رواية معتقل الصحراء الفصل التاسع عشر 19 - بقلم الكاتبه أم مختار

#معتقل الصحراء ١٦
#بقلم_ام_مختار
#دنيا_غانم

مياسين _تقربت منها شنو اسمه

مناسك _كووومن بنات

رحمة _صياااح

ام شمس _اي صياح

رحمة _ابنج شنو اسمه

مناسك _ستغربت ليش يسئلون عن اسم ابنها هسا خلونه ب صياح خلي نعرفه هذا نفسه مو رجليه ماتت

مياسين _من سألنه على اسم ابنها باوعت الصبا

صبا رأساََ خزرتها
مووو اجي اطلع  عيونج العب بيهن دعبل

صبا _يااا شبيج اني شسويت

ام شمس _اسم ابني بكر لويش تسألون عليه

رحمة _ وزوجج وين هسا

_ما ادري

_ انتِ گلتي هوه دخلني للسجون احجيلنه شلون

_يعني اقصد بسببه تشتت عائلتنه و ابني اخذه وحده مو زينه و صار الي صار

رحمة _ مناسك كالت اي اي صحيح كلامها يله كومن خافت من سمعت اسم صياح
مياسين گالت اني شاكه بيها هاي وراها مصيبه
اما اني تأكدت هاي نفسها زوجة صياح ام سائد
لأن هيه كالت بسببه اجيت هنا واسمه صياح اكو غيره لابد اتأكد

مناسك _وين سرحتي

رحمة_والله هاي زوجة صياح ام سائد

مناسك _شدخل صياح بسائد

مياسين _ياااا ما تدرين غير سائد ابنه الصياح.

_يااا شبيج كمتي تخربطين

_اي والله من اجوي يگلوله انتِ حامل كدامنه حجة

مناسك _ سرحت بمخيلتي اذكر الي حجا الي جان من يجيب طاري اهله يتوجع حيل ويتحسر واني شدخلني اخر مثلاََ حياتي  ورديه و انقهر على سائد اصلا يستاهل بعد السوا بينه وبهاي البنات يستاهل عسا الله يلوع گلبه  بكلشي يحبه عباله الدنيا تايهه اكو الله فوگ الراس عينه ما تنام ولا تغفل

مياسين _ سرحت مناسك و تهز بأيدها وتعوج بحلگها واني ورحمة نضحك عليها وصلنه يم زنزانتنه جريتها مناسك

مناسك _الحرس واكفات وبيدهن العصص
هاي ميار دزتهن

مياسين _ بس لطفاََ اريد الدخوليه ثلاثيه مو كل وحده تخلوها بمكان

مناسك _ اني اذكر اول خشبه على راسي وبعدها ما اذكر شي فتحت عيوني جسمي كله يوجعني ومعلگيني

مياسين _هلووو

مناسك _ابتسمت من شفت تلوح بأيدها وهيه هم مسوين بيها مثلي

مياسين _ بس اريد اعرف منو علمهم هاي الحركة احس معدتي صارت بمكان المريئ اذا يطلعون علينه كشف يلكوها تحت الابط

مناسك _اني الوجع ياكل بروحي وهيه تسربت اضحك مدري ابجي وين رحمة

وراج بعدها مسلمتها تره مكتولات مو غافيات دهر شكد تنامن

مناسك _ما عرفتي منو وره هذا التعذيب

مياسين _ لا و الله بس اكيد مياره العياره ام الزلم

رحمة _اك.... اكيد هيه اخخخ يمه رجلي

مياسين _ بنات اني جعت ربي بس رجعني يم صبا وبأسمك احلف بعد ما ازعلها ولا احجي عليها

مناسك _ ما متوجعه

مياسين _لا ولا احس بوجع

مناسك _لا تبالغين

مياسين _ خدر جسمي من ضرب من سنين تعود تعود هاي كلها دروس معاده

مناسك _ لعد اني شبيه

مياسين _انتِ كولي شنو ما بيج جنج ديج هراتي
حتى ديج ابوي اقوه منج على الاقل جان يطلع جولات ويرجع فايز

رحمة _سكتيييها مناسك

مناسك _عليج الله خليها تحجي احسها بلسم لجروحي والله

رحمة _رجليي بنات موتتني

مياسين _نفتح الباب يا الله اجه العشا

مناسك _هههههه
نزلونه ووكفت وراي وحده من شعري جرتني كل قوتها ولزمت بأيدها الثانيه عيوني وفتحتهن غصب

ميار _باعيلي زين اني ميارررر اني الكل بالكل اني مولاااتج لا انتِ ولا جلابج يكدرن عليه امس تركتجن بمزاجي او صراحة ما ردت افوت عليه هاي اللحضات الحلوه

مياسين _ عبالي العشا طلعو جايبين الجلاب الكلت العشا امشي باباتي امشي المبلل ما يخاف من المطر لا لحضات حلوه ولا لغوه احنه ما نخاااف لا منج ولا من الدازج روحي كليله مياسين تسلم عليك وتگول راح تبقه طول عمرك محتمي بجلاب سلوگيه امثال مياره العياره

مناسك _اريدها بس تسكت ماكو بسببها اكلنه كتله ثانيه خبز خبز بالعصص لا الروح تحمل ولا احنه بعد بينه حيل تركونه جنايز ياله طلعو ورحمة بقت تصرخ من رجلها اكثر
كلههه منج ما تعرفين تسكتين

مياسين _مااا اسكت اييي ما اسكت مليت من السكووووت

_تقربت الرحمة باوعت الرجلها مورمه مو مثل رجلها الثانيه والبنيه تصرخ من رجلها
حاولت افركه كامت تبعد بيها وتبجي بقيت ابجي على حالها و مياسين من بعيد تحجي وتعربد
رحمة من الوجع والبجي نامت و مياسين هماتين اني هم بس عم السكوت نمت
الفجر  فتحولنه الباب وطلعونه
اجيت ما لگيت ام شمس دتصلي جانت
انتظرتها بس دخلت
حاجيتها فدوه   ام شمس رحمة متوجعة
حاجت حذام
حذام كلتلها خلي تولي حتى مره ثانيه يصيراََ ادميات

اخذت صبا على صفحة
فدوه صبا عوفي كلشي بس فكري هاي بنيه مثلنه َجاي تتوجع فدوه ساعديني

_قابل شسوي يا عيني

_وصلي خبر للضابط شجاع

_اووو الضابط شجاع راح بنفس اليوم الاجه بي يجون بس يوصلون سجينات ويرحون بالزايد يبقه يوم

_ما بقه عندي غير حل واحد وما جنت اتمنى اوصله  اكيد تعرفين القائد

صبا _ المطلوب

_انطي خبر رجل رحمة مكسوره وكليله مناسك محتاجة تساعدهم

_ تمام

_بقيت انتظرها اروح وارجع بمكاني و رحمة بجيها اخترق خاطري رجعت صبا باوعتلها اشرتلي
طلعت وراها هااا

صبا _يريد يحجي وياج

مناسك _.....

صبا_امشي وراي بدون ما تتلفتين واذا سألوج وين رايحة كليلهم عندي مقابله

_تمام

_عبرنه البوابه بدون اي سؤال ولا جواب وصلنه غرفه شنو اگول عليها انفراديه بيها تليفون اتصلت شوي طولت ورد عليها
..........

معتقل الصحراء الساعة ٧ ااصبح
دگ الانذار جان اخضر جريت روحي من فراشي بالگوه اخذت خاوليي و دخلت للحمام سبحت بماي حاررر
بس ما يوصل للحرارة الجاي تلسع روحي
طلعت من الحمام مثل ما تعودنه مصلخ
لحد يستغرب تصرفاتنه اني  مو تربات امي  تربات امي  راحت على الشافته العيون و  العاشته الروح
وعلى الخذلان اللحني
احنه ما عشنه مثلكم حتى تحجون بالمبادئ و الحياة الصحيحه انتو ورغم عايشين ببيئة سليمة بعض الاحيان اطلعون عن المسار تخيلو تعيشون حياتنه وانتو متأكدين مستحيل احد ينتشلكم من الانتو بي بالعكس راح يدثروكم اكثرررر
فا ثارت كل تصرفاتنه وكلشي يصير طببعي بالنسبه النه

صليل _ اليوم مبكر بالحمام

_اي صباح الخير

_صباح النور شنو ما تتصل على صبا تعرف الاخبار

_لا مدام ما خابر صياح اذن قبلت بشروطهم وهسا تلگاها طلعت من الينابيع

وراح تسكت

_ليش عندي غير السكوت

_وراح تطلع لو شلت الفكره من بالك

_اشرتله يسكت

جاهد _ تردون نروح للصاله نلعب رياضه نتونس شوي نشووف منو عظلاته الاكبر

صليل _طبعاََ اني دباووووع

جاهد _نجبببب سائد جسمة اكبر منك ها سائد

سائد _ما ادري

جاهد _اريد اطلعه من الي هو بي بس هو قافل
وبقه طول اليوم قافل الحد ثاني يوم الاء اجه اتصال من رنه وحده واذا رنه وحده معناها الينابيع نزل بثقل للسرداب يرد عليهم

صبا _سيدي

_گولي صبا

_مناسك تطلب من سيادتكم المساعدة

_تنفست براحة منووو

_مناسك سيدي

_شنو تريد

_امس دخلوهم تعذيب ورجل صديقتها نكسرت

_ اريد احجي وياها

مناسك _الوو

++  صوتها كـ ترنيمة تخترق القلوب قبل
المسامع++
بقلمي

سائد _ليش بعدج بالينابيع

_لعد وين اروح فدوه مو وقت حجي رحمة دتصرخ من الوجع ساعدنه

_انا احترك بنار روحي وهيه محتاره برحمة هسا من اجيب عشيره رحمة كلهم اكو واحد يلومني
شبيها نقمة

_رجلها اتوقع مكسوره لأن مورمة و صايره زرگه

_هسا اني اخليهم ياخذوها يعالجوها
سديت الخط ادري بيها ما راح تحجي شي
اتصلت بصياح اريد اروح للينابيع

_سائدددد شنو موديل جديد يوميا تريد تروح للينابيع واذا تريد تطمن اني اگلك رفضت العرض لأن غبيه مثلك

_هسااا اذا ما اجتني سياره اكلب الدنيا عشررر سنين اشتغل وياك ماطالب شي منك
وطلب مثل هذا ما تسوووي الي

_انطيني مجاللل و حضر روحك بس ترجع تنفذ المهم

_هسا جيب السياره والباقي سهل
سديت الخط وصعدتلهم
رافضه عررض صياااح

جاهد _هههههه مبروك يابه بحياتي ما شايفك هيج فرحان

صليل _ يابه وسوتها وكسرت شوكته

سائد _ اي ههههههههه اني رايح ابدل

جاهد _وين رايح

_رايح للينابيع

_ليش؟

_ امس اظاهر لان رافضه مقابيهن تلاثتهن و كاسرين رجل رحمة.

جاهد _ رحمة؟؟ اروووح وياك خرا برووووح صياااح الكو....

صليل _نخبصو كامو و َاحد يركع بالثاني
تذكرتها تذكرت السانها وصوتها بيه شي فززني يريد يشوفها
يابه تردوني اجي وياكم  لو مستغنين عن خدماتي

سائد _تعال تعال شوراك اني اليوم الم المحافظة كلها واخذها وياي واخبرهم بطيف مر
مر عليه ومرمرني
ههههههههههه

صليل _ ضحكة سائد بيومها تفرح الگلب لو بي طن هموم
اجتي السياره وصعد وره وانطلقنه وهو يتفحص السياره

_شبيك
اشرلي لا تحجي السياره مظلومة لظم
بشنو يفكر هذا

وصلنه للينابيع دخلنه بطلعت السجينات
.......

مناسك _بس حجيت ويا اقل الربع ساعة اجتي دكتوره و اخذو رحمة
طولت ياله رجعوها النه رجلها مجبسة
الحمد لله على سلامتج

رحمة _ الله يسلمجن

صبا ما تشوفين شر

_تسلمين لعد وين ام شمس

_اخذوها كالو تحقيق

_يا مسكينه يوميا

مياسين _ هسا حيري بروحج وعوفي الكفار بيناتهم

صبا _تره ام شمس حبابه و مظلومه مثلجن ليش هيج تحجين عليها

مياسين_ انا حلفت ما اتحارش بيج بعد ما جعت بالتعذيب ليش تخليني اتراجع عن حلفاني

مناسك _كاافي مياسين ان شاء الله ترجع سالمة خطيه المرأه هم ويانه متعذبه

صبا _ما تردون نطلع بره شوي نشم هوا

مناسك _باوعت الرحمة ترحين لو ما بيج

رحمة _اني روحي تعبت من تعذيب امس اذا بيجن تشيلني وتاخذني تسون فضل واذا ما بيجن روحو وخلوني هنا

مياسين _تره احنه وياج تعذبنه ما جنه ناكل حلاوه علوجي يا عيوني هسا گولي تسندني تساعدني مووو تشيلني فد نوب

رحمة _هههههههه خوش ساعديني

مناسك _سندناها ثنينه و طلعنه شلغم مزورگ تباوعلنه بتك عين

مياسين _تخوف و الله

مناسك _ سيماهم في وجوههم
تأشرلنه على رگبتها بمعنى اذبحجن

مياسين _اروح اگلها ما خوفتي جلبي

مناسك _جوووزي مياسين ما بينه بعد

مياسين _ بس خلي اطيب الى اروح واكتلها مره لخ

مناسك _ههههههههههه
واني اضحك وملتهيه وياهن اجوي الرتب و الحرس البنات راحو احنه نباوع من بعيد قابل شنسوي  يمشي برزانه باوعلي وضحك
رجفت شيسوي هذا جااي هنيالكم شنو يعجبكم تسوون لعد احنه شبينه على الماكو يوميا نتعذب

مياسين _ يضربولهم تحية هذا الظهر اعرفه هواي مرخته وهواي مررت سبابتي عليه
دار وباوع الناحيتنه اني رأساََ دنگت

صليل _ جنت ادورها بين هاي الوجوه الحلوه النثاية حلوات بس انتِ احلاهن
بس شافتني  دنگت مو صوجج
صوج اليباوعلج
بس حليانه واني اظاهر نعديت من سائد ورب مياسين

جاهد _شافتني بعدت مياسين وضحكتلي
ما نگدر نعبرلهن اذا مو هنه يجن وهيه ما تكدر تتحرك كاسرين رجلها ابتسمت الها ونسحبنه للغرف الخاليهن النه

سائد _ تمددت على الجربايه براحة
رغم امس نمت نومة موت
بس احس روحي نعسان امس نمت جفي على وجهي من القهر...
اليوم اريد انام بس على صدرها اريد
اريد احجيلها اوجاعي اريد اكلها  فززو روحي بيج

مناسك _  صار الليل وقبل لا تطفه الاضويه جرونه تلاثتنه مع مراعات وضع رحمة عبرت البوابه الفاصله دخلوني نفس الغرفه النمنه بيها سوا
اول ما دخلت لگيته واگف تقرب الي هو يفوقني بالطول هههه هو يفوقني بكلشي وخر حجابي عني  نحنه وحط راسه قريب منحري

_ لا تمنعيني اليوم لا أأذيج َولا  تأذيني
خليني اذب الجبال الحملونياها يمج

مناسك _يحجي بحسره

_اجوي  للمعتقل و گلولي ما وافقت  بس گالت  افكر
گلت راحت مني واني الردت احميها من نفسي قبل صياح

مناسك _ قرب ايدي الخصري وصار وي كل كلمة يقربني الى دموعي من وحدهن ينزلن

_ بلعت حبوب منوم اريد اجاوز هاي الايام بسررعة وياريت لو اكو سرعة برق بس من سمعت صوتج بالتليفون ردتلي روحي گلت ما اخذوها يعني ما وافقت ما تركتني

مناسك _ انت كلت ما تأذيني ممكن تبتعد

_شتميت منحرها ووخرت
باوعيلي مناسك خلي عينج بعيني

مناسك _باوعتله من لا جاره كل فعل  نسوي  بخوف

سائد _انتِ بخاطري واني  خاطري هواي نكسر
بس ادري ربي جابر للخواطر

.......

مياسين _ غرفه اشبه بسرداب الموتى
بيها سريرين وحده للدفان ووحده للجنازه

صليل _ ما اشتاقيتيلي مياسين ادري شتاقيتلي

مياسين _اوو هواي كلش هواي شتاقيتلك احجي واباوع الارجاء هذا السرداب

صليل _اني صراحة ما ردت اجي بس كلت فرصه نشوف القدامه

مياسين _صرنه قدامه يعني مو بنات البضاعة ولا المستعملين الحمد لله تطورنه

صليل _تحجي بخشونه احسها صليل صغير
بتسمت قرابة الشهرين صنعت صليل منها

مياسين _ ممكن اعرف اني ليش هنا

صليل _گلت  اسولف وياج

_بس

_اي بس ما مسموح نتقربلجن لا تخافين

_ گعدت مقابيله مثل گعدته باوعلي وابتسم
شنو رئيك  نلعب لعبة اليوم

_شنو هاي اللعبة

_ انت تبقه صليل واني اصير جاهد او سائد بكيفك واحجيلك الي بداخلي

صليل _تفضلي

_يعني وافقت

_اي اوافق

_لعد خوش اول سؤال انتو هم عدكم مسموح
من تگولها تصيبني هستيريه
انتو ما عدكم ما مسموح انتو الي تردو تسوو

_ما مسموح لأن ما جايب حبوب مانع حمل
عرفتي ليش ما مسموح

_هاااا اي المصلحتكم حتى تكمل  الطريق وحيد تسرح وتمرح بكيفك

_ هههه ليش هو من الاساس اكو طريق
ليش انداريتي رجعي كعدي كبالي انتِ مو صرتي سائد جاهد
ما يتركووووني من احجي جاوووبيني هووو اكو طريق من الاساس ايدي الي تفحصن جسمج مقيداااات
وعيوني الشافت ما لذه وطاب بيج مسدوده
و رجليه الجابتني منااااك الهنااااا حتى اشوفج
كسروهن الي من عشررر سنين مياسين
واني لو صار عندي طفل  ما اخطي خطى سائد واجي وياهم و واقع على قتله اني اخليهم همه يوقعون على قتلهم حتى لو اموووت
المهم اخلص عليهم
لا تحجين وتتفلسفين بكيفج
محد يقبل يتخرج من  الكلية العسكرية و هو صاحب القاب مو لقب و من تعب نفسه مو مديح بأبو ولا بأي شخص بس هو بنه روحة بروحة
ينذب هاي الذبه
هاي الذبه همه سووها بينه
امي الجنت احس مفاتيح روحي يمها
بأيدها سلمتني للوكر
وابوي الجنت اگول انييي رجاله اني سنده
يوقعلي على اوراق العمليه حتى هو يترفع
لا تحجين على هذااا الصماخ مثاليات
لأن هو زهگ
اني سجين وانتِ بنت ليل
وواحد يكمل الثاني واذا تحبين اطلعين الله وياج
.........
جاهد _ شلتها اني وخليته على السرير
كسر بثنايا گلوبهم للكسر رجل رحمتي

رحمة _ اسم الله عليك عوفك من رحمة انت شلونك
شبكت ايديه بحضنه مشتاقلك هوااي

_اني اكثر

++اقتربي لأذوق من سحر  شفاهك
وبلعنة مذاقهم اصاب

رحمة _اجيت انزعة التشيرت مانع لا لا خلينه بس نسولف

_لويشش مشتاقتلك اني هواي

_ما جايب وياي حبوب

_ميخالف انت انتبه

_لا صدگي اني هم مشتاقلج بس مما احب اجازف هيج مجازفة

رحمة _ اخخ رجلي حجيتها بدلع وغنج

جاهد _ رفعت جلها وخليته على فخذي هيج تمام

رحمة _لا تتعور

_لا ما اتعور

رحمة _ تحسرت راح نبقه هيج

_شلون يعني هيج

_بالسجون نعيش تخلص حياتنه بالسجون

جاهد _لا ما نبقه بالسجون اصبري جاي نفكر بخطة حتى نطلع من هاي السجون بس ما تحجين اذا حجيتي كلمة وحده وواحد عرف بهذا السجن نروح كلنه بيها خلي بالج هنااا كلهم ربع  صياح

_خليت ايدي على حلگي اگصة للساني اذا نطق بحرف

......

مناسك نام سائد مو بس نام الا شخر هم و اني گاعده اباوع اني التعب داگني دگ
بس ما جاي اكدر انام ارق مو طبيعي
وهو اشوفه ماد هاي الجثه العنيده وخال ايدي على بطنه ومسلمها بسلام
اباوع التفاصيل الوجهه شعره طويل
بس لحيته مثله مثل اي شخص بالسلك العسكري كلش خفيفه
بس شعره ما ملتزم بي
معقول هذا الوحش يحبني لو هو بي مس شيطاني

بقيت طول الليل اسأل واجاوب روحي طلعت صلاة الفجر واني مگابلته شلون الام تگابل ابنها اذا تمرض اني هم هيج بوقتها نعسانه بس اخلي راسي على المخده ما انام ما اگدر
ندگ باب الغرفه اني رأساََ طفرت اليمه
هو بس ندگ گام

_لا تخافين اكيد صياح اتصل

_نعم

_ما يحتاح ارد انطو خبر راح نطلع
باوعتلها ماكو شي رجعي لفراشج

_لا لا _اريد اطلع

_اني هسا لازم اروح ديري بالج على روحج

_هزيتله راسي وبداخلي الف علامة تعجب

_ جاي افكر بخطة تطلعنه من المعتقل وطلعكم
بس بالاول لازم اعرف امي وين

_ليش انت ما تعرف امك وين

_اني من دخلت الوكر صياح هددني بأمي و گلي اذا احاول اتملص  من ايدي امي كبش  الفدا يصير

_ يعني انت ما تندل امك وين

_لا صياح حرمني منها خفاها عني بالاصح

_......

_ اريد شخص اثق بي يساعدني بره السجن اني عندي هواي جماعات بس المصيبه منين اجيب الثقه

_اني اعرف شخص گد هاي الثقه

_منو

_الضابط شجاع

_لو نخيس بسجون صياح ما اطلب المساعده من شجاع واذا يوصلني خبر جاي للمعتقل وضاحكة بخلقتة اطلع وايرات خلقته واسلمجياهن سمعتيييي

_هزيتله راسي
قربني اله وباسه
لا تضوجين بس ما اريد اتعامل ويا اني اشوفلي غير كو.....

_.....
طلعو همه واني والبنات طلعونه للزنزانه

گعدت اسولف وياهن عن الصار وعن الي حجا سائد
فجر بعدنه ببداية ساعات الصبح ماكو دخول سجناء و لا مقابله ولا من هذا القبيل دخلت ام شمس صلت بالزنزانه وگعدت تسبح
سألتها رحمة.

_وين اخذوج

_ودوني للبوابة الثانيه للانفراديه من سألتهم ليش يگلولي تعاليم من شلغم

_متأكدة

_اي متأكدة شبيكم

رحمة _ باوعت للبنات  وحجيت بهمس هاي ثاني مره من يجي سائد يطلعون ام شمس ومن هو يطلع يجيبوها شنو يوحيلكم والولد گال خفوها عني يعني

مناسك _يجوز طالعة بمهمة شنو نسيتو ام شمس شنو حجيتلكم عنها

_جاي تكلج للبوابه الثانيه

مناسك _تجذب

مياسين _ وليش نبقه بهاي الحيرة  درتلها عيني ام شمس من الاخير
سائد ابن صياح شيصيرون منج
صليل جاهد زهير هاي الاسماء تعرفيهااا؟؟؟

يتبع.....

انتقاله قادمة