رواية معتقل الصحراء الفصل الثامن عشر 18 - بقلم الكاتبه أم مختار

صباح الخير
طبعاََ اني مريضة لا اكدر احرك ايد ولا رجل
والخاطركم كتبت اتمنى اذا باجر ما نزل بارت لا تضوجون بس الفلاونزه بالعظم وحيل مأذيتني وقت ما اكدر اكتب انشرلكم مثل هسا
قرأة ممتعة لا تنسون التصويت وتعليقاتكم الحلوة

#معتقل الصحراء ١٥
#بقلم_ام_مختار
#دنيا_غانم

_ باوعتلها نظره مطولة صافه بيها

ميار _ ها شتگولين

_خرجت من صفنتي وابتسمت اله  انطيني مجال افكر

_اخذي الاوراق وياج وفكري منا الباجر هيج وكت ترديلي خبر

_متفقين

_اخذت الاوراق وطلعت

مياسين _رجعت مناسك ايد وره وايد گدام وتضحك تضحك بهستيريا اول مره اشوفها هيج تضحك

رحمة _شبيج

_بعدين احجيلكم

مياسين _منو شفتي بالمقابله

_بعدددين احجيلج شبيج

_ليش بعدين

_صبا تباوع علينه بعدين نحجي
عفتهن و گمت
.......

ميار _اريد احجي وي سياده القائد

_ما موجودين

_وينهم؟

_ طالعين مهمة

_سديت التليفون و رأساََ اتصلت بصياح

صياح _الوو

_اريد احجي ويه سائد ع سرريع

_شصاير

_ انطينيا المصلحتك والله

صياح _ما ادري اذا يگدر يحجي تعبان و يشكي من گلبه

_ليش شبي؟

_ما نعرف بعدنه حجيلي هسا شنو صاير

_حجيت وي مناسك

صياح _ايي وشنو الجواب

_گالت انطيني مجال افكر منا الباجر

_انطيها مجال كل المجال الها بس لازززم
لازززم توافق

ميار _اني ميار ماكو شي يصعب عليه

صياح _انتِ ذكية

ميار _ههههههه ادري
سديت الخط منه و رجعت للزنزانه اوي شلون متحملات السجون اني يوم و طكت روحي
هاي السجون كلها مو الصياح بس بأمرت صياح
هاي السجون شنو يصير بيها صغير او كبير صياح الى علم بيها
كل الحرس تحت امرت صياح وحتى المساجين اي واحد اريد نجنده الصالحنه يجند خاصه اذا هو ما عنده شي يخسره شلون شلغم و صبا وحذام و و و الا العنده ضمير ههههههه خطية العنده ضمير يخسر كلشي
خاصة هذوله الي يدخلون و يندمون و يگعدون يتعبدون الله حتى يغفرلهم على جريمتهم
ونجي احنه طب هههههههه اذا ما تصير ويانه نخلي كل يوم الك بالسجون بمثابة جهنم
هو يقاوم شكد يريد يقاوم
بعدين يلگه روحة غرگان بالاعمال الي ننطيهن الى
ومربط بحبالنه ما يعرف شلون يطلع روحه ههه
احساس حلو جوه ايدك عبيد تحس روحك ملك
........

صليل _ ها ولك سائد راح تموت لعد ومناسك منو
يرول عليها

سائد _ نجب اخخخخ گلبي

جاهد _اي هسا الا دكتورة المعتقل ضارب موعد وياها ابن القندره

سائد _الا هيه

جاهد _ اشرتله شصاير
رجع خله سبابة على حلگه بمعنى اشش

عدنان _شوي وتوصل شنو تحس

سائد _احس القفص الصدري كله يوجعني

صليل _ من كد ما گلبك ينبض

جاهد _باوعت الصليل و خزرته مو وقته المزاح ابددد
اريد نشوف هذا المصخم شبي

وصلت الدكتوره طلب فحص وحده

صياح _ليش وحدك

سائد _يعني تفحص وانتو فوگ راسي يصير دكتوره اخخخخ

_لا شلون يصير المريض هم يتعب واني ما اعرف افحص

_تمام اريدج اطمنينه

صليل _كلب والد طمني الرجال باله يم ابنه

صياح _صليللللل

صليل _  يلا يلا خلي نطلع شبيكم ما تتحملون شقى

سائد _طلعو رأساََ اشرتلها اريد ورقة وقلم

هيه هم انطتني

_ذكري اي سبب يمنعني ارهق نفسي هاي الفتره
اي مرض بالقلب
ومني الج اليرضيج
اجت تحجي كتلها اششش
كتبتلها
رسايل افضل الحيطان الها ذانات

_  شنو يعني اليرضيني

_شنو تردين انتِ

_ فلوس و ليلة حلوه اني وياك

_الي تردي

_خليت المبلغ الي يناسبها وگتلها تمام
وطلبت منها تگول هاي الفتره يرتاح وبعدها نقرر يحتاج عمليه صخام اي شي ممكن يعرقل امور صياح هاي الفتره
وفعلاََ سوت الي اريده

صياح _نطلعه ناخذه للمستشفى مالتنه

_باوعتلي الدكتوره

_هسا ما اريده يتعب خلي يرتاح فتره واني ارجع اسويله فحوصات واذا وضعه متأزم ساعتها نقلو

صياح _تتحمل

سائد _اي اي اتحمل بس رجعوني للمعتقل تعبان

صياح _ هسا السياره التاخذ الدكتوره تاخذك
والولد يسوون المهمة

صليل _باوعت السائد اشرلي
لااا ما نسوي اي مهمة احنه  اريد نروح وي صاحبنه بالله مات منو يبجي عليه و يغسله

صياح _صليللللل

صليل _ عمي ما روح گوووه ما نترك التك الثالث

جاهد _خلينه هاي اليومين يمه وبعدها نسوي الي تريده

صياح _ يومين بسسسس يومين

جاهد _بس يومين

طلعنه للمعتقل بس وصلنه جمعتهم بالسرداب المكان المتأكدين بي ماكو اجهزه تنصت او ما شابه
شجااي تسوي سائد وضحلنه فهمنه  لا تخلينه
مثولين

سائد _اني بعد اي مهمة الصياح ما اسوي وبالاخص مهمة تلث خطوط

صليل _يعني گلبك ما بي شي

سائد _لا

صليل وشنو هذا التغير

سائد _ما تعبتو ما تردون تتمردون ما تردون اطلعون منا

صليل _ ووين نروح

سائد _اني هم جنت اگول مثلك و نسيت ارض الله الواسعه نروح وين ما جان المهم نطلع مووو كافي
كافي عشر سنين نطيناها من عمرنه عبيد الصياح و جماعة

صليل وهسا بعد عشر سنين قررت تغير من هذا كله شلون وشنو صار

_ اريد اعيش مثل الناس صعب اي  ادري صعب بعد السويته كلش صعب  بس الله غفور رحيم

صليل _ طول هاي العشر سنين جم مهمة تلث خطوط نفذت

_يجوز خمسين مهمة

_وهسا متندم

سائد _بس كلهم جانو سياسين يعني يستاهلون الذبح

صليل _ مو بكيفك الله هو الي يقرر لا انت تفتي من نفسك

_......

جاهد _ هسا عو فنه من هذا كله يوم يومين و صياح يريدنه نسوي العمليه شنو نسوي

_صياح منطينه ظرف بي عامة ناس طالعين ضدهم يريدنه نخلص عليهم انتو بيكم تحملون هيج ذنب اني عني ما راح اسويها ولو اموووت ولو يكتل احبابي هم ما اسويهاا

صليل _هذا التغير كله الخاطرر مناسك؟؟؟

_لا جاي اگول لو يكتل احبابي امي و مناسك هم ما اسويها كااافي شنوو صليل نسيت روحك نسيت احنه الشنوو ناذرين روحنه
سوينه عكس النذررر تمام

صليل _لا تگول سوينه گول جبرونه اني هسا اگدر اطلع منا ابوك وابوي عدهم فيديوات يدينونه بيهن ومو جذب كاتلين احنه الخاطرهم والخاطر مصالحهم احنه مجرمين اليوم
ويهددوني بيهن كلي شعندي طالع يعني اطلع من سجن صياح اروح  الاعدام الدوله؟؟؟

جاهد _يمعود على كيفك

صليل _مو يحسسني احنه راضين بهذا كله
ما يدري احنه بين المطرقه و السندان
ما يدري احنه مخيرين اما تقبل اما تقبل
اذا انت مهدديك بأمك اني امي وابوي مهدديني بفيديوات 
الحدددد هسا ما تروح من عيوني وهيه تگلي واذا تكتل الخاطر ايد ابوك تصير فوگ الايدين اكتل
هه والجنة تحت اقدامها

سائد _اذا توسع دائره النقاش ما راح نوصل الحل
راح اخيركم تخلون ايديكم بأيدي ونطلع منااا لو
تردون تكملون

صليل _قبل لا اطلعنه گلي وين نروح

_نحاول صليل نحاول
حتى لو نموت يكفي عد الله حاولنه
يكفي احنه طالبين العفو منه
يكفي اسمنه سعينه اذا نخلص حياتنه هنا
فا جايك العذاب الاكبر يم رب العالمين

جاهد _....

صليل _حيرتني

سائد _ تردون تجون وياي لو لا
تساعدوني بالاريد اسوي لو لا
گلولي

جاهد _اني اول واحد وياك

صليل _وياك

سائد _بس اني ما اضمنلكم احنه نطلع سالمين احنه نحاول وربي يسهل

جاهد_ جان رب مناسك

سائد _لا دققون عليكم الله خلوني مرتاح ب الاسوي

صليل _ ارتاح عيني ارتاح هيه ظلمه ودليلها الله
بس ما گتلي شنو تريد تسوي هسا

_اول خطوه اريد اسويها اعرف امي وين

.........

مناسك _صار الفجر واجوي الحرس ينطونه خبر بالصلاة گمت اني بس اتوضى و اگعد علي مصلايتي مجرد قربي من رب العالمين يحسسني بالامان

گامن وياي البنات و صبا هماتين  بس ام شمس ما رجعوها الحد هسا

_ صلو واني گاعده ادعي رب العالمين
يارب الطف بحال عبدك الضعيف
اباوع للبنات يصلون بخشوع مياسين خلصت فرحانه بعد ما جانت ما تحب تجي تصلي هسا قبلنه تجي حاطه الحجاب و كل شوي تعدل بي  الحجاب حلو عليها وهيه حلوه حلوه هواي حلوه والحجاب زادها حلاوه

صبا _ها نرجع

مياسين _ اكلج ام شمس وين اخذوها

_يگولون طالبيها تحقيق

مياسين _اي صحيح صدگتج

مناسك _ كعدنه واكلنه ورتبنه زنزانتنه و هناك ودخلت ام شمس بأيدها علاگه

مياسين _ كفاره هاي شنو مسوگه من المحققين 

ام شمس _ اجوي اقربائي وجابولي خرز و قماش

مناسك _وانتِ بالتحقيق و الله حلو
لعد احنه بالتحقيق ما يجيبولنه غير عصص ومكراضه

_ هم حققو وياي و خلوني انفراديه وحده من جماعة شلغم متبليه عليه وانتو تدرون شلغم وجماعتها عدهم ايد قويه بهذا السجن

مياسين _احنه  الندري اصلاََ

مناسك _المهم هسا انتِ زينه

_لا الحمد لله زينه تعالو ما تردون اطرزون وياي

مياسين _شنطرز

اذا تحبون سوو سبح النه من الخرز حتى نسبح  بيهن و اني اسوي وياچن كل وحده مصلاية  صغيره نطرزها  هاا

مياسين _ نسوي شعدنه

مناسك _گعدنه نسوي الخرز جانت ناعمة والخيوط شوي خشنه وندخل بكل لفة خيط ١٠١ حبة والشاهود جان غير  لون وغير حبه

مياسين_ اني كملت

رحمة _ اني هماتين

مناسك_ بس اني  الاحلى وكملت

ام شمس _ كلهن حلوات عاشت ايديكم ماماتي
ماما مناسك شو احسج  اليوم ضايجه

_ لا بالعكس ما ضايجه اصلا اني اليوم كلش فرحانه

ام شمس _  فرحينا وياج لعد

_ لا هيج  شغله خلصت الخرز  وام شمس
گصت  القماش على شكل مربعات صغيره وبعدها تتحدد التطريز وين يكون وهي تگول هذه المناسك وهذه لبنيتي صبا وهاي المياسين الوكحة  وهذه الرحومه

مياسين_ هسه بس مياسين وكحة
يعني خاله انت بشبابچ مو وكحة

_ لا شلون كنت كلش وكحة

مناسك چنت خايفه من مياسين لا تذبلها كلمه
طول ما تحجي وي ام شمس اني اباوع الرحمه وايدي على گلبي بس عدت سلامات  بعد ما خلصنا التطريز والسبح
طلعنا للساحه اني  خليت البنات وگعدت يمهن سمعوني زين اريدكم تركزون وياي

مياسين_ شصاير

رحمة _اني كلت مو على بعضج
مناسك _ امس من اجوي اخذوني وكلولي  عندچ مقابله
كان فكري امي او اي احد من عدنه بس امي هي اللي اجت على بالي لما وصلت لگيت ميار

مياسين _مياره العياره اني گلت هذي جايبيهه على مودج

مناسك _ بديت احجي  الهم كل اللي صار والاوراق اللي انطتني اياها ميار

مياسين_ شنو ناويه تسوين

مناسك _ هو هذا اللي ردت تسمعوني زين بيه اني محتاجتكم هواي
......
سائد _يوم الخميس  انطتنا خبر الاء راح يجيبون بنات انتبهت صليل ضايج وجاهد ما متلهف
عكس هذه السنين كلها سالتهم كان الجواب ماكو شيء نص الليل فتحت البوابه وجابوا الست بنات
وكان وياهم صياح والكل استغربنا
هذول شديسون  بهذا  الوقت جايين

صياح _ اختارو وبعد الاختيار سائد اريدك

_ وقتها كلت اني انكشفت حتى لو الدكتوره ساعدتني بس يبقون هم كلاب صياح بوقتها خفت على امي ومناسك
لگيته گاعد بالحديقه وخال رجل على رجل گعدت مقابيله گول شنو تريد

صياح_ اكيد عندك خبر ميار بالينابيع

_ ايه عندي خبر

_ وامس حجت  وي  مناسك

_ انقبض  گلبي حسيت روحي تايه وكنت خايف شنو شنو جان  رد مناسك ويا هل ترى راح انخذل مره لخ

صياح _ شو ساكت ما تريد تحجي شيء

_ لا انتظر انت تطرب مسامعي

_ باوع هي رحبت بالفكره بس گالت  انطوني وقت افكر

_........

_ من اكول لك لا
لا تأمن للنسوان غدارات تذكر ميار شلون باعتك واختارتنا

_ خلصت عليك بالعافية  الي يختارك عليه  نعال برجلي ما اخليه لو الف ميار والف مناسك ما يهمني
عفته وطلعت من المكان احس نيران گلبي  تلاطمت معقوله تختار صياح ليش لا هي المهم تريد تطلع اني متاكد عرضه مقابل يسقط التهمه مثل ما سوى ويا ميار

قبل خمس سنين
..................

دخلت سياره للمعتقل وكان العدد سته مثل كل مره نزلت ميار مو مثل هسه بس حلوه حلوه خاصه وهي دلوعه و  معاني وجهها تجذب
بوقتها  كل واحد منه ينتظر الثاني شنو يختار ومنو  يختار
وقع اختياري على ميار كانت عكس مناسك بكل شيء لعوبه  خبره ذكيه متكلمه دلوعه كل شيء بيها  مثل ما ردت هواي جذبت  القائد ولگيت روحي مجدد  سبوع لخ والاسبوع بقه يجر سبوع
الحد ما لگيت  روحي ضايع بيها
حبيتها بس ما حبها سائد حبها  القائد
حبها على سوالفها  لتگول اكتسبتهن من السجون وبيوم من الايام طلعوني بمهمه كملتها ورجعت راجع اريد اشوفها واحجيلها صارت جزء من حياة القائد جزء من السجين
جزء من انسان محطم
ما لگيتها نجنيت وين راحت اليوم حتى مو وقت تبديل

الاء _اجوي عليها واخذوها

_منو الاجه عليها

_السياده

_فتحت باب السرداب ونزلت اتصلت
اجاني صوته ووووينها ليششش اخذتها

_ساعة و السياره توصلك حضر روحك و تعال للمقر

_گعدت بالساحة احرك برجلي الحد ما وصلت السياره وصلت روحي للسما
صعدت و طلعنه للمقر دخلت جانوا الكل مجتمع هناك شفتها واگفه يمه ركضتلها وحضنتها هيه هم بادلتني الحضن شصايررر

صياح _گعدي ميار وانت هم اگعد
تفضلي ميار اقري هاي الاوراق

سائد _جانت كليشة الحكم رقم ااقضية و و و
نهايتها توقع تطلع براءة من التهمة الموجهة الها
وهيه قتل زوج امها الحاول يعتدي عليها
واذا وافقت تصير الصياح وتتنازل عني تماماََ
اني بوقتها ما خفت لأن من تسمع شخص قتل الخاطر شرفة اول شي تفكره ما يبيع روحة
خاصه وهو دخل هاي السجون الخاطررر شرفة
و فكرت الصار بفترة حكمها او وهمت عقلي بي هو اجبار
بس الي صار وصدمني وافقت بسرعة بدون تفكير ووقعت وصارت الصياح
الانسان الي يحاول بشتى الطرق يحطمني يبعد كل شخص احبة عني يخليني وحيد يعرفني الوحده تخلق مني وحش كاسر
وهو بنفسه كالها
اذا حبيتو حييتو  الاحساس الاريده يموت بيكم
انتو تكملون مهمات وترجعون للمعتقل
ولا تكولون ظالمنه كلشي مقدملكم
الكلمة  الصار عشر سنين اسمعها وهو متيقن ما ظالمنه
من اجيت اطلع من المقرر صاحتني

_اني بعدني حبيبتك و حبيبتهم

_ قصدج بائعة هوا للجميع بربطة المعلم
تردين ميار ترجعيلي بس حالج حال ما اجيتي اخلص وياج وقت وارجعج الصياح
وفعلاََ جبتها الي  اتونس وياها وترجع الصياح
كل شهر يوم تجيني اتونس وياها
بقيت افتر بالساحة معقوله تقبل
اذا مو معقوله ليش كلتلهم انطوني مجال افكر
جان كلتلهم اني مو موافقه
احس شخص لازم كلبي ويعصر بي
لوعة لاحت روحي
ما اكدر اتصل بصبا صياح موجود اذا عرف بيها يذبحها انتظر يطلع
كوون طلعت روحك

صليل _شبيك

_كول شنووو ما بيك

_شصاير

_كلتلهم خلوني افكر

جاهد _يعني عرض عليها صياح نفس العرض

_اي

صليل _لعد احنه شنحجي بس جيب اليفهمممم

سائد _ لا تزيدهاااا عليه صليل

جاهد _.....
ما انتظر   سائد توصله اخبار اخذ حبوب منوم و نام
.......

_مياسين _وشتردين تسوين يعني ليش كتيلهم انطوني مجال افكر

رحمة _تردين ترحين الصياح

مناسك _ اروح الصياح؟؟ انتِ تشوفيني هيج
يعني اني هيج رخيصه ولجن اني اكره بعيوني اباوع الجسمي لأن الكل طالته اني اروح اذب روحي بيد صياح الحقير
صياح المسوي شبكة المتاجره بينه انيييي اروحله

مياسين _حيرتينه لعد شتردين تسوين

مناسك _مو اني الاسوي اريدج انتِ ورحمة تسوون

_شنسوي

_اريد من يصير ليل نروح للبوابه الثانيه واصيح الميار  واريدج تكتلنها كتله هل رخيصه تريحن كلبي بيها

مياسين _هسا نروح كومن

رحمة _هوب هوب وين نروح  هسا انتِ ناسيه احنه بسجن وبيها انفراديه خلي يصير ليل و الكل ينام وبعدين نروح بس بلا زحمة شلون تردين الكتله

_اريدجن تكسرنها تكسر بحيث تحرم تعرض هيج عرض على بنيه ميار طالت ايدها ومحد كسرها الها اريدجن تكسرنها
لزمتني من ياخة ثوبي ليش مووو انتِ تكسريها

مناسك _شدعي على ابوي الخلاني جبانه اريد اكمشها واكسررر راسها بس اخاف
انتن سباعيات وما تخافن

مياسين _ والله لاخذ حيفج من هاي مياره العياره

مناسك _ولجن ما داقني الا تگلي تصيرين الصياح عبالها اني رخيصة مثلها شايفين بوقتها شنو اجيت اسوي اجيت اتفل بوجهه بس كلت اذا اسويها ما تطفة ناري و  راح اكل بروحي و حتاجيتجن هواي احتاجيتجن والهذا السبب كتلها انطيني وقت افكر
لو وياي تلاثتنه نكتلها

مياسين _شيجيب الليل شوو كومن نامن من هسا

مناسك _ههههههههه انتظرت مياسين وقت النوم اكثر مني ووقت ما نسدت الاضويه گامت الصبا

ام شمس _شصاير

مياسين _ ما تنامين انتِ سحير الليل

مناسك _ادخلت لا تجفصلها جفصه
فدوه خاله ساعدينه وفتحيلي الباب

_وين تردون ترحون

_محتاجة اعبر للبوابه الثانيه

_بشرط

_ تحجولي شنو صاير

مياسين _ من نرجع تدللين كلج اذاناََ صاغيه ندري
فتحت الباب و طلعنه اني ورحمة متقدمين و مناسك ورانه
باوعتلها و هزيت ايدي المثلج هسا تترأس المجموعة تقارنج بيها الكح... وهيج خايفه
شجعتها وخليتها تصير كدامنه بس وصلنه للبوابه الثانيه رجعت ورانه

مياسين _دخيل الله شگد جبانه

رحمة _عوفيها هيه لو تگدر جان خلصت السالفة
من يمها مو البنيه  مستعينه بينه

مناسك _اي والله

_يلا يلا امشن

مناسك _وصلنه يمهن دك وركص و لعبان روح
رفعت ايديها مياسين وصفكتلهن

مياسين _منورات الكح.....

ميار _ يا اهلاََ وسهلاََ ها مناسك شو جايبه وياج
العصابه

مياسين _مو خافت الجلاب تعضها كالت تعالو وياي

مناسك _فدوه تعاي شوي اريد احجي وياج

ميار  _اي ليش لا اصبروا بنات هسا اجيلكم

مياسين _اجتي يمنه و مناسك باوعتلها

مناسك _خخخخخخ تفوووووو اذا عبالج كلنه مثل شاكلتج غلطانه صياح دربج مو دربي
يلا بنات

مناسك _بيومها نكتلنه وكتلنه البنات ركزن على ميار بحيث اباوع المياسين لازمه راسها وشلع من شعرها و رحمة كضت شلغم كطعتها تكطع
و اني ساعة اباوع و ساعة اضرب اليجي بأيدي
وهذنيج اكلن طن كتل و مجلبات ب شلغم و ميار
كامت ميار ما تنعرف زورگنها تزورگ

مياسين _ثاني مره اذا عندج عقود وبنود تعاي النه نختمهن الج تدللين

مناسك _تحجي وترفع بعطوبها التگطعت

رحمة _هسا لو جايتني اگول بيها مجال رايحة المناسك المسكينه صدگ غشيمه كل خبرتج بالحياة فراش و صياح ومولاتي ومولاتي

مناسك _ طلعنه من يمهن ميتين من الضحك
باوعت الرحمة لو عارضه عليج العرض صدگ توافقين

رحمة _ وابقه طول عمري سجينه الصياح شبيج انتِ هاي بس يملون منها يرجعوها من حيث اتت
اني اريد واحد يطلعني من الاني بي مو ادخل روحي بمصيبه اكبر

مياسين _ ينخاف منج

رحمة _اني رحمة يابه
مناسك _رحمة دائماََ تثبت   نفسها عكس ما تظهر للناس

رجعنه وشافتنه ام شمس نصدمت المرأة شصارر شمسويات ليش هيج صاير بيجن

مياسين _وانتِ شدخلج

مناسك _ عيب

_لا موو عيب هاي ما تقل عن ميار شي
باعي كلمة منج اصرخ واجيبلج الحرس يطيحون حظج يا عجوز البين

مناسك _ما عرفنه نسكت مياسين و ام شمس خطيه شصار بيها
بسرعة دخلت سريرها ونامت الفجر كعدت للصلاة وكعدتنه حتى مياسين كعدتها

توضينه وصلينه و گعدت تسبح  بسبحتها واحنه هم نسبح بالسبح الي سويناهن

ام شمس _اني قبل عشر سنين اكثر انسان حبيته بالدنيا و جنت احسه النفس اليصعد وينزل بريتي
طعني

مناسك _ باوعتلها نقهرت عليها

_جنت اگول بهاي الدنيا محد يحبني بكد زوجي ولا يدللني بكده و لا اشوف انسان مثله
بس طلعت مخدوعة بأبشع انسان
هو الجابني الهاي السجون
زوجي الجنت اصيحله كله حبيبي
و جنت مثلي مثل اي مرأة عراقية
محتوية عائلتي بكل حب وبين ليلة وضحاها هدم حياتي و ساومني

مياسين _  نقهرت عليها شگد كلبنه طيب بي حجتلها كلمتين قهرتنه ما كدرت اسكت سألتها مات لو بعده

_لا بعده ما يموت هذا  يموتني حالف ياله يموت

مياسين _بما انو احنه متوجهين الرب العالمين
ما تنطينه اسمه  نلزكة بدعاء هلبت الله
يستجاب

ام شمس _ اسمه صياح

مناسك _اني والبنات رأساََ باوعنالها

يتبع.....