رواية معتقل الصحراء الفصل الحادي والعشرون 21 - بقلم الكاتبه أم مختار

#معتقل_الصحراء ١٨
#بقلم_ام_مختار
#دنيا_غانم

مناسك _ رجع باوعلي ودار عليها اشرتله اهدأ
اي حركة من عنده راح ننجر كلنه لعبة صياح ونكشفت

بقه واگف يباوعلها وبعيونهم يحجون وبس دموعه تنزل اني هم كمت ابجي وياهم وهو يدنگلها راسه و هيه كلشي بيها لمه
نظراتهم حضنت و سولفت
ربي اني هم اريد اشوف امي جازيني بهاي النظرات وتالي خلي اموت يارررب انا راضيه

رحمة _ روووحي تقربي الى راح ننفضح الضباط يباوعوله راح يجينه صياح

_مسحت دموعي وتقربت سائد هو فاصل ولا يسمعني
سائددددد راح ننفضح
مسح دموعه وباوعلي تقرب مني

سائد _وين لگيتي امي ليششش هيج سويتي بيه جان گتيلي بليل اجي ما اگدر هسا اجاوز مكاني الحد الليل

مناسك _ مو اضطرينه حتى نلهي الحرس بالليل يسدون علينه البيبان ما نگدر نسوي شي

سائد _لزمت ايديها بدون ما احس وين شفتي بأمي شنوو مسوين بيها ليش هيج صاير بيها
حجيلي كلشي

مناسك _واني واگفه احجيلك بعدين هيه تحجيلك بس لازم بأسرع وقت لأن اذا درو بيها هنا تصير مصيبه

_ليش؟

_من  جنت تجي يطلعوها ما يردوك تشوفها بعدين تعرف كلشي المهم هسا تستعجل

_وهسا اني اروح ادخل لا خلوني بس اشوفه ع الاقل اشوفه

_لا ضرووي هسا نمشي الخطه تره والله ورانه كتله

_ليش

_مووو كتلك هيه تحجيلك

_ روحي بوسيها الي من راسها وگليلها بالليل الوعد يا ام سائد

مناسك _يباوعلها وجسمه يختض احس كلشي بي جاي يركضلها بس هو الجابره العقوبات الراح تنزل علينه كلنه اذا راحلها او اذا حسو

سائد _ باوعتلها لازم ايديها وهيه تحاول تحرر ايديها بس اني بالي كله مو يمي بعدت ايدي عن ايديها انتبهت من تركت ايديها مسحتهن بثوبها وخلتهن وراها تركتها وتراجعت بخطواتي
رجعت باوعتلها ما مشتاقتلي مناسك هاي جانت من ضمن الخطه موو

_.....

_بوسيلي امي

مناسك _رحتلها بستها من راسها هاي منه

_فدوووه هسا اريد اروح يمه والله روحي ما تصبر راح امووت

_  بالليل يجي و  ياخذج هسا اي شي تسوي صياح يخلينه ويثرمنه كلنه فدوه خاله اصبري
هم المراه من لا جاره رجعت ونامت گالت كعدني من يجي عليه وليدي
يا يمه كسرت گلبي بقينه نبجي على حالها
ضاكت الوسيعه بينه احس عندي قوه اهز هاي الحيطاان و اگلها كاااافي ظلم
كاافي الجاي يصير بينه ما تفتتت الصخر من اوجاعنه ما ضاكت بي مثل ما جاي اضيگ بينه

مياسين _ وبعدين شنو يصير

رحمة _بلكت يكتلون صياح ونخلص

مناسك _اذا قرر بكتل صياح يعني بعد سنه ما نطلع منا

رحمة _هو اني هماتين كلت راح يلتهون ينتقمون ويتركونه وشو تندمت لو ما حاجين احسن

مناسك _ يلا ع الاقل المراه تفرح بوليدها واحنه النه الله

مياسين _ حذام مربطه و صبا تباوعلجن خزرر
شايفات شنووو راح يصير بينه ربج بس اليعلم
وهم بعد هذا كله خطتنه تفشل لعد احنه شگد فاشلات

مناسك _اذا طلعت صبا منا راح تصيرر كارثه
هذا جان القالقنه اكثر شي بوقتها جان مربطنه صبا وخوفنه من صبا وبسبب هذا الخوف تقربت منها
باعي صبا اي كلمة راح تطلع منج اني بأيدي اخلص عليج قبل لا يخلصون علينه

صبا_ اذا عرف صياح اول واحد راح يخلص عليه سائد

مناسك _ يعني تعرفين يااا حقيره وتضحكين بوجهه طول هاي الفتره وحاسبتج مثل بتها

صبا _ ليش حبيبتي بس انتِ مجبوره هنا لو بس هيه لو بس اني لووو بس السجن كله اذا ما تعرفين شي لا تحجين

مناسك _دسدي الحلكج هذا لأن اذا خلصو على سائد احنه نخلص عليج سمعتييييي

مياسين _ عيونج اطلعهن والعب بيهن دعبل و حق ابوي وديجة الهراتي

الحد الليل واكفين يم الباب نخاف تطلع هيه تگدر تطلع احنه بس للبوابه الثانيه مسموح نعبر اكثر ما نگدر و هايرالحقيره تجول بكيفها
الحد ما صاحو ام شمس و مناسك تحقيق
هيه بسرعة گامت انطتهم ايديها حتى يكلبجوها

ام سائد _اجيت اني جاهزه

مناسك _استغربت من اسمي اني شنوو شيصخم بيه باوعتلهن وباوعت الصبا

مياسين _هسا اطبطبها لا تخافين روحي

مناسك _عبرنه البوابه ودخلونه
هو جان واگف بباب الغرفه يفوقها بالطول
ركضلها و حضنها حتواها بكل صدرها ويصيح من كل دم وگلب يووووم

سائد _ وجعووووني بيج يا بعد كلبي وجعه بروحي
هدددني بيج ابووويه الاسمه ابووويه هددني بيج يووم الليل يمر بدونج امر من السجن الحبسني بي

مناسك _موقف صعب ينحجي نزل الرجلها باسها وهيه تريد بس تلزمه تريد تبوسه تريد تشمه تريد تخلي على صدرها عبالها بعده هذاك الطفل الولدته البعده ايام

ام شمس _ يوم اسدي يمه يا هاي الدنيا شعملت بحالي يوم تكسرني بيك ويوم تفرحني
ليش يمه سائد ليش رضخت الابوك  خليني اولي المهم انت يا بعد امك ليش قبلت يأذيك و هيج يسوي بيك ماماتي

سائد _ تعاي تعاي جاي ترجفين هسا گعدي ارتاحي

مناسك _هو گعدها وهيه جرت راسه حطته على صدرها وشهگت وهو مثل الطفل يشهگ وياها اني واكفه وموتت روحي بجي هسا انت صحتلي تقهرني على شنو  اني ناقصني قهر مثلاََ

سائد _ ما اريد اخلص الوقت بجي يوم اريد تحجيلي كلشي ما عندي وقت هواي هنا لازم ارجع
بس اريد اعرف ليش هذا حالج ليش هيج صاير بيج اني النذل صياح گلي انتِ مسافره

مناسك _هيه باوعتلي
ابوك الي حاجي الك ومهددك بي
عاكسة وحاجي الها و مهددها بيك

سائد _ يعني العشر سنين الضاعت بهذا الظلم ضاعت هباء ههههههه يعني اني صرت مضحكة الصياح

ام سائد _اني گلي بعدته وما راح اخلي يتوصخ بأعمالي بس انتِ تسويلي كل الاريده لو اذبه بالسجن

سائد _هههههه يذبني بسجن يووم اني متهم بقتل خمسين شخص من غيرر التعذيب الدخلت بي بشررر واوعدج يصيرون ٥١ وين يطير منيييي صياااح انييي الضيعت روحي الخاطرج طلع ذابج
ذبه اخس منيييي

ام سائد _ لا لا عوفه خلي الي انييييي
انييي الي اريد اخلص منه اريد اطلع بروحة
اني غبيه السوا بيه هذاا شلون أأمن بي
بس ما خلالي سبيل غير اصدگ بي مو بيدي يا بعد ايدين امك

سائد _لا تبجين خلي غيضج بيج وخلينه نطلع بروحة ثنينه لا تبجين واني يمج يا تهون هاي الدموع تنزل على گبري لا تبجين فرحان بيج وفرحانه بيه ليش هاي الدموع ما توكف

مناسك _لوحة لقاء شكلها الخالق بمشيئته
رغم الصعاب لكن مشيئة الله فوق كل الصعاب
مسحت دموعها وباوعتلي

ام سائد _هاي البنيه الگلبك معلگ بيها

مناسك _ دارت عليه ما يعرفون ينسوني احس حياتهم بدوني جانت خرا اني كملتها

سائد _ لا اني گلبي ما معلق غير بيج

مناسك _ باوعتله هو هم يباوعلي ويندار الامه

ام سائد _تره خوش بنيه بس جبانه هيج والله يخلصك من الانت بيه وتاخذها و تطير بيها لديار بعيده ويرتاح بالي يا يمه

سائد _يعني ما تردين تشوفيني

_لا يا بعد عيون امك عيوني شسوي بيهن اذا ما اشوفك
بس اذا راح ابقه هنا بعد صياح يدمرك
اطلع يا يمه سويلك جاره واطلع

سائد _هذا جان ببالي بس هساا لا صياح لازززم يتعاقب على السوا بينه كلنههههه

_لا يا بعد امك عوفه الي وانت اطلع خليني الهي وانت روح واني ادثرلك صياح

سائد هسا عوفينه من صياح تعاي انتِ گليلي شنو هاي الحلاوه طول هاي السنين جنتي تصغيرن شنو

مناسك _ وكعت  رجليه واني و اكفه هسا اني جيتي شنو اوثق الاحداث لو شنو

ام سائد _يا يمه مناسك كعدي لويش واكفه

مناسك _باوعتله اگعد

سائد _انتِ ليش اجيتي اصلاََ

_اني ما اجيت همه طلبوني اني هم استغربت لويش جايبيني

سائد _ها نسيت اني گتلهم گعدي بس بالگاااع

مناسك _هم نعمه گعدت اباوعله ملتهي بيها
هم يجي يوم واشوف امي وهيج احضنها
تحسرت ومسحت دموعي ودرت عيوني  على الباب كافي باوعتلهم هواي حسدتهم الحد ما مليت
بس هيهات لدموعي يوكفن واني اتخيل بيهم روحي وامي بحضني

سائد _ صدگ امي يمي بس اني روحي نشطرت نصين نص يم امي ونص يمها ليش جاي تبجي عيونها راحت كاافي بجي عليج بداعتي لا تحبيني بس لا توجعيني اكثرر
روحي حجت بدالي بصوت مسموح
ليشش تبجين

مناسك _اني؟

_ايي

_اذكرت امي

_ احجولي شلون كدرتو تعبرون امي شلون ما خليتوها تطلع

_ حذام  يم شلغم و صبا يم البنات وثنينهن يعرفن صياح بس يوصلن للتليفون يحجوله  وراح يعرف احنه عرفنه او بالاحرى يعرف انت وصلت الامك
ولازم تلگه حل لأن اذا عرف احنه هيج سوينه راح يموتونه و اذا على الموت سهل بس العقوبات ما بينه

سائد _ اباوعلها تحجي رغم الشعر التارس وجهه وشواربها الطالعه بس گلبي يميل وي  شفايفها و كلماتها تاره يسار وي مده الشفايف و تاره سقوط من تبلل شفايفها وتكمل حجيها و تاره ما الگه گلبي يمي اصلاََ يگلي مو بين اضلعك مكاني اني يمها بين ثنايا روحها مسكني

سائد _ خليكم هنا اني طالع اشوف هل حذام و صبا

مناسك _ صبا يم البنات بالزنزانه

_تمام

_بقيت گاعده يم امه وهووراح

ام سائد _ابني يميل وي الهوا المحاوطج تدرين

مناسك _ احنه بسجن تدرين

ام سائد _اخذي وطلعي الخاطري مناسك نلگه الكم حل ونهزمو من هاي السجون

مناسك _ومنين ننهزم من صياح

ام سائد _ رب العالمين ما يتركم طلعو منا و الباقي سهل

مناسك _ بس اذا اطلع بس حتى اخلص روحي يعني لا تفكرين بشي ثاني

_انتِ اخذي وطلعي والباقي سهل

_........

مياسين _اجه سائد يتمشه يم زنزانته من شافته صبا كامتله واخذتله التحية

سائد _ بدون ما تعبيني اذا وصل خبر الصياح شنو اسوي بيج

_تاخذني للوكر

سائد _لاااا الوكر بعد ما عاد النه

_اخذج للمنيه سمعتيني صبااا لو اعيد

_سمعتك سيدي

_وبالمقابل طلبي شنو تردين

_اريدك تحررني طلعني سيدي اني والله مظلومة

_اطلعج بس تصبريلي

_اصبرلك شگد ما تريد

_تمام هسا عندي اتفاق وياج لخ

رحمة_اني هم لازم احجي وياك

.........

مناسك _ نفتح الباب ودخل رجع حضنها وبقت تحجيله عن البلوزه الحبريه الصوف الي اشترتها الى قبل عشر سنين و عن البنطرون الرهمتهم الى
و هيه تگله هذا المكان مو ثوبك يمه اطلع

سائد _راح اطلع بس اطلعكم وياي انطيني مجال

_سكتت عنه ما جاوبته رتبلها الفراش و خلاها ترتاح و هو يبوس برجليها و يمرخهن
وهيه تگله لا تسوي هيج وهو يگلها هاا تستحين مني ويرجع يبوسها
وبين كل سالفه وسالفه يدور وجهه يباوعلي
واني مثل الغبيه اباوع لأن مالي دور هنا بس هو حاشكني بالنص

سائد _نامي يوم نامي واني اوعدج صياح يصير خبر كان بس اني مجبور الفجر ارجع

_وانحرم من شوفتك

_لا لا بعد محد ينحرم بس انطيني مجال اني جنت متوقف الخاطرج اريد اعرف انتِ وين وربي سهل الامور وخلاج بدربي وكأنوا يگلي انت جاي تمشي صح نامي يا بعد عيوني الما نامن بفراكج

مناسك _ هيه نامت و اني راح ابقه گاعده احجي وي روحي اعاركها لأن اخاف احجي بصوت عالي
اندار عليه وباوعلي گام وذب البسطال بالباب اني هم تعبت اريد انام

مناسك _ خليني ارجع للزنزانه انام

سائد _ همستلها مو مشتاقتلي خليج بعد شوي يمي

مناسك _اني جنت مجبوره اگول هيج لأن صبا يمي و ما اگدر اخليك تجي الا بهاي الطريقة
گعد على طرف سريره و تقرب مني حيل وهمس
وروحي الفززتيها شلون اكلها جانت خدعة من محبوبج

مناسك _ دنگت  وهو بعده  قريب مني حيل
باوعتله وگتله  بهدوء كلها حتى تشوفين محبوبج الاول

سائد _ تقربت اكثر واني جاي اسمع دگات گلبها بوضوح
واذا گالت انتِ المحبوب الاول و الاخير شنوو اجاوبها

مناسك _ الله ياخذني هيج زين
الله يخليكم احنه بسجننننن انتووووو ليش مصرين تخبلوووني

سائد _هههههههههه اششش راح تگعد امي
باوعتلها بنظره مطوله
عم السكون لجزء من الثانيه
اريد بيت وراضي بهذا الحجم بي انتِ وياها
امنيتي صعبه؟؟

مناسك _ هزيتله راسي لا

سائد _وطفل منج

مناسك _ خليني اروح فدوه

سائد _ليش تتهربين مني

_لأن لوو شما تسوي ما اضعف كدامك هذا ولا احب ولا حتى احس بوخزه هذا العشق لأن ببساطه انت مجرررررم

_والمجرم ما يحقله يحب وينحب

_لا خلي يحب براحته بس ينحب صعب

سائد _ تعاي نامي بس اليوم يمي والله ما اسوي شي بس احقق مناي بهاي الليله خاف صياح باجر يكتلني ع الاقل حققت امنيه

مناسك _ ارحم بحالي وطلعني اني مو هنا مكاني ولا تصر عليه ما راح ازيد الا عناد واذا تريد تسوي الي بالك فاا ما عندك غير الجبر و انت بكيفك واني هم بكيفك ادري

سائد _ روحي نامي على الجربايه وخليني افرح اليوم بشوفتجن

مناسك _ما گلت لا اريد اقطع هذا الحديث المقيت
نمت على الفراش و عيني على الظلام المحاوط هاي الغرفه تقرب هو و انتجة على الجربايه البيها امه رأساََ مسحت  على راسة

_ما نمتي يوم

_شلون انام وانت يمي اليوم

سائد _ تسويلي مكان انام يمج

_تعال ماماتي تعال نام بحضني

مناسك _نام بحضنها الفجر دگو الباب اني گاعده هو عرف جماعة. صياح

_ها يوم

_لازم اروح اني

_الصياح

_اي لازم اروح حضرو روحكم بأقرب وقت اطلعكم منا

_وين اطلعنه وانت

_اني وياكم لا تخافون بس اريدكم ما تختلطون بالجماعة و صبا ديروو بالكم منها صبا تلعب على الحبلين تره

_تمام

مناسك _باس راسها وايدها دعيلي يوم دعيلي

_الله يوفقك ويخلصك من صياح الظالم

_امين يارب الله وياج

_الله وياك

مناسك _ باوعلي وطلع
عبرونه للسجن بس شافنه البنات اجوي علينه يردون يعرفون شنو صار ام سائد گعدت بفراشها ولازمه السبحه و دموعها بس تنزل
واني حجيتلهن الي صار

_يا عيني سوده عليه

رحمة. _سوده بوجهج مو عليج
احنه السوده علينه و الله
بلكت الله صدگ يطلعنه بأقرب وقت

مناسك _باوعتلها شراح تسوين على شلغم

رحمة_ سائد حلاها هو راحلها

مناسك _هاا اي هذا دربهم همه يموتون على هاي الشغله هههههه خلوني انام تعبانه ما بيه كلش
بعد ما گعدت من النوم
البنات گلولي لاگين حذام يم شلغم مقتوله
ومتهمين شلغم بالفعل جروها الشلغم بوقتها
بس شلغم وراها صياح وميار حتى ما نضربت وطلعت بنفس اليوم للساحة
تباوع الرحمة بطرف عينها

رحمة _مسكينه ما حصلتني

مناسك _ هاي جانن موجودات منها بالموقف
جانن يگللي نخلص ليله وياج بس بوس
وبعدها ننطيج اكل
تخيلي وين واصلات وهنه حرس حرررس يعني يطلعن ويطبن و بعضهن مزوجات ولا اني الحلوه ولا النظيفة حتى ينجذبن
بس هيه تبقه بالنفس المريضه وهاي مريضه وهاي الانسان الوحيده اذا  نقتلت گدام عيني ما يرفلي عليها جفن ويجيها يوووم
يخلص لعبها وي صياح ويخلص عليها
......

سائد _رجعت للمعتقل بس وصلت ساعات ووراي صياح
من شفته شلون الجابو جبل وحطو فوگ گلبي
وحبال صوتي كطعوها
اريد اجنزه اريد اطلعععع روحة امييي هيج سوووويت بيها انطيتك عمرررري فده الها وانت ضيعتت عمرها بالسجون هووون بس عليه

صياح _الينابيع ما توصله بعددد تسمعنييي لو جاي تطنش

سائد _تدلل

_ والمهمه كملوها الولد وهاي الك واذا ما تسويها اجرك للوكر

سائد _باوعت  جانت خط واحد تنفسو الصعداء
تدلل سهله يمته تريد نتممها

_اليوم بالليل تطلع الفجر تمم وترجع

_سهله من عيوني الثنين

_اي اريدك هيج مطيع الصياح

سائد _اني المطيع تدلل
بقه ينبح هو وجلابه وطلعو

صليل _شناوي عليه

سائد _ناوي نخليلنه ايد بره
تساعدنه

_منو هاي الايد

_ صليل انزل للسرداب هسا اسبح واجيك
ما اريددد حتى التلاثه الي ويانه يعرفون

_نازل

جاهد _شجاي يصير

_انت هم انزل وخلي نشوف هاي الخطة راح تنجح لو لا

سائد _ طلعت بالليل فتحت الظرف جان مدرس
يگولون رافع شعارات ضدهم
ويرادله فركة حلگ الفجر طلع لابس قاط رسمي
اثار ما يحدث بالبلد واضحة عليه
ضعيف الى ابعد حد مع هذا هندامه و هو
ومشيته ويبين بشوش اني هيج شفت بي
نزلت انطيت خبر للسايق يطلع واني  سلمت عليه ووياها صباح الخير يابه

_صباح النور اغاتي

_بس ردت اسأل عن ولد هنا اسمه محمود تعرفه

_لا و الله بس اذا تريد اسألك عنه تعال وياي اني رايح اجيب خبز للاهل و نسأل عمي صابر هسا اكيد هم موجود يم الخبار

_اني راح ابقه هنا انتظر زميل الي  ياريت ما تنساني اسأل ورجعلي

_تدلل اغاتي

_بقيت انتظره رجع وبأيده الخبزات وجواها الجريده و بأيده اللخ الجبن و جايني مبتسم
وصاحني من بعيد والله  سألتلك بس محد عرفه فوت تريگ يابه

_تقربت من الباب و گتله اليوم لا تطلع دازيني عليك اكتلك بس كتله خفيفه واذا ما كتلتك انت يكتلوني اني فـ اجلس اليوم بالبيت حتى لا همه يگعدوك من ذاتهم استر على اهل بيتك سديت الباب و كملت طريقي خذيت بيومها فورتات الاحد مناطق بغداد الشعبيه بعد ما دزني صليل
الاحد الگهاوي البغداديه الاصيله
وصلت وسألت ودلوني
دخلت سلمت الكل الي بالگوه عبالك يعرفوك من سنين كلها تكوملك وترد السلام وبيها طيبة كلمتهم

_يابه اسأل عن مقداد يصيحوله قدو

قدو _هياتني بشحمي و لحمي أأمرني عمي

_ما يامر عليك عدو سلم الجايات وتعال يمي محتاجك بشغله

_انطه الجاي للناس و جابلي ستكان وگعد

سائد _بدون لف ودوران اني دلوني عليك وكلولي خوش وليد طيب

_تدلل عمي بخدمتك عمي

_اني اريدلي مكان بعيد عن بغداد حتى لو بالجنوب اخلي بي عائلتي وكون هذا المكان الجن الاسود ما يندله

يتبع......
توقعاتكم