رواية معتقل الصحراء الفصل الخامس والعشرون 25 - بقلم الكاتبه أم مختار

#معتقل الصحراء ٢٢
#بقلم_أم_مختار
#دنيا_غانم

مناسك _ وي كل حركة من السياره
احس روحي تنجر مني وينخطف لوني والوياي
وضعهم اخس
الطريق طويل خاف هو فد ٥ او ٧ ساعات
اني حسيته ٧٠ ساعة

مياسين _لزمي ايدي فدوه بعد ما اكدررر

رحمة _ بالهدف لو بالنجف

مناسك _ وحده لزمت ايد الخ وام سائد تقرا قرأن بس بصوت ناصي لأن نخاف من السايق يسمع
كلهم كلهم خوانين كلهم جماعة صياح
ما اگدرر اسكت اسمع دگات گلبي قوي واتوتر اكثر

مناسك  _اذا متت ع الاقل دفنوني لا تخلون الجلاب تاكل بجثتي

مياسين _شو انتِ تاكلين خرا هواي يعني اذا انتِ متي ليش متأكدة احنه نبقه عايشين ما شوفين مصيرنه مرتبط وي بعض

رحمة _خليها تحجي

مياسين _ اذا ماتت الا اترك جثتها الزبل الدود يشبع بيها

ام سائد _صوتكم

مياسين _تحجي الاخرس

مناسك _شجاج من الخوف احجي

مياسين _لا تحجين بعد احسن

رحمة _طست  السياره صرخت مناسك

مياسين _ دفرتها فاضحتنه اليوووم ما بيهااا مجال

مناسك _سكتيييي عني
وصلنه صوت السايق سكتننننن كح.....

ام سائد _فدوه سكتن سكتنننن

مناسك _ تاره اسكت واغمض وتاره اباوعلهن
الوجوه تشابه صفره مثل الليمون و بخاطرنه يجول كلام ما يعلم بي غير رب العباد

مياسين _لا تضوجين اذا متي ادفنج لا تخافين

مناسك _ تقربت منها تحاضنه وبچيت

مياسين _لا تبجين شجاج ولج قوووي روحج

رحمة _ولجن كاافي هسا نخلص وتصير  سوالف

مناسك _يارب كلنه كلنه هاي الكلمة لا اردياََ
بعد ساعات من الطريق توقفت السياره من وگفت
للحضات حسيت گلبي وگف

مياسين _نزلتهن الارضيه السياره وصرت فوگاهن ياررررررررررب استرنه بسترررك ياررررب
نسمع بره صياح مو واضح من دعوات البنات

مناسك _لطفك يارب

رحمة _ يا الهي

مياسين _ بعد الضرب والهوسه الهادئة الصارت بره نسد باب السياره وتحركت گمت من فوگ البنات وباوعتلهن

مناسك _ هزيتلها براسي بمعنى شنو صار

مياسين _ نخلسنه كلش

رحمة _نزلت دمعتي راح ندخل للمعتقل وويانه ام سائد يعني راح ننكتل كلنه

ساعه ساعه من الرعب الحاوط گلبنه
وكفت السياره حطينه ايدينه بأيد بعض
نفتح باب السياره

شجاع _الحمد لله على سلامتجن

مناسك _والله على وجهنه طحنه بوقتها  حتى نسينه شلون نسجد شلون نشكر الله
ضاعت الكلمات من السانه من الخوف بوقتها
رحمة طلعت ومن شافت السما فتحت ايديها نزلت اني و مياسين ونزلنه ام سائد
صعب اشرح ذيج اللحظات
ذيج اللحظات لا تنحجي ولا تنشرح
الحرية تسوه الكون كله وماكو شي يعادلها
وحده حضنت الخ ونجهش مو نبجي
باوعت الشجاع  ونزلت الايده بستها

شجاع _ استغفر الله سمعيني باباتي انتِ طالعه منا اريدج تصيرين ذكيه انتِ ذكية بس اريدج اكثررر نصير خرررسان

_حاضر

شجاع _محد يغلبنه محد نخلق بهاي الدنيا احسن من عدنه نصيررر نبهين

_حاضر

شجاع _هسا اني لازم اروح لازم هاي السياره   اخفيها لا كلنه نروووح بيها

مياسين _نزلت الرجله بستها وهو خطيه شلون يحجي ويانه ويحذرنه و خايف علينه
ركب السياره وطلع

ام سائد _وهسا وين ابني هسا وين

مناسك _هسا لازم نطلع الهذا العنوان

مياسين _شنو هذا العنوان

_هسا عوفج من العنوان باعي ملابسنه فلوس ماكو
هاي نسوها شلون نصرف بهاي الحاله

مياسين _  انا لابسه بجامة وفالينة  جوه الدشداشه  وانتن؟

رحمة _انا كلشي ما لابسه

مناسك _ولا انا

مياسين _خلينه نشوف بيت يساعدنه طركاعه

ام سائد _لا لا  تره كلها تخاف ويسلمونه للدوله

مناسك _والحل

مياسين _تعاااي ام سائد تعاي عوفن الحل عليه

مناسك _ما تتحركين خطوه بدون ما تحجيلنه لا تذبينه بمصيبه

مياسين _نشوفلنه بيت ندگ الباب اكلهم امي مخبله طلعت وطلعت وراها اريد عبايه تسترني

ام سائد _ يعني اني مخبله

مياسين_ لعد اني امي

مناسك _ميخالف خاله فدوه اروحله

ام سائد _لا عادي عادي يلا

مناسك _بقينه نمشي اكثر من ساعة بس ابتعدنه عن الشارع خاف كلشي يصير خاف يدورونه
لگينه بيت اني ورحمة ختلنه و مياسين وام سائد راحن
بالعشر دقايق ورجعت مياسين لابسه عبايه
هااا

_نجحت الخطه انطوني عبايه صدگ قديمة بس المهم عبايه

مناسك _سباعية هسا احنه شنو نسوي

رحمة _هسا انطيني بجامتج و تشيرتج وهاج هاي الدشداشه لبسيها خليني اخذ ام سائد الغير بيت ونعيد الكره

مناسك _اباوعلها مقهوره بس ما بيدنه غير حل ونخاف نطول خاف يلكفونه والبيوت مو هواي بين كل ساعه وساعة اذا شفنه بيت او بستان او ناس رحاله هم زين و المصيبه الاكبر رحمة ورجلها بس خطيه جانت تمشي ولا يهمها
حتى لو متوجعه صح ورانه بس تمشي
شافت رحمة بيت واخذت ام سائد واحنه ندعي تنجح هاي السالفه رجعت لابسه عبايه
ضحكنه

رحمة _نجحت عيني نجحتتت وبسهوله بس شافو رجلي ووضع امي هههههههه

مناسك _يارررب فدوه الاسمك عبدك لو تريد  تنصره لو يصير ببقاع البحار تنصره

مياسين _هسا دورج مناسك

مناسك _لبست التراك وذبيت الحجاب يمهم ومشينه عدت الكره والناس تنطي لأن
كل الناس متفقه الشررف اهم شي واحنه نروح ونكلهم ستروني بعبايه ويشوفون ام سائد مدنگه ووضعها تعبان َهيه هلكت من المشي هنوب
ينكسر خاطرهم وينطون عبايه
ومو بس عبايه ويترجونه ندخل او يوصلونه واني اتشكرهم بس عبايه فدوه
اخذنه شربة ماي الي و الام سائد
بس وصلنه يم البنات مياسين گلتلي نزعي هسا التراك انطينيا

_شتردين تسوين

_هسا اني المخبله و ام سائد هيه الي تريد عبايه

_جذاااابه

مياسين _لعد نصعد التكسي بهذا لبسها وخاف يشوفونه شرطه لو صخام

_تعبنه الحد ما نفذنه هاي الخطه تعلمنه من السجون وحياتنه صارت كلها خطط لبسنه العبي ورتبنه روحنه شوي حتى لا يشكون بينه
شوي البيوت كثرت صعدنه للشارع
وخلينه مياسين تحجي وي ابو التكسي

_وانطينا عنوان  قدو وطلع بينه
بقينه نسأل على الگهوه اباوع للورقه خطه حلو
اني مو كلش اعرف اقرا بس اطكطك و مياسين هماتين بس رحمة لبلبان قراءه وكتابه

_عمي تكملون طريقكم كبل نهايه الشارع تلكون الگهوه هيج واكفه

مياسين _اباوعله شلون يقلد ضحكت تشكرنه منه وكملنه مشي
الناس تباوعلنه وخاصه رحمة ورجلها
شفنه الگهوه

مناسك _خلو ام سائد هيه ترَوح تسأل عن قدو

ام سائد _اي اي واگله اني ام سائد مو

_لا لا خاله انتِ ام علي
ام شنو

_ام علي

_اي عفيه يلا روحي

_احنه واكفين  على صفحة نباوعلها راحت جابته واجت

_هلا بيكم خويه هلا خلوني اوديكم هسا للبيت وبالليل نطلع للناصريه

مناسك _لا خويه علي گال من الگهوه للناصريه فدوه اروحلك

_مو عندي امانه واني ما جايبها

مياسين _خلي نروح بس كون ما نطول

قدو _لا ما نطول هسا بس خلي اترك الگهوه  بيد الولد  ونطلع

مناسك _ نطلع يعني تكسي يعني فلوس واحنه هذاك التكسي من شاف  حالتنه ورحمة  ذبتلها جم دمعة ما اخذ من عدنه كروه
هسا شلوون

ام سائد _بيتكم بعيد

_لا نروحله مشي تعاي يمه  تعاي تبينين تعبانه

مناسك _ حجيه جنوبي مثل بيبي بس هذا الولد صاحب وجهه بشوش و ملگه عكس بيبي
اخذنه البيتهم ما قبلت ندخل

_والله ما ناكل بشر تعالو امي هنا وخواتي واخوتي

مناسك _البيت صغير و هوسه خجلنه
بس بملگاهم واسلوبهم دخلنه

قدو _منو زوجة علي

مناسك _باوعتله اني

_تفضلي خويه هاي الامانه عذريني خاله بس وصوني انطي هاي الامانه الها

بس انتِ الج هاي الامانه

مناسك _الي انطانيا باج و الفلوس انطوهن الام سائد
شگد فرحت من شفت الفلوس

قدو _انتو تبقون هنا الحد ما اخلص شغلي اليوم ونطلع للناصريه

ام سائد _ان شاء الله رحم الله والديك يوم ما قصرت

_لا خاله صدگ جذب شنو مسوي انا

مناسك _ يمكن نص ساعة يجوز اقل مدت الام السفره كل ما تشتهي الروح اكلنه لكمتين وتشكرنه منها وهيه تعتذر منه على القصور

ام سائد _كل قصور ما بيكم رحم الله والديكم

مياسين _رغم بساطة بيتهم بس اصحاب كرم

ام سائد _هذولي اهل الجنوب معروف عنهم اهل جود و خطارهم صاحب البيت ويوكفون وگفة معزب

مناسك _الله يحفظهم
تمددت رحمة بحضني حسيتها متوجعه بس تكابر
هاا رجلج توجعج

رحمة _ماكو بعد وجع بروحي هسا حتى لو اموت قابله يكفي حسيت بالحرية لو هاي الجم ساعه

مناسك _ الحمد لله
ذكرتنه بالحرية بعد المخططات الي سويناها
بقينه َحده تباوع للخ و نضحك فرحانين بنجاح الخطه

بس ام سائد ضحكتها مختلطه بخوف

ام سائد _كون بس يطلع هو

رحمة _يطلعون لا تخافين

مياسين _ اني ما مصدگه روحي وياكم

مناسك _الحمد لله خلصنه بس الباقي شلون
كل واحد منه نطق بالي يخوفه ومخوفه
بالليل فرشولنه السماط و خلو  العشا
و سوالف البنات و هوسة الجهال حياة حياة
عدهم خوات بالبيت بعمر هديل و لارا من تركتهه  اباوعلهن اذكرت بيهن خواتي جبتهن الحضني وبستهن دموعي ما اكدر اسيطر عليهن
الله يحفظهن الكم تذكرت بيهن خواتي

_يا سوده عليه يمه اخذيهن وفكينه منهن
كمنه نضحك على سوالف الام الحد ما دخل قدو

.......

سائد _ بعد ما مرت الساعة الجنه متفقين عليها ما گدرت اگعد بمكاني نزلت للسرداب ولحگوني الولد

جاهد _ اعصابي راح تنهاررر والله

صليل _اني بادت روحي كلها خايف

سائد _ هسا المفروض طلعن من ساعة والمفروض بعد ساعتين تتنفذ الخطه هاي الساعتين صارن عمرين

صليل _الله يقوي شجاع

سائد _ اذا وصلت السياره هنا وامي وياهن كلنه نروووح بيها

جاهد _لا لا ان شاء الله تنجح

سائد _صعدو لا تبقون هنا ما اريد الباقي يشكون بشي

جاهد _انت شسوي هنا

_انتظر خاف يجي اتصال من شجاع

جاهد _انت جاي تلعب بعداد عمرنه بهذا الاتصال

سائد _اذا ما اخابر تخلص روحي والله احس واحد جاي يسحب بروحي من الخووف

جاهد _كل المر علينه وخايفين هيج احنه

سائد _الخووف مو على نفسي خايف على امي ومناسك احس گلبي تمرمر بهذا الانتظار

جاهد _گولو يا الله خلينه نصعد وانت اي شي يصير طمنه

سائد _اكيد حضرو روحكم باجاتكم لا تنسوها و لبسو شي جوه ملابس العسكريه حتى اذا طلعنه نگدر نبدل اخخ نسيت البنات شلون بيهن اذا طلعن وبملابسهن

جاهد _هسا لا تفكر المهم هنه يطلعن الباقي سهل

سائد _ الله كريم الله كريم روحو وكل فلس عدكم اخذوو يفيدنه

جاهد _تمام

سائد _منتجي على الحايط فاتح رجليه وراسي  للارض ما اسمع غير دگات گلبي
كل شوي اباوع للتليفون وارجع انزل راسي
وبالي هوسه عظمة ها هسا نلزمو ها خربت الخطه ها صار شي ها تأذو ها نكتلو ها وها والف هاا اجت براسي بوقتها
واني بهذا الصراع سمعت صوت ماي ركزت وي الصوت وكأنوا اريد انهزم من الانا بي
كل جم دقيقة يتكرر الصوت وكأنوا بواري ماي تنفتح وترجع تنسد اول مره اسمعه هذا الصوت عادتاََ هنا ما دخل غير اذا احتاجينه اتصال ونخلص المكالمة ونصعد  بقيت اراقب الصوت انتظره
مشيت بالسرداب ماكو اي بوري او ما شابه
رجعت المكاني هسا اني همي الماي خلي اشووف
المصيبه الاحنه بيهاا
دگ التليفون خفت ارد ما اريد اسمع صوت شجاع اريد اسمع صوت عدنان وهو يگلي البنات نخطفن ياررررررب صرخت بعالي حسي
شلت الخط

عدنان_ رووووووكان اخذذذذذ البناتتتتت
كتلكم موووو َكتها هسااااا مو وكتها

سائد _ سديت الخط وطرت مو ركضت فتحت باب السرداب و نطلقت فتحووووولي الباااااب

صليل _شصارر

سائد _روكااان اخذ البنات فتحوووولي الباب

صليل _ركضت اني نزلت الخطه جانت سائد يسد الخط واني  اتصل بأبوي اطلب سياره
تجينه

صليل _شصارر

عدنان _لگينه السايق مكتول والسياره كلها ماكو

صليل _شلون عرفتو

_جماعتنه لاگين السايق بنص الطريق بعد ما دزيتهم لأن تأخرت السياره
صليل _طلعنه اريد سياره هسااا تجي عليه

عدنان _ لا تتخبل

_اصلاََ تخبلنه َرحنه سائد يريد يطلع جيبلنه سياره هساااا

عدنان _انتووو تخوطون بصف الاستكان

صليل _اني راح اطلع وانت بكيفك

عدنان _اصبرلي اصبرررلي هسا ادز سياره

صليل _ ع سرررريع سديت التليفون بوجهه
صعدت سائد يصرخ وجاهد كلب الدنيا بين هوستنه المفتعله باوعولي
راح يجيبون سياره اصبرووو

_ الفجر وصلت السياره طلعنه بيها
حضنت اصدقائي وهمستلهم اول خطه نجحت هسا الثانيه شماا يصير ما ننطيها هاي المره اما الروح اما الحرية

صليل _خليت ايدي بأيدهم حتماََ

جاهد _ مدام احنه سوه ننجح

سائد _نص ساعة و صرخت من وجع گلبي

جاهد _فتحووووو الباب راححح يموت

.........

مناسك _تشكرت ام سائد منهم و المرأه تمنتلنه كل الخير وطلعنه وي قدو
بعد ما وصلنه اخو ينام بداله بالگهوه
طلعنه للگراج وصعدنه للناصرية هو اجه ويانه
اني الباج ضميته بملابسي الداخليه خفت كلشي يصير ويشوفو عندي

تحركت السياره واحنه نحجي بالنظرات
عراقنا ذاك جان تضرب بي الامثال تعدينه بمناطق جميله تسحر العين و مكانات تعبانه اثر الحروب القيدت اطلع من بلدي و ما زالت تزيد بقيودها
ساعات وصرنه بالناصريه جانت اكو سيطره بين كل محافظه ومحافظه بس من شافو عوائل ونسوان ما طلبو اي ورق بكل سيطره جنه نختنگ الحد ما نعبر ياله نجر النفس
دخلنه الناصريه جان الهوا يرد الروح
اجرلنه تكسي نتمشى بالناصريه
جمالها يسر الناظر ينابيع الماي و البساتين ناحية الشطره و النساء تغسل ملابس قريب الينابيع او ما اعرف شنو اسميهن بالضبط
بس هنه عباره عن مجره انهر يمتد على طول المكان الشفنا والبساتين تحاوطه من جميع الجهات وگف السياره قدو وحاسب السياره ما قبل نحاسب التكسي فتحلنه الباب ودخلنه

قدو _تفضلي خاله تفضلي

ام سائد _ما شاء الله تبارك الله

مناسك _اللهم صلى على محمد وال محمد

مياسين _البستان يخبل يرد الروح مدري احنه كلشي نشوف حلو  بعد الظلام العشنه بي

قدو _تفضلي خاله هذا مفتاح الباب مالت البستان بس هذا المفتاح مشترك اكو فلاح يجي هنا يهتم بالبستان وبالزرع
بس البيت الكم مفتاحة خاص تفضلي

ام سائد _رحم الله والديك بعد عيني ما قصرت

قدو _تدللون ان شاء الله ولدج يجون
اي شي تحتاجي طلبي من الفلاح اني وصيته عليكم هم بنياته يجن ويا لو البنيات رادن شي بس يحجن وياهن ما يقصرن

_ان شاء الله

قدو _اني بعد اترخص

_في امان الله

مناسك _ هيه ودعته َاحنه ركضنه للبيت فتحنا جان غرفه والهول بس صغير بس حسينا اجمل بيت بالعالم كله وماكو بجماله جان مرتب ومفروش وبي مبرده و بي بردات يعني بيت ملموم دخلنه نباوع للحيطان عبالك ما شايفين حيطان الفراش حلو رغم بساطته و المبرده
اتوقع مصدومه لو عدها السان جان گالت هذني مخبلات و الله

ام سائد _تعالن تعالن لا تحبسن روحجن بالبيت تعالن اطلقوووا العنان الارواحكم  بهذاااا البستان

مناسك _ذبينه العبي و ركضنه بالبستان واني والبنات وحده تركض وره الخ وام سائد تصيح ولجن انتبهن موو هيج صدگ زعايط مو ليگلك كل وحده شكبرها

مناسك _گعدت على طابوكه وتصيح علينه و احنه نلعب الزرع يرد الروح و المكان هذا بمثابه دكتور نفسي النه بهذا الوقت

مياسين _واخيررررراََ

مناسك _واخيراََ

رحمة _تحررررررررنه

ام سائد _ مجنونات

مناسك _بعد ركض ولعب وبعد ساعات رجعنه للبيت نكثنه الفراش دخلنه للمطبخ جان صغير ما بي غير طباخ منضدي عشتار وجواه طبله مغطايه اكو قوري و صحون بس غسلنه المطبخ و الماعين الي لكيناهن و شغلنه الطباخ الحمد لله اشتغل جان  اكو غاز

ام سائد _يوم مناسك تجين وياي نطلع نشتري شي تاكلنه

مناسك _اني لا لا فدوه خلي وحده من البنات اني اخاف اطلع

مياسين _دروووحي تعاي خاله اني اخذيني

_يلا يوم لبسي عباتج وخلينه نطلع

مناسك _بس ديرو بالكم على روحكم

_ان شاء الله طلعن وطولن شوي
انشغل بالي يمهن

رحمة _ما يندلن اكيد الهذا السبب تأخرن

مناسك _ هسا شوي ويرجعن
الحد ما رجعن خسرت كل دمي نشفت و الله
وين رحتوو

مياسين _ غير تيهنه البيت ههههههه

وتالي شسويتو

_لا بقينه نباوع و انتبهنه ورجعنه جبت خبزات وجبنه هاي الجم شغله

_عاشت ايديجن سوينالنه لگمه احنه اكلنه بس ام سائد ما قبلت تاكل خطيه كلبها يم ابنها
بقت طول الليل گاعده تنتظر عسا ولعل يجون

رحمة _شنو كلج سائد

_گلي اسبوع اذا ما اجينه طلعو لا تبقون ووصاني بأمه واني روحي ما اساعدها

مياسين _ حتى لو ما اجوي خو ما نترك بعض سوه سوه مووو

رحمة _اكيددد وين نروح ومنو يريدنه وبغداد بعد ما يصير نرجعلها

ام سائد _ بشنو تحجن

مناسك _عن الولد و طلعتنه

ام سائد _ادعو وياي يجون ويرتاح گلبي بشوفة ابني

_يارررب

.......

جاهد _فتح باب السياره همه ثنين دائماََ يكونون ثنين ومسلحين

نزلو يساعدونه بسائد السلمها تراب
والنفس بالگوه يجره
بس اندارو احنه توليناهم گام يعينه سائد غابو عن الوعي و احنه طكيناها ركض بس ملابسنه وفلوس بجيبنه لازم نركض ونجاوز هاي الصحراء بسرعة والا احنه مطلوبين بسرعة تتسجل اسمائنه يمهم و ننلزم و الباجات هسا ما تخدمنه بعد
ساعات طويله  من المشي المتواصل و الهلاك الي لاح اجسادنه  گدرنه نلزم اطراف المدينه
اجرنه تكسي للگهوه ما لگينه قدو عرفنا طالع
ماخذ البنات وطالع بقينه بالگهوه الحد الليل
الي ابدال قدو گال لازم نسد الگهوه هسا

_ما تعرف مكان نبقه بي الحد ما يرجع قدوري

_ بيتنه مفتوح الكم صدگ جذب

_لا رحم الله والديك
واحنه نحجي دخل قدو عبالك نزلنه ملاك من الجنه

قدو _يا هلااا بعلي هسا رجعت من الناصريه الحمد لله وصلت الاهل واجيت

سائد طمن گال وصلت الاهل حضنته رحم الله والديك و الله ما قصرت

صليل _ قدو ورده ما يقصر

قدو _انا شايفك وين

_بهاي الدنيا هههههه رحم والديك ما قصرت رجال وجنت متأكد كدها

قدو _تدللون هسا شنو اوصلكم

سائد _بيك احنه نگدر نطلع للناصريه بس ما نندل بعدها وين نروح

_لا لا اطلع وياكم ما اخليكم
خويه انت ابقه بمكاني بس اليوم واذا حجة ابو الگهوه گله ما يريد اليوميه مالته واني ارجع بسرعة صد رد

سائد _طلعتله جم فلس اذا حجة انطي هاي الفلوس

قدو _ما يحتاج

_لا يحتاج هذا بعد رزقك
وهسا ع سريع خايف على الاهل

_اي اي حقك نساوين وابحدهم صعبة يلا

_طلعنه واني گلبي حاطه بشيشه
اذا عرفونه اذا كشفونه اذا رادو منه جناسي اذا اذا الف اذا اجت ببالي
ووي كل سيطره الولد يباوعولي عبالك يطلبون النجده مني ما يدرون اني خايف اكثر منهم
بس جان التيسير من الله بكل السيطرات
الحد ما دخلنه الناصريه نسحنت روحي وروحهم

قدو _ يلا نأجر تكسي و للبيت هاا

سائد _عليك الله اي بعد روحي ما تحمل
اجرنه تكسي و اني ايدي بأيد اخوتي ااييي اخوتي هذولي اخوتي الما جابتهم امي
مشت السياره مسافه مو قليله
بانت البساتين وكفت السياره يم باب
دگا قدو وگال بعد هذا حدي وياكم

_حضنته وتشكرت منه وخليت بأيده جم فلس
جنت انطي فلوس بحذر احتاج الفلوس هسا اكثر شي ما نعرف شراح يصير ويانه لازم عدنه فلوس

ام سائد _منو

سائد _اني يوم

ام سائد _يا بعد امك يا يمه
........

مناسك _
صار الليل وهيه تنتظر محد اجه من التعب نامت كلنه نمنه وفزينه الفجر ما ندري اذا وقت صلاه او لا بس صلينه وگعدت باب البيت تباوع للباب الزئيسي هسا يجي ابني وهسا يدخل ابني
الحد  ما ندگ الباب وركضت
من وصللها صوته غردت مو جاوبت هيه

سائد _حضنتها صرررت يمج

جاهد _كلنه حضناها ونبجي

مناسك _ فرحنه بشوفتهم رغم الصار بيناتنه بس حسينه بفرح يمكن فرحنه الام سائد او يمكن فرحنه الروحنه لأن اكو حياة صارت اكو ناس اكو ناس حوالينه
رحمة ركضت الجاهد حضنته
واني ومياسين بقينه بمكانه

جاهد _ هههههههههه يا فدوه الهذا الحضن

رحمة _الحمد لله على سلامتكم

_الله يسلمج الحمد لله انتووو الجنتو الاصعب

رحمة _سويناها الضابط شجااع سوواها

سائد _اباوعلها واگفه بالباب تقربت منها الحمد لله على سلامتكم

_الله يسلمك و الكم المثل

صليل _ ناشفه اني ادري هسا مو هاي ركضت انتِ شبيج

مياسين _ باوعتله بطرف عيني حرام

صليل _حرمت عليج عشيتج

مناسك _ههههههه

ام سائد _ يمه سائد انت زين محد اذاك كدرت تطلع احجيلي يمه

سائد _خليني ارتاح واحجيلج كلشي روحي فحطت طول الطريق والسيطرات صار بيه سكرر

صليل _ من الخوف يمكن بللنه بناطيرنه

جاهد _انجبببب لك عيب

صليل _ دتعال اليوم انعل والديك

مناسك _ركضو نفس ركضتنه والضحكه شارخة حلكهم وگف تعبان يتنفس بصعوبه

سائد _ ما مصدگ

صليل _ولا اني

جاهد _ اخاف اگعددد من هذا الحلم

مناسك _ دخلت ام سائد تحضرلهم شي ياكلو واحنه ساعدناها
گعدو واحد بصف الخ وواحد يتحرش بالثاني
اني ومياسين دخلنه عفناهم على راحتهم بس رحمة بقت يمهم

مياسين _ مصدگه

مناسك _لا و الله

مياسين _خايفه ليش هاي المره امورنه تيسرت

مناسك _استغفر الله ولا تقنطوا من رحمة الله

مياسين _اول مره يصير شي ونفرح

_الحمد لله الحمد لله گولي

_الحمد لله

مناسك _خلصو اكل شالت رحمة الماعين و اجتي يمنه

مياسين _هاا لزوگ

رحمة _اسسس

مناسك _ صارت صلاة المغرب طلعنه نتوضه
انتبهتله شلون يباوعلي من توضينه خاصه والوضوء بحوض ماي بصف البيت مكشوفين

مناسك _تره ما يصير تباوع

سائد _اريد اتعلم علميني

مناسك _......

سائد تقربت منها وگفت وصلت شوي فوگ من حزام الخصر
خفت عليج

مناسك _الحمد لله ربي سهل الامَر وطلعنه سالمين

سائد _ تمنيت  تحضنيني مثل ما رحمة حضنت جاهد

مناسك _ ما اكدرر

سائد _ليشش داويلي هاي الجروح  بحضنه

مناسك _ باوعلي متوضيه ما يصير نتناقض اني متوجهه الربي شلون احضن رجال غريب وياريت بس هيج هم  يجوز  عد الله اهوون
تحسر وباوعلي بس اني بعد ما اكدر
لمني الحضنه اصلاََ ضعت بحضنه وباسني من طرف خدي

سائد _بعدتها و مسحت على راسها
بعد ماااا گدرت  تعذريني

مناسك _ ارتاحيت هسا؟

_اس و الله طفت نارري

_بعدت منه ودخلت ما احس شي بهذا الحضن  بس اشفق عليه حضن ضيع احواله و ذبلت عيونه كام  يحجي بهمس

صلينه
و طلعنه يم باب البيت

كام كل واحد يسولف متاعبه و المصايب الصارتله
وشلون نجر للسجون هاي

ام سائد _وهسا شنو ناوين تسوون

صليل _كلشي يم سائد هو صاحب الخطه والحمد لله نجحت

جاهد _شنو نسوي رفيق

_اخاف اكلكم ما ادري شنو بعد لازم نسوي خاف تخافون
بس هاي الحقيقة ما اعرف شنو لازم نسوي
ووين نروح اذا تركنه هذا المكان وشنو مصيرنه
بس الي اريده هسا منكم
خلوني بس اليوم انام مرتاح واحس ما فوگ راسي الف هم ولا بيبان ذاك الگبر تنسد عليه
يوم بس يوم واحد ارتاح وبعدها نفكر كلنه سوه

مناسك _ ما جان اكو فراش أنام على الارض
بس من ذبو روحهم نامو مثل الموتى
واحنه كذلك

يتبع......
اليوم اني عاقلة بالقفلات مو