : مستحيل يرفض ..
وتين يخسي يرفض قالت يقال إنها متزوجه ومسؤوله من زوج : لا ما راح يرفض .. بس أرد لك خبر ..
العنود : أوكي .. باي ..
وتين : باي .. وقفلت .. طلعت من جناحها .. وحصلت تركي متمدد بـ الصاله ومسكر عيونه بـ إيدينه ..
وتين : تركي ..
تركي واهو على وضعه قال : كم مرهـ أقول لا تجيبين إسمي على لسانك ..
وتين طفشت منه قالت : اوهوووووووهـ .. كل شوي والثاني لاتجينين لاتجينين .. من حلاة الإسم ..
رفع إيدينه وناظرها وقال : خير ؟؟
وتين وإهي تعاند : إللي سمعته ..
جا لها يمشي وقرب منها وقال : متأكدهـ ؟؟
وتين : إيوا .. وإذا براسك شيء طلعه ..
مسكها من شعرها من ورا .. وقال : حلو إنك مقصرهـ شعرك عشان أعرف أتفنن فيه بـ المسك ..
ضحكت وإهي تخفي أوجاعها قالت : ماتهمني لو تشد من اليوم لـ بكرهـ ..
شد عليها أقوى ..
وتين ولا تحركت .. تتألم بـ داخلها لكن بداخلها تقول والله ما أترجى فيك ..
تنرفز منها ودزها على الكنبه وطاحت ..
بقت على وضعها وقالت : قبل لا تدخل لـ غرفتك .. بـ أطلع لـ أمي متصله فيني وتبيني ..
تركي واهو يناظرها قال : مافي ..
وتين : ومنو قال بـ أخذ رآيك .. أـنا أقول عشان إذا ماحصلتني تعرف ..
قرب لها ومسكها من إيدها بقوهـ .. وألمتها .. وقفها معاهـ وقربها منه مرهـ وقال : أـنا إللي أسمح لك .. ومافي طلعه ..
وتين تعاند : بـ أطلع لها ..
تركي : عتبي باب البيت وشوفي ..
وتين : أوكي ..
دزها بـ قوهـ وطاحت .. ودخل لـ جناحه ولا كأنه سوا شيء ..
وقفت ومشت لما دخلت جناحها .. سكرت الباب وسندت حالها عليه .. يذل ويهين فيها ووصلت للطق وطق وإنتهى وإهي ماعندها إلا إنها تعاندهـ .. لا أم سأله فيها ولا أبو .. حسبالهم عايشه سعيدهـ مع واحد تكرهه ويكرهها .. كيف يفكرون بس إننا عايشين بـ سعادهـ وإحنا نكرهـ بعض من قبل .. أكيد مستحيل يحترمني إذا متاكد إني ماخذته غصب عشان أمها غاصبتها عليه .. تذكرت حمد أول ماعرف عن موافقتها جا لها مخصوص وسألها ..
حمد : وتين حبيبتي متأكدهـ إنك موافقه ؟؟
وتين ماتبي تكبر الموضوع وتدخل أمها وحمد في خناقه إهم في غنى عنها : إيوا حمد ..
حمد : وتين هذا زواج .. أحد جابرك توافقين قولي لي .. والله وقتها ما راح يصير هـ الزواج .. وتين .. أرجع واقول هذا زواج مو لعب .. العناد إللي من قبل بينك وبينه ممكن يكبر وتصير مشاكل بعد الزواج إذا إنتي موافقه غصب .. { كمل بـ آلم } وتين إنتي إختي وما ارضى تعيشين بـ عذاب ..
وتين تداري كرهها لـ تركي وإنها موافقه من قناعتها قالت : حمد الله يحفظك لي إن شاء الله .. تأكد إني موافقه بـ كيفي ولا في أحد يقدر يجبرني .. وإن شاء الله مافي لا عذاب ولا مشاكل ..
حمد واهو يوقف قال : إن شاء الله .. وربي يوفقك ..
وتين : أجمعين يارب ..
وطلع من عندها ..
نزلت دموعها ... لو قايله له إنها مجبورهـ كان باقي جالسه فـ بيت أبوها وتسرح وتمرح بـ كيفها ولا أحد يطق ويهين فيها .. مررت إيدها على شعرها مكان شدته لها .. ودخلت تلبس لإنها بتسوي إللي براسها ..

صحوا إللي نايمين بـ العسل على أذان العصر .. أحلى نومه بـ النسبه لهم .. لإنها صارت بعد تعب كم يوم .. وسن صحت على الساعه 1 لكن راكان رجعها تنام معاهـ .. ووسام منبه على شريفه ماتدق عليهم لإنو راكان موجود .. " إسم الله عليه يفهم بهـ الأمور ^_^ "
راكان : وسن قومي قبلي ..
وسن : من شوي كنت بـ أقوم لكن رجعتني أـنام .. خلاص ... قوم إنت ..
راكان : وسن إذا ماقمتي ترا أسحبها نومه لـ بكرهـ واخليك تسحبين معاي غصب وغمز لها ..
نطت من السرير بسرعه ..
ضحك وقال : أشوفك ماتبين !!
وسن وإهي مستعدهـ للهروب بعد إللي راح تقوله : صراحه إني مشتاقه لك مووت ومابعد شبعت .. فـ إتركها لليل احلى وغمزت له .. قام من السرير بـ يمسكها قبل لا تدخل للحمام .. لكن إهي أسرع منه ولإنها كانت أقرب للحمام وسكرت عليها وضحكت ..
راكان : طيب ياوسن تعرفين تحرقيني وتروحين .. أـنا وراك يابنت سُلطان ..
وسن وإهي جوا الحمام : هههههههههههههه .. حبيبي إنتَ .. شـ أسوي أـحبك ..
راكان : بعد ..؟؟ لو إنتي قد كلامك طلعتي ..
وسن : سوري ما اقدر لإني بـ ادخل للموي ذا الححين .. وعدنا الليله ركوني عيوني ..
راكان : إنتي خلصي بس ..
ضحكت لإنها تعرف مستحيل يعديها لها ..
جلس على السرير .. تذكر إنهم قبل لا ينامون قفلوا موبايلاتهم .. فتح موبايله وحصل إتصالات بـ الهبل من جدهـ وابوهـ .. أكيد قالب الدنيا ذا الحين .. طنششششش .. وإتصل في تركي ..
تركي واهو متمدد على سريرهـ : خير ؟؟
راكان : ههههههههههههههههههههه .. أبو الأخلاق الزفت ..
تركي : شـ تبي ؟؟
راكان : شـ عندهم مقفلين .. ؟؟ قول .. هههههههههههههههههههههههههه
تركي ضحك غصب .. هذا الواحد ماياخذ منه إلا الضحك قال : إخلص وقول
شـ عندك ..؟؟
راكان صفر وقال واهو يضحك : شكل المدام بـ الأحضان عشان هيك الأخلاق مقفله لإني قطعت عليكم ..
تركي وين وراكان وين قال : لا ياشيخ ؟؟
راكان : هههههههههههههههههههه .. إذا كنت بتاخذها بـ الأحضان قفل موبايلك ..
تركي : وبعدين ..!
راكان : عاد هذا المهم .. بعدين أبدأ الشغل ..
هنا تركي : ههههههههههههههههههههههههههههههههههههههههههههههه
راكان ضحك وقال : كيفك يادوووووب ؟
تركي : بخير والحمدلله .. إنت وينك ماتنشاف ؟؟
راكان : وصلت للخبر الساعه 3 الفجر ..
تركي واهو يصفر قال : ههههههههههههههههههه .. أجل 3 الفجر .. والصوت لسا صاحي من النوم .. أجل الدعوى صباحي ..!!!
راكان فهم عليه وضحك وقال : عندك شيء يعني ..؟؟
تركي : لا الله يسلمك بس حبيت اقول عصريه مباركه ..
راكان ضحك وقال : عصريه وظهريه وصباحيه ومغربيه ..
تركي : هههههههههههههههههههه .. ابد أجل مانت فاضي من كثر الشغل ..
راكان : ههههههههههههههههههههههه .. طلعت وسن من الحمام وإهي مغطيه شعرها بـ فوطه صغيرهـ .. ولابسه ملابس الإستحمام لونه مشمشي ... صفر من غير لا يحس على شكلها .. وسن ناظرت شكلها .. أبد مافي كشخه .. بس لبس الإستحمام ..
راكان : ياحياتي .. حياك الله تعالي هنا .. { واهو يأشر فـ حضنه }
ضحكت وتلونت خدودها وعطته ظهرها تضبط شعرها ..
تركي : هههههههههه .. يـ ابو الشباب أـنا معاك على الخط ..!
رااكان رجع لـ تركي إللي نساهـ وقال : أجل مع السلامه ..
تركي : شوفوا الجحدهـ ..!! مصحيني من النوم وأخر شيء لما شفتها تقول مع السلامه ..
راكان : ههههههههههههههههههه .. إتصلت فيك عشان أصحيك لـ صلاة العصر ..
تركي : ما اقدر على المُلتزم المهتم بـ الصلاه .. شوف حالك ياشيخ ذا الحين ..
راكان : أوكي باي ..
تركي : مردودهـ ياولد مريم ..
راكان ضحك وقال : مستعد لك ياولد غيوض ..
تركي ضحك وقال : يلا روح إلحق لا يصير لك شيء بس ..
راكان : هههههههههههههه .. باي ..
تركي : ماصدق خبر ..
راكان : ههههههههههههههههههههههه .. شـ اسوي ؟؟ إنت تقول روح إلحق .. وإنت روح إلحق بعد .. باي ..
تركي ضحك وقال : بايات ..
وسن : منو هذا ؟
راكان : تركي ..
وسن : شوف بـ اسألك عن شيء لكن بعد ماننزل نسلم على إللي تحت وناكل لنا شيء . . ويلا ترا الحمام جاهز لك ..
راكان واهو يمشي للحمام .. مر عليها وسرق منها بوسه ودخل للحمام وإهي تضحك عليه ..

الماسه وإهي تكلم خلود : حبيبتي وينك ؟؟
خلود وإهي تضحك : ياحُبي أـنا بخير والحمدلله .. بس كنت مشغوله شوي
هـ اليومين .. وإن شاء الله راح أجي لكم ..
الماسه : وكيفه حمد ..؟
خلود إللي نبض قلبها بقوهـ قالت : بخير يُمه والحمدلله ..
الماسه إللي حاسه إنو خلود اليوم على غير عادتها وكأنها نفس خلود الأولى قالت : ومتى راح تجين لنا ؟؟
خلود : خليها على يوم الحفله .. راح أكون عندكم إن شاء الله من العصر ..
الماسه : على خير إن شاء الله .. سلمي على حمد ياقلبي ..
خلود : إن شاء الله يُمه .. سلمي على أبوي وراشد والبنات ..
أمها : يوصل حبيبتي .. باي ..
خلود : باي ...
قفلت وكان حمد لسا راجع من الجامع مصلي العصر وبعدها راح يطلع للشركه ..
: هااااااي ..
خلود وإهي تضحك : هايات ..
حمد : شـ عندك تناظريني كذا ؟؟
خلود : هههههههههههههههه .. أحبك فيها شيء ..!!
حمد تبسم لها وقال : إلا هـ الشيء .. أكيد مافيه شيء .. حبي من اليوم لـ مليون سنه ..
خلود : هذا إذا مازدت بعد ..
ضحك وقال : عسى الله مايغير علينا ..
خلود وإهي تتبسم بـ حُب : إن شاء الله ..
حمد : يلا أـنا طالع للشركه تبين شيء ؟؟
خلود : سلامتك .. ولا تتأخر ..
حمد ناظرها وقال : في شيء ؟؟
خلود : إذا جيت تعرف ..
حمد باسها على خدها وقال : إن شاء الله .. باي ..
خلود مشت معاهـ ليما طلع من البيت كله ..

طلعوا من جناحهم بعد ماعطرته وكشخوا إثنيينهم وكأنهم متفقين بـ اللبس .. بني وبيج .. رااكان لابس بنطلون بيج وبلوزهـ بني .. ووسن لابسه تيور بيج وببدي بني .. ولابس كاب بيج عليه كتابه بـ اللون البني ووسن نفس الشيء .. وتاركه شعرها مفتوح تحت الكاب وعاطيها منظر احلى ..
راكان واهو يسولف معاها واهم نازلين من الدرج : أمسكي نفسك ..
وسن : هههههههههههههههههههه .. خلاص سكت وحطت إيدها على فمها وضحكت غصب ..
راكان واهو يناظرها من فوق لـ تحت : أـنا ما ادري كيف تركتك تطلعين بكل هـ الكشخه من غير وغمز لها ..
وسن عارفه نيته وهربت عنه .. راحت تركض واهو يلحق فيها .. هذي عادتهم من كانوا في بيتهم .. إلا يصير بينهم شيء ووسن تهرب ويلحق فيها راكان ..
وصلت للصاله وكانت ناويه تطلع من الباب للحديقه عشان تحصل مكان تنخش فيه وراكان وراها ويقول : فيك خير لاتتحركين .. ويركض وراها ووإهي تضحك .. وكأنها بزر مو وحدهـ متزوجه ..
فجأهـ طلع لها أبوها وجدها وخالد ووسام بـ وجهها ..
كانت بـ تطق في أبوها .. ضحك أبوها وقال : شـ هذا ؟؟
تلونت كلها من الحيا ..
راكان واهو يسلم عليهم قال : بنتكم حسبالها أـنا بزر إلا تركض وراي ..
غطت وجهها بـ كفووف إيدينها ..
ضحكوا عليهمم ..
أبوها إستانس لما شاف السعادهـ واضحه من وجهها إهي ورااكان وهذا إللي ريحه كثييييييييييييير ..
خالد : الحوش يمدحونه ..!
راكان : إهي قالت .. لا ووكانت ناويه تنخش واـنا ادور عليها ..
ضحكوا ..
وسن خلاص ماهي قادرهـ تتكلم ..
جدهـ : ومتى جيت ؟؟
راكان واهويناظر وسن ويتبسم بـ خبث : الفجر ..
خالد إلا يحرجهم : ما شفناك بـ الجامع ..!!
راكان : هههههههههههههههههه .. بنتكم تترك احد يطلع من عندها ..
كلهم : هههههههههههههههههههههههههههههههه
جلسوا بـ الصاله .. وجت لهم أم سعد بعد ما انتهت من الصلاة وسلم عليها راكان ووسن ..
نزلت جوهرهـ وإهي تقول : أهلين راكان ..
راكان قام وسلم على عمته الغاليه على كلامه .. وكله عشانها ام وسن ~_^
بعد ماسولفوا شوي ..
جوهرهـ : وسن كليتوا شيء ؟
وسن : لا ..
جوهرهـ رفعت السماعه بتتصل بـ المطبخ ..
رااكان : لا عمه بـ نطلع ناكل برا ..
وسن ناظرته : ماقلت لي !
راكان واهو يرفع إيدينه : سمعتوا .. ماتبليت بـ شيء ..
ضحكوا عليها ..
وسام : ما شاء الله منو لابس لبس الثاني ..!
راكان واهو يناظر لبسه : وسن إنتي ليش مطلعه لي نفس لون لبسك ..؟؟
وسن ناظرته مصدومه .. اهو على طوول يطلب منها إنهم بـ اللبس يكونون نفس بعض قالت : إنت طلبت مني ..
راكاان : نصابه ..
نطت عيونها قبالها ..
ضحك وقال : أستهبل يادوووووووبا ..
أبو خالد واهو متبسم لهم قال : متى أبوك بيجي ؟؟
راكان إللي مايدري قال : متى الملكه ؟؟
إنصدموا مايدري اي يوم ..
خالد : بـ الله عليك ماتدري أخوك اي يوم ملكته ..!
وسن : لا تلومه عليه ضغط عمل .. يعني فـ شنو يفكر .. وبعدين كلها يوم واهو هنا وبيحضرها ..
رااكان بـ حماس : بعدي والله بـ حرمتي ..
ضحكوا وإهي تفشلت لإنو الكلام كان عند ابوها ..
راكان : يمكن الأربعاء .. ترا أـنا ما ادري عن شيء ..
أبو خالد : على خير إن شاء الله ..
قام راكان ومد إيدهـ لـ وسن وقال : يلا ..
وسن مسكت إيدهـ وقامت معاهـ .. طلعوا فوق .. لبست عباتها واهو خذا موبايله وبوكه وطلعوا ياكلون برا ..

رواية معشوقي كلي معاك معاك حتى الهلاك الفصل الثامن 8 - بقلم غير معروف

تابعنا وما يفوتك جديد

التعليقات (0)

لا توجد تعليقات بعد

روايات مشابهة

شظايا شيطانية~للكاتبة صرخة المُشتاقه

خطيئة خيال

رحيل الهواري

دموع السيف

حكاية عشبة خضراء

مملكة سفيد

الإبلاغ عن مشكلة

تم إرسال البلاغ بنجاح!