رواية معتقل الصحراء الفصل الثامن 8 - بقلم الكاتبه أم مختار

صباح الخيرر
اني باجر لازم اشيل من بيتي فا نزلت البارت وهم تصبيره خاف اطول الحد ما ارتب
فا قرأة ممتعة و لا تنسون التفاعل
والتصويت احبكم احبكم
وشكرََا ع تفاعل
قرأة ممتعة

#معتقل_الضحراء ٥
#دنيا_غانم

مياسين _وشدخل طلعتنه بمهماتهم

رحمة _سمعوني زين اذا حجزنه مكان هنا و طاوعناها وجاريناهم يگدرون يثقون بينه
واذا ثقو بينه نگدر نطلع وياهم ولو بأي طريقة

مياسين اباوع المناسك البنيه فاصله مو ويانه
مناسك ويانه تسمعين لا

مناسك _لا تتوقعن نطلع موووتنه هناااا

رحمة _ اهوووو ولكم خلي عدكم امل شبيكم

مياسين _ابشرج امل ماتت

رحمة _موو وقت ضحك مياسين  همه ما يخلونه ننجمع سوه بالگوه وبالرضا ياله  اني  راح  احاول احصل الحصانه الاسبوع الجاي والعليجن بس ترضوهم
واظلن وياي ونحاول نطلع ساعدوووني

مناسك _ لا تتوقعون نطلع موتنه هنااااا

رحمة _ لزمت جبينها تشوي شوي تتنفس بصعوبه
تعاي اكليلج لگمه وهلبت الله ينطونج ادويه
وبعدين نحجي

مناسك _لا تتوقعون نطلع موتنه  هنااا 

مياسين _علس المسجل

رحمة _مياسين ما اشوفين البنيه تعبانه وتهذي

مياسين _ شيليها وياي  خلي تاكللها شي و نرجعها
لبسناها وشلناها بالگوه اجت ويانه وهيه تگول نموت هناا
هسا درينه تجيبين الفكر لو طار

الاء _تعاي هنا حطنهاا

رحمة _اريد شوربه اي شي يدفيها ولازم تاخذ علاج كلش مصخنه

صليل _ولا الملكات يتأمرن ويشرطن بعد تردين شي عيني

مياسين _ من يحجي صليل  غصباََ ما على شخصي  اسكت
لأن  اي شي احجي  عقابه بالفراش مريض نفسي

سائد _جيبولها شوربه سوولها اي شي دافي ما اريدد وحده تموت هنااا

مناسك _ حاطه راسي على الميز احس راسي من گد  ما يوجعني ثگيل ما اگدر  ارفعه
حاولت بس تعبانه جسمي نحيل الدرجة.

جابولي الاكل اشوف البنات يحاولن يوكلني
بس كلشي بجوف حلگي مر كلشي اشربه او اكله مرررر خلصنه اكل حسيت بي من شالني من خصري ما رفعني امشي بس ساندني

سائد _لازم تاخذين علاج اكلت؟

الاء _بس خاشوكة وحده شوربه

سائد _ليش

مناسك _باوعتله ما اشوفه واضح عيوني نار جفن عيني احسه ناررر
اريد امي

سائد _باوعتلها احس الهوا نگطع عن ريتي
غمضت عيوني بقلة صبر كلنه اريد امهاتنه شما كبرنه وشما صرنه ولو صارت گلوبنه جلمود من ينجاب طاري الام كلشي يخضع الهاي  الانسانه
حطيتها على الفراش بسرعة  فزت بخوف وألم

سائد _ما راح اسويلج شي ناميي

_ظهري ما اكدر انام على ظهري

سائد _شربي هاي الادويه ونامي ما راح تحسين  بشي

مناسك _ ما اذكر شنو شربت ولا شفت شنو
شربت و بعد ما حسيت بشي

الاء _ دك الانذار طلع سائد
يردوك

سائد _كليلهم ما جاي على بالي اطلع

الاء _يگولون ضروري ولازم يجي الحد الليل هو لازم يرجع

سائد _ ظلي يم مناسك  واني  طالع
دخلت للغرفة الخاصه بينه لبست الزي العسكري اخذت الباج و سلاحي وطلعت ينقلونه بسيارات
المكان معين وبعدها اكدر اني  اتحرك او يدزولي سياره خاصه هذا الشي بعد راجعلهم او حسب انت شگد صرت مطيع من طلعة الطلعة تنكرم
اجرت تكسي  وطلعت المقرهم بمسافة ميتين متر انزل واكمل مشي واجوي عليه   دخلوني جوه للمقر
دخلت لكيتهم مجمعين

صياح _ شصايررر وياك ليششش متمرد

سائد _ ما متمرد شتردون

عدنان _ طول الفتره الانتو بيها هناك اخطاء بسيطه اصير ونمشيها بس انت تعرف اذا بنيه طلعت من ذاك المكان شنوو يصير وفوگها تصيح

سائد _ هذا مو شغلي شغل الحرس احنه العبيد نأدي المهمة ونرجع للجنة الخالينه بيها وهذني البنات اجيبوهن ترضونه فا انتو ديرو بالكم عليهن

صياح _صارر هواي ما سامع منك هذا الكلام سائدددد شنو رجعنه الايامنة الاولى

ميار _تعبتو  اكيد تعبتو الحبيبي

سائد _ما تعبان بس هاي الحقيقة شما ظمينها لازم تطلع للصبر حدود

صياح _ يعني انت ما عاجبك المكان

سائد _ باوعت للباج الي برگبتي  الي ندخل بي للمقر مخصص بس النه ومحد يگدر يدخل بدونه

المكان الحاطنه بي سجن لو شمااا تجملون  بي يبقى  سجن وهذا باجكم ما هو الا حبل مشنقه  ملفوف حول رگبتي
انتوو هيج مقيدينه لا عبالك تكفر عن ذنوبك وحاطني بمكان مريح سجنننننن
طلعتونه طببتونه ونستونه احنه بسجن

ميار _ههههههه حبيبي متعبي لويش هيج يا ظلام نزول عليكم 

سائد _......

صياح _تريد استراحة كم يوم انت وميار تطلع وين ما تحب

سائد _ لا اريد ارجع السجني

ميار _لا هيج ازعل ميصير تعال وياي نتونس اني وياك

سائد _ گلت  اريد ارجع روحي  تونسي وياهم الحصانه  يمج دائمية  وهمه يمج مو هذا ختيارج ظلي يمهم وتونسي وياهم

ميار _احنه حاجين بهذا الموضوع صح لو لا

سائد _اذن لا ازيدين على كلامي

ميار _من بعد اذن سيادتكم اكدر اظل ويا وحدنه

صياح _اكيد

سائد _ جرت ايدي بأيدها  للحضه حسيتهن مخالب اثقل صدري ما مرتاح  هنا

ميار _ تقربت منه ابوس بي ما مشتاقلي  شبعت مني بهاي اليومين مو اني حبيبتك

سائد _ انتِ حبيبتنه كلنه ميار جماعي حبج

ميار _بس انت الحب الاول والاخير

سائد _اي صحيح والدليل من ردتج كتيلي لا احب اظل دلوعة الكل

ميار _مو هيج انت تظلمني

سائد _ بعدت ايديها الطوقت عنقي بيهن
ما بيه حيل احجي اريد اروح اخلص وياهم الحجي وارجع السجني

ميار _متغير

سائد _غلطانه هذا اني  من زمان بس ما شايفه هذا الشكل
عفتها اجيت اطلع باوعتلها
امي شلونها ميار

_بخيرر لا تخاف عليها

_هم تسأل عني لو.... اكلج لا تگليلي الله يبعد الدروب احسن عفتها وطلعت الهم

صياح _ اعقل ولا تخرب كل شغلنه

سائد _ شغلك مو شغلي

عدنان _اذا تريد الحصانه تفضل كمل هاي المهمة وتدلل

سائد _اكملها وما اريد شي حصانه او بدون حصانه   اسوي الاريده  ما يفرق شي

صياح _تمردك تعرف وين يوديك

سائد _  من يجي طاري التعذيب ترتعد لشتي ما بيه حيل  الوكر ولا بيه اظل بي لحضه ما اتحمل خذيت الظرف وطلعت
ركبت السياره وصلت بالليل دخلت للغرفة بعد ما بدلت   لگيتها گاعده على الجربايه وايديها مشابكة وصافنه

مناسك _ گمت من فراشه و  گعدت بمكاني المعتاد

سائد _شلون صرتي

_زينه

_ عندج الالام تحسين بوجع

مناسك _باوعتله ورجعت نظري  للباب المعاكس
ما جاوبت لأن اكيد ما لحگ ينسه هو جلدني
ذب تشيرته وطلع انتبهت اكو ظرف علي الجربايه تقربت منه مكتوب معتقل الصحراء وجواتها تلث  خطوط حمر
ما كدرت افتحها خفت رجعت گعدت بمكاني
شوي ورجع بس بالخاولي لافه على خصره و الثاني ينشف بي شعره
يطلع طوله ١٩٠ او شوي اكثر
وجسمة ضخم عظلات و تفاصيل جسم رياضي
بشرته حنطيه

سائد _اذا عندج شي احجي لا اظلين صافنه وتباوعين

مناسك _اريد اروح للانفراديه الحد ما نخلص هذا الاسبوع

_لااا مايصير  احنه متفقين نكمل ستجواب ونعرف قصة حياتج واني مصدگج

_ما اريد

_هنا محد يگول اريد وما اريد هنا تگولون  تم وحاضر بسسس

مناسك _شتريدد اسال

قبل لا اسأل الدوه ما أذاج مو

_لا بالعكس صرت  زينه

_يعني ما اذى معدتج

_لا

_ تمام هسا  حجيلي عن بيبتج شنو دوره بحياتكم

مناسك _ استغربت  من سألني عن الدوا بمية وجهة هذا

_مو جاي اكلج احجيلي عن بيبتج اهلي

_احس يسحب روحي ويذبها بنار اهلي من يجيب طاريهم
بيبي فطيم عدها اولاد وبنات غير ابوي
بس الكل تخلى عنها

_ليش؟

_هيه ظالمة ومؤذيه ما عدها مخافة الله بالرغم تصلي وتصوم و تحجي بالدين اربعه وعشرين ساعة 
_هو وينه الدين الانتِ تحجين بي

_بالعكس  حاتم  جان   يگول
تتقرب الربك شبر يتقربلك ذراع

سائد _لا جيبيلي طاريه كمليلي

_جنه   كلنه عايشين ببيت جدي جبير وحلو بس بعد ما توفه هيه طغت واذت الكل

فطيم _ولج سهاددد جيبي الصينيه خلي احطلكم زغنبوت

تحط اختي  سهاد الصينيه وهيه تكور التمن فوگ المرگه وفوگه الزلاطه اذا وجد ناخذها للصينيه  جوعانين جنه ٥ وامي وابوي اريد ناكل
يجيك الاب الظالم خلي ياكل الاسد اول واذا بقه ينطينكم وتگعد تباوع بعيونك
الحد ما الاسد ياكل ويخلص
مرات عمامي خطيه ينقهرون علينه ويوزعونه وي كل واحد ثنين يروح
همه هم عدهم اولاد ونسوانهم بس بيهم محنه اكثر من ابونه عمي مجيد الصغيرون جان عنده ثنين من تحطلهم اكل هو يگلهم اكلو لو اكلتو  اني  اكل من يشبعون ياكل الباقي ابوي ما يحبة لأن هو عكسه بكلشي
وعمي سالم وسيف جانو يحبون اولادهم هواي
وبيبي تأذيهم تضرلهم لو تصيح عليهم
لو على نسوانهم  فا قررو يبيعون البيت وكل واحد ياخذ حصته
الكل عنده ويشتغل حتى ابويه  كل واحد شتره قطعة ارض وبنه احنه ابونه شترالنه بالكماليه  وحتى لا يخسررفلوس  بنيان وتعب بنه غرفه جبيره وهيه غرفه و صحيات ومطبخ....

سائد _ وكلكم بهاي الغرفه شلون سووكم سبعة

مناسك_.....

سائد _ أخرسيتي  ما تحجين

مناسك _جانت امي تنومنه وهو ما يهمه عادي نسمع هو شلون يريد. يتقربلها ونسمعها من تكله بدون صوت البنات لا يگعدن

حميد _يضربهن طووب

هاله _ليش يضربهن طوب يعني انت لو شوي ذابلك جم فلس وبانيلك غرفه ثانيه مو حتى حرام يسمعونه

_عليمن حتى تسويهن تسعه يلا يلا نزعي

سائد _يعني جنتو شاهدين كلشي

مناسك _اي

_ شنو جنتي تحسين شنو الشعور الي يصاحبج بهذيج اللحظة

_واحنه صغار ما جنه نعرف او حتى لو نعرف يعني ما بيدنه غير نسكت جنه نحط ايدينه على اذاناتنه او نحجي وي روحنه حتى لا نسمع
بس من كبرنه ووعينه و
فهمنه هو شنو يريد منها ظلينه اني  وخواتي انظل للساعة ثنتين بالليل بره حتى اذا عنده شي يخلص
وبعدين نروح نام

سائد _ وين بالطرمة الكلها رمل

_اي

_ما جنتي تخافين

_نموت من الخوف اني  و سهاد و ساره و حنين وهناء بس جنه نگعد وحده تباوع للثانيه حتى ما نباوع على السياج كل فكرنه نشوف  شي يخوف جني لو طنطل لو فد  شي لأن اكبرنه حنين هنا يمكن ١١ او ١٢ سنه
وهم جنه   وحده تسولف للثانيه ما نسكت الحد ما تصير بالثنتين هو ماكو ساعة بس احنه هيج قدرنه و  قررنه نسوي

سائد _ ما شكيتو العم الخال الاي شخص يحل هاي المشكله

مناسك _ بعد ما بيبيتي ظلت تروح وتجي العمامي خطار تروح  يومين ترجع متعاركة من نسألهم تطلع هيه صاحبة الحق وهمه الغلطو بحقها
ابو ظل يعاركهم شلون هيج تسوون بأمي
وهمه يگلوله يعني هيه هم امنه شلون احنه نسوي بيها مثل متگول هو مصر همه ديأذوها وجذابين الحد ما
رادت تزوج عمي مجيد الثانيه وزوجته  تعاركت وياها ووي زوجها وراحت الاهلها زعلانه عمي مجيد زعل عليها
بيبي اجتي  الابويه  تشكي

فطيم _يگلي بسببج خذت اولادي وراحت
هذا الناقص لوو مربية جلب هم جان احسن منه

حميد _ يكلج بسببج اليوم اروح واطيح حظه

مناسك _راح ابوي العمي مجيد وهناك متعاركين و
وصايره مشكله جبيره ابوي ضارب عمي مجيد وعمي مجيد دافعه
من دافعه ابوي متخبل ومتكاتلين هناك
و عمامي كلهم تخاصمو وي ابوي
ونكطعوا عنه وهم حسينه يردون  يخلصون من بيبي ومعذورين لأن بيبيتي متسلطه الى ابعد حد
هيه دمرت ابويه 

سائد _يعني بعد ما اجو عليها

_بس عمي مجيد رايح الواحد من اخوتها كلهم اريد اشوفها  واجه الرجال و دز هم رفضت رفض قاطع

_ كملي

مناسك _ نگطعوا عمامي عن ابوي والهذا السبب ما كدرنه نحجي وياهم او نشكيلهم وحتى لو همه اصلاََ يعرفون بي هيج يسوي ما بيدهم شي كلمن حاير بنفسه بس بعد سنه او اكثر 
تواصل عمي سيف وي واحد من اقاربنه يريد هناء
اختي الابنه الجبير وابوي ما رفض بسرعة اصلاََ انطاها

سائد _وجان الشرط نفسه اذا اجتي الكم يطلكها؟

_اي وخطيه هناء اصلاََ ما سوولها عرس ولا حنه ولا خطبه عقد و بيت اقاربنه  لبست الحلقات ابحدها غريبه لا احنه ولا امي رحنه ما قبل

سائد _ واختج ساره كملت زعلتها

مناسك _ بتسمت ساره طيبه وفقيره جانت تزعللها ساعة و تسكت لأن امي دخلت ابالنه العرس ارحم من ابوي فا احنه جنه كلش مشوقين نشوف الرحمة وهم ما اجذب جنه اريد ناكل ابوي موتنه من الجوع الدرجة صرنه نتمنى نلبس بدلة العرس حتى ناكل مو حتى نعرف بعدين شنو يصير او شنو الراح نواجهة

سائد _ وتزوجت اختج ساره لو عنست

_لا تزوجت قبلي بجم شهر الاقارب الي توسطو العمي سيف من جاي وشايف ساره خطبها الابنه وجان وضعه المادي كلش زين وبيت وحده و صحفي الولد صبرت ونالت هيج امي گالت

سائد _تمددت وثاوبت نامت على بطنها
ادهن ظهرج

_لا لا ما يحتاج باجر مياسين اساعدني

سائد _  كملي

_وبيوم من الايام شتا ابوي يبيع لبلبي و باگله
بسوگ الكمالية وحاتم جاي العائلة متعففه وواگف يم ابوي ياكل

سائد _ ما اعرف ليش من جابت طاريه گمت اباوع الملامح وجهة شنو راح تسوي تبتسم تزعل تبجي شنو تسوي قادني الفضول و الجنون
من ابتسمت احس خط نار اشتعل بيه من معدتي الگلبي الرئتيني الروحي كلهاااا
نزلت تلمست خدها هيه رأساََ فزت وگامت على حيلها

_ليش خفتي

_لا لا بس اكملك مو تريدني اكملك

_گليلي ليش من ذكرتي حاتم ابتسمتي

_لأن حاتم جان خوش رجال وايامي ويا حلوه
تقربلي باسني ابعد بأيديه ما اگدر هو حيل جتل واني  اصلاََ منتهيه
خلص الي يريده بسهوله وسوه كل الي يعجبه
وانا ما بيدي غير اعلن الحداد على روحي
الضعيفه على جسمي الي انتهك بأبشع الطرق
هاي المرأه من تقربلي مثل أي مره ورجال مثل اي زوجين عكس قبل

سائد _الدموع تصب وتشهگ وتطلب مني تروح للحمام
نروح سوه
گعدت بالگاع تبجي وايدها ترجف و اللخ مربوطه
هساا ليش تبجين ما تعودتي انتِ مو تگولين اني  تعودت

مناسك _ اني ما كاتلني غير اني ما سويت شي ليش هيج اجازه هذا اختبار من رب العالمين
حشا لله يرضى بذل  عبده

_ليش انتِ متأكده  اكو  الله بالكون

مناسك _يحجي و ناكر وجود الله استغفر الله
عكسي اني تماماََ يجوز اني لو ضاله يم ابويه هيج احجي بس من رحت يم حاتم لاا اني بكل لحضه متأكده الله ما تاركني ووياي لو مهما يصيربيه وبعدي هاي الفتره عن رب العالمين ما هو الا خجل هيج محسبه اني

سائد _ طلبي من الله شي وطلبي مني اني اسوي الج هو ما يسويلج شي
_يحجي هواي حجي صعب ينحجي وصعب انت كمسلم تحجي صعب صعب عظم اللسان ينطق بي

_ ومنو گلك انت رب العالمين المصباح السحري
رب العالمين ويانه واقرب النه من حبل الوريد
بس مو كلشي نريده يوصللنه
مثل هسا انتِ گادر تسويلي كلشي بس ما گادر تحرر روحك من هذا السجن او تحررني

_اي  وقت احب اطلع وارجعله

_بس ما تگدر تطلع وبعد ما ترجع

_......

_حاتم جان يگول اذا شي ردنا وما صار  بالجنه نلگا
مو لازم يصير بالدنيا لأن هاي مو حياة ابديه
هناك الحياة الابديه
عافني واني احجي فتح الباب و طلع
مسحت روحي احس جسمي نارررر
لأن عبالك يتعامل وي جماد بقوه و يتعمد يأذيني
رجع سابح طلبت منه اروح اغسل ع الاقل رفض

سائد _كملي

_نسيت وين وصلت

_ابوج التقى بحاتم  الطائي

_وبيومها ظال ابوي يسولف وي حاتم ومن خلال الحديث عرف ابوي حاتم جاي  يساعد عائلة متعففه وبدربه حاجيله الوضع بالرغم ابوي عنده فلوس بس هو يحب يجدي
ندگ الباب واني  ركضت افتحة متعلمه ابوي يوميا هيج وقت بعد يجي ونخاف يتأخر بالباب يدخل يطربك الدنيا علينه فتحت الباب
وصار حاتم گبالي

سائد _ايييي كملي ليش تحجين بطيء
هي اهووو نامت مناسسك من شفتي شصار شنو حسيتي فرحتي ضجتي
ما جاوبتني

.. زمهرير تلك الليلة
طال اظلعي..

سائد _ اول ليلة من بعد خمس سنين ما نمتها
ولا كدرت انام حاولت وما كدرت منو هذا حاتم
وشلون شكله ومن شافته شسوت
و حبته لو لا الف سوال وسؤال اجه
بمخيلتي المريضة
اكثر يوم جنت انتظر بي الصفاره
طولت هواي الساعة ٧
بعد صراع نفسي اعلنت صفيرها
باوعت للضوا اخضر طفرتلها وجريت ايدها

سائد _كليلي من شفتي حاتم شنو صار

مناسك _ابتعدت عنه ما مفرزنه كلامه بعدني
حتى كتله منو حاتم

سائد _ شنو منو حاتم لج حاااتم زوجج

مناسك _ امسح بعيوني واباوعله
وين وصلنه

سائد _فتحت الباب ووكفننه مثل كل يوم همستلها اكلي ورررجعي للزنزانه على سررريع اريد اعرف شنوو صار

ميار _صباح الخير

مناسك _ باوعتلها لابسه بدي احمر مثل قميص النوم الستن و بنطرون كابوي عريض من جوه و الشعر طويل بطولي و معالم الوجهه مشرقة الى ابعد حد لزمتني من زندي وبعدتني وكأنوا لازمة ريشه ونفختها اني  هم من طيب خاطر وعزة نفس  رحت وكفت بصف الاء

صليل _ جنه بالشهر مره وحده نشوفها هسا يوميا   شكووو مياره

مياسين _قصدك عياره  مو مياره همستله

صليل _ههههههه

ميار _اصلاََ اني اليوم هو موعد جيتي بس القبلها جانت هديه من سيادتهم الصاحب الحصانه

صليل _ اذا انتِ تجين الصاحب الحصانه فا الحصانه بيد جاهد
عيني جاهد اريدك تبيض وجهنه

سائد _كااافي صليل

جاهد _يلا ع الحمامات و الريوگ

مناسك _همه ظلو يسولفون بصالة التعذيب مثل ميسموها و احنه رحنه نغسل اني بدربي سبحت  و رجعنه ع سريع
دخلنه الغرفة الطعام كل وحده شايله صحنها بس وگفنه ناخذ اكلنه
ميار اعترضت طريقي دفعتني
اني  لا اهش ولا انش اخاف
بس اجت تبعد مياسين

مياسين _لويت ايدها هييييي بالدوررر

ميار _تررركي ايدي ادبسزز

مياسين _باعي سوالف الرئيس والريس لا تلعبيهن علينه لا اركجع بهذا الصحن الستيل اطبع خلقتج بي   دفعتها وهيه دخلت جنودها

صليل _شكووو غير بالسره مياره

جاهد _ميار بالسره

ميار _انييي تقارنوني بهذني

مياسين _ماكو فرق انتِ كح..... بالفطره
احنه حديثي العهد

مناسك _ شطت غضب من كلمتها المياسين
تقارنه بهيج شككككل
تركت الصحن ورحت گعدت  بالمكان المخصص النه

ميار _هههههههههه تقارنيني انيييي بيج اني ما اجي بس للريس وتعرفين من اطلع شگد اخذ وياي

رحمة _هنا اكو قوانين بالسره يعني بالسره مو بكيفج

ميار _وهاااي الدعسوقه منو ما بقت عليه بس بنات البضاعة

مناسك _ قصدج بنات الظلم بنات الغصب
احنه هناا غصباََ ما علينه يعني بالعراقي متاجره وهدايه للروس قصدي للريس مثل ما تفضلتي وگلتي
و انتِ بنت ما گلتي بنت البضاعة  من ريس الريس ومن حضن الحضن وتاخذين فلوسج الصبح مثلج مثل بنات البضاعة مثل ما گلتي
ردت اطلع من المكان ما  قبل القائد
رديت گعدت بمكاني بيومها نزلت علينه ميار
غلط ومسبه
هو اصلا ما حجة ولا كلمة
صليل دافع عن مياسين وگلها كافي
وجاهد كلها رحمة عدها حصانه و تكدر عن طريقي تشتكي للحامين ظهري
الا  سائد اشرلي سكتي
وحتى تسكت ميار
غنت مياسين بصوتها العذب سكتت القاعة كلها

مياسين
والبارحة بالحلم جني الهلي رديت
جني الهلي رديت

وما بين ناسي گعدت جن سولفت وبجيت
جن سولفت وبجيت

سائد _ گاعده وايدها على حلگها وعيونها
بدن يصبن

مياسين _ سكتت لحضه

رحمة _كملي

ريت الحلم ما كضه وريت اني  ما فزيت
ريت الحلم ما كضه وريت اني  ما فزيت

_ضاع العمر غربه
كلمن مشه بدربه
ضاع العمر غربه
كلمن مشه بدربه
حگي من اون ع المضه

مناسك _ضاع العمر ظلمة

رحمة _ مسحت دموعي وگمت
شهگر  روحي للسما امي اخ يا يمه يا كل اهلي

مياسين _كافي

مناسك _ ياريت اشوف امي وخواتي بحلم
ياررب حلم بس حلم

مياسين _واني  اشوف منو لا ام ولا ابو بس جدتي
جده تركتني بأكثر وقت محتاجتها
والخاطرها  اني  سويت السويته
دكيت على الطبله وكملتلهن ما اريد اضعف وتنزل دموووعي محد يستاهلهن ظليت ادگ على الطارله واغني

بين عليه الكبر
وشتاگت عيوني وشتاگت عيوني
وين الاحبهم جنت وجانو يحبوني 

من كثر صب الدمع
ما ظن يعرفوني

سائد _ ضمت وجهه بأيديها النحيفات
وتشهگ
لحضات من الدقيقة ودارت وجهة عن الكل مسحت دموعها ورجعت المكانها ولا كأنوا قبل لحضات نمردت عيونها من البجي

رحمة _ احس جدران هذا المكان اطبك على صدري من سمعت الاغنيه باوعتله اگدر اطلع

جاهد _فتحولها الباب

_رحت للزنزانه مالتي دقايق واجه وراي

جاهد _شصار

_ماكو شي شوي ضجت من كلمات الاغنيه

جاهد _ تقربتلها مسحت دموعها لا تبجين

رحمة _لا ما ابجي

_اذكرتي منو زوجج

_لا بالعكس هذا  اذا اذكره اسبه الحد ما يبرد گلبي

جاهد _لعد منو اذكرتي

_امي

_اذا طلعتي ترحيلهم

_لا مستحيل بعد محد يريدني اذا رحت يجوز يذبحوني

جاهد _ مسحت عينها وبستها منها اني  اريدج

رحمة _ خايفه

_من شنو

_ يخلص العمر بين هاي الجدران

جاهد _ ههههههه رغم عدم الامل عندج امل اطلعين

_ماكو انسان ما عنده امل و ما عندة احلام حتى لو كان بقعررالسجون

_ لا احنه يمج اني وصليل والقائد
و زهير  وسلام و كامل ماكو قعر هنا

رحمة _ ليش ما عدكم امل اطلعون

_ لأن احنه نكدر نطلع يمته ما نريد ووقت ما نحب
بس مات هذا الشعور بداخلنه

_اكو احلى من الحرية

_للاحرار الحرية مو كلمة تنگال لااا
اذا انت مستعبديك واذا انت من داخلك مو حر
انت لو تروح تعيش بالجبال واعلى السفوح ما تكون حر

رحمة _منو مستعبدكم
واني  احجي ويا ضوه اللسلكي مالته

جاهد _ خليها هسا غير وقت نحجي

رحمة _كل ما اريد  اوصل الراس خيط بهاي الشربكة اضيعة

الاء _صاحب الحصانه حول

_وياج الاء حول

_اتصال الك

جاهد _جاي
.........

مياسين _رجعنه للزنزانات بعد العشا
بس دخلنه حضني

صليل _ ليش بجيتي على اهلج اني  مو كتلج خلي يولون انسيهم النسوج وانتِ بالسجون انسيهم

مياسين _اني بجيت على امي مو عليهم

صليل _ لج صايعة امج وين شايفتها

_الام مو اله تشوفها مجرد تكبر وتعرف الام شنو
تحبها حب فطري

صليل _ يجوز
خلي نسد الموضوع

مياسين _من حجاها اختصر الكلام على غير عادته صليل يحجي هواي و يحاور
بس اختصر الكلام عن الام بكلمة يجوز وخلي نسد الموضوع
........

مناسك_ وقت طلعت الاء ووياها جاهد لابس الزي العسكري وين انام اليوم الاء

الاء _ تعاي

َمناسك _ خابرت بالاسلكي على سائد رد

الاء _سيادة القائد وين تحب نخلي الفرد الثاني

مناسك _ فرد ثاني بنت البضاعة كح... ساقطه عا.. هره
ابشع الكلمات  نتسمى بيها وكانوا ما عدنه اسماء او يتلذذون بهاي الكلمات.
سكت شوي ورد عليها لحضه اجيلكم

دقايق وصار يمنه باوعلي وباوع الاء

_ شنو اكو مهمه

جاهد _اي

_الاعرفه لازم صليل يروح

_ اظاهر الاخ مسوي مشكله خابروني  يريدوني  اني

سائد _انطلق وانتبه

جاهد _تمام

سائد _ باوعتلها روحي نامي بغرفة الملابس
مثل قبل جم يوم

_تمام اجيت امشي رجعت اگدر اروح للحمام

سائد _ روحي
باوعتلها دخلت للحمام طلعت الاء
دخلت للحمام وقفلته

مناسك _ افضل حل ظليت اتخذه بنص الليل اسبح حتى من اگعد الصبح ما يجبروني وياهم اسبح جنت اتمنى نتعامل بطريقة احسن لأن اصلاََ همه حكمو علينه اعدام تمنيت سجن عادي حتى لو ما يوكلونه  حتى لو نموت من جوع حتى لو ماكو اي شي النه بس غرفه لو كلنه انام بيها الحد يوم الاعدام هم قابله
هذه جانت امنيتي لأن الشفته
صعب ينحجي والاصعب يصدگ
وانا اغسل  بشعري اريد اطيح الرغوه  من راسي 
ما حسيت  الا نلزمت من حلگي  و طوق ايديا

_ احجيلي قبل ماااا اتخبل هسااااا عليج
شنوووو صار من شفتتييييي حاتم الخرااااا

يتبع........
حاتم والف علامة سؤال حوالين هذا الاسم