رواية معتقل الصحراء الفصل السابع والعشرون 27 - بقلم الكاتبه أم مختار

#معتقل_الصحراء ٢٦
#بقلم_ام_مختار
#دنيا_غانم

سائد _ لابس الدشداشه البيضه والبشت كريمي
هريسي  هيج شي ويفر بالعبايه
حضنته ضميته بين ضلوعي ساااقط وين جنت

صليل _ مياسين موجوده

_ايي اييي لا تخاف

_خلي اشوفها واحجيلكم

مياسين _ صعد صليل بعبايته من شافني ابتسم
ادري انا غلط و ادري ما يصير اسويها
بس مرات الانسان يتصرف من غير شعور
ركضت الحضنه وحضنته

صليل _ رجعتلج يااا محطة گليبي

مياسين _خوووفوني رادوني اروح واخليك ورايي ما يدرون انيي بدونك ما اكدر اتحرررك

مناسك _تشهگ مثل الطفل وتشكيله
شلون الطفل من ينضرب ويروح يشكي الامه شلون اختي هدير جانت تشتكي الامي هيج

صليل _ بستها براسها لا تبجين اني موجود
محد يگدرر يخوفج واني اشم الهوا

_لو شما يصير بعدد لا تتركني واني هم ما اتركك لو يموتوني

_لا ما اتركج والله لا تبجين

سائد _ باوعتلها يمكن بوقتها ضجت ايي ضجت ما اجذب يعني كلها وصلت  المبتغاها الا انا حتى بعد الصار
رحمة حضنت جاهد
ومياسين اشتكتله بحضنه وعتاب
واني بس الحمد لله على السلامة
ادري  الاطلبه صعب بس اني رايدهااا
اني هم بشرر هم اريدها تحس بيه
لگيت حواجبي من وحدهن معگودات گعدت صامت ما طلعت مني كلمة

مناسك _باوعتله مدخن يباوعلي بطرف عين ومبين معصب
شبي هذا الحمد لله

ام سائد _الحمد لله على سلامتك يوم

_الله يسلمج خاله

مياسين _وين رحت ليش هلكد طولت

صليل _ غير بتليت على عمري
........
صليل _من ركضنه ركضت مسافه طويله وهمه وراي   تحاصرت من الجهتين طفرتلي ببستان واحنه مدربين اصلاََ الزحف على الارض اخذتها زحف حاولت اطلع من البستان ما كدرت بس الحلو همه ما دخلو للبستان
ختلت جوه كوم شجر الظاهر صاحب البستان
مكطعهن وخالهن حظي الحمد لله
الصبح اجيت اطلع من البستان ولزمني صاحب البستان

_شسوووي  هناا

_ عمي حتى تشيرتي مو ابيض حتى اكلك استسلمت شسوي هنا مثلاََ اسوي سحر الارضك غير الامن يركض وراي وختلت

_ هاي انت الامس كلبو المنطقه عليك كلاب

صليل _انا ووياي تكين الله واعلم وين همه هسا

_والله خوش ما خايف وتضحك

_عليمن اخاف عمي بس هسا طلعني منا والله وياي

_لا اليدخل ما يطلع

_هاا عمي انت حزبي رحت بيها ابو أصول

_ههههههههه  عبيس ولك عبيس تعال اخذو الضيف عمي انا منكم وبيكم يا حزبي يا شيب ابوي

صليل _عمي يا ضيف  يا صخام خرطت العافيه صدگ جذب

_ولك انت منين لهجتك مو جنوبيه

_عمي انا من قسطنطينيه ساعة السوده الصرت بيها ببغداد

_حي الله اهل العاصمه بويه لا تخاف خلي يهدأ الوضع وانا  اوديك للمكان الي تريده والامير علي

_لا عمي ويني وين الخوف الخوف يخاف مني
بس ردت اكلك عمي عدكم اكل

_ههههههههههههه خير الله جثيرر

صليل _اخذوني للبيت المضيفهم الفهمته منهم
احنه بناحية اسمها ناحية ساده البو حمد
بس يابه شلون ناحية تجلط تخبل وشلون ناس معدلييين لوو شما احجي ما اوفيهم حقهم
طلع ابن هذا الرجال شيخ
سد المظيف كله الخاطري وكلهم كل مشاكلكم
هسا تنسوها الحد ما نوصل ضيفنه  البر الامان

ذبحولي خروف والله ما ابالغ يابه اكلت اكل اليشوفني يگول بحياته  ما ماكل هذا
بس عليهم نفس طيبه مثل روحهم

جاهد _احنه  هنا نضرب اخماس بسداس وانت هنا   تضرب بالخمسه

صليل _شسووويلهم غير عدهم عيب الضيف يطلع
تلث ايام  احاول ما خلوني لازمين عليه السلاح
عمي والله مستعجل واهلي بالهم يمي

_ميخالف بين ما المنطقه تهدأ انا وولدي نوصلك وين ما تريد
وهاي ملابسك ذبها بويه لبسو ثوبنه خاطر لو اجو ما يشكون بي
اشترولي دشداشه و غتره وعملوني شلون البسها
وحجولي عن زيهم و العگال
ثاني يوم كتلهم عمي و الله اخوتي مناك
ابدد كلي اذا تطلع نحط بيك جيله
همه امن بس بغير طريقة

سائد _ هههههههه

صليل _ بس و الله عدهم نثايه باوعتلها لگيتها تباوعلي صفح
بس راحت عليهن بعد هيه نثيه وحده دخلت للگلب وسدت الباب وراها

مياسين _ يجيلي يوم مشلعه هاي العيون

صليل _ يمه اسم الله صارت تخوف اي المهم ثالث يوم الي هو هسا الصبح ضيفوني و انا كعدت  وي الحجي وشرحتله لازم اطلع لأن اخوتي مناك هسا مخبوصين خبص ومريتي هم هسا بالها يمي خطيه صاح الولده وكلهم بويه توصلو وين يريد يروح ولو جاسه الامن لا ترجعولي للبيت اذبح#كم انا
تسالمت وي الشيخ وتشكرت منه وبالغلط ابديت اعجابي بالزي مالته
نزعلي عبايته و گلي ذكره من عدنه
من اجيت اطلع الحجي انطاني فلوس ما قبلت اخذهن بس گلي اذا ما تاخذهن اعتبرها نكرت الملح والزاد  الي بيناتنه خليهن عندك كلشي يصير ويفيدنك
خجلت ما بيدي شي اخذتهن منه وبست راسه و
لبستلكم الزي و اجيتكم ذبوني بباب علوش تانكي

سائد _ ياريت وضعنه احسن من هيج جان ما طلعنه من الناصريه على طيب اخلاقهم

صليل _ باوعتلها لگيتها بعدها تباوعلي صفح
ابتسمتلها وهيه  مكشره
والله اشاقه شبيج

_خوشش

سائد _مدام كملنه خلي نتفق وي علوش اليوم يطلع اول واحد من عدنه

واليطلع جاهد

رحمة _ ليش مو كلت انا

_هذا الحجي قبل لا يجون الولد
هسا احتاج رجال هناك مناك يستلمكم كلكم

صليل  _ليش مو اني  ولك والنبي  عدنان يركض وراي  بايديه ورجليه

_الهذا السبب مو انت الاول نخاف تنلزم و يسدون الحدود عن بكره ابيها  وكلنه نروح بيها خلي جاهد يطلع الاول  و انت الاخيرر

صليل _تمام ابن البطة السوده اني خاب بالحسين اذا كضووني

_ههههههههههههه
سائد نزلنه حجينه وي الولد گال ساعة ونطلع 

جاهد _بهاي السرعة

_اي حتى ندخل الحدود بالليل يصير الوضع افضل
دوم الليل ساتر العيوب

_هذا هو يلا

علوش _بس استلم الفلوس اول

جاهد _اي اسلمك بس تنزلني بسوريا

علوش _متفقين اذا هيج 

سائد _من تدخل سوريا وين تنزلهم

_بكيفكم وين ما تردون بس العراقيين كلهم ينزلون يم السيدة زينب

جاهد _هذا هو ننزل يم السيده اذن

سائد _ مدام هيج متفقين تعال جاهد
جمعتهم كلهم وحجيتلهم
سمعوني جاهد راح يعبر اليوم ورح تنگطع كل الاخبار عنه
فـ يا جاهد تتفق  وي علوش تحددلك مكان انت ويا يوميا تروحله تستلم الي راح يوصل ما اريدد يصير اي غلط

_راح اشوفلي مكان مميز اكله هنا تجيب البقية واني هناك تلكوني يوميا

سائد _عشت اكددد عليه واليطلع  هم يأكد على علوش متفقين يابه

_متفقين

_في حال صار شي بالطريق اليلزم لا يجيب طاري احد سمعت  جاهد

جاهد _ لووو يكطعوني وصله وصله حرف ما يطلع من الساني وعدد ووعد  مال عشره عمر

سائد _واني متأكد منكم

مناسك _تحاضن  وي اصدقائه وبس الفلوس مالت علوش  عنده اي شي ثاني ماكو
وهذا  جان طلب من علوش لان المكان الي راح يطلع بي صغير ما يحمل خاصه وهمه ضخمين 

جاهد _ ديري بالج على نفسج

رحمة _ان شاء الله

_عگب باجر  بأذن الله بالليل تكونين يمي

_انتظر  بفارغ الصبر

مناسك _باسها من راسها و كلها محصنج بألله ونبيه ودعها وطلع
نزلنه كلنه نشوف السياره  الراح يطلع بيهاجانت سياره حمل نهاية الكشن مثل التابوت الحديد مكان صغير من شفنا شهگنه نام بي جاهد بالگوووه كفا حتى توجع جتفه خطيه
وبي فتحة صغيره للتنفس بسس ختنگت روحي من شفته
ذب فوگاه البضاعه الي يعبرها جان مرتب بشكل صحيح

سائد _صاحبي امانه الله بأيدك
اذا حسيت بخطر  لا تكمل الطريق اريد صاحبي منك انييي

علوش _اني كتلكم اذا صار شي اصلاََ اني انجر  قبله

_ميخالف اذا حسيت بخطر ارجع  لا تكمل واني انطيك فلوسك

_الله كريم.

سائد _ حركت السياره ودعيت ربي يحفظليا
هذوله ولدي اخوتي اهلي همه كلشي بالنسبة الي

صليل _ يا الله

سائد _اذا عبر الله  كاتبلة  عمر بعدد

صليل _ان شاء الله يعبرر

مناسك _ طلعت رحمة جابت اكل محد اكل
حتى هيه خوف رعب بالنه كلنه يم جاهد
الطلع و جان الاول
خوفنه ع الفلوس الي بدت تخلص من غير المبلغ الي طلبه جبير علينه كلنه واحنه فلوس ما عدنه بحيث بعد ما سائد عزل فلوس طلعتنه گال جوعو هاي الجم  يوم وتحملو

.......
جاهد _ مكان صغير ما اكدر احرك جسمي لازم ابقه على نومه وحده جتفي تجرح بسبب حجم المكان  و خنگه بقيت اتنفس بصعوبه
من اذكرهم اقوي روحي من اذكر رحمتي اگول عكب باجر توصلني ميخالف اتحمل
تعدينه سيطرة الناصرية بكل سهوله
وهنا حسيت  شوي  بالامان  لان همه يفكرون احنه بالناصريه واني جتازيتها  اسمع اصوات بعيده
صوت السياره براسي  يدگ والطسات و الطريق
حاولت اغمض عيوني وانام بس ما اگدر صعب
تعدت كم ساعة ووكفت السياره
حتى صوت انفاسي ما كمت اسمع نفتح باب السياره
گلت يا الله
تحركت الغراض اليمي
يمكن متت بوقتها بس من شفته السايق رجعت حييت

_شنو ما جعت ما عطشت

_ كول ما متت يمعود صار بيه ابو صفار والله

_هههههههههه لا تخاف انا كل جم ساعة اطلعك غير تموت بمكانك اذا بقيت

_رحم الله والديك
انطاني لكمة و ماي
انت  بس تهرب ناس

_لا شايف جلكان السياره لاحمة بالنص
وتارسه  بانزين
نبيعه بسوريا نستفاد

_هااا

_يلا نكمل  الطريق

_يلا
رجعت نمت بمكاني حتى ما سالت اني  وين اخلي الطريق هو يخلص احسن قبل لا يخلص روحي بالاسأله
تعدينه احد المحافظات اسمع الجندي يطبطبله ع سياره ويگله توكل الله وياك
ياررب لا تنساني اني عبدك الضعيف
استغفرت حشا لله ينسه عبده
من الخوف بقيت احجي كلشي
بعد ساعات وساعات وصلنه للرطبة
شلون عرفت  هو قبل لا يوصل نزلنه بالصحراء جان الطريق هيمه انطاني ماي و لفة جبن و تمرايه
وگلي شوي وراح ندخل سوريا

جاهد  _يعني وصلنه الحدود

علوش _اييي

جاهد _هنا صعوبتها مو؟

علوش _الله يسهل گول يا الله وخلي نكمل

_اييي يلا يا الله
نمت بمكاني تحرك هناك وفتر حسيت هو صار بالحدود
يارررب انا اريد ابدي بداية صحيحة وانت اعلم وانت بعد بكيفك
ما اعرف شنو ادعي ولا انا الجنت مؤمن شنو جان يطلع بالساني اگوله اسمع صوت سيارات صوت ناس بس بعيد
حرك ورجع  فتر واني وي كل حركة منه  تصعد روحي للسما وتنزل
هناك وسمعت علوش يحجي وياهم نفتح باب السياره كطعت نفسي و الله كطعته من الخوف
اسمعهم يخرخشون يمي فتشو وما اعرف شنو فتشو بالضبط بس سمعت من دگ ع السياره وگله حررررك
عبرنه الحدود العراقيه والسوريا وصرت بالاراضي  السوريا واني قطررررت دم ما بقت بيه
......

مناسك _بالليل وصليل و سائد يفترون ولو گعدو واحد بوجه الثاني ويكومون
لكمة من الصبح الحد الليل ما اكلو
تعبنه ونعسنه حاولنه انام بس من حركتهم ما كدرنه

ام سائد _كااافي يوم راح تموتون روحكم ربكم يسهل شجاكم

سائد _ واذا لزمو واذا هسا جاي يعذبوو
هسا هو لازم يكون وصل

_بعد شنو بأيدك لازم يا يمه تصبرون راح تموتون روحكم

صليل _ ربي يسهل دربه

سائد _ نامو ارتاحو احنه ما جاينه نوم

مناسك _غفينه من فزيت الصبح لگيته نايم على الحايط و صليل راسه علي رجل سائد
ذبيت الغطا على سائد ومياسين غطت صليل جانت الغرفه بيها شباك وشوي الجو بارد
صح صيف بس الصبح بارده
و مو مثل صيف هسا بالعراق يگولون يموت

حس سائد وفز

_محد وصل

_لا وين احد وصل اذا وصل يوصل بالليل غير

_ايي هو هم هيج صحيح

سائد _الفلوس ما تكفي شنو الحل

صليل _ بقن بس فلوس السفر؟

_وفلوس المبيت هنا فلوس  اكل ماكووو

رحمة _ سهله

مناسك _خلت رحمة  عبايتها على راسها ونزلت بدون ما تحجي ولا كلمة بالنص ساعه رجعت  بأيدها بتيته وطماطه و بصل و خبز

_منين جبتيهن

رحمة _والله ما اجذب  عليك شافوني على گد حالي  ونطوني
مو انتو كلتو اهل الناصريه اهل كرم
وراوني كرمهم محد قصر وياي

صليل _ يعني كمنه نجدي

رحمة _نجدي ولا نبقه هنا  و اذا قللتو من فلوس السفر يعني معناها نبقه هنا
قابل  منين نجيب واكيد ما يعبرنه لووو نموت بدون فلوس

مناسك _  صحيح كلامها  انطيني الطماطة اكصصها كمنه سوينه طماطه الولد ما اكلو بس احنه

سائد _صارت ما تنجرررع العيشه والله
كمنه نجدي حتى ناكل وياريت الاكل هواي

مناسك _ضميت الخبز الباقي
ههه بالنسبة الي كلش عادي رحمه الوالديك حميد خوش دربتني تدريب
جانت امي اذا تسوي طماطه يخليلنه بس كشورها
والخبز بس الحوافي يبقن

سائد  _ هم يجي يوم واشوفه هذا الك... الا اكسرله سنونه بحلكه وابلعهنيا

مناسك _ اجه الابدع من حميد ع العراقيين كلهم ومع هذا  العراقيين يتقاسمون رزقهم

مياسين _عم الهدوء متأكدة كل عراقي من يرجع الهاي الايام يكول الله لا يعودهن
بس مع الاسف الموجودين هسا  سوو الاتعس بينه خلوهم بلحظه من لحظات الضعف يتمنون النمرود الاسبق

........

جاهد _ نفتح باب السياره وخر الصناديگ الموجوده  وفتحلي الباب
هاااا بشر

_الحمد لله على سلامتك صرنه بسوريا

كمت كل قوتي بحيث نعت جتفي عت حضنته رحم الله والديك ما قصررت

علوش _وين تريدني اوصلك

_اريدك توصلني المكان كون كل اهلي تجيبهم  النفس المكان

علوش _اكو مكتب بشارع العراقيين اسمه مكتب الشايب
هناك انا بعد اروح حتى  ارجع وياي ناس للعراق

جاهد _ فدوه اخذني اله

_يلا كوم انزل وتعال يمي بعد محد يسألك هنا

_وبالنسبة للاقامة

_ادخل الشام وشوف اهل الشام  وهيه راح تجاوبك

_ما فهمت كلامة بس طلقت العنان الروحي
افرح بوصولي واخيررراََ خلصت من الاوباش
و اخيراََ تحررت روحي من ظلمهم
صح دخلنه سوريا بس المسافه من معبر الوليد الريف دمشق حسب مسما علوش ووداني  اله الولد هم بالساعات ياله وصلنه
بس لو يفتر بيه عمر كامل هم راضي المهم دخلت سوريا
بس هاي الفرحة مو مكتمله صح اني وصلت بر الامان بس عائلتي بالخطر بعمق التهديد
هنا تتلاشه فرحتي وضحكاتي
بعد ما دخلنه سوريا
ولاحتني  نسمات الهوا
وداعبتني ورود الياسمين
واعلن السايق وصولي الحي التين او الزيتون هيج جان اسم الحي وجان مشهور بأسم سوگ العراقيين وكفني يم مكتب عليه لافته كبيره مكتوب مكتب الشايب
جاهد _تفضل هذا حقك

_تسلم

جاهد _ انا ادري اهل الناصريه اهل كررم
اريد منك شغله تساعدني بيها

_شنو

_هذا المكتب يوميا راح تلكاني يمه الصبح  هيج وكت نفس هذاا الوكت كلش فدوه لا تتأخر عليه
انا روحي بقت يم اهلي

_لا تخاف باذن الله كلهم يوصلولك

_ولو وصلت طمن اخووتي كلهم اخوكم وصل

_حاضر حضنته وامنته   امانه وخطيه هو اكدلي الاريده يصير
سوگ العراقيين عباره عن شارع طويل وعلى جهة اليسار محلات وعلى جهة اليمين محلات الحلو مو بس اني احجي  عراقي عبالك بحي من احياء بلدي بس احس بالغربة طبعاََ
واني امشي وفرحان بالاشوفه وبالامان الفقدته من سنين طويله  وامشي وما خايف واباوع بوجوه الناس وما اخاف من نضراتهم ولا ينتابني الشكوك هذا امن لو لا صاحلي سوري

انت عراقي معلم

_اي نعم

_حضني وگلي يا اهلين بولد العم
اللهجة السوريا هاي قصة بحالها
و الكلمات بمثابة ديوان شعر
والسلام فعلاََ جان سلام
التمس گلبي

_شوو بشوفك  متفاجأ في شي بدك شي

_والله اني هسا وصلت من العراق وكلشي ما اعرف

_لا ولو لا تحكي هيك تعا

_اخذني ويا وكام  يشرحلي هاي كهوه عراقيه و هاي مطاعم عراقية وهاي كلها اهلنه وناسنه دارني الجهة اليمين وگال

_هيدي السيدة زينب بنت الامام علي

_لا اردياََ نحنيت وسلمت

_اذا بدك شي احكيلي

_تخيلو الاذا وهيه تنطق ازا مع اللكنه السوريا
حبيتها هواي مدري اني حاب بهاي اللحظه كلشي
تشكرت منه وكملت  طريقي گلت ادخل الحرم السيده زينب اكيد اكو ماي ع الاقل اشرب ماي ونشوف بعدين شنو يصير
واني قريب ادخل صرت قريب رحاب حضرتها
جان اكو شايب شايل جنطته بالگوه خطية... شالتني الحمية وشلتها اله وين تريدني اوديها الك حجي
جانت اللهجة قريبه للسوريا بس مو مثل الولد الحجة وياي قبل شوي  لا اردياََ جاوبته انت سوري

_لا يا ابني انا لبناني

_يا اهلاََ وسهلاََ
طلب مني اخذ الجنطة  للامانات مالت السيده
عمي اني ما اندل اذا تندل اني اوصلها الك تدلل

_اخذني ويا وصلتها اله  للامانات اجيت اكله في امان الله طلع فلوس وانطاني تعا يا ابني لوين رايح هولي حقك

_ما اعرف للعمله ولا شگد انطاني
بس شايفين بالفرج هذا فرج ربي عليه
بعدني هسااا داخل وجنت ناوي بس اشيلها واساعد هذا الرجال مقصدي عمل  الخير بس الرجال ما قصر ما اخذت المبلغ كله
بس كتله اني ما عندي فلوس اكل انطيني نصهن والباقي اسالك الدعاء
انطاني المبلغ وتشكر مني وراح
بقيت ادور على مكان للشرب الحد ما شربت
اجذب اذا اكلكم زرت ما اعرف ازور ولا اعرف شنو الناس تسوي بهاي المواقف اييي اعرف ببغداد جنه نروح قريب الامام الكاظم بس بحياتي ما زاير ولا داخل وخجلت ادخل شربت ماي ومن بعيد نحنيت وطلعت
دخلت محل غذائيه ووكفت يم الولد بدون ما يحجي گتله خويه انا عندي هذا المبلغ ما اعرف شگد بس انطيني بي شي اكله اي شي..
ضحك عليه

_انت اول مره تجي السوريا

_وداعتك اول ساعة الي بسوريا

_هههههه اكعد يمعود اكعد

_طلع واحد من عدنه

_بده يسألني واني اجاوب ع الاكدر عليه
كتله اني منهزم من العراق و بعدني كلشي ما اعرف هنا ودكني الجوع وداعتك

_ابقه بالمحل هسا شوي واجيك

_تمام بس لو اطلع بره احسن

_لا  لا خليك بالمحل هسا اجي

_بقيت كاعد ابد ما مديت  ايدي على شي خطيه امني على محلة  بس اباوع الكلشي بالمحل واريد اكله كله متت من الجوع
دخل للمحل  بصينيه بيها طبخ عراقي

_تفضل هذا طبخ الوالده تعال اني وياك ناكل

_حتى ما كتله لا ومدري شنو جيتت جفت اكلت بفجاعة بدون ما احس بروحي
من باوعت الروحي  خجلت وتعذرت من الولد

_يمعود صدگ جذب ولا يهمك هيه امي طبخها طيب
وهاي الفلوس العندك ٥٠ ليره يطلعن الفين عراقي

_شكرََا شنو اكدر اسوي بيهن

_تكدر تشتري لفة شاورما
تكدر تشتري مسبحة هواي شغلات تكدر تشتري بيهن
عندك مكان تنام بي؟

_لا والله

_اكو هنا حسينيه اسمها الزينبيه روحلهم يباتون بيها ناس

جاهد _يقبل صاحبها

_اي  اي يقبل بس تحجي ويا ما يگول بي شي شفت جم مره واحد نايم جوه وهم بيها حمامات

_رحم الله والديك  ما قصرت
من طلعت انطاني جبس و نستله وما قبل انطي فلوس گلي احسبهن دين من يصير عندك تعال ونطينياهن
تشكرت منه وطلعت
بقيت قريب الحرم عسا ولعل اكدر بعد اشيلي جنطه واخذلي جم فلس وفعلاََ اجتي عائلة عراقية
ما قصرو انطوني جم فلس
جنت اخجل اخذهن بس من لا جاره
ادري الجماعة بالعراق ما بقه عدهم فلوس ولازم افكر صح وادبرلي جم فلس الحد ما يوصلولي مو ابقه خال ايدي على خدي لاززم يبدي وقت الجد هساا

سألت عن الحسينيه الزينبيه دلوني عليها
وصلت هناك و طلبت احجي وي صاحبها

عمي اني ما اكدر اليوم ادخل فندق تكدر اساعدني وهم  والله غير هل جم فلس ما عندي

_صدگ جذب ادخل ولا تهتم يمك حمامات هسا راح تصير صلاة الظهر هم توضه وصلي

_ان شاء الله
........

مناسك _ثاني يوم بالليل رجع الولد
بس دخل ولدنه نزلو بشرر

_لا تخاف صاحبكم صار بسوريا  لا تسألني بشر
مدام شفتني معناها هو بخير قابل اذا لزمو  يخلوني غير يحطوني جوه تاير السياره ويسويني مريد

_يعني اخوي دخل سورياا

_اييي وصلته  يم السيده كلش وگال اذا طلعت اهلي تجيبهم يم مكتب الشايب وهو بخير

مناسك _واحد حضن الثاني صليل شال سائد من الفرح وحضنو علوش وتشكرو منه انطو فلوس المبيت و گلوله هسا يمته نطلع زوجة اخوي

_باجر بنفس الوقت نطلع خلوني اروح  انام عيوني ما ظليت اشوف بيهن

_الله وياك ما قصرت ما قصرت

مناسك _ حفلة سوو فوگ وراساََ گلولنه جعنه  سوولنه اي شي لو تكصولنه طماطه وبصل وخبز هم نعمه بس انطونه اكل

صليل _سبع دخلها للشام

_معدددل ابو الجواهد

مياسين _ هسا منو راح يطلع باجر

سائد _رحمة هاا رحمة تدبريها

_انتظرررر هاي اللحظه من سنيننننن
غصباََ على روحييي ادبرهاا 

يتبع......