رواية معتقل الصحراء الفصل الرابع والعشرون 24 - بقلم الكاتبه أم مختار

قوأة ممتعة لا تنسون التصويت و التعليق الحلو

#معتقل_الصحراء ٢٠
#بقلم_ام_مختار
#دنيا_غانم

جاهد _يا روكان ولك انت مخبل جاي تذب روحك بالنارر روكان مو صخمت على وجهك ورحت كتلت ابنه

_اي و اني راح اجيبه الي ببساطه

صليل _ ما فهمت يمعود احجي

سائد _ اني طالع منا ورايح القدو راح انطي عنوان المقر واگله يروح البيت روكان ويسلمه عنوان المقر

جاهد _وتتوقع روكان ما يعرف عنوان المقر

_مو المقر الانت واني  نروحله

_لعد يا مقر

_المقر مالت الشله مالتهم الي احنه اصلاََ ما نعرفه

_وشلون جبت عنوانه

_اني رايحله اول ما اخذني من التدريب صياح اول مره عرفني عليهم هه
بس ردت اتأكد بعدهم يجتمعون بي
واكدتلي هذا ميار

جاهد _ يعني تريد تضرب روكان بصياح

_بالضبط

صليل _ اذا نجحت الخطه معددددل

_ولازم تنجح لان اذا نشغلهم هسا بموضوع صياح نگدر نفلت البنات على طاري البنات
اني اتفقت وي مناسك هيه ورحمة وامي يصعدون بالسياره واذا نجحت الخطة يطلعون بعدها للناصريه

صليل _بس رحمة ومناسك

سائد _ ليش انت عندك بعد واحد تريده يجي

صليل _ايي

سائد _منو

صليل _اريد مياسين وياهم

جاهد _كو..... وتبيع علينه ثگل عليمن

سائد _هههههههه مگدر عليه الحب موو

صليل _ اترجاكم سدوو الموضوع بس خلو مياسين وياهم ولحد يسألني على اي شي

سائد _ليشش تكابر

صليل _هيه ما تريدني مو اني مكابر

سائد _ومنو كلك مناسك تريدني
اصلاََ البنيه وضحتلي من البدايه انت مجرم واني وانت خطين متوازيان
تعرف شنو اعني

جاهد _خطان متوازيان لا يلتقيان

سائد _في جميع ارجاء الفضاء ومع هذا اني اجاهر بحبها مو سلطان گلبي هيه سلطانته

صليل _ احنه نختلف اجيت اگوم صاح

_تعال وين خليني اكمل حجييي

صليل _ خلي بالك اذا مياسين ما صعدت للسياره اني ما اطلع من المعتقل

سائد _ ههه لا تخاف تطلع مياسين قبل الكل مناسك ما تقبل تطلع بدونها اصلاََ

صليل _اي هيج تمام هم بعد عندي شغله لازم تعرفها

_شنو؟

_اذا صار شي القدو اخلص عليك هنا

_لا تخاف ما يصيرله شي

_لا تخليني اندم دليتك عليه قدو معدل مو مال سوالفنه الوصخة

_وداعتك ما يصيرله شي ما بيني وبينه بعد بس يوصل العنوان الروكان وانتهت

_ اي هيج متفقين

جاهد _بكلشي حجيت الا طلعتنه

سائد _ طلعتنه معتمده على طلعة البنات

جاهد _صعبه صعبه كل الجاي تحجي صعب

سائد _عندك خطه لخ گلي اني وياكم.

جاهد _لا

_اذن خلوني اسوي الي ببالي
.......

مناسك _ بس رجعت ام ساذد  گعدت وياها وحجيت

ام شمس _ نگدر نجيب شجاع بس منو يكول يساعده

مناسك _ما عدنه غير شجاع يساعدنه لازم يقبل

ام شمس _ اكو ضابط هنا نحجي ويا ونطلب شجاع ويوصلوله خبر

_اي فدوه خاله احجي ويا خلي
احجي ويا اليوم العصر من نطلع اني احجي ويا 

مناسك _ العصر طلعنه نسند رحمة بأيدينه وتطلع ويانه من اجوي الضباط گامت ام شمس باوعنه للضابط شايفي ويبين طيب يارب يگدر يساعدنه
ما يبعد عن مكانه غير كم خطوه

رحمة _ كلها تبين طيبه حتى اني

مناسك _درتلها شتقصدين

_اقصد ياخوفي من هذوله يغدرون بينه شلون صبا متفقه وي سائد ورجعت للجلب صياح
ويا خوفي لوو تحجي شنو سوينه وي ام شمس
خاف شلعو شعر راسنه
هاي المره يشلعون لحمنه و احنه عايشين

مياسين _ هاا شو فجأه خفتي

_ما خايفه بالعكس انتظر هاي الخطه منتظرتها بكل حالاتها اذا نجحت  نخلص
واذا فشلت  هم نخلص ع الاقل نخلص من هاي السجون

مناسك _هو اني بروحي خايفه وهاي منا ظلت تحجي هيج  كمت اطكطك

مياسين _ اباوع الرحمة مركزه بالضابط هواي تباوع الكل حركة تبدر منه حتى الحركة شفايفه وتفهم مبينه تفهم لأن من تباوعله تاره تضحك وتاره تنصت وكأنوا بصفها
تخوف رحمة الهدوء الي يحاوطها يخوف
سألتها ليش جاي تضحكين

رحمة _قبل يساعدها و گلها  اليوم اخابره و  اخلي يجي  الج

مياسين _ شنووو شلون عرفتي

رحمة _ اجتي ام شمس سمعي منها

_قبل يساعدني و گال اليوم اخابره واخلي يجي

مناسك _باوعت الرحمة بخوف هيووو شنو شلون عرفتي

رحمة _ لأن اعرف اقرا الشفايف اعرف كلشي حجا

مياسين _......

مناسك _ الهدوأ الي هيه بي يخوفنه وفوگها تگول اقرا الشفايف

رحمة _كاافي تباوعيلي تره اختي جانت خرسه ونعرف من تحجي شبيكم

مناسك _اي هيج گولي يمعوده

انتظرنه خبر من الضباط ثاني يوم بس ثاني يوم اصلاََ اجه شجاع شگد فرحنه بشوفته عبالك فتحولنه باب السجن مو شجاع
بس الي يقهرني  كل مره يجي يبين هو تعبان اكثر و بالگوه يمشي شخص طيب تسائل ليش هيج صاير ويا

ام شمس _شلون نحجي ويا

مناسك _اريد اني احجي ويا بس شلون يعني وين احجي ويا
من شفته تقدم يم البنات ويسلم عليهن گطعت كلامي و گمت شلونك عمو الضابط

شجاع _ابتسمتلها الحمد لله انتِ شلونج

_الحمد لله فدوه عمو الضابط اريد احجي وياك تكدر

_اي گولي

_لا مو هيج يعني وحدنه

_ اي سهله بالليل اني اجي واگدر اطلعج من الزنزانه

_شكرََا هواي شكرََا وعلى كلشي شكرََا

_ ههههههههه بعد ماكو شكرََا منا منا

_لو اشكرك العمر كله ما اوفي حق الي سويته النه

_ اذا صدگ انتِ هيج تحسين اني مساعدكم
لا تشكريني ترحمي الزوجتي ودعولها من تصلون
ودعولي بالصبر

مناسك _من گال ترحمي الزوجتي احسه لطمني على وجهي بقيت اباوعله بصدمة
هو هم من شاف حالتي  ترخص وراح

مياسين _رجعت مناسك مصدومه مقهوره شبيج

مناسك _خاله زوجته متوفيه

_ياااااا

_اي و الله هسا گلي متت من القهر

ام سائد _سوده عليه اشوف الزلمه منتهي

مناسك _ خطيه و الله ما يستاهل
بقه ببالي من گلي ادعيلها غابت الجانت
روح الضابط شجاع وما عادت بي روح بس جسد يمشي حتى عيونه من تحجي تحسهن مو وياك
وكلامه حتى لو جان عادي تحسه  حزين
بيومها طلبوني تحقيق و رحتله للمكتب من دخلت وشفته ابتسمت

_گولي  مناسك شنو تردين

_ اكو شخص اجه هنا و حجيتله عنك
وهو محتاجك بشغله طلب رقم بيتك او عنوانك
اذا تكدر تنطيني رقمك او عنوانك انطي اله

شجاع _شيسوي بيهن

_ما اعرف هو اكيد راح يحجيلك
طلع ورقه واني احجي وكتب بيها رقم وعنوان وانطانيا

_تفضلي

_شكرََا

_هههههه رجعنه لا تشكريني باباتي اني شمسوي قابل

_اگدر اسأل سؤال ولو هو عيب

_لا عادي سالي

_شلون توفت زوجتك

_كتلوها

_باوعتله هو رأساََ دنگ مسح عينه بطرف سبابته ورجع  باوعلي لا تبجين كلنه على هذا الدرب

مناسك _ الله يرحمها برحمة ويصبرك ويجمعكم بالجنه

_امين

_اكدر هسا اروح

_اي اني هسا اخذج

_كلبج ايديا ومشيت ويا مستغربه ما سألني اي سؤال اييي سؤال ما سأل

_من اجيت ادخل گلي قبل لا تنكتل بيوم خابروني
وذكروج انتِ وگالو اكو بنيه اسمها مناسك بسجن الينابيع تعرفها

كتلهم لا ما اعرفها
وفعلاََ اني ناسيج وهم ما شايفج بالينابيع
من اجيت اول مره وشفتج استغربت

_ليش سألو عني

_ انتِ حاجيه بالينابيع عني اني عاذرج
لأن انتِ مفكره الناس كلها مثل فطرة كلبج
بس السجون الانتِ جاي دخليها
هيه كلها ناس تابعه الهم

مناسك _دخلني و سد الزنزانه بقيت اباوعله الحد ما غابت عن عيني
رجعت افكر بكلامه
ما كدرت انام ولا اكدر احاجي ام شمس صبا موجوده
الحد صلاة الفجر صلينه ورجعنه
باوعتلها هيه اشرتلي شصار

_ تقربت منها انطاني رقمه وعنوانه

_اي وشراح تسوين

_هسا لازم نوصل خبر السائد

........

سائد _طلعت من المعتقل للمكان المعني اباوع للسايق محتار بأمره شلون اصرفه خرب شرفك صليل شلون تصرف بيهم جنت
واني اباوعله هو هم يباوعلي دگيت الجامه شسووي انت هنا

_علمودك سيدي

_لا مو علمودي حتى تجسسون مووو اني اطلع منا للمعتقل والله الا اوصل خبر السيادتهم وتعرف شيسون بيك

_ لا و الله سيدي

_هساااا تروح للمعتقل وعود اني اجي ما يحتاج
تفترون فوگ راسي تراقبوني هو هم خطيه طلع يخاف يوصل خبر الصياح ما يدري اذا وصل خبر الصياح يطيح حظي اني
طلع صاحب الظرف باوعتله بالله هسا اني  شسوي
لا اكدر اكتله ولا اكدر ارجع بدون ما انفذ الخطة
مشيت ويا بدون ما احجي وين اوصل ووين هو يوصل دخل بدربون فارغه قبل البيوت مو مثل هسا قبل الناس كلها سوه بسبب الوضع المعيشي الا الاحياء الراقية هذا بحث اخر
كمشته وطبطبته ما بيدي شي
بس اوعدك انت اخيررر شي
خطيه الزلمه كام
يصرخ من الوجع 
عفته وركضت اجرتلي تكسي القدو من وصلت شافني اجه يرحب بيه

_جيبلي جاي وتعال

_هسا ما اكدر صاحب الگهوه هنا يطردني

_راح انتظرك

_واني ما اتأخر عليك...
انتظرت بالنص ساعه اباوع للعالم رغم بساطتهم ورغم الظروف الكاسره ظهرهم بس اوجوهم بشوشه مبتسمه اكو حياة بحياتهم عكسنه راح  صاحب الگهوه واجاني قدو

_تفضل قدو هاي اتعابك وياي

_لا و الله عمي اني شسوي بيهن

_ابدد لا تردني واسمعني كلش زين هذا المبلغ اريد منك تضمه الي يمك

_امانه يا ويلي وعلي ما تنحمل الامانه

_ما عندي غيرك واخاف اصرفهن واني محتاجهن للايام الصعبه

_حاضر

_عندي بعد شغله اريدك تسويها الي

_شنو

_اريدك بس تخلص شغل تطلع الهذا العنوان بس تدخل للحي وتسأل عن شخص اسمه روكان راح يدلوك انطي هذا الظرف وگله اقرا الرساله الي بالظرف وهو راح يعرف كلشي
انتبهت القدو خاف

_لا تخاف  قدو و الله ما عليك شي واني مستحيل اأذيك بس اني ما عندي غيرك يساعدني

_حاضر سهله

_رحم الله والديك و الله يا قدو صارلي سنين مربط الايدين وبس انت الجاي تساعدني

_احنه بالخدمه

_تشكرت منه وطلعت ما أكدر اتأخر
رجعت للمقر ومنها للمعتقل و هنا اني گاعد على اعصابي

صليل _شسويت

_وصلت الظرف القدو بس قدو راح يوصله الروكان الله واعلم

جاهد _الرساله شنو كتبت بيها

( هذا مقر صياح وابنه بس لا تصير غبي وتضيع الفرصه من ايدك راقب صياح ومن يوصل البيته فوتو عليه ما راح تلكون غيرهم)

جاهد _ تتوقع يكتلو لو ما راح يسون شي

سائد _ روكان بعز انتقامه الابنه
بس القدر شنو كاتبلنه الله واعلم

صليل _ ما دليته بيتنه فد مره

_هو اني بيته ما اندله بس كلت خاف يدخل للمقر يكتلهم كلهم الا صياح ادري بالحظ استفزيته بكلمة غبي حتى يراقبه ويرحوله البيته وهناك يلحكو بربه

صليل _ يعني احنه متوقفين على قتل صياح

سائد _ ايي

صليل _والله منين ما دورها عوجة

سائد _ما بيدي شي هذا جوابي الكم مااا بيدي شي هيه فكره نجحت خير على خير ما نجحت شسوي اني مسجون تره وكل خطوه تنحسب عليه

الاء _سيدي اتصال اجاك

_نزلت للسرداب جانت صبا

صبا _يردون يحجون وياك سيدي

مناسك _ الوو

سائد _ها يا طيفي

_ مشتاقتلك سائد تگدر تجي

_وصلت الرساله اليوم احاول اجي

مناسك _ لا تتأخر
جنت اتگطع من احجي هذا الكلام بس هاي صبا فوگ راسي وكلشي تسمع بحيث من سديت الخط كلتلي لعد عليمن تبيعين شرف علينه

مناسك _ ما يهمج انتِ العليج تنفذي وبس
رجعت للزنزانه راساََ صعدت لفراشي ما اريد البنات يسألوني و تشك صبا ونطلع من فلقه وندخل بفلقه
......

سائد _وصليني بالسياده

_عدهم حفله اليوم

_ميخالف حاولو توصلوني الهم

انتظرت بالنص ساعة ياله كدرت احجي ويا

سائد _نعيماََ حجي

_هههههه الله ينعم عليك

_بما انو كملت المهمة وسويت الي تريده انطوني
اتعابي ع الاقل

صياح _شنو الاتعاب

_ليلة للينابيع اتونس وارجع

صياح _ بس مو اليوم

_لا و الله اليوم ابنك منتهي

_روحاتك كثرانه

_ميخالف استاهل لو لا

_تستاهل

سائد _عليك الله سياره خليني اروح اتونسلي جم ساعة وارجع استعد للمهمة الجايه

_خليني اشوف شنو اكدر اسوي
.......

مناسك _ الفجر بعد الصلاة طلعو ام سائد  عرفت هو راح يجي
باوعت المياسين وترددت بالحجي

مياسين _شكو

_حفيلي شواربي فدوه كل ما يجي يشوفهن هسا يگول  عليه وصخة

مياسين _واخيرا حسيتي حتى احنه لعبت روحنه منج

_يااا

مياسين _ تعاي تعاي لا تضوجين احفج اسويج تخبلين

_لا بس شواربي

مياسين _ابدا لو الوجهه كله لو ما احف

_لا فدوه بس شواربي

_يلا قهرتيني تعاي ولج صبا انطيني خيط
من كون كطعوج بخيوط

صبا _فوگاهااااا

مناسك _ شمرت عليها بكره الخيوط اخذت منها خطيت انتبهت المياسين شالت الجربايه  وحطت البكره  جوه رجل الجربايه

حفتلي شواربي بس متت احس وجهي صار نارر هسا اني لويش شلتهن واذا عيب خيولي

_لا ما اريد يكول وصخة
غسلت وجهي شوي خف الوجع
ساعتين اكثر شوي واجوي اخذوني
دخلوني نفس الغرفه شوي وسمعت صوته وكفت

سائد _ امي طلعوها مو

_اي

_اه تسعر بگلبي

_باوع هذا رقم وعنوان شجاع وانت وشطارتك بعد

_ تعاي شوي

_وين اجي

_الحضني بس شوي

_ واذا حضنتني شنو صار ملكت الدنيا مثلاََ

_اي ملكتها و الله املكها

_كاافي لو سمحت الله يخليك مثل ما تطلب مني جاي اساعدك لا تطلب مني اكثر

_تقرب و اني ابتعد صرت على الحايط هو دنگ عليه حط جبينه على جتفي هم يجي يوم وانام بحضنج بالحلال لا تخافين

مناسك _من يحجي يربط الساني

سائد _ اني كلب ابن كلب بس والله بالظلم بالظلم
اني ما راضي عن السويته بس هو جبرني هو هددني بأمي واني بشرر مو معصوم ولا نبي حتى اختار غير اميي واني امييي نقطة ضعفيييي

مناسك _.....

_لا تسكتين مناسك جاوبيني شوي طفي من ناري

مناسك _ ما اعرف شنو اكلك

_گليلي احضني بس حضن عليج الله ما اريد اسوي بالغصب

_ جاي تجبرني اني ما اريد
رجع تحسر
سكتت ثواني وسألته صدگ تحبني
رفع راسه  هو طويل هواي خله ايده على الحايط ودنگ يباوعلي تقرب هواي
اني ما ردت احبج ولا ردت اتعلق هيج بيج
بس انتِ مثل الطيف اليمر
مر مرور الكرام بس انطبع بيه
وصارلي مر

مناسك _يعني شنو طيف  مُر ومَر

سائد _ يعني انتِ حلم مريتي عليه ومرمرتي حالي
بس اني سميتج المر لأن بعدج مر ما ينجرع

_.......

_احضن؟

_ردت اكلك شجاع حاجاني بخصوص
همه گايلي تعرف مناسك
من جبت طاري شجاع استقام

_اييي

_و گايللهم لا ما اعرفها وهو صدگ ناسيني من اجه هنا تذكر
هذا الحجي قبل لا يكتلون زوجة بيوم

_اي

_وبعدها كاتلين زوجته خاف لان اني حجيت الامك عنه و امك حجت الصياح كتلو زوجته

_يجوز

_شنو يجوز خطيه الرجال بسببي ندمرت حياته بس اني وين ادري عبالي نسوان وكلها مثلي نسولف طلعت كلها تابعه الصياح

سائد _انتِ جاي تگوليها وين ادري غلسي هيه جم يوم واطلعون وبعد لا تشوفي ولا يشوفج

_الله كريم

سائد _هسا احضن

_لا

_ خوش لعد اني راح انام الحد ما يطلع الفجر وارجع

_ليش ما ترجع هسا

_يشكون اكو واحد جاي يم وحده يتونس ساعه ويطلع وين صايره هاي بس يمج
واني المسكين ما يدرون بيه حضن ما ماخذ

مناسك _گعدت علي الجربايه اياوعله وهو يباوعلي
گام وباوعلي بستغراب

_شبيك

_حافه شواربه اليوم

_ابتسمت ما گدرت اضم ابتسامتي

_ انتِ هنااا بين الثنايه حتى لو يطلعلج شوارب بطول شوارب جاهد

مناسك _ههههههه

_اخخخ يا هاي الضحكه

_.....

_دسأليني شبيها الضحكة

_شبيها الضحكة

_ذاب بيها سائد
.......

مياسين _جنت نايمه اجتي يمي رحمة
شبيج

_طكت روحي اريددد اطلع

_بلكت الله تنجح خطتهم ونطلع

_يارب

_رحمة حجيلي شوي عن حياتج قبل السجن اني مو حجيت وحتى مناسك

_ما راح تعجبج حياتي وراح تكرهيني

_اكثر من ما كارهتج هسا يعني؟

هواي راح تكرهيني

_ياااا شمسويه

_الج خلگ تسمعين

_اي

.......

(السجينة الثالثة رحمة من محافظة بغداد )

ماما رحمة ودي الثواب البيت ام صدام لا تنسوها خطيه المراه بس هيه وابنها بالبيت

بتول _يوم خلي اني اودي الثواب فدوه

_لا تتعاركون ماما انتِ طلعي وي اختج رحمة صغيرونه واخاف عليها

رحمة _ جنت اشيل صينيه خبز العباس وافتر علي البيوت نوصل البيت ام صدام اباوع اختي بتول ترتب بروحها
هاا بتيله مو اگول الامي عليج

_لا  فدوه شبيج

صدام _ يا هلا. برحمة وبتول شلونكم

رحمة _ابتسمت بوجهه الحمد لله بخير تفضلو هذا الثواب

صدام _الله يعودكم

بتول _شكرََا

رحمة _اركض للبيت اهددها راح اگول الامي وهيه تتوسل بيه بتوله الجبيره بس عاقله وفقيره فقيره الدرجة جنت اسوي المصيبه وتوگع ببتول وما تضوج تنكتل وتسكت ولا تزعل مني لا تنسه
عكسي اني اشيل بگلبي واحقد

مياسين _وگلتي الامج لو لا

_لا بس جنت اخوفها ما جنت اگولها لان اذا كتلها راح تمنعنه ثنينه نروح البيت صدام
واني جنت معجبه بصدام

مياسين _صخاام بوجهج

رحمة _ اختي وجدان جانت مسؤليتي ومسؤلية بتول
ماما ملتهيه بالبيت  وبأخوتي الولد و اني وبتول نداريها
وجدان من عمرها ست سنوات صخنت ورتفعت حرارتها كلش ونشمرت و بقت لا تسمع ولا تحجي
خرسه وطرشة كمنه  احنه نعتني بيها ولو طلعت احنه وياها وخاصه اني لأن صغيره
وجنت اشوف صدام من يجي ويروح و عيني على صدام بالطلعه والطبه كبر حبه بگلبي

مناسك _شگد جان عمرج

_١٥ سنه

_وبتول

_١٨
جانت بتول تسألني هم تشوفي اكلها اي
جنت اغار من سؤالها
ومن تگلي شلونه اكلها زين زين انتِ ما تستحين هسا اگول الامي عليج
هيه ما جانت تدري بيه اني احبه بس اني ادري بيها واخوفها بأمي وكل جم شهر هيه تسألني
بخوف وحذر واني ارد بنفس الرد هسا اگول الامي عليج

ابوي جان مدللنه بس يحب بتول اكثر لأن هيه عاقله بس جان دائماََ يلومها لأن امي تشتكي منها
هيه خطيه جانت طول اليوم تشتغل وي امي
بس امي طبعها نقناقيه شما نسوي تحجي ما تسكت تعويد او طبع بعد ما ندري
وابوي ساعة يكلها صبري عليهن وساعة يعيط ب بتول و ثاني يوم بتول تهلك روحها بالشغل واني اسخت وبالليل الحجي يصير على بتول
العصريه بتول تغسسل بالطرمة واني البس هذاك الثوب الحلو و اكرص خدودي واعض شفايفي واطلع اريد اشوف صدام
تعدت سنه لخ و اجتي ام صدام تخطب بتول الصدام
طارت بتول من الفرح طارت واني متت كتلهم خيولي مو خوش واحد ويبصبص على بنات الجيران وشقاوجي من اطلع اشوفه ما يستحي
ردتها تخرب بكل الطرق بس بدل ما اخربها خربت على روحي واخذتلي رزاله من بابا و حبسوني بعد ما خلوني اطلع
بعرسها لبست اسود وگعدت بالبيت ولا رحت وياهم ولا فرحتلها ولا باركتلها
كامت من تجينه اتعمد احجي عليه واكلها صديقتي اجتي وتگول صدام مصاحب هاي ومصاحب هذيج دخلت الگلبها الشك
وهيه تروح يومين تلاثه وترجع زعلانه
ومن تحجيلها امي تگلها ليش هذا حالج ما تگلها عليه
تخاف امي تضربني لو تحجي عليه

مياسين _اكو وحده عاقله اصدك بطفله

_لأن هيه عبالها اني طفله وبريئة
واختها واحبها

مياسين _طلعتي تخوفين
تحسرت رحمة  من گتلها تخوفين

_بقت سنه ويا بالمشاكل ومن يضربها تجي تحجيلي ما تحجي الماما تخاف يطلكوها هيه تحبه وهو عبالها يخونها
لو صدگ يدور بنات
جانت تجي يمي وتبجي الدموع عشره عشره
وتگلي شوفيني شبيه اني بيه شي مو حلوه والله اربعه وعشرين ساعه مهتمه بروحي وبالبيت واطبخ ذاك الطبخ كلها تتعجب عليه ليش ما يحبني

مياسين _اووي ولج شلون كلبج انطاج هيج تسوين  بيها

رحمة _لأن مكتوب عليه هلاكي بأيدي
ضعفت بتول صارت عوده هيه تحبه. وهو يخو نها هذا كل الي بالها وما تحجي حتى لا تطلك واني كبرت و افكاري الشيطانيه تعدت الحدود
بقيت اخليها تشك اكثر واكثر
وهو خطيه يحبها الحد ما بيوم رحتلهم ولگيتهم متعاركين وبطلعتي كتله انت شبيك متحملها هيه هاي هم اكو واحد يتحملها

مياسين _جذاااابه

رحمة _لا مداجذب عليج 
حتى هو رد عليه اكو وحده تنطي بأختها

جاوبته لأن اختي ما تستاهلك

مياسين _صخااام بوجهج

رحمة _ كمت اتردد عليهم اني البس الدلع ومن ادخللهم اكرص بالخدود و الشفايف اعضعضهن وادخل و بتول تعبانه و ذبلانه
هو جان مدللها شنو تريد يجيبلها شنوو تريد وشنو تشتهي وهيه كلشي يجيبلها تشيله وتنطينيا بس اگلها هذا الثوب  عجبني لو هذا الثوب حلو عليه لو هذا العطر حلو لو هاي اللبسه ترهملي
ما تخلي شي بنفسي وعود ابوي ما جان مقصر ويانه بس هيه طيبه من اهل الله
واني الثوب الجان يشتري صدام الها اخذه وثاني يوم اجي بي واخلي يتخبل
الحد ما هجمت  بيت اختي وطلكتها من رجلها

مياسين _ دفعتها من يمي گوووومي رحمة ما اريد اسمع الباقي گوووومي

_لا سمعي سمعي مو كتلج راح تكرهيني

_ولج هاااي اختج

_واني دمرتها من طلكها بقيت اني اتواصل ويا
علي التليفون الارضي بالليل اخذ التليفون  واصعد بالبيتونه اخابر وكل شوي اباوع
الحد ما لزمتني بتول بس ما درت بي هو

_وشسوت

_كامت دك تلطم وخايفه عليه من امي خاف تدري وتضربني

مياسين _احس گلبي ورم من حجتلي
انتِ شيطان

رحمة _ كامت تنام يم التليفون حتى لا اخذه وهيه تگلي

بتول _والله اخاف عليج اخاف ابويه يدري ويذبحج اخاف امي تدري وتضربج رحومة فدوه منو هذا ويسوه توجعين روحج الخاطره اخاف عليج خيه

مياسين _ تحجيلي وتبجي واني ابجي وياها ردت اضربها

صدام _اريد اخطبج رحمة خو احنه ما نبقه على التليفون

_بس ابويه اكيد ما يقبل

_والحل

_الحل نعقد وننهزم
وعقدت ونهزمت ويا بس اهلي عرفو بيه اني ازوجته والناس كلها عرفت
وصلتني اخبار اختي بتول ما تطلع باب الحوش تستحي من نظرت الناس الها وحجيهم عليها
وحاجيه الامي كلشي صار وامي خالتها خدامه
الها والاخوتي والنسوانهم
وتعيرها على كلشي لو بيج خير وخير ما طفله ضحكت عليج واخذت رجلج منج هاي من ستقريت
وهو تواصل وي اهله وبقو يجون يعيروني ويحجولي
جان صدام زين وياي  بس جان يعبر المخدرات والشرب عن طريقي واني ما ادري

_شلون انلزمتو

جنه  طالعين واظاهر واحد من جماعة رافع بي تقرير بس لگو بالسياره مخدرات
وحتى بطاله مشروب بس ما اتوقع هذا الي ضرنه

_شنو الي ضرج لعد

_صدام جان شيوعي

_صدام وشيوعي خرب غيرته هههههههه
كووومي رحمة من يمي تستاهلين كلنه بهذا السجن نستاهل بس هذيج الزرزور خطيه.

رحمة _ادري استاهل

......

سائد _طلعت من الينابيع للمعتقل
ثاني يوم الصبح اجانه اتصال من المقر جان عدنان

سائد _ نعم

_راح يجون ياخذون البنات و انتو السته كلكم اريدكم بالمقر هساااااا

_شصاير

_لگو ابوك بالشقة مكطعي

يتبع......