رواية معتقل الصحراء الفصل التاسع 9 - بقلم الكاتبه أم مختار

مساء الورد
بنوتات راسلوني خاص يردون بارت وصراحة انا ما اكدر اقاوم حبكم وكلامكم العسل تدللون
هذا بارت بس هاا لا تاخذوها عاده تره
ازعل عليكم راعوني واني ادللكم
احبكم هواي هواي لا تنسون التفاعل والتصويت اهم حاگه قرأة ممتعة
#معتقل_الصحراء٦
#بقلم_ام_مختار
#دنيا_غانم

مناسك _ اني  ما سمعته من الخوف ما سمعت شي ولا منو حجة كل الي اعرفه اكو  شخص خنگني اريد بس اخذ نفس او افتح  عيوني ما اگدر

سائدد _احجيييييي

مناسك _وخر ايده عني جريت نفس طويل دفعته بأيديه الضعيفه شترررريد

سائد _ من شفتي حاتم شنوو صار حبيتي نعجبتي بي
اشتهيتي ردتي نغريتي بفلوسة شنو بي حلووو احجيييي

مناسك _ اني  ما اعرف على  شنو استغرب وعلى شنو ارد و هو شنو يريد
باوعتله ببلاها

سائد _ احجييييييي

_جريت ملابسي ع سريع لبستهن
ما صار شي هو اجه وي ابوي سلمت ودخل

_ووين گعدتي من دخلو

_ظلينه بره كلنه

سائد _ ومن طلع ظل يباوعلج

_ هو جان كلش خوش انسان ما يباوع او عينه نكسه سلم وطلع

_وبعدها يعني حبج رادج ليش خطبتج

مناسك _ من گد ما يحجي بعصبيه عروگ وجهة ظهرت و عيونه طلعو من مكانه
اني  ما جنت فاهمة اسألته الخوف طغة عليه
ما عرفت اصلا شنو اجاوب

_جاووووبي

_ظل يجي الاهلي دائما  ويجيب ويا  الهدايا و بنه  الاهلي غرفه لخ من بنه الغرفه ارتاحينة  صارتلنه  غرفة انام بيها ومن اجه وشافنه بدون مبرده و تدفئة اشترالنه وظل ينطي الابويه فلوس

_يعني اشتره موافقة اهلج

_يمكن

_شلون شكله

_من گلي شلون شكله كل فكري همه جاي يحققون من جديد ويانه يردون يشوفون كلامي مطابق لو اتأملت عسا ولعل يتخفف الحكم ما اريد هسا اطلع بس يخففو ظليت اركز بسؤاله واجاهل نظراته
طويل شوي جسمة مليان ملامح وجهة حلوه
ابيض عيونه عسليات صاحب وجنات شوي

_الهدرجة تحبي وحافظه ملامحة

_اكثر انسان حبيته من بعد امي وخواتي  حاتم

_ يعني ما جان عندج اشكال بزواجكم
لا  ما عندي شكال يظل هذا زواجنه طول العمر
او يصير عدنه اطفال او حتى لو ما كدر يعاشرني اني  جنت مستعده اظل كل عمري ويا
اشرلي بحركة اصابيعه علمود الفلوس؟

_لا ما جنت اهتم للفلوس بكثر خوفي من الرجوع البيت اهلي
من الجوع و الحرمان والذل و الاهانه
و الطك و الكتل  الخواتك و الامك والك هماتين

_يعني لو حاتم تاركج ترجعين البيت اهلج بعني اقثد لو مخيرج بينه وبين اهلج

لا  ما  ارجع لأن حاتم عاملني افضل معامله طول السنه ونص ما قصر عليه بأي شي
ولا مد ايده عليه ولا بيوم رفع صوته عليه ودللني مستحيل بنيه مثلي ادللت
هيه هاي احلى سنه ونص بحياتي
بس هو شك همه خلو يشك  وهذا الدمرني

_تقربت منها لزمتها من فجها وركزت عيوني بعيونها جان يحاول ينام وياج

_اسلوبه غريب اسألته غريبه
بس جنت اجاوب من لا جاره
ظليت اشرحله هو مجان يگدر وحاله حال اي رجال مزوج يريد يتمم زواجة
رجع سألني

_لو متمم هذا الزواج تفرحين

_اي ما عندي شكال بالعكس
نفس الاسأله الي سألونياها جاوبت عليها بس اكو اسأله ستغربتها ما سألونياها ابد يجوز يردون هسا يعرفون كلشي يجوز اكو امل اطلع كل فكري على كل فعل يبدر منهم انو همه يردون يطلعوني عثلي رافض رافض الاعدام

سائد _انتِ قذره همزين ابوج هيج سوه بيج

_عگدت حواجبي بستغراب ليش قذره شنو سويت؟

_تردين توگعي بشباجج علمود الفلوس

_لا و الله بس حبيته انطاني كلشي جنت احتاجة
حب حنان عوض فلوس دلال ما ازوجته الغايه مصلحة ولا كتلته اني  والله

_جان رومانسي مو؟

_هنا حسيت  اكو شي غلط
جاوبته وبعدت وجهي من ايده لا
على عكس الحقيقة حاتم جان قمة بالرومانسية  انسان بمعنى الكلمة
من كلشي انطاني و احتواني 

_ كمليلي احجيلي

ميار _حبيبي

مناسك _ وهو يحجي سمعنه صوت ميار
هو تركني وطلع اني جنت مبدله  بس اخذت  الخاولي وطلعت ورا من شافتني تخبلت وزعلت عليه هو ما هتملها كمل طريقة
رحت الغرفة الملابس نمت بين الملابس
هيه غرفه جبيره ومو كناتير لا ملابس معلكة فقط شنو تشتهي نفسك بيها بس ملابس مالت بيت

اي  قطعة مالت طلعه ماكو وملابس داخليه هم
يصير فراغ بين كل قسم وقسم انام بي و اكو مجال وره كل قسم وقسم من التعاليگ
من بردت جريتلي برنص و نمت مثل الجنين قرفصت روحي و تغطيت
الحلو بهذا المكان فقط النوم تكدر تنام
السنتين الخلصتها بالموقف ما جنت اشوف النوم
لحضات انام ولحضات اگعد على الضرب و الصريخ  و الطك عليه اما  هنا  لا اكو وقت للنوم
ممكن بعضكم يستغرب برودي بهذا المكان
بس هنا بالسجن  مثل حياتكم كلشي متوفر
مع فرق بسيط خاصه المثلنه انا وخواتي يجوز نحس السجون هاي  اجمل من حياتنه العشناها وي ابويه
اول فتره من جنت اتأذه بالتعذيب الحد الموت و الغربه جنت اگول ياررب رحمتك
اما هسا وبعد الصارلي اخجل حتى انطق هاي الكلمة  جنت حتى لو تمر اشهر اني  امنع نفسي وما انطيها الواحد وصخ نذل وينتهكني
اضطريت من الجوع و العطش و الوصخ انطي روحي ظليت اني  اروح واگلهم تعالو نهشو لحمي تعالو اخذو ما لذه وطاب لكم
اتجردت مناسك من كل ما علمهيا حاتم
من كل القرب الصار بينها وبين ربها
اللحضات الجنت اقره بيها قرأن راحت
صوت الاذان الجان بمثابه ترنيمة عشق  افتقدتها ومستحيل  بعد اكدر اردلها
بين ذكرياتي وحاضري  ودموعي نمت واني  ما ادري بروحي
سمعت الصفاره لا اردياََ باوعت للسگف بس ماكو ضوا لا اخضر ولا احمر گعدت وظليت انتظر اذا اجو عليه اطلع ما اجو اظل  ونشوف شيصير
واني  احجي صاحب الجثه العملاقه صار مقابيلي

سائد _يلااا وقت الاكل

مناسك _ جريت ترواكة وحطيتها على ما تبقى مني بواقي امرأه هيج اسمي روحي
من طلعت من باب غرفة الملابس صارت گدامي ميار

ميار _ كبررري شگد متكدرين بس لا عبالج توصلين الييي
_طبطبت على كتفي وحجتها من خلصت راحت يمه
ما اعرف اضحك ابجي هيه تعرف احنه وين
تعرف بيا قاع احنه تعرف بيا ظلمات
وجايه تريد تعارك علمود رجال ياريت مثلاََ بشركة بعمل وعاجبها وتتعارك عليه  احنه مساجييين هيه تعرف احنه مساجين لو عيونها ما تشوف الاحنه الجاي نتعرضله عبرتها ووگفت يم باب غرفة الطعام نفتحت بأمر من رحمة من حجت دارولها الولد الي ويانه

صليل _انتِ تأمرين؟ لعد جاهد وين

رحمة _عنده مهمة وليش ما أأمر اني  هنا عندي حصانه

مناسك _ الحوارات هنا كلها شيقه بحيث ما تريد شي يفوتك
بس من يجي الرد من صليل
تسكت
بحيث رده على اسمه يصل   كل من سمع وشاف فعله طلع عورته وكلها حصانتج من هذا
هنا كل شيق ما يظل ردت بس ادخل نرگعت بالباب براسي اخخخخ

مياسين _تأذيت يمعوده شبيج مدشوفين

مناسك _اشرتلها ما بيه شي بس خلي ندخل

مياشين _هههههههه رحمة الفصعونه تريد تندگ بصليل ما تدرين صليل يرد صلي

مناسك _ من اشوف سوالفه يقودني الفضول شنو يسوي بيج

مياسين _ يكضي الليل بحجري ويبوس بأرجاء هذا الجسم المستعمل ويطربني بأجمل الكلمات
من انتِ حلوه الى بعد ما اتحمل

مناسك _.....

مياسين _ومن يخلص يعزفلي على اوتار حزينه ويذكر ايام الكليه سوده عليه

مناسك _ يضربج

مياسين _لاا بالعكس يتعامل وياي برقة للحضات اتخيل هو زوجي واحنه بغرفتنه و نمارس الرذيله

مناسك _باوعتلي  بنظره ما اعرف شلون افسرها جانت حزينه وبيها هواي معاني  وگالت

_الدرجة ظليت انتظر الليل حتى اعيش هذا الحساس

مناسك _ تنهدت بحزن جروحي هواي ما بيه انقهر على احد مثل كل يوم خذينه صحون وكملنه الواجب الحياتي اكلنه و طلعنه من الغرفه الصالة التدريب همه يلعبون ويتمرنون اليشوفهم  يگولون على شواطئ المالديف احنه
مو بين جدران شائكة
لدرجة حتى جدران العقل رافضه تعبر ولو ذكره من هذا المكان
هنا ما عدنه غير نباوعلهم وننتطر اوامرهم
واني  عيوني عليهم وذهني شارد ما حسيت  غير على لمست رحمة

رحمة_القائد يحاجيج

_ها

سائد _ميار دتحجي وياج

ميار _سألتج اني شبيج مدتردين

_ ما جنت مركزه گولي

_من يا سحن اجيتي

_من موقف مو سجن

_موقف؟ ليش انتِ مو متحاكمة

_اي بس ما دخلوني سجن طول فتره سجني بموقف  ومن حاكموني لنفس اليوم جابوني هنا يعني صار كم يوم من نحكمت 

_ ليش؟

_ اولاد زوجي هيج رادو وانتو اكيد امراََ وطاعة

_منو اولاد زوجج تعرفيهم يعني بالدوله؟

_ ما يختلفون عنج وعنهم بس الاسماء والا المعالم هيه هية

ميار _ ههههههه حبيبتي احنه لا شياء احنه مجموعه من خليه اذا طحتي بيد الملوك ساعتها اذكرينه بخير

صليل _ههههههههههههههههههه اي و الله احنه مجموعة من خليه ما طايحة بأيد الاعلى لا تخافين ما بقالج شي اليوم وباجر وعكبه نودعج وشوفيهم على اصولهم

مناسك _ ما اتوقع بعد نشوف ابشع  منكم

صليل _ليش شفتي شي شو طول الليل يطبطب عليج الحنين

مناسك _ يطبطب عليه حتى يشوف الرگيه طيبه لو لا قبل التذوق

صليل _هه

زهير   _ بما  انو شفتي هنا شلون نذوق
اذن نروايج شلون يلحسون بغير مكان

صليل _ههههههههههه

مناسك _  زهير اخذ كلمة صديقة ويأشر بلسانه
ويتلفظ بما يجي على السانه كلام لو يمر على مسامعكم يخليك تستفرغ  بس احنه تعودنه من اول يوم سجن على هذا الكلام
بس صعب اليوم انقله الكم بالقصة
اللفظ الجانو يتلفظون بي صعب ينحجي البشر حيل صعب 

ميار _ عندي سؤال ببالي وخاطري يا شريفة
اذا انتِ صدوگ شريفة  امس باليل شسوين بالحمام انتِ وسائد

مناسك _ باوعتله رأساََ حط صبعه على شفايفه  بمعنى سكتي
ليش تسأليني اني ليش  تسألين العبد المأمور خو سألي الاسياد

ميار _......

صليل _يعني ثنينهم بالحمام شنو جانو يسوون

زهير _يلعبون توكي

وهمه يسولفون ويضحكون عليه ويأشرون بحركات يدمه الهن الگلب  دگ نذار والاضويه  الحمره
ما شفنه غير ركضهم ع سريع بدلو وجرونه للخارج
اريد اعرف ليش يبدلون ليش هيج يركضون شنو الي متوقعينه بهاي الجيه ليششش لازم يلبسون زي عسكري يعني الشغلات الي صارت كدامي بوقتها كلها كلها تنسيك همك وتخليك مركز
وتسأل ليش جاي يصير هذا كله

صياح _مووووو كفووو انتو محد يكدررر يعتمد عليكم

ميار _شصاير

_جاهد نضرررب وهسا ما نعرف وين لكم  شگد نعلم بيكم مااا يفيد مااا يفيددد

سائد _وانت هنا وما تعرفون عنه شي انطووونه الاسلحة خلي احنه اروح ندور عليه 

صياح _محد يطلع بس انطوني معلومات وين ممكن يروح الي شايفي گايلين مصوب هذا العرفو وبعد ما شافو

سائد _طلعنه لا تاخذ معلومات وتعوفنه  هناااا اريد نشوف صاحبنه

صليل _صاحبنه مصوب وانت تريد من عدنه معلومات طلعنه احنه نجيبه لو بحلگ الموووت نجيبه

صياح _ وين اطلعون تردون تبلونه فو گ البلوه الي على راسنه هذااا مكانكم ظلو هناا واحنه  نشوفه وين وعود نرجعه

_سائد فتشتو دورتو بحثتو وبعدين اجيتولنه تسألونه لوو شما تسون ما تكدرون تنفذون اعمالكم  بدونه ولا تتحركوون بدونه  لو ما احنه ما تصيرون انتو لو ما اعمالنه انتو لا شيء

صياح _قااااااائد

_انا ما اسمي قائد اسمي سجين
قائد هذا انتو طلعتو وبعدين شنو تريد
هم تغصبني بعدك ما شبعت من المناصب تمتع بيهن  خذيتني واني  واكف  ببوابة حلممي وجبتني المستنقعك هم ميخالف بس رجعولنه صااااحبنه ع الاقل الدخلتني وياهم سوه لا تحرررمني منهم

مناسك _يحجي من دم ولحم مو تحسه يحجي
تحسو ياكل بروحة من كل روحة يطلع الكلام 

صليل _اذا ما تكدرون طلعونه احنه ندوره احنه نجيب صاحبنه 

عدنان _  اذا اطلعون هسا ا ادمرون كلشي دا نبني 

صليل  _عشر سنين صارلكم تبنون على حسابنه وعلى حياتنه ماااا خلص بنائكم

زهير  _اظاهر العمال ما بيهم خير

صياح _ ووووقت ضحك زهيرر
ساعدووونه خلونه نشوفه وين

سائد _محد يساعدكم انتو روحو الگو مو انتو طلعتو بشغله من شغلكم....

شنو جانت خطين لو تلاثه المهمة

صياح _تلاثه

زهير _وليش دزيت جاهد ليش مو صليل

_صليل نحجي ويا يگول هذا  السبوع تركوووني
اريد ارتاح ارتاحيت هسااا

صليل _ههههههه الله بالخير عمي صياح انت ما موديني اذبحلك خروووف انت موديني بمهمة تلث اخطوط يعني اخلصلك على بنادم
اذا الهاي الدرجة سهله تفضل روح انت سويهن مو انت والاب الروحي عدنان حاطينه هناا وتتأمرون وبعدين تجون تحملونه مسؤوليه

صياح _ متفقين انتو تتمردون موووو
تعرفووون وين اردكم وانتو سته بسسسس اما  اناااا اسطول كااامل لا تنسون صياح

صليل _ لا ما ننساك كل ما نشوف القائد نذكرك شعدنه الحبس ارواحنه  بين بجدران الظلمات ما ننسا صعب ننسا

مناسك _يحجي ويأشر على رگبته بحركة ذبح
ويباوع للشخص الاسمه عدنان

صليل الذبحنه من الوريد للوريد ما ننسا

صياح _يعني ما اساعدونه

سائد _لاا تعذرنه اطلعونه احنه نجيب صاحبنه ما اطلعون ما تاخذون اي معلومة من عدنه مو انتو دازي انتو الاعرف

صياح _ يلللا ميار خلصت الليلة هنا

سائد_ روحي وي الساده الكرام  عفناهم ودخلنه

مناسك _نخبصو خبص على جاهد سائد وصليل وزهير  والبقية ما خلو شخص يعرفو ما اتصلو بي احنه ما نعرف اصلاََ وين مكانات الاتصال بس فهمنه من خلال الحديث همه جاي يتصلون
لا اكل وكلونه ولا غيرو مكانه ولا اي شي سوو ظلو بمكانهم ويفكرون وين ممكن ياخذون جاهد او وين ممكن هو يروح اذا جرحة مو قوي

صليل _اذا لزمو تعرفوون وين يودون لو لا

زهبر  _ للوكر  ما بيها مجال

صليل _ونعوفه يروح للوكر اليدخل هناااك شيصيرله قائد

سائد _ ما بيدي شي

زهير  _ونترك صاحبنه؟

سائد _ شو تباوعولي ليش ما انتووو تتحركون تردوها مني

صليل _تعرف كلش زين ليش نباوعلك

سائد _لاااا ما اعرف والي بالك انسااا
ابنه ما رحمة تردونه يرحم ولد يتيم هو جابه هنا
وبعدين ليش ما انت تتوكل شنو قاصر الحجي شو همه ثنينهم بنفس المكان

صليل _اني  ما احجي ويا

سائد _ ليش انا ثارد ويا للعكس صليل الگاااع محضوره لا تخليني اخيط واخربط

زهير _يابه كااافي  هسا تجيلنه الاخبار

مناسك _يحجون ويتلاكفون بالحجي كلشي ما فاهمين وكلشي ما نعرف رحمة واكفه ولا مهتمة بس تسمعلهم بتمعن وكأنوا المكان يعم بي وهد شديد ولا كل هاي الضوضاء يمها

طلعت الاء ورجعت والابتسامه واضحة

_لگو لگو الحمد لله هسا بخير هو

سائد _وين لگو؟

_يگولون بالتل

صليل _يعني جانوا ماخذي

زهيو  _  التل مو اخير شي صفت  الصياح بعد شلون ماخذي

سائد _لا انطاها الهم عربون محبة

الاء _ الاء بس رجعها سيادته

قائد _هااا يعني غدرهم

الاء _هزيت براسي بمعنى اي و هسا المهم اطمنتو عليه سيادتهم يگولون خابرو علينه    علمود  باجر تقررون منو تخلوها يمكم ومنو نبدلها

مناسك _ باوعتله لگيته يباوعلي

سائد _ خلي نروح هسا اريد ارتاح تعبت من صبح واگف

مناسك _جرني من ايدي حيل وخذانه للزنزانه

سائد _كمليلي شنو صار

_ما فهمت

_انتِ وحاتم شنو صار بينكم

_مو حجيتلك

_لا رجعي احجيلي شلون خطبج شلون صار كل هذا

_وليش مهتم الموضوع حاتم همه دازيكم تحققون ويانه

_احجيييييييي

_فزيت من صوته حتى صليل دگ الحايط

صليل _يمعود اريد نركز بشغلنه صوتك

_احجي بسرعة

_هو مو ظل يجيلنه تقريباََ يوميا
يشوفنه دائماََ لأن هو اصلاََ بيتنه جان غرفة وحتى من صار غرفتين بسبب افضاله ظلينه نطلع كلنه نسلم حتى امي

_وابوج عادي يقبل

_اي

_ابوج يطلعله البضاعة و  حجي حتومي ينگي  منو بريدها  هاي هذيج

_........

_كملي

_ هو يگول اني من شفتج عجبتيني وحبيتج

_هو هم ناقص شنو الي حبااا  منج بالله بكد حفيدته هل سرسري

_الله يرحمة برحمة الواسعة

_الله لا يرحمة كملي

_خطبني وابوي بسرعة وافق هو ما قبل برد ابوي السريع

حاتم _لا بالاول گلها اذا قبلت خير على خير ما قبلت اظل  صحبتنه هيه هيه

حميد _شحدها ما تقبل غصباََ ما عليها توافق

حاتم _مو هيج الحجي يا خويه حاجيها ب الاول وگلها اذا موافقة گلها حاتم يگول  شنو تردين  اجيبلج

مناسك _واجه ابوي حاجانه امي ما قبلت وظلت تلطم وگلبت  الدنيا بيومها
بس كتلها كسرها تكسر اني  وخواتي الصغيرات ندافعله وماكو فايده ملخنه وكسرها وبيبي تكله بعد ايدي

_جدتج بعدها عايشه اريد اروح انبش الرحم الطلعت ابوج منه

_ما ادري هسا اذا عايشه او ميته

_كملي

_اني  علمود لا ابوي  يأذي امي كتلهم موافقه

سائد _لا توكفيج  شبيج تحجيلي كلمتين وتوكفين احجي كلشيي مو فتيتي الگلبي من خرا بكلبج  اني  ساكت احجيييي 

مناسك _يوم كافي عليج الله
حاتم خوش رجال وانتِ مو اصلاََ تردينه نزوج حتى نخلص

_اي اريدحن تزوجن حتى تخلصن من حميدد عديم الضمير موو حتى تزوجن  واحد اكبر من حميد يعيشله سنه وتردن الحميد

_ميخالف يمه والله اني  راضيه اعيش وي حاتم خوش رجال ويحبنه ويحبكم على الاقل وبزواجي منه يساعدكم و هم اني  اعيش بخير

_يمه اني  ما اريد شي من حاتم  لا فلوسه ولا جاها اني اريدج انتِ ترتاحين اني  جمره بگلبي  تسعر لأن خواتج ما اشوفهن بس اگول تهون مدام بعاد عن حميد كلشي سهل
شلون يهون عليه انطيج الخاطر فلوس

_لا يمه و الله اني  موافقه بحاتم الخاطر هو خوش انسان و عنده مخافة الله

_لو خوش انسان ما يحط  عينه على طفله بعمر احفاده هل ناقص الدوني

_يمه عليج الله كافي اني موافقه ابوي وحاتم مالهم دخل

وكلمه مني ومن بيبي و من ابوي رضخت امي للامر الواقع بس ابوي ثاني يوم. رجع الموافقة الحاتم  وحاتم شك هو غاصبني او تصنع الشك

حاتم _اريد احجي وياها على نفراد

حميد _اي شنو بيها باباتي مناسك تعاي

حاتم _لا اريدها تبدل و اخذها وياي اطلعها وهم احجي وياها

مناسك _انا سمعت هذا الحجي لأن اني  اصلاََ سمعت ابوي من صاحلي من ادنيت  يمهم سمعته هيج يگله گلبي صار برجليه بس جنت متأكدة ابويه ما راح يوافق شلون يوافق الواحد ياخذ بنته ويطلعها

حميد _اي شنو بيها تدلل انت

_فوگ كل كسرات ابويه  هاي الكسره جانت الاقوى
كلهن جانن يدكن بالگلب الا هاي بالعظم لأن حاتم بالنسبة النه غريب شلون تقبل ياخذني بس هو قبل بسرعة  واجه گلي هسااا على سريع تجهزين لبست ملابسي وطلعت خذاني بوقتها بسيارته ما جنت اعرف انواع السيارات  والحد هسا ما اذكر شنو نوعها  بس جانت سيارته حلوه وجديده وجبيره فتحلي الباب وصعدت بمقدمة السياره

سائد _هم يجي يوم ولابد يطيح حميد بأيدي الا اكسر سنونه بحلگه هل ديوث

_المهم رحت وي حاتم خذاني للسوگ اشترالي كلشي شنو جنت احلم بي جابه الي و خذاني المطعم جان بالكاظميه يخبل المطعم راقي  جنت منتظرته يحجي وهو جان يگلي تونسي لا تفكرين بشي خلصنه كلشي ركبنه السياره وگال راجعين للبيت
ستغربت لا سألني لا گال شي ليش طلعني

وصلت للبيت من اجيت انزل لزم ايدي

حاتم _ اني ما ردت احجي وياج ولا ردت اسمع منج ولا شكيت بالرد بس ردت اونسج ردت اطلعج من يم حميد شوي اما الرد باجر وابوج بالشغل راح اجيلكم واريد اسمع الرد منج ومن امج اذا موافقين شنو تردين اسويلج والله
واذا ما موافقين كوليها ولا تتردين
واني يمج طول عمري شنو تحتاجين اجيبلج ولا تعتبرين كلامي اغراء حتى توافقين براحتج

سائد _خوش  يصيد الشايب

_ثاني يوم اجه وابوي بالشغل اني  گتله   موافقه بس امي ما قبلت اصلاََ تطلع
مهري جان هواي كلشي ما حصلت منه غير جنطه هلكدوتها بيها جم شغله ابوي جابها على ذوقه واخذ الباقي
وخطيه امي راحت الابوها وحجتله الصار ومنطيها جم فلس و اشترتلي فوكهن جم شغله
بيوم الخطبه محد من اهله اجه غير بنته
عنده ٥ اولاد وبنيه بس البنيه اجتي
وبالعرس هماتين  بس هيه اجتي

_واكيد  ابوج   گله بعد لا تجيبها واذا جبتها مستحيل ترجعلك

_اي وهو هم موافق ابوي بهذا الشي  لأن يگول ما اكدر افاركج

شائد _ جانت تحجي عادي بس من وصلت الهذا الجزء الحزن مله عيونها
وخلتني حاير بأمري اني  ليش مهتم مرت على راسي بنااات يجوز اكثر من شعر راسي على مدار عشر سنين ميار وگعتني بشباكها
بس هاي تختلف غير قطعة هاي
هاي ما ثارت  شهوتي مثل ميار
هاي حركت بيه شي جنت متوقع مات  من زمااان حساسي ضميري ما اعررف شنوو
مو بس هيه تحجي لا وعيونها وكسرتها وحتى لمتها الجسمها كلشي بيها من اباوعلها يأكد كلامها
تنهيده  منها طلعتني من صفنتي
ليش زعلانه

مناسك _لأن هاي جانت اخر مره اشوف امي
حبيبتي ما طلعت تودعني دزتلي لارا و هدير
باسوني من عيوني كل وحده باستني  من عين 
كلولي هاي من ماما

سائد _ تمثل القوه رغم ضعفها الظاهر
وطول الحديث تخفي العبره الخانگه صدرها بتنهيده بس من وصلت الامها سمحت للعبره  تكسر التنهيده ونزلت دموعها بهدوء

مناسك _ هو حرمنه من كلشي اني   اتمنى التقي بأبوي بيوم واگله احنه منك احنه طلعنه من ظهرك
ومو بكيفنه اجينه للدنيا انت قررت تجيبنه
شنو هل قساوة الگلب العندك معقوله ولا مره حن كلبك علينه ما يوم گلت هذني عد ازواجهن مرتاحات زينات متونسات متأذيات  يضربوهن
يدعن عليه مشتاقات الامهن
خاصه واحنه معروفين بالعراق العيال اليشوفون الجنه مالها ظهر يأذوها فما بالك انت تكول الزلمنه اصلاََ ما اريدهن......
حرمنه كلنه من امي
اذكر اول مره اجتي الد..... الاختي هدير البنيه
ظلت تلطم
محد يعرف شبيها بالغرفه نسحنت روحها
امي تحاجيها ما ترد الحد ما تعبت وحضنت امي وگلتلها گليله اني  ما بلغت فدوه يوم لا دوريلي على رجال اني  احمل اذيته بس ما احمل فراكج

سائد _ بأيدها اليسره لامه رجليها المقدمة صدرها
وبأيدها الثانية اداعب شي لگته على الارض اتوقع فد رمله صغيره وعيونها مثل دجله وفرات
دجله تكمل  الفرات ويصبن ماي عذب بهدوء احس دموعها يصبن
بروحي الصارلها سنين صحراء قاحلة من كل المشاعر الجنت متأكد ماتن رجعت بفيض دموعها  احيتهن

_خذاني  حاتم بسياره حديثة الاحد الفنادق الكبيره ببغداد اول يوم العرس اصلاََ هو ما حاول بالعكس بس گلي نامي بحضني وانا امتثلت الرغبته كل فكري هو يريد يخليني اطمن الى

سائد _ارتاحيتي بحضنه يعني احلى من حضني اقصد من نمتي يمي وانتِ مريضه؟

_ اني وياكم ما احسب بس بالقرف وياكم
احس هذا الاعدام حكموني اعدام مره وحده بس انتو نفذتو بيه عشرات المرات

_......

مناسك _ تعبت واني احجي الكلام يسمح المخيلتي تذكر بالتفصيل الممل واني ما عاد عندي طاقه

سائد _كملي

حاتم جان كريم، كريم الدرجة حتى بالمشاعر
كريم بالكلمة الحلوه من اول يوم عرسي صحتله حاتم جاوبني ها ابويه امريني
رغم بساطة الكلمات بس تتغلغل بشعب الروح

_سائد _يعني كلمة الابويه حلوه

مناسك _گام من قريولته وكمل
. _اصلاََ اكثر كلمة جايفة  بالعالم هيه الابويه
ذوقج خرااا

مناسك _......

_وبعدين شنو صار

مناسك _هو يحجي ومعصب ويريد التكملة

_ما صار شي  وثاني يوم رحنه البيتهم جان بالمنصور انذاك بيوت المنصور وترتيبها والاحياء الجميله من نزلت من السياره ظليت فاتحة حلكي بيتهم كلش جبير  وحلو هوااي يمكن ما جنت احلم يصير عدنه بابهم الخارجي مو بيتهم

سائد _شوفي الفلوس بس تخليج هيج تحجين عن حاتم الطائي والا هو كل حسنه ما بي

مناسك _لا هسا اكملك وتعرف كلشي

سائد _كملييي

_من دخلت بيتهم جانوا اولاده موجودين ونسوانهم ما رحبو بيه

حاتم _لا تضوجين همه ثقيلين ع المعده  ابويه   انتِ الما...

_اهووووو كلمة الابويه لا تكوليها عبريها

_خوش خوش كملت
گال الما يعرفك ما يثمنك وبعدهم ما يعرفون هاي الجوهره

سائد _وهو شنو شاف من جوهره اول يوم شگد جذاب خرب عرضه كل خبرته بالحياة طبقها على راسج

مناسك _يحجي بأنفعال و اضح القائد
كملت حجيي

مناسك _ما جان عندي شكال بولده   لأن اصلاََ احنه ابونه ما يحبنه من تتربه بمكان على اقرب شخص الك يعاملك مثل عامة الناس ما راح تستغرب

سائد _ وشنو جان عمل اولاده

_قاضي
ورائد ما اعرف شنو بس رتبه
و محامي وضابط
والصغير جان يدرس   علم نفس ما اعرف شنو التخصص بالضبط  بس  يمعت شي تابع للمرضه النفسيين

سائد _هههههههههههههههه عليج الله

_والله

_اگول رحتي  بيها اعدام عمي حمدي الله وشكري بس اعدام

_ليش اكو اسوأ من الاعدام

_اييي

_من تزورين سجن الوكر راح تگولين هذا البرزخ  
اليدخل للوكر هو يعدم نفسه بعد الي يشوفه

_رايحلة؟

_ايي

_وشنو صار؟

_نزع تشيرته ودارلي ظهرا
الظهر مشوه اثر التعذيب ببشاعة مشوه اكثر مني

_وليش هيج سوو بيك يعني انت قاتل؟

_ههههههههههه اني ما مسوي ولا جريمة وحده
دخلت الهذا المعتقل واني  بعز شبابي بعدني هسا متخرج واريد اروح اخدم هذا البلد
بس گالو ماكو شاغر هههههههههههه

_ شنو صار
ليش ما خدمت ليش اختاريت هنا تگعد وتسوي مهمات الصياح والباقين

_ عوفج مني اني  ما يحتاج احجي اني   هاي السنه العاشره هنا وبعد يجوز ورانه فد عشر سنين وتخلص يگولون اكو رب عادل نروحله مو هيج تگولين

مناسك _استغفر الله

سائد _على شنو تستغفري  بعد السوا بيج وتستغفري اتعجب عليكم اني  عشررر سنين هنااا تعرفين شنو عشره
ولا يوم گدرت اقاوم انتهى مستقبلي وين عدالته التحجووون بيها

مناسك _ اني  من جنت ابيت اهلي هم ما جنت اعرف شي عن الدين ولا حتى نعرف الله شنو يريد من عدنه وشنو حلال وحرام غير الحجاب والامور الي المجتمع محرمها اصلاََ

بس من رحت يم حاتم علمني كلشي وعلمني
رب العالمين اقرب النه من حبل الوريد
وعلمني لئن شكرتم لأزيدنكم
وعلمني القرب من رب العالمين
بمثابه كارت دخول الاجمل مكان بالكونين
ويقصد الجنه

والصلاة عامود الدين وعامود الحياة
والصوم فرض واجب  صحي
وعلمني القرأن ربيع قلوبنا وبذكره يطمأن القلب

سائد _اي حقه يعلم كل هذا اذا گيره  ميشتغل
كال ادورلها من طريق الروحانيات النسوان لو..... لو دين مستحيل  واحد يكدرلهن ثنينهن ههههههه

مناسك _ ما جاوبت على كلامه بشع ولاذع بالحجي

سائد اي كملي بعدين شريف الشرفاء وخيره الاخيار  شنو سوه

_باوعتله وختصرت  كلشي
جان عاشور بوقتها

سائد _لحضه يعني انتو شيعة؟

_اي

_هااا كملي

_ جان جايب عصى للرايات  وصار بينه حجي ومشادات  كلامية وصار الي صار 
وقت ما جنت فاقده والطم على جثته دخل رضوان ابنه الجبير

_ شعجب كل هاي الاملاك وخلاج وياهم وما صادج بس رضوان

_لا بيتي وحدي بس بالبدايه عشت وياهم بس من صارت مشاكل  طلعني

_رجعي احجيلي من البدايه لا اطفرين

_خلص صبري شنوو المغزى من هذا الحجي كله
تنفست بغضب بس من لا جاره تعلمنه السكوت من بيت اهلي تعلمت السكوت اصلا

_ ببداية زواجي جان بالبيت ثنين جناين زوجات اولاده ابنه الجبير  رضوان جان ما يطيقني همه كلهم بالمجمل  جانوا ما يحبوني
بس شي اخف من شي
خاصه المحامي جان ماله دخل بس هم يبين هو ما مرحب بيه
جنت من لا جاره اسكت وين اروح الابوي ما يريدني ع الاقل ببيت حاتم الابو هو وغصباََ ما عليهم يسكتون
بس مع الاسف جان سكوتهم بس وقت ما حاتم موجود بالبيت اذا طلع وهمه موجودين
يحيرون شنو يسوون بيه فد مره وصلت للضرب
علمود بيضتين

سائد _ما فهمت؟

مناسك _صباح الخير

_صباح النور

_حاتم طلع؟

_اي الكول طلع بس رضوان بعده

_لفيت حجابي بطريقة صحيحه على راسي ودخلت للمطبخ دا اريد اسوي ريوگ
زوجة رضوان صاحتني وهيه واكفه بباب المطبخ

_عيني اني مسويه ريوگ هياته البيض سالكته
على الميز

_عاشت ايدج

_اجيت خذيتلي بيصه من البيض السلگ  اطك البيضه اريد اكشرها
طلعت البيضه نيه
وبيضات رضوان
ما يحب ياكلهم سلگ يريدهم گلي
هيه تعمدت هيج تسوي حتى تصير مشكله

رضوان _سويلي الريوگ

_يا عيني منين اسويلك الريوگ بيضتك وكسرتها زَوجة  ابوك

_هيه گالت هيج وما اشوف الا وحش كاسر انقض عليه من باب المطبخ بأبشع الكلمات ولزمني  من شعري وضربني على وجهي

_وسكتي؟ 

_اي  سكتت بوقتها  شسوي قابل  بس من اجه حاتم گتله 

حاتم _ ظلي هنا لا تنزلين وراي

مناسك _اني ما نزلت بس وگفت  على الدرج اسمع شنو راح يصير

حاتم _يابه اني  هذا البيت بأسمي صح لو لا

رضوان _اذا مرتك وزتك علينه وجاي هاي كارثه يابه

حاتم _صححححح لو لااااا

مصطفى _صح يابه

حاتم _وانا عايفلكم  البيت
حتى لا انت ولا الناس تگولون حاتم علمود مرته
طرد ولده

رضوان _ بس انت الخاطرها راح تتركنه

حاتم _انت ضارب مرتي لو ما عيب يگولون مره خربت بينهم اكسرر ايدك ياا قاضي ياا من  تعرف العدل ياااا من تحكم بين الناس بالعدل الخاطر بيضتين ضارررربها

رضوان _احكم بين الناس بالعدل مووو بنيه بعدها مراهقه تضحك على شايب وتزوجه

حاتم _رحم الله والديك  يعني اني  مضحكه

رضوان _مو هيج اقصد بس هيه مزوجتك الخاطر فلوسك

حاتم _ومن السانك ادينك جاي تگولها فلوسك
هاي فلوسي واني  حر بيها اشككها اذبها  ازوج  انطيها اتبرع بيها محدددد الى يمي شي

مصطفى _يابه مو هيج الحجي على كيفك وي رضوان

حاتم _ يا محامي هاي مو مرافعة ولا جلسة استماع هذااا بيتي انييي خوش شوووف ولك رضوان هاي اول مره واخير مره تمد ايدك على مناسك مره لخ احملكياها حقيرررر

مناسك _بوقتها فرحت لأن دافعلي ولأن حسيت عندي سند  بهاي الدنيا بس بنفس الوقت نقهرت لأن اني  مجنت جايه على فلوس وطمع ولا اهجم بيتهم اني  مجبوره على هذا الزواج ابوي ظلمني ليش همه هم ظلموني

من اجه دا يصعد للغرفه صاحله رضوان

رضوان _اتأكد ليش مجاي تكدر تدنالها شنو تحطلك بالاكل

مناسك _خفت حيل بوقتها اني اصلاََ ما اعرف هاي الشغله هم ينحطلها شي ويصير بيهم مثل حاتم
ما اعرف احنه عائلة بس بالبيت مخلصين حياتنه ولا ابوي اليقبل ناس تجيلنه ولا عدنه احد من الاقارب متصالحين ويا حتى يجيلنه حتى نعرف هيج امور 
من صعد ظليت احوس اريد اگله هو يحجي هيج لأن يريد يغثك ويخليك تشك بيه بس گلت اذا حجيت هسا يفكر جاي ابرر سكتت

بيومها بس اذاني حيل حاول يتقربلي حاول بكل الطرق ما گدر ظل يعصر بجسمي و يحاول بعصبيه ظليت ابجي من شاف دموعي بعد عني

سائد _ الگير عطلان قابل گوه همزين مات لو ظال عايش جان اني  لحگته الربه
سؤال هسا اجه ببالي
شلون عرفوو هو ما يشتغل هههههه اقصد عطلان

_اظاهر سامعينه او حاجي الولده ما اعرف
جان كاره حاتم ويستهزأ بكلشي احجي يخص حاتم

_يعني مو انتِ حاجية النسوانهم

_لا لا اصلا جانت علاقتي بيهم على كد صباح الخير مساء الخير و  شكرََا وبس

_كملي

مناسك _ ظلينه اربع اشهر الحد ما لگه بيت بالمنصور حاتم  واشترا بهاي الاربع اشهر حارو شنو سوو بيه بس الجان يصبرني  حاتم بحبه واهتمامه بأهلي  كل جم يوم يروح الاهلي ويجي يطمني عليهم واني اروح  للسوگ اشتري الهدير و لارا ملابس و كلايد ومحابس و حلويات هو ابد ميعترض بالعكس هو يگلي روحي اشتريلهم واني اوديلهم
حبيت حنان حاتم وطيبت گلبه وحبه الي واهتمامة بأهلي

سائد _ما بيوم من الايام باوعتيله وكلتي اني  وين وانت وين

_لا لأن احنه من وعينه على ابونه دائماََ يقلل من قيمتنه ما عرفنه قيمة نفسنه ولا حسينه احنه النه اهميه بالعكس جنت خايفه حاتم يلگه غيري وارجع يم ابويه

سائد _وهسا

_هسا ما اعرف اذا بقه اكو شي حي بداخلي
احس كلني ميته بس الساني يترحم عليه

_ههههههه السجن لو ترجعين الابوج
صفنت بوجهي بتسمت حبيت سؤالي
جان صعب الدرجة عيونها الكبار نفتحو على وسعهم وهيه صافنه بيه
شفايفها برطمتهن
تحسرت ما گدرت اقاطعها اريدها اطول بهاي الضفنه بس هيه سرعان ما قاطعت صفنتها
وجاوبت

_صدك ابوي ظالم
بس على الاقل ما اتاجر بينه  من واحد الواحد
هو واحد وانتهت صار سنتين اني رهن  الاشاراتكم  والله اعلم شنو راح تسوون بينه بعد

سائد _على الاقل انتِ هنا سجينه اكو ذنب

مناسك _ماكووو ذنب

_لا تقاطعيني من احجي
اما اني هه  ..... كملي

_ليش تريد تحجي وتتراجع

_لأن ما اريد اتوجع خلاص توجعت بما فيه الكفايه

_انت رجال ليش رضخت الهذا كله

_لأن ببساطه اني اذا اطلع منا و اتمرد على گولتهم فا اروح اعدام همه موقعينه على اوراق تثبت احنه مدانين و عدهم فيديوات النه واحنه نسوي مهمات هذا بعد الاصعب
يعني طلعتنه منا ما منها فايده لو للوكر لو للگبر
اختيارات تفتح النفس

_ زين الوكر لو الگبر

سائد _طبعاََ الگبر هههههههه

_ليش ما حاولت تنهزم

_وين انهزم انهزم من دوله
انهزم منين يعني ينبشون جدي السابع عشر ويطلعوني ههههههه انتِ ما تعرفين شي والي احجي الج حاجي الكل وحده اجت هنا شعدنه نگعد نسولف ونضيع وقت وهنه رايحات للوكر رايحات يعني اعدام محتم

_يعني الي تطلع منا تودوها للوكر

_الاختيار النه بس الكل راح للوكر سابقاََ قابل بعد اليسمعنه ويشوفنه نخليهن عايشات

_يعني اني راح توديني للوكر يعني اقصد تنهدت
فدوه انا بعد ما بيه حيل اتعذب مدام عندك الحصانه خلي ينفذون الاعدام هنا
انت مو كلت التسمع والشافت ما نخليهن عايشات
تمام بس لا تعذبوني والله قائد اني جسمي ما بقه بي مجال  للتعذيب واذا انت مسلم
شيعي الخاطر الحسين لا تعذبوني
واذا سني فا الرسول وصى بالاسير واعتبروني اشير عدكم
واذا مسيحي فا الخاطر العذراء
فدوه بعد ما بيه حيل اتعذب

سائد _ما گالت فدوه بعد ما بيه حيل اتعذب
سجين نبتت بخاصرتي

سائد _كملييي

مناسك _ ..... استغفر الله
اللهم لا نسألك رد القضاء انما نسألك اللطف فيه

سائد _ انتِ جابوج وكر ثاني عليه دخيل اسمج اني داخله هنا بتهمه ملفقيها عليج
وذكرين ربج
جا اذا اخذج اللندن شنو تتعبدين دخيل طولج

لأن ربي فوگم وفوگي

_فووووگج انتِ كمليييييي

_ما جاوبته لأن شجاوب يعني انتو بمكاني شجاوب واحد منتهي هو مخلص مخلصينه همه متعمدين هيج يسوون بي  كملت    بعد ما طلعنه بيت وحدنه كلش ارتاحيت سنه وشهرين تقريبن ظليت ويا
شگول شحجي شفت الجنت استحي احلم اشوفه
ومو بس اكل وشرب و ملابس و و و...
لا لا حتى الكلمة الطيبه جان يگلي ريحة هيل
ها ريحة الهيل شنو سويتيلنه
الله ريحة الهيل شنو اليوم البيت يخبل عاشت ايدج
ها ريحة الهيل ضايجة نطلع
ما سمعت منه بيوم كلمة مو حلوه

سائد _تره دوختيني هواي تمدحين بي احجيلي غيررر شي ما اريد اسمع اسم حاتم الطائي

_ما جنت اتفاعل وي تصرفاته لأن طاقه ولا الوضع الاحنه بي يسمح
بس جنت احجي على امل   اطلع يسولي اي   حل واطلع 
حاولت اكمل ما گدرت هوااي تعبت ظليت ما اشوف بعيوني نعست لأن يگعدوني بالسبعة وهو يدخلنه للغرفه اقل وقت ب ١٢ واظل اسولف انتهي
تكورت على نفسي ونمت

سائد _من سكنت عرفت هيه نامت تقربت رفعت شعرها المتهالك
باوعت لشفايفها
بيه شي يطيب يمها
بيه شي يودها
مو حب لأن اني  اعرف شنو الحب
بس احساس غريب يجرني الها
باجر لازم نوقع اما نسلم او اظل يمي
شتگووول يا سائد نودعها ونطوي هاي الصفحة  حتى لا يصير بينه مثل ما صار قبل خمس سنين
لو نستمر ونرجع نحرگ ايدينه
وترجع اثق وانت دائماََ تگول ما اثق ابني بشر
ظليت اتأملها اتأمل هذا  الجسد النحيل
تلك الوجنات الذابله
وهذه الاهداب المتعبه
اشعلت نيران صدري اصبحت اضلعي
كالحطب  تحت نيرانها

الحد ما دگ الانذار باوعت الضوا الاخضر
بيه شي يرد ايدي عنها ويگول لا تگعدها
خليها نايمه وجدد اسبوع خليها يمك واذا
شفت روحك ما تگدر استبعدها
لا لا گعدهاا لا يجرونها الهم بس يحسوون تعرف شيصير

سائد _مناااااسك

مناسك _اي گمت گمت سمعت

_ليش مسويه روحج نايمه اذا انتِ گاعده

مناسك _ ما اعرف گمت جريت روحي من الارض گوووه ما اريد اطلع منا
رغم  الصار بس هنا اهون اهون من اول يوم سجن الحد سنتين الحد ما جابوني هنا ما اريد اطلع منا ع الاقل بأيد رجال واحد
صعب اخف من الاصعب

جراني وگومني  ردت اطلع جرني من ايدي بخفه الناحيته

سائد  ما تردين ترحين

_لااا صراحة لاا اخاف وين راح تودوني هم يوميا يدنولي وهم ارجع انطي روحي مقابيل بس اسبححح وانت جاي تگول يودونه للوكر وتطول  اليروح للوكر يدمرو من تعذيب  وهو بالاخير ينتحر وانت جاي تشوف اني بعد طراك ما بيه

_طلعي هسا

مناسك _ من لا جاره امشي باليگوله وگفنه مثل كل يوم بصالة التعذيب
دخلت الاء و الرجال الي يجون
عدنان وصياح وبعد همه يطلعون بالعشر اشخاص بس هذولي الي بارزين  الي العين تشوفهم بوضوح والاذن تسمعهم بكل اصغاء

صياح _خلص الاسبوع  من هسا تقررون الي يحب يبدل والي يحب يظل على البضاعة العنده
وهاا بالمناسبة جاهد يسلم عليكم هو بخير وسلامة للدعسوقه  ويگول القطعة مالتي اجدد سبوع لخ

مناسك _كلنه باوعنه الرحمة صفگت بحماس
للحضه تمنيت روحي بمكانها

كامل _واني هماتين اظل يمي عاجبتني

سلام _لا اني تبديل وتودوها السجن الوكر

مناسك _دفعها من يمه والكل ظل يباوعلها من ذكر اسم السجن  النظرات جانت تفسر الخوف القابع  بگلوبهم  كلهم، ما اعرف الدوامه الاحنه بيها شنو نهايتها وين راح تتوقف  معقول الياخذوهن اعدام هيج كلها يسوون بيهن وهنوب للوكر وتنتهي حياتهن
معقول هنا نهايتنه بين هذولي القذرين
الف سؤال اجه ببالي واني  بهذا المؤتمر العظيم
وكأنوا اني   بمزاد بس  للبضاعة الرخيصه

صليل _اني  راح اخليها بس الخاطر صوتها
وسلااااااامات

مياسين _بتسمت وبسته من خده ممتنه

صليل _بعدين بوسي رجلي مو خدي ههههه

صياح _وانت قائد

سائد _  كتلكم اني  اسمي سجين قائد هاي انتوو طلعتوها بيناتكم حتى تشجعونه على اكمال المهام مو صحيح سيدي

صباح _مووو وقت الحجي

مناسك _ هم صحيح حط جف ايده على ظهري ودفعني بخفه قدمني كم خطوه عنه
اني ابدل هماتين

يتبع......
الوكر!!!!!!!!!!!