رواية معتقل الصحراء الفصل السابع عشر 17 - بقلم الكاتبه أم مختار

#معتقل_الصحراء ١٤
#بقلم_ام_مختار
#دنيا_غانم

مياسين _كملتتتت على الاخير

مناسك _هاي دزوها علينه لا تكليلي  ولا اكلج 

مياسين _قدس المحتلة ما مهتمين بيها بگدنه

مناسك _دباعي المشيه

مياسين _ من كد ما ملعوب بيها ما تعرف تمشي مثل الناس

مناسك _اخذوها راح يفتشوها هاي اذا فتشوها

مياسين _هاي ام السجن شبيج هسا عوفيها وخليني اشوف هاي رحمة وين باوعت الشلغم اليوم وحدها تفتر بدون عصابتها
اكلج وين ساران شو ماكو

_والله ما ادري بالي يمها
تعاي ام شمس بلكي ساعدنه

مياسين _ما اريد عندي حساسيه منها هل كائن

مناسك _ابد مو وكت سوالفج البنيه هسا كتلنها وشربن دمها وانتِ متحسسه تعاااي
خاله فدوه رحمة ماكو الكل طلع و رحمة ماكو

_هسا اذا اجت ساران اساعدنه اني ما اعرف احد يكدر يوصل للبوابه الثانيه غير ساران

مياسين _اني گلت

ام شمس _شنو گلتي

_گلت محد يحلها غيرج
تعاي تعاي مناسك هذا هو بعدين نستلمها الرحمة جثه ان شاء الله

مناسك _اخخ من السانج

_يعني والله لو استنجد بشلغم افضل ع الاقل البنيه واضحة ميولها صهيوني الا هاي المراه تعرف الله وبالليل تشتغل مخبر سري مدري عميل مزدوج

_والحل والحلللل مو وقت سوالفج

_اصبري اني اعرف وحده تساعدنه

_منو

_اصبري لليل بس

_يا ليل ولج البنيه ماتت

_دفرتها روحي انتِ دوريها لعد ليش واكفه

مناسك _وين اروح

_روحي دخلي للبوابه الثانيه

مناسك _اخاف

مياسين _لعد انصلمي الحد ما يصير الليل ونشوف شيصير

_شتردين تسوين مياسين

_اصبري دادا اصبرررري

مناسك _ احتفت ميار ما شفناها واني تشتت
بالي يم رحمة وين راحت واختفت وبالي يم ميار مدام دزَها معناها اكو شي صاير
واذا هذا الشي صاير ويانه لو وي غيرنه الالاف البنات بالسجون ليش بس احنه خلونه ببالهم
معقول لأن مورانه احد اي معقول ما يرحون وره البنات العدهم اهالي تصير ضجة غير
......

سائد _هسااا تجيني سياره اريد اطلع للينابيع

صياح _شعدك بالينابيع

_مالك دخل هسااا تجيني سياره ع سررريع

_اول اعرف شتريد تسوووي بعدين اقرر

_ منو هذا الضابط شجاع وشيسوي هناك

_هااا بعد عندك جواسيس هناك

_صياااح اريد سياره اذا ما جبتلي تعرف افتح البيبان واني اطلع عسا ما سنه واوصل للشارع هم اطلععع

_انطيني مجال ارتبلك باج بغير اسم

_انتظرر لا تتأخر عليه

_تمام سده سده
سديت الخط منه اتصلت بالينابيع انطوني ميار

ميار _نعم سيدي

_اريد اطلعون ام شمس من الينابيع اذا سألت كلولها عندج مهمه سأحد السجون

_ليش؟

_سائد يريد يجي للينابيع

ميار بفرح _شنو عرف بيه اني هنا و يريد يجي 

_لااا ولا تفكرين بهاي الامور اني دازج بمهمه تخلصيها وطلعين لا تخبليني ميار وتعرفين ساعتها شنووو يصير خلصي الجاي اكول عليه

ميار _ حاضر حاضر
سديت التليفون و گمت عبرت من البوابه المسموح فقط للحرس يعبرون منها
شافتني حذام هاا

ميار _لازم نطلع ام شمس منا

_وين نوديها

_گليلها عندج مهمه بأحد سجون بغداد
وهسا اجتي اخباريه لازم اطلعين

_تمام

مناسك _ دخلو الحرس جرو ام شمس وطلعو

مياسين _باوعت الصبا هيه رأساََ رفعت ايديها ما اعرف

مناسك _شبيكم

مياسين_لا هيج ماكو شي
بقينه لليل وحده تصفن بوجه اللخ واكيد ببالنه وين راحت ام شمس
كل وحده راحت لفراشها وبقو يسولفون
صحت بيهن  انطمرن الوقت متأخر مو زين عليجن السهر يخرب بشرتجن

صبا _هههههههه يسوي هالات سود الباجي مالتي هيج جانت تگول

مناسك _ خلي بشرتجن تشوف الشمس اول مثل البشر بعدين فكرن بيها امهات هالات
نمت بعد تفكير طويل وين رحمه
وشسوي اجتي ميار

مياسين _سدو البيبان وراحو الحرس سدو الاضويه و گمت الصبا
جريتها من ثوبهه وخليت وجهه بوجهي
فتخيلي هذا الباب واني اخليج تنامين بسلام
اما اذا ما نفتح الباب الي اسويلج هالات ربانيه

صبا _ما اعرف شلون افتحة

_ما ادري فتحي الي بأي شكل من الاشكال

_حتى الحرس راحو

_جيبيهن هزي وسطج وجيبيهم منا العشر دقايق اذا ما نفتح الباب يا صبيه انتف شعرج

گامت هيه تباوع يمين يسار محد موجود
وين ديج ابوي كون هسا ديج ابوي واهده على صبيه اخلي يمرعدها تمرعد

اجوي الحرس هيه بسبستلها اني مو كلشي اشوف لأن نايمه بفراشي بس بعد عناء فتحتلي الباب و الحرس راح طفرت الجربايه مناسك

مناسك _فتحت عيوني شفتها فوكايه و كوشتها مطشره كلبي وكف من الخوف

مياسين _گووومي

_وين اگوووم رجليه صابهن رجيف من شوفتج

_گومييي خلي نجيب رحمة ونجي

_وينها رحمة

_نروح للبوابه الثانيه اكيد مسوياتلها شي نجيبها ونجي

_اروح للبوابه الثانيه يم شلغم لا دخيل الله ودخيلج اني ما اروح

_كووومي لا اهد صبا عليج تعضج
تذكرين جاهد و سائد شلون خوتهم حلوه لعد انتن شبيجن كووومي

مناسك _اخذتني الحمية و گمت وياها
طلعت من الزنزانه مالتي تتقدمني مياسين واني لازمه بثوبها
. مياسين _اذا تبقين لازمه ثوبي انزعة وامشي مصلخة

مناسك _فدوه مياسين

_خايبه المثلج هسا ما تخاف شجاج

_ولج شلغم ما ادري شسوي بالنسوان

_تره هاي شلغم مو ابو طبر

مناسك _مياسين ما تسكت تحب تحجي هواي تحجي واني الخوف ماكلني وهيه بس تضحك
سبحان ربي الخلقها وخلق صليل هيه طينه سواها واظاهر كفت بس الصليل ومياسين

البوابه بينه وبين البوابه الثانيه تبقه مفتوحة على طول طلعنه ودخلنه للبوابه اللخ اني بس خطيت بيها جسمي كام  برجف

مياسين _ هديييني

_ما اخاف

_وثول حتى ثول الرايح للوكر يخااف

_تقدمنه شوي  واسمع صوت من وراي
وحده تگول هاااا شتاقيتن..... واجيتن

لو يشرحوني قطره دم ما يلگون بيه

مياسين_ اي اشتاقينه ممكن لو سمحتي ادلينه وين نروح

_اووو فوتي جوه وشوفي

_اريد زنزانه شلغم بلا زحمة

_هههههه بلا زحمة ههههه مؤدبة هواي

مياسين _مو  احنه نحب نعمل بأصلنه الحد ما نشوف اصول الناس وناخذ فكره بعدها ننزل المستواهم

_ هذيج الگدامكم زنزانه شلغم

مناسك _اني رايحة فدوه مياسين والله احس روحي راح اموت قبل قبل لا اوصل الزنزانه شلغم

مياسين _ليش انتِ بعدج عايشه
بقت مجلبه بثوبي و اني و گفت بباب زنزانة شلغم الباب مفتوح الحد هسا اييي الحصانه بعد

شلغم _هاهاهاهاهاها هاي شنو تجونه برجيلكم
شگد حلو

مياسين _ البشريه تمشي على رجليها اما الضفادع على جميع اطرافها

مناسك _تحجي وتأشر عليها واني راح اموووت
فدوووه مياسين

شلغم _شنو تردين عيوني كلشي متوفر عدنه

_امس هيج وكت اجتلكم بنيه اسمها رحمة بغض النظر انتو تعرفوها او لا بس هساااااا اريدهااا

مناسك _طلعت وحده عينها مورمه وگفت وره شلغم وحجت

_ياااا هذوله جماعة هاي الخوينسه صدووووگ لو گالو من سكوتو موتو

مياسين _ ووووين رحمة

ميار _ الهدرجة مشتاقيلي ما گدرتو تصبرون اجيلكم

مناسك _من وراي طلعت يمه شصار بحالي

مياسين _اي من حبنه اجيناج باعي مياره العياره امسس صديقتي اجتي هنا هسااا اريدها لا اكلب السجن عليجن وكررر و حق الحق

ميار _لا عيني كلشي ولا زعلكم الساده موصين بيكم خاصه ب مناسك

مناسك _اخذني الله ولا خلاني

ميار _وين البنيه الامس اجتي

شلغم _بالانفراديه

مياسين _شسوووي بالانفراديه

شلغم _ الجلب لازم يتروض

ميار _شصاير شلغم

_امس البنات اشاقن وياها وهيه شبعتهن كتل

مياسين _باوعت المناسك حتى رحمة الساكته اخير منج طلعت تكتل

مناسك _مدا اشاقه وياج مياسين طلعيييينه منااااااا

_طالعين طالعين على كيفج باعي مياره العياره انطوني صديقتي و انهو السالفه

ميار _انطوهن البنيه وخليهن يرحن

مناسك _كامت تمشي ووتلوه سبحان الله الخلقهن حتى المشيه نفس الشي غابت عن عيونه كملت السرداب وحده شوي ورجعت هيه ورحمة
رحمة عدها اصابات طفيفه
بس اباوع الهذنيج الوجوه مورمة

مياسين _ شده وكضت الحمد لله على سلامتج

رحمة _الله يسلمجن كلت نسني

مياسين _لا شلون ننساج مناسك گالت هساااا ندخل الجحر شلغم ونجيبها

مناسك _خزرتها و مشيت قبلهن

مياسين _شسويتيلهن

رحمة. _  رادن يغتصبني جرتني من رجلي تتلمس جسمي

مياسين _وشسويتي

_صرتلهن جاكي نزلت نفذت بيهن النفذو بيه بالوكر
نزلت من جربايتي لزمت راسها وگعتها بالجربايه بس هنه اكثر بس شلغم ما خلتهن يدورن عليه اخذتني للانفراديه واظاهر الانفراديه الها لأن الباب ما ينسد وهيه بكيفها تسرح وتمرح و   هيه دخلتني للانفراديه و البوابه مالتهم تختلف عن مكانه كلش واكو غرف فارغة كلشي ببالج موجود يمهم

مناسك _تابعات الصياح و گومه شترديهن يصيرن غير السجن بأمرتهن
اجينه نطلع نروح البوابتنه صار گدامي سائد

رحمة _جاهد وينه

سائد _انعل ابوج لابو جاهد تعااااي انتِ

مناسك _لزمني من ايدي اصابيعي تكسرت من كد ما قابض ايده عليه يريد يرجعني الزنزانه شلغم
واني اثبت روحي ب الارض ما اريد اروح بس وين اني شنو اطلع يمه يشيلني بأيد وحده
دخلني بوحدة من الغرفة الانفراديه وسد الباب

مناسك _ عليه عليه الدوره لا تتقرب خوش
حرام عليكم هيج تسوون بينه تركونه احنه مو يمكم ولا بگرباكم

سائد _ اليوم اخليج تخرين دم من فوگ ليجوا اذا ما كتيلي شحجيتي وي الكو... شجاع ومنو هو اصلاََ

مناسك _ ما حجيت ويا شي
والضابط شجاع كلش خوش انسان ومحترم

سائد _ شحجيتي ويااااا

ما حجيت شي

_يعني سولفتو ساكت

_لا كتله شلونك وهيج بس

_شلونك وهيج بس؟؟
اني جايبج هنا حتى ابعدج عن التعبانين تفهميني لو انتِ مخ ماكوو

مناسك _انت ما جايبني بكيفك انتو لعبتو بيه لعب وهسا جاي تكلي جبتج هنا
لزمني من فكي بكل قوته

_باعي مناسك فكج اعوجة الج اذا صوتج هذا ارتفع ولو مااا انا جان هسا انتِ بيددد صياح و تعرفين البيد صياح شنو يعني
يعني ميار نسخة ثانيه
اذا تردين تصيرين مثلها اني بأيدي اوديج

مناسك _ كتلك شنو يريد مني هسا خليني اروح

سائد _ ترحين شسوين

_اروح الزنزانتي تره انت تكدر تجول بس اني طالعة بدون ما يدرون اذا شافوني اتعاقب

سائد _وشعندج طالعه وشسوين هنااا صدگ

_امس رحمة اجت ومن صبح الهسا مختفيه اجينه ناخذها لان شلغم حابستها

_ هاا فهمت يلا روحي

_وين اروح

_طلعي مو تردين اطلعين لو تبقين يمي
على صدري تنامين

_لا لا اطلع اطلع بس ردت افتح الباب اريد بس اطير فتحلي الباب و الممر ظلمة خاصه و الممر كلش طويل باوعتله

_هااا شبيج

_لا ماكو شي مشيت جم خطوه وباوعتله اشوف خياله واگف بالباب بس ما اشوف منه شي

سائد _يلا روحي ليش واكفه

_ حاولت اشجع بس اني جبانه انا اعترف اني جبانه بس جان خوفي من  شلغم اكثر من الظلام
خاصه وبعد ما رحمة كالت رايدات يغتصبوه

بقيت واكفه بمكاني

سائد _تعاااي

مناسك _ وصلني

سائد _هههههههه ليش ما تبقين اليوم بالانفراديه

_.....

_سائد _ ما ينشاف منها شي بس اني شفتها
احسها بروحي مو بعيوني تنشاف
استغرب على نفسي شلون حبيتها يجوز حبها ابتلاء لا لا اني متأكد مو حب لان حبيت شي اقوه اقوه من الحب

سائد _ لا تخافين تعاي اني اوديج

_مشيت ويا من شتد الظلام لزم ايدي وضغطها حيل

سائد _مناسك لا تحجين وي احد عليج بربج  خليج بس الي

مناسك _ من يحجي وياي ما احس بأي شي
بالعكس استغربه شلون وهو بهذا الوسط وگادر يظهر مشاعر و يحب
اشفق عليه اتوقع مريض نفسي
وصلني للزنزانه مالتي دخلت وهو سد الباب

جاي اصعد لفراشي لگيت مياسين نايمه بي
نزلت تمددت ب الارض

شوي و نفتحت الاضويه حرس

_مناسك حميد

_نعم

_تعاي

_مياسين _حلمتو بيها شنو

مناسك _طلعت وياهم عبروني البوابه الي دخلت منها و الي ما يصير يعبرها اي سجين دخلوني غرفه صغيره بيها سريرين  ودافية بقيت واگفه شوي تعبت و گعدت  على جربايه
دقايق ودخل هاا جابوج يلا نامي

مناسك _ اريد انام يم البنات

_لا تخافين ما اسويلج شي اني الفجر طالع

_ليش جبتني هنا

_شفتج نمتي بالگاع و القوانين تبديل الاسره فقط بالنهار فا باجر اخليهم يجيبولج سرير

_ميخالف اني اريد اروح هناك

_الحجاب حلو عليج

_......

_كدرت اتجرأ وامد ايدي على بطنها
شنو حسيتي 
_يعني شنو

_من گتلج حامل مني شنو حسيتي

مناسك _ انا نعسانه وهذا يريدني احسحس
ما حسيت بشي فدوه رجعني

سائد _ ليش جافه وياي مو جاي احجي وياج

مناسك _ اني اخاف احجي وياك
بس تسمحلي اكلك الي بكليي

_اي گولي ولا تخافين

_احنه بمكان ما يسمح نحب
بمكان جردونه من كلشي خلونه نحس بالالم بس

احنه بمكان...

سائد _احنه بمكان گادرين نگلب عليهم الطاوله و نطلع منها

مناسك _شلون

_ اصبريلي بس اصبريلي اذا طلعتج منا تجين يويا

_.......

_احجي ليش ساكته

_ما اعرف اخاف اتأمل اني اريد اطلع حتى لو انهزم ما عندي شكال لأن تعبت من هذا كله
بس ما اتوقع تصير

_تثقين بيه

_ ردت اكله لا بس كلت خاف يكتلني سكتت

سائد _وصلني الجواب حقج
بس من اسويها راح اثقين وهسا نامي

_تمددت علي الجربايه وتغطيت
طفى الضوه وهو هم راح لفراشه
دقايق اباوعلها الخوف ماكلني
بس بعدها نمت من تعب ما دريت بروحي

سائد _انتظرتها تنام اريد اشبع منها شغلت الضوا و بقيت صافن بيها نايمه و ايدها تحت خدها
هاي المره غير عن كل مره ما حسيت بشهوه او مره يمي خلي اتقربلها لا بالعكس اريد احميها مني
ما اريد حتى امرر اصبعي على خدها
من شفت مناسك استشعرت بعظمة الله بوقتها
رغم نكراني الى لله سبحانه و تعالى
بس هو دزلي مناسك رحمة
رغم اني عشر سنين اعاتب الله لأن هو ما رحمني ونقذني من صياح
بس هو هداني مناسك

نكرته وردني الى رد جميل
كفرت بي ورحمني
اذكرت كلمتها من كالت حاتم يكول تتقرب من الله شبر يتقرب منك ذراع
اني ما تقربت بس هو ذكرني بي
عن طريقها
طفيت الضوا ونمت
صدگ اريدها تنام يمي
بس تخيلتها يمي وهذا يكفيني
الفجر انطوني خبر السياره جايه عليه
گمت لبست الزي الرسمي مالتي
صارت طكطكه فزت
رجعي نامي

_لا لا وديني هناك الله يخليك ما بيه حيل الانفراديه

_ لا تخافين ما ياخذوج انفراديه اني منطيهم خبر
اني راجع للمعتقل اي شي تردي مني بس انطي خبر الصبا

_خوش خوش

_من بعيد باوعتلها و طلعت

مناسك _بس طلع اجوي عليه واخذوني كلهم الحرس شافوني بس ولا واحد فتح حلكه خليني اني  اطلع اووو يدخلوني انفراديه اسبوع اقل شي ويشبعونه كتل
......

سائد _بس وصلت للمعتقل تلكتني الاء
يردوك اتصال
الوو

_اهلاََ عفيه عليك تسمع الكلام رجعت بالوقت المحدد

سائد _ بعد احنه عبيد ما نگدر نكسر كلامك

_عفيه عليك هيج اريدك اذكر انت شنو واني شنو

سائد _شنو تريد

صياح _عندك مهمة بس اريدك تجيني للمكتب مو هسا ارتاح و بالليل تجي عليك سياره تاخذكم انتو الثلاثة

_ليش تلاثه

_من تجي تعرف

_تمام

سديت التليفون و صعدتلهم
حجيت وياهم

جاهد _مدام تلاثتنه هاي المره يردونه انتحاري

سائد _مستغرب ليش تلاثتنه
صليل _ اظاهر خلصت مهمتنه ودازينه للموت
حتى الموته جماعية يا اخي شوكت افاركم ما ادري

سائد _ كو.... انت لازك بينه وتگول شوكت افارگكم

صليل _ غير انا دبگه و انتو لزگ

سائد _هههههههههه

صليل _ اكلك صدگ شفتها

سائد _ايي

صليل _فاخ كلبك

جاهد _ليش احسك انت عمته

صليل _ مو صاحبك يدور حب رگي بالزگ.....

سائد _انت منين تجيب هاي السوالف ولك

_انتو تعرفون اني ليش اتأخر من اطلع مهمات وليش صياح ما يدزني هواي

_ليش

_لأن شكو گهوه اشوفها بدربي اكعد بيها وشكو شايب اگعد  اسولف ويا الحد ما اقتل القتيل وارجع

_هههههههههههههههه بشرفك صليل

صليل _وحق رب مناسك

سائد _ستووووب يمعود

_لا لا نسيت اغاتي نسيت

طلعنه بالليل للمقر تلاثتنه
وصلنه هناك الكل موجود الا ميار
بالينابيع و ادري رايحة شسوي هناك
و هاي بعد الفاصل بيني وبين مناسك

دخلنه سلمنه الملفات اكثر من تلاثه و كل الملفات تلث خطوط وتلث خطوط معناها قتل

سائد _فتحت الظرف الي دازينه نقتلهم الهم
همه عامة الناس وهاي اول مره من عامة الناس عادتاََ الي نقتله هو سياسي ابن سياسي اخو سياسي او ضد حركتهم السياسية

سائد _ بقيت افرك بگلبي اخ يمه گلبي

صليل _فزعناله كلنه شبيك

سائد _ هوا ماكووووو كلبييييي

صليل تخربط بين ايدينه لازم صفحة گلبه ويصيح اريد هوا شلنا وطلعنا و هو يصيح گلبي النفس كام يجره على عدة مرات
ويشهگ من كد ما يختنگ

صياح _جيبووولي دكتور

سائد _اريد... اريد دكتوره المعتقل

......

مناسك _گعدنه الصبح مثل كل يوم التكرار
بس اليوم بعد الريوگ اجتي حذام اليوم عرفنه اسمها الي بدال ساران

حذام _عندج زياره

مناسك _زياره اني عندي زياره اني اني متأكده

_اي مو انتِ اسمج مناسك حميد

_اي و الله اني اسمي مناسك حميد

_اي انتِ عندج زياره

_يمه يا بعد گلبي ما نسيتيني خليت ايدي بأيدها وطلعت يمه ويا جنت هلي يمه يا ريحة الجنة
احس الطريق صار طويل و اركض و ما اكدر اوصل
اخيراََ وصلت الغرفة الزياره فتحتها ودخلت

ميار _شلونج مناسك ان شاء الله زينه

مناسك _بادت روحي بعد الفرحة اللسعتني
عبالي امي طلعت ثعبان من ثعابين الظلام

ميار _يا حرام ما فرحتي بشوفتي

مناسك _ وجهچ سجن و مكفاج حكم اعدام
شلون افرح

_ميار _ تدرين شنو الحلو بوجهي و مكفاي
راح يرافقنج طول العمر الا اذا

_الا اذا شنو

_ تفضلي هاي الاوراق اقريها تعرفين تقرين

_مو قويه يعني

_لعد جيبي اني اقرالج وانت استمعي

_الاوراق بعد ما ذكرت اسم المحكمة و القاضي و رقم قضيتي و اسمي
ا
نهايتها برائتي من قتل حاتم

ميار  _بس توقيعج ينقصها

مناسك _هنا مربط الفرس وشنو مقابيل توقيعي

_شي جداََ بسيط

_وهو

_احنه ندري بيج انتِ جنتي بنيه وندري
بعدج جديده بالباكيت

مناسك _.....

_صياح بنفسه طالبج ويريدج ويگول مقابل ما تصير الي حريتها

يتبع.....

صياح النذل!!!