رواية معتقل الصحراء الفصل السابع وثلاثون 37 - بقلم الكاتبه أم مختار

مساء الحب لا تنسون التصويت والتعليق قربنه نوصل مليووون
#معتقل_الصحراء ٣٧
#بقلم_ام_مختار
#دنيا_غانم

جاهد _انت دتعرف شتحجي لووو جاي تفلسف بكيفك
عمي رجعه  للعراق مااا نرجع اولاََ الطفله شلون تعبر الحدود وتضمن ما تبجي
ثانياََ امك شلون تمشي من اليونان وما اعرف وين نولي بعدها
خطة مو مدروسة

سائد _ اذا ما نطلع هسا كلشي راح يغلى بنتك ننطيها منوم الحد ما نعبرها الحدود
و امي اني اشيلهاااا بس خلوووونه نطلع مو الدنيا راح تنهجم بالعراق و ما يبقون هذوله بمكاناتهم ويجووون علينه يلفووون السوريا

صليل _الحكومه ماا توكع

_توووووكع مدام امريكا داخله توكع محد يكدر على امريكا غيررر الله واحنه راح نروح ضحيتهم وفوگ هذا كله جاهد و الدوله السوريا نبقه طول عمرنه مهزومين شنووو

جاهد _خلي احجي وي نادين تنطينة  فلوس ونطلع

سائد _ما تطلب بعد شييي عمي اني هذني ومستصعبهاااا عيب احنه زلممم مره رقاصه تصرف علينه وين صايره

جاهد _ الحد  ما تفرررج قابل اني متونس هيج صاير بحالنه

سائد _اني راح اطلللع اعبر الحدود الي يريد يطلع وياي يجي والي ما يريد يضربه طوووبه ولك اقل السنه اقل السنه الجوازات صار ١٠ الا لا ف دولار اذا نبقه بعد سنه لخ تحلممممم نطلع
خلي نعبر والباقي سهل

صليل _ما سألتهم اذا نگدر نعبر من سوريا التركيا عدهم حدود وياهم

_ما سألت هم خوش خطة ع الاقل نختصر طريق الموت

صليل _اتصل وشوف

مناسك _طلع سائد يتصل نريد اي طريقة الا دخلت  العراق حتى لو نروح للموت برجلينه ولا ندخل للعراق لأن هذولة يتفننون بتعذيبنه ما يموتونه اذا لزمونه

سائد _مرحبا

_اهلا

_حاب اعرف اكو طريقه نعبر بيها من سوريا التركيا

_ممكن في بس نحن ما بنعرف ما عنا حد هونيك يساعدنه.
باوعتلهم گاعدين ينتظرون  مني خبر
تمام شكرََا الك نبقه على اتفاقنه

صليل _بشرر

_يگول ممكن اكو طريق بس همه ما عدهم احد مناك معبري او  احد يساعدهم

صليل _لعد عدهممم من العراق ابن منعول الصفحة

_هذا الموجود يابه اني اعبر اول واحد وبالسره نكمل مثل ذيج المره

جاهد _ مثل ما گلت مثل ذيج المره اني اول واحد

صليل _ ذيج  المره خفتو عليه علمود  عدنان
هسا منو يلزمني اني اول واحد اعبر جاهد ما تعبر انت بنتك وين تروح اذا صارلك شي

جاهد _لا ما عليها شي انتو موجودين  اني اول واحد وبعدها نكمل متفقين

سائد _جاهد وياي وانتوو

مناسك _بعد ما بيها مجال لازم الكل يقبل

سائد _ انت اول واحد واني الاخير نبقه بنفس الخطة
جاهد  _الطفله وياج رحمة  نروح  للصيدليه ونجيب منوم
ونتفق وي علوش قبل لا دخلون بفتره تشربيها

رحمة _اني ما اكدررر ما اعرفلها اصلاََ

مناسك _انيي اخذها ماكو مشكله رحمة ما تعرف ترضعها البنيه تموت من الجوع

جاهد _ اخررر محطة ويانه رحمة تنگلعين  من حياااااتنه كلشششش

رحمة _.....

جاهد. _ انتِ ابشششع انسانه شافتهااا عيني
ولججج بنتج حتى ما باوعتيييي بعينهااااا من جبتيها الهساااااا

_ما اعرررفلها اخاااف منها

مناسك _ عاط بيها وهد الولد لزمو وهدو

سائد _مدام مناسك تاخذها هذا هو نحلت ليش نبقه نعارررك

جاهد _ سجووون صياح تليگ بيج

مياسين _اني هم اگدر اخذها هيه اكثر وحده تستحق تعبر من بينه احنه كلنه منستاهل  الجاي يصير بينه بس هاي طفله شنووو ذنبها

مناسك _اني ضعيفه اگدر اعبر بالتابوت والها مجال يمي ولازم اخذلها وياي حفاظات  وحليب وسرنجات
وعلى طاري السرنجات  كل واحد منكم يعبر ياخذ سرنجات شكد   ميكدررر علمود طول الطريق الحد ما نوصل للوجهة الي نريدهااا يكفنه احنه ناس ما عدنه لا لغة ولا شي كلشي صعب وهاي الطفله مووو ذنبها لا تجوع ولا تتبهذل ذنبها  بركبتنه  كلنه لازم كلنه نحسب حسابها  واليعبر ويگدر هم يجيب حليب ويا كل واحد من عدنه يشيل علبه حليب يكفيها الطريق

جاهد _صدگ لو گالو مو الام التجيب الام الي تربي

مناسك _ تخلص ما تبقه هيج ورحمة معدله  هسا نوصل وترتاح و تعتني ببنتها

جاهد _ههههههه ضحكتيني

سائد _ خلاااص يا خوي هسااا مو وكتها سمعوووني   اني راح اطلع باجر  للشام اروح للساحة الجان يوگف بيها علوش ونشوف الوضع شلونه
يوم انتِ ووحده من البنات ترحون تبيعون الذهب
ما تبيعو كله لاا شوي شوي الحد ما نطلع نبيعه
علمود ما  تصير شبهه علينه وبالنسبة الجاهد عليك موضوع بنتك حليبها حفاضاتها و السرنجات
رحمة ع الاقل رتبي جنطة الطفله من ملابس وختارو ملابس سهله نشيلها ورانه طريق مشي ورانه طريق صععببب كلكم خلو هذا ابالكم

مناسك _ بدة العد التنازلي رجعه للعراق الكل خايف بدون استثناء الكل ما مستعد بس من لا جاره  راح نرجع واذا بقينه نتبهذل   كلام سائد صحيح
طلع سائد والكل تحرك للمهمة الي توجهتله
مياسين  انتِ طلعي وي خالتي خلي ليلو وياي علمود تتعلم اكثر عليه وتتعود على ريحتي
وفعلاََ سوينه هالشكل على طول يمي دائماََ بحضني وانزلها حتى  اخليها تبجي واعودها على حضني حتى طول الطريق تنام قريب  حضني 

غاب سائد باليومين يوم ثالث  رجع وبأيده رقم علوش الي بسوريا و گله اتفقو يمته ما تردون ارجعكم هسا الحدود اسهل من قبل شوي ريحنه سائد
قبل لا يطلع جاهد سائد كلهم عندي شغله خلوني اشوفها وبعدها نقرر نطلع
غاب ورجع بس ما حجالنه وگلهم نبقه على خطتنه

جاهد _ اني كملت كل المطلوب شوكت اطلع

جاهد _تبدون من باجر

_نبدي من باجر

_سائد _كلنه لازم نرجع للشام

مناسك _ وعن طريق نادين رجعنه وگلتله اساعدكم وانطيكم فلوس  سائد ما قبل و احنه كلنه ما قبلنه عليه

مناسك _خليي تساعدنه ونطلع لويش هذا التعذيب

سائد _  كافي خلاص البنيه ساعدتنه بما فيه الكفايه نعتمد على روحنه ونعبررر حسسني اكووو شي بباله والا  سائد ما  يخاطر بينه  وخاصه اكو مشي مسافات همه گلوله وامه ويانه تعبانه حسيت اكو حلقة مفقوده

بالطريق واحنه راجعين  للشام  هو گعد كدام حاولت احجي  ويا ما گدرت دخلنه للشام اخذونه الفندق هيه دفعت الفلوس هنا تأكدت اكو شي غلط لأن قبل تدفع فلوس الفندق ليش ما قبل تنطينه فلوس الجوازات
طلعت ويا نجيب اكل وسألته اكو شي ببالك

_مثل شنوو

_ليش مخليتها تنطينه فلوس الجوازات ونطلع

_ جاهد اذا عبر ما يگدر يعبر بالبنيه هو حتى من يلمسها يخاف توگع وبين كل طلعه وطلعه يجوز اسبوع اكثرر
البنيه تموت اذا بقت يم جاهد
واذا نخليه بأيده رحمه لو تاخذها وتنهزم لو تذبها وتنهزم وجاهد يتخبللل بالحالتين
بسبب رحمة اني مجبر اطلع بيكم للحدود كلكم والا اني الراح اتعب امي ما بيهاا تمشي

_ خلي اني اطلع وي البنيه

_فكرت انتِ اطلعين بس البيان الي انطتنيا  القابله بي اسم ابوها  و عن طريقة يسون الجوازات گتله اذا نسوي بيان جديد
يگلي يكلفك شي ٢٠ الف دولار من غير فلوس الجوازات

مناسك _لعنة الله عليهم

لا تفكرين بشي وعبالج اني ما مفكر بي بس هيه كل ما الها تضيق وما بيدنه غير هذا الطريق
واني هم اخاف عليج
تعبرين بيها هاي الدول  و يصيرلكم شي وخاف يحولوكم للعراق اني شنوو يصير بيه ادمر و رغم
هذا كله اني  سألت و حاسب حسابه اني حتى للقابله رحت  وگتلها خليها بأسمي و اسم زوجتي عندي عقد رجل دين  بس ما قبلت تساعدنه تگلي هاي انساب والله محرمها وحجيتلها كلشي رفضت تساعدني
اني لوو ما ضاكت بيه والله ما اعبركم الحدود بس لازززم مجبرين

مناسك _ ما بيدنه شي كلامه يجبرك تسكت وفعلاََ سكتنه اجتي نادين ودعت جاهد حضنته گدامنه كلنه اباوع الرحمة ولا مهتمة
  و نادين گلتله امانه اي شي تحتاجو لو وين ما كنت اتصل على هذا الرقم
انطته الرقم و اصرت توصله هيه

سائد _طلعت ويا العلوش و گتله اخوي ما أتركة الا بـ سليمانيه  كلشش وكون مكان امن

علوش _ جاي احسكم توصون  على فريخ ولكم زلمه هذااا

نادين _ وأن يكن
جاهد_ انطت الضعفين العلوش و گلتله اريد يوصل بأمان وبكره هيك وقت راح اكون بهذا المكان حتى تطمني

علوش _ تدللين يلا خويه

جاهد _طلعنه الحد ما قربنه نوصل للحدود ياله نمت بالتابوت خلاني و گلي ولا نفس اريد
وگفنه بالحدود مو غريب عليه هذا الحدث ولا الخوف تملك گلبي بس بالي يم بنتي اذا لزموني اني متأكد سائد وصليل يعاملوها احسن مما اعاملها اني..
ومناسك ومياسين ما قصرن صارن ام الها بس تكبر بدون اب و ام ما تحبها هذا الجان يلجم  گلبي من افكر
طولنه هواي هاي المره بالحدود بس دخلت العراق ههههههههه النه بعد بهاي الدنيا نفس اليسمع قصتنه يگول هذا  شلون عاش  شلون طلع
بس يمكن قصتنه  مو اغرب قصة اني متأكد... ودخل جاهد مره ثانيه للاراضي العراقية اضطر علوش يعبر بيه مسافه  ياله فتح التابوت

جاهد _متت

_ههههه الحمد لله على سلامتك تفضل ماي و اكل

_تسلم ولك انت وين اكو منك ثنين

_اكو مني هواي

_گلي الناصريه شلونها

_ عامره بأهلها

جاهد _والله ونعم من اهلها اهل نخوة وحميه

_تسلم هذا واجبنه وي الضيف

جاهد _ هسا وين؟؟

_ هسا من صحراء نينوى ندخل كركوك بعدها اكو طريق مختصر من كركوك لسليمانيه نعبره ان شاء الله وندخل لسليمانيه

_هذا الطريق امن؟؟

_الكل تقريباََ تعبر عليه بس اني راح اروح شوي  للصحراء  لأن الطريق الاصلي الحزبيين يفترون بي  ويرجعون الناس

_الله يسهل وبعدها ترتاح بسليمانيه

  ارتاح شوي وارجع البنيه خطيه وصتني عليك

_هههههههه خوش وصيه

_عمي  اني محتاج الفلوس و ربك دزها الي و
عيب اتأخر عليها

جاهد _ عمي حلال زلال عليك
رجعت نمت بالتابوت وكمل الطريق من كركوك لسليمانيه دخلنه لسليمانيه ناحية چمچمال 
اكو بعد  السيطره جسر مشاة گتله هنا انتظرك يوميا الحد ما تجيبلي اهلي

علوش _يابه انا  اول مره اشوف عائلة خايفين واحد على ثاني على كيفكم الناس جاي تعبر وتمشي سهله بأذن الله

جاهد _ محد  يدري بالخوف القابع بگلوبنه منهم
ودخلنه محافظة جديده واهل سليمانية ما يختلفون شي عن اهل الناصريه ناس اصحاب ملگه وطيبين الما يعرف عربي هم من يشوفلك واحد يعرف  عربي ويساعدك
بس حتاريت هنا وين اروح ووين اجي لا اكو فندق يستقبلنه لا اكو فد مكان اعرفه انام بي اشتريتلي اكل بوقتها و بقيت قريب الجسر اخاف اتيه المكان

.......

مناسك _رجع علوش وطمن الولد بوصول جاهد لسليمانيه

سائد _ هاا مناسك جاهزه

_ايي

_طفله وياج

_جاهزه ولا تخافون عليها اخليه بروحييي

_ما خايف اني عليها متأكد منج سباعية

مياسين _ لا هيه قويه خوش بنيه واذا ما تصير قويه تعرفني شسوي

مناسك _هههههههه اعرف
حضرت روحي لبست بنطرون و قميص وحجاب
حضرت الملابس الي تعبر وياي للطفله والحفاظات و الحليب  بجيس گلنه نخلي يم السايق حتى لحد يشك اذا شاف علبه الحليب  و السرنجات خذيت وياي اكثر من ٢٠ وحده گلت ١٠ للطريق و ١٠ اعبيهن  قبل لا ادخل الحدود   خاف تبجي بس اطلع وانطيها اي قطعة ملابس الي ما خذيت الخاطر لا تصير هوسه وخاف علوش ما يگدر يخليهن يمه

رحمة _ديري بالج عليها فدوه

مناسك _لا تخافين بعيوني
رحمة _ بنتي هيه بنتج

_واكثررر قطعه من روحي صارت حضنتني و ودعتني بس ما تقربت البنتها ابددددد
يوم السفر سائد ما يتحاجة تحجي ويا ينفجر بوجهك شكو يابه  شنو اول مره اعبرر

_لا بس موديج للموت بأيدي هاي الكاتلتني

_ميخالف  المكتوب ع الجبين لازم تشوفه العين
واحنه  بعد الشفنا ماكو شي نخاف منه

سائد _حضنتها لا تنسين اني احبج ولو شماا يصير اني وياج حتى بهذااا طريقج ولو اي شي يصير ما اتركج

_ادري

  هاي المنوم انطيها ٥ قطرات مو اكثر قبل لا توصلين الحدود بنص ساعة حتى يبدي مفعوله 

_خوش

سائد _ گولي الجاهد قبل لا اني اعبر راح يوصله رجال علوش يعبره هذا ما يفلته يدير باله عليه لأن هذا الي يعبرنه الايران ومن ايران يوصلنه بجماعة ابراهيم الي تطلعنه التركيا

_حاضر لزم وجهي وباسني كل قوووته

_احبججج

_انا هم

_يا طيفي ليش بارد وياي

_مو بارده بس تعبانه

_ عسا التعب بيه ولا بيج

_باس راسي ونومني بيومها بحضنه
طول الليل يبوس بيه ويحضن و خايف ويحجيلي الحد ما صارت موعد رحلتي

_حضرت كلشي وتأكدت من كلشي
وصلت العلوش جان يطمن نادين على جاهد
صعدت وي علوش بالصدر و سائد  بقه يوصي عليه وگله توصلها الاخوي

_تدللون

مناسك _انطلقت السياره خايفه ااي ميته خوف
بس ما استسلم الهذا الخوف لازم اني اتغلب عليه...
الجنطه مالت الملابس انطيتها العلوش هو يعبرها و الحليب هم قبل لا نوصل الحدود گلي بعد ساعة نوصل انتظرت نگطع نص ساعة وگفت رضعتها على كيف وحضرت مميتين حتى بسرعة  اعبي  ١٠ سرنجات حليب شكيت بيهن قليل عبيت خمسه زياده وحضرتهن ربع ساعة وشربتها المنوم وجنت خايفه ما يتفاعل بسبب الحليب او يضرها امشي وانخي ربي واهل البيت فتحت التابوت فرشت جرجف و خليت جوه  راسها تراك من تراكاتها هيه هادئة كلشش نامت نمت اني صفح ضعت  بالتابوت تحركت السياره واني ما وكع  من الساني لا حوله ولا قوة الا بالله العلي العظيم
يمكن اكثر من ٥٠٠٠  مره سويتها  او اكثر ما ادري شگد بس هواااي اسمع اصوات ناس
  ليلو  تحركت واني گلبي بشيشة فتحت عيونها ضحكتلها وهمست هااا يا حلوه ناويه تجرينه للوكرر  بقيت انفخ بهدوء على وجهه لأن الاوكسجين قليل وافرك باطن ايدها
وارجع احوقل يارررب فرجك
السايق اذا اليوم يقرا قصتنه فـ ما اگله غير رحمه  للبطن الشالتك لأن لو ما الله ثم هو ما اتعده ولا اعبر ظل شيسوي يوكف يم السيارات البيها اطفال اسمع صياحهم وصوتهم وبجيهم  ناصت ليلو رفعتها الاعلى نقطه اكدر ارفعها بيها و انطيتها السرنجة شوي شوي واني انفخ بهدوء خاف تشرگ خاف تبجي اني بوقتها كلشي بيه يرجف كلشي بيه خايف بس خوفي على الطفله فاق خوفي من الدولة يجوز الله دزها وياي رحمة الي حتى انسه نفسي
مشت سيارتنه عم الهدوء صارت تمشي  اسرع خلصنه لو بعدنه عبرنه لو لزمونه الف سؤال وسؤال الحد ما نفتح التابوت

علوش _الحمد لله على سلامتكم

_الله يسلمك
اكلنه وكملنه الطريق وصولاََ لسليمانية الجاهد
من شاف بنته كام يشكر و رحم الله والديج و الله يحفظج ولو ما انتِ ما اعرف شسوي

_يمعود  هاي بنيتنه كلنه هاي الليلو مالنه

سائد _وصلت مناسك الجاهد وعبرت امي هسااا دور مياسين

مياسين _ جاهزه
حضرت روحي و بقيت بغرفتي انتظر
تحركت يدة الباب قافلة

صليل_ فتحيلي الباب لا تحجين وياي بس خليني اودعج ع الاقل

_ما جاوبته

_اني الوحيد بهاي الدنيا الحبيبته زعلانه عليه وهو ما يعرف شنو السبب

_جاوبته بصوت خاف لأنك جذاببب ووراك مصيبه

_اذا مسوي شي يغثج گليلي اعتذر عنه اصلحة والله بگلبي غصه باجر اطلعين وما تحجين وياي

_ روووح صليل

_يجوز زعلانه بسبب ضحكي وسوالف و الله ما عندي غيرج اني بس السان هم اذا تردين نكصه ونشوي

_اذا واحددد ظم عن واحد شغله
شنووو معناها

_معناها هو جلب ابن جلب بس هيه شنو الشغله

_ الي مخبي شييي مو معناها هو مسوي غلططط لو اني غلطانه

_انتِ والغلط ما تنجمعون بس هو شنو هذا الشي

_ انت الاعررررف صليل ما اريددد احجي وياك ولا اريدددك وخلي يكون ببالك هذا شي لوووو تبررلي ١٠٠ مبرر عليه هم ما اصدكك مدام ضميته عني لووو شما تگول

صليل _ هوووو شنووو

_تعرفه كلش زين

_يعني راح ترحين بدون ما تحضنيني

_اني وياك بعددد مستحيل تتلامس اجسدانه مدااام مضيعني بسوالفك خلاااص وياك

صليل _ ديري بالج على نفسج اني وصيت سائد حتى يوصي علوش عليج
هذا الكلام راح اسوي روحي ما سمعته
نوصل وهناك اعرف اراضيج

مياسين _بحلامك مدام ضام عني معناها انت جاي تغلططط بحقيييي وخلاص كافي الصارلي منك

مناسك وبهاي الطريقة الكل وصل لسليمانيه اكو عقبات واكو صعاب احنه بغنه عن سردها
بس احنه سبوع كامل انام بالشارع بالغابات
بأي مكان يسترنه لأن ما نعرف احد هنا بس الناس هواي حبابين ولطيفين و طيبين وخاصه من يحجون ويانه عربي مكسر هاي بحد ذاتها جهد حتى يسوولنه الي نريده
وصل سائد من شافنه ضحك

_انتو ما ناوين تموتون

صليل _ بينه مجال بعد

سائد _گلت راح نخسرلنه روح روحين بهاي الطلعة بس والله الكل وصل وين امي و  طيفي

مناسك _هياتنة

_الحمد لله گلت ماتت بالطريق من الخوف

_لا الحمد لله وصلت
تقرب مني وحضني وباس راسي انتِ سباعية الكل جان طريقة سهل الا انتِ

مناسك _تعدينه سلامات ليلو حست بينه جاي نهرب گالت خاله اني حبابه ما انوص

جاهد _بنيتي بعددد بت ابووووها

مناسك _ تعدينه اول طريق بس بعد الطريق طويل واولهن  الايران و اهل المدينة يگولون الحرس الثوري كل شكم ساعة يجي يفتش الحدود مالته يباوع الكل زررررعة

سائد _على  حظنه الفرس گامووو

جاهد _هاااي حدود مثل ما احنه ما ننطيها برجة همه هممم

سائد _عماهم الله عنه هسا اني شمصخم ببلدهم اريد بس اعبرررركم

جاهد _ قوانين من لا رحمة له

مناسك الولد الي يعبرنه الايران گال اني ما اعرف  الساعات مالتهم بس بالليل نطلع دائماََ هدوء ماكو شي بس  اي شي يصير اني مالي شغل

سائد _مالك شغل بس عبرنه

مناسك _ بيوم الي ردنه نعبر ليلو تمرضت مياسين خطيه حارت بيها ساعة تبرد جسمها ساعة تعرينها بس بالجرجف تلفها وساعة تدفيها تخبلنه عليها
حضرنه عدتنه ورتبنه امورنه و گلنه من نوصل ننطيها شكم قطره منوم خاف يحسون بينه بالحدود صعدنه القرية بياره تحديداََ غابات هورمان دنيا لليل بس احنه بالشارع و الگمر شاهد علينه المنطقه جببليه

_من هينا تعالو

_جايين

سائد _سمعوني اني راح اتقدم وي المهرب خاف كلشي يصير لا تبقون وراي الخطه هيه هيه واحد ينلزم مو الكل ورجعو  بالاخير امي انطي روحي  ع الاقل ديرو بالكم على امييي

ام سائد _واني شلي بيها وانت مووو وياي

سائد _يوم لا توجعين روحي واني شايلكم بجفن وامشي بهاااي الظلمه سوو الاريده

ام سائد _مثل ما تريد

مناسك _رجعنه خالتي وره باوعلي واشرلي امي بعيونج
هزيت راسي بس اصبره كلنه هالساع بيد رب رحيم محد يگدر يحمي نفسه
تقدم  سائد مسافه ١٠٠ متر عنه امن جاهد القريب اله  اشر اله حتى نجي اشرلنه جاهد  رحنه

_هيج راح تأخرنه

سائد _اني دافعلك ووياي عائلة  ما اخاطر بيها تحملنه.

_بقه يمشي سائد هناك وأشر صعدنه جان الفصل بينه وبين ايران مجرى مائي و درع بشري بس وصلنه الاضويه كاشفه المكان كله

_نزلو روحكم للارض خليكم على حدودنه منطقة تفتيش

سائد _وهسا شنو نسوي

_الحدود طويله خو مو مكان واحد هسا بس يخلصون منا يمشون واحنه نعبر

_انت متأكد نگدر نعبر

_ايي نگدر معبر هواي منا عرب و كرد

_خير ان شاء الله

مناسك _ اشر سائد  للولد بحركة ما عرفتها بس جانت ٣  اصابع  وكطع بالنص
ورجع رفع صبع واحد واشر ع المقدمة
ورجع رفع صبع وأشر  بأخير ايده
رجع رفع صبع اشر على نص ايده
ع سريع همه افتهمو جاهد صار بالاخير وعينه على الخلفنة صليل بالنص ويلتفت يمين ويسار وهو بالمقدمة
عرفنه هو جاي يگلم انتشرو
حسينه بالحماس بوقتها كلنه واحنه باقين نراقب وياهم من گله يلا گوم خلي نعبر
خله ايدي ورا واشرلهم ابقو  بمكاناتكم لا تتحركون
هو جان خايف من المهربجي  اييي عباله يبيعنه للايرانين للعصات للاحزاب محد يعرف
دخل هو الاراضي الايرانيه صعد واشرلنه

صليل _صعدي مناسك ورحمة

مناسك _صعدنه احنه وهو صعد اشر

حاهد _صعدي مياسين وبيدج امي

مياسين صعدنه وبقينه هيج نصعد شوي شوي مرتفعات وهناك َانحدار

سائد _طلعو انتو اني انزل امي المنحدر

ام سائد _تره ما بيه شي لا تخاف عليه

_ادررري  البقت بسجون صياح سنين ما اخاف عليهااا اني بس يوم اني خايف لزميني

ام سائد _ههههههههه يا لوتي

_ههههههه يلا تعاااي

مناسك _ واحنه جاي نمشي صارو بوجهنه ثنين

يتبع........