رواية معتقل الصحراء الفصل الثاني والعشرون 22 - بقلم الكاتبه أم مختار

معتقل_الصحراء ١٩
#بقلم_ام_مختار
#دنيا_غانم

_اني عندي جماعة بالناصريه خوش اوادم
عدهم بستان ويردون بي فلاح تمشي تشتغل يمهم وبي بيت البستان بس شنو البستان حيل جبير يوجع الفاد

_اني ما اريد اشتغل اريد ابقه بالبستان فتره الحد ما ارتب وضعي واطلع

_انتم جم نفر

_احنه ٣ خوان مزوجين و امنه

_البيت ما يكفيكم بي بس غرفه و هول

_راضين بس اريد بيت فتره ما نطول والك التريده واليردو

_لا عمي انا ما اريد فلوس انا لو سويتها سويتها الربي لو سهلت درب بنادم باجر تعتاز اليسهل دربك

سائد _تخجل من نفسك من تسمع شاب بعده ببداية عمره هيج يحجي كلمات حلوه و تدخل للگلب

_باوع قدو اني هسا رايح جم يوم اني اجيك لو اخوتي يجون  واحد اسمه محمد والخ اسمه كاظم

_حاضر بس خويه عندي سؤال

_ليش ما اريد احد يندلهم مووو؟؟

_اي خويه الوادم  هم تخاف وتعرف انت الحكومة
ما تجر واحد تجر اهل البيت كله

_ تعلمني بيهم اني الاعرفهم
لا تخاف ما مسوين شي بس اخوي متعارك وي واحد واريد نلم السالفة و اريد ابعدهم
امي خايفه عليه واني اريد اريح بالها

_لعد اذا هيج بيتي اخليك و شحده اليگربله وعلي

_هههههه تسلم ما تقصر لا اريد بستان هيج وكون وحدنه

_تدلل

_ما وصيك قدو

_لا شلون سهله سهله

سائد _ اجرت تكسي و نزلت بمنطقة  قريبه للمقر مالتهم دخلت جان اكو بالمقر شرطه ورتب وهنا احنه لازم ننزع ثوب القائد ونلبس ثوب سائد
اخذت التحية و دخلت

اشوف صياح شلون محترمهم و شلون الهم هيبه
بقيت اباوع عليهم بعجاب وبعيوني تمني
هيج ردت اصير بس مو كل ما يمتناه المرء يدركة
طلعو اني هم  ما تحملت المكان انطيته الاوكي وطلبت منه ميار ليلة  وطلعت

ميار _هاي حبيبي هنا شنو حتى ما جاي تشوفني
اني زعلانه انت كولش ناسيني

صياح _بالعكس طالب يشوفج
اظاهر ابن ابووو رجع الوعية

سائد _ لا تتأخرين عليه عفتها وطلعت للمعتقل
جنت مجبور اخذها لأن راح يسألوني ليش صرفت السياره جان لازم عندي حجة الدخولي المقرهم
وهم منها اني محتاجها بموضوع
دخلت للمعتقل جانوا ينتظروني

سائد _كلشي تمام

صليل _ شنو التمام حجيت وي الولد

_اي

_وشنو راح يصير

سائد _دخلت اسبح همه وياي دخلو

_لازم نوصل للضابط شجاع

صليل _حجاها وتحسر
شتريد منه

_احتاج ضابط يساعدني من بره السجن وحدي ما اكدر اسوي شي ايديا مربطه و خايف يراقبني صياح اني حدي هنااا مداكدر اسوي اي شي

_وقدو ما ساعدك

_لا ساعدني الولد راح يأمنلي بستان بس شگد تريد تبقه بي احنه لازم كل فتره  نتنقل الحد ما نلگه حل والا جلاب صياح تلگاهم فوگ راسك
اذا وكع صياح هاي فرصة ابووك تره

_ والروس الكبار ما راح يتركونه لأن احنه نعرف كلشي

جاهد _سالفتنه صعبه

_فوگ ما تتصورون بس شنسوي لازم نسوويها

جاهد _الخطة الجايه شنو

_الخطة الجايه اني اطلع بس كون مو ٣ خطوط اي مهمة تجي مو ٣ خطوط تنطوني خبر تمام

صليل _متأكد من الجاي تسوي

_لا واجذب عليك اذا اگلك ما خايف بس ما بيدي شي لازم اخذ حقيييي من هذا الجلب

سائد _اذا جبركم انتو اطلعون
فـ صليل اسمك يم قدو محمد
وانت جاهد كاظم حفظوا اسمائكم لا تنسوهن

صليل _محمد الله شگد اسم حلو خايب محمد باللهجة الجنوبيه

جاهد _واني كويظم

سائد _ههههههه
جاهد _شفت رحمة شلونها

_لا تخاف شفتها بالساحة عادي كاعده ما بيها شي
تره رجلها مكسوره ما ميته لا تخاف
باوعت الصليل سد الماي وهم يريد يطلع

_وانت ما تسأل عن مياسين

صليل _ شصخم بيها العندي تسوه مياسين واهل مياسين هم لا جيبولي طارري احد هنا
احنه شطيح حظنه غير هذني
عفتهم وطلعت

سائد _ بعد ما يكدر يستأصله لاح  الثنايه

جاهد _ واحد معصب والخ يحجي اشعار
و اني المصفن ليش هيج

سائد _هذا يحب مياسين بس ما يحب يعترف
الادبسز عود هو القوي

جاهد _معقوله

سائد _اصبرلي وشوف اذا ما جريت هذا السان الما راضي يحجي ما اطلع سائد
......

مناسك _بعد الصار احنه وصبا دخلنه حروب
هيه تترقب من عدنه اي تصرف واحنه نخاف نسوي كلشي هيه مخوفتنه بمعرفتها ب صياح
وانا ورحمة سادين حلكنه بس مياسين شيسد حلكها

مياسين _لو تعرف الريس بحد ذاته ما اسكت عنها

مناسك _من جاب طاري الريس ضربتها على حلكها
مووو كلشي ينمزح بي مياسين يذبحوج والله

مياسين _لعد اني شنو منتظره منتظره اخلص
انتو وراح ترحون اني شنوو بقيتي هنا وحدي

رحمة _ما نطلع بدونج والله

مياسين _مو بكيفج بكيفهم انتِ جاهد يريدج
وانتِ سائد موت روحة عليج اني شنو

مناسك _انتِ ويانه ما نطلع بدونج والله لو على كص ركبتي ما اطلع بدونج سمعتيني زين

_.......

_لا تخافين والله ما نتركج

مياسين _ فدوه لا تخلوني السجون ما خلت بيه روح

_لا تحجين هيج انتِ قبلنه تطلعين و الله
بقينه نتحلم بالطلعه شلون ننهزم شلون نطلع من هذا المكان ونرتاح من كل الي صار
بس نتوقف يم كلمة وبعدين شنو راح يصير
كلنه ما نعرف بعدين شنو راح يصير  عدت ايام و بالليل صبا اجتي عليه جايني اتصال من سياده القائد طلعت وياها دخلت للغرفه مالت الاتصالات باوعتلها وجاوبت الوو

سائد _ شلونج

_زينه

_امي شلونها

_الحمد لله

_يمج صبا اذا يمج صبا گولي الحمد لله

_الحمد لله

_احبج

_......

_مشتاقلج طالعه من گلبي تره مو خداع

_تحسرت من يحجي صوته بي بحة ما اعرف شلون افسرها بس تجذب

_حبيني مناسك و الله اني خوش ولدد

_ باوعت الصبا أأمرني حضرت القائد

_ خليني بناري و انتِ ببرودج  وگليلي شلون اوصل للضابط شجاع

_بتسمت وجاوبته الحمد لله

_تدرين نسيت هيه يمج مضيعه عقلي انتِ
طيب ساعديني بين ما اكدر هاي الجم يوم اجيلكم

_تمام
سديت التليفون وطلعت رجعت لفراشي
صبا عافتني ورجعت طلعت

مياسين _شنو صار

_يريد نوصل للضابط شجاع
صبا طلعت ما اعرف وين راحت

رحمة _هسا تجي قابل وين تروح تره متفقه وي سائد لا تخافين

مناسك _ و الله  تاليتنه منجرين كلنه الوكر صياح وشوفو

ام شمس _حجيتي ويا

_هزيتلها راسي اي

_شلونه زين

_اي زين

_تعاي گعدي يمي

_گعدت يمها و اني ادري شنو راح تحجي

_تحبي مثل ما يحبج لو لا اني سمعت حجيكم يوم الاجه اشوفه هو يريدج سمعي كلامي ولا تگولين سجن اني متأكده راح يطلعكم
واني اريدج تشدين على ايد وليدي لا تخلي يضيع

_ليش ابنج بعده ما ضايع

_.....

_خاله _هو اني ضعت هه الي ذبوني بمصيبه لا بيها ولا عليها علمود ورث والله ما اريد هذا الورث و يگولون بمثل حالتي اصلاََ ما ياخذون ورث لأن اني ويا ما بينه شي وجابوني وخلوني بهاي السجون مو ابنج الصارله عشر سنين تحت امر صياح وتكولين لا يضيع

_انتِ جاي تگوليها تحت امر صياح عباله يحميني ابني مو هيج وهسا تشوفين

_المطلوب شنو

_من تطلعين لا تركي خليج ويا والله وليدي زلمه ومعدل احتوي لا تضيعي مره لخ

_هزيتلها راسي بس متعاطفه وي حالتها
تحجي عن ابنها متناسية  الجرايم الي مسويها
نمنه بيومها بسلام
بس يا سلام يمر بالسجون
سلام وسجون كلمتين  مضادات مستحيل يتخلن بخانه وحده
الصبح نجرينه البوابه شلغم تحقيق و الي تحقق شلغم بشنو تحقق بمكالمة امس

شلغم _المكالمه شنووو حجيتو بيها كلشي تحجيلي والا تخيسين هنا وتعرفين شنو هم اسوي بيج

مناسك _ما حجيت شي وبالنسبة الكلمة تخيسين تعودت اني ما تخوفيني

مياسين _ فرحت بمناسك حجت بقوه وياها

شلغم _ ليش ترددت كلمة الحمد لله هواي

_هو سألني شلونج
كتله الحمد لله
گلي شلون السجناء وياج كتله الحمد لله

_ليشش تكررت اكثر من مرتين بعد شنو حجيتو

_خابرو ليش جايه تحققين وياي
_مناسسسسك

_ما عندي شي احجييييي الي تردي سوي و روحي كلي الصياحج اذا يريد يعررررف يروحله انييييي مالي دخل

مياسين _كامت وصاحت بوجهه شلغم
اني من يمي خفت

مناسك _كاااافي هنااا وكاافي عدكم شي بيناتكم حلوووو احنه مالنه دخل لا اني ولا صديقاتي
و هاي تحقيقاتكم ما تفيدكم لأن ماكو شي ينحجي لوووو تخليني هناااا مليار سنه يا شلغم كلمة ماااا تاخذين مني

شلغم _صايره تحجين دربو الجلب زين

مياسين _ اي صحيح تعرفين بالتدريبات مرت عليج مووو خوش دربوج بس الجلب وفي انتِ نوع جلب مخنزر

رحمة _ همه يحجون واني اباوع الشلغم البنيه متمكنه تحجي و اطك و تصيح وهيه سجينه ويانه شنوو سوت وخلوها بهذا المكان شنوو سوت وصارت ايد من ايدين صياح
سجون جبيررره كلها هو يحكمها وين الدوله عنها لو الدوله بنفسها تديرها الف سؤال وسؤال جال بخاطري

شلغم _انتن لا تحجن رحمة ادري بيج سباعية احجي انتِ والي تردي يصير

رحمة _اطلعوني منا اذا حجيت

مناسك _باوعنالها اني ومياسين

شلغم _اي

رحمة _ لعد سمعي ووصلي الحجي زين الصياح
گليله مناسك مؤمنه تحب تحمد ربها وتشكره
فـ جانت تحمد الله يلا حجيتلج طلعيني

شلغم _هههههههه تافهه

رحمة _مديت رجليه وباوعت الحيطان السجن مكان مناسب للنوم شفنه الاصعب

مناسك _ اي و الله مكان حلو

شلغم _ ما تنطوهن اكل الحد ما يحجن

مياسين _ يا خساره راح نشتاق البيض صبا
اذا ما ارجع واكعدها على بيضاتها ما اطلع ام السوس

مناسك _من طلعت شلغم اجت تحجي مياسين اشرتلها اسسس
خفت واكفين يسمعولنه

مياسين _بس عجبتيني اول مره اشوفج هيج سباعية

مناسك _ والله انا متفاجئة بروحي هههههه
بقينه الحد ثاني يوم لگمة ماكو وكل ما تمر جم ساعة يكومون يركعون بباب الغرفة الاحنه بيها
لو صريخ لو ضرب نسمع
التعذيب النفسي ينفذو علينه  بجميع الطرق

بس انت بعد تعب الفلقه و التعذيب تحس بضرب باب بصريخ  طبعاََ لا ت
اعتاديت على هاي الامور  انام وكأنوا جاي نشمس ببحيرة الحبانيه
اليوم  الخ انطتنه بس ماي

شلغم _ماعون اكل محترم مقابله تحجون
الي تريد  بس تگوم تدگ على الباب واني بنفسي اجيلها

مياسين _ابقي انتظري دگاتي يجوز بأي لحضه يرف گلبي عليج ادري الفضول شعل كليبج

شلغم _ يجيج يوم هنا

مياسين _خفت عبالي يوم بره السجن هههههه دمشي امشي سدي الباب زين وراج

الحد الليل دخلت صبا و وشلغم

صبا _گوومي مناسك

مناسك _ما اطلع وياجن لوووو تموتن

مياسين _البيها خير تدنه

صبا _سيادة القائد بنتظرج

_والله ما اتحرك و اذا انتِ سباعية ادني الا اعضج من عينج ما اروح تردين خلي هو يجي
جان كل فكري يردون ياخذوني يغتصبوني

صبا _ كتلج موووو وكتها شلغم

مناسك _عافت شلغم وراحت

شلغم _اذا تجيبين اسمي يمه افرك حلكج فرك

مناسك _والله بس اوصل يمه الا اكله
اذا ما اخلي يترس حلكج تراب ما اطلع مناسك

مياسين _ ما راح اموت من جوع راح اموت من ال  صدمات

مناسك _باوعتلها َخزرتها اني راح اموت من الخوف بس هذني قويات ولازم اتعامل وياهن بقوه والا يدوسن عليه

مناسك _طلعت شلغم و هو شوي واجه

_منووهيج سوه بيكم

مناسك _صبا و وشلغم
صبا _ وصلت اخبار للسياده العليا و اني ما عليه هاي اوامر

مناسك _كذابه هيه راحت وخابرته بعد ما خابرتني انت يردوني اعترف شنو حجينه من خابرتني

سائد _ اي ما بيها شي شنو جانت مكالمتنه ما بيها شي ومن حقهم يخابرون يلااا گوووومي هسا
صباا وصلي خبر كليله اني احجيله الي يريده يدللون السياده وانتِ يلاااا

مناسك _طلع البنات وياي

سائد _يلا صبا ساعديني وطلعي البنات

مناسك _اخذوهن واني طلعت ويا

_خو ما حجيتي شي

_لا

_سباعيه

_گدرتي  تعرفيلي شي عن الضابط شجاع

_لحگت اني ثاني يوم من صبح اخذونه

سائد _ استغفر الله
امي طلعوها اكيد

_اكيد مدام انطيت خبر الصياح  يطلعها

_هسا شلون اوصل الشجاعج هذاااا

_ امك من رادت تعرف كلشي عنك هيه جابت شجاع بوقتها لان تعرف بي يساعدنه دائماََ وهووطلبنه ثنينه للتحقيق

_يعني؟

_يعني يجوز امك تكدر تساعدنه
انت شتريد منه

_اني  احتاج اطلعكم منا وما اكدر وحدي

_وشلون اطلعونه

_گعدي

_لازم اطلب من صياح اسبوع وياج
وبالوقت الي انقلج بي لازم نهزمج

مناسك _تهزمني يعني اني وحدي

_منو تردي وياج

_اقصد يعني البنات رحمة و مياسين

_ترديهن وياج

_اي خطيه ما اخليهن هنا

_بالاصل رحمة متفقين عليها تطلع بس مياسين ما ادري

مناسك _اني ما اطلع بدون مياسين

_لا تخافين اطلعها بس كون ترهم كلها

_ وشلون يوكفون سياره صياح

_ هذا الي نحتاجة سيطرة خاصه بهاي الظروف
سيطره نوكف السياره ويغيرون على الي بيها ونطلعكم

_وبعدين وين نروح يعني اقصد شنو نسوي

_ الباقي خلي عليه المهم هسا اطلعكم

_وامك ما اطلعها

_امي هيه اصعب شي محتار بأمرها
الا اذا ساعدني شجاع و خلاها وياجن هنا سهله بس اذا ما صار كلشي صح ووصلت امي للمعتقل  وعرف جماعة صياح  يذبحونه  كلنه كلنه نروح بيها

_......

سائد _لا تخافين نطلع

مناسك _ومن نطلع انت ويانه

سائد _ابتسمت وباوعتلها ترديني وياج

مناسك _هذا مو يعني اقصد وين نروح اذا انت مو ويانه

سائد _ اذا كتبلي عمر وياج لكن هيه خطه وكلها خطه بدائية وراح نعتمد على ناس همه بالاصل تابعين الصياح فاا اذا طلعتو انتو ترحين الهذا العنوان وتگليله اني زوجة علي
وتاخذين البنات وياج انتِ زوجتي اني اني علي
ورحمة زوجة كاظم  ركزي وياي
ومياسين زوجة محمد

مناسك _هااا

سائد _ههههههه ما تحملت شكلها وهيه مستنكره  الاكوله لفيت وجهه بذراعي وبستها من راسها اني خلصان وانتِ تسويلي هيج

مناسك _ بعدت روحي عنه حجيلي وحده وحده

_قدو يعرفنه بهاي الاسماء ياخذوكم البستان بالجنوب خوش ولد اني متأكد منه تمام اني اجرته الكم ترحوله اسبوع بعدكم اذا ما اجينه طلعو  منه
انتِ والبنات واذا امي وياجن فا تگولين هاي عمتي ام ازواجنه

مناسك _ دهر

_اي و الله دهر

مناسك _واذا وكفتنه سيطره بالمحافظات

_انتو نسوان ما يوكفوكم صعدو فورتات وتصرفوا طبيعي انتِ صيري شجاعة

_الله كريم الله كريم

_هسا اني ابقه للصبح وارجع اريدج تجيبيلي شجاع ضروري ما تحجين ويا كلمة بس من يجي اخذي رقم تلفونهم  او اي شي يكدر يوصلني اله

مناسك _تمام

سائد _ صيري نبهه ولا تخلين صبا توگعج
ارواحنه  كلنه بأيدج

_ان شاء الله

_انتِ عيني بهذا السجن لا تصعبيها عليه

_لا لا والله

_سباعيه
تمددت على فراشي وخليت ايدي على عيني
شوي ورجعت باوعتلها لگيتها صافنه ناحيتي
بشنو تفكرين

_ افكر بالحريه

_الله يسهل امرنه

مناسك _الفجر گام بدل قبل لا يدگون الباب واني اردد بالمعلومات الي انطاهن الي اسمعني
اني زوجة محمد

سائد _لاااااااا انتِ زوجتي  اني اني وبس  علي علييييي

_خوش خوش علي علي انت علي
ورحمة

_رحمة كاظم

و صليل _محمد

_خوش
طبكت ورقه العنوان مالت الولد الاسمة قدو
دور شوي فدوه

سائد _تمام درت

مناسك _ بقراصة شعري ضميتها خفت من اطلع يفتشوني لو تاخذني صبا للتعذيب وينكشف كلشي
خلصت

سائد _ شواربج حلوه تدرين

مناسك _ ادري

_ما ناويه تحفيهن

_لا

_ليش

_لأن شي ما يخصك وجهي وشواربي انت جاي تساعدني رحم الله على  امك
اكثر من هيج ماكو

سائد _رحم الله على  امي

مناسك _اي لأن ابوك  جلب و الجلب ما يترحموله
دگو الباب طلع وهو يضحك
دخلت للزنزانه صبا تباوعلي خزر ما اهتميتلها
انتبهت ام سائد ماكو

مياسين _فلسعوها من رجعنه ما لكيناها

_هانت على گولت رحمة هانت
........

سائد _ بأصعب  فتره مريت بيها جنت لازم اكون المطيع الصياح لأن اي عصيان مني
راح يزيد صياح غضب واني هاي الفتره محتاجة محتاج اجره

صليل _هسا الخطا شنو

سائد _الخطا اني باجر طالع بمهمة خط واحد
ومن باجر يبدي العد التنازلي

جاهد _شنو راح يصير

سائد _سمعو شنو راح يصير
اخذت التليفون اتصلت بي رد

صياح _الوو

سائد _باجر  عندي مهمة وما اكدر اطلع بيها

_ليش

_جاي تشوف بره شصاير مگلوبه الدنيا گلاب
ودائماََ اني اتردد من هذا المكان واني اصلاََ مو وياهم فا اريد باج لخ اكدر اغير بيهن

صياح واذا شكو بيك

ما يشكون بس لا تخليني بنفس الباج
لا انصاد لا يعرفون اني الجاي اسوي هذا كله

صياح _باجر وي السايق ادزلك الباج

سائد _تمام سديت الخط منه

جاهد _ شسوي بالباج ما فهمت

سائد _ بعدين تفهم
الساعه ٧ الصبح  اخذت الظرف و لبست ملابسي وطلعت بالسياره الدازها صياح انطاني الباج من اجيت اصعد ذبيته بالرمل الي بالساحة وصعدت    بس وصلت  طلبت من السايق الباج

_انطيتكيا سيدي

_سويت روحي ادور بملابسي ماكوو الباج  ما اكدر اعبر بدونه  ظليت احجي بأنفعال روح للمقر جيبلي باج. گول الصياح يدبر امره

_حاضر سيدي

_تأكدت منه طلع واني دخلت للمكان المعني
جان شاب ابتسمت ومشيت من يمه بكل سرعتي وضربت بكتفه هو رأساََ گلي شبيك ما تشوف
اني سبيت  امه ادري ماكو اغلى منها وبس الماعنده غيره تنسب امه ويسكت
الولد رغم ضعيف بس جابني ببوكسي على عيني طفاها اني ردته يكمل ضربته وهو يتضارب وياي ما جنت ادافع عن روحي اني اريدها هيج توصل
الناس الي بالشارع  فاككتنه جنت بوقتها متكسر
لزمت صدري من البدايه خوف خاف صياح داز ناس تراقب او تصور بعدها طحت بالشارع
حاولو الناس تساعدني ما قبلت
طولت بالشارع بس غيرت مكاني خوف من الشرطه او الناس تجيب الجيش واني اوگع بيها
گمت اجرتلي تكسي وطلعت للمقر
اول ما وصلت للمقر وكعت على وجهي
سويت روحي غايب عن الوعي فتحت عيوني واني بالمكتب مالته

صياح _شصارر

سائد _ مداكدر اتتفس

صياح _لازززم ناخذك للمستشفى

لا لا ما  يحتاج بس انطيني مييي

_ناوشيني الماي وميار تفرك بأيدي

عدنان _شنو صار

_الولد من ضربته دفرني على گلبي وكعت بالارض وهو جنزني حسيت النفس نگطع ما كدرت ادافع عن روحي حتى

ميار _لويش ما تاخذه للمستشفى هاي ثاني مره تتكرر الحاله شنو تنتظره يمووت

صياح _ هسا ناخذه

ما يحتاج اني هسا ارتاح ما اروح اي مستشفى

صياح _ليش

_ما احب المستشفيات

_ليش رجعت السايق

_السايق جايبه الي ماعنده باج ما انطاني و اني تركت باجي خفت ارجع وانلزم بوحده من السيطرات و اروح  بيها يعني فوگ تقصيركم تسألوني

_فتح جرار مكتبة  وشمرلي باج ارجع بهذا هسا

سائد _تمام لبست باجي وطلعت للمعتقل
بعدها بأيام اجتي ميار الي دخلت بقميصه الستن الابيض  و بنطرونها و شعرها المفتوح
وكلشي بيها حلو مرتب مثل ما كل رجال يريد
تقربت مني وباستني من حلگي بادلتها البوسه
اجه ببالي طيفي تحسرت

ميار _مشتاقتلك

_اني هم اشتاقيتلج
جانت ليله مثل كل ليله وي ميار
صاخبة حافلة بكلشي ما عدها ستوب ولا خطوط
عكسها عقلي من وحده  يقارن  بمناسك.
مناسك حتى الاوقات الجانت بيها قريبه مني هيه جانت مجبوره عليهن
وما جانت تسكت جانت تذكرني هيه مجبوره
انتهى اليوم ورجعت ميار و اني متأكد حجت الصياح كل الي صار
أمن اكثر صياح وهذا المطلوب
اجتي مهمات للشباب واني اتأخرت
الحد ما اجتني مهمه خطين
سائد _ اجه وقتك صياح كش ملك

جاهد _شنو تريد تسوي

سائد _مو اني اسوي روكان الي يسوي

يتبع.....
توقعاتكم للقادم